http://www.shekulli.com.al/

Ndryshuar: E Enjte, 19 Shtator, 2002

Leka nis turin në Shqipëri

TIRANË - Leka Zogu dhe familja e tij fillojnë sot një udhëtim drejt vendlindjes së Mbretit Ahmet Zogu. Gjatë këtij udhëtimi familja mbretërore do të zhvillojë disa takime me njerëzit e fshatrave dhe qyteteve që ndodhen përpara fshatit Burgajet, fshat i lindjes së Zogut ku ndodhet varri i Xhemal Pashë Zogut, gjyshit të Leka Zogut. Ndalesa e parë e familjes mbretërore do të jetë në bashkinë e Burrelit ku do të pritet nga kryetari i bashkisë dhe nga zyrtarë të tjerë lokalë dhe më pas do të nisen drejt Burgajetit. Sipas vetë Leka Zogut, i cili doli dje në një konferencë për shtyp, por edhe zyrës së shtypit të tij, bëhet e ditur se familja mbretërore do të takohet edhe me popullin e zonave përreth. "Eshtë lajmëruar se njerëz të zonave përreth kanë filluar përgatitjet për ta pritur Leka Zogun, për shembull është përgatitur një pritje në fshatin Skuraj, Uji i Ftohtë, tek vendi i quajtur Çezmat",- njoftoi dje zëdhënësi i shtypit Gërmenji. Sipas tij, në vendet që do të ndalohet Leka Zogu do të mbajë fjalimet e rastit. Leka Zogu njoftoi dje gjithashtu se është rikthyer në Shqipëri Nëna Mbretëreshë Geraldina, e cila tani gëzon një shëndet të plotë, por që nuk mund t'i bashkohet familjes mbretërore në udhëtimin e parë jashtë Tiranës. Nëna Mbretëreshë kaloi një periudhë kohe në një klinikë në Francë, pas disa shqetësimeve shëndetësore që u shfaqën me ardhjen e saj në Shqipëri.

http://www.korrieri.com/

Pretendenti i fronit mbreteror shprehet se do te beje nje tur te ngadalte vizitash ne disa rrethe te vendit. "Kane filluar bisedimet per kthimin e eshtrave te mbretit Zog ne Shqiperi, por procedura do te jete e gjate", thote ai

Pretendenti i fronit mbreteror Leka Zogu do te zhvilloje neser nje vizite ne fshatin Burgajet te rrethit te Matit, per te nderuar kujtimin e paraardhesve te familjes se tij. Ne kete vizite Leka do te shoqerohet nga mbreteresha Suzane dhe princi Leka. Kjo vizite mendohet se do te jete pjese e nje turi te ngadalte vizitash, qe pretendenti i fronit mbreteror ka ndermend te zhvilloje ne disa rrethe kryesore te vendit. Lajmi eshte bere publik per median nga vete Leka, ne nje konference per shtyp. Turi mendohet se do te shenoje edhe fillimin e pergatitjeve per nje referendum te ri te mundshem per formen e regjimit. Gjithsesi, Mbreti Leka shprehet se "ceshtjen e referendumit e ka lene ne dore te vete shqiptareve" dhe se turi qe do te ndermarre ne nje te ardhme jo te afert, "do te kete si qellim forcimin e lidhjeve me popullin dhe njohjen nga afer te problemeve me te cilat perballen zona te caktuara te vendit". Sic eshte bere e ditur, Leka Zogu nuk e ka njohur rezultatin e referendumit per formen e regjimit, i cili u zhvillua me 29 qershor '97. Sipas oborrit mbreteror, rezultatet e referendumit u manipuluan, per faktin se "kishte fituar me shumice derrmuese forma e monarkise kushtetuese". Lidhur me ceshtjen e pronave, Leka Zogu sqaroi dje se eshte ne pritje te projektligjit qe po shqyrtohet ne Kuvend per kete ceshtje. "Do te kerkojme gjithcka ne baze te ligjit", ka nenvizuar ai. Pretendenti i fronit mbreteror me kete rast informoi edhe per kthimin ne Shqiperi te Nenes Mbretereshe, pas nje operacioni qe i eshte bere asaj ne nje spital te Parisit. Sipas tij, operacioni ka qene i veshtire, por ka dale me sukses gje qe ka permiresuar ndjeshem shendetin e Geraldines. Gjithashtu, Leka Zogu beri te ditur se kane filluar bisedimet lidhur me kthimin e eshtrave te mbretit Zog ne Shqiperi, por kjo procedure do te jete pak e gjate pasi, sipas tij, "eshte jashtezakonisht e komplikuar".

A. META

 

Pretendenti i fronit mbreteror ka darkuar ne banesen e zevendeskryeministrit, i shoqeruar nga mbreteresha Suzane dhe princi Leka

Pretendenti i fronit mbreteror te Shqiperise, Leka Zogu, i shoqeruar nga bashkeshortja Suzane dhe djali i tij, Leka, kane darkuar ne banesen e zevendeskryeministrit Ilir Meta. Sipas burimeve prane Familjes Mbreterore, Leka Zogu, mbreteresha Suzane dhe princi Leka jane ftuar nga numri dy i qeverise dhe bashkeshortja e tij, Monika Kryemadhi. Ka qene pikerisht, Kryemadhi nje nga deputetet e Parlamentit shqiptar, qe shoqeroi Nenen Mbretereshe ne pritjen e organizuar ne Aeroportin e Rinasit. E fiksuar nga kamerat dhe aparatet fotografike, vete bashkeshortja e Metes ka ndihmuar Nenen Mbretereshe Geraldina te zbrese nga avioni qe e solli ne Shqiperi, duke i dhene fund nje mergimi 63 vjecar. Gjithashtu, cifti Meta ka qene nder te paret qe kane uruar Nenen Mbretereshe per 87 vjetorin e lindjes, te festuar pak jave me pare ne Tirane. Nje buqete me 87 trendafila te kuq ka qene dhurata e vecante, qe Ilir Meta dhe Monika Kryemadhi i kane bere te vese se Ahmet Zogut.

Nderkohe, burime nga Oborri Mbreteror i thane "Korrieri"-t se tre pjestaret e Familjes Mbreterore kane udhetuar drejt baneses se zv/kryeministrit ne periferi te Tiranes, te shoqeruar nga nje numer i madh truprojesh. Mesohet se darka ne familjen Meta ka zgjatur deri rreth ores 3 pas mesit te nates, duke kaluar ne nje situate te ngrohte. Jashte bisedave nuk kane mbetur zhvillimet politike ne vend, ndonese mes dy familjeve duket te lindur nje miqesi e re.

Leka Zogu dhe Familja Mbreterore vendosen te kthehen pergjithmone ne Tirane nga Johanesburgu, ku banonin prej disa vitesh, pas nje ftese te nje grupi deputetesh te Parlamentit shqiptar. Aktualisht, Familja Mbreterore banon ne nje vile luksoze prane selise se qeverise, te njohur ndryshe si Vila 4. Vete pretendenti i fronit mbreteror nuk ka patur angazhime aktive politike, duke patur sidoqofte kontakte te dendura me politikane te ndryshem.