Partia "Lëvizja e Legalitetit"
Bulevardi "Zog I", Tiranë.
legaliteti@gmail.com
Tel&Fax: +355 4 230076

__________________

Tiranë, më 28 tetor 2008

Deklaratë për mediat

Miratimi prej Senatit të Shteteve të Bashkuara të Amerikës i Protokollit të Anëtarësimit të Shqipërisë në NATO është stacioni më i rëndësishëm në rrugën e gjatë të shpalosjes dhe afirmimit të aspiratës tonë kombëtare si komb me përkatësi të qartë Euro-Atlantike.

Partia "Lëvizja e Legalitetit" gjen rastin të falënderojë Senatin e SHBA, presidentin Bush dhe gjithë kombin amerikan për këtë besim dhe mbështetje madhore ndaj vendit tonë, si dhe të risjellë në vëmendje të opinionit shqiptar se SHBA kanë qenë aleati ynë më i madh që nga koha e krijimit, njohjes dhe mbrojtjes së shtetit të parë shqiptar; për të vazhduar me luftën ndaj regjimit komunist në Shqipëri; përkrahjen e pakursyer ndaj proceseve demokratike në fillimin e viteve '90; rolin vendimtar në çlirimin dhe pavarësinë e Kosovës dhe më gjerë.

Nisur nga ky këndvështrim, Partia "Lëvizja e Legalitetit" ka arsye të ndjehet krenare që gjatë gjithë ekzistencës së saj ka aspiruar, punuar dhe sakrifikuar për krijimin e miqësisë së vendit tonë me SHBA, si dhe të dyshojë në sinqeritetin e deklaratave mbështetëse ndaj kësaj miqësie të asaj pjese të politikës që është trashëgimtare e atyre që deri jo shumë kohë më parë i vendosnin portretet e presidentëve të SHBA në tabelat e qitjes së ushtarëve dhe zboristëve shqiptarë.

***

Partia "Lëvizja e Legalitetit" përshëndet zhbllokimin e punës së Komisionit të Posaçëm Parlamentar për "Reformën Zgjedhore" dhe rithekson qëndrimin e saj për domosdoshmërinë e një Kodi Zgjedhor sa më të ndershëm e të saktë, që shoqëruar me vullnetin politik të partive pjesëmarrëse, të sigurohen zgjedhje të pakontestueshme, për t'i dhënë fund procesit të tranzicionit në Shqipëri për votën e lirë.

Me këtë rast PLL u bën thirrje partive politike dhe përfaqësuesve të tyre në Komisionin Parlamentar për Reformën Zgjedhore që të punojnë sa më shpejt për të fituar kohën e humbur dhe larg interesave të ngushta partiake.

***

Krahas kontributit në qeverisjen qendrore dhe vendore, Partia "Lëvizja e Legalitetit" është duke punuar për organizimin dhe fuqizimin e strukturave të saj në mbarë vendin me qëllimin e vetëm që kontributi i saj në fitoren e së Djathtës në zgjedhjet e ardhshme parlamentare të jetë konkret dhe i matshëm.

http://www.gazeta-shqip.com/artikull.php?id=50563 27 September 2008

Çamët: Duam një memorial për viktimat në Greqi

Kërkesa për ministrin e Jashtëm, Lulzim Basha

Rikthehet çështja e nxehtë e varrezave greke mes diplomacisë greke dhe asaj shqiptare, çka ka shkaktuar për herë të parë reagimin në mënyrë zyrtare të PDI, Shoqatës "Çamëria" dhe Institutin e Studimeve për Çamërinë, të cilët i kanë dorëzuar një kërkesë zyrtare Ministrisë së Jashtme. Çamët kërkojnë t‘u përgjigjen grekëve me të njëjtën monedhë, duke kërkuar nëpërmjet rrugëve diplomatike ngritjen e një varreze përkujtimore pranë Urës së lumit Kalama, në Greqi, ku prehen të rënët e pafajshëm, që mbetën të vrarë gjatë gjenocidit mbi popullatën çame. Skandali i Kosinës dhe konflikti që ajo shkaktoi, kur në maj 2006 u zhvarrosën eshtrat e banorëve të zonës, me pretekstin e gjetjes së varreve të ushtarëve grekë, nuk e kanë ndalur, siç shihet, projektin e Athinës për të krijuar varreza ushtarësh në disa lokalitete të Jugut. Për këtë arsye, komuniteti çam kërkon në mënyrë zyrtare që qeveria "Berisha" t‘i paraqes palës greke në mënyrë zyrtare dy nga pikat e kërkuara nga çamët, ku njëra është ndërtimi i një lapidari në Paramithi të Greqisë dhe ndërtimin e një varreze përkujtimore për çamët, që u vranë gjatë gjenocidit. Këtë zhvillime delikate duket se s`do të jenë aspak të lehta për diplomacinë shqiptare, e cila ka dhënë shenja që prej kohësh ndodhet nën ‘presionin‘ e qeverisë greke. Qeveria shqiptare prej kohësh mban një linjë të butë ndaj Athinës zyrtare, të drejtuar nga qeveria e djathtë e Karamanlis. Qeveria shqiptare ka rënë dakord për marrëveshjen që do të lejojë ngritjen e një varreze greke në Shqipëri, çka solli mjaft debate në opinion publik, dy vjet më parë me incidentin e Kosinës. Në incidentin e zhvarrimeve abuzive të Kosinës u përfshi edhe Kisha Ortodokse Autoqefale e Shqipërisë, ku në vend të ushtarëve grekë u zbuluan eshtra fëmijësh. Pretendimet e qeverisë greke janë që varrezat e ushtarëve grekë të ndërtohen në Këlcyrë, Ersekë, Çiflik të Korçës dhe Bularat. Shoqëria "Çamëria", Instituti i Studimeve për Çamërinë dhe Partia për Drejtësi dhe Integrim, në letrën drejtuar Ministrisë sonë të Jashtme, shprehin bindjen se popujt i lidhin urat e tyre të miqësisë, duke ndërtuar së pari ‘Faljen‘, duke respektuar ata që ranë për një kauzë të ndershme. "Ne duam të ndërtohet miqësi. Ne jemi të bindur se miqësitë ngrihen mbi faljen, para së gjithash u kërkohet falje të rënëve, nderohen ata", citohet në letrën drejtuar Ministrisë së Jashtme. Duke kërkuar një bashkëpunim mes palëve, në letër theksohet se Shoqëria "Çamëria", Instituti i Studimeve për Çamërinë dhe Partia për Drejtësi dhe Integrim nuk janë institucione të specializuar mendim-dhënëse as për përcaktimin e numrit të varrezave, as për vendvendosjen e tyre në truallin shqiptar dhe as për sipërfaqet që pritet të zaptojnë ato. "Është shteti shqiptar, ai që ka tagrin, të drejtën dhe detyrën të çmojë arsyet, qëllimet dhe pasojat për ngritjen e varrezave në kujtim të të rënëve grekë gjatë luftës italo-greke". Në fund të mesazhit të përfaqësuesve çam drejtuar instancave të larta të diplomacisë sonë, theksohet se "ne besojmë se të rënët tanë, martirë për vatrat e tyre, lypset të nderohen së paku njësoj me të rënët grekë në tokë të huaj".

Skandali i Kosinës

Qeveria greke u distancua nga ky skandal

Si nisi incidenti i zhvarrimeve në Përmet

Skandali i zhvarrimeve të Kosinës nisi me bllokimin e eshtrave të 137 skeleteve në fshatin Kosinë, të Përmetit. Dhe më pas, me 69 kutitë e eshtrave që ndodheshin në kishën e Shën Mëhillit të Kutalit. Zhvarrimet nisën të bëheshin në fshatin Piskovë dhe më pas në fshatin Kosinë, me argumentin se ka pasur varre të ushtarëve helenë të rënë gjatë Luftës së Dytë Botërore. Gjatë vizitës së kreut të shtetit grek, Stefanopulos, u diskutua ideja e ngritjes së një memoriali të ushtarëve grekë, të vrarë në Luftën e Dytë Botërore kundër ushtrisë italiane. Memoriali do të ngrihej në qytezën e Këlcyrës, nën kujdestarinë e Kishës Ortodokse. Pas prezantimit të projektit, për të cilën mësohet të këtë edhe një marrëveshje, pala greke ka filluar punë për gjetjen e vendeve, ku dyshohej se ishin varrosur trupat e ushtarëve grekë. Pala greke pretendon se janë të paktën 8 mijë ushtarë grekë, që janë vrarë në Shqipëri gjatë Luftës I dhe II Botërore. Në lidhje me këtë çështje, Ministria e Jashtme greke dhe zyrat konsullore kanë deklaruar distancimin dhe faktin se nuk janë të përziera në çështjen e zhvarrimeve të bëra në kishën e Kosinës dhe asaj të Kutalit në Përmet.

Diplomacia

Zanafilla e varrezave greke nisi në 2005-ën

Krisja e marrëdhënieve diplomatike Shqipëri-Greqi

Krisja e marrëdhënieve diplomatike mes Greqisë dhe Shqipërisë nisi fill në nëntor të vitit 2005-së, ku ministri i Mbrojtjes në atë kohë, Fatmir Mediu, dhe homologu i tij grek, Spilios Spiliotopoulos, ranë dakord parimisht për marrëveshjen e kërkimeve të varreve greke në Shqipëri. Pas largimit të Spiliotopoulos nga qeveria greke, vendin e tij e zuri Evangelos Meimarakis në maj të vitit 2006-të. Ky i fundit i lëshoi ultimatumin qeverisë shqiptare për të miratuar në mbledhjen e qeverisë marrëveshjen, për të cilën kishte biseduar Mediu me Spiliotopoulos për varret greke në Shqipëri. Kryeministri Berisha nuk ra dakord me urdhrin e qeverisë greke, duke krijuar në këtë mënyrë një krisje, që zgjati afro tre muaj mes Shqipërisë dhe Greqisë. Rezultati i kësaj krisjeje ishte edhe anulimi i një sërë vizitash të zyrtarëve grekë në vendin tonë. Skandali i Kosinës ishte çështja e radhës që solli turbullirën e situatës për hapjen e varreve greke, ku në vend të ushtarëve të rënë gjatë Luftës së Dytë Botërore u gjetën në varret e hapura eshtra grash dhe fëmijësh. Ky skandal solli edhe reagimin publik të Kryeministrit Berisha, i cili u shpreh se "zhvarrosja është e paautorizuar dhe përbën një vepër penale, për të cilën nga të gjitha njohuritë e mia po zhvillohet një hetim nga ana e policisë gjyqësore dhe autoriteteve antikriminale".
LETRA

KËRKESË

Drejtuar:Ministrisë së Punëve të Jashtme të Republikës së Shqipërisë;

Për Dijeni: Kryetarit të Këshillit të Ministrave të Republikës së Shqipërisë

Kërkues:

1. Shoqëria "ÇAMËRIA"

2. Instituti i Studimeve për Çamërinë

3. Partia për Drejtësi dhe Integrim

Shoqëria "ÇAMËRIA", Instituti i Studimeve për Çamërinë dhe Partia për Drejtësi dhe Integrim nëpërmjet kësaj kërkese ripërsërisin bashkërisht një kërkesë drejtuar Ministrisë së Punëve të Jashtme të Republikës së Shqipërisë edhe më 6 tetor 2007.

Nëpërmjet kësaj kërkese risjellim në vëmendje të Ministrisë së Punëve të Jashtme të Republikës së Shqipërisë se i qëndrojmë kërkesës së bërë tek Ju nga Shoqëria "ÇAMËRIA".

Ne kërkojmë që MPJ e Shqipërisë t‘i paraqesë palës respektive të Republikës së Greqisë kërkesën tonë për:

1. Ndërtimi në Paramithi, Greqi, të një obelisku në përkujtim të masakrës së Paramithisë;

2. Ndërtimi i një varreze përkujtimore pranë Urës së lumit Kalama, në Greqi aty ku prehen të rënët e pafajshëm, që mbetën të vrarë dhe nuk mundën të kalonin këtë urë, gjatë gjenocidit mbi popullatën çame.

Shoqëria "ÇAMËRIA", Instituti i Studimeve për Çamërinë, Partia për Drejtësi dhe Integrim shprehin bindjen se popujt i lidhin urat e tyre të miqësisë, duke ndërtuar së pari ‘Faljen‘, duke respektuar ata që ranë për një kauzë të ndershme.

Ne jemi të bindur se të rënët çamë, rreth 2800 të tillë, u masakruan në kauzën e tyre të shenjtë për të lindur fëmijët e tyre në tokë të baballarëve.

Ne jemi të bindur se të masakruarit, rreth 400 të tillë, vetëm gjatë një dite në Paramithi, ranë në tokë të tyre, pa u gjykuar, u vranë. Ne duam të ndërtohet miqësi. Ne jemi të bindur se miqësitë ngrihen mbi faljen, para së gjithash u kërkohet falje të rënëve, nderohen ata.

Shoqëria "ÇAMËRIA", Instituti i Studimeve për Çamërinë, Partia për Drejtësi dhe Integrim ndjekin me vëmendje përkushtimin disavjeçar të zyrtarëve të shtetit fqinj, Greqisë; në aplikim të dëshirës së tyre për ngritjen e varrezave memoriale në kujtim të të rënëve grekë gjatë luftës italo-greke.

Shoqëria "ÇAMËRIA", Instituti i Studimeve për Çamërinë, Partia për Drejtësi dhe Integrim nuk janë institucione të specializuar mendim-dhënëse as për përcaktimin e numrit të varrezave, as për vendvendosjen e tyre në truallin shqiptar dhe as për sipërfaqet që pritet të zaptojnë ato.

Është shteti shqiptar, ai që ka tagrin, të drejtën dhe detyrën të çmojë arsyet, qëllimet dhe pasojat.

Ne kërkojmë që në zbatim të parimit të mirënjohur të reciprocitetit midis shteteve miq, të ngrihet prej Jush dhe të shqyrtohet kjo kërkesë e jona gjatë bisedimeve me përfaqësues të shtetit grek. Ne besojmë në drejtësinë e kërkesës sonë, ne besojmë se respekti që shfaqet për të rënët nuk do të jetë i ndryshëm, pavarësisht kombësisë së ndryshme të të rënëve.

Ne besojmë se të rënët tanë, martirë për vatrat e tyre, lypset të nderohen së paku njësoj me të rënët grekë në tokë të huaj.

1. Shoqëria "ÇAMËRIA"

Kryetari

Ardian TANA

2. Instituti i Studimeve për Çamërinë

Drejtori Ekzekutiv

Ahmet MEHMETI

3. Partia për Drejtësi dhe Integrim

Kryetari

Tahir MUHEDINI

Çamët, Berishës: U lejove varrezë grekëve, duam obelisk në Greqi

Friday, 26 September 2008

Një vit pasi Partia që përfaqëson komunitetin çam PDI dhe shoqata Çamëria i bën kërkesë Ministrisë sonë të Jashtme dhe Kryeministrit Berisha për të ndërhyrë te Greqia për një varrezë përkujtimore, nuk ka asnjë hap zyrtar, ose reagim. Shoqëria “Çamëria”, Instituti i Studimeve për Çamërinë dhe Partia për Drejtësi dhe Integrim, me letër zyrtare i kujton përsëri ministrisë atë kërkesë që i ka drejtuar më 6 Tetor 2007. “Ne kërkojmë që MPJ e Shqipërisë t’i paraqesë palës respektive të Republikës së Greqisë kërkesën tonë për ndërtimin në Paramithi, Greqi, të një obelisku në përkujtim të masakrës së Paramithisë dhe ngritjen e një Varrezepërkujtimore pranë Urës së lumit Kalama, në Greqi, aty ku prehen të rënët e pafajshëm, që mbetën të vrarë dhe nuk mundën të kalonin këtë urë, gjatë genocidit mbi popullatën çame”-thuhet në letrën zyrtare që çamët i kanë nisur Ministrit Basha. Shoqëria “Çamëria”, Instituti i Studimeve për Çamërinë, Partia për Drejtësi dhe Integrim deklaron se “popujt i lidhin urat e tyre të miqësisë duke ndërtuar së pari “faljen”, duke respektuar ata që ranë për një kauzë të ndershme”. “Ne jemi të bindur se të rënët çamë, rreth 2800 persona, u masakruan në kauzën e tyre të shenjtë për të lindur fëmijët e tyre në tokë të baballarëve. Ne jemi të bindur se të masakruarit, rreth 400 persona vetëm gjatë një dite në Paramithi, ranë në tokë të tyre, pa u gjykuar, u vranë”-këmbëngulin në kërkesën e tyre PDI dhe Shoqata e Çamërisë. “Ne duam të ndërtohet miqësi. Ne jemi të bindur se miqësitë ngrihen mbi faljen, para së gjithash u kërkohet falje të rënëve, nderohen ata”- arsyetohet në këtë memorje drejtuar Ministrit të Jashtëm. Shoqëria “ÇAMËRIA”, Instituti i Studimeve për Çamërinë, Partia për Drejtësi dhe Integrim duan të vënë një barazpeshë me rastin e Përmetit ku qeveria jonë lejoi ngritjen e varrezave të ushtarëve grekë në Përmet. “Ndjekim me vëmendje përkushtimin disavjeçar të zyrtarëve të Greqisë për ngritjen e varrezave memoriale në kujtim të të rënëve grekë gjatë luftës italo-greke dhe kërkojmë reciprocitet”-thuhet në deklaratën e tyre. Shoqëria “ÇAMËRIA”, Instituti i Studimeve për Çamërinë, Partia për Drejtësi dhe Integrim vëren se duhet të çmohen arsyet, qëllimet dhe pasojat nga institucionet e specializuar për përcaktimin e numrit të varrezave greke, vendvendosjen e tyre në truallin shqiptar dhe për sipërfaqet që pritet të zaptojnë ato. “Ne kërkojmë që në zbatim të parimit të mirënjohur të reciprocitetit midis shteteve miq, të ngrihet prej Jush dhe të shqyrtohet kjo kërkesë e jona gjatë bisedimeve me përfaqësues të shtetit grek”-përkufizon kërkesën e vet komuniteti çam. Ata shprehen se kërkesa e tyre është e drejtë dhe se respekti që shfaqet për të rënët nuk mund të jetë i ndryshëm, pavarësisht kombësisë së ndryshme të të rënëve. Të rënët tanë, martirë për vatrat e tyre, lypset të nderohen së paku njësoj me të rënët grekë në tokë të huaj”- përfundon letra e komunitetit çam drejtuar Ministrisë së Jashtme.

http://www.korrieri.com/index.php?news=1122

Bamir Topi: “Pranojeni Kosovën në OKB”

26 September, 2008 06:31:00 korrieri

Presidenti i Shqipërisë, Bamir Topi, u kërkoi Kombeve të Bashkuara që të njohin e të pranojnë si anëtare të tyre shtetin e ri të Kosovës. Presidenti i bëri deklaratat në fjalën që mbajti përpara burrështetasve nga mbarë bota në Asamblenë e Përgjithshme të Kombeve të Bashkuara. Deklaratat e Topit ishin rikonfirmim i qëndrimit të Shqipërisë për Kosovën, një nga krahinat e saj etnike, e cila iu dha Serbisë në Konferencën e Ambasadorëve të mbajtur në Londër në vitin 1913. Topi tha pa u lëkundur, se Kosova duhet të pranohej në Kombet e Bashkuara. “Shqipëria është e bindur se njohja e shtetit të ri të Kosovës është në interes të vetë Kosovës, të Shqipërisë, të Serbisë dhe të gjithë fqinjëve të afërt ose të largët të saj, të Evropës dhe të hapësirës mesdhetare. Prandaj Kosova, ky realitet i ri politik, ekonomik dhe social, meriton plotësisht të jetë sa më parë anëtare i organizatës sonë të Kombeve të Bashkuara. Ju bëj thirrje të pranoni me realizëm këtë zhvillim të pakthyeshëm, duke e njohur dhe mbështetur Republikën e Kosovës”, - tha presidenti. Topi e nisi fjalën e tij, duke thënë se Shqipëria e konsideron krijimin e shtetit të pavarur e sovran të Kosovës si ngjarjen historike dhe zhvillimin më të rëndësishme politik të këtij fillimshekulli. Sipas tij, pavarësia e Kosovës e çliron përfundimisht këtë pjesë të Evropës nga makthi i luftës, i konflikteve ndëretnike, i spastrimeve e gjenocidit etnik, përmbush dhe respekton vullnetin e lirë të një populli për t’u shkëputur nga zgjedha politike, nga padrejtësia historike dhe nga pamundësia për zhvillim. Ai tha gjithashtu, se “Kosova nuk udhëhiqet më nga Jugosllavia e dështuar, as nga jugosllavët e rinj të moderuar, por nga parimet e Evropës së civilizuar dhe të OKB-së së universalizuar”. I takuar gjatë qëndrimit në OKB me presidentin e shtetit të dytë shqiptar, atë të Kosovës, Fatmir Sejdiun, Topi gjeti rastin të vlerësojë popullin dhe qeverinë e Kosovës, kur tha se Shqipëria i mbështet ata në përkushtimin e tyre për ndërtimin e një shoqërie demokratike, me qëllim që, sipas planit “Ahtisari”, çdo individ, çdo grup etnik, pavarësisht përkatësisë etnike, të ndihet i lirë në shtëpinë dhe pronën e tij. Presidenti Topi tha gjithashtu, se duhen ndërmarrë të gjithë veprimet e nevojshme për rikonfigurimin e UMNIK-ut. Zoti Topi përjashtoi sakaq kategorikisht çdo krahasim të Kosovës me rajonin e Kaukazit, përkatësisht Gjeorgjinë. “Shqipëria i konsideron të pabaza përpjekjet për të vendosur paralele midis Kosovës dhe rajoneve të Gjeorgjisë, Abkhazinë dhe Osetinë e Jugut. Argumente të panumërta historike, juridiko-kushtetues, politike, demografike etj., dëshmojnë se rasti i Kosovës është unik, “sui generis” dhe zgjidhja e zbatuar për të është unike. Si i tillë, ai nuk shërben dhe as nuk mund të shërbejë si model për zgjidhjen e konflikteve të tjera as në rajon, as jashtë tij”, - tha Topi. Në çështjet e tjera, presidenti Topi theksoi gatishmërinë e Shqipërisë në luftën kundër terrorizmit dhe se ka përmbushur aktivisht detyrimet dhe përgjegjësitë e saj. Presidenti kujtoi se Shqipëria kontribuon me trupa paqeruajtëse në kuadrin e OKB-së dhe të organizatave të tjera të sigurisë në Afganistan, Irak, Gjeorgji, Bosnjë dhe Hercegovinë, dhe se kohët e fundit dërgoi 68 trupa në përbërje të EUFOR-it në Çad.

« En tant que Président des USA, j’aiderai à la construction des infrastructures et du secteur énergétique du Kosovo », promet Barack Obama aux Américains d’origine albanaise. Le sénateur de l’Illinois tente d’obtenir les voix des Américains d’origine albanaise inquiets en raison de ses précédents messages adressés aux Serbes.

Le candidat Barack Obama a dit aux électeurs d’origine albanaise qu’il soutenait l’indépendance du Kosovo et qu’il aiderait au Kosovo à « développer une économie puissante ».

Dans une lettre au National Albanian American Council, Barak Obama souligne qu’il suivra attentivement la situation dans les Balkans. Les Albanais des États-Unis ont pris connaissance de cette missive lors d’un dîner où étaient décernés des prix récompensant les personnalités ayant le plus soutenues la cause albanaise, dont l’ancien négociateur américain Frank Wisner et le député de New York Eliot Engel.

« Je soutiens l’indépendance du Kosovo et son chemin vers la souveraineté. Je crois que les États-Unis devraient encourager le développement d’une démocratie forte au Kosovo pour garantir l’application de lois garantissant les intérêts de tous les peuples. Je souhaite m’engager pour l’intégration du Kosovo dans les institutions euro-atlantiques. Pour ce faire, il faut instaurer une société libre, riche et tolérante qui promeut les droits des minorités et protège les intérêts religieux et culturels de tous ses citoyens », a souligné le sénateur de l’Illinois. Les derniers sondages le créditent d’un léger avantage sur le candidat républicain John Mac Cain.

Dans cette lettre, Barack Obama souligne que son administration encouragerait la construction d’infrastructures au Kosovo et le développement du secteur énergétique (trois investisseurs américains ont d’ailleurs participé à un appel d’offre pour la construction d’une nouvelle centrale thermique au Kosovo).

C’est la première déclaration du candidat du Parti démocrate aux Américains d’origine albanaise (plus de 500.000 d’après les estimations de son équipe de campagne). Les médias albanais ont interprété cette adresse comme un recentrage après ses déclarations vers la Serbie et les Serbes, qui avaient inquiété les Albanais. Dans des communiqués, le sénateur avait soutenu à plusieurs reprises la Serbie dans son chemin vers l’Union européenne et s’engageait à soutenir les Serbes de Bosnie-Herzégovine, tout en qualifiant le Kosovo de « voisin » de la Serbie.

Les médias albanophones indiquent que le républicain John Mac Cain est un ami de longue date du Kosovo. Il a déjà annoncé qu’en cas de victoire électorale, il aiderait le gouvernement de Pristina à développer son économie et à établir des « institutions qui servent tous les citoyens du Kosovo ». Koha Ditore, un quotidien de Pristina, a publié le message de Barack Obama en une, avec comme titre « Obama promet la pleine souveraineté au Kosovo ».

Politika

Barack Obama : « je soutiens l’indépendance du Kosovo »

Traduit par Jasna Andjelić

Publié dans la presse : 24 septembre 2008

Mise en ligne : jeudi 25 septembre 2008

Sur la Toile

Les voix des 500.000 citoyens américains d’origine albanaise sont l’objet de toutes les attentions de la part des deux candidats à la Maison Blanche, Barack Obama et John Mac Cain. Alors que la candidat républicain a, depuis longtemps, assuré de son amitié le gouvernement de Pristina, Barack Obama avait inquiété les électeurs d’origine albanaise en déclarant par exemple soutenir la candidature serbe à l’intégration européenne. Une position tempérée par une lettre adressée au National Albanian American Council (NAAC) qui réaffirme le soutien du démocrate à l’indépendance du Kosovo.

Par S.R.


Barack Obama

Le candidat Barack Obama a dit aux électeurs d’origine albanaise qu’il soutenait l’indépendance du Kosovo et qu’il aiderait au Kosovo à « développer une économie puissante ».

Courrier International - 22 sep 2008

DURRES -Vilës Zogut, 11 vjet pasi u kthye në gëmadhë, do t'i rikthehet lavdia e dikurshme, por tashmë me një funksion tjetër, atë të kazinosë. Këto ditë, vila është rrethuar me skela ndërtimi dhe në mjediset e saj kanë nisur punimet. Në bashkinë e Durrësit na sqaruan se vila do të kthehet në një resort turistik sipas modelit anglez. Familja mbretërore ka nënshkruar një marrëveshje me një subjekt anglez për një menaxhim të përbashkët të vilës.

Familja mbretërore i ka dërguar një kërkesë KRRTRSH-së, në të cilën i kërkon këtij institucioni leje ndërtimi për të rikonstruktuar dhe ndryshuar destinacionin e vilës mbi kodrën e Durrësit. Vetë kreu i qeverisë, Sali Berisha njëkohësisht edhe kryetar i KRRTRSH-së është shprehur i gatshëm që kjo leje të lëshohet. Për këtë qëllim, KRRTRSH-ja i ka kërkuar KRRT-së së Durrësit që ajo të shprehet lidhur me këtë kërkesë. Kjo e fundit është përgjigjur pozitivisht dhe me një shkresë përcjellëse ja ka deleguar këtij institucioni të drejtën e marrjes së vendimit. Në një linjë me to ka qenë edhe Ministria e Kulturës, Rinisë dhe Sporteve, e cila ka dhënë "OK" për këtë projekt. Në mbledhjen e radhës, KRRTRSH-ja pritet që të zbardhë vendimin. Në mbledhjen që shkoi Berisha qe shprehur se, "familja mbretërore ka sjellë një kërkesë ku kërkon leje ndërtimi për rikonstruktimin e vilës. Unë kam mendim pozitiv për këtë kërkesë". Ndërkohë, firma e ndërtimit në pritje të zbardhjes së vendimit, ka bërë gati skelat e larta rreth e qark objektit duke e bërë fakt të kryer zbatimin e projektit.

Vilën e njohur, para 3 vjetëve Komisioni i Kthimit dhe Kompensimit të Pronave në Durrës, deri në atë kohë pronë e Drejtorisë së Rezidencës Qeveritare, ja ktheu familjes Zogu. Që nga ajo kohë ka pasur shumë zëra për destinacionin që do të kishte ky objekt, i cili në 78 vjet të ekzistencës së tij fsheh mjaft histori, që nisin me familjen e Zogut, vazhdojnë me kohën e komunizmit për të përfunduar në plaçkitjen që pësoi në vitin 1997. Vila është vendosur në lartësinë e 160 metrave mbi nivelin e detit, mu në majë të "Kodrës së Moisiut". Projekti i ri me vlerë 20 milionë euro, synon që ta kthejë atë në një resort turistik. Ai do të përbëhet nga 50 apartamente, ku përveç dhomave të pushimit, do të ketë edhe një kazino me synim joshjen e milionerëve vendas e të huaj. Atë do ta menaxhojë një kompani angleze, që do të synojë ta bëjë të njohur në radhët e lojtarëve të ruletës në mjaft vende të huaja. Gjithashtu, vila do të ketë edhe mjedise të tjera dëfryese të një lloji të veçantë.

Në bazë të dokumenteve, rezulton se vila u ndërtua nga tregtarët e Durrësit e të Tiranës dhe ju bë dhuratë Ahmet Zogut pas kurorëzimit Mbret i Shqiptarëve. Gjatë viteve të sundimit të tij vila u përdor prej familjes mbretërore si rezidencë verore. Zogu vinte shpesh atje me familjen e tij dhe kalonte disa ditë pushimi. Vila, e cila në fakt është një pallat, në atë kohë u pajis me objekte të kushtueshme, duke nisur që nga parketi, shandanet e ndriçimit, pajisjet e banjave, qilimat e Persisë, takëmet e kuzhinës, shkallët prej mermeri si dhe me afreske në një pjesë të mirë të mjediseve të mëdha. Të gjitha këto brenda pak minutave u plaçkitën më 1997 dhe vila mbeti për 11 vjet vetëm një karabina e rrethuar me tela me gjemba. Ajo ruhej nga 3 ushtarë, pasi bënte pjesë në inventarin e Drejtorisë së Rezidencës Qeveritare. Tashmë vila e njohur kthehet në një kompleks turistik

Pallatet mbretërore, pasioni i zogut

“Mbreti Zog është një nga njerëzit që punon më shumë se çdokush tjetër në botë”, - shkruante “New York Times” në fillim të viteve '30. “Ai deklaron se punon 18 orë në ditë dhe se bën gjatë të gjithë ditës vetëm dy pushime nga dhjetë minuta”.

Shtypi perëndimor në vitet kur Shqipëria qeverisej nga Ahmet Zogu, jepte lajme kureshtare mbi personin e tij

“Anëtar i një fisi shqiptar nga Mati, i biri i një kreu lokal, post që trashëgohej, Ahmet Zogu pati vesin tipik të politikanëve të Ballkanit, vende ku krerët duhet të sundojnë për të gjithë jetën. Dikur ai u detyrua të arratisej, por arriti të kthehej, u bë president dhe më pas u bë mbret më 1928”, shkruante “Times” e Londrës ditën kur Zogu u largua për herë të fundit nga Shqipëria.

Më 1929, një shoqatë e luftës kundër duhanit, këshilloi mbretin Zog të ulte dietën e tij të cigareve, sepse ajo sakaq i kishte shkaktuar humbjen e zërit. Në perëndim qarkullonin zëra se ai konsumonte 150 cigare në ditë ose 55 mijë në vit.

Media e kohës qe veçanërisht e tërhequr nga Mbreti Zog. Ata e ndoqën hap pas hapi. Shkruajtën kur Zogu dha shembullin i pari për kthimin e vendit nga Perëndimi, duke shkurtuar mbiemrin e vet e duke i hequr një germë emrit, në mënyrë që të largonte konotacionin oriental. Shkruajtën kur më 1929, filloi ndërtimin e pallatit të ri mbretëror, me kosto prej 1 milionë dollarësh të kohës, pasi zotëronte edhe katër të tjerë të tillë dhe deklaronte se do të ndërtonte edhe një të gjashtë në Krujë. Shkruajtën kur u përfol se ai do të shpallej mbret me titullin Skënderbeu i Tretë.

Artikulli i Time më 1929

“Hekurudhat, rrugët, anijet me avull, kanalet, janë të gjitha shenja të qytetërimit, por ato kushtojnë para. Javën e kaluar, zeshkani Ahmet Bej Zogu Mati, Mbret i Shqipërisë, bëri një shenjë efektive dhe të pakushtueshme drejt perëndimizimit të mbretërisë së trazuar, duke dekretuar se në të ardhmen, të gjithë nënshtetasit e tij duhet të heqin dorë nga zakonet e vjetra Muhamedane të marrjes së emrit të qytetit apo fshatit në të cilin jetojnë dhe duhet të adoptojnë emra të mirë Europianë. Duke krijuar modën, mbreti hoqi emrin e Matit nga emri i vet, hoqi U-në nga Zogu (vulosi monedhat shqiptare nën emrin Amet Zogu), dhe i dha vetes emrin kumbues Mbreti Zog”, shkruante “Time” më 17 korrik 1929, në një artikull me titull “Zog, jo Skënderbej”.

Pasioni për pallate

Megjithëse Shqipëria nuk ka rrugë, ajo nuk do të vuajë kurrë për pallate mbretërore. Javën e kaluar, punëtorë italianë dhe inxhinierë, të dërguar nga mbrojtësi i Mbretit Zog, Diktatori Musolini, hodhën themelet e një pallati të ri mbretëror, i pesti për mbretin Zog, në të dalë të kryeqytetit të zbehtë Tiranë. Ndërtesa do të kushtojë më shumë se 1 milionë dollarë, por pasioni i tij për pallate duket se nuk është plotësuar, pasi ka planifikuar të ndërtojë një të gjashtë në qytetin antik të Krujës, shtëpia e heroit shqiptar të shekullit të 15, Skënderbeut të Madh. Për vendësit, pasioni i Zogut për pallate është i kuptueshëm. Ata e dinë se shumë shqiptarë me sy të uritur janë betuar se do ta vrasin dhe Zogu i kujdesshëm shumë rrallë del nga pallatet e tij. Për një njeri të gjallë si ai, jeta në brendësi të edhe pesë pallateve, është shumë e kufizuar.

-------------------------------------------------

Artikulli i “Time” kur Zog u martua

Times: Martesa e Zogut me “Jerry”

Mijëra malësorë të varfëruar por me fytyrë krenare veshën javën e kaluar bluzat e bardha më të pastra, xhaketat e Skënderbeut dhe fustanellat, i hipën gomerëve të tyre ngordhalaq dhe kapërcyen malet për në Tiranë, kryeqytetin e tyre që mban erë të keqe. Ata erdhën të festonin martesën e mbretit të tyre 42-vjeçar Zog I, me gjysmë-amerikanen 22-vjeçare, Konteshën Geraldine Apponyi të Hungarisë. E ëma dhe i ati i Konteshës, që parapëlqen nofkën e vet të Budapestit “Jerry”, janëGladys Virginia Stewart e Manhatanit dhe Konti Anton Apponyi i Budapestit.

Bashkë me traditën e gjakmarrjes është edhe tradita e të pirit rëndë në raste të tilla feste dhe Mbreti Zog që është finok, e di se shumë malësorë me emër janë betuar ta vrasin, e për këtë arsye i mbajti ata të zënë me tre ditë të tëra festime. Gegë krenarë nga veriu dhe toskë të zbathur nga jugu i harruan hallet me raki. Por kur entuziazmi mungoi për ditën e dytë radhazi, qeveria miratoi një ligj për martesën masive të 150 çifteve në mënyrë që rakia të vijonte të derdhej.

Dasma mbretërore shkoi në ditën e tretë, ndërkohë që askush nuk kishte arritur ta shihte mbretin. Ndërsa muezinët këndonin në minare, Kontesha e gjatë dhe me flokë të zi, e veshur me të bardha hipi në karrocën e tërhequr nga katër kuaj të bardhë, dhuratë nga qeveria Hungareze, eci përgjatë rrugëve të pluhurosura të Pallatit Mbretëror. I mbrojtur nga një trupë prej 1 mijë ushtarësh, Mbreti Zog e priti nusen, e shoqëroi te biblioteka ku i tregoi koleksionet me armë antike.

Hiqmet Delvina, zëvendëskryetari i Parlamentit u bashkua me çiftin në një ceremoni të thjeshtë civile, për shkak se Zogu është mysliman, ndërsa Mbretëresha është Katolike. Jake Koçi, njeriu që kërkonte nuse për mbretin, pati kaluar javë shumë të ngarkuara deri sa mori frymë lirshëm javën e kaluar. “Është e shkëlqyer”, deklaroi ai, “ju e dini se monarku i një vendi të vogël si ky i yni duhet të tregohet shumë i kujdesshëm që të mos përzihet në politikën ndërkombëtare përmes martesës.” Në fakt, Zogu prej shumë kohësh ka qenë në ujërat ndërkombëtare.

Që nga viti 1927 ai ka qenë një kukull e Musolinit. Kreditë italiane që nuk jepen për të fituar interesa kanë majmur financat shqiptare, ushtria është e gjitha e drejtuar nga italianët dhe Italia është klienti më i mirë i Shqipërisë. Për këtë arsye, martesa duhet të marrë miratimin e Musolinit. Duçe tregoi se ai e miratoi me forcë këtë lidhje italiano-shqiptaro-hungareze, duke dërguar dhëndrin e tij, ministrin e Jashtëm Konti Galeazzo Ciano, i cili ndërpreu bisedimet Franko-Italiane në Romë, për të bërë dëshmitarin e dasmës në Tiranë.

Kur mbërritën dhuratat, u bë e qartë se komplikimet ndërkombëtare nuk patën kaluar pa u vënë re. Adolf Hitleri i dërgoi një Mercedes-Benz sportiv. Musolini i dërgoi katër vazo bronzi, që dikur i përkisnin Napoleonit; një statujë dragoi erdhi nga Mbreti Vittorio Emanuele; Tapete orientale nga diktatori Metaxas i Greqisë dhe një skrivani e përpunuar nga Generalissimo Franco i Spanjës.

Çamët, Berishës: U lejove varrezë grekëve, duam obelisk në Greqi

Bamir Topi: “Pranojeni Kosovën në OKB”

Historia e letërsisë duhet rishkruar tërësisht

Pallatet mbretërore, pasioni i zogut