Mbështetja e PLL për Palokën, Spahia emërohet zv-ministër

Berisha gjatë një takimi me kryetarin e PLL-së Ekrem Spahia

B.Sinani

30-08-2007

TIRANË- Ekrem Spahia është emëruar zv/ministër i Turizmit, Kulturës, Rinisë dhe Sporteve. Që nga dita e djeshme, kryetari i Partisë Lëvizja e Legalitetit do t'i shtohet qeverisë së koalicionit të djathtë, ndonëse duke marrë një post të nivelit të dytë, siç është ai i zv/ministrit. Këshilli i Ministrave vendosi gjatë mbledhjes së djeshme emërimin e Ekrem Spahisë si numrin dy të ministrisë së Turizmit, duke liruar nga detyra Neritan Alibalin, përfaqësuesin e Partisë Republikane që deri dje mbante postin në të cilin është emëruar kreu i PLL-së. Por, menjëherë sapo është liruar nga detyra e zv/ministrit të Turizmit, Neritan Alibali është emëruar në atë zv/ministrit të Ekonomisë, Tregtisë dhe Energjitikës, duke zënë vendin bosh që këtë ministri që kishte mbetur nga largimi i Gjergji Bojaxhiut në krye të Korporatës Energjitike Shqiptare.

Ndonëse në vendimet përkatëse që u morën dje nuk qartësohen arsyet që kanë shtyrë Kryeministrin Berisha për të bërë një lëvizje të tillë në kabinetin qeveritar, pra në emërimin e Ekrem Spahisë si zv/ministër i Turizmit, situata politike në të cilën ndodh ky emërim vërteton më së miri se ky është një lloj pakti mes Berishës dhe PLL-së për zgjedhjet e pjesshme në zonën zgjedhore nr 31. Kjo pasi, pak ditë më parë Ekrem Spahia, si kryetar i legalistëve, ka shprehur mbështetjen e tij për kandidatin e PD-së në këtë zonë zgjedhore, Edi Paloka, në një kohë që paraprakisht nënkryetari i PLL-së, Murat Basha kishte shprehur dëshirën për të qenë kandidat i mazhorancës së djathtë.

Në këtë mënyrë, mbështetja e Lëvizjes së Legalitetit për kandidatin e Partisë Demokratike, votat pro të legalistëve për Edi Palokën, dhe tërheqja e Murat Bashës nga kandidimi, apo edhe qëndrimi i tyre kundër LZHK-së, "shpërblehet" nga Kryeministri Sali Berisha me një post ekzekutiv për kryetarin Ekrem Spahia. Duke bërë një lëvizje të tillë, kryeministri Sali Berisha minimizon paksa rrezikun e rrjedhjes së votave të elektoratit të djathtë, duke qenë se në garën elektorale mbetet ende kandidati i LZHK-së, Dashamir Shehi. Marrëdhëniet mes PLL-së dhe PD-së kanë pasur gjithnjë luhatjet e tyre. Kështu, në zgjedhjet parlamentare të 2005-ës PLL kandidoi në koalicion me Lëvizjen për Zhvillim Kombëtar, të kryesuar atëherë nga Mbreti Leka Zog, ndërsa në zgjedhjet vendore të 18 shkurtit 2007 përkrah PD-së dhe Berishës.

http://www.balkanweb.com/gazetav4/index.php?id=19836

Spahia: Në qeveri, por s'heq dorë nga monarkia

31/08/2007 - 07:24
•

Eqerem Spahia, kryetari i Partisë Lëvizja e Legalitetit, bëri të ditur dje se emërimi i tij në postin e zëvendësministrit të Kulturës, Turizmit dhe Sportit nuk është një kompensim nga ana e Berishës, që kandidati i kësaj partie, Murat Basha të tërhiqej nga gara. Në intervistën e tij, ai thekson se emërimi ka ardhur si rrjedhë logjike e marrëdhënieve me PD-në dhe koalicionin e djathtë. Pavarësisht se ai, por edhe pinjolli i familjes mbretërore, Princi Leka, punojnë për qeverinë shqiptare, e formuar nga një koalicion kundër monarkisë, thekson se PLL-ja nuk heq dorë nga referendumi mbarëpopullor për të ndryshuar sistemin.
Çfarë natyre do të ketë partia juaj, kur dihet se ju jeni për monarkinë dhe jo për republikën?
Ne falenderojmë Kryeministrin Berisha dhe gjithë anëtarët e KM-së për vendimin që kanë marrë në emërimin si zëvendësministër. Ku është vlerësim dhe besim që kanë te kjo parti, për vetë vlerat që mbart edhe për t'u bërë pjesë e qeverisë në përmbushjen e programit të kësaj maxhorance, që është në gjysmën e dytë të mandatit të saj.
Si do kontribuoni për monarkinë shqiptare, ndërkohë që po jepni kontribut për republikën?
PLL-ja është parti specifike në Shqipëri, që brenda Kushtetutës kërkon një sistem ndryshe, nëpërmjet rrugëve legjitime, siç është referendumi mbarëpopullor dhe kjo është e sanksionuar në Kushtetutën e këtij vendi. Kjo është një pikë e programit tonë, ndërsa pikat e tjera janë të përbashkëta me partitë e djathta në shumë drejtime. Kjo pikë që na ndan me formën e sistemit nuk ka të bëjë në këtë mes, ndërkohë që gjithë pikat e tjera na bashkojnë. Kjo nuk është aleancë e re. PLL-ja ka qenë në koalicion me PD dhe me PR-në, siç ka qenë Bashkimi për Demokraci, 1997-2001 dhe Bashkimi për Fitore, 2001-2005. Nuk është diçka e re koalicioni jonë me PD-në, por në vazhdën e marrëdhënieve të mira me PD-në dhe me partitë e tjera të koalicionit.
Shkëputje ka qenë vetëm 2005, që legaliteti mbështeti lëvizjen e ideuar nga Mbreti Leka.
Princi Leka i pari dhe ju tani, i dyti, që bëheni pjesë e qeverisjes, a mendoni se po ju komprometojnë lëvizjen monarkiste partitë politike që janë për republikën?
Princi Leka është me një funksion që është në shërbim të diplomacisë dhe shtetit shqiptar dhe nuk ka të bëjë me pozicionin partiak. Kontributi i familjes mbretërore do të jetë në dobi të kombit shqiptar. Ndërsa angazhimi i PLL-së në qeverisjen e vendit është një vlerësim dhe duke menduar që legaliteti do të japë kontributin maksimal në këtë qeveri, për të përmbushur programin e qeverisë.
Flitet shumë që emërimi juaj ka ardhur si kompensim i Berishës pas tërheqjes së kandidatit tuaj për zonën zgjedhore 31, Murat Basha. A është e vërtetë kjo gjë?
Ky emërim nuk ka të bëjë me zgjedhjet e pjesshme në zonën 31, pasi ky emërim pritej prej kohësh dhe koincidenca mund të bëjë dyshues ndonjë subjekt politik apo media. Por kjo nuk ka të bëjë aspak. Ne qëndrimin tonë e kemi bërë që me datën 18 korrik 2005, që PLL-ja nuk bën pjesë në formacion tjetër, pra është në zbatim të programit të saj dhe kemi mbështetur PD-në që në fitoren e 3 korrikut 2005. Nuk është një kompensim për zonën 31, por është rrjedhë logjike normale e ecurisë së marrëdhënieve PD-PLL.

http://www.panorama.com.al/

Besnik Mustafaj: Kërkohen ndryshime në qeveri

Vendosur: 31/08/2007 - 09:02
• Ish-ministri i Jashtëm, Besnik Mustafaj, të cilin e gjetëm në zyrën e tij elektorale pranë gjimnazit “Partizani”, shprehet se nuk është penduar për vendimin e tij të dorëheqjes si ministër i qeverisë "Berisha".

Aristir Lumezi

Sipas tij, qeveria ka nevojë për ndryshime edhe për shkak se në zgjedhjet vendore, disa ministra kanë humbur mjaft terren në zonat e tyre elektorale.
Për herë të parë Mustafaj sulmon hapur avokat Ngjelën duke e cilësuar atë provokator. Sipas tij, Ngjela nuk ka lidhje të forta me Partinë Demokratike dhe as histori në këtë parti. Duke komentuar zgjedhjet e pjesshme në zonën 31 Mustafaj shprehet kritik ndaj Dashamir Shehit, i cili ka hyrë në garë për t'i prishur punë kandidatit të Partisë Demokratike Edi Paloka. Në lidhje me ndryshimet në PD, Mustafaj përmend një sërë emrash favoritë për kryetarin e grupit parlamentar dhe shprehet se ai s'duhet të jetë një "yes men" i qeverisë. Por ish-ministri i Jashtëm e cilëson avokat Ngjelën provokator në PD dhe aspak njeri me lidhje të forta në këtë parti.
Zoti Mustafaj, në zonën 31 do të kemi zgjedhje të pjesshme ku përballë kandidatit të opozitës së bashkuar kemi dy kandidatë të maxhorancës. Sa kjo përballje favorizon kandidatin e majtë?
E mira do të ishte që e djathta të dilte me një kandidat, aq më tepër që PD dhe maxhoranca qeverisëse ofron një kandidat serioz, siç është Edi Paloka, një njeri me shumë cilësi, me eksperiencë politike dhe drejtues i sprovuar, siç është drejtimi prej tij në këto dy vjet i ATSH. Por mua të them të drejtën nuk arrij ta kuptoj qëndrimin e Dashamir Shehit, sepse nuk më duket dinjitoze një gjë e tillë. Pasi një njeri me përvojë në politikë prej 16 vjetësh, një njeri që në qeverisjen e parë të PD-së ka marrë gjithçka të mundshme deri në zv/kryeministër, njeriu që e braktisi PD-në kur ajo humbi pushtetin, që e lidhi qenien në PD me qenien në pushtet dhe tani pretendon të rikthehet në koalicionin e qendrës së djathtë dhe futet në zgjedhje për të prishur punë. Nuk shkon një burrë 50 vjeç në politikë për të prishur punë, pasi nuk është dinjitoze për të. Pra në këtë kuptim unë jam i bindur që elektorati i kësaj zone do ta lexojë shumë qartë prezencën e Dashamir Shehit në këtë garë dhe nuk do t'ia lejojë vetes që të bjerë në kurthin e obskursionizmit dhe përçarjes së elektoratit.
Pas lënies së mandateve të Bamir Topit në PD, ka një garë për ta zëvendësuar atë. Mendoni se do të ketë një garë vlerash apo një emërim të kryetarit?
Unë jam i vendosur që kjo të jetë garë vlerash, pra në gjithë influencën time qoftë si anëtar i grupit parlamentar, qoftë dhe si anëtar i Këshillit Kombëtar apo strukturat e tjera të partisë unë do të luftoj që kjo të jetë një garë. PD nuk mund të jetë një parti emërimesh, sidomos tani që është në pushtet. Posti i kryetarit të grupit parlamentar është shumë delikat dhe shumë specifik, sepse do të duhet një deputet që të ketë autoritetin e nevojshëm mbi grupin parlamentar, që të sigurojë kohezion dhe homogjenitet në qëndrimet e grupit parlamentar, duhet të jetë një njeri me eksperiencë politike që të mbrojë mirë përpara gjithë Parlamentit vendimet, ligjet dhe politikën e qeverisë, duhet të jetë gjithashtu një njeri që ka një frymë analitike mbi veprimet e qeverisë. Ai nuk mund të jetë një "yes men" i qeverisë, por një njeri që analizon punën e qeverisë.
Kush mendoni se mund të jetë kandidatura më përfaqësuese për kreun e grupit parlamentar të Partisë Demokratike?
Unë e kam thënë dhe herë tjetër se në grupin tonë parlamentar ka personalitete shumë të individualizuara, të përshtatshme për ta bërë këtë detyrë. Ndër ta tani më bie ndërmend mund të them Rexhep Uka, Pëllumb Spaho, Aleksandër Biberaj, Preç Zogaj e shumë të tjerë që të mos bëj një listë shumë të gjatë.
Zoti Berisha ka lënë të kuptohet se koalicioni maxhoritar mund të pësojë ndryshime me hyrjen dhe të partive të tjera, përfshi këtu dhe ato të spektrit opozitar. Mendoni se ka nevojë për ndryshime në qeveri, lëvizje ministrash apo një konceptim tjetër qeverisës?
Zgjerimi apo mbajtja në formatin e tanishëm të koalicionit qeveritar nuk është përcaktuese për ndryshimet në qeveri. Unë mendoj se ka nevojë për ndryshime në qeveri, ka nevojë për një bilanc ministrash, bilanci duhet të jetë edhe në raport me rezultatet e tyre në dikasteret që ata drejtojnë por si njerëz politikë, bilanci duhet të bëhet edhe në raport me zgjedhjet e 18 shkurtit për pushtetin vendor. Ministra që masivisht kanë humbur thellë në zonat ku ata janë deputetë, ata duhet të shohin vlerësimin e tyre politik në postet që mbajnë.
Si do të konsiderohej krijimi i aleancave të reja në Kuvend në funksion të reformave të mëdha integruese, që do të kërkojnë dhe ndryshime kushtetuese?
Fjala aleancë, ndoshta nuk është termi më i përshtatshëm, por që duhen krijuar konsensuse mirëkuptimi për ligje apo programe konkrete, që kanë të bëjnë me integrimin në BE dhe NATO, kjo është e domosdoshme dhe seanca plenare ku mblidhen të gjithë deputetët është vendi më i përshtatshëm, po ashtu dhe komisionet parlamentare ku janë përfaqësuesit e të gjithë spektrave parlamentare. Besoj se mundësitë institucionale ekzistojnë, një vullnet i shprehur për të punuar së bashku për këto reforma ekziston edhe nga opozita, edhe nga maxhoranca, tani duhet vetëm konkretizimi.
Ju flisni për konsensuse mirëkuptimi mes pozitës dhe opozitës, ndërkohë që brenda PS-së kemi një prishje të mirëkuptimeve..?
Mua më shqetëson ajo që ka ndodhur këtë verë në Partinë Socialiste, sepse përfundimisht kryetari i PS-së Edi Rama ka nxjerrë jashtë loje grupin parlamentar. Në një demokraci grupi parlamentar është struktura politike më vizibël, më e dukshme e partisë, është më përfaqësuesja e elektoratit të gjerë dhe ngritja e partisë, pra e kryetarit mbi strukturat parlamentare të partisë është në dëm të rolit të opozitës në shërbim të vendit. Nëpërmjet përjashtimit Rama i ka futur frikën të gjithë deputetëve të tjerë të grupit parlamentar, pra në mënyrë të dëmshme ai ka minuar rolin që duhet të luajë opozita në reformat e mëdha për çuarjen përpara të vendit drejt NATO-s, si objektivi më i afërt për vendin.
Sa e ka ndihmuar opozita qeverinë në kryerjen e misionit të saj në mënyrë sa më të suksesshme, duke e vënë përballë zgjidhjeve alternative, apo kemi pasur opozita vetëm për opozitë?
Unë mund të them se opozita në këto dy vjet ka qenë një opozitë obstruksioniste, një opozitë spektakolare vetëm, kujtoj këtu daullet, bilbilat, apo pjesët e spektaklit të saj në Parlament, çka në thelb nuk e vë maxhorancën në pozita pune, pasi këtu nuk i bëhet analizë veprimeve, qëndrimeve që merr maxhoranca, por bëhet një show, një spektakël për ta parë në televizor dhe në këtë masë gabimet e bëra nga maxhoranca dhe vetë kryeministri janë edhe pasojë e mosekzistencës së një opozite serioze, analitike me programe, alternativa që paraqitet në Kuvend. Ka qenë një luks i madh për këtë qeverisje sa ç'ka qenë dhe i dëmshëm mungesa e kësaj opozite.
Në mandatin e saj të parë PD bëri një shpërndarje të pronës publike pa respektuar ish-pronarët, ndërsa tani me rregullimet e reja ligjore kërkon të gjejë pronarët e vërtetë, duke ndryshuar titujt e pronësisë. Sa ligjore mendoni se është kjo dhe çfarë pasojash sociale mund të sjellë?
Sa ligjore nuk mund ta them se nuk jam jurist. Unë mund të them që ky është një vendim politik që tregon pjekuri politike nga ana e PD-së, një identifikim më të mirë të saj, të interesave, të atyre që e mbështesin dhe kur them se tregon pjekuri dua të them, se kur një parti synon të vetëkorrigjohet në mënyrë të rregullt dhe parimore për mua është treguesi i një serioziteti të madh dhe përgjegjësie që kjo parti merr para kombit. Unë e mbështes këtë nismë.
Nuk mund të krijojë kjo probleme të mprehta sociale?
Eshtë në detyrën e qeverisë që në çdo veprim që ndërmerr të parashikojë dhe pasojat dhe përballimin e tyre. Nëse do të ketë probleme sociale qeveria me siguri duhet t'i përballojë këto pasoja pa tronditje. Nëse ajo ka marrë një vendim të tillë, që unë e mbështes dhe nuk ka marrë parasysh dhe parashikuar përballimin e pasojave sociale për një rast të tillë, atëherë unë do të jem kritik.
Si dhe në mandatin e parë qeverisës, kryeministri Berisha kërkoi rishikimin e historisë. Në rastin e parë ky rishikim vuri në diskutim datën e çlirimit të vendit e deri dhe të LANÇ-it. Çfarë pasojash mund të ketë një rishikim i historisë në këto momente?
E vërteta është se qeveria përpiqet t'i hapë rrugë rishikimit të historisë dhe kjo është bërë në të gjitha vendet ish-komuniste dhe ne jemi të vonuar në këtë pikë. Vendimi duhet inkurajuar, pastaj rishikimin nuk duhet ta bëjnë më politikanët. Politika i hap rrugën një procesi, por procesin do ta realizojnë historianët, njerëzit që kanë kompetencën e nevojshme shkencore, pasi rishikimi i historisë është një rezultat shkencor dhe jo një rezultat politik, ndërsa hapja e rrugës, krijimi i mundësisë është një veprim politik.
Një tjetër nismë e maxhorancës është zbardhja e disa çështjeve të vitit '97. Në aspektin juridik mendoni se zbardhja e tyre nuk do të ketë ndikimin politik?
Unë jam i mendimit se për drejtësinë nuk është kurrë vonë, mendoj se vonesa e shkaktuar në gjykimin e atyre që sulmuan shtetin, pra jo pushtetin, sulmet ndaj policisë, ndaj institucioneve, bibliotekave janë sulme ndaj shtetit duhet të ishin gjykuar gjatë periudhës socialiste. Pra nuk është kurrë vonë të vendoset drejtësi, procesi nuk duhet kurrë të politizohet. Deri tani është në duart e drejtësisë, në fund të fundit përsëri do të jetë drejtësia që do të thotë fjalën e saj, qoftë prokurorët, qoftë gjykatësit. Pra, mua nuk më duket se ka vend për politizim, siç dhe jam i bindur se nuk është kurrë vonë për të vendosur drejtësi dhe për të treguar se shteti është etern dhe pushteti është i ndërrueshëm. Pra shteti nuk duhet sulmuar sepse është një nevojë për gjithë shoqërinë.
Kanë kaluar 16 vjet demokraci, mendoni se PD është demokratizuar brenda saj apo parti të tjera dhe të spektrave të tjerë po imitojnë PD, veçanërisht në lidhje me mendimin ndryshe brenda tyre?
Partia Demokratike ka qenë një parti dinamike që në themelimin e saj e deri më sot. Kjo është një pasuri e madhe në trashëgiminë dhe në eksperiencën e PD-së. Dinamizmi prodhon personalitete të shumta. Unë jam i bindur se PD është sot partia më demokratike në vend, ç'ka nuk do të thotë se ajo nuk ka nevojë për një modernizim dhe vitalizim të mëtejshëm të saj. Vjeshta dhe dy vitet që kemi përpara, sepse pas zgjedhjeve të presidentit dhe zgjedhjeve lokale, ne kemi kohë si parti më të qetë për të bërë reforma për të modernizuar partinë, për t'u përgatitur për zgjedhjet e ardhshme.
Përveç disa zërave ndryshe në forumet e PD-së, si ju, zoti Ngjela, Omer Stringa e ndonjë tjetër, mund të flasim për një prani të mendimit ndryshe në PD dhe pa pasoja politike?
Deri tani nuk ka askush pasoja politike. Kjo është një gjë e sigurt. Ngjelën unë nuk e fus te mendimi ndryshe, ai është një provokator dhe pa lidhje të forta me Partinë Demokratike, nuk ka histori brenda PD-së. Por unë mendoj se ka një truall të mirë debati brenda PD-së dhe ky truall bëhet pjellor nëse funksionojnë mirë strukturat e PD-së, Këshilli Kombëtare, të jetë më dinamik grupi parlamentar si strukturë politike e partisë edhe kryesia mund të ketë një rol më të hapur, por në kuptimin e vërtetë të fjalës PD është një parti e debatit. Nëse ka nevojë apo mundësi që ky debat të jetë më sistematik, më i strukturuar më në shërbim të programit qeverisës, kjo është një gjë e padiskutueshme dhe kjo realizohet duke i bërë funksionale strukturat politike dhe statutore të PD-së.
Presidenti Topi menjëherë pas marrjes së detyrës ka marrë garanci nga krerët e partive politike për vendosjen e një mandati për prokurorin e Përgjithshëm. Mendoni se mund të shkojmë në një përplasje të re mes ekzekutivit dhe Prokurorisë së Përgjithshme, duke pasur si mbështetës këtë radhë dhe Presidentin e Republikës?
Unë kam qenë dhe jam i bindur se reforma në drejtësi ka shumë për të bërë, është një nevojë që buron nga realiteti, është një konstatim që gjendet në të gjitha raportet ndërkombëtare për reformat e nevojshme komplekse që ka vendi, reformat në drejtësi konsiderohet më e prapambetura dhe mandati i prokurorit të Përgjithshëm është pjesë e kësaj reforme. Pra, unë nuk dua të hyj në detaje teknike sepse nuk është në kompetencën time të hyj në detaje teknike. Unë jam i bindur se qenia e zotit Topi në funksionin e kryetarit të shtetit, eksperienca e tij politike si kryetar i grupit parlamentar të maxhorancës, konstatimet që ka ai në këto funksione do ta ndihmojnë që të marrë vendime sa më të drejta dhe të mundshme në përputhje me Kushtetutën.
Dua të flasim pak për dikasterin që ju keni mbuluar, Ministrinë e Jashtme. Tashmë jemi ende në bisedime dhe negociata në lidhje me statusin e Kosovës. Mendoni se diplomacia shqiptare nuk luajti sa duhet rolin e saj në përmbylljen e negociatave dhe përcaktimin e statusit të Kosovës?
Unë jam i bindur se përderisa ka përfunduar raporti i presidentit Ahtisari unë kam qenë vetë aktiv, por jo aktor siç e kam formuluar qëndrimin e diplomacisë shqiptare në atë periudhë. Unë jam i bindur se diplomacia shqiptare ka dhënë gjithë mbështetjen e nevojshme negociatave, duke inkurajuar faktorët shqiptarë të Kosovës për kompromis, ka qenë një adresë e rëndësishme diplomatike për të gjithë aktorët e zgjidhjes së çështjes së Kosovës. Problemi është tani, që raporti i presidentit Ahtisari ka rrezikun e shpërfilljes. Unë mendoj se diplomacia shqiptare në raport me konkluzionet dhe rekomandimet e presidentit Ahtisari e ka kryer plotësisht detyrën e saj dhe është paraqitur shumë dinjitoze, qoftë përkrah atyre që e kanë mbështetur idenë e kompromisit për të kufizuar në kohë periudhën e negociatave ashtu siç e kërkonte presidenti Ahtisari, këtu kam parasysh SHBA, Francën, Britaninë e Madhe dhe vende të tjera të BE-së, po aq dinjitoze ka qenë dhe përballë Rusisë që ishte deri në fund kundër caktimit të një limiti kohor në negociata dhe kundër marrjes së një vendimi që nuk pranohej nga serbët. Unë vetë gjatë vitit 2006 kam pasur katër takime me ministrin e Jashtëm rus Lavrov, dhe kanë qenë takime ku kemi shkëmbyer gjerësisht mendimet tona. Unë dua të siguroj të gjithë lexuesit e gazetës suaj, se diplomacia shqiptare ka qenë në lartësinë e nevojshme.
Zoti Mustafaj, jeni penduar për dorëheqjen tuaj si ministër i Jashtëm, apo sot mendoni se do kishit bërë mirë të qëndronit në kabinetin qeveritar?
Përgjithësisht unë i marr vendimet pasi i peshoj mirë në kokë. Pra, mendoj se kam marrë një mendim në përputhje me parimet e mia dhe përsa është në përputhje me parimet e mia nuk jam penduar aspak.

Kryeredaktor Astrit Patozi

Intervista

Intervistë e kryetares së Kuvendit, Jozefina Topalli: Është një fat i madh që SHBA janë liderë të procesin e Kosovës

Ndryshimi i kushtetutës, një domosdoshmëri

- Zonja Topalli si e vlerësoni deri më tani fazën e diskutimeve prej 120 ditësh për përcaktimin e statusit të Kosovës?

Unë nuk e shoh si diçka tragjikë faktin që duhen edhe 120 ditë të tjera për të negociuar. Në fund të fundit 120 ditë nuk janë asgjë kur të mendosh se në fund të këtij procesi do të jetë pavarësia. Gjithsesi çështja e Kosovës vazhdon të mbetet e vështirë, pavarësisht se kam përsëritur faktin që pavarësia është një proces tashmë i konsumuar. Se cila do të jetë rruga e formalizimit të kësaj pavarësie - a do bëhet t menjëherë pas 120 ditësh apo do kërkojë më shumë kohë - mbetet për t'u parë. Natyrisht që menaxhimi i pavarësisë është diçka shumë e rëndësishme. Është fat imadh që SHBA-të janë liderë në këtë proces dhe për çështjen e Kosovës, si çështje evropiane, të ketë një qëndrim unik nga vendet e BE-së, për pavarësinë e Kosovës. Ndërkohë duhet të kemi parasyshë faktin që edhe gjatë kësaj periudhe në analiza dhe opionionet e ndryshme vazhdon të mëshohet ideja që paketa Ahtisari është kompromisi më i mirë i mundshëm për t'i shërbyer stausit final të Kosovës, paqes dhe qëndrueshmërisë së rajonit për të ardhmen.

- Me fillimin e punimeve të Parlamentit a do të këtë iniciativa në mbështetje të kësaj çështjeje?

Absolutisht. Parlamenti shqiptar në këto17 vjetë ka qenë një mbrojtës i qëndrueshëm i çështjes së Kosovës, kur në vendet tjera nuk flitej fare për këtë çështje. Kjo është një histori me rezoluta të përsëritura, të ndryshme në çdo legjislaturë të Parlamentit në mbështëtjë të kësaj çështjeje. Por është e rëndësishmë që deputetët të punojnë dhe të lobojnë fort në vende të ndryshmë në mbështetje të paketës Ahtisaari.

- Ju njiheni si politikane akitve midis Prishtinës dhe Tiranës zyrtare. Ndërkohë sipas disa opinioneve ka rezerva përsa i përket punës së diplomacisë…

Unë besoj së qëndrimi është unik nga të gjitha institucionet dhe partitë politike; për këtë çështje nuk ka patur ndonjëherë diferencë. Besoj që edhe vizita e presidentit Bush në fund të fundit tregoi dimensionin e punës së shtetit shqiptar përfshirë edhe punën e diplomacisë. Është për t'u theksuar artikulimi dhe qëndrimi i presidentit amerikan si një ndër arritjet më të rëndësishme të politikës globale, në mbështëtje të pavarësisë së Kosovës. Pas mbështetjes konsekuente dhe të qartë të SHBA-ve është shumë e rëndësishme që BE-ja të jetë realiste në menaxhimin e pavarësisë dhe projektit afatgjatë të Kosovës në procësin e integrimit. Mua më vjen shumë mirë që tashmë Parlamenti i Kosovës ka filluar punën për të konkretizuar paketën Ahtisaari, nëpërmjët miratimit të ligjeve të rëndësishme të kësaj pakete, të cilat nuk bëjnë gjë tjëtër veçse projektojnë një shtet të qëndrueshëm dhe afatgjatë në rajonin tonë. Kjo është një gjë shumë serioze sepse ata e shohin shtetin e ardhshëm të ri të Kosovës, të bazuar në një kornizë kushtetuese dhe ligjore, të pranueshme ne standarde edhe me projektin e perspektivës evropianë të rajonit tonë.

Cilat do të jenë disa nga drejtimet kryesore të reformave që do ndërmerren tashmë në Parlament përsa i përket politikës së brendshme?

Vazhdon të mbetet prioritet reforma zgjedhore. Kjo është vlerësuar si një shtyllë e rëndësishme e një reforme më të gjërë institucionale dhe konstitucionale, e cila është një domodsdoshmëri e parë dhe e dëshmuar në momente të vështira që kanë kaluar disa intitucione. Këtu kam parasysh prekjen e disa kapitujve të Kushtetutës, për t'i dhënë mundësi shtetit shqiptar që kjo Kushtetutë të shërbejë si një instrument shumë i rëndësishëm, për të kapërcyer krizat dhe jo për të krijuar ngërçe. Sigurisht që kjo kërkon një bashkëpunim shumë të afërt, të sinqertë dhe me një sens të madh përgjegjësie, midis mazhorancës dhe opozitës. Është shumë e rëndësishme që të vazhdohet me lobimin e fuqishëm dhe të punohet në funksion të standardeve për të marrë ftesën për anëtarësim në NATO. Ne kemi ngritur një komsionin Ad Hoc për NATO-n, në Parlament. Ato po punojnë për një program takimesh jo vëtëm me ambasadorë, por edhe me strukturat ndërkombëtare, për të marrë një mbështetje maksimale ndërkombëtare.

Ndërkohë Marëvëshja e Stabilizim Asociimit po ecën shumë mirë. Do të ketë përpjekje të tjera të Parlamentit tonë, që kjo marrëveshje të ratifikohet nga vendet e tjera të BE-së. Të gjithja këto lëvizje do të kenë tri elemente kryesore brenda tyre; Mbështetje për ratifikimin e MSA-së, mbështetje për të marrë ftesën për anëtarësim në NATO dhe sigurisht vazhdon të mbetet prioritet mbështetja për pavarësinë e Kosovës dhe paketës Ahtisaari, si kompromisi më i mirë i mundshëm, për të siguruar një prjekt për rajon të qetë, stabil dhe rritje ekonomike në perspektivë.

Radio Europa e Lirë

Kryeredaktor Astrit Patozi

Politika

Berisha dhe ministri gjerman i Mbrojtjes deklarohen kundër ndarjes së Kosovës dhe përkrahin Planin e Ahtisaarit

Jung: Mbështesim anëtarësimin e Shqipërisë në NATO

Gjermania do të mbështesë plotësisht përpjekjet e Shqipërisë për anëtarësim në NATO, në samitin e Bukureshtit që do të mbahet në prill të vitit të ardhshëm. Këtë e konfirmoi dje ministri gjerman i Mbrojtjes Franz Jozef Jung, gjatë një takimi që zhvilloi me Kryeministrin e Shqipërisë, Sali Berisha. Kreu i Mbrojtjes gjermane vlerësoi pozitivisht përpjekjet e Shqipërisë në përmbushjen e standardeve të kërkuara, me qëllim marrjen e ftesës në samitin e vitit që vjen. Duke vlerësuar marrëdhëniet mes dy vendeve si të shkëlqyera, Jung evidentoi edhe bashkëpunimin e ngushtë mes forcave shqiptare dhe atyre të NATO-s dhe Gjermanisë, në Afganistan dhe në Bosnje. Lidhur me çështjen e Kosovës, anëtari i kabinetit gjerman rikonfirmoi edhe njëherë qëndrimin e Gjermanisë për zhvillimin e negociatave mbi bazën e paketës së Ahtisaarit.

"Unë gëzohem që kemi marrëdhënie aq të shkëlqyera mes Republikës Federale të Gjermanisë dhe Shqipërisë. Dua të nënvizoj, gjithashtu, përpjekjet pozitive që ka ndërmarrë Shqipëria për të marrë ftesën për anëtarësimin në NATO, në Samitin e Bukureshtit që do të zhvillohet në muajin prill të vitit të ardhshëm. Ne mbështesim përpjekjet e vendit tuaj edhe për sa i përket perspektivës euroatlantike për Shqipërinë", tha Jung menjëherë pas takimit me kryeministrin Berisha. Duke vijuar më tej, ai theksoi se "dua të nënvizoj edhe bashkëpunimin tonë në fusha të tjera që krijojnë paqe e stabilitet. Që prej rreth 10 vitesh, jemi duke bashkëpunuar në Bosnje-Hercegovinë, ndërkohë Shqipëria po angazhohet dhe në Afganistan".

Në fjalën e tij, kreu i qeverisë shqiptare, pasi falenderoi ministrin gjerman për vizitën në Tiranë, i shprehu atij mirënjohjen për ndihmën financiare që Gjermania i ka dhënë Shqipërisë. Kreu i qeverisë, gjithashtu, falenderoi Gjermaninë për mbështetjen që i ka dhënë Shqipërisë në procesin e integrimit. Ai tha se qeveria shqiptare, nga ana e saj, do të ndërmarrë çdo reformë për përmbushjen e standardeve për marrjen e ftesës në Samitin e Bukureshtit. "Unë e sigurova ministrin Jung se ne jemi të vendosur të marrim çdo vendim, të ndërmarrim çdo reformë në interes të arritjes së standardeve të anëtarësimit të vendit në NATO. I shpreha mirënjohjen time më të thellë Qeverisë së Republikës Federale Gjermane dhe kombit gjerman, për ndihmën shumë të madhe dhe tepër të çmuar që i kanë dhënë Shqipërisë gjatë këtyre viteve. Kjo ndihmë, në 17 vitet e fundit, arrin vlerën financiare prej 700 milion euro. Ajo ka përfshirë të gjitha fushat dhe kjo ka dhënë një kontribut shumë të madh në ndryshimet e mëdha që ka bërë Shqipëria dhe shqiptarët", theksoi Berisha, duke shtuar se bashkëpunimi politik, ekonomik, ushtarak dhe i gjithanshëm me Republikën Federale të Gjermanisë ka një rëndësi shumë të veçantë për Shqipërinë.

"Ne jemi mirënjohës për mbështetjen që kemi gjetur dhe gjejmë nga qeveria dhe kombi gjerman në përpjekjet tona për anëtarësim në Bashkimin Europian dhe në NATO. Në ndihmën e dhënë për arritjen e standardeve, si në fushën ushtarake, Ministria gjermane e Mbrojtjes i ka dhënë ushtrisë shqiptare një ndihmë shumë të çmuar, në fushën e arsimimit, edukimit, në fushën logjistike, në shërbimin shëndetësor, shkollimin në Gjermani dhe këtu, etj. Njësitë e para ushtarake shqiptare jashtë vendit, në Bosnje, u shpalosën nën ombrellën e Ministrisë së Mbrojtjes së Gjermanisë", pohoi numri një i ekzekutivit shqiptar. Ai theksoi se Kancelarja Merkel, në vjeshtën e vitit 2005, në Konferencën e Sigurisë Ndërkombëtare, në Mynih, përmendi Shqipërinë si një nga 3 vendet e mundshme për të marrë ftesën për anëtarësim në NATO. Këtë qëndrim mbajti qeveria gjermane dhe në Samitin e Rigës. Çështja e Kosovës ishte gjithashtu temë e bashkëbisedimit mes kreut të qeverisë shqiptare dhe ministrit gjerman të Mbrojtjes. "Në Kosovë, ne kemi nevojë për stabilitet e paqe në të ardhmen. Për këtë arsye, ne jemi të mendimit që negociatat të zhvillohen mbi bazën e Planit "Ahtisaari", për të arritur një zgjidhje sa më të shpejtë. Ne shpresojmë që brenda këtyre 120 ditëve të arrihet një zgjidhje, në qoftë se do të jetë e mundur, edhe më parë, sepse kjo do të jetë kushti paraprak për paqe e stabilitet, jo vetëm në Kosovë, por edhe në rajonin përreth", tha Jung, duke përjashtuar në mënyrë përfundimtare mundësinë e një ndarjeje të Kosovës. "Ndarja e Kosovës nuk mund të jetë një opsion për ne. Kështu që unë gëzohem për faktin që, nga njëra anë, jemi dakord e të një mendimi politikisht dhe, nga ana tjetër kemi, mundësi për të shoqëruar rrugën e Shqipërisë drejt të ardhmes së saj, në mënyrë konstruktive", tha Jung. Kryeministri Berisha theksoi se vizita e ministrit gjerman të Mbrojtjes dhe e delegacionit që e shoqëron atë, bëhet në prag të 20-vjetorit të marrëdhënieve diplomatike të Shqipërisë me Republikën Federale Gjermane, marrëdhënie miqësore, të suksesshme dhe me një perspektivë të shkëlqyer.

Pasardhësit e Mbretit Zog, trashëgimtarë të denjë të shqiptarizmit

31/08/2007 - 07:35
• Nga Murat BASHA

Detyrimi moral për t'i shërbyer të vërtetës, kësaj "viktime" të përjetshme të padijes, indoktrinimit, konformizmit apo keqdashjes, na imponon të shfaqim kundërshtimet dhe saktësimet tona drejtuar opinionit publik. Në kërkim të identitetit individual dhe kombëtar, të gjithë shqiptarët intelektualë ose jo, vuajnë dyshimin sokratik: "Nga vijmë dhe ku shkojmë"...?!
Mbretërorët dhe intelektualët shqiptarë e kanë përshëndetur aktin e qytetarisë të 76 deputetëve të të gjitha krahëve, të cilët, në respekt të historisë së kombit shqiptar dhe vazhdimësisë së tij juridike, më 28 qershor 2002, ftuan Familjen Mbretërore Shqiptare dhe Mbretin Leka I, të rikthehen në Shqipëri pas një ekzili të detyruar 63 vjeçar.
Politika shqiptare, e ndërgjegjshme për padrejtësitë historike që përjetoi Familja Mbretërore, si në vitin 2002, por më shumë sot, po gjen forca të shkëputet nga vargonjtë e indoktrinimit dhe interesave të ngushta. Ky akt qytetarie, është shprehje e rimorsit të ndërgjegjes qytetare, që regëtin akoma në klasën tonë politike. Por, gabojnë ata që shënjestrojnë njeriun dhe familjen, që nuk i kanë kurrfarë borxhi këtij vendi, përkundrazi... dhe njëkohësisht nuk kanë ndikuar aspak në agravimin e mbrapshtive që kanë shoqëruar kohën e diktaturës dhe tranzicionin e gjatë. Nëse Familja Mbretërore Shqiptare, si gjeneratori i shpresës së Shqipërisë dhe shqiptarëve, përgjegjësi që i trashëgon prej shekuj e brezash, bashkë me skeptrin dhe kurorën, ka vendosur të sakrifikojë sërish. Këtë nuk ka të drejtë t'ja ndalojë askush...
Opinioni publik shqiptar është ndjerë prej kohësh i helmuar nga demagogjia komuniste se dinastia Zog është një "kapitull i mbyllur", një "njollë turpi", " regjim satrapi" dhe se monarkia është një regjim jodemokratik. Fatmirësisht,edhe republikanistët më intransigjentë kanë hequr dorë nga zhvleftësimi i një periudhe të artë për shqiptarët, ku kombi, atdheu dhe shteti ishin të njësuar, ku dinjiteti dhe identiteti i shtetasit shqiptar ishte i njohur e mirënjohur kudo në botë, ku "asocimi" me kontinentin evropian ishte një fakt, ku "stabiliteti" politik ishte një realitet, ku shqiptarët ndjeheshin ipso fakto "të integruar" në kontinent, pa pasur nevojë për "liberalizim" vizash. Tashmë pas gjithë këtyre viteve, antizogistët e thekur si Enver Hoxha , Çatin Saraçi, etj. kanë ndërruar jetë. E bashkë me ta edhe, pezmi, vneri, smira, urrejtja patologjike e të gjithë atyre që nuk pajtoheshin apo edhe paqëtoheshin me regjimin monarkist zogist.
Ndërkohë, kripto-antizogistët kanë ndërruar fletë. Tashmë, "pinjollët e antizogizmit" e kanë kanalizuar sentimentin e tyre monarkofobist ndaj pinjollëve të Mbreti Zog I, ndaj Mbretit dhe Princit Leka. Çdo përpjekje dhe kontribut i Familjes Mbretnore Shqiptare, konkretisht i Mbretit Leka dhe Princit Leka, në interes të kombit shqiptar , fatkeqësisht kërkohet të kanalizohet si mbështetje për pushtetet që vijnë si produkt i votës. Përkundrazi, e gjithë veprimtaria e tyre e deritashme, tregon një disponim e përkushtim të admirueshëm, lidhur pazgjidhshmërisht vetëm me fatet dhe interesat e mbarë shqiptarëve. Bashkë me kurorën, apostujt e shqiptarizmës , në frymën e rilindasve të mëdhenj, më 1 shtator 1928 "blatuan" Kryerilindasit "Shpëtimtari i Kombit" edhe barrën dhe përgjegjësinë për të shpëtuar atdheun që sot trashëgojmë. Dhe Ai, bashkë me mendjet më të ndritura të kohës, e kreu me nder këtë detyrë. Pikërisht këtu lind edhe detyrimi gjenetik, për të kontribuar për kombin bashkë me të gjithë shqiptarët. Kjo është përgjegjësi historike. Dhe një familje, e cila ka sakrifikuar gjithçka në shërbim të çështjeve madhore të kombit shqiptar, nuk mundet të bëhet pre e lojrave politike apo interesave meskine të çastit. Ide apo qendrime të tilla, janë produkt i mendjeve të sëmura, delirante e nihiliste, të cilat në të kaluarën, nëpërmjet votës, teksa ushtronin të drejtën e pushtetit, janë prekur ndoshta nga sindroma të tilla. Normalisht, ata besojnë se në këtë botë nuk mund të ketë idealistë që të jenë të imunizuar nga këto sëmundje.
Parë në një këndvështrim tjetër, vetëm ide të çekuilibruara politike mbajtur nga ithtarët e djeshëm të kryeministrit dhe kritizeret in extremis ndaj tij, mund të shfrehen me mllef ndaj qëndrimeve të ekuilibruara të Mbretit Leka I, që gjithnjë i duhet të qëndrojë mbi palët, diktuar kjo nga pozicioni i "kreut të shtetit". Edhe pse de jure ai (nuk) e gëzon këtë të drejtë që ja njohu vota masive e shqiptarëve në vitin 1997. Thuhet se: ..."pasardhësit e njerëzve të mëdhenj, zakonisht humbasin nën hijen e veprës së baballarëve dhe paraardhësve..." Por, Mbreti Leka I dhe Princi Leka, jo vetëm nuk kanë humbur nga hija e veprës madhështore të Mbretit ZOG, por përkundrazi, me veprimet dhe qëndrimet e tyre thellësisht patriotike, ja kanë shtuar shkëlqimin veprës madhore të apogjeut të shqiptarizmës, Mbretit ZOG I. Dhe vlerat vetes.
Përsa i takon Princit Leka, edhe pse në moshën 25 vjeçare, ai pranoi pa përfitim monetar, por me përkushtim atdhetar, të ishte krahu i djathtë i z.Lulzim Basha. Një kopje kjo diplomatike sa e nevojshme aq edhe e domosdoshme për mbarëvajtjen e diplomacisë shqiptare, të zgjidhjes së çështjes mbarëkombëtare. Dyshe kjo me një vizion sa realist aq edhe pragmatist, sa me karizmë aq edhe me maturi, aspak e kushtëzuar nga qëndrimet e çekuilibruara të "patriotëve të gushtit" dhe ex-diplomacisë së thatë, të nxehtë dhe me zjarrmi (delir) stinore.
Për më tepër Princi Leka është një djalosh vërtet me fytyrë të njomë, por me kokën plot, me dije akademike të sistemuara, aspak me vese si jo pak bashkëmoshatarë të tij, që vjedhin, grabisin, drogohen, prostituojnë apo edhe djem pushtetarësh të dikurshëm, të kapur në flagrancë duke kryer vepra të ulta penale. Atë kohë që mund ta kalonte në disko, pub-e, pranë femrave duke u shulluar nën rrezet e diellit, Princi Leka e kalon gozhduar në bibliotekën marramendëse të familjes, pranë skrivanisë së Ministrisë së Jashtme, ashtu i thjeshtë e fjalëpakë, më shumë serioz se sa buzagaz, pranë shokëve e miqve të shumtë me të cilët merr dhe jep mendime shoqërore, ide politike apo edhe qëndrime diplomatike. Si dhe duke u përpjekur që lidhjet e shumta, krushqitë dhe miqësitë që ka Familja Mbretërore nëpër botë, t'i vërë në shërbim të Shqipërisë dhe shqiptarëve.
E kjo nuk është pak për një djalosh të cilin rinia e sotme e ka për zemër, i cili edhe pse i ka të gjitha mundësitë për të qenë "princi i kaltër" i shumë vajzave shqiptare, pranon të jetë vetëm "princi kuqezi" i tyre, për të realizuar një ëndërr të madhe , atë kombëtare, e cila fillon me Pavarësimin e Kosovës, e më tej vazhdon me integrimin në NATO dhe BE. Ëndërr e plazmuar nga rilindësit shqiptarë, ndërtuar nga Mbreti ZOG I, dhe vazhduar nga trashëgimtarët e tij. Ky është detyrimi historik. Ky është morali dhe patriotizmi i kësaj familjeje, trashëgimtare e denjë e shqiptarizmit.

RADIO FREE EUROPE/RADIO LIBERTY, PRAGUE, CZECH REPUBLIC
___________________________________________________________
RFE/RL NEWSLINE Vol. 11, No. 162, Part II, 31 August 2007

KOSOVA TALKS BEGIN IN VIENNA... Political leaders from Serbia and Kosova gathered on August 30 amid low expectations that the meeting would lead to a breakthrough on the future of Kosova. One of the international community's three mediators at the talks, Russia's Aleksandr Botsan-Kharchenko, said it would be "wrong to expect that some revolutionary new ideas will emerge right away," the Serbian news agency Tanjug reported on August 30. Representatives of the Serbs and Kosovar Albanians met only with the talks' mediators. They are likely to start face-to-face talks only in late September, Serbian and Kosovar media reported, citing unnamed sources. Kosovar leaders arrived insisting that independence is "nonnegotiable" and threatening to walk out if compromise solutions -- such as partition -- are raised. In recent weeks, Serbian ministers have added to their consistent rejection of independence by accusing the United States of seeking to create a "puppet NATO state," but the Serbian team was more restrained going into the meeting. Reuters on August 30 quoted Serbian sources as saying Belgrade views the meeting as "consultative," and Serbia appeared to emphasize the preliminary nature of the talks by sending neither its president nor prime minister. Two ministers and their deputies attended, along with two government advisers and two Kosovar Serbs. Both Kosova's president and prime minister were at the talks, as were the speaker of its parliament and two opposition leaders. Serbian Foreign Minister Vuk Jeremic told Serbian media that Belgrade presented a detailed outline of its proposal for an autonomous Kosova under Serbian sovereignty, while Kosovar Albanian spokesman, Skender Hyseni, said the Kosovar team "were reassured that the partition of Kosova is ruled out." AG

...AMID KOSOVAR CALLS FOR SERBIAN 'RECONCILIATION,' EUROPEAN 'COMMITMENT'... In an opinion piece published by "The Wall Street Journal" on August 30, Kosovar Prime Minister Agim Ceku said the talks should be used "to look to the first day after independence and elaborate a new vision of how Kosovo as a state will work to develop a constructive and neighborly relationship with Serbia." Ceku was uncompromising about independence but conciliatory about future relations with Serbia, calling for Serbs and Kosovars "to move beyond the legacy of conflict" to "reconciliation," to recognize their "common destiny" and "common aspirations," and accept that they should be "friends," "partners," and "equals." Ceku also called for "European commitment," and depicted the talks as an opportunity to "help the international community, especially the European Union, achieve the consensus needed to move forward to a successful conclusion this year." The only major power to come out explicitly against a solution on the basis of a plan drawn up by UN envoy Marrti Ahtisaari is Russia, but European leaders have become increasingly vocal in asserting that it is primarily Europe's responsibility to end the diplomatic impasse. European unity remains elusive, however: in an interview published by "Sudtirol Online" on August 30, Ahtisaari's deputy, Albert Rohan, said there are "three or four" EU states who "want to go their own way" on the issue of Kosova. In other comments made ahead of the talks and reported by international news agencies, Ceku said the two teams "shouldn't waste time talking about things which cannot be agreed upon" -- namely, independence for Kosova on the basis of the Ahtisaari plan -- and said the talks should "open a way for us to declare independence." If that doesn't happen, he said, "we have to declare and we are going to ask the international community to recognize us." AG

...AND DOUBT ABOUT CUTOFF DATE. The EU's envoy to the talks, Wolfgang Ischinger, indicated on August 30 that he currently views December 10 as the date when discussions should end. "We don't have a mandate beyond that," Reuters quoted him as saying. December 10 is the date when the mediators are due to submit a report to the UN secretary-general, but Serbia and Russia have insisted so far that that is not a cutoff date and that talks should continue until Serbia achieves a result that satisfies it. European leaders have, by contrast, repeatedly talked of 120 days of talks, which, including a preparatory round of shuttle diplomacy in early August, leads roughly to mid-December. However, the Kosovar Albanian daily "Koha ditore" wrote on August 24 that, according to an unnamed EU diplomat, an "informal request arrived from some European countries to have another 60 days of talks if nothing is achieved within the 120 days, because those countries do not want to take the burden of recognizing independence unilaterally upon themselves." Ahead of the Vienna talks, Kosovar Prime Minister Ceku said that, if he remains prime minister, "the only development that we are expecting to happen after December 10 is the declaration and the recognition of Kosova's independence," "Koha ditore" wrote on August 28. Kosova is due to hold elections before the end of the year, but no date has yet been set. AG

ALBANIAN WRITER KADARE CALLS FOR SELF-DETERMINATION FOR KOSOVA. In an interview with RFE/RL's South Slavic and Albanian Service, Albania's greatest living writer, Ismail Kadare, has insisted that Kosovars should be granted a right to self-determination (see "Kosovo: Albanian Writer Says 'Every Nation Has A Right To Ask For Its Freedom'," rferl.org, August 29, 2007). In the interview, Kadare said that at issue in the talks is "the freedom or the slavery of a nation" and that "every nation has a right to ask for its freedom." The Yugoslavia of Slobodan Milosevic had, he said, "undermined in the most barbaric way possible" the freedom of Kosova through "ethnic cleansing." Now, Europe is feeling a "spoken or unspoken" sense of "remorse" at its intervention, which he described as an "incomprehensible absurdity" because "the bombardment of a barbarian regime" cannot be compared with Yugoslavia's "ethnic cleansing." "There should be no remorse, no turning back" by Europe, Kadare said. "On the contrary, it should force Serbia to apologize. Instead, Serbia is being coddled and, by coddling it, Europe is doing the greatest damage to Serbia itself," because "there will be no democracy in Serbia if its crimes are not acknowledged." The "crucial" need for Serbia to understand "who committed crimes and who suffered from them" underpinned Kadare's objection to partition, which, he said, would "not provide a conclusion" to the 1998-99 conflict but would start "a new and terrible conflict" and "be an open source of disputes." Kadare has generally steered clear of political statements, but has occasionally found himself on the political arena. In January, the Greek authorities took umbrage when he referred to "Macedonia" rather than "the former Yugoslav Republic of Macedonia" and Kadare was also mentioned as a possible presidential candidate early in discussions about the next Albanian president (see "RFE/RL Newsline," January 29 and March 9, 2007). A party politician, Bamir Topi, was subsequently chosen. AG

KFOR COMMANDER LEAVES POST. Roland Kather, the head of the international force in Kosova (KFOR) steps down on August 31. Lieutenant General Kather, a German, will be replaced by a French general, Bout de Marnhac. Kather told reporters on August 28 that he believes the security situation in Kosova is stable, but warned of "increased nervousness" in Kosova and urged the international community to decide on the disputed region's future "as soon as possible." "We need [a decision] to help economic development, and by that, at the same time to provide for security," he said. Kather ruled out the possibility of another outbreak of violence in Kosova, saying, "the people in Kosovo understood the message that violence is a dead-end road." Kather said that, based on the Ahtisaari plan, he envisages KFOR will remain in Kosova "without any changes in 2007 and 2008." Kosova's political leaders praised the contribution made by Kather, saying that he has been a calming and reassuring influence, local media have reported in recent days. AG

ALBANIAN MILITANT CHARGED OVER ATTACK IN SOUTHERN SERBIA. Authorities in the southern region of Presevo have charged an alleged member of a militant ethnic-Albanian group in connection with a grenade attack on the mayor of one of the region's three towns (see "RFE/RL Newsline," June 8, 2007). District prosecutors said the 22-year-old Feton Osmani is a member of the "terrorist organization of the Albanian National Army, which is directly led by Ljirim Jakupi," the Serbian broadcaster B92 reported on August 30. Jakupi is one of seven prisoners who recently escaped from a high-security prison in neighboring Kosova (see "RFE/RL Newsline," August 22, 2007). The report gives no indication what Osmani's motive might have been for attacking the mayor of Bujanovac, Nagip Arifi. Osmani has been in custody since June 8. Jakupi remains a fugitive. AG

Berisha "gostit" PR dhe PLL me 2 poste zv/ministrash

Neritan Alibali emërohet zv/ministër i Ekonomisë, ndërsa Ekrem Spahia e zëvendëson te Ministria e Kulturës

Kryeministri Sali Berisha zgjeron koalicionin. Republikanët marrin një post më të rëndësishëm në qeveri, ndërsa PLL hyn në kabinetin qeveritar me një post zv/ministri. Dy aleatët më të ngushtë të demokratëve kanë siguruar një post më shumë në qeverinë Berisha. Republikani Neritan Alibali është emëruar zyrtarisht dje si zv/ministër i Ekonomisë, Tregtisë dhe Energjetikës, ndërsa Ekrem Spahia, i Partisë Lëvizja e Legalitetit, do ta zëvendësojë Alibalin në postin e zv/ministrit të Kulturës, Turizmit, Rinisë dhe Sporteve. Këto ndryshime në rang zv/ministrash ishin paralajmëruar prej kohësh nga republikanët, të cilët kërkonin një post më të rëndësishëm në rang zv/ministrash, që prej largimit të Gjergj Bojaxhiut nga Ministria e Ekonomisë. Për këtë, republikani Alibali ka zhvilluar një kurs në Shtetet e Bashkuara të Amerikës në fushën ekonomike.

Detyrat e kabinetit

Gjatë mbledhjes së qeverisë, Kryeministri Berisha u ndan detyrat e shtëpisë për muajin shtator e në vazhdim shtatë ministrave të kabinetit të tij qeveritar. Sektorët ku do të përqendrohet puna e qeverisë do të jenë: krijimi i transportit publik në zonat turistike, rikonstruksioni i rrugëve, decentralizimi për shërbimet qytetare, krijimi i shkollave të reja profesionale, ndërtimet e reja dhe dhënia e tokës për fermerët. Berisha u ka kërkuar me urgjencë shtatë anëtarëve të kabinetit të tij qeveritar të kontribuojnë më shumë për pjesën jugore të Shqipërisë, duke u dhënë edhe detyrat përkatëse. Ministrat Ylli Pango, Sokol Olldashi, Genc Ruli, Ridvan Bode, Bujar Nishani, Genc Pollo dhe Jemin Gjana do të përqendrojnë punën e tyre në favor të turizmit, rrugëve më cilësore dhe krijimit të transporteve publike, decentralizimit të shërbimeve qytetare, ndërtimit të shkollave dhe dhënies së tokave fermerëve.

Në lidhje me zhvillimin e turizmit, Berisha përcaktoi si një nga mangësitë më serioze mungesën e transportit. Ai kërkoi që Ministria e Turizmit dhe ajo e Punëve Publike, në bashkëpunim me kryetarët e bashkive të Vlorës, Himarës, Sarandës, Gjirokastrës, Tepelenës dhe Libohovës, të bëjnë projektin për organizimin e transportit publik në sezonin turistik. "Për shkak të mungesës së transportit, një turist që vendoset në një nga zonat turistike të bregut është i "dënuar" 15 ditë të qëndrojë aty dhe të mos vizitojë zonat e tjera. Nëse është në Dhërmi, të mos vizitojë Himarën dhe kalanë e saj, apo të mos ngjitet dot në Llogara. Nëse është në Sarandë, të mos shkojë në Finiq, sepse nuk ka linjë të autobusëve, apo në Gjirokastër dhe Tepelenë. Turistët mbeten në mëshirën e taksive, të cilat u presin ndonjëherë fatura shumë të kripura", tha Kryeministri. Ministria e Turizmit duhet të përqendrohet gjithashtu në zhvillimin e konceptit të tureve turistike. Krahas promovimit të vendeve turistike, duhet të bëhet çdo përpjekje për të organizuar për turistët ture turistike në të gjitha zonat turistike të vendit. Kryeministri tha se duhet të mundësohet dërgimi i turistëve një ditë në Berat, një ditë në Apoloni apo Butrint. "Ndonëse Gjirokastra është shpallur nga UNESCO pasuri e njerëzimit, gjatë 30 viteve të fundit është punuar për braktisjen e qytetit", tha Berisha, duke iu referuar qendrave historike. Për këtë ai cilësoi si të rëndësishëm projektin për rivitalizimin e qendrës historike të qytetit. "Nëse nuk e popullojmë zemrën e qytetit, në mënyrën më të pamëshirshme e të pashmangshme ajo do të kthehet në rrënojë", tha ai. Sipas këtij projekti, synohet rigjallërimi i kësaj qendre nga Qafa e Pazarit, duke zhvendosur të gjitha institucionet qeveritare drejt saj dhe duke formuar një kompleks së bashku me bashkinë dhe prefekturën.

http://pages.albaniaonline.net/rd/

Presidenti Topi pranon letrat kredenciale të ambasadorëve të rinj të SHBA dhe Gjermanisë

Uithers II: SHBA, mbështetës të fortë të Shqipërisë

Presidenti i Republikës, Bamir Topi, ka patur dje një axhendë shumë të ngjeshur me takime. Gjatë ditës së djeshme, kreu i lartë i shtetit është takuar me ambasadorin e Jashtëzakonshëm dhe Fuqiplotë të SHBA-ve në Tiranë, Dr. Xhon L. Uithers II, i cili i ka paraqitur letrat kredenciale. Në mënyrë të veçantë, ambasadori amerikan i ka përcjellë Presidentit Topi përshëndetjet që i ka dërguar Presidenti i Shteteve të Bashkuara të Amerikës, George W. Bush, i cili është takuar me Topin gjatë vizitës historike që bëri në Shqipëri, dy muaj më parë. Në fjalën e tij, Presidenti i Shqipërisë i ka premtuar ambasadorit amerikan vendosmërinë për çuarjen përpara të reformave institucionale, të domosdoshme në Shqipëri. Po ashtu, ai i ka kërkuar ambasadorit që t'i përcjellë Presidentit Bush përshëndetjet e tij më të përzemërta. Gjatë takimit, të dy bashkëbiseduesit kanë shprehur dëshirën dhe vullnetin për thellimin e marrëdhënieve të shkëlqyera mes dy vendeve, ku ambasadori amerikan e siguroi Presidentin Topi se SHBA-të mbeten mbështetës të fortë të Shqipërisë në aspiratat e saj për integrimin në NATO. Gjithashtu, ata kanë biseduar edhe për situatën në rajon e veçanërisht mbi statusin e ardhshëm të Kosovës. Presidenti shqiptar dhe ambasadori amerikan ndanë besimin për një Kosovë të pavarur dhe për zgjidhjen e statusit të saj në një kohë sa më të shpejtë që të jetë e mundur. Kreu i lartë i shtetit është shprehur se e vetmja zgjidhje e Kosovës është pavarësia e saj, ndërsa theksoi se mbështet planin e Ahtisaarit, që është për pavarësinë e plotë të Kosovës.

Borhard: Thellim i marrëdhënieve shumë të mira

Më pas, ai ka zhvilluar edhe një takim me ambasadorin e jashtëzakonshëm dhe fuqiplotë të Republikës Federale të Gjermanisë në Tiranë, Bernard Borhard, i cili paraqiti letrat kredenciale. Presidenti shqiptar e ka siguruar ambasadorin gjerman për mbështetjen e tij gjatë misionit të zotit Borhard në Shqipëri, i cili nënvizoi se zhvillimi i mëtejshëm i marrëdhënieve bilaterale mes dy vendeve do të jetë objektivi kryesor i punës së tij në Shqipëri. Në mënyrë të veçantë, ai ka shprehur interes dhe vlerësim reciprok për thellimin e marrëdhënieve shumë të mira që ekzistojnë mes dy vendeve, jo vetëm në fushën politike, por edhe në atë ekonomike. Një vëmendje të veçantë, Topi, gjatë këtij takimi, i ka kushtuar situatës së vështirë energjitike që po kalon Shqipëria. Po gjatë ditës së djeshme, ai ka pritur një delegacion të Parlamentit të Estonisë, përfaqësues të grupit të miqësisë Estoni-Shqipëri. Gjatë këtij takimi është folur për ecurinë e Shqipërisë në rrugën e saj drejt integrimit euroatlantik dhe eksperiencën e Estonisë në këtë drejtim. Presidenti i Republikës, Bamir Topi, është ndalur tek reformat ku kreu i shtetit do të bashkëpunojë me Parlamentin, reformën zgjedhore dhe reformën në drejtësi. Ndërsa përfaqësuesit e grupit parlamentar të miqësisë Estoni-Shqipëri i kanë përcjellë Presidentit Topi përshëndetjet e Presidentit të Estonisë dhe angazhimin për gjallërimin e bashkëpunimit ekonomik me Shqipërinë, si dhe mbështetjen në proceset integruese të vendit tonë.

Rishkrimi i Historisë

Nga Dorian Koçi

28-08-2007

"Historinë e shkruajnë fitimtarët"... Kjo është një sentencë e njohur që është bërë varrmihëse e historisë së vërtetë. Po cilët janë fitimtarët? Kjo është një pyetje që vështirë se mund t'i jepet përgjigje. Ndryshimet e mëdha social-historike kurrë nuk kuptohen në epokën e vet, por duan kohë të përcaktohen dhe vlerësohen si të tilla. Kështu p.sh., francezët pasi shanë e mallkuan Revolucionin dhe Napoelonin për përmbysjet e mëdha, kodin e Napoelonit e bënë kushtetutën e Francës, duke sanksionuar në këtë mënyrë këto ndryshime. Edhe epoka e Restaurimit që pasoi më pas, nuk hyri në punë për ndonjë gjë, por vetëm sa tregoi pafuqishmërinë e kohës së vjetër për t'iu përshtatur ndryshimeve të reja. Në historiografinë franceze të dyja epokat kanë marrë vlerësimin e duhur, duke hedhur poshtë "shpifiografinë" e revolucionarëve dhe bonapartistëve për ruajalizmin, por në të njëjtën kohë iu bë një analizë e plotë tmerreve dhe terrorit të viteve të Revolucionit. Kjo u bë e mundur duke shmangur sa më shumë pasionin e fitimtarëve për të shkruar historinë dhe duke bërë të vetin mendimin që shpreh shkrimtari i njohur francez Anatol Frans tek libri i tij "Krimi i Silvestër Bonarit" se "historia që ishte një art dhe lejonte të gjitha fantazitë e imagjinatës, sot ka arritur të bëhet shkencë, në të cilën duhet të ecet me një metodë të përpiktë".

Loja e "fantazive të imagjinatës" në historiografinë zyrtare shqiptare e kaloi kufirin e sendërtimeve të miteve apo legjendave për sa i përket historisë moderne të tyre, aq sa shpesh herë jemi detyruar të lexojmë historinë tonë të shkruar nga autorë të huaj apo të mundohemi të krijojmë vetë opinionet tona për figura të ndryshme historike që janë denigruar dhe për ngjarjet historike që janë fabrikuar për të krijuar protagonistë të rremë.

Edhe pse shtrembërimet monstruoze tashmë janë shmangur, madje edhe pse kanë kaluar më shumë se 15 vjet pas ndryshimeve të viteve '90, Fishta, Konica, Mithat e Mehdi Frashëri etj., vazhdojnë të mos të kenë fituar akoma "statusin" e patriotit në sytë e popullsisë që ndryshimet demokratike i zunë 40 vjeç e lart. Shpesh herë reagohet emocionalisht ndaj fakteve të reja që nuk përfaqësojnë atë çka thonë tekstet e historisë zyrtare të periudhës komuniste, duke shprehur kështu rënien në kurthin e politikës së përditshme që ka monopolizuar gjykimin e drejtë dhe transparent në emër të ruajtjes së "llogoreve" dhe elektorateve.

Është e nevojshme që të shpjegohet se rishkrimi i historisë nuk është i përqendruar vetëm në rivlerësimin e fakteve dhe ngjarjeve historike, por dhe në tërë strukturën dhe metodën sesi është shkruar ajo. Historiografia jonë duhet të çlirohet nga etnonacionalizmi pozitiv, i cili përpiqet të shpjegojë se çdo lëvizje kryengritëse ka pasur karakter kombëtar dhe se në çdo periudhë pas pushtimit turk shqiptarët kanë vepruar të ndërgjegjësuar si komb. Sepse përndryshe nuk mund të shpjegohet sesi është e mundur që rreth 40 vezirë të mëdhenj të perandorisë otomane, që ishin shqiptarë, nuk bënë asgjë për vendin e tyre, përveçse donacioneve për objekte kulti?! Veziri shqiptar Ferid Pashë Vlora për periudhën 1901-1908, ndiqte dhe përndiqte patriotët shqiptarë që përhapnin gjuhën shqipe; e quante të drejtë të ndërtonte hekurudhën Stamboll-Bagdad-Mekë për pelegrinët dhe për të transportuar trupat turke aty, por nuk inicionte ndërtimin e asnjë metri hekurudhë në atdheun e vet, edhe pse nga vilajetet shqiptare të asaj kohe vileshin 40 milionë franga ari taksa. Ishte kjo arsyeja që patrioti rebel Faik Konica shkruante në faqet e "Albania-s" se "e keqja Shqipërisë i vjen nga vetë shqiptarët".

Me të njëjtën logjikë pozitiviste është shkruar dhe historia e nxehtë e Luftës Antifashiste dhe periudhës që pasoi pas saj. Opinioni mbizotërues që sundon pas viteve '90, për vlerësimin e kësaj epoke pas shtrembërimeve të mëdha që ishin bërë qoftë ne protagonistë, qoftë në ngjarje është se "partia komuniste pati meritë që e rreshtoi vendin në koalicionin fitues, dhe kështu siguroi dhe tërësinë territoriale të Shqipërisë". Një vlerësim shumë i qartë duke gjykuar nga pozitat e sotme, por sa të ndërgjegjshëm ishin protagonistët e asaj kohe për këtë akt të tyre? Si duhen të trajtohen marrëdhëniet shqiptaro-jugosllave të asaj kohe? Vendin në një koalicion fitues si ai i Antantës në Luftën e Parë Botërore, për informacion të atyre që se dinë, e rreshtoi dhe Esat Pashë Toptani, duke ndihmuar me këtë akt tërthorazi që Shqipëria të përfaqësohej në Konferencën e Paqes në Paris. Por ndërsa për Esat Pashën dihet se kujt padronëve u shërbente për këta të tjerët të Luftës së Dytë, në ndërgjegjen popullore akoma nuk dihet gjë. Vitet 1945-1948, të mbushura plot me terror dhe që kulmojnë me bashkimin doganor me Jugosllavinë, mbeten të hedhin më shumë dritë në këtë drejtim.

Si për ironi dramatike, i njëjti gjykim pozitivist sundon dhe për rezistencën antikomuniste. Kësaj radhe piramida u kthye kokëposhtë dhe u vlerësua se "bajraktarët e Veriut ishin antikomunistë të bindur, sepse kuptonin rrezikun që i kanosej vendit nga kolera e kuqe", duke himnizuar kështu luftën e tyre që në të vërtetë më shumë sesa rezistencë antikomuniste, ishte një përpjekje kundër çdo lloj centralizimi. U harrua se dhe mbreti Zog kish pasur telashe me ta, deri sa më në fund i kishte shpërblyer me para, duke ua "blerë" kështu rezistencën. Ata që kishin jetuar ndopak mes maleve shqiptare ishin aq të aftë sa të kuptonin, se bajraktarët tanë me gjithë respektin e madh që duhet të kemi për ta sepse ruanin zakonet shqiptare, nuk ishin aq të qartë ideologjikisht sa të bënin dallim mes rendit socialist dhe atij kapitalist, pasi që të dy për zhvillimin ekonomik të malësive tona ishin krejt të huaj!

Natyrisht faji në këtë mes nuk është as i partizanëve të thjeshtë që bënë detyrën ndaj atdheut, e as i malësorëve që kundërshtonin një regjim, që me të vërtetë u bë skllavërues për kombin shqiptar, por i pasioneve që sa herë që peshorja e historisë anon nga një anë gjejnë "studiues" që e shkruajnë historinë sipas oreksit të atyre, që e konsiderojnë veten fitimtarë. Shmangia e kësaj dëshire të fshehtë vlerësimi duhet të bëhet një kriter i rishkruajtjes së historisë, që së bashku me kritikën e drejtë ndaj etnonacionalizmit do na japin më në fund mundësinë e të pasurit të një historie të pranueshme dhe admirueshme nga të gjithë. Zgjedhja e "metodës së përpiktë", më shumë sesa një kriter i kulluar shkencor, duhet të kristalizohet brenda nesh, sepse historia ashtu siç dihet më shumë se çdo shkencë tjetër është një sagë e njerëzve në kohë dhe hapësirë, një sagë që mund të fillojë si legjendë, por që patjetër duhet të hidhet në letër për t'u kënduar ashtu siç ka ndodhur.

Shefi i diplomacisë shqiptarë, Lulzim Basha, në një letër dërguar të gjithë ambasadorëve shqiptarë të akredituar në botë, u bën thirrje që të rrisin cilësinë e punës, tani që pagat e diplomatëve u rritën ndjeshëm. Në një letër zyrtare, të dërguar vetëm disa ditë pas vendimit të qeverisë, i cili rrit dhe kategorizon pagesat e ambasadorëve, sipas rëndësisë dhe vendit që përfaqëson, ministri i Jashtëm shqiptar thekson se "kjo do të kërkojë nga shërbimi i jashtëm dhe nga të gjithë anëtarët e tij, punë serioze e cilësore, profesionalizëm të shtuar e angazhim të vazhdueshëm dhe një aktivitet më intensiv. Shërbimi i jashtëm duhet të jetë në gjendje që të ofrojë mbrojtje të shkëlqyer të interesave të vendit e të shtetasve, t‘u ofrojë autoriteteve të vendit informacionin e duhur e në kohë, sugjerime dhe propozime me vlerë, të dijë të prezantojë në çdo kohë vendin, vlerat e tij të trashëgimisë e të kulturës, në dritën e zhvillimit dhe dinamikën e avancimit të gjithanshëm. Dhe kjo duhet e do të manifestohet qartë në shërbimin e jashtëm". Duke sqaruar vendimin e marrë nga qeveria, ministri Basha thekson se ai "sjell një ndryshim rrënjësor të strukturës së pagave dhe shtesave përkatëse në këtë pjesë të rëndësishme të shërbimit të jashtëm. Ai shkëput në mënyrë përfundimtare sistemin e ri të pagesës nga praktikat e deritanishme, të cilat bazoheshin vetëm në alokacion, pa ndonjë kriter të saktë dhe pa ndonjë analizë të mirëfilltë. Vendimi heq po ashtu në mënyrë përfundimtare praktikën barazituese në trajtimin e personelit të përfaqësive diplomatike". Në letrën e tij, Basha thekson se Shqipëria njeh kryesisht rolin e drejtuesit të përfaqësisë diplomatike, pra të ambasadorit si zyrtarin që merr edhe vlerësimin më të madh. Në letër theksohet se "vendimi njeh rolin dhe përgjegjësinë e gjithsecilit, por në mënyrë të veçantë atë të titullarit të përfaqësisë, i cili, në kushtet e përfaqësive tona ende të vogla e me personel të reduktuar, përballon një ngarkesë pune veçanërisht të madhe e me përgjegjësi për të mbrojtur interesat e vendit me dinjitet". Për të stimuluar më tej punën e një sektori tepër të rëndësishëm të administratës shtetërore, ministri Basha thekson se shërbimi diplomatik do të përfitojë herë pas here nga rritja e rrogave në vend dhe nuk do të ketë një shpërblim statik. "Sistemi i pagesës për personelin jashtë vendit nuk do t‘i lihet rastësisë, por do të bëjë pjesë në politikën e vazhdueshme të rritjes së pagave në Shqipëri, çka nuk përjashton rritje të ndjeshme në të ardhmen, duke pasur parasysh në veçanti shërbimin e jashtëm dhe praktikat që aplikojnë vendet e tjera", thekson shefi i diplomacisë, në letrën dërguar ambasadorëve. Më datën 1 gusht, qeveria mori vendimin për rritjen e pagës së diplomatëve të të gjithë rangjeve, duke vendosur një kategorizim edhe sipas vendeve që përfaqësojnë, por edhe kostos së jetesës në vendet përkatëse. Kështu, një diplomat që jeton në një qytet të shtrenjtë si Parisi apo Londra, do të kompensohet më shumë se sa një diplomat që punon në një vend disi më të lirë si Athina, apo Ankaraja. Deri në fund të vitit 2007, numri i punonjësve të përfaqësive diplomatike është gjithsej 376 punonjës, nga të cilët 178 personel diplomatik dhe 198 punonjës administrativo-teknik.

Pagat

Ambasadori

Paga bazë mujore ambasadorin, konsullin e përgjithshëm bëhet 1200 euro, apo 1460 dollarë në muaj

Rangu i dytë

Diplomatët që kanë gradën ministër, këshilltar, paguhen me 900 euro, apo 1100 dollarë

Rangu i tretë

Këshilltari paguhet me 750 euro apo 950 dollarë, Sekretari i Parë Konsull, me 600 euro apo 750 USD

Rangu i katërt

Sekretar i Dytë, zëvendëskonsulli paguhet me 450 euro-590 dollarë, Sekretar III 400 euro-500 USD

Kategorizimi

Kompensimi për vendet më të shtrenjta

Vendimi i qeverisë ka kategorizuar dhe përfaqësitë diplomatike, të cilët jetojnë në qytetet më të shtrenjta të botës, diplomatë që do të paguhen dhe më mirë. Në këtë kategori bëjnë pjesë: misioni shqiptar në selinë e OKB-së në Nju-Jork, ambasada në Londër, selia e OKB-së në Gjenevë, ambasada në Danimarkë, në kryeqytetin zviceran, Bernë, ambasada në kryeqytetin rus, Moskë, Pekin, Tokio, konsullata në Milano dhe ajo në Stamboll. Në rangun e dytë hyjnë me radhë: Vjena, Uashingtoni, Parisi, Roma, Strasburgu, Berlini, Madridi dhe Otava.

Princi Leka emërohet këshilltar i Bashës

Djali i vetëm i pretendentit për fronin mbretëror, Leka Zogu, është emëruar që prej ditës së djeshme pjesëtar i kabinetit të ministrit të Jashtëm shqiptar. Pas një marrëveshjeje politike të Partisë Demokratike me Lekën I dhe Partinë e Legalitetit, është rënë dakord që Princi Leka II të marrë një post të rëndësishëm në administratë. Vetë Kryeministri Berisha i ofroi trashëgimtarit të fronit mbretëror se mund të zgjidhte çfarë pozicioni të donte. Dhe princi nuk ka zgjedhur keq, por një vend në diplomacinë shqiptare, ku shpreson të ngjisë karrierën graduale, pse jo deri tek ambasadori. Ministri i Jashtëm, Lulzim Basha, prezantoi dje para zyrtarëve më të lartë të Ministrisë së Punëve të Jashtme dhe ekipit të tij të ngushtë, anëtarin e ri të kabinetit të tij, princin Leka II. Ministri Basha vuri në dukje se emërimi i princit Leka II në kabinetin e tij është pjesë e filozofisë së qeverisë shqiptare, si dhe e vendosmërisë së tij për të pranuar në administratën shtetërore kapacitetet më të mira të vendit, persona me aftësi të spikatura në pajtim me nevojat e shërbimit të jashtëm dhe kërkesave gjithnjë në rritje të diplomacisë shqiptare. Basha theksoi se princi Leka II e ka pranuar me kënaqësi ftesën për të qenë pjesë e ekipit të tij, duke filluar kështu karrierën profesionale në fushën e marrëdhënieve me jashtë, në shërbim të diplomacisë së vendit dhe në mbrojtje të interesave më të larta të kombit shqiptar. Princi Leka II ka një formim akademik solid. Ai ka studiuar në disa kolegje të njohura në vende të ndryshme, përfshirë ST Peter College dhe më pas ka vazhduar në "Royal Military Academy of Sandhurst", një ndër institucionet edukative më prestigjioze në Mbretërinë e Bashkuar.

Princi Leka II ka kryer gjithashtu një kurs tremujor në Akademinë Ushtarake "Skënderbeu" në Tiranë dhe një kurs 3-mujor në Itali.

http://www.gazeta-shqip.com/artikull.php?id=25525 27/08/2007

Princi Leka: Kujdes me historinë

Rrëfehet pinjolli i familjes mbretërore: Detyra e re, Kosova dhe rishikimi i historisë. "Politikanët s‘mund të bëhen historianë"

Një javë pas emërimit të tij si këshilltar në Ministrinë e Jashtme, princ Leka II rrëfen në një intervistë ekskluzive për gazetën "Shqip" motivin pse ka zgjedhur t‘i bashkohet administratës dhe ambiciet drejt skenës politike. Monarku që u bë pjesë e administratës publike shqiptare ka lënë pas dore veset e bashkëmoshatarëve të tij për t‘iu përkushtuar tërësisht ambicieve në fushën e diplomacisë dhe politikës. Princ Leka pohon se pasi të ketë marrë njohuritë e nevojshme në administratë dhe përmbushur me sukses detyrat e tij si këshilltar i Ministrisë së Jashtme, kalimi drejt politikës është një rrugë në vazhdimësi. Si trashëgimtar i Oborrit Mbretëror, çështjen e rishkrimit të historisë e shikon si një hap që duhet shikuar nga historianët dhe jo nga politikanët. Sipas princit, politikanët bëjnë politikën, ndërsa historianët shkruajnë historinë.

Lartësia juaj, princ Leka, cili ishte motivi që ju shtyu që të bëheshit pjesë e administratës shtetërore shqiptare?

Unë e konsideroj se ky është një angazhim tjetër i familjes mbretërore për Shqipërinë në drejtimin e ndihmës për të mirën e kombit shqiptar. Një mënyrë tjetër për të ndihmuar në ngritjen e imazhit të saj, sidomos në momentet që po kalojmë, të cilat për familjen mbretërore dhe mbarë kombin janë historike. Për mua personalisht është një eksperiencë e shkëlqyer, sepse do të më ndihmojë në formimin tim, të njihem më nga afër me administratën shtetërore dhe të ndihmoj vendin tim, të jap maksimumin tim në shërbimin e tij. Si javë të parë e konsideroj që kam pasur mjaft ngrohtësi dhe mundësi për të marrë një formim sa më të mirë për situatën aktuale që ekziston brenda për brenda politikës së jashtme të shtetit shqiptar.

Java që kaloj ka qenë java juaj e parë si nëpunës i administratës. Si kanë qenë ditët e para të punës suaj si këshilltar?

Ditët e para të punës kanë qenë shumë të mira, duke marrë njohuri dhe duke plotësuar ditët kryesisht në takimet me administratën dhe duke marrë një informacion të situatës edhe një njohje më tepër brenda për brenda administratës.

Çfarë është për ju diplomacia dhe politika. E shihni detyrën tuaj të re si këshilltar në Ministrinë e Jashtme si një rrugë për të hyrë drejt politikës në të nesërmen?

Për mua është një shans që unë të jap kontributin tim dhe të vë në dispozicion të gjithë bagazhin tim për Shqipërinë. Është e rëndësishme për mua që unë t‘i shërbej Shqipërisë për të përmbushur detyrat e mia si shqiptar dhe si një princ. Si trashëgimtar i familjes mbretërore, jeta ime është përfshirë edhe në çështje të politikës së vazhdueshme. Unë mendoj se kjo është një rrugë tjetër për vazhdimësi. Dhe të jap kontributin për një shans tjetër, për të dhënë sa më shumë ndihmë nga ana e familjes mbretërore në të mirën e kombit shqiptar.

Pra synoni që karriera juaj në të ardhmen të jetë e fokusuar më tepër në një rang ambasadorësh apo të kontribuoni më shumë në politikën e brendshme shqiptare?

Unë do të vazhdoj rrugën time, sepse unë jam me emrin tim. E kam këtë shans të jem edhe jam princi trashëgimtar i të gjithë popullit shqiptar. Jam princ edhe në Kosovë, siç jam edhe këtu. Dhe besoj në rolin tim, pasi princi nuk ndryshohet dhe në këtë drejtim kam marrë një mbështetje të jashtëzakonshme edhe nga administrata shtetërore. Unë e konsideroj detyrën si këshilltar i ministrit si një detyrë shtesë, që duhet ta shfrytëzoj me të gjithë fuqinë që kam.

Diplomacia shqiptare gjatë kohës së Mbretit Zog njihet si diplomacia më brilante e Shqipërisë me vendet e botës. Çfarë do të trashëgoni ju nga ajo kohë dhe çfarë kontributesh do të jepni për Ministrinë e Jashtme?

Personalisht mund të them se keni shumë të drejtë. Koha e Mbretit Zog, edhe në mënyrën e zbatimit të drejtimit nga ana e politikës, sidomos nga ana e politikës së jashtme, ka qenë e spikatur nga të gjitha drejtimet. Unë besoj se sot për sot ajo kohë ka ndryshuar. Politika duhet të bazohet mbi çështjet sociale, ekonomike dhe elementet e politikës, d.m.th duhet ta shikojmë situatën me një sy tjetër. Ne nuk mund të harrojmë historinë dhe duhet të vazhdojmë përpara. Duhet të kujtojmë dhe të mësojmë mësimet më të rëndësishme të kohës së Mbretit Zog. Ajo kohë mbetet një nga kohët e arta të diplomacisë shqiptare. Është koha e një vetëdijeje të lartë kombëtare dhe dëshirë për shtetformimin, por shumëçka ka ndryshuar dhe ne kemi kaluar kohë të vështira, sot duhet t‘u përshtatemi kushteve të reja social-ekonomike dhe t‘u përgjigjemi nevojave të bashkëkombësve tanë. Koha e Mbretit Zog na ka dhënë një shembull se si duhet ndërtuar një shtet dhe sakrificat që duhet të bëjmë për vendin tonë. Sot ne e kemi dhe duhet të punojmë për të, t‘i mbrojmë pavarësinë si atë administrative, politike, ashtu edhe ekonomike. Unë kam jetuar një pjesë të jetës sime jashtë Shqipërisë dhe përvoja e akumuluar jashtë si edhe edukata e marrë në familjen time do të më shërbejë.

Keni deklaruar se do të angazhoheni fuqishëm në çështjen e Kosovës. Konkretisht, çfarë mendoni se është më e mirë për Kosovën në këto momente dhe çfarë qëndrimi duhet të mbajë diplomacia shqiptare ndaj pengesave që Serbia nxjerr për çështjen e Kosovës?

Unë besoj se tashmë është e ditur që Shqipëria është duke mbështetur me të gjithë fuqinë e saj pavarësinë e Kosovës dhe planin e Ahtisarit. Nuk ka asnjë dyshim që Shqipëria do të jetë gjithmonë pranë Kosovës. Unë do të vazhdoj të jem si trashëgimtar i familjes mbretërore, të jem një zë i fuqishëm pro pavarësisë së Kosovës në të gjithë drejtimet e saj. Edhe në këtë element, besoj se shteti shqiptar është duke dhënë maksimalen e vet për këtë çështje. Qëndrimet tona janë tashmë të njohura, pavarësia e Kosovës është e vetmja alternativë, çdo zgjidhje tjetër është e papranueshme. Diplomacia shqiptare është shprehur në mbështetje të pakos së Ahtisarit për pavarësinë e Kosovës dhe kundër ndarjes së saj, ky duhet të jetë qëndrimi të cilin duhet të mbajë dhe së cilës duhet t‘i përkushtohet. E rëndësishme për ne është bashkërendimi i punës me partnerët tanë strategjikë si SHBA-të, Mbretëria e Bashkuar dhe BE-ja.

Si trashëgimtar i fronit mbretëror, cilat janë marrëdhëniet tuaja me vendet e tjera të botës. Sa do të ndikojë kjo në punën e Ministrisë së Jashtme?

Shumë të mira. Mund të them se me vendet e tjera të botës jemi shumë miq. Kuptohet, ne do të vazhdojmë dhe unë kam fatin jo vetëm si këshilltar i Ministrisë së Jashtme, por kam edhe mbështetjen e plotë të Oborrit Mbretëror, që kam mundësi të jap një kontribut për të mirën e kombit shqiptar. Kam filluar në disa drejtime, sidomos në element të diasporës edhe vendeve të tjera, duke hapur rrugët dhe shtrirjen e influencës së shtetit shqiptar, dhe unë besoj se këtë drejtim unë do të vazhdoj të ndihmoj sidomos me miqtë që kemi. Kemi edhe miq në Lindjen e Mesme dhe vende të tjera.

Këshilli i Ministrave ka vendosur pesë ditë më parë që historia e Shqipërisë të shkruhet nga e para. Kjo çështje ka ngjallur debate, jo vetëm mes akademikëve, por edhe mes politikanëve. Mendoni se është e drejtë që të rishikohet historia, kryesisht periudha e Mbretit Zog?

Këtu do të ketë edhe një reagim. Unë personalisht nuk mund të reagoj si këshilltar i ministrit të Jashtëm, por nga ana e Oborrit Mbretëror do të ketë një reagim për këtë çështje. Patjetër që historia në Shqipëri ka pasur shumë ndikime politike dhe duhet shikuar me një sy të pavarur. Jo nga elemente të vjetra të politikës shqiptare. Unë do të them me të gjithë fuqinë time, se në qoftë se jeni i përfshirë në politikë, nuk duhet të jeni edhe historianë.

Jeta në Oborr

Siguria në Oborrin Mbretëror, më e lartë se në Presidencë, Kryeministri dhe aeroporte

"Princi në punë deri në tre të mëngjesit"

Djali i trashëgimtarit të fronit mbretëror, princi Leka II tregon për "Shqip" se ka pak kohë të lirë dhe se puna në Oborrin Mbretëror dhe si këshilltar në Ministrinë e Jashtme i harxhon shumë kohë. "Si këshilltar mund të qëndroj në punë edhe në tre të mëngjesit pa asnjë problem", thotë Princi Leka II, i cili tregon se i ka me pasion punët që bën. Të hysh në Oborrin Mbretëror, aty ku kalon pjesën e mbetur të kohës princi Leka, duhet të kalosh një kontroll të rreptë, çka të lejon më pas të shëtisësh i lirë në gjithë vilën mbretërore, muret e së cilës janë të rrethuar nga fotografi të bëra nga periudha e Mbretit Zog. Fotografitë e familjes dhe miqve të tij kanë mbushur zyrën e princit Leka II, e cila ndodhet në katin e parë, në hyrje të ndërtesës. Librat e huaj me temë diplomatike dhe historike nuk mungojnë në bibliotekën e nipit të Mbretit Ahmet Zogu, por gjithashtu edhe flamujt shqiptarë të pranishëm në çdo dhomë dhe zyrë të këtij Oborri. Siguria brenda territorit të vilës ua kalon masave të sigurisë së Presidencës, Kryeministrisë, madje edhe kontrolleve nëpër aeroporte. Të rrallë janë miqtë dhe personat që futen lirshëm në Rezidencën Mbretërore, ku përveç stafit pjesa tjetër duhet të harxhojë 15 minuta për të hyrë në vilën mbretërore për shkak të kontrolleve. Aredimi i godinës të lë një përshtypje të mirë. Shpatat dhe armët e vjetra të ndodhura gjithandej në shtëpinë e princit, tregojnë më së miri se familja mbretërore e adhuron kulturën popullore shqiptare dhe se është një njohëse e mirë e saj.

Miqtë

"Tani që kam dy detyra të ndryshme, në ministri dhe në Oborrin Mbretëror kam shumë pak kohë të lirë se më përpara. Por si djalë i ri, i di si t‘i shfrytëzoj deri në maksimum", shprehet princ Leka II. 25-vjeçari shprehet se ka pasur fatin të krijojë një shoqëri shumë të mirë. "Dua të kem një jetë aktive, duke takuar njerëzit përditë dhe besoj se kjo më ka ndihmuar me detyrën të mos jem i mbyllur dhe të njoh situatën. Unë jam tipi që kam qejf të lëviz, të njoh situatën jashtë konceptit filozofik të Tiranës. Duke marrë parasysh se Shqipëria nuk është vetëm në Tiranë dhe Durrës, ajo është që të shkosh dhe të vizitosh çdo fshat dhe kështu do të vazhdoj edhe në të ardhmen", shprehet ai. Princi pranon se shoqërohet me miqtë VIP-a, por preferon të mos publikojë emra, duke ruajtur me fanatizëm identitetin e miqve të tij. "Unë nuk frekuentoj një shoqëri të përcaktuar, por shoqërohem me njerëz të të gjitha fushave", thotë princi Leka II.

CV

Këshilltari më i ri i administratës

25-vjeçari, princi Leka ka pranuar ftesën për të mbajtur postin e këshilltarit të ministrit të Punëve të Jashtme, Lulzim Basha, duke qenë në këtë mënyrë këshilltari më i ri i administratës publike. Shtatë ditë më parë, ministri Basha ka prezantuar para mediave bashkëpunëtorin e tij më të ri, Leka Zogun II. Më parë Basha ua ka prezantuar princin Leka II, zyrtarëve më të lartë të Ministrisë së Punëve të Jashtme dhe ekipit të tij më të ngushtë, anëtarin e ri të kabinetit të tij. Princi Leka II ka një formim akademik solid. Ai ka studiuar në disa kolegje të njohura në vende të ndryshme, përfshirë ST. Peter College dhe më pas ka vazhduar në "Royal Military Academy of Sandhurst", një ndër institucionet edukative më prestigjioze në Mbretërinë e Bashkuar. Princi Leka II ka kryer gjithashtu një kurs tremujor në Akademinë Ushtarake "Skënderbej", në Tiranë dhe një kurs 3-mujor në Itali. Sipas Ministrisë së Jashtme, emërimi i princit Leka II në kabinetin e tij është pjesë e filozofisë së qeverisë shqiptare si dhe e vendosmërisë së tij për të pranuar në administratën shtetërore kapacitetet më të mira të vendit, persona me aftësi të spikatura në pajtim me nevojat e shërbimit të vendit.

Këshilltar për Kosovën

Princi Leka II në foto me Presidentin e Kosovës, Fatmir Sejdiu. Përveçse është emëruar si këshilltar i ministrit të Jashtëm, Lulzim Basha, Princi Leka II do të ketë edhe funksionin si këshilltar për çështjen e Kosovës, për të cilën deklaron se do të angazhohet fuqishëm për pavarësinë e saj

Uniforma mbretërore

I pari që krijoi traditën e uniformave ushtarake në Shqipëri ishte Mbreti Zog. Ato u dizajnuan nga italianët, ishin "high-tech" për kohën dhe kishin një vulë kombëtare. Në vitin 1939, italianët ngritën një batalion të Gardës Kombëtare dhe krijuan dy uniforma të kushtueshme, një me tirqe dhe një me fustanellë. Duke futur kështu elementë të traditës kombëtare nga jugu dhe veriu

Kronologjia

Uljet dhe ngritjet e familjes mbretërore

Në vitin 2002, familja mbretërore mbërrin përfundimisht në Tiranë, duke i dhënë fund një mërgimi 63-vjeçar. Një avion "boing 727" transportoi nga aeroporti Lanceria të Johanesburgut trashëgimtarin e fronit, Leka Zogu I së bashku me familjen e tij. Duke iu rikthyer mbrapa historisë, në prill të vitit 1997, teksa Shqipëria gjendej e zhytur në kaos për shkak të shembjes së firmave piramidale, Mbreti Leka I mbërriti në Tiranë. Ai mori pjesë në fushatën elektorale për zgjedhjen e formës së regjimit në Partinë e Legalitetit, duke shkuar pothuajse në të gjitha rrethet e Shqipërisë. Në këto zgjedhje, monarkia fitoi 36% të votave sipas Komisionit Qendror të Zgjedhjeve. Ky rezultat u shpall i falsifikuar nga Mbreti Leka I. Nisur nga kjo, tri ditë pas zgjedhjeve, Partia e Legalitetit organizoi një miting proteste, ku simpatizantët e saj bashkë me babain e Leka Zogut II marshuan drejt qendrës së Komisionit Qendror të Zgjedhjeve, ku pati edhe konfrontime me policinë. Pak ditë më pas u hap një proces hetimor ndaj Leka Zogut, duke e akuzuar atë për sulm të armatosur ndaj institucioneve të shtetit. Zogu u dënua në mungesë dhe pastaj përfitoi një amnisti. Heqja e kësaj pengese bëri që Leka Zogu, trashëgimtari i ligjshëm i fronit mbretëror të Shqipërisë të kthehej në vend. Në bazë të një marrëveshjeje midis PD-së dhe PLL-së dhe trashëgimtarit të fronit mbretëror, 25- vjeçari, princi Leka II është punësuar si këshilltar i ministrit të Jashtëm dhe do të fokusohet kryesisht në çështjen e statusit të Kosovës.

Keshilltaret

Niko Faber

Numri një i diplomacisë shqiptare, z. Basha, në një ceremoni të pazakontë, bëri para zyrtarëve më të lartë dhe ekipit më të ngushtë të dikasterit të tij, prezantimin e nipit të ish-Mbretit Zog, Leka II, si këshilltarin më të ri të tij. Siç pohoi vetë zoti ministër, emërimi i nipit të Mbretit Zog në kabinet, është as më pak e as më shumë pjesë e filozofisë së qeverisë shqiptare për të pranuar në administratë persona me aftësi të spikatura në pajtim me nevojat e shërbimit të jashtëm dhe kërkesave gjithnjë e në rritje të diplomacisë shqiptare.

Kësisoj, z. Basha ende një djalë i ri dhe i parrahur me problemet e ndërlikuara të diplomacisë, i cili ka me të vërtetë nevojë për t‘u këshilluar, merr për këshilltar një djalë të sapodalë nga bankat e shkollës, kur siç pohon edhe vetë, ka ndjekur kolegje ushtarake dhe jo ndonjë shkollë për diplomaci. A do ta ndërmerrte një veprim të tillë ministri i Jashtëm i Britanisë së Madhe? Në asnjë mënyrë jo. Një nga binjakët e princeshës Diana, i cili përfundoi Akademinë Ushtarake, flitej se do të shkonte në Irak për t‘iu bashkuar trupave të tjera ushtarake angleze, që luftojnë për rivendosjen e demokracisë në atë vend. Ja pra si fillohet karriera dhe si edukohen kuadrot e reja të White Holl-it britanik, e cila mbahet si një nga administratat më të përsosura në botë.

Duke iu rikthyer idesë së këtij shkrimi, vetëkuptohet se z. Basha nuk ka se ç‘përfiton nga "këshillat" e princit të ri, por ajo që është më shqetësuese, qëndron në faktin se ky ministër ka nevojë për këshilltarë të zotë, me përvojë të gjatë pune e jo formalë, për "ujqër" të diplomacisë, që fatmirësisht nuk na mungojnë. Të folurit rrjedhshëm në gjuhën angleze apo të qenit në Perëndim për një farë kohe, nuk të jep patentën e diplomatit të përkryer. Duke iu referuar kujtimeve të zotit Kisinger, sekretarit amerikan të Shtetit për punët e jashtme, ai theksonte: "Jam vënë shumë herë në vështirësi gjatë bisedimeve me zotin Gromiko - homologun rus - i cili edhe pse e dinte shkëlqyeshëm gjuhën angleze, vazhdimisht punonte me përkthyes, duke përfituar kësisoj dyfishin e kohës për t‘u menduar në krahasim me mua"! Është e kuptueshme që princi i ri gëzon të drejtën e punësimit si gjithë shqiptarët e tjerë, aq më tepër kur dihet që familja mbretërore ndodhet në vështirësi ekonomike, por kjo nuk i jep të drejtën as edhe vetë ministrit të shkelë në mënyrë flagrante ligjin dhe rregullat e punësimit në shërbimin diplomatik shqiptar.

Nëse ky do të ishte një rast i veçuar, nuk do t‘ia vlente të merrnim mundimin për të lodhur lexuesin me këtë shkrim, por duke e shtrirë këtë ide në kohë, se si është vepruar me përzgjedhjen e këshilltarëve në qeveritë e kaluara edhe në këtë të sotmen, ia vlen të ndalemi më tej. Nuk janë të rralla rastet që në shërbimin këshillimor të dikastereve, prefekturave, qarqeve, bashkive, etj., vazhdojnë të merren kuadro të reja, të porsadalë nga bankat e shkollës. Me veprime të tilla nepotike e klienteliste, dëmi është i dyfishtë, dëmtohet puna e shtetit, por edhe mësohen keqazi këto kuadro të reja. Në suksesin apo dështimin e një qeverisjeje, është e madhe edhe përgjegjësia e stafit të padukshëm të këshilltarëve. Zotësia e një Presidenti, Kryeministri apo ministri, duket edhe në faktin se si i përzgjedh dhe sa i dëgjon ai këshilltarët. Një këshilltar i mirë nuk mjafton të jetë vetëm i aftë dhe domosdoshmërisht ekspert në fushën që ai mbulon, por edhe imponues tek eprori, kur punët nuk ecin mirë.

Zoti Nano, në qeverinë e fundit të drejtuar prej tij, rriti stafin e këshilltarëve nga 17 në 23. Në dukje kjo, një punë e mirë, por sa i pyeste e sa konsultohej ai me ta? Shumë pak. Për ta argumentuar këtë po jap esencën e një bisede që kemi zhvilluar në Komisionin e Bujqësisë të Kuvendit të Shqipërisë me këshilltarin e tij për çështjet e bujqësisë. Pyetjes sonë se, kur ka qenë takimi i fundit i tij me Kryeministrin, ai iu përgjigj: "Ka më shumë se shtatë muaj". Pyetjes tjetër: "Nëse gjatë kësaj kohe ka pasur probleme shqetësuese që duhej t‘i dinte apo të ndërhynte Kryeministri?", ai iu përgjigj: "Ka pasur", por ai s‘e kishte thirrur. E pra, në raste të tilla këshilltari, që e ndien veten në krye të detyrës, nuk pret, por shkon vetë e troket në derën e Kryeministrit, ministrit, për të insistuar e po qe nevoja për ta kapur edhe për xhakete, për punët që nuk ecin. Shembulli i mësipërm, siç theksuam, i përket qeverisë së parafundit, të drejtuar nga zoti Nano, sepse në qeverinë e fundit të tij ai nuk pati fare këshilltar për bujqësinë. Dhe një nga shkaqet madhore të humbjes së socialistëve në zgjedhjet e korrikut 2005, ishte padyshim puna e dobët e qeverisë Nano në ndjekjen dhe mbështetjen e bujqësisë e të problemeve të fshatit.

Kryeministri Berisha është treguar më dorështrënguar në krahasim me paraardhësin e tij Nano në numrin e këshilltarëve. Ai ka vetëm 15 të tillë. Duke i hedhur një sy përbërjes së listës së këshilltarëve të kësaj qeverie dhe duke gjykuar mbi bazën e të dhënave të pjesshme, vetëm në fushat që mbulojnë, del se ka mjaft mangësi. Kryeministri Berisha dubloi kohët e fundit sektorin e informacionit me një emër të bujshëm Grid Roi, i cili që nga dita e prezantimit (me një shqipe të çalë), nuk është ndjerë më. Por, në të njëjtën kohë, ka lënë zbuluar sikurse paraardhësi i tij, fusha të tilla të rëndësishme si bujqësia, siguria ushqimore, mjedisi, aq sensibël për vendin dhe njëkohësisht prioritare për komunitetin evropian e më gjerë.

Ministri i Punës, Çështjeve Sociale dhe Shanseve të Barabarta, Kosta Barka, ka përveç të tjerëve, tre këshilltarë të jashtëm të përhershëm (një rekord i llojit të vet ky), pra, po aq sa dhe ministri i Jashtëm, Basha. Nga të dhënat e publikuara nuk merret vesh se kush e këshillon ministrin Gjana për blegtorinë, ministrin Xhuveli për pyjet. Ministri Rusmali, mesa duket nuk e ndjen nevojën e këshilltarëve. Këshilltarët e kësaj qeverie kanë të gjithë ngjyrën blu. A nuk do të ishte e dobishme p.sh., që ministri Ruli, në kushtet e krizës së thellë energjetike që po kalon vendi, të thërriste edhe ndonjë këshilltar rozë? Për këshilltarët, shteti shqiptar shpenzon jo pak. Ata janë ndër më të paguarit. Lista e këshilltarëve nuk përfundon me të përhershmit. Pas tyre vjen një numër i madh këshilltarësh të jashtëm. Roli i tyre mund dhe duhet të rritet në të ardhmen. Ka ardhur koha e monitorimit të efektivitetit të punës së këshilltarëve në të gjitha instancat, me qëllim që të rritet roli i tyre në miradministrimin e vendit.

http://www.gazeta-shqip.com/artikull.php?id=24888

18/08/2007

Dossier

Si nisi dhe dështoi kryengritja e Fierit kundër Zogut?

Plot 72 vjet më parë, në pasditen e 16 gushtit të vitit 1935, në qytetin e Fierit shpërtheu një kryengritje e armatosur, e cila kishte për qëllim rrëzimin e regjimit monarkik të Mbretit Zog. Ndonëse iniciatorët e asaj kryengritjeje, që filloi papritur dhe para kohës së caktuar më parë, ishin togeri Musa Kranja që asokohe shërbente si ndihmës-rrethkomandant i Fierit dhe publicisti e gazetari i njohur, Kostë Cekrezi, autorët e vërtetë dhe truri i asaj kryengritjeje qëndronin në Tiranë e në disa rrethe të tjera të vendit. Ndër krerët kryesorë të saj ishin disa ish-oficerë madhorë të liruar dhe në pension, apo dhe aktivë si Ali Shefqet Shkupi, Ramiz Dibra, Riza Cerova, Mustafa Kaçaçi, etj., si dhe shumë civilë si Ramiz Omari, Shefqet Hekali, etj. Menjëherë pas shtypjes së kryengritjes, forcat qeveritare filluan arrestimet në të gjitha qytetet dhe krahinat ku kishte persona të implikuar direkt në atë ngjarje, të cilët më pas iu dhanë gjyqit të lartë për faje politike. Ai gjyq ku në bankën e të akuzuarve u ulën disa qindra persona, zgjati afro një vit me radhë dhe krerët kryesorë të Kryengritjes së Fierit, fillimisht u dënuan me vdekje, por më pas atyre iu fal jeta me dekret të posaçëm të Mbretit Zog dhe dënimet iu zbritën, duke filluar nga 101 vjet e poshtë. Kjo ngjarje, e cila është jo pak e njohur në historinë e Shqipërisë, pati një jehonë të madhe edhe në shtypin e monarkisë së Zogut, ku mjaft gazeta të atyre ditëve e pasqyruan atë me hollësira dhe detaje, madje duke bërë edhe reportazhe nga vendi i ngjarjes, Fieri dhe Lushnja, ku pati luftime në mes forcave kryengritëse dhe atyre qeveritare. Një ndër ato gazeta që pasqyroi gjerësisht ngjarjen, ishte "Vatra", me botues Timo Dilon, prej së cilës ne kemi përzgjedhur dhe po japim të plota disa prej artikujve të saj, duke i publikuar ato pa asnjë ndryshim dhe me gjuhën e shkruar të asaj kohe.

Pasqyrimi i Lëvizjes së Fierit nga gazeta "Vatra"

Lëvizja donkishoteske e Fierit u shtyp brenda një kohe shumë të shklurtër. - Lëvizja filloj në Fier ditën e Mërkurë mbasdreke. - Tentativa për të zaptuar Lushnjen dështoj nga rezistenca e fuqive dhe ndihma e arritur. - Gjenerali de Ghilardi që u vra ndodhej në Pojan. - Trupi i tij do të varroset sot në Kështjellën e Petrelës. - Përveç gjeneralit dhe shoferit kurrkush tjatër s‘është vrarë. (titujt e mëdhenj te gazetës "Vatra" në faqen e parë të saj).

Lëvizja donkishote që u shënua të mërkurën mbasdreke në Fier dhe që u tentua të përhapej edhe në Lushnje, po merr atë mënyrë që filloj kështu edhe dështoj brenda një kohe të shkurtër. Donkishotët e Fierit, kur u gjendën karshi fuqive qeveritare, u shpërndanë në një mënyrë të turpshme dhe dikush tue u hedhun në hendeqe dhe dikush tjatër tue marrë vrapin përmes fushave, i dhanë fund mizorisht lëvizjes së tyre kundrejt autoriteteve legale të vendit. Lëvizja reaksionare u shënua për herëe të parë në Fier, aty nga ora 8 e mbasdrekes. Ndihmësi i Rrethkomandantit të këtij qyteti, toger Musa Rustem Kranja, me disa shokë të tjerë, prenë vijat telefonike dhe deklaruan veten e tyre autoritete supreme të qytetit...Mbas këtij...zaptimi triumfonjës, u nisën për në Lushnje, të cilën shpresonin se e kishin për të shtirë në dorë pa asnjë përpjekje. Mirpo këtu gjetën një rezistencë të fortë nga ana e Rrethkomandantit Gjek Marashit, të ndihmuar edhe prej vëllait të tij, Llesh Marashit, i cili u gjent atje me rastin e shënimit (emërimit, shënimi ynë), si Rrethkomandant i ktij qyteti. Midis dy palëve, u zhvillua një përpjekje e cila filloj nga ora 22 e së Mërkurës dhe mbajti gadi tri orë. Të dy vllazrit Marashi bashkë me fuqinë e vogël që dispononin, mbajtën një rezistencë të fortë. Ndërkaq në ndihmë të autoriteteve të Lushnjes arriti fuqia qeveritare, dhe kur donkishoptët e Fierit muarën vesh se arriti ndihmë ushtarësh, u thyen në mënyrë qesharake. Disa nëpër hendeqe dhe disa të tjerë përmes fushave përfunduan andej e këndej dhe fuqia qeveritare u bë kështu e zonja e situatës. Për të kuptuar se sa qesharake ishte lëvizja e tyre. Mjafton të shënohet se nga të dy anët nuk u shënua asnjë i vdekur dhe as që u plagos dikush. Vrasja e inspektorit të ushtrisë De Ghilardi bashkë me shoferin e tij, e cila prodhoi hidhërimin më të madh në Tiranë ku i ndjeri gjeneral gëzonte stimën më të madhe dhe simpathinë e përgjithëshme, kualitetet e tij dhe me gjithë që ishte prej origjine e huaj, e ka dashur dhe ka luftuar heroikisht për vëndin t‘onë, u bë të Mërkurë mbrëma. Inspektori kishte vatur në Pojan për të vizituar Museumin e antikave dhe tue udhëtuar nga Pojani në Fier, u qëllua me pushkë dhe mbeti i vrarë bashke me shoferin. Trupi i gjeneralit u suall në Tiranë dje natën. Po bëhen përgatitjet të posaçme për funeralin e tij. Simbas informatave që kemi, gjenerali do të varroset në Kështjellat e Petrelës, simbas dëshirës që kishte çfaqur prej kohe. Siç e thamë edhe në numrin e djeshëm, qeveria ka arrestuar një numër të madh prej shtytasve të lëvizjes reaksionare, dhe të gjithë këta do të gjykohen nga gjyqi i posaçëm. Me qenë se hetimet nga ana e autoriteteve janë tue vazhdue, tash për tash nuk mundemi të japim. Vetëm shënojmë se Qeveria me sa kemi marrë vesh ishte në dijeni të lëvizjes së përgatitur, dhe një takëm prej kryetarëve të të lëvizjes vëzhgoheshin prej kohe. Ka shumë të ngjarë që lëvizja të jetë bërë përpara kohës së caktuar prej tyre mbasi do të kenë konstatuar se ndiqeshin prej autoriteteve, dhe për të moz u zënë prej këtyre në kohën e duhur, nisën lëvizjen. Qetësiua mbretëron në të gjitha viset e Mbretërisë, komunikasjoni, i prerë pak kohë më parë nga ana e kryengritësave, tani është në rregull të plotë.

"VATRA" në vëndin e kryengritjes (Reportazhi)

Qysh filloi e mbaroi lëvizja Kranja-Cekrezi. - Arrestimi i nënperefektit - Marja e pushkave nga depoja - Kundërshtimi i Kap. Vas Kirit - Thirrja e parisë së nënprefekturës - Cekrezi fshihej prej dy ditësh në shtëpinë e Kranjës - Ardhja e Gjen. Ghilardit dhe urdhri "zjarr" i Kranjës - Kush e ekzekutoi urdhërin - "Komisjoni për qetësinë e vendit" - Fjalimi i Kranjës dhe Cekrezit - Cekrezi përshëndet allanacionalista - Arrestmi i i kap. Edip Pustinës - Dështimi i sulmit të Lushnjes - Mbrojtja heroike e 6 oficerëve dhe 24 xhandarëve dhe ushtarëve - Humbja e sulmuesëve dhe ikja e tyre e turpshme - Grabitin të hollat e Post-Telegrafës - Fajtorët kryesorë ikin për në Divjakë me anë të Libofshit - Fieri në duar të qeverisë.

Qetësia është e plottë

Reportazh i Xhem Xhemit që shkoj postafat në Fier. Fier 17 Gusht. Otomobili i parë që u nis nga Tirana për në Fier mbas shtypjes së lëvizjes komiko-tragjike, ka qenë vetura me të cilin unë i nënshkruari shkova postafat në vëndin e ngjarjeve për të mbledhur informata të sakta dhe të plota që të vihen kështu në korent këndonjësit e gazetës s‘onë mbi të gjitha hollësirat e lëvizjes. Si çdo ditë tjatër edhe dita e Mërkurë ishtre e qetë në Fier. Nënprefekti z. Hasan Lame bëhej gati të lënte përgjithmonë qytetin për të shkuar në Vlorë, dhe s‘andejmi në Peqin ku është transferuar. Nëntoger Muhamet Luzati, ndihëms Rrethkomandant i Xhandarmërisë, është në krye të detyrës dhe herë herë tue bërë shëtitje. Aty këtu shkëmbente ndonjë fjalë me një reshter dhe një civil, një farë Hekurani. Populli vazhdon punën i qetë.

Nënprefekti nën arrestim (Si ndodhi ngjarja)

Vjen mesi i ditës, nënprefekti urdhëron për një shërbim një xhandar, ordinancën e tij. Po shërbimi s‘mbarohet se Nëntogeri e takon në rrugë dhe i heq vërejtjen dhe pastaj e urdhëron që të marrë me vete armën. Hasan Lamja e pret dhe shkojnë orë që s‘vjen. Kalon ora dy, Nëntogeri vjen dhe takohet me Nënprefektin, dhe bashkë me këtë ecin në sheshin e gjerë karshi godinës së postës. Ndërkohë që hasi në kundërshtimin e z. Lame, Kranja e deklaron nën arrestim. Një reshter që mbante me vete Nëntogeri urdhërohet ahere që të shkojë në shtëpinë e Kranjes dhe të lajmëroi Kost Cekrezin se nënprefekti është nën arrestim, ndërsa një xhandar shoqëronte Hasan Lamen në një shtëpi ku u vu nën roje.

Del Kostë Cekrezi

Nga informatat që mblodhëm, Kostë Cekrezi gjendej prej dy ditësh në Fier dhe mbahej i fshehur në shtëpinë e Nëntogerit dhe dolli në piacë ahere kur u lajmërohet për arrestimin e nënprefektit. Lëvizja tani në piacë fillon të bëhet e dukshme. Disa xhandarë dhe civilë venë dhe vinë, kuvendojnë më Nëntogerin, ky me Cekrezin dhe pastaj Kranja shkon në depon e armëve të paraushtarakëve. Kur hyri brenda, vjen kapiteni i ushtrisë, Vas Kiri dhe kërkon shpjegime për hyrjen pa leje në depo. Nëntogeri e arsyeton me një urdhër superior, por Kiri kundërshton dhe ahere edhe ky arrestohet dhe dërgohet nën roje në një shtëpi.

Thërritet përësia

Ora është pothuaj pesë mbasdreke. Disa civila duken që ecin rrugëve me qetësi dhe arrijnë tek sheshi para Nënprefekturës ku janë mbledhur gati njëzet vet nga parësija. Musa Kranja u shpjegon qëllimin e thirrjes, Iu thotë se atë ditë do të shpallet në të gjithë Shqipërinë kryengritja. "Unë e shpall këtë këtu dy orë më parë", - tha midis të tjerave Nëntogeri. "Të gjitha prefekturat dhe nënprefekturat janë të lidhura për këtë veprim dhe sonte më orën nëntë fuqitë kryengritëse do të hyjnë në Tiranë. Duhet pra, dhe populli i Fierit të marrë pjesë në këtë kryengritje". Kur po mbaronte fjalimin Nëntogeri, dy tre civilë bashke me kaq xhandarë, vinë me vrap përpara gjindjes dhe lajmërojnë Kranjën se gjeneral Ghilardi erdhi me otomobil.

"Zjarr",! Kundër gjeneralit

Nëntogeri s‘kërkoj hollësira për urdhëroj: "Zjarr"! Lajmëtarët kthehen menjëherë dhe drejtohen te automobili i gjeneralit që kishte ndaluar në sheshë dhe pikërisht parapara disa dyqaneve të vegjël dhe kafehaneve që janë në sërën e godinës së nënprefekturës. I pari që qëlloi kundrë gjeneralit, simbas informatave që mblodhëm, ka qenë civili Hekurani. Ky iu afrua shumë afër dhe shtiu me pushkë të gjatë në gjoksë. Pastaj na thanë se qëlloi dhe një reshter dhe disa civila të rretheve me revolver. Pastaj vranë dhe ordinancën. Gjenerali, siç muarmë vesh, erdhi në Fier për të shkuar pastaj në Pojan me rastin e panairit që do të zhvillohej të nesërmen.

Flet Cekrezi

Kur mbaroi fjalën Kranja, dolli në ballkonin e nënprefekturës, Kostë Cekrezi dhe filloi të mbajë një fjalim. Në këtë çast, filloj diskursin "guvernator" i Fierit - se me këtë cilësi e paraqet veten e tij Kostë Cekrezi - vrasjen e Gjeneral Ghilardit, kështu po vë re populli i Tiranës vrasjen e Abduhraman Matit (Lalë Krosit, shënimi ynë), të Musa Jukës, të Abdurahman Dibrës dhe të tjerëve. Kryengritësit janë të zotët e të gjithë Shqipërisë"... - Dhe pastaj ftoj edhe popullin Fierit që të bashkohet me ta. Mbas pak, me instruksionet e Nëntogerit, u formua nga parësija e thirrur e Fierit, një komision që u quajt "i mbajtjes së qetësisë". Përpara këtij komisioni Kranja dhe Cekrezi jepnin hollësira. Dhe thoshte se pritej të vinte ushtria në ndihmë të tyre prej Berati dhe Vlore, edhe se ata bënin përgatitjet për të zaptuar Lushnjen.

Kapiten Pustina nën arrestim

Kur komisioni ishte mbledhur në një nga sallat e Nënprefekturës, mori vesh se po arrinte në Fier, Qark-komandanti i Beratit, Kapiten Edip Pustina. Dhe ishte ora më tepër se shtatë mbasdreke. Simbas informatave t‘ona, Kapiten Pustina u urdhërua nga Prefekti i Beratit që të merrte në dorzim komandën e rrethit të Fierit. Kapiten Pustina shkoi të merrte detyrën, por u vu në arrestim dhe shoqërohet edhe ky nën roje në një shtëpi. U vunë kështu nën arrestim: Nënprefekti, Hasan Lame, kapiten Vas Kiri dhe kapiten Edip Pustina.

Qetësia e qytetit

Mbasi u largua kap. Pustina, Musa Kranja rekomandon komisionin për të mbajtur qetësinë mbasi ay me shokët e tij do të nisej për të zaptuar Lushnjen dhe i vë komisionit në dispozicion pesë gjashtë xhandarë dhe armë. U formuan kështu patrulla me dy civilë dhe një xhandarë secila, dhe gjithë natën këto vinin rreth qytetit. Para se të ikte Nëntogeri, i rekomandoj komisionit që të tre të arrestuarit të mos pësojnë asnjë gjë të keqe dhe nënpunsit të telefonit të mos çelej dhe as të pranojë komunikasjon me asnjë vënt dhe personë.

Drejt Lusnjes

Kur u nisën për të zaptuar Lushnjen, ora do të ishte nëntë. Si udhëheqës ishte Nëntogeri, Cekrezi dhe disa të tjerë, dhe gjatë rrugës duket se muarën dhe katundarë dhe kështu me një fuqi prej 200 e ca vetash, me kamjone dhe otomobila u nisën për në Lushnje. Ndërkaq Lushnja e kishte marrë haberin e lëvizjes së Fierit dhe nisjen e ktyre për në Lushnje. Fuqia qeveritare e këtij qyteti, përbëhej prej 24 xhandarësgh dhe ushtarësh, dhe prej 4 oficerësh, Togerët Sulejman Hosceka, Xhemal Rustemi dhe nëntogerët Muhamet Luzati e Isa Drishti. Në kohën që kishte arritur lajmi i lëvizjes dhe katër ioficerët përgatiteshin të merrnin masat për rezistëncë, arrijën nga Shkodra vllazrit Gjek e Llesh Marashi, që të dy kapitenë të Xhandarmërisë, respektivisht, Rreth-Komandantë të Lushnjes dhe të Fierit.

Betimi për Mbret

Vendosën të gjithë me rezistue gjer në vdekje dhe tue përsëritun edhe njeherë betimin për Mbretin, rreshtojnë nga të gjitha anët e godinave të nënprefekturës dhe të presin. Aty nga ora 11 e natës ja që po dëgjohen zhurma kamjoni dhe otomobila nga rruga e Lushnjes, dhe kur i ofrohen gati 1000 metra qytetit, dritat e otomobilave fiken. Janë kryengritësit. Komandën e mbrojtjes e ka në dorë Gjek Marashi, si më i vjetri dhe me cilësinë e Komandantit të Garnizonit. Kur rebelat afrohen dhe hyjnë në oborrin e godinës nga ana e Lushnjes dhe afrohen te porta kryesore e saj, kërcet një batare. Kryengritësit me zëra të nalta ftojnë oficerat trima dhe besnikë të dorzoheshin se mbrojtja e tyre ishte e kotë, mbasi përveë Lushnjes, të gjitha viset kishin rënë në duart e tyre. Kësaj ftese dhelparake iu përgjigjën me brohoritje për Mbretin dhe pushka kështu filloi menjeherë. Harruam të shënojmë se bashkë em xhandarët e Lushnjes, që luftonin, ishte dhe konduktori, Alush Hoxha nga Shkodra. Nga fuqitë e rregullta, u hodhën 1031 pushkë. Perëndia e di se sa u hodhën nga kryengritësit.

Heroisma e oficerave

Heroisma dhe besnikëria e oficerave dhe xhandërmëve të Lushnjes, janë për t‘u admiruar. Mbajtën një rezistencë të çuditëshme dhe me gjithë fuqitë gati 10 herë më shumë të sulmuesëve, mujtën t‘i bëjnë ballë sulmimit dhe të shtërngonin kështu ata të ktheheshin mbrapshtë në mënyrë të turpshme.

Ymni i Mbretit

Dy xhandarë që kishin zënë vënt prapa një muri afër portës së jashtme të hyrjes nga ana që rezervohet për xhandarmrinë, këndonin ymnin e Mbretit duke lëftuar. Anët e jashtme të godinës së Nënprefekturës janë plot vrima të shkaktura nga pushkat. Me qindra kanë këto shenja. Gjek Marashi inkurajon me zë të naltë shokët trima dhe i entuziazmon me guximin e tij.

Kryengritësit tërhiqen

Kur filloj të zbardhojë, luftimi pushon. Të hedhur nëpër hendeqe, disa ikin me vrap nëpër fusha, në mënyrë të turpshme. Ndërkaq arrinte fuqi tjatër qeveritare nën komandën e Toger. Zyhdi Cami, ndërsa nga Mallakastra populli i qarkut nën komandën e deputetit Hysni Toskës vraponte vullnetarisht dhe me shpejtësi kundër kryengritësve.

Kryetarët ikin

Në Fier s‘dihej akoma se ç‘kishte ngjarë në Lushnje. Komisjoni i ngarkuar për qetësinë, po vazhdonte të interesohej për qetësinë e qytetit. Dikush aty n ga ora 5 e mëngjezit paska parë Musa Kranjën që ka hyrë me otomobil në Fier dhe të largohej mbas pak me shpejtësi. Vetëm më orën 8 të mëngjezit e mori vesh populli i Fierit se kryengritja kishte dështuar. Kështu u mësua më vonë se Kranja, Cekrezi, Hekurani dhe një reshter me shoferin Peçi Gera, u drejtuan për në buzë detin e Divjakës, me anë të Libofshit. Thuhet bile se paskan qëndruar në Libofshë për të pirë kafe. Kur arritën te roja kufizore (Roja kufitare bregdetare), nëntogeri paraqiti Cekrezin si ingjinier italian i ardhur gjoja atje për të bërë studime, dhe mbasi dha instruksione që të përgatisnin drekën, muarë rugën për më poshtë ku karshi ndodhej një benzinatë (varkë me motorr). Shoferin e lanë afër buzë detit dhe e kërcënuan me pushkë se në rast se largohej para dy orësh dhe ky nga frika s‘bëri ndryshime. Harruam të shënojmë se disa na thanë se Kranja kishte marrë me vete edhe të hollat që gjendeshin në arkën e Postë-Telegrafës. Kur u muar vesh se kryetarët e lëvizjes ikën, ahere një rreshter i këshilluar nga komisioni, vate dhe lajmëroj kap. Edip Pustinën që të dilte dhe të merrte në dorëzim komandën e xhandarmërisë dhe mbas këtij duallnë dhe Nënprefekti me kap. Vas Kirin. Pastaj arriti nga Lushnja edhe titullari i Rreth Komandës, kap. I Llesh Marashi gjithashtu dhe N / kolonel Ali Rizai si komandant i operasjonit me ushtri. Gjëndja hyri kështu në normalitet dhe qetësia mbretëron kudo.

Kush ishte gjeneral Gjilardi?

21 vjet përpara binte dëshmor i detyrës një i huaj, adhuronjës i Shqipërisë, Koloneli Olandez, Thomson, prej plumbave tradhëtore të rebelëve. Në kohën që i gjithë populli Shqiptar me adhurim, mirënjojtje dhe respekt të thellë nderonte kujtimin e tij, duart gjaksore, jo me shpirt shqiptari, por me instikta krimineli lanë të vdekur Gjeneralin trim, Leon de Ghilardi, i cili la detyrat dhe gradat e tij që kishte në Imperatorinë Austriake dhe u vu në në shërbim të shtetit Shqiptar me gradat më të ulta, duke luftuar në Korçë, në Skrapar e në Lesh, dhe në malësinë e Dibrës e të Kosovës, edhe rreth Tiranës me një ideal, me një qëllim, për stabilizimin e Shtetit Shqiptar. Këto shërbime të paharushme ia çmoi Shteti dhe Sovarni t‘Onë August, duke e ngarkuar me detyrën e lartë të Inspektorit të Përgjithshëm t‘Ushtrisë pranë Oborrit Mbretnuer. Ky është me pak fjalë Gjenerali Leon de Ghilardi, por në shpirtrat t‘onë dhe të djalërisë, fytyra jote madhështore dhe triëmria legjendare do të ngelin përherë simbol dhe populli çfaq mënin e tij për kriminelët barbarë që të larguan kaq shpejt nga gjiri i tij. Dhe Drejtësia kërkon sadisfaksion. Mëshira ka kufi, sidomos kundër gjaksorëve që ngritën dorë kundër Mëmës Shqipëri, çdo ndjejnjë mëshire është krim. Prova e mëshirës atnore që e ka treguar në shumë raste shpirti bujar i Sovranit t‘onë, dha konsekuenca të kundërta. Për redisivistët nuk duhet mëshirë. Shpata e drejtësisë duhet të bjerë pa mëshirë kundra të gjithë atyre. Shpata e drejtësisë duhet të bjerë pa mëshirë kundër atyre që s‘kanë tjetër program në jetën e tyre, veçse të rrojnë dhe spekullojnë në kurriz të popullit inoncent, duke shtytur në aventura, që rrezikojnë ekzistencën e shtetit. Qeveria ka përgjegjësi kundrejt Shtetit dhe Mbretit në rast se tregon plogësi dhe sugjeron mëshirë për persona që janë dënuar nga nmdërgjegjia e popullit. Populli pret që Gjyqi i Posaçëm të aplikojë ligjin me rreptësi dhe pa mëshirë kundër auktorëve dhe shkakëtarëve, jo për t‘i dhënë sadisfaksjon shpirtit të Gjeneral Leon de Ghilardit, se ay atë sadisfaksjon e ka marrë me një Shqipëri të lirë dhe indipendente, por për t‘iu prerë hovi njëherë e mirë aventurave të tilla dhe që të mos ç‘thuret rruga e përparimit dhe e qytetërimit që prej dhjetë vjetësh e theu, vazhdon shteti t‘onë nën udhëheqjen gjeniale të Mbretit Zog i I.

Në ceremonitë mortore morën pjesë autoritetet më të larta të Monarkisë

Varrimi madhështor në Tiranë i gjeneral Gjilardit

Ndërmjet shkrimeve të shumta që gazeta "Vatra" me botues Timo Dilon u kushtoi ngjarjeve të Fierit, në mesin e muajit gusht të vitit 1935, një vend të veçantë ajo i rezervoi edhe figurës së gjeneralit Leon de Gjilardi, që mbeti i vrarë nga forcat kryengritëse, si dhe ceremonive madhështore të varrimit të tij që u zhvilluan në Tiranë dhe në Kalanë e Petrelës, ku u preh trupi i tij. Lidhur me këtë, ndërmjet të tjerash, gazeta "Vatra" ka shkruar: "Funerali madhështor i gjeneralit zhvillohet nën mallëngjimin e përgjithshëm. - Mbreti i jep përshëndetjen e fundit. Dhe në orën 10 u bë funerali. Prej orës 9, trupat kishin zënë vënd para një nga pavijonet e Spitalit Ushtarak, ku ishte vendosur kufoma e gjeneralit. Në funeralin muarën pjesë N. N. e Tyre Sali dhe Hysen, Kryeministri me të gjithë ministrat, Trupi Diplomatik, deputetët e ndodhur këtu, officerat me granduniformë, nënpunësit e lartë me taite dhe cilindër (lloj veshje për raste ceremonialesh dhe kapele republike e rrumbullaket), si dhe një shumicë e madhe popull. Kurorat ishin të shumta; çquheshin ajo e N. M. Tij Mbretit, me dedikimin: "Ghilardit shokut dhe ushtarit t‘im shum trim e të vlefshëm, Zogu i I", e Princeshave, Princ Tatit, Princave Sali dhe Hysen, Adjutantura e Mbretit, Ushtria Mbretnore, Këshilli i Minitrave, Ministri Italjan, legata Inglize, Atasheu Ushtarak Italjan, Bashkia e Fierit, Gjeneral Percy, Officerat Organizator Italjan, Bashkia e Kryeqytetit, Komanda e Gardës Mbretnore, Abdurahman Mati, Kryesia e Kishës Autoqefale Ortodhokse, Spitali ushtarak, Përfaqësia e Gruas Shqiptare, Oda e Tregtis, Shoqata SITA, Detashmenti Rua, Diprimenti Ushtarak pranë Oborrit Mbretnuer, Arma e Gjindarmërisë Mbretnore dhe shumë të tjera. Kortëzhin e çeli një togë Kalorsije mbas së cilës vinin me rradhë Banda Ushtarake me vegla në zi, Baoni (Bataljoni), "Deja", me tri kompani dhe Flamur, Grupi i Artilerisë Divizionale në këmbë, Kurorat, Kleri. Mbas Klerit vinte Kufoma që ishte vendosur në shtrtin e një topi të tërhequr nga gjashtë kuaj të mbuluar me stof të zezë dhe një Flamur i math. Nga të dy anët ishin rreshtuar oficerat, togerat: Masar Kryeziu, Rifat Jakova, Atif Golja, Hysen Jegeni, Shaqir Muça, Nazim Baraku, Ali Feti Picari, Irfan, Rifat dhe Hektor Zaharia, Ragip Kalenja, Veli Shtylla dhe nëntoger Itball Shapllo dhe një togë ushtarësh të Baonit "Deja", Pas arkivolit vinte një oficer që mbante dekorasjonet e Gjeneralit, dhe kali i tij mbuluar me të zezë. Në vijë të parë prapa kufomës vinin përfaqësuesit e N. M. Tij, Mbretit, Princi Sali dhe Husen, oficerat e Adjutanturës, Kryeministri, Kryetari i Parlamentit, Minsitrat, Trupi Diplomatik, Komandanti i Mbrojtjes Kombëtare, funkcjonerët e lartë të shtetit, oficerat, paria e vendit dhe popull. Kortezhi i formuuar në këtë mënyrë përshkoj rrugin e Dibrës, Bulevardin Zog, ku u ndal pakë përpara Kishës Katolike për lutjen e zakonshme, dhe duke u kthyer nga krahu tjetër i Bulevardit Zog vazhdoi për në rrugën 28 Nëndori. Me të arritur para Pallatit Mbretnuer, ndaloi për pak minuta ku kishte dalë N. M. Tij Mbreti për të përshëndetur për herë të fundit shokun dhe ushtarin e Tij trim dhe shumë të vlefshëm. N. M. e Tij, Mbreti me gjithë që përpiqej, nuk mund ta mbante mallëngjimin që e ndjentë dhe që ishte i dukshëm nhë tiparet e fytyrës së Tij. Kortëzhi vazhdoi rrugën dhe te posta e policisë së rrugës së Elbasanit ndaloi, ku Komandantio i Mbrojtjes Kombëtare, i dha të ndyerit lamtumirën e fundit me këto fjalë: "Ghilard o shok i dashtun, Me zemër të helmuar dhe me lot ndër sy vinj me të dhanë përshëndetjen e fundit. Dora mizore të çkëputi prej nesh. Re dëshmor për Shqipërinë, për Mbretin. Kujtimi juaj nuk do të harroet kurrë".

RADIO FREE EUROPE/RADIO LIBERTY, PRAGUE, CZECH REPUBLIC
___________________________________________________________
RFE/RL NEWSLINE Vol. 11, No. 155, Part II, 22 August 2007

ALBANIA 'MAY' BACK UNILATERAL MOVE BY KOSOVA. Albanian Foreign Minister Lulzim Basha has stated that Albania might recognize Kosova as an independent state if Kosova decides to declare independence unilaterally, the Albanian daily "Gazeta Shqiptare" reported on August 21. Basha dismissed talk of a partition of Kosova and said he expects some of Kosova's other neighbors to back a unilateral move by Prishtina, but gave no names. Basha indicated that Kosova might declare independence 120 days after the beginning of the current round of talks on Kosova's future. That roughly coincides with the December 10 date when the international diplomats mediating talks between Belgrade and Prishtina are due to submit a report to the UN. Russia and Serbia have rejected suggestions that December 10 should mark the end of talks and have said that any solution must be voted on by the UN Security Council. In the latest sign of pressure by the EU for an early resolution, Austrian Foreign Minister Ursula Plassnik on August 20 told Austrian reporters that the current round of talks would be the "last." Plassnik also said Russia had undermined the role of the UN by blocking EU and U.S. attempts to pass a vote on Kosova's future and is forcing the international community to find a solution outside the UN. AG

RADIO FREE EUROPE/RADIO LIBERTY, PRAGUE, CZECH REPUBLIC
___________________________________________________________
RFE/RL NEWSLINE Vol. 11, No. 154, Part II, 21 August 2007

UN, KFOR REJECT CALL FOR RETURN OF SERBIAN TROOPS TO KOSOVA... The UN Mission in Kosova (UNMIK) and the NATO-led international force in the region, KFOR, have rejected a call by Serbian Prime Minister Vojislav Kostunica for Serbian troops and police to return to Kosova. Aleksandar Simic, a spokesman for Kostunica, said on August 17 that "the time has come for the return" of up to 1,000 Serbian security personnel to the UN-administered but still nominally Serbian province. Under UN Security Council Resolution 1244, passed in 1999 after NATO troops forced Serbian security forces out of Kosova, Serbia was given permission to station up to 1,000 police and army troops to guard Serbian churches and monasteries, though this was made subject to approval by the UN. UNMIK and KFOR have previously argued that the presence of Serbian troops would put security at risk, an argument that a KFOR spokesman, Colonel Michael Knop, made once again on August 19, international and local media reported. Serbian television and the news agency Tanjug on August 19 quoted a UNMIK spokesman, Aleksandar Ivanko, as calling the Serbian proposal "very irresponsible" and as saying it should not be taken "seriously." Simic argued for a deployment at this point because a roughly four-month round of talks that Belgrade and Prishtina have just begun "will produce barely any results" (see "RFE/RL Newsline," August 13, 2007). Dusan Prorokovic, a secretary of state in Serbia's ministry for Kosovo affairs, linked the call to KFOR's alleged failure to provide security, arguing, according to the news agency FoNet on August 19, that "if KFOR is not able to fulfill its mandate to protect the non-Albanian population in the province and stop ethnic cleansing and violence, our security forces should be entrusted with the task." Prorokovic said that Serbian forces would clear minefields as well as protect religious sites. Both Serbian and Kosovar media quoted an unnamed source or sources in the U.S. State Department as saying Serbian requests to dispatch troops to Kosova stand no chance of success. AG

...AS DO KOSOVAR POLITICIANS... Serbia's call has been welcomed by the leader of the Serbian National Council of Kosovo-Metohija, Milan Ivanovic, who said, according to Kosovar Albanian media, that the presence of Serbian troops would boost the security of Kosovar Serbs. Local media reported, though this was unconfirmed, that the statement came at the request of the Serbian National Council. Other Kosovar Serbian leaders have yet to respond. The response from Kosovar Albanians has been unequivocal. According to the daily "Koha ditore," Kosovar government spokeswoman Ulpiana Lama said on August 17 that "if the Serbian minority is threatened by anyone and if they need protection, they are threatened precisely by the Serbian government and it is from it that they need to be protected." AFP quoted Lama as saying that the Serbian proposal is an "absurdity." On August 18, "Koha ditore" reported that a leader of veterans of the 1998-99 war, Faik Fazliu, said that "any return of Serbian forces to Kosova means war." He added: "Resolution 1244 is dead for us. We have never recognized it." AG

...WHILE DEBATE CONTINUES ABOUT SERBIAN CRITICISM OF NATO. Serbian government spokesman Simic also declared on August 17 that if the United States were to give up its plan to create "a NATO state in the Balkans, it would be possible to hold real negotiations" on the future of Kosova. That statement echoed accusations leveled during the preceding days by three Serbian ministers (see "RFE/RL Newsline," August 16, 17, and 20, 2007). A fourth, Energy Minister Aleksandar Popovic, subsequently -- on August 19 -- voiced the same views, the news agency Beta reported. All the ministerial accusations have been made by members of Kostunica's Democratic Party for Serbia (DSS), the second-largest of Serbia's three governing parties. Leading figures in the largest party, the Democrat Party (DS), have yet to comment. However, Nada Kolundzija, a DS whip, called the DSS statements "damaging" to Serbia's national interests and said, "we should direct all our efforts towards winning the support of as many influential states as we can when it comes to the settlement of Kosovo's future status," the broadcaster B92 reported on August 18. The anti-NATO rhetoric has also been heavily criticized by some commentators, who raised the possibility of an emerging "rift" within the Serbian government over joining NATO and of a swing away from the West toward Russia. AG

FORMER SERBIAN, KOSOVAR PREMIERS RAISE POSSIBILITY OF PARTITION. Two former prime ministers have said that partition should be considered as a means of resolving the status of Kosova. Zoran Zivkovic, who led the Serbian government between 2003 and 2004, embraced the idea, telling the Serbian daily "Blic" on August 20 that partition is the best solution on offer. He also argued that the return of northern Kosova to full Serbian sovereignty would facilitate the return of Kosovar Serbs who have left Kosova since NATO halted the war in 1999. Bajram Rexhepi, who was Kosova's prime minister from 2002 to 2004, said he would be willing to discuss the possibility of partition, but only if Serbia were to exchange the Albanian-dominated Presevo Valley in southern Serbia for land in the Serbian-populated north of Kosova (see "RFE/RL Newsline," August 9, 2007). Both the Kosovar and Serbian governments have ruled out partition, and Kosovar President Fatmir Sejdiu has said the Kosovar negotiating team might walk out if the issue of partition were raised in negotiations (see "RFE/RL Newsline," August 9, 2007). Dusan Prorokovic of Serbia's ministry for Kosovo affairs said on August 19 that partition is being used as "an exit strategy for some Albanian politicians who have realized that their insistence on certain things has yielded no results." He did not specify to what "things" he was referring. AG

MACEDONIA 'MUST DO EVERYTHING' TO PREVENT PARTITION OF KOSOVA... At a speech to mark Macedonia's Army Day, President Branko Crvenkovski said on August 18 that Macedonia "must do everything in its power to prevent" Kosova being partitioned. Partition would, he said, encourage radicals across the region to believe that new borders could be established based simply on ethnicity. Crvenkovski added, however, that the security situation in Macedonia itself is currently stable, the news agency MIA reported. AG

...WHILE BOSNIAN SERBS REJECT INDEPENDENCE FOR KOSOVA. Milorad Dodik, the prime minister of the Republika Srpska and the Bosnian Serbs' most powerful political leader, said that the ethnic-Serbian-dominated entity will not support any attempt by the Bosnian authorities to recognize Kosova as an independent state, Tanjug reported on August 19. Dodik argued that Kosova's status should be decided by the UN Security Council. Europe and the United States in July halted efforts to persuade the Security Council to accept independence for Kosova after Russia threatened to use its veto. Dodik has pulled back this year from earlier suggestions that the Republika Srpska could raise the possibility of secession if Kosova gains independence. AG

Balkan Investigative Reporting Network 20 08 2007 http://www.birn.eu.com:80/en/99/15/3891/

Albanian Prince to Advise Foreign Minister

Tirana_Albania’s crown prince, Leka II, has been hired by the Foreign Minister, Lulzim Basha, as an adviser on foreign policy.

The nephew of the late King Zog will be tasked with “further pushing ahead Albanian diplomacy”, Basha said at a ceremony on Monday in the foreign ministry.

The Albanian royal family left the country on April 7, 1939 on the eve of the invasion of the country by Fascist Italy. The communist takeover at the end of the Second World War ruled out their return and no Albanian royals set foot in the country until 1997. Albanian royalists lost a bid to restore the monarchy in a referendum held that year when only one-third of the electorate backed the plan.

A graduate of Britain’s top military academy at Sandhurst, Leka II is expected to follow in the footsteps of his father, Leka I, who worked as an adviser to the King of Saudi Arabia during his years of exile.

Basha used the ceremony on Monday to repeat Albania’s stance on the future status of Kosovo. “If the process is not solved, we will work to push through the [Martti] Ahtisaari plan,” he added, referring to the UN envoy’s plan to grant the disputed Serbian province eventual independence.

Basha recently came under fire from the former foreign minister, Besnik Mustafaj, for failing to take a more active role in aiding the mainly Albanian population of Kosovo in determining their future status. Basha replaced Mustafaj in May.

Leka II, në kabinetin e ministrit të Jashtëm

Ministri i Punëve të Jashtme, Lulzim Basha, prezantoi dje anëtarin e ri të kabinetit të tij, Princin Leka II. Basha vuri në dukje se emërimi i Princit Leka II në kabinetin e tij është pjesë e filozofisë së qeverisë shqiptare si dhe e vendosmërisë së saj për të pranuar në administratën shtetërore kapacitetet më të mira të vendit, persona me aftësi të spikatura në pajtim me nevojat e shërbimit të jashtëm dhe kërkesave gjithnjë në rritje të diplomacisë shqiptare. Kreu i diplomacisë shqiptare theksoi se Princi Leka II e ka pranuar me kënaqësi ftesën për të qenë pjesë e ekipit të tij, duke filluar kështu karrierën profesionale në fushën e marrëdhënieve me jashtë, në shërbim të diplomacisë së vendit dhe në mbrojtje të interesave më të larta të kombit shqiptar. Princi Leka II ka një formim akademik solid. Ai ka studiuar në disa kolegje të njohura në vende të ndryshme, përfshirë ST Peter College dhe më pas ka vazhduar në "Royal Military Academy of Sandhurst", një ndër institucionet edukative më prestigjioze në Mbretërinë e Bashkuar. Princi Leka II ka kryer gjithashtu një kurs tremujor në Akademinë ushtarake "Skënderbeu", në Tiranë, dhe një kurs 3-mujor në Itali.

Basha: Diplomacia shqiptare, me fytyrën e saj publike, e ka kthyer çështjen e Kosovës në kryefjalë të saj

Ndarja e Kosovës sjell destabilizim në rajon

Ministri i Punëve të Jashtme, Lulzim Basha, deklaroi dje se diplomacia shqiptare nuk ka qenë kurrë më e angazhuar se në këto muaj në lidhje me statusin final të Kosovës. Ai theksoi se në takimet bilaterale në Uashington me Condoleezza Rice dhe në Bruksel me Javier Solana, Olli Rehn dhe Jaap de Hoop Scheffer, në turin ballkanik Kosovë, Maqedoni, Mal i Zi, në samitet e Zagrebit, Stambollit, Ohrit dhe Dubrovnikut, si dhe në vizitat bilaterale në Itali, Portugali, Slloveni dhe Spanjë, Kosova ka qenë kryefjala e diplomacisë shqiptare. "Procesi për statusin e Kosovës po rrjedh sipas parashikimeve dhe pritshmërisë, pas bllokimit unilateral të Rusisë në Këshillin e Sigurimit të Paketës "Ahtisaari". Diplomacia shqiptare është më e angazhuar se kurrë më parë. Diplomacia shqiptare, me fytyrën e saj publike, e ka kthyer çështjen e Kosovës në kryefjalë të saj dhe ka arritur të japë tonin e zhvillimeve dinamike për Kosovën", u shpreh Basha, duke kujtuar se qëndrimi i Shqipërisë për zgjidhjen e statusit të Kosovës, nëpërmjet dinamikës NATO-BE, në rast të dështimit të negociatave në Këshillin e Sigurimit apo mospasjes së suksesit në bisedimet shtesë, përbën një pozicion të avancuar dhe që u paraprin zhvillimeve diplomatike në të gjithë skenën europiane dhe botërore.

Kreu i diplomacisë shqiptare theksoi se qëndrimi i Shqipërisë kundër pozicionit bllokues të Rusisë, ndihmoi thelbësisht në formulimin e taktikës së re të aleatëve perëndimorë, që ka rezultuar në bisedimet e pritshme shtesë. Basha ka ironizuar qëndrimet e opozitës shqiptare, të cilat kritikuan qeverinë për mungesë vizioni lidhur me çështjen e Kosovës. "Unë mund të them vetëm se diplomacia ka qenë më e angazhuar se kurrë dhe se "patriotët e gushtit" kanë mungesë informacioni, pasi vëmendja e opozitës ka qenë tërësisht e fokusuar në krizën presidenciale dhe në çështjet e tyre të brendshme. Megjithatë, deklaratat e tyre, ndonëse me vonesë, ndonëse reflektojnë pozicione të shprehura nga diplomacia shqiptare në mënyrë publike prej afro 1 muaj e gjysmë, janë prapë të mirëpritura", theksoi ai.

Duke komentuar idenë e hedhur për ndarjen e Kosovës, ministri i Jashtëm theksoi se ky është një opsion që i përket kohës së Millosheviçit. "Opsioni i ndarjes është një opsion i qarkulluar para shumë kohësh dhe kundërshtuar me forcë nga diplomacia shqiptare në Samitin e Ohrit. Është kundërshtuar me forcë nga të gjithë anëtarët e komunitetit ndërkombëtar. Në këtë kuadër, dëshiroj të shpreh edhe një herë kënaqësinë që qëndrimi i Shqipërisë, qoftë përsa i përket ndarjes, por qoftë edhe përsa i përket statusit, është i rakorduar plotësisht me disa nga fqinjët si Maqedonia që është, pa dyshim, një arritje e diplomacisë së Shqipërisë, por që ka ngjallur dhe reagime shpesh të ashpra zyrtare nga Beogradi, si në formën e notave zyrtare, ashtu edhe në formën e shkëmbimeve të ashpra në forumet ndërkombëtare shumëpalëshe. Ndarja është një opsion që i përket kohës së Millosheviçit, nuk u përket aspiratave të integrimit euroatlantik të vendeve të Ballkanit, është një opsion që hidhet për të tërhequr vëmendjen nga kursi i pashmangshëm i Kosovës. Ky kurs është zbatimi i Paketës "Ahtisaari" në terren, në bashkëpunim midis NATO-s, BE-së dhe SHBA-ve, dhe në një kohë sa më të shkurtër, pa paragjykuar bisedimet e pritshme shtesë. Sigurisht që është një opsion i rrezikshëm, i cili, në thelb, ka idenë e shteteve të pastra etnike dhe si i tillë shërben vetëm si luftënxitës", tha kreu i diplomacisë shqiptare. Sipas tij, diplomacia shqiptare u ka paraprirë zhvillimeve, duke u pozicionuar se, në rast dështimi të KS për të aprovuar një rezolutë për Kosovën në mbështetje të Planit "Ahtisaari", NATO dhe BE duhet të ndërmarrin të gjitha hapat e nevojshëm për vënien në jetë të këtij plani. "Veprimi dinamik i diplomacisë shqiptare ka rezultuar në qëndrime të përbashkëta me vende fqinje si Maqedonia dhe është bërë shkas edhe për protesta zyrtare nga Beogradi dhe debate të nxehta midis Shqipërisë dhe Serbisë në forumet shumëpalëshe", sqaroi Basha. Ai theksoi se gjatë periudhës 120 ditore të bisedimeve të pritshme shtesë, diplomacia shqiptare ka objektiva të qarta, të cilat po ndiqen me rigorozitet, ku objektiv qendror është vendimi që vendet anëtare të BE duhet të marrin në rast të dështimit të negociatave shtesë

Kryesia e PD-së zyrtarizon fituesin e zonës 31. E majta në kaos dhe krizë të thellë emrash

Edi Paloka, kandidati i koalicionit

Kryesia e Partisë Demokratike vendosi dje, në unanimitet të plotë, zyrtarizimin e kandidaturës së Edi Palokës, si kandidat të mazhorancës në zgjedhjet për deputet në zonën zgjedhore 31, në Tiranë. Kryeministri Berisha, pas mbledhjes së Kryesisë, shprehu bindjen se të gjitha forcat politike të koalicionit të djathtë do të mbështesin kandidaturën e Palokës për deputet në zonën zgjedhore 31, në kryeqytet. Ai theksoi se fushata e kandidatit të koalicionit të djathtë do të jetë një fushatë e qytetëruar, ku ai do të shpalosë vlerat e tij dhe të koalicionit që përfaqëson. "Kryesia e PD-së, me unanimitet të plotë, vendosi që Edi Paloka, një nga eksponentët më të vendosur dhe të njohur të PD-së, të jetë kandidat i saj dhe i koalicionit, se unë kam besim se të gjitha forcat do ta mbështesin atë, në zonën nr.31, një zonë që sheh sot deputetin e saj President Republike", tha Berisha menjëherë pas mbledhjes. Berisha siguroi se Paloka do të organizojë një fushatë të qytetëruar, fushatë të mirëkuptimit qytetar, një fushatë ku ai do të shpalosë të gjithë vlerat e tij dhe të qeverisë së koalicionit aktual. "Po krijohet ekipi i gjerë për drejtimin e kësaj fushate, ku natyrisht një zë ka dhe vetë kandidati për përzgjedhjen e drejtuesit të saj. Janë një seri kandidaturash, ku do të përzgjidhet më e përshtatshmja", theksoi kryetari i PD-së. Duke komentuar mundësinë e kandidimit të kryetarit të LZHK-së në këtë zonë, kryeministri vuri në dukje se me zotin Shehi do të zhvillohen negociata të sinqerta dhe të hapura, për të arritur në marrëveshjen më të mirë, të mundshme. "Shehi e kupton që PD-në e detyron ligji që të nxjerrë kandidatin e saj. Ne jemi të gatshëm të ulemi me të dhe të negociojmë mbi bazën e interesit reciprok", u shpreh kreu i partisë më të madhe në vend. Zgjedhjet e pjesshme për deputet në zonën zgjedhore nr.31, në kryeqytet, do të zhvillohen më 23 shtator, pas dorëzimit të mandatit të deputetit nga Bamir Topi, pas zgjedhjes së tij në detyrën e Presidentit të Republikës.

Ndërsa vetë kandidati për deputet, Edi Paloka, premtoi vlerësim për banorët e zonës 31 të kryeqytetit. Ai shprehu kënaqësinë që ka mundësinë të kontribuojë për qytetin dhe lagjen e tij. "Jam i bindur se banorët e zonës nr.31 do të di t'i vlerësoj dhe t'u jap atë që meritojnë. Dua të shpreh kënaqësinë që po më jepet mundësia që të kontribuoj për qytetin tim, Tiranën, dhe lagjen time ku jam rritur. Dua t'u kthej atyre njerëzve respektin e treguar gjatë kësaj kohe dhe jam i bindur se do të di t'i vlerësoj dhe t'u jap atë që meritojnë", tha Paloka, pas zyrtarizimit të kandidaturës së tij nga Kryesia e PD-së, për të konkurruar në zgjedhjet e pjesshme për deputet në këtë zonë. Zgjedhjet e pjesshme parlamentare në zonën zgjedhore 31, në kryeqytet, do të mbahen më 23 shtator. Ndërkohë, opozita është përfshirë në një garë kandidatësh, shumica e të cilëve kanë refuzuar të kandidojnë, duke patur parasysh faktin se kjo zonë njihet si bastion i Partisë Demokratike.