http://www.standard.al/index.php/news/politike/13103-berisha-historia-shtylla-kryesore-e-nje-shteti.html

03/12/2011

Berisha: Historia, shtylla kryesore e një shteti

Nga Taulant Halili

“Historia është shtyllë kryesore e dijes së një kombi dhe ai duhet ta dijë atë objektivisht. Ndaj, ajo duhet shkruar duke iu përmbajtur parimeve dhe metodave shkencore”

Kreu i qeverisë Sali Berisha priti ditën e djeshme në zyrat e kryeministrisë, Eqerem Zenelajn, i cili është profesor i shkencave juridike dhe studiues i çështjes shqiptare. Në këtë takim Zenelaj ishte i shoqëruar nga ambasadori shqiptar në Francë, Vili Minarolli. Gjatë takimit Kryeministri Berisha përsëriti edhe njëherë se duhet rishkruar edhe njëherë historia e Shqipërisë, pasi, sipas tij, janë ende shumë çështje të mbetura nën hije. Ai theksoi se historia është shtylla kryesore e një shteti dhe për këtë arsye ajo duhet studiuar në mënyrë shkencore. “Historia është shtyllë kryesore e dijes së një kombi dhe ai duhet ta dijë atë objektivisht. Ndaj, ajo duhet shkruar duke iu përmbajtur parimeve dhe metodave shkencore”, - u shpreh kreu i qeverisë. Ndërsa vlerësoi punën e çmuar të bërë nga Zenalaj, i cili  ka grumbulluar në 17 arkiva të shteteve të ndryshme dokumente historike që ndriçojnë kontributin e figurave shqiptare në aspekte të ndryshme të gjuhës, historisë dhe të përpjekjeve për pavarësi. Kreu i qeverisë theksoi se duhet të ndriçohen shumë aspekte të historisë me dokumente dhe fakte. Ndërkohë Zenelaj njohu Kryeministrin Berisha dhe me projektet e tij për të ardhmen në vendin tonë, ku një nga këto projekte do të jetë ekspozita për 100-vjetorin e Pavarësisë së Shqipërisë me temë “Figurat shqiptare në veprat e artistëve evropianë”, e cila do të organizohet nën kujdesin e Kryeministrit Berisha. Kreu i qeverisë e cilësoi këtë punë të studiuesit si të shkëlqyer, pasi ka renditur figura të ndritura në panteonin e kombit. Gjithashtu Zenelaj i shprehu Kryeministrit Berisha vlerësimet e tij më të larta për punën e bërë nga qeveria shqiptare për sa i përket çrrënjosjes së komunizmit në Shqipëri, në mbështetjen e pavarësinë e Kosovës dhe në progresin e Shqipërisë në rrugën e zhvillimit. Propozimi i Kryeministrit Berisha për ndryshime të historisë së periudhës së komunizmit është bërë që prej vitit 2007, por këtë propozim ai e ka bërë edhe në takimin që pati me historianët. “Historia vazhdon të jetë një njerkë e keqe për shqiptarët dhe kësaj radhe e kam fjalën në vepra, në shkrime. Ajo nuk iu ka thënë shqiptarëve akoma të vërtetat e tyre, ajo sërish është e mbuluar me hirin toksik të regjimit diktatorial 45-vjeçar. Edhe një herë unë u bëj thirrje historianëve të këtij vendi të hapin arkivat dhe t’u thonë shqiptarëve të vërtetat historike të tyre ashtu siç janë”, - është shprehur kreu i qeverisë gjatë takimit me historianët pak javë më parë. Sipas tij, ishte periudha 50-vjeçare e regjimit komunist në Shqipëri ajo që i vendosi një hije të zezë të vërtetat e shqiptarëve. Një ndër arsyet kryesore të rishkrimit të historisë është abuzimi që i është bërë asaj për 50 vjet me radhë, gjatë regjimit të diktaturës komuniste, ku shumë atdhetarë në librat e historisë së mësuar deri më sot janë cilësuar si tradhtarë nga regjimi i kohës. Për këtë kreu i qeverisë ka kërkuar ngritjen e një grupi ekspertësh dhe fillimin sa më parë të punës për zbardhjen e plotë të të vërtetave dhe fakte për sa i takon historisë shqiptare. Me ndryshimet që do të pësojë historia e Shqipërisë do të jepen dhe faktet për krimet e egra të komunizmit, të cilat deri më sot janë pasqyruar si heronjtë e Shqipërisë, në një kohë që faktet dhe dramat njerëzore të asaj periudhe tregojnë të kundërtën.

http://www.panorama.com.al/politike/berisha-ismail-qemali-ahmet-zogu-e-hasan-prishtina-buste-ne-tirane/

Berisha: Ismail Qemali, Ahmet Zogu e Hasan Prishtina, buste në Tiranë

Politikee Martë, Dhjetor 13th, 2011

Kryeministri Berisha

Në kryeqytet, me rastin e 100-vjetorit të Pavarësisë së shtetit shqiptar, do të vendosen monumentet e Ismail Qemalit, Ahmet Zogut dhe Hasan Prishtinës. Figurat që kontribuuan në shpalljen e Pavarësisë në vitin 1912, sipas Kryeministrit Sali Berisha duhet të kenë praninë e tyre në kryeqytet, pavarësisht se flamuri u ngrit në Vlorë. Gjatë fjalës së tij në Komitetin shtetëror për festimet e 100-vjetorit të Pavarësisë, Kryeministri Sali Berisha tha se ngritja e flamurit në Vlorë erdhi si kontribut i të gjithë faktorit shqiptar nga çdo cep i vendit. “Zotërinj ministra, është e rëndësishme që ne të mbështesin fort institucionet tona kërkimore në përpjekjen e tyre për një shqyrtim të ndershëm serioz të një shekulli Shqipëri e pavarur. Nuk mund të thuhet se qëndrimet e njëanshme në histori nuk kanë ndikuar në qëndrime të njëanshme në tërësi, kështu që është e domosdoshme të ridimensionohen figurat kryesore të këtyre 100 vjetëve të Pavarësisë së vendit. Besoj se disa prej tyre, Ismail Qemali, Ahmet Zogu, Hasan Prishtina, duhet të kenë praninë e tyre në kryeqytet. Pavarësia vërtet u shpall në Vlorë, por ishte akt madhor dhe këta dhanë kontributin e tyre të pamohueshëm”, theksoi ai. Duke folur për këto festime, Kryeministri kërkoi angazhimin maksimal të të gjitha institucioneve, në mënyrë që 100-vjetori të jetë një datë e shënuar për të gjithë. Për këtë arsye, Kryeministri tha se viti 2012-të do të jetë viti kushtuar flamurit kuq e zi, ndërsa njoftoi se do të bëhet logoja enkas për këtë përvjetor. “Zoti ministër i Kulturës, së bashku me specialistët, do të bëhet edhe logoja e 100-vjetorit dhe do të prodhohen një tërësi objektesh të lidhura më 100-vjetorin, natyrisht mbi bazën e rregullave, konkurseve dhe mendimit të specializuar. Por duhet të bëjmë gjithçka, që Shqipëria 100- vjeçare të ketë atë pamje të bukur, që nuk e ka pasur kurrë më parë. T’i japim një pamje të re, një pamje të merituar. T’i kushtohet një rëndësi e jashtëzakonshme nderimit të çdo ngjarjeje, e cila bëri të mundur që Shqipëria të udhëtojë 100 vjet si vend i pavarur”, tha shefi i qeverisë.

http://www.panorama.com.al/lajmi-i-fundit/shqiperia-100-vjec-berisha-shqyrtim-serioz-historise/

Shqipëria 100 vjeç, Berisha: Rishqyrtim historisë

Lajmi i Fundite Hënë, Dhjetor 12th, 2011

TIRANË- Shqyrtim serioz e të ndershëm të historisë së 1 shekulli Shqipërie të Pavarur, ridimensionim të figurave të historisë, prodhim objektesh të lidhura me 100 vjetorin, valëvitje të flamurit në cdo ballkon ku ka shqiptar në vend e diasporë dhe gjithçka tjetër për të nderuar 100 vjetorin e Pavarësisë. Kështu ka deklaruar sot kreu i qeverisë, Sali Berisha gjatë fjalës së tij në mbledhjen e Komitetit për 100 vjetorin e Pavarësisë.

“Do të bëjmë gjithçka që ky vit të jetë një motiv i madh për një horizont të ri për Shqipërinë dhe shqiptarët. Kemi shumë nevojë që këtë 100 vjetor ta shndërrojmë në 100 vjetorin e 100 viteve të tjera. Ne vijmë pas një shekulli mundimesh të mëdha, dhimbjesh, sakrificash, por e vërteta është edhe arritjesh ndër më të mëdhatë në historinë shekullore të kombit dhe vijmë si një komb i lirë, shekull që kaloi në mjerim, varfëri, por që u mbyll me vendosjen e një sistemi të ri në vend”- tha ai.

Sipas tij, duhet të bëhen gjithë përpjekjet drejt të vërtetave të pavarësisë sonë, të historisë sonë, “e cila pavarësisht nga dritëhijet është një histori e madhe qendrese, mbijetese, luftrash e përpjekjesh, që u kurorëzua me pavarësinë e Kosovës”.

“Zotërinj ministra është e rëndësishme që ne të mbështesin fort institucionet tona kërkimore në përpjekjen e tyre për një shqyrtim të ndershëm serioz të një shekulli Shqipëri e pavarur. Nuk mund të thuhet se qëndrimet e njëanshme në histori nuk kanë ndikuar në qëndrime të njëanshme në tërësi, kështu që është e domosdoshme të ridimensionohen figurat kryesore të këtyre 100 vjetëve të pavarësisë së vendit. Besoj se disa prej tyre Ismail Qemali, Ahmet Zogu, Hasan Prishtina, duhet të kenë praninë e tyre në kryeqytet. Pavarësia vërtetë u shpall në Vlorë, por ishte akt madhor dhe këta dhanë kontributin e tyre të pamohueshëm”- theksoi ai.

Ai u ndal gjatë në nderimin që duhet t’i bëhet flamurit, cilësuar si më i bukuri në botë. “Është flamuri më i bukur i botë dhe është interesante se ne dhe ditën e pavarësisë e quajmë të flamurit dhe hymnin e kombit e kemi të flamurit. Duhet të bëjmë gjithçka që ky flamur në 100 vjetorin e pavarësisë të valëvitet në cdo ballkon shqiptarësh në Shqipëri dhe botë”- tha ai.

http://www.shqiptarja.com/shq_lajm.php?IDNotizia=66896&IDCategoria=2706

Berisha: Te ridimensionohen figurat kryesore të pavarësisë

TIRANE- Kryeministri mbledh komitetin për 100 vjetorin e shpalljes së pavarësisë dhe i kërkon ministrave marrjen e masave për të përgatitur festimet dhe veprimtaritë të cilat do ta nderojnë Shqipërinë në 100 vjetorin e saj, ashtu sic e meriton. “ Shqipëria 100 vjecare të ketë atë pamjen e bukur që se ka pasur kurrë më parë. T’i kushtohet një rëndësi e jashtëzakonshme nderimit të cdo ngjarjeje. Të gjitha veprimtaritë duhet të nxiten dhe inkurajohen, sidomos ato të kulturës dhe të kenë një domethënie të vecantë”- tha kryeministri duke propozura dhe fillimin e bashkëpunimit me autoritetet e Kosovës dhe të Maqedonisë për të nderuar këtë 100 vjecar. “Është jashtëzakonisht e rëndësishme të mblidhen sa më shumë propozime të ekspertëve qytetarëve, dhe ta bëjmë festën e festave. 100 vjecari vjen një herë në shekull, nuk duhet harruar, duhet të jemi në lartësinë e tij.”- nënvizoi kryeministri. Viti 2012 do të quhet dhe viti i flamurit kombëtar Berisha kërkoi dhe rishkrimin e historisë mbi të vërtetat historike, të cilat sipas tij, në periudhën e komunizmit “u vunë në funksion të një ideologjie, cmendurie dhe të manipuloheshin sikundër ato nuk ishin” “Institucionet tona kërkimore shkencore kanë një detyrë të madhe të mund t’i paraqesin shqiptarëve arritjet por dhe gabimet e tyre. Është e gabuar kur thuhet se studimet mund të ulin apo lartësojë një figurë apo një jetër. Ata kanë patur dhe armiqësira, por kanë qenë atdhetarë të flakët që në mënyrën e tyre janë përpjekur të bëjnë Shqipërinë…. Historia të ndërtohet mbi të vërteta, ndaj dhe zotërinj ministra është e rëndësishme që të mbështesim fuqishëm institucionet kërkimore shkencore në përpjekjet e tyre për një shqyrtim të ndershëm e serioz të një shekull Shqipëri e pavarur.” Është e domosdoshme- vazhdoi më tej Berisha- të ridimensionohen figurat kryesore të pavarësisë. Unë besoj se disa prej tyre, Ismail Qemali, Ahmet Zogu, Hasan Prishtina duhet të kenë praninë e tyre në kryeqytet, pavarësia vërtet u shpall në Vlorë, por ai ishte një akt madhor dhe kontributi i tyre, pavarësisht problemeve kundrathënëse, është i pamohueshëm, dhe ata duhet të jenë në Tiranë ku është epiqendra e shqiptarë të jenë dhe ata. Berisha kërkoi gjithashtu që 2012 të quhet Viti i Flamurit shqiptar, dhe të merren masa që ky flamur të valëvitet në çdo ballkon shqiptar, kudo që janë në Shqipëri e botë, për të nderuar të rënët e kombit.

http://www.botasot.info/def.php?category=6&id=146874

07.12.2011

Monumenti i Skëndërbeut në Budapest për 100-vjetorin e Pavarësisë

Me rastin e 100 vjetorit të Pavarësisë së Shqipërisë dhe 90 vjetorit të vendosjes së marrëdhëneve mes Hungarisë dhe Shqipërisë, në një nga sheshet kryesore të Budapestit do të vendoset statuja e Gjergj Kastriot Skëndërbeut.

Kryetarja e Kuvendit të Shqipërisë, Jozefina Topalli u prit sot në takim nga Kryetari i Parlamentit të Hungarisë, zoti Laszlo Kover.

Duke i uruar zonjës Jozefina Topalli mirëseardhjen, zoti Kover tha se
“Ju jeni kryetarja e Parlamentit që keni bashkëpunuar me numrin më të madh të Kryetarëve të Parlamentit të Hungarisë dhe marrëdhëniet mes parlamenteve dhe vendeve tona janë mëse të shkëlqyera.

Dy homologët diskutuan mbi aktivitetet e përbashkëta që do të organizohen vitin e ardhshëm, në 100 vjetorin e Pavarësisë së Shqipërisë, ngjarje kjo që përkon me 90 vjetorin e vendosjes së marrëdhëneive diplomatike mes Hungarisë dhe Shqipërisë.

Kryetari i Parlamentit të Hungarisë tha se: “Me rastin e 100 vjetorit të Pavarësisë së Shqipërisë dhe 90 vjetorit të vendosjes së marrëdhëneve mes dy vendeve, në një nga sheshet kryesore të Budapestit do të vendoset statuja e Gjergj Kastriot Skëndërbeut.

Zoti Kover theksoi se “bashkëpunimi parlamentar mes Hungarisë, Francës dhe Shqipërisë , përmes projektit IPA, i inicuar nga Jozefina Topalli, jam i sigurt se do të jetë një projekt i suksesshëm, që do të afrojë edhe më shumë Shqipërinë me Bashkimin Europian.”

“Megjithë krizën në eurozonë, tha Lazlo Kover, ne jemi të mendimit se zgjerimi Bashkimit Europian është zgjidhja më e mirë.”

Kjo linjë politike dhe diplomatike, e përforcuar nga Kryeministri Viktor Orban dhe presidenti Pal Schmitt gjatë takimeve me Kryetaren e Kuvendit Jozefina Topalli, u theksua edhe nga homologu i saj hungarez.

Në shenjë nderimi për Shqipërinë, Kryetari i Parlamentit të Hungarisë shprehu ngushëllimet për ndarjen nga jeta të Leka Zogut I, në Librin e Zisë hapur në ambasadën shqiptare në Budapest.

Mbretëresha Geraldinë ishte hungareze dhe, ashtu siç ishte një grua për të cilën shqiptarët krenohen, ajo vjen nga një familje shumë fisnike e Hungarisë. Ajo e deshi shumë Shqipërinë dhe shqiptarët.
Kjo është një pikë tjetër e historisë që bashkon dy vendet dhe kombet tona.

Parlamenti i Hungarisë dhe Kuvendi i Shqipërisë po punojnë për aktivitet që do të organizohen në vitin e përvjetorit të madh të 2012-tës. Në fillim të vitit të ardhshëm do organizohet ceremonia e nisjes së projektit IPA, midis Hungarisë, Francës dhe Parlamentit shqiptar.

Kryetarja e Kuvendit, Jozefina Topalli e falenderoi homologun hungarez për programin e shkëlqyer, për ngrohtësinë, miqësinë e sinqertë dhe për mbështetjen e palëkundur që parlamenti i Hungarisë i ka dhënë Kuvendit shqiptar dhe Shqipërisë në ratifikimin e të gjitha marrëveshjeve, duke nisur nga MSA-ja, ratifikimi i Protokollit të NATO-s, heqja e vizave.

Po ashtu, Hungaria është një vendet e para që njohu Pavarësinë e Kosovës.

Kryetarja e Kuvendit, Jozefina Topalli gjithmonë ka vlerësuar politikën e jashtme të Hungarisë ndaj Shqipërisë dhe vendeve të rajonit.

Sot më shumë se asnjëherë, Hungaria dhe vendet e rajonit janë edhe më të ndërgjegjshme për domosdoshmërinë e kooperimit, në mënyrë të veçantë në shkëmbimet tregëtare, në investime dhe në terma ekonomikë në tërësi, si rruga e vetme për t’u mbrojtur nga kriza globale dhe për të mbrojtur ekonominë vendase.

Në respekt të Shqipërisë, flamuri shqiptar për dy ditë rresht u valëvit në hyrjen kryesore të Parlamentit Hungarez dhe të Selisë së Presidencës Hungareze.

Gjatë vizitës së saj nëHungari, tKryetarja e Kuvendit , Jozefina Topalli ishte e ftuar nga Intituti i mirënjohur i Politikës së Jashtme të Hungarisë, për të referuar e bashkëbiseduar për modelin ekonomik të Shqipërisë, për potencialet dhe mundësitë që ajo ofron, për perspektivën europiane.

Duke folur mbi temëm “Shqipëria përmes reformash”, Kryetarja e Kuvendit nënvizoi se Shqipëria, falë modelit të saj ekonomik, uljes së taksave, rritjes së investimeve, reduktimit të administratës, rritjes së rrogave e pensioneve, është ndër vendet e pakta që nuk kaloi në recesion, pavarësisht se është e rrethuar nga vende qëu prekën thellë nga kriza ekonomike dhe kriza e borxheve.

Shqipëria është një vend i vogël i mundësive të mëdha, që ka rritje ekonomike e që ofron mundësi të pafundme investimi, e turizmi.
Shqiptarët janë europianë dhe përmes reformave të mëdha, ne po punojmë fort për një Shqipëri vend të zhvilluar, drejt një antarësimi sa më të shpejtë në BE.

http://www.shqiptarja.com/shq_lajm.php?IDNotizia=65911&IDCategoria=2709