Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

PROGRAMI ELEKTORAL I PLL PER ZGJEDHJET E 28 QERSHORIT 2009

Zgjedhjet e 28 qershorit 2009 përbëjnë një sfidë të madhe për shoqërinë shqiptare.  Tashmë sistemi i ri elektoral proporcional rajonal dhe kodi i ri zgjedhor ndryshojnë në mënyrë thelbësore nga e kaluara dhe krijojnë një eksperiencë të re për popullin dhe klasën politike.  Nuk ka dyshim se shumë parti duhet të përballojnë më shumë vështirësi me sistemin dhe kodin e ri, por roli i tyre mbetet i rëndësishëm madje mund të jetë vendimtar në fitoren e njërit apo tjetrit krah politik.  Në këtë kuadër partitë tradicionale që gëzojnë një elektorat konservator dhe tërësisht të pozicionuar në të djathtën e spektrit politik mund të japin një kontribut të çmuar në përballjen e sfidës së 28 qershorit që për PLL kuptohet si vijon : vazhdimi i reformave dhe i zhvillimit të vendit me orientimin e djathtë dhe konservator që sjell PLL, apo kthimi në pushtet i të majtës me të gjitha të këqijat që rrezikon t’i sjellë vendit.

Partia “Lëvizja e Legalitetit” synon të luaje një rol të rëndësishëm për vendin duke u nisur nga eksperienca dhe tradita e saj qeverisëse gjatë periudhës së Mbretërisë Shqiptare para Luftës së Dytë Botërore por edhe duke u bazuar tek intelektualët e saj dhe ne programin tonë dhe në vlerat që ai përfaqëson.

Natyrisht, Shqipëria është në një situatë krejtësisht të ndryshme nga ajo në të cilën gjendej ne vitet 90 dhe ne fillimin e viteve 2000 :

·        Reforma te suksesshme janë ndërmarrë

·        Investime në infrastrukturë janë realizuar

·        Anëtarësimi në NATO është bërë realitet

Por ka akoma shumë për të bërë për të arritur nivele të kënaqshme zhvillimi dhe përafrimi në standarde me vendet e ish-Evropës Lindore.

Shqipëria ka potenciale të lakmueshme që përbëjnë themelet e një zhvillimi të mundshëm :

·        Popullsi të re, të arsimuar, dinamike, energjike dhe ndërmarrëse

·        Pozicion gjeostrategjik që i jep mundësi të luaje një rol të rëndësishëm në rajon

·        Resurse minerale të pafund

·        Mundësi konkurruese prodhimi

·        Tradita fisnike të bazuara në familjen, nderin, besimin në një Zot

·        Diversitet i shoqërisë në aspekte krahinore, fetare, kulturore

Duke u nisur nga këto potenciale dhe duke marrë parasysh specifikat e PLL në skenën politike shqiptare si partia më e vjetër, që përfaqëson një shtresë dhe një sistem që ka qeverisur vendin para LDB por edhe një shtresë që ka vuajtur persekutimet, internimet, ekzilin e brendshëm dhe të jashtëm vetëm sepse nuk pranonin sistemin antishqiptar sllavo-komunist, si dhe donin që Shqipëria të qeverisej nga Shqiptarët dhe për Shqiptarët, PLL e sheh të nevojshme që të japë kontributin e saj për fitoren e forcave të djathta në zgjedhjet e 28 qershorit 2009.  Specifikat tona, PLL i ofron për të pasuruar të djathtën pa marr parasysh konjunktura dhe interesa individuale apo të përkohshme.

Një nga parimet e PLL është motoja e Mbretit Zog : “Atdheu mbi të gjitha”.

PLL bazohet në kapacitetet njerëzore dhe intelektuale më të spikatura të vendit tonë për të ofruar një qeverisje në dobi të interesave të vendit, kombit dhe popullit shqiptar, brenda dhe jashtë kufinjve politik.

Objektivi i PLL është të zhvillojë ndjenjën e ndërgjegjes kombëtare, qytetarisë, traditës, vëllazërimit, punës, përkushtimit dhe krenarisë së të qënurit Shqiptar duke pasur një qeverisje dhe një program qeverisës, që do të realizojë zhvillimin, mirëqenien, integrimin  evropian, rritjen e rolit të faktorit shqiptar në rajon, etj.

Para së gjithash, PLL mendon se duhet rikthyer besimi i popullit në vetvete dhe në qeverisje, duke luftuar fenomenet si korrupsioni, nepotizmi, klientelizmi, padrejtësitë, degjenerimin dhe amoralitetin.

Koncepti i PLL është të përballë të gjitha problemet e shoqërisë dhe t’u japë një zgjidhje të drejtë, përfundimtare dhe afatgjate pa marr parasysh interesat e momentit, por duke u bazuar vetëm në parimet e drejtësisë dhe ligjshmërisë, në interesin e vendit dhe mbrojtjen e interesave kombëtare dhe duke pasur si objektiva kryesore :

·        Rritjen e mirëqenies për të gjithë

·        Dhënien e shanseve të barabarta

·        Mbrojtjen e shtresave më në nevojë

·        Riparimin e padrejtësive

·        Stimulimin e biznesit vendas

·        Mobilizimin e resurseve njerëzore dhe fizike të vendit për të rritur prodhimin

·        Funksionimin e shtetit të së drejtës

·        Funksionimin optimal të administratës

·        Mirëkuptimin ndërmjet subjekteve të ndryshëm

·        Rritjen e interesimit të qytetarëve dhe organizatave jo-qeveritare në administratën publike dhe rritjen e sinergjive ndërmjet administratës shtetërore dhe shoqërisë

·        Transparencën e plotë në të gjitha drejtimet e qeverisjes

·        Eliminimin e problemeve kronike të Shqipërisë

·        Zgjidhjen realiste dhe moderne të problemeve të shoqërisë

·        Anëtarësimin në BE

PLL beson se Shqipëria ka potenciale të mëdha, dhe se një qeverisje e ndershme dhe në interes të vendit është sa e nevojshme aq dhe e mundshme.

PLL ka besimin se çdo gjë do të jetë më mirë me ne, me ndihmën e të madhit Zot.

Parimet demokratike, politike dhe shteti i së drejtës

Duke marrë parasysh përvojën e hidhur të shtetit dhe popullit shqiptar nën sundimin e diktaturës komuniste për më tepër se 4 dekada, por edhe duke konsideruar se tranzicioni drejt një shteti demokratik të mirëfilltë ka zgjatur më shumë se sa populli kishte të drejtë të priste dhe se sot vihen re probleme që lidhen me parimet bazë të demokracisë, PLL ka për qëllim të kontribuojë në mënyrë aktive për zhvillimin e gjithanshëm të të drejtave të shtetasve dhe të shtetit të së drejtës.

PLL konsideron se të drejtat dhe liritë e njeriut janë një fitore që në asnjë kohë dhe asnjë vend dhe për askënd nuk mund të vihen në rrezik.  Pavarësisht angazhimeve ndërkombëtare të shtetit shqiptar në organizata të ndryshme ndërkombëtare (konventa) si dhe ligjeve në fuqi në vend, PLL konsideron se rritja e niveleve të të drejtave dhe lirive të njeriut nuk mund të vendoset vetëm në bazë të detyrimeve ndërkombëtare apo të brendshme ose në bazë të strukturave të ndryshme, por kryesisht sepse populli shqiptar, si një popull i qytetëruar dhe i vjetër në Evropë, i meriton këto të drejta dhe sepse ky është një detyrim që i lind shtetit ndaj shtetasve të vet.

Standardet bazë janë sigurisht të përfshirë në konventat ndërkombëtare dhe të ratifikuara nga Shqipëria, veçanërisht në Deklaratën Universale e të Drejtave të Njeriut, Konventën Evropiane për të Drejtat e Njeriut, Aktin Final të Helsinkit, etj...

Për të rritur nivelet e përparimit në drejtimin e lirive dhe të drejtave të njeriut, PLL zotohet që të forcojë bashkëpunimin ndërmjet shtetit dhe organizatat jo-qeveritare si dhe specialistët e pavarur dhe grupet e interesit aktiv në këtë fushë.

PLL zotohet që gjatë mandatit të ardhshëm qeverisës, se do t’i kushtojë vëmendje të veçantë këtyre fushave :

Demokracia

PLL është e vendosur të krijojë kushtet për një bashkëjetesë reale të këtyre pushteteve, si dhe në harmoni të plotë më njëri-tjetrin.

Si hap të parë në këtë drejtim, PLL synon që brenda një mandati qeveritar të sanksionohet me kushtetutë që pushteti legjislativ të jetë tërësisht i ndarë nga ai ekzekutiv.

Nisur nga parimi se “pala nuk mund të jetë edhe gjyqi, dhe anasjelltas” dhe duke pasur bindjen se parlamentarizmi dhe demokracia janë të pandara, PLL do të sanksionojë papajtueshmërinë dhe konfliktin e interesit ndërmjet funksionit të deputetit dhe ministrit.

Pavarësia e gjyqësorit përbën një tjetër shtyllë të demokracisë dhe PLL synon të rrisë këtë pavarësi, duke i dhënë pushtetit gjyqësor të gjitha mundësitë ligjore për ushtrimin e kompetencave të veta dhe duke e mbrojtur nga ndërhyrjet e pushteteve të tjera qofshin institucione, media, grupe të interesit, etj...

Por Gjyqësori nuk mund të jetë një pushtet sipër pushteteve të tjera ose një kundërpushtet.  Pasi drejtësia bëhet në emër të ligjit, gjyqësori duhet të veprojë vetëm në kuadër të ligjeve që përfaqësuesit e popullit kanë miratuar në Parlament.

Duke marrë parasysh gjithashtu se, me kodin e ri zgjedhor, deputetët dalin nga listat e partive politike, PLL do t’i kushtojë një rëndësi të veçantë parandalimit të trafikimit të mandateve.  PLL do të iniciojë një ligj për heqjen ose humbjen e mandatit të deputetit në raste flagrante të trafikimit të mandatit.

Sistemi politik

Sistemi është bërë shpesh herë një subjekt diskutimesh dhe debatesh në shoqërinë shqiptare ku roli dhe opinioni i historianëve dhe ekspertëve të drejtësisë ka qenë në shumicën e rasteve jo objektiv, por i orientuar politikisht.

Referendumi i 29 qershorit 1997 dha provën se Monarkia dhe Mbreti Leka përfaqësojnë institucionin që gëzon shumicën e votave të shqiptarëve por fatkeqësisht rezultati i atij referendumi u manipulua nga qarqe dhe për qëllime të errëta anti-shqiptare.

PLL zotohet që të ndjekë me vendosmërinë më të madhe qëllimin e saj specifik, për organizimin e një referendumi të ri, në kohën e përshtatshme, ku do të vendosët përfundimisht dhe realisht sistemi Monarkik apo Republikan, me vullnetin e lirë të vetë shqiptarëve.

Natyrisht, PLL është e përcaktuar dhe e bindur se sistemi që i përshtatet më së miri kushteve të vendit, popullit dhe kombit shqiptar është monarkia e cila gëzon edhe legjitimitetin historik dhe juridik.

Dekomunistizimi

PLL është e ndërgjegjshme se për ti shërbyer zhvillimit të vendit dhe uljes së tensioneve politike dhe shoqërore, Shqipëria ka nevojë që të mbyllë një herë e përgjithmonë faqen e historisë së errët komuniste.

PLL është e vendosur që gjatë mandatit të ardhshëm të realizohen këta synime :

·        Të dënohet zyrtarisht sistemi komunist

·        Të dalin para drejtësisë ideatorët e sistemit komunist në Shqipëri

·        Të dalin para drejtësisë autorët e luftës civile gjatë Luftës Dytë Botërore që vranë dhe persekutuan mijëra patriot nacionalist

·        Të dalin para drejtësisë aparatçikët e periudhës së diktaturës komuniste

·        Të dalin para drejtësisë, rast pas rasti, të gjithë ata që ushtruan dhunë fizike ose psikologjike në popull gjatë periudhës së diktaturës komuniste

·        Të dëmshpërblehen dhe rehabilitohen të gjitha viktimat e diktaturës komuniste

Natyrisht, PLL nuk interesohet për fatin e ish-pushtetarëve komunistë që dënoheshin sa herë që bëhej luftë brenda llojit pasi ata kishin qenë më parë pjesë e atij sistemi diktatorial anti-shqiptar dhe vëllavrasës.

Për PLL, dënimi i sistemit komunist duhet të marrë parasysh edhe efektet negative dhe pasojat e atij sistemi.

PLL është e mendimit se duhet verifikuar edhe pasuritë e ish-pushtetarëve komunistë dhe të familjarëve të tyre, në rastet kur dyshohet se këto pasuri janë siguruar falë lidhjeve të tyre me pushtetin komunist.

Po ashtu, PLL do të krijojë kushtet për rishkrimin e historisë dhe ndryshimin e teksteve shkollore, për ti ndërgjegjësuar brezat e rinj dhe të ardhshëm për dëmet e mëdha që periudha komuniste dhe sistemi i tij i sollën vendit tonë.

Natyrisht, PLL do të materializojë këta objektiva duke bashkëpunuar me grupet e interesit, shoqatat përkatëse dhe klasën politike me qëllim që kjo fazë e historisë tonë të mos diskutohet më në të ardhmen.

Rehabilitimi i viktimave të komunizmit

Një nga prioritetet e PLL mbetet rehabilitimi dhe integrimi i plotë i ish-të përndjekurve dhe të burgosurve politik.  PLL është e ndjeshme në problemet që këto shtresa përjetojnë në shoqërinë shqiptare dhe nuk mund të lejojë abuzimet dhe manipulimet mbi baza demagogjike, pasi PLL është vetë pjesë integrale e këtyre shtresave.

PLL garanton se brenda 24 muajve të parë të qeverisjes do të :

·        Realizojë dëmshpërblimin e plotë të ish-të përndjekurve dhe të burgosurve politik si dhe të familjarëve të të gjitha viktimave të luftës civile gjatë LDB dhe të diktaturës komuniste

·        Krijojë të gjitha lehtësirat për shkollimin brenda dhe jashtë vendit të pasardhësve të viktimave të diktaturës komuniste dhe të ish-të përndjekurve dhe të burgosurve politik, duke u dhënë një prioritet në bursat shtetërore

·        Japë përparësi këtyre shtresave në të gjitha privatizimet e ndërmarrjeve shtetërore duke u ofruar edhe kredi pa interes, për afate kohore të caktuara

·        Krijojë kushte favorizuese për punësimin e këtyre shtresave, duke hequr të gjitha detyrimet shoqërore për personat që do të punësohen në firmat private

·        Krijojë një Institut ku përfaqësues të shtetit, të të gjitha shoqatave përfaqësuese të këtyre shtresave, specialistë të drejtësisë dhe personalitete të pavarura dhe të respektuara të shoqërisë shqiptare do të marrin në shqyrtim dosjet individuale dhe kolektive për përfitimin e kompensimeve nga shteti

Demokracia partiake

Duke u nisur nga tradita dhe fryma demokratike që ka mbizotëruar gjithmonë brenda PLL dhe duke pasur parasysh kushtet e reja të krijuara nga sistemi i ri elektoral dhe kodi i ri zgjedhor, PLL është e bindur se konkurrimi i plotë dhe me kushte të barabarta, do të jetë më i dobishëm për vendin, si dhe do të pengojë konkretisht dhe efektivisht, rikthimin e të majtës në pushtet.

Andaj, PLL do të stimulojë gjatë fushatës një konkurrim brenda për brenda partisë, ku qarqet do të ndahen në zona përafërsisht të barabarta me numër votuesish, dhe ku secila zonë do t’i atribuohet një kandidati.  Pavarësisht se kodi zgjedhor përcakton lista të mbyllura, PLL do të nxisë zgjedhjen si deputet, të kandidatit që do të ketë siguruar më shumë vota, brenda secilit qark.

E Drejta e Pronës

PLL e konsideron si të shenjtë të drejtën e pronës.

Duke marrë parasysh problemet e trashëguara nga shteti gjatë sundimit të diktaturës komuniste por edhe duke konsideruar problemet e shkaktuara nga ligji 7501 nga njëra anë, dhe nga realiteti i shoqërisë ku eksodi rural dhe lëvizjet e qytetarëve kanë qenë një fenomen masiv, PLL mendon se është detyrë e shtetit të riparojë gabimet e së kaluarës dhe situatat e krijuara për shkak të veprimit a mosveprimit të tij.

Në këtë kuadër, PLL zotohet të kompensojë me vlerën e tregut dhe brenda një mandati qeverisës të gjithë pronarët legjitim, të cilët nuk kanë mundësi të rifitojnë pronat e tyre.

PLL zotohet gjithashtu t’i japë fund brenda të njërit afat çështjes së legalizimeve për të gjithë pronarët, persona fizik apo moral, të këtyre 17 viteve të fundit.

PLL mendon se zgjidhja përfundimtare e çështjes së pronës do të arrihet vetëm kur të paguhen detyrimet dhe taksat mbi pasurinë e patundshme nga të gjithë pronarët, të rinj apo të vjetër. Personat fizik apo moral, që kanë përvetësuar pronat e huaja apo shtetërore, duhet të ndërgjegjësohen për veprimin e tyre, duke shlyer detyrime ndaj shtetit për t’i mundësuar shtetit kompensimin e pronarëve legjitim.

Në raste të veçanta, PLL konsideron se shteti duhet të marrë përgjegjësitë e veta dhe bëhet garant për zgjidhjen e çdo problemi që mund të ndodhe ndërmjet pronarëve të së njëjtës pronë, apo të dy ose më shumë prona, kështu që të shuhen përfundimisht konfliktet dhe veprat kriminale të kësaj natyre në vend.

Natyrisht, çdo ndërhyrje e shtetit në këto çështjeje duhet të bëhet duke i dhënë prioritet pronarëve legjitim.

PLL zotohet të krijojë një institut ku përfaqësues të shtetit, të të gjitha shoqatave të pronarëve, organizatave jo-qeveritare, specialistë në fushën e drejtësisë civile dhe personalitete të pavarura dhe të respektuara të shoqërisë shqiptare, do të marrin në shqyrtim dhe do të propozojnë zgjidhje për çdo çështje pronësie të pazgjidhur deri më sot.

Synimi i PLL është që të rikthehet, të njihet dhe të mbrohet e drejta e pronës si një parim i shenjtë dhe një kusht i domosdoshëm për zhvillimin e vendit dhe thithjen e investimeve të brendshme dhe të jashtme.  Gjithashtu, PLL synon që çdo çështje pronësie të zgjidhet brenda vendit, pa pasur nevojë të kërkohet ndërhyrja e Gjykatës Evropiane të Strasburgut.

E drejta e fjalës dhe e shtypit

PLL konsideron se e drejta e fjalës dhe e shtypit janë të patjetërsueshëm dhe të pakufizueshëm përveçse në rastet kur cenohen të drejtat dhe liritë e një palës së tretë.

Duke marrë parasysh përvojën e viteve të fundit ku zhvillimet mediatike kanë arritur nivele të larta por edhe ku përdoren manipulimet, dezinformimet dhe cenohet jeta private e individëve dhe personave publike ose jo publike, fizike ose morale, PLL synon të rrisë nivelet dhe cilësitë profesionale, ndjenjën e qytetarisë, të respektit të ndërsjellë të individëve dhe kolektiviteteve, si dhe nivelet e mirëkuptimit dhe bashkëpunimit në interes të vendit, popullit dhe kombit, nëpërmjet programeve të posaçme në këtë drejtim.

PLL synon gjithashtu të rrisë nivelet dhe cilësitë profesionale në sektorin e medieve radio-televizive dhe të shkruara dhe zotohet të krijojë një Juri për Etikën Publike, ku përfaqësues të shtetit, të sektorit përkatës të shoqërisë civile, organizata jo-qeveritare dhe specialistë të fushës së medieve do të kenë kompetenca për zhvillimin e mëtejshëm të së drejtës së fjalës dhe të shtypit, por edhe për shmangien e praktikave jo etike në këtë fushë.

PLL do të stimulojë mediet që të jenë më pak të politizuara nëpërmjet financimit të programeve edukative, rritjes së cilësisë së programeve dhe shkëmbimeve të eksperiencave me medie të huaja.

E drejta dhe liria e besimit

PLL konsideron se e drejta dhe liria e besimit janë jetike për një shoqëri të shëndetshme dhe pa vese.

Duke marrë parasysh traumën e krijuar në popullin shqiptar nga diktatura komuniste dhe sistemi ateist i saj, por edhe duke pasur parasysh zhvillimet e këtyre 17 viteve të fundit në këtë drejtim ku shumë grupe dhe sekte kanë gjetur një terren të përshtatshëm për ushtrimin e aktiviteteve të tyre dhe kanë krijuar një çorientim në popull, PLL mendon se njohja dhe zhvillimi i besimeve monoteiste dhe tradicionale të popullit shqiptar janë të domosdoshme për zhvillimin e mëtejshëm të shoqërisë shqiptare.

Në këtë kuadër, PLL ka për qëllim :

·        Që shteti shqiptar të njohë dhe të mos krijojë asnjë pengesë për 3 fetë tradicionale të vendit tonë, përkatësisht fetë Islame, Ortodokse dhe Katolike

·        Që shteti të subvencionojë bashkësitë fetare, klerikët, mësuesit dhe institucionet fetare me qëllim që të kufizohen ndërhyrjet nga jashtë në këto institucione

·        Që shteti të ndalojë me ligj veprimtarinë e shoqatave dhe organizatave të ashtuquajtura fetare të cilësuara si sekte nga Bashkimi Evropian

·        Që të realizohet mësim-besimi në shkollat publike

·        Që të mos lejohet krijimi i asnjë kushti juridik që të pengojë ushtrimin e fesë në asnjë mënyrë që të jetë dhe për asnjë qytetar shqiptar

·        Që të mundësojë hartimin e kuadrit ligjor që të parandalojë dhe dënojë çdo akt racizmi, ksenofobie, provokimi apo përbuzjeje fetare

Diaspora

PLL e konsideron diasporën shqiptare, qoftë politike apo ekonomike, si pjesë integrale të kombit shqiptar dhe të shoqërisë shqiptare.

Duke marrë parasysh se shqiptarët që jetojnë jashtë territorit shqiptar mund të luajnë rolin e ambasadorit të vendit dhe popullit të tyre, PLL do të stimulojë integrimin e diasporës shqiptare nëpërmjet:

·        Njohjes dhe dhënies së shtetësisë shqiptare automatikisht dhe pa procedura administrative për të gjithë refugjatët politik të para viteve ’90 dhe familjarët e tyre

·        Rritjes së rolit të Institutit të Diasporës në Ministrinë e Punëve të Jashtme, duke hartuar platforma dhe programe konkrete për integrimin e diasporës shqiptare në shoqërinë shqiptare

·        Zhvillimit dhe intensifikimit të programeve bashkëpunimi me diasporën shqiptare në aspektet shoqërore, edukative, kulturore, artistike dhe shkencore të mbështetura nga qeveria shqiptare

·        Krijimit të klubeve të studentëve dhe intelektualëve shqiptarë nëpër botë, të mbështetur nga përfaqësitë diplomatike të shtetit shqiptar, për të krijuar lidhje të ngushta ndërmjet intelektualët shqiptarë dhe ata të vendeve ku jetojnë shqiptarët, me qellim që të rritet imazhi dhe lartësohen vlerat reale të popullit dhe kombit shqiptar në botë

·        Krijimit e lehtësirave për rikthimin në atdhe dhe investimin në ekonominë shqiptare

·        Krijimit të kushteve për respektimin e komunitetit shqiptar në shtetet ku jetojnë dhe punojnë shqiptarët, duke kërkuar të pajisen shqiptarët me dokumente të rregullta dhe të gëzojnë të drejtat e tyre, duke përdorur në rast nevoje, edhe parimin e reciprocitetit me vendet e tjera

·        Krijimit të kushteve për të votuar jashtë vendit dhe inkurajimit të përfaqësimit të diasporës në Parlamentin shqiptar

PLL synon natyrisht që qeveria shqiptare të mos lejojë që diaspora të përdorët nga disa shtete si mjet presioni dhe të paktën ky emigracion të strukturohet dhe mbështetet nga qeveria shqiptare që të mos lejohet nëpërkëmbja e vet në asnjë vend.

Mbrojtja dhe liria e pakicave kombëtare

PLL i konsideron pakicat kombëtare si pjesë integrale të shoqërisë shqiptare dhe, si të tilla, ata gëzojnë të drejta dhe detyrime të barabarta ndaj ligjeve dhe institucioneve të vendit.

Duke marrë parasysh veprimet e disa qarqeve që synojnë cenimin e integritetit territorial dhe të rendit juridik në Shqipëri, dhe që rrezikojnë destabilizimin e vendit dhe të rajonit, PLL është e vendosur që të mos lejojë asnjë individ apo grupim që të ushtrojë veprimtari të tilla në vendin tonë.

PLL i konsideron të gjitha pakicat kombëtare si të mirëseardhura në vendin tonë, por nuk do të lejojë asnjëherë që vlerat kombëtare të popullit shqiptar të nëpërkëmben nga cilido.

Në këtë kuadër, PLL do të :

·        Krijojë një kuadër ligjor për parandalimin e çdo aktiviteti që synon cenimin e integritetit territorial dhe rendit ligjor.

·        Stimulojë hartimin dhe materializimin e programeve të bashkëjetesës dhe respektit reciprok me komunitetet e huaja dhe pakicat kombëtare.

·        Inkurajojë shoqërinë civile dhe shoqatat jo-qeveritare që të zhvillojnë aktivitete për uljen e tensioneve dhe rritjen e respektit reciprok me komunitetet e huaja dhe pakicat kombëtare, duke financuar këta aktivitete.

Simbolet e shtetit

Për PLL, shteti përfaqësohet nga institucionet e veta por edhe nga simbolet e veta, të cilat rrisin krenarinë kombëtare.

Përveç simboleve si flamuri e himni kombëtar, PLL mendon se edhe personalitetet dhe figurat patriotike dhe kombëtare që kanë ndërruar jetë dhe janë varrosur jashtë vendit duhet të nderohen dhe vlerësohen në vendin amë, për kontributet e tyre në dobi të kombit dhe atdheut.

Në këtë drejtim, PLL do të realizojë riatdhesimin e eshtrave të personaliteteve të shquara shqiptare si Mbreti Zog, Gjeneral Abaz Kupi, Fan Noli, Mit’hat Frashëri, Muharrem Bajraktari, etj, duke organizuar ceremoni zyrtare me të gjitha nderimet shtetërore, për kontributet e këtyre personaliteteve.

Administrata shtetërore

Një nga rolet e politikës është që të bëjë shtetin të funksionojë dhe që sektori publik të jetë në shërbim të popullit.  Qëllimi duhet të jetë sadisfaksioni i qytetarëve. Mosfunksionimi i administratës shtetërore çon në paralizimin e shtetit. 

Duke marrë parasysh se administrata shtetërore nuk ka arritur akoma nivele optimale të performancës, PLL është e prirur që të reformojë administratën duke :

·        Rritur profesionalizmin me seminare dhe trajnime konstante

·        Rritur produktivitetin dhe ndjenjën e shërbimit publik

·        Nxitur frymën e meritokracisë dhe karrierës në sektorin publik

·        Luftuar kundër burokracisë, nepotizmit dhe abuzimit me detyrën

·        Luftuar favoritizmin dhe emërimet partiake

Por institucionet e shtetit dhe nëpunësit duhet të jenë të paprekshëm.  PLL synon :

·        Të rrisë autoritetin e të gjithë nëpunësve të shtetit dhe respektin ndaj tyre

·        Të rrisë besueshmërinë e publikut tek organet e vendit

·        Të merren masa të rrepta ndaj gjithë atyre që cenojnë shtetin, institucionet dhe nëpunësit e shtetit

·        Të përshtasë pagat e nëpunësve të shtetit me sektorin privat dhe me standardet e jetës

Korrupsioni

Për PLL, korrupsioni rrjedh nga keqpërdorimi i pushtetit publik.

Pavarësisht përparimeve të dukshme, fenomeni i korrupsionit mbetet një problem shqetësues i shoqërisë Shqiptare.  PLL beson se lufta ndaj korrupsionit nuk mund të realizohet vetëm duke stimuluar denoncimet, por se është detyrë e shtetit të krijojë kushtet dhe rregullat që do të parandalojnë korrupsionin.

PLL beson se mënyrat optimale për të luftuar korrupsionin janë :

·        Hartimi i procedurave administrative moderne dhe efikase

·        Trajnimi i nëpunësve të shtetit

·        Kontrolli dhe auditimi i të gjitha institucioneve të shtetit nga organizma private dhe shoqata jo-qeveritare

·        Masa të rrepta për të gjitha rastet e zbuluara

Ekonomia

Koncepti ynë për ekonominë

Misioni ekonomik i PLL është që të rrisë standardet e jetesës, mirëqenien dhe lumturinë e popullit shqiptar.

Pavarësisht krizës ekonomike dhe financiare globale e cila ka filluar të japë efektet e saja edhe në Shqipëri, vendi ynë ka potenciale të mëdha për zhvillim ekonomik :

·        Popullsi të re, të arsimuar, dinamike dhe të kualifikuar

·        Pozicion gjeografik strategjik

·        Pasuri natyrale dhe minerale

·        Porte detare dhe infrastrukturë rrugore në zhvillim

·        Klimë të përshtatshme për shumë sektorë

·        Bregdet dhe relief atraktiv

PLL do të hartojë një strategji zhvillimi të vazhdueshëm dhe rritjeje ekonomike, duke mobilizuar të gjitha potencialet e vendit tonë në të mirën e përgjithshme të popullit dhe kombit shqiptar.

Qëllimi parësor i kësaj strategjie është të luftohet varfëria dhe papunësia, të zgjerohet e fuqizohet sektori privat, të nxitet konkurrenca dhe të stimulohet prodhimi vendas.

Për PLL disa principe ekonomike janë në bazë të mendimit tonë :

·        Burimet njerëzore do të konsiderohen gjithnjë si baza e zhvillimit ekonomik

·        Ekonomia e tregut do të jetë gjithnjë në qendër të vëmendjes

·        Shteti do të qëndrojë në princip jashtë aktivitetit ekonomik por roli i vet si moderator dhe operator, në rast nevoje, nuk do të anashkalohet sidomos në sektorët strategjike

·        Taksat do të përdoren më shumë për realizimin e objektivave shoqërore dhe ekonomike, sesa për qëllime operative

·        Borxhi i shtetit do të përdoret për investime, më shumë sesa për ekuilibrimin e bilancit të shtetit

·        Privatizimet duhet të vazhdojnë, duke pasur në qendër të vëmendjes interesin kombëtar dhe ekonomik, por edhe transparencën e plotë të të gjitha proceseve të privatizimit.    Privatizimet do t’u ofrohen me përparësi punonjësve të firmave dhe industrive, grupeve dhe shoqatave profesionale vendore, por edhe emigrantëve shqiptar, më qëllim që të rritet ndërgjegjësimi i të gjithëve në kontributet që mund të japë çdo qytetar për popullin dhe vendin

·        Thithja e kapitalit dhe investimeve të huaja, si dhe transferimi i eksperiencës, do të jetë në qendër të vëmendjes

·        Lufta ndaj korrupsionit, klientelizmit dhe favoritizmit

·        Rritja e produktivitetit dhe cilësisë së prodhimeve, do të stimulohet për të realizuar objektivin e ekuilibrimit të bilancit tregtar

·        Raportet me institucionet ndërkombëtare si Bashkimi Evropian, Banka Botërore dhe Fondi Monetar Ndërkombëtar do të thellohen sidomos deri në kapërcimin e krizës globale

PLL zotohet për një fushatë sensibilizuese për konsumin e produkteve “Made in Albania”.

Objektivat madhore të PLL janë :

·        Ulja e papunësisë

·        Rritja e standardeve të jetesës

·        Rritja e prodhimit të produkteve dhe shërbimeve vendas

·        Rritja e peshës specifike të sektorit privat në ekonominë e vendit

·        Rritja e eksporteve

Për PLL, Shqipëria ka nevojë për një bum ekonomik i cili mund të realizohet nëpërmjet :

·        Ristrukturimit të ekonomisë dhe orientimit të investimeve përmes mendimit ekonomik

·        Zgjerimit të kredisë dhe mbajtjes në nivele të ulëta të interesit bankar

·        Zhvillimit të fondeve të kursimeve të garantuara nga shteti

·        Krijimit të një tregu të përbashkët me Kosovën, duke hequr të gjitha barrierat doganore dhe taksat e tjera

·        Zhvillimit të një infrastrukture moderne në të gjitha sektorët e industrisë

PLL do të stimulojë zhvillimin e disa sektorëve prioritarë duke u dhënë një përparësi në investime, kredi dhe subvencione :

Biznesi i vogël

PLL është e ndërgjegjshme se biznesi i vogël është një vektor kryesor për zhvillimin e vendit dhe uljen e nivelit të papunësisë.

Informaliteti duhet luftuar, duke krijuar kushte të favorshme për stimulimin e formalitetit.

PLL do të :

·        Japë kredi pa interes për çdo biznes të ri që do të sigurojë punësimin e të paktën 5 punëtorëve

·        Garantojë që çdo kredi i dhënë biznesit të vogël do të shlyhet automatikisht në rast falimentimi për arsye jashtë vullnetit të pronarit, dukë stimuluar mekanizmat bankare dhe sigurime të kredive për biznesin

·        Heqë të gjitha detyrimet shoqërore për një periudhë 5 vjeçare, për të gjitha bizneset e reja që punësojnë të paktën 3 punëtorë të rinj

·        Ulë me 50% detyrimet shoqërore për të gjithë bizneset e vogla aktuale, që do të shtojnë 3 punëtorë të rinj

·        Vendosë një moratorium për një periudhë 5 vjeçare në taksat mbi biznesin e vogël, për të gjitha firmat dhe ndermarrjet e reja që nuk kalojnë të ardhura prej më shumë se 5.000.000 Lekë në vit.

Ndërtimi

Si një sektor i rëndësishëm për zhvillimin e vendit dhe uljen e papunësisë, PLL beson se ulja e çmimeve të shitjes së apartamenteve dhe shtëpive të reja do të ridinamizojë këtë sektor.

PLL do të :

·        Heqë për një periudhe 2 vjeçare të gjitha taksat dhe detyrimet për shtetasit shqiptarë që do të blejnë apartamente dhe shtëpia të reja

·        Ulë për një periudhe 2 vjeçare me 50% të gjitha detyrimet shoqërore për firmat e ndërtimit

·        Stimulojë bashkëpunimin me sektorin e ndërtimin për uljen me 10% deri 20% të çmimit të të gjitha ndërtimeve të reja të ngelura të pashitura, duke i siguruar këtij sektori edhe kredi pa interes, gjatë 5 viteve të para për ndërtimet e tyre të reja

·        Stimulojë përdorimin e trojeve shtetërore për bashkëpronësi në ndërtimin e apartamenteve të reja, dhe do t’i përdorë ekskluzivisht ata për banesa për të pastrehët

·        Stimulojë bashkëpunimin ndërmjet sektorit të ndërtimit, institucionet e shtetit, pushtetin vendor dhe axhensitë e zhvillimit të vendit, me qëllim që çdo ndertin i ri të respektojë kushtet dhe kriterit e një zhvillimi afatgjatë të vendit, si dhe planet urbanistike

·        Garantojë respektimin e normave teknike dhe kritereve sizmike në ndërtimet e reja

Bujqësia dhe blegtoria

Duke marrë parasysh se një përqindje e madhe e popullit shqiptar jeton në zonat rurale ku mundësitë e zhvillimit janë të mëdha dhe duke konsideruar se Shqipëria i ka të gjitha mundësitë e zhvillimit të bujqësisë dhe blegtorisë, falë eksperiencës të fshatarëve në këtë drejtim, relievit dhe klimës të përshtatshme, PLL synon që të rrisë nivelet e prodhimit në këtë sektor, të sigurojë stabilitetin e të ardhurave të prodhuesve dhe të ulë importin e produkteve të kësaj natyre.

PLL do të :

·        Stimulojë krijimin e ndërmarrjeve bujqësore dhe blegtorale me dhënien e kredive pa interes, si dhe heqjen për një periudhë 2 vjeçare të të gjitha detyrimeve shoqërore, për ata që do të punësojnë më shumë se 5 veta

·        Stimulojë transferimin e produkteve të këtij sektori brenda përbrenda vendit, me subvencionimin e një përqindjeje të kostos së transportit

·        Investojë në dhoma frigoriferike në të gjitha zonat rurale ku do të grumbullohen ekscedentet e prodhimit, me qellim që të futen përsëri në treg në periudha të tjera gjatë vitit

·        Krijojë një fond sigurimi për të mbrojtur fermerët dhe popullsinë rurale kundër dëmeve të shkaktuara nga katastrofat natyrale

·        Bashkëpunojë me BE por sidomos me shtetet fqinjë për të hequr të gjitha barrierat doganore me qëllim që të mundësohet eksporti i prodhimeve shqiptare në drejtimin e tregjeve të tyre

·        Sigurojë që eksportet e produkteve të industrisë të blegtorisë dhe e peshkimit të garantohen duke dhënë kredi pa interes për të gjitha investimet në prodhimet bio dhe duke siguruar çmime konkurruese për produktet shqiptare

PLL garanton gjithashtu se një fushatë e madhe mbjelljeje do të realizohet për të siguruar që dëmet e bëra në pyjet nga prerjet gjatë dekadave të fundit, të kompensohen me pemë të reja, me qëllim që të luftohet kështu edhe ndotja e ambientit.

Turizmi

Duke marrë parasysh potencialet e mëdha të vendit tonë në fushën e turizmit me një bregdet të veçantë në rajon, me male e pyje të shumta, me qendra historike dhe arkeologjike unike në Evropë, PLL ka bindjen se Shqipëria do të përfitojë shumë shpejt nga këta pasuri me tërheqjen e turistëve të huaj.

PLL do të :

·        Zhvillojë qendra turistike bregdetare të klasit të lartë në të paktën 2 zona bregdetare, sidomos në Jug të vendit, duke u dhënë koncesione afatgjate grupeve financiare shqiptare dhe të huaja

·        Krijojë fshatra dhe qytete turistike për tërheqjen e turizmit masiv në të paktën 4 zona bregdetare, duke u dhënë koncesione afatgjate grupeve financiare shqiptare dhe të huaja

·        Stimulojë zhvillimin e qendrave të turizmit dimëror në zonat malore, duke i dhënë një prioritet krijimit të fshatrave turistike për ski

·        Investojë në mirëmbajtjen dhe rindërtimin e të gjitha qendrave historike dhe arkeologjike, si dhe në infrastrukturën në periferi të këtyre qendrave, me qëllim që të tërheqë turistët e huaj drejt këtyre qendrave, ku një rendësi e veçantë do ti kushtohet vlerave të kombit shqiptar

·        Stimulojë operatorët shqiptarë dhe të huaj për zhvillimin e turizmit në vend, duke u ofruar lehtësira në detyrimet shoqërore si dhe kredi pa interes

Energjia

Për PLL, sektori i energjetikes mbetet një sektor strategjik, ku duhet mbrojtur interesi kombëtar, duke siguruar nivele pavarësie të lartë.

PLL është po ashtu e vetëdijshme se zhvillimi i  vendit nuk mund të realizohet në kushtet kur nuk mund të garantohet furnizimi me energji elektrike dhe ujë, për të gjithë qytetarët, dhe 24 orë në ditë.

PLL do të :

·        Garantojë furnizimin në energji elektrike për të gjithë qytetarët, 24 orë në ditë, dhe do t’i japë fund një herë e përgjithmonë prerjeve të furnizimeve, duke investuar dhe subvencionuar centralet elektrike private me kredi pa interes, por duke vendosur gjithashtu gjoba për mosarritjen e niveleve të furnizimit

·        Garantoj furnizimin me ujë për të gjithë qytetarët, 24 orë në ditë, dhe do t’i japë fund, brenda 24 muajve, prerjeve të furnizimeve, duke investuar në modernizimin e gjithë rrjetit

·        Sigurojë që Shqipëria të bëhet një vend tranzit drejt Evropës, të gazit dhe naftës, duke i dhënë një prioritet bashkëpunimit me vendit që nuk shfaqin rrezik për interesat dhe sovranitetin kombëtar, dhe të cilët respektojnë të drejtat e shtetasve shqiptarë që jetojnë jashtë vendit

Minierat

Duke marrë parasysh se Shqipëria disponon pasuri nëntokësore të shumta, si dhe një eksperience të madhe në këtë sektor, PLL është e vendosur që të krijojë kushtet për zhvillimin e këtyre pasurive, me qëllim që të rrisë eksportet, dhe të përdorë të gjitha mundësitë që i ofrohen vendit, për uljen e papunësisë dhe rritjen e standardeve të jetesës.

PLL do të :

·        Investojë në identifikimin e të gjithë minierave dhe rezervave minerale në vend dhe do të garantojë riaktivizimin e tyre

·        Stimulojë privatizimin e minierave duke krijuar kushte të favorshme për investitorët, si heqjen e të gjitha detyrimeve shoqërore për një periudhe 5 vjeçare, si dhe investimin ne infrastrukturën rrugore, ndërmjet minierave të privatizuar dhe akseve kryesore

·        Stimulojë investime në industrinë e përpunimit në vend nga kapitali i huaj, duke vendosur moratoriume në taksat e këtyre industrive për një periudhë 10 vjeçare

Politika sociale

Përveç shtresës të viktimave të diktaturës komuniste, PLL ka natyrisht programin social në fusha të tjera, pasi për ne qeveria është një mjet për t’i shërbyer popullit.  Për PLL, duhet të rritet niveli i solidaritetit ndërmjet qytetarëve dhe i zhvillimit social, dhe është detyrë e shtetit që të shërbejë si katalizator i këtij solidariteti dhe zhvillimi social.

PLL do t’i kushtojë një rendësi të veçantë këtyre sektorëve, gjatë mandatit qeveritar :

Arsimi

Për PLL, arsimi përben një shtyllë kryesore për një shoqërie të zhvilluar, ku niveli i arsimimit të shoqërisë duhet të gëzojë ritme zhvillimi të shpejta dhe cilësore.

Vlerat kombëtare por edhe kultura, arti, sporti, respekti, vlerësimi, rregulli dhe autoriteti duhet të transmetohen nëpërmjet arsimit.  PLL do të bëjë të gjitha përpjekjet për zhvillimin e vlerave atdhetare të popullit tonë.

PLL nuk mund të pranojë që të rinjtë shqiptar të dalin nga shkolla pa perspektivë profesionale dhe pa horizont për jetën e tyre.  Të gjithë të rinjtë duhet të jenë të punësuar, ose të kenë mundësi të vazhdojnë trajnime falas në institucione publike dhe private.

Objektivi i PLL është që truri shqiptar t’i shërbejë Shqipërisë, kudo që të jetë dhe në mënyrë prioritare brenda vendit.

PLL do të :

·        Japë prioritet shkollave dhe universiteteve publike në të gjithë vendin

·        Garantojë nivelet e arsimit në shkollat dhe universitetet private, më një program bazë dhe standarde të larta, si dhe me kontrolle sistematike në mbrojtje të studentëve dhe cilësisë së mësimdhënies

·        Garantojë që të përfitojnë nga e drejta e shkollimit falas të gjithë qytetarët shqiptarë deri në moshën 18 vjet dhe të materializohet shkollimi i detyruar deri në atë moshë me kontrolle dhe inspektime konstante

·        Krijojë një fond të veçantë ku studentët me probleme financiare të kenë mundësinë të përfitojnë kredi pa interes për financimin e studimeve të tyre universitare dhe post-universitare

·        Financojë programe të veçanta për rritjen e niveleve shkencore në universitetet shqiptare

·        Stimulojë arsimin profesional, për të shtuar specialistët në profile të ndryshëm

·        Garantojë që nëpërmjet sistemit edukativ, të rritet krenaria kombëtare dhe ndjenja e identitetit kombëtar, me programe të posaçme në këtë drejtim

·        Stimulojë Dhomat e Tregtisë, institucionet dhe organizatat private dhe jo-qeveritare që të identifikojnë sektorët ku nevojiten kualifikime dhe specializime të veçanta

·        Garantojë që të rinjtë të dalin nga shkolla me një bagazh të plotë

·        Garantojë që të gjithë shtetasit shqiptarë jashtë vendit, të kenë mundësi të zhvillojnë studime

·        Stimulojë rikthimin dhe punësimin në atdhe, të gjithë të diplomuarve jashtë vendit

·        Garantojë që të gjithë studentët shqiptarë të kenë mundësi të mësojnë fenë e tyre

Për PLL, arsimtarët duhet të kenë mundësi të ushtrojnë profesionin e tyre ne kondita optimale, dhe roli e kontributi i tyre në dobi të shoqërisë, duhet vlerësuar dhe respektuar si nga studentët, prindërit dhe shoqëria.  Programe trajnimi dhe nivelimi i pagave të tyre me realitetin e standardeve te jetesës, do të realizohen gjatë 24 muajve të parë të qeverisjes sonë.

Shëndetësia

Për PLL, sistemi shëndetësor ka nevojë për një reformim thelbësor dhe do të jetë po ashtu në qendër të vëmendjes tonë, gjatë mandatit të ardhshëm.

Në asnjë moment, shëndetësia nuk duhet të konsiderohet si një kosto në bilancin e shtetit por si një investim.

PLL do të :

·        Garantojë që të gjithë shtetasit shqiptarë të përfitojnë një sistem shëndetësor falas ose me kosto minimale, duke rritur efektivitetin e sigurimeve shoqërore

·        Investojë për modernizimin e mëtejshëm të qendrave spitalore dhe garantimin e të gjitha shërbimeve mjekësore dhe spitalore, të paktën në një spital për çdo qark

·        Garantojë që të gjitha zonat rurale, të kenë një ambulancë spitalore, në një rajon me më pak se 5 kilometra çdo zonë të banuar

·        Stimulojë zhvillimin e shërbimeve mjekësore parandaluese

·        Parandalojë shpërndarjen e medikamenteve të dëmshme për shëndetin, duke ushtruar kontrolle më të rrepta të importeve, e duke krijuar kushte për prodhimin në vend

·        Garantojë zgjerimin e gamës së medikamenteve të rimbursuara, si dhe rritjen e cilësisë së tyre

Sigurimet shoqërore

PLL është e vendosur të mbrojë të gjithë punëtorët, dukë garantuar që pronarët e firmave të shlyejnë të gjitha detyrimet shoqërore.

PLL do të luftojë punën në të zezë në mënyre të rreptë, duke ushtruar kontrolle të vazhdueshme dhe të pandërprera në të gjitha sektorët.

PLL do ti kushtojë një rëndësi të veçantë brezit të tretë, jetimëve, invalidëve dhe të mohuarve, si dhe nuk do të lejojë asnjë praktikë diskriminuese ndaj këtyre shtresave, duke nxitur miratimin dhe zbatimin e ligjeve përkatëse, për mbrojtjen e tyre.

PLL do të :

·        Krijojë një regjistër kombëtar të Sigurimeve Shoqërore, për përqendrimin e të gjitha të dhënave shëndetësore dhe shpejtimin e shërbimeve mjekësore, për pacientët në spitalet dhe farmacitë e vendit

·        Krijojë lehtësira fiskale për familjet që kujdesen për të moshuar dhe invalidë

·        Rrisë fondin e shpërblimit për personat që kujdesen për personat e paaftë

·        Heqë të gjitha taksat vendore për moshën e tretë

·        Garantojë që të gjithë shtetasit që jetojnë e punojnë jashtë, të gëzojnë përfitimin e të gjitha të drejtave shoqërore në Shqipëri, përfshirë këtu edhe pensionin, duke nënshkruar marrëveshje bilaterale për sigurimet shoqërore dhe pensionet, me të gjitha vendet ku jetojnë dhe punojnë shqiptarët

·        Stimulojë sigurimet private, duke krijuar lehtësira fiskale

Familja

Për PLL, familja është qeliza bazë e shoqërisë, dhe si e tillë, ajo duhet të mbrohet dhe të inkurajohet për të ruajtur dhe mishëruar vlerat patriotike dhe kombëtare.

PLL do të :

·        Rrisë fondin e shpërblimit të familjeve për çdo lindje, si dhe rrisë shpërblimin për familjet me më shumë se një fëmijë

·        Nxisë brezat e rinj që të kujdesen prindërit, nëpërmjet lehtësira fiskale

·        Luftojë shfrytëzimin e fëmijëve për punë nëpërmjet kontrolleve sistematike

·        Stimulojë harmoninë familjare me programe të veçanta edukative

·        Luftojë përdorimin e bimëve narkotike, duke zhvilluar programe edukative, por edhe duke intensifikuar kontrollet

·        Krijojë një fond të veçantë për nënat që vendosin të mos punojnë, për t’u kujdesur për fëmijët e tyre, që ata të gëzojnë një shpërblim prej 50.000 lekësh në muaj

·        Garantojë që nënat që edukojnë fëmijët e tyre dhe nuk punojnë, do të përfitojnë të njëjtat të drejta shoqërore, dhe pensionet përkatëse, sikur të ishin në marrëdhënie pune.

PLL nuk do të lejojë që ligji shqiptar të njohë homoseksualitetin dhe abortin.

Politika e Jashtme

PLL është e vendosur të krijojë të gjitha kushtet për integrimin e plotë të Shqipërisë në BE para vitit 2015, si dhe do të ndërmarrë të gjitha reformat e nevojshme për plotësimin e standardeve evropiane gjatë mandatit të ardhshëm.

Marrëdhëniet me Shtetet e Bashkuara të Amerikës do të forcohen me një politikë të jashtme vizionare dhe realiste, në interes të popullit dhe vendit tonë.

Po ashtu, PLL synon që Shqipëria të zhvillojë një politikë të jashtme, bazuar vetëm në interesin kombëtar, si dhe të bëhet një faktor i rëndësishëm në rajon.

Reciprociteti do të jetë në bazë të marrëdhënieve me të gjitha vendet e huaja, në përputhje me konventat dhe marrëveshjet ndërkombëtare të ratifikuara nga shteti shqiptar.

Kushti i parë për të pasur një diplomaci të mirëfilltë është kushti i brendshëm.  Pa konsoliduar brenda vendit një pushtet në interes të kombit, shteti nuk mund të ketë një diplomaci efikase.

PLL do të stimulojë organizata jo-qeveritare dhe institute shkencore, të zhvillojnë studime strategjike dhe analiza të skenarëve të ndryshëm në marrëdhëniet ndërkombëtare të vendit tonë, duke financuar këta projekte.

Për PLL, është e rëndësishme që në kuadër të bashkëpunimit rajonal, që mbetet një kriter për anëtarësim në BE, Shqipëria të vëri si parakusht për çdo bisedë, që Serbia:

·        të njohë zyrtarisht gjenocidin dhe pastrimin etnik që ushtroi ndaj shqiptarëve në Kosovë

·        të paguajë dëmshpërblim për krimet dhe dëmet e luftës

·        të lirojë të gjithë të burgosurit shqiptarë që dergjen akoma në burgjet e Serbisë

·        të kthejë kufomat e mijërave shqiptarë që janë varrosur në Serbi dhe për të cilët familjarët e tyre nuk dinë as se ku e kanë varrin

Po ashtu, PLL do të krijojë të gjitha kushtet ligjore për parandalimin e aktiviteteve antikushtetuese në Shqipëri nga qarqet shoviniste të huaja.  PLL nuk do të lejojë incidente dhe provokime, si dhe do të përdorë të gjitha mekanizmat ligjorë, vendorë e ndërkombëtarë, për të shmangur rreziqet potenciale ose reale, në dëm të integritetit dhe tërësisë territoriale të Shqipërisë.

PLL shpreh bindjen e saj të thellë, se një politikë në mbrojtje të interesave kombëtare nuk mund të kundërshtohet nga askush, e sigurisht as nga partnerët tonë ndërkombëtarë, të cilët e kanë bazuar ekzistencën e tyre mbi këtë parim.

PLL ka gjithashtu bindjen se kjo lloj politikë nuk duhet të frikësojë askënd, përveç ata të cilët janë të kompromentuar me të huajt.  Pikërisht, në këtë drejtim, për të siguruar një fqinjësi të mirë, ne do të kërkojmë nga Greqia që :

·        Të abrogojë zyrtarisht ligjin famëkeq të luftës

·        Të garantojë kthimin e të gjitha të drejtave çamëve autoktonë në tokat e tyre

·        Të pajisen të gjithë emigrantët shqiptarë, me dokumente dhe leje të rregullta qëndrimi.

I njëjti pozicion vlen për marrëdhëniet e Shqipërisë me Maqedoninë e Malin e Zi.  Interesi i popullit dhe Kombit shqiptar duhet të udhëheqë çdo marrëdhënie me këto vende.  Dhe PLL do të punojë që ky parim të jetë i panegociueshëm.

PLL beson se ndërtimi i marrëdhënieve me Organizatën e Konferencës Islamike, do t’i mundësojë vendit tonë të gëzojë një ndikim më të gjërë në rajon e më tej, si dhe do t’i japë mundësi më të mëdha Shqipërisë të luaje një rol edhe global, sidomos duke shërbyer si mediator dhe moderator funksional, për arritjen e një paqeje të qëndrueshme në Lindjen e Mesme, si dhe për njohjen dhe respektimin e të drejtave për vetvendosje për dy shtete të pavarura, të Palestinës dhe Izraelit.

Te jemi krenar që jemi Shqiptarë

Programi ynë, mentaliteti dhe vizioni ynë në qeveri, synojnë të rrisin shkallën e dinjitetit dhe krenarisë të të gjithë shqiptarëve, kudo që gjenden dhe të mbrojë interesat e gjithë popullit, dhe jo vetëm të një shtrese të caktuar.

PLL është e ndërgjegjshme se shoqëria shqiptare vuan nga humbja e krenarisë kombëtare.

Krenaria jonë duhet të bazohet në identitetin tonë, si dhe të përqendrohet në vlerat autentike, si gjuha, kultura, tradita dhe historia jonë.

PLL do të mbetet e palëkundur në ngritjen lart të vlerave tona të pavarësisë, në të gjitha fushat.

PLL beson se Shqiptarët duhet të binden dhe duhet të fitojnë mbi vetveten, gjithashtu duhet të mposhtin komplekset e inferioritetit ndaj të huajve, si dhe të heqin dorë nga paragjykimi se lumturia dhe shpëtimi i tyre varet nga të huajt.

Aspekti kryesor në këtë program është se nuk bazohet në retorikë por të gjitha premtimet do të kthehen në realitet.

PLL ka një ideal dhe ideal ynë është Atdheu dhe Kombi.

Lusim Zotin e Madh që ta ndihmojë Kombin dhe vendin tonë.

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tirane, me 23 maj 2009

I nderuar Lartesia Juaj Princ Leka!

Te nderuar drejtues te partive aleate!

Te nderuar drejtues te institucioneve dhe shoqatave!

Te nderuar miq, legaliste dhe qytetare te Tiranes!

Partia “Levizja e Legalitetit” prezanton sot 32 kandidatet e saj qe do te garojne ne zgjedhjet e 28 qershorit per listen shume-emerore te qarkut te Tiranes.

Keto zgjedhje kane nje rendesi te vecante per vendin tone sepse nga rezultati i tyre do te vendoset fati i vazhdimit te metejshem te reformave te ndermarra nga kjo qeveri e qe sipas te gjitha vleresimeve jane konsideruar si reforma mjaft te suksesshme; do te varet fati i ruajtjes se ritmeve te larta te zhvillimit ekonomik, te cilat perkthehen ne paga dhe pensione me te larta, investime me te shumta; rruge, ujesjelles, shkolla e spitale qe do te rrisin me tej standardin e jeteses ne cdo skaj te vendit tone; do te varet fati i procesit integrues te Shqiperise ne BE, ku  synojme te realizojme endrren tone te hershme qe me dinjitet dhe ne menyre te merituar te behemi pjese e familjes se madhe europiane duke shtuar ne kete bashkesi edhe vlerat e kombit tone.

Zgjedhjet e 28 qershorit paraqesin nje rendesi te madhe edhe per partine “Levizja e Legalitetit”. Permes ketyre zgjedhjeve PLL-ja synon qe te realizoje nje perfaqesim real  parlamentar i cili do te krijoje mundesine e perfshirjes dhe materializimit ne politikat shteterore dhe programet qeverisese te parimeve tona: per nje shtet te forte e ne dobi te qytetareve; per shenjterine e prones; per ruajtjen dhe zhvillimin e vlerave me te mira te tradites dhe familjes; per krijimin e mundesise qe shqiptaret kudo qe ndodhen te ndjehemi bashke ne kulture, ekonomi, zhvillim dhe te punojne cdo dite per endrren tone te madhe te bashkimit.

Ne kemi bindjen se 28 qershori do te shenoje plotesimin e standardit te zgjedhjeve te lira e te ndershme. Maxhoranca qeverisese ka shprehur ne vazhdimesi vullnet te  plote dhe te qarte politik, ka plotesuar cdo kerkese te opozites dhe ka marre masa konkrete per  t’i dhene fund tranzicionit te votes se lire. Per here te pare ne historine e shtetit shqiptar, gjate ketij mandati qeverises u krijua Regjistri Kombetar Elektronik i Zgjedhesve, shtetasit shqiptare po pajisen me pasaporta biometrike dhe karta identiteti sipas standardeve me te larta europiane.

Atmosferes entuziaste qe ekziston ne kampin e djathte per fitoren ne zgjedhjet e 28 qershorit i ka kontribuar puna e kryer cdo dite nga kjo maxhorance qeverisese gjate kater viteve te mandatit saj. Si rezultat i kesaj pune dhe vullneti te qarte per te kryer reforma, luftuar korrupsionin, krimin e organizuar dhe trafiqet e paligjshme, Shqiperia arriti qe te anetaresohet ne NATO, te nenshkruaje Marreveshjen e Stabilizim-Asocijimit e cila eshte ratifikuar nga te 27 vendet anetare te Bashkimit Evropian dhe te aplikoje si vend kandidat.

Gjate ketyre kater viteve qeveria arriti te siguroje ritme te larta te zhvillimit ekonomik, te dyfishoje te ardhurat megjithese pergjysmoi taksat, te realizoje investime ne infrastrukture si asnjehere me pare qe kulmojne me rrugen Durres-Morine, Shqiperia arriti qe te kete nje bum turistik, te dyfishoje pagat dhe pensionet, etjere.

Perkundrejt ketij realiteti pozitiv tej cdo parashikimi e qe eshte i dukshem dhe i prekshem nga te gjithe shqiptaret, opozita e majte ndjehet teresisht e carmatosur, eshte pa asnje alternative konkrete dhe ne konfuzion te plote. Duke perjetuar nje krize te thelle identiteti dhe ndjere qe tani disfaten qe i pret me 28 qershor, ustallaret e vjeter kane nxjerre ne skene kamikazet e rinj te cilet nuk guxojne qe te permendin trashegimine e subjektit qe perfaqesojne. Sigurisht nga turpi.

Partia “Levizja e Legalitetit” ndjehet krenare per historine e saj. Filozofia jone ndertoi shtetin modern shqiptar dhe qeverisi vendin ne vitet e ndritura 1928-1939 nen drejtimin e Mbreti Zog. Eshte po ajo filozofi qe sot qeveris vendet me te zhvilluara te botes e qe ne e kemi ne genin tone. Ne venat tona rrjedh gjak blu i cili nuk e humbi ngjyren edhe atehere kur diktatura perskuqi gjithcka. Pasi i rezistuam me stoicizem diktatures komuniste per 45 vjet, ne ishim te gjithe te perfshire ne levizjen demokratike per rrezimin e diktatures komuniste, ne ishim ne skalionin e pare ne zgjedhjet e para pluraliste te 31 marsit 1991 dhe kontribuues ne fitoren e demokracise me 22 mars 1992.

Se bashku me PD perballuam rebelimin komunist dhe pasojat e viteve 1997-2005 qe ishin me te veshtira per cdo shqiptar dhe Shqiperine. Se bashku me PD dhe aleatet e tjere fituam zgjedhjet vendore te vitit 2007 dhe po qeverisim me ndershmeri ne dobi te shqiptareve.

Ne ndjehemi krenare pse kishim nje Mbret, kemi nje Mbret, kemi nje Princ, do te kemi nje Princ, e keshtu me radhe....

Zonja dhe zoterinj!

Ne zgjedhjet e pergjithshme parlamentare te 28 qershorit partia “Levizja e Legalitetit” do te jete pjese e koalicionit “Aleanca e ndryshimit” qe kryesohet nga Partia Demokratike. Pranine tone ne koalicion nuk e konsiderojme si nje komoditet elektoral, por si nje impenjim serioz te nje rendesie te vecante per te kontribuar ne radhe te pare per fitoren e se djathtes shqiptare. Para se te mendojme se cfare do te perfitojme nga koalicioni, ne mendojme se cfare do te ofrojme per koalicionin. Ashtu si cdo mjek i mire, edhe ne e dime se gjaku blu i ben me te shendetshem edhe organizmat e shendetshem.

PLL paraqitet para zgjedhesve me platformen dhe programin e saj elektoral qe do te sherbejne per pasurimin e te djathtes me vlerat tona konservatore dhe tradicionale qe jane pershtatur me kushtet aktuale  te vendit.

Ne programin tone, ne ofrojme zgjidhje shume problemeve te shoqerise tone dhe paraqesim alternativa te ndryshme per nje zhvillim te qendrueshem dhe afatgjate te vendit  duke pasur ne qender te vemendjes konsolidimin e demokracise dhe interesin e popullit dhe kombit shqiptar.

Objektivi i yne eshte te rrisim ndjenjen e ndergjegjes kombetare, qytetarise, tradites, vellazerimit, punes, perkushtimit dhe krenarise se te qenurit shqiptar duke pasur nje qeverisje dhe nje program qeverises, qe do te realizoje zhvillimin, mireqenien, integrimin  evropian, rritjen e rolit te faktorit shqiptar ne rajon, etj.

Gjate mandatit te ardhshem parlamentar Legaliteti do te luftoje per ndarjen faktike te tre pushteteve dhe sigurimin e kushteve qe ato te punojne ne harmoni te plote me njeri-tjetrin. Ne do te iniciojme nje ligj per papajtueshmerine e funksionit te deputetit me ate te ministrit.

Duke njohur faktin se sistemi zgjedhor eshte proporcional ku preferencat e votuesve shprehen ne radhe te pare ndaj partive politike dhe programeve te tyre, PLL mendon se per t’i dhene fund korrupsionit parlamentar dhe trafikimit te mandateve, nuk eshte e tepert qe te parashikohet ne ligj humbja e mandatit per cdo parlamentar qe voton ndryshe nga vendimi politik i partise ku ben pjese.

Ne mendojme se per t’i sherbyer zhvillimit te vendit dhe uljes se tensioneve politike dhe shoqerore, Shqiperia ka nevoje qe te mbylle nje here e pergjithmone faqen e erret te  historise komuniste. Per kete qellim ne do te kerkojme denimin zyrtar te sistemit komunist ne teresi dhe nxjerrjen e pergjegjesive penale rast pas rasti per ideatoret dhe xhelatet e atij sistemi. Ne te njejten kohe, ashtu si deri me sot, do te kerkojme dhe insistojme per demshperblimin e plote dhe te shpejte te  te gjitha viktimave te diktatures komuniste. Megjithese gjate ketyre kater viteve jane bere hapa pozitive, ish - te burgosurit dhe perndjekurit politike jane ende te pa integruar dhe rehabilitimi i plote i tyre ka nevoje per krijimin e lehtesirave ne shkollim, punesim dhe strehim.

Partia “Levizja e Legalitetit” do te kerkoje qe shteti te njohe gabimet e veprimeve apo mosveprimeve te tij ne lidhje me ceshtjen e pronave. PLL zotohet qe brenda nje mandati qeverises t’i jape zgjidhje perfundimtare pronave duke ua kthyer apo kompensuar me vleren e tregut te gjithe pronareve te ligjshem qe nuk kane mundur te zoterojne pronen e tyre.

Nisur nga specifikat tona programore dhe besnikeria ndaj shtresave qe perfaqesojme, Partia “Levizja e Legalitetit” jep fjalen e nderit se ceshtjet e denimit te krimeve te komunizmit, demshperblimit te plote te ish te burgosurve dhe te perndjekurve politike si dhe zgjidhja perfundimtare e ceshtjes se pronave sipas parimit “kompensim i plote per pronarin aty ku nuk mund ta zoteroje”, do te jene ceshtje prioritare dhe te pa tolerueshme per koalicion qeverises.

Ne mendojme se e drejta, liria dhe ushtrimi i besimit fetar jane jetike per nje shoqeri te shendetshme dhe pa vese.  Partia “Levizja e Legalitetit” do te punoje qe shteti shqiptar te njohe vetem fete tradicionale ne Shqiperi si dhe te ndaloje me ligj veprimtarine e sekteve te dyshimta qe kane mbire gjate viteve te fundit. Sipas nesh, shteti duhet te subvencionoje ne menyre te mjaftueshme bashkesite fetare, kleriket, mesuesit dhe institucionet fetare me qellim qe te kufizohen nderhyrjet dhe ndikimet nga jashte ne keto institucione. Ne do te kerkojme qe shteti te jape i pari shembullin e tolerances fetare dhe te mos lejoje asnje akt racizmi, ksenofobie, provokimi apo perbuzjeje fetare ne institucionet shteterore dhe mjediset publike. Ne do te insistojme qe ne shkollat publike te shtohet lenda e mesim-besimit.

Ne e konsiderojme diasporen politike dhe ekonomike si pjese integrale te kombit shqiptar dhe do te stimulojme integrimin e saj ne shoqerine tone duke njohur ne menyre automatike shtetesine e tyre shqiptare; duke bere rregullimet ligjore qe i sigurojne atyre perfaqesim ne Kuvendin e Shqiperise; duke u krijuar lehtesira ne biznes si dhe duke mbrojtur ne menyre energjike cdo te drejte te tyre ne vendet ku jetojne. Ne do te krijojme kushte qe femijet e tyre te mesojne me te shkruar dhe te lexuar gjuhen e bukur shqipe.

Lidhur me politikat sociale, prioriteti i yne mbetet arsimi, shendetesia, zhdukja e varferise, lufta ndaj veseve dhe forcimi familjes.

Ne arsim ne synojme qe t’u jepet prioritet shkollave dhe universiteteve publike, shkollave profesionale si dhe te rritet cilesia e mesimdhenies. Si nje borxh ndaj rilindesve ne do te rikthejme shenjterine e mesuesit dhe edukimin e nxenesve me ndjenja atdhetare. Cdo talenti shteti do t’i jape perkrahjen e nevojshme.

Ne do te synojme qe sherbimi i ofruar ne institucionet shendetesore publike te jete i krahasueshem me ate qe ofrohet ne institucionet private.

PLL do te punoje per ndalimin e abordit,  do te jete armike e homoseksualitetit dhe do te kerkoje ashpersimin e ligjeve qe denojne kultivimin dhe perdorimin e bimeve narkotike. Partia “Levizja e Legalitetit” do te realizoje qe shteti te marre nen kujdestari cdo femije te braktisur apo keqtrajtuar. Ne do te punojme per mbrojtjen dhe zhvillimin e kultures tone kombetare.

Ne do te synojme qe te rrisim autoritetin e shtetit dhe perfaqesuesve te tij, te ulim ne maksimum gjakmarrjen dhe te realizojme c’armatosjen e plote te popullsise. Ngritja e xhandarmerise mbetet prioriteti yne.

Te nderuar pjesemarres!

Per te materializuar programin tone ne kemi paraqitur para elektoratit shqiptar listat e kandidateve. Sot u paraqiten para jush 32 kandidatet e listes shume-emerore te PLL per qarkun e Tiranes dhe nga prezantimi i shkurter qe ju be secilit prej tyre u vu re qarte se ato i plotesojne te gjithe parametrat moral dhe intelektual per te perfaqesuar me dinjitet  elektoratin e qarkut te Tiranes ne Parlamentin e ardhshem te Shqiperise. Une ju siguroj se, si asnjehere tjeter, partia “Levizja e Legalitetit” ka paraqitur ne te 12 qarqet e vendit nje liste te plote me 140 kandidate po kaq cilesore sa keto qe sot jane para jush.

Kandidatet tone jane siguria e fitores se PLL ne shumicen e qarqeve, e percimit te tradites dhe vlerave me te mira nga brezi ne brez, por njekohesisht jane edhe nje kontribut i rendesishem qe ne i ofrojme koalicionit  “Aleanca e Ndryshimit”. cdo vote per partine Levizja e Legalitetit, eshte njekohesisht edhe vote per koalicionin tone ku bejme pjese.

Une jam i sigurt qe elektorati i qarkut te Tiranes do te votojne masivisht per kandidatet e listes se PLL, sikurse shpreh kenaqesine edhe per suksesin e pritshem te cdo partie aleate.

Fitore ne zgjedhjet e 28 qershorit!

Zoti  qofte me popullin shqiptar!

* * * * *

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tiranë, më 18 maj 2009

Informacion për media

Kryetari i PLL Ekrem Spahiu së bashku me nënkryetarin Basha prezantuan në qytetin e Lushnjes 16 kandidatët e listës shumë-emërore të partisë “Lëvizja e Legalitetit” për qarkun Fier.

Spahiu tha se “Shqipëria shkon në zgjedhjet parlamentare të 28 qershorit me imazhin dhe bilancin më pozitiv të këtyre 18 viteve. Ai përmendi disa nga arritjet kryesore si anëtarësimin e Shqipërisë në NATO, ratifikimin e MSA nga 27 vende anëtare të BE dhe aplikimin si vend kandidat, nënshkrimin e marrëveshjes për liberalizimin e vizave, ritmet e larta dhe të qëndrueshme të zhvillimit ekonomik, investimet në mbarë vendin, dyfishimin e pagave dhe pensioneve, etj.”

Duke folur për alternativën e PLL Spahiu tha se Legaliteti paraqitet para elektoratit me programin e tij, filozofinë e vet qeverisëse dhe traditën më të mirë në drejtimin e vendit që janë vlera dhe kontribute të drejtpërdrejta të saj në Aleancën e Ndryshimit.

Kryetari i PLL u shpreh i sigurt se qytetarët shqiptar i kanë të ditura dhe të prekshme ndryshimet pozitive që solli kjo maxhorancë qeverisëse dhe se elektorati në zgjedhjet e 28 qershorit do të votojë për Aleancën e Ndryshimit si grupimi politik që është më afër interesave të tyre.

Në emër të 16 kandidatëve të qarkut Fier foli z. Myslym Murrizi i cili ndër të tjera siguroi të pranishmit se do të jetë përfaqësues i denjë i Legalitetit, Aleancës së Ndryshimit, Lushnjes  dhe qarkut të Fierit në parlamentin e ri që do të dalë nga zgjedhjet e 28 qershorit 2009.

Zyra e shtypit e PLL

___________________________________________________________________________________

Sot paradite Sekretari Politik i PLL z. Sulejman Gjana dha nje konference per shtyp ku prezantoi Programin Elektoral te PLL per zgjedhjet e 28 qershorit 2009.

Me poshte po ju percjellim te plote tekstin e deklarates se tij.

Zyra e shtypit e PLL

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tiranë, më 17 maj 2009

DEKLARATE PER MEDIA

Pas përfundimit të regjistrimit të listës së 140 kandidatëve që do të përfaqësojnë PLL në 12 qarqet e vendit për zgjedhjet e 28 qershorit 2009, PLL del para shqiptarëve me programin tonë elektoral ku PLL bazohet në kapacitetet njerëzore dhe intelektuale më të shëndoshtë të vendit tonë për të ofruar një qeverisje në dobi të interesave të vendit, kombit dhe popullit shqiptar brenda dhe jashtë kufijve politik. 

Për PLL, zgjedhjet e 28 qershorit përbëjnë një sfidë të madhe pasi dilema është e dukshme : ose vazhdojnë reformat dhe zhvillimi i vendit me orientimin e djathtë dhe konservator që sjellë PLL, ose kthehet në pushtet e majta me të gjitha të këqijat që rrezikon t’i sjellë vendit.  PLL paraqet një platformë për pasurimin e të djathtës me vlerat tona konservatore dhe tradicionale të përshtatura me realitetin dhe konditat bashkëkohore të vendit. 

Programi ynë bazohet në 4 shtylla kryesore që janë :

·        Parimet demokratike, politike dhe shteti i së drejtës

·        Ekonomia

·        Politika sociale

·        Politika e jashtme 

Lidhur me parimet demokratike, politike dhe shtetin e së drejtës, PLL synon të realizojë gjatë mandatit të ardhshëm qeveritar një reformë për të materializuar ndarjen e plotë e 3 pushteteve, përkatësisht pushtetit ekzekutiv, legjislativ dhe gjyqësor, duke sanksionuar papajtueshmërinë dhe konfliktin e interesit ndërmjet funksionit të deputetit dhe ministrit. 

Duke marrë parasysh se, me kodin e ri zgjedhor, deputetët dalin nga listat e partive politike, PLL do t’i kushtojë një rëndësi të veçantë parandalimit të trafikimit të mandateve.  PLL do të iniciojë një ligj për heqjen ose humbjen e mandatit të deputetit në raste flagrante të trafikimit të mandatit. 

PLL do të ndjekë gjithashtu me vendosmëri qëllimin e saj për organizimin e një referendum të ri ku do të vendosët përfundimisht sistemi i Monarkisë apo Republikës. 

PLL është e ndërgjegjshme se për ti shërbyer zhvillimit të vendit dhe uljes së tensioneve politike dhe shoqërore, Shqipëria ka nevojë që të mbyllë një herë e përgjithmonë faqen e historisë së errët komuniste. Në këtë kuadër, PLL synon ndër të tjera që të dënohet zyrtarisht sistemi komunist, ideatorët dhe aparaçikët e atij sistemi dhe të dëmshpërblehen dhe rehabilitohen të gjitha viktimat e diktaturës komuniste duke krijuar lehtësira për shkollimin dhe punësimin e këtyre shtresave, duke u dhënë përparësi në përfitimin e bursave shtetërore dhe duke hequr të gjitha detyrimet shoqërore për personat që do të punësohen në firmat private. 

Lidhur me drejtën e pronës, PLL mendon se është detyrë e shtetit të riparojë gabimet e së kaluarës dhe situatat e krijuara për shkak të aksionit apo inaksionit të vet.  Në këtë kuadër, PLL do të kompensojë me vlerën e tregut dhe brenda një mandati qeverisës të gjithë pronarët legjitimë të cilët nuk kanë mundësi të rikuperojnë pronat e tyre.  Për PLL, personat fizik apo moral që kanë përvetësuar pronat e huaja apo shtetërore duhet të ndërgjegjësohen për veprimin e tyre duke shlyer detyrime ndaj shtetit për t’i mundësuar shtetit kompensimin e të shpronësuarve. 

PLL konsideron se e drejta dhe liria e besimit janë jetike për një shoqëri të shëndetshme dhe pa vese.  Për PLL shteti shqiptar duhet të njohë dhe të mos krijojë asnjë pengesë për 3 fetë tradicionale në Shqipëri, përkatësisht Bashkësitë Islame, Ortodokse dhe Katolike si dhe duhet të subvencionojë bashkësitë fetare, klerikët, mësuesit dhe institucionet fetare me qëllim që të kufizohen ndërhyrjet nga jashtë në këto institucione. 

PLL e konsideron diasporën shqiptare, qoftë politike apo ekonomike, si pjesë integrale e kombit shqiptar dhe të shoqërisë shqiptare.  Andaj, PLL do të stimulojë integrimin e diasporës shqiptare nëpërmjet njohjes dhe dhënies së shtetësisë shqiptare automatikisht dhe pa procedura administrative për të gjithë refugjatët politik të para viteve 90 dhe familjarët e tyre.  PLL do të stimulojë gjithashtu zhvillimin dhe intensifikimin e programeve bashkëpunimi me diasporën shqiptare në aspektet shoqërore, edukative, kulturore, artistike dhe shkencore të mbështetura nga qeveria shqiptare, dhe krijimit të kushteve për respektimin e komunitetit shqiptar në shtetet ku jetojnë dhe punojnë shqiptarët. 

PLL mendon se përveç simboleve si flamuri e himni kombëtar, personalitetet dhe figurat patriotike dhe kombëtare që kanë vdekur dhe janë varrosur jashtë vendit duhet të nderohen dhe vlerësohen për kontributet e tyre në dobi të kombit dhe atdheut. Në këtë drejtim, PLL do të realizojë riatdhesimin e eshtrave të personaliteteve shqiptare si Mbreti Zog, Gjeneral Abaz Kupi, Fan Noli, Mit’hat Frashëri, Muharrem Bajraktari, etj, duke organizuar ceremoni zyrtare me të gjitha nderimet shtetërore për kontributet e këtyre personaliteteve. 

Për PLL, sektori publik duhet të jetë në shërbim të qytetarëve.  PLL është e prirur që të reformojë administratën duke rritur profesionalizmin, produktivitetin dhe ndjenjën e shërbimit publik, duke nxitur frymën e meritokracisë dhe karrierës në sektorin publik, duke luftuar kundër burokracisë, nepotizmit dhe abuzimit me detyrën dhe duke luftuar favoritizmin dhe emërimet partiake. 

Lidhur me korrupsionin, pavarësisht përparimeve të dukshme, fenomeni i korrupsionit mbetet një problem shqetësues i shoqërisë Shqiptare.  PLL beson se lufta ndaj korrupsionit nuk mund të realizohet vetëm duke stimuluar denoncimet por se është detyrë e shtetit të krijojë kushtet dhe rregullat që do të parandalojnë korrupsionin. 

Për sa i përket ekonomisë, për PLL standardet e jetesës, mirëqenia dhe lumturia e popullit shqiptar janë në bazë të mendimit tonë ekonomik dhe duhet përfituar nga të gjitha potencialet e vendit për të luftuar varfërinë dhe papunësinë, për të  zgjeruar e fuqizuar sektorin privat, për të nxitur konkurrencën dhe për të stimuluar prodhimin vendas. 

PLL do të stimulojë zhvillimin e disa sektorëve duke u dhënë një përparësi në investime, kredi dhe subvencione.  Sektorët prioritarë për PLL janë biznesi i vogël, ndërtimi, bujqësia dhe blegtoria, turizmi, energjia dhe minierat.  PLL do të krijojë kushte të favorshme për zhvillimin e këtyre sektorëve duke hequr ose ulur taksat dhe detyrimet shoqërore dhe duke ofruar kredi pa interes për shumë ndërmarrje dhe biznese aktive në këto sektore. 

Për shembull, për të stimuluar biznesin e vogël, PLL mendon se shteti duhet të garantojë dhënien e kredisë pa interes për çdo biznes të ri që do të sigurojë punësimin e të paktën 5 punëtorëve ; për të zhvilluar sektorin e ndërtimit, PLL mendon se duhet hequr për një afat kohor të caktuar të gjitha taksat për shtetasit që do të blejnë apartamente dhe shtëpia të reja ; për të stimuluar bujqësinë dhe blegtorinë, PLL mendon se duhet stimuluar transferimi i produkteve të këtij sektori brenda përbrenda vendit me subvencionimin e një përqindjeje të kostos së transportit dhe duhet investuar në frigorifera në të gjitha zonat rurale ku do të grumbullohen ekscedentet e prodhimit me qellim që të futen përsëri në treg në periudhat të tjera gjatë vitit ; për të zhvilluar turizmin, PLL mendon se shteti duhet të japë koncesione afatgjate grupeve financiare shqiptare dhe të huaja për zhvillimin e 2 qendrave turistike bregdetare të klasit të lartë dhe 4 qendra turistike për turizmin masiv ; për të zhvilluar energjinë, PLL mendon se duhet investuar në garantimin e furnizimit me energji elektrike dhe ujë për të gjithë shtetasit, 24 orë në ditë, duke modernizuar gjithë rrjetin dhe duhet që Shqipëria të bëhet një vend transiti drejt Evropës të gazit dhe naftës duke i dhënë një prioritet bashkëpunimit me vendet që nuk tregojnë asnjë rrezik për interesat dhe sovranitetin tonë kombëtar dhe të cilët respektojnë të drejtat e shtetasve shqiptarë që jetojnë jashtë vendit ; për të zhvilluar minierat, PLL mendon se shteti duhet të stimulojë privatizimin e minierave duke krijuar kushte të favorshme për investitorët si heqjen e të gjitha detyrimeve shoqërore për një periudhe 5 vjeçare dhe investimin ne infrastrukturën rrugore ndërmjet minierave të privatizuar dhe akset kryesore dhe se duhet stimuluar investime në industrinë e përpunimit në vend nga kapitali i huaj duke vendosur moratoriume në taksat e atyre industrive për një periudhë 10 vjeçare. 

Në politikat sociale, prioriteti i PLL mbetet arsimi, shëndetësia, sigurimet shoqërore dhe familja. 

Ndër të tjera, lidhur me arsimin, PLL synon që tu japë prioritet shkollave dhe universiteteve publike në të gjithë vendin dhe që të garantojë nivelet e arsimit në shkollat dhe universitetet private më një program bazë dhe standarde të larta dhe me kontrolle sistematike në mbrojtje të studentëve dhe cilësisë së mësimdhënies ; lidhur me shëndetësinë, PLL synon që shteti të garantojë që të gjithë shtetasit shqiptar të përfitojnë një sistem shëndetësor falas ose me kosto minimale duke rritur efektivitetin e sigurimeve shoqërore ; lidhur me sigurimet shoqërore, PLL synon që të krijojë një regjistër kombëtar të Sigurimeve Shoqërore për përqendrimin e të gjitha të dhënave shëndetësore dhe shpejtimin e shërbimeve mjekësore për pacientët në spitalet dhe farmacitë e vendit, të krijojë lehtësira fiskale për familjet që kujdesen për të moshuar dhe invalidë dhe të heqë të gjitha taksat vendore për moshën e tretë ; lidhur me familjen, PLL synon që të rrisë fondin e shpërblimit të familjeve për çdo lindje dhe rrisë shpërblimin për familjet me më shumë se një fëmijë, që të stimulojë gjeneratat e reja që të kujdesen prindërit nëpërmjet lehtësira fiskale, që të krijojë një fond të veçantë për nënat që vendosin të mos punojnë por të kujdesen për fëmijët e tyre kështu që të gëzojnë ata një shpërblim prej 50.000 lekësh në muaj, etj. 

Për sa i përket politikes së jashtme, PLL është e vendosur që të krijojë të gjitha kushtet për integrimin e plotë të Shqipërisë në BE para vitit 2015 dhe do të ndërmarrë të gjitha reformat e nevojshme për plotësimin e standardeve evropiane gjatë mandatit të ardhshëm.  Për PLL, marrëdhëniet me Shtetet e Bashkuara të Amerikës duhet të forcohen me një politikë të jashtme vizionare dhe realiste në interes të popullit dhe vendit tonë. 

Po ashtu, PLL synon që Shqipëria të zhvillojë një politikë të jashtme e bazuar vetëm në interesin kombëtar dhe të bëhet një faktor i rëndësishëm në rajon. 

Për PLL, është e rëndësishme që në kuadër të bashkëpunimit rajonal që mbetet një kriter për anëtarësim në BE, Shqipëria të vëri si parakusht për çdo bisedë që Serbia të njohë zyrtarisht gjenocidin dhe pastrimin etnik që ushtroi ndaj shqiptarëve në Kosovë dhe të paguaje një dëmshpërblim për krimet dhe dëmet e luftës. 

Për të siguruar një fqinjësi të mirë, PLL do të kërkojmë nga Greqia që të abrogojë zyrtarisht ligjin famëkeq të luftës, që të garantojë kthimin e të gjitha të drejtave çamëve autokton në tokat e tyre dhe që të pajisen të gjithë emigrantët ekonomik shqiptar me dokumente dhe leje qëndrimi të rregullta. 

PLL beson se forcimi i marrëdhënieve me Organizatën e Konferencës Islamike do ta mundësojë vendin tonë të gëzojë një influencë më të madhe në rajon dhe do ti japë mundësi Shqipërisë që të luaje një rol edhe global sidomos duke shërbyer si mediator për arritjen e një paqeje të qëndrueshme në Lindjen e Mesme dhe për njohjen dhe respektimin e pavarësisë të Palestinës. 

Programi ynë, mentaliteti dhe vizioni ynë në qeveri synojnë të rrisin dinjitetin dhe krenarinë e të gjithë shqiptarëve kudo që gjenden dhe të mbrojë interesat e gjithë popullit dhe jo vetëm të një shtrese të përcaktuar. 

PLL do të jetë e palëkundur në ngritjen lart të vlerave tona të pavarësisë në të gjitha fushat. 

Sulejman Gjana

Sekretar Politik i PLL

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tirane, me 10 maj 2009

PJESE NGA FJALA E KRYETARIT TE PLL E. SPAHIU NE MBLEDHJEN E KESHILLIT KOMBETAR TE PLL

Partia “Levizja e Legalitetit” ka mbledhur sot Keshillin Kombetar per te miratuar listat shume-emerore te kandidateve me te cilat PLL do te konkurroje ne zgjedhjet e 28 qershorit ne te 12 qarqet e vendit. Gjithashtu Keshilli Kombetar do te miratoje edhe programin elektoral te PLL. Ky eshte nje veprim normal procedural dhe statutor qe do t’i hape rrugen kalimit ne fazen me te rendesishme te fushates elektorale, ku kandidatet e miratuar do te zhvillojne takime intensive me elektoratin per te prezantuar programin e PLL dhe platformat e tyre elektorale duke kerkuar prej zgjedhesve shqiptar votat ne emer te partise “Levizja e Legalitetit”.

“Levizja e Legalitetit” eshte partia e vetme e cila i ka lene kompetence te plote strukturave te bazes per te propozuar dhe perzgjedhur emrat e kandidateve, per t’i renditur ato ne listat shume-emerore dhe per te caktuar mekanizma stimulues e konkurrues qe do te nxisin nje gare ndermjet kandidateve per nje rezultat sa me te larte. Kjo eshte shprehje e demokracise se thelle qe ekziston brenda partise “Levizja e Legalitetit” dhe tregues i qarte i pjekurise se larte politike te strukturave lokale te cilat arriten qe te permbushin me sukses objektivin per perzgjedhjen e 140 kandidateve ne te 12 qarqet e vendit.

Pas miratimit nga ana e Komitetit Drejtues te kritereve baze, kalendarit te veprimeve dhe pershtatjes se strukturave ne nivel qarku sipas specifikes se kodit te ri zgjedhor, organet e bazes nen drejtimin e sekretareve koordinativ filluan punen per perzgjedhjen e kandidateve. Si rezultat i ketij procesi ne kemi sot nje liste prej 140 kandidatesh te ndare ne 12 qarqe e cila pret te miratohet prej Keshillit Kombetar qe  eshte organi kompetent per miratimin perfundimtar te tyre.

Partia “Levizja e Legalitetit” ka marre pjese rregullisht ne te gjitha zgjedhjet e meparshme parlamentare, por asnjehere me pare nuk ka pasur nje liste me te madhe dhe me cilesore se sa lista e kandidateve qe do te paraqitet sot per miratim ne Keshillin Kombetar.

Ne perberjen e listes se kandidateve bie ne sy jo vetem permbushja e detyrimit ligjor qe 30% e kandidateve t’i perkase seciles gjini, por edhe perfshirja ne to e mjaft intelektualeve te njohur nga bota akademike, drejtesia, ekonomia, kultura, arti, shoqeria civile, etj.

Partia “Levizja e Legalitetit” ka vecantine se per ate do te konkurrojne kandidate te ardhur nga SHBA dhe vende te tjera perendimore si perfaqesues te mergates se vjeter politike por edhe te emigracionit te ri.

Partia “Levizja e Legalitetit” eshte e bindur qe ky ekip i kandidateve te saj per zgjedhjet e pergjithshme parlamentare te 28 qershorit do te kontribuoje dukshem per rezultatin e elektoral te PLL dhe fitoren e koalicionit te djathte ne pergjithesi.

Fitorja e zgjedhjeve te ardhshme parlamentare dhe riperteritja e mandatit qeverises do te na krijoje mundesine qe sipas marreveshjes elektorale me Partine Demokratike te jemi partnere ne bashkeqeverisjen e vendit, ne hartimin e programit qeverises dhe perfaqesimit ne te gjitha nivelet e qeverisjes se vendit ne perputhje me peshen politike qe do te deshmohet nga zgjedhjet e 28 qershorit.

Partia “Levizja e Legalitetit” eshte e pergatitur qe ne qeverisjen e ardhshme te jape nje kontribut maksimal ne institucionet qe kane te bejne me autoritetin e shtetit dhe zbatimin rigoroz te ligjit, por pa lene menjane edhe institucionet qe kane te bejne me rehabilitimin dhe integrimin e plote te ish -te burgosurve dhe te perndjekurve politike apo zgjidhjen perfundimtare te ceshtjes se prones.

***

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tirane, me 8 maj 2009

Informacion per media

Kryetari i partise “Levizja e Legalitetit” Ekrem Spahiu dhe drejtues te tjere prezantuan ne nje atmosfere entuziaste ne qytetin e Peshkopise kandidatet Gazmend Lita dhe Lulzime Lela qe se bashku edhe me kandidatet e Bulqizes dhe Matit do te perfaqesojne PLL ne listen shume-emerore te qarkut Diber per zgjedhjet parlamentare te 28 qershorit.

Z. Lita eshte anetar i Kryesise se PLL dhe Sekretar per Marredheniet me Jashte, kryetar i deges se PLL Diber dhe biznesmen i suksesshem qe prej me shume se nje viti eshte rikthyer ne atdhe nga SHBA ku ka jetuar per nje kohe te gjate duke marre nje edukim dhe formim perendimor. Ndersa znj Lela shquhet per vlerat e saj intelektuale dhe se bashku me z. Lita jane perfaqesues edhe te vlerave me te mira te tradites dibrane.

Kryetari i PLL Ekrem Spahiu tha se zgjedhjet e 28 qershorit do te jene nje gare politike ndermjet modeleve dhe programeve qeverisese, ku cdo parti do te vleresohet mbi bazen e suksesit te saj, premtimeve te mbajtura, vlerave te individit dhe kontributeve te dhena ne zhvillimin e shtetit shqiptar. Ai shtoi se “PLL ka te drejten e plote morale qe te kerkoje votat e elektoratit shqiptar sepse eshte nje parti me nje program te pasur qe i jep zgjidhje perfundimtare dhe te shpejte ceshtjeve ende te pazgjidhura te shoqerise shqiptare. Per me teper, PLL eshte nje parti qe shquhet per seriozitetin e saj, korrektesen ndaj zgjedhesve dhe mbrojtjen e interesave te vendit dhe qytetareve shqiptare.” Keto ai i ilustroi me modelin qeverises gjate viteve 1928-1939 dhe kontributin aktual te PLL ne qeverisjen qendrore dhe lokale.

Spahiu tha gjithashtu se nenshkrimi i marreveshjes se bashkepunimit elektoral ndermjet PLL dhe PD si dhe pjesemarrja edhe me partite e tjera ne koalicionin eshte nje bashkim vlerash per t’i paraqitur elektoratit shqiptar alternativen me te mire e cila do te jete padyshim edhe alternativa fituese.

Kandidatet Lita dhe Lela shprehen angazhimin e tyre per te bashkebiseduar me zgjedhesit ne te gjithe rrethin e Dibres me qellim shpalosjen e programit elektoral te PLL si dhe garantuan te pranishmit per ndershmeri dhe perfaqesimin me dinjitet te gjithe treven e Dibres ne parlamentin e ardhshem te Shqiperise.

Zyra e shtypit e PLL

***

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tirane, me 2 maj 2009

Informacion per media

Ndalesa e radhes e kryetarit te partise “Levizja e Legalitetit” Ekrem Spahiu ne turin e tij te takimeve me elektoratin ishte komuna Bradashesh e rrethit te Elbasanit ku ai prezantoi kandidaten e PLL per zgjedhjet e 28 qershorit znj. Emine Shehi.

Ne fjalen e tij Spahiu tha se “ne kete komune PLL ka nje mbeshtetje te konsiderueshme elektorale dhe perfaqesohet me dy keshilltare, njera prej te cilave eshte znj. Emine Shehi e cila ne keshillin komunal ka mbajtur kurdohere qendrime korrekte ndaj interesave te elektoratit qe e ka zgjedhur.”

Duke ju referuar zhvillimeve politike ne vend, Spahiu tha se: “Opozita e majte po paraqitet para elektoratit shume e corientuar dhe konfuze. Kjo ndodh sepse opozita nuk ka asnje alternative per t’i ofruar shqiptareve dhe se perpara sukseseve te kesaj maxhorance ajo ndjehet e kompleksuar dhe e paafte per t’u ballafaquar me programe konkurruese. Ne keto kushte opozita e majte ka zgjedhur rrugen e krijimit te alibive per te justifikuar deshtimin e saj te pritshem ne zgjedhjet e 28 qershorit.

Spahiu u shpreh i bindur qe zgjedhjet e 28 qershorit do te jene te lira dhe te ndershme. Kete ai e mbeshteti ne vullnetin e palekundur dhe te deshmuar te maxhorances per te realizuar zgjedhje te lira dhe te ndershme, por edhe me klimen e re dhe standardet e reja qe po zbatohen ne vend pas anetaresimit te Shqiperise ne NATO dhe aplikimit per ne BE.

Zyra e shtypit e PLL

****

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tirane, me 28 prill 2009

Informacion per media

Forumi i Grave Legaliste te qytetit te Elbasanit zhvilloi nje takim elektoral ne te cilin ishin te pranishem edhe kryetari i PLL Ekrem Spahiu si dhe kryetarja e Forumit te Gruas Legaliste znj. Zhaneta Ndregjoni.

Fjalen e hapjes e mbajti kryetarja vendore e ketij forumi znj. Eglantina Tabaku e cila evidentoi punen dhe angazhimin e grave legaliste te cilat jane perkushtuar teresisht per fushaten elektorale te PLL ne gjithe rrethin e Elbasanit duke kontribuar edhe me kandidaturat e tyre te cilat jane mjaft cilesore dhe premtuese.

Kryetarja e Forumit te Gruas Legaliste znj. Zhaneta Ndregjoni prezantoi tre kandidatet femra, perkatesisht zonjat Edlira Harri, Emine Shehi dhe Valbona Shengjergji, te cilat do te perfaqesojne Legalitetin ne listen shumemerore te kandidateve per qarkun Elbasan. 

Kryetari i PLL Spahiu, pasi foli per rendesine e madhe te zgjedhjeve parlamentare te 28 qershorit dhe objektivin e PLL per realizimin e perfaqesimit parlamentar edhe ne qarkun e Elbasanit, tha se partia “Levizja e Legalitetit” do te shnderrohet ne nje faktor te rendesishem ne jeten politike te vendit dhe do te punoje per materializimin programit te saj politik, sepse ajo eshte nje parti qe ka nje baze shoqerore me konture te qarta, ka traditen me te mire shtet-ndertuese dhe qeverisese, ka vecantine e saj programore qe e dallojne dukshem nga partite e tjera si dhe resurset e nevojshme per te qene pjese e zhvillimeve te kohes dhe trasheguese e tradites me te mire.

Duke ju drejtuar te pranishmeve ne salle dhe shprehur nderim dhe mirenjohje te vecante ndaj nenave dhe motrave tona per sakrificat, mundin dhe kontributet e tyre ndaj familjes dhe shoqerise, Spahiu tha se per legalistet familja eshte e shenjte dhe se eshte e domosdoshme qe per  kete pasuri te jashtezakonshme te kombit shqiptar, ku rolin paresor e ka femra, e gjithe shoqeria duhet te tregoje nje vemendje te vecante.

Spahiu foli gjithashtu edhe per mundesine qe zgjedhjet e ardhshme parlamentare paraqesin per rritjen e pjesemarrjes se grave ne vendim-marrjet me te rendesishme. Detyrimi ligjor i parashikuar ne Kodin Zgjedhor, qe jo me pak se 30% e kandidateve per deputet te jene nga secila gjini, eshte vetem fillimi i ndryshimit qe i hap rrugen edhe rritjes se pjesemarrjes se grave ne te gjitha sferat e jetes. Perfshirja e tre kandidateve femra ne rrethin e Elbasanit, te cilat jane kandidatura reale e qe garojne per te fituar, eshte nje tregues i qarte se partia “Levizja e Legalitetit” e shikon me prioritet rritjen e rolit te femrave ne politiken shqiptare.

Zyra e shtypit e PLL

***

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

Tirane, me 27 prill 2009

Informacion per media

Ne turin e takimeve me zgjedhesit per zgjedhjet parlamentare te 28 qershorit 2009, kryetari i PLL Ekrem Spahiu zhvilloi nje takim ne komunen Gostime te rrethit Elbasan.

Duke folur per qeverisjen katervjecare Spahiu tha se “arritjet e kesaj  maxhorance jane te dukshme duke filluar nga proceset integruese te Shqiperise ne strukturat Euro-Atlantike, per te vazhduar me reformat e ndermarra, rritjen ekonomike, investimet gjithnje e ne rritje ne infrastrukture, paga, pensione, etj.”

Spahiu u tha te pranishmeve se kjo maxhorance nuk e kerkon voten thjesht per ato qe ka bere gjate ketyre viteve dhe premtimet e mbajtura, por e kerkon per ato cfare do te beje ne dobi te shqiptareve gjate mandatit te ardhshem 2009-2013.”

Duke vijuar me tej Spahiu vleresoi maksimalisht dhe u shpreh entuziast per dorezimin zyrtarisht prej kryeministrit Berisha me date 28 prill 2009 te kerkeses se Shqiperise per anetaresim ne Bashkimin Evropian .

 Zyra e shtypit e PLL

****

Mbreti Zog, si u zgjidh problemi i arit ne Egjipt dhe lufta me kancerin

Para se të shkonte në Paris ku dhe dha shpirt nga sëmubja e kancerit, Mbreti Zog pati shumë probleme financiare në egjipt. Nga pushteti i ri që erdhi në këtë vend ai nuk lejohej të largohej për në Francë dhe pas shumë peripecish iu desh të linte një garanci prej 12 mijë sterlinash egjiptiane dhe të merrte arin e depozituar në bankë. Por banka nuk ia dha arin në dollar amerikan sicc por me paranë vendasë, gjë që i kushtoi mbretit Zog një humbje të madhe në të holla. Në paris ai do të zbulonte sëmundjen e kancerit që i mori jeten pa mundur të bënte një ndërhyrje. Varrimi i rij ishte madhështor dhe qindra shqiptarë në mërgim e përcollën për në banesën e fundit, ku eshtrat e tij vazhdojnë të prehen sot e kësaj dite. Pas vdekjes kurorën e mori Princ Leka, të cilin Asambleja Kombëtare provizore e mbledhur në hotel “Bristol” në Paris e pagëzoi me emrin Leka I mbret i shqiptarëve. NEË YORK, 4 GUSHT1951 Madhëria e Tij Mbreti Zog I u ftua për të shkuar në Uashington. Ai menjëherë u nis dhe ishte i shoqëruar prej kolonel Hysen Selmanit, Nuçi Kottes, Mizrail Pashës e Peter Kolonjës. Si mbaroi të gjitha vizitat, atëherë me rradhë thirri senatorët amerikanë. Senatori Tahti ishte njëri prej tyre dhe ishte Kryetar i Partisë Republikane në Amerikë'. Ai ishte shumë' Zotni. Mbreti Zog, në (Ëashington, për çdo mbrëmje, kishte nga 20 senatorë e personalitete të larta amerikane. "Kjo vazhdoi për 12 ditë me radhë dhe pastaj u kthyem prapë në Neë York. Në Uashington, çdo gjë pothuajse shkoi mirë. Por, Presidenti Truman ishte i sëmurë prej një gripi të fortë. Këtu, në dreka e darka, kishim një numër të madh gjeneralë'h të Pentagonit. Kishim mes të tjerësh edhe shumë ministra, shefa seksionesh, dhe të tjerë. Këta ishin të gjithë, përsa kohë, që ne qëndruam aty."Në Neë York, Mbreti dëshironte të blinte një shtëpi të mirë. Kështu gjetëm nje shtëpi në Long-Island me 110 akër bahçe e tokë. Ishte nje shtëpi si një Pallat, me plot 45 pjesë, e gjitha në kushte tëmira. Ishin edhe 4 shtëpi të tjera të mëdha. Këtë e blemë për 150.000 dollarë. Kuptohet se kjo bente shumë, por i zoti që e shiti, e bënte këtë më tepër se kishte taksa të rënda, ndërsa Mbreti Zog nuk paguante taksë. Për këtë arsye e morëm aq lirë dhe e paguam. Lamë Major Lev Sukacevin që ishte me Avokat Boris Komarën, për ta patur nën kujdes. Si rojtar lamë' një shqiptar, sepse Mbreti Zog Idshte vendosur që'pas një kohe të' sistemohej në' Amerikë'. Kjo, akoma, nuk ishte vendosur, por shtëpinë e bleu, që ta kishim. Edhe në Aleksandri kishim një shtëpi të madhe me gjithë bahçe, që kishte kushtuar plot 20.000 stërlina. Shtëpinë, në Aleksandri ja shitëm Princit Telat, qe ishte djali i Mbretit të Arabisë Saudite, Abdyl Aziz. Por, Princi na pengoi, se nuk na pagoi të hollat menjëherë, që bënin 285.000 dollarë. Kjo gjë na pengoi dhe na dëmtoi aq rëndë saqë do të shënohet më vonë. Duke pritur që të bëhej pagesa, ne vonuam derisa u bë' revolucioni Egjiptian. NEË YORK ,27 SHTATOR1951 Madhëria e Tij Mbreti Zog I me datën 27 shtator 1951, u nis nga Neë York-u për në Europë. Ai ishte i shoqëruar deri në aeroportin e Neë York-ut, nga më tepër se 300 persona. Ishin amerikano-shqiptarë, grekë, jugosllavë, policë. Ishte me të vërtetë një' përcjellje tepër madhështore. Ai u nis direkt për në Francë, ku në Paris qëndroi 12 ditë. Ai vizitoi Presidentin dhe shumë personalitete franceze. Natyrisht bëri të gjitha mundësitë për realizimin e interesave të Atdheut. Gjithkund, ai u prit mirë. Dhe, pasi mbaroi të gjitha vizitat në' Paris, u nis për në Egjipt. Në Paris, pati dy herë takim me Princin Telat, që kishte blerë shtëpinë në Aleksandri. Ky i fundit i dha fjalën, se brenda 10 ditëve do t'i paguante të gjithë të hollat, e do të vinte në Aleksandri për të marrë shtëpinë në dorëzim. PARIS,5 TETOR1951 Madhëria e Tij Mbreti Zog, me datën 5 Tetor 1951 u nis për Egjipt. "Pasi mbaroi të gjitha punët në Paris, arritëm në aeroportin e Kairos. Ishte natë dhe aty na prisnin Madhëria e Saj Mbretëresha Geraldinë me gjithë princeshat dhe Tofik Dos Pasha, Theoderos Pasha dhe Hasan Nehas Pasha me Zonjën. Ishin edhe shumë autoriteie Egjiptiane si Tahir Pasha, Princ Omer Faruku dhe gjithë personaliteti i Pallatit. Aty u përshëndetëm me të gjithë. Pastaj, ndenjëm pak në hotel "Hilipolis" një orë. Sa iu dhamë një kafe dhe pastaj ne u nisëm direkt për në Aleksandri. Mbreti Zog tani është në Aleksandri. Ai po përgatitet për t'u nisur për në Europë duke u falë e biseduar ndoshta për të fundit herë me të gjithë miqtë arabë. Mbreti Faruk vinte përditë e i vinte mjaft keq që po largoheshim nga Egjipti. Por, e sheh edhe ai vetë, se qëndrimi i Mbretit Zog në Egjipt nuk është aq i favorshëm për interesat, që ai kërkon të bëjë për vendin e vet. Kështu Mbreti përditë ka me dyzina miq, që i urojnë një rrugë me plot suksese. Eshtë gjithmonë në pritjen e Princit Telat që do t'i dorëzonte për shtëpinë 100.000 lira stërlina. Menjëherë, ne patëm dërguar edhe plaçkat në shoqërinë Farosse, për t' i dërguar më pas në Francë dhe patëm zënë 2 shtëpia në Kanë . ALEKSANDRI, 20 TETOR 1951 Me këtë datë, 20 Tetor 1951, na vjen Lartësia e Tij Princi Telat. Ai i tha Mbretit Zog. "Të kam si babain tim. Unë i prisha të hollat, më kanë mbetur vetëm 25.000 lira e të tjerat vetëm do t'i paguaj me këste brenda tre muajsh." Me siguri kjo e mërziti aq shumë Mbretin, sa i prishi të gjithë programin. Por, nuk ishte se çfarë të bënte. Menjëherë thirrën avokatët, Mbreti të vetin, ashtu Princi kishte avokatin e Ambasadës Arabisë Saudite. Mbaruan formalitetet noteriale dhe i dorëzoi shtëpinë e Mbretit provizorisht. Ai zuri vend në hotel "Mediterranea," për dy muaj, sipas premtimeve të princit, që do t'i paguante të hollat. Princi kishte me vete një të Ambasadës. Ai quhej Feidan dhe ai e mori përsipër. Kështu dolëm nga shtëpia e u grumbulluam 46 vetë në hotel "Mediterranea." Gjoja do të rrinim për dy muaj. Kjo do të na shkatërrojë krejtësisht, si ekonomikisht dhe politikisht. Të nesërmen erdhi Mbreti Faruk si gjithmonë dhe po bisedonin mbi udhëtimin në Shtetet e Bashkuara të Amerikës. Në bisedim e sipër erdhën edhe Shyqyri Kuatly e Myftiu i Jeruzalemit. Të gjithëve u vinte shumë keq që Mbreti Zog po largohej nga Egjipti. Ata kishin një simpati të madhe për të dhe ai vetë i ndaloi edhe këta për darkë. Në darkë filluan bisedat mbi punimet në Amerikë. Burrat folën si për muhabetet në Neë York ashtu në Uashington. Atë e thirrën në telefon dhe i treguan mbi ngjarjen e Zvicrës dhe kishin botuar një artikull shumë të kotë. "Atëherë, unë,- tha Mbreti Zog,-ju luta që për hatrin tim mos e botonin. E hoqën." "Po,- tha Mbreti Fai uk,- ma tha Mizrail Pasha. Ashtu ka qenë, po pasi u botua si në Zvicër, në Francë dhe në "Lajit" le të ishte botuar. Nuk do të bënte ndonjë përshtypje më tepër." Shoqëria "Farose," amballazhoi të gjithë materialin që transportonte për në Francë. Ishin më tepër se 20 kasa, Iibra e sende të argjenta. Gjithshka kishte të personelit nga të dy shtëpitë, si ajo e Mbretit me Mbretëreshën dhe si ajo e Princeshave. Mobiljet nuk u luajtën nga vendi. Për fat të keq, nuk i merrnim dot, shtëpitë ishin të mobiluara krejt në sistemin modem. Po, shoqëria "Farose" kërkonte që t'i transportojë bagazhet në Francë." "Po,- i thamë, -të presin." "Një pjesë' të vogël të arkivës e kishim me vete. Kuptohet atë që kërkojnë përditë për të punuar me të. Pjesa, më e madhe ishte amballazhuar në Shoqërinë" "Farose". Ndërkohë, ne ishim në Hotel "Mediterranea" dhe situata ishte shumë e ndërlikuar pasi hotel "Mediterrane" ishte i vjetër. Madje, ata kërkonin që ta lirojmë sepse po mbusheshin dy muaj dhe Princi as që dëgjohej. Më nuk dimë seçfarë të bëjmë." Qeveria e Nehas Pashës nuk mundi të' bëjë edhe ajo asgjë mbi qetësinë e vendit. Një mbrëmje i vunë zjarrin Kairos. U bënë dëm të gjitha, saqë u dogj edhe hotel Shepet që ishte i njohur edhe shumë magazina e klubet. "Nje gjendje që as mendja nuk ta merr." Pas kësaj, Qeveria e Nehas Pashës dha dorëheqjen sepse nuk pati asnjë mundësi të stabilizojë qetesinë. Përditë dilnin shumë universitarë dhe gjithmonë në grevë. Policisë nuk i besohej, por në ushtri kishte hyrë një mikrob i rrënjosur. Kudo s'kishte asnjë autoritet dhe ishin të' vështira masat për sigurimin e qetësisë. ALEKSANDRI, 8 MAJ 1952 Madhëria e Tij Mbreti Zog ishte i zënë nga punimet e mëdha të përditshme. Ai ishte gjithashtu i mërzitur dhe ishte gati për t'u nisur me një personel të madh prej 43 vetësh. Për ditë kishte miq, sidomos arabë, që u vinte keq sepse po ikte nga Egjipti. Ata kishin një simpati të madhe e admirim për Mbretin Zog. Gjithsesi, Mbreti kishte ende shumë probleme: "Akoma nuk po i dilte blerësi i shtëpisë dhe nuk po i paguante të hollat sipas kushteve. Kjo ishte një shumë mjaft e madhe dhe bëheshin pothuaj gati dyqind mijë dollarë që duheshin marrë. Mbreti ndërkohë kishte zënë dy shtëpi në Kanë, Francë dhe ato i kishte paguar për 6 muaj. Të gjitha bagazhet e amballazhuara ndërkohë, kishin mbetur në shoqërinë "Farose". Në këtë kohë, ai e la hotelin "Mediterranea" dhe zuri një shtëpi të madhe në Ramleh Marash-Pasha. Aty ai u instalua në pritjen e pagesës që të nisej. Dhe, kur më në fund e pa se pagesa nuk po i bëhej shpejt, vendosi për të dalë, por të gjitha të hollat ishin në bankën "Miser." Për të tërhequr të hollat lipsej të pagonim plot 76.000 lira egjiptiane. Mbreti këtë dëshironte, që me të hollat e shitjes së shtëpisë, të dërgonin paratë në bankën "Miser" dhe të tërhiqnin të gjithë arin që ishte në dollarë, ar amerikan. EGJIPT,12PRILL1952 Gjendja në gjithë viset egjiptiane, përditë vjen duke u keqësuar. Qeveria e ka humbur krejtësisht autoritetin para popullil e sidomos pas rënies së Qeverisë të' Nehas Pashës, erdhën qeveri me radhë muaj më muaj, por asnjë dobi. Është njc gjendje jo vetëm e keqe, por edhe një anarki komplet. Pritej në çdo ditë ndonjë kryengritje, nuk kuptojmë as Qeverinë, as Mbretin Faruk, se çfarë mendojnë, e përse nuk marrin masa, kjo situatë ka vënë në frikë edhe të huajt. Çdokush po largohet dhe të gjithë pasanikët marrin masa për largimin e pasurisë. Madheria e Tij Mbreti Zog ishte shumë i mërzitur pas kësaj dhe mendoi se: "do të dal, sepse dy shtëpitë në Kanëjanë' të zëna dhe të paguara për 6 muaj." Por, ç'të bënte, kur ende Princi Telat nuk i përgjigjej? Aleksanderi 12 korrik 1955 Na vjen Exelenxa e tij shyqyri Kuantly. Ai duke qeshur menjëherë hyri te Mbreti Zog I dhe i tha “madhëri ccdo gjë u mbarua. Tani, qeveria egjiptiane ka dhënë të gjitha urdhërat që Madhëria Juaj të jeni të lirë, kur të dëshironi për të dalë. Dërgoni e merrni pasaportat, se i keni gati. Po ashtu, edhe bankës "Misir" i është dhënë urdher për të tërhequr të gjitha të hollat që keni depozituar, etj. Kur po bisedonte Kuatly me Mbretin Zog,, aty vjen edhe avokati Hasan Saoud, i cili kërkoi të paraqitej te Mbreti Zog. I thamë të presë se ishte Presidenti Kuatly, por megjithatë e thirrën brenda edhe avokatin, i cili parashtroi, se e kishin lajmëruar se ende gjyqi nuk kishte marrë fund, për sa i përket Sezisë. Duhej të linin një garanci në bankë për gjyqin prej 12.000 (dymbedhjetë mijë) lira egjiptiane, derisa të merrte fund gjyqi. "Në rast se fitoni gjyqin këto të holla ju dërgohen në Francë lirisht prej bankës."Presidentit Kuatly i erdhi shumë keq se Presidenti i Egjiptit Gemal Abdyl Naser i ka thënë se asnjë pengim nuk ka e u skuq, por tha: "Madhëri me këta njerëz nuk di njeriu se ku mbahet. Nuk kanë as më të voglën burrëri. Ku na nxjerrin tani se Sezija nuk ka përfunduar ! Do t'i shkoj përsëri Naserit,"- tha, por Mbreti Zog e zuri për dore e i tha: "Jo, jo, miku im nuk ka problem. I lemë ato garanci që kërkon gjyqi. Më mirë mos të hyjmë më thellë, se kjo shumë nuk do të pengojë. Vetëm shumën e arit që kam në bankën "Miser" të ma lenë të lirë, se dua të shes prej tyre, për të paguar 75.000 lira. Për tre vjet kam hyrë borxh këtu brenda në Egjipt e ndër banka, e pastaj më duhet për të tërhequr arin që kam në bankën "Miser." Mbreti, pas kësaj e urdhëroi avokatin Hasam Saoud : "Më mirë rregulloje sipas ligjit këtë garanci dhe mos të kemi më pengesa." Madhëria e Tij Mbreti Zog u mërzit që e pa Presidentin Kuatly shumë të mërzitur. Ky i fundit nuk dëshironte që t'i linte këtë garanci. Por, Mbreti Zog i tha: "Miku im, jam tepër mirënjohës kundrejt teje. Sikur mos të kishit qenë ju, edhe 2 vjet të tjera nuk do të më lejonin. Tani jemi te qetë. I lini 12.000 lirat, le t'i mbajnë." Me këto fjalë, avokati shkoi që të rregullonte akt-garancinë. Kur shkuam në bankën "Miser," për të tërhequr arin, aty na nxorën shumë ngatërresa. I gjithë qëllimi ishte për të mos lejuar të marrim arin, por këto t' i merrnim në lira egjiptiane. Ne aty kishim ar në dollar amerikan. "Një 5 napolon ari amerikan kushtonte 28 lira egjiptiane, kurse ata duan ta zenë 5 napolonin ar amerikan në 11 lira egjiptiane. Kështu u bë një ngatërresë, saqë patëm një humbje prej 147.000 stërlinash vetëm me arin. Kjo na shkaktoi më tepër probleme se çdo gjë tjetër. U detyruam që t' i pranojmë se vetëm duhet të rrije dhe të shpenzoje edhe më tepër. Mbreti Zog pranoi se nuk kishte se çfarë të bënte. Ndërsa, presidenti Kuatly u përpoq, por ata e gënjenin duke zenë shkaqe turli-turli. Mbreti dha urdhër që të likujdojmë të gjithë pagesat e sa më parë të niseshim për në Europë. Kështu, pasi u la garancia e gjyqit në bankën "Miser," u pagua edhe Kompania "Farose" për bagazhet. Nuk na mbeti gjë, as të pagonim biletat e udhëtimit, por u rregulluam. Si morën fund të gjitha pagesat me hotelet e të tjera dhe bashkë me këtë edhe kompania ALEKSANDRI, 10 MAJ 1952 Mbreti Zog, më datën 10 Maj 1952, kishte shumë audiencë. Ai ishte në sallon poshtë dhe gjithmonë kishte dhimbje të një ulçere. Por, këtë ditë i kishte peshuar më tepër dhe nuk e ndiente veten mirë. Si mbaroi të gjitha pritjet, në orën 12 të ditës, u ngrit dhe filloi të hipte shkallët. Kishte dy oficerë me vete që e shoqëronin. Kapiten Muharrem Gjoka ishte më pranë. Ndërkohë e sheh se është mjaft i zbehtë dhe e urdhëron që ta mbajnë e t'i rrinë afër. Papritmas, kur ishte në mesin e shkallëve, Mbretit i vjen një krizë aq e rëndë sa po të mos e mbante oficeri, ai do të ishte rrëzuar. Aty e merr për krahu oficeri Muharrem Gjoka dhe e çon direkt në dhomën e fjetjes. Mbreti ishte si i fikur se po i shkonte shumë gjak. Menjëherë thirri dy doktorët e shtëpisë: Doktor Omer Shaukinë dhe Doktor Qemal Jusufatin. Ata menjëherë e trajtuan me akull dhe injeksione. Mezi mundën që pas një ore ta sjellin pak në vete, se ishte i dobësuar krejt dhe kishte humbur shumë gjak. Pas dy orëve erdhi në vete. Ishte shumë i lodhur dhe aq i këputur saqë nuk mund të ngrihej në këmbë. Kishte humbur shumë gjak e u lodh shumë. Po në atë mbrëmje, morëm edhe tre profesorë specialistë të ulçerës dhe ata i bënë të gjitha kurat. Por, u dobësua shumë dhe kështu vazhdoi 4 ditë. Pas katër ditëve, gjendja u përmirësua disi, sa për të ndenjur në karrike. Por, vetëm dhe gjithmonë në dhomën e gjumit e asnjëherë jashtë dhomës. Profesorët që erdhën i thanë se nuk mund të udhëtojë para 2 muajsh. FRANCË, ABLON 15 MARS 1961 Madhëria e Saj Mbretë'resha Geraldinë, përsëri e thirri profesorin Leneger dhe 2 specialistë të SpitaJit "Foche" të ulçerës. Në konsultë, profesor Leneger tha se : "Këtu nuk është më zemra, por është ulçera dhe lipset për disa ditë të shtrohet në spitalin "Foche." Kurse Mbreti Zog dëshironte të shtrohej në spitalin amerikan, ku punonte profesori lLeneger. Por, aty nuk ishin ato mjete që' i kishte spitali "Foche". Nuk kishte as specialistët e kështu u vendos të shtrohej për nja 10 ditë'. Kjo bëhej, sa për ti bërë gjilpërat dhe siç e vendosën në konsultë. Më' 20 Mars 1961, ai u shtrua në' spitalin "Foche." Ishte jo dhe aq i lodhur. Gjithmonë' ishte me ato shaka. Por, pinte shumë duhan e kafe dhe hante shumë pak. Aty u zu një apartament ku Mbretëresha Geraldinë ishte gjithmonë me Mbretin. Edhe ne zumë dy dhoma për dy oficerë të' shërbimit. Përditë' e vizitonin Princeshat dhe gjithë personeli i Oborrit. Kolonel Hysen Selmani ishte me Princin Trashëgimtar Lekën, por tri herë ne ditë shkonin dhe e shihnin, ku javën e parë ishte fare mirë'. Edhe në' spital pranonte vizita. E kishte bërë pothuaj si në shtëpi. Përditë i vinin të huajt e shqiptarët. Ishin me qindra. Atij nuk i vinte zor, por kënaqej kur bisedonte me ta. Asnjeherë duhanin nuk e linte dhe as kafen. Kur i vinin vizita ai i priste në një sallon jashtë apartamentit. Nuk mbante kurrë rrobdishambër në takim. Dhe, nuk ka pritur njeri, pa u veshur me rrobe. Ishte i qeshur dhe i palodhur.Kur përnjëherë filloi të ndjejë dhimbje dhe dobësi, menjëherë u thirr profesori Leneger dhe doktorët e spitalit "Foche."Ata na këshilluan të thërrisnim edhe një profesor prej Gjermanie dhe një prej Zvicrës. Kështu do të bëhej nje konsultë e përgjithshme. Ata menjëherë u thirrën dhe erdhën e u vendosën në spitalin "Foche." Më datë' 28 Mars 1961, u bë' konsulta në prezencën e 6 profesorëve më kompetentë' të Europë's. Kë'ta, pasi panë' gjithë' analizat dhe i bënë shumë fotografi, e shikime, pas gjithë këtyre provave konstatuan se, përveç ulcerit, kishte dhe mushkërinë e zezë, në të cilën ishte kancer. Dhe kjo dhimbje e madhe nuk ishte prej ulçerës po prej mushkërisë së zezë. Pas shumë ekzaminimesh, e vërtetuan se është kancer. Profesorët u këshilluan njëri me tjetrin dhe me shumë prova shikonin se a mund t'i bëhej një operacion. E panë si të pamundur, pse kishte arritur në gradën e fundit. Në këtë' mënyrë', ata dhanë' vendimin. Profesorët, pas gjithë analizave e fotografive dhe shikimeve, e panë se sëmundja e Mbretit Zog I nuk kishte asnjë shërim. Çdo gjë tjetër ishte e kotë'. Thirrën Madhërinë e Saj Mbretëreshën Geraldinë, Princin Trashëgimtar Lekën, Princeshën Sanije e kolonel Hysen Selmanin, dhe ju komunikuan se në konsultën e bërë u konstatua dhe u vërtetua se: "Pas gjithë mjekimeve që i kemi bërë Mbretit Zog, ai nuk ka vetëm ulçerën, por ka shumë' sëmurë edhe mushkërinë e zezë dhe të gjitha dhimbjet i vijnë prej kësaj. Ky është kancer. Bëmë çmos për t'i bërë një operacion, por është' krejt e kotë se mbetet në dorë. Që sot ka për të vazhduar të bëjë këto kura. Nëse fillon një përmirësim, ka mundësi t'i bëjmë një operacion." Pastaj ata dolën. Profesorët deri diku na këshilluan se: "me këto kura që po i japim e në rast se diktohet një përmirësim i vogël, profesori i spitalit "Foche," do të na vërë në dijeni dhe ne do të vijmë menjëherë. Mund t'i bëjmë një operacion, por ka shumë pak shpresë." Këto ishin fjalët e fundit të konsultës së 6 profesorëve.Në këtë kohë, Princi Leka u mërzit aq shumë saqë nuk përshkruhet. Nga dhimbja e madhe që i erdhi, Ai menjëherë mori specialistët e spitalit "Foche" dhe bashkë me kolonel Hysen Selmanin, shkoi direkt në një apartament privat. Ai mori të gjithë institutet, përsa i përkiste kancerit, në të gjitha vendet e Amerikës. Foli më parë në Boston dhe pastaj me radhë në vendet e tjera. Sapo specialistët e konstatuan këtë kancer, hynë në kontakt me gjithë profesorët për 7 orë me radhë. Ndërsa pamë se nuk mund t'i bëhej një dobi, tani mbetëm në shpresën që na thanë profesorët: Po të përmirësohet pak mund t'i bënim një operacion. Pas këtij komunikimi të profesorëve, Oborri Mbretëror Shqiptar lëshoi një komunikatë urgjente, duke i njohur të gjithë shqiptarët në botën e lirë, si edhe miqtë e shumë personalitete mbi sëmundjen e Mbretit Zog. Këtu poshtë, ne po shënojmë komunikimin e lëshuar, në bazë të konsultës së fundit, prej 6 profesorëve më të mirë të Evropës. "Vëllezërtëdashur, Për dijeni, ju komunikojë se: për të mjekuar sa më mirë e që të jetë nën shikimin e vazhdueshëm të doktorëve specialistë, Lartmadhëria e Tij Mbreti Zog I, Mbret i Shqiptarëve, u shtrua në spitalin "Foche." Mbreti ynë i dashur, përveç ulçerës së vjetër që e ka patur prej shumë viteve, vuan edhe nga mëlçia e zezë. Gjendja e përgjithshme shëndetësore vazhdon të jetë në rregull, por Mbreti është i dobësuar nga shkaku i mosmarrjes së mjaftueshme të ushqimit. Njëkohësisht edhe profesorët më të famshëm si në Francë, Gjermani, Zvicër e gjetkë, janë në konsultime gjithmonë. Kemi për t'ju vënë vazhdimisht në dijeni mbi shëndetin e Madhërisë së Tij, Mbretit tonë të dashur." (Kjo komunikatë ju dha edhe gazetarëve). Tani ndodhemi me një' dhimbje e tronditje e shohim se Mbreti i dashur ka filluar nganjëherë ta humbasë veten. Por, ai shpejt vinte në vete dhe hapte sytë e na shikonte, po jo me dhimbje. Na shikonte me një fytyrë të qeshur e përdridhte mustaqet e bukura. Pastaj na jepte të shikonim se është mirë. PARIS, SPITALI "FOCH", MË 9 PRILL1961 Data 9 Prill 1961 ora 15.40. Është kjo koha kur Madhëria e Tij, Zog I,Mbret i Shqiptarëve është në një lodhje të madhe. Ai ka marrë Princin Leka në prehër dhe i lëshoi krahun në qafë dhe pastaj i tha me një zë të ulët: "Lekë, tani je burrë. T'i mbani porositë që ju kam këshilluar. Pa masë, asgjë mos t'ju dhimbset për të mirën e Atdheut! Të bëni çdo sakrificë e nëse rasti do ta lipi, edhe jeta mos t'ju dhimbset për të mirën e Shqipërisë e të shqiptarëve." Kur mbaroi këto fjalë ngriti kokën dhe na pa të gjithëve. Me dorën tjetër mori dorën e Mbretëreshës e po shikonte të motrat. Ato ishin të këputura. Fytyra e tij ishte në qeshje si gjithmonë. Pas kësaj, nuk bëri asrnjë lëvizje dhe mbylli sytë e dha shpirtin. Këto minuta nuk ka penë që t' i shkruajë. Kjo dhimbje dhe ky trishtim, kur u dha lajmi i vdekjes së Mbretit të dashur shpërtheu me një britmë e thirrje të njerëzve te pranishëm. Kjo habiti botën brenda e jashtë spitalit. Spitali prej tre ditëve ndodhej i rrethuar prej mijëra shqiptarësh e shqiptareve që kishin vrapuar pa viza nga të gjithë anët e Europës. Kur u dha lajmi i zisë dhe i vdekjes së Mbretit, në' këtë moment aq të trishtueshëm nga thirrjet, ata hynë brenda nëpër koridoret e spitalit. Nuk kishte zemër njeriu që t'i duronte lotët dhe qarjet e tyre, saqë edhe të huajt i derdhnin lotët si ujë prej dhimbjes që ndjenin shqiptarët. Nuk u largonin duke thirrur burra e gra. Ata donin që të rrinin pranë tij: "siç kemi ndenjur për së gjalli, ashtu edhe për së vdekuri, se shpëtimtari ynë është i pavdekshëm." Dhe, siç jemi betuar, ata filluan të betohen prapë. "Ai nuk ka vdekur, por ne kemi mbaruar me mbarë popullin shqiptar,"- thoshnin ata. Madhëria e Saj Mbretëresha Geraldinë ishte shumë e impresionuar dhe nuk mund të qëndronte se ishte shumë e sëmurë. Doktorët e këshilluan që të shtrohej në spital, por ajo nuk pranoi. Mbretëresha rrinte pranë shqiptarëve e duke i derdhur lotët si rrëke. Ajo ishte e habitur në thirrjet e dhimbjet që bëheshin prej shqiptarëve. Po aq u habitën edhe të huajt që qëndronin të trishtuar e me lot në sy. Princi Trashëgimtar Leka, me të vërtetë u tregua shumë i duruar, tamam si një burrë që pajtohej krejtësisht me zakonet e larta shqiptare. Ai i ka falenderuar pa masë miqtë e huaj e shqiptarët dhe nga ana tjetër, ju foli me respekt të gjithë përfaqësuesve të shteteve që vinin për ngushëllime. Në këtë kohë, ishte i formuar një komision që kishte të gjitha përgatitjet për plotësimin e nevojave, si pranë qeverisë franceze dhe një pjesë tjetër ishte po ashtu i vlefshëm për pyetjet nga ambasadat dhe për gazetarët, si edhe për ceremoninë e varrimit. Komisioni ishte i përbërë nga 1- Qemal Mesareja, 2-Milto Noçka, 3- Odhosi Dhima, 4- Jusuf Begeja, 5- Sefedin Çollaku e disa të tjerë. Urgjentisht u dhanë telegramet shqiptarëve në të gjitha viset e "Botës së Lirë," mbi vdekjen e Madhërisë së Tij Zog I, Mbret i Shqiptarëve, si edhe kërkohej që të dërgojnë nga çdo qendër delegatët, sa më parë për varrimin e Mbretit Zog. Po ashtu puna ishte dhe për "Vendosjen e Kurorës." Në këtë mënyrë u lajmëruan të gjithë miqtë. Mëdatën lOPrill 1961, trupi i Madhërisë se Tij Mbretit Zog l, u vu në një arkivol me xhama dhe u vendos për homazhe me një sallon të madh të spitalit. Ai oër 24 orë ishte nën shikimin e shqiptarëve e shqiptareve. Ata i silleshin përqark duke derdhur lot e duke lutur të madhin zot për Shpirtin e Tij. Fytyra e Mbretit të bënte të tronditeshe se ishte e pa prishur. Shumë kujtonin se është i gjallë dhe në 2jumë. Ai tërhiqte vërejtjen e çdo personi dhe goja si gjithmonë i kishte mbetur në formë qeshje. Presidenti i Republikës Franceze, Excelenca e tij Gjenerali de Gaule, dërgoi ijë delegat. Ai vetë ndodhej në Kot d'Azour dhe i dërgoi një telegram Princit Leka, me një tekst shumë të mirë. Dhe të gjithë përfaqësuesit e shteteve të huaja nike europiane, turk, arabe e të tjerë, dërguan telegrame. Mbreteresha Geraldinë dhe Princi Trashëgimtar Leka I, i kanë falenderuar të gjithë pas kësaj.

Roli i Zogut në konfliktin arabo-izraelit dhe frika nga spiunazhi komunist

Mbreti Zog, edhe pse e sheh të pamundur rikthimin e tij në atdhe pas vendosjes së regjimit komunist, vazhdon të mbajë kontakte me qeveritë perëndimore dhe me miqtë arabë. Ai qëndron vitet e para pas vendosjes së komunizmit në Egjipt dhe paralajmëron krerët arabë për rrezikun e spiunazhit rus. Ndërkohë Zogu përjeton shumë keq shkatërrimin e dy anijeve britanike në kanalin e Korfuzit nga minat detare, veprim ky që u trajtua nga Enver Hoxha si një prekje e territorit të Shqipërisë. Ndërkohë Zogu i çon ndjesën e tij qeverisë britanike për këtë incident. “standard” vijon botimin e kujtimeve të kolonel Hysen Selmanit, njeriut më të besuar të Mbretit Mbreti Zog, i mërzitur nga aksidenti i anijeve Më datën 22 tetor 1947, kryqëzorët britanikë “Saumarez” dhe “Destrojer Volage” lundruan përmes kanalit të Korfuzit dhe u ndeshën kur kundronin në mina detare. Ato e shkatërruan gati krejt atë. Dyzet e katër marinarë britanikë mbetën të vdekur në këtë ngjarje të shëmtuar e tragjike që u quajt "Incidenti i Korfuzit". Një javë më vonë, Enver Hoxha i dërgoi Organizatës së Kombeve të Bashkuara një notë ku shpallte se "Luftanijet britanike kishin shkelur ujërat tokësore të Shqipërisë, me qëllim që të shkaktonin trazira në Shqipëri". Propaganda komuniste shkoi edhe më lart, duke përhapur një deklaratë që gjoja kishte bërë komandanti i flotës britanike të Mesdheut, ku thoshte se: Luftanijet britanike kishin lundruar gjatë bregdetit të Shqipërisë me bateritë e tyre gati për të hapur zjarr. Qeveria britanike më parë shikonte për të zbuluar se kush vendosi minat në Kanalin e Korfuzit. Ajo ishte e sigurt se në pellgun e Mesdheut dhe në Detin Adriatik, ishin kryer operacionet dhe ishin pastruar minat, që fuqitë e boshtit Romë-Berlin kishin vënë me qëllim që të dëmtonin anijet aleate. Kurse luftanijet britanike "Saumarez" dhe "Volage" lundruan përmes kanalit të Korfuzit duke qenë të sigurta se nuk do të ndeshin ndonjë rrezik. Shkatërrimi që pësuan erdhi i papritur dhe admirali britanik mori menjëherë masat për të zbuluar se si ndodhen minat në ujërat e kanalit. Fakti ishte, që më 13 nëntor 1946, ishin pastruar përgjithësisht minat e u gjetën 23 mina të vendosura. Ato u pastruan krejtësisht dhe po ashtu ishin pastruar të gjitha ujërat tokësore shqiptare prej Butrintit e deri në Vlorë. Në të njëjtën kohë ishte lajmëruar qeveria shqiptare se ujërat detare janë të pastruara. Më 10 dhjetor 1946, Ministria Britanike e Jashtme i dërgoi qeverisë komuniste të Tiranës një notë ku theksonte: "Kanali i Korfuzit është një vijë lundrimi ndërkombëtare dhe mund të përdoret lirisht nga anijet e çdo shteti". Qeveria komuniste e Tiranës hodhi poshtë çdo propozim britanik se: "Britania e Madhe këtë e ka bërë me qëllim kundër qeverisë shqiptare e të tjera, për të frikësuar popullin shqiptar e jo për gjë tjetër". Qeveria Britanike, në fillim të janarit 1947, iu drejtua Këshillit të Sigurimit, por Këshilli i Sigurimit vendosi që çështja t'i dërgohet "Gjykatës Ndërkombëtare të Hagës". Aty është dënuar Shqipëria, por delegati sovjetik vuri veton kundër çdo vendimi. Kjo ngjarje ka mbetur gjithmonë e ftohtë me Shqipërinë komuniste, kurse nga Britania e Madhe na presin pa masë përkrahje e ndihma jo armiqësore. Por ç'të bësh, se kjo ishte edhe një favor grek, që e pezmatonin çështjen edhe më tepër se lipsej, për të përfituar nga kjo ngjarje e shëmtuar dhe tepër tragjike. Nga kjo, Mbreti Zog ishte mjaft i mërzitur që po ngjisnin gjithmonë sende në dëmin e Shqipërisë. Gjithsesi, kjo u kushtohej komunistëve si edhe britanikëve që e kuptuan tepër vonë, pothuaj atëherë kur u mbarua puna. ALEKSANDRI, 8 DHJETOR 1947, takimi me ish- ministrin britanik Me këtë datë, na vjen miku britanik Excelenca e tij Emeri, ish-Ministër Britanik. Ky ishte mik i Mbretit Zog e i Mbretëreshës Geraldinë. Rreth Luftës së Dytë Botërore, Emri ishte Ministër dhe një mik i ngushtë i Mbretit Zog. Ai fliste gjuhën shqipe dhe natyrisht Mbreti dhe Mbretëresha i bënë pritjet më miqësore. Ai ishte mysafir i Mbretit Zog I dhe përveç kësaj Emeri ishte i ati i Julien Emerit. Mbreti Zog I, i tha Excelencës së Tij, Emerit: “Kam një delegacion grek, por nuk ka një besim ose një mënyrë marrëveshje. Ky është i katërti delegacion që më dërgon Marshall Papagosi. Por, të gjithë janë njësoj. Siç e shihni, sot situata greke pothuajse i përshtatet asaj të Shqipërisë në 1943-‘44 dhe do të jetë mjaft e vështirë, që të zhdukin komunizmin, sepse sot komunizmi grek, siç e dini, furnizohet nga Rusia Sovjetike dhe nga këlyshët e saj, Bullgaria, Jugosllavia e Shqipëria. Është e vështirë kur mendon se ata kanë një kufi të lirë nga Edreneja e deri në Butrint që furnizohet me të gjitha nevojat si armatim, ushqim e të tjera". Më poshtë, Mbreti i shqiptarëve, i thotë bashkëbiseduesit të tij: "Excelenca juaj e di mirë se sa u përpoqëm rreth luftës së përbashkët me grekët. Por, atyre u ishte rritur mendja e nuk donin një miqësi me ne. Ata ëndërronin më kot se do të mermin Vorio-Epirin, siç e quajnë grekët. Por, kjo është një gjë absurde, as që bisedohet deri sa grekët të heqin dorë nga këto pretendime. Duke, na garantuar me këtë rast se as anglezët dhe as amerikanët në asnjë mënyrë me ne nuk kanë ndonjë marrëveshje". Mbreti i tha Emerit, pak kohë më vonë se: "Kam edhe miqtë tuaj këtu, si Spiro Milon. Po të dëshironi e thërras të bisedoni me të. Ky në të vërtetë është shqiptar dhe nga një familje shumë e mirë nga Himara Ai është prej kapedanëve të Ali Pashë Tepelenës e që në atë kohë ka mbetur në Greqi, por i vëllai është në Shqipëri". Pas kësaj filluan bisedimin mbi situatën e krijuar në mes arabëve e hebrenj ve në Palestinë. "Situata shihet mjaft kritike. Lipset për të mos e lënë që të egërsohet më tepër. Duhet sa më shpejt që t'i biem prapa dhe duhet gjetur një mënyrë, së bashku me arabët, që të fiket ky konflikt, se arabët janë shumë të zemëruar e nuk është në interesin tuaj dhe as të Amerikës që t'i nxirrni dore 1 milion arabë, për një gjë aq të vogël. Por, po të doni mundeni për të gjetur mënyrën duke e ndarë Palestinën më dysh, në dy shtete. Natyrisht, shpenzimet e tyre i paguani dhe ju, po ashtu arabët. Për ndryshe do të shkaktosh ndonjë luftë që edhe për ju nuk do të jetë e dobishme". Excelenca e tij, Emeri i dha fjalën Mbretit Zog dhe i pohoi se kishte plot të drejtë. "Unë sa të kthehem në Londër do t'i propozoj qeverisë si mendimin e Madhërisë Suaj, po edhe mendimin tim, që këtë mos ta lëmë që të kalojë një kohë të gjatë. Duhet që të gjejnë një mënyrë dhe e vetmja prej tyre është po kjo që thoni ju, të ndahen në dy slitete dhe të jenë si njeri, po ashtu dhe tjetri të garantuar, politikisht dhe financiarisht". Pas kësaj u morën në bisedime çështja e emigracionit. Mbreti i tha haptas Emerit se: "Kisha vendosur për t'i sjellë të gjithë këtu në Majen-Urjente. Por, tani nuk jam aspak i kënaqur dhe i kam ndaluar. Kam thirrur Petersonin, Kryetarin e Emigracionit, si edhe kam dërguar nota në vende të ndryshme". Excelenca e tij Emeri - u përgjigj mbi sa u përkiste ngjarjeve arabe-izraelite në Palestinë: "Është e vërtetë siç urdhëroni. Këto gabime u bënë që në kohë lufte, se në atë kohë pa u instaluar mirë duhej të ishin marrë këto masa. Kjo duhej mirë si prej anglo-amerikanëve edhe prej arabëve. Sot është pak e vështirë, por unë siç ju thashë do të bëj ç'është e mundur që të gjendet një mënyrë për ta lëshuar ketë konflikt. Vetëm se edhe arabet nuk duhet që të pezmatojnë çështjen. Ata duhet që të rrinë urtë e t'i drejtohen UNE-s. Nuk i duhet dhënë shkak një ashpërsimi tjetër: se atëherë ndryshon çdo gjë e jo tjetër. Do të marrin në qafë ata një milion arabë të varfër, se izraelitët do t'i nxjerrin jashtë me ketë rast". Pastaj Emeri ka thënë: "Nesër jam në audiencë tek Mbreti Faruk. Më në fund, do i parashtroj mbi sa biseduam bashkë dhe do t'i them dhe mendimin e Madhërisë Suaj". "Po, - i tha Mbreti, - se unë ua kam thënë pa masë. E këte jo për tjetër, vetëm për të mirën e atyre. Thuaja dhe insisto në mënyrë që të mos i japin shkak kurrë një egërsimi". Dhe vërtetë, Sër Excelenca e tij, Emeri, u prit fare mirë prej Madhërisë së Tij, Mbretit Faruk. Këtë e njihte mirë, sepse Emeri ishte Ministri i Kabinetit Churchill në Luftën e Dytë Botërore. Pastaj të dy kanë biseduar gjatë e gjerë me Mbretin Faruk e janë prekur, për sa u përket ngjarjeve të Palestinës. Mbreti Faruk i ka thënë: "Po më thoni fjalët e Mbretit Zog, se edhe ai na mbyti përditë për këtë çështje". Emeri i është përgjigjur se: "Është e vërtetë që Mbreti Zog, jo vetëm mua, por me shumë këmbëngulje ka protestuar pranë qeverisë britanike për këtë çështje. Mbreti Zog është një mik i madh i arabëve, saqë nuk mund ta çmoni dot". Emeri mbeti i kënaqur nga bujaria e Mbretit Faruk. Vetëm se është shumë i tronditur dhe i egërsuar, për sa u përket Zhurifëve. Ai, na tha se do të flasë dhe me kryetarët arabë dhe të tjerë. Por, kjo është një gjë e padurueshme. Ligji arab me plot 5 nota i ka parashtruar UNE-s, se asgjë nuk është bërë. Kjo është një padrejtësi se Arabët e Palestinës nuk janë qen, por njerëz, ashtu siç janë edhe Hebrenjtë. Dhe e drejta është e barabartë". Me këto fjalë, Emeri mori leje dhe erdhi direkt tek Mbreti Zog, duke falënderuar para tij Mbretin Faruk për bujarinë e pritjen e mirë që i bëri. Dhe i tha: "Sa i përket Palestinës është shumë i egërsuar. Më duket se arabët janë të vendosur për një aksion kundër hebrenjve e kjo është një gabim i fortë". Mbreti Zog I, iu përgjigj Ministrit Emerit: "Më erdhi shumë keq për incidentin e anijeve britanike, në kohën kur Shqipëria e populli shqiptar ka pritur e pret gjithmonë përkrahjet e ndihmat nga Britania e Madhe. Por, kjo tragjedi fatale nuk është gabim i popullit shqiptar. Ai është shkak i mendjemadhësisë së komunistëve që ju nuk mundët t' i çmonit me kohë. Kur, ne kërkonim pamasë dhe kjo tragjedi si e anijeve britanike, po ashtu komunizmi në Greqi i kushtohet mikut grek Edenit. Ai parashikonte pa u menduar mirë, për të kënaqur grekët me tokat shqiptare. "Unë kurrë nuk besoj Çurçillin për këto gjëra, se ai ishte një burrë largpamës", - i tha Mbreti, - por, të gjitha i kushtohen Edenit. Momentalisht, atij sot i lipset ta stabilizojë qetësinë greke, si edhe heqjen e komunizmit prej Shqipërisë, e cila ishte një aleate besnike e Britanisë së Madhe, por ju sot e lëshuat në zonë të influencës sovjetike. Madje, ajo “tallet" e nuk pranon të luftojë komunizmin grek, që po shkatërron qetësinë greke. Ku është tani Edeni, ai që luftonte pa masë miqtë e britanikëve. E nuk duhet harruar se vendi ishte një bahçe për Britaninë e Madhe, pra jo një rrezik. Është një mëkat miku im që u bë kështu. Ishte kjo padrejtësi dhe kështu sot Enver hoxha tallet me qeverinë britanike. Ndërhyrja e mbretit Zog në çështjen arabo-izraelite ALEKSANDRI, 2 SHTATOR 1949 Në këtë datë erdhi tek Madhëria e Tij, Mbreti Zog, Kryetari i Republikës Siriane, Shyqyri Kuatly, Myftiu i Reuz-Alemit, Hysen Efendiu dhe Xhemil Madam Beu. Mbreti i pranoi menjëherë, megjithëse ishte koha tepër vonë. Ishte ora 5 pasdite, kur filluan bisedimet mbi gjendjen aq kritike që u krijua në këtë luftë dhe Kryetari i Republikës Siriane, Shyqyri Kuwatly, nga humbja e luftës, kishte dhënë dorëheqjen. Tani kërkonin mendimet e Mbretit Zog se çfarë të bënin. Mbreti ju përgjigj se do të bisedojnë për çdo bisedim, por “tani është vonë se çdo gjë u mbarua në dëmin tuaj. Unë një vit u mundova, si me ju ashtu dhe me Shtetet e Bashkuara të Amerikës dhe me Britaninë e Madhe e Francën Bile, në këtë rrymë, pata shtyrë edhe Turqinë në favorin tuaj, por ju nuk pranuat. Kjo situatë nuk kishte nevojë për një gjykim aq të madh se shihej haptazi se Hebrenjtë, ishin të gjithë të siguruar me gjithë nevojat, si politike dhe ekonomike. Por kjo tani iku, do të bisedojmë që ç'mund të bëjmë e sonte do të jeni këtu për darkë. Kemi kohë që të sheshojmë të gjitha problemet në interes". Në bisedime e sipër, ishte gati ora 9 e mbrëmjes dhe sa u ulëm në sallën e bukës, kur na vjen Mbreti Faruk bashkë me dr. Reshatin e Qerim Sabitin. Menjëherë edhe këta u ulën në bukë dhe sa mbaruam bukën u kthyem në sallon për të pirë kafe. Aty na pyeti Mbreti Faruk, se ku e kishin bisedën, sepse ishte në dijeni për dorëheqjen e Kuatly-t. Ai iu drejtua Madhërisë së Tij: "Madhëri, erdhëm tek një mik i madh e një zheni. Sikur të kishim dëgjuar këshillat e programin e Mbretit Zog, nuk do të kishim pësuar këtë katastrofë jo vetëm me humbje, por edhe me plot turp përpara botës mbarë. Ne nuk meritojmë për asgjë në gjendjen që kemi ardhur. Pra, që të tallen me ne, dy milionë hebrenj me 50 milionë arabë. Unë jam arab, por nuk jam më Presidenti i Republikës, se nuk ka nder para popullit tim dhe as përpara trupit diplomatik. Unë jam tërhequr në Aleksandri ku do të qëndroj pranë këtij burri të madh e mik". Madhëria e Tij, Mbreti Zog, u tha: "Lipset pak me gjakftohtësi, si në fitime që nuk lipset që të gëzohet shumë, po ashtu edhe në humbje, nuk duhet të dëshpërohesh aq tepër. Por, po të mendohesh duke gjetur kohë oportune dhe tamam në kohë për të qenë të gatshëm për të përfituar. Vetëm, se lipset një gjë. Këtë ta keni parasysh gjithmonë. Të jeni të bashkuar! Mos t'ju fusin asnjë shkëndijë në mes për t'ju përçarë, se atëherë nuk fitoni asgjë dhe tani prapë si një miku juaj e më vjen keq ju them: Këtu po zhvillohet një propagandë e Rusisë sovjetike. Unë dua t'u them haptazi se ajo ka futur hundët gjithkund, si në polici, në gjithë dikasteret, e bile edhe në ushtri e ndër profesorë, e studentë të lartë. Kanë mbërritur deri në shkretëtirë të zhvillojnë propagandën e tyre dhe duke derdhur të holla. Dhe, ju vetë i ndihmoni duke kritikuar anglo-saksonët e francezët. Jo, miqtë e mi, se nuk ju bëhet vonë atyre për fjalët tuaja e as për propagandën ruse, që zhvillohet. Ata janë të fortë. Ata e kanë botën në dorë. Me ata nuk merreni vesh me forcë, vetëm me urtësi e demokraci, se në këtë mënyrë po humbni krejt simpatinë perëndimore. Pastaj më me ngadalë. Prapë, siç ju thashë, të jeni të bashkuar dhe caktoni një delegacion arab nga elementët miq të anglo-saksonëve e francezëve, që të jenë të njohur në rrymën e diplomacisë. Këta me një program demokratik e të përshtatshëm, mund të përfitojnë më tepër se ju. Mendoni po në këtë mënyrë në urtësi, por duke mos humbur simpatinë para Perëndimit. Lipset të merren masa të rrepta për të zhdukur njëherë e mire të gjithë agjentët turbullues komunistë. Do ta keni shumë zor, se jeni kompromentuar shumë thellë me këtë mikrob, si në pjesën intelektuale dhe në popull e shkretëtirë, po të doni, unë ju jap edhe fakte, e me shumicë, dhe qendra më me rëndësi të tyre janë në Kajro, Tanto, Ismailije, Aleksandri, Asuanë dhe në Luksorë, por më e tepërta është këtu në Aleksandri. Ju shoh se jeni të mërzitur nga britanikët dhe nga amerikanët e francezët. Jo miq të mi, mos kini më frikë prej tyre. Kjo luftë i zhduku kolonitë. Prej tyre vetëm do të keni përkrahje e jo dhunë. Frikë të keni agjentët rusë komunistë. Ju si muhamedanë, ju çon feja që të bashkëpunoni me demokraci e jo me komunizëm. Se, në rast që nuk bëni këtë që ju thashë, nuk do të përfitoni asnjë gjë. Mundet që t'ju firojnë Gazën, por një milion arabë ju kanë mbetur në portat tuaja dhe vendi i tyre do të aneksohet prej Izraelitëve një herë e përgjithmonë. Mos harroni se Hebrenjtë, jo vetëm që kanë përkrahjen e ndihmat anglo - saksone e franceze që ata i shpëtuan nga shpata e Hitlerit, por edhe nuk do të lejojnë kurrë që t’i cenojë askush. Ata kanë dhe influencën hebre, që sot pjesët financiare në perëndim ndodhen më tepër në duart e tyre e nuk ju mungon asgjë. Myftiu i Jerusalemit e pyeti Mbretin Zog: "Po mirë, si thoni Madhëria Juaj, se Palestina nuk ka për të na u kthyer prapë neve për pjesën tonë? Atëherë, ku është drejtësia perëndimore? Pse, lipset që ne të demarshojmë, atëherë kur nuk na jepen të drejtat tona Madhëri?". Mbreti Zog iu përgjigj: "Myfti efendi, tani është tepër vonë. Sa e sa herë, ju kam thënë që t'i këshillonit arabët mos të largohen nga vendet e tyre. Ju kam thënë se toka përfaqësohet prej njerëzish e jo prej feimsh. Unë ju thosha mos u egërsoni, por në urtësi dhe propozoni që Palestina të ndahet në dy shtete. Një arab dhe një izraelit, por të dyja nën garancinë e Aleatëve të Mëdhenj, si politikisht ashtu dhe ekonomikisht, në atë kohë kishte mundësi të bëhej. Unë kur ju flisja juve një herë, anglo-saksonëve e francezëve ju flisja 10 herë, duke ju thënë të mos humbi 1 milion arabë, por të gjeni një mënyrë të këndshme në mes jush dhe arabëve. Por, juve në atë kohë, u ishte mbushur mendja ndryshe. Unë deri turqve, u pata propozuar që të venë në favorin tuaj". E thashë miqtë e mi. Për sa i përket Palestinës, që sot e ka okupuar Izraeli me përjashtimin e Gazës, nuk besoj që ajo të lirohet. Ajo është pothuaj e aneksuar prej izraelitëve dhe nuk ka gjë që i shkrep. Si ju kam thënë dhe po ju them: Izraeli nuk është vetëm, por ka mbrapa Amerikën, Anglinë dhe Francën. Ato nuk tunden, e mos t'jua hajë mendja asnjëherë se mund t'i okuponi ato vende me forcë, sepse humbni edhe vendet e tjera. Këto janë fjalët që po ju them, e shkoni mirë me anglo-saksonët dhe francezët në urtësi duke dërguar një komision, siç biseduam. Zhdukni agjentët sovjetikë që janë rreziku juaj i vërtetë, - përfundoi Mbreti. PENETRIMI KOMUNIST NË EGJIPT Mbreti Zog ishte informuar në saktësi mbi lëvizjet e agjentëve sovjetikë në të gjitha vendet më me rëndësi të Egjiptit. Ishte Mbreti Faruk dhe në prezencën e tij ishin edhe Presidenti Sirian Excelenca e tij, Kuatly, Myfti efendiu i Jerusalemit, Hysein Efendis, e Xhemal Madam Beu. Sot ka arritur më se 60 për qind e popullit Felah Egjiptian, që është i helmatisur në favor të komunizmit. Po ju jap disa shembuj të vegjël: 1-Këtu në Aleksandri është një qendër nën shërbimin e "Alexis Dehtiareff” me një bashkëpunëtor të tij "Cheborine". Këta kanë mundur të vijnë në vend dhe të helmatosin në ide sioniste pjesën ndër autoritete, shkolla, fabrika, polici, oficerë. Në çdo dikaster kanë agjentët e tyre. Mos harroni se vetëm në Aleksandri janë më tepër se 200.000 të huaj prej çdo nacionaliteti. Dhe, këtu mund të thuhet se janë 6000 agjentë, që zhvillojnë propagandën komuniste nën sovjetët, të cilët qarkullojnë lirisht nëpër dezertë e gjithkund. Ata shpërndajnë edhe të holla dhe propaganda në oficerë është komplet kundër Monarkisë. 2-Në Port Said është një shef dhe agjent sovjetik, Hammed Terra dhe Masri Effendi, T.Kravtchenko. Ky është një i rafinuar me kohë këtu dhe shumë i rrezikshëm. Ata kanë mbërritur që një mbrëmje të vënë në qarkullim brenda celulave të vendosura dhe të thërrasin në vend të Monarkisë "Rroftë Rusia Sovjetike, Rroftë Republika Demokratike Sionistë". Ata kanë treguar fotografitë e Stalinit e të Molotovit dhe po agjentët e tyre të blerë të vendit i shpërndajnë shpesh në dezert. Dhe, atje ku vdes një Felah ose Bedevi, ata i dërgojnë 100 lira nga ana e Rusisë. Gjithashtu të sëmurët i ndihmojnë, po ashtu edhe të vobektit. 3-Në këtë raport, që është më tepër se i vërtetë, është dhe ambasadori egjiptian në Kremlin "Mohamed Kammel El Bindarip Pasha". Me gjithë këtë është edhe Dr. Ahmed Qemal Bej, i cili është nëpunës i Ministrisë së Tregtisë Egjiptiane dhe kryetari i Delegacionit Egjiptian në Moskë. Këta me një shumicë personeli bëjnë dhe lehtësojnë propagandën sovjetike. Ata lanë edhe vajzën e ambasadorit Nadia Bindari Pasha. Ju e dini, që kjo më është haptazi, siç e keni kuptuar edhe ju vetë. Nga ana e tyre, njerëzit e ambasadës së Kremlinit, çdo agjent sovjetik që shkon për t'u bërë vizitë e merr vizën në pasaportën diplomatike pa as më të voglin hetim. Ata i japin vizën për në Egjipt, sepse këta janë të lidhur me oficerët sovjetikë, që janë agjentë të përsosur. Dhe shef i Inteligjencës së Servisit drejton jo vetëm misionin e tij në ambasadën sovjetike, por dhe atë të Polonisë, Çekosllovakisë, Hungarisë, Bullgarisë dhe të Jugosllavisë. Është "Alexis Dehtiareff” me shokun e tij "Cheborine". Këta janë njerëzit që më tepër po qëndrojnë në Aleksandri. Po të dëshironi, ju dërgoj një kopje të këtij raporti se ka detaje shumë më tepër se sa kemi biseduar dhe në hollësi. Pra, kjo është një mëkat për informacionin tuaj. Vetëm se ky raport nuk duhet që të merret vesh, se jo për mua, por për juve është mirë, sepse një ditë do ju gjejnë në gjumë. Të gjitha përgatitjet janë bërë dhe duhet të jeni të sigurt se 60 për qind e popullatës egjiptiane janë të drejtuar në këtë rrugë. Janë një pjesë e madhe e oficerëve të rinj dhe shumë studentë universitarë. Pra, janë shumë gjëra, por do të kuptoni më mirë kur do ju dërgojë një kopje të raportit. Madhëria e Tij, Mbreti Faruk dhe Shyqyri Kuatly. Myftiu i Jerusalemit, si edhe Xhemal Madam Beu u prekën aq rëndë dhe u tronditën aq shumë, sa Mbreti Faruk ju kthye Mbretit Zog duke i thënë: "Jo vetëm se ju faleminderit, por ju kam vëlla të madh. Edhe unë deri diku kam qenë në dijeni por jo kaq. Kam për të marrë masat, por gradualisht dhe pa bërë bujë". Mbreti Zog i tha: "Nuk duhet të bini në sy aq tepër. Këtu gjendja ka arritur saqë janë të kompromentuar të gjithë sa ju thashë. E presin ditën programore, por duhet të keni një kujdes të madh në oficerët. Këtu duhen të merren masa të shpejta e disiplinore. Pastrojeni mirë ushtrinë, sepse një ditë do ju zënë në lak. Duhet të vini një qeveri të fortë, e me plot influencë, që të mund pak a shumë të vendosë një rrymë qetësie, dhe gradualisht të bëjë pastrimin e dikastereve. Kjo qeveri duhet që të ketë marrëdhënie të mira edhe me Amerikën, se ato kanë një informacion mjaft të fortë dhe nuk i intereson komunizmi në Mojen-Orjente”.

Raportet sekrete për Zogun; 29 nëntor 1944, Hoxha, ndihmë nga 2 mijë serbë e rusë në Shqipëri

Vazhdon në “standard” botimi i kujtimeve të kolonel Hysen Selmanit, i cili shërbeu për Mbretin Zog deri në vdekjen e tij. Në këtë numër zbulohen raportet sekrete që Zogu merrte nga Shqipëria e kohës së luftës, por edhe pas çlirimit të saj. Raportet i shkruanin Ahmet Zogut, se fill pas çlirimit të vendit dhe instalizimit të qeverisë së Enver Hoxhës, në Shqipëri kishte rreth 2 mijë serbë e rusë, të cilët ndihmonin Hoxhën në konsolidimin e pushtetit dhe sistemit komunist Stamboll, 10 korrik 1944 Madhëria e Tij Mbreti Zog I më dërgoi një letër udhëzimesh në Legatën Shqiptare Stamboll. Letra është kjo: "I dashuri kolonel. Jam i kënaqur prej raportit tuaj që më dërgoni më 1 maj 1944. Duhet më shpesh të më dërgoni raporte mbi gjendjen në atdheun tonë. Tani për tani nuk e shoh të arsyeshme t'ju dërgoj letra për njerëzit tanë. Veprimet tona duhet të koordinohen me ato të qeverisë britanike. Prandaj pa qenë të marrë vesh me Qeverinë Britanike nuk mund të japim udhëzime të tjera, përpos atyre që ju kemi dhënë më parë. Pasi nuk duam të jemi një pengesë për planet e komandës supreme aleate. Qeverisë Britanike ja kemi bërë me kohë gjithë propozimet e duhura. Por, deri sot s'kemi marrë ndonjë përgjigje pozitive. Natyrisht aspiratat e fqinjëve tanë e bëjnë qeverinë e këtushme të mos i japin edhe çështjes shqiptare zgjidhjen e plotë që meriton. Por, duhet të kemi besim në drejtësinë e Britanisë së Madhe për kombet e vegjël, të cilët në kohën e volitshme do ta tregojnë edhe kundrejt nesh. Por tani duhet të vazhdohen lidhjet me të gjitha fuqitë tona, të cilat duhet të jenë të gatshme për veprim në çastin e duhur. Duhet të bëhet bashkimi i përgjithshëm pa përjashtuar askënd. Dhe, pa përjashtuar as ata që kanë bërë atentate kundër meje. Përjashtohen vetëm ata, të cilët për interesin e tyre personal bashkohen me armikun. Kjo është porosia ime, porosi e cila frymëzohet prej interesit kombëtar. Po të sigurohet bashkimi si ai i Prizrenit dhe i Lushnjës, shpresoj se të gjitha punët do të rregullohen. Me kaq ju dërgoj të falat e mia të përzemërta". London, Palmoor, 7 korrik 1944 Siç urdhëron dhe Madhëria e Tij Mbreti, është tepër e nevojshme një bashkim i mbarë shqiptarëve për interesin e Atdheut. Po, nuk arrihet dhe sidomos tani që janë shpikur grindje të papajtueshme në mes të grupeve të ndryshëm. Po ashtu ekziston edhe propaganda e dirigjentëve të huaj. Komanda Britanike në Mesdhe, na mban gjithmonë me fjalë po pa asnjë rezultat. Kjo, siç shihet, ka dëshirë që ne të hyjmë në Shqipëri, por trembet nga protesta që u bëhen prej komunistëve. Ata nuk e pranojnë shkuarjen e kolonel Hysen Selmanit në Shqipëri, se është e vërtetë që për komunistët, ajo është një pengesë e madhe. Faktet na tregojnë haptas se Ballkani mbetet si zonë e Rusisë sovjetike. Fati i keq i yni është që edhe ne u kompozuam po në atë zonë dhe patëm një shpresë në premtimet e Rakip Frashërit, por fatkeqësisht nuk u bë asgjë. Stamboll, 20 shtator 1944 Kolonel Hysen Selmani merr një raport urgjent nga qendrat mbretërore në Shqipëri, ku i deklarojnë: "Sot Shqipëria është komplet në anarki. Vëllavrasja midis Ballit Kombëtar e nacional-çlirimtares është në kulm. Ka vrasje, djegie, masakrime aq të mëdha, sa nuk ta merr mendja. Këtë anarki as historia nuk e përshkruan me notat e duhura këtë fatkeqësi. Mbretërorët janë në luftë kundër okupatorit gjerman. Kudo zhvillohen ndeshje në Mat, Krujë, Dibër, Lumë e vende të tjera. Është e vetmja fuqi sot që po lufton okupatorin gjerman, ndërsa grupet e tjera luftojnë njëri-tjetrin. Fatkeqësisht, sakrificat e përgjakshme të mbretërorëve kundër armikut të përbashkët nuk njihen prej aleatëve. Megjithëse e dinë mirë dhe janë në dijeni misionerët britanikë që ndodhen përbri tyre. Është krejt e sigurt, se pushtetin po e merr në dorë nacional-çlirimtarja d.m.th. komunistët të Kominformit ruso-jugosllave. Pasi këta tani kanë një fuqi të organi-zuar prej armenëve dhe italianëve, me material modern. Ata gjithashtu, ndihmohen nga aleatët me gjë dhe tani mori formën haptazi dhe u zbulua. Agjentët e Kominformit jugosllav dhe rus kanë mbledhur krerët e nacional-çlirimtares në Përmet dhe tani pas vrasjes të Profesor Mustafa Gjinishit, Myslim Pezës, Haxhi Lleshin, Baba Fajën dhe Faik Shehun e Spiro Moisiu i zhveshën nga fuqitë e tyre. Këta zotëronin fuqitë më të mëdha të nacional-çlirimtares, duke vënë forcat e tyre nën Dalip Ndrenë, Mehmet Bajraktarin, Mehmet Shehin, Gjin Markun e Tahir Kaderen, Hysen Stafën, Hulusi Spahinë e të tjerë. Të gjithë ishin me tendenca komuniste. Ndërsa: 1-Ymer Nishanin, 2-Enver Hoxhën, 3-Sejfulla Malëshovën, 4-Koçi Xoxen, 5-Myslim Pezën, 6-Haxhi Lleshin, 7-Baba Fajën, 8-Bedri Spahinë, 9-Mendar Shtyllën, 10-Ramadan Çitakun, 11-Karaman Ylli, 12-Hysni Kapon, këta bashkë me agjentët ruso-jugosllavë u mblodhën në Përmet dhe aty kanë deklaruar formimin e qeverisë shqiptare komuniste. Jemi krejt të lajmëruar se këtë qeveri e njohën edhe aleatët. Në këtë kongres thuhet se kanë marrë pjesë edhe misionerët britanikë, ku porsa mori fund kongresi dhe u shpall Qeveria Komuniste Shqiptare është dërguar një delegacion në Komandën e Aleatëve në Palermo, nën kryesinë e Bedri Spahiut. Dhe, kështu aleatët anglo-amerikanë e njohën, kurse rusët e kishin përgatitur vetë. Tani këta funksionojnë dhe derdhin shpallje si qeveri. Tani, po përgatiten të thërrasin një kongres në Berat, se Balli Kombëtar është tërhequr krejtësisht nga jugu në veri. Tani, një pjesë e jugut, administrohet nga komunistët dhe tani edhe ne ndodhemi në parkun e shkatërrimit kryekëput. Çdo kush ka humbur vullnetin, sa dirigjuesit tanë nuk duken më asgjëkund. I gjithë faji është që nuk erdhët ju vetë këtu. Kështu, me qenë sot këtë qeveri e formonim ne e jo komunistët, me ndihmën e shokëve tanë. Tani nuk ka shpresë më, vetëm në është ndonjë mrekulli". Stamboll, 15 tetor 1944 Në kongresi, që mblodhi nacional-çlirimtarja në Berat, u votua edhe për qeverinë e formuar në Përmet. Ishin këta ministra, siç po i shënojmë poshtë: Kongresi komunist në Berat I- Ymer Nishani Kryetar i Presidiumit 2-Enver Hoxha Kryeministër e Komandant 3-Koçi Xoxe Ministër i Brendshëm 4-Karaman Ylli Ministër i Jashtëm 5-Mendar Shtylla Ministër i Financave 6-Sejfulla Malëshova Ministër i Botores 7-Myslim Peza Nënkryeministër/Dispozicion 8-Haxhi Lleshi Ministër i Ekonomisë 9-Baba Faja Dispozicion i Presidiumit 10-Bedri Spahiu Ministër i Arsimit II-Ramadan Çitaku Ministër i Drejtësisë Tani, këta të njohur prej të gjithë aleatëve, pas kongresit të Beratit i lëshuan thirrje mbarë popullit në emër si qeveri dhe me qendër në Berat. Lufta bëhet në rrethet e Tiranës, si edhe brenda në Tiranë, komunistët me gjermanët. Komunistët janë të ndihmuar prej aviacionit aleat, në rrethimin e Tiranës. Komandantët komunistë janë: Dali Ndreu, Gjin Marku, Tahir Kadareja, Mehmet Shehu, Beqir Balluku, Beqir Minxhozi, Kadri Hoxha Ferderik Nosi. Por, brenda në Tiranë janë vetëm dy kompani gjermane. Ata kanë tre tanke të vegjël dhe artilerie, dhe kur gjermanëve po u vinte një fuqi ndihmuese prej Elbasanit, duke kaluar Kërrabën pa rënë në Erzen, u bombarduan shumë rëndë prej një aviacioni aleat, saqë ata u shkatërruan fare. Nga kjo fuqi komuniste shqiptare bashkë me atë jugosllave, armenë dhe italiane, përfituan dhe patën mundësi të futen brenda në qytet. Ndërsa, të dy kompanitë gjermane nuk u dorëzuan, por morën drejtimin për në Shkodër. Balli Kombëtar është tërhequr nga Shkodra. Nuk diktohet asnjë rezistencë. Flitet se Mit'hat Frashëri me shtabin e partisë së vet kanë zënë një barkë në Shëngjin dhe janë nisur për në Itali. Pjesa tjetër balliste është se disa janë grumbulluar në Shkodër, disa në male. Nuk kanë ndonjë program dhe akoma në Shkodër e Prizren janë disa forca gjermane, por gjithmonë duke u tërhequr. Duke iu kthyer situatës së legalistëve, "Mbretërorët nuk kanë një organizim të prerë. Ata nuk kuptohen njëri me tjetrin. Një pjesë e madhe dëshirojnë të grumbullohen në Mat e Lurë. Këtu për një kohë nuk kanë mundësi që komunistët t'i shkatërrojnë se edhe komunistët nuk ju pëlqen që të përgjaken e të armiqësohen me Mbretërorët, se ju kushton rëndë. Por, ne nuk jemi dakord njëri me tjetrin dhe këshilli ynë nuk duket gjithë këto kohët e fundit. Vetëm se në Mat janë grumbulluar më tepër se 500 oficerë dhe shumë nga patriotët nuk dinë se çfarë të bëjnë. Miqtë tanë, tani në gjininë komuniste, mundohen që ne të qëndrojmë indiferentë po kush ju beson. Sikur të kishte qenë gjallë Profesor Mustafa Gjinishi, do besonim për një qeveri të koalicionit. Por edhe të ishte aty gjallë nuk do f i zhvishte Myslimin, as Haxhinë, por këto do të kishin fuqinë më të madhe në dorë. Këta do të luanin një rol të madh dhe me përkrahjen tonë, por tani këto nuk kanë më fuqi. E, nuk ju besojmë, jo për gjë tjetër, por thjesht nuk i pyesin. E gjithë fuqia është në dorë të Enver Hoxhës dhe Koçi Xoxes. Askush tjetër duket se nuk ka gjë në dorë. Tani na lajmërojnë se edhe Major Abaz Kupi me 4 vetë ka marrë një barkë në Shëltinzë, dhe është nisur për Itali. Po, nuk dihet gjë e vërtetë akoma. Tani gjendja siç ua shpjeguam ndodhemi me një atmosferë kritike saqë nuk dimë se çfarë të bëjmë. Është tepër vonë për ndonjë udhëzim prej jush. Ne po të kemi një shpresë ndryshimi të kësaj situate, ne për 5-6 muaj mbahemi në Mat e Lurë. Kapiten Gjon Markagjoni është në Shkodër i bashkuar me një pjesë të madhe mbretërorësh. Ai ka deklaruar, që të bëjnë qëndresë në Shkodër dhe në një bisedim që qenka mbajtur në Shkodër u ndoq në Lurë, Mat, Mirditë. Sot në Shkodër forcat shqiptare kapin afër 6000 vetë dhe janë të përzier prej të gjithë grupeve. "Këtu u bë një fuqi e bashkuar, - na thotë kapiteni, - për të luftuar vëllazërisht". Ne ju përgjigjëm se: "Jemi dakord me çdo sakrificë morale dhe materiale. Qëndroni se ne këta vetëm nuk i lëshojmë në asnjë mënyrë". Tiranë, 26 nëntor 1944 Tirana është krejtësisht në dorë të nacional-çlirimtares, por duhet thënë se vendet e veriut dhe disa pjesë të Shqipërisë së Mesme akoma janë në duart e Mbretërorëve dhe zotërojnë forca të mira. Por ata u gënjyen, kurrsesi nuk donin të përkrahnin njëri-tjetrin. Gjithashtu, një pjesë e nacional-çlirimtares që pretendonin se janë nacionalistë si Myslim Peza, Haxhi Lleshi, Faik Shehi, Spiro Moisi, Shefqet Benja, duket se mbeten miq të ngushtë me Mbretërorët. Këta zhvillonin një propagandë për një qeveri të koalicionit me Mbretërorët. Kuptohet bashkë deri sa të bëhen zgjedhjet në popullit. Kështu, pothuajse mbeten në besim. Këta u gënjyen prej këtyre miqve që kishin bashkëpunuar që më 1939. Ata ishin së bashku dhe të bashkuar me një program të përbashkët. Gjithashtu, edhe në kohërat e fundit në Shqipëri këto me sigurimin më të madh e kishin në Mat. Kur nuk besonin t'i gënjejnë dhe bile si tradhti, në besimin e tyre, ata ndaluan një vëllavrasje mes Mbretërorëve e nacional-çlirimtares. Të parët që ranë viktimë në besimin e tyre ishin Jusuf Selmani, Sul Kurti, Major Murat Basha, Major Jahja, bashkë me 400 oficerë. Po ashtu edhe shumë nga Paria e vendit shkuan si viktima. Sa për Fiqiri Dinen dhe Hysni Demën me një pjesë të madhe që nuk u dorëzuan, puna ishte se ata ishin duke pritur se çdo të përfundonte nga rezultati i të parëve. Por, këta të parët shkuan viktimë, se siç u pa ata nuk kishin qëllim për të formuar një qeveri të koalicionit, por një qeveri komuniste nën Kominformin ruso-jugosllav. Kështu pothuaj e gjithë forca mbretërore u shpartallua pa një program dhe pa asnjë dobi në male. Ata mbetën të veçuar dhe pësuan vuajtje të mëdha në male, në dimër. Populli ishte shumë i torturuar dhe frikësohej, por për legalistët ishte bërë i pamundur qëndrimi në male. Po ashtu Muharrem Bajraktari ka pas dëme të mëdha. Tiranë, 29 Nëndor 1944 Qeveria komuniste, siç ishte formuar në Përmet dhe në Berat, prej agjentëve të Kominformit ruso-jugosllav të Titos, sot hyri në Tiranë. Menjëherë, shpërndanë në të gjithë anët e Shqipërisë shpalljet me të cilat siguronin faljen e të gjithë shqiptarëve të çdo tendence qoftë dhe me një bashkim vëllazëror e sa më shpejt dhe porsa të sigurohet qetësia e vendit do të bëhen zgjedhjet e lira dhe demokrate duke shfaqur lirisht populli dëshirën e tij për reformën e shtetit. Pra, atë që do t'i pëlqejë. Aleatët, porsa u instalua në Tiranë qeveria komuniste, brenda 3 ditëve e njohën. Rusia dërgoi ambasadën e saj në Tiranë; Jugosllavia dërgoi Legatën me Ministër fuqiplotë; ndërsa Britania e Madhe dhe Shtetet e Bashkuara të Amerikës e Franca, nga një misioner ushtarak. Kështu ata përfituan edhe nga ndihmat e Atlantikut, të dërguara nga Kryqi i Kuq ndërkombëtar. Ato ishin ndihma në popull dhe kishin të bënin me veshmbathje, barëra dhe të tjera. Qeveria komuniste siç ju pati premtuar e veçanërisht edhe me shpalljet me të cilën garantonte falje, premtoi se: "për së shpejti do t'u zhvillonin zgjedhjet." Këta menjëherë tradhtisht filluan programin e tyre barbar duke masakruar dhe duke ekzekutuar me qindra vetë në ditë, saqë nuk po mundemi t'i shënojmë këtu. Brenda një dite Major Murat Bashën me 60 oficerë e ekzekutuan në Tiranë'. Arsyeja ishte sepse kërkonte premtimet për një Qeveri të koalicionit deri në përfundimin e zgjedhjeve, kurse këta nuk pranonin më zgjedhje e bashkëpunim me nacionalistët. Ata e morën vetë pushtetin në dorë me të gjithë organizatorët e Kominformit. Pas këtyre masakrave, prapë malet u mbushën me nacionalistë. U bënë ndeshje të mëdha dhe është derdhur gjak i madh për interesa personale që këta, një grup personash të shtruar kryekëput tek programi ruso-jugosllav me organizatorët e tyre në krye e masakruan vendin me mënyra të papërshkruara. "Malet u bënë shumë të zorshme, ndeshjet janë të mëdha, dimri është shumë i madh dhe në popull bëhen internime, burgime, vrasje, plaçkitje. saqë nacionalistëve nuk ju mbetet mundësi për të qëndruar në male dhe u detyruan të tërhiqen në Greqi e Jugosllavi. Ndër ata që kaluan në Jugosllavi një pjesë e madhe u ekzekutuan nga jugosllavët, si bashkëpunëtorë me Tiranën. Mbi të gjitha ngjarjet e zhvilluara në Shqipëri dhe ndër ata njerëz që u tërhoqën në male, shtuar dhe me ekzekutimet në masë të gjerë që u bënë në Tiranë (që për çdo ditë me qindra vetë ekzekutohen dhe në sy të përfaqësuesve të aleatëve tanë anglo-amerikanë) do të mbetet një padrejtësi që asnjë histori nuk e përshkruan. Nuk janë të zotë (anglo-amerikanët) të hapin gojën dhe nuk i lejojnë që as 60 kilometra jashtë Tiranës të dalin. Aty sundojnë vetëm rusët e jugosllavët. Ata kanë sjellë në Shqipëri më tepër se 2000 organizatorë të çdo lloj klase në ushtri, ekonomi, reformatorë dhe në polici e të tjera. Ata kanë sjellë materiale të shumta, por ka edhe një divizion italian me komunistë e të tjerë. Me të gjitha hollësirat siç ishte dhe siç ekziston sot në Shqipëri, në popull bëhen shumë tortura, saqë nuk t'i merr mendja. Kjo se Kominformi nuk pajtohet me ideologjinë e popullit e me zakonet e tij. Këtë ja parashtrova edhe zyrës së informacionit turk e britanik. Britania e Madhe dhe Shtetet e Bashkuara të Amerikës tani e kuptuan mirë gabimin e tyre, që e morën më qafë atë popull të varfër. Por, ç'të bësh, tani u mbarua, vetëm në qoftë se prapë këta organizojnë emigratën e jashtme. Gjithsesi edhe kjo është një gjë shumë e ndërlikuar. Për sa i përket grekëve, këta gjoja janë në luftë me Shqipërinë, duke zënë shkak për "Vorio-Epirin." Stamboll, 15 janar 1945 Tani porsa u lajmëruam se Mit'hat Frashëri dhe Major Abaz Kupi me disa të tjerë dolën në Itali. Aleatët i kanë vënë në një kamp afër Barit të quajtur "Barletto". Këta rrinë të frikësuar, pasi sipas kërkesave që paska bërë Marshalli Tito, të gjithë të ashtuquajturit kriminelët e luftës jugosllavë e shqiptarë do t'u dorëzohen komunistëve. Gjithashtu kanë dalë edhe në Greqi një shumicë e madhe prej 600 e disa vetë. Madje, dhe shumë të tjerë vazhdojnë duke kaluar në Itali, Greqi e Jugosllavi. Kanë dalë një sasi e madhe edhe në Austri prej atyre që ishin grumbulluar në Shkodër. Ata kaluan në Austri dhe prej andej kaluan në Itali. Përfaqësuesit e Britanisë së Madhe dhe ata të Shteteve të Bashkuara të Amerikës filluan të prishin marrëdhëniet me qeverinë komuniste të Tiranës. Tani e kuptuan se ata dirigjohen nga Kominformi e janë kundër kapitalizmit. Ata nuk i lejojnë të shëtisin ku ata dëshirojnë. Janë pothuaj si nën kontroll gjithkund dhe as popullin nuk e lënë që të marrë kontakt me ta. Dhe, një prej popullit që merr kontakt me anglo-amerikanët, menjëherë e zhdukin.

Letërkëmbimi mes Zogut e Konicës për qeverinë në mërgim

Gazeta “standard” vijon botimin e kujtimeve të Hysen Selmanit për Mbretin Zog. Këtë herë ju sjellim disa prej letërkëmbimeve në mërgim, ku kërkonte të mbante kontakte me Shqipërinë dhe merrte këshilla nga Faik Konica për ndërtimin e qeverisë. Mbreti u shkroi gjithë liderëve më të mëdhenj botërorë, përfshirë dhe Presidentin amerikan Roosvelt, të cilëve u kërkoi ndihmë për të rivënë pushtetin e tij në Shqipëri, duke kujtuar rezistencën e këtij vendi të vogël ndaj Italisë Fashiste STAMBOLL, 25 SHTATOR 1941 Sot morëm një raport nga Shqipëria ku na deklarojnë se në mbledhjen e Pezës nuk u realizua një bashkëpunim në mes të grupeve të ndryshme. Arsyeja ishte ngaqë Nacionalçlirimtarja ishte më e organizuar dhe kishte filluar nga veprimet e saj, me një program që nuk pajtohej me programin tonë dhe ajo kërkonte me insistim kryesinë. Madje edhe nuk u arrit ndonjë marrëveshje si bashkim kombëtar. Meqenëse me Nacionalçlirimtaren nuk mund të merremi vesh, sepse ky ka një program të veshur prej 3 grupesh të ndryshëm: nacionalistë, socialistë, komunistë, duket se për këtë herë u shpërndamë pa një përfundim. Por, e kanë lënë që të mendojnë dhe të gjejnë një mënyrë bashkimi për më vonë. Mbledhja e Pezës dhe këmbëngulja e Nacionalçlirimtares me një program të tillë, kjo na detyron që edhe ne të marrim masa të shpejta për një organizim më të përsosur me kuadrot tona në gjithë viset e Shqipërisë se disa shokë jo të deklaruar, dëshirojnë të bashkëpunojnë me Nacionalçlirimtaren. Tani jemi në bisedime me shokët si në Tiranë, Shkodër, Elbasan, Gjirokastër e të tjera vende. Haxhi Lleshi me një ndeshje të befshme që pati me një patrullë italiane në Prat të Selishtës, mori një plagë në këmbë po menjëherë e shpëtoi Jusuf Selmani me njerëzit e tij, të cilin e tërhoqi menjëherë në Vik. Aty, u mjekua nga mjekët e vendit dhe e shëndoshën fare mirë, brenda dy javëve. Tani është fare mirë. Këta si Haxhi Lleshi dhe profesor Mustafa Gjinishi, rrinin në Mat tek Jusuf Selmani. Dihet se këta bënin pjesë në Partinë Nacionalçlirimtare dhe se Gjinishi e kishte pagëzuar këtë parti me këtë emër dhe madje ishte komisari politik i saj. Ata ishin miq të Myslym Pezës, ai ishte i deklaruar si kryetar i kësaj partie. Dhe ndër këta, personi që luante një rol ishte Mustafa Gjinishi. Madje ai ia kishte mbushur mendjen edhe Haxhi Lleshit. Këta ende nuk janë të deklaruar se janë shkëputur prej nesh. Gjithmonë mbahen me ne. Mithat Frashëri me shokë përpiqet që të shpallë emrin e partisë së tij, me programin e veprimit, por trembet nga italianët, siç duket, por jo se kemi fakte të sakta. Mithati, vetë rri në Tiranë e jo në male. Ata janë në grindje me Nacionalçlirimtaren dhe flitet se do ta luftojnë me shtytjen italiane. Ky nuk është një fakt i vërtetë, por më vonë do të kuptohen. Tani, duke mos pasur të reja të tjera, përherë mbetemi në udhëzimet tuaja sa më parë dhe presim kohën e volitshme. Sa i përket një bashkimi e një organizimi vëllazëror ne jemi duke bërë çmos. Por, më në fund, ne do të organizohemi me tanët. Jemi krejtësisht superiorë prej të dy grupeve të tjera dhe ju parashtrojmë përshëndetjet më të sinqerta. Rroftë Mbreti!" Tiranë, 18 shtator 1941. Në emrin e të gjithëve, me nderime Gafuri. D. v. Haxhi Lleshi i dërgon një letër kolonel Hysen Selmanit I dashur Hysen Beg, jam bashkë me Jusuf Begun. Unë para 2 javësh pata një përpjekje duke kaluar Bufllën me ardhë në Selishtë. U poqa me një patrullë italianësh e shqiptarësh dhe në pushkët e para mora një plagë në këmbë mjaft të rëndë, saqë nuk munda të ec. Kisha 3 shokë me vete dhe ata më morën e më futën në një pyll. Menjëherë, i dërgova fjalë Jusuf Begut në Vik dhe më dërguan Rahman Hisen, Ramadan Bibën, Halil Xhaferrin e më morën e më dërguan në Shëlli, në shtëpinë e Bajram Cekës. Ata më vunë të më lidhë këmbën Dalip Xhokën, i cili ka ndenjur me mua derisa u shëndosha. Edhe sot që po shkruaj këtë letër është përsëri këtu. Jusuf Begu vjen çdo dy ditë dhe është fare mirë. Husen Beg, të gjithë jemi mirë. Aqifin e Himçen i kanë internuar në Elbasan, po janë mirë. Këtu derisa të vini ju, ju presim të gjithë. Ne nuk merremi vesh njëri me tjetrin, se jemi të gjithë hislo. Do të donim të ishim siç kemi qenë në Jugosllavi, pra të gjithë të bashkuar për Atdhe e Mbret. Gjithsesi, prapë jemi të bashkuar, duke përjashtuar një pakicë që nuk janë askushi. Pra, unë, Faiku, Myslimi e Gjinishi, jemi të bashkuar, edhe Spiro Moisiu. Vetëm se presim një orë e më parë të vini ju. Unë gjithmonë jam në Mat me Jusuf Begun po me të tjerët nuk merrem vesh. Pres letër prej jush. Mua me Jusuf Begun e me njerëzit tuaj kurrë nuk më ndan gjë deri në vdekje. Po, ashtu Faiku, Akifi, Himçja, Myslimi, Gjinishi e Spiro Moisiu. Për këtë herë e lashë me kaq. Keni shumë të fala prej Hysen Skurës, Ali Krosit, Bajram Cekës, Dalip Xhokës e Ramadan Bibës. Janë këtu me mua. M'i ka lënë Jusuf Begu, që e kam si vëlla, sepse jetën time ai ma ka shpëtuar dhe jo italianët. Po armiqtë e mi më kishin zhdukur. Këtë radhë nuk kam tjetër, vetëm të më dish si Sofën. Me këtë, ju jap të falat e mia e duke lutur Zotin që të jeni me shëndet të mirë e t'ju shohim sa më shpejt këtu në mes tonë". Shëlli, 2 tetor l941 Miku juaj me besë H. Lleshi d.v. Letër e Faik Konicës: "Sipas bisedimeve, kemi rënë dakord që t'i parashtrojmë Madhërisë Suaj këto sugjerime. Është e rëndësishme që të formohet menjëherë një kabinet i vogël me anëtarë kryesisht shqiptarë, që banojnë në Londër dhe që të jenë prezentë dhe të flasin mirë anglisht. Gjithashtu duhet që të caktohet një përfaqësues qoftë në Londër të Britanisë dhe në Uashington. Së fundi, duhet dërguar këtu një person i besueshëm si i deleguari juaj për të diskutuar për disa çështje. Do të ishte mirë që t'i dërgosh shpejt!" Majeste King ZOG, Parmoor, London. Përgjigje e Konicës për propozimin e Zogut që të jetë përfaqësuesi i qeverisë së tij në Uashington “Kam marrë letrën. Parimisht jam dakord, por më duhet që të konsultohem me miqtë e mi, përpara se të jap një përgjigje përfundimtare. Kur të kem mbështetjen e duhur...? Adresa jonë personale është 1530 Sixtienth street, Washington. Përshëndetje, Faik Konica ZOGU PËR KONICËN I dashur mik, Kam lexuar me vëmendje disa nga numrat e revistës "Dielli", që më kanë dërguar, si dhe kam parë titujt e saj dhe ju vetë e dini që janë të padrejta. Jam shumë i gëzuar të shoh që nevoja e madhe për një lidhje të shenjtë midis shqiptarëve është e mbështetur dhe nga ju. Por nuk mendoj që mendimet tona të realizohen me anë të krijimit të komiteteve ose të organizatave të tjera private. Është e dukshme që të tëra iniciativat që kanë për drejtim luftën për lirinë e popullit tonë duhet të inkurajohen, por iniciativa të tilla nuk mund të na vënë ne në pozicionin më të mirë të mundshëm për të arritur rezultate pozitive të luftës tonë. Me anë të komiteteve, ne rrezikojmë ta gjejmë veten tonë në konferencën e ardhshme për paqen në të njëjtën situatë që ishim gjatë Luftës Ballkanike dhe asaj Botërore, pra në korridore. Unë kam arsye për të besuar që momenti i duhur për të krijuar një shtet shqiptar do të jetë ai, kur shtetet e fuqive aleate të pranojnë përfaqësuesit diplomatikë të Shqipërisë nëpër botë, përjashto këtu Greqinë dhe Jugosllavinë. Qeveritë e tjera i janë përgjigjur pozitivisht letrës sime, ku parashtrohej dhe kjo ide. Pozicioni ynë në sferën ndërkombëtare është duke u forcuar. Dhe kjo gjë do të shërbejë për të shpëtuar interesat e vendit tonë, të cilat ndodhen në rrezik. Fakti që disa shovinistë grekë kanë kërkuar Korçën dhe Gjirokastrën dhe pozicioni i tyre është më i fortë se yni, kjo duket se ndodh për fajin tonë. Dhe është prapë faji ynë kur ata pretendojnë se nuk ekziston një shtet shqiptar dhe se kufijtë shqiptarë duhen rishikuar. Për të gjitha këto arsye unë mendoj se duhet të formojmë një qeveri të një lidhjeje të shenjtë dhe jam i gëzuar që më jepet mundësia që të bashkëpunoj me një mik si ju. Unë jam i prirë të përdor të drejtat që përmban Kushtetuta e vendit tonë për të emëruar një qeveri e cila do të jetë një mundësi më shumë për Shqipërinë për t'u pranuar në Aleancën Demokratike. Unë mendoj se duhet formuar një këshill prej 10-12 personash të zgjedhur në mënyrë të lirë nga kolonitë tona në Amerikë, Turqi dhe Egjipt, në funksionin e përfaqësuesve kombëtarë. Mbetet për t'u zgjidhur dhe financimi i këtij plani. Do të kisha dashur të isha aq i pasur sa pretendoni ju. Meqë nuk jam i tillë mund të marr përsipër të investoj në mënyrë modeste këtë plan në një periudhë brenda dy viteve. Gjatë kësaj kohe, kjo qeveri e lidhjes së shenjtë mund t'i dëshmojë bashkëpatriotëve tanë që punon në të mirë të tyre dhe është e privuar nga çdo lloj intrige dhe jam i sigurt që do të gjejë një mbështetje të madhe morale dhe financiare. Ja ku janë idetë dhe propozimet e mia konkrete. Nëse ju jeni dakord, do t’ju propozoja: 1 -Më dërgoni një telegram ku të konfirmoni që jeni dakord me mua. 2-Të më thoni brenda këtij telegrami, nëse ju mund të më dërgoni këtu dikë nga ju për të rregulluar të gjitha detajet, gjithmonë duke marrë parasysh vështirësitë që ekzistojnë. 3-Të më dërgoni një letër personale, ku të parashtroni të gjitha idetë dhe kritikat tuaja, nëse do të keni të tilla, për këto propozime dhe për personat që mundësisht mund të jenë të nevojshëm etj. Po jua dërgoj letrën në dy kopje, një ndërmjet postës normale dhe një me avion. Dhe po ju shkruaj në frëngjisht për të evituar ndërhyrjet dhe censurimet e kontrollit. Po ju përsëris dhe një herë, se dua të ndihmoj edhe një herë më shumë për lirinë e popullit tonë me një mik të hershëm. Jam në pritje të një përgjigjeje të shpejtë që do të më dërgoni, mik i dashur. Përshëndetjet e mia më të mira. Shkëlqesia Faik Konitza Ang. 25 maj 1942 Parmoor Henley, ZOG I Mbret i Shqipërisë KONICA PËR MBRETIN Madhëria Juaj, Mbreti Zog I, Zotëri, Duke ndjekur udhëzimet e Madhërisë Suaj, kam marrë përsipër të bëj bisedime të shpejta me miqtë e mi politikanë shqiptarë dhe kemi arritur në konkluzione në ato pika që ju kishit parashtruar në telegramin tuaj. Po jua parashtroj më në detaje si më poshtë. Jemi të bindur që kabineti duhet të formohet sa më shpejt dhe duhet të jetë ashtu si dhe Ju vetë keni theksuar më i reduktuar. (Ne mendojmë që të ketë një Kryeministri; një ministër të Punëve të Jashtme dhe një ministër të Punëve të Brendshme dhe kaq do të jetë e mjaftueshme). Dhe së fundi ne besojmë se, duke parë dhe vështirësitë e komunikimit këta të zgjidhen nga shqiptarët që jetojnë brenda në Angli. Kjo gjë do të ishte e mundur, kur të ketë mbaruar periudha e bisedimeve për paqen dhe Madhëria e Juaj t'i emëronte menjëherë këto personalitete shqiptare në mënyrë që puna të ishte më frutdhënëse. Do të ishte e dëshirueshme që Madhëria Juaj të kishte një përfaqësues në Uashington dhe një tjetër në Londër. Por duhen evituar ata lloj ministrash që do i vinin në një pozitë të vështirë agjentët e tyre deri në një mënyrë të tillë që qeveria Juaj të mos njihej zyrtarisht. Përkundrazi, portreti i përfaqësuesve duhet të jetë i thjeshtë, elasok dhe i gatshëm në të gjitha rastet. Më vonë ne do të formojmë këtu një këshill me persona të aftë për të ndihmuar lëvizjen. Llogaritjet në Amerikë sipas mendimit tonë, do të shkonin në 5 mijë dollarë në muaj. Kur organizata të jetë e kompletuar, atëherë do të vihet në lëvizje. Për momentin, lëvizjet do të jenë akoma më të moderuara, gjë që konsiston në këto detyra: 1-Takime dhe mbledhjet e ndryshme të përfaqësuesve të Madhërisë Suaj në Uashington, që do të veprojnë sipas udhëzimeve të prera të Madhërisë Suaj. 2-Një fond prej 600 dollarësh në muaj për revistën “Dielli”, gjë që do t'i lejonte të dilte një herë në javë. 3-400 dollarë në muaj për takimet dhe mbledhjet e dy konferencierëve të përhershëm, që do të vizitojnë në mënyrë të vazhdueshme kolonitë dhe do të flasin aty për çështjen tonë. 4-100 dollarë në muaj për një agjent shtypi që këtu është më se i nevojshëm. Si përfundim, do të ishte mirë që Madhëria Juaj të dërgonte këtu një person të besuar për të qenë në kontakt me ne dhe për të parë se si ecin gjërat në shtyp. Ne e kemi të pamundur të dërgojmë një njeri prej këtu. Në qoftë se këto sugjerime i pëlqejnë Madhërisë Suaj, fondi i organizatës do të ishte mirë të sigurohej në një bankë anglo-amerikane që të ishte e ngarkuar të vepronte në një mënyrë sa më të shpejtë e efikase dhe të evitonte çfarëdo lloj vonese. Opinioni publik shqiptar sa vjen e po bëhet më në favor të Madhërisë Suaj dhe një ndihmesë e madhe për këtë dhe për punën tonë është Monsinjor Noli. Kam menduar për një moment që Mr. Noli do të ishte njeriu ideal për vendin e Kryeministrit, pavarësisht nga fakti se nënshtetësia e tij amerikane e bën këtë gjë të vështirë. Por sidoqoftë, ai do të jetë një këshilltar i aftë dhe vigjilent. Shërbyesi besnik i Madhërisë Suaj. Madhëria Juaj, Mbreti ZOG I, Mbret i Shqipërisë, Faik Konitza, Boston, 20 Qershor 1942 Ministri i Zogut i shkruan Konicës I dashur Bej, Kjo është letra dhe një autorizim nga Mbreti që ju dërgon si përgjigje të letrës suaj të fundit të datës 20 qershor. Në përgjigje të letrës Suaj, që më dërguat dhe mua një kopje, kam kompetencën të pohoj që Mbreti është më se i vendosur për të bashkëpunuar dhe për të rënë dakord me ju për ato që kishit shkruar në letrën zyrtare. Ai është i predispozuar të bëjë çfarë është e mundur dhe të gjitha sakrificat e mundura që do t'i shërbenin çështjes së vendit tonë. Ai dëshiron shumë të bashkëpunojë me ju dhe Mr. Nolin, kështu që ju mund të mbështeteni tek Ai në mënyrë absolute. Por ju duhet të merrni parasysh faktin që lufta mund të zgjasë shumë dhe kjo ndikon në mbështetjen e shpenzimeve të përfaqësuesve tanë, të konsullatave, gjithashtu të oficerëve dhe të pjesëtarëve të tjerë, duke përfshirë dhe shpenzimet e qeverisë e unë mendoj në mënyrë absolute që është e nevojshme të formohet nën drejtimin e Shkëlqesisë Suaj ose të Mr. Noli, kur ju bashkë me të të konsideroni momentin e duhur për t'u formuar. Dhe kjo ndodh sepse ai është i detyruar të përmbushë të tëra impenjimet që ka zakonisht. Nga ana tjetër ju duhet të konsideroni se me vështirësitë aktuale me transfertat, nuk mund të dërgojmë atë shumë fikse për në qeverinë britanike, por vetëm për përfaqësuesit tanë zyrtarë. Është për këtë arsye, që ai beson se mënyra më e mirë për të mbështetur Mr. Nolin për të kryer misionin e tij kombëtar është ajo që është propozuar në letrën time zyrtare. Është e kuptueshme që si Mbreti dhe disa persona të tjerë do të vihen në dijeni për punët e kryera nga ana jonë. Në këto kushte ne shpresojmë që dhe Shkëlqesia Juaj edhe Mr. Noli, do të gjykoni kohëzgjatjen e kësaj lufte me perspektivën që situata të përmirësohet dhe të arrijë qëllimin e saj për njohjen e vendit tonë. Ndërkohë aleanca do të vërë të gjitha gjërat në vendin e tyre. Për sa i përket çështjes "Vatra", duhet të jetë keqkuptuar patjetër, sepse Mbreti nuk ka bërë kurrë një marrëveshje personalisht me ata. Është e qartë se patriotë si Mr. V. Pani, nuk duhet të vuajnë shumë për patriotizmin e tyre. Kur t'ju njohë mirë personalisht Faik Bej, Mbreti pavarësisht nga keqkuptimet dhe nga momenti që ju ofroni një miqësi shumë të veçantë, unë do të bëj të pamundurën që ju të takoheni me Atë dhe t'i sistemoni personalisht të gjitha këto çështje. Personi që ju keni dërguar do t'ju sjellë të gjitha kopjet e shënimeve tona dhe të përgjigjeve pozitive dhe garancitë për krijim e një qeverie ndryshe. Bashkë me pranimin tuaj për propozimet e parashtruara në letrën time zyrtare na dërgoni gjithashtu dhe miratimin për t'iu futur punës sa më shpejt dhe në një mënyrë më konfidenciale në të ardhmen. Për çështjen e kabinetit unë them se Mbreti, patjetër që është i disponueshëm të impenjohet menjëherë në këtë mënyrë dhe të mbështesë që si Shkëlqesia Juaj ose Mr. Noli, ta udhëheqin, kryesojnë atë. Por, në qoftë se keni arsye, për të cilat ne nuk jemi në dijeni, për të mos e bërë këtë dhe të dërgoni këtu njerëzit që mund ta bëjnë në vendin tuaj këtë gjë duhet të jetë një keqkuptim i madh, nisur nga diskutimi midis përfaqësuesve tanë dhe tuajve. Do t'ju lutesha që t'i dërgoni përshëndetjet e mia të mira Mr. Nolit dhe ju përsëris dhe një herë i dashur Faik Bej, shprehjen e miqësisë sime të sinqertë. Shkëlqesisë së Tij, zotit Faik Koniza Sotir Martini 1530, Sixteenth Street Uashington, U.S.A. 28 shtator l942 WASHINGTON, 20 NËNTOR 1942 Botohet ky lajm: Departamenti i Shtetit Amerikan thirri dhe tani në fund Imzot Nolin dhe Faik Konicën, kryetar i Pan-federatës Shqiptare në Amerikë 'Vatra'. Arsyeja ishte për të shprehur mendimet e tyre mbi mënyrën se si mund të organizohej qeveria shqiptare në mërgim. E midis pikave që shënuan ishin: 1-Vetëm një lëvizje shqiptare që të përmbledhë të gjitha personalitetet shqiptare, do të ketë mundësinë për të thirrur gjithë popullin, që të bëjë diçka për Kombet e Bashkuara. 2-Mbreti Zog është personaliteti më me rëndësi si në Shqipëri e në shqiptarët dhe përjashtimi i tij do të zhveshë lëvizjen prej forcës së saj. 3-Që asnjë anëtar i këtij fronti të përbashkët nuk do të detyrohet të heqë dorë derisa të sigurohet indipendenca edhe integriteti shqiptar në Konferencën e Paqes, pas së cilës, çdo njeri do të rifitojë lirinë e veprimit të tij. Zoti Ministër, Boston, 5 nëntor 1942 Mora letrën tuaj të datës 27 shtator 1942 dhe kam nderin t'ju informoj që pranoj të jem përfaqësuesi i Mbretit në Uashington. Duhet që Madhëria e Tij t'i dërgojë një letër ambasadorit të Shteteve të Bashkuara të Amerikës në Londër, duke iu lutur që të transmetojë përmbajtjen e letrës në Uashington. Në këtë letër ju njoh qeverinë e saj në mërgim dhe në të njëjtën kohë hyrjen në luftë të Italisë. Të bëjë të ditur dërgimin e një ministri zyrtar në Uashington, por nga ana tjetër, siç do të bëhet dhe më evidente, që Shqipëria mund të luajë në të ardhmen e afërt një rol të dobishëm në çështjen e aleancave. Mbreti mendon që të emërojë në Uashington si përfaqësuesin e tij personal, Faik Konicën, i cili ka qenë që nga 1926 deri në 1939 i dërguari i Shqipërisë në Shtetet e Bashkuara të Amerikës. Diçka e ngjashme do të mjaftonte, për mendimin tim, dhe për vendosjen e pozicionit tim si përfaqësues jozyrtar. Ju përshëndes, Zoti Ministër dhe ju siguroj për konsideratën time më të lartë kundrejt personit tuaj. Shkëlqesisë së ti,j Sotir Martini, Faik Konitza, Përfaqësuesi i M. S. Mbretit ZOG I. LONDËR, 20 DHJETOR 1942 - VDEKJA E PAPRITUR E DIPLOMATIT TË SHQUAR, FAIK KONICËS Lajmi tepër i hidhur që u dha mbi vdekjen e patriotit e diplomatit Faik Konica, më 20 dhjetor 1942, Mbretin Zog I e tronditi thellësisht. Më poshtë ai vijon duke shprehur mendimin e tij: "Kjo ndodhi tamam në këtë moment kritik të Shqipërisë. Faik Konica ka qenë një nga kampionët e indipendencës shqiptare. Shkrimtar që ka botuar që në rininë e tij dhe botimet e tij vazhduan në lëndën e atdhetarizmit. Faik Konica më 1926 u emërua Ministër Fuqiplotë në Amerikë dhe qëndroi në detyrë deri më 1939 të vitit fatal, kur Shqipëria u sulmua prej Italisë fashiste të 'Premten e Zezë'. Veprimi i fundit pas okupimit të Shqipërisë prej Italisë, ishte që Departamenti i Shtetit i njohu Faik Konicës, që s'mund më të gëzonte privilegjet diplomatike, pasi s'ishte më në Shqipëri dhe legata shqiptare në Uashington u mbyll. Ajo ka qenë periudha e politikës së përkëdheljes, po deri më 1939 për t'i bërë qejfin Musolinit. Por këta nuk e njihnin Musolinin se ai ishte i pangopur e tani së fundit e panë që u bashkua në luftë me Gjermaninë dhe tani Shtetet e Bashkuara u detyruan të hyjnë në luftë kundër Italisë e Gjermanisë. Kurse, shqiptarët të harruar prej të gjithëve, nuk e lanë luftën kundër Italisë dhe gjithmonë vazhdojnë në malet e Shqipërisë. Më në fund, Uashingtoni dhe Londra e kuptuan se shqiptarët vazhdonin në mundësitë e tyre në luftën kundër Boshtit dhe mund të ishin një përkrahje për Kombet e Bashkuara. Kështu erdhi deklarata historike e Sekretarit të Shtetit Cordell Hull, më 10 të këtij muaji, me anën e së cilës, Shqipëria u sigurua se do ta rifitojë indipendencën e saj sipas Kartës së Atlantikut. Mbreti Zog, duke u bazuar ne fjalët e z. Hull, riemëroi Faik Konicën si përfaqësues të tij në Uashington dhe kërkoi njohjen e tij si kryetar të qeverisë shqiptare në mërgim. Faik Konica u paraqit menjëherë në Departamentin e Shtetit në emrin e Mbretit Zog mbi këtë njohje dhe ky ka qenë veprimi i fundit i Konicës". Zoti Kordell Hull, në deklaratën e tij historike mbi Shqipërinë, më 10 dhjetor tha: "Në vazhdim të politikës së saj të mirëvendosur qeveria e Shteteve të Bashkuara nuk njohu okupimin tokësor të bërë me forcë dhe nuk njohu kurrë aneksimin e Shqipërisë prej koronës italiane". Në rast se kjo deklaratë ka ndonjë kuptim, ky kuptim është se Shtetet e Bashkuara do të njohin Mbretin Zog e jo Mbretin e Italisë, si Mbret i Shqipërisë. Gjesti i bukur ka dhe një tjetër provë: Përgjigja e Departamentit të Shtetit do të jetë favorizuar. Qeveria amerikane vendosi të dërgojë kufomën e Faik Konicës në Shqipëri, kur do të vijë koha në mbarimin e luftës. Një kortezh i tillë u bëhet zakonisht vetëm diplomatëve të huaj që vdesin në shërbim aktiv. Kjo do të thotë se Faik Konica njihet si përfaqësues i qeverisë shqiptare dhe se vdiq në shërbim aktiv. Nga ana tjetër e çmojmë shumë këtë gjest fisnik të qeverisë amerikane dhe dimë se Faik Konica vlente. Vlen të gjejë prehje të vazhdueshme në vendin që shërbeu gjithë jetën me besnikëri e realitet. Tani, vendin e të ndjerit Faik Konica do ta rimarrë Mr. Noli, personi më i përshtatshëm, i cili ka bashkëpunuar me Konicën dhe është i njohur në politikën shqiptare dhe atë botërore. Shpresohet që në Departamentin e Shtetit ky të zërë vendin e Konicës me një dekret të Mbretit Zog.

22/04/2009 

http://www.gazeta-standard.com/tekst.php?idt=17799

Mbretërimi i Zogut, e vërteta e Kryengritjes së Fierit në dhjetor 1935

Në “standard” vijon botimi i kujtimeve të Kolonel Hysen Selmanit, një ushtarak që nuk iu nda Mbretit Zog I deri në vdekje. Në këtë numër, të botuar në librin “Nga botimet e Zogut I, Mbretit të Shqiptarëve”, trajtohet kryengritja e Fierit të ndodhur në vitin 1935, në një moment kur Mbreti Zog I kishte konsoliduar prej vitesh pushtetin e tij. Po cila është e vërteta e kësaj kryengritje, sipas Hysen Selmanit? Në zhvillimin e propagandës dhe të hollat që shpërndanin agjentët italianë, përfituan më tepër komunistët, sa që nuk e kuptonin njëri-tjetrin, kurse italianët kishin qëllim të krijonin një kryengritje në favorin e tyre, por komunistët kishin qëllime të tjera e shiteshin si agjentë të Italisë, duke marrë të hollat dhe duke krijuar lidhje me simpatizantët e Italisë. Qeveria shqiptare nuk i dallonte dot komunistët, i konsideronte të njëjtë me agjentët italianë, por nuk u jepte rëndësi, duke qenë e sigurt se situatën e kishte në dorë dhe për më tepër nuk donte të tërhiqte vëmendjen e italianëve për t'u konsideruar si nxitje në trazira, gjë për të cilën nuk e shihte të nevojshme. Qeveria shqiptare, me qëllim që të kishte informacion për çdo gjë që ndodhte rreth e qark, kish futur njerëzit e saj si agjentë italianë për të kontrolluar veprimet e Italisë, që për më tepër kontrollonin Tiranën, Durrësin, Elbasanin, Vlorën e Shkodrën dhe sa për vendet e tjera nuk u jepte ndonjë rëndësi të madhe. Kur arritën në fund të organizimit që kishin përgatitur më 10 dhjetor 1935, datë në të cilën ishte caktuar kryengritja në Tiranë, Elbasan e Shkodër dhe në vende të tjera, kuptuan se gjithçka ishte marrë vesh. Tamam në këtë ditë, Mbreti Zog kishte thirrur universitarë, sportistë dhe rininë shqiptare në pallat. Në datën 10 dhjetor 1935 në ora 10 paradite po u fliste mbi ekonominë e vendit dhe mbi gjendjen politike të Shtetit, me këto fjalë: “Rindërtimi ekonomik e kulturor, rindërtimi lëndor që është me shumë rëndësi dhe parësor; nuk mjafton për lartësimin e një populli në shkallën e kombeve të qytetëruara; por duhet edhe rindërtimi shpirtëror; ekonomik e kulturor. Gjithë kujdesi im i kushtohet djalërisë të pajisur me ato virtyte të larta të racës sonë, besës, nderit, burrnisë dhe bindjes e disiplinës, që është fizikisht e forcuar mendërisht e lartësuar me mendime të prera, duke çmuar atdheun mbi të gjitha”. Kur Mbreti Zog po i fliste rinisë me këto fjalë mbi situatën edhe avenirin e vendit, në Fier, të shiturit te agjentët e huaj, Mustafa Kaçaçi, Kosta Çerkezi e Musa Kraja, deklarojnë kryengritjen. Sapo të rinjtë dolën shumë të kënaqur në ora 12 të paradites, gjeneral Leon Gilardi, i grishur prej Leon Reit në Pojan të Fierit, menjëherë u nis për Fier i shoqëruar vetëm prej shoferit të tij. Ai nuk dinte se në Fier ishte shpallur kryengritje, dhe kur arriti aty për të furnizuar automobilin me benzinë, kur revolucionarët e panë, u trembën dhe e vranë. Sa u lajmërua në Tirana, menjëherë u dërgua një fuqi nën komandën e kolonel Ali Riza Topallit, ku brenda një orë u shkatërruan, duke i shtënë në dorë përveç Kosta Çerkezit e Musa Krajës, që kishin përgatitur një barkë në Seman, prej nga ikën në Itali. Dhe kryengritja mori fund. Kjo kryengritje nuk vazhdoi më tepër se 5 orë. Pa mbërritur kolonel Ali Rizaja me fuqinë, ata u shkatërruan prej një fuqie të vogël xhandarësh që ndodheshin në Lushnjë. Të kapurit iu dorëzuan gjyqit politik që u vendos në Fier. Kryetarët revolucionarë iu dorëzuan gjyqit, si edhe 12 xhandarët që kishin marrë pjesë në kryengritje. Gjyqi menjëherë i dënoi me vdekje dhe u ekzekutuan si tradhtarë kundra shtetit. Me rastin e kësaj kryengritjeje u zbuluan jo vetëm agjentët e Italisë, por më tepër një rrymë me disa qendra komunistësh, profesorë dhe disa oficerë e nëpunës, si Mustafa Kaçaçi, Hasan Reçi, Muharrem Perdeni, Koçi Xoxe e tjerë. Kësaj rryme iu kushtua rëndësi, duke i sjellë të gjithë në Tiranë për t'u gjykuar në mënyrë të veçantët. Në Fier me vendimin e qeverisë, u emërua gjyqi politik për të gjykuar të pandehurit që ishin përlyer me revolucionin kaq të pathemeltë e antikombëtar. Kryetar i gjyqit, kolonel Ali Rizaja, si dhe prokuror Dr. Sabri Fasliu dhe me anëtarë të rregullt vazhdonin pyetjet për të pandehurit. Por mbasi qeveria nuk dëshironte që të bënte bujë për një gjë që nuk kishte shumë rëndësi dhe duke qenë e interesuar për të mos shkuar shumë thellë, urdhëroi përfundimin sa më të shpejtë të gjykimit, pasi provat dhe faktet e kryetarëve të kryengritjes ishin të deklaruara. Gjyqi me shpejtësi u dha fund gjykimeve duke i dënuar sipas ngjarjes së shkaktuar. Mbasi u paraqitën për t'u dekretuar, dënimi i tyre sipas vendimit të gjyqit, Mbreti Zog si gjithmonë kur nuk dëshironte të dënonte shqiptarët, megjithëse faji i tyre ishte i rëndë, tradhti kundra atdheut dhe vegla e të huajve, nuk e nënshkroi, për t'u kaluar më pas në burgime të lehta. Dhe më vonë i fali, duke u dhënë edhe të drejtat civile. Por, Mbreti Zog, për t'ua bërë me dije se qeveria ka ditur gjithçka dhe gjykimi është bërë drejtësisht, dërgoi kolonel Hysen Selmanin me të gjitha dokumentet e fajtorëve në Fier, që i takoi të gjithë së bashku, ku mbasi iu komunikoi mesazhin e Mbretit Zog, iu vuri përpara të gjitha dokumentet e gjyqit dhe dokumentet e tyre. Të gjithë e pohuan të vërtetën, duke thënë se ishin fajtorë. Thirrën rroftë Mbreti Zog e rroftë Shqipëria, dhe thanë se nuk kemi aspak fytyrë që t'i lutemi Shpëtimtarit të Kombit, Mbretit Zog, se ai me shpirtin e tij të madh të na gjykojë si fajtorë dhe gjithçka që ju po paraqisni janë të vërteta, dhe nëse Hysen Selmani dëshironte, ishin gati të nënshkruanin, duke thënë edhe gjëra të tjera që nuk po i përmendim. Mbasi kolonel Hysen Selmani kaloi më tepër se 6 orë me ta, u përshëndet me të gjithë dhe u kthye në Tiranë, ku u takua me Mbretin Zog, duke e informuar mbi gjithçka që ishte diskutuar. Mbreti Zog, mbasi dëgjoi kolonel Hysen Selmanin, për ato që kishin folur të dënuarit, dekretoi faljen e tyre nga dënimet dhe njëkohësisht urdhëroi qeverinë të japë dorëheqjen mbasi nuk gëzonte edhe votëbësimin e Parlamentit. Menjëherë u shpall falja e tyre prej Mbretit, duke bërë një përshtypje të madhe në popull, i cili brohoriste rroftë Mbreti shpëtimtar i Kombit, që edhe kundërshtarët e tij personalë i fal dhe i këshillon si bashkëpunëtorë për interesat e larta të atdheut. Kjo ishte një vepër që askush nuk e besonte, por Mbreti Zog i njihte mirë shqiptarët dhe e dominonte krejtësisht situatën e brendshme. Kishte të gjithë popullin me vete, i cili e donte me gjithë zemër. Dorëheqja e qeverisë “Kota”, ardhja e qeverisë “Frashëri” Mbasi qeveria e Kotës ra, patrioti Mehdi Frashëri formoi qeverinë e re. Konstatohej lehtë se në popull ndihej një kënaqësi e thellë nga kjo qeveri perëndimore, duke lënë pas edhe disa pakënaqësi që eventualisht kishin rënë në sy të popullit. Si mori fund krejtësisht gjyqi i Fierit, vazhdonte gjyqi i komunistëve në Tiranë, aty ishin profesorë, nëpunës, oficerë subalternë e tjerë. Në pyetjet që vazhdonin u zbulua edhe një qendër në Korçë, nën Koçi Xoxen, me disa mësues të rinj, gjithashtu edhe dy qendra të ndryshme me komunistë në Shkodër; saqë kryengritja e Fierit solli një zbulim mjaft të madh ndër disa qendra të pafuqishme komuniste, por këta patën përfituar nga agjentët e Italisë, siç u shpjegua më parë. Ideologjia komuniste ndër oficerët e rinj u shkaktua nga zbritjet prej forcave në kuadër qysh në vitin 1934, nga prerja e fondeve prej Italisë, që mbetën në kuadër, të demoralizuar e të papunë, gjë që i futi në grupet e kuqe me Hasan Reçin e kompani. Në këtë kohë, disa prej oficerëve të rinj, bashkë me Asim Vokshin, u arratisën e kaluan në Spanjë në krah të komunistëve. Mbreti Zog, siç i pati deklaruar rinisë më 10 dhjetor 1935, ditën që u shpall kryengritja e Fierit, vuri qeverinë e re, prej të rinjve me plot kompetencë, me qëllim që të administrohej vendi demokratikisht, ashtu siç e përmbajnë kodet në fuqi, si edhe të jetë i lirë kushdo të shfaqë mendimet e veta, po ashtu, edhe shtypi shqiptar lihej i lirë. Situata e errët ndërkombëtare Situata ndërkombëtare ishte ndërlikuar shumë me ato që po ndodhnin në Spanjë; Italia, që prej vitit 1935 i kishte dhënë shenjat se do të sulmonte Perandorinë e Shqipërisë dhe Abisininë, gjë që më pas ndodhi. Lidhja e Kombeve mori sanksione kundra Romës. Politika agresive e saj u dënua nga 54 shtete, ndërsa Shqipëria, Austria dhe Hungaria, shtetet mike, abstenuan. Kjo sjellje shqiptare u çmua nga Roma. Në realitet, qeveria e Tiranës nuk mund të merrte masa kundra aleates së saj dhe popullit italian, i cili që nga kjo kohë, fillon të shqetësohet nga aventurat e politikës fashiste. Shqetësimet ishin kudo në Evropë, mbasi edhe u parashihte se Gjermania e Hitlerit nuk po armatosej vetëm për mbrojtje, por për të shkaktuar trazira, në anën tjetër, u formua një lloj frike e paqëndrueshmërie në gjirin e shteteve të vogla, mbasi Lidhja e Kombeve nuk arriti të marrë masa të afta për të penguar okupatorët dhe për të frikësuar ato shtete që kishin si program hakmarrje e sulme kundra të vegjëlve. Më në fund edhe Fuqitë e Mëdha lanë të kuptohej së nuk ishin të përgatitur për luftë e për më tepër, me politikën e tyre i dhanë rast Gjermanisë të ngrejë kokën edhe mos të kishte më pengesa në realizimin e politikës aneksuese të Austrisë e të Çekosllovakisë, e pastaj t'i hapë dyert Luftës së Dytë Botërore; duke sulmuar Poloninë që kishte pakt lufte dhe paqeje me Francën dhe Anglinë. Ndërkaq Shqipëria gëzonte paqe e qetësi edhe vendi po përparonte në çdo degë. Mbreti Zog nga lart, drejtonte vendin dhe kërkonte mos t'i jepte asnjë shkak Italisë për të turbulluar relacionet në mes Tiranës e Romës. Megjithatë, Mbreti Zog shihte rrezikime prandaj manovronte përmbi një situatë të zjarrtë. Këto ishin arsyet që Mbreti Zog kërkonte solidaritetin e Ballkanit, duke shqyrtuar mundësitë për një "aleancë panballkanike, mbasi okupimi i Shqipërisë do të ishte një urë për okupimin e Ballkanit. Për këtë qëllim, Mbreti Zog la anën e përfaqësuesve të tij, i paraqiti si Ataturkut, ashtu edhe Kryeministrit grek, Metaksait, qëllimet e errëta italiane, ku kryeministri Grek Metaksai, pa dashje, vuri në dijeni Romën, e prandaj Musolini i drejtoi një protestë të fortë qeverisë së Tiranës, për këto hapa që ishin në kundërshtim me aleancën shqiptaro-italiane. Musolini nuk do të harronte këtë gjë, për më tepër nuk harronte as politikën e Mbretit Zog, që për interesa kombëtare e sovranitet të Shqipërisë nuk iu nënshtrua asnjëherë presioneve të Romës dhe arriti të ndalojë kryesisht instruktorët e ekspertët italianë, kur këta donin të kontrollonin çdo gjë në Shqipëri. Gjithsesi, sado që Musolinit këso herë i ishte rritur mendja me fitoren në Abisini, politika e urtë e Mbretit Zog, bëri që të mos të merrte masa kundra aleates shqiptare. Në anën tjetër, Qeveria Mbretërore Shqiptare qe ngushtuar me kontratën të organizatorëve britanikë, që merreshin me organizimin e xhandarmërisë, e cila nën drejtimin e tyre, kishte dhënë provat më të mira për disiplinë, mbrojtje qetësie, stërvitje dhe sjellje vërtet kombëtare. Të tjera kursime qenë marrë nga qeveria për të bilancuar buxhetin me të ardhurat paralele dhe me daljet. Buxheti kishte rënë në 15 pesëmbëdhjetë milionë franga ari. Tregu mes Shqipërisë e Italisë vazhdonte si i vdekur, e më në fund u kthyen dhe disa instruktorë italianë, por kuadri i ushtrisë kombëtare ishte pakësuar fare, vetëm sa për të mbajtur thirrjet për rekrutim në komb, dhe periudha e stërvitjes ishte vetëm 6 muaj. Me një fjalë, ushtria ekzistonte vetëm sa për emër, sepse nuk kishte ushtarë dhe armatime ushtarake. Instruktorët italianë paguheshin nga Roma dhe në përgjithësi u sollën mirë me autoritetet e vendit. Ndërsa vetëm xhandarmëria kishte kuadro të plotësuar dhe ishte një shembull deri ndër viset e tjera ballkanike. Në këtë mënyrë kaloi viti 1935 e po hyjmë në vitin 1936, me plot ndërlikime e surpriza, bisedime e shqetësime, kërkesa e kursime. Shkurt një periudhë jo e qetë e me trazime, shqetësime, pa qëndrime, pa stabilitet e legalitet, që u printe nga shpirti i paktit dhe aleancës italo-shqiptare, për të dhënë fryte përparimi e oksidentalizimi, në qetësi e në marrëveshje të plotë, siç donte Zogu I, Mbreti i Shqiptarëve. Mbreti Zog e kuptonte fare mirë situatën e vështirë që po vinte duke u përkeqësuar, por shtetet e mëdha dhanë të kuptohej se nuk ishin të përgatitura për t'i dalë përpara luftës të dytë botërore. Kështu nazifashizmi gjeti shesh të lirë, ballkanasit si gjithmonë nuk iu shtruan një bashkimi të sinqertë për t'u mbrojtur kundra këtyre furtunave të pamëshirshme, por fërkonin duart duke parë njëri-tjetrin. Nuk ka dyshim se vetësundimi i Shqipërisë u sigurua për hir të vullnetit e flijimit të patriotëve tanë dhe për hir të përkrahjeve të miqve të saj. Por, me gjithë këta liri të fituara, Atdheu ynë u përshkua nga një mijë trazira saqë u pengua me të vërtetë përqendrimi i tij i brendshëm dhe si pasojë qeveritarët tanë nuk mundën të mendonin për t'u kujdesur për vepra bamirësie për qytetarët. Sidomos lufta e përgjithshme e pengoi Shqipërinë, bashkë me lirinë politike edhe lirinë e një veprimi në lëmin e bamirësisë dhe të mbrojtjes shoqërore. Fytyra madhështore e Prijësit të Kombit Shqiptar, të Mbretit Zog, shquhej në të gjitha veprimtaritë e aktivitetet e tij të palodhshme. Në zyrën e punës, prej ku vendosej fati i Kombit, kalonte pothuaj gjithë ditën dhe një pjesë të madhe të natës. Tashmë dihej nga shqiptarët dhe të huajt, se Mbreti Zog ishte një nga punëtorët e palodhur që kishte nxjerrë ky shekull. Në sajë të kësaj pune të pareshtur dhe pa vënë gjumë në sytë, pa fjetur, si dhe në sajë të gjenialitetit të rij, për shtetin e popullin u arritën të bëhen përparime vigane që janë pjesë e pamohueshme e historisë së Shqipërisë. Të mbush zemrën plot lot jeta e Mbretit Zog në gjirin e familjes. Shqiptarët i ndiqnin me bindje e dashuri të plotë udhëzimet e sovranit. Si kurdoherë, në krye të kësaj fushate shpëtimtare dhe reformatore ndodheshin edhe pjesëtarët e ndritur të Familjes Mbretërore, ngaqë Mbreti Zog, edhe katër motrat e pamartuara i kishte vënë në shërbim të shtetit. Motrat e Mbretit Zog kanë qenë ato që kanë sakrifikuar, duke shkelur me këmbë të gjithë krahinat e vendit, veçanërisht te ajo pjesë e popullit që vuante nga sëmundjet. Kanë marrë shënimet e nevojshme dhe kanë treguar gjithë bujarinë e tyre me ndihma të ndryshme, kanë vizituar spitalet, kazermat, shkollat, kanë dërguar në qeveri ankesat, si dhe kanë raportuar për përmbushjen e të gjitha nevojave. Të gjithë e mbajnë mend entuziazmin që kanë shkaktuar në gjithë krahinat e Shqipërisë, vizitat e këtyre misionareve të larta, në të gjitha bamirësitë e tyre. Jehona e këtyre veprave do të mbetet si kujtim i pashlyeshëm dhe i ndritshëm në historinë shqiptare, punët e palodhshme dhe ndihmat që iu dhanë të varfërve dhe të sëmurëve, duke zbatuar programe në favor të popullit. Këto ishin disa nga sakrificat e Princeshave Mbretërore Shqiptare. Ngjarjet më me rëndësi të vitit 1937 Kryengritja e Totos Që më 1935 ishte në fuqi qeveria e kryesuar nga Mehdi Frashëri, në mes të pengimeve të shumta të jashtme dhe të brendshme, kjo qeveri ndoqi pothuaj udhën e atyre të mëparshmeve me një shpirt më demokratik dhe me programe largpamëse, që për një arsye ose tjetër nuk qenë të gjitha të realizuara. Nga klasa e vjetër drejtuese, Mehdi Frashëri nuk mori bashkëpunëtorë, por edhe elita e zgjedhur nga ky burrë shteti nuk arriti t'ia ndërrojë faqen situatës, mbasi kjo mbetej përherë në relacione me atë të botës evropiane e të gjendjes ndërkombëtare. Gjithsesi, përparimet vazhduan dhe relacionet me Italinë qenë përmirësuar, megjithëse një sinqeritet i plotë nuk mbretëronte në mes Shqipërisë e Italisë, se fashizmit i ishte rritur hunda, saqë nuk shihte më me sy. Me dorëheqjen e qeverisë së Mehdi Frashërit, Mbreti Zog kërkoi mundësinë e krijimit të një qeverie të re, duke pasur si Kryeministër Fan Nolin, i cili qe i sëmurë dhe nuk mundi të vinte për të marrë përsipër drejtimin e punëve të Shqipërisë. Në pamundësi të Fan Nolit, Mbreti Zog i çoi sytë drejt patriotit të njohur dhe burrit të shtetit, ftoi të marrë këtë barrë Koço Kotën, luftëtar korçar, njeri me eksperiencë dhe me shpirt oksidental. Në kombinacionin e formimit të qeverisë së re, si bashkëpunëtorë mori klasën e vjetër. Qeveria e re, pa humbur kohë ndoqi agjentët e subversionit, ata të Italisë dhe zbulimeve komuniste. Ministria e Brendshme ndoqi me këmbëngulje formimin e parë komunist nën udhëheqjen e Koçi Xoxes me shokë, por shpeshherë ngatërroheshin edhe të tjerë me agjentët komunistë dhe nuk diti të ndajë idetë subversive të agjentëve komunistë dhe ata fashistë. Natyrisht, reperkusionet e politikës fashiste e nacional-socialiste të Hitlerit patën jehonë dhe në Shqipëri e si gjetiu në Evropë dhe jashtë kontinentit evropian. Këto shënojnë masat më të egra që mori qeveria e Koço Kotës në krahasim me atë të Mehdi Frashërit. Si konsekuencë e politikës së re, Shqipëria rishtazi gëzoi qetësi dhe qe lënë në paqe nga Italia, dhe nga fqinjët e saj. Në këtë mënyrë vendi përparoi dhe me përjashtim të Et’hem Totos, që kish përgatitur një kryengritje pa farë kriteri e farë arsyeje, siç do ta shohim edhe më poshtë; Shqipëria gëzoi paqe, u respektua nga shtetet e tjera dhe populli priste nga dita në ditë lajmin gazmor të martesës së Mbretit Zog, për t'u lënë një trashëgues shqiptarëve. Qeveria ishte korrekte edhe me Romën, duke u përshëndetur përherë në aleancën italo-shqiptare, duke mbyllur sytë shpesh herë për veprimet e agjentëve fashistë, që derdhnin të holla djathtas e majtas, për të përgatitur shqetësime dhe kryengritje. Megjithëse agjentët fashistë ishin ndjekur vazhdimisht, qeveria u përpoq të mos binte në sy, me qëllim të mosprovokimit të Italisë, sepse këtë priste Musolini. Kryengritja e Et'hem Totos, 1937 Një kryengritje tjetër ishte përgatitur nga Et'hem Toto, ish-ministër i Brendshëm në Qeverinë e Mehdi Frashërit. Kryengritje pa farë kriteri e jashtë kohës e rrethanave. Toto u çmend nga Mbreti Zog, që e donte dhe i pati dhanë leje të shkonte në Itali për të kryer një kurs, duke ia hequr të gjitha shpenzimet Mbreti vetë. I vëllai i tij Ismet Toto ishte nënprefekt në Sarandë. Et'hemi pati kërkuar si komandant të rrethit të Delvinës toger Xhevdet Gjolekën si dhe xhandarë të tjerë të këtij rrethi, të cilët i kishte zgjedhur sipas dëshirës. Ky kur u nis nga Tirana për në Delvinë, ishte në audiencë te Mbreti Zog dhe shkoi për dy javë. Pas Et'hemit, katër ditë më vonë erdhi i vëlla, Ismeti. Kurrë nuk na shkonte mendja se këtyre do u marrë koka erë. Mbreti i donte dhe u jepte të holla nga xhepi i vet. Unë vetë me urdhrin e Mbretit i dhashë 500 napolona Et'hemit dhe 300 Ismetit kur u nisën për Delvinë. E një çmenduri e këtyre ndaj Mbretit nuk gjen dot shpjegim me mend... Më 17maj 1937 Et'hem Toto bashkë me toger Xhevdet Gjolekën, komandant i xhandarmërisë së Delvinës dhe i vëllai Ismet Toto, nënprefekt i Sarandës, kapiten Gjylbegaj Qark-komandant i Gjirokastrës e disa tjerë, shpallën kryengritjen në Delvinë, duke vrarë toger Lik Bardhin e ushtrisë dhe marshuan për në Gjirokastër e Tepelenë, ku liruan të gjithë të burgosurit kriminelë që ishin në Gjirokastër. Ministria e Brendshme ishte vënë në dijeni, menjëherë si edhe komanda e përgjithshme e xhandarmërisë, por askush nuk e besonte një gjë të tillë; as Mbreti nuk e pranonte se kjo është e vërtetë, se ky më parë ka pasur ngatërresa personale me ministrin e Brendshëm. Kur u bë shumë bujë edhe u vërtetua haptazi që po marshonin për Sevaster mbi Vlorë, u bind mbreti Zog për marrëzinë e Et'hem Totos. Mbreti urdhëroi kolonel Hysen Selmanin, komandant i Gardës Mbretërore, për ta shuar këtë lëvizje dhe ky menjëherë mori masat e rastit, duke dërguar forcat nën komandën e major Murat Bashës, ku menjëherë, që në ndeshjet e para, u shkatërruan pa asnjë rezistencë. Më 18 maj 1931 në orët e mbrëmjes, forcat e dërguara nga Tirana, u ndeshën me kryengritësit tamam në qafën e Sevasterit, ku që në pushkët e para u shpërndanë keqas, e morën malin e Kurveleshit, duke lënë të vrarë të vëllanë e Et'hem Totos. Menjëherë u vunë në ndjekje kudo në malet e Kurveleshit, në mëngjesin e të nesërmes, u zunë rob të gjithë, Et'hemi u vra, toger Xhevdet Gjoleka u vra, ndërsa Ismet Toto e kapiten Gjylbegaj u zunë robër, dhe më tepër se 400 veta që merrnin pjesë me ta, iu dorëzuan gjyqit. Më 20 maj 1937, lajmëron major Murat Basha, se nuk kishte mbetur asnjë nga revolucionarët pa rënë në dorë. Sa për Et'hem Toton dhe toger Xhevdet Gjolekën, janë gjetur të vrarë. Duket se këta u vranë nga populli. Major Murat Basha shton se qetësia është vënë në vend dhe i gjithë populli ndihmon fuqitë kombëtare, duke siguruar kufirin me Greqinë që mos të kalonin. Të gjithë, me Ismet Toton e kapiten Gjylbegajn në krye, iu dorëzuan gjyqit. Ismet Toton që ishte nënprefekt i Sarandës, kapiten Gjylbegajn që ishte Qarkkomandant i Gjirokastrës, toger Xhelal Shtupanin, oficer i rekrutimit, Teki Kolonecin, një prej parësisë së vendit Myftar Musai, gjyqi i dënoi me vdekje, për tradhti kundra shtetit. Pra, një orë luftime, mjaftuan që të shkatërrohen të gjitha fuqitë revolucionare të vëllezërisë Toto. Flitej se gjoja Et'hem Toto ishte shtyrë nga italianët që ta bëjë këtë kryengritje, mbasi u mbajtën edhe në një barkë me armë që po dilte ndër brigjet e Himarës. Por e vërteta është se Et'hem Toto nuk ishte mirë nga mendja, ëndërronte si një fëmijë, i dukej çdo gjë e lehtë për t'u bërë sepse faji ishte që u rrit pa kohë, nga kapiten në ministër, dhe u deh nga suksesi, ndërsa vëllai i tij, Ismeti nuk ka qenë njeri i mirë, pasi gënjente dhe nuk e besonte njeri. Mbreti Zog e njihte mirë mentalitetin e shqiptarit, e veçanërisht oficerët dhe nëpunësit e tij. Situata e brendshme ishte e qetë, xhandarmëria ishte përherë e gatshme për të mbajtur qetësinë dhe për të ndjekur çdo lëvizje. Shqiptarët e çmonin dhe e dinin mirë se mjeshtri i tyre i madh e shpëtimtar ishte Mbreti Zog, që gjithmonë ishte i aftë të konsolidonte qetësinë e brendshme dhe mbajtjen në normalitet të situatës së jashtme. Në rastin e Totos, është për t'u lavdëruar populli trim i Kurveleshit dhe ai i Himarës, me patriotizmin që treguan në këtë rast. Ata jo vetëm që kanë ndihmuar forcat kombëtare, por edhe i kanë ndjekur këmba-këmbës tradhtarët, deri sa i futën në dorë të gjithë. Qeveria Mbretërore i drejtoi një lavdërim gjithë popullit të Kurveleshit dhe të Prefekturës së Gjirokastrës mbarë. Gjithashtu iu dërgoi 300 kuintalë misër për dëmet që mund të ishin shkaktuar nga operacioni. Natyrisht, qëllimet e kësaj kryengritjeje u zbuluan me fakte, por në atë kohë, qeveria shqiptare rrinte në qetësi sepse nuk i interesonte të bënte bujë këtyre ngjarjeve, ku akuzohej edhe aleatja e jonë, Italia. Për të mos hapur plagë të reja në një kohë që e gjithë Evropa Qendrore po zinte si vullkan

 

 

http://www.voal-online.ch/index.php?mod=article&cat=LAJMIIF&article=1140&highlight=zogu&match=

Mbreti Leka zogu i Parë u shpall Qytetar Nderi i Vitisë
E Martë, 04.14.2009, 05:40pm (GMT+1)

Voal-online - Naltmadhnia e Tij Mbreti Leka zogu i Parë, qëndroi sot edhe në Viti, ku nga kuvendi komunal u shpall Qytetar nderi”. Ai po ashtu vizitoi edhe fshatin Tërpezë, të kësaj komune, ku qëndroi në shtëpinë Ahmet dhe Hajrullah Tërpezës.

 

Qytetarët e komunës së Vitisë i kanë shprehur mirëseardhjen Mbretit Leka zogu i Parë. Fillimisht Naltmadhnija e Tij ka qëndruar në fshatin Tërpezë, në familjen e Ahmet dhe Hajrullah Tërpezës, ish luftëtarë të Luftës Nacional Demokratike Shqiptare për Shqipërinë Etnike.
Megjithëse ishte paraparë që Mbreti Leka zogu i Parë të marrë pjesë në seancën solemne të KK të Vitisë, ku do të shpallej Qytetar Nderi i komunës së Vitisë, për shkaqe shëndetësore ai nuk ishte i pranishëm.

Kryetari i kuvendit komunal të Vitisë Jakup Jahiri, duke i dëshiruar mirseardhje në komunën e Vitisë, tha se jemi krenarë që Naltmadhnija e Tij është qytetari i parë që shpallet Qytetar Nderi i komunës së Vitisë.

Duke shprehur falënderimet për nderin dhe respektin ndaj Naltmadhnisë së tij Mbretit Leka zogu i Parë, Princi Leka theksoi se ky nderim tregon të vërteten se ne shqiptarët edhe pse jemi në shtete të ndryshme, jemi një komb.

Vendimin e KK për titullin Qytetar nderi si dhe Çelësin e komunës së Vitisë, udhëheqësit komunal ia dorëzuan Naltmadhnisë së Tij Mbretit Leka zogu i Parë, në fshatin Tërpezë ku do të qëndrojë deri në orët e pasdites.



http://www.voal-online.ch/index.php?mod=article&cat=SHQIPTAR%C3%8BT&article=1117&highlight=zogu&match=
Mbreti Leka zogu i Parë nis vizitën katërditore në Kosovë
E Shtunë, 04.11.2009, 08:30pm (GMT+1)

Voal-online – Naltmadhnia e tij Mbreti Leka zogu i Parë nisi sot vizitën katërditore në Republikën e Kosovës. Zyra mbretërore për informim bërit të ditur se Naltmadhnia e Tij arrin nesër në mëngjes në kryeqytetin e Kosovës, Prishtinë. Në 09.00 do të japë një konferencë për shtyp në hotel “Grand”. Në delegacion bën pjesë edhe zëvendësministri i Kulturës Ekrem Spahia. Mbreti Leka  zogu i Parë do të bëjë vizitë në familjen Rugova dhe vendosje lulesh në varrin e Ibrahim Rugovës. Ai do të shkojë dhe në Prekaz te familja e Adem Jasharit. Në Gllogjan të Deçanit, do të kryhet vizitë te familja Haradinaj kurse te Varrezat e dëshmorëve, do të vendoset kurorë me lule te varri i Luan Haradinaj. Gjatë ditës së hënë, Mbreti Leka zogu i Parë do të takohet me presidenti Fatmir Sejdiu, kryeministrin Hashim Thaçi dhe kryetarin e Kuvendit, Jakup Krasniqi. Mbreti Leka zogu i Parë, i shoqëruar edhe nga i biri, Princi Leka, do të ketë një takim edhe me Ramush Haradinajn, kryetar i Aleancës për Ardhmërinë e Kosovës. Ndërkohë, në bashkinë e Vitisë do të bëhet shpallja qytetar nderi e Mbretit Leka zogu i Parë ku në një ceremoni do t’i dorëzohet titulli dhe çelësi i qytetit nga Kryetari i Bashkisë së Vitisë, Nexhmedin Arifi.