Shekulli23082002

Roland Qafoku/ "Une nuk dua ligj te vecante per te marre pronat e mia". Leka Zogu, ne nje prononcim ekskluzivisht per gazeten "Koha Jone", ka deklaruar dje se eshte si te gjithe shqiptaret, rrjedhimisht do te kerkoje marrjen e pronesise se nje sere trojesh dhe vilash vetem pas miratimit ne parlament te ligjit te pronave. "Eshte absurde qe te kete nje ligj te vecante per mua dhe nje ligj tjeter per te gjithe shqiptaret", tha Leka Zogu, duke shtuar me tej se nuk ka arsye qe te behet nje diferencim i tille. Vetem pak dite me pare, ne takimin mes Nanos dhe kryetarit te Partise Demokratike te shqiptareve te Maqedonise Arber Xhaferri, kryeministri ka thene se qeveria eshte duke shqyrtuar mundesine e kthimit te nje pjese te pronave te familjes mbreterore. Kthimi i dinjitetit te familjes mbreterore pas nje ekzili 63-vjecar duhet te kete qene arsyeja kryesore e kesaj deklarate. Kjo eshte pershendetur nga nje pjese e mire e deputeteve te parlamentit, nderkohe qe nje grup pune ne qeveri eshte duke punuar per te evidentuar cilat jane pronat qe mund t'i kthehen familjes mbreterore.

Pronat e familjes Zogu

Leka Zogu u shpreh dje se nuk e di mire se cilat jane ato prona qe ai mund t'i kerkoje per t'iu kthyer. "Natyrish,- tha ai,- pronat e babait tim jane trashegimia ime, por une nuk e di mire se cilat jane". Ne iventarin e shpejte qe ben ai permend Vilen e Durresit dhe disa godina dhe shtepi ne Tirane, por pa dhene asnje detaj te hollesishem rreth tyre. Ne fakt, babai i lekes, Ahmeti, ka zoteruar dhjetera prona dhe troje ne kryeqytet dhe ne rrethe te ndryshme te vendit gjate kohes qe ka qene minister, kryeminister, president dhe ne fund mbret, por ato u shpronesuan pas ardhjes ne fuqi te komunisteve. Ata nxoren nje ligj te vecante per shpronesimin e te gjitha ketyre objekteve dhe kalimin ne pronesi te shtetit. Edhe sot e kesaj dite keto prona gezojne kete status, nderkohe qe pasardhesi i Ahmetit, Leka, nuk ka marre asnje prej tyre. Ideja e hedhur eshte nje hap krejt civil i qeverise shqiptare. Qe nga dita e mberritjes se familjes mbreterore ne Shqiperi pas 63 vitesh, te gjithe pjesetaret e saj jane instaluar nje nje vile me qira ne afersi te Radio-Televizionit Shqiptar. Absurdi qendron ne faktin se, edhe pse kjo familje dihet qe ka shume prona, vete qendron me qira ne nje vile.

Ligji i Pronave

Eshte krejt normale qe nese familja Zogu do te marre pronat e trasheguara kjo duhet te behet ne baze te nje ligji te posacem.

Por, si kjo familje jane me dhjetera e qindra ne Shqiperi qe po kerkojne kthimin e pronave. Brenda ketyre 12 viteve, diskutimi per nje ligj te tille ka thyer cdo rekord kohor. Nga njera ane kane qendruar ish-pronaret me shoqaten e tyre dhe nga ana tjeter qeverite, te cilat ne asnje cast nuk kane bere perpjekje per miratimin e ligjit. Vetem pas 12 vjetesh mesohet se eshte marre parasysh nje draft, miratimi i te cilit pritet te rregulloje te gjithe kete ngerc. Pikerisht mbi bazen e ketij ligji, Leka Zogu e shikon zgjidhjen e pronesise se pronave te tij. Porse, ndryshe nga shtepite e thjeshta tiranase e troje, pronat e Zogut jane nje sere godinash qe sot sherbejne si zyra shteti dhe si pasoje kane nje kosto shume here me te madhe se ajo e pronareve te thjeshte. Gjithsesi, shpresohet qe ligji te sherbeje si rregullator mes te dy paleve.