100-vjetori i pavarësisë, Berisha bën thirrje për investime të mëdha. Godina e parlamentit dhe stadiumi i ri, ambicia kryesore

"Il faudrait également  rendre hommage au rôle joué par le Roi Zog dans la consolidation de l'Etat albanais".

Përveç festimeve të mëdha, me investime të mëdha, kryeministri kërkon edhe ridimensionimin e figurës së Mbretit Zog, pasi monarkia ishte sistemi që solli edhe konsolidimin e pavarësisë

Kryeministri Berisha ka bërë të ditura investimet që do të ndërmarrë qeveria në kuadër të 100-vjetorit të pavarësisë së Shqipërisë. Duke folur në mbledhjen e qeverisë kryeministri Berisha ka theksuar se 100 vjetori i pavarësisë së Shqipërisë duhet ta gjejë vendin me një tempull të ri të demokracisë siç është Parlamenti. "100 vjetori i pavarësisë së Shqipërisë duhet ta gjejë vendin me tempullin e vetë të demokracisë, të parametrave të arkitekturës dhe të funksionalitetit më moderne" theksoi Berisha duke shtuar se ndërtimi i Parlamentit do të ishte vendimi më i rëndësishëm që mund të merrte qeveria. Ai gjithashtu kërkoi që të nisë menjëherë puna për të marrë të gjitha vendimet dhe të fillojë sa më parë ndërtimi i Parlamentit shqiptar. Një konkurs u bë dhe le të shqyrtohen edhe njëherë projektet dhe më pas këto projekte të zbatohen" theksoi Berisha duke shtuar se Tirana duhet të ketë ndërtesën e re të Parlamentit. Gjithashtu shefi i qeverisë ka bërë të ditura edhe investimet e tjera që do të ndërmerren nga qeevria shqiptare në kuadër të 100 vjetorit të Pavarësisë së Shqipërisë siç ai i ndërtimit të një stadiumi kombëtar modern. Gjithashtu, Kryeministri Berisha kërkon “ridimensionalizimin e figurës historike të ë Ahmet Zogut" në kuadër të 100 vjetorit të shpalljes së pavarësisë, 28 nëntor 1912. "Pa mbretërinë, pavarësia do të kishte qenë një akt iluziv dhe i paqëndrueshëm"- deklaroi në mbledhjen e sotme të qeverisë kryeministri Berisha

Ja edhe fjala e plotë e mbajtur sot nga kryeministri në hapje të mbledhjes së qeverisë

“Si kryefjalë të kësaj mbledhjeje, unë kam zgjedhur 100 vjetorin e pavarësisë së shtetit shqiptar. Kjo është ngjarja më e madhe e viteve që vijnë dhe ne do të bëjmë çdo përpjekje që ky 100 vjetor të shënojë ndryshimin më të madh të mundshëm të këtij vendi.
Kam menduar që ky 100 vjetor të jetë i prekshëm në të gjitha qytetet dhe komunat e vendit. Në Tiranë, mendoj se ndërtimi i parlamentit do të ishte vendimi më i rëndësishëm që mund të merret. 100 vjetori duhet ta gjejë këtë republikë me tempullin e vet të demokracisë, të parametrave të arkitekturës e të funksionalitetit më modern. Ndaj le të nisë puna menjëherë për të marrë të gjitha vendimet dhe filluar sa më parë ndërtimin e parlamentit, për të cilin u bë një konkurs, por të rishqyrtohen edhe një herë projektet, të fillohet pa humbur kohë me projektin e zbatimit. Tirana duhet të ketë ndërtesën e re të parlamentit, një ndërtim modern, funksional, të denjë për Shqipërinë 100 vjeçare.
Ndërtimi i dytë modern dhe i madh do të jetë jo në fushën e institucioneve zyrtare, por do të jetë stadiumi më modern i kryeqytetit. Janë me qindra e mijëra fansa, tifozë, të cilët bëjnë energjinë e vërtetë, më të pastër të futbollit shqiptar dhe që kërkojnë që kryeqyteti i vendit të tyre, të ketë një stadium të parametrave më modern. Nuk mund të mos merret parasysh kërkesa masive e tyre, nuk mundet që ata, të cilët me entuziazmin e tyre janë faktori kryesor i dinamizmit të ndeshjeve, të mos përfillen dhe ata janë një shumicë e madhe. Ndaj Ministria e Turizmit, Kulturës, Rinisë dhe Sporteve të shqyrtojë të gjitha variantet e mundshme, por në 100 vjetorin e pavarësisë duhet që kryeqyteti të ketë një nga stadiumet më moderne.
Në kremtimet e këtij 100 vjetori, do të ketë edhe fanfara, por më shumë do të ketë vepra publike. Vlora, detyrimisht, do të ketë investime të rëndësishme për ta pritur 100 vjetorin me tërë meritën e saj. Ndaj duhet të nisë puna me autoritetet vendore për të përcaktuar investimet kryesore që do të bëhen në kuadrin e 100 vjetorit.
100 vjetori i pavarësisë do të pritet e shoqërohet me investime të veçanta për çdo bashki e komunë të vendit. Investime, që do të adresohen në vepra dhe objekte që realizojnë ndryshimin më të madh, rrugë, unaza, vepra të tjera. Është e domosdoshme që buxheti të orientohet drejt ndryshimit më të madh të mundshëm të vendit, në kuadrin e 100 vjetorit të pavarësisë.
Për këtë qëllim, do të ngrihet një komision qeveritar, i cili do të përcaktojë në tërësi veprat që do të ndërtohen në kuadrin e 100 vjetorit të pavarësisë. Ky është edhe një akt madhor mirënjohjeje ndaj etërve të pavarësisë së këtij vendi,  të cilët, në kushtet e një qëndrimi të pandershëm ndëshkues, antishqiptar të shumicës së fuqive të asaj kohe, që me vendimet e tyre, por edhe me ushtritë e flotat e tyre realizuan një nga padrejtësitë më të mëdha në Europë, që ishte copëtimi barbar i trojeve shqiptareve dhe trungut të kombit shqiptar, në një kohë që shqiptarët, kudo, ishin një vazhdimësi etnike dhe gjeografike, nuk ishin askurrkund enklavë në një territor dhe në asnjë vend, këta burra trima e të vendosur shpëtuan atë që mund të shpëtohej, shpëtuan Shqipërinë dhe shpallën pavarësinë, për të kaluar më vonë, pothuajse një shekull, gjer në vendimin e Gjykatës Ndërkombëtare të Hagës, vendim i cili bëri ‘nul and void’, zeroi të gjitha traktatet e copëtimit dhe padrejtësive që renduan mbi shqiptarët, në mënyrën më të pandershme. Ismail Qemali dhe themeluesit e tjerë të pavarësisë së Shqipërisë, me aktin e tyre, u provuan shpëtimtarë të kombit, sepse, në qoftë se do të lihej pa një qëndresë të organizuar dhe një vendim politik të kthjellët, edhe Shqipëria do të shndërrohej në principata të ndryshme, që do afilionin në njërin shtet apo shtetin tjetër. Falë vendosmërisë, burrërisë e trimërisë së tyre, Shqipëria shpalli pavarësinë, kaloi nëpërmjet tronditjeve të mëdha dhe së fundi, u konsolidua si shtet në rrugën e mbretërisë.
Në këtë kontekst, ridimensionimi i figurës dhe personalitetit të mbretit Zog është një kusht moral i madh për të vendosur të vërtetën historike në piedestalin që meriton. E vërteta historike është se ai erdhi në pushtet me zgjedhje. Ai erdhi me zgjedhje për të shpëtuar vendin e tij, por Ballkani i mbretërive nuk mund të toleronte regjime demokratike të zgjedhura. Ndaj e minuan nga të gjitha anët, për t’u rikthyer pastaj dhe vendosur mbretërinë në këtë vend. Theksova këtë moment se pa mbretërinë mbase pavarësia do të kishte qenë një akt iluziv, i paqëndrueshëm. Duhet të jemi të vërtetë. Ishte Zogu I, mbreti i parë i shqiptarëve, ai që bëri që pavarësia të realizoi qëllimin e saj, shtetin e ri e të pavarur të Shqipërisë. E nisi si republikë, i ndërhynë me pyka dhe të tjera, por tregoi trimëri e vendosmëri të madhe dhe hodhi themelet e një shteti shqiptar, me të njëjtat standarde, në mos edhe më të mira, sesa simotra të tjera, mbretëri ballkanike. Të mos mendojmë se në këto kurora kishte një lulëzim të vërtetë të normave dhe standardeve demokratike. Shpesh herë i gjykojmë dhe vlerësojmë gjerat në mënyrë iluzive. Mbretëria shqiptare ishte një mbretëri që, pavarësisht nga problematikat e oborreve të cilat kanë qenë të përjetshme, konsolidoi shtetin e pavarur shqiptar. Ndaj në këtë kuadër, është e domosdoshme që, krahas nderimit të veprës së pavdekshme të etërve të pavarësisë së vendit, një ridimensionim i rolit historik të Zogut të I”.

Familja mbretërore përkujton 82-vjetorin e Monarkisë

02-09-2010 / Gazeta 55

 

Datë historike për krijimin e një shteti modern

Familja mbretërore ka përkujtuar 82-vjetorin e krijimit të monarkisë shqiptare më 1 shtator të vitit 1928. Ceremonia u zhvillua në pallatin mbretëror, ku mes miqve e familjareve, Leka i Parë foli për rolin dhe kontributin e monarkisë në Shqipëri, duke thënë se nën rendin e monarkisë, vendi ynë njohu një zhvillim të menjëhershëm krah shteteve të tjera europiane.
Plot 82 vjet më parë, më 1 shtator të vitit 1928, një Asamble Kushtetuese e cila ishte zgjedhur me votimet që u mbajtën më 16 gusht të atij viti dhe që kryesohej nga Pandeli Evangjeli, vendosi me unanimitet të plotë për ndërrimin e formës së qeverisjes së Shqipërisë, duke e kthyer vendin nga Republikë, që ishte deri në atë kohë, në Monarki.
Duke falënderuar pjesëmarrësit Mbreti Leka deklaroi se data e 1 shtatorit është pa dyshim një nga datat më të rëndësishme të historisë tonë pasi shpallja e monarkisë më 1 shtator 1928 i hapi rrugë stabilitetit dhe konsolidimit të vendit dhe të institucioneve por edhe paqes, qetësisë dhe zhvillimit të popullit dhe shtetit shqiptar.
“Gjatë viteve të monarkisë, shteti u bë me një kushtetutë të standardeve perëndimore ku të drejtat dhe liritë e shtetasve jo vetëm parashikoheshin në ligj, por gjenin zbatim të plotë në praktikë. Gjithashtu shtetasit kishin në zotërim pronën e tyre, kishin lirinë e lëvizjes pa viza në çdo cep të botës. Qetësia dhe rendi publik ishin të siguruara. Monedha ishte e konvertueshme dhe tregtia ishte në zhvillim të plotë”, u shpreh pasardhësi i fronit Mbretëror, Leka Zogu.
Më tej duke e përqendruar bisedën në zhvillimet aktuale, Leka i Parë vlerësoi vendimin e GJND-së për pavarësinë e Kosovës, por kërkoi që diplomacia shqiptare të reagojë ndaj lëvizjeve të Serbisë si dhe të kërkojë daljen sa më të shpejtë të Ramush Haradinajt nga gjyqi i Hagës.
“Ne nuk duhet të harrojmë se duhet të kryejmë edhe rolin e shtetit amë për të gjithë shqiptarët që jetojnë jashtë kufijve shtetërorë. Vendimi i fundit i Gjykatës Ndërkombëtare të Drejtësisë e cila e njohu si të ligjshme Pavarësinë e Kosovës ishte një lajm i mirë”, deklaroi Leka i Parë.
Duke u ndalur në aktualitetin shqiptar, Leka Zogu i Parë i kërkoi partive politike të arrijnë kompromisin në mënyrë që të zgjidhen problemet parësore për popullin shqiptar, siç janë çështja e pronave, reforma në drejtësi dhe arritja e standardeve zgjedhore.
“Unë po i ndjek me vëmendjen më të madhe zhvillimet e fundit politike, sepse gjithmonë jam marrë me politikë dhe asnjëherë nuk kam heq dorë prej saj. Shqipëria ka bërë hapa të rëndësishëm përpara, por lypset ende punë që të mbërrijmë standarde të kënaqshme për popullin shqiptar”, deklaroi ai.

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Sot, më datë 1 shtator 2010 paradite, në ambientet e Pallatit Mbretëror Shqiptar, NMT Mbreti Leka I, LT Princi Leka dhe e fejuari e tij, Zj. Elia Zaharia, pritën në takim një delegacion bashkatdhetarësh, përfaqësues të familjeve fisnike më në zë të Shqipërisë, si dhe kryesinë e Partisë "Lëvizja e Legalitetit 

Duke falenderuar pjesmarrësit Mbreti Leka deklaroi se data e 1 shtatorit është pa dyshim një nga datat më te rendësishme të historisë tonë pasi shpallja e monarkisë më 1 shtator 1928 i hapi rrugë stabilitetit dhe konsolidimit të vendit dhe të institucioneve por edhe paqës, qetësisë dhe zhvillimit të popullit dhe shtetit shqiptar.  Mbreti shtoi se : “Gjatë viteve të monarkisë, shteti u bë me një kushtetutë të standardeve perendimore ku të drejtat dhe liritë e shtetasve jo vetëm parashikoheshin në ligj, por gjenin zbatim të plotë në praktikë.  Gjithashtu shtetasit kishin në zotërim pronën e tyre, kishin lirinë e lëvizjes pa viza në çdo cep të botës. Qetësia dhe rendi publik ishin të siguruara. Monedha ishte e konvertueshme dhe tregtia ishte në zhvillim të plotë.”   Duke përfunduar pasqyrën historike të këtij evenimenti, Mbreti tha se Monarkia shqiptare u dha fund trazinave politike, grindjeve me shoshoqin dhe e futi vendin mes vendeve perendimore. 

Për fatin e keq kjo periudhë zhvillimi u ndërpreh nga fillimi i Luftës së Dytë Botërore dhe Shqipëria vuajti zhvillime negative për një periudhë të gjatë kohe nën regjimin komunist.” 

Në vazhdim, Mbreti Leka theksoi se : “Unë po i ndjek me vëmendjen më të madhe zhvillimet e fundit politike, sepse gjithmonë jam marrë me politikë dhe asnjëherë nuk kam heq dorë prej saj.  Shqipëria ka bërë hapa të rëndësishëm përpara, por lypset ende punë që të mbërrijmë standarde të kënaqshme për popllin shqiptar.” 

Mbreti Leka shtoi se : “…Mua më çudit klima e tensionuar që ekziston ndërmjet dy partive kryesore kur vendi ka nevojë për kontributin e të gjithve dhe më duket e pakuptueshme se si harxhohen energji kot si koti për çështje që nuk sjellin asnjë dobi.” 

Gjithashtu NMT Mbreti Leka I i bëri një thirrje klasës politike shqiptare duke iu rikujtuar se : “Vendit i duhet zgjidhja përfundimtare e çështjes së pronës, i duhet reforma në drejtësi, i duhet reforma zgjedhore e shumë punë të tjera që lidhen me interesat e vendit dhe jo me interesat individuale. Prandaj është mirë që të gjitha palët të ulen bashkë e t’i zgjidhin këto çështje.” 

Mbreti theksoi më tej se : “Ne nuk duhet të harrojmë se duhet të kryejmë edhe rolin e shtetit amë për të gjithë shqiptarët që jetojnë jashtë kufinjve shtetërorë. Vendimi i fundit i Gjykatës Ndërkombëtare të Drejtësisë e cila e njohu si të ligjshme Pavarësinë e Kosovës ishtë një lajm i mirë. Por diplomacia shqiptare nuk duhet të rrijë duarkryq ndaj përpjekjeve ndërkombëtare që Serbia po bën në dëm të Kosovës dhe të bëjë të gjitha levizjet diplomatike të mundshme për daljen sa më të shpejtë të Z. Ramush Haradinaj nga gjyqi i Hagës. 

Në përfundim të bashkë-bisedimeve, Familja Mbretërore shtroi një koktej për nder të miqve dhe të ftuarve.

Zyra e shtypit e Oborrit Mbretëror

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Tiranë, më29 gusht 2010

Deklaratë e PLL

Tashmë një vit pas krijimit të kësaj maxhorance, partia “Lëvizja e Legalitetit” e vlerëson punën e qeverisë si të suksesshme dhe me arritje të dukshme në fushën e investimeve publike, infrastrukturës rrugore, në luftën kundër korrupsionit, krimit të organizuar, etj.  Është e kuptueshme se shkak për raaealizimin e këtyre sukseseve është koncepti i ri qeverisës që u shfaq për herë të parë pas zgjedhjeve të vitit 2005 dhe që po zbatohet edhe gjatë këtij mandati, por edhe kontributi i partive politike që janë pjesë e koalicionit qeverisës. Nga ana jonë, i vetmi përfaqësues në koalicionin qeverisës dhe në të gjitha nivelet, është kryetari i partisë, i cili kryen detyrën e Z/Ministrit të Mbrojtjes dhe për të cilin ne jemi të kënaqur për qëndrimet që ka mbajtur dhe punën që ka kryer.

Partia “Lëvizja e Legalitetit” vazhdon t’i përmbahet parimit se kontributi në qeverisje është më i rëndësishëm se çdo marrëdhënie tjetër me pushtetin dhe se, është në detyrimin tonë që të ofrojmë pa pengesa ndihmën tonë në të mirën e vendit. Është kjo arsyeja që si në zgjedhjet vendore të vitit 2007, ashtu edhe në zgjedhjet parlamentare të vitit të kaluar, Partia “Lëvizja e Legalitetit” doli në koalicion me PD pa asnjë kusht paraprak.

Pavarësisht kësaj dhe modestisë së deritanishme, partia “Lëvizja e Legalitetit” nuk mund të shpërdorojë, duke lënë pafundësisht në pritje, vlerat e saja ideore dhe programore që kanë lidhje me themelet e shtetit, apo edhe potencialet njerëzore që janë të afta për t’i materializuar ato. Ne kërkojmë që së paku, në përputhje me votat që na akorduan grupet e numërimit,  të respektohet marrëveshja dhe te mundësohet dhënia e kontributit tonë në të gjitha nivelet e qeverisjes.

* * *

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Sot paradite, kryetari i PLL z. Ekrem Spahiu dha nje konference per shtyp.

Tirane, me 8 gusht 2010

Deklarate per media

Ne kushtet kur po afrohet afati i dekretimit te zgjedhjeve te ardhshme vendore dhe caktimi i dates se zhvillimit te tyre eshte deri me daten 8 shtator, partite politike kane detyrimin qe te fillojne pergatitjet per Reformen Zgjedhore.

Kodi Zgjedhor ka nevoje per permiresime te rendesishme qe dolen si domosdoshmeri nga Zgjedhjet Parlamentare te 28 qershorit, por edhe qe OSBE/ODIHR i ka rekomanduar ne raportin e saj final.

Procesi i permiresimit te Kodit Zgjedhor duhet te kete te gjithe kohen e mjaftueshme per nje diskutim te gjere, konstruktiv dhe larg interesave te ngushta partiake. Per t’ju shmangur zgjidhjeve te minutes se fundit, te cilat per fat te kaq kane rezultuar te nxituara dhe per pasoje te gabuara, eshte e nevojshme qe diskutimi per permiresimin e Kodit Zgjedhor te filloje sa me shpejt.

Partia “Levizja e Legalitetit” eshte e gatshme qe te marre pjese ne cdo diskutim dhe te jape kontributin e saj duke paraqitur opsione te pranueshme per te gjitha fazat e procesit zgjedhor.

Partia “Levizja e Legalitetit” mendon se krahas diversitetit te qendrimeve dhe interesave te ndryshme qe lidhen me Kodin Zgjedhor, ekzistojne disa parime qe nuk mund te cenohen. Parimet e barazise, mosdiskriminimit dhe transparences duhet te zbatohen plotesisht, ne menyre qe ndaj asnje subjekti zgjedhor te mos vendosen kufizime te njeanshme ne procesin e regjistrimit, financimit te partive dhe kontrollit te votes.

Krahas ketyre, partia “Levizja e Legalitetit” mendon se ndertimi i nje administrate zgjedhore jopartiake dhe ndryshimi i menyres se numerimit te votave duke perdorur skanimin e fleteve te votimit, do te ishin dy zgjidhje te thjeshta qe do te rrisnin dukshem besimin e elektoratit tek zgjedhjet.

http://www.voal-online.ch/index.php?mod=article&cat=LAJMIIF&article=8483 HTTP://WWW.VOAL-ONLINE.CH 3.SHTATOR 2010   MISION NË SHQIPËRI PËR NJË PUBLIKIM PËR SHPËTIMIN E HEBREJVE NGA KY VEND GJATË LUFTËS SË DYTË BOTËRORE Nga Atara Beck   E Shtunë, 09.04.2010, 11:04am (GMT+1) Vera Held TORONTO -  Vera Held - Autore e bestsellerit "Si të mos e marrësh si diçka personale" - How Not to Take it Personally - , kolumniste tek Toronta Sun - Dielli i Torontos -  oratore, konsulente, PR - i ka hyrë tani një misoni për të bërë me dije hebrejtë e shpëtuar në Shqipëri gjatë Luftës të Dytë Botërore.  Shqipëria është i vetmi vend që kishte më shumë hebrenj pas Luftës së Dytë Botërore, paraprakisht rreth 3000 hebrenj - të lindur në Shqipëri, si dhe ata që i kishin mbijetuar Holokaustit, ardhur këtu gjatë Luftës së Dytë Botërore. Aktualisht gjatë një vizitë 11-ditore në Shqipëri, Held ka në plan të takohet me zyrtarë të qeverisë dhe anëtarët e komunitetit të vogël hebraik . Ajo do të kalojë Vitin e Ri Herbarik në Janinë të Greqisë, ku shpreson që me ndihmën e një përkthyesi, të intervsitojë 10 të mbijetuar të Holokaustit. Duke diskutuar pasionin e saj për këtë çështje, Held, tregon për gazetën Yewish Tribune, se nuk ka lidhje personale me Republikën e Shqipërisë në Juglindje të Evropës,  por "ajo dëshiron që t'u japë Shqiptarëve në kohën e duhur diçka të merituar për sjelljen e tyre shebullore ndaj Hebrejve". Gjyshërit e fëmijës të parë, lindur në Shqipëri nga një i mbijetuar i Evropës Lindore, u shfarosën në kampin e përqendrimit në Aushvicë këtë vend të Evropës Juglindoretë një të mbijetuar të Europës Lindore - gjyshërit e saj u vra në Auschwitz - kredi Mbahet aderimin në BESA, një kod nderi theksuar tolerancës fetare dhe të mikpritjes, për të treguar dhembshuri për të hebrenjve në atë vend të tretë të botës gjatë epokës naziste . Në fakt, ajo shpjegoi, çfarë ishte diçka unike në Shqipëri, ku hebrejtë nuk u fshehën, por ata u mirëpritën si miq, dhe se politika për t'i mirëpritur ata erdhi nga lart, thotë ajo. Held ka mësuar për hebrejtë e Shqipërisë, për këtë kapitull pak të njohur në historinë moderne të Hebrejve, përmes një të njohuri shqiptar në Qendrën Kolumbus, një qendër e komunitetit në lagjen e saj, ku ajo u bë pjesë e tij tetë vjet më parë. U njoh me këtë temë, nga një emision 15 minutësh transmetuar nga një Tv lokal shqiptar, i cili në mënyrë "të pafajshme dhe naive" e drejtoi në udhëtimin që ndërmori. Pas programit të transmetuar, ishte Sunny Shores Travel që u bë sponsori i parë, i pasuar nga sponsorizimi korporative dhe ato individuale çka ishte diçka "fenomenale nga të gjitha komunitetet, tregon e entuziazmuar Held. "Unë jam e kënaqur me nivelin e mbështetjes nga të gjitha komunitetet," thotë Held.  "Ata mendojnë se është diçka e mrekullueshme se si një vajzë çifute nga Kanadaja është duke e bërë këtë. Biznezet kanadeze kombëtsre e kanë ndjerë se ka qenë me vlerë për të sponsorizuar këtë projekt. Dhe unë mendoj se për këtë projekt ka qenë i denjë edhe Kombëtare bizneset kanadeze ndjerë këtë projekt ishte i denjë për sponsorizimin. Unë mendoj se gjithçka ka shkuar si duhet. " Held do të tregojë për këtë udhëtim sipas parashikimit në Javën e Edukimit të Holokaustit, që mbahet për të tridhjetin vit. Ajo do të jetë bashkë me Profesor Saimir Lolja, një ekspert i historisë Shqiptaro-Hebreje dhe producentin Ilir Lena, më 7 Nëntor, në Sala Caboto në Villa Colombo, 40 Playfair Ave. në zonat midis Lawrence dhe Dufferin. Shqiptarët Hebrej, familjet e të cilave mbijetuan dhe shqiptarët që i shpëtuan ata do të jenë gjithashtu në këtë takim. / Përktheu: ELIDA BUÇPAPAJ

Durrës, turizmi kulturor mrekullon vizitorët

Artur Ajazi 10/08/2010 12:04:00

Përveç turizmit detar, në Durrës, në sezonin veror 2010, ka nisur të lulëzojë dhe të frekuentohet edhe turizmi kulturor, i cili po ecën paralelisht me atë malor. Duke nisur nga muaji maj deri në 8 gusht, në Durrës kanë ardhur mbi 175 mijë shtetas të huaj dhe mbi 33 mijë prej tyre janë joshur dhe kanë vizituar qysh ditën e parë të mbërritjes objektin madhështor që ngrihet prej afro 79 vitesh në kodrën e qytetit, Vilën e Zogut. Vila e ish-Mbretit Ahmet Zogu ka nisur të vizitohet nga mijëra turistë të huaj prej muajit maj, kryesisht anglezë, belgë, gjermanë, italianë, malazezë, danezë, hungarezë, por edhe vendas. Sipas specialistit të Degës së Monumenteve, historianit Sali Hidri, “Vila e Zogut përbën një pasuri të madhe jo vetëm për Durrësin, por gjithë Shqipërinë, ajo trashëgohet si një objekt i rrallë, që ka paraqitur interes të madh nga turistë dhe specialistë të fushave të ndryshme prej vitesh, por edhe të turistëve, qindra e qindra prej tyre kanë nisur ta vizitojnë atë sezonin veror 2010”. Hidri tha: “Vila e Zogut, e ndodhur në majën e kodrës së qytetit apo siç quhet ndryshe edhe Kodra e Sefer Efendiut, përbën një mrekulli arkitektonike, e cila mrekullon turistët, të cilët sapo zbresin nga tragetet dhe anijet e tyre me vela, nisen drejt saj, filmojnë, fotografojnë, interesohen për datën dhe vitin e ndërtimit, për ish-Mbretin Zog, familjen e tij, duke u shprehur të mahnitur nga ky objekt shqiptar”. Sipas Hidrit dhe specialistëve të turizmit në Durrës, Vila e Zogut, pronë e familjes mbretërore, ka hyrë tashmë në fondin e rrallë të objekteve turistike dhe arkitektonike, e cila përbën një resurs të çmuar dhe kuriozitet për turistët e huaj. Shumë prej tyre shprehen se “me Vilën e Zogut janë njohur edhe përmes internetit, ndaj nxiten dhe nxitojnë ta vizitojnë”.

Qeveria, veç kujdesit, ka menduar për të investuar pa vonesë për objektin madhështor të Vilës së Zogut, e cila ka nevojë urgjente për restaurim.  Prej disa kohësh shtypi i huaj i ka bërë jehonë projektit të qeverisë shqiptare për vilën e ndërtuar në kodrën e Durrësit në vitin 1930 për dhuratë ndaj Mbretit të Shqipërisë, Ahmet Zogu. Dy gazetat prestigjioze që kanë pasur në fokusin e tyre disa ditë më parë Vilën e Mbretit Zog, “Financial Times” dhe “Indipedent”, 2 vjet më parë, shkruanin në artikujt e tyre faktin se pronat ose shtëpitë e tipit High-End (luksoze, të standardeve të larta) janë të rralla në Shqipëri dhe me projektin e ri të vilës synohet që të afrohen blerës nga pasanikë të rinj shqiptarë dhe investitorë të huaj. Nisma është ndërmarrë nga ing. Alban Xhillari, një sipërmarrës ndërtimesh nga Tirana. Projekti kushton rreth 20 milionë euro dhe thuhet se ajo do të rikonstruktohet për bashkëpronësi, duke u kthyer në një vilë të tipit “Timeshare” (bashkëpronësi, shfrytëzim ose përdorim me radhë apo apartament pushimi). Rikonstruksioni i “pallatit veror” të Zogut do të bëhet nga një kompani angleze, konkretisht me konsulencë të firmës britanike “HLL Humbert’s Leisure”. Një gjë e veçantë e projektit është se aty është studiuar mundësia që në këtë pallat të ketë edhe qendër klimaterike ose stacion ujërash termale (llixha), duke ndërtuar 50 hyrje ose apartamente për t’iu shitur ato investitorëve ndërkombëtarë apo edhe turistëve të çdo sezoni. Një gjë e tillë synon hapjen e vendit tonë në tregun e shtëpive të këtij modeli. Deri tani të pasurit e rinj dhe biznesmenë kanë blerë hyrje dhe apartamente në Durrës, duke i përdorur në verë apo fundjava të ndryshme të vitit. Këto kanë funksionuar në njëfarë mënyre si shtëpi të dyta. Nga ana tjetër modeli që paraqitet nga ky investim i ri, është një risi për vendin tonë. Afro 50 hyrjet luksoze do të jepen për blerësit vetëm 6 javë në vit, ndërsa kohën tjetër të vitit ato do të shfrytëzohen nga pronari i resortit luksoz. Vila e Zogut u ndërtua nga tregtarët e qytetit të Durrësit si dhuratë për Mbretin Zog I. Ishin afro 22 tregtarë nga Durrësi dhe Tirana, që me fondet e tyre menduan dhe realizuan ndërtimin e një vepre të tillë të rrallë për vitet ’30, por edhe deri ditët e sotme në Shqipëri. Në vitin 1940, Vila e Zogut u cilësua nga Giusepe Martino, një ndër pasanikët e Romës, si “pallati veror më i bukur në Ballkan”, ndërkohë që ajo gjatë 6 viteve të Luftës së Dytë Botërore u përdor nga krerët e lartë të ushtrive pushtuese si rezidencë. Ajo është e ndërtuar sipas stilit të artit “Deko”, ndërkohë që në vitin e zi 1997 u shkatërrua nga turmat që kishin humbur shuma të mëdha lekësh në firmat piramidale. 50 apartamente luksi do të përshtaten brenda sipërfaqes së vilës dhe në të nuk do të mungojnë as kazinoja, llixhat dhe dëfrime të tjera. Në vilën e rikonstruktuar do të ketë kazino, e cila mund të jetë pranë llixhës ose pranë restoranteve dhe mendohet se mund të sjellë shumë të ardhura. Një gjë që duhet të dinë blerësit, është se apartamentet e tyre do të ndahen me trashëgimtarin e Mbretit Zog, Princin Leka. Mbi ndërtesën e vilës do të ndërtohet suita e tij, me një arkitekturë krejtësisht evropiane, klasike dhe moderne.