Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Tiranë, më 28 qershor 2010

Informacion për media

Në kuadrin e takimeve me strukturat drejtuese të degëve të Partisë Lëvizja e Legalitetit, Kryetari i kësaj partie z. Ekrem Spahiu zhvilloi një takim me legalistët në Shkodër. 

Duke ju referuar zgjedhjeve të pritshme vendore Spahiu tha se, “Partia Lëvizja e Legalitetit ka filluar përgatitjet e saj për zgjedhjet e ardhshme vendore duke e përqendruar punën në organizimit e strukturave sipas çdo njësie vendore, por edhe duke evidentuar kandidaturat e mundshme për kryetar dhe këshilltarë të këtyre njësive”

Spahiu tha gjithashtu se Reforma Zgjedhore duhet të jetë prioritet i politikës dhe Institucioneve përkatëse për të eliminuar në kohë mangësitë e konstatuara në zgjedhjet e kaluara parlamentare dhe përmbushur  rekomandimet e OSBE/ODHIR.

Spahiu e konsideroi miratimin e Rezolutës për Shqipërinë nga Komisioni i Jashtëm i Parlamentin Evropian si një vlerësim maksimal për reformat, arritjet dhe seriozitetin e kësaj maxhorance në rrugën e plotësimit të standardeve dhe integrimit të Shqipërisë në BE. Heqja e vizave brenda vitit 2010 për qytetarët shqiptarë që do të lëvizin lirisht në hapësirën evropiane, është një arritje shumë e madhe që duhet vlerësuar nga të gjithë pavarësisht dallimeve partiake.

Zyra e shtypit e PLL

****

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Tiranë, më 23 qershor 2010

Deklaratë për media

Partia “Lëvizja e Legalitetit” vlerëson veprimin e koalicionit qeverisës për privatizimin e disa objekteve shtetërore dhe e konsideron atë si një veprim të dobishëm për rritjen e peshës së sektorit privat në ekonominë e vendit dhe rritjen e impulseve të zhvillimit ekonomik.

Si një parti e ndjeshme karshi fateve të vendit dhe përfaqësuese e interesave të të përndjekurve politikë dhe pronarëve, partia “Lëvizja e Legalitetit” kërkon nga koalicioni qeverisës që të marrë në konsideratë mundësinë që një pjesë e këtyre pronave të privatizohen drejtpërsëdrejti nga të përndjekurit politikë dhe pronarët e tjerë të cilët deri më sot nuk kanë përfituar asgjë  nga dëmshpërblimi apo kthimi i pronave.

PLL mendon se është koha që të shikohen me sy kritik proceset e deritanishme të privatizimeve, dëmshpërblimeve apo rikthimit dhe kompensimit të pronave dhe të merret çdo masë korrigjuese për mangësitë e konstatuara. PLL i përmbahet pikëpamjes se në privatizimin e pronave publike duhet rritur aksesi i asaj shtrese e cila jo vetëm është pronarja më e afërt dhe e ligjshme, por edhe si shtresa që u shtyp egërsisht gjatë diktaturës komuniste dhe u diskriminua padrejtësisht pas viteve ’90.

Është në nderin e koalicionit qeverisës që të shprehë vlerësim dhe mirënjohje për vuajtjet dhe sakrificat e të përndjekurve dhe pronarëve. Për këtë arsye është e domosdoshme që t’i krijohet hapësira e nevojshme edhe këtyre njerëzve për të kontribuar në zhvillimin e ekonomisë së vendit dhe njëkohësisht t’u ngushtohen hapësirat apo dhe priten krahët të korruptuarve dhe atyre që janë pasuruar padrejtësisht gjatë 20 viteve të fundit.

_______________________________________________________________________

Service de Presse de la Maison Royale d'Albanie
albania.institute@online.fr
http://albania.dyndns.org/

Avis de décès 

_______________________________________________________________________

                                                                                                                                                Paris, France, le 10 mai 2010

Maître Jean Courtot vient de décéder à l'age de 84 ans le 27 juin 2010 à Orsay (France). 

Il fut un grand ami de l'Albanie et de la Famille Royale. Ses obsèques auront lieu à l'église d'Orsay (91400), le lundi 5 juillet à 10h00. 

Nous présentons à sa famille nos condoléances les plus sincères et prions pour son âme.

http://albania.dyndns.org/Presse/presse.htm