02042013

http://gazetadielli.com/crown-princ-leka-ii-i-shqiperise-mbushi-31-vjec/

Crown Princ Leka II i Shqipërisë, mbushi 31 vjeç!

March 27th, 2013
u1gnczn2g3prq8078130_340_226_S_70

Ditëlindja e princit të shqiptarëve Leka II, fëmija e vetme e të ndjerit Mbretit Leka i Parë, i lindur në Klinikën Sandton në Johanesburg, Afrika e Jugut më 26 mars 1982, ditë krenarie kombëtare/

Nga BEQIR SINA, New York/

NEW YORK : Mbretëria shqiptare është një pasuri e vyer kombëtare, e themeluar nga Mbreti i të gjithë Shqiptarëve Zogu i Parë, si shenjë e dashurisë dhe krenarisë së lart tonë kombëtare. Ashtu si Britania e Madhe, Hollanda, Japonia, Monako, Suedia, Danimarka, Norvegjia, Luksenburgu, Austria, dhe shumë shtete, të tjera kryq e tërthor globit, edhe ne shqiptarët e Bardhylit dhe të Teutës, kemi një mbretëri, që të krenohemi me historinë dhe kulturën e tonë kombëtare. Duke i dhënë asaj vendin që i takon gjatë periudhës së Monarkisë Shqiptare, e cila është një pjesë shumë e rëndësishme e historisë dhe kulturës së kombëtare, jo vetem në Shqipëri, Kosovë e trojet shqiptare, por edhe për të na prezantuar edhe jashtë.
Mbasi, familja mbretërore shqiptare, sot meriton më shumë se çdo politikan në Shqipëri të nderohet me të gjitha atributet që i takojnë, prej kombit shqiptar. E jo të flitet ende si gjysmë shekulli më parë gjatë sundimit komunistë - kur foli propaganda komuniste e Enver Hoxhës, dhe baballarët e tyre. Dhe, më keq, është se kur një njeri që i ka mbushur mendja “top” që ai(Edi Rama) të bëhet Kryeministri i ardhshëm i Shqipërisë, flet akoma ashtu si ja ka konfigurar Enveri atë pak tru që ka, flet me të njëjtën “urrejtje” ndaj figurës së Mbretit Zogu i Parë.

Madje edhe shtypi dhe propaganda majtiste, e cila ka pothuajse nën kontrollin e saj më se 90 përqind të medias shqiptare, teksa merret për ditë me një lajmë ordinere, “injoron” totalisht ditëlindjen e Lartësisë së Tij Mbretërore Princi Leka, jo pa qëllim. Ndërsa, kujtohet ditëlindja e diktatorit me lajme të ndryshme, dhe “bëmat” e tij – jo pa qëllim harrohet Mbretëria shqiptare, madje ajo me të njëjtën propogandë si në kohën e komunizimit sulmohet edhe sot.

Dje më 26 shkurt, mbushi 31 vjeç Crown Prince Leka II i Shqipërisë ! Ku, vetëm në Shqipëri mund të ndodhi kjo që 90 përqind e shtypit të mos e permend fare ditëlindjen e Princit Leka, pinjollit të vetëm të familjes mbretërore shqiptare. Në një kohë që disa nga vendet më të zhvilluara dhe të qytetruara të botës, si : Britania e Madhe, Hollanda, Japonia, Monako, Suedia, Danimarka, Norvegjia, Luksenburgu, Austria, e tjera, e kan ditëlindjen e Mbretit të tyre festën më të madhe kombëtare, dhe e kan kujtuar edhe ditëlindjen e Crown Prince Leka II i Shqipërisë .

Dhe, kjo është fatëkeqsia më e madhe për ne shqiptarët, ngaqë se për Mbretin dhe mbretërinë shqiptare, më shumë flasin dhe e nderojnë të huajt, se sa ne vetë shqiptarët. Kështu, ndodhi edhe në maj(19 Maj, 2012) të vititi të kaluar, kur LTM Princi Leka II u dekorua me kordonin e madh të Urdhërit Santi Maurizio e Lazzaro, i cili është një nga urdhrat kalorsiakë më prestigjozë të Europës, shtypi i majtë u ngërthye si në kohën e Enver Hoxhës.

Dje, Kalendari Mbretëror Botëror, kujtoi 26 Marsin 2013, me Ditëlindjen e 64-të, të Princeshës së Kurorës Margarita e Rumanisë, e cila ka lindur më 26 Mars 1949. Ditëlindjen e 31-të, Crown Prince Leka II i Shqipërisë i lindur më 26 Mars 1982. 26 Marsin kur Hollanda festoi Ditëlindjen e 8-të, të konteshës, Emma Luana e Orange-Nassau, Jonkvrouwe van Amsberg e lindur më 26 Mars 2005. Më 26 Mars Luksemburgu dhe Austria, kremtuan Ditëlindjen e 19-të, të Archduchess Gabriella së Austrisë, Princesësh Imperiale e Austrisë, Princess Royal së Hungarisë,

/ Crown Prince Leka II i Shqipërisë/

Leka II ka lindur më 26 Mars 1982, në orën 13:43, në Johanesburg, Afrika e Jugut në “Sandton Clinic”. Klinika në të cilën ka lindur NTM është shpallur nga qeveria e Afrikës së Jugut si tokë shqiptare për 24 orë, me kërkesë nga NMT Leka I, Mbret i Shqiptarëve. Princi Leka II është i fejuar me aktoren Elia Zaharia. LTM Leka II, Princ i Shqiptarëve u shpall Trashëgimtar i fronit në vitin 2000, mbas një betimi që Ai bëri përpara arkivolit me trupin e NMT Leka I, Mbret i Shqiptarëve. Nga ajo ditë, Ai zgjodhi të ishte LTM Leka II, Princ i Shqiptarëve.
Në vitin 2004 deri në vitin 2005 , Ai vijoi studimet në akademinë me famë botërore”Royal Military Academy of Sandhurst” në Mbretërinë e Bashkuar. Gjatë këtyre studimeve mori edhe disa çmime si psh: “The King Hussein Price” dhe Toga e LTM Leka II, Princ i Shqiptarëve është shpallur si “The Sovereign’s Platoon”në Universitetin Mbreteror Iliria dega Marrdhenie Nderkombetare dhe Diplomaci.

Dekoratat :

Oficer i Urdherit te Skenderbeut.
The Irish Nobility “ The Nobiliary Fraternity of the Nia Naisc”.
President Nderi Presidenti i Federates Shqiptare te Golfit.
President i Shoqates “Mati”.
President Nderi i Shoqatës Italiane për Jetimet “Fiaba”.
Pratrone: “The International Comission and Association on Royalty and Nobility”
Antari i Nderit te: SOS Orphans of Albania (SOS Avenir Orphelins d’Albanie – France)
Antari i Nderit te: Albanian Olympic committee 2011.

LTM Princi Leka II është dekoruar me kordonin e madh të Urdhërit Santi Maurizio e Lazzaro, i cili është një nga urdhrat kalorsiakë më prestigjozë të Europës.
Gjuhët: Shqip dhe Anglisht

Shpallja e Titullit Princ Trashëgimtar është bër në bazë Statutit të Vitit 1928, të Mbretërisë Shqiptare, Princi Trashëgimtar i fronit mbretëror është djali më i madh i Familjes Mbretërore. Kështu që Ai shpallet trashëgimtar i Fronit Mbretëror mbasi të ketë mbushur moshën 18 vjeçare, nga NMT Mbreti. NTM Leka II, Princ i Shqiptarëve u shpall Trashëgimtar i fronit në vitin 2000, mbas një betimi që Ai bëri përpara NMT Leka I, Mbret i Shqiptarëve, në Johanesbug. Nga ajo ditë, Ai u zgjodh të ishte NTM Leka II, Princ i Shqiptarëve.

 

 

 

http://www.balkanweb.com/intervista/2688/princi-leka-ii-pse-qau-babai-ne-castet-e-fundit-te-jetes-125832.html

27 Mars 2013 - 09:35 |

Princi Leka II: Pse qau babai në çastet e fundit të jetës
Nga: REZARTA DELISULA
Princi Leka II: Pse qau babai në çastet e fundit të jetësTIRANE - Ai është një djalë i edukuar, i kulturuar, e me të folurën e tij të qetë, të bën ta dëgjosh me kujdes. Në këtë drejtim i ngjan shumë atit të tij, të cilit me kalimin e viteve, ka nisur t'i ngjasojë edhe në portret. E takojmë Princin Leka II, në rezidencën mbre-tërore në qendër, takim që përkoi me ditëlindjen e tij të 31-të. Me politesën karakteristike, ai pranon të na japë kohë dhe të flasë për një moment shumë të vështirë të jetës së tij, humbjen e babait, njeriut që e mësoi mbi të gjitha të jetë ky që është sot, një djalosh me zemër e mendje të madhe. Në këtë intervistë të dhënë për "Gazetën Shqip-tare", Princi Leka II na përcjell përjetimet, bisedën e fundit me të atin, planet që ka në të ardhmen dhe veçantinë e punës së tij, tashmë si këshilltar i presidentit.
Dje festuat 31-vjetorin dhe është hera e dytë që e festoni ditëlindjen tuaj pa babain. Sot, gati 18 muaj pas vdekjes së tij, cila është pjesa në të përditshmen tuaj ku ia ndjeni më tepër mungesën?
Më mungon jashtëzakonisht dashuria prindërore, afërsia që kishim dhe diskutimet që ndanim çdo ditë së bashku. Më mungojnë këshillat e tij në aktivitetet e përditshme, të shprehurit lirshëm për problemet me të cilat përballet Shqipëria dhe Kombi shqiptar, si dhe e ardhmja e tij. Janë gjithnjë një sërë gjërash nga më të thjeshtat që të kujtohen kur humbet njerëzit më të dashur, krahas dhimbjes së përhershme shpirtërore që nuk shërohet kurrë.
Dy humbje të njëpasnjëshme brenda pak vitesh, nëna dhe babai, ... a ju kanë rritur para kohe?
Unë kam qenë me fat, edhe si fëmijë i vetëm, që gjithnjë kam ndjerë shumë dashuri nga prindërit e mi dhe nëpërmjet edukimit ata më kanë dhënë gjithnjë mbështetje. E gjitha kjo dhe, jeta në vetvete në situata specifike, të jep pjekuri dhe forcë që të përballesh me sfidat e kohës, dhe mund të them se prindërit e mi më kanë përgatitur mirë e me një edukatë shembullore. Në sajë të formimit tim, të edukatës dhe përgatitjes, unë ndjej shumë përgjegjësi dhe detyrim për të përmbushur aspiratat e Familjes Mbretërore, si simbol i unitetit të Kombit shqiptar, dhe për këtë kam një besim të patundur.
Keni pasur një marrëdhënie shumë të ngushtë me Mbretin Leka I, keni po ashtu një ngjashmëri shumë të madhe edhe në fizik; çfarë keni marrë më shumë prej karakterit të tij?
Durimin, gjakftohtësinë, vetëpërmbajtjen dhe përkushtimin ndaj idealit që ne besojmë.
Cila ka qenë biseda e fundit me babain tuaj në fund të nëntorit 2011 kur ai u shua?
Biseduam për z. Ramush Haradinaj, i cili në atë kohë ndodhej në Gjykatën e Hagës, dhe kjo bisedë u zhvillua pas vizitës në spital të vëllait të tij, Gjeneral Daut Haradinajt. Babai kishte një respekt të veçantë për familjen Haradinaj dhe sigurisht, për të gjithë ata që sakrifikuan për idealet kombëtare me gjakun dhe jetën e tyre. Padyshim, unë kam trashëguar të njëjtën dashuri për këtë familje, si dhe për familjen Jashari dhe familjen Rugova.
Cili ka qenë meraku i babait tuaj?
Asnjëherë nuk ka pasur ndonjë merak vetjak apo familjar. Ai ua kushtoi gjithë jetën e tij idealeve kombëtare, një Shqipërie të lirë, demokratike dhe të begatshme në kuptimin perëndimor të fjalës. Meraku i parë ishte shembja e diktaturës komuniste dhe pavarësia e Kosovës, që u realizuan dhe i përjetoi. Pas kësaj, merak kishte një Shqipëri më të begatë dhe një komb të bashkuar, - aspiratë kjo që i mbetet brezit tonë për ta realizuar. Sistemin e Monarkisë Kushtetuese nuk e shihte aq si ambicie personale, sesa si një sistem më të efektshëm dhe të përshtatshëm mbarëkombëtar.
Vjet erdhën në Tiranë eshtrat e Ahmet Zogut, gjyshit tuaj; a ndiheni më i lehtësuar nga kjo ngjarje dhe cili ka qenë roli juaj në gjithë këtë?
Viti i kaluar ishte një vit i paharruar për gjithë shqiptarët kudo që ndodhen, si vit jubilar i 100-vjetorit të Pavarësisë, dhe në këtë kuadër u bë i mundur dhe rikthimi i eshtrave të Mbretit Zog, ngjarje për të cilën unë i jam shumë mirënjohës qeverisë. Roli im ishte si anëtar i Komisionit Qendror, posaçërisht për këtë eveniment, dhe gjej rastin të falënderoj z. Flamur Noka, Aldo Bumçi, Lulzim Basha dhe Ekrem Spahia për punën e palodhur. Njëkohësisht, falënderoj tej mase edhe ambasadorin tonë në Francë, z.Ylljet Aliçka, për ceremoninë solemne të organizuar në Paris, ku morën pjesë shumë personalitete të shquara të qeverisë franceze dhe të aristokracisë evropiane. Pa dyshim që mirënjohjen më të thellë, Familja Mbretërore ia dedikon kryeministrit, z. Sali Berisha, pa të cilin, rikthimi i eshtrave, rindërtimi i Mauzoleumit dhe përmendorja kushtuar Mbretit Zog në Tiranë do të ishin të pamundura.
A ishte ky, një premtim juaji i mbajtur?
Kjo është e vërtetë, por jo e gjitha. Ne, me të vërtetë jemi të qetë që dinjiteti i Familjes Mbretërore u vu në vendin që i takon, por duhet menduar dhe punuar edhe për gjithë ato familje pro-monarkiste që janë persekutuar çnjerëzisht gjatë periudhës së regjimit komunist. Eshtrat e Mbretit Zog nuk do të gjejnë qetësinë e plotë pa u vënë në vend edhe dinjiteti i përkrahësve të tij, dhe ky nuk është vetëm një obligim i Familjes Mbre-tërore, por mendoj se duhet të jetë obligim i gjithë shoqërisë demokratike, për të cilën ata u persekutuan.
Thoni që eshtrat e Mbretit Zog nuk do gjejnë qetësinë e plotë pa u vënë në vend dinjiteti i përkrahësve të tij; çfarë nënkuptoni me këtë?
Unë shpresoj që me realizimin e përfundimin e Mauzoleumit të Familjes Mbre-tërore, do të kemi mundësi që të bëjmë një mur kuptimor, për të gjithë ata njerëz, ato familje që kanë sakrifikuar e kanë dhënë kontributin e tyre për ndërtimin e shtetit shqiptar në kohën e Ahmet Zogut, por edhe që janë persekutuar në regjimin komunist, për të siguruar që historia e tyre të mos harrohet nga populli shqiptar, dhe në këtë drejtim, ne e kemi obligim që si Familje Mbretërore, të sigurojmë që të vërtetat historike të mos harrohen nga gjeneratat që do vijnë e nga rinia e sotshme.
Kur do të bëhet bashkimi i të gjithë anëtarëve të Familjes Mbretërore në Mauzoleumin e ndërtuar?
Pyetja është e drejtë, pasi fillimisht Mauzoleumi i ndërtuar në vitin 1936 u quajt "Varri i Nënës Mbre-tëreshë" dhe në kujtesën e popullit ky emërtim nuk u shua edhe gjatë viteve të diktaturës komuniste, e cila në mënyrë barbare kishte shkatërruar varrin e një nëne. Deri tani në Mauzoleumin e rindërtuar prehen eshtrat e gjithë anëtarëve të familjes, me përjashtim të Nënës Mbretëreshë Sadije, së cilës dhe iu kushtua ky Mauzoleum në kohën e Mbretërisë.
Projekti ynë imediat është që Nëna Mbretëreshë Sadije të jetë së bashku me djalin dhe nipin e saj, si dhe me Mbre-tëreshën Geraldinë dhe Mbretëreshën Suzanë, duke restauruar themelet e varrit origjinal si pjesë përbërëse e plotësuese të Mauzoleumit të rindërtuar dhe ndërkohë, duke krijuar edhe një dimension tjetër historik, për t'u treguar brezave të rinj egërsinë dhe aktet çnjerëzore të regjimit komunist.
Babai juaj, Mbreti Leka I, u shua vetëm pak ditë pas 28 nëntorit 2011, e fjalët që u thanë ishte se ai lëshoi lot në shtratin e vdekjes kur pa flamurin që e kishte kërkuar nga ju ta vinit në dritaren e dhomës së tij në spital. E vërtetë?
Kjo është absolutisht e vërtetë, ishin çastet më emocionale e më të paharruara. Mbreti në ato momente nuk ishte në gjendje të fliste dhe unë kujtoj prekjen e flamurit me dorën e tij... vështrimin nga dritarja ku e vendosëm flamurin... disa pika lot që u rrokullisën... e që nuk i kisha parë kurrë në sytë e këtij njeriu të fortë... Të tjerat, mund t'i imagjinoni vetë.
Cila ka qenë këshilla më e vlefshme që ju ka thënë Mbreti Leka I?
Dëgjoji të tjerët. Nuk ka rëndësi rangu që ka në shoqëri personi që flet. Konsiderojeni atë sikur të jetë njeriu më i fuqishëm, duke i vlerësuar mendimet e tij dhe jo vetëm mënyrën e të shprehurit.
Po ju, e këshillonit ndonjëherë për diçka? Për tymosjen e duhanit, për shembull?
Jam përpjekur gjithnjë t'ia largoj duhanin, por pa sukses. Ai kishte lirinë për ta zgjedhur vetë mënyrën e tij të jetës. Siç duket, kishte shumë strese dhe duhani e qetësonte.
Elia, krah jush për shumë vite tashmë; do kemi dasmë sivjet siç është përfolur apo është ende herët? Detajet, nëse ka ardhur momenti t'i zbuloni?
Jemi ende duke bërë plane dhe do t'ju informojmë në kohën e duhur.
Nga Ministria e Jashtme si këshilltar, i të Brendshmes deri në 2012-ën e, prej pak muajsh në Presidencë si këshilltar politik. Cila nga të tria është puna më tërheqëse, ajo që ju bën të mendoheni më gjatë, me më shumë përgjegjësi, edhe pse në thelb janë të ngjashme?
Secila nga detyrat ka pasur të veçantat e veta, por them se kam qenë me fat që gjatë gjashtë viteve më është dhënë mundësia të përfitoj përvoja të ndryshme. Nëse puna në Ministrinë e Brendshme ishte shumë teknike, në Ministrinë e Jashtme ishte më tepër dinamike, ndërsa në Presidencë ka karakter më krijues. Më kujton studimet e mia, kur qëndroja gjatë duke shkruar dhe analizuar çdo zhvillim nëpërmjet llogarive të detajuara.
Keni punuar me presidentin aktual Bujar Nishani si këshilltar i tij edhe në Ministrinë e Bre-ndshme; aty u vendos komunikimi mes jush, pasuar më pas edhe me ftesën për t'u bërë kë-shilltar i tij?
Jam shumë i nderuar që presidenti Nishani më propozoi të bëhem pjesë e kabinetit të tij, gjë të cilën unë e konsideroj së pari si vlerësim të punës sime në Ministrinë e Punëve të Brendshme. E ndjej që na bashkon një gjë e përbashkët dhe shumë e rëndësishme: Dashuria për Kombin shqiptar, pavarësisht nga forma e qeverisjes së shtetit, ku ndajmë pikëpamje të ndryshme. Por synimet dhe qëllimet tona janë plotësisht të njëjta: Të punojmë me përkushtim për të mirën dhe begatinë e popullit dhe Kombit shqiptar.
Sa kohë keni pa shkuar në Afrikën e Jugut, vendin ku u lindët e rritët?
Nuk jam kthyer në Afrikën e Jugut qysh nga viti 2002 kur erdha për herë të parë në Shqipëri dhe mund të them se këto 11 vite kanë kaluar me një shpejtësi të pabesueshme.
Ju mungon ajo pjesë e fëmijërisë suaj?
Unë kam shumë kujtime të bukura për Afrikën dhe shpresoj se në një kohë të përshtatshme, së bashku me Elian do të vizitojmë vendin ku kam kaluar fëmijërinë time. Çdo gjë bëhet në kohën e duhur.
Mbani qen tani? E keni pasur pasion, apo jo?
Qentë janë krijesa të mrekullueshme dhe mbajtja e tyre ka qenë në traditën e familjes sonë. Di se edhe gjyshi im, Mbreti Zog, ka pasur një të tillë.
Cilët janë miqtë që ju ndenjën më pranë pas humbjes së babait?
Ju them se jam me shumë fat që kam pasur një mbështetje të gjithanshme vitin e kaluar. Miqësia është një gjë shumë e rëndësishme. Më kanë rrethuar kaq shumë miq, sa nuk numërohen.
Ka pasur njerëz që dikur, kur Leka I ishte gjallë vinin e pas vdekjes së tij u 'zhdukën'?
Unë vetë kam zgjedhjet e mija, por miqësia e vërtetë mbetet gjithnjë e tillë, pavarësisht nga rrethanat dhe situatat që ndodhin. Babai im ka pasur shumë miq gjatë jetës së tij dhe ata kanë mbetur përsëri të tillë.
Sot jeni trashëgimtari i vetëm i fronit mbretëror; si janë marrëdhëniet tuaja me Partinë e Legalitetit?
Është një marrëdhënie e natyrshme, pasi Partia e Legalitetit ka qenë dhe është mbështetësja kryesore e Monarkisë. Është një zë i rëndësishëm për vizionin që kanë pasur gjyshi dhe babai im për një Shqipëri moderne dhe të lirë si dhe një komb të bashkuar e të fortë. Partia e Legalitetit synon një shtet të mirëfilltë ligjor, për një familje të shëndoshë, duke ruajtur traditat më të mira të popullit shqiptar. Ajo është një parti konsekuente ndaj vlerave morale dhe kundër çdo devijimi. Është parti që ka në programin e saj krijimin e kushteve të përshtatshme për rimbajtjen e një referendumi lidhur me formën e organizimit të shtetit, duke synuar vendosjen e sistemit të Monarkisë Kushtetuese, si sistemi më garant i demokracisë dhe prosperitetit të popullit, gjë kjo e dëshmuar pothuajse në të gjitha Monarkitë evropiane dhe shtetet më të zhvilluara të Evropës dhe të botës.
Keni bërë kërkesë për kthimin e pronave të familjes suaj, së fundmi dhe Pallatit të Brigadave; keni besim se do i merrni?
Unë kam kërkuar që Pallati i vjetër Mbretëror të jetë i hapur për gjithë publikun. Ai është një pasuri, e ndërtuar nga gjyshi im, Mbreti Zog, si shenjë e dashurisë së tij ndaj Mbretëreshës Geraldinë. Tirana duhet të krenohet me historinë dhe kulturën e saj, dhe periudha e Monarkisë është një pjesë shumë e rëndësishme e historisë dhe kulturës së kryeqytetit. Për sa u përket pronave, unë jam i sigurt se edhe Shqipëria do të veprojë si vendet e tjera të Rajonit për trajtimin e këtij problemi, si dhe për statusin që gëzojnë Familjet Mbretërore në këto vende.

(er.nu/Gazeta Shqiptare/BalkanWeb)

 

 

 

http://www.voal-online.ch/index.php?mod=article&cat=SHQIPTAR%C3%8BT&article=31828&highlight=PRINCI+LEKA&match

PRINCI LEKA - JAM I BINDUR SE KOMBI SHQIPTAR DO TË BASHKOHET FUQIMISHT PËR TË KONTRIBUAR NË FAMILJEN EVROPIANE (Intervistë në 'Illyria')

E Martë, 03.26.2013, 05:17pm (GMT+1)




PYETJE: Kuadri tërësor i veprimtarive dhe festimeve të 100-vjetorit të pavarësisë së Shqipërisë.

PRINCI LEKA: Festimet e 100 vjetorit ishin të pabesueshme, ndërsa të shihje popullin shqiptar të bashkuar në këto kremtime ishte tejet emocionuese. Në një aspekt më personal kthimi i eshtrave të Mbretit Zog ishte një ngjarje historike dhe gjithashtu një mundësi për të reflektuar mbi këto 100 vite të kaluara në tërësinë e tyre. Megjithëse historia shqiptare ka kaluar peripecitë e saj, unë mbetem shumë optimist duke ndjerë forcën e popullit shqiptar.


PYETJE: Analiza Juaj për gjendjen në Shqipëri.

PRINCI LEKA: Shqipëria është një vend dinamik, sistemi politik mbetet i polarizuar ndërmjet dy partive kryesore dhe zgjedhjet e ardhshme do të mbartin një rëndësi të veçantë dhe përcaktojnë zhvillimin e mëtejshëm të vendit. Në mënyrë më specifike në ecjen përpara në marrjen e statusit te vendit kandidat ne Be dhe në projektin e integrimit europian.

Shpresoj se zgjedhjet e ardhshme do të jenë të lira dhe demokratike dhe që deputetët që do të zgjidhen në parlamentin e ri do të përfaqësojnë votuesit gjatë mandatit të tyre. E theksoj këtë pasi në Shqipëri përfaqësimi mbetet ende problem.

Jam i lumtur që prej vitit 2005, Shqipëria ka ndryshuar pozitivisht për të mirën e popullit dhe se ndjenjat e patriotizmit po rilindin te Shqiptarët.


PYETJE: Pritshmëria e Princit Leka për përparimin e shqiptarëve.

PRINCI LEKA: Mbetem i besimit se shqiptarët në rajon do të njohin zhvillim të vazhdueshëm, por ne duhet të jemi të ndërgjegjshëm për rolin tonë si faktor stabiliteti në Ballkan dhe të sigurohemi që përpjekjet tona të mos minohen e të shkojnë dëm. Bashkimi i Shqiptarëve në një kontekst europian është në proces dhe unë jam i bindur se me iniciativat e mëtejshme administrative, ekonomike dhe kulturore, kombi shqiptar do të bashkohet fuqimisht për të kontribuuar në familjen europiane.


PYETJE: Përpjekjet Tuaja të sotme, të Mbretit Leka I dhe Mbretit të Shqiptarëve Zog I për forcimin e shtetit shqiptar.

PRINCI LEKA: Në vitet e kaluara unë jam fokusuar kryesisht në sferën ndërkombëtare. U përkujdesa që ta kryej vizitën time të parë pas vdekjes të Mbretit Leka I, në Shtetet e Bashkuara të Amerikës ku kryesija e Partisë Levizja e Legalitetit në New York u kujdes për pritjen dhe programin e vizites. Më atë rast, mora pjesë në festimet e Federatës “Vatra” dhe pata takime në Kongresin e Shteteve të Bashkuara. Unë mendoj se Familja Mbretërore mund të luajë një rol të rëndësishëm në aspektin social në vend. Në këtë kontekst, Elia dhe unë kemi menduar themelimin e një fondacioni të fokusuar në përmirësimin e jetës së shqiptarëve dhë në një fushatë marrëdhënieje publike për të promovuar Shqipërinë në komunitetin ndërkombëtar.

Sa për Mbretin Zog, dihet tashmë se ai ishte themeluesi i shtetit të parë modern shqiptar. Kontributi i tij në ndërtimin e institucioneve dhe të një ndërgjegjeje kombëtare po del çdo ditë e më shumë në dritë. Ndërsa Mbreti Leka ia kushtoi jetën e vet çlirimit të vendit, lirisë dhe demokracisë si dhe bashkimit kombëtar. Dhe kjo nuk është pak, kur merren parasysh kushtet dhe rrethanat e asaj kohe.


PYETJE: Puna e Familjes Mbretërore për bashkimin kombëtar dhe si e shihni këtë proces në vazhdimësi, raportet me serbët, grekët dhe fqinjët

PRINCI LEKA: Familja Mbretërore Shqiptare do të jëtë përherë mbështetëse e Kombit Shqiptar si një simbol i bashkimit të shqiptarëve dhe do të bëjë më të mirën që ata të mbrohen e të gëzojnë të gjitha liritë që janë të natyrshme në një demokraci. Kemi shumë për të bërë për forcimin e kombit shqiptar brenda një Europe ku kufijtë do të kenë rëndësi gjithnjë e më pak. Sigurisht që jam i bindjes së Monarkia do të luajë një rol të rëndësishëm në këtë aspekt, tok më aleatët tanë europianë dhe amerikanë. Sesi do të materializohet kjo, do të vendoset, por me kohë edhe durim.


PYETJE: Mundësia e një referendumi të ri për sistemin shtetëror, republikan apo Mbretëri. Kjo, sepse meqë referendumi i vitit 1997 nuk u kontrollua dot për shkak të gjendjes që kalonte Shqipëria dhe mungesës së komisionerëve të legalistëve në numërimin e votive.

PRINCI LEKA: Fitorja e referendumit në vitin 1997 ishte një shembull i mbështetjes së popullit për shpresën e ndryshimit dhe stabilitetit që Monarkia mund të kishte siguruar. Megjithëse jam i ndërgjegjshëm për vështirësitë që mbartte ajo kohë e tmerrshme për shqiptarët, jam i mendimit që Monarkia duhet të jetë më aktive në zhvillimin e vendit. Me kohën do të jemi në një pozicion më të fortë për të propozuar mundësinë e një referendumi të ri që do të përcaktojë llojin e sistemit që do ti përgjigjet më së miri nevojave të kombit në të ardhmen.


PYETJE: Marrëdhëniet Tuaja me shqiptarët, klasën politike dhe institucionet e tyre në Kosovë, shtetin maqedonas, Çamëri, Serbi dhe në Malin e Zi.

PRINCI LEKA: Ruaj marrëdhënie kordiale me shumicën e partive politike shqiptare. Sigurisht çdo rast bazohet mbi specifika dhe situata të veçanta.


PYETJE: Integrimi në Bashkimin Europian, çfarë duhet të bëjë politika.

PRINCI LEKA: Meqë shumica e shqiptarëve janë pro integrimit europian unë besoj se të gjitha partitë politike duhet të lënë mënjanë ndasitë dhe të bashkojnë qëndrimet në një front të përbashkët për të punuar për procesin e integrimit, në mënyrë të veçantë në lidhje me skeptikët e procesit të zgjerimit. Duhet të fokusohemi më pak në politikën lokale të Tiranës, dhe të trajtojme çështjet jetike për perspektivën e Brukselit. Viti 2013 do të jetë një vit vendimtar, si rrjedhojë e zgjedhjeve dhe para se të parashikohet statusi i vendit kandidat në 2014.


PYETJE: Gjykimi Juaj mbi qëndrimet për Mbretërinë nga klasa politike brenda dhe jashtë Shqipërisë

PRINCI LEKA: Çëshjta e Monarkive është rajonale dhe duhet analizuar si e tillë. Qeveria malazeze sapo ka vënë në zbatim një status mbretëror për Princin Nikolai, i ka ndërtuar atij një pallat të ri dhe e ka financuar me fonde shtetërore fondacionin e tij. Ndërsa në Rumani aktualisht janë duke u diskutuar ndryshime kushtetuese, ku Monarkia do të njihet madje mund të ndryshohet sistemi qeverisës. Vlen të përmendet këtu edhe ndryshimet pozitive që kanë arritur vitet e fundit familjet mbretërore Serbe dhe Greke. Familja Mbretërore Shqiptare ka shumë për të punuar që të ndryshojë propogandën e vjetër komuniste që ka influencuar negativisht shoqërinë në 60 vitet e fundit.


PYETJE: Përgjigja Juaj për kundërshtarët e Mbretërisë.

PRINCI LEKA: Të gjithë shqiptarët duhet të bashkohen dhe të punojnë për idealet tona kombëtare pavarësisht ndasive politike.


PYETJE: Marrëdhëniet personale me krerët e partive

PRINCI LEKA: Në përgjithësi shumë të mira.


PYETJE: Si e shihni funksionimin e institucioneve

PRINCI LEKA: Termi institucion nuk është zhvilluar si duhet ende, pasi sistemi qeveritar në Shqipëri është i përcaktuar nga figura me influencë dhe jo qëndrueshmëria institucionale. Kjo është arsyeja që shpesh kur flas për aktivitetet e Oborrit Mbretëror përmend rëndësinë institucionale që mbart ai dhe jo forcën e individëve të veçantë.


PYETJE: Mesazhi Juaj për komunitetin e fortë shqiptaro-amerikan dhe mbështetësit e Mbretërisë në SHBA

PRINCI LEKA: Të vazhdojnë të mbeten ambasadorët tanë më të mirë dhe të sigurojnë që vlerat tona të përbashkëta të mbeten gjithmonë të gjalla. Ne duhet të jemi krenarë për trashëgiminë kombëtare.


PYETJE: Zgjidhja e çështjes së pronës, a mund të kemi ligj të ri, përderisa shumë pronarë ende nuk e kanë marrë atë që u takon.

PRINCI LEKA: Nuk do të preferoja të komentoja për këtë çështje pasi kjo është një plagë në zhvillimin ekonomik të vendit.


PYETJE: Qëndrimi për ish-të përndjekurit politikë

PRINCI LEKA: Ka shumë çështje që presin zgjidhje, ndërsa media ka reflektuar një pakicë ekstremistësh që nuk po ndihmojnë aspak në zgjidhjen e problemeve të vërteta të ish-të përndjekurve politikë. Në anën simbolike të çështjes, është absurd fakti që Enver Hoxha mban ende titullin e Heroit të Popullit, ndërsa është domosdoshmëri krijimi i një muzeu qëndror për krimet e komunizmit sikundër kanë bërë vende të tjera. Ne nuk duhet të harrojmë vuajtjen e aq shumë patriotëve të vërtetë. Po ashtu, skema e pensionit të funksionarëve të ish-komunizmit është absurde në krahasim me të persekutuarit politikë. Megjithatë unë besoj se qeveria është e përkushtuar totalisht në plotësimin e detyrave të saj ndaj kësaj shtrese.


www.voal-online.ch