09012012

Demande formulée par PLL-USA pour que les cendres d'Abaz Kupi soient transférés à Kruja à l'occasion du centenaire de l"Indépendance. Cérémonie commémorative à New-York

Partia Lëvizja e Legalitetit, në marrëveshje me familjen Kupi, organizojë pelegrinazhin e përvjetëshëm tek varri i Abaz Kupit

BEQIR SINA, New York

Me rastin e 100 vjetorit të pavarsisë së Shqipërisë, Abaz Kupi, të varroset në vendlindjen e tij, në Krujë!

Kew Gradens - Queens NY : U zhvillua pelegrinazhi i përvjetëshëm tek varri i Abaz Kupit, në varrezat publike "Maple Grove Cementry" në Kew Graden - Queens- New York. Dhjetra pjesmarrës, ashtu siç e kanë bërë traditë, përkujtuan Abaz Kupin, Me këtë rast ata u mblodhën për të përkujtuar 36 vjetorin e vdekjes së heroit tonë kombëtar, burrit që në krye të trupave të Mbretit Zog, bëri rezitencën, e parë historike, duke i zbardhur në këtë mënyrë faqen, Shqipërisë, më 7 prill 1939, me shpresë se në 100 vjetorin e pavarsisë së Shqipërisë, Kupi, do të varroset në Krujën e Skëndërbeut.

Monarkistët, legalistët, demokratët, patriotët dhe atdhetarët në komunitetin shqiptarë, me këtë gjest simbolik, thanë se për 36 vjet, e patën Abaz Kupin frymëzimin e tyre. Ata theksuan se arritën që me anë të kësaj veprimtarie, të vënë në pahë vlerat e mëdha dhe meritat e Kupit, në luftën për çlirimin e vendit nga pushtuesit italian. Me pelegrinazhin e përvjetëshëm, ata vlersuan dhe i bënë nderime, figurës së këtij tribuni të nacionalizmit shqiptarë, por dhe figurave të tjera kombëtare, të cilat vdiqën në mërgim, por që rregjimi i Tiranës, i atemoi, i mbuloi me pëlhurin e harresës, dhe i mohoi me pa të drejt për më se gjysëm shekulli.

Nënkryetari i degës së Partisë Lëvizja e Legalitetit në Nuj Jork, z. Ahmet Hoti drejtojë solemnitetin e 36 vjetorit të vdekjes së Abaz Kupit. Në Homazhin tradicional, që u zhvillua mesditën e së shtunës në sallën e përkujtimeve të kompleksit të varrezave publike "Maple Grove Cementry" në Kew Graden(Queens), tha se "Jemi mbledhur në kë tubim, për të kujtuar Abaz Kupin, i cili është dhe do të mbetet, një nga ata shqiptarët e vërtet , simbol i rezitencës kombëtare, i burrërisë, dhe i nderit të familjes së tij."

Ceremonia, u hap me intonimin e Hymneve kombëtarë të Shteteve të Bashkuara të Amerikës dhe Shqipërisë, si dhe një minutë heshtje për të nderuar të gjithë të rënët , për liri, pavarësi e demokraci. "Me një nderim të veçantë, tha nënkryetari i degës së Partisë Lëvizja e Legalitetit në Nuj Jork, z. Ahmet Hoti me rastin e vdekjes së tij i japim një kujtim Mbretit Leka Zogu i I, burrit më të shquar të Kombit Shqiptarë".

> Lurian Mena, njëri ndër pinjollët e Meneve të Lurës, besnik të Mbretit të shqiptarëve, mbajti fjalën kryesore të këtij përkujtimi.

> Kur flasim për nacionalistin Abaz Kupi, permendi në fillim të fjalës së tij - Lurian Mena, nëkryetari i Forumit Rinor të Partisë, Lëvizja e Legalitetit në Shqipëri, tre janë tremat kryesore:Burrëria,Urtësia dhe Trimëria!

"Natyrisht, burrëria lidhet me aktin e 7 prillit, rezistencën e mrekullueshme, që Abaz Aga në krye të besnikëve të mbretit Zog, dhe me urdhër të tij, i bënë hordhive fashiste.... theksoi Mena, duke shtuar se atë ditë i u zbardh faqja shqiptarëve dhe Mbretërisë së tyre, atë ditë Abaz Kupi hyri në histori. Mbasi, ai së bashku ushtarët dhe oficerin Mujo Ulqinaku, i zbrapësën disa herë italianët, duke shkruar epopen që pati jeohonë të madhe në Europë dhe SHBA."

Në fjalën e tij Mena, tha se "Mbreti Zog kurrë nuk ia harronte burrërinë dhe besnikërinë që ai tregoi në atë luftë atij dhe Shqipërisë, por, nderin më të madh atë ditë Abaz Kupit ia bëri nacionalizmës shqiptare. Aq sa që nga ai moment aleatët tanë historik, gjithmonë ia njohën vlerat e luftës antifashiste të Abaz Kupit, e nëpërmjet tij dhe zogizmit e nacionalizmit shqiptarë, për këtë tha Mena, mjaftojmë të lexojmë librin e Xhulijan Emra, dhe të kuptojmë se me sa respekt dhe nderim ata kanë trajtuar atë si një mik i vërtet i perendimit.

Më tej ai tha se "Megjithse me ndihmën e aleatëve të perendimit, Kupi, arrin të largohet nga Shqipëria, para pushtimit komunist, fatkeqësisht, duke lënë pjesën më të madhe të familjes nën kthetrat e këtij pushtimi, mbasi prej këtu filloi edhe kalvari i emigrimit, të tij dhe sagës së vuajtjeve të gruas, të birit, dhe vajzave të tij - që mbeten nën Shqipërinë komuniste, për të cilën ju jeni të gjithë dëshmitarë, e mund të flisni më shumë, duhet thënë se e gjithë veprimtaria e tij dhe e familjes së tij në emigrim, është e përshkruar nga ajo besa dhe përkushtimi ndaj Mbretërisë, gjithmonë në shërbim të Shqipërisë"

Mirëpo, u shpreh Lurian Mena, nëkryetari i Forumit Rinor të Partisë, Lëvizja e Legalitetit në Shqipëri, ishin bishat e kuqe, që nuk i kursyen shpagën familjes së tij të ngelur në Shqipëri, me dekada në interrnime dhe burgjet famëkeqe të diktarurës, por, që ata, pinjoll të Abaz Kupit, që unë pata fatin të rritem me një pjesë të tyre në kampin e interrnimit në Gradishtë - Lushnje, kurrë nuk iu përulën presekutimit të egër komunist.

Në emër të shoqatës Vatra, foli kryetari i saj Dr. Gjon Buçaj. Në fillim të fjalës së tij Dr. Buçaj, tha se është nder për ne vatranët, të gjithë atdhetarët e patriotët, të nderojmë së bashku këtë figurë të shquar të nacionalizmit shqiptarë, duke përgëzuar familjen Kupi, mbrëtërorët dhe legalistëtët, që për çdo vjet organizojnë këtë ceremoni përkujtimore në SHBA. "Kupi, u shpreh Buçaj, është bërë simbol i qëndresës, kundra pushtimit fashist të Shqipërisë - prej Italisë fashiste".

> Më pas ai tha se Vatranët, do të vazhdojnë duke kujtuar gjeneral Abaz Kupin, ashtu si dhe figurat e tjera me vlera kombëtare, duke shprehur edhe respektin e nderimin tonë, për këto figura markante të çështjes kombëtare, me dëshirën që ato tani, të "riatdhesohen", pra, të marrin vendin e merituar në vendlindjen e tyre në Shqipëri.

Sipas, Dr. Buçajt, në një shtet që tashmë është i lirë prej komunizmit, edhe Legaliteti, duhet të "riatdhesohet", megjithse, Shqipëria, ende nuk është një vend krejt demokratik, sepse dhe vetë procesi i demokratizimit, të Shqipërisë, i atij tranzicioni të tejëzgjatur, është në zhvillim e sipër, por, me kënaqësi mund të themi; se ai po ecën, pak me më shpejtësi, se më parë".

> Kryetari i Vatrës Dr. Gjon Buçaj, foli edhe për bashkimin kombëtar. "Duke e nisur atë në mënyrë institucionale dhe demokratike, e cila fillon tha ai qysh me vlersimin dhe dhënë vendin e merituar edhe këtyre figurave kombëtare, dhe unismin e sistemit shkollor, aktiviteteve sportive kombëtare, me të gjitha trojet shqiptare, i paraprijmë bashkimit kombëtarë".

Kryetari i shoqatës Çamëria për SHBA, zoti Edrit Mergjushi duke shprehur kënaqësin që po merrte pjesë në këtë përkujtimore në nderim të gjeneral Abaz Kupit, e vlersoi Kupi, si një patriot të vërtetë, një atdhetar i vërtet, qëndrestar dhe simbol i luftës kundra fashizmit italian.

> "Figura të tilla; si Abaz Kupi dhe Teme Sejko, tha ndër të tjera Mergjushi, nga diktatura komuniste u lanë në harresë, por, kujtimi i tyre mbeti gjallë dhe është i pa harruar".

> Ish gazetari i Zërit të Amerikës, zoti Gjek Gjonlekaj, duke sjellur kujtime nga jeta e Kupit, kujtojë se këto vite të vedekjes së tij, janë 36 vjet, kur u "zhduk" si një meteorë nga kjo botë, Abaz Kupi. Vdekjen e tij e lajmëruan të gjitha radiostacionet shqiptare të asaj kohe,deri tek "Zëri i Amerikës" e kishin lajmin kryesorë, vdekjen e Abaz Kupit

> Sipas, Gjonlekës,"Abaz Kupi, është më i madh se sa e dimë të gjithë ne, më shumë se sa e dinë të gjithë shqiptarët, sepse, arkivat shqiptare të shtetit shqiptarë, qëndruan të mbyllyra pothuajse se 50 vjet, duke mos e lënë të studjohet aq sa duhet përsonaliteti i tij."

Megjithatë, Zoti Gjonleka, mendon se me rastin e 100 - vjetorit të pavarësisë së Shqipërisë, "Luani" i Krujës, e meriton të nderohet, sepse, sipas tij jo rastësisht ai ka lindur dhe ka vepruar thuajse tërë jetën, prej atij vendi; ku ka vepruar dhe luftuar Heroi ynë kombëtar, i gjithë kohërave Gjergjë Kastrioti - Skëndërbeu,

> Në fund, Gjonleka, sugjeroi, historianët dhe studiuesit shqiptarë, sidomos ata në Angli dhe SHBA, që të studion mirë rolin dhe kontributin e Abaz Kupit, në luftën për liri dhe bashkimin kombëtar. Kthimin e Abaz Kupit në Krujë, ai e quajti si "kthmin e dytë të një figure kaq të madhe, nga SHBA, mbas asaj të Faik Konicës, në 1995, në Shqipëri - duke shtuar se me nderimin e këtyre figruave, nderohet kombi shqiptarë, pra, nderohemi edhe vet ne, nderohet e gjithë Shqipëria".

> Ceremonin e përkujtimit të të figurës Abaz Kupit, vijojë me fjalë përshëndetëse nga të pranishmit

> Shkrimtari Hasan Kostreci, duke folur në këtë përkujtimore, tha se ai ka qenë i frymëzuar gjatë viti 2011, me disa ngjarje, të cilat lanë vend në mremorien e tij. Në këtë kontekst ai përmendi edhe librin e Blendi Fevziut "Enver Hoxha", duke e konsideruar atë një ngjarje të madhe, sipas tij për të presekutuarit.

"Mbasi, libri i Fevziut, për diktatorin Hoxha, u shpreh zoti Kostreci, ishte libri i parë, që mbas 20 vjetësh me fakte e demaskon diktatorin Enver Hoxha". Për këtë dhe rëndësia e këtij libri, ishte e justifikueshme, në Shqipëri, Kosovë, Maqedoni, e tjerë, dhe kjo rëndësi duhet t'i jepet edhe këtu në SHBA, mbasi aty janë emrat edhe të figurave të tilla si Abaz Kupi", tha zoti Kostreci, i cili është vetë autor i disa librave dhe shkrimeve me këtë temë.

> Tubimi komemorativ u mbyll me një falemnderim nga i biri i Abaz Kupit, Fatbardh Kupi, i vetmi djalë i Abaz Kupit, që mbeti në Shqipëri, dhe nuk pati fat që t'i hidhte një dorë dhe të atit. Djali i nacionalistit të flakët të luftës së Dytë Botërore Abaz Kupi,(Fatbardhi(Bardhi) ka qenë i burgosur politik, i cili qe dënuar vite më parë, me akuzën e ngritur kundër e tij nga Filip Çakulli, kur ai ishte gjimnazist. Ai do të dënohej nga ekspertiza letrare e Çakullit, me 8 vjet burg, për një hartim të tij në gjimnaz, me titull “Gëzuar Vitin e Ri”).

> Homazhi tradicional, që u zhvillua mesditën e së shtunës në varrezat publike "Maple Grove Cementry" në Kew Graden(Queens) ku morën pjesë anëtarët e familjes e Kupi,- nipa e mbesa, të afërm të tij, atdhetar, patriot, demokrat shqiptarë në mërgim, mbretëror dhe legalista, u zhvendos pranë varrit ku prehen eshtrat e gjeneral Abaz Kupit. Aty ata vendosën kurora me lule të freskta dhe buqeta lulesh, në emër të tyre.

> Kurora me lule të freskëta, u vendosën nga familja Kupi, Ndreca, Dani dhe partia Lëvizja e Legalitetit. Ndërsa, nën kryetari i partisë Lëvizja e Legalitetit, zoti Ahmet Hoti, lexojë një poezi shkruar për Abaz Kupin nga një bashkëqytetar i tij - zoti Lutfi Qesja. Kujtime nga jeta e Abaz Kupit dhe familjes Kupi, solli para varrit të tij edhe veprimtari i dalluar i komunitetit, zoti Zef Balaj.

"Po e mbyllim këtë përkujtimore para varrit të gjeneral Abaz Kupit, tha kreu i Legalistëve në New York, Hakik Mena, duke ju falenderuar për pjesmarrjen, dhe në të njëjtën kohë duke bërë thirrje për të punuar pa mëdyshje drejt bashkimit kombëtar, si e vetmja alternative kombëtare, e cila duhet të jet në projektin e çdo formacioni politik shqiptar, e në veçanti çështja e shenjtë e Çamërisë, e cila është pjesë thelbësore e finalizimit të bashkimit kombëtar dhe kërkon përqëndrim më të madh energjish, sot për sot më shumë se në çdo trevë tjetër etnike shqiptare, duke pas parasysh faktin se çështja e Çamërisë lë shumë për të dëshiruar në krahasim me viset e tjera etnike shqiptare, e sidomos krahasuar më atë të Kosovës, e cila ka avancuar kënaqshëm, por që ne legalistët e shohim të përfunduar vetëm atëhere kur t'i bashkohet Shqipërisë Londineze."

Familja Mulosmani, shoqëruar nga miq e dashamirë të kësaj familje, bëri homazh e kreu një lutje fetare në varret e patriotëve, nacionalistëve të nderuar, ish- Ministrit të Oborrit Abedin Mulosmanaj, Hysen Mulosmanaj dhe Skënder Mulosmanaj, të cilat ndodhen në të njëjtin kompleks varrezash.

Abaz Kupi (Bazi i Canës)

Lindi në Krujë më 1891 dhe u edukua me ndjenja patriotike. Me formimin e qeverisë kombëtare të Lushnjës, së bashku me Bajram Currin e Ahmet Zogun ai mori pjesë në luftën kundër malazezeve në Koplik. Shërbeu si komandant i xhandarmerisë në Kruje me gradën e kapitenit. Më vonë u gradua major dhe shërbeu në Durrës. Në ditët e agresionit fashist italian kundër vendit tonë, më 7 prill 1939, A. Kupi udhëhoqi qëndresën e repartit ushtarak te Durrësit. Me pushtimin e Shqipërisë u largua në Turqi. Me ndihmen e një oficeri anglez shkoi në Jugosllavi për të formuar Frontin e Rezistencës me përkrahjen e ambasadës angleze në Beograd. Pas pushtimit të Jugosllavisë nga gjermanët, së bashku me Gani Kryeziun e Mustafa Gjinishin, Kupi u rikthye në Shqipëri për të organizuar qëndresën kundër pushtuesit.

Abaz Kupi ishte një nder organizatoret dhe pjesëmarrësit kryesore të Konferencës së Pezës të mbajtur më 16 shtator 1942 dhe u zgjodh anëtar i KANC. Me idenë e zgjerimit dhe të forcimit të frontit të përbashkët të luftës antifashiste, ai u bë nismëtari Konferencës së Mukjes të mbajtur në datat 1-2 gusht 1943 për të arritur bashkëpunimin midis Frontit Nacional çlirimtar dhe Ballit Kombëtar. Kur E. Hoxha hodhi poshtë Marrëveshjen e Mukjes, Abaz Kupi u largua nga Fronti dhe në nëntor 1943 formoi Legalitetin. Pas kësaj udhëheqja e PKSH urdhëroi asgjësimin fizik të Abaz Kupit. Megjithatë ai iu shmang luftës civile të nxitur nga komunistet. Në fillim te nëntorit 1944 u largua nga atdheu. Në emigracion u aktivizua në komitetin "Shqipëria e Lire".

Vdiq në 9 janar 1976 në Queens, New York - SHBA.

-------------------------------------------

Cérémonie commémorative à New-York