Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Tiranë, më 28 mars 2012

Deklaratë për media

Dje, Delegacioni i Bashkimit Evropian në Shqipëri bëri një deklaratë ku përmendet partia “Lëvizja e Legalitetit” dhe kryetari i saj z. Ekrem Spahiu.

Krahas shqetësimit të arsyeshëm që shprehet në deklaratën e Delegacionit të Bashkimit Evropian në Shqipëri, me keqardhje vëmë re se ka një nxitim të habitshëm për t’ju referuar partisë Lëvizja e Legaliteti dhe kryetarit të saj z. Spahiu.

Ky referim është bërë në kuadër të një mjegullnaje mediatike dhe kur ndaj z. Spahiu është bërë një kallëzim penal. Thënë ndryshe, Delegacioni i Bashkimit Evropian në Shqipëri ka reaguar duke ju referuar burimeve të pasigurta e të paprovuara si edhe, një deklaratë te tillë e konsiderojme presion ndaj organeve të drejtësisë shqiptare.

Duke marrë shkak nga tërësia e deklaratës së djeshme të Delegacionit të Bashkimit Evropian në Shqipëri, është rasti të kujtojmë se orientimi pro Perëndimor është cilësi e  kahershme e PLL dhe kombit shqiptar. PLL mendon se integrimi jonë në BE nuk duhet të cenojë identitetin tonë kombëtar deri në atë masë sa tu japim qytetari fenomeneve që deri tani kanë qenë të huaja dhe janë të papranueshme nga shumica dërrmuese e shoqërisë shqiptare.

Së fundmi, por jo nga rëndësia, ne urojmë që Delegacioni i Bashkimit Evropian në Shqipëri të tregojë të njëjtin zell për të kërkuar prej autoriteteve shqiptare edhe dënimin e krimeve të komunizmit, rehabilitimin dhe dëmshpërblimin e ish të burgosurve dhe përndjekurve politikë, garantimin dhe rikthimin e pronës pronarëve të ligjshëm, garantimin e votës së lirë dhe një procesi zgjedhor të ndershëm, çështje këto mjaft të rëndësishme, të debatuara dhe për të cilat gjithashtu ka edhe dokumente ndërkombëtare.

Artan Tujani
Sekretar i Përgjithshëm i PLL 

---------------------------------

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Pershendetje,
Me poshte do te gjeni fjalimin qe zv-kryetari i PLL, Z. Sulejman Gjana, mbajti ne takimin e organizuar nga ish-te burgosurit politike sot më dt. 25 mars 2012, në ora 6.00 pasdite, te kinoklubi në Laprakë

Zyra e shtypit e PLL

Tiranë, më 25 mars 2012 

Të nderuar Zonja dhe Zotërinj,

Motra dhe vëllezër,

Është një gëzim i madh dhe kënaqësi shpirtërore që gjendem sot në mesin tuaj, në përgjegjie të ftesës që më bëri miku im, Z. Gjergj Ndreca.  E ndjej veten të lumtur sot, sepse jam pikërisht në gjirin e familjes time, bashkë me ju ish-të burgosur dhe të përndjekur politikë, që vuajtëm padrejtësisht burgime, internime, pushkatime, asgjësime dhe të gjitha të zezat që një sistem gjakatar, siç ishte sistemi komunist, mund t’ia imponojë shtresës më fisnike të shoqërisë, për të vetmen arsye se ne nuk pajtoheshim me atë sistem.

Për fat të keq, vuajtjet dhe padrejtësitë që i janë bërë shtresës tonë asnjëherë nuk janë marrë seriozisht dhe nuk janë trajtuar siç duhet nga shteti shqiptar, edhe pas ndryshimeve demokratike të fillim viteve 90.  Shumë premtime janë bërë dhe shumë pak janë mbajtur dhe respektuar; madje, edhe më pak janë materializuar dhe janë kthyer në veprime konkrete.

 Qeveritë shqiptare të pas viteve 90, si pasuese të sistemit komunist, kanë pranuar trashëgiminë e pushtetit por, edhe pas 20 viteve të demokracisë, nuk po pranojnë trashëgiminë e dëmeve që i janë bërë ish-të burgosurve dhe përndjekurve politikë në emër të shtetit.  Shpesh herë është përdorur mashtrimi, sidomos në fushata elektorale, dhe ish-të burgosurit dhe përndjekurit politikë janë treguar fisnikë, duke besuar dhe pritur që shteti të mbajë përgjegjësitë e veta dhe të gjejë rrugën e duhur për t’i treguar shoqërisë shqiptare, se këta shtresa ishin sakrifikuar pikërisht sepse donin liri dhe demokraci.

 Këto vlera dhe virtyte nuk u përkasin vetëm disa politikanëve të vendit, por u përkasin në rradhë të parë ish-të burgosurve dhe përndjekurve politikë ; u përkasin atyre që dhanë jetën në luftë kundër komunistëve në vitet ‘40, që mos të vijë në pushtet ky sistem barbar; u përkasin të arratisurve politikë që nuk kursyen asnjë përpjekje për ndryshimin e sistemit komunist gjatë viteve të diktaturës.

Pra demokracia, nuk erdhi në një ditë duke ngritur dy gishta lart, por ishte një proces kohor ku të gjithë dhamë kontributin tonë dhe sidomos ish-të dënuarit politikë me revoltat e tyre në burgje e miniera.

 PLL ka mbrojtur gjithnjë shtresën e ish-të burgosurve dhe përndjekurve politikë dhe do të vazhdojë në këtë rrugë sepse ka lidhje organike me këtë shtresë, pasi ka ndarë vuajtjet bashkërisht me ju.

 Ne nuk jemi për hakmarrje, por besojmë se Shqipëria ka nevojë të mbyllë një herë e përgjithmonë faqen e historisë së errët të komunizmit.  Dhe kjo do të realizohet vetëm :

·        kur shteti shqiptar të dënojë zyrtarisht sistemin komunist,

·        kur të dalin para drejtësisë ideatorët e atij sistemi, autorët e luftës civile gjatë LDB që vranë dhe persekutuanë mijëra patriot nacionalistë,

·        kur të dalin para drejtësisë aparatçikët e periudhës së diktaturës komuniste, si dhe të gjithë ata që ushtruan dhunë fizike ose psikologjike në popull gjatë periudhës së diktaturës komuniste.

 Vendi dhe populli jonë do të jetojnë në paqe me vetveten, vetëm kur të dëmshpërblehen dhe rehabilitohen të gjitha viktimat e diktaturës komuniste dhe, në radhë të parë ish-të burgosurit dhe përndjekurit politikë.  Duhet t’i japim fund një herë e përgjithmonë deklaratave demagogjike me synim elektoral, por të veprohet konkretisht.

 Rehabilitimi i viktimave të komunizmit nuk kalon vetëm nga dëmshpërblimi i plotë dhe i drejtë i ish-të burgosurve dhe përndjekurve politikë por edhe :

·        Kur shteti do të krijojë lehtësira për shkollimin brenda dhe jashtë vendit, të pasardhësve të viktimave të diktaturës komuniste duke u dhënë prioritet në bursat shtetërore,

·        Kur t’u jepet përparësi këtyre shtresave në të gjitha privatizimet e ndërmarrjeve shtetërore duke u ofruar, p. sh. kredite pa interes për afate kohore të caktuara,

·        Kur të krijohen kushte favorizuese për punësimin e këtyre shtresave duke hequr, p. sh. të gjitha detyrimet shoqërore për personat që do të punësohen në firmat private, etj…

Dikush mund të thotë se shteti nuk disponon mjete financiare të mjaftueshme dhe se duhet të presim akoma. Por pse të presin ish-të burgosurit dhe përndjekurit politikë ose pse të mashtrohen me letra me vlerë që nuk kanë asnjë vlerë, kur shteti mund të verifikojë lehtësisht pasuritë e ish-pushtetarëve komunistë dhe të familjarëve të tyre dhe t’ua sekuestrojë këto pasuri në rast se ato janë siguruar falë lidhjeve të tyre me pushtetin komunist.  Me ato pasuri mund të dëmshpërblehen lehtësisht ish-të burgosurit dhe përndjekurit politikë.

Për këtë, natyrisht, duhet të ekzistojë vullneti politik, angazhimi i qeverisë dhe vendosmëria e politikanëve.

Unë ju siguroj, në emër të PLL, se kauza e juaj është edhe e jona dhe se nuk do të kursejmë asnjë energji që, së bashku me ju, të triumfojë e drejta e jonë.

Ju uroj suksese në realizimin e qëllimeve tona të përbashkëta dhe ju garantoj se mbështetja jonë nuk do të mungojë sa herë që do të kemi mundësinë. 

Ju falemnderit,

Sulejman Gjana

Zv-kryetar i PLL

------------------------------------------------------

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Tirane, me 24 mars 2012

Deklarate per shtyp

Dje, permes nje deklarate, zyra e Avokatit te Popullit kerkoi prej kryetarit te PLL z. Ekrem Spahiu qe “te kerkoje ne menyre urgjente ndjese publike” per nje citim qe i eshte bere atij nga nje gazete e perditshme ne lidhje me nje manifestimin te pritshem te LGBD-ve.

Pertej natyres jo-formale dhe vertetesise se citimit qe gazeta i ka bere zotni Spahiut, Partia “Levizja e Legalitetit” shpreh publikisht qendrimin e saj se eshte kunder cdo aktiviteti qe promovon antivlera, cenon moralin shoqeror dhe fyen ndjenjat e kombit. Cdo manifestim i LGBD-ve hyn ne kete percaktim.

Duke e konsideruar cdo devijim seksual si ves, fatkeqesi ose mallkim, PLL  shprehet e vendosur per t’i prere rrugen e qytetarise ketij fenomeni  me pasoja dekadente dhe shkaterruese per individin, vlerat tradicionale, shenjterine e familjes, moralin e shendoshe dhe percaktimin hyjnor.

Pas ketij rideklarimi te PLL qe eshte ne vazhden e deklarimeve edhe te meparshme e ne perputhje me programin e saj, eshte e panevojshme qe t’i pergjigjemi Avokatit te Popullit se kerkesa e tij ultimative eshte drejtuar gabim, eshte e papershtatshme dhe, per pasoje, e papranueshme. Por e gjejme me vend t’i kujtojme se ai eshte institucioni i Avokatit te Popullit (shqiptar), interesat e se cilit duhet t’i kete paresore me shume se protagonizmi i panevojshem.

Artan Tujani

Sekretar i Pergjithshem i PLL

http://www.balkanweb.com/gazetav5/artikull.php?id=113080