20092002

Leka Zogu mallengjehet ne vendlindjen e Ahmet Zogut

Ashtu sic kish premtuar banoreve te Matit, Leka Zogu ishte te enjten midis banoreve te Matit. Qindra makina nga Mati i kishin dale perpara trashegimtarit Leke qe ne Milot. Te gjitha institucionet e Burrelit pothuajse ishin mbyllur ku banore te shumte kishin dale per te pritur birin e tyre Leka Zogu.

Duke folur per turneun e tij Leka tha: "Shpresoj qe kjo te mos jete kafeja e fundit qe pi ketu ne Burrel, me shpesh kemi me u taku me ju. Ne kemi nis disa takime ku te parin menduan ta bejme ne Mat qe eshte vendlindja e prinderve tane qe kane jetuar ketu brez pas brezi". Ne takim zv/kryetari keshillit bashkise Bajram Ballabani i uroi familjes mbreterore e ne vecanti mbretereshes Suzana e Princit Leka qe vijne per here te pare ne Mat. Gjithashtu ai e informoi mbretin se keshilli bashkiak ka vendosur qe shtatoria e Ahmet Zogut te vendoset ne qytetin e Burrelit.

Vendlindja e Mbretit, Burgajeti, ishte pergatitur per ta pritur Leka Zogun ne trojet e veta. Banore te shumte te ardhur nga te gjitha fshatrat e Matit kishin zbritur ne kodren e sarajeve per ta pritur ate ashtu sic kishin pritur edhe Mbretin Ahmet Zogu. Duke u drejtuar te pranishmeve ne trojet e tija ne Burgajet Leka tha: "Motra e vellezer matjane. Ju falenderoj per pritjen qe me bete. Mati e ka patur zakon me i prit bijte e vet gjithmone ashtu sic duhet. Dashuria qe ju keni per ne eshte dashuri per kombin dashuri per Shqiperine dhe ne si familje jena gati me ju pergjigj ju".

Ne afersi te trojeve te Mbretit ne Burgajet gjendet varri i gjyshit te Leka Zogut i quajtur Xhemal Pasha. Varri ishte ndertuar i ri me rastin e ardhjes se mbretit Leke ne Burgajet. Ne perkujtim te tij Leka, princesha Suzana dhe princi Leka vendosen kurora ne varrin e Xhemal Pashes.

Ne trojet e veta ne Burgajet Leka ulur kembekryq piu nje kafe me banore te fshatit ku u shkembyen shume biseda te perezmerta. Duke iu drejtuar bashkebiseduesve mbreti Leka tha: "Une nuk i kam fjalet e gjata, por do te bashkepunojme te gjithe bashke per kombin, sot kemi ardhur ketu bashke me mbretereshen Suzana dhe princin Leka per te lidhur besen per nje Shqiperi e nje komb, dhe ne rast se do te mi kerkoni do te jene gati".

Pastaj bisedat nisen perzemersisht me pleq te fshatit te cilet i shprehen atij mireseardhjen ne trojet e te pareve duke i thene se "edhe ju duhet t'i ngjani babait tuaj Ahmet Zogu".

E nese bisedat vazhduan gjate ne Burgajet me banore te ndryshem ku kerkonin te njihnin edhe premtimet e Mbretit ajo qe ishte evenimenti me i rendesishem ishte biseda qe mbreti Leka zhvilloi me njeriun qe i kish ruajtur trojet prej 70 vjetesh, Rutem Gasa. "Prej shume vitesh kam ruajtur trojet e mbretit ketu ne Burgajet jam teper i lumtur qe erdhi sot mbreti, trashegimtari i trojeve dhe me falenderoi duke me dhene nje medalion floriri. Eshte nje dite e paharruar per popullin e Burgajetit sepse sot mbreti erdhi e u takua ashtu si paraardhesit e tij", tha Gasa i emocionuar.

Ali Gjoka

Burrel, mijëra vetë presin Lekën

BURREL - Që në orët e para të mëngjesit, makina të shumta me flamuj kombëtarë dhe të Partisë së Legalitetit u drejtuan drejt kufirit perëndimor të Matit në Skuraj, për të pritur pretenduesin e fronit mbretëror, Leka Zogu. Në orën 10.30, në sheshin para bashkisë Burrel, që mban emrin "Sheshi Ahmet Zogu", i pritur nga mijëra qytetarë, zbriti Leka i Parë, i shoqëruar nga bashkëshortja e tij Suzana dhe djali i tij, i pagëzuar me emrin Leka i Dytë. Për nder të tyre, kishin ardhur kryetari i Partisë së Legalitetit, Ekrem Spahia, dhe deputeti i zonës 17, Gani Hoxha. Kryetari i bashkisë Burrel, Ramiz Palluçi i uroi mirëseardhjen dhe e ftoi Lekën në zyrën e tij të punës ku dhe biseduan miqësisht. Leka, nga ana e tij, falënderoi të pranishmit dhe i siguroi ata se nuk do të jetë vizita e fundit, përkundrazi, do të përdorë të gjitha mundësitë që të ndikojë mbi rritjen e mirëqenies ekonomike në një sinkron me zërin e qeverisë. Më pas, të shoqëruar nga rreshti i gjatë i makinave, iu drejtua fshatit Burgajet të komunës Lis për të vizituar vendin ku është lindur babai i tij, Ahmet Zogu. Pasi u përshëndet me të pranishmit, vendosi tufa me lule tek varret e gjyshërve të tij. Për nder të pretenduesit të fronit mbretëror Leka Zogu dhe familjes së tij në qytetin e Burrelit u shtrua një drekë.
Selman Picrri