12092008

Një seri falsifikimesh kanë sjellë tjetërsimin e pronës së famshme Vila e Zogut, e cila gjendet në kodrën dominuese në hyrje të qytetit të Durrësit, "pronë" e Bashkisë Sukth. Zyrtarët e saj, duke parë manovrat e disa individëve, të cilët të mbështetur edhe nga disa nëpunës kanë denoncuar në Prokurorinë e Durrësit mënyrën e falsifikimit nga krerët e Këshillit të Qarkut. Pas këtij denoncimi, nga njerëz të interesuar, prokuroria ka marrë nën hetim dy zyrtarë të qeverisjes vendore, shtetasin Seit Kertusha, me detyrë kryetari i Këshillit të Qarkut dhe shtetasin Mikel Koja, shef i urbanistikës në Bashkinë e Durrësit.

Procedimi penal

Sipas burimeve zyrtare pranë Prokurorisë së Durrësit, mësohet se nga verifikimet dhe hetimet disamujore është regjistruar procedimi penal, me persona nën hetim Kertushën dhe Kojën, pasi dyshohen se kanë kryer veprat penale të "shpërdorimit të detyrës" në bashkëpunim. Sipas prokurorisë, nga hetimet ka rezultuar se ndërtesa e njohur si Vila e Zogut, që ndodhet nën juridiksionin e Bashkisë së Sukthit, është tjetërsuar me anë të vendimit të Agjencisë së Kthimit e të Kompensimit të Pronave, duke ia kaluar një personi të familjes së Esat Toptanit, në vlerën 250 mijë dollarë amerikanë. Ndërkohë, pas kalimit të kësaj prone nën emrin e personit në fjalë, ky i fundit menjëherë pas marrjes së certifikatës së pronësisë, e ka shitur atë te personi i tretë, që në këtë rast është Kisha Autoqefale Katolike në Durrës me vlerën e 20-fishuar, prej 4 milionë e 200 mijë eurosh. Ndërkohë, përfaqësuesit e familjes mbretërore pretendojnë vazhdimisht se prona është e Mbretit Ahmet Zogu dhe nuk mund të tjetërsohet. Gjithashtu, Bashkia e Sukthit vazhdon pretendimet se pronësia mbi supervilën është "dokumentuar" në mënyrë jo të rregullt, me anë të dokumenteve të falsifikuara. Sipas tyre, i mbetet organit të akuzës të zbardhin akuzat dhe pretendimet e tyre.

Historia e vilës

Burime nga Prokuroria e Durrësit thanë se familja mbretërore ka fituar të drejtën mbi pronësinë e konfiskuar, vetëm pak vite më parë. Pallati veror, me shkallë mermeri, dysheme me parket, tavan dekorativ karakteristik, i punuar me dru arre, me një dhomë të posaçme tharjeje, është një dhuratë nga Mbreti i Italisë, Viktor Emanueli II, i cili e rimori pas ikjes së Zogut nga Shqipëria. Pallati është përdorur shpesh për pritje, apo ceremoni të rëndësishme përpara viteve ‘90. Ai është grabitur dhe dëmtuar rëndë 10 vjet më parë, gjatë kolapsit që u krijua nga firmat piramidale dhe si pasojë vlera iu ul shumë.

Durrës-Prokuroria e Durrësit pas kallëzimit të drejtuesve të Bashkisë së Sukthit merr nën hetim dy zyrtarë të qeverisjes vendore në Durrës, shtetasin Seit Kertusha, me detyrë kryetari i Këshillit të Qarkut në Durrës dhe shtetasin Mikel Koja, Shef i Urbanistikës në Bashkinë e Durrësit.

Sipas burimeve zyrtare pranë institucionit të akuzës mësohet se nga verifikimet dhe hetimet disa mujore është regjistruar procedimi penal, me persona nën hetim Kertushën dhe Kojën, pasi dyshohen se kanë kryer veprat penale të “shpërdorimit të detyrës” në bashkëpunim.

Sipas prokurorisë, nga hetimet ka rezultuar se ndërtesa e njohur në rrethin e Durrësit si “Vila e Zogut” që ndodhet nën juridiksionin e Bashkisë së Sukthit është tjetërsuar me anë të vendimit të Agjencisë së Kthimit të Kompensimit të Pronave, duke ia kaluar një personi të familjes së Esat Toptanit me vlerë prej 250 mijë dollarë amerikane.

Ndërkohë, pas kalimit të kësaj prone nën emrin e personit në fjalë, ky i fundit menjëherë pas marrjes së certifikatës së pronësisë e ka shitur atë tek personi i tretë që në këtë rast është Kisha Autoqefale në Durrës me vlerë prej prej 4 milion e 200 mijë euro.

Përfaqësuesit e familjes mbretërore pretendojnë se prona është e mbretit Ahmet Zogu dhe nuk mund të tjetërsohet. Ndërkaq, Bashkia Sukth pretendon se Vila është tjetërsuar në mënyrë jo të rregullt dhe me anë të dokumenteve të falsifikuara, që i mbetët organit të akuzës të zbardhin këto pretendime.

Vila e Zogut në Durrës, 2 zyrtarë në hetim