http://www.gazetastart.com/lajm.php?kategoria=Aktualitet&nr=4333

 

Topi: Turqia partner strategjik në rajon

http://french.cri.cn/781/2009/09/03/302s200014.htm © Radio Chine Internationale.Tous

 

Albanie : accord pour la formation d'un gouvernement de coalition

2009-09-03 11:23:46  cri

Deux partis politiques albanais ont convenu de former un gouvernement de coalition, plus de deux mois après les élections législatives du 28 juin dernier, a rapporté mercredi la presse locale. Le Parti démocrate, dirigé par le Premier ministre, Sali Berisha, et le Mouvement socialiste pour l'intégration, dirigé par Ilir Meta, sont parvenus à un accord pour former un gouvernement de coalition avant la session du nouveau Parlement prévue lundi prochain. Conformément à cet accord, M. Berisha dirigera le gouvernement de coalition, alors que M. Meta, ancien Premier ministre albanais de 1999 à 2002, deviendra ministre des Affaires étrangères du nouveau gouvernement. En contrepartie, le parti de M. Meta, fruit d'une scission du Parti socialiste, gérera les portefeuilles de la Santé et de l'Economie. Le parti de M. Berisha a remporté 70 des 140 sièges du Parlement, alors que l'opposition, les Socialistes, dirigée par Edi Rama, en a obtenu 66. Le Parti socialiste a déclaré qu'il refuse de reconnaître les résultats des élections législatives, affirmant que le scrutin est entaché d'irrégularités. M. Rama, dirigeant de l'opposition et également maire de Tirana, la capitale albanaise, a appelé à des élections anticipées et a laissé entendre que l'opposition pourrait boycotter le Parlement.

 

 

http://www.shekulli.com.al/2009/09/03/qeveria-e-re-ja-pikat-e-marreveshjes-berisha-meta.html

 

http://www.shekulli.com.al/2009/09/03/neser-negociatat-me-berishen-partia-e-cameve-kerkon-nje-ministri.html

 

 

 

 

 

 

http://www.gazeta-shqip.com/artikull.php?id=70495

 

Vuloset pakti, Meta zevendes i Berishes

Te majtet "rrembejne" edhe 20 % te posteve ne administrate. Perfitimet dhe premtimet

 

Në orën 18.03 minuta, Kryeministri Sali Berisha dhe kryetari i LSI-së, Ilir Meta, u kanë dhënë fund debateve të shumta në shtyp dhe në qarqet politike duke firmosur marrëveshjen e bashkëqeverisjes mes PD-së dhe LSI-së. Kryeministri Berisha ka qenë i shoqëruar nga sekretari i përgjithshëm i PD-së, Ridvan Bode, ndërsa kryetari i LSI-së, Meta, ka qenë i shoqëruar nga kreu i KDK në LSI, Edmond Haxhinasto.

Berisha

Duke buzëqeshur, Kryeministri Berisha ka vlerësuar bashkëpunimin me LSI-në, duke theksuar se firmosja e marrëveshjes ka si qëllim kryesor krijimin e një qeverie të integrimit në BE, duke qenë se projekti kryesor i shqiptarëve është realizimi i kësaj ëndrre. Kryeministri ka theksuar se marrëveshja ka një nënkuptim politik të madh. Është një marrëveshje me spektër politik të gjerë, ku përfshihen të gjithë qytetarët. Në këtë qeverisje, tha Berisha, shqiptarët do të gjejnë një shkrirje të premtimeve të të gjitha forcave, çka bën që qeveria të ketë një program shumë më të pasur dhe të përfaqësojë një spektër më të gjerë të zgjedhësve shqiptarë. Sipas Berishës, ky është një koalicion që do u japë shqiptarëve brenda vitit të parë të mandatit të dytë lëvizjen e lirë dhe nëpërmjet realizimit të reformave të thella Shqipëria do të përfitojë statusin e vendit kandidat për në BE. Koalicioni, ka theksuar Berisha, është i angazhuar për një seri reformash të madha, siç është rishikimi i Kodit Zgjedhor, duke mos pasur më diskriminime. Përpjekja do të jetë maksimale për ndryshimin e kodit në tërësi, me qëllim që rregullat për përfaqësimin të jenë më të drejta dhe jo persekutuese si rasti i këtyre zgjedhjeve. Gjithashtu, Berisha është angazhuar që në zgjedhjet e ardhshme lokale PD-ja dhe LSI-ja të dalin së bashku duke forcuar më tej bashkëpunimin për të siguruar një koalicion solid në zgjedhjet e 2013-ës.

Meta

Ashtu si Kryeministri Berisha edhe kryetari i LSI-së, Ilir Meta, e ka vlerësuar në të mirë të vendit dhe shqiptarëve bashkëpunimin për të qeverisur katër vitet e ardhshme me PD-në. Meta ka theksuar se gjatë fjalës së tij para mediave se mbi këtë marrëveshje do të konkretizohet edhe programi i qeverisë së ardhshme pas konstituimit të Parlamentit të ri. Duke sulmuar në mënyrë indirekte PS-në, Meta ka deklaruar se të gjithë e mbajnë mend fushatën, qytetarët u njohën vetëm me dy programe të shkruara, atë të PD-së dhe të LSI-së. Duke vlerësuar marrëveshjen Meta tha se kjo garanton jo vetëm stabilitet qeverisës, por edhe reforma të cilat do ta shpejtojnë integrimin. Kjo marrëveshje, tha Meta, nuk do të cenojë statusin e nëpunësit civil. Sipas Metës, morali i kësaj bashkëqeverisjeje nuk është për të hequr njerëz nga puna, por për të hapur vende të reja pune. Në fund të katër viteve të këtij mandati, tha Meta, shqiptarët jo vetëm që do të jetojnë shumë më të qetë dhe më të sigurt, por ata do të jenë në një pozicion tjetër në lidhje me qytetarët e tjerë europianë. Do të mundohemi të zbusim sa më shumë varfërinë. Ky koalicion ka parametra të shëndeteshëm. Meta theksoi gjithashtu se ky koalicion që do të funksionojë në mënyrë transparente, do të jetë një koalicion fitues edhe në zgjedhjet lokale dhe në fund do të jetë një koalicion që do ta meritojë sërish votëbesimin e shqiptarëve.


LSI

Gjoni: Nuk do të bëjmë spastrime politike në ministritë tona


Zëdhënësi i LSI-së, Ralf Gjoni, bëri me dije dje se hyrja e LSI-së në qeverinë "Berisha" nuk do të shërbejë për spastrime politike, por për integrimin e vendit.

Do të ketë spastrime politike në postet që LSI do të mbajë në qeverinë e re?

Jo. Ne nuk jemi për spastrime politike, por jemi për një vazhdim sa më transparent dhe më demokratik. Patjetër që do të ketë caktime postesh politike, por për momentin nuk është diskutuar për pozicione të tjera. Për çdo pozicion, strukturat e LSI do të jenë në bisedime të vazhdueshme për të marrë një vendim në të mirë të integrimit të vendit. E rëndësishme për ne është, janë dhe do të jenë zbatimi dhe funksionimi i prioriteteve tona programore brenda këtij koalicioni. Programi ynë është më i rëndësishëm sesa emrat. Më duhet të theksojë se LSI ka brenda saj një arsenal talentesh, të cilat do të vihen në shërbim të koalicionit.

Cila do të jetë e ardhmja e 5 ‘rebelëve‘ të LSI në partinë tuaj që kundërshtuan bashkëqeverisjen me Berishën?

LSI ka qenë gjithmonë e hapur dhe e ka vlerësuar gjithnjë mendimin ndryshe dhe 5 anëtarët e kësaj force kanë qenë gjithnjë të mirëpritur dhe janë të ftuar që të rikthejnë brenda strukturave të kësaj partie për ta shprehur mendimin e tyre dhe për të dhënë kontributin e tyre në mbarëvajtjen dhe funksionimin sa më efikas të koalicionit qeverisës me PD. Ajo që duhet theksuar është se LSI është ka qenë dhe do mbetet një forcë e majtë dhe është futur në këtë koalicion me përfaqësinë e votës së majtë dhe të socialistëve të tjerë që nuk ndihen më të përfaqësuar nga Edi Rama. Ne nuk jemi për përjashtim të mendimit ndryshe, por jemi të hapur për bashkëbisedime në funksion të integrimit europian të vendit.


Ftesa

Berisha: Për reformat e mëdha mbetem i hapur të bashkëpunoj me PS


Kryeministri Berisha i ka bërë sërish dje thirrje opozitës dhe kryetarit të saj, Edi Rama, që të bashkëpunojë me qeverinë për realizimin e reformave kryesore, të cilat janë në shërbim të vendit dhe i hapin rrugë anëtarësimit të Shqipërisë në BE. Duke u ndalur te vendimi i marrë nga kryetari Rama për bojkot të Kuvendit nga grupi parlamentar i PS-së, Berisha i ka kujtuar se ky nuk është një hap pozitiv, i cili i shërben vendit për të ecur para. Por, gjithsesi, është shprehur Berisha, unë mbetem i hapur për të respektuar çdo vendim që do të marrë kryetari i PS-së. Ndërsa kryetari i LSI-së, Ilir Meta, duke shprehur keqardhjen e tij për futjen në qorrsokak të PS-së nga kryetari Rama, tha se "kam një ndjesi më të madhe personale dhe politike, pasi kam qenë ndër themeluesit e kësaj force politike dhe Kryeministër i saj, i kujtoj Ramës se është bërë objekt diskutimi për kthimin mbrapsht të standardeve të PS-së". Gjithashtu ai i ka kujtuar Ramës se nuk i takon atij të ankohet për procesin zgjedhor, pasi ai diktoi gjithë reformën zgjedhore dhe bashkë me PD-në ishte pjesë e menaxhimit të zgjedhjeve. Duke shprehur qëndrimin e tij se megjithëse është në koalicion qeverisës me Berishën, zemra e tij mbetet majtas, Meta i ka siguruar të 83 mijë votuesit e opozitës se gjatë kësaj kohe do të punojë fort për funksionimin siç duhet të shtetit dhe për realizimin e reformave kryesore në vend siç janë shërbimet publike, të cilat do ta lehtësojnë më shumë jetën e çdo shqiptari. Meta i ka kujtuar Ramës se ka qenë ky i fundit shkatërruesi i PS-së dhe këtë e ka nisur që në ‘92-in kur u largua nga PD-ja dhe kërkonte që të varesish socialistët dhe komunistët në stadium ashtu siç kishte ndodhur në Kili dhe me ligj kërkonte të nxirrte jashtë funksioni PS-në.



Marrin fund dilemat e raporteve në qeveri të LSI-së. Kryetari i Lëvizjes Socialiste për Integrim, Ilir Meta, firmosi paktin për të qenë zëvendës i Berishës në qeverinë e re dhe të mbajë njëkohësisht edhe postin e shefit të diplomacisë. Ashtu siç ishte përfolur edhe herë më parë gjatë negociatave informale Berisha-Meta në Dhërmi dhe Pogradec, ku asokohe posti më i përfolur për të marrë kreu i LSI-së ishte ai i kryetarit të Kuvendit, Ilir Meta, zgjodhi të ulet në krahun e djathtë të Kryeministrit Sali Berisha në çdo mbledhje qeverie dhe në çdo seancë të Parlamentit. Takimi zyrtar në Kryesinë e Kuvendit zbardhi vendimmarrjen sekrete të përcaktuar kohë më parë mes kreut të PD-së, Sali Berisha dhe atij të LSI-së, Ilir Meta. LSI do të përfaqësohet në qeverinë e re edhe me dy ministri të tjera. Ministria e Ekonomisë, Tregtisë dhe Energjetikës do të drejtohet nga Dritan Prifti, i cili i ka mbyllur vetë marrëveshjet kokë më kokë me Kryeministrin Berisha. Ndërsa Petrit Vasili do të kontrollojë Ministrinë e Shëndetësisë, e cila që prej vitit 2007 është drejtuar nga aleatët e djathtë të PD-së. Kreu i LSI-së do të drejtojë Ministrinë e Jashtme duke "detyruar" Kryeministrin t‘i bëjë rotacion Lulzim Bashës brenda qeverisë dhe spostuar Genc Pollon për të cilin pjesa e tortës së pushtetit do të zbulohet të dielën e parë të shtatorit.

Marrëveshja

Kabineti i ri është pagëzuar me emrin "Qeveria e Integrimit Europian". Përpos tre ministrive, LSI do të ulë në krah të Kryetares së Parlamentit, Jozefina Topalli, deputetin Nasip Naço i cili do të mbajë edhe postin e nënkryetarit të Kuvendit. LSI do të përfaqësohet në masën 20% në të gjitha nivelet e pushtetit, nivelet drejtuese dhe administrative dhe hallkave të tjera të pushtetit në nivel qendror dhe atij vendor. Duke iu referuar marrëveshjes politike, PD dhe LSI kanë rënë dakord që për krijimin e kohezionit të qëndrimeve politike të rëndësishme të qeverisë dhe Parlamentit të realizohet konsultimi dhe koordinimi i këtyre qëndrimeve midis kryetarëve të partive apo personave të caktuar prej tyre. Në marrëveshjen PD-LSI citohet se "konsensusi është i nevojshëm për emërimet në institucionet kushtetuese apo institucione të tjera që varen nga Parlamenti. Berisha dhe Meta nënshkruan publikisht të hyjnë së bashku në zgjedhjet lokale të vitit 2011, por kanë të përcaktuar në kontratën e djeshme që të ketë edhe një tjetër marrëveshje të dytë. "Koalicioni do të realizojë zgjedhjen e Presidentit të Republikës mbi bazën e konsensusit PD-LSI", thuhet në kontratën bashkëqeverisëse të Berishës dhe Metës. Brenda muajit tetor të këtij viti, LSI do të ketë të përcaktuar përveç zv/ministrave edhe dy prefektët e Beratit dhe Fierit apo drejtorët e rëndësishëm që ka përfituar nga marrëveshja me PD-në. Kryeministri është treguar i kujdesshëm për të shmangur shkarkimet politike duke përcaktuar në marrëveshje që "për realizimin e këtyre objektivave, PD dhe LSI bien dakord që përfaqësimi i LSI në qeverisje të jetë 20% e organeve të pushtetit dhe strukturave qeverisëse, duke respektuar ligjin "për statusin e nëpunësit civil".


Përpjekja e dështuar e Topallit

Nënkryetarja e PD-së mbetet në Kuvend

Posti i kryediplomatit ishte kthyer në "mollën" më të kërkuar në qeverinë e ardhshme "Berisha", pasi KQZ zbardhi rezultatin përfundimtar të zgjedhjeve që nxori fitues koalicionin e djathtë. Ambicia e hershme e nënkryetares së PD-së, Jozefina Topalli për Ministrinë e Jashtme u "këput" në shtator të 2005-ës, ku në krye të këtij dikasteri u vendos Besnik Mustafaj dhe pas tij vendin e zë ish-anëtari i KOP-it, Lulzim Basha. Edhe këtë herë, numri i pamjaftueshëm që PD, PR dhe PDI kanë për të ndërtuar qeverinë e re, kushtëzoi kalimin e zonjës Topalli drejt Ministrisë së Jashtme. Përpara se dilemat për postet që do të përfitonte LSI të zbardheshin, numri dy i PD-së synonte drejtimin e Ministrisë së Jashtme. Burimet pranë nënkryetares Topalli, por edhe pranë Partisë Demokratike konfirmuan si dy emërime të sigurta Ridvan Boden tek Ministria e Financave dhe Jozefina Topallin te Ministria e Jashtme. Por loja ndryshoi pasi PD-së i duheshin 71 vota për të ndërtuar qeverinë e re për të cilën e vetmja që mund ta ndihmonte ishte LSI, së cilës i ngelen edhe rregullat e kësaj loje në dorë, pavarësisht kostos se karrigia e Kryeministrit ishte e panegociueshme dhe se Kryeministër do të vazhdonte të ishte Sali Berisha.


Kryesia

Kryeministri Sali Berisha përpara firmosjes së paktit bashkëqeverisës me LSI nuk ka informuar deputetët e tij, duke shmangur kryesinë e madhe të partisë dhe duke u mjaftuar vetëm me mbledhjen e kryesisë së vogël, ku prezent ishin ai, dy nënkryetarët, Topalli dhe Patozi, sekretari i përgjithshëm, Ridvan Bode dhe sekretari organizativ, Flamur Noka.


Demokratët

Demokratët janë ende në pritje se cilët do të jenë ministrat e ardhshëm të kabinetit qeveritar. Shumica e deputetëve demokratë për ministritë që përfitoi LSI nga bashkëpunimi me PD-në u informuan nëpërmjet medias. Nga 14 ministri të kabinetit "Berisha", vetëm 10 do të drejtohen nga demokratët, ndërsa 4 janë vendosur t‘i lihen në dorë aleatëve të PD-së.

Negociatorët

Një ndër negociatorët kryesorë të LSI-së për qeverinë e ardhshme "Berisha", ishte Dritan Prifti, i cili përfitoi një post ministri nga ky bashkëpunim. Dje pakti PD-LSI është firmosur nga Kryeministri Sali Berisha, i cili u shoqërua nga sekretari i përgjithshëm, Ridvan Bode, dhe nga kampi i Lëvizjes Socialiste për Integrim ishte kryetari Ilir Meta dhe kryetari i KDK-së, Edmond Haxhinasto.

Prefektët

Nga marrëveshja e nënshkruar me PD-në, LSI-ja ka përfituar edhe dy poste prefektësh. Tashëm kjo parti do të drejtojë Prefekturën e Qarkut të Beratit dhe Prefekturën e Qarkut të Fierit. Dy zona nga e cila LSI-ja në krahasim me qarqet e tjera është shpërblyer në zgjedhjet e 28 qershorit me nga një deputet. Tashmë me këto dy institucione LSI-ja ofron vende punë për mbështetësit e saj.

20% e posteve

Oreksi vjen duke ngrënë, thotë popullit. Kjo ka shërbyer dje edhe për marrëveshjen e LSI-së me PD-në, e cila përpos tre posteve ministrore, postit të nënkryetarit të Kuvendit, 2 prefektëve, 7 zëvendësministrave, kryetari i kësaj partie ka kërkuar që në rangjet dytësore, drejtor drejtorish dhe pushtetin lokal LSI-ja të përfaqësohet në masën 20%

6 vjet më parë

Personalisht për kryetarin e LSI-së realizimi i kësaj marrëveshjeje nuk ka shënuar ndonjë fitore të madhe po të kujtosh kohën kur iku nga PS-ja. Gjashtë vjet më parë Meta mbante postin e zv/kryeministrit dhe të ministrit të Jashtëm kur Nano ishte Kryeministër. Por ambicia për të qenë në krye të qeverisë e detyroi të prishet me Nanon, duke u larguar edhe nga PS-ja




Berisha, sot negociata me aleatët

Do të shpërblehen në bazë të peshës elektorale

Pas mbylljes së negociatave me kryetarin e LSI-së, Ilir Meta, tashëm Kryeministri Berisha do të kthehet nga aleatët e tjerë të tij për të dëgjuar dhe kënaqur pretendimet e tyre dhe më pas ç‘të mbetet do të plotësohen me njerëzit e tij në parti. Sot, Kryeministri pritet të ketë negociata me PR-në dhe PDI-në të cilët kanë nga një deputet në sallën e Kuvendit, por ka lënë të hapur ftesën edhe për PBDNJ-në e cila aktualisht është pozicionuar në spektrin e majtë, në koalicion me PS-së. Për të ndalur disi hovin e aleatëve në kërkesat e tyre, Berisha dje ka deklaruar se aleatët do të shpërblehen në bazë të numrit të votave që ata kanë marrë në zgjedhjet e 28 qershorit, pra sipas peshës elektorale. Kjo tha Berisha do të bëhet në mënyrë transparente me qëllim që të mbesin të kënaqur të gjitha palët. Për të qenë pjesë e qeverisë ka shprehur dëshirën PR-ja, PDI-ja si dhe disa drejtues të PBDNJ-së. Më pas Berisha ka vlerësuar punën e bërë nga aleatët gjatë qeverisjes që sapo u mbyll duke vënë theksin pikërisht te Ministria e Shëndetësisë, e cila deri më dje është drejtuar nga PR-ja dhe tashmë do drejtohet nga LSI-ja. Berisha ka shprehur bindjen se reformat në shëndetësi do të vazhdojnë edhe nga LSI-ja, duke marrë si bazë modelin gjerman.



Deklarata

Miço: PBDNJ e vërtetë e ka vendin në koalicionin qeverisës

Kriza në gjirin e PBDNJ-së sa vjen dhe thellohet më shumë. Nënkryetari i kësaj partie, Thoma Miço, ka akuzuar dje sërish kryetarin Dule se po shkatërron partinë. Sipas Miços, PBDNJ-ja e ka vendin në qeverisje në koalicion me Partinë Demokratike. Ai ka theksuar dje për mediat se "veprimet e gabuara dhe

mungesa e alternativave të kryetarit të PBDNJ-së, Vangjel Dule, po i vuan minoriteti grek, duke i njollosur dhe tjetërsuar moralin e tij". Nënkryetari i PBDNJ-së tha se "është në të mirën e partisë dhe të elektoratit të saj që Vangjel Dule të largohet nga posti që mban, për t‘i hapur rrugë zhvillimeve statutore, me qëllim që PBDNJ të rikthehet në rrugën e misionit të saj historik, në vend që ai të shtrijë dorën për pak pushtet të pamerituar". "PBDNJ e vërtetë e ka vendin në koalicionin qeverisës, por jo me sharlatanë që i shkaktuan partisë dhe anëtarësisë së saj dëmin elektoral më të madh të të gjitha viteve". Sipas Miços, "përpjekjet e Dules për të qëndruar në krye të partisë, do të rezultojnë njëlloj fatale edhe në zgjedhjet e ardhshme të pushtetit lokal, ashtu siç rezultoi në zgjedhjet e përgjithshme parlamentare të 28 qershorit.

 

http://www.balkanweb.com/gazetav5/artikull.php?id=64866

 

Berisha-Meta, rikthehet Mediu, Basha te Mbrojtja

» Dërguar më: 03/09/2009 - 08:17

Berisha dhe Meta nënshkruajnë marrëveshjen e bashkëpunimit, ku përveç posteve të nivelit të parë dhe të dytë, LSI-ja do të kërkojë 20 për qind të pjesëmarrje në administratën shtetërore, pa prekur punonjësit që kanë statusin e nëpunësit civil. Nasip Naço, deputeti i Beratit, do të jetë nënkryetari i Kuvendit si dhe është kërkuar që brenda 30 tetorit koalicioni mes këtyre partive të shtrihet dhe në nivel vendor. Për zgjedhjet lokale do të ketë një marrëveshje tjetër mes LSI-së dhe PD-së si dhe ky koalicion do të realizojë zgjedhjen e presidentit. Në marrëveshje përcaktohet se çdo ndryshim i tekstit të saj do të bëhet me konsensus dhe me amendamente të veçanta. Pas nënshkrimit të marrëveshjes, krerët e dy partive, Berisha dhe Meta iu përgjigjën interesit të gazetarëve.
Socialistët kanë shpallur bojkotin e parlamentit shqiptar. A do të ishte kjo një humbje për maxhorancën, zoti Berisha dhe a do të mbeteni sërish për bashkëpunim me këtë opozitë?
Jemi të gatshëm të bashkëpunojmë me opozitën. Por, konstatoj se zoti Rama po shfaq shenja sipas të cilave do të përdorë bojkotin për qëllime tërësisht personale, mendon se mund të dëmtojë lëvizjen e lirë të qytetarëve shqiptarë, mendon se në këtë mënyrë do të mund të garantojë më shumë vota në procesin e zgjedhjes. Uroj që edhe zoti Lakrori të mos i tërhiqet, se do të dalë me 99.9 për qind. Pra, unë mbetem i vendosur të respektoj çdo vendim të zotit Rama. Mendoj se për shumë arsye, por edhe qoftë të trashëgimisë së kësaj partie, heqja dorë nga doktrina e bojkotit është një nga kushtet themelore të reformimit të saj dhe të vendit. Cilindo vendim që të marrë zoti Rama, do ta respektojmë.
Zoti Meta, a jepni garanci për një stabilitet të kësaj qeverisjeje katërvjeçare dhe a do t’i vazhdoni nismat tuaja të ndërmarra kohë më parë, siç është referendumi për ndryshimet kushtetuese?
Unë jam i bindur se qëndrueshmëria dhe stabiliteti i kësaj maxhorance do të jetë i padiskutueshëm, sepse besoj se të dyja palët, por edhe palët e tjera që do t’i bashkohen kësaj marrëveshjeje dhe këtij koalicioni, pa asnjë diskutim do t’i përmbahen dhe do të tregojnë vullnetin maksimal dhe transparencën maksimale në këto drejtime. Sa i takon PS-së, unë shpreh keqardhjen e thellë për atë qorrsokak ku po e fut atë forcë të rëndësishme për vendin, ndaj të cilës unë kam ndjesi njerëzore, pasi kam kontribuar, pasi kam qenë kryeministër i saj dhe që nuk e nderon këtë parti që shënoi progres të madh në vend. Tashmë ajo është bërë objekt i diskutimeve për kthimin të standardeve mbrapa si sa i takon zgjedhjeve, si sa i takon shtypit, me mediat e kështu me radhë. Nuk i takon zotit Rama që të ankohet për zgjedhjet kur ai e diktoi vetë, për shkak të domosdoshmërisë së konsensusit që duhet të jepte si kryetar i opozitës, të gjithë reformën zgjedhore, të gjithë kodin, kur ka qenë po aq pjesë e administrimit të zgjedhjeve sa vetë PD. Dhe, këto që thotë sot, nuk i tha as ditën e diel, kur ka pasur mendime se edhe mund të fitonte, as ditën e hënë, as ditën e martë, as ditën e mërkurë, kur më dërgonte ndërmjetës për të më bërë kryeministër, duke shtuar maxhorancën me trafikime deputetësh nga krahu tjetër, por i thotë tani, dhe arsyeja ka të bëjë pikërisht me respektimin e tij për atë nen që ka vënë vet, për ndërprerjen e mandatit në rast të humbjes. Prandaj, nëse ka ndonjë force politike që ngre pretendimet për zgjedhjet dhe standardet e saj, kjo është LSI-ja, e cila u diskriminua në mënyrë të pandershme, pikërisht për shkakun e zotit Rama.
Së dyti, nuk është e moralshme aspak që për interesa personale, të një karriere personale të hidhet baltë nga autori i gjithë reformës zgjedhore në vend, dhe elementi tjetër, do të theksoja nuk është aspak në nderin e PS-së që të japë këtë shembull të shëmtuar, të cenimit të interesave të vendit, që kanë të bëjë me axhendën integruese të saj, thjesht se kryetari i tyre dëshiron që të fitojë zgjedhjet me çdo kusht. Do të kishte qenë shumë më e ndershme që të kërkonte një mandat tjetër, por jo duke u përpjekur për të denigruar dhe njollosur vendin. Për çështjen e referendumit të ndryshimeve kushtetuese, ne e kemi diskutuar këtë, dhe ka qenë një nga prioritet tona dhe do të vazhdojmë ta kemi ashtu. Dihet se kushtetutat nuk ndryshohen lehtë, por për fat të keq Kushtetuta, më 21 prill u ndryshua shumë shpejt, ndërsa statut i PS-së nuk ndryshohet, duhen gjashtë muaj. Kur ia kam bërë këtë kërkesë zotit Berisha, më tha se këto ndryshime m’u kërkuan, u bënë se atëherë ishte maxhorancë kushtetuese, tani kjo maxhorancë nuk ekziston dhe as dallimet e tjera në këtë drejtim. Kjo mbetet një sfidë afatgjatë për LSI. Ne besojmë se një ekuilibër i qeverisjes së vendit, që vjen edhe nga rezultati i 28 qershorit, kompenson atë humbje të disa ekuilibrave të rëndësishëm që ishin vendosur në Kushtetutë.
Zoti Berisha, a ka emra të tjerë aleatësh që mund t’i bëni publikë sa i takon pjesëmarrjes në qeverinë e re?
Siç e dini, ne e kemi bërë fushatën zgjedhore me disa parti politike. Secila prej tyre konsiderohet anëtare e koalicionit, në proporcionin e caktuar. Kam pasur një zotim me anëtarët e koalicionit, që unë do të respektoj proporcionin, kuotimin nga zgjedhësit, dhe asaj i qëndroj plotësisht. Nuk kam filluar negociatat, sepse koalicioni me LSI-në ishte esencial, ishte thelbësor për ekzistencën e qeverisjes. Pas saj do të fillojmë negociatat me PR-në dhe me partitë e tjera. Një ftesë i është bërë dhe mbetem i hapur dhe për PBDNJ-në.
Po nga LSI-ja, kush do të jetë tjetër në qeverinë e re?
Unë sapo vij nga një mbledhje kryesie me kolegët e mi të LSI, përveç emrit tim, në qeverinë e re do të jetë Dritan Prifti në Ministrinë e Ekonomisë dhe Petrit Vasili, në Ministrinë e Shëndetësisë.
A nuk është një humbje për PD që Shëndetësinë e merr LSI kur shumë mirë mund ta mbanit për vete?
Për mua si kryeministër, për këtë qeveri, reforma e sistemit të Shëndetësisë përbëjnë reformat më të para. Kam besim të plotë te zoti Petrit Vasili, i cili i njeh reformat. Zonja Godo i lë një trashëgimi të vyer zotit Vasili. Më duhet t’ju them se sistemi ynë shëndetësor do të marrë modelin gjerman. Ka qenë model lider, e vërteta është se ka disa probleme, por reformat po vazhdojnë. Marrëveshja e nënshkruar vendos bashkëpunimin në të gjitha fushat e reformës. Qeveria gjermane do të na ndihmojë ne, zotin Vasili dhe mua, për të pasur një sukses të plotë në këtë reformë.
Zoti Rama ju ka akuzuar se me këtë marrëveshje ju po tradhtoni 83 mijë zemra që kanë votuar për ju. A do të mund të quhet një natë e zezë për të majtën kjo marrëveshje me PD-në?
Në fakt, Rama është ai që tradhtoi ideologjinë e majtë. Në fillim të vitit ’92, kur zoti Rama u largua nga PD-ja kërkoi të vareshin të gjithë komunistët dhe socialistët në stadium si në Kili, kërkoi nxjerrjen nga ligji të PS-së, këtë e ka të shkruar te libri i tij “Refleksione”. Unë kam qenë dhe socialist dhe ashtu do të jem gjithmonë. Kjo pjesëmarrje në qeveri nuk ndryshon asgjë për mua dhe për LSI, do t’ju siguroj se socialistët e vërtetë, se të majtët e vërtetë janë shqiptarë dhe interesat e vendit i kanë më të shtrenjta se interesat partiake apo ato personale, sikurse po ndodh me kreun aktual mandat-ndërprerë të PS. Në këtë drejtim, socialistët dhe të majtët duan stabilitet, duan të stabilizohen shërbimet publike, i arsimit, i shëndetësisë, të ulet varfëria, duan dhe ata si gjithë shqiptarët të shpëtojnë nga makthi i vizave për të udhëtuar në Europë dhe botë. Kurrsesi nuk mund të ngatërrojë interesat e pjesshme me ato që janë jetike. Çdo vit që të kalojë, do ta kujtojë këtë koalicion, që në një fare mënyre e krijoi edhe vet, kuptohet pa dashje... Ndërsa, karakterizimi i këtij koalicioni si një tradhti është veprimi më anakronik, është veprimi që tregon që politika e re ka qenë thjesht një flluskë. Është një gjë e vjetër, sepse koalicione të tilla ka në Austri, ka pasur në vende të tjera, ku në bazë të rezultateve, në bazë të programeve, integrohet dhe krijohet qeveria. Se detyrë e çdo force politike është që të japë qeverisje dhe zgjidhje në mënyrën më të përgjegjshme dhe në mënyrën më transparente. Kam dëgjuar shpesh për votat e LSI. Zoti Rama e di shumë mirë se nuk kanë qenë 83 mijë vota, kanë qenë shumë më tepër. Dhe, jo vetëm ato të tjerat që kanë munguar te numërimi apo te votimi, për arsye që i dimë shumë mirë, por do të jenë edhe më shumë zemra të tjera, dhe aq më tepër po vazhdoi në këtë rrugë.
Për tradhtinë…
“Besoj se biem dakord që nëse ka ndonjë njeri mbi këtë tokë që nuk ka të drejtë morale të flasë për tradhti zemrash, është Edi Rama. Dhe, unë ju garantoj se nuk e them këtë në rast se kjo do të shkonte në drejtim të Don Zhuanit, nuk e them këtë, ai është problem tjetër. Por, e dini vetë pse e them këtë dhe nuk dua ta shpreh, prandaj fjalë të cilat vetëm ai nuk ka të drejtë morale t’i shqipërojë, më mirë t’i hedhim atje ku thotë Faik Konica, në kazan. S’ka ai të drejtë të flasë për tradhti zemrash”.

http://www.gazetametropol.com/tekst.php?idt=61547

 

Berisha- Meta nisin sot negociatat për qeverinë

02/09/2009  Takimi sot në orën 18.30 në kryesinë e Kuvendit Zbardhen detajet e takimit mes kryeministrit dhe kreut të LSI-së Pritet të nisin sot negociatat mes Kryeministrit të Shqipërisë, Sali Berisha, dhe kreut të LSI-së, Ilir Meta. Këtë gjë e konfirmoi dhe Kryeministri Berisha në një konferencë të dy ditëve më parë. Madje duket se data e takimit me Metën e ka kushtëzuar Berishën që të niset brenda ditës nga Polonia për të marrë pjesë në këtë takim Më pas, gjatë fundjavës Berisha do të vijojë takimet edhe me aleatët për të formatuar përfundimisht qeverinë e re. Gjatë konferencës së para dy ditëve, kreu i qeverisë bëri të ditur se numri i ministrive nuk do të ndryshojë, sikurse edhe modeli i Këshillit të Ministrave, pavarësisht aleancave. Mbledhja e fundit e qeverisë aktuale pritet të mbahet ditën e nesërme dhe më pas takimi mes Metës dhe Berishës do t’i hapë rrugë krijimit të qeverisë së re me një koalicion të konfirmuar mes Partisë Demokratike dhe Lëvizjes Socialiste për Integrim. Burime nga LSI pohojnë se negociatat do të zhvillohen gjatë pasdites së nesërme në orën 18:30 minuta në selinë e kryesisë së Kuvendit. Postet Burime nga selitë e dy partive pohojnë se LSI-së do ti ofrohen 3 poste ministrore , ku më të përfolurat janë ai i Ekonomisë, Shëndetësisë dhe Ministria e Jashtme, si dhe disa poste zëvendësministrore. Emrat e ministrave që do të katapultohen në qeveri, do të jenë ata të Ilir Metës, i cili do të marrë ministrinë e jashtme, Dritan prifti që do të marrë Ministrinë e Ekonomisë, si dhe Petrit Vasili, që pritet të marrë Ministrinë e Shëndetësisë. Ndërkohë që nga ministrat aktualë pritet largimi i ministres Godo, ndërsa sa për Bashën dhe Rulin, mendohet se do ketë rotacion brenda kabinetit. Në komunikimin e tij për mediat, Kryeministri Sali Berisha tha se Kushtetuta garanton të drejtën e krijimit të qeverisë për partinë e parë që garanton shumicën dhe ky propozim mund të bëhet edhe në prag të mbledhjes së Parlamentit. “Kushtetuta parashikon afatin 10 ditor, si detyrim për Kryeministrin e ri për të paraqitur programin në Kuvend”, u shpreh Berisha. Gjithçka duket se tashmë është një formalitet për hir të një fjale të thënë se negociatat do të zhvillohen para publikut. Më tej Berishës i duhet të mendojë dhe për postet që do i japë dy aleatëve të tjerë, PR dhe PDI-së. Për të parin mendohet të jetë Ministria e Bujqësisë, ndërsa për të dytin Ministria e Mjedisit. Sa për aleatët e tjerë, pra ata që nuk kanë marrë deputetë në Kuvend, duhet të mjaftohen me postet e zëvendësministrave apo dhe me drejtorë drejtorish. Ftesa e Berishës dhe përgjigja e Metës Meta vendimin për aleancë më 4 korrik Vendimin për të hyrë në qeverinë Berisha, Meta e mori më datë katër korrik, kur zgjedhjet e 28 qershorit sapo kishin përfunduar. Ky veprim i Metës u konsiderua si tradhti nga të majtët sidomos nga PS-ja, megjithëse përgjatë fushatës elektorale kishte krijuar përshtypjen se luftën e kishte më shumë me PS-në se sa me Partinë Demokratike. Postet që pritet të marrë LSI-ja kanë goxha peshë në kabinetin Berisha, gjë e cila justifikon dhe lëvizjen e Metës drejt qeverisë së djathtë. Por jo vetëm kaq. Postet do të shoqërohen dhe me një sërë drejtorish dhe zëvendësministrash, të cilat do bënin të mundur futjen në dikastere të një pjesë të mirë të anëtarësisë së kësaj partie, e cila ka gati gjashtë vjet në opozitë. Në lidhje me këtë çështje opinioni publik është ndarë më dysh. Disa e konsiderojnë si vetëvrasje politike të LSI-së, ndërsa pjesa tjetër si një lëvizje, e cila do e mbajë këtë forcë politike për shumë kohë në pushtet. Por gjithçka i mbetet kohës.

 

 

 

http://www.gazetastart.com/lajm.php?kategoria=Politike&nr=4226

 

2009-09-02 08:38

Kabineti i ri qeveritar, sot negociata Berisha-Meta

 

Tiranë – Gjatë ditës së sotme do të zhvillohen bisedimet për kabinetin e ri qeveritar, të drejtuar nga kryeministri Sali Berisha edhe për një mandat të dytë.

Deri më tani, është bërë të ditur se Lëvizja Socialiste për Integrim e drejtuar nga Ilir Meta do të marrë katër ministri, por ende asgjë nuk është zyrtare. LSI-ja pritet të përfaqësohet në qeverinë e Berishës me katër poste dhe me tre anëtarë të rëndësishëm të saj. Këto dy poste, së bashku me atë të ministrit të Ekonomisë dhe Energjetikës, për të cilin kandidaturë deri më tani është Dritan Prifti si dhe ministrinë e Mbrojtjes ose të Shëndetësisë nga anëtari i kryesisë së LSI-së, Petrit Vasili, do të jenë pjesë e negociatave zyrtare, pasi ato jozyrtaret duket se kanë mbaruar me kohë. 

Ndërkohë, nga një post ministror do të marrë edhe Partia Republikane me një deputet në Kuvendin e ri. Gjithashtu, një post ministror do të marrë edhe Partia Drejtësi për Integrim e njohur si partia e komunitetit çam, e cila hyn për herë të parë në Kuvendin e Shqipërisë me një deputet. Kryeministri Sali Berisha gjatë një konference për shtyp të dy ditëve më parë, pat deklaruar se kabineti i ri do të formatohet brenda datës 7 shtator, kur edhe do të çelet seanca e parë e Parlamentit.

Si Berisha ashtu edhe kreu i LSI-së, Meta kanë thënë se kabineti do të jetë i qëndrueshëm, jo vetëm për një mandat por edhe më tej. Lëvizja Socialiste për Integrim u bashkua në aleancë pas zgjedhore me Partinë Demokratike, e cila fitoi në zgjedhje bashkë me aleatët e saj,  fitore e cila ishte e ngushtë, çka iu deshën edhe votat e LSI-së në Parlament.

Takimi midis Metës dhe Berishës do të zhvillohet rreth orës 18:30 tëpasdites. Në takim pritet të jetë edhe nënkryetarja e PD-së, JozefinaTopalli, ose sekretari i Pergjithshëm i PD-se, Ridvan Bode, dhesekretari i Përgjithshëm i LSI-se, Petrit Vasili.

   

                                                                                          

 

 

 

 

 

http://balkans.courriers.info:80/article13528.html

 

Kosovo : retour à la case TPI pour Ramush Haradinaj

 

25/08/2009 

 

http://www.standard-al.com/tekst.php?idt=20871

 

Besa e shqiptarëve dhënë hebrenjve

Ekspozita "Besa: Një kod nderi" e fotografit amerikan Norman H. Gershman, e cila ka më shumë se një vit që bën xhiron nëpër botë, përbëhet nga 30 fotografi bardhezi që përfaqësojnë gati 20.000 shqiptarë myslimanë që kanë strehuar hebrenj gjatë Luftës së Dytë Botërore. Fotografitë e kësaj ekspozite janë portrete të shqiptarëve fotografuar nga Gershmani në disa qytete të Shqipërisë, duke dokumentuar rrëfimin e fëmijëve të atyre që kanë strehuar gjatë Luftës së Dytë Botërore hebrenjtë. Është dëshmi e historisë, që nga Shqipëria nuk u depërtua asnjë hebre drejt kampeve të përqendrimit. Kjo ekspozitë është hapur ditët e fundit dhe do të qëndrojë edhe për pesë javë me radhë, në Muzeun e Holokaustit dhe Qendrës së Studimeve të El Pasos në Teksas, SHBA. Ekspozita është organizuar nga Hebrew Union College, Jewish Institute of Religion Museum. Deri tani është prezantuar në Yad Vashem, në Muzeun e Holokaustit në Izrael, në Kombet e Bashkuara dhe Këshillin e Evropës.

http://www.standard-al.com/tekst.php?idt=20800        24/08/2009 

 

Mbreti Zog –gjeneralëve grekë: Nëse prekni kufirin shqiptar do bashkohem me Enver Hoxhën

Gjithmonë kanë ekzistuar pikëpyetjet pse Ahmet Zogu nuk tentoi të bënte asnjë kryerengritje për tu rikthyer në pushtet pas vitit 1944. në shënimet dhe dëshmitë e tij oficeri më i afërt i Mbretit Hysen Selmani i jep përgjigje kësaj pyetje. Sipas dëshmive të ofruara prej tij Zogut gjatë qëndrimit në Egjypt iu ofrua disa herë alternativa për të përmbysur sistemin komunist me kryerengtije popullore, por ai nuk pranoi duke e parë këtë gjë si një gabim për momentin kohor, kur sipas tij Greqia fqinje vazhdonte të shfaqte hapur dëshirën për aneksimin e të ashtuquajturit vorio-epir. Zogu kërkonte më parë garancinë e fuqive të mëdha, garanci që ai se kishte për të ndërhyrë kundër regjimit komunist. Në këtë kontekst Zogu refuzon gjeneralët grekë që shkuan në Kajro për ti kërkuar ndihmë kundër komunistëve në Greqi. Zogu tha se kjo ishte punë e Greqisë por nëse tentohej të prekej kufiri shqiptar ai do të vinte forcat e tij në shërbim të Enver Hoxhës. STAMBOLL, 30 TETOR1945 Madhëria e Tij Mbreti Zog I, i dërgon një urdhër udhëzimesh kolonel Hysen Selmanit në Legatën Shqiptare në Stamboll. Letra përmban këto shënime: "I dashur kolonel. Raportet tuaja i kam marrë dhe megjithëse u mungojnë hollësirat. Më vjen shumë keq Mër veprimet që po bëhen në vendin tonë. Të kishin qenë të bashkuar shqiptarët, çështja e Shqipërisë nuk do t'u bisedonte rishtazi "ex -nuovo". Përpara gjendjes së sotme do të na duhet në një anë për të siguruar indipendencën dhe integritetin e Shqipërisë dhe në anën tjetër për t' u përpjekur të sjellim bashkimin kombëtar për shpëtimin e vendit nga turbullimet dhe anarkia e sotme prandaj: 1-Deri sa Greqia të vazhdojë të kërkojë tokat tona nuk mund të bëhet asnjë bashkëpunim me ta. Propozimet që i përkasin kësaj pike, nga cilado anë që këto të na bëhen, nuk duhet të pranohen para se Greqia të deklarojë zyrtarisht se do të heqë dorë nga kërkesat e saj mbi Shqipërinë e Jugut të cilën ajo e quan "Epir i Veriut." 2-Vetëm pasi të sigurohet indipendenca dhe integriteti i Shqipërisë, në një mënyrë a në një tjetër, atëherë pas një kohe relativisht të gjatë dhe të vështirë do të na lipset të përpiqemi për shpëtimin e Atdheut nga anarkia e sotme. Sot për sot, nuk shoh ndonjë rrugë tjetër veçse të gjejmë ndonjë mënyrë të përshtatshme që të hyni në marrëdhënie me ata që ndodhen në male si: Gjon Marka Gjoni, Muha;rem Bajraktari, Fiqiri Dinja, Hysni Dema e të tjerë në Veri dhe në Jug pa përjashtim. Këta lipset t'i ruajnë forcat e tyre dhe duke harruar diferencat e kaluara dhe tendencat politike, të bashkuar sa më tepër të presin rastin e volitshërn. Po kështu lipset të veprohet me ata që janë në Itali dhe në Greqi. Ky lipset të jetë qëndrimi juaj derisa të merrni instruksione të reja. E di mirë se kundrejt ngjarjeve që po bëhen në Shqipëri, ky inaktivitet është i rëndë, por kështu e kërkon interesi i Atdheut. Nuk duhet harruar se Atdheu është mbi të gjitha e të na mbani në korent me ngjarjet dhe veçanërisht të na lajmëroni mbi të parin që ekzekutohet apo që persekutohet. Me këtë rast ju dërgoj të falat e përzemërta." Parmoor - Hause - 2 6-Tetor-1945 ZOGI Bëhet fjalë se grekët na kishin bërë shumë propozime: si grekët nacionalistë edhe Qeveria për një bashkëpunim kundër komunizmit në Greqi dhe në Shqipëri e ky propozim nuk u pranua prej Madhërisë së Tij Mbretit Zog I. Ky propozim na u bë si mua ashtu dhe Xhaxhulit. STAMBOLL, 8 NËNTOR 1945 Përfaqësuesit e Shteteve të Bashkuara të Amerikës dhe të Britanisë së Madhe u tërhoqën nga Shqipëria. Ky është një gabim politik dhe patriotik që bënë dirigjentët e Qeverisë komuniste shqiptare kundër Anglo-Saksonëve. Ata, në vend që të kërkonin përkrahjen e ndihmat e tyre për rimëkëmbjen e popullit të varfër nga evolucioni i tmerrshëm rreth 4 viteve; i përzunë në shenjë armiqësore. Një veprim i tillë, vërtetësisht nuk qartësohet. Arsyeja e këtij veprimi mbetet në errësirë dhe është e padalluar. Shqipëria akoma ndodhet në një anarki të tmerrshme, sepse përditë vërtetohen ekzekutime, burgime, internime. Pothuaj është një situatë e dhimbshme që nuk pajtohet me njerëzimin. Dhe ne nuk kuptojmë se pse bëhen këto masakra në popull, pavarësisht se nuk ka asnjë rezistencë që t'i trondisë fituesit nacional-çlirimtarë. Përkundrazi, kjo e ndihmon fort megalomaninë greke në kërkesat e "Vorio - Epirit." Nga ana tjetër, të gjithë nacionalistët i bashkon fakti me ata që mbrojnë interesat e indipendencës dhe të integritetit shqiptar. Sot, dua të them se asnjë hap nuk bëhet kundër regjimit të Tiranës. Tanimë, edhe qëndrimi i një pjese nacionaliste që kanë mbetur akoma nëpër malet e Shqipërisë, nuk ka asnjë dobi përveç se shtohen vuajtjet e tyre. Dëmtimet që mund të shkaktojnë në popull janë të mëdha, sepse duket se nuk është koha e një aksioni kundër komunizmit. Kuptohet se pa patur sigurimet, siç na urdhëron Madhëria e Tij Mbreti Zog, se grekët nuk kanë hequr dorë nga kërkesat e Shqipërisë së Jugut, asnjëherë nuk do t'ia mbërrijnë atij ëndërrimi të pavend, vetëm se po shkaktojnë një armiqësi në mes të dy popujve miq. Emigrata shqiptare, si në Itali po ashtu në Greqi, ka mbetur në frikësime të mëdha. Frika është se mos t'i dorëzojnë pasi kërkesat e Titos, bëhen pa masë si për jugosllavët ashtu për Shqiptarët që t'i dorëzojnë se janë kriminelë lufte. Ka shumë mundësi që t'i dorëzojnë. Kur na lajmërojnë' se Mit'hat Frashërin dhe Ali Këlcyrën i kanë arrestuar në Itali, është fiito ///////se mos t'i dorëzojnë tek komunistët. Eshtë kjo arsyeja, që Mbreti Zog ka urdhëruar Ministrin fuqiplotë në Turqi Asaf Xhaxhulin që të bëjë demarshet pranë autoriteteve anglo-amerikane, për t' i lënë të lirë dhe të japë çdo garanci për ta. Mbreti Zog menjëherë ndërhyri vetë pranë Qeverisë Britanike që mos të pësojnë ndonjë rrezik këta nga kërkesat komuniste. Të lihen në kampe të lirë, ose t'i tërheqë në Angli ose të marshojnë në Egjipt pranë Madhërisë së Tij Mbretit Faruk që të shkojnë në Egjipt. Po, ashtu u bënë hapa edhe pranë Qeverisë italiane. Tani, prej atyre që patën mbetur në male, pjesa më e madhe u tërhoqën dhe kaluan në Greqi si: Fiqri Dinja, Hysni Dema, Muharrem Bajraktari, Abaz Ermenj' e të tjerë. Pothuaj se afër 300 vetë dolën bashkë me këta në Greqi, sepse ishte i pamundur sigurimi i ushqimeve në Shqipëri pa u diktuar prej agjentëve komunistë. Në ndeshje janë bërë edhe shumë vrasje dhe dëme në popull prej komunistëve. Tani është një pjesë tepër e vogël, por pa asnjë veprimtari. Ata hyjnë e dalin, por jo ndonjë dobi vetëm se kanë qëllim me marrë ndonjë informatë mbi pozitat e soviteve në vendet strategjike. EGJIPT - KAIRO, 12 MAJ 1946 Madhëria eTij Mbreti Zog I,u drejtoi këtë mesazh gjithë bashkatdhetarëve shqiptarë brenda e jashtë: "Vëllezër e motra shqiptarë: Tani u bënë 34 vjet që Atdheu i ynë i dashur ka fituar Pavarësinë e vet. Por u mbushën 7 vjet që kjo Pavarësi ka mbetur një Ijalë e thatë që përvëlon zemrat e gjithë shqiptarëve të vërtetë. Provë e gjallë janë patriotët që po vuajnë në mërgim e nëpër kombe, përjashta e përbrenda Atdheut. Por, edhe nëpër burgje janë me mijëra të pafajshëm, jo për tjetër po prej dashurisë për Lirinë e vendit e të popullit të tyre. Vetëm se nuk duhet të dëshpërohemi kurrë. Se zjarri i kësaj dashurie dhe besim i ngulët s'ka për t'u shuar kurrë ndër zemrat tona. Kjo bëhet për një ringjallje sa më shpejt të Shqipërisë sonë të pavarur të cunguar e të lumtur që ta gëzojnë shqiptarët të gjithë e vetëm shqiptarët në Liri e të bashkuar në flakën e shenjtë të një vëllazërie kombëtare të bukur që të jetë e kulluar dhe e panjollë. Ashtu siç po e ndieni e po e tregoni sot ju vetë, aty në mes të gjithë atyre mjerimeve. Rroftë Shqipëria! “ Kairo, 12 Maj 1946, ZOGI ALEKSANDRI, 30 GUSHT1949 Pas formimit të komitetit "Shqipëria e lirë" më këtë' datë, siç kemi patur përshkruar edhe më parë në vitin 1947 erdhën nga Roma' 'Kolonel Lloyd, amerikan; Julian Emery, Billi Macklein anglez. Në Aleksandri, ata menjëherë u paraqitën tek Madhëria eTij, Mbreti Zog dhe i parashtruan programin sipas dëshirës së Mbretit. Në listë ishin këta persona 1-Mit'hat Frashëri si Kryetar (pas pëlqimit të Madhërisë Suaj), 2- Abaz Kupi, anëtar, 3- Nuçi Kotta, anëtar, 4- Sait Kryeziu, anëtar; 5- Zef Pali, anëtar. Ndërsa për sa i përket bllokut indipendent i kemi lutur sa e sa herë, por nuk pranuan të marrin pjesë. Mbreti Zog u përgjigj: "Shumë mirë. Vetëm lipset, që edhe ata që akoma nuk kanë marrë pjesë në komitetet duhet të marrin pjesë të barabartë që emigrata mos të përçahet, se të gjithë janë bijtë e atij kombi e të barabartë. Vetëm mos harroni dhe këtë ta keni gjithmonë parasysh, që në asnjë mënyrë nuk duhet të bëhet veprimi politik që cënon interesat e Shqipërisë, por pa qenë konstatimi im. Sot, ky është i vetmi pushtet ligjor. Unë përfaqësoj vendin tim Shqipërinë. Unë, pas kësaj, do të lëshoj një deklaratë që të mund të qetësoj gjithë grupet politike jashtë dhe kombin brenda, mbi interesat e Atdheut."Me këto fjalë u ndanë me miqtë amerikanë dhe anglezë. Mbreti i mbajti për darkë dhe shkëmbyen plot fjalë të mira e patriotike. "Gjithmonë duke i vënë të kuptonin se nuk duhet të bëhet asnjë gabim, që të më detyrojnë mua, të shkoj kundër veprimtarisë suaj me komitetin. Dhe, të bëni çmos që të bashkoni gjithë grupet politike me këto fjalë."I gjithë grupi duke i dhënë të gjitha premtimet Mbretit, u nis i kënaqur për në Romë. Në fund, miqtë amerikanë dhe britanikë, kur ishin në këmbë duke u nisur për në Romë, i kërkuan Mbretit Zog një favor të vogël për sa i përkiste veprimtarisë së komitetit mbi informatat e brendshme. "Ky program, ne na lidh këmbë e duar në veprimet tona," - i thanë ata. Mbreti Zog, po në këmbë pa u ulur u tha: "Çdo veprim jashtë, përsa kemi biseduar është i papranueshëm që ta bisedojmë më. Në rast se, mendoni një gjë më të vogël që cënon sovranitetin tokësor të shqiptarëve, do të jem unë më i egër se Enver Hoxha kundër një veprimtarie, që nuk pajtohet me interesat tokësore të Shqipërisë. Edhe sikur qeveria komuniste e Tiranës ta pranojë, unë kurrë nuk do ta pranoj dhe do ta luftoj me gjithë fuqinë time. Kjo, tani po më detyron që sot, të lëshoj një deklaratë mbi sa i përket Komitetit." DEKLARATA E LËSHUAR Mbreti Zog menjëherë urdhëroi Legatën Mbretërore Shqiptare në Kairo, për të botuar këtë deklaratë duke ua dhënë të gjitha agjensive të shtypit me 30 gusht 1949 kështu: "U formua Komiteti dhe Legata Mbretërore Shqiptare në Egjipt, për mos t'i lënë shteg asnjë keqkuptimi që mund të shkaktojë kjo gjë,jep sipas udhëzimeve që ka rr arrë prej Madhërisë së Tij, Mbretit të Shqiptarëve Zog I, komunikatën që vijon (Teksti në origjinal): "Ndryshime te bëra, në regjimin e Mbretërisë Shqiptare, që me agresionin e Italisë fashiste në 1939, që shkaktoi shpalljen e luftës prej anës sone' s'kanë qenë shprehje e vullnetit të popullit. Prandaj, Madhëria e Tij, Mbreti Zog I, i veshur me fuqinë dhe të drejtat kushtetore, është sot i vetmi pushtet ligjor, që përfaqëson vendin. Me këtë cilësi Mbreti i drejtohet Kombit e gjithë partive politike, cilatdo qofshin mendimet politike të tyre, që të përpiqen së bashku dhe me mjetet paqësore për të realizuar bashkimin, aq të nevojshëm, kombëtar. Është e nevojshme, që të gjithë shqiptarët pa përjashtim, duke marrë parasysh rrezikun që rëndon mbi vendin dhe duke parë shqetësimin e situatës ndërkombëtare, të bashkojnë fuqitë e tyre për t'i siguruar Shqipërisë, një kohë përtëritjeje e sigurimi, në mbarë rrethin e Kombeve të lira e demokratike, si edhe për të mbrojtur tërësinë tokësorë të saj. Pas gjithë atyre viteve e luftimeve vëllavrasëse të vajtueshme, që na kanë imponuar këto dhjetë vitet e fundit të historisë sonë, detyra patriotike e çdo shqiptari është t'i shërbejë besnikërisht çështjes së Atdheut, e të kenë besim në të ardhmen e tij. Ditën që ka për të qenë e mundur, Mbreti do të kërkojë që të bëhet në Shqipëri një plebishit legale e i paanshëm nën kontrollin e Organizatës së Kombeve të Bashkuara dhe Qeveria Kombëtare që do të formohet atëherë, ka për të realizuar vllazërimin e të garantojë lirinë." Dhe kjo komunikatë i shqetësoi grekët, aq sa u hodh pa asnjë drejtim shtypi grek kundër saj. Por, kjo ishte një komunikatë për sa u përkiste shqiptarëve brenda dhe jashtë Atdheut, e jo grekëve, as që është përmendur çështja greke, në të nuk shkruajnë aspak dhe nuk po na bëhet vonë. EGJIPT, 1 JANAR 1950 Madhëria e Tij Mbreti bashkë me Mbretëreshën edhe me Princeshat e suitën, më datë 1 Janar 1950 shkuan për të vizituar vendet e Faraonëve si "Luksor dhe Asuan." Natyrisht, Qeveria Egjiptiane i kishte vënë në dispozicion Toufik Dos Pashën si dhe Mahmut Beun. Kishim edhe Dr. Omar Shaukinë. Si në Luksor, edhe në Asuanë kemi qëndruar afër një muaj. Ishte një kohë shumë e mirë dhe e pastër. Më datë 6 Kallnur 1950, ne Aduane, na vjen atasheu ushtarak francez nga Tirana. Ky ishte i emëruar si Atashe Ushtarak i Francës pranë Qeverisë Komuniste Shqiptare në Tiranë. Ai po bënte edhe detyrën e Ministrit. "Porsa ka hyrë në Holelin në Asua, menjëherë ka kërkuar të marrë kontakt me kolonel Hysen Selmanin, që ishte kryeadjutant i Mbretit Zog dhe shefi i shtëpisë Mbretërore. I thonë kolonel Selmanit se një kolonel francez dëshiron t'ju takoje, sepse ka një punë teper urgjente. "Mire, -i thashë kapiten Zenel Shehit,- fute në sallon poshtë. Tani po vij edhe unë."Menjëherë, shkova në sallon dhe aty e gjeta bashkë me kapiten Zenel Shehin. Si u përshëndetëm e ftova se çfarë dëshironte të pinte. Zyrtari francez kërkoi mjesht një kafe. Posa porositëm kafet, ai më tha se: "Une jam atasheu militar i Francës, në Tiranë, kolonel G. Unë vij direkt nga Tirana. Isha në Aleksandri dhe pa u ndaluar erdha këtu. Kam një porosi tepër urgjente dhe sekret vetëm për t'ja parashtruar Madhërisë së Tij Mbretit Zog, personalisht. Do të jetë e mundur të kthehem prapë." "Po, mirë, -i thashë, - rrini pak këtu." Unë shkova menjëherë lart tek Mbreti Zog dhe ja parashtrova tekstualisht. Mbreti më urdhëroi ta ngjisja menjëherë lart tek ai vetë. Shkova poshtë dhe e shoqërova në sallonin privat ku ishte Mbreti. Si u prezantua unë dola, oor më parë i thashë Mbretit: "Po ju lë vetëm." 'Mirë,- tha Mbreti,- se po qe nevoja ju thërras. Vetëm na dërgoni kamarierin, që të na sjellë kafe." Unë dola në sallonin tjetër. Ata kanë biseduar vetëm për vetëm afëro 3 orë, saqë, kur erdhi koha e drekës, Mbreti e ndaloi për drekë të hanin bashkë. ur mbaroi dreka, Mbreti Zog m'u drejtua: "Kolonet, miku yt kolonel G. ka për të qëndruar për katër ditë këtu. Ai është mysafiri im e ta shëtisni gjithkund." Francezi, menjëherë dha një shifër në legatën e tij franceze në Tiranë, që kështu çdo ditë bisedonte me Mbretin, mbi misionin që i ishte besuar. bas 4 ditëve, ku për çdo ditë kishte bisedime të gjata me Madhërinë e Tij Mbretin, edhe ditën e fundit ai, e ka mbajtur 3 orë në bisedime. Pasi mbaruan, ai u nis direkt për Tiranë dhe mbeti tepër i kënaqur. Mbreti, kur i shtrëngoi dorën, i tha: "Jam dakord, e mos keni asnjë merak dhe ju kolonel kurdo që të shihni nevojë direkte të vini në shtëpinë time në Aleksandri." Kolonel Selmani e dërgoi në aeroport dhe u pë'shëndetën e u nis për në Tiranë. Pasi u nis koloneli francez atasheu ushtarak në Tiranë, Madhëria e Tij Mbreti Zog, më thiri dhe më urdhëroi të nisesha menjeherë në Athinë, Greqi, Itali e Francë. Madhëria e tij dha një mesazh për mbarë kombit shqiptar dhe emigracionit në të cilën shënonte: "Jam i mendirmt, se një lëvizje sado e vogël që të jetë, po t'i japë formë kryengritjes në Shqipëri sot nuk do të sjellë asnjë dobi, përveç rreziqe në dëmin e integritetit tokësor të shtetit. Çdo kryengritje para kohe është në dëm të Shqipërisë. Nuk duhet të harrojmë kurrë se Greqia ka pretendime tokësore përmbi "Epirin Shqiptar" në të cilin banon një minoritet prej 27 mijë grekësh. Greqia po dëshironte që të 100 mijë Orthodokset Shqiptar të Vorio-Epirit t'i konsideronte si grekë. Ajo do të përfitonte para kausit, që do shkaktonte një kryengritje në Shqipëri dhe do ndërhynte me të shpejtë, që të bashkonte regjionin e "Epirit" dhe që për të cilin s'ka pushuar të pretendojë gjithë kohën e Luftës së Dytë Botërore." Mbreti Zog bëri të njohur se: Unë kurrë nuk do të pranoj që të bëhet ndonjë lëvizje kundrejt regjimit komunist të sotëm të Shqipërisë', sepse derisa nuk është dhënë një sigurim për kufijtë shqiptarë prej 3 Fuqive të Mëdha të Shteteve të Bashkuara të Amerikës, Britanisë së Madhe dhe Francës, çdo gjë më e vogël nuk duhet të bëhet në kundërshtim të regjimit të sotshëm." Ky qe mesazhi i Mbretit Zog.

 

http://balkans.courriers.info:80/article13490.html

 

Sali Berisha évoque « l’unité nationale » albanaise, Belgrade s’étrangle

http://www.balkanweb.com/gazetav5/artikull.php?id=64199  Gazeta Shqiptare

 

Artan Shkreli: Pirro i Epirit dhe Ylli i Balshajve, ja pse Zogu i vuri nëpër ministri

 

 

» Dërguar më: 19/08/2009 - 13:53

Fatmira Nikolli

Jo shumë kohë pasi Ahmet Zogu erdhi në pushtet, e shpalli veten mbret të Shqiptarëve. Serbët, duke kuptuar domethënien e titullit, nuk iu pëlqeu aspak. Por, Zogu vendimin e kishte marrë, dhe mendje nuk ndryshonte. Në vitet ’20, mbreti kërkoi të ndërtonte godinat dhe institucionet e shtetit. Për këtë, ndër të tjerë, punësoi arkitektin italian Florestano de Fausto. Një arkitekture që gjithesi mbeti e huaj për vendin tonë, Mbreti i Shqiptarëve, kërkoi t’i jepte një pamje kombëtare. Por jo vetëm kaq. Përqasja shqiptare do duhej të thoshte më shumë. Në kuadër të intitolaturës që i dha vetes, ai kërkoi që simbolet e historisë të vendosura nëpër fasada, të demonostronin atë ide që mbreti kishte për mbretërinë e vet. Artan Shkreli, kritik arkitekture, në një intervistë për “Gazetën Shqiptare”, tregon se simbolet e Pirros së Epirit, Skënderbeut dhe Balshajve, jo më kot janë vënë në këto fasada. Domethënia e tyre është e madhe. “Ahmet Zogu nuk e shpalli veten mbret të Shqipërisë, por të shqiptarëve. Asokohe, ai, në këtë ikonografi të monarkisë së vet le të themi, donte të përfshinte edhe trojet shqiptare të mbetura jashtë kufijve të përcaktuar nga Europa. Kësisoj, Pirro përfaqësonte në një farë mënyre Çamërinë, një tokë shqiptare në jug të vendit që kishte mbetur jashtë kufijve shtetërore, ndërsa Ylli i Balshajve, trojet e grabitura në veri. Sa i takon Skëndërbeut, duhej të përfaqësonte vetë mbretërinë” - tregon Shkreli. Pra, simbolika është e qartë. Në pamjen e jashtme të godinave të institucioneve shtetërore, mbreti tregonte se ishte mbret i shqiptarëve që nga trojet e Pirros deri tek ato të Balshajve. Më tej Artan Shkreli, kritik arkitekture dhe njohës mjaft i mirë i arkitektuarve të ndryshme, na surprizon me të tjera të dhëna dhe fakte mbi figurat e historisë shqiptare.
Në fasadat e minitrive ka disa vepra arti të cilat në fakt qëndrojnë aty prej pothuaj një shekulli. Cilat janë vlerat e tyre dhe domëthënia që kanë për ne? Përse u vunë aty dhe nga kush?
Veprat e vëna në fasadat e ministrive nuk janë bërë në kohën e pushtimit italian por para saj. Realizimi i tyre ka përfunduar në fillim të viteve ’30, ndërsa italianët do ta pushtonin Shqipërinë në fund të këtyre viteve. Ministritë u bënë me porosi të mbretit Zog, i cili kishte ndërtuar administratën e parë shqiptare dhe donte të konsolidonte institucionet dhe ndërtonte godinat e tyre në Shqipëri. Florestano de Fausto projektoi ansamblin e ministrive, duke racionalizuar në një farë mase skemën e vjetër të Armando Brazinit. Me siguri me porosi të Zogut, arkitekti që i ndërtoi, u dha një simbologji shqiptare kësaj arkitekture, e cila gjithsesi mbeti e huaj në vendin tonë. Mbeti e huaj pasi tradita e ndërtesave në Shqipëri, deri në atë kohë, kish rrjedhur pa shkëputje nga godinat me karakter administrativ osman. Disa prej këtyre i kemi trashëguar deri në ditët e sotme. Të periudhës së fundit osmane janë ish-pallati mbretëror, që sot është Akademia e Shkencave, apo disa godina të tjera në rrugën “Xhorxh Bush”. Gjithsesi, ndonëse trashëgohen nga periudha e fundit osmane, në fakt nuk janë të stilit tipik osman por të një miksti të oksidentalizuar. Stil osman janë ndërtesat e Toptanë. Kështu Florestano De Fausto, arkitekti italian, pati detyrë jo vetëm projektimin e ngrehinave por edhe krijimin e një ikonografie që të lidhej me indin historik shqiptar, dhe për këtë ai iu referua temave të së kaluares. De Fausto nuk e përqëndroi sintezë e tij vetëm tek Skënderbeu, i cili vërtet kishte peshë ndër vendasit, por kërkoi të reflektonte gjithë paradigma ideologjike të shtetit të ri shqiptar. Ahmet Zogu e kish shpallur veten jo mbret të Shqipërisë por të shqiptarëve dhe ky koncept, në këtë ikonografi të mbretërisë së vet, le të themi, do duhej të përfshinte edhe trojet shqiptare të mbetura jashtë shtetit.
Në këtë mënyrë, Ahmet Zogu me Pirron e Epirit, Yllin e Balshajve dhe figurën e Skëndërbeut donte të thoshte se ishte “Mbret i Shqiptarëve”?
Po, për këtë arsye, në qendër vendos figurën e Skënderbeut, që është figura qëndrore e historisë sonë, e në periferi vendos dy elemementë të tjerë. Nga njëra anë imazhi i Pirros së Epirit, e per kete, si figurë të Pirros merr një bust të tij që ruhet në Muzeun arkeologjik të Napolit. Imazhi është shumë i stilizuar, me kapele dhe dy veshoret e gjata. Ai përfaqësonte në një farë mënyre në këto fasada, Çamërinë. Ndërsa nga ana tjetër, vendos Yllin e Balshajve, një yll me gjashtë cepa, të cilin e depoziton ne dekorin e ministrive. Me këtë ai evokon siç thamë trojet shqiptare në veri të Shqipërisë që ju bashkangjiten trevave serbo-malazeze. Balshajt kanë qenë një pikë referimi mjaft e rëndësishme për veriun shqiptar gjatë gjithë historisë sonë. Madje, vetë Kastriotët kane Yllin e Balshajve në terciarin e stemës së tyre, ku paraqitet shqipja me dykrenore - simbol perandorak i Bizantit, të cilën paraardhës të Skëndërbeut e kanë marrë për shërbimeve në favor të perandorise – e mbi shqipe është Ylli i Balshajve që duhet të jetë një konçesion, martesë apo shenjë shpërblimi që Balshajt i japin dinastisë së Kastriotëve. Për ne është e panjohur kur dhe në ç’rrethana ata e kanë marrë. Askush nuk ka studiuar shterrueshëm, në nivel heraldik, blazonet e Skënderbeut.
Cila është domethënia e Yllit të Balshajve?
Studiuesi K. Biçoku bën një persiatje kur mediton nëse mbi shqipen me dy krerë, është një yll apo është një diell me rreze, duke aluduar për diellin e Lekës së Madh, por duke parë në varret e ndryshme ku prehen pasardhësit e heroit, kuptohet qartë, dhe nuk ka më dyshime, se kemi të bëjmë me një yll, i cili herë del me gjashtë e herë me më shumë cepa. Balshajt vetë, vijnë nga një familje arbërore, ndonëse origjina e largët e tyre është e panjohur. Ka hipoteza mbi origjine arbë, por ka një tjetër se ata vijnë nga një familje anzhuine e Italisë jugore, De Balzio. Pavarësisht nga origjina e largët, Balshajt paraqiten në histori si familje arbërore që patëm dy stema. Njërën me yllin me shumëcepësh dhe tjetra me ujkun. Ky i fundit është simbol i mjaft familjeve, si në Itali, Serbi, Arbëni etj. dhe aktualisht e kemi ripërdorur edhe në vetë stemë e Tiranës pasi është marrë prej dinastise së Skurajve, që njiheshin nën ujkun e bardhë. Por ylli, që është në stemen e dytë e Balshajve, ka qenë stemë e shumë familjeve perendimore. Pra, për të përfaqësuar trevat shqiptare jashtë kufijve të shtetit, Zogu përdori Yllin e Balshajve për veriun, dhe Pirron e Epirit për jugun. Në këtë kuadër, nuk ishin italianët që vendosën këtë ikonografi por vete mbreti i shqiptarëve. Vetë italianët pas pushtimit të vendit nuk hoqën dorë nga simbolet e Skëndërbeut pasi në fund të fundit Viktor Emanuelit iu dhurua kurora e Skënderbeut, dhe kurorë në një farë mënyre bënte pjesë edhe në investiturën italiane.
Me ardhjen në pushtet të komunistëve, shumë simbole të mbretërisë e shumë gjëra që kishin të bënin me Mbretin u “zhdukën” ose nuk ishin më të dëshiruara për pushtetin e ri. Si u ruajtën dhe si shpëtuan këto stema dhe simbolika?
Për fat të keq me ardhjen e komunizmit u hoq dorë nga çdo referencë mesjetare, apo të princërve arbër në Mesjetë, dhe u përqëndrua kryesisht tek figura e Skënderbeut. Enver Hoxha nuk mund të lejonte disparticion të pushtetit dhe ai thekson faktin e një Skëndërbeu unitar, kryezot të Shqipërisë, ndonëse ai nuk u shpall asnjëherë mbret i Arbënisë dhe Epirit. Enveri me qëllim harronte se kishte dinastira arbënore mjaft të fuqishme. Sot diçka ka ndryshuar. Në një nga librat e tij Ben Blushi, i jep rëndësi të duhur familjes së Arianitëve, të cilët për hir të së vërtetës duhet thënë se ishin me gjak Patricësh. Në një farë mënyre origjina e Skënderbeut ishte më e ulët në rang se e Arianitëve, por ai arriti të pabesueshmen, të mbledhë zotnijtë shqiptare duke krijuar preludin e një mbretërie. Kjo ëndërr mbeti pa u realizuar deri në kohën e Mbretit Zog. Ikonografia e Zogut i rezistoi kohërave sepse Enver Hoxha, nuk e pa të udhës t’i asgjësonte këto simbole. Kam idenë se ai nuk e pa me rrezik këtë. Hoxha vërtet nuk bën shumë hapa në drejtim të rivendikimit të tokave shqiptare, por brenda vetes këtë “te drejte” e përdorte pasi ishte një element që ruante statukuonë e Shqipërisë se tij. Duke ndërmbëlytur herë pas here mbi çështjen e trojeve tona ai “neutralizonte” zërat e fqinjëve për ekspansion ndër ne. Edhe pse Hoxha shkatërroi disa nga simbolet e fashizmit, në përgjithësi, nëse nuk kishte shenja evidente të monarkisë, ai as nuk i prekte, as nuk i propagandonte. Ky është motivi që ato i mbijetuan diktaturës. Ato kanë ardhur deri në ditët tona, duke thënë diçka më tepër se sa në kohën e Hoxhës, sepse atëherë ne pothuajse nuk e dinim se çfarë ishin dhe as se ç’përfaqësonin.
U shprehët që Zogu e deshi kokën e Epirit si simbol të Çamërisë. Përveç idesë së të qenit mbret i shqiptarëve, çfarë arsyesh të tjera e shtynë Zogun ta bënte këtë veprim?
Duhet të kemi parasysh se Çamëria mbeti një ëndërr e parealizuar. Tokat në jug u morën nga shteti grek pa të drejtë kur nuk ekzistonte një shtet shqiptar që t’i mbronte. Por në vitet 1930, plaga ishte akoma e freskët. Italia, në atë kohë nuk u prit aq keq sa na e propagandojnë sot. Ajo luajti një lojë të madhe ne politikën e jashtme dhe u prit si çlirimtare e trojeve tona etnike; bënë virtualisht e Shqipërinë e Madhe. Kështu në vitet e Mbretit Zog, mendohej se shumë shpejt do të gjendej një mënyrë diplomatike ose ushatrake për të bashkuar Çamërinë me Shqipërinë. Në këto kushte duhej mbajtur gjallë dhe ndezur ndjenja kombetare Duke evokuar mbretin e Epirit që ishte Pirroja, dhe duke pasur parasysh se Zogu pretendonte të ishte trashëgimtar i kurorës së Skëndërbut - Zot i Epirit – i binte te ishte dhe trashegimtar Epirit vete. Zogu dhe historiografia jonë asokohe mbante gjallë dhe evokonte tek shqiptarët se janë epirotë, pasi Skënderbeu vete ishte zot i epirotëve.
Këto simbole, përveçse në fasadat e ministrive, ku gjenden tjetër?
Këto mund t’i shikojmë tek Pallati i mbretit Zog në Durrës. Edhe ai pallat vepër e Florestano de Faustos. Akoma sot atje ndodhet një statujë ekuestre e Skënderbeut, por ka edhe elementë embelmatikë të mesjetës sonë. Zogu, duke imituar në një farë mënyre mbretëritë e tjera evropiane me orderat arkitektore në godina administraive, përkëdhelte sedrën e vet e të shqiptarëve. Thame se kish edhe historianë të oborrit që u përpoqën të nxjerrin origjinën e tij nga familja e Kastriotëve, meqënëse vinin nga e njëjta krahinë.
Përse Hoxha nuk i kërkoi rrënjët e veta në familjet e mëdha?
Mbase i ka kërkuar, por prejardhja e familjes së tij ishte shumë më e ulët se familjet e feudalëve shqiptarë. E vetmja mënyrë që atij i mbetej, ishte asgjësimi i rrënjëve, dhe atë e bëri fort me efikasitet për kohën.

http://balkans.courriers.info:80/article13461.html

 

Kosovo/Serbie : qui veut relancer le tric-troc des territoires ?

 

http://balkans.courriers.info:80/article13421.html

 

Macédoine : à quand l’usage officiel de la langue albanaise au Parlement ?