Partia "Lëvizja e Legalitetit"
Bulevardi "Zog I", Tiranë.
legaliteti@gmail.com
Tel&Fax: +355 4 2230076  

Tirane, me 30 janar 2009

Deklarate per mediat

Gjykata e Rrethit Gjyqesor Tirane ka thirrur sot kryetarin e PLL, z. Ekrem Spahiu, njeherazi zevendes-minister i Turizmit, Kultures, Rinise dhe Sporteve, per t'a pyetur si te pandehur ne ceshtjen penale me akuze per te ashtuquajturen "Kryengritje e Armatosur" te 14 shtatorit 1998.  Kjo thirrje eshte bere ne baze te nje kerkese te Prokurorit Ylli Bedalli per rifillimin e ndjekjes penale ndaj z. Ekrem Spahiu.

Per te gjithe ata qe mund te kene harruar, kujtojme se ne kete proces-farse behet fjale per perpjekjet qe z. Ekrem Spahiu dhe te akuzuarit e tjere si Zonja Antoneta Malja, z.z. Alfons Zeneli, Shemsi Prenci, Ilir Zhilla etj. bene per qetesimin e turmave te irrituara dhe mbrojtjen e institucioneve te shtetit ne ngjarjet e 14 shtatorit 1998 qe ndodhen pas vrasjes se deputetit Azem Hajdari.  Pikerisht per ato ngjarje, z. Ekrem Spahiu, eshte hetuar nje here dhe per nje kohe te gjate, perfshi edhe 19 muaj heqje lirie.

PLL e konsideron veprimin e Prokurorit Bedalli per rihapjen e ketij procesi si nje akt me motive te qarta politike dhe me synime te erreta per te goditur maxhorancen qeverisese dhe Partine "Levizja e Legalitetit" duke corientuar opinionin dhe asfiksuar organet e drejtesise me procese gjyqesore qe kane per baze akuza te fabrikuara.

eshte cudi e radhes dhe ironi e fatit qe pas 18 vitesh demokracie dhe pikerisht nje dite pas hyrjes ne fuqi te ligjit "Per pastertine e figurave te zyrtareve te larte te administrates dhe te zgjedhurve" nje eksponent i organeve "te drejtesise" te diktatures komuniste si Ylli Bedalli merr guximin te provokoje e te kerkoje rihapjen e nje gjyqi politik ndaj nje personaliteti publik dhe kryetari te nje partie nacionaliste dhe antikomuniste, perfaqesues i shtreses qe prokurori Bedalli dhe sistemi i tij komunist persekutuan per 45 vjet rresht.

Gjate gjithe ketij procesi politik qe zgjat prej me shume se 10 vitesh, Kryetari i PLL Ekrem Spahiu, asnjehere nuk eshte ndiere i shqetesuar per ndonje pergjegjesi te tij dhe as nuk ka pasur nevoje qe te perdore si mbrojtje imunitetin parlamentar.  Fakti se ky proces gjyqesor nisi qe ne fillim si nje proces i montuar politik kunder opozites se kohes dhe ku prokuroria gjate gjithe ketyre 10 viteve nuk arriti te siguronte prova ne mbeshtetje te akuzes se saj ndaj te gjithe te akuzuarve, qofshin keta me ose pa imunitet, tregon fare qarte se segmente te caktuara vazhdojne akoma t'i shperdorojne institucionet e shtetit per qellime politike.

Rihapja e ketij procesi ne prag te fushates elektorale per zgjedhjet e 28 qershorit 2009, nderkohe qe prokurori Bedalli i ka pasur te gjitha mundesite dhe kohen e mjaftueshme per te ushtruar te gjitha kompetencat ligjore ne lidhje me kete akuze qe nga data 24 shtator 1998 kur e arrestuan z. Ekrem Spahiu, eshte nje shembull me shume qe shtron nevojen e zbatimit sa me te shpejte te ligjit "Per pastertine e figurave te zyrtareve te larte te administrates dhe te zgjedhurve", pasi vete prokurori ne fjale eshte ne konflikt te plote juridik dhe moral me kete proces.

Sulejman Gjana

Sekretar Politik i PLL

___________________

 Partia "Lëvizja e Legalitetit"
Bulevardi "Zog I", Tiranë.
legaliteti@gmail.com
Tel&Fax: +355 4 2230076

Tiranë, më 28  janar 2009

Informacion për mediat

Në kuadër të përgatitjeve për zgjedhjet e ardhshme parlamentare, kryetari i PLL z. Ekrem Spahiu i shoqëruar nga zz Murat Basha, Gazmend Lita, Hysen Mushketa dhe Enver Kaloshi zhvilluan një takim në komunën Bubq të rrethit të Krujës.

Takimi kishte si qëllim kryesor analizën e punës së deritanishme të strukturave partiake, ndarjen e detyrave konkrete për të gjithë drejtuesit e nëndegës dhe angazhimin e të gjithë resurseve për zgjedhjet e ardhshme parlamentare.

Zgjedhjet e 28 qershorit konsiderohen nga PLL si zgjedhje shumë të rëndësishme që do të konfirmojnë fitoren e maxhorancës aktuale dhe sigurojnë mundësinë për vazhdimin e reformave të ndërmarra në të gjitha fushat dhe finalizimin e integrimit të Shqipërisë në strukturat Euro-Atlantike.

Duke analizuar me optimizëm situatën në vend, Spahiu tha se “...viti 2009 ka filluar dhe do të përfundojë i mbarë për shqiptarët. Mbyllja e procesit të ratifikimit të Marrëveshjes së Stabilizim-Asocilimit prej 27 vendeve anëtare të BE dhe kalimi në fazën e re të aplikimit për statusin vendit kandidat për në BE, do të shoqërohet edhe me arritje të tjera në dobi të shqiptarëve...”

Spahiu tha gjithashtu se “në zgjedhjet e 28 qershorit qytetarët shqiptarë kanë mundësi që me votën e tyre të shprehen lirshëm për partinë apo koalicionin që dëshirojnë. Ai shtoi se Kodi Zgjedhor krijon mundësinë e maksimalizimit të votave dhe se votuesit e djathtë mund të votojnë lirshëm për partinë e tyre të parapëlqyer pa pasur frikë se shpërndarja e votave mund të vejë në rrezik fitoren e se djathtës.”

Kryetari i PLL shtroi para drejtuesve lokalë nevojën e propagandimit më të mirë të programit të Legalitetit dhe bërjen e tij të njohur për një masë sa më të gjerë njerëzish, sepse Partia “Lëvizja e Legalitetit” është një parti me identitet të veçantë dhe program të qartë që u jep zgjidhje të drejtë shumë problemeve që preokupojnë shoqërinë shqiptare.

Zyra e shtypit e PLL