Poster i aktivitetit

Organizata “Ilirycum Libertas” ka theksuar se në bashkëpunim me një numër të artistëve shqiptar për nder të kësaj feste do të organizojë një ekspozitë me fotografi.

“Me rastin e ditës së pavarësisë së Kosovës 17 shkurt , në bashkëpunim me një numër të artistëve shqiptar, posaçërisht fotografëve shqiptarë, do ta organizojmë një ekspozitë me fotografi, që në një mënyre ose me tjetrën simbolizojnë një datë të rëndësishme të historisë më të re të kombit”, ka theksuar kryetari i “Illyricum Libertas”, Valon Kurtishi.
Ndërkohë, edhe në Prishtinë dhe Tiranë do të organizohen koncerte dhe manifestime grandioze lidhur me shënimin e dyvjetorit të pavarësisë së Kosovës. Në Prishtinë dhe komunat e tjera janë përgatitur manifestime të ndryshme për shënimin e kësaj date, duke nisur nga programet për fëmijë, ndeshjet sportive si dhe ngjarje të tjera festive. Në orët e mbrëmjes në Prishtinë fillon programi qendror në bashkëpunim me RTK në, ku para hotelit "Iliria", do të defilojnë solistë dhe grupe të ndryshme të muzikës popullore dhe argëtuese. Në skenën e Teatrit të Operës dhe Baletit në Tiranë do të mbahet një koncert me këngë dhe valle popullore me rastin e përvjetorit të shpalljes së pavarësisë së Kosovës. Pasditen e 17 shkurtit, një repertor i zgjedhur, me këngë dhe valle popullore nga të gjitha trevat shqiptare, do të interpretohet nga Ansambli Kombëtar i Këngëve dhe i Valleve Popullore të Shqipërisë dhe nga artistët e ansamblit “Shota” të Prishtinës.

NOA-INA

http://www.bbc.co.uk/albanian/forum/2010/02/100214_kosova_dyvjetori.shtml

Arritje dhe sfida në dyvjetorin e Kosovës

Kosova feston këtë javë dyvjetorin e pavarësisë së saj me 65 vende që e kanë njohur atë dhe anëtare e dy organizmave financiare ndërkombëtare, Fondit Monetar Ndërkombëtar dhe Bankës Botërore. Në dyvjetorin e pavarësisë, Kosova është përballur me probleme të ndryshme si fillimin e procesit për ligjshmërinë e pavarësisë në Gjykatën Ndërkombëtare të Drejtësisë. Pavarësia e saj ka vazhduar të kundërshtohet nga Beogradi zyrtar dhe ajo nuk ka arritur të ndryshojë qëndrimin e 5 nga 27 vendet e BE-së që nuk e kanë njohur Kosovën. Dëgjoni Forumin për Kosovën Në këtë përvjetor, Kosova është përballur me një numër sfidash. Ajo kaloi procesin e zgjedhjeve lokale, të parat të organizuara nga autoritetet vendase, proces ky që u zbeh nga përsëritja e zgjedhjeve në disa komuna. Në fillim të vitit, Kosova u pëfshri nga pakënaqësi sociale, kurse autoritetet u akuzuan edhe për trysni ndaj medias. Çfarë është arritur në këtë përvjetor? Sa i ngadalëson proceset politike shqyrtimi i ligjshmërisë së pavarësisë së Kosovës në Gjykatën e Hagës? Përse janë rritur pakënaqësitë sociale në Kosovë? Ku ka qënë media në raport me pushtetin dhe zhvillimet politike? Këtyre pyetjeve përpiqemi t'u japin përgjigje në Forumin e BBC-së që u realizua në Prishtinë nga Arbër Vllahiu. Ju mund të jepni komentet tuaja për Kosovën në dyvjetorin e pavarësisë, duke na shkruar përmes formën në të djathtë të ekranit.     http://www.gazetastart.com/lajm.php?kategoria=Hapesira_Shqiptare&nr=11384 Kuvendi i Kosovës seancë solemne me rastin e pavarësisë Prishtinë - Kuvendi i Republikës së Kosovës zhvilloi sot një seancë solemne me rastin e dyvjetorit të shpalljes së pavarësisë. "Dy vite janë pak për historinë, por kthesa që ka bërë Kosova gjatë dhjetë vjetëve të lirisë dhe dy vjetëve të pavarësisë është e madhe dhe historike", tha në hapje të seancës, kryeparlamentari Jakup Krasniqi.       Ai përshëndeti pjesëmarrjen e presidentit Fatmir Sejdiu, kryeministrit Hashim Thaçi, shefit të ICO-së, Pieter Feith, ministrit të Kulturës, Turizmit, Rinisë dhe Sporteve të Shqipërisë, Ferdinand Xhaferri, kongresmenin amerikan, Earl Pomeroy, përfaqësuesit diplomatikë dhe pjesëmarrësit e tjerë të shumtë në seancën solemne.       Në këtë seancë, fjalë rasti mbajtën presidenti i Kosovës, Fatmir Sejdiu dhe kryeministri Thaçi.                                                                                              2010-02-17 13:31     http://216.75.13.41/index/rajon/543e80e70e05180c7a32eaf0904033b4.html   Shteti i Kosovës sot mbush dy vjeç 17/02/2010 Ylli Pata Shteti i Kosovës sot mbush dy vjeç Presidenti, mesazh urimi Fatmir Sejdiut Pavarësia e Kosovës dhe idetë e mëdha amerikane. Ditari i 17 shkurtit 2008. Thaçi: Po konsolidojmë institucionet Kosova feston sot ditëlindjen e saj si shteti më i ri në Europë. Në 17 shkurtin e vitit 2008, pas një përvoje prej 9 vjetësh nën protektoratin ndërkombëtar, që ndoqi çlirimin e Kosovës nga pushtimi shumëvjeçar serb, deputetët e Kuvendit shpallën Republikën e Kosovës, shtet sovran. Në lindjen e shtetit të Kosovës, ka qenë dëshmitare edhe gazeta “Shqip”, e cila dërgoi një ekip të zgjeruar. Më poshtë po publikojmë vetëm një pjesë të shkrimit të botuar në datën historike: “Prishtinë, 17 shkurt 2008. Ora 15:49. Deputetë prezentë në sallën e Kuvendit: 109. Votojnë pro 109 deputetë, kundër 0. Më pas, të gjithë deputetët nisin të përqafojnë njëri-tjetrin. Kalojnë vetëm pak momente dhe parlamentarët e Kosovës "imitojnë" Kuvendin e Vlorës së vitit 1912, ku firmosin në një kartë të madhe, e cila përbën dokumentin historik të lindjes së shtetit më të ri në botë: "Republikës së Kosovës". Pas nënshkrimit, takimi me treshen drejtuese të shtetit të ri: Presidentin Fatmir Sejdiu, Kryetarin e Kuvendit, Jakup Krasniqi, dhe Kryeministrin Hashim Thaçi. Nënkryetari i Parlamentit, Xhavit Haliti, lexon një nga një emrat e të gjithë pjesëtarëve të legjislativit, të cilët duken mjaft koshientë për privilegjin që fati u ka dhënë, duke mbetur në histori si bashkëthemeluesit e Kosovës së pavarur, Republikës, e cila me lindjen e saj ka ndryshuar hartën e kontinentit europian, hartën e Ballkanit, i cili që prej ditës së djeshme funksionon në bazë të ekuilibrave të rinj juridikë dhe gjeopolitikë, ekuilibra që janë një shans i paparë deri më sot në historinë e shqiptarëve: Dy shtete "binjake" në një rajon, dy njësi juridike që kanë rrënjët në një terren të fortë dhe të lashtë: kombin shqiptar. Shifrat e shpalljes së shtetit të Kosovës patën pa dyshim një konkluzion të rëndësishëm: Asnjë deputet i popullsisë serbe nuk e firmosi deklaratën e pavarësisë, duke u përjashtuar që në themel jo vetëm nga një besëlidhje, por edhe nga një proces që dje pasdite pati vetëm fillimin. Nuk ndodhi kështu me minoritetet e tjera të Kosovës. Të 10 parlamentarët që u përkasin kombësive: boshnjake, turke, ashkalinjve dhe egjiptianëve, kanë votuar pro pavarësisë dhe vunë firmat e tyre në dokumentin historik të proklamimit të pavarësisë”. Thaçi Kryeministri i Kosovës, Hashim Thaçi, duke vlerësuar periudhën dyvjeçare nga shpallja e pavarësisë së Kosovës, tha dje se “kjo periudhë ka qenë periudha e vendimeve historike për vendin tonë, e shpalljes së pavarësisë, e konsolidimit të shtetit tonë, e vënies së ligjshmërisë, e angazhimeve të gjithanshme në kuptimin edhe të reformave, qoftë në politikë qoftë në ekonomi, qoftë në legjislacion, si dhe periudhë e perspektivës europiane. Kosova ka përfituar 65 njohje të fuqishme ndërkombëtare. Është anëtarësuar në Fondin Monetar Ndërkombëtar dhe në Bankën Botërore tha Kryeministri Thaçi. Festa Ndërkaq, për ditën e sotme në të gjithë Kosovën. Komuna e Prishtinës, me rastin e dyvjetorit të pavarësisë së Kosovës, ka përgatitur një varg aktivitetesh. Fillimisht në orët e paradites do të mbahet mbledhja solemne e Asamblesë Komunale të fëmijëve të Prishtinës, si dhe një program artistik i përgatitur nga Qendra Kulturore e Fëmijëve të Prishtinës. Ndërsa në mesditë në sheshin "Nëna Tereza" marrin pjesë grupet artistike të fëmijëve dhe të rinjve të kryeqytetit. Ndërkaq, nga aktivitetet sportive do të zhvillohet ndeshja e futbollit Kosovë - Shqipëri.   http://216.75.13.41/index/rajon/6e8195c9983b45ce533925220c360b69.html Presidenti, mesazh urimi Fatmir Sejdiut 17/02/2010   Shteti i Kosovës sot mbush dy vjeç Presidenti, mesazh urimi Fatmir Sejdiut Pavarësia e Kosovës dhe idetë e mëdha amerikane. Topi: Shqipëria, gjithmonë përkrah Kosovës Kreu i shtetit shqiptar, Bamir Topi, në mesazhin e urimit për dyvjetorin e pavarësisë, i ka premtuar homologut të tij të Kosovës, Fatmir Sejdiu, se “Shqipëria do të vazhdojë angazhimin e saj në mbështetje të njohjes së mëtejshme ndërkombëtare të Republikës së Kosovës dhe realizimit të aspiratës euroatlantike”. Në këtë mesazh, Topi thekson se “Kjo ditë e gëzueshme për Kosovën dhe gjithë shqiptarët, më jep rastin të rikonfirmoj vullnetin maksimal për vazhdimësinë dhe forcimin e lidhjeve të forta dhe qëndrueshme, shumëplanëshe, që ekzistojnë midis dy vendeve tona, si dhe t’ju siguroj se Shqipëria do të vazhdojë angazhimin e saj në mbështetje të njohjes së mëtejshme ndërkombëtare të Republikës së Kosovës dhe realizimit të aspiratës euroatlantike. Dëshiroj të nënvizoj me kënaqësi vlerësimin e lartë ndaj hapave të shpejtë e të sigurt të vendit tuaj në drejtim të konsolidimit të politikave të brendshme, krijimit të një shoqërie të barabartë e multietnike, zbatimit të ligjit e forcimit të shtetit të së drejtës dhe stabilitetit në vend, si dhe politikës rajonale dhe europiane, që vendi juaj po zbaton me përkushtim”.   http://216.75.13.41/index/rajon/850ceecfcb330354e531a003d516e80e.html Pavarësia e Kosovës dhe idetë e mëdha amerikane. 17/02/2010 Bashkim Rama Shteti i Kosovës sot mbush dy vjeç Presidenti, mesazh urimi Fatmir Sejdiut Pavarësia e Kosovës dhe idetë e mëdha amerikane. Dy vite më parë, në bashkëpunim dhe koordinim brilant me faktorët vendimmarrës dhe aleatët ndërkombëtarë, të prirë nga Shtetet e Bashkuara të Amerikës, Kosova shpalli shtetin e pavarur, demokratik e sovran të saj, duke jetësuar, me këtë akt madhor, përpjekjet titanike dhe aspiratat shekullore të popullit të Kosovës, për liri, pavarësi,demokraci, prosperitet e dinjitet njerëzor. Me një akt të tillë, vepër sublime e popullit të Kosovës dhe e klasës politike të saj, në rrafshin e brendshëm, iu dha fund, njëherë e përgjithmonë, situatës paradoksale të shumicës shqiptare të shtypur e të shfrytëzuar nga pakica serbe, duke e shndërruar mazhorancën shqiptare kosovare, maksimalisht, të ndërgjegjshme, për të respektuar, me përgjegjësi, të drejtat dhe liritë e pakicës serbe, nëpërmjet “ofertë”-s demokratike, të bashkëjetesës të barabartë, në shtetin, më të ri të kohës, shtetit të dytë, të shpallur në mileniumin e ri. Në rrafshin e jashtëm, me shpalljen e pavarësisë së Kosovës iu dha fund vartësisë së saj nga Beogradi dhe iu hap asaj, mundësia për ta njohur atë, si subjekt ndërkombëtar i pavarur, nga 64 vende të botës, me tendencë për shtrirje të shpejtë të kësaj njohjeje dhe të përfshirjes së Kosovës në organizatat dhe institucionet ekonomike, financiare e politike rajonale, europiane dhe ndërkombëtare. Në aspektin ndërkombëtar, “oferta” e marrëdhënieve me Serbinë, nga ana e Kosovës, tashmë, kualifikohet si marrëdhënie midis dy vendeve sovrane fqinje e të barabarta, në standardin e konceptit europian të këtyre marrëdhënieve, duke akcentuar dëshirën dhe duke shprehur vullnetin për normalizimin e tyre në një periudhë afatmesme, sigurisht, në bazë të zhvillimeve në terren dhe të qëndrimeve të të dy palëve. Nga pikëpamja makrodiplomatike, pavarësia e Kosovës, ashtu si të gjitha proceset politike e diplomatike, që çuan te pavarësia e saj, përbën një “projekt” ndërkombëtar, në formën e një sinteze të ndërthurjes dhe ndërveprimit të faktorit të brendshëm kosovar me atë vendimmarrës, ndërkombëtar. Është më se e qartë, për këdo dhe kurdoherë, se në këtë “binom”, idetë e mëdha dhe idealet amerikane, roli i politikës dhe i diplomacisë së SHBA-së, ka qenë dhe vazhdon të jetë i një rëndësie të veçantë e vendimtare, si për pavarësinë e Kosovës, për stabilitetin afatgjatë, ashtu dhe për të ardhmen demokratike e euroatlantike të saj. Historia e marrëdhënieve të shqiptarëve me Shtetet e Bashkuara të Amerikës i ka rrënjët në një prej periudhave më të vështira dhe më të rëndësishme të historisë të popullit tonë. Ishte, pikërisht, periudha e përflakjes së luftërave ballkanike dhe e Luftës së Parë Botërore, kur, për herë të parë, SHBA-të dalin nga izolacionizmi dhe morën pjesë, me trupa ushtarake, për t’i dhënë fund Luftës së Parë Botërore e për t’i hapur rrugë Rendit të ri Botëror. Bazat e një rendi të tillë u hodhën në Konferencën e Versajës (1919-20 ), ku u shpalosën dy korente të politikës ndërkombëtare: Willsionalizmi, që përmbante të drejtën e popujve për vetëvendosje, çështjet e çarmatimit, sigurinë kolektive dhe Lidhjen e Kombeve- si e para organizatë politike universal, për menaxhimin e punëve të botës, pas lufte. Korrenti i dytë ishte ai i fuqive tradicionale imperiale europiane, të cilat vazhdonin të rivalizonin për interesat e tyre nacionaliste, egoiste dhe tregjet kolonialiste botërore. Përveç revanshit rus, në ngritje, ambicieve të nacionalizmit francez, përpjekjeve të diplomacisë imperiale britanike, në skenën e Europës kishte dalë, fuqishëm, Gjermania unitariste, e bashkuar nga Bismarku, si dhe Italia e unifikuar. Idetë gjeniale të Willsonit ndeshën në një mjedis konservator, nacionalist dhe imperial europian. Mjerisht, nga ana tjetër, as Kongresi dhe as Senati i SHBA-së nuk arritën t’i kuptonin idetë largpamëse e demokratike të Presidentit të tyre, duke mos e ratifikuar Traktatin e Versajës. Në këtë koniunkturë të komplikuar midis Fuqive të Mëdha të kohës, shqiptarët arritën të shpallin pavarësinë e shtetit të tyre, duke lënë jashtë gati gjysmën e popullsisë dhe territoreve autentike shqiptare. Fatmirësisht, ishin idetë e Willsonit, ato, që e mbrojtën pjesën e shtetit të pavarur e të ri shqiptar, nga kërcënimi i revanshit të pandashëm militarist të monarkëve fqinjë, të cilët synonin ta katandisnin hartën e Shqipërisë, në formatin e Shën Stefanit- një “parcelë,” në qendër të Shqipërisë së sotme. Pra, ishin idetë e Willsonit, ato që mbrojtën Shqipërinë “londineze”, pa mundur të arrinin të zgjidhnin, tërësisht, çështjen shqiptare, në Ballkan. Vitet, që pasuan Versajën, u karakterizuan nga kriza politike, ndërmjet Fuqive të Mëdha nacionaliste ballkanike dhe kriza e thellë ekonomike e vitit 1929. Traktati i Versajës nuk funksionoi, në drejtim pozitiv, para krizave dhe parandalimit të Luftës së dytë Botërore. Momenti i dytë, ku takohen idealet amerikane me çështjet shqiptare përkon me konceptin e rendit të ri, që Presidenti Rusvelt aspironte, pas mbarimit të Luftës së Dytë Botërore, e cila për fat të keq la pas pasoja të tmerrshme dhe e ndau Europën me perden e hekurt të luftës së ftohtë. Fuqizimi i BS, ndarja e Gjermanisë, krijimi i strukturave politike ekonomike dhe ushtarake, nën drejtimin e Kremlinit, realizuan strategjinë staliniste të forcimit të faktorit sllav, në hapësirat europiane e ato botërore. Në Ballkan, një koniunkturë e tillë margjinalizoi hapësirat për zgjidhjen e çështjes shqiptare. Gjatë luftës së ftohtë, të dy anët e shqiptarëve u përballen me sfida të mëdha. Shteti shqiptar përjetoi kriza permanente në marrëdhëniet me Jugosllavinë, BS dhe me Kinën, duke kaluar gradualisht, në një vetizolim të plotë e të gjithanshëm. Shqiptarët në ish-Jugosllavi u përballën me fragmentimin në tre shtete e, në mënyrë të veçantë, me dhunën, varfërinë e spastrimet etnike të Serbisë. U deshën ndryshime të mëdha gjeopolitike si: shpërbërja e BS, rënia e Murit të Berlinit, triumfi i demokracive, në vendet e Europës Lindore, që faktori hegjemon ruso-serb të dobësohej gradualisht, duke u përballur me rritjen e rezistencës qytetare, politike dhe më pas, ushtarake të shqiptarëve në Kosovë dhe në vise të tjera shqiptare. Për herë të tretë, SHBA-të riaktivizohen për zgjidhjen e krizës së Ballkanit. Ishte kriza në Bosnjë-Hercegovinë, dështimi i OKB-së, mungesa e kapaciteteve menaxhuese të BE-së, që apeluan nevojën e angazhimit të SHBA –së dhe të aleancës atlantike, për të ndërhyrë në zgjidhjen e krizës ballkanike. Ndërhyrja amerikane në Dejton ishte fillimi i zgjidhjes së krizës në Ballkan, ndërsa angazhimi i SHBA-së dhe i NATO-s, në Kosovë, më 1999, i dha fund sistemit të Versajës, në këtë pjesë të Europës. Moment i katërt lidhet me rolin e faktorit amerikan dhe mbështetjen direkte të tij për shtetformimin e ndërtimin e Kosovës së re, mbi bazën e ideve dhe të filozofisë së vlerave të demokracisë amerikane. Nëpërmjet një koncepti largpamës e afatgjatë, lidershipi amerikan, ashtu si pavarësinë e Kosovës, projektoi dhe shtetformimin e ndërtimin e demokracisë reale në Kosovën e re. Janë unikale dhe me vlera universale, veprimet dhe hapat e diplomacisë amerikane, që nga formulimi i tezës Kosova situatë “sui generis” te koncepti i “ bashkëjetesës multietnike”, që nga ai i  “bashkësisë multietnike moderne”, e “modeli i bashkëjetesës së të ardhmes” deri te “shteti demokratik i Kosovës” Në Kosovë u rimaterializuan idetë e Willsonit, morën jetë aspiratat e Rusveltit, u realizuan strategjitë e Cërçillit, dhanë frymëzimin e veprës së tyre monumentale europianistët e mëdhenj: Mone, Shuman, Brand, De Gol, Kolh, Regan, Bush, Klinton, Bush Junior, Obama dhe e gjithë aradha e politikanëve të mëdhenj, që përfunduan luftën e ftohtë dhe i hapën rrugë rendit të ri botëror aktual, në formim e sipër. Mbi këto ide të mëdha, në idealet dhe vlerat e mëdha demokratike e njerëzore që “prodhojnë” ato, në diplomacinë efektive amerikane është projektuar, jetësuar dhe vazhdon të formësohet e të forcohet shteti i ri, i dalë nga akti i shpalljes së pavarësisë së Kosovës. Në përvjetorin e dytë të shpalljes së pavarësisë, populli i Kosovës, klasa politike e saj shprehin mirënjohjen e thellë për popullin dhe lidershipin amerikan, duke premtuar se do të shumëfishojnë përpjekjet e tyre për ta bërë Kosovën shtet të begatë e demokratik, të të gjithë banorëve të saj.