http://www.botasot.info/home.php?category=15&id=24929 23.07.2009

Për Mbretin e Shqiptarëve, Zogun e I

Intervistë me Skënder Zogun, nipin e Mbretit të shqiptarëve

“Mbreti na shtiu në zemër shqiptarizmin, duke na mësuar t’i shërbejmë interesave kombëtare me shumë sakrifica, për bashkimin e shqiptarëve që vepronin kundër regjimit sllavo-komunist dhe në favor të së drejtave legjitime të shqiptarëve të Çamërisë”

Në ç’mënyrë keni menduar t’i rrëfeheni lexuesit?

Unë mendoj se ky shkrim do të përfshijë episode të një kohe të gjatë në mërgim. Do të rrëfej për aktivitetin e Familjes Mbretërore në favor të çlirimit të popullit shqiptar nga diktatura komuniste dhe përpjekjet në favor të pavarësisë së Kosovës. Padyshim do të shënojë edhe rolin e Nënës Mbretëreshë Geraldinë, Mbretit Leka I dhe personaliteteve të ndryshme shqiptare, që ia kushtuan jetën popullit tonë.

Z. Skënder po shkruani kujtimet tuaja, na tregoni pak historinë tuaj, në çfarë rrethanash u morët nën “kujdestarinë” e Mbretit Zog?

Në atë kohë përpara pushtimit fashist, unë isha i vogël dhe nipi i “preferuar” i mbretit ishte Tati Kryeziu, djali i Cena Beut dhe Princeshë Nafijes, motrës së mbretit dhe tim eti. Unë dhe motra ime Elvira, mbas vdekjes së nënës sonë, jetonim pranë Mbretit me Princeshat, pasi babai ynë u rimartua me Zonjën Hyrrijet Allaj, nga Elbasani, nëna që na rriti me shumë kujdes dhe dashuri. Më 7 prill 1939 isha 6 vjeç dhe u larguam nga atdheu me babain, nënën dhe motrat Vera, Melita dhe vëllezërit Mirgin dhe Genci për në Shkup dhe nga andej për në Stamboll, ku u bashkuam me Familjen mbretërore. Dëshira e babait tim ishte të stabilizoheshim në Turqi, ku kishte mbaruar studimet e larta për Drejtësi dhe ku gjendeshin shumë shqiptarë nacionalistë. Mbreti me familjen u larguan për në Evropë. Gjatë kohës që qëndruam në Turqi, Mbreti me mundësitë e tij na ndihmoi për të përballuar jetesën dhe mbas vdekjes së babait tonë, në 1944, na mori pranë tij në Egjipt, në Aleksandri në vitin 1947.

Çfarë kujtoni më së shumti prej Mbretit Zog, si ishte personaliteti i tij?

Mbreti Zog I si person, nuk i ishte dedikuar vetëm interesave kombëtare, por mbante me dinjitet familjen dhe ndihmonte edhe kundërshtarët e tij që erdhën në Egjipt. Ai na shtiu në zemër shqiptarizmin, duke na mësuar t’i shërbejmë interesave kombëtare me shumë sakrifica, për bashkimin e shqiptarëve që vepronin kundër regjimit sllavo-komunist dhe në favor të së drejtave legjitime të shqiptarëve të Çamërisë. Një nga cilësitë e tij ishte vlerësimi i rolit të gruas shqiptare dhe respekti i veçantë që kishte për të gjitha nënat shqiptare që vuanin.

Sa ka ndikuar ai në formimin tuaj?

Personalisht i jam shumë mirënjohës për edukimin dhe ekzistencën, që na siguroi Mbreti Zog. Në një kohë kur kushtet ishin shumë të vështira, Nëna Mbretëreshë me mundësitë që patën më dërgoi në Angli, në universitet, pasi mbarova gjimnazin në Egjipt. Në sajën e saj mbarova studimet e larta si inxhinier kimist dhe sigurova jetesën, duke u punësuar në Francë, përpara vdekjes së Mbretit.

Në kujtimet tuaja do përfshini edhe për letërkëmbimet me Nënën Mbretëreshë, përse flitet më së shumti në to?

Për sa i takon letërkëmbimit të Nënës Mbretëreshë, më parë do të doja të theksoja faktin, që ajo më konsideronte si nipin e saj të “preferuar”!! Kemi mbajtur lidhje të ngushta me takime ose korrespondencë. Flisnim për çështje nga më të ndryshmet, për zhvillimin e kulturës shqiptare në emigracion, për të organizuar ndihma humanitare me anën e motrës së saj, por jo vetëm për refugjatët, por edhe për shqiptarët në atdhe dhe në Kosovë. Kemi vepruar për të ruajtur traditat tona dhe për të festuar datat historike bashkë me emigracionin në shumë vende. Nëna Mbretëreshë dhe Mbreti Leka I, ishin në perëndim dhe në letrat që më dërgonte ishte e qartë se mendonte për të ardhmen e Shqipërisë, por edhe të djalit të saj, Mbreti Leka I dhe Princit Leka II si do të mund t’i bënin ballë vështirësive të jetës. Gjithmonë e kemi nderuar me bashkatdhetarët tanë kujtimin e Mbretit Zog I, në varrezat e familjes Mbretërore në Thiais, jashtë Parisit.

Përveç se po shkruani kujtimet, cili është angazhimi juaj i momentit?

Aktiviteti im kryesor ka qenë si kryetar i Zyrës së Shtypit të Oborrit Mbretëror. Jam një aktivist nacionalist për të drejtat legjitime të shqiptarëve të Kosovës, Çamërisë dhe të Maqedonisë.

Intervistoi: Alma Mile 23.07.2009

http://www.panorama.com.al/index.php?id=30859

Skënder Zogu: Mbreti i vlerësonte shumë gratë

» Vendosur: 22/07/2009 - 08:08

Alma Mile

Prej disa muajsh Skënder Zogu është ulur të shkruajë jetën e tij. Si nipi i Mbretit Zog I, ai ka shumë për të treguar. Ishte vetëm 6 vjeç kur u largua nga Shqipëria dhe adoleshent, kur mbeti jetim dhe u rrit nga Mbreti dhe Mbretëresha Geraldinë. Në muajin prill, ai erdhi në Shqipëri për të festuar ditëlindjen e djalit të Mbretit Zog I, Lekës. Teksa bisedonte për përkthimin në shqip të librit të Dr.Patrice Najbor, “Historia e Shqipërisë dhe Familjes Mbretërore të saj”, i botuar pak kohë më parë në gjuhën frënge, dikush i shtyn në mendje të shkruaj kujtimet. Më mirë se ai nuk e njeh kush historinë e Familjes Mbretërore. “Mendoj se një person si ju ka shumë për të treguar. Kujtimet tuaja nuk janë vetëm një rrëfim për jetën tuaj personale, por dëshmi që do t’i shërbejnë historisë, duke treguar më shumë detaje nga jeta juaj, në momente të caktuara të kohës së mërgimit pranë Mbretit Zog I dhe njerëzve që bashkëpunuan me këtë figurë kombëtare për të mirën e atdheut tonë”, i kishte thënë drejtorja e Shtëpisë Botues “55”. “Edhe unë e pranova këtë vlerësim”, - thotë Skënder Zogu. Ende pa përfunduar kujtimet e tij, ai tregon se ç’do përmbajë ky libër. Ai tregon për marrëdhëniet e tij me Familjen Mbretërore, me Mbretin Zog dhe në veçanti me nënën Mbretëreshë, me të cilën kishte një marrëdhënie të veçantë.

Në ç’mënyrë keni menduar t’i rrëfeheni lexuesit?
Unë mendoj se ky shkrim do të përfshijë episode të një kohe të gjatë në mërgim. Do të rrëfej për aktivitetin e Familjes Mbretërore në favor të çlirimit të popullit shqiptar nga diktatura komuniste dhe përpjekjet në favor të pavarësisë së Kosovës. Padyshim do të shënojë edhe rolin e Nënës Mbretëreshë Geraldinë, Mbretit Leka I dhe personaliteteve të ndryshme shqiptare, që ia kushtuan jetën popullit tonë. Natyrisht nuk do të mungojnë dhe disa ngjarje “humoristike” që kam jetuar në Turqi, në Egjipt, në Francë, Angli e shtete të tjera që pata rastin të vizitoj dhe që kanë lidhje me shqiptarët.

Z. Skënder po shkruani kujtimet tuaja, na tregoni pak historinë tuaj, në çfarë rrethanash u morët nën “kujdestarinë” e Mbretit Zog?
Në atë kohë përpara pushtimit fashist, unë isha i vogël dhe nipi i “preferuar” i mbretit ishte Tati Kryeziu, djali i Cena Beut dhe Princeshë Nafijes, motrës së mbretit dhe tim eti. Unë dhe motra ime Elvira, mbas vdekjes së nënës sonë, jetonim pranë Mbretit me Princeshat, pasi babai ynë u rimartua me Zonjën Hyrrijet Allaj, nga Elbasani, nëna që na rriti me shumë kujdes dhe dashuri. Më 7 prill 1939 isha 6 vjeç dhe u larguam nga atdheu me babain, nënën dhe motrat Vera, Melita dhe vëllezërit Mirgin dhe Genci për në Shkup dhe nga andej për në Stamboll, ku u bashkuam me Familjen mbretërore. Dëshira e babait tim ishte të stabilizoheshim në Turqi, ku kishte mbaruar studimet e larta për Drejtësi (Darusaffaka) dhe ku gjendeshin shumë shqiptarë nacionalistë. Mbreti me familjen u larguan për në Evropë (Francë, Angli). Gjatë kohës që qëndruam në Turqi, Mbreti me mundësitë e tij na ndihmoi për të përballuar jetesën dhe mbas vdekjes së babait tonë, në 1944, na mori pranë tij në Egjipt, në Aleksandri në vitin 1947.

Çfarë kujtoni më së shumti prej Mbretit Zog, si ishte personaliteti i tij?
Mbreti Zog I si person, nuk i ishte dedikuar vetëm interesave kombëtare, por mbante me dinjitet familjen dhe ndihmonte edhe kundërshtarët e tij që erdhën në Egjipt. Ai na shtiu në zemër shqiptarizmin, duke na mësuar t’i shërbejmë interesave kombëtare me shumë sakrifica, për bashkimin e shqiptarëve që vepronin kundër regjimit sllavo-komunist dhe në favor të së drejtave legjitime të shqiptarëve të Çamërisë. Një nga cilësitë e tij ishte vlerësimi i rolit të gruas shqiptare dhe respekti i veçantë që kishte për të gjitha nënat shqiptare që vuanin.

Sa ka ndikuar ai në formimin tuaj?
Personalisht i jam shumë mirënjohës për edukimin dhe ekzistencën, që na siguroi Mbreti Zog. Në një kohë kur kushtet ishin shumë të vështira, Nëna Mbretëreshë me mundësitë që patën më dërgoi në Angli, në universitet, pasi mbarova gjimnazin në Egjipt. Në sajën e saj mbarova studimet e larta si inxhinier kimist dhe sigurova jetesën, duke u punësuar në Francë, përpara vdekjes së Mbretit.

Në kujtimet tuaja do përfshini edhe një letërkëmbim shumë të pasur që keni pasur me Nënën Mbretëreshë, përse flitet më së shumti në to?
Për sa i takon letërkëmbimit të Nënës Mbretëreshë, Geraldinës, më parë do të doja të theksoja faktin, që ajo më konsideronte si nipin e saj të “preferuar”!! Kemi mbajtur lidhje të ngushta me takime ose korrespondencë. Flisnim për çështje nga më të ndryshmet, për zhvillimin e kulturës shqiptare në emigracion, për të organizuar ndihma humanitare me anën e motrës së saj, Zonjës Sylviane Muselier dhe mikut të ngushtë të Oborrit mbretëror Z. Hylle Spahija, por jo vetëm për refugjatët, por edhe për shqiptarët në atdhe dhe në Kosovë. Kemi vepruar për të ruajtur traditat tona dhe për të festuar datat historike bashkë me emigracionin në Belgjikë, në Kanada, në Shtetet e Bashkuara të Amerikës, apo në Australi e në Francë. Nëna Mbretëreshë dhe Mbreti Leka I, ishin në perëndim dhe në letrat që më dërgonte ishte e qartë se mendonte për të ardhmen e Shqipërisë, por edhe të djalit të saj, Mbreti Leka I dhe Princit Leka II si do të mund t’i bënin ballë vështirësive të jetës. Gjithmonë e kemi nderuar me bashkatdhetarët tanë kujtimin e Mbretit Zog I, në varrezat e familjes Mbretërore në Thiais, jashtë Parisit.

Përveç se po shkruani kujtimet, cili është angazhimi juaj i momentit?
Aktiviteti im kryesor ka qenë si kryetar i Zyrës së Shtypit të Oborrit Mbretëror. Jam një aktivist nacionalist për të drejtat legjitime të shqiptarëve të Kosovës, Çamërisë dhe të Maqedonisë, kam marrë pjesë në aktivitete kulturore dhe në tubime politike dhe shpesh herë, që prej vitit 1993 kam vizituar Shqipërinë dhe kam pranuar nderin e pozitës si kryetar i Veteranëve të Senatit të Partisë Lëvizja e Legalitetit.

http://www.kohajone.com/

"Ahmet Zogu, themeluesi i Shqiperise moderne"

E Premte, 17 Korrik 2009

Mbreti Zogu i Pare eshte themeluesi i shtetit modern te shqiptareve. Ky ishte vleresimi qe shfaqi per mbretin, kryeministri Berisha dje, gjate ceremonise se organizuar per vendosjen e shtatores se tij, ne sheshin kryesor te qytetit te Burrelit. Kryeministri, vleresoi se shteti modern shqiptar nisi krijimin e tij nga Mati, vendlindja e Ahmet Zogut. "Vendosja e shtatores se mbretit Zogu i Pare ne kete shesh, eshte nje nder i madh qe ne i bejme mbare kombit shqiptar. Pavaresia u shpalle ne Vlore, shteti modern shqiptar nisi ketu ne Mat, me burrin e madh te kombit, Ahmet Zogun", vleresoi Berisha, i cili zbuloi shtatoren e vendosur per nder te mbretit. Sipas Berishes, mbreti Zogu i Pare e ka fituar kete status per shkak te inteligjences dhe kurajes me te cilen konsolidoi pavaresine e brishte te Shqiperise. "Ai me nje mencuri te jashtezakonshme, me nje kuraje dhe trimeri legjendare, me nje vizion te pashoq, ia doli qe ne trojet shqiptare te copetuara, ne nje komb qe sapo kishte dale nga sundimi shumeshekullore otoman, te ndertonte shtetin e ri shqiptar, te standardeve monarkiste te avancuara evropiane", deklaroi Berisha ne Burrel. Kryeministri vleresoi se u deshen aftesite e Ahmet Zogut, qe te merrnin fund tentativat per ndarjen e metejshme te territorit shqiptar. "Si Mbreti i te gjithe shqiptareve, se bashku me flamurin, ai u be simboli me pamposhtur i idese se bashkimit kombetar, i shpreses se shqiptareve, kudo qe ndodheshin, per liri dhe dinjitet kombetar", theksoi kryeministri. Po keshtu Berisha, e cilesoi mbretin edhe si njeriun e pare i cili kishte arritur te zbatonte parimet e kapitalizmit ne vend dhe i vleresoi me nota teper pozitive, reformat qe u ndermoren gjate sundimit te tij ne Shqiperi. "Mbreti vendosi ne kete vend, ligjet dhe institucionet me te perparuara te kohes, vuri Shqiperine, qe vinte nga nje feudalizem i thelle, ne "binaret" e zhvillimit kapitalist", deklaroi Berisha. Por sipas tij, ndonese Ahmet Zogu kishte kontribuar shume ne luften kunder nazisteve ne vend, komunistet e drejtuar nga Enver Hoxha, nuk e lejuan te kthehej ne vendin e tij. Kryeministri theksoi se ish-diktatori Hoxha, kishte ne plan bashkimin e Shqiperise me ish-Jugosllavin dhe nje patriot si mbreti, nuk mund t'i lejonte keto skenare. "Armiqesia dhe qendrimi ndaj Ahmet Zogut, ishte armiqesi ndaj identitetit kombetar te shqiptareve, armiqesi ndaj qenies se shqiptareve, ishte diktat i Beogradit, ishte pjese e komplotit dhe skenarit nga klika hoxhiste, per te bashkuar Shqiperine me ish-Republiken Federative te Jugosllavise", theksoi Berisha. Por sipas Berishes, mbreti Zogu i Pare ka meriten e madhe, sepse ndonese larg Shqiperise vazhdoi perpjekjet e pashterueshme per rrezimin e regjimit diktatorial komunist ne Shqiperi.

http://www.panorama.com.al/index.php?id=30640

Mbreti Zog, shtatore në mes të Matit

» Vendosur: 17/07/2009 - 08:04

•

BURREL / HASAN PASHA

Inaugurohet në she-shin “Demokracia” të Burrelit shtatorja e mbretit Zog. Pas shumë shtyrjesh, monumenti i përfunduar që në fillim të vitit u zbulua dje në qendër të qytetit. Banorë të rrethit të Matit, kryesisht mbështetës të monarkisë kanë pritur me duartrokitje në ceremoninë për këtë rast Kryeministrin Berisha dhe pretendentin për fron, Leka Zogu. Kryetari i Bashkisë së Burrelit, Skënder Lleshi tha se pjesa kryesore e historisë së lavdishme të Shqipërisë ishte ajo e mbretit Zog dhe se duhet ndriçuar nga historianët shqiptarë. Nga ana e tij, Leka Zogu falënderoi biznesmenin Isuf Neli dhe ideatorët e kësaj shtatoreje. “Falënderoj nga zemra ata që mundësuan ngritjen e këtij piedestali të babait tim, birit të Matit dhe Mbretit të shqiptarëve. Në veçanti biznesmenin Isuf Neli që sponsorizoi ndërtimin e kësaj shtatoreje, kryetarin e Bashkisë Burrel, Skënder Lleshi dhe Këshillin Bashkiak të Burrelit. Jam shumë i prekur që në këtë ceremoni merr pjesë edhe Kryeministri i Shqipërisë, Sali Berisha. Ky është një moment historik që i përket gjithë Shqipërisë, veçanërisht Matit”, tha duke përfunduar Leka Zogu. Nga fillimi dhe deri në fund të fjalës së tij, Kryeministri Berisha foli me nota pozitive për mbretin e shqiptarëve, Ahmet Zogu. Ai theksoi se vendosja e kësaj shtatoreje është nder për krahinën e Matit dhe gjithë Shqipërinë. “Pavarësia u shpall në Vlorë, - tha Berisha, - ndërkohë shteti i parë modern shqiptar nisi këtu në Mat me burrin e madh Ahmet Zogu”. Para të pranishmëve, kryeministri përmendi vlerat e spikatura të prijësit të shqiptarëve, themeluesit të shtetit të parë demokratik gjatë viteve ‘20-‘30-të të shekullit të kaluar. Në vijim Berisha pohoi se: “Mbreti Zog i shqiptarëve dhe flamuri kuq e zi u bënë simbole të vetme të bashkimit të së gjithë shqiptarëve, kudo që janë. Ai ishte mbreti i vetëm që pas luftës antifashiste nuk u lejua të vinte në atdheun e tij për të cilin kishte bërë kaq shumë”. Berisha nënvizoi se mbreti Zog me përpjekjet e vazhdueshme të tij konsolidoi pavarësinë e Shqipërisë dhe ndali popujt e tjerë për ndarjen e mëtejshme të saj.
Kryeministri Berisha dhe Leka Zogu zbuluan së bashku shtatoren 5 metra të lartë, që do të qëndrojë në sheshin “Demokracia” të Burrelit. Pas ceremonisë legalistë të njohur të trevës së Matit puthnin shtatoren të përlotur. Leka Zogu dhe monarkistët pushuan në një nga lokalet e qytetit, ndërkohë Kryeministri Berisha përuroi nisjen e punimeve në dy rrugë, atë nga Gjykata e Burrelit deri në unazën e këtij qyteti dhe rrugën nga ura e Matit në drejtim të Selishtës, Dibër.

Peripecitë e familjes mbretërore

Nëntor 1993     Leka Zogu dhe pjesëtarë të oborrit mbretëror mbërritën në Tiranë dhe u sistemuan në hotel “Dajti”, mirëpo u urdhëruan nga autoritetet e kohës që të largohen nga Shqipëria me pretendimin se nuk kishin pasaporta shqiptare dhe mosshfuqizimi i ligjit, që pengonte hyrjen e familjes mbretërore në Shqipëri

Prill-korrik 1997 Leka Zogu mbahet mend se është vënë në krye të legalistëve dhe kanë protestuar para KQZ. Legalistët pretendonin se në ato zgjedhje kishte fituar votimi që Shqipëria të shpallej monarki.

Qershor 2002    Bllokohet një arsenal armësh, pronë e Leka Zogut, në komisariatin e Rinasit. Mes tyre kishte armë të cilësuara si pjesë e koleksionit të Zogut

http://gazetametropol.com/tekst.php?idt=60935

Berisha: Zogu, një ndër burrat më të mëdhenj të kombit

17/07/2009 Vendoset shtatorja e mbretit Ahmet Zogu në qendër të Burrelit

“Armiqësia ndaj Ahmet Zogut ishte armiqësi ndaj identitetit kombëtar të shqiptarëve”

Kryeministri Sali Berisha ka marrë pjesë në ceremoninë e organizuar për vendosjen e shtatores së mbretit Ahmet Zogu në sheshin kryesor të qytetit të Burrelit. Gjatë kësaj ceremonie Berisha ka vënë në dukje kontributin e madh të mbretit Zogu i Parë në kohët më të vështira për vendin dhe kombin. Sipas tij, vendosja e shtatores së mbretit Zogu i Parë është një nder i madh që i bëhet mbarë kombit shqiptar. Duke kujtuar rrjedhën e historisë së shtetit shqiptar, Berisha tha se pavarësia u shpall në Vlorë, por shteti modern shqiptar nisi në Mat me një nga burrat më të mëdhenj të kombit - Ahmet Zogun. “Mbreti Zogu i Parë do të hynte dhe kryesonte skenën politike shqiptare në kohët më të vështira për vendin dhe kombin, në kohën kur ishte vënë në pikëpyetje, edhe pas shpalljes së pavarësisë, vetë ekzistenca e Shqipërisë së pavarur dhe bëheshin përpjekjet më të përbindshme nga ata që copëtuan shqiptarët dhe Shqipërinë për të shuar nga harta shtetin e tyre. Ahmet Zogu, me një mençuri të jashtëzakonshme, me kurajë dhe trimëri legjendare, me një vizion të pashoq, ia doli që në trojet shqiptare të copëtuara, në një komb që numëronte vetëm pak vjet nga themelimi i alfabetit të tij dhe sapo kishte dalë nga sundimi shumëshekullor otoman, të ndërtonte shtetin e ri shqiptar, të standardeve monarkike të avancuara evropiane”, - tha Berisha. Kreu i qeverisë theksoi se mbreti Zog konsolidoi pavarësinë e Shqipërisë dhe bëri që të merrnin fund përpjekjet për ndarjen e mëtejshme të saj. Për kreun e qeverisë Ahmet Zogu, si mbreti i të gjithë shqiptarëve, së bashku me flamurin u bë simboli më i pamposhtur i idesë së bashkimit kombëtar, i shpresës së shqiptarëve, kudo që ndodheshin, për liri dhe dinjitet kombëtar. Në fjalën e tij kreu i qeverisë nuk la pa kujtuar edhe urrejtjen që u përcoll ndaj mbretit Zog nga komunistët dhe diktatura e tyre. “Por pas luftës ai do të ishte mbreti i vetëm në Evropë që nuk do të lejohej të kthehej në vendin e tij. Armiqësia dhe qëndrimi ndaj Ahmet Zogut ishte armiqësi ndaj identitetit kombëtar të shqiptarëve, armiqësi ndaj qenies së shqiptarëve, ishte diktat i Beogradit, ishte pjesë e komplotit dhe skenarit nga klika hoxhiste për të bashkuar Shqipërinë me ish-Republikën Federative të Jugosllavisë”, - tha Kryeministri Berisha. Shefi i ekzekutivit u shpreh se ata që themeluan partinë komuniste shqiptare, si repart i partisë komuniste jugosllave, nuk synonin gjë tjetër veçse shuarjen nga harta të Shqipërisë së pavarur. “Por mbreti qëndroi si vigan deri ditën që ndërroi jetë në Paris, në miqësi dhe vlerësim të lartë nga gjenerali Sharl dë Gol, i cili vlerësonte kontributin e tij në rezistencën antinaziste. Mbreti nuk reshti së përpjekuri për të çliruar shqiptarët nga klika hoxhiste, për të çliruar shqiptarët, kudo që ishin, nga pushtimet barbare dhe mizoritë që përjetonin”, - deklaroi Berisha. Shtatorja e përuruar sot në qendër të qytetit të Burrelit është vepër e skulptorit matjan Maksim Shurdhi. Ajo është realizuar me fondet e bashkisë dhe mbështetjen e biznesit privat.

Ceremonia

Kreu i qeverisë, i ftuar nderi në këtë ceremoni, zbuloi në mënyrë simbolike shtatoren e nderit së bashku me pretendentin e fronit mbretëror shqiptar, Leka Zogu i Parë. Të pranishëm në këtë ceremoni ishin dhe pjesëtarë të tjerë të familjes mbretërore, deputetë të zonës, ministra të kabinetit qeveritar, përfaqësues të pushtetit vendor etj. Berisha vlerësoi se me këtë shtatore “vendoset në piedestalin që e meriton njëri prej burrave të shquar të kombit shqiptar”.

Vlerësimet

Kryeministri Berisha ka vlerësuar në maksimum figurën e Ahmet Zogut. “Me një mençuri të jashtëzakonshme, me kurajë dhe trimëri legjendare, me një vizion të pashoq, ia doli që në trojet shqiptare të copëtuara, në një komb që numëronte vetëm pak vjet nga themelimi i alfabetit të tij dhe që sapo kishte dalë nga sundimi shumëshekullor otoman të ndërtonte shtetin e ri shqiptar, të standardeve monarkike të avancuara evropiane”, - tha shefi i ekzekutivit.

Leka i Parë vlerëson vendosjen e shtatores së mbretit Ahmet Zogu

“Një eveniment historik që i takon gjithë Shqipërisë, por sidomos Matit”

Pretendenti për fron, me gjithë temperaturat e larta, nuk ka munguar në ceremoni

Pretendenti për fronin mbretëror shqiptar, Leka Zogu i Parë, e ka vlerësuar si një eveniment historik vendosjen e shtatores së babait të tij, mbretit Ahmet Zogu, në qendër të qytetit të Burrelit. Leka Zogu i Parë u shpreh se ndihej shumë i prekur dhe i nderuar që kryeministri Sali Berisha ishte i pranishëm në këtë ceremoni, duke vlerësuar se vendosja e shtatores së mbretit Ahmet Zogu në sheshin e qytetit të Burrelit është një eveniment historik, që i përket gjithë Shqipërisë, por në mënyrë të veçantë Matit, pasi atje është vendi i origjinës së tij. “Jam shumë i prekur që kryeministri pranoi me marrë pjesë në këtë ceremoni. Është një moment historik, që i takon gjithë Shqipërisë, por sidomos Matit”, - tha pretendenti për fron Leka i Parë. I ulur në një karrige me rrota për shkak të moshës së shkuar, ai është treguar shumë energjik gjatë ceremonisë. Duke marrë parasysh lidhjet shpirtërore, por mbi të gjitha ato të origjinës me rrethin e Matit dhe qytetin e Burrelit, pretendenti për fron, me gjithë temperaturat e larta, nuk ka munguar në këtë ceremoni të veçantë, ku iu thurën lavde babait dhe gjithë familjes së tij.

Familja mbretërore shqiptare ka kaluar një periudhë shumë të gjatë në ekzil. Pas rreth 63 vjetësh pretendenti për fronin mbretëror shqiptar, Leka Zogu i Parë, u kthye përfundimisht në Shqipëri në verën e vitit 2002, i shoqëruar me nënën e tij, mbretëreshën Xhiraldinë, bashkëshorten e mbretit Zog, gruan e tij Suzana, dhe të birin Leka. Pretendenti për fronin mbretëror shqiptar vetëm pak ditë pasi kishte lindur u detyrua të largohej nga atdheu bashkë me familjen për shkak të pushtimin të vendit nga italianët. Familja mbretërore shqiptare fillimisht u vendos në Greqi e më pas në Turqi. Familja mbretërore kaloi shumë vjet duke lëvizur nga njëri vend i Europës në tjetrin. Gjithashtu familja mbretërore kaloi disa vjet edhe në Egjipt dhe Afrikën e Jugut. Me vdekjen e Ahmet Zogut në vitin 1965, kurorën mbretërore e trashëgoi i biri, Leka Zogu I. Pas disa endjesh në vende të ndryshme të botës, ai u vendos në Afrikën e Jugut. Vizitën e tij të parë në Shqipëri Leka Zogu e tentoi në vitin 1994. Në vitin 1997 ai u rikthye dhe drejtoi referendumin për formën e regjimit. Pas rezultateve, të cilat nxorën se shqiptarët ishin për vazhdimin e Republikës, Leka Zogu u vesh ushtarak dhe përkrahësit e tij patën disa përplasje me forcat e rendit. Ndaj tij u hap një gjyq në mungesë, me akuzën “përmbysje me forcë të rendit kushtetues”. Më vonë Leka Zogu përfitoi nga një amnisti dhe në vitin 2002 u lejua të kthehej paqësisht në atdhe.

Angazhimet në politikë

Pretendenti për fronin shqiptar dhe familja e tij gjatë këtyre viteve janë angazhuar indirekt në politikën shqiptare. Vitin e fundit, kryesisht gjatë fushatës elektorale për zgjedhjet parlamentare të 28 qershorit, Leka Zogu II ka marrë pjesë në disa takime elektorale të partisë “Lëvizja e Legalitetit”. Në këto takime ai ka vlerësuar në maksimum qeverisjen e vendit në katër vjetët e fundit nga kryeministri Sali Berisha dhe qeveria e tij. Në shumë takime Leka Zogu II ka kërkuar që elektorati të votojë PLL-në, e cila ishte pjesë e koalicionit “Aleanca e Ndryshimit”, që drejtohej nga PD-ja. Preferencën politike pretendenti për fron e tregoi pak ditë më parë, kur përmes një mesazhi uroi kryeministrin Berisha për fitoren në zgjedhje dhe të mandatit të dytë qeverisës. “Fitorja juaj në zgjedhje ishte një gëzim i madh për ne. Jemi të bindur se qeveria që ju drejtoni do të vazhdojë në rrugën e reformave, të cilat kanë sjellë një ndryshim të dukshëm në Shqipëri”, - thuhej në mesazh.

http://www.korrieri.com/Politike/2358.html

Berisha “shpall” monarkinë, përuron zyrtarisht shtatoren e Zogut

Kreu i qeverisë i drejtohet Leka Zogut të Parë “Lartmadhëri”, ndërsa përuron shtatoren e Ahmet Zogut në vendin ku më parë qëndronte heroi kombëtar, Skënderbeu

Kreshnik KUÇAJ

Kryeministri Sali Berisha përuroi dje në Burrel shtatoren e Ahmet Zogut, ish-kryeministër, ish-president dhe më pas mbret në Shqipërinë e viteve 1930. Duke vlerësuar lart figurën e Zogut, kreu i qeverisë shqiptare i cilësoi si një nder të madh që i bëhet kombit shqiptar me vendosjen e shtatores, për të cilën këshilli bashkiak i Burrelit zhvilloi një sërë mbledhjesh, ku pati debate shumë të forta mes anëtarëve, për shkak se më parë në të njëjtin vend qëndronte shtatorja e heroit kombëtar, Gjergj Kastriot Skënderbeut, i cili tashmë është spostuar në periferi të qytetit. “Vendosja e shtatores të Mbretit Zogu i Parë në këtë shesh është një nder i madh që ne i bëjmë mbarë kombit shqiptar. Pavarësia u shpall në Vlorë, shteti modern shqiptar nisi këtu, në Mat, me burrin e madh të kombit, Ahmet Zogun. Sot ne nderojmë burrin e madh të Matit dhe të mbarë shqiptarëve me këtë shtatore. Unë kam bindjen se historia, me ritmet e jashtëzakonshme të Ahmet Zogut, do të nxjerrë në pah, do të ridimensionojë figurën e tij të madhe, kontributin e tij për shtetin modern të shqiptarëve dhe për konsolidimin e pavarësisë dhe zhvillimin e këtij vendi”, tha Berisha, duke bërë edhe disa vlerësime të forta historike.

Debatet

Dhe në fakt, vetë kryeministri Berisha, i cili dy vite më parë u bë pjesë e një debati publik për ndryshimin e historisë, dy ditë më parë nisi dhënien e një sinjali të fortë për sa i përket çështjes së monarkisë në Shqipëri. Në një njoftim zyrtar, qeveria kishte publikuar në faqen e saj të internetit mesazhin e urimit nga pretendenti për fronin mbretëror, Leka Zogu i Parë, mesazhi i të cilit mbyllej me shprehjen: “Vëllazërisht, Leka I Zogu, Mbret i Shqiptarëve”. Ndërkohë, ditën e djeshme, ishte vetë kryeministri Berisha, i cili iu drejtua Leka Zogut të Parë me titullin e kurorëzimit “Lartmadhëri apo madhëria juaj Leka Zogu i Parë”. Vetë kryeministri Sali Berisha është bërë disa herë pjesë e debateve publike, ku ka mbajtur qëndrime të ndryshme, kur ka kërkuar rivlerësimin e disa momenteve historike apo kur është bërë pjesë e debatit për identitetin e shqiptarëve të nisur nga akademiku Rexhep Qosja dhe shkrimtari Ismail Kadare. Pavarësisht këtyre qëndrimeve, në aspektin politik, koalicioni i drejtuar nga Berisha në këto zgjedhje kishte si aleatë republikanët dhe legalistët, që njihen ndryshe edhe si “mbretërorët”.

http://www.korrieri.com/Politike/2329.html

Zogu uron Berishën në cilësinë e Mbretit

Pretendenti për fronin mbretëror, Leka Zogu i Parë, ka uruar dje kryeministrin Sali Berisha për fitoren në zgjedhjet parlamentare të 28 qershorit. Në mesazhin e tij, Zogu i drejtohet kryeministrit Berisha në cilësinë e Mbretit. “Ju urojmë suksese në punën tuaj, pasi interesat e Shqipërisë dhe të të gjithë shqiptarëve janë përmbi çdo gjë. Vëllazërisht, Leka I Zogu, Mbret i Shqiptarëve”, thuhet në fund të urimit të Zogut, të publikuar në faqen zyrtare të qeverisë. Ndërkohë, pretendenti për fronin mbretëror ka vlerësuar aleancën qeverisëse me Lëvizjen Socialiste për Integrim, aleancë të cilën e ka cilësuar si “një veprim fisnik”. “Atdheut tonë i duhet kontributi i të gjithëve, për këtë arsye ne ju përshëndesim për veprimin fisnik që keni ndërmarrë, duke bërë koalicion me LSI-në, të drejtuar nga Ilir Meta”, thotë Zogu, në urimin e tij për Berishën.

http://www.gazeta-shqip.com/artikull.php?id=68114

17/07/2009

Ahmet Zogu "kthehet" në vendlindje

Berisha merr pjesë në inaugurimin e shtatores së Mbretit në qendër të qytetit të Burrelit

Hysen Likdisha

Ahmet Zogu është kthyer dje në Mat, në vendlindjen e tij. Debatet për vendin ku do të ngrihej shtatorja e Mbretit në qytetin e Burrelit, kanë vazhduar për më tepër se një vit. Fillimisht këshilli bashkiak mori vendimin që ajo të vihej në vend të bustit të Heroit tonë Kombëtar, Gjergj Kastrioti Skënderbeu, por kjo u kundërshtua nga intelektualët dhe veteranët e Burrelit, gjë që detyroi këshillin që të tërhiqet nga ky vendim, ku sipas një vendimi të dytë të marrë prej saj, me shumicë votash u ra dakord që shtatorja të vendosej në sheshin "Demokracia".

Por, edhe ky vendim i dytë i këshillit bashkiak nuk gjeti zbatim të menjëhershëm, pasi vendosja e shtatores përkonte me fushatën elektorale të zgjedhjeve parlamentare të 28 qershorit dhe sipas demokratëve, sheshi që shërbente për mitingje duhej lënë pa shtatoren e Mbretit Zog, për të shmangur ndikimin në rrjedhjen e votave të demokratëve drejt Partisë Lëvizja e Legalitetit.

Kështu, me mbarimin e zgjedhjeve dhe konkretisht në ditën e djeshme, qindra banorë të Burrelit dhe rrethit të Matit kanë marrë pjesën në përurimin e shtatores së Mbretit, vendosur në sheshin demokracia të këtij qyteti.

Shtatorja, vepër e skulptorit Maksim Shurdhi, sponsorizuar nga biznesmeni matjan Isuf Neli, është vendosur në një bazament me lartësi 1.5 metra dhe është e lartë 3.7 metra. Në këtë përurim mori pjesë edhe Kryeministri i Shqipërisë, zoti Sali Berisha, mëtonjësi i fronit, Leka i Parë, si edhe përfaqësues të Partisë Lëvizja e Legalitetit dhe të afërm të familjes mbretërore.

Në fjalën e tij, Kryeministri Berisha e ka vlerësuar tepër lart figurën e Mbretit, duke e cilësuar atë si njeriu që themeloi shtetin e parë demokratik shqiptar. "Pas shtatores që ne po përurojmë, tha Kryeministri, qëndron një histori e madhe shqiptare dhe historia do të jetë ajo që do të ridimensionojë figurën e tij të madhe. Nëse pavarësia u shpall në Vlorë, shteti i parë modern shqiptar nisi këtu në Mat", tha Kryeministri Berisha. Sipas tij, "ekzistenca e Shqipërisë ishte vënë në pikëpyetje, edhe pse ishte shpallur pavarësia, por Ahmet Zogu me vizionin e tij të pashoq ia doli që të ndërtonte shtetin e parë shqiptar, mbi standarde bashkëkohore të avancuara". Berisha tha se Ahmet Zogu ishte ai që organizoi nëpërmjet Abaz Kupit rezistencën antifashiste dhe pas lufte ishte i vetmi Mbret që nuk iu lejua të kthehej në atdhe, pjesë kjo e komplotit jugosllav, për t‘i mbajtur të ndara trojet shqiptare. "Mbreti, deri kur dha jetë, tha më tej Kryeministri, nuk i rreshti përpjekjet për të çliruar Shqipërinë nga klika hoxhiste. Ju garantoj, tha Kryeministri Berisha, se qeveria ime ushqen dhe do të ushqejë edhe në të ardhmen respektin më të madh për Mbretin Ahmet Zogu i Parë". Përshëndetën me këtë rast edhe kryetari i Bashkisë së Burrelit, Skënder Lleshi dhe Leka Zogu.

Historia

Kryeministri Berisha, uroi dje qe historia e shqiptareve te arrinte te ridimensiononte figuren e madhe te mbretit te pare te Shqiperise. Sipas Berishes, shqiptaret duhet te kuptonin kontributin e cmuar qe dha Ahmet Zogu, ne konsolidimin dhe zhvillimin e shtetit shqiptar.

Pjese nga fjala e kryeministrit Berisha:

"Mbreti Zogu i Pare, do te hynte dhe kryesonte skenen politike shqiptare, ne koherat me te veshtira per vendin dhe kombin, ne koherat kur ishte vene ne pikepyetje - edhe pas shpalljes se pavaresise - vete ekzistenca e Shqiperise se pavarur, dhe beheshin perpjekjet me te perbindshme nga ata qe copetuan shqiptaret dhe Shqiperine, per te shuar nga harta shtetin e tyre. Ahmet Zogu, me nje mencuri te jashtezakonshme, me kurajo dhe trimeri legjendare, me nje vizion te pashoq, ia doli qe ne trojet shqiptare te copetuara, ne nje komb qe numeronte vetem pak vite nga themelimi i alfabetit te tij dhe qe sapo kishte dale nga sundimi shumeshekullore otoman, te ndertonte shtetin e ri shqiptar, te standardeve monarkike te avancuara evropiane. Mbreti Zog, me perpjekje te medha konsolidoi pavaresine e Shqiperise dhe beri qe te marrin fund, perpjekjet per ndarjen e metejshme te saj. Si mbreti i te gjithe shqiptareve, se bashku me flamurin, ai u be simboli me pamposhtur i idese se bashkimit kombetar, i shpreses se shqiptareve, kudo qe ndodheshin, per liri dhe dinjitet kombetar".

http://www.gazeta55.net/index.php?kat=politike&artikulli=7265

Berisha në Mat: Ahmet Zogu, arkitekti i shtetit modern shqiptar

16-07-2009 / Gazeta 55

Kryeministri Sali Berisha përuroi sot paradite, në qendër të qytetit verilindor të Burrelit, shtatoren e Mbretit Zogu i Parë, (Ahmet Zogu) e para që përjetëson figurën e këtij politikani, të cilin Kreu i Qeverisë e vlerësoi si “burrin më të madh të kombit, arkitektin dhe themeluesin e shtetit modern të shqiptarëve”. Në ceremoninë e organizuar në këtë zonë në verilindje të Shqipërisë, rreth 120 kilometra larg Tiranës, ku dhe u lind Mbreti Zogu i Parë, Kryeministri Berisha shoqërohej nga kryetari i bashkisë së Burrelit Skëndër Lleshi, Pretendenti për fronin mbretëror, Leka Zogu, Kryetari i Lëvizjes së Legalitetit, Ekrem Spahiu, ndërsa ishin të pranishëm dhe shumë banorë të qytetit. Kryeministri Berisha u shpreh në fjalën e tij se," vendosja e shtatores së tij në këtë shesh është nder i madh që ne i bëjmë mbarë kombit shqiptar. Pavarësia u shpall në Vlorë, ndërsa shteti modern i shqiptarëve nisi këtu në Mat me burrin më të madh të kombit Ahmet Zogun”. Mbreti Zogu i Parë, vlerësoi z. Berisha, do të hynte, ngjitej dhe kryesonte skenën politike shqiptare në kohërat më të vështira për vendin, në kohërat kur ishte vënë në pikëpyetje, edhe pas shpalljes së Pavarësisë, vetë ekzistenca e Shqipërisë së pavarur dhe bëheshin përpjekje të përbindshme për të copëtuar shqiptarët, për të shuar nga harta shtetin e tyre. Kryeministri tha se, Ahmet Zogu me kurajo dhe vizion të pashoq ia doli të ndërtonte shtetin e ri shqiptar, mbi standardet e monarkive të avancuara evropiane. “Mbreti Zog me përpjekje të mëdha konsolidoi pavarësinë e Shqipërisë dhe bëri që të marrin fund përpjekjet për ndarjen e mëtjeshme të saj, duke u bërë simbol i pamposhtur i bashkimit të kombit shqiptar”, vlerësoi z. Berisha.

Ai nënvizoi se Mbreti Zog vendosi ligjet më të parparuar të kohës, duke e vëndosur vendin që vinte nga feudalizimi i thellë në binarët e zhvillimit kapitalist, ndërsa gjatë luftës ia doli të organizonte rezistenëcën e shkëlqyer antinaziste që u përfaqësua nga tribuni Abaz Kupi. Shtatorja e përuruar sot në qendër të qytetit të Burrelit është vetër e skulptorit matjan Maksim Shurdhi. Ajo është realizuar me fondet e bashkisë dhe mbështetjen e biznesit privat. Mbreti Zogu i Parë është përjetësuar në këtë vepër i veshur me uniformë ushtarake. Mbreti Zogu i parë lindi më 8 tetor 1898, në Burgajet të rrethit të Matit, në një kështjellë të ndërtuar rreth shekullit të XV dhe ndërroi jetë në mërgim në 9 Prill 1961. Ai ka qenë Ministër i Brendshëm në periudhën 30 janar 1920- 14 nëntor, 1920, Kryeministër i Shqipërisë në periudhën 1922-1924, President në periudhën 1925 - 1928) dhe Mbreti i Parë i Shqipërisë (1928 – 1939).

http://www.botasot.info/home.php?category=6&id=24089

16.07.2009

Berisha: Ahmet Zogu, burrështetasi më i madh i kombit

Bota sot, Tiranë

Kryeministri Sali Berisha merr pjesë në ceremoninë e vendosjes së shtatores së Mbretit Ahmet Zogu, në sheshin kryesor të qytetit të Burrelit.

Kryeministri Berisha mori pjesë sot paradite në ceremoninë e organizuar për vendosjen e Shtatores së Mbretit Ahmet Zogu, në sheshin kryesor të qytetit të Burrelit. Kryeministri Berisha, i ftuar nderi në këtë ceremoni, zbuloi në mënyrë simbolike Shtatoren e nderit, së bashku me Madhërinë e tij Leka Zogu i Parë. Të pranishëm në këtë ceremoni ishin Madhëria e tij Leka Zogu i Parë dhe pjesëtar të tjerë të familjes mbretërore, deputetë të zonës, ministra të kabinetit qeveritar, përfaqësues të pushtetit vendor, etj.Kryeministri Berisha vlerësoi se me këtë shtatore “vendoset në piedestalin që e meriton, njëri prej burrave të shquar të kombit shqiptar, arkitekti dhe themeluesi i shtetit modern të shqiptarëve, Mbreti Zogu i Parë”.Nga ana e tij, Madhëria e tij, Leka Zogu i Parë, u shpreh se ndihej shumë i prekur dhe i nderuar që Kryeministri Berisha ishte i pranishëm në këtë ceremoni, duke vlerësuar se vendosja e Shtatores së Mbretit Ahmet Zogu në sheshin e qytetit të Burrelit, është një moment historik që i përket gjithë Shqipërisë, por veçanërisht Matit. Më tej, Kryeministri Berisha vuri në dukje kontributin e madh të Mbretit Zogu i Parë, në kohërat më të vështira për vendin dhe kombin, i cili, theksoi ai, “me një mençuri të jashtëzakonshme, me kurajë dhe trimëri legjendare, me një vizion të pashoq, ia doli që, në trojet shqiptare të copëtuara, në një komb që numëronte vetëm pak vite nga themelimi i alfabetit të tij dhe që sapo kishte dalë nga sundimi shumëshekullor otoman, të ndërtonte shtetin e ri shqiptar, të standardeve monarkike të avancuara evropiane”.

Kryeministri siguroi se qeveria e tij “ushqen dhe do të ushqejë respektin dhe nderimin më të madh për veprën e pavdekshme të Ahmet Zogut”.

Fjala e kryeministrit Berisha

“Madhëria juaj Leka Zogu i Parë,Zoti Kryetar i Bashkisë,Të dashur qytetarë dhe qytetare të Burrelit, por edhe të mbarë Shqipërisë.

Është një nder i madh, një kënaqësi e veçantë, që sot nisim festën e fitores, duke vendosur në piedestalin që e meriton njërin prej burrave të shquar të Kombit shqiptar, arkitektin dhe themeluesin e shtetit modern të shqiptarëve, Mbreti Zogu i Parë. Vendosja e shtatores të Mbretit Zogu i Parë në këtë shesh është një nder i madh që ne i bëjmë mbarë kombit shqiptar. Pavarësia u shpall në Vlorë, shteti modern shqiptar nisi këtu në Mat, me burrin e madh të kombit Ahmet Zogun. Mbreti Zogu i Parë do të hynte dhe kryesonte skenën politike shqiptare në kohërat më të vështira për vendin dhe kombin, në kohërat kur ishte vënë në pikëpyetje - edhe pas shpalljes së pavarësisë -, vet ekzistenca e Shqipërisë së pavarur dhe bëheshin përpjekjet më të përbindshme nga ata që copëtuan shqiptarët dhe Shqipërinë, për të shuar nga harta shtetin e tyre. Ahmet Zogu, me një mençuri të jashtëzakonshme, me kurajo dhe trimëri legjendare, me një vizion të pashoq, ia doli që, në trojet shqiptare të copëtuara, në një komb që numëronte vetëm pak vite nga themelimi i alfabetit të tij dhe që sapo kishte dalë nga sundimi shumëshekullor otoman, të ndërtonte shtetin e ri shqiptar, të standardeve monarkike të avancuara evropiane. Mbreti Zog, me përpjekje të mëdha, konsolidoi pavarësinë e Shqipërisë dhe bëri që të marrin fund përpjekjet për ndarjen e mëtejshme të saj. Si Mbreti i të gjithë shqiptarëve, së bashku me flamurin, ai u bë simboli më pamposhtur i idesë së bashkimit kombëtar, i shpresës së shqiptarëve, kudo që ndodheshin, për liri dhe dinjitet kombëtar. Mbreti vendosi në këtë vend, ligje dhe institucione më të përparuara të kohës, vuri Shqipërinë, që vinte nga një feudalizëm i thellë, në binarët e zhvillimit kapitalist. Fati i tij ishte fati i një seri oborresh monarkike të Europës, të cilat, për shkak të pushtimeve, do të detyroheshin që, nga mërgimi, të mbronin kauzën e drejtë të popullit dhe vendit të tyre.

Gjatë luftës, Mbreti Zog ia doli të organizojë rezistencën e shkëlqyer antinaziste, antifashiste, e cila u përfaqësua nga tribunë të vërtetë si Abaz Kupi dhe burra të tjerë të mëdhenj të kombit shqiptar, luftëtar të paepur të lirisë dhe dinjitetit kombëtar.Por, pas luftës, ai do të ishte Mbreti i vetëm në Evropë që nuk do të lejohej të kthehej në vendin e tij. Armiqësia dhe qëndrimi ndaj Ahmet Zogut, ishte armiqësi ndaj identitetit kombëtar të shqiptarëve, armiqësi ndaj qenies së shqiptarëve, ishte diktat i Beogradit, ishte pjesë e komplotit dhe skenarit nga klika hoxhiste, për të bashkuar Shqipërinë me Ish Republikën Federative të Jugosllavisë. E vërteta është se ata që themeluan partinë komuniste shqiptare, si repart i partisë komuniste jugosllave, nuk synonin gjë tjetër, veçse shuarjen nga harta të Shqipërisë së pavarur. Por Mbreti qëndroi si vigan deri ditën që ndërroi jetë, në Paris, në miqësi dhe vlerësim të lartë nga Gjenerali Sharl De Gol, i cili vlerësonte kontributin e tij në rezistencën antinaziste, Mbreti nuk reshti së përpjekuri për të çliruar shqiptarët nga klika hoxhiste, për të çliruar shqiptarët kudo që ishin nga pushtimet barbare dhe mizoritë që përjetonin.Sot ne nderojmë burrin e madh të Matit dhe të mbarë shqiptarëve me këtë shtatore. Unë kam bindjen se historia, me ritmet e jashtëzakonshme të Ahmet Zogut, do të nxjerrë në pah, do të ridimensionojë figurën e tij të madhe, kontributin e tij për shtetin modern të shqiptarëve dhe për konsolidimin e pavarësisë dhe zhvillimin e këtij vendi. Madhëria Juaj, Leka Zogu i parë,Ndihem shumë i nderuar që Ju jeni sot këtu dhe, së bashku, nderojmë Mbretin Zogu i Parë. Unë ju garantoj se qeveria ime, ushqen dhe do të ushqejë respektin dhe nderimin më të madh për veprën e pavdekshme të Ahmet Zogut”.

http://www.botasot.info/home.php?category=20&id=24108

16.07.2009

Pavarësia e Vlorës dhe shteti modern i Matit

Sali Berisha, kryeminsitër i Shqipërisë

Nderohet mbrëtëria shqiptare

“Madhëria juaj Leka Zogu i Parë, Zoti Kryetar i Bashkisë,

Të dashur qytetarë dhe qytetare të Burrelit, por edhe të mbarë Shqipërisë.

Mbreti Zogu i Parë do të hynte dhe kryesonte skenën politike shqiptare në kohërat më të vështira për vendin dhe kombin, në kohërat kur ishte vënë në pikëpyetje - edhe pas shpalljes së pavarësisë -, vet ekzistenca e Shqipërisë së pavarur dhe bëheshin përpjekjet më të përbindshme nga ata që copëtuan shqiptarët dhe Shqipërinë, për të shuar nga harta shtetin e tyre. Ahmet Zogu, me një mençuri të jashtëzakonshme, me kurajo dhe trimëri legjendare, me një vizion të pashoq, ia doli që, në trojet shqiptare të copëtuara, në një komb që numëronte vetëm pak vite nga themelimi i alfabetit të tij dhe që sapo kishte dalë nga sundimi shumëshekullor otoman, të ndërtonte shtetin e ri shqiptar, të standardeve monarkike të avancuara evropiane. Mbreti Zog, me përpjekje të mëdha, konsolidoi pavarësinë e Shqipërisë dhe bëri që të marrin fund përpjekjet për ndarjen e mëtejshme të saj. Si Mbreti i të gjithë shqiptarëve, së bashku me flamurin, ai u bë simboli më pamposhtur i idesë së bashkimit kombëtar, i shpresës së shqiptarëve, kudo që ndodheshin, për liri dhe dinjitet kombëtar. Mbreti vendosi në këtë vend, ligje dhe institucione më të përparuara të kohës, vuri Shqipërinë, që vinte nga një feudalizëm i thellë, në binarët e zhvillimit kapitalist. Fati i tij ishte fati i një seri oborresh monarkike të Europës, të cilat, për shkak të pushtimeve, do të detyroheshin që, nga mërgimi, të mbronin kauzën e drejtë të popullit dhe vendit të tyre.

Por, pas luftës, ai do të ishte Mbreti i vetëm në Evropë që nuk do të lejohej të kthehej në vendin e tij. Armiqësia dhe qëndrimi ndaj Ahmet Zogut, ishte armiqësi ndaj identitetit kombëtar të shqiptarëve, armiqësi ndaj qenies së shqiptarëve, ishte diktat i Beogradit, ishte pjesë e komplotit dhe skenarit nga klika hoxhiste, për të bashkuar Shqipërinë me Ish Republikën Federative të Jugosllavisë. E vërteta është se ata që themeluan partinë komuniste shqiptare, si repart i partisë komuniste jugosllave, nuk synonin gjë tjetër, veçse shuarjen nga harta të Shqipërisë së pavarur. Por Mbreti qëndroi si vigan deri ditën që ndërroi jetë, në Paris, në miqësi dhe vlerësim të lartë nga Gjenerali Sharl De Gol, i cili vlerësonte kontributin e tij në rezistencën antinaziste, Mbreti nuk reshti së përpjekuri për të çliruar shqiptarët nga klika hoxhiste, për të çliruar shqiptarët kudo që ishin nga pushtimet barbare dhe mizoritë që përjetonin.

Sot ne nderojmë burrin e madh të Matit dhe të mbarë shqiptarëve me këtë shtatore. Unë kam bindjen se historia, me ritmet e jashtëzakonshme të Ahmet Zogut, do të nxjerrë në pah, do të ridimensionojë figurën e tij të madhe, kontributin e tij për shtetin modern të shqiptarëve dhe për konsolidimin e pavarësisë dhe zhvillimin e këtij vendi.

Madhëria Juaj, Leka Zogu i parë,

Ndihem shumë i nderuar që Ju jeni sot këtu dhe, së bashku, nderojmë Mbretin Zogu i Parë. Unë ju garantoj se qeveria ime, ushqen dhe do të ushqejë respektin dhe nderimin më të madh për veprën e pavdekshme të Ahmet Zogut”.

P.S. Fjala e kryeministrit Sali Berisha në ceremoninë e vendosjes së shtatores së Mbretit Ahmet Zogu, në sheshin kryesor të qytetit të Burrelit

http://www.botasot.info/home.php?category=6&id=23959

15.07.2009

Mbreti Leka uron kryeministrin Berisha

Leka Zogu I

Leka I Zogu uron Kryeministrin Berisha për fitoren e zgjedhjeve parlamentare

Kryeministri Sali Berisha ka marrë një telegram urimi nga Leka I Zogu, me rastin e fitores së mandatit të dytë qeverisës. Në urimin e tij, Leka I Zogu, u shpreh:Shkëlqesia Juaj,Fitorja Juaj në zgjedhje ishte një gëzim i madh për Ne. Jemi të bindur se qeveria që ju drejtoni do të vazhdojë në rrugën e reformave, të cilat kanë sjellë një ndryshim të dukshëm në Shqipëri.

Atdheut tonë i duhet kontributi i të gjithëve, për këtë arsye Ne ju përshëndesim për veprimin fisnik që keni ndërmarrë, duke bërë koalicion me LSI-në, të drejtuar nga Z.Ilir Meta.

Ju urojmë suksese në punën Tuaj, mbasi interesat e Shqipërisë dhe të gjithë shqiptarëve, janë përmbi çdo gjë.

Vëllazërisht Leka I Zogu, Mbret i Shqiptarëve

http://www.shekulli.com.al/index.html

Burrel, përurohet shtatorja, Berisha 'ngre në qiell' Ahmet Zogun

GJERGJ MARKU | 16/07/2009 |

BURREL - Që nga dita e sotme sheshi kryesor i qytetit të Burrelit do të mbajë simbolin e sundimit mbretëror të shekullit të kaluar, Ahmet Zogu, bir i njohur i fisit të Zogollajve të Burgajetit të Matit. Prej disa kohësh është hapur një debat i vazhdueshëm për vendosjen e një monumenti të tillë, madje ku u vunë përkundër dy palë, njëra për të hequr shtatoren e Skënderbuet dhe tjetra, që kurrsesi nuk duhej luajtur me monumentin e udhëheqësit të para 5 shekujve. Me sa duket është gjetur një rrugë e mesme që dy monumentet të qendrojne në dy sheshe thuajse ngjitur me njëri-tjetrin dhe ku dominon për nga madhësia busti i Zogut.

Pikërisht sot është përuar shtatroja e Mbretit Zog ne praninë e Kryeminsitrit të vendit Sali Berisha si dhe monarkistë të shumtë e në mes tyre dhe pretenduesi i fronit të mbretit princi Leka Zogu. Me nota shumë pozitive është shprehur për mbretin Ahmet Zogu Kryeministri Berisha duke nënvizuar se vendosja e kësaj shtatorje është nder për krahinën e Matit dhe gjitha Shqipërinë. "Pavarësia u shpall në Vlorë, tha Berisha, shteti i parë modern shqiptar nisi këtu në Mat me burrin e madh Ahmet Zogu". Berisha pohoi se: "Mbreti Zog i shqiptarëve dhe flamuri kuq e zi u bënë simbole të vetme të bashkimit të të gjithë shqiptarëve, kudo që janë". Ai shto se Ahmet Zogu ishte mbreti i vetëm, që pas luftës antifashiste nuk u lejua të vinte në atdheun e tij për të cilin kishte bërë kaq shumë. Berisha nënvizoi se Mbreti Zog me përpjekjet e vazhdueshme konsolidoi pavarësinë e Shqipërisë dhe ndali popujt e tjerë për ndarjen e mëtejshme të saj.

"Gjate luftes, Mbreti Zog ia doli te organizoje rezistencen e shkelqyer antinaziste, antifashiste, e cila u perfaqesua nga burra te vertete si Abaz Kupi dhe burra te tjere te medhenj te kombit shqiptar, luftetare te paepur te lirise dhe dinjitetit kombetar", ka theksuar Kryeministri. Mos lejimi gjate viteve te komunizmit per t'u kthyer ne atdhe, kishte sipas tij, nje sfond ndikimesh rajonale. "Armiqesia dhe qendrimi ndaj Ahmet Zogut ishte armiqesi ndaj identitetit kombetar te shqiptareve, armiqesi ndaj qenies se shqiptareve, ishte diktat i Beogradit, ishte pjese e komplotit dhe skenarit nga klika hoxhiste, per te bashkuar Shqiperine me ish-Republiken Federative te Jugosllavise", ka deklaruar kryeministri.

Per ta mbyllur serish, me nje adresim mbreteror per Leka Zogun. "Madheria juaj, Leka Zogu i pare, ndihem shume i nderuar qe ju jeni sot ketu dhe se bashku nderojme mbretin Zogu i Pare. Une ju garantoj se qeveria ime ushqen dhe do te ushqeje respektin dhe nderimin me te madh per vepren e pavdekshme te Ahmet Zogut", ka shtuar Berisha.

http://www.rilindjademokratike.com/ 16/07/2009

Kryeministri vlerësoi se armiqësia ndaj Ahmet Zogut, ishte armiqësi ndaj identitetit kombëtar

Mbreti Zogu I, arkitekti dhe themeluesi i shtetit modern shqiptar

Kryeministri Berisha e vlerësoi Mbretin Zogu I si arkitektin dhe themeluesin e shtetit modern të shqiptarëve. Kreu i qeverisë i bëri këto komente gjatë vendosjes së shtatores së Mbretit Zogu I në sheshin kryesor të qytetit të Burrelit. Kryeministri Berisha, i ftuar nderi në këtë ceremoni, zbuloi në mënyrë simbolike shtatoren, së bashku me Madhërinë e tij Leka Zogu i Parë. Kreu i ekzekutivit vlerësoi se me këtë shtatore vendoset në piedestalin që e meriton, njëri prej burrave të shquar të kombit shqiptar, arkitekti dhe themeluesi i shtetit modern të shqiptarëve, Mbreti Zogu i Parë. "Është një nder i madh, një kënaqësi e veçantë, që sot nisim festën e fitores, duke vendosur në piedestalin që e meriton njërin prej burrave të shquar të Kombit shqiptar, arkitektin dhe themeluesin e shtetit modern të shqiptarëve, Mbreti Zogu i Parë. Vendosja e shtatores të Mbretit Zogu i Parë në këtë shesh është një nder i madh që ne i bëjmë mbarë kombit shqiptar. Pavarësia u shpall në Vlorë, shteti modern shqiptar nisi këtu në Mat, me burrin e madh të kombit Ahmet Zogun", u shpreh Berisha, duke shtuar se Mbreti Zogu i Parë do të hynte dhe kryesonte skenën politike shqiptare në kohërat më të vështira për vendin dhe kombin, në kohërat kur ishte vënë në pikëpyetje - edhe pas shpalljes së pavarësisë - vetë ekzistenca e Shqipërisë së pavarur dhe bëheshin përpjekjet më të përbindshme nga ata që copëtuan shqiptarët dhe Shqipërinë, për të shuar nga harta shtetin e tyre. Ai vlerësoi se, Ahmet Zogu, me një mençuri të jashtëzakonshme, me kurajo dhe trimëri legjendare, me një vizion të pashoq, ia doli që, në trojet shqiptare të copëtuara, në një komb që numëronte vetëm pak vite nga themelimi i alfabetit të tij dhe që sapo kishte dalë nga sundimi shumëshekullor osman, të ndërtonte shtetin e ri shqiptar, të standardeve monarkike të avancuara evropiane. "Mbreti Zog, me përpjekje të mëdha, konsolidoi pavarësinë e Shqipërisë dhe bëri që të marrin fund përpjekjet për ndarjen e mëtejshme të saj. Si Mbreti i të gjithë shqiptarëve, së bashku me flamurin, ai u bë simboli më pamposhtur i idesë së bashkimit kombëtar, i shpresës së shqiptarëve, kudo që ndodheshin, për liri dhe dinjitet kombëtar. Mbreti vendosi në këtë vend, ligje dhe institucione më të përparuara të kohës, vuri Shqipërinë, që vinte nga një feudalizëm i thellë, në binarët e zhvillimit kapitalist. Fati i tij ishte fati i një seri oborresh monarkike të Europës, të cilat, për shkak të pushtimeve, do të detyroheshin që, nga mërgimi, të mbronin kauzën e drejtë të popullit dhe vendit të tyre", nënvizoi më tej kryeministri. Ai u shpreh se gjatë luftës, Mbreti Zog ia doli të organizojë rezistencën e shkëlqyer antinaziste, antifashiste, e cila u përfaqësua nga tribunë të vërtetë si Abaz Kupi dhe burra të tjerë të mëdhenj të kombit shqiptar, luftëtar të paepur të lirisë dhe dinjitetit kombëtar. Por, pas luftës, vijoi Berisha, ai do të ishte Mbreti i vetëm në Evropë që nuk do të lejohej të kthehej në vendin e tij. "Armiqësia dhe qëndrimi ndaj Ahmet Zogut, ishte armiqësi ndaj identitetit kombëtar të shqiptarëve, armiqësi ndaj qenies së shqiptarëve, ishte diktat i Beogradit, ishte pjesë e komplotit dhe skenarit nga klika hoxhiste, për të bashkuar Shqipërinë me ish-Republikën Federale të Jugosllavisë. E vërteta është se ata që themeluan Partinë Komuniste shqiptare, si repart i Partisë Komuniste jugosllave, nuk synonin gjë tjetër, veçse shuarjen nga harta të Shqipërisë së pavarur", tha më tej Berisha, duke shtuar se pavarësisht këtyre, Mbreti qëndroi si vigan deri ditën që ndërroi jetë në Paris. Ai tha se në miqësi dhe vlerësim të lartë nga Gjenerali Sharl De Gol, i cili vlerësonte kontributin e tij në rezistencën antinaziste, Mbreti nuk reshti së përpjekuri për të çliruar shqiptarët nga klika hoxhiste, për të çliruar shqiptarët kudo që ishin nga pushtimet barbare dhe mizoritë që përjetonin. "Sot ne nderojmë burrin e madh të Matit dhe të mbarë shqiptarëve me këtë shtatore. Unë kam bindjen se historia, me ritmet e jashtëzakonshme të Ahmet Zogut, do të nxjerrë në pah, do të ridimensionojë figurën e tij të madhe, kontributin e tij për shtetin modern të shqiptarëve dhe për konsolidimin e pavarësisë dhe zhvillimin e këtij vendi", nënvizoi kreu i qeverisë. Berisha tha se qeveria që ai drejton ushqen dhe do të ushqejë respektin dhe nderimin më të madh për veprën e pavdekshme të Ahmet Zogut. Nga ana e tij, Madhëria e tij, Leka Zogu i Parë, u shpreh se ndihej shumë i prekur dhe i nderuar që Kryeministri Berisha ishte i pranishëm në këtë ceremoni, duke vlerësuar se vendosja e Shtatores së Mbretit Ahmet Zogu në sheshin e qytetit të Burrelit, është një moment historik që i përket gjithë Shqipërisë, por veçanërisht Matit.

Më pas Kryeministri Berisha dhe Princi Leka zbuluan së bashku shtatoren 5 metra të lartë që do të qëndrojë në sheshin "Demokracia" të Burrelit. Pas ceremonisë legalistë të njohur të trevës së Matit puthnin shtatoren të përlotur. Princi Leka dhe monarkistët pushuan në një nga lokalet e qytetit, ndërkohë Kryeministri Berisha përurori nisjen e dy rrugëve, atë nga Gjykata e Burrelit deri në unazën e këtij qyteti dhe rrugën nga ura e Matit në drejtim të Selishtës, Dibër.

http://www.balkanweb.com/sitev4/lajme.php?id=40113 16/07/2009

Burrel, Berisha në tur inaugurimesh, nderim për A. Zogun

Të humburit në zgjedhje, janë vetëm ata që nuk kanë asnjë interes kombëtar. Kështu ka deklaruar kryeministri Berisha gjatë një turi inaugurimesh zhvilluar në rrethin e Matit. Berisha mori pjesë dhe në zbulimin e shtatores të mbretit Zog.

BURREL - Gjatë një turi inaugurimesh në rrethin e Matit kryeministri i vendit Sali Berisha, disa dit pas përfundimit të zgjedhjeve të qershorit ka theksuar se të humburit në këto zgjedhje janë vetëm ata që nuk kanë asnjë interes kombëtar.

"Të humbur janë vetëm ata të cilët nuk kanë asnjë interes kombëtarë, nuk kanë asnjë interes social, familjar përveç interesave vetjake dhe klaneve mafioze me të cilët janë të lidhur, me ata do të merret ligji. Ne sëbashku do të vazhdojmë projektet"- u shpreh kryeministri Berisha.

Në takimet e tij të zhvilluara në Burrel kryeministri Sali Berisha ka qenë i ftuar nderi në ceremoninë e zhvilluar në zbulim të shtatores në nder të mbretit Ahmet Zogu, vendosur në sheshin kryesor të qytetit.

Berisha zbuloi në mënyrë simbolike dhe shtatoren në nder të mbretit të parë të Shqipërisë ku i pranishëm ishte dhe pretendenti për frontin mbretërorë Leka Zogu i Parë, si dhe pjesëtarë të tjerë të familjes mbretërore, deputet të zonës, ministra të kabinetit qeveritarë si dhe përfaqësues të pushtetit vendos.

"Sot ne nderojmë burrin e madh të Matit dhe të mbarë shqiptarëve me këtë shtatore. Unë kam bindjen se historia, me ritmet e jashtëzakonshme të Ahmet Zogut, do të nxjerrë në pah, do të ridimensionojë figurën e tij të madhe, kontributin e tij"- u shpreh Berisha.

Nga ana e tij Leka Zogu i Parë duke vlerësuar vendosjen e shtatores Ahmet Zogu në sheshin e qytetit të Burrelit e ka konsideruar këtë si një moment historik që i përket të gjithë Shqipërisë.

http://www.gazetastart.com/lajm.php?kategoria=Politike&nr=2185 2009-07-16 16:51

Berisha: Ahmet Zogu themeloi shtetin modern shqiptar

Burrel - Kryeministri Sali Berisha përuroi sot paradite, në qendër të qytetit verilindor të Burrelit, shtatoren e Mbretit Zogu i Parë, (Ahmet Zogu), e para që përjetëson figurën e këtij politikani, të cilin Kreu i Qeverisë e vlerësoi si “burrin më të madh të kombit, arkitektin dhe themeluesin e shtetit modern të shqiptarëve”.

Në ceremoninë e organizuar në këtë zonë në verilindje të Shqipërisë, rreth 120 kilometra larg Tiranës, ku dhe u lind Mbreti Zogu i Parë, Kryeministri Berisha shoqërohej nga kryetari i bashkisë së Burrelit, Skëndër Lleshi, Pretendenti për fronin mbretëror, Leka Zogu, Kryetari i Lëvizjes së Legalitetit, Ekrem Spahiu, ndërsa ishin të pranishëm dhe shumë banorë të qytetit. Kryeministri Berisha u shpreh në fjalën e tij se "vendosja e shtatores së tij në këtë shesh është nder i madh që ne i bëjmë mbarë kombit shqiptar. Pavarësia u shpall në Vlorë, ndërsa shteti modern i shqiptarëve nisi këtu në Mat me burrin më të madh të kombit, Ahmet Zogun”.

Mbreti Zogu i Parë, vlerësoi z. Berisha, do të hynte, ngjitej dhe kryesonte skenën politike shqiptare në kohërat më të vështira për vendin, në kohërat kur ishte vënë në pikëpyetje, edhe pas shpalljes së Pavarësisë, vetë ekzistenca e Shqipërisë së pavarur dhe bëheshin përpjekje të përbindshme për të copëtuar shqiptarët, për të shuar nga harta shtetin e tyre.

Kryeministri tha se Ahmet Zogu, me kurajo dhe vizion të pashoq, ia doli të ndërtonte shtetin e ri shqiptar, mbi standardet e monarkive të avancuara evropiane. “Mbreti Zog, me përpjekje të mëdha konsolidoi pavarësinë e Shqipërisë dhe bëri që të marrin fund përpjekjet për ndarjen e mëtejshme të saj, duke u bërë simbol i pamposhtur i bashkimit të kombit shqiptar”, vlerësoi z. Berisha.

Ai nënvizoi se Mbreti Zog vendosi ligjet më të përparuar të kohës, duke e vendosur vendin që vinte nga feudalizimi i thellë në binarët e zhvillimit kapitalist, ndërsa gjatë luftës ia doli të organizonte rezistencën e shkëlqyer antinaziste që u përfaqësua nga tribuni Abaz Kupi.

Por, pas luftës, ai do të ishte Mbreti i vetëm në Evropë që nuk do të lejohej të kthehej në vendin e tij. “Armiqësia dhe qëndrimi ndaj Ahmet Zogut, ishte armiqësi ndaj identitetit kombëtar të shqiptarëve, armiqësi ndaj qenies së shqiptarëve, ishte diktat i Beogradit, ishte pjesë e komplotit dhe skenarit nga klika hoxhiste, për të bashkuar Shqipërinë me ish- Republikën Federative të Jugosllavisë”, tha ndër të tjera Kryeministri.

Sipas tij, Mbreti nuk rreshti së përpjekuri, deri ditën që ndërroi jetë në Paris, për të çliruar shqiptarët nga klika hoxhiste, për të çliruar shqiptarët kudo që ishin nga pushtimet barbare dhe mizoritë që përjetonin. Shtatorja e përuruar sot në qendër të qytetit të Burrelit është vepër e skulptorit matjan Maksim Shurdhi. Ajo është realizuar me fondet e bashkisë dhe mbështetjen e biznesit privat. Mbreti Zogu i Parë është përjetësuar në këtë vepër i veshur me uniformë ushtarake.

Mbreti Zogu i parë lindi më 8 tetor 1898, në Burgajet të rrethit të Matit, në një kështjellë të ndërtuar rreth shekullit të XV dhe ndërroi jetë në mërgim në 9 Prill 1961. Ai ka qenë Ministër i Brendshëm në periudhën 30 janar 1920- 14 nëntor 1920, Kryeministër i Shqipërisë në periudhën 1922-1924, President në periudhën 1925 - 1928 dhe Mbreti i Parë i Shqipërisë (1928 - 1939).

2009-07-16 16:51

Postuar më: 2009-07-16 21:51

Zotit shyqyr erdhë dita që kombi shqiptar vlersojë me dinjitet jetën dhe veprat të Mbretit Zog I. Ju lumtë ju Matianët që ngrejtët shtatoren e Ahmet Zogut në qendrën e Burrelit. Tashë ka ardhë koha me këthye eshrat e Tij dhe familjarvet të tijnë Shqipni, si ashtu oficerat të ndërshem Kolonel Hysen Selmani, Kapiten Ali Cupi, Kapiten Sefeddin Collaku, Kapiten Jusuf Begeja, Kapiten Qazim Preni, Kapiten Bajram Neli, Toger Zenel Cami, Kapiten Muharrem Gjoka që pushojnë pranë Tij në varrezat të Parisit (Thiais) dhe dedikuan jetën për Atdhe e Mbret në shërbim t´interesat kombëtarë për lirinë e Kosovës e Camërisë.

Skender Zogu, Chantilly-France

http://www.noa.al/index.php/politike/87-politike/4627-pas-leka-zogut-edhe-berisha-i-drejtohet-me-statusin-madheria-juaj

Pas Leka Zogut, edhe Berisha, i drejtohet me statusin Madhëria juaj

E Enjte, 16 Korrik 2009 14:10 POLITIKE

Burrel, 16 korrik NOA – Nuk paskan të mbaruar çuditë me termat protokollare në Shqipëri.Nëse një ditë më parë, Leka Zogu iu drejtua Berishës si ta kishte vartës, këtë çudi e ka thelluar edhe më shumë sot kryeministri në Burrel, kur iu drejtua me emërtesën “Madhëria juaj”.

Deklaratat që kanë sjellë menjëherë reagime të qytetarëve që nuk e konsiderojnë Leka Zogun Madhëri dhe Mbret të Shqipërisë, pasi është një status i paligjshëm dhe ai thjeshtë vetëquhet si i tillë, erdhën sot në mesditë, kur Berisha mori pjesë në ceremoninë e vendosjes së shtatores së Mbretit Ahmet Zogu, në sheshin kryesor të qytetit të Burrelit.

Berisha, i ftuar nderi në këtë ceremoni, zbuloi në mënyrë simbolike Shtatoren e nderit, së bashku me “Madhërinë e tij Leka Zogu i Parë”.

Të pranishëm në këtë ceremoni ishin “Madhëria e tij” (!) Leka Zogu i Parë dhe pjesëtarë të tjerë të “familjes mbretërore”, deputetë të zonës, ministra të kabinetit qeveritar, përfaqësues të pushtetit vendor, etj.

Kryeministri vlerësoi se me këtë shtatore “vendoset në piedestalin që e meriton, njëri prej burrave të shquar të kombit shqiptar, arkitekti dhe themeluesi i shtetit modern të shqiptarëve, Mbreti Zogu i Parë”.

Këtu, Berisha iu drejtua Leka Zogut me titullin Madhëri: “Madhëria juaj Leka Zogu i Parë, është një nder i madh, një kënaqësi e veçantë, që sot nisim festën e fitores, duke vendosur në piedestalin që e meriton njërin prej burrave të shquar të Kombit shqiptar, arkitektin dhe themeluesin e shtetit modern të shqiptarëve, Mbreti Zogu i Parë”.

Më tej Berisha theksoi se “Vendosja e shtatores të Mbretit Zogu i Parë në këtë shesh është një nder i madh që ne i bëjmë mbarë kombit shqiptar”, duke shtuar se sipas tij, “pavarësia u shpall në Vlorë, por shteti modern shqiptar nisi këtu në Mat, me burrin e madh të kombit Ahmet Zogun”.

Nga ana e tij, i biri i Ahmet Zogut, Leka Zogu, duke u evidentuar sigurisht, si “Madhëria e tij”, u shpreh se ndihej shumë i prekur dhe i nderuar që Kryeministri Berisha ishte i pranishëm në këtë ceremoni.

Leka Zogu, ka vlerësuar se vendosja e Shtatores së Mbretit Ahmet Zogu në sheshin e qytetit të Burrelit, është një moment historik që i përket gjithë Shqipërisë, por veçanërisht Matit.

***

Leka Zogu është djali i ish-mbretit Ahmet Zogu, i cili mbretëroi në Shqipëri në vitet 1928-1939. më 7 prill 1939, Zogu ia dorëzoi Shqipërinë pushtuesve italianë dhe u arratis nga vendi së bashku me familjen dhe një pjesë të pasurisë së tij.

Zogu jetoi në Afrikën e Jugut dhe vende të tjera për shumë vite pa u kthyer ndonjëherë në Shqipëri, ku u shpall tradhtar i kombit dhe iu ndalua të vijë ndonjëherë.

Megjithatë pas viteve ‘90, figura e Zogut nisi të përballej me mendime pro dhe kundër.

Në vitin 1997, Leka Zogu erdhi në Shqipëri dhe kërkoi që të bëhej referendum ku shqiptarët të zgjidhnin nëse do të vazhdonin të jetonin në Republikë apo mbretëri.

Në referendum fitoi Republika Parlamentare me rezultat të thellë.

Ky rezultat nuk u pranua atëherë nga Leka Zogu. Me veshje ushtarake, i armatosur plot me armë dhe municion, në krye të disa njerëzve po ashtu të armatosur, të ashtuquajtur Oborri Mbretëror, iu sul më 2 korrik 1997, pak ditë pas zgjedhjeve dhe referendumit, Pallatit të Kongreseve me pikësynim selinë e Komisionit Qendror të Zgjedhjeve.

Leka Zogu dhe shpura e tij u përballën me policinë e Shtetit. Në këtë ngjarje u shënua një i vrarë dhe disa të plagosur. Mediat atëherë raportuan se i vrari erdhi nga plumbat e “oborrtarëve”.

***

Më poshtë, lexoni fjalën e plotë të Berishës:

“Madhëria juaj Leka Zogu i Parë,

Z. Kryetar i Bashkisë,

Të dashur qytetarë dhe qytetare të Burrelit, por edhe të mbarë Shqipërisë.

Vendosja e shtatores të Mbretit Zogu i Parë në këtë shesh është një nder i madh që ne i bëjmë mbarë kombit shqiptar. Pavarësia u shpall në Vlorë, shteti modern shqiptar nisi këtu në Mat, me burrin e madh të kombit Ahmet Zogun.

Madhëria Juaj, Leka Zogu i parë,

e.l/NOA

http://www.gazeta55.net/index.php?kat=politike&artikulli=7237

15-07-2009 / Gazeta 55 Leka I uron Kryeministrin Berisha për fitoren e zgjedhjeve parlamentare

Kryeministri Sali Berisha ka marrë një telegram urimi nga Leka I Zogu, me rastin e fitores së mandatit të dytë qeverisës. Në urimin e tij, Leka I Zogu, u shpreh:

Shkëlqesia Juaj

Fitorja Juaj në zgjedhje ishte një gëzim i madh për Ne. Jemi të bindur se qeveria që ju drejtoni do të vazhdojë në rrugën e reformave, të cilat kanë sjellë një ndryshim të dukshëm në Shqipëri.

Atdheut tonë i duhet kontributi i të gjithëve, për këtë arsye Ne ju përshëndesim për veprimin fisnik që keni ndërmarrë, duke bërë koalicion me LSI-në, të drejtuar nga Z.Ilir Meta.

Ju urojmë suksese në punën Tuaj, mbasi interesat e Shqipërisë dhe të gjithë shqiptarëve, janë përmbi çdo gjë.

Vëllazërisht Leka I Zogu

Mbret i Shqiptarëve

http://gazetametropol.com/tekst.php?idt=60446

Princ Leka bën thirrje për mbështetje të së djathtës

27/06/2009 “Lëvizja e Legalitetit”

Princ Leka II dhe kryetari i partisë “Lëvizja e Legalitetit” Ekrem Spahia kanë mbyllur fushatën elektorale në Durrës, Golem dhe Kamëz, ku u dhanë mbështetje të plotë kandidatëve për deputetë. Në qytetin e Durrësit princi Leka tha se duke votuar për PLL-në zgjedhësit i japin një mbështetje të plotë Partisë Demokratike dhe koalicionit të djathtë që me 28 qershor do të ketë një fitore të pastër dhe të thellë. Në Golem të Kavajës kreu i PLL-së në fjalën e tij u bazua kryesisht tek turizmi, duke thënë se zona e Golemit do të jetë në qendër të vëmendjes për qeverinë e ardhshme për përmirësimin e infrastrukturës dhe krijimin e kushteve sa më optimale për të gjithë pushuesit. Ndërsa në një takim entuziast në qendrën e Bashkisë Kamëz princi Leka, kryetari i PLL-së dhe nipi i pretendentit për fron, Skënder Zogu, i cili ka ardhur posaçërisht nga Franca, i dhanë një mbështetje të fortë kandidatit të PLL-së në këtë zonë, dr. Ilir Kacdeda.

http://gazetametropol.com/tekst.php?idt=60754

Qeveritë shqiptare nga Ismail Qemali te Sali Berisha

10/07/2009 Historia 97-vjeçare e shtetit shqiptar, kryeministrat më jetëgjatë dhe më jetëshkurtër

Historia e shtetit shqiptar do të nisë me Ismail Qemalin, i cili krijoi qeverinë e parë shqiptare. Më pas lufta për pushtet do t’i karakterizonte fort shqiptarët. Deri më tani ai që ka qenë më jetëgjatë në krye të një shteti është Enver Hoxha me 45 vjet regjim diktatorial, ndërsa kryeministri më jetëshkurtër ka qenë Qazim Koculi, i cili ka qeverisur vetëm një ditë. Fillimi i shekullit XX e gjen Shqipërinë nën administrimin e Perandorisë Osmane. Por përmes kryengritjeve antiosmane, sidomos ato të viteve 1909–1912, në Shqipëri ky administrim kishte nisur të tkurrej. Më 14 tetor 1912, një grup politikanësh shqiptarë organizuan në Shkup një mbledhje, nga ku njoftuan fuqitë e mëdha se shqiptarët nuk pranonin pushtimin e tokave të tyre nga fqinjët ballkanikë. Ndërkohë Ismail Qemali dhe Luigj Gurakuqi kryesuan nismën për krijimin e një komiteti drejtues, që të merrte në dorë qeverisjen e vendit. Kulmi i këtyre ngjarjeve ishte Kuvendi i Vlorës në shtëpinë e Xhemil Vlorës, ku do të ngrihej më pas, në 28 nëntor, flamuri kombëtar. Kryetari i Kuvedit të Vlorës, Ismail Qemali, propozoi të shpallej Shqipëria e pavarur, me një qeveri të përkohshme; të zgjidhej një pleqësi në ndihmë e kontroll të qeverisë, si dhe të dërgohej një komision në Europë për të mbrojtur çështjen shqiptare para mbretërive.

Me ngritjen e flamurit në Vlorë më 28 nëntor 1912, Ismail Qemali zgjidhet kryeministër dhe i jepet e drejta nga delegatët të krijojë qeverinë e re. Kjo qeveri u shpall më 4 dhjetor 1912 dhe qëndroi deri më 22 janar 1914.

Qeveria e parë shqiptare e kryesuar nga Ismail Qemali, 4 dhjetor 1912–22 janar 1914

Fillimi i vitit 1914 solli për qeverisjen e Vlorës vështirësi, kohë kur do të dilte çështja e Beqir Grebenesë, një oficer shqiptar në shërbim të Perandorisë Osmane, i cili organizoi një komplot, në të cilin bëri protagonist të bisedave të fshehta edhe Ismail Qemalin. Si pasojë, Ismail Qemali dhe qeveria e Vlorës jep dorëheqjen.

Pas rënies së qeverisë së Vlorës, Esat pashë Toptani krijon një qeveri, e cila nuk u njoh nga Komisioni Ndërkombëtar i Kontrollit (KNK). KNK-ja përfaqësonte pushtetin ekzekutiv të dërguar nga fuqitë e mëdha, krijuar më 29 korrik 1913 nga Konferenca e Ambasadorëve me synim organizimin e shtetit shqiptar. KNK-ja njohu një unifikim të administratës, ku spikatnin 2 drejtorë: Fejzi Alizoti, drejtor i administratës për pjesën e ish-qeverisë së Vlorës; dhe Azis pashë Vrioni për pjesën e ish-qeverisë së Esat pashë Toptanit. Me këto zhvillime po afronte koha e ardhjes së mbretit. KNK-ja përgatiti ardhjen e mbretit Vilhelm fon Vid, i cili mbërriti në Durrës bashkë me familjen mbretërore më 7 mars 1914.

Qeveria e parë e Turhan Pashës, 15 mars 1914 – 20 maj 1914

Pak ditë pas mbërritjes, mbreti Vid dekretoi kryeministrin e ri, Turhan Pashën, figurë e rëndësishme politike në Perandorinë Osmane. Këto zhvillime përkojnë me njohjen e Shqipërisë si shtet nga 6 superfuqitë.

Qeveria e dytë mbretërore e Turhan Pashës, 28 maj 1914 – 3 shtator 1914

Rikonfigurimi i qeverisë erdhi pas largimit nga qeveria të numrit dy të saj - Esat pashë Toptanit, si pasojë e konfliktit të tij me mbretërinë gjatë periudhës së kryengritjes në Jug të Shqipërisë, zonë e kërcënuar nga pushtimi grek.

Më 3 shtator 1914 largohet mbreti Vid. Vjena nuk e mbështeti atë, me justifikimin se nuk kishte arritur të drejtonte vendin mirë dhe kishte krijuar përçarjen mes shqiptarëve dhe krahinave të saj. Në këto kushte, atij i mbetej vetëm largimi.

Kthimi i Esat pashë Toptanit dhe qeveria e tij, 5 tetor 1914–27 janar 1916

Duke parë zhvillimet e favorshme për të, Toptani kthehet në Shqipëri dhe merr këtë detyrë. Pas kësaj periudhe vjen Lufta e Parë Botërore. Është koha e pushtimit të Shqipërisë si dhe mbajtja e Traktatit të Londrës, më 26 prill 1915.

Në janar 1916 u bënë përpjekje për krijimin e një qeverie apo administrate shqiptare, pas hyrjes së ushtrisë austro-hungareze në vend.

Gjatë viteve 1916–1918 krijohet dhe funksionon administrata e përkohshme shqiptare në Shkodër e kryesuar nga Fejzi Alizoti, drejtor i përgjithshëm i Financave.

Me përfundimin e Luftës së Parë Botërore pozitat e Italisë në Shqipëri ishin forcuar, duke pasur trupa në shumicën e trojeve shqiptare. Italianëve iu kërkua krijimi i një qeverie shqiptare me mbështetjen e Italisë. Kështu, vjen qeveria e kryesuar nga Turhan Pasha.

Qeveria e Turhan Pashës, 25 dhjetor 1918 – 29 janar 1920

Më pas vjen qeveria e Durrësit, por që nuk pati suksesin e duhur në pjesën më të madhe të vendit.

Qeveria e Sulejman Delvinës, 30 janar–14 nëntor 1920

Kongresi i Lushnjës, i mbajtur më 21–30 janar 1920, emëroi një qeveri të re, ku u vendos që të kryesohej nga Sulejman Delvina. Qeveria e Tiranës kërkoi mosnjohjen e qeverisë së Durrësit. Në këtë qeveri u vendos për herë të parë nxjerrja e monedhës shqiptare. Pjesë e këtij kabineti ishte edhe Ahmet Zogu.

Më 14 nëntor 1920, pas konflikteve të mëdha në kabinetin qeveritar, Sulejman Delvina jep dorëheqjen.

Qeveria e parë e Iliaz Vrionit, 15 nëntor 1920–1 korrik 1924

Pas dorëheqjes së Delvinës në detyrë vjen Iliaz Vrioni.

Qeveria e koalicionit e Iliaz Vrionit, 11 korrik–16 tetor 1921

Gjendja e vështirë e krijuar për shkak të ndërhyrjes jugosllave në vitin 1921 bëri që qeveria e kryesuar nga Iliaz Vrioni të jepte dorëheqjen dhe të kërkonte formimin e një qeverie të koalicionit, të përbërë nga dy forca politike: Partia Popullore dhe Partia Përparimtare. Serish në krye të qeverisë mbetet Iliaz Vrioni.

Qeveria e Pandeli Evangjelit, 16 tetor 1921–6 dhjetor 1921

Duke qenë se as qeveria e koalicionit, edhe pse e bazuar në marrëveshjen që synonte të kënaqte interesat e të gjitha grupeve politike, nuk arriti ta bënte këtë, por shkaktoi pakënaqësi te shumë politikanë, u formua “Bashkimi i Shenjtë”, si shkrirje e partive kryesore politike.

Qeveria njëditore e Qazim Koculit, 6 dhjetor 1921– 6 dhjetor 1921

Por as qeveria e “Bashkimit të Shenjtë” nuk mundi të vazhdonte punën gjatë për shkak të konflikteve të brendshme. Ndaj pas dorëheqjes së Pandeli Evangjelit, një grup politikanësh, si Hasan Prishtina, Mustafa Kruja etj., bindën më pas Qazim Koculin të formonte një qeveri. Koculi pranoi me kushtin që në kabinetin e kryesuar prej tij të mos ishte prezent Hasan Prishtina. Por Koculi jep dorëheqjen e papritur brenda ditës.

Qeveria e Hasan Prishtinës, 7– 12 dhjetor 1921

Dorëheqja e papritur e Koculit e detyroi Këshillin e Naltë t’ia besonte mandatin e kryesimit të qeverisë njërit prej protagonistëve të krizës, Hasan Prishtinës. Emërimi i Prishtinës ngjalli pakënaqësi të shumta në të gjithë vendin, deputetët ikën nga Tirana në Durrës e në qytete të tjera. Kryeministri Prishtina që ditët e para u dha urdhër Forcave të Armatosura të shtien në dorë deputetët. Në këto kushte, një grup deputetësh shtuan trysninë ndaj qeverisë “Prishtina”, duke e detyruar atë të japë dorëheqjen.

Qeveria kalimtare e Idhomene Kosturit (12–24 dhjetor 1921)

Pas mbetjes bosh të vendit të kryeministrit Këshilli i Naltë dekretoi një qeveri kalimtare, me drejtorë ose ndryshe sekretarë të përgjithshëm, deri në formimin e kabinetit të ri.

Qeveria e Xhafer Ypit, 24 dhjetor 1921–26 dhjetor 1922

Pas qeverisë kalimtare Këshilli i Naltë emëroi qeverinë e re, ku kryeministër u vendos të ishte Xhafer Ypi. Qeverisja e Xhafer Ypit përkon me zhvillime të reja si dhe ndryshime të raporteve politike në vend.

Qeveria e parë e Ahmet Zogut, 2 dhjetor 1922–25 shkurt 1924

Në fund të vitit 1922 pozitat politike të Ahmet Zogut ishin forcuar dukshëm. Si ministër i Punëve të Brendshme ai kishte treguar vendosmëri dhe energji në detyrën e tij. Duke pasur edhe përkrahjen e grupit të pronarëve të mëdhenj, Ahmet Zogu ishte gati të merrte drejtimin e qeverisë.

Pas zgjedhjeve për Këshillin e Naltë, ku Xhafer Ypi u zgjodh këshilltar, në vendin e tij si kryeministër Këshilli emëroi Ahmet Zogun, i cili kryesonte edhe Partinë Popullore. Qeveria pati gjithmonë marrëdhënie të acaruara me Hasan Prishtinën dhe përkrahësit e tij. Madje, në zgjedhjet për Kuvendin Kushtetues pati një atentat ndaj A. Zogut. Në këto kushte të acaruara, Ahmet Zogu tërhiqet nga drejtimi i qeverisë.

Qeveria e kryesuar nga Shefqet Vërlaci, 30 mars 1924–27 maj 1924

Thellimi i krizës politike në vend dhe pamundësia për të qeverisur e detyrojnë Vërlacin të jepte dorëheqjen.

Qeveria e kryesuar nga Ilias Vrioni, 27 maj 1924–10 qershor 1924

Kjo qeverisje përkon me ngjarjet e kryengritjes së qershorit 1924. Madje, dy prej udhëheqësve të kryengritjes, Fan Noli dhe Luigj Gurakuqi, pranuan se nuk ishte thjesht një kryengritje, por një grusht shteti. Me short u vendos që Fan Noli të zgjidhej kryeministër.

Qeveria gjashtëmujore e Fan Nolit, 16 qershor–24 dhjetor 1924

Kësaj qeverie i mungonte mbështetja e brendshme për shkak të zhvillimeve të acaruara politike, por i mungonte edhe njohja ndërkombëtare, pasi shtetet e huaja nuk e quajtën kushtetuese. Më 24 dhjetor 1924 qeveria kryengritëse bie.

Qeveria disaditëshe e Iliaz Vrionit, 24 dhjetor 1924–5 janar 1925

Iliaz Vrioni e mban vetëm pak ditë postin e kryeministrit dhe jep dorëheqjen në fillim të vitit 1925 si pasojë e konflikteve brenda kabinetit.

Rikthimi i Ahmet Zogut dhe qeveria e kryesuar prej tij, 6–31 janar 1925

Pas largimit të Iliaz Vrionit, Këshilli i Naltë emëron Ahmet Zogun si kryeministër. Më 21 janar 1925 Kuvendi Kushtetues shpall Republikën Shqiptare. Pas shpalljes së Republikës më 31 janar 1925, Kuvendi Kushtetues zgjedh Ahmet Zogun të parin president (në atë kohë quhej “Kryetar i Republikës”)

Kabineti i parë republikan i kryesuar nga Ahmet Zogu, 1 shkurt 1925–23 shtator 1925

Ndryshimi i formës së regjimit solli krijimin e një kabineti të ri qeveritar. Statusi i ri i shtetit i njihte Kryetarit të Republikës të drejtën për të formuar qeverinë. Kryetari nuk shkonte në çdo mbledhje të qeverisë, përveç rasteve të rëndësishme. Rolin e tij në drejtimin e mbledhjeve, por edhe në punët kryesore e mbulonte ministri i Drejtësisë. Në këtë funksion në kabinetin e parë të republikan ishte Petro Poga.

Kabineti i dytë republikan i kryesuar nga Ahmet Zogu, 28 shtator 1925–10 shkurt 1927

Në këtë qeveri ministër i Drejtësisë u zgjodh Milto Tutulani, i cili do të kryente shpesh edhe detyrat e kryetarit të ekzekutivit.

Kabineti i tretë i kryesuar nga Ahmet Zogu, 12 shkurt 1927–21 tetor 1927

Pas nënshkrimit të paktit me Italinë kabineti qeveritar dha dorëheqjen për shkak të konflikteve në kabinet. Petro Poga thirret sërish në postin e ministrit të Drejtësisë si dhe të kryesimit të punëve të qeverisë.

Kabineti i katërt i kryesuar nga Ahmet Zogu, 24 tetor 1927–10 maj 1928

Për shkak të mosmarrëveshjeve edhe ky kabinet, me ministër Drejtësie Petro Pogën, jep dorëheqjen.

Kabineti i pestë i kryesuar nga Ahmet Zogu, 11 maj 1928–1 shtator 1928

Në këtë qeveri ministër Drejtësie ishte Hiqmet Delvina.

Zhvillimet e mëpasshme sjellin Mbretërinë Shqiptare të Ahmet Zogut, 1928–1939

Më 17 gusht 1928 zhvillohen zgjedhjet për Asamblenë Kushtetuese. Pozitat e Ahmet Zogut fuqizohen. Në këtë mënyrë, ndryshon edhe forma e regjimit në vend. Asambleja Kushtetuese miraton Statusin Themeltar të Mbretërisë Shqiptare. Asambleja u kthye në Parlament dhe vendi shpallet mbretëri kushtetuese.

Qeveria e parë mbretërore e kryesuar nga Kostaq Kotta, 5 shtator 1928–5 mars 1930

Në këtë periudhë u ndërmorën reforma të mëdha të organizimit të mbretërisë, të shtetit shqiptar dhe të zhvillimit të vendit.

Qeveria e Pandeli Evangjelit, 6 mars 1930–11 prill 1931

Kabineti “Kotta” u dobësua dhe u detyrua të jepte dorëheqjen në gjysmën e mandatit të tij. Në qeverisjen e re nis reforma agrare e vitit 1930.

Qeveria e dytë e Pandeli Evangjelit, 20 prill 1931– 7 dhjetor 1932

Kabineti qeveritar dorëhiqet pas vrasjes së ministrit të Drejtësisë, Vasil Avrami. Por në detyrën e kryeministrit edhe në kabinetin e ri zgjidhet Pandeli Evangjeli

Qeveria e fundit e Pandeli Evangjelit, 11 janar 1933 – 16 tetor 1935

Pas zgjedhjeve parlamentare të 11 nëntorit 1932 zgjidhet qeveria e re, ku sërish në këtë mandat propozohet Pandeli Evagjeli.

Qeveria e kryesuar nga Mehdi Frashëri, 21 tetor 1935–7 nëntor 1936

Pandeli Evangjeli, kryeministri veteran, i paraqet mbretit Zog dorëheqjen, i shtyrë edhe nga politikat e ndërmarra nga mbreti Zog për rigjallërimin dhe dhënin e një impulsi të ri zhvillimeve. Madje, kabineti pasardhës, i kryesuar nga Mehdi Frashëri u quajt ndryshe kabineti i të rinjve.

Qeveria e fundit e Kostaq Kottës, 9 nëntor 1936–7 prill 1939

Mehdi Frashëri paraqet dorëheqjen si kryeministër, pas situatës së krijuar, ku shumë deputetë shprehen të pakënaqur nga politika e brendshme e ndjekur prej tij. Ndërkaq edhe zhvillimet politike ishin të acaruara dhe në Shqipëri trokiti pushtimi fashist italian.

Qeveritë e formuara nga viti 1939 deri në 1944

Qeveria e kryesuar nga Shefqet Vërlaci, 12 prill 1939–3 dhjetor 1941

Pas pushtimit nga Italia më 7 prill 1939, me urdhër të Musolinit ngrihet Komiteti Administrativ i Përkohshëm, gjatë 8-12 prill 1939, një formë qeverisjeje, e kryesuar nga Xhaferr Ypi. Në mbledhjen e Asamblesë Xhaferr Ypi propozon për postin e kryeministrit Shefqet Vërlacin, i cili vinte për herë të dytë në qeveri, ish-vjehrri i Ahmet Zogut.

Qeveria e kryesuar nga Mustafa Kruja, 3 dhjetor 1941–4 janar 1943

Italianët menduan të bënin ndryshime në qeveri, pasi sipas tyre qeveria “Vërlaci” e kishte kryer misionin

Qeveria e kryesuar nga Ekrem Libohova, 18 janar–11 shkurt 1943

Kjo qeveri erdhi pasi qeveria “Kruja” nuk arriti të sillte ndryshimet e premtuara. Kruja jep dorëheqjen, pasi autoritetet italiane nuk pranuan disa nga politikat e tij. Por edhe qeveria e Ekrem Libohovës nuk pati kohë të shpaloste programin e saj.

Qeveria e kryesuar nga Maliq Bushati, 12 shkurt 1943–28 prill 1943

Kjo qeveri pati jetë të shkurt për shkak të konflikteve të kryeministrit në kabinetin e tij.

Qeveria e kryesuar nga Ekrem Libohova, 11 maj 1943–10 shtator 1943

Libohova vjen sërish në krye të qeverisë.

Më 8 shtator kapitullon Italia fashiste. Kryeministri Libohova drejton ato ditë mbledhjen e fundit të qeverisë dhe më pas largohet në Itali. U deklarua rrëzimi i qeverisë “Libohova” dhe u krijua Komiteti i Përkohshëm (KEP), që do të kryente detyrat ekzekutive dhe do të përgatiste zgjedhjet në vend. Zgjedhjet u bënë më 1 tetor 1943.

Qeveria e kryesuar nga Rexhep Mitrovica, 5 nëntor 1943–16 qershor 1944

Pas zgjedhjeve caktohet qeveria e re. Këto zhvillime përkojnë me krijimin e Këshillit Antifashist Nacionalçlirimtar, 28 maj 1944–11 janar 1946, të kryesuar nga Enver Hoxha.

Qeveria e kryesuar nga Fiqri Dine, 18 korrik–28 gusht 1944

Qeveria e kryesuar nga Ibrahim Biçakçiu, 6 shtator–25 tetor 1944

Qeveritë e krijuara gjatë periudhës së diktaturës komuniste 1944–vitet 1991

23 tetor 1944–21 mars 1946. Me forcimin e Këshillit Antifashist Nacionalçlirimtar vjen edhe qeveria e parë e kryesuar nga diktatori Enver Hoxha. Komiteti i formuar në Përmet u shndërrua në Qeveri Demokratike, i kryesuar nga diktatori E. Hoxha

18 mars 1946. Kuvendi Popullor riemëron diktatorin si kryeministër, pas kërkesës së këtij të fundit për dorëheqje për shkak të zhvillimeve të reja politike, dorëheqje që nuk u pranua.

Qeveria e parë e PPSH-së, 22 mars 1946–1 tetor 1948

Kriza e marrëdhënieve sovjeto-jugosllave solli pasoja dhe në Shqipëri dhe në kabinetin qeveritar të saj, i cili pësoi ndryshime disa herë, por gjithnjë të kryesuara nga diktatori Enver Hoxha, respektivisht gjatë viteve:

2 tetor 1948–21 nëntor 1948;

23 nëntor 1948 – 16 nëntor 1949;

17 nëntor 1949 – 4 korrik 1950;

5 korrik 1950 – 5 shtator 1951;

6 shtator 1951 – 9 prill 1952;

10 prill 1952 – 31 korrik 1953;

1 gusht 1953 – 19 korrik 1954.

Mandati i parë qeveritar i Mehmet Shehut, krahu i djathtë i diktatorit Enver Hoxha, 1954–1958

Në korrik të vitit 1954 diktatori Enver Hoxha paraqiti dorëheqjen e qeverisë së tij, me motivacionin “për t’u përqendruar më tepër në punët e Partisë”. Vetë ai propozoi në postin e kryeministrit Mehmet Shehun, krahun e djathtë të tij.

Kabineti “Shehu” ka pësuar disa herë ndryshime, në këto periudha kohore:

20 korrik 1954–5 qershor 1955;

6 qershor 1955–3 qershor 1956;

4 qershor 1956–5 shkurt 1958;

6 shkurt 1958–21 qershor 1958.

Mandati i dytë qeveritar i Mehmet Shehut, 22 qershor 1958–16 korrik 1962

Shehu jep dorëheqjen nga kjo detyrë, por diktatori Enver Hoxha e propozon sërish atë në këtë post.

Mandati i tretë qeveritar i Mehmet Shehut, 1962–1966

Kjo periudhë përkon me prishjen e Shqipërisë me sovjetikët dhe forcimi i marrëdhënieve më Kinën.

Kabineti “Shehu” gjatë këtij mandate pësoi dy herë ndryshime: 23 qershor 1965–16 mars 1966; 17 mars 1966–13 shtator 1966.

Mandati i katërt qeveritar i Mehmet Shehut, 14 shtator 1966–18 nëntor 1970

Mandati i pestë qeveritar i Mehmet Shehut, 19 nëntor 1970–28 tetor 1974

Mandati i gjashtë qeveritar i Mehmet Shehut, 1974–1978

Ky kabinet pësoi dy herë ndryshime: 28 tetor 1974 – 11 nëntor 1976; 12 nëntor 1976 – 26 dhjetor 78.

Mandati i shtatë dhe i fundit qeveritar i Mehmet Shehut, krahut të djathtë të diktatorit, 27 dhjetor 1978–18 dhjetor 1981

Këtë mandat Shehu nuk mundi ta çonte deri në fund për shkak të vetëvrasjes së tij të mistershme. Kjo është periudha pas prishjes së marrëdhënieve me Kinën dhe vetizolimit të Shqipërisë.

Mandati i parë qeveritar i zotit Adil Çarçani, 15 janar 1982–23 nëntor 1982

Mandati i dytë qeveritar i Adil Çarçanit, 23 nëntor 1982–19 shkurt 1987

Kjo qeveri krijohet pas zgjedhjeve të Kuvendit Popullor

Mandati i tretë qeveritar i Adil Çarçanit, 20 shkurt 1987–21 shkurt 1991

Tashmë në krye të PPSH-së është Ramiz Alia. Gjatë këtij mandati qeveria e kryesuar nga Adil Çarçani ka pësuar disa herë ndryshime.

2 shkurt 1989–7 korrik 1990

Me nisjen e ndryshimeve pluraliste të pranverës 1990 dhe krizën e 2 korrikut 1990, kur mijëra banorë u dyndën në dyert e ambasadave, pati një krizë, që reflektoi me ndryshime në kabinetin qeveritar.

Kabineti i ndryshuar:

8 korrik 1990–22 dhjetor 1990;

22 dhjetor 1990–21 shkurt 1991.

Ndryshimet e fundit erdhën si pasojë e ndryshimeve politike, pranimit zyrtar të marrjes fund të monizmit.

Qeveria e re e kryesuar nga Fatos Nano, 22 shkurt 1991–10 maj 1991

Pas rrëzimit të monumentit të Enver Hoxhës më 20 shkurt 1991, Ramiz Alia dekretoi qeverinë e re.

Qeveritë e krijuara pas rënies së komunizmit dhe vendosjes së sistemit demokratik

Qeveria e kryesuar nga Fatos Nano, 11 maj–4 qershor 1991

Nano rizgjidhet sërish për të drejtuar kabinetin qeveritar pas zgjedhjeve të 31 marsit për Kuvendin Popullor dhe zgjedhjes nga Kuvendi më 30 prill të Ramiz Alisë si president i vendit.

Qeveria e stabilitetit e kryesuar nga Ylli Bufi, 11 qershor 1991–6 dhjetor 1991

Kjo qeveri vjen si rezultat i grevës së përgjithshme të punonjësve të vendit.

Qeveria teknike e Vilson Ahmetit, 18 dhjetor 1991–13 prill 1992

Ahmeti ishte ish-ministër në kabinetin “Bufi”. Kjo qeveri krijohet pas mosfunksionimit të kabinetit “Bufi” për shkak të konflikteve mes palëve.

Mandati i parë qeveritar i zotit Aleksandër Meksi, 1992–1996

Kjo qeveri vjen pas zgjedhjeve të reja të 22 marsit 1992 dhe ardhjes në pushtet të forcave të djathta. Kjo qeveri ka pësuar disa herë ndryshime, sipas këtyre periudhave kohore:

13 prill 1992–6 gusht 1993;

7 gusht 1993–3 dhjetor 1994;

4 dhjetor 1994–10 korrik 1996.

Mandati i dytë qeveritar i zotit Aleksandër Meksi, 11 korrik 1996–1 mars 1997

Kjo qeveri vjen pas zgjedhjeve të përgjithshme të 26 majit 1996, kur e djathta sërish ruajti pushtetin.

Qeveria e Pajtimit Kombëtar, e kryesuar nga zoti Bashkim Fino, 11 mars 1997–24 korrik 1997

Ngjarjet e marsit 1997 sollën përmbysje të zhvillimeve. Ardhja e Qeverisë së Stabilitetit ndodhi pas krizës piramidale në vend dhe shpalljes së gjendjes së jashtëzakonshme. Në sjelljen në kontroll të situatës u desh edhe ndihma ushtarake ndërkombëtare. Qeveria e Stabilitetit kishte si detyrë të bashkëpunonte me ndërkombëtarët në vendosjen e rregullit, si dhe të përgatiste vendin për zgjedhjet e parakohshme.

Qeveria e kryesuar nga Fatos Nano, 25 korrik 1997–23 prill 1998

Kjo qeveri vjen pas zgjedhjeve të parakohshme parlamentare të 29 qershorit 1997. Forcat e majta vijnë në pushtet.

Ndryshime në qeverinë “Nano”, 24 prill 1998–28 shtator 1998

Muaji prill 1998 përkon me krizën e qeverisë “Nano”, e cila risjell riformulim të kabinetit të tij. Shumë propozime të tij për ministra të rinj në kabinet rrëzoheshin nga Kuvendi.

Qeveria e kryesuar nga zoti Pandeli Majko, 2 tetor 1998–25 tetor 1999

Si pasojë e konflikteve të ashpërsuar brenda PS-së, por dhe si pasojë e gjendjes së krijuar pas vrasjes së deputetit Azem Hajdari, trysnia mbi qeverinë “Nano” u rrit, duke e detyruar atë të jepte dorëheqjen. PS-ja caktoi Pandeli Majkon si kryeministër.

Qeveria e kryesuar nga Ilir Meta, 28 nëntor 1999–6 shtator 2001

Majko jep dorëheqjen si kryeministër si pasojë e humbjes së tij në zgjedhjet në kongresin e PS-së për kryetar partie.

Mandati i ri qeveritar i zotit Ilir Meta, 6 shtator 2001–29 janar 2002

Kjo qeveri erdhi pas zgjedhjeve parlamentare të 24 qershorit 2001 dhe fitores sërish të së majtës.

Qeveria e kryesuar nga Pandeli Majko, 22 shkurt 2002–25 korrik 2002

Konfliktet brenda vetë partisë në pushtet shtoheshin çdo ditë. Pandeli Majko vjen në krye të qeverisë si rrjedhojë e marrëveshjes së përkohshme brenda palëve në PS, konkretisht pas konflikteve të acaruara Nano–Meta.

Qeveria e kryesuar nga Fatos Nano, 29 korrik 2002–29 dhjetor 2003

Nano vjen sërish në krye të qeverisë, bazuar edhe në hapësirën e lejuar nga statusi i PS-së, sipas të cilit kryetari i partisë duhet të jetë edhe kryeministër. Kështu, qeverisja e shkurtër e Majkos merr fund më 25 korrik. Meta në këtë qeveri mban postin e zëvendëskryeministrit. Në dukje konflikti i brendshëm në PS duket sikur u zgjidh.

Dhjetor 2003–1 shtator 2005, Nano riformulon qeverinë, ku Ilir Meta mbetet jashtë kabinetit. Konflikti Nano–Meta çoi në largimin përfundimtar të këtij të fundit nga PS-ja dhe krijimin e një partie të re të spektrit të majtë. Kabineti i ri i kryesuar nga Nano vazhdon punën deri në zhvillimin e zgjedhjeve të përgjithshme parlamentare më 3 korrik, kur pas 8 vjetve në pushtet të majtët kalojnë në opozitë.

Qeveria e kryesuar nga zoti Sali Berisha, 10 shtator 2005 e në vazhdim

Kjo qeveri erdhi pas fitores të së djathtës shqiptare në zgjedhjet e përgjithshme të 3 korrikut 2005. Në prill 2007 qeveria “Berisha” bën ndryshimet e para në disa ministri për t’u dhënë impulse të reja reformave të gjithanshme të ndërmarra prej saj në shumë fusha jetike për vendin: reforma të thella në luftën kundër krimit të organizuar, trafiqeve, korrupsionit dhe informalitetit, reformave ekonomike në mbështetje të biznesit, reformave në proceset e integrimit te vendit etj. Të gjitha këto nisma të bëra publike që në fushatën elektorale për zgjedhjet e 3 korrikut, ishin dhe arsyeja e mbështetjes së gjerë popullore dhe votës “pro” të së djathtës shqiptare në këto zgjedhje.

http://www.tiranaobserver.com.al/al/index.php?option=com_content&task=view&id=10674&Itemid=42

Zbulohen emrat, ja kush do jenë ministrat e qeverisë së re

Shkruar nga Elisabeta Dosku

e hënë , 13 korrik 2009

Ministritë që i takojnë LSI-së, PR-së dhe ndryshimet e tjera në kabinet: Sali Berisha kryeministër, Lulzim Basha zëvëndës i tij, Jozefina Topalli ministre e Jashtme dhe Ilir Meta kryetar i Kuvendit. Katër ministritë që do të marrë LSI-ja dhe kush do të jenë ministrat e rinj të PD-së dhe ata që largohen. Zbulohet qeveria PD-LSI ideuar ditët e fundit.Qeveri me bazë të gjerë! Kjo do të jetë pikënisja e kreut demokrat, e cila do të hedhë “themelet” e kabinetit që do të qeverisë edhe për katër vitet e ardhshme. Surprizë në themelimin e kësaj qeverie është përfshirja e një force të majtë në të, si LSI-ja, së cilës do t’i takojë një numër i konsiderueshëm i portofolash ministrorë. Po kështu qeveria do të ketë në përbërjen e saj edhe Partinë Republikane, e cila ka qenë në kabinet edhe mandatin e shkuar. Por ajo që të bie në sy është një gërshetim i figurave që kanë qenë ekzistentë në qeverisje me figura të reja dhe të zgjedhura për herë të parë nga populli. Nga burime brenda selisë blu dhe nga fjalët që qarkullojnë në korridoret e selive, gazeta “Tirana Observer” ka mundur të zbulojë emrat e ministrave që do të formojnë qeverinë “Berisha”. Ndërsa kreu demokrat ka bërë të ditur se emrat zyrtarë do të bëhen publikë në 10-ditëshin e fundit të muajit gusht.

Kabineti
“Komandanti” i kabinetit të ri ekzekutiv do të jetë kreu i PD-së, Sali Berisha. Dhe mësohet që zëvendëskryeministër do të bëhet ish-ministri i Jashtëm, Lulzim Basha. Ndërkohë që katër portofola ministrorë t’ marrë Lëvizja Socialiste për Integrim, e cila do të qeverisë bashkë me Partinë Demokratike. Kështu, në krye të Ministrisë së Integrimit pritet të jetë përfaqësuesi i LSI-së, Edmond Haxhinasto; ministër i Shëndetësisë, Petrit Vasili; ministër i Energjetikës, Dritan Prifti; dhe në krye të Ministrisë së Brendshme do të vihet Sokol Dervishaj. Ndërkaq, që ish-kryetarja e Kuvendit, Jozefina Topalli, do të udhëheqë Ministrinë e Jashtme, pasi në vendin e saj do të jetë kreu i LSI-së, Ilir Meta. Tek Ministria e Financave, Ekonomisë, Bujqësisë dhe Transporteve nuk do të ketë ndryshime, në krye të tyre do të jenë të njëjtët ministra që janë në qeverinë aktuale.
Ndryshimet
Duket se kabineti i ri qeveritar do të ketë shumë ndryshime si në përbërje ashtu edhe në format. Kështu, disa ministri janë ndarë për të formuar dy ministri të ndryshme. Ministria e Turizmit, Kulturës, Rinisë dhe Sporteve është ndarë në Ministrinë e Kulturës, Rinisë dhe Sporteve me në krye Majlinda Bregun, si edhe në Ministrinë e Turizmit me në krye Albana Vokshin. Gjithashtu edhe Ministria e Ekonomisë, Tregtisë dhe Energjetikës do të ndahet në Ministrinë e Ekonomisë me në krye Genc Rulin dhe në Ministrinë e Energjetikës të kryesuar nga Dritan Prifti. Në krye të Ministrisë së Mbrojtjes pritet të jetë Genc Pollo, i cili do të zërë vendin Gazmend Oketës dhe në Ministria e Arsimit pritet t’i jepet Myqerem Tafajt, një nga këshilltarët e Berishës për arsimin. Ministër i Punës dhe i Shanseve të Barabarta pritet të jetë Spiro Ksera dhe ministër Mjedisi, Fatmir Mediu. Ndërkohë që Ilir Rusmali do t’i rikthehet sërish Ministrisë së Drejtësisë.

Sali Berisha
Ashtu sikurse askush nuk e mendon dot ndryshe, Sali Berisha do të jetë sërish udhëheqësi i “ushtrisë” së tij qeveritare. Ashtu sikurse e ka deklaruar dhe vetë, Berisha nuk do të heqë dorë nga politika vetëm kur “ta thërrasë Zoti”. Jo vetëm që nuk është i lodhur, por, për më tepër fitorja i ka dhënë plot energji të reja për të qenë në krye të ekzekutivit.
Lulzim Basha
Ministër i Transporteve, më pas ministër i Jashtëm e tashmë do ta shohim në një këndvështrim të ri, zëvendëskryeministër. E kush më mirë se Lulzim Basha mund të ishte zëvendësuesi i kryeministrit Berisha? Ky është një post që do të afrojë edhe më tej marrëdhënien dhe bashkëpunimin midis tyre.
Jozefina Topalli
Jemi mësuar ta shohim gjithnjë në krye të Parlamentit Shqiptar. Jemi mësuar ta shohim si “komandanten” e 140 ligjvënësve. Por tashmë duket se posti i saj do të ndryshojë. Ajo do të vihet në krye të Ministrisë së Jashtme, ndërsa mësohet se në postin e kryetarit të Kuvendit do të jetë kreu i LSI-së, Ilir Meta.
Petrit Vasili
Një ish-zëvendësministri i Shëndetësisë do t’i shkonte shumë përshtat portofoli i ministrit të saj. Petrit Vasli, sekretar i Përgjithshëm i Lëvizjes Socialiste për Integrim, pritet të kryesojë një nga ministritë më të rëndësishme në vend, e cila kërkon një reformim të gjithanshëm.
Sokol Dervishaj
Edhe një tjetër ministri e rëndësishme, si Ministria e Brendshme, pritet të kryesohet nga përfaqësues të Lëvizjes Socialiste për Integrim. Sokol Dervishaj, aktualisht kryetar i Këshillit Bashkiak, në Bashkinë e Tiranës, pritët të bëhet ministër i Brendshëm.
Genc Pollo
Nga ministër i Arsimit, pas reformimit të qeverisë “Berisha” u bë zëvendëskryeministër. Tashmë do të mësohemi ta shohim në krye të Ministrisë së Mbrojtjes, e cila aktualisht i takon Gazmend Oketës. Pollo ka kryesuar listën e kandidatëve për deputetë në qarkun e Beratit, ku Partia Demokratike ka fituar 3 mandate.
Edmond Haxhinasto
Integrimi ka qenë një ndër pikat më të klikuara të Lëvizjes Socialiste për Integrim. Dhe kush më mirë se LSI do ta udhëhiqte dikasterin e Integrimit. Kështu, në krye të Ministrisë së Integrimit, që aktualisht i takon Majlinda Bregut, do të vihet përfaqësuesi i LSI-së, Edmond Haxhinasto.
Ridvan Bode
Për katër vite me radhë e kemi parë në krye të Ministrisë së Financave. Ndërkohë që dhe për katër vitet e ardhshme do të jetë sërish në krye të kësaj ministrie. Ridvan Bode është një nga ministrat më të qëndrueshëm dhe korrektë të kabinetit qeveritar “Berisha”, i cili nuk do t’i lërë me kaq angazhimet dhe reformat në fushën financiare.
Genc Ruli
Genc Ruli ka drejtuar për katër vite Ministrinë e Ekonomisë, Tregtisë dhe Energjetikës dhe ndërkaq në katër vitet e ardhshme pritet të jetë vetëm në krye të Ministrisë së Ekonomisë, pasi Ministria e Energjetikës do të jetë një portofol ministror më vete dhe do të drejtohet nga një tjetër ministër.
Dritan Prifti
Dikasteri i Energjetikës, që aktualisht është e bashkëngjitur me Ministrinë e Ekonomisë, do të jetë ministri më vetë, e cila do të drejtohet nga deputeti i Lëvizjes Socialiste për Integrim, Dritan Prifti. Ndërkohë që Prifti ka drejtuar Ministrinë e Energjetikës në kohën kur në krye të ekzekutivit ka qenë Ilir Meta.
Ilir Rusmali
Deputeti i Partisë Demokratike, Ilir Rusmali, ka qenë përreth dy vjet në krye të Ministrisë së Drejtësisë. Pasi dha dorëheqjen nga ky post, duket se Rusmalit do t’i besohet sërish drejtimi i Ministrisë së Drejtësisë për katër vitet e ardhshme. Rusmali është njohës i mirë i ligjeve dhe funksionimit të kësaj ministrie.
Sokol Olldashi
Nga Ministria e Brendshme kaloi në Ministrinë e Transporteve. Duket qartë, se Olldashit i përshtatet më së miri ky portofol ministror, pasi mësohet se edhe në kabinetin e ri qeveritar do të drejtojë Ministrinë e Transporteve.
Myqerem Tafaj
Myqerem Tafaj, një nga këshilltarët më të besuar dhe më të vjetër të kryeministrit Sali Berisha për arsimin, tashmë do të jetë në krye të Ministrisë së Arsimit. Kjo është fusha për të cilën ai ka këshilluar për vite me radhë kryeministrin Berisha.
Jemin Gjana
Ministria e Bujqësisë nuk do të ketë asnjë ndryshim për sa i përket drejtimit të saj. Për katër vite ky dikaster është drejtuar nga ministri Jemin Gjana, ndërkohë që mësohet se edhe për këtë mandat katërvjeçar, kjo ministri do t’i besohet sërish Jemin Gjanës.
Majlinda Bregu
Pas ish-ministres Arenca Trashani, Ministria e Integrimit është përfaqësuar nga Majlinda Bregu, e cila përveç portofolit ministror, është zëdhënëse e qeverisë, si edhe ka qenë zëdhënëse e fushatës elektorale të PD-së. Tashmë Bregu pritet të jetë në krye të Ministrisë së Kulturës, e cila aktualisht drejtohet nga ministri Ardian Turku.
Albana Vokshi
Albana Vokshi është një ndër personat më të besuar të kryeministrit Berisha, këshilltare dhe shefe kabineti. Vokshi do të marrë drejtimin e Ministrisë së Turizmit, e cila do të jetë ë ndarë nga dikasteri i Kulturës, Rinisë dhe Sporteve.
Spiro Ksera
Ministria e Punës, Çështjeve Sociale dhe Shanseve të Barabarta tashmë do të drejtohet nga Spiro Ksera. Më parë kjo ministri ka qenë e drejtuar nga Kosta Barka, i cili u detyrua të japë dorëheqjen dhe aktualisht drejtohet nga ministri Viktor Gumi. Ksera ka qenë prefekt në qarkun e Gjirokastrës.
Fatmir Mediu
Ish-ministri i Mbrojtjes, Fatmir Mediu, pas dorëheqjes nga ky dikaster, tashmë do të vendoset në krye të Ministrisë së Mjedisit, e cila aktualisht drejtohet nga ministri Lufter Xhuveli. Megjithëse Mediu është vënë nën hetim nga prokuroria, si duket sërish do të jetë në përbërje të qeverisë së re.

Kryeministër - Sali Berisha
Zëvendëskryeministër - Lulzim Basha
Ministre e Jashtme - Jozefina Topalli
Ministër i Shëndetësisë - Petrit Vasili
Ministër i Brendshëm - Sokol Dervishaj
Ministër i Mbrojtjes - Genc Pollo
Ministër i Integrimit - Edmond Haxhinasto
Ministër i Financave - Ridvan Bode
Ministër i Ekonomisë - Genc Ruli
Ministër i Energjetikës - Dritan Prifti
Ministër i Drejtësisë - Ilir Rusmali
Ministër i Transporteve - Sokol Olldashi
Ministër i Arsimit - Myqerem Tafaj
Ministër i Bujqësisë - Jemin Gjana
Ministre e Kulturës - Majlinda Bregu
Ministre e Turizmit - Albana Vokshi
Ministër i Punëve dhe Shanseve të Barabarta - Spiro Ksera
Ministër i Mjedisit - Fatmir Mediu

http://www.gazeta55.net/index.php?kat=politike&artikulli=7240

POLITIKË

Topalli, kryeparlamentarit të BE-së: Shqiptarët e meritojnë të jenë pjesë e familjes europiane

15-07-2009 / Gazeta 55

Kryetarja e Kuvendit, Jozefina Topalli, në një mesazh urimi drejtuar të martën Presidentit të ri të Parlamentit Europian, Jerzy Buzek, thekson se "qytetarët shqiptarë meritojnë të jenë pjesë e familjes europiane"

Zyra e shtypit e Kuvendit bëri të ditur se në mesazhin e urimit drejtuar z. Buzek, Kryetarja e Kuvendit, pasi e uron për zgjedhjen në postin e Presidentit të Parlamentit Europian, evidenton arritjet dhe progresin e jashtëzakonshëm të bërë nga Shqipëria kohet e fundit. "Ajo është sot anëtare me të drejta të plota e NATO-s. Falë reformave të gjithashme, ekonomike e ligjore ne arritëm të përmbyllim fazën e ratifikimit të MSA-së në një kohë rekord, duke bërë të mundur në prill dorëzimin e kërkesës për statusin e vendit kandidat në BE", thuhet në mesazh. Sipas saj, "pajisja e qytetarëve me kartat e identitetit, nisja e procesit të pajisjes me pasaportat biometrike, por edhe rezultatet e qarta në luftën ndaj krimit e korrupsionit, janë hapa që tregojnë vullnetin tonë maksimal për përmbushjen e aspiratës europiane të shqiptarëve". "Qytetarët shqiptarë janë dhe ndihen qytetarë të Europës. Ata meritojnë të jenë pjesë e familjes europiane dhe për realizimin e kësaj ëndrre ne besojmë fort në mbështetjen Tuaj, i nderuar zoti Buzek, edhe për faktin se ju vini nga një vend që e kupton më së miri këtë aspiratë", thuhet në mesazhin e Kryetares së Kuvendit, Jozefina Topalli, drejtuar Presidentit të sapozgjedhur të Parlamentit Europian, Jerzy Buzek. Më 13 Korrik, Jerzy Buzek, 69 vjeç, ish-kryeministër i Polonisë, u zgjodh në postin e Presidentit të Parlamentit Europian. Si kryeministër i një koalicioni qeveritar nga vitet 1997-2001, Buzek drejtoi refomat në Poloni në sistemin e pensioneve, sektorin e shëndetësisë, arsim dhe administratën publike.

Berisha:Koalicioni me Metën, edhe për zgjedhjet lokale dhe presidentin

Kryeministri Sali Berisha deklaroi mbrëmë, se marrëveshja me Ilir Metën dhe Lëvizjen Socialiste për Integrim do të jetë 4-vjeçare dhe do të përfshijë edhe bashkëpunimin për zgjedhjet vendore. Referuar kësaj deklarate të kryeministrit, në zgjedhjet e ardhshme vendore Lëvizja Socialiste për Integrim do të renditet si parti e kampit të djathtë, për të konkurruar për komunat dhe bashkitë e vendit. Megjithatë, kreu i qeverisë nuk shpjegoi mbrëmë, në rast se në marrëveshje për këto zgjedhje bashkëpunimi me LSI-në do të parashikojë edhe lënien e zonave të lira për kandidatët e propozuar nga Ilir Meta apo do të ketë konkurrim, ku sërish PD-ja do të japë mbështetjen e saj për kandidatët e LSI-së. Po ashtu, Berisha tha se bashkëpunimi me Metën përfshin edhe zgjedhjet presidenciale të vitit 2011, ku do të duhen 71 vota për të zgjedhur presidentin e ri të vendit. Këto deklarata Berisha i bëri në emisionin “Opinion” të gazetarit Blendi Fevziu, ku tha se ka nisur negociatat direkte me kreun e LSI-së, Ilir Meta, por që vendimet përfundimtare për marrëveshjen do të bëhen publike në dhjetëditëshin e fundit të muajit gusht. Pavarësisht se para zgjedhjeve kishte deklaruar se do të shkurtonte numrin e ministrive, duke e çuar atë nga 14 në 12, kësaj herë Berisha tha se kjo varet nga kërkesat e koalicionit. Megjithatë, sikurse tha Berisha, kësaj here në qeveri do të ketë më shumë gra, kjo edhe për faktin se këtë ia kishte këshilluar kryeministri italian, Silvio Berluskoni, gjatë telefonatës së urimit dy ditë më parë. “Do të diskutohet se sa ministri do të jenë. Është çështje e negociatave. As unë nuk e di kush do të jetë në qeveri, sepse do të përcaktohet koalicioni”, tha Berisha.

Projektet me Metën

Kryeministri Sali Berisha tha se, edhe në rast se nuk do të ishte i detyruar, sërish do të lidhte koalicion paszgjedhor me Lëvizjen Socialiste për Integrim të Ilir Metës. “Edhe sikur të kisha 73 deputetë, sërish do të afroja në koalicion Lëvizjen Socialiste për Integrim. Nuk ishte absolutisht vendim i parapërcaktuar. Është domosdoshmëri. Nëse nuk do të ekzistonte LSI-ja, unë po deklaroj se në mënyrë absolute do t’i drejtohesha PS-së”, tha Berisha, duke shtuar se nuk kishte marrë telefonatën që priste nga lideri i Partisë Socialiste, Edi Rama. Ndërkaq, duke komentuar bashkëpunimin programor me Metën, Berisha tha se bashkëpunimi parashikon avancimin e reformave integruese, por edhe ndryshimin e Kodit Zgjedhor, në mënyrë që t’i jepet LSI-së komisioneri për zgjedhje. Nga ana tjetër, duke shpjeguar bashkëpunimin personal, Berisha u shpreh i bindur se marrëdhëniet me Metën do t’i kishte shumë të mira. Ndërkaq, i pyetur nëse në këtë bashkëpunim për 4 vitet e ardhshme është projektuar edhe ish-kryeministri Fatos Nano, kreu demokrat e mohoi, duke thënë se nuk ka punë me qeverinë, por me Partinë Socialiste. “Nano nuk është i projektuar në këtë koalicion. PS-ja nuk është e projektuar, por është e ftuar të bashkëpunojë. Nano ka punë me PS-në, nuk ka punë në qeverisje”, tha Berisha.

Projektet

Kryeministri Berisha foli edhe për prioritetet kryesore të 4 viteve të ardhshme, ku përveç premtimeve programore, ai zbuloi edhe projektin e tij, i cili me shumë gjasa do të bëhet objekt diskutimesh dhe përplasjesh të mëdha. Berisha tha se do të ndryshojë statusin e “Unazës së madhe” të Tiranës, duke e kthyer atë në rrugë kombëtare, me qëllim që më pas të ketë mundësi qeveria që të bëjë investimin përkatës për ndërtimin e saj. Sipas Berishës, ky nuk është një cënim i kompetencave të Bashkisë së Tiranës, për shkak se më shumë se gjysma e saj kalon nëpër komunat e Tiranës dhe Bashkia e Tiranës nuk ka kapacitete investuese. “Unaza e Tiranës kërkon 400 milionë euro minimumi. Kemi përfunduar projektin. Edhe sikur të bëhen të gjitha bashkitë e mëdha bashkë, nuk do ta bënin dot, se nuk ka kapacitete. E kemi caktuar që do të jetë rrugë kombëtare”, tha Berisha. Po ashtu, projekti tjetër i Berishës për vitin e ardhshëm ishte pikërisht ai i pajisjes së qytetarëve me pasaportat biometrike, ku pritet që të nisë një fushatë e ngjashme me ato të kartave të identitetit. Sipas Berishës, kjo bëhet, për shkak se pasaportat biometrike janë një kusht kryesor për liberalizimin e vizave. Berisha tha se, në rast se nuk do të ketë fluks të madh në aplikimin për pasaporta biometrike, atëherë do të ndiqet një rrugë më e ashpër, ajo e mosnjohjes së pasaportave të vjetra, të cilat do të nxirren me ligj nga qarkullimi dhe njohja vetëm e pasaportave biometrike.

http://www.korrieri.com/Sport/2270.html 15/07/2009

Agim Fagu zgjidhet kreu i ri i KOKSH-it

Mjeshtri i merituar i sportit, ish-basketbollisti kombëtares, Agim Fagu, është zgjedhur president i ri i KOKSH-it në mënyrë unanime. Në Asamblenë e 14-të të Përgjithshme të KOKSH-it, të organizuar dje në ambientet e hotel “Sheraton”, Fagu ka marrë 61 vota nga 62 pjesëmarrës, ku vetëm një votë është shpallur e pavlefshme. Fagu ishte i vetëm në konkurrimin për president të KOKSH-it, pasi kandidatura e Esat Ademit u hodh poshtë nga komiteti ekzekutiv i KOKSH-it, “për arsye të shkeljes së etikës nga ana e tij në Asamblenë Zgjedhore të datës 6 dhjetor 2008”. Presidenti i Federatës së Peshëngritjes, Esat Ademi, ka kërkuar sqarim mbi mospranimin e kandidaturës së tij për president, por njëkohësisht i ka uruar suksese Agim Fagut në rolin e presidentit të ri të KOKSH-it. “Jam i gatshëm për bashkëpunim me drejtuesit e rinj, dhe do të vazhdoj të kontribuoj për sportin, pavarësisht ngjarjeve të fundit”, u shpreh Ademi. Ndërsa presidenti i ri i KOKSH-it, Agim Fagu, shpalosi projektet e tij të reja për KOKSH-in. “Dua të falënderoj të gjithë përfaqësuesit e federatave që më votuan në mënyrë unanime dhe shpresoj të jem në lartësinë e duhur. Mendoj që në fillim të rishikoj, ndryshoj apo plotësoj statutin e KOKSH-it, i cili duhet të mishërojë cilësitë e statuteve ndërkombëtare, pasi kjo qe edhe një nga kërkesat e asamblesë së sotme. Ndërkohë një projekt tjetër është futja në procesin arsimor të programeve të reja mbi sportin dhe kjo mund të arrihet me ndihmën e Ministrisë së Arsimit dhe Komitetit Olimpik Ndërkombëtar (CIO). Do të kërkoj bashkëpunim me CIO-n për të promovuar parimet themelore të olimpizmit në vendin tonë”. Ndërkohë që në rolin e sekretarit të Përgjithshëm u rizgjodh kandidatura e vetme, Stavri Bello, i cili mori 57 vota pro, 4 kundra dhe 1 votë u shpall e pavlefshme. Ndërsa ish-presidenti i KOKSH-it, Hysen Domi, u shpall president nderi i KOKSH-it, pas propozimit të sekretarit Stavri Bello. I pranishëm në këtë asamble ishte dhe përfaqësuesi i Ministrisë së Turizmit, Kulturës, Rinisë dhe Sporteve, Vasil Bici, si dhe përfaqësuesit e Komiteti Olimpik Ndërkombëtar.

http://www.korrieri.com/Sport/2272.html

Turku: Bello të vërtetojë kërcënimet

Ministri i Turizmit, Kulturës, Rinisë dhe Sporteve, Ardian Turku, përgënjeshtroi dje pretendimet e djeshme të sekretarit të Përgjithshëm të KOKSH-it, Stavri Bello, për presione e kërcënime për të mos mbledhur asamblenë e sotme të KOKSH-it. Ministri Turku, në një konferencë për shtyp, tha se nuk ka bërë asnjë telefonatë apo kërcënim ndaj sekretarit të KOKSH-it, duke kërkuar bërjen publike të kësaj telefonate nëse ekziston. “Nuk kam pasur asnjë lloj telefonate dhe asnjë lloj kontakti me zotin Bello. E ftoj që ai të kërkojë me burrëri zbardhjen e kësaj bisede telefonike dhe bërjen publike për mediat. Dhe atëherë do të më duhet të kërkojë falje publike me përgjegjësi qytetare dhe shtetërore. Nuk ka pasur asnjë punonjës të ministrisë apo Drejtorisë së Sporteve që t’i kërkohet apo t’i ushtrohet presion për të mos vajtur në këtë mbledhje”, u shpreh ministri Turku.