http://www.balkanweb.com/gazetav5/artikull.php?id=115006

Fatmira Nikolli

Skënder Xhelal Zogu është djali i vëllait të mbretit të shqiptarëve. Ndonëse e ka kaluar gjithë jetën e tij jashtë vendlindjes, është tejet i lidhur me Shqipërinë, çka e dëshmon në fillim gjuha. Flet një shqipe në gegnisht, shumë të këndshme, që herë-herë të kujton dokumente e urdhëresa të kohës së mbretërisë. Ai vjen në "Gazeta Shqiptare" në një intervistë për jetën e mbretit Zog në ekzil. Rrëfimi i tij nis nga vetja, për të vijuar me një rrëfim mbi ikjen e mbretit në prill 1939, jetën e tij mes Londrës, Francës e Egjiptit, njerëzit që takonte e bisedat që bënte Mbreti, mbledhjet familjare e këshillat që i ka dhënë në vegjëli. Por, veç anës së mbretit si familjar, z. Zogu iu përgjigjet edhe pyetjeve tona mbi mënyrën se si interesohej mbreti në ekzil për fatin e Shqipërisë? Kush ishin kontaktet e mbretit? Cila është e vërteta e bisedimeve Zogu-Tito më 1952? Pse shprehet se ish-shefi i Sigurimit, Hasan Luçi gënjen mbi njerëzit e mbretit dhe pse ua adreson miqve të Luçit dhunimin e varrit të Zogut? Përveçse nip i mbretit, Z.Skënder ka bashkëpunuar me Lekën I dhe ka qenë për gati 20 vite kryetari i Zyrës së Shtypit të Oborrit Mbretëror. Intervista e tij sjell detaje interesante edhe për Kim Philby (Kim Filby) dhe për mendimet e Zogut mbi Enver Hoxhën.
Z. Zogu, a mund të na thoni si fillim, cila është lidhja juaj familjare me Mbretin Zog?
Unë jam nipi i tij, djali i vëllait të madh, Princ Xhelal Zogut dhe zonjës Faika Minxholli nga Delvina. Kam lindur në Svizer(Davos) më datë 3.6.1933. Nëna ime ishte shumë sëmurë dhe pas vdekjes së saj, unë e motra ime Elvira, jemi rritur pranë familjes mbretërore me hallat tona, princeshat dhe afër Mbretit Zog, sipas dëshirës së tij sepse babai u martua përsëri me zonjën Hyrijet Allaj nga Elbasani, e cila më vonë na ka rritur me shumë kujdes dhe dashuri, 6 motrat e vëllezërit. Pasi ikëm nga atdheu më 7 Prill 1939 me babain tonë e një grup nacionalistësh në drejtim të Shkupit, ku ndenjëm pak kohë, shkuam në Stamboll ku u bashkuam me Familjen Mbretërore. Unë isha 6 vjeç dhe e mbaj mend Mbretin Zog I, Nënën Mbretëreshë, Geraldinën dhe princeshat, sepse kujdestarja jonë austriake Maria, çdo 2 ditë na çonte tek mbreti, i cili na priste për gjysmë ore dhe na falte si peshqeshe lodra. Ai i donte fort fëmijët. Nëna mbretëreshë, Sadije Toptani, që kishte rritur babain tonë, këshilloi që ne të dyve t'na merrnin në Pallat. E mbaj mend dasmën dhe ditën e zezë, 7 Prillin, ku avionët fashistë hidhnin trakte sipër Tiranës. Babai im vendosi të jetonte në Stamboll, ndërsa Mbreti Zog me pjesëtarët e tjerë të familjes u nisën për në Evropë. Gjatë Luftës së Dytë Botërore, kemi jetuar në Stamboll me ndihmën e Mbretit Zog. Unë mbarova shkollën e mesme dhe në vitin 1947, Mbreti, që ishte stabilizuar në Egjipt, na mori pranë tij në Aleksandri.
Si e mbani mend ju mbretin? Cilat janë kujtimet, takimet, bisedat, këshillat, 'urdhrat" që ju ka dhënë?
Gjithë ekzistencën tonë ia kemi borxh Mbretit dhe Mbretëreshës Geraldinë, që na edukuan në shkolla të huaja dhe mua më siguruan studimet e larta në Angli (1955-60) ku u diplomova Inxhinier kimist në degën Tekstil. Ne ikëm nga Shqipëria me shumë pak mundësi materiale por me një shpresë të madhe, që të kthehemi në atdheun tonë sa më shpejt! Kur takoheshim me Mbretin, ai na thoshte të studionim e të punonim mirë se një ditë kombi ynë do të ketë nevojë dhe detyra jonë si të rinj është të mbajmë shqiptarizmin. Na kërkonte të mësonim mirë gjuhën shqipe por edhe gjuhë të huaja dhe unë mësova turqisht, anglisht, frëngjisht, gjermanisht, arabisht, etj. në sajë të familjes. Këto kanë qenë udhëzimet e mbretit. Në vitin 1955 u largova nga Egjipti me Familjen Mbretërore dhe ikëm në Francë (Cannes).
Si ishte një ditë e zakonshme e mbretit në ekzil dhe a keni qenë ju me të gjatë ekzilit?
Një ditë e zakonshme e mbretit në Aleksandri (Egjipt) fillonte me pritjet në mëngjes të personaliteteve të vendit dhe ambasadorët e huaj të Anglisë, Francës, Turqisë, Shteteve të Bashkuara, Arabisë Saudite, etj. Pasdite mbreti kishte takime me personalitete shqiptare si Mehdi bej Frashëri, Ali bej Klisura, Prof.Omer Beshiri, Mustafa Kruja, inxhinier Ago Agaj, etj dhe me këshilltarë të veçantë si mbretëresha Geraldinë, ministri i Oborrit Sotir Martini, shambeelenin Kemal bej Mesare, kryetarin e Gardës mbretërore Kolonel Hysen Selmanin, etj. Ne e festonim çdo vit në pallat 28 Nëntorin me prezencën e kolonisë shqiptare dhe me kryetarin e Legatës Shqiptare mbretërore z.Abdyl Sukla. Në këto raste, ne fëmijët me Princ Lekën këndonim Himnin e Flamurit si dhe një këngë që na e kishte mësuar nëna, "Edhe flamuri Kuq e Zi do të valojë përsëri në Kosovë dhe Çamëri".
Në vitin 1952 situata ndryshoi në Egjipt: Revolucioni i oficerëve nën kryesinë e gjeneral Naguip, bënë grusht shteti dhe e detyruan mbretin Faruk me origjinë shqiptare të largohej. Mbreti Faruk e kishte respektuar mbretin Zog I dhe e kishte lënë hapur Legatën Shqiptare në Kajro. Përveç kësaj, Mbreti Zog gëzonte një kredibilitet të madh dhe diplomatët e huaj e politikanët egjiptianë vinin shpesh për t'u konsultuar. Kjo e trazonte regjimin e ri dhe nën pretekstin se Ahmet Zogu gjoja mundohej të merrte pushtetin në dorë e mbyllën Legatën tonë, njoftuan qeverinë e Tiranës dhe na bllokuan me probleme. Mbreti me një deklaratë që bëri në një agjencitë huaj tha: "Unë dhe familja ime i jemi mirënjohës popullit dhe qeverisë egjiptiane për nderin që na kanë bërë. Unë veproj vetëm e vetëm për interesat e kombit shqiptar dhe shpresa ime është çlirimi i popullit tonë nga regjimi marksist i Enver Hoxhës". Gjatë kohës që Familja Mbretërore qëndroi në Egjipt, Mbreti dhe Mbretëresha janë takuar në prezencën e Mbretit Faruk për herë të parë me Mbretin Simeon dhe Mbretëreshën Giovanna të Bullgarisë, si edhe me mbretin Pjetër të Jugosllavisë, mbretin Viktor Emanuel të Italisë. Më vonë ka pasur kontakte të ngushta me mbretin e Arabisë dhe me atë të Jordanisë. Mbas një kohe të vështirë, qeveria e re egjiptiane e Nasserit, e lajmëroi Mbretin se ai dhe familja tij janë gjithmonë të mirëpritur. Këtu ka ndërhyrë ish-Kryeministri i Sirisë, Z.Shukri Kuvatly, që ishte miku i Mbretit.
Si i merrte informacionet për Shqipërinë Zogu? Kishit një kontakt tuajin këtu? Kush ishte? Si komunikonit me kontaktet tuaja në Shqipëri?
Kontaktet që kishte ishin përmes Kolonel Hysen Selmanit. Unë nuk kisha dijeni. Fatkeqësisht, Mbreti u sëmur rëndë dhe u detyruam të niseshim për në Francë. Gjatë kohës që unë kaloja për pushime te familja mbretërore në Kanë kisha oportunitet të merrja pjesë në disa biseda, isha 22-23 vjeç. Mbreti me këshilltarët e tij pranonte shumë vizita nga refugjatët shqiptarë që iknin nga Shqipëria dhe merrte mendimet e tyre për situatën e brendshme e vuajtjet e popullit nën komunizëm. Konfidencialisht merrte lajme nga emisionet e Radios "Evropa e lirë" (dega e Qipros) ku punonte nipi i tij, komandant Hysen Doshishti Agolli. Kush ishin kontaktet e tij, unë nuk isha në dijeni. Këtë detyrë e kishte Kolonel Hysen Selmani.
Sa dhe si është përpjekur mbreti në ekzil ta ndihmojë Shqipërinë? A ka pasur tentativa që të rrëzojë regjimin totalitar të Enver Hoxhës? Si?
Përpjekjet e mbretit për të çliruar Shqipërinë nga regjimi komunist... Këtu duhet të përmendim si fillim, projektin e anglo-amerikan për të zbarkuar komandat nacionaliste shqiptare të formuara nga Partia e Legalitetit, Partia Balli Kombëtar e Komiteti 'Shqipëria e Lirë' që u krijua në Romë dhe vazhdoi në Amerikë me personalitete të ndryshme që morën pjesë në aksione ushtarake. Mbreti Zog pranoi një kusht: Po të çlirohet atdheu, të organizohet një referendum për zgjedhjen e regjimit, monarki apo republikë. Është për t'u shënuar se gjatë Luftës II Botërore, personalitete si Imzot Fan Noli dhe z.Faik Konica dekretuan se i vetmi person politik që mundet të luajë një rol me rëndësi në Shqipëri ishte Mbreti Zog. Kjo pozitë kishte rëndësi për opinionin anglo-amerikan. Gjatë qëndresës së tij në Angli, mbreti veproi në favor të formimit të një qeverie nacionaliste në mërgim për të çliruar atdheun nga fashistët dhe nazistët. Fatkeqësisht, presioni i qeverive në mërgim të Jugosllavisë dhe Greqisë, e penguan këtë veprim të Mretit Zog dhe ky qe shkaku që ai u largua nga Anglia dhe u nis për Egjipt. Historia "Tradhtia e madhe" e spiunit anglez Kim Philby, i pengoi gjithë ndërhyrjet ushtarake në vitet 1949-'50 dhe mbreti vazhdoi me anën e diplomacisë luftën kundër regjimit enverist. Nëna Mbretëreshë Geraldinë, ndërhyri pranë Familjes Mbretërore belge për të pranuar mijëra refugjatë shqiptarë për azil politik.
Në "Gazeta Shqiptare", studiuesi Auron Tare ka botuar disa dokumente të sapo deklasifikuara amerikane që flasin për bisedime mes Mbretit Zog, CIA-s dhe Titos, për të rrëzuar regjimin komunist në vitin 1952... Si nisën këto bisedime?
Pas Luftës së II Botërore, nëse analizojmë situatën politike të Jugosllavisë ka dy pika që na tërheqin vërejtjen: 1) Marrëdhëniet midis Titos dhe Enver Hoxhës (që njëkohësisht kishin bashkëpunuar) u shkëputën; 2) Tito u largua nga Blloku Sovjetik dhe kishte relata të mira me perëndimin. Në atë kohë, anglo-amerikanët që përgatitnin zbarkim në Shqipëri me forcat nacionaliste kishin ndërmend të merrnin përkrahjen e Titos. Mbreti Zog nuk ka pasur as një lidhje ose komunikim me Titon. Ai e dinte se Jugosllavia, edhe nën Titon, me ministrin e Brendshëm Alexander Rankovic, vepronte egërsisht kundra shqiptarëve në Kosovë dhe në Maqedoni. Rastësisht në vitin 1956 në Kanë të Francës, jam ndodhur në tavolinë për drekën që u shtrua me rastin e vizitës së z.Julian Amery (më vonë Lord Amery) që kishte ndihmuar forcat e Abaz Kupit kundra gjermanëve. Ka qenë misioni anglez që përkrahu forcat nacionaliste dhe veçanërisht forcat zogiste kundra regjimit komunist. Ai ngriti fjalën në favor të Titos dhe deshi t'i merrte një mendim mbretit për të. Mbreti i tha: "Shikoni, Jugosllavia nën regjimin mbretëror në kohën e Mbretit Aleksandër, mbaj mend se e konsideronte projektin paraqitur nga akademiku serb Cubrilovic që ishte përjashtimi i shqiptarëve nga Kosova dhe nga Maqedonia në vitin 1937; dhe tani me Rankoviçin Tito po vazhdon të njëjtën politikë, sulmon shqiptarët". Mbreti me këto fjalë kallëzonte se nuk kishte besim dhe asnjë dëshirë për të pasur komunikim me Titon!
Dosjet e CIA-s flasin për bashkëpunim... Në një prej këtyre dokumenteve, thuhet se ndërmjetës në bisedimet CIA-Zogu-Tito ishte një njeri i quajtur Safet Lufti Tozan dhe se bisedimet do të zhvilloheshin në Turqi... Kush ishte ky personazh dhe pse ishte një njeri kaq i besuar për mbretin?
Po vijmë te dosjet e CIA-s. Mos harroni se spiuni anglez Kim Philby përpara se të merrte përsipër "operacionin" e zbarkimit të forcave nacionaliste shqiptare ka bashkëpunuar në Amerikë me CIA-n dhe jetoi disa kohë atje. Sipas Lord Bethell-it, Philby i kishte falsifikuar dokumentet sekrete dhe argumentet false se Mbreti Zog ka marrë thirrje nga Tito. Kuptohet se si Philby jo vetëm tradhtoi shqiptarët që dhanë jetën për liri dhe demokraci, por i mashtroi anglo-amerikanët. Mbretëresha Geraldinë e zbuloi tradhtinë por fatkeqësisht ishte vonë. Shumë patriotë shqiptarë ranë në duart e komunistëve dhe u dënuan me vdekje. Për sa i takon personit Safet Lutfi në Turqi, nuk ka ekzistuar fare. Kontakt i mbretit Zog në Turqi në kohën e luftës ka qenë diplomati i rëndësishëm z.Asaf Xhaxhuli, që ka mbajtur hapur Legatën Mbretërore në Turqi deri në vitin 1950 kur erdhi në pushtet Adnan Menderesi. Zoti Asaf Xhaxhuli ka qenë miku i ngushtë i Kemal Ataturkut dhe ka kontribuar për forcimin e miqësisë shqiptaro-turke. Pas luftës, Mbreti Zog komunikonte në Turqi me anëtarë të familjes së tij, dega e Zia pashë Zogollit që dhe sot jetojnë në Stamboll (familja Ergun Zogu që ashtë nipi i Zia pashës dhe kushëriri ynë).
A e kontaktonin shtete të tjera mbretin për këshilla e mendime mbi Shqipërinë apo mbi Hoxhën?
Kur mbreti ishte në Kanë në vitin 1958, i dërgoi urime Presidentit të ri të Francës, Charles de Gaulle. Ai iu përgjigj dhe konfirmoi statusin diplomatik të Mbretit dhe të familjes tij në Francë. Lidhjet me mbretërit e Mesdheut vazhduan normalisht. Mbreti për shkak të shëndetit ishte i lodhur por gjithmonë u kujdes për situatën në Shqipëri dhe në Kosovë. Mërgatat Shqiptare të Amerikës, Belgjikës, Francës dhe Australisë dërgonin përfaqësuesit e tyre për të vizituar Mbretin. Ai përpara të huajve nuk shprehej për Enver Hoxhën, por jepte mendimin e tij se regjimi komunist e kishte izoluar atdheun tonë dhe vuajtjet e popullit e preknin në zemër.
Shumë veta janë shprehur se Shqipërinë e braktisi perëndimi në një farë kohe. Ju ç'mendim keni për këtë? Po Familja Mbretërore çfarë thoshte?
Është e drejtë të themi se perëndimi nuk e ndihmoi Shqipërinë, ai mbeti karshi pushtimit italian, gjerman dhe më vonë kundra komunizmit. Preokupimi kryesor i anglo-amerikanëve ishte shpëtimi i Greqisë nga komunizmi. Nga ana tjetër, perëndimi nuk pranonte shkatërrimin e Federatës Jugosllave dhe pengonte aksionet diplomatike të mbretit për bashkimin e trojeve shqiptare (Kosovë, Çamëri etj.) Dëshiroj të theksoj se në kohën e Ahmet Zogut (Republikë dhe Monarki) të drejtat e kosovarëve ishin përfaqësuar në parlamentin shqiptar me 3 deputetë.
A është penduar dhe si e ka shprehur pendesën për ikjen nga Shqipëria në prill të 1939-ës? Mbase ajo ikje ndikoi që ai të mbetej gjithë jetën larg Shqipërisë por edhe në sistemin politik që u implementua pas 1945-ës...
Mbreti me aprovimin e Parlamentit në Prill 1939 braktisi Shqipërinë për të vazhduar në mërgim luftën kundra okupatorit. E njëjta gjë ndodhi me mbretërit e Greqisë, Jugosllavisë, Rumanisë dhe Bullgarisë që ikën në ekzil. Nuk kishte kuptim t'i dorëzohej armikut. Heroi kombëtar Abaz Kupi dhe ushtaraku patriot Ulqinaku dhanë provën që Familja Mbretërore nuk e pranonte pushtimin e huaj. Familja Mbretërore vazhdoi qëndrimin kombëtar për interesat shqiptare gjatë kohës ekzilit në Londër, Egjip dhe Francë ku Mbreti Zog ndërroi jetë dhe mbreti Leka I mori përsipër detyrën sipas sloganit "Atdheu mbi të gjitha"!
Hasan Luçi (ish-shefi i Sigurimit), në një intervistë për "Gazeta Shqiptare", ka përmendur emra të veçantë që kanë bashkëpunuar me të, njerëz të Legalitetit si për shembull kryetari i Partisë së Legalitetit të Belgjikës Andon Konomi, ashtu siç flet për kuzhinierin apo bodiguardin e vetë Mbretit... Ju çfarë dinit për këta? Kishit frikë nga Sigurimi Shqiptar ose si e "kontrollonit" atë?
Epo le të vijmë te spiuni Hasan Luçi, që me shumë gënjeshtra është munduar të diskreditojë rrethin e Mbretit Zog. Ky person nuk e pati kurajën të thoshte se pasi hëngri një dru (dajak) nga i riu Hyllë Spahiu në atë kohë, u përjashtua nga autoritetet franceze si person 'non grata'! Ky person kërcënonte refugjatët shqiptarë për t'i bindur të ktheheshin në Shqipëri. Më vonë, miq të Hasan Luçit në Ambasadën Shqiptare në Paris, prishën varrin e Mbretit Zog në Thiais, por nuk arritën të shkatërronin kufomën. Varri i mbretit Zog ishte një simbol i lirisë dhe demokracisë ku çdo vit mblidheshin më 9 Prill, qindra legalistë dhe nacionalistë shqiptarë, për homa-zhe ndaj veprës dhe jetës së sovranit. Mbretëresha Geraldinë më ngarkoi të ankohesha me anën e avokatit kundra këtij akti barbar. Kur më pyeti Agjencia "France Presse" sqarova se "bota e di mirë se komunistët nuk respektojnë të drejtat e njerëzve të gjallë, tani keni një provë tjetër, se as të vdekurit nuk i respektojnë".
Tani po ju sqaroj të vërtetën për personat që ai i ka përmendur si bashkëpunëtorë të tij. Si fillim, kuzhinieri i oborrit mbretëror, zoti Zejnel Cami ka qenë një antikomunist dhe një i bindur ndaj mbretit. Ai gatuante për Familjen Mbre-tërore, e po të besoni versionin e spiunit Hasan Luçi, Zejneli kishte mundësi ta helmonte mbretin, por ai e nderonte Familjen Mbretërore dhe ka jetuar me kryelartësi pa pranuar poshtërsitë e Hasan Luçit.
Po vijmë te oficeri i gardës, kapiten Muharrem Gjoka. Edhe ky njeri i ndershëm, besnik, ia dedikoi jetën, si oficerët e tjerë të Oborrit Mbretëror, Zejnel Shehu, Halil Branica (që u ekzekutuan nga pushteti komunist) Bajram Neli, Ali Çupi, Qazim Preni, Adem Shehu, Hakik Elmazi, Jusuf Begeja, Sefedin Çallaku, për Atdhe, Komb dhe Mbret, nuk pranuan asnjë lojë bashkëpunimi me Sigurimin. Nga ana tjetër, për dijeni, Anton Konomi nuk ka qenë Kryetar i Legalitetit në Belgjikë, por anëtar i komisionit drejtues!
Sot, është e qartë se historianët shqiptarë, si për shembull, Z.Beqir Meta, Kastriot Dervishi, etj., e kanë vlerësuar me dokumente veprën kombëtare të Mbretit Zog, si krijuesi i shtetit modern shqiptar. Po ashtu, qeveria e sotme e kryeministrit Sali Berisha, me vendimin që mori për kthimin e eshtrave të Mbretit Zog I me rastin e 100- vjetorit të Pavarësisë, i kallëzon botës dhe brezit të ri, rolin e rëndësishëm që luajti Ahmet Zogu për zhvillimin e shtetit shqiptar gjatë periudhës 1920-1939. Është një nder i madh të ringjallet kujtimi i një burri shteti, që gjithë jetën e tij ia kushtoi Atdheut dhe Kombit.

http://www.balkanweb.com/kryesore/1/leka-ii-me-8-tetor-eshtrat-e-ahmet-zogut-kthehen-ne-atdhe-87908.html

http://www.balkanweb.com/gazetav5/artikull.php?id=114923

http://www.kohajone.com/zarticle.php?id=61910

Ana e panjohur e mbretereshes shqiptare Geraldine

Kur mendoj, tash qe po shkruaj kete histori te zeze te asaj periudhe kohe te vendit tone, pse valle e dashuronte aq metelikun Zogu sa per te tradhtoi Shqiperine dhe shqiptaret? Si nuk i shkonte valle ne mend se ato shuma paresh qe grumbulloi nje dite do t'i linte dhe vete, do te ndukte dhe si nduk sot ne nje nga qimiteret e Frances?

Vjedhjet dhe grabitjet e Zogut iu bene kismet Geraldine Aponyes qe jeton ne lukse te radhes pare, ne Perendim. Ajo zonje, qe me pare se te martohesh me Zogun ishte e pasur deri ne maje te flokeve me aristokraci, me duket nga ngushtica materiale kur ishte vajze, ishte e detyruar te punonte ne nje nga muzete e Budapestit, sot eshte nje nga grate me te pasura te planetit, me nje shume prej 60 milione dollaresh qe i la i shoqi ne trashegim.

Per ate zonje kisha pasur nje fare simpatie, pse deri sa Zogu nuk kishte lene kete bote, ajo kishte qendruar pa u perzier as ne jeten e Zogut zyrtar, as ne ate te Shqiperise, mirepo mbas vdekjes se Zogut shpejt e shpejt ajo na doli me kalem ne dore ne shtypin francez, ne gazeten "France Soir", me te cilen donte te na mbushte mendjen se pasuria e burrit te saj, i cili, me pare se te vidhte Shqiperine nuk e ngopte barkun me buke kallamboqi si do te shohim me poshte, rridhte nga oxhaku i tij. Zonja Geraldine me shkrimet e saj donte te falenderonte sejmenet e Zogut, si Hysen Selmanin me shoke qe ishin treguar besnike duke mos vjedhur asnje cope flori nga valixhet qe ishin plot. Ajo pershkruante takemet apo serviset ne flori masiv dhe guret e vlefshem qe gjeti ne pallatin e Zogut kur erdhi nuse, duke kerkuar t'u hidhte hi syve shqiptareve me pretendimin se ato takeme ari ne flori masiv dhe ata gure te vlefshem, Zogu i kishte blere me paret e pyllit qe ua shiti austriakeve. Zonja Geraldine kujton se shqiptaret nuk e dine cfare shume mori Zogu nga shitja e pyllit austriakeve, bile dhe ai pyll nuk ishte krejt i tij por dhe i shume matjaneve te tjere. Sidoqofte gjashtedhjete mije korona qe mori nga pylli, ai nuk mundi te ushqente familjen e vet me buke kallamboq qe perbehej prej pese motrash, prej se emes, prej vellait, prej Abdurrahman Krosit e te ndonje tjeter shebeku, aq sa kur iu mbarua drithi, dergoi kater kuaj te Maliq Agolli ne Kercisht te Dibres per kater kuintal miser duke i paguar ne dore gjysmen e vleres dhe gjysmen tjeter i mbeti borxh per ta paguar me vone. Natyrisht, nga pasuria e shumte qe kishte i mungonin paret e shkoqura. (Kete ma ka thene Faik Agolli, i biri i Maliq Agollit, me te cilin kam edhe krushqi, mbasi djali im eshte martuar me te bijen e tij). Zogu me pare se te blinte takeme ne ar masiv me paret qe ja grabiti popullit shqiptar ne Burgajetin e Burrelit ne Mat, kishte takeme prej druri: kupa e luge prej dellinje dhe qarri. Qarri, or qarri, me degjon? Si perfundim, dua t'i theksoj zonjes Geraldine Zogollit se ate hi qe ajo besoi se u hodhi shqiptareve ne sy per te mos pare te verteten, nuk beri asnje efekt pse shqiptaret duke qene ungj e nip prej nje kendi te Shqiperise ne tjetrin, dine jeten dhe mrekullite e kujtdo prej tyre.



(Marre nga libri me kujtime i Xhelal Staraveckes "Perpara gjyqit te historise", botimet "Naimi", Tirane 2012)

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Tiranë, më 24 prill 2012

Informacion për media

Në kuadrin e aktiviteteve për 100-vjetorin e shpalljes së Pavarësisë së Shqipërisë, dhe 100-vjetorin e krjimit të Federatës Pan-Shqiptare të Amerikës VATRA, L.T.M. Princi Leka dhe e fejuara e Tij, znj. Elia Zaharia, shoqëruar nga z. Sulejman Gjana, zv-kryetar i Partisë Lëvizja e Legalitetit në Shqipëri, kanë mëbrritur dje më dt. 23 prill 2012 në New-York.

L.T.M. Princi Leka është i ftuar nderi në veprimtaritë që do të organizohen në New-York nga Vatra, më 28 dhe 29 prill 2012.

Në sallën e pritjes së mysafirëve të aeroportit ndërkombëtar JFK të New Yorkut, kishin dalë për të pritur Princin Leka dhe uruar mirëseardhjen çiftit princëror, kryetari i Federatës Vatra, Dr. Gjon Buçaj, kryetari i degës së PLL në New-York, z. Hakik Mena, kryesia e degës PLL New-York si dhe dhjetra bashkatdhetarë legalisë dhe nacionalistë të New-Yorkut.

Me të mbërritur në aeroportin e New-Yorkut, L.T.M. Princi Leka deklaroi se : "Nëpërmjet punës së Vatrës, dhe aktiviteteve të diasporës shqiptare në Amerikë, ne do të kemi më shumë të mira për kombin tonë, si dhe më shumë angazhime në shoqërinë Amerikane. Duhet që të jemi sa më afër me SHBA, duke e faleminderuar këtë vend si mikun tonë të madh dhe i shprehur këtij vendi edhe mirënjohjen tonë, nëpërmjet këtij komuniteti kaq të madh dhe kaq të vyer shqiptarësh në Amerikë, mbasi kontributi i shqiptarëve të Amerikës, është i paçmuashëm në dobi të çështjes kombëtare".

Princi Leka, theksoi gjithashtu se : "Shpreh një faleminderim të veçantë për mbretërorët dhe legalistët që jetojnë në SH.B.A. dhe që i qëndruan besnik principeve mbretërore, për rolin dhe kontributin e tyre. Përulem me respekt të madh për mbështetjen e tyre të vazhdueshme në dobi të kombit tonë dhe kjo pa marrë parasysh kohën e mirë apo të vështirë që kaluam", tha Princi Leka.

Kjo është vizita e parë e Princit Leka në SH.B.A. dhe në axhendën njëjavore janë parashikuar takime intensive me komunitetin shqiptar të SH.B.A., përfaqësues të mërgatës së vjetër dhe të re Shqiptare në SH.B.A. si dhe takime të nivelit të lartë në Washington.

Zyra e shtypit e PLL

----------------------------------------------

http://24-ore.com/index.php/kronika/9082-eshtrat-e-zogut-do-te-kthehen-ne-shqiperi.html

 Eshtrat e Zogut do te kthehen ne Shqiperi

> Nga Korresp. 24-ore.com8 ore 58 minuta me pare

Sipas kryetarit të Partisë Lëvizja e Legalitetit, Ekrem Spahiu, për nder të 100-vjetorit të Pavarësisë së Shqipërisë, qeveria shqiptare ka formuar një komision ndërministror me qëllim të kthimit në Shqipëri të eshtrave të Mbretit Zog.

Në kuadër të aktiviteteve për 100-vjetorin e Pavarësisë, Spahiu dhe pretendenti i Fronit Mbretëror, Princi Leka, zhvilluan një takim me bashkësinë shqiptare në Bruksel. Sipas asaj që Spahiu deklaroi gjatë këtij takimi, kthimi i eshtrave të Mbretit Zog po përgatitet seriozisht, prandaj edhe “është ngritur një komision ndërministror, i cili kryesohet nga ministri i Brendshëm, Bujar Nishani".

Nga ana tjetër, Princi Leka nënvizoi se, "shqiptarët duhet të kuptojnë se kur ndodhen larg atdheut, nuk ka interesa politike ose partiake, por duhet të jenë të bashkuar".

Spahiu përkujtoi se në 100-vjetorin e shpalljes së Pavarësisë “duhet të kujtojmë se një pjesë e historisë së shtetit shqiptar lidhet edhe me historinë e familjes mbretërore".

Ai lavdëroi angazhimin shtetërorë të kryeministrit Berisha, të cilin e cilësoi një “mbështetës të fuqishëm të vlerësimit të familjes mbretërore”.

http://www.balkanweb.com/kryesore/1/berisha-te-ngrihen-varrezat-mbreterore-aty-te-prehet-mbreti-zog-87667.html

http://www.shekulli.com.al/shekulli/2012/04/24/monumenti-i-100-vjetorit-te-pavaresise-perzgjidhet-boceti-fitues/

 Monumenti i 100-vjetorit të pavarësisë, përzgjidhet boceti fitues

Boceti fitues

Komisioni për përzgjedhjen e monumentit të 100-vjetorit të pavarësisë ka përzgjedhur fitues projektin e kosovarit Visar Obrija dhe gjermanit Kai Roman Kiklas. Juria ka rënë dakord me votën e qytetarëve, të cilët kanë votuar online dhe drejtpërdrejt monumentin që do t’i ngjajë pak a shumë një libri të hapur.

Por përmasat jo fort të mëdha të monumentit kërkojnë një shesh jo shumë të madh, për gjetjen e të cilit do të ngrihet një tjetër juri.

I pranishëm në mbledhjen e sotme, kryeministri Berisha theksoi se Tirana ka nevojë edhe për një monument të madh që të ketë shqiponjën si simbol i kombit.

Ndërkohë, në lidhje me monumentin fitues, ministri Bumçi u shpreh se ai është monumenti i 100-vjetorit të Pavarësisë dhe jo monumenti i Pavarësisë.

“Projekti i propozuar nga bashkëpunimi mes dy arkitektëve nga Mynihu frymëzohet nga banesa tradicionale shqiptare. Ajo është e lartë, e gjatë dhe e gjerë prej tetë metrash dhe njerëzit mund të kalojnë lirisht përmes hapjes së saj. Në faqet e brendshme anësore të monumentit do të ketë elementë të vizatuar me lazer si Deklarata e Pavarësisë, simboli kombëtar i shqiponjës dhe figura njerëzore. Hapja e banesës simbolizon çlirimin e kombit shqiptar dhe kapërcimin nga izolimi drejt lirisë dhe pamjen nga e ardhmja”, thuhet në përshkrimin e monumentit fitues.

“Rama është dadaist në politikë”

Duke iu referuar ish-kryetarit të Bashkisë së Tiranës, Berisha tha se Rama është dadaist në art.

“Bijtë e shqipes do të donin shqiponjën diku, por le t’ia lëmë kryetarit të bashkisë të hapë një konkurs për të zgjidhur këtë. Ai që ishte nuk bëri asgjë, ai shpërndau një kartolinë të Man Ray. Idhulli i tij ka qenë Karl Libleht, një dadaist gjeni në llojin e vet, por një nulitet në doktrinë”.

Varreza mbretërore

Berisha theksoi nevojën e kthimit në atdhe të eshtrave të mbretit Zog, ndërsa shtoi se duhet nisur puna për varrezat që familja mbretërore meriton. Rikthimi i eshtrave të Mbretit Zog duhet të realizohet patjetër, brenda një afati sa më të shkurtër. Kjo duhet të shoqërohet me ndërtimin e varrezave të familjes mbretërore, i ka pasur ato. Mbi këtë familje është kryer një akt makabër, është minuar varri i nënë së Ahmet Zogut për fajin e vetëm që i dha Shqipërisë një burrë që bëri gjithçka për t’i dhënë një shtet vendit që kishte shekuj pa një të tillë”, tha Berisha. / G.N.

http://www.balkanweb.com/kryesore/1/miratohet-monumenti-i-100-vjetorit-te-pavaresise-87709.html

http://www.mapo.al/2012/04/24/berisha-do-kthehen-eshtrat-e-zogut-varreze-mbreterore-ne-tirane/

Berisha: Do kthehen eshtrat e Zogut, varrezë mbretërore në Tiranë

Kryeministri: T’ja lëmë kryetarit të Bashkisë të hapë një konkurs për të ngritur një shqiponjë, që të bëhet simbol i Tiranës

Kryeministra Berisha tha sot në mbledhjen e Komitetit për 100-vjetorin e Pavarësisë, se shumë shpejt në vend do të ngrihet një varrezë mbretërore dhe do të kthehen në atdhe eshtrat e Mbretit Zog. Ndërkohë ai ka folur edhe për një vepër tjetër veç monumentit të Pavarësisë, që sipas tij duhet ta ngrejë bashkia e Tiranës ndërsa hodhi idenë e gjetjes së shqiponjës së përdorur në monumentin e 25 vjetorit i cili u shkatërrua nga diktatura.

Kryeministri Berisha e ka ndalur vëmendjen e tij tek monumenti i pavarësisë, për të cilin sic tha ai, ekspertët kanë përzgjedhur 5 më të mirat, ndërsa njëri monument prej të pestëve pritet të shpallet fitues mbledhjen e ardhshme në mbledhjen e radhës. Kreu i qeverisë deklaroi gjatë mbledhjes se, përveç monumentit të Pavarësisë, Bashkia e Tiranës duhet të hapë edhe një konkurs për përzgjedhjen e një shqiponje, pasi siç tha ai, Tirana do ta ketë shqiponjën simbol të saj. “Bijtë e shqipes do ta duan shqiponjën diku, po le t’ja lëmë kryetarit të Bashkisë të hapë një konkurs për të ngritur një shqiponjë, që të bëhet simbol i Tiranës. Ai që ishte para tij nuk ngriti asgjë….”, komentoi Berisha.

Ndërkohë sa i përket varrezës mbretërore dhe eshtrave të mbretit Zog kryeministri tha:

“Rikthimi i eshtrave të Mbretit Zog duhet të realizohet patjetër, brenda një afati sa më të shkurtër. Kjo duhet të shoqërohet me ndërtimin e varrezave të familjes mbretërore, i ka pasur ato. Mbi këtë familje është kryer një akt makabër, është minuar varri i nënë së Ahmet Zogut për fajin e vetëm që i dha Shqipërisë një burrë që bëri gjithçka për të ndërtuar një shtet”, tha Berisha. Në kuadër të 100-vjetorit të shtetit shqiptar në këtë komision u fol edhe për kthimin e eshtrave të shumë figurave të tjera me rëndësi në historinë e kombit.

Vendimi për përzgjedhjen e projektit fitues për monumentin e 100 vjetorit të Pavarësisë u shty për javën tjetër, ndërsa kreu i Qeverisë tha se në mbledhjen e sotme u miratua plani i veprimtarive që do zhvillohen gjatë vitit të 100 vjetorit të Pavarësisë.

Ndërkohë është njoftuar monumenti që ka marrë më shumë pikë dhe që mund të jetë i përzgjedhuri për tu ndërtuar. Juria ka vlerësuar projektin e Visar Obrija dhe Kai Roman Kiklas (Kosovë, Gjermani).

Monument qe pershtatet me nje shesh dhe ambient urban jo shume te madh dhe qe i ben qytetaret te afrohen me te”. Keshtu e kane vleresuar anetaret e Komitetit per 100 vjetorin e Pavaresise, bocetin qe eshte perzgjedhur i pari mes 5 pretendenteve ne gare dhe qe u kurorezua si fituesi i nje gare te gjate.

Boceti më i mirë mes 5 finalistëve, qe do te jete edhe monumenti i 100 vjetorit te Pavaresise, qofte me vleresimin e jurise, qofte edhe me votat e publikut ne nje votim te hapur eshte ai me bashkautorë Visar Obrija dhe Kai Roman Kiklas (Kosovë, Gjermani).

Bëhet fjalë për projektin që merr nxitje nga banesa tradicionale shqiptare. Dy artistët sjellin një variant të hapur të saj, brenda së cilës do të gdhenden me laser shqiponja dhe Deklarata e Pavarësisë.

“Ka estetike bashkekohore, bashkepunon me qytetaret, kerkon qytetarin ta pershkoje e kjo ehste shume e rendesishme dhe ideja e hapjes eshte per nje vend te izoluar qe i hapet botes, eshte mesazhi me i rendesishem”- ka thene ministri i Kultures, Aldo Bumci.

“Bijte e shqipes do te donin shqipen diku, por le t’ia lene kryetarit te bashkise te hape nje konkurs per te bere nje shqiponje qe te behet simbol i Tiranes. Ai qe ishte nuk ngriti asgje, shpendau nje kartoline, jo per vleresimin artistik apo per njohurite qe ka per artin dadais, po sepse eshte dadaist ne politike”- tha Berisha, duke akuzuar Ramen.

Boceti

Projekti i propozuar nga bashkëpunimi mes dy arkitektëve nga Mynihu frymëzohet nga banesa tradicionale shqiptare. Për autorët, banesa shqiptare ka shërbyer si shtëpi dhe fortifikim njëherësh, duke u bërë simbol kombëtar i qëndresës në shekuj. Për të shprehur idenë e pavarësisë, ata sjellin një ndërtesë të hapur e cila paraqitet si dy gjysma kubi ku njëra gjysmë mban çatinë dhe tjetra platformën. Kjo strukturë është menduar e lartë, e gjatë dhe e gjerë prej tetë (8) metrash dhe njerëzit mund të kalojnë lirisht përmes hapjes së saj. Në faqet e brendshme anësore të monumentit do të ketë elemente të vizatuara me laser, si: Deklarata e Pavarësisë, simboli kombëtar i shqiponjës dhe figura njerëzore. Hapja e banesës simbolizon çlirimin e kombit shqiptar dhe kapërcimin nga izolimi drejt lirisë dhe pamjen nga e ardhmja.

http://www.balkanweb.com/gazetav5/artikull.php?id=113585

Princ Leka dhe e fejuara e tij Elia Zaharia do të marrin pjesë në festimet e 100 vjetorit të "Vatrës", krahas personaliteteve të larta nga e gjithë Shqipëria Naty-rale; Shqipëria, Kosova, Maqedonia, shqiptarët e Malit të Zi, Lugina e Preshevës dhe Çamëria. Lajmi bëhet i ditur nga vetë "Vatra" në faqen 'on line'. Princ Leka II ishte i ftuar nga Federata "Vatra" edhe në festën e Flamurit, më 28 nëntor 2011, por rrethanat që u krijuan në familjen mbretërore me vdekjen e Mbretit Leka I, nuk e lejuan. Me atë rast ai dërgoi një mesazh të ngrohtë për vatranët dhe shqiptarët e Amerikës. Në darkën e 100 vjetorit të "Vatrës", që do të festohet me madhështi në New York, më 28 dhe 29 prill priten të vijnë autoritetet më larta nga të gjitha trojet shqiptare si dhe përfaqësues nga politika amerikane, përfshirë dhe departamentin e shtetit, kongresmenë, senatorë, përfaqësues të pushtetit lokal etj. Artistët më të mirë nga bota shqiptare janë pjesë e manifestimit të madh për ditëlindjen një shekullore të "Vat-rës". Më 28 prill do të organizohet Konferenca Shkencore "Federata Pan-shqiptare e Ame-rikës 'VATRA', 100 vjet në shërbim të Kombit", ku do të referojnë figura të njohura të botës akademike shqiptare. E ripërsërisim njoftimin: të shtunën më 28 prill 2012 do të mbahet Konferenca Shkencore "Federata Pan-shqiptare e Amerikës 'VATRA', 100 vjet në shërbim të Kombit". Konferenca drejtohet nga gazetari i njohur, ish drejtor për Euro-Azinë në Zërin e Ame-rikës, Frank Shkreli. Në konferencë do të mbajnë kumtesa studiues të njohur të botës akademike shqiptare: Prof. dr. Nicholas Pano, Prof. dr. Beqir Meta, Prof. dr. Jusuf Bajraktari, Prof. dr. Fehari Ramadani, Dr. Elez Biberaj, Anton Cefa, Mal Berisha, Bejtullah Destani, Idriz Lamaj, Dalip Greca, Ilir Ikonomi, Elez Osmani, Naum Prifti, Agron Alibali, Sevdai Kastrati. Konferenca Shkencore do të fillojë në orën 9 të mëngjesit dhe do të mbahet në një nga hotelet e njohura në Manhattan, "The Helmsley Park Lane Hotel".

http://www.balkanweb.com/gazetav5/artikull.php?id=114682

Eshtrat e Mbretit të shqiptarëve, Ahmet Zogut, pritet që në tetor, me rastin e datës së lindjes së tij, të vijnë në Shqipëri dhe ato të vendosen në një varrezë të përbashkët të familjarëve të tjerë të familjes mbretërore. Princi Leka II dhe princeshë Elia Zaharia, dhanë mbrëmë një intervistë në emisionin "Fakt" të gazetarit Çlirim Peka, ku folën për projektet e përbashkëta dhe për vizionet që ata kanë për Shqipërinë dhe shqiptarët. Princi Leka njoftoi se varrezat e familjes mbretërore nuk do të përfaqësojnë një besim fetar, pasi kjo familje ka njohur përfaqësues të disa besimeve fetare, por do të jetë simbol i gjithë shqiptarëve dhe i traditës. Princi Leka II dhe princeshë Elia Zaharia e shohin familjen mbretërore si i vetmi institucion që mund të mbledhë të gjithë shqiptarët në një, pa pasur nevojën e ndryshimit të kufijve ekzistues. Princi Leka II bën të ditur në këtë intervistë se politika në trojet shqiptare është individualiste, ndjek orientimet e individit, ndërsa familja mbretërore është institucion që garanton vazhdimësinë, jo vetëm të çështjes kombëtare, por edhe të së ardhmes së shqiptarëve, që mund të garantohet vetëm nga mirëqenia e tyre ekonomike. Leka II kritikoi me nota të buta dy lëvizjet kombëtare, siç është Aleanca Kuq e Zi apo dhe Vetvendosja në Kosovë, pasi që, sipas tij, po shfrytëzojnë vetëm retorikën kombëtare dhe nuk po e vendosin çështjen kombëtare në themel të së ardhmes të vendit të tyre. 
Pyetja e parë që lind menjëherë pas vdekjes së Mbretit Leka I për çdo qytetar shqiptar është se cili është statusi juaj? 
Tani, sipas ligjit 1928, statusi i familjes mbretërore, d.m.th statusi im është princi i kurorës ose princi i shqiptarëve, dhe nuk do të ketë asnjë ndryshim derisa sot Shqipëria është Republikë dhe jemi të konsoliduar tek ligjet që janë realisht ndër-kombëtare. 
Princ i kurorës. Gjithsesi, me vdekjen e Mbretit Zog në 1961-in, një Asamble Parlamentare, e cila nuk e ka njohur qeverinë e Enver Hoxhës, ka kurorëzuar si mbret, mbretin Leka I. 
Absolutisht e vërtetë. Edhe në këtë drejtim ka qenë një mesazh i viteve '60-të kundër regjimit komunist, sepse vetëm një mbret në Diasporë mund të përfaqësojë qeverinë shqiptare dhe shqiptarët në mënyrë dinjitoze kundër regjimit komunist, që në atë kohë ka qenë i tmerrshëm. 
Gjithsesi, ka hapur një farë debati betimi juaj mbi varrin e Mbretit Leka I ditën e varrimit, pasi duket si një betim prej një mbreti të ri. Të paktën, të nesërmen shtypi i Tiranës ka shkruar se tashmë nuk kemi të bëjmë me princin Leka, por kemi të bëjmë me mbretin Leka II. 
Realisht, betimi im ka qenë një betim privat ose personal pranë varrit të babait tim, por që është edhe mbreti i shqiptarëve, një mesazh për të gjithë legalistët, zogistët dhe mbështe-tësit e familjes mbretërore, që unë do të vazhdoj në rrugën e familjes së traditës shqiptare. Ky është një mesazh i mirëfilltë, që edhe pse Shqipëria nuk është një mbre-tëri, por një republikë, roli i familjes mbre-tërore është statik, ka një rol, një të ardh-me në Shqipëri, ne do të jemi prezentë, sidomos në aktivitete sociale, politike dhe çështje kombë-tare. Shqipëria ka nevojë për vazhdimësi dhe një institucion siç është oborri mbretëror. Nuk i takon një individi siç jam unë; unë jam princ, por është e vërtetë që oborri mbretëror si institucion ka një vazhdimësi të vazhdueshme dhe kjo është diçka që ne kemi dëshirë ta konsolidojmë: Rolin e familjes mbretërore, por edhe të oborrit mbretëror për të ardhmen e Shqipërisë. 
Në intervistën e fundit që kam pasur me Mbretin Leka I, pak kohë para se të vdiste, i kam bërë një pyetje lidhur me zgjedhjen tuaj dhe kjo pyetje kishte të bënte me faktin se ndryshe nga babai juaj, ndryshe nga Mbreti Zog, ndryshe nga ju, princi Leka ka zgjedhur për princeshë dhe për bashkëshorte një shqiptare. Gjithashtu më kujtohet, në mos gabohem, princeshë, në një takim në Pallatin e Brigadave, kryeministri i vendit, Berisha ju ka prezantuar para grupit diplomatik me shprehjen 'shikoni sa princeshë të bukur shqiptare kemi'. 
Elia Zaharia: Po, është e vërtetë, po. 
Po e filloj me njohjen tuaj me Princin Leka. Kur dhe si jeni njohur me Princin? 
Ne kemi pothuajse 4 vjet që jemi njohur dhe gjithmonë më duket si hera e parë sa herë e shoh. Jemi njohur në teatër parka Kame, në Ib. Të dy kemi qenë të ftuar për promovimin e një terreni golfi. Unë kam qenë e ftuar nga regjisori i mirënjohur Gëzim Kame, ndërsa Leka ka qenë i ftuar nga miku i tij Marin Harxhi. Të dy bashkë kanë edhe Federatën e Golfit në Shqipëri dhe gjatë atij kokteji jemi takuar, jemi prezantuar. Ka qenë takimi i parë dhe tjetri nuk ka vonuar, ka qenë të nesërmen dhe të pasnesërmen e kështu me radhë, derisa unë mora avionin dhe vazhdova studimet e mia në Francë. Por që nga takimi i parë mund të them që jemi takuar intensivisht gjatë muajve të verës. 
Gjithsesi, një vajzë e re, e njohur për publikun shqiptar, me një mama të talentuar, një prej aktorëve më të mira në Shqipëri, vërtet keni vlerësuar dashurinë dhe ndjenjën e Lekës, princit për Shqipërinë, por a ju ka trembur ideja se statusi juaj, pavarësisht se ndoshta edhe vetëm simbo-lik, në një farë mënyre do të ndryshojë? Një aktore që tashmë të gjithë e thërrasin princeshë. 
Jo të gjithë. Mendoj se Leka më ka ndihmuar për sa i përket perceptimit të këtij statusi, sepse gjërat kanë ardhur shumë natyrshëm dhe në fillim njeriu, kur njihet me dikë që i pëlqen, nuk ka tendencë që të mendojë të gjithë këto gjëra, që në pamje të parë mund të duken shumë bukur, shumë rozë dhe pastaj shikohen përgjegjësitë dhe të gjitha me radhë. Megjithatë, unë mendoj se sot për sot në statusin që ka familja mbretërore, ajo çka mua më kërkohet është diçka që unë e bëj me zemër, sepse nëse ka disa njerëz që e dëgjojnë dhe e vlerësojnë fjalën që vjen nga oborri mbretëror, atëherë ajo jo vetëm që nuk më kushton, por e bëj me zemër, me shumë dëshirë, janë mesazhe që duhen dhënë, pozitive dhe mundohem të jem në mbështetje të iniciativave të mira, të artit, të kulturës, të shoqërisë shqiptare, të potencialit shqiptar. Unë nuk i kam parë vështirësitë e kësaj gjëje ende. Deri sot, jam përballur me gjërat që mua më ushqehen dhe më duken shumë të rëndësishme. 
Princ Leka: Kur flitet për një status këtu në Shqipëri mund të jetë shumë simbolike, por puna që ne bëjmë, angazhimet dhe qëndrimet që ne kemi, sidomos aktivitet sociale dhe çështjet kombëtare, nuk janë simbolike. Janë reale; ne do të kuptojmë që Shqipëria është shtet që ka probleme, ka një realitet të vështirë dhe ne do të gjejmë të gjitha hapësirat, mundë-sitë që edhe këtë titull që mund të trashëgojmë, që nuk na takon neve, të shfrytëzohet për projekte, punë, që realisht shteti shqiptar ka nevojë. Shqi-përia tani është anëtare e NATO-s, ka vizione pro europiane, ne vetë si kulturë, si popull, duhet të jemi shumë të hapur, të kemi atë fleksibilitetin e bashkëpunimit, të jemi sa më shumë të angazhuar, të jemi të hapur për ide të ndryshme. Pa pasur një energji, që realisht sot kemi nevojë për atë energji, kemi nevojë për shpresë, kemi nevojë për një vizion të caktuar, kemi nevojë për institucione që kanë vazhdimësi, që ne nuk i kemi sot. Prandaj në këtë drejtim, ne jemi duke u fokusuar, kemi disa angazhime që nuk janë më fokus vetëm këtu në Shqipëri, por edhe angazhime jashtë shtetit, që rrisin imazhin e familjes mbretërore. 
Po flasim për një dasmë mbretërore në Shqipëri. Pak a shumë në një vit elektoral... 
Qëndrimi i familjes mbretërore, - gjithmonë kur vijnë fushatat politike partiake, - institucioni i familjes mbretërore duhet të jetë larg partive. Ne kemi qëndrimin tonë, që është pro politikës kombëtare. Do të jemi shumë të angazhuar; bashkë me Elian kemi disa projekte për të vizituar disa qytete në Shqipëri. Do të bashkëpunojmë më shumë me komunat, bashkitë, për projektet kombëtare, por kemi vizionin që në fund te vitit ne duhet të kemi bërë edhe një vizitë në Maqedoni. 
Elia Zaharia: Desha të shtoj diçka: Për mendimin tim, një dasmë në kohë elektorale, siç duhet të ndodhë në të gjitha vendet, është një kohë e lumtur. Në atë kohë të gjithë njerëzit kanë mundësi të zgjedhin fatin e vet dhe për mendimin tim një dasmë nuk duhet të jetë gjë tjetër vetëm që t'ia shtonte lumturinë kësaj kohe, që duhet të jetë e lumtur për të gjithë shqiptarët. Është momenti që ne zgjedhim. 
Princeshë, ju keni angazhimet tuaja, po krijoni një shoqatë. Me çfarë lidhen këto angazhime kryesisht? 
Jam në fazën e krijimit të një fondacioni që do të quhet Mbretëresha Xheraldinë; do të jetë një fondacion bamirësie. Më 22 prill, në Parkun e Liqenit jam përfshirë në nismën "qytetarë në paqe me natyrën", fushatë ndërgjegjësimi për qytetarët mbi rëndësinë e mirëmbajtjes së ambientit ku jetojmë. Do të mbjellim fidanë, lule, në parkun e qytetit dhe ai park ne të gjithë e dimë që është mushkëria e Tiranës dhe është një thirrje që unë u bëj qytetarëve nga të gjitha shtresat sociale, sepse mendoj që është e rëndësishme për të gjithë fëmijët, për të gjithë ne që jetojmë këtu. Puna nuk është turp. 
Pyetja që çdokush do t'i bënte një princeshe është: Kush është idhulli juaj? Mendja e parë kujtdo i shkon tek Lady D.. Kush është princesha model? 
Po, Lady D. është e vërtetë që ka bërë shumë, ajo ka qenë shumë e angazhuar dhe unë do të dëshiroja që me aq sa më jepet mua mundësia të jem e angazhuar. Mendoj që në Shqipëri ka shumë gjëra për të bërë, kështu që shpresoj me gjithë shpirt që të kem mundësi t'i jap këtij vendi, aq sa unë mundem. 
A keni propozimet, gjy-kimet dhe bashkëpunimet tuaja me legjislativët shqiptarë se kush duhet të jetë modeli, statusi i familjes mbretërore në Shqipëri? 
Do të kërkojmë informacione nga i gjithë rajoni jonë, si Greqia, Italia, Mali i Zi, Serbia dhe vende të tjera, se si e kanë konsultuar statusin e tyre, janë elementët ligjorë. Shqipëria është republikë dhe duhet të jemi realistë. Mos harro që Mali i Zi dhe familjet e tjera mbretërore janë familje që kanë ndryshuar shtetësinë e tyre dhe nuk janë angazhuar për shtetin e tyre, kurse ne si familje mbretërore kemi qenë gjithmonë të angazhuar politikisht. Si në Shqipëri edhe diasporë, kemi qenë pro çështjeve kombëtare, pro politikës. 
Familja mbretërore shqiptare është rasti specifik që nuk ka ndryshuar për asnjë rast kombësinë e vet. Me çfarë pasaporte keni lëvizur? 
Kam lëvizur, jam rritur dhe lindur me pasaportën e Mbretërisë së Shqipërisë. 
Cili autoritet e ka lëshuar këtë pasaportë? 
Vetë oborri mbretëror. 
Një pasaportë e cila iu është njohur? 
Është njohur krejtësisht nga të gjitha vendet e botës. Kemi udhëtuar me viza në Shtetet e Bashkuara, Angli, Zvicër, Francë deri sa në 2002-in kemi ardhur në Shqipëri. Për një periudhë është njohur edhe nga shteti shqiptar, me një akt-urdhër të veçantë për shkak të lëvizjes, deri në 2003-in ku familja mbretërore ka marrë pasaportë diplomatike me vendimin e veçantë të Këshillit të Ministrave. 
Jeni djali i Mbretit Leka I, jeni Princi i Kurorës; do doja të dija gjykimin tuaj mbi situatën në Shqipëri, Kosovë, shqiptarëve në Maqedoni dhe në Mal të Zi, si dhe për çështjen çame. Cili është vizioni i Princit të Kurorës mbi të ardhmen e shqiptarëve, apo mbi atë se si jetojnë shqiptarët sot, politikisht dhe gjeografikisht? 
Do të jem në SHBA për aktivitete të "Vatrës", në 100-vjetorin e "Vatrës" bashkë me Elian. Familja mbre-tërore në kohën e Mbretit ka parë më shumë lindjen; unë jam për rikthimin e qëndrimin e familjes mbretërore, për vlerat europiane, të marrin një orientim dhe një vlerësim të jashtëzakonshëm për SHBA. Lëvizja e familjes mbretërore duhet të jetë në konsolidimin, kontaktet e miqve që kemi në SHBA. Së dyti, kam shprehur dëshirën dhe në fund të vitit do të bëj një vizitë në Maqedoni. Shoh që shteti shqiptar dhe vlerat shqiptare, elementët shqiptarë në Maqedoni janë një faktor stabiliteti për rajonin tonë. Ka probleme specifike; ne do të ulemi dhe do të kryejmë një trekëndësh. Kjo është një filozofi që mbaj dhe do ta mbështes, dhe do ta promovoj që nga Prishtina, Tirana dhe Shkupi. Këto tre pika janë një trekëndësh i jashtëzakonshëm për faktorin e shtetit shqiptar në rajonin tonë. 
Po flisnim për trekën-dëshin Tiranë-Prishtinë-Shkup, që në fakt gjithmonë na ka shqetësuar, apo me këtë tezë gjithmonë janë mbrojtur armiqtë e Shqipërisë. 
Duhet të jemi shumë të qartë, se çështjet kombëtare nuk janë të lidhura me emblemat apo me fjalët e bukura, siç janë partitë apo lëvizjet e reja. Duhet të fokusohemi që mirëqenia e shqiptarëve, familja si bazë, për forcimin ekonomik të shqiptarëve, të burimeve njerëzore. Nuk mund të bazohemi tek fjalët, flamuri mbi të gjitha! Duhet të jemi më të angazhuar, që të gjejmë metoda të ndryshme që shqiptarët në rajonin tonë të jenë sa më shumë aktivë, të jenë shtetbërës, të mos pranojnë lëvizjet që nuk janë kombëtare, por të punojnë për përforcimin e vlerave, traditës, familjes. Këto janë parimore. 
Çfarë ka parasysh Princi i Kurorës me termin 'Shqipëri etnike'? Shqipëri pa kufij fizikë? 
Duhet të kemi fleksibilitetin e idesë. Kufijtë e sotëm në Europë kanë ndryshuar, jemi për bashkimin shqiptar. Bashkimi i shqiptarëve do të thotë bashkimi i të gjithë elementëve, edhe politikë. 
Bashkim me kufijtë ekzistues? 
Që ne të kryejmë një mbretëri të bashkuar. Sot kemi partitë politike. Di që vetëm në Shqipëri kemi 140 kryetarë partish, në Maqedoni kemi përçarje të jashtëzakonshme nga dy partitë kryesore, Ali Ahmeti dhe Menduh Thaçi, në Kosovë kemi përçarje midis faktorëve politikë. Prandaj i vetmi institucion që mund të bashkojë shqiptarët, pa u përfshirë në politikën e brendshme të çdo shteti, është familja mbre-tërore si institucion. Çdo përpjekje tjetër mund të kryejë acarim. 
Gjithsesi, zgjidhja është mbretëria. Mbretëria me kufij ekzistues apo me ndryshim kufijsh? 
Nuk kam dëshirë të hyj në detaje. Siç e thashë, ne do të kemi një orientim të mirëfilltë. Do të përforcojmë aktivitetet shqiptare. Politika në Shqipëri, Kosovë dhe Maqedoni është bërë politikë individuale. Nëse kemi individë të politikës nuk ka vazhdimësi, prandaj kam dëshirë të përsëris edhe para medias suaj që, familja mbretërore nuk është individi, Princ Leka ose Princeshë Elia, por jemi një institucion që ka vazhdimësi. 
Është krijuar një format politik, i cili po ta shikosh terminologjinë, mënyrën sesi del para shqiptarëve, gati-gati të jep imazhin e një aneksi të familjes mbre-tërore, që flet për Shqipëri të madhe, për bashkim të shqiptarëve, për Shqipëri etnike. E kam fjalën për Aleancën Kuq e Zi... Terminologjia kombëtare më duket se është zhveshur nga fjalori juaj. 
Çështjet kombëtare nuk i takojnë partive individuale. Edhe unë jam kundër keqpërdorimit të fjalëve të çështjes kombëtare vetëm për interesa kombëtare. Kjo për mua është krejtësisht kundër çdo besimi. Ne po shohim edhe në Kosovë se janë krijuar disa lëvizje, si Vetvendosja, etj., të cilat kanë qenë momentale dhe nuk kanë qenë pozitive. Këto në fakt kanë qenë të përdorura nga armiqtë tanë për të sulmuar vlerat e çështjes sonë kombëtare. Ne duhet të jemi shumë të kujdesshëm si të kuptojmë, si të interpretojmë dhe si ta mendojmë këtë çështje që ka një vlerë të jashtëzakonshme. Tani duhet të flas edhe për partinë Lëvizja e Legalitetit. 
Lëvizja e Legalitetit është i vetmi formacion politik në Shqipëri, i cila kërkon rikthimin e monarkisë... Cilat janë raportet tuaja me këtë formacion politik, i cili duket më fanatik ndaj oborrit se sa ju vetë. 
Me Lëvizjen e Legalitetit kam marrëdhënie të shkëlqyera. Legaliteti është një forcë politike që kërkon rikthimin e mbretërisë, për bashkimin kombëtar. Ka gjetur që metoda e vetme për të bashkuar shqiptarët është nëpër-mjet familjes mbretërore. Kam një konsideratë të jashtëzakonshme edhe për kryetarin e partisë, Ekrem Spahiu, i cili, sidomos mbas funeralit, më ka mbështetur maksimalisht. Ata kërkojnë të jenë shumë më shumë aktivë në shoqëri, në problemet dhe tematikat e shoqërisë shqiptare. Ata janë duke kërkuar të jenë shumë aktivë dhe me të ndryshojnë edhe imazhin e partisë. Edhe në këtë drejtim unë kam besim në disa figura të reja që janë angazhuar në këtë parti. Legaliteti është duke transformuar imazhin e vjetër, nuk është më nga ato partitë e viteve '30-të që të tjerët mund të mendojnë. 
Do doja të të pyesja, se cilat janë raportet tuaja me krye-ministrin e vendit? 
Kam respekt të jashtëzakonshëm për krye-ministrin, për respektin që ai ka treguar për Familjen Mbre-tërore. Më lejoni të shpreh falenderimet e mia për kryeministrin, ndihmesën dhe mbështetjen sidomos pas humbjes së Mbretit. Institucioni i kryeministrit është një institucion që duhet respektuar nga të gjithë elementët, edhe në qoftë se Familja Mbretërore do të jetë e angazhuar në të ardhmen e Shqipërisë. 
Gjyshja dhe gjyshi i kryetarit të Partisë Socialiste kanë shërbyer në Oborrin Mbretëror deri në vitin '39. A keni raporte me zotin Rama, kryeministrin e mundshëm të ardhshëm? 
Jemi takuar në ambiente të ndryshme, por nuk kemi raport të veçantë. 
Duket se familjet tuaja deri në vitin '39 do të kenë qenë shumë të afërta? 
Nuk jam i informuar, nuk kam pasur kontakt, por zoti Rama më ka treguar në një takim miqësor histori të gjyshit të vet që ka punuar në oborrin mbretëror dhe ka qenë kampion garash. 
Legalistët presin që eshtrat e Mbretit Zog të prehen në Shqipëri. Kur pritet të vijnë eshtrat e gjyshit tuaj në vendin tonë? 
Shpresojmë për rikthimin e eshtrave të Mbretit Zog në datën 8 tetor, që ka qenë data e lindjes së Mbretit Zog. Kam pasur kontakt me komisionin që është ngritur për rikthimin e eshtrave të Mbretit Zog në atdhe dhe ata shpresojnë në rindërtimin e varrezave mbretërore; të bëhen tek parku i liqenit, në një ambient ku ka qenë varreza e Nënës Mbretëreshë. Isha në një takim bashkë me disa ekspertë dhe kanë dëshirë që në këtë varrezë të ketë disa simbole. Duke kuptuar që Nëna Mbretëreshë ka qenë katolike, Mbreti Zog musliman, etj., prandaj shpresoj se varrezat nuk do të simbolizojnë vetëm figurën, traditën, historinë, periudhën e mbretërisë, por do të jenë një simbol i të gjitha feve, bashkimi fetar edhe si formë mbretërore, si një nga simbolet e saj. Është një faktor mbrojtës, që për mua ka shumë rëndësi. Do kërkoj që në varreza të përfshihen emrat e të gjithë oficerëve që i kanë shërbyer familjes mbretërore. Të siguroj që të ketë një imazh që të përfaqësojë edhe ato që nuk janë pro familjes mbretërore, që kanë pikëpamje të ndryshme. Lind pyetja, "çfarë historie ka Tirana si qytet"? Ato pak objekte janë shkatërruar; përveç qendrës, duhet të kryejmë edhe ambiente të tjera dhe në këtë drejtim do të vazhdoj të kem kontakt me kryetarin e Bashkisë. Duhet mbështetur vlera e familjes mbretërore në qytetin e Tiranës.