Hommage à M. Beqir Ajazi

Le doyen des monarchistes  albanais, M. Beqir Ajazi, a reçu de l'ambassadeur de France à Tirana, la décoration de l'ordre du grand mérite attribuée par la République française pour services rendus à la culture française.

M. Beqir Ajazi a fait partie du groupe des combattants d'Abaz Kupi et a été emprisonné par les communistes pendant dix ans à Vlora. Après la chute du communisme, il a participé à la reformation du Parti de La Légalité et a écrits plusieurs articles sur la période du roi Zog. Il a été rédacteur en chef du journal "Atdheu", à deux reprises. Il a enseigné le français, traduits plusieurs ouvrages et publié deux livres (Beqir Ajazi "Nga Shkaba me kurore te draperi me çekan (memories)" - Ed. MOKRA - 2000 - 478 p.)

Franca dekoron tre “Kalorës të Urdhrit të Meritës” në Tiranë

Tre “Kalorës të Urdhrit të Meritës” kombëtare janë dekoruar të martën në mbrëmje në ambientet e vilës “Ambasador”nga Ambasada Franceze në Tiranë, në emër të presidentit francez. Shkrimtari dhe publicisti Beqir Ajazi, këshilltari në Bashkinë e Tiranës Valter Gjoni dhe kryetari i Bashkisë së Marsejës, z.Pierre Calfof, kanë marrë këtë urdhër të lartë për merita të veçanta në punën e tyre shumëvjeçare. Në fjalën e hapjes së kësaj ceremonie, ambasadori i Francës në Tiranë, Mena Chemoff përmendi shkurtimisht kontributin e këtyre tre personaliteteve, duke i konsideruar ata si intelektualë që kanë dhënë kontribut të veçantë në fushën e frankofonisë. Në momentin e dorëzimit të kësaj dekorate, zotit Beqir Ajazi, ambasadori francez u shpreh se Ajazi ka dhënë një kontribut të veçantë në këtë fushë. “Ju keni qenë një mbështetës i përhershëm dhe një dashamirës i frankofonisë dhe meritat tuaja në këtë fushë i kanë fillesat që herët, në vitet e liceut kur ju filluat të merreni me publicistikën dhe gjuhën frënge”. Më pas, ambasadori i ka dorëzuar në duar dekoratën “Kalorës i Urdhrit të Meritës” kombëtare. Pas marrjes së këtij vlerësimi vetë z.Ajazi e ka përshëndetur këtë nder që i bëhet atij, duke e konsideruar si një nga momentet më të ndritura të jetës së tij. “Duke mos pasur tjetër mënyrë për të përballuar diktaturën unë kam përkthyer shumë letërsi të zgjedhur nga gjuha frënge. Në fakt me këtë gjuhë kam një lidhje të hershme, që në kohën e liceut, kur sapo nisi dashuria ime me këtë gjuhë. E që atëherë unë kam përkthyer poezi dhe prozë nga më të përzgjedhurat e kësaj letërsie. Sidoqoftë kjo nuk ka qenë vetëm meritë e imja”,- tha z..Ajazi, duke theksuar se një ndihmë e një shtysë e madhe për të kanë qenë profesorët e liceut të Korçës, të cilët ushqenin shpirtrat tanë me atë letërsi. Lidhja e Beqir Ajazit me gjuhën frënge i ka rrënjët që në kohën kur babai i tij, Sure Ajazi ishte oficer në ushtrinë franceze. Pas kësaj Beqiri fitoi të drejtën për të hyrë në liceun francez të Korçës ku dhe krijoi lidhje shumë të mira me profesorët. Miqësia me profesorin Andre Brezho vijon edhe sot e kësaj dite përmes vajzës së tij, Meri Brezho. Kujtimet e këtij liceu Ajazi i përmblodhi në librin “Nga shkaba me dy krerë tek drapëri me çekan”. Para çlirimit Ajazi përktheu poezinë dhe prozën franceze dhe vetë ambasadori francez theksoi në këtë mbrëmje se Ajazi ishte i pari që njohu lexuesin shqiptar me letërsinë franceze. Por puna e tij do të ndërpritej pasi e dënuan me burgim. La kështu në mes jo vetëm shkrimin e kujtimeve por dhe punën si nëndrejtor i Radio-Tiranës në ato kohë. Liria iu rikthye në 1954 dhe brenda kësaj lirie nisi të bënte punë të zakonshme si marangoz, teknik etj…Në vitin 1990 iu rikthye të shkruarit, atëherë kur dhe shumë ish-kolegë të tij u rishfaqën. Tashmë nuk e lëshon nga duart makinën e tij të shkrimit nga e cila ka dalë rrëfimi i librit të tij më të fundit “Tre breza në burgun e Burrelit” e nga i cili do të dalin të tjera rrëfime.
Perveç Beqir Ajazit, në këtë mbrëmje u dekorua edhe Valter Gjoni, këshilltar në bashkinë e Tiranës. Ai u vlerësua për kontributin e tij sidomos në vitin 1997, kur shteti francez u përpoq të ndihmonte me sa mundi popullin shqiptar. . “Për këto merita, në emër të presidentit ju bëj Kalorës së Urdhrit të Meritës Kombëtare”,- ju drejtua ambasadori Chemoff Valter Gjonit. Po me këtë vlerësim është nderuar edhe kryetari i bashkisë së Marsejës, z. Pierre Calfof, i cili në fjalën e tij solli ndërmend të gjithë situatën e vitit 1997, kur atij vetë iu desh të vinte në Shqipëri e të përballej jo vetëm me atë situatë, por edhe me mikpritjen e miqve të tij shqiptarë.