http://albania.dyndns.org/

---------------------------------------------------------------------

Leka Zogu në spital

OBORRI MBRETËROR SHQIPTAR                                    ROYAL COURT OF THE ALBANIANS

Pallati i Vjetër Mbretëror                                                                           P.Box. Nr.8170

Rr. “Murat Toptani”,                                        Tel. ++355 42 261281                         Tirana, Albania                                                                                                                      

       Tiranë,  Shqipëri

Tiranë, më 30 nëntor 2011

Një jetëshkrim i shkurtër i NMT Leka I – Mbret i Shqiptarëve

“Paqe, Bashkim, Vllaznim”, të thëna nga Mbreti Leka I, gjatë fushatës elektorale të vitit të mbrapshtë 1997, janë esenca apo thelbi i asaj çka ai mendonte e ndjente për bashkëkombësit e vet, të cilëve u dedikoi energjitë e përpjekjet për çdo ditë të jetës. Gjithë qenia e tij, në çdo qelizë të trupit, kishte veç një qëllim, – realizimin e idealeve kombëtare dhe përparimin e kombit. Por kjo s’ka qenë aspak e thjeshtë, sidomos po të shohim trajektoren e jetës së tij, që nga lindja e deri në shtratin e vdekjes. Një jetë e jetuar praktikisht si një luftë e pandërprerë, sa nga rrethanat e politikës botërore, po aq edhe zhvillimet e brendshme në shtetin shqiptar. Që nga dita e parë e jetës e deri sa mbylli sytë e shkoi tek Krijuesi.

I lindur në prag të luftës kundër pushtimit nga Italia fashiste, jeta e Mbretit Leka I do të ishte një betejë e përpjekje e pandalshme për t’u kthyer në vendlindjen e vet, të cilën e la në moshën dy-ditëshe. Si shumë trashëgimtarë evropianë të froneve mbretërore, të cilët si rezultat i Luftës së Dytë Botërore do të shfronësoheshin padrejtësisht e për konsekuencë do të emigronin nga vendet e tyre ku do të vendoseshin diktaturat komuniste, edhe Mbreti Leka do të pësonte të njëjtin fat. Por ai nuk do t’i nënshtrohej këtij destini të keq si për atë vetë, ashtu edhe për kombin që ai përfaqësonte, prandaj do të luftonte pareshtur nën devizën e çlirimit të Shqipërisë Etnike si ushtar i Atdheut. Bir i Mbretit Zog I dhe Mbretëreshës Geraldinë të Shqiptarëve, misioni i tij në mërgim ishte më shumë se i vështirë, pasi zhvillimet historike kishin marrë një drejtim të padëshiruar dhe thuajse të pamundshëm për realizimin e idealeve dhe synimeve të tij politike. Shteti shqiptar ishte tashmë pjesë e “Perarandorisë së kuqe” kurse gjysma tjetër e kombit vuante nën zgjedhën e Jugosllavisë komuniste.

Megjithëse situatat ishin nga më të vështirat për një aksion politik, NMT Leka I – Mbreti i Shqiptarëve i vuri qëllim vetes të punonte me vullnetin e një rilindësi, trimërinë e një luftëtari kombëtar dhe shpirtin e një fisniku për të realizuar ëndrrën e çdo atdhetari, çlirimin e bashkimin kombëtar të shqiptarëve. Megjithëse i gjendur shpeshherë në kushte të pafavorshme, ai do të dinte të mbronte dinjitetin shqiptar e mbretëror për gjatë gjithë aktivitetit politik e patriotik që zhvilloi. Për këtë dëshmojnë dokumente e fakte të njohura botërisht, prej të cilave përmendim veç ato të ruajtjes së nënshtetësisë shqiptare për gjithë kohën e mërgimit, duke mos pranuar asnjë ofertë apo pasaportë tjetër, duke përfituar kështu privilegjet diplomatike dhe të ekstra-territorialitetit në rastet e posaçme, dhe sidomos me organizimin e diasporës antikomuniste dhe krijimin e Ushtrisë Kombëtare për Çlirimin e Shqipërisë Etnike dhe Këshillit ushtarak. Janë lapidare fjalët e tij se “Për Shqipërinë Etnike ngrihem edhe nga varri!”

NMT Mbreti Leka I – Mbret i Shqiptarëve ka lindur në Tiranë më 5 prill të vitit 1939 dhe është fëmija i vetëm i NMT Mbretit Zog I dhe MS Mbretëreshës Geraldinë të Shqiptarëve. Në të zbardhur të datës 7 prill, ai largohet bashkë me Mbretëreshën Geraldinë në drejtim të kufirit me shtetin grek. Një ditë më pas, më 8 prill, do të vinte edhe Mbreti Zog, për t’iu bashkuar familjes dhe grupit të njerëzve që e shoqëronin në këtë mërgim të detyruar. Në shtetin helen Familja Mbretërore ka ndenjur gati një muaj dhe më 2 maj 1939, është nisur në drejtim të Turqisë. Prej saj, në fund të muajit qershor, janë larguar drejt veriut, për të përshkuar një itinerar të gjatë e të rrezikshëm duke udhëtuar pandalshëm përmes Rumanisë, Polonisë, vendeve baltike, Suedisë, Norvegjisë e për të mbërritur përfundimisht në Francë në muajin korrik. Këtu vendosen fillimisht në kështjellën e Maye-s në Versailles ndërsa nga fundi i vitit 1939 marrin me qira kështjellën e Mesnil-Saint-Denis.

Pas fillimit të sulmit gjerman në 10 maj1940, Familja Mbretërore shqiptare shpërngulet drejt perëndimit në rrugën drejt Orleans, Royan, Bordeaux e më në fund në Saint-Jean-de-Luz prej ku me anije mbërrijnë në Britaninë e Madhe. Mbreti George IV i Anglisë do t’i ofronte mbrojtje dhe siguri gjatë gjithë periudhës së Luftës II Botërore. Me përfundimin e luftës, Familja Mbretërore zhvendoset përsëri kësaj radhe në Egjipt, pas ftesës së marrë prej Mbretit Faruk, i cili ishte pasardhës i shqiptarit themelues të dinastisë mbretërore egjiptiane Mehmet Ali Pasha. Fillimisht në Kajro e më pas në Aleksandri, Familja Mbretërore shqiptare do të vijonte jetën e përpjekjet e saj për çështjen kombëtare.

 Në Aleksandri, Mbreti Leka do të fillonte mësimet e para të shkollës në Victoria College dhe British Boys School. Por këto studime do të ndërpriteshin pas grushtit të shtetit dhe ardhjes në fuqi të republikanëve në vitin 1952. Ndryshimet politike në Egjipt sollën si rezultat zhvendosjen e radhës për Familjen Mbretërore shqiptare, e cila në korrik të vitit 1955 u vendos përfundimisht në Cannes të Francës.

Gjatë kësaj kohe Mbreti Leka do të regjistrohet në Shkollën e shqiponjave të Villars-sur-Ollon në Zvicër ku do të marrë diplomën “matriculation of Oksford”. Në vitet 1956-1959 do të regjistrohet në akademinë ushtarake të Sandhurst prej së cilës do të gradohet si toger. Kujtimet nga jeta e Akademisë Ushtarake Mbretërore në Sandhurst, janë nga më të bukurat e jetës së Mbretit Leka. Në këtë akademi, ndër më të famshmet në Botë, studionin pothuajse të gjithë bijtë e mbretërve te globit, por Princ Leka lidhi miqësi të ngushte me dy nga studentët më të shquar, që ishin Mbreti i ardhshëm Baudouin i Belgjikës dhe Mbreti i ardhshëm Husein i Jordanisë. Kur Princ Leka arriti për herë të parë në Sandhurst, Sir Julian Amery, në atë kohë ministër në qeverinë e Madherisë së Saj, Mbretëreshës Elisabeta, organizoi një pritje madhështore protokollare për nder të Princ Lekës në aeroport, ku Princi parakaloi në revistë para radhëve të Gardës Mbretërore britanike, i veshur me grand-uniformën Mbretërore të Mbretërisë Shqiptare.

Pas kthimit në Francë, ai ndoqi studimet e larta në drejtësi dhe shkenca ekonomike në Sorbonë si edhe disa kurse për gjuhët dhe kulturën orientale. Qysh prej moshës 8-vjeçare Mbreti Leka zotëronte përveç shqipes edhe gjuhët e huaja anglisht e frëngjisht.

Më 5 Prill 1957, kur Princi Leka mbush plot 18 vjeç, Mbreti Zog e shpall atë trashëgimtar të kurorës mbretërore, në një ceremoni të zhvilluar në prani të figurave më të shquara të emigracionit politik shqiptar në Francë dhe të shumë miqve të shquar të Familjes Mbretërore dhe të Shqipërisë, të ftuar enkas.

Ndërsa pas vdekjes së Mbretit Zog në spitalin Foch të Parisit më 9 prill 1961, në përputhje me statutin e Mbretërisë Shqiptare të vitit 1928, vendin e Mbretit Zog e zuri Mbreti Leka i Parë, i cili bëri edhe betimin para një Asambleje të shqiptarëve në mërgim, të përbërë prej dinjitarësh të lartë të Mbretërisë, ish deputetë, ministra e ofiqarë të ndryshëm si dhe delegacione e përfaqësi të shqiptarëve të ardhura nga të katër anët e botës. Kësisoj, ai u bë sipas kushtetutës së vitit 1928, Mbret i Shqiptarëve.

Në ceremoninë mbretërore të kurorëzimit, të datës 15 Prill 1961, para Këshillit të Kurorës Mbretërore, ai shqiptoi formulën statutore: “Unë Leka I - Mbret i Shqiptarëve, në minutën që hyp në fronin e Mbretërisë Shqiptare dhe marr në dorë pushtetet mbretërore, betohem para Zotit Fuqimadh, se do të ruaj njësinë kombëtare, pavarësinë shtetërore dhe tërësinë tokësore; gjithashtu, do të ruaj Statutin e do të veproj pikërisht sipas atij dhe sipas ligjeve në fuqi, duke pasur parasysh gjithmonë të mirën e popullit. Perëndia më ndihmoftë". 

Në shtator 1962, ai la Francën për t’u vendosur në Spanjë ku vendosi kontaktet me Mbretin Juan Carlos të Spanjës dhe Mbretin Simeon II të Bullgarisë. Gjatë kësaj periudhe aktiviteti i tij politik merr një kurbë ngjitëse që kulmon me thirrjen e Konferencës së Madridit, 2-3 korrik 1972, ku marrin pjesë të gjithë faktorët politikë të diasporës antikomuniste. Në këtë takim të organizuar nën egjidën e Mbretit Leka, arrihet krijimi i një fronti të përbashkët nacionalist kundër regjimit të Tiranës dhe aprovohet ideja që të luftohet për një Shqipëri Etnike dhe për përmbysjen e regjimit antikombëtar komunist të instaluar dhunshëm në Shqipëri.

Me 23 korrik 1975 me rastin e fillimit të Konferencës së Helsinkit-KSBE, Mbreti Leka i dërgon një telegram këtij organizmi ku midis të tjerash thotë se nuk do të ketë kurrë paqe e mirëkuptim në Ballkan, po nuk u njoh integriteti territorial i Shqipërisë Etnike.

Më 8 tetor 1975, Mbreti Leka kryen ceremoninë civile të martesës në Biarritz të Francës me një fisnike të re australiane, Susan Cullen-Vvard, në prani në një numri të madh shqiptarësh, ndërsa në 10 tetor, në Toledo të Spanjës, përfaqësuesit e klerit mysliman shqiptar, të kishës ortodokse dhe katolike si dhe një prift anglikan, bekojnë martesën e çiftit mbretëror.

Në qershor 1977 gjatë një mbledhjeje të KSBE-së në Beograd, ai deklaron se nuk mund të flasë Jugosllavia për të drejtat e njeriut në një kohë që ushtron gjenocid mbi shqiptarët atje.

Në vitin 1976 Mbreti Leka themeloi Këshillin për Çlirimin e Shqipërisë Etnike, dhe njëherësh zgjidhet edhe Komandat i Ushtrisë Kombëtare për Çlirimin e Shqipërisë Etnike. Gjatë vitit 1977 ai i intensifikon aksionet dhe demarshet politike kundër regjimit komunist të Tiranës. Por ky aktivitet do të bëhej shkak që Spanja, - një aplikante e zjarrtë për t’u anëtarësuar në Evropën e Bashkuar (C.E.E) – të tërhiqej përballë trysnisë së disa vendeve që ankoheshin se rrëzimi i qeverisë komuniste në Shqipëri, do të sillte si efekt edhe destabilizimin e Jugosllavisë. Prandaj, qeveria spanjolle kërkoi ndërprerjen e aktivitetit të Mbretit Leka duke e detyruar këtë të fundit të largohej në janar të vitit 1979 drejt Rhodezisë e më pas në Afrikën e Jugut.

Në Johanesburg, në 26 mars 1982, do të vijë në jetë trashëgimtari i Kurorës Mbretërore, Princi Leka II. Kjo ngjarje është shënuar edhe nga një gjest i rëndësishëm siç është akordimi i ekstra-territorialitetit për familjen mbretërore, dhe për pasojë, vendi ku Princi Leka II ka lindur, është konsideruar si tokë shqiptare.

Pavarësisht distancës, Mbreti Leka do të vazhdonte përpjekjet e tija me qëllim që të arrijë çlirimin dhe përparimin e vendit. Ai do të deklarojë në një intervistë se “Një mbret i mërguar ka veçse një dëshirë – të kthehet në vatër. Unë jam shqiptar dhe dëshiroj të jetoj në tokën e të parëve. Kam veçse një shpresë, që një ditë populli im të mundë të zgjedhë lirisht të ardhmen e vet. E nëse për këtë do të duhet të luftoj, unë do ta bëja!”

Edhe ngjarjet e dyfishta të korrikut 1990 do ta gjenin Mbretin Leka I në krye të detyrës. Ai do të ndjekë nga afër të gjitha hallet e shqetësimet e emigracionit të ri shqiptar të dyndur në ambasadat e huaja në Tiranë, dhe do të vijojë interesimin e tij të përhershëm ndaj çështjes së Kosovës që kishte avancuar ndjeshëm me ngjarjet e Trepçës, formimit të LDK dhe kushtetutës së Kaçanikut.

Ai u gjend pranë emigrantëve shqiptare që emigruan në mars 1991 në Itali dhe i bëri thirrje popullit shqiptar të bojkotonte zgjedhjet e 31 marsit 1991, të cilat parashikonte se do të manipuloheshin nga PPSH-ja siç edhe rezultoi.

Në nëntor të vitit 1993 ai do të zhvillonte një vizitë të shkurtër në Tiranë e cila nuk shkoi sipas planit për shkak të keqkuptimeve që pati mes përfaqësuesve të oborrit mbretëror dhe policisë shqiptare, për shkak të dokumenteve të udhëtimit dhe armatimeve personale.

Gjatë kësaj kohe Mbreti Leka shprehu synimin e tij për mbajtjen e një referendumi për formën e regjimit, i cili u zhvillua më në fund në vitin e trazuar 1997, në një moment të vështirë për vendin. Pas rikthimit në atdhe në datë 12 prill 1997 dhe disa takimeve me autoritetet shqiptare gjatë të cilave u caktua data e referendumit, Mbreti Leka zhvilloi një fushate shumë dinjitoze ne mbare vendin. Pas votimit për referendum, dt.29 qershor 1997, fitorja e qartë u mohua nga komisionerët e majtë, të cilët deklaruan se Monarkia kishte fituar veç 20% të votave. Si përfundim, rezultati i KQZ dha verdiktin me 34% pro monarkisë. Sipas të dhënave nga komisionerët e monarkisë, kjo e fundit kishte fituar me të paktën 54% në rang vendi. Ndërkohë vendimi i KQZ u apelua në Gjykatë të Lartë ku u dokumentua zhdukja e rreth 300 mijë fletëve të votimit pro monarkisë. Gjykata dha një vendim korrigjues ndaj atij të KQZ, por nuk ndryshoi verdiktin përfundimtar në disfavor të monarkisë.

Pas këtyre ngjarjeve, pati një protestë të monarkistëve dhe për të evituar konfliktet e provokacionet, Mbreti Leka largohet më 12 korrik 1997, plot 3 muaj pasi kishte vënë këmbën në atdheun e tij me premtimin se ishte i gatshëm të kthehej në momentin që do ta kërkonte populli shqiptar.

Në qershor të vitit 2002, Mbreti Leka I, në respektim të një kërkese të bërë prej 76 deputetësh të Kuvendit të Shqipërisë merr vendimin që të kthehet përgjithmonë në Atdhe. Ardhja e tij do të shënohet në librat e historisë si njëra prej pritjeve më entuziaste që i është bërë ndonjëherë ndonjë lideri të popullit shqiptar.

Me qindra-mijëra vetë me ovacione dhe me entuziazmin që kërkonte momenti, e shoqëruan Mbretin Leka dhe Familjen Mbretërore nga aeroporti për në rezidencën e tij.

Por kthimi përfundimtar në Shqipëri, saç ishte një ngjarje e shumëpritur, aq rezultoi edhe e dhimbshme, pasi në harkun e dy viteve ndërrojnë jetë njëra pas tjetrës Nëna Mbretëreshë Geraldinë dhe Mbretëresha Suzan. Këto do ta pikëllonin së tepërmi Sovranin tonë, por megjithatë ai nuk do të shkëputet nga jeta publike.

Në këtë periudhë ai pësoi një traumë në kofshë, e cila e pengonte të ecte lirshëm. Pas disa operacioneve gjendja nuk ndryshoi dhe ai për shumë kohë është detyruar të ecë në karrocë më rrota. Shëndeti ndërkohë ka ardhur gjithnjë duke u dobësuar dhe së fundi krizat e mbrame patën një rezultat fatal për të dhe gjithë dashamirët e Familjes Mbretërore.

Zyra e shtypit

www.oborrimbreterorshqiptar.al

--------------------------------------------------------------------

OBORRI MBRETËROR SHQIPTAR                                    ROYAL COURT OF THE ALBANIANS

Pallati i Vjetër Mbretëror                                                                           P.Box. Nr.8170

Rr. “Murat Toptani”,                                        Tel. ++355 42 261281                         Tirana, Albania                                                                                                                      

       Tiranë,  Shqipëri

Tiranë, më 1 dhjetor 2011

DEKLARATË PËR MEDIA

Vazhdojnë ngushëllimet për ndarjen nga jeta të N.M.T. Leka I, Mbret i Shqiptarëve.

Paraditen e sotme, në Pallatin Mbretëror, Familja Mbretërore ka pritur ngushëllime të shumta me rastin e ndarjes nga kjo jetë të Mbretit Leka I.

Qytetarë të shumtë dhe personalitete të jetës politike dhe shoqërore nga mbarë viset shqiptare, erdhën në Pallatin Mbretëror për t’i shprehur Lartësisë së Tij Princit Leka dhe Familjes Mbretërore hidhërimin e tyre të thellë dhe ngushëllimet e rastit për humbjen e N.M.T. Leka I, Mbret i Shqiptarëve.

Gjatë paradites së ditës së sotme shprehën ngushëllimet e tyre: Gjeneral Daut Haradinaj, deputet në Parlamentin e Kosovës dhe mik i ngushtë i Familjes Mbretërore; N/Kryetari i Parlamentit të Shqipërisë z. Ardian Turku; Ministri i Mbrojtjes z. Arben Imami; Shefi i Shtabit të Përgjithshëm të Forcave të Armatosura Gjeneral-Major Xhemal Gjunkshi; një grup deputetësh të Partisë Demokratike të kryesuar nga Deputeti Jemin Gjana; Deputetët e Partisë Socialiste Arben Malaj, Kastriot Islami, Andis Harasani, Astrit Beci; Kryetari i PDIU-së, Deputeti Shpetim Idrizi i shoqëruar nga N/Kryetari Dashamir Tahiri; Kryetari i LZHK Dashamir Shehi; Prof. Abdi Baleta; At Nikoll Marku dhe shumë personalitete të tjera.

Po ashtu, në adresë të Familjes Mbretërore ka mbërritur një numër i madh telegramesh ngushëllimi nga qytetarë dhe personalitete prej viseve shqiptare dhe Diasporës.

Lartësia e Tij Princ Leka dhe Familja Mbretërore ndjehen të prekur nga ky solidaritet njerëzor dhe së bashku me falënderimet e rastit, shprehin dëshirën për t’ja rikthyer “në të mira” çdo shqiptari.

Familja Mbretërore do të vazhdojë të presë vizita në Pallatin Mbretëror, ndërkohë që Ceremonia Zyrtare do të organizohet ditën e shtunë, ora 10:00-12:00 në mjediset e Parlamentit të Shqipërisë.

Po sot, Kryetari i PLL z. Ekrem Spahiu mori pjesë në mbledhjen e Komisionit Ndërministror për organizimin e ceremonisë zyrtare.

Zyra e Shtypit e Oborrit Mbretëror Shqiptar

--------------------------------------------------------------------

http://www.gotha.fr/3.aspx?page=3&sr=0

Novembre 2011

Décès à Tirana du roi Léka Ier d'Albanie, fils du roi Zog Ier à l'âge de 72 ans 30/11/2011

Le roi des Albanais, Leka 1er Zogu, est mort mercredi 30 novembre 2011 à Tirana à l'âge de 72 ans des suites de problèmes cardiaques et pulmonaires, a annoncé à l'AFP un porte-parole de la famille, Mme Jolinda Kamberi. Leka Ier Zogu s'est éteint mercredi à 07H40 à l'hôpital de Tirana où il avait été admis la semaine dernière, a précisé un médecin de l'établissement, Mentor Petrela. Le roi ou prince héritier avait été hospitalisé il y a une dizaine de jours dans

Funérailles nationales à Tirana pour le roi Leka Ier des Albanais 03/12/2011

Plusieurs centaines de personnes ont assisté samedi 3 décembre 2011 aux obsèques du prétendant au trône albanais, Leka 1er Zogu, décédé mercredi à Tirana à l'âge de 72 ans des suites de problèmes cardiaques et pulmonaires. Le cercueil avec la dépouille de Leka 1er, rentré en Albanie après plus de 60 ans en exil pour essayer de remonter sur le trône de son père, avait été exposé auparavant couvert d'un drapeau dans une salle du Parlement albanais. En dépit du fait que l'Albanie soit une République, les autorités ont tenu à organiser, en hommage à Leka 1er, des obsèques officielles avec tous le respect que mérite un roi. Le président albanais, Bamir Topi, la présidente du Kosovo, Mme Hatife Jahjaga, le Premier ministre albanais Sali Berisha et des représentants des partis politiques et des communautés religieuses ont rendu hommage au défunt. Les autorités albanaises ont décrété samedi une journée de deuil national et les drapeaux sur les bâtiments officiels ont été mis à berne alors que toutes les chaînes de télévision diffusaient de la musique funèbre. Toute la famille royale albanaise a donné une forte contribution pour la question de l'Albanie et du Kosovo et elle mérite l'honneur et le respect des Albanais, a déclaré dans son éloge funèbre le maire de Tirana, Lulëzim Basha. Leka Zogu doit reposer dans le cimetière de Tirana aux côtés de sa mère, la comtesse Géraldine Apponyi, née dans une famille de la noblesse hongroise, morte à Tirana en 2002 à l'âge de 83 ans, et de sa femme Susan Cullen-Ward morte en 2004.Leka 1er Zogu est décédé mercredi à 07H40 à l'hôpital de Tirana où il avait été admis il y a une dizaine de jours. En juin 2002, après soixante-trois ans d'exil, grâce à une modification de la loi, la veuve de l'ex-roi, Géraldine, Leka Zogu Ier, sa femme Susan et son fils étaient revenus à Tirana pour s'y établir. Le prétendant au trône n'était âgé que de quelques mois lorsque son père, Zog 1er, ancien président de la République proclamé roi d'Albanie le 1er septembre 1928, avait été contraint de fuir le pays en 1939.A la mort de Zog, son fils Leka, né à Tirana le 5 avril 1938, s'était autoproclamé roi d'Albanie sous le nom de Leka Ier le 15 avril 1961 à Paris, avant de s'exiler en Afrique du sud. Le prince héritier s'était rendu une première fois en Albanie en 1993, mais le gouvernement de l'époque lui avait interdit de séjourner dans le pays. Il était revenu à Tirana en juin 1997 alors que les autorités organisaient un référendum pour décider de la forme de gouvernement du pays. Après le référendum, vêtu d'un treillis militaire et armé de deux pistolets et de deux grenades à main, il avait convoqué un rassemblement pour faire pression sur la Commission électorale accusée d'avoir falsifié les résultats du référendum. Cette manifestation avait tourné à l'émeute et avait fait deux morts et cinq blessés. Il avait ensuite de nouveau quitté l'Albanie. Tirana veut toujours rapatrier en Albanie les cendres du roi des Albanais, Zogu 1er, décédé en 1961 à Paris, à 66 ans, et qui repose aujourd'hui au cimetière parisien de Thiais.

--------------------------------------------------------------------

--------------------------------------------------------------------

http://www.monarchia.it/news.html

--------------------------------------------------------------------

www.rilindjademokratike.com/

 30/11/2011

LAMTUMIRE NALTMADHNI!                            

Leka Zogu pësoi arrest kardiak 

U nda nga jeta, dje në moshën 72-vjeçare, pretendenti i Fronit Mbretëror Leka Zogu i Parë në spitalin e Tiranës, pas një arresti kardiak. Leka Zogu, i cili vuante prej kohësh nga shqetësime të rënda në zemër e mushkëri, u nda nga jeta, lajm të cilin e shpërndau vetë Familja e Oborrit Mbretëror. Zëdhënësi i Familjes Mbretërore konfirmoi dje se, Leka Zogu ndërroi jetë në orën 08:45 minuta në repartin e neurologjisë. Përfaqësuesi i Oborrit Mbretëror, Sulejman Gjana deklaroi se Leka Zogu mjekohej për vuajtje multisistemike, ku mbizotëronte vuajtja e zemrës dhe e mushkërive. "Më datë 30 nëntor 2011, në ora 8.45 të mëngjesit, në repartin e terapisë intensive të klinikës së neurokirurgjisë, ka pushuar zemra e Nalt Madhërisë së Tij Mbretit Leka I. Mbreti Leka I u shtrua në QSUT 'Nënë Tereza' në Tiranë më dt. 15 nëntor 2011 për t'u mjekuar për vuajtje multisistemike, ku mbizotëron vuajtja e zemrës dhe e mushkërive. Pas një përmirësimi disaditor, gjendja shëndetësore e Mbretit Leka I u përkeqësua ditët e fundit. Të premten më 25 nëntor, Mbreti Leka I pësoi një arrest kardiak dhe për pasojë u intubua deri në rikthimin e punës së zemrës, mirëpo funksioni i mushkërive ishte i pamjaftueshëm për të mbajtur funksionet jetësore", deklaroi Gjana. Familja Mbretërore përgëzoi gjithashtu stafin e spitalit për punën e bërë ndaj gjendjes shëndetësore të pretendentit për Fronin Mbretëror. "Familja Mbretërore Shqiptare falënderon drejtorin e spitalit, zotin Saimir Ivziku, gjithë ekipin mjekësor nën drejtimin e Prof. Mentor Petrela dhe Dr. Kliti Pilika, ministrin e Shëndetësisë dhe qeverinë shqiptare për kujdesin dhe angazhimin e plotë që kanë treguar", u shpreh Gjana. Gjithashtu në emër të Familjes Mbretërore ai ngushëlloi popullin dhe kombin shqiptar për humbjen e Sovranit legjitim. Rreth orës 11.00 të paradites së djeshme trupi i pajetë i Leka Zogu I u largua nga spitali drejt rezidencës mbretërore, ku janë bërë përgatitjet e duhura për ceremoninë mortore. Menjëherë pas njoftimit për vdekjen, personalitete politike të vendit vlerësuan figurën e Leka Zogu i Parë. NMT Leka Zogu i Parë qëndroi i shtruar prej datës 15 nëntor në reanimacionin e neurokirurgjisë, në Spitalin Nr. 5 në Qendrën Spitalore Universitare në Tiranë pasi pësoi një fibrilacion arterial, formë e aritmisë. Pretendenti i Fronit bëri një përpjekje të parë për të ringjallur dhe ushqyer idenë e monarkisë në fillim të viteve '90. Pas një jete të gjatë në mërgim, i larguar nga vendi kur kishte vetëm dy ditë jetë, në prill të 1939, ai shkeli për herë të parë në Tiranë në nëntor të 1993, me një vizitë të papritur kur u ul në Aeroportin e Rinasit me një avion privat. Por sërish qëndrimi do të ishte shumë i shkurtër, as 24 orë, pasi u detyrua nga autoritetet e atëhershme të largohej, pasi pasaporta e tij mbretërore nuk i njihej zyrtarisht. Ai do të rikthehej në prill të 1997. Në ato momente, ju afrua shumë pranë realizimit të ëndrrës së monarkisë, kur në zgjedhjet e qershorit të atij viti të trazuar mori një mbështetje të madhe. Zyrtarisht referendumi për monarkinë mori mbi 33 përqind, por ai dhe mbështetësit e tij pretenduan për manipulim të rezultatit. Rikthimi i tij përfundimtar, së bashku me familjen për të jetuar në Shqipëri do të bëhej në qershor të vitit 2002.

Hashim Thaçi: Leka Zogu I bashkëjetoi me sakrificën e popullit të Kosovës për liri dhe pavarësi

Liderët kosovarë ngushëllojnë familjen mbretërore

Liderët institucionalë e politikë të Kosovës, të pozitës dhe opozitës, ngushëllojnë familjen e Mbretit Zog dhe drejtuesit e institucioneve të shtetit shqiptar për ndarjen nga jeta të Leka Zogut të Parë. Në mesazhin e ngushëllimit, Kryeministri i Kosovës, Hashim Thaçi, shprehet se, "me pikëllim morëm lajmin për ndarjen nga jeta të Leka Zogut të Parë. Në emër të qeverisë së Republikës së Kosovës dhe në emrin tim pranoni ngushëllimet më të sinqerta për humbjen e më të dashurit tuaj, Leka Zogut të Parë", thuhet në mesazhin e ngushëllimit të Kryeministrit kosovar. Ai vlerësoi se, "Leka Zogu i Parë ishte një figurë e rëndësishme, që përballoi shumë vështirësi në jetën e tij, që lanë gjurmë në kujtesën e popullit shqiptar". Populli i Kosovës do ta përkujtojë Leka Zogun e Parë, pasi gjithmonë bashkëjetoi me sakrificën e popullit të Kosovës për liri dhe pavarësi", thekson Kryeministri Thaçi. Lideri i opozitës kosovare, kryetari i Lidhjes Demokratike të Kosovës, Isa Mustafa, në mesazhin e tij të ngushëllimit, shprehet se, "me dhembje të madhe mësuam lajmin për shuarjen e Leka Zogut I, pretendentit për fronin mbretëror shqiptar. Në këtë ditë të rëndë, më lejoni që në emër të Lidhjes Demokratike të Kosovës, strukturave udhëheqëse të saj dhe të anëtarësisë së gjerë dhe në emrin tim personal t'Ju shpreh dhembjen dhe ngushëllimet më të sinqerta për humbjen e madhe", shton ai. Lidhja Demokratike e Kosovës, thotë Mustafa, gjithmonë ka çmuar lart veprën e Familjes Mbretërore Shqiptare dhe të vetë pretendentit Leka Zogut I, në rrugën e vështirë për unitet kombëtar. "Lidhja Demokratike e Kosovës vlerëson se Familja Mbretërore Shqiptare është një nga simbolet e mëdha kombëtare dhe si e tillë duhet të ruhet gjithmonë", thekson Mustafa, duke shtuar se kjo parti gjithmonë do ta vlerësojë Familjen Mbretërore si një vlerë të paçmuar e të pazëvendësueshme kombëtare. Gjata vizitës në Prishtinë në prill të vitit 2009, Leka Zogu I, i pritur nga drejtuesit më të lartë të shtetit të ri, duke shprehur kënaqësinë që ndodhej në Kosovën e lirë dhe të pavarur, theksonte se, "forca më e madhe e suksesit të shqiptarëve është ajo e bashkëpunimit të tyre të gjithanshëm dhe e integrimit".

Rama, i vetmi lider që nuk ngushëllon familjen mbretërore

Liderë politikë nga vendi e të huaj shprehën dje ngushëllimet e tyre për ndarjen nga jeta të pretendentit të Fronit Mbretëror Leka Zogu I, ku përjashtim bëri vetëm kreu i Partisë Socialiste, Edi Rama. Asnjë deklaratë zyrtare apo publike nuk iu drejtua dje Familjes Mbretërore nga kreu i opozitës shqiptare edhe pse ka qenë aktiv në deklaratat publike për interesa politike në faqen e tij në Twitter. Edi Rama gjithashtu nuk guxoi asnjëherë që të vizitonte NMT Leka Zogun e Parë në Qendrën Spitalore "Nënë Tereza" në kryeqytet që nga dita e shtrimit, 15 nëntor. Fyerja që Rama i bën figurës së pretendentit të Fronit Mbretëror Leka Zogu I vjen pas përdhosjes që kreu i PS-së i bën emrit të Mbretit Ahmet Zogu dhe Mbretëreshës Geraldinë në librin e tij "Kurban".

Ekipi mjekësor ndoqi hap pas hapi gjendjen e Lekës së Parë

Ministri i Shëndetësisë, Petrit Vasili menjëherë pas njoftimit të ndarjes nga jeta të NMT Leka Zogu I vizitoi ambientet e neurokirurgjisë, ku ka takuar edhe doktorët që ndoqën kurimin e tij. Vasili pas interesimit konfirmoi për mediat se shkaku i vdekjes së pretendentit për Fronin Mbretëror është arresti kardiak. Duke dhënë detaje mbi vdekjen e Leka Zogut I, ministri Vasili sqaroi se gjendja e pretendentit për Fronin Mbretëror ka qenë e rënduar, por është ndjekur në mënyrë të përkushtuar nga mjekët. "Leka Zogu I është ndarë pak momente më parë, pas një gjendjeje të rënduar shëndetësore. Është moment hidhërimi dhe kjo më e dhimbshme për grupin e mjekëve që ndoqën gjendjen e tij shëndetësore", tha Vasili për mediat. Ministri i Shëndetësisë konfirmoi gjithashtu se në kohën që Leka Zogu I ka qenë i shtruar në spital është mbajtur me frymëmarrje artificiale. Vasili theksoi gjithashtu se menjëherë pas ndarjes nga jeta është certifikuar edhe vdekja e Leka Zogut I.

Mediat e huaja pasqyrojnë lajmin për ndarjen nga jeta të Leka Zogut

Ndërkohë që edhe, mediat ndërkombëtare kanë përcjellë dje gjerësisht lajmin për vdekjen e pretendentit të Fronit Mbretëror, Leka Zogu I. "Washington Post" shkruan "Pretendenti për Fronin Mbretëror në Shqipëri, Leka Zogu I vdes në moshën 72-vjeçare". Po kështu edhe "Associated Press", e cila shkruan "I vetëshpalluri Mbret i Shqiptarëve, Leka Zogu I vdes 72 vjeç". "Princi i Kurorës shqiptare vdes në moshën 72-vjeçare", shkruan agjencia franceze e lajmeve "AFP".

Vendosen marrëdhënie diplomatike me Principatën e Monakos 

Shqipëria vendos marrëdhënie diplomatike me Principatën e Monakos përmes një ceremonie zyrtare të zhvilluar më 24 nëntor 2011, në Paris. Në emër të qeverisë shqiptare, Deklarata e Përbashkët e marrëdhënieve diplomatike, u firmos nga ambasadori i RSH-së në Francë, zoti Ylljet Aliçka dhe në emër të Principatës së Monakos nga ambasadorja e Principatës së Monakos, në Paris, zonja Sophie Thevenoux. Në deklaratën e përbashkët thuhet se, qeveritë e të dy vendeve vendosën lidhjen e marrëdhënieve diplomatike, nisur nga dëshira për nxitjen e mirëkuptimit të përbashkët, forcimit të miqësisë e bashkëpunimit ndërmjet dy vendeve në fusha të ndryshme, bazuar në Kartën e Kombeve të Bashkuara dhe normat e së drejtës ndërkombëtare. Zoti Aliçka në këtë ceremoni theksoi se Shqipëria ka shumë për të përfituar nga arritjet e Principatës së Monakos në fushën e inovacionit, teknologjisë, shërbimeve bankare, telekomunikacionit e turizmit. Vendosja e marrëdhënieve diplomatike mes dy vendeve shënon një datë historike. Dy palët ranë dakord se prioritare në këto marrëdhënie do të jetë bashkëpunimi ekonomik. Monako është vendi i 177-të, me të cilin Shqipëria vendos marrëdhënie diplomatike.

Berisha: Shqiptarët humbën një nga personalitetet më të mëdha të historisë së tyre politike 

E shtuna, zi kombëtare, nderime shtetërore për Leka Zogun

Kryeministri Berisha shprehu dje, ngushëllimet më të thella për ndarjen nga jeta në moshën 72-vjeçare, të Leka Zogut të Parë, duke e vlerësuar si "një prej personaliteteve më të mëdha" të historisë politike të shqiptarëve. Këshilli i Ministrave i drejtuar nga kryeministri Berisha caktoi, ditën e shtunë si ditë zie kombëtare, ku do të zhvillohen edhe homazhet në nder të NMT Leka Zogu i Parë. "Një humbje e madhe për kombin e për vendin", theksoi Kryeministri gjatë mbledhjes së radhës së Këshillit të Ministrave, ndërsa kërkoi nga kabineti qeveritar mbajtjen e një minute heshtjeje në respekt të Leka Zogu I. Kryeministri në fjalën e tij vlerësoi qëndrimin gjatë jetës në mërgim të Mbretit si mbështetës kryesor i luftës dhe përpjekjeve të shqiptarëve për liri dhe dinjitet në Shqipëri, Kosovë, Maqedoni, Mali të Zi. "Sot (dje) në mëngjes ndërroi jetë Mbreti i shqiptarëve, Leka i Parë, në moshën 72-vjeçare. Është një ditë e veçantë, ditë tjetër, në të cilën shqiptarët humbën një nga personalitetet më të mëdha të historisë së tyre politike. Kjo është një humbje e madhe për kombin, për vendin. Leka i Parë u kurorëzua Mbret në prill të vitit 1961, pas vdekjes së Mbretit Zogu i Parë. Ai u largua foshnje nga Shqipëria, vetëm dy ditë pas lindjes, por u rrit dhe u mbrujt me dashuri të pakufishme për vendin dhe kombin. Mbreti Leka, në të gjithë jetën e tij në mërgim, ishte mbështetës kryesor i luftës dhe përpjekjeve të shqiptarëve për liri dhe dinjitet në Shqipëri, në Kosovë, në Maqedoni, në Mal të Zi e kudo që ndodheshin. Ishte frymëzues i tyre në këtë betejë. Pas hapjes së vendit, në vitin 1997 u dekretua nga Presidenti i Republikës referendumi popullor, për t'u dhënë qytetarëve shqiptarë mundësinë e përzgjedhjes së tyre. Për të nderuar kujtimin e Mbretit Leka, unë ftoj anëtarët e Këshillit të Ministrave të mbajnë një minutë heshtje", theksoi Berisha. Kreu i qeverisë u ndal gjithashtu në përdhosjen që regjimi komunist i bëri figurës së Mbretit Leka I dhe familjes mbretërore. Në këtë kontekst, ai dënoi aspektin vëllavrasës që mori lufta nacionalçlirimtare vetëm e vetëm që në pushtet të vinte diktatori Enver Hoxha. "Dua të them këtu se mohimi i të drejtës së Mbretit për kthim në Shqipëri ishte një nga veprimet më arbitrare të Enver Hoxhës dhe klikës së tij. Mbreti Zog u largua nga Shqipëria ashtu siç u larguan mbretërit e tjerë, nga mbretëritë e pushtuara nga forcat nazifashiste. Por Mbreti Zog qëndroi në të gjithë kohën, në anën e koalicionit antifashist. Në 7 prill 1939, forcat dhe mbështetësit e tij, të udhëhequra nga Abaz Kupi, luftuan me trimëri në Portin e Durrësit. Më pas, forcat mbretërore, sërish të udhëhequra nga Abaz Kupi, vazhduan luftën për çlirimin e vendit deri në vitin e fundit të saj. Natyrisht, lufta nacionalçlirimtare mori edhe aspektin e saj vëllavrasës, siç dëshmojnë dokumente të panumërta dhe kjo vëllavrasje kishte vetëm një qëllim, t'i garantonte me çdo kusht Enver Hoxhës pushtetin. Por legalistët, mbretërorët luftuan me vendosmëri të madhe okupatorët nazifashistë, gjatë të gjitha viteve të pushtimit. Përpjekjet e tyre, pas vendosjes së diktaturës në Shqipëri, ishin të pandërprera", theksoi Berisha. Kryeministri u ndal gjithashtu në atë që e quajti manipulim me rezultatet e referendumit, i cili u mbajt pas hapjes së vendit në vitin 1997, kur Presidenti i Republikës dekretoi mbajtjen e referendumit për monarkinë. "Dua të theksoj se edhe referendumi u bë në flakët e rebelimit komunist dhe nuk mund të konsiderohet si një çështje e mbyllur. E vërteta është se padiskutim në atë referendum dominoi parimi stalinist: ju votoni, numërimin e votave jua bëj unë. Por ajo që është reale, shqiptarët votuan masivisht, nga Konispoli në Vermosh, për Mbretin e tyre. Referendumi nuk e kapi kuotën, por atë e përcaktuan ata, të cilët manipuluan dy javë rresht votat e referendumit", theksoi ai. Ndërsa kujtoi edhe ligjin që u miratua në Parlament në vitin 2003, ku familjes mbretërore iu atribuan të gjitha të drejtat, Kryeministri tha se ky ishte një vendim i drejtë.

Kreshnik MERSINLLARI

 

Ceremonia e homazheve në sallën e Parlamentit 

Ceremonia e homazheve do të nisë ditën e shtunë nga ora 10.00 deri 12.00, në mjediset e sallës së seancave plenare të Kuvendit të Republikës së Shqipërisë. Duke folur në hapje të mbledhjes së Këshillit të Ministrave, Kryeministri njoftoi se në bazë të ligjit, përcjellja e Lekës së Parë do të bëhet me nderimet e atributet që i përkasin një Mbreti jo në detyrë. "Në ligjin e Parlamentit, përcaktohet detyrimi i përfshirjes në Protokollin Shtetëror të Familjes Mbretërore dhe ky ka qenë një vendim shumë i drejtë. Ndaj vendi dhe kombi do ta përcjellin Mbretin Leka i Parë me nderimet e atributet që i përkasin një Mbreti jo në detyrë. Për këtë qëllim, krijohet një komision shtetëror i kryesuar nga zëvendëskryeministri dhe ministri i Punëve të Jashtme, zoti Haxhinasto, i përbërë nga ministri i Kulturës, ministri i Mbrojtjes dhe një seri personalitetesh, ku do të jenë edhe përfaqësues të Oborrit Mbretëror. Dita e shtunë do të jetë zi kombëtare me të gjithë spektrin e ditës së zisë të nivelit mbretëror", theksoi Berisha. Për organizimin e ceremonisë krijohet komisioni shtetëror i kryesuar nga zëvendëskryeministri dhe ministri i Punëve të Jashtme, i përbërë nga ministri i Kulturës, ministri i Mbrojtjes, një seri personalitetesh dhe përfaqësues të Oborrit Mbretëror. Ceremonia e homazheve të organizohet ditën e shtunë, datë 3.12.2011, ora 10.00 deri 12.00, në mjediset e sallës së seancave plenare të Kuvendit të Republikës së Shqipërisë. Radio Televizioni Publik Shqiptar, gjatë zhvillimit të ceremonialit, të transmetojë muzikë funebre. Shpenzimet e varrimit dhe të ceremonialit të përballohen nga buxheti i vitit 2011, miratuar për Ministrinë e Punëve të Jashtme.

Institucionet, flamujt në gjysmë shtizë

Ditën e shtunë në të gjitha institucionet, shtetërore dhe publike, do të ulet flamuri kombëtar në gjysmë shtize dhe në orën 12.00 do të mbahet një minutë heshtje në nder të NMT, Leka Zogu I. Këshilli i Ministrave vendosi organizimin e ceremonisë funebre shtetërore, në nderim të të ndjerit Leka Zogu I, (pretendent i Fronit Mbretëror të shqiptarëve), i cili, pas një sëmundjeje të rëndë, ndërroi jetë në datën 30.11.2011. Sipas këtij vendimi parashikohet ngritja e komisionit shtetëror për kryerjen e ceremonisë funebre shtetërore, në përbërje të të cilit të jenë, Edmond Haxhinasto, zëvendëskryeministër dhe ministër i Punëve të Jashtme, Aldo Bumçi, ministër i Turizmit, Kulturës, Rinisë dhe Sporteve, Arben Imami, ministër i Mbrojtjes, një përfaqësues i Oborrit Mbretëror shqiptar, një përfaqësues i Protokollit të Shtetit, një përfaqësues i Protokollit të Kuvendit të Republikës së Shqipërisë. 

LSI dhe PDIU ngushëllime për ndarjen nga jeta të Leka Zogut 

Lëvizja Socialiste për Integrim shpreh ngushëllime për ndarjen nga jeta të Naltmadhënisë së Tij, Leka Zogu I. LSI vlerësoi se, "Mbretëria është një periudhë e rëndësishme e historisë kombëtare". LSI i shpreh ngushëllime familjes mbretërore dhe në veçanti Princin Leka Zogu II për këtë humbje. po ashtu edhe Partia Drejtësi, Integrim dhe Unitet ngushëllon familjen mbretërore dhe të gjithë mbështetësit e saj për humbjen e Naltmadhënisë së Tij, Leka Zogu I. PDIU vlerëson kontributin e familjes mbretërore në konsolidimin dhe zhvillimin e shtetit shqiptar me frymë patriotike, nën drejtimin e Mbretit Zog I, si edhe në përpjekjet e vazhdueshme në të mirë të kombit të të birit, Naltmadhënisë së Tij, Leka Zogu I. Nëpërmjet një deklarate për mediat, PDIU shprehet se, "jeta në mërgim ku është detyruar të jetojë Leka Zogu I nuk ka mposhtur përpjekjet e tij në të mirë të atdheut. Përmes sakrificave dhe luftës së vazhdueshme, ai u kthye në simbolin e rezistencës antikomuniste, gjatë regjimit diktatorial në Shqipëri, duke i dhënë figurës së tij një rëndësi historike. Leka Zogu I, ashtu sikurse edhe i ati i tij, mbante titullin Mbret i Shqiptarëve, duke mishëruar më së miri, idenë e bashkimit kombëtar dhe nevojën e të gjithë shqiptarëve për të qenë të bashkuar. Këto janë arsye të mjaftueshme që familja mbretërore të gëzojë një status të veçantë, sikurse në shumicën e vendeve të botës, çka ende është një detyrë për t'u plotësuar nga qeveria shqiptare", shprehet PDIU, duke ngushëlluar familjen mbretërore dhe në veçanti, Princin Leka Zogu II për këtë humbje.

http://kohajone.com/zarticle.php?id=60669

 Shuhet Leka Zogu, funeral zyrtar pretendentit për fron

Qeveria ka shpallur dje diten e shtune dite zie kombetare, per nder te pretendentit te Fronit Mbreteror, Leka Zogi I, i cili u nda nga jete oret e para te mengjesit te dites se djeshme. Vendimi per diten e zise eshte bere dje i dituar nga kryeministri Berisha, ne mbledhjen e radhes se qeverise. Pasi ka shprehur ngushellimet e rastit per familjen e Leka Zogut te Pare dhe ka vleresuar figuren e tij, kreu i qeverise ka bere te ditur se ne mbeshtetje te nenit 100 te Kushtetutes, qeveria shpall dite e shtune, dite zie kombetare. Sipas Kushtetutes, ne kete dite do te zhvillohen ceremoni funebre shteterore ne nderim te te ndjerit Leka Zogu I, pretendent i Fronit Mbreteror te Shqiptareve. Ne vendimin e miratuar dje nga Keshilli i Ministrave thuhet se ne te gjitha institucionet, shteterore dhe publike, do te ulet flamuri kombetar ne gjysme shtize dhe ne oren 12.00 do te mbahet nje minute heshtje. Gjithashtu, Radio - Televizioni Publik shqiptar, gjate zhvillimit te ceremonialit, do te transmetoje muzike funebre. Per organizimin e ceremonise funebre shteterore, ne nderim te te ndjerit Leka Zogu I, pretendent per Fronin Mbreteror shqiptar, eshte ngritur nje komision shteteror per kryerjen e ceremonise funebre shteterore. Ne perberje te ketij komisioni jane Edmond Haxhinasto, zevendeskryeminister dhe minister i Puneve te Jashtme, Aldo Bumci, minister i Turizmit, Kultures, Rinise dhe Sporteve, Arben Imami, minister i Mbrojtjes, nje perfaqesues i Oborrit Mbreteror shqiptar, nje perfaqesues i protokollit te shtetit, si dhe nje perfaqesues i protokollit te Kuvendit te Republikes se Shqiperise. Sipas vendimit te qeverise, ceremonia e homazheve qe do te organizohet diten e shtune, do te zhvillohen ne mjediset e salles se seancave plenare te Kuvendit te Republikes se Shqiperise nga ora 10.00 deri ne oren 12.00. Te gjitha shpenzimet e varrimit dhe te ceremonialit do te perballohen nga buxheti i vitit 2011, miratuar per Ministrine e Puneve te Jashtme. Per venien ne zbatim te ketij vendimi, qeveria ka ngarkuar Ministrine e Puneve te Jashtme. 



Qeveria ka miratuar dje ngritjen e nje komisionit shteteror per kryerjen e ceremonise funebre shteterore, ne perberje te te cilit te jene:

• z. Edmond Haxhinasto, zevendeskryeminister dhe minister i Puneve te Jashtme; 

• z. Aldo Bumci, minister i Turizmit, Kultures, Rinise dhe Sporteve; 

• z. Arben Imami, minister i Mbrojtjes; 

• nje perfaqesues i Oborrit Mbreteror Shqiptar; 

• nje perfaqesues i protokollit te Shtetit; 

• nje perfaqesues i protokollit te Kuvendit te Republikes se Shqiperise. 



Berisha: Ceshtja e monarkise nuk eshte e mbyllur 

Kryeministri Berisha ka shprehur dje ngushellimet e tij me te sinqerta per ndarjen nga jeta te Leka Zogut te pare. Ne mbledhjen e qeverise kryeministri tha se ndarja nga jeta e Leka Zogut te Pare eshte nje humbe e madhe per kombin dhe per vendin. Me pas, kryeministri ka bere nje historik te shkurter te jetes se familjes mbreterore dhe te Leka Zogut te Pare, i cili u largua foshnje nga Shqiperia, vetem dy dite pas lindjes, por u rrit dhe u mbrujt me dashuri te pakufishme per vendin dhe kombin. Berisha vecoi faktin se pas hapjes se vendit, ne vitin 1997, u dekretua nga Presidenti i Republikes referendumi popullor, per t'u dhene qytetareve shqiptare mundesine e perzgjedhjes se tyre dhe ne vitin 2003, Parlamenti shqiptar votoi ligjin, ku i njeh atributet familjes mbreterore dhe ky ishte nje vendim shume i drejte. "Dua te theksoj se edhe referendumi u be ne flaket e rebelimit komunist dhe nuk mund te konsiderohet si nje ceshtje e mbyllur. E verteta eshte se, pa diskutim, ne ate referendum dominoi parimi stalinist: ju votoni, numerimin e votave jua bej une. Por, ajo qe eshte reale, shqiptaret votuan masivisht, nga Konispoli ne Vermosh, per Mbretin e tyre. Referendumi nuk e kapi kuoten, por ate e percaktuan ata, te cilet manipuluan dy jave rresht votat e referendumit", eshte shprehur kryeministri. Berisha tha se pas instalimit te regjimit komunist ne Shqiperi, Leka Zogut iu ndalua e drejta e kthimit ne Shqiperi. "Kjo,- sipas kryeministri Berisha,- ishte nje nga veprimet me arbitrare te Enver Hoxhes dhe klikes se tij". Berisha informoi me tej se "Mbreti Zog u largua nga Shqiperia, ashtu sic u larguan mbreterit e tjere, nga mbreterite e pushtuara nga forcat nazifashiste. Por, Mbreti Zog qendroi ne te gjithe kohen, ne anen e koalicionit antifashist. Ne 7 prill 1939,- tha kreu i qeverise shqiptare,- forcat dhe mbeshtetesit e tij, te udhehequra nga Abaz Kupi, luftuan me trimeri ne portin e Durresit. Me pas, forcat mbreterore, serish te udhehequra nga Abaz Kupi, vazhduan luften per clirimin e vendit deri ne vitin e fundit te saj. Natyrisht,- tha Berisha,- lufta nacionalclirimtare mori edhe aspektin e saj vellavrases, sic deshmojne dokumente te panumerta dhe kjo vellavrasje kishte vetem nje qellim, t'i garantonte me cdo kusht Enver Hoxhes, pushtetin. Por legalistet, mbreteroret, luftuan me vendosmeri te madhe okupatoret nazifashiste, gjate te gjitha viteve te pushtimit. Perpjekjet e tyre, pas vendosjes se diktatures ne Shqiperi, ishin te panderprera". Per respektimin e figures se Leka Zogut te Pare, kryeministri kerkoi qe te kryhen te gjitha atributet qe i takojne nje Mbreti jo ne detyre. Per te respektuar dhe nderuar figuren e tij, kryeministri dhe gjithe ministrat e kabinetit mbajten nje minute heshtje. 

Opozita kritikon qeverine per nderimet ndaj mbretit 

Vendimi i djeshem i qeverise per ngritjen e nje Komisioni Shteteror qe do te organizoje ceremonine mortore te pretendentit per Fronin Mbreteror Leka Zogu, ka sjelle dhe reagimin e opozites. Nenkryetari i Grupit Parlamentare dhe deputeti i Partise Socialiste, Erion Barce deklaron se Shqiperia eshte nje Republike Parlamentare dhe nuk mund te njihet familja mbreterore. Ne adresen personale ne rrjetin social "Facebook", Brace nuk i kursen kritikat ndaj kryeministrit per shpalljen e dites se shtune dite zie kombetare, duke dale hapur kunder ketij vendimi. "Per cfare Familje Mbreterore flet Kryeministri Sali Berisha i nje Republike Parlamentare?! C'eshte kjo dite zie mo ditezi", shprehet Brace ne qendrimin e bere publik ne rrjetin social. Me pas kritikat e deputetit Brace kane vene ne qender dhe presidentin Bamir Topi, i cili i paraditen e djeshme shprehu ngushellime familjes per vdekjen e Leka Zogut. Brace, le te kuptohet se pretendenti per Fronin Mbreteror ne Shqiperi nuk ka asnje kontribut ne perpjekjet e diaspores shqiptare kunder komunizmit. "Aha paska shkare dhe Presidenti: e vleresoj per luften e tij kunder komunizmit! Po ku e luftoi komunizmin ky? Jam shume kurioz te na i thote Presidenti!", shprehet deputeti i Partise Socialiste per figuren e Leka Zogut I. Nderkohe qe vec kritikave, dje nga selia roze kane munguar dhe mesazhet per ndarjen nga jeta te pretendentit per Fronin Mbreteror. Drejtuesit e PS-se nuk kane bere asnje ngushellim ne menyre publike, nderkohe qe nuk dihet nese do te jene te pranishem ne ceremonialin zyrtar qe do te organizohet diten e shtune. 

http://kohajone.com/zarticle.php?id=60669

 "Paqe, Bashkim, Vllaznim", te thena nga Mbreti Leka I, gjate fushates elektorale te vitit te mbrapshte 1997, jane esenca apo thelbi i asaj cka ai mendonte e ndjente per bashkekombesit e vet, te cileve u dedikoi energjite e perpjekjet per cdo dite te jetes. Gjithe qenia e tij, ne cdo qelize te trupit, kishte vec nje qellim, - realizimin e idealeve kombetare dhe perparimin e kombit. Por kjo s'ka qene aspak e thjeshte, sidomos po te shohim trajektoren e jetes se tij, qe nga lindja e deri ne shtratin e vdekjes. Nje jete e jetuar praktikisht si nje lufte e panderprere, sa nga rrethanat e politikes boterore, po aq edhe zhvillimet e brendshme ne shtetin shqiptar. Qe nga dita e pare e jetes e deri sa mbylli syte e shkoi tek Krijuesi. 

I lindur ne prag te luftes kunder pushtimit nga Italia fashiste, jeta e Leka I do te ishte nje beteje e perpjekje e pandalshme per t'u kthyer ne vendlindjen e vet, te cilen e la ne moshen dyditeshe. Si shume trashegimtare evropiane te froneve mbreterore, te cilet si rezultat i Luftes se Dyte Boterore do te shfronesoheshin padrejtesisht e per konsekuence do te emigronin nga vendet e tyre ku do te vendoseshin diktaturat komuniste, edhe Leka do te pesonte te njejtin fat. I ashtuquajturi Oborri Mbreteror Shqiptar (OMSH) vlereson se ai nuk do t'i nenshtrohej ketij destini te keq si per ate vete, ashtu edhe per kombin qe ai perfaqesonte, prandaj do te luftonte pareshtur nen devizen e clirimit te Shqiperise Etnike si ushtar i Atdheut. Bir i Mbretit Zog I dhe Mbretereshes Geraldine te Shqiptareve, misioni i tij ne mergim ishte me shume se i veshtire, pasi zhvillimet historike kishin marre nje drejtim te padeshiruar dhe thuajse te pamundshem per realizimin e idealeve dhe synimeve te tij politike, thote OMSH. Shteti shqiptar ishte tashme pjese e "Perandorise se kuqe" kurse gjysma tjeter e kombit vuante nen zgjedhen e Jugosllavise komuniste. 

Megjithese situatat ishin nga me te veshtirat per nje aksion politik, Leka I i vuri qellim vetes te punonte me vullnetin e nje rilindesi, trimerine e nje luftetari kombetar dhe shpirtin e nje fisniku per te realizuar endrren e cdo atdhetari, clirimin e bashkimin kombetar te shqiptareve. Megjithese i gjendur shpeshhere ne kushte te pafavorshme, ai do te dinte te mbronte dinjitetin shqiptar e mbreteror per gjate gjithe aktivitetit politik e patriotik qe zhvilloi. Per kete deshmojne dokumente e fakte te njohura boterisht, prej te cilave permendim vec ato te ruajtjes se nenshtetesise shqiptare per gjithe kohen e mergimit, duke mos pranuar asnje oferte apo pasaporte tjeter, duke perfituar keshtu privilegjet diplomatike dhe te ekstra-territorialitetit ne rastet e posacme, dhe sidomos me organizimin e diaspores antikomuniste dhe krijimin e Ushtrise Kombetare per Clirimin e Shqiperise Etnike dhe Keshillit ushtarak. Jane lapidare fjalet e tij se "Per Shqiperine Etnike ngrihem edhe nga varri!" 

Princi i vetem i Zogut qe la vendin ende motak 

Leka I u lind ne Tirane me 5 prill te vitit 1939 dhe eshte femija i vetem i Mbretit Zog I dhe Mbretereshes Geraldine te Shqiptareve. Ne te zbardhur te dates 7 prill, ai largohet bashke me Mbretereshen Geraldine ne drejtim te kufirit me shtetin grek. Nje dite me pas, me 8 prill, do te vinte edhe Mbreti Zog, per t'iu bashkuar familjes dhe grupit te njerezve qe e shoqeronin ne kete mergim te detyruar. Ne shtetin grek Familja Mbreterore ka ndenjur gati nje muaj dhe me 2 maj 1939, eshte nisur ne drejtim te Turqise. Prej saj, ne fund te muajit qershor, jane larguar drejt veriut, per te pershkuar nje itinerar te gjate e te rrezikshem duke udhetuar pandalshem permes Rumanise, Polonise, vendeve baltike, Suedise, Norvegjise e per te mberritur perfundimisht ne France ne muajin korrik. Ketu vendosen fillimisht ne keshtjellen e Maye-s ne Versailles ndersa nga fundi i vitit 1939 marrin me qira keshtjellen e Mesnil-Saint-Denis. 

Pas fillimit te sulmit gjerman ne 10 maj 1940, Familja Mbreterore shqiptare shperngulet drejt perendimit ne rrugen drejt Orleans, Royan, Bordeaux e me ne fund ne Saint-Jean-de-Luz prej ku me anije mberrijne ne Britanine e Madhe. Mbreti George IV i Anglise do t'i ofronte mbrojtje dhe siguri gjate gjithe periudhes se Luftes II Boterore. Me perfundimin e luftes, Familja Mbreterore zhvendoset perseri kesaj radhe ne Egjipt, pas fteses se marre prej Mbretit Faruk, i cili ishte pasardhes i shqiptarit themelues te dinastise mbreterore egjiptiane Mehmet Ali Pasha. Fillimisht ne Kajro e me pas ne Aleksandri, Familja Mbreterore shqiptare do te vijonte jeten e perpjekjet e saj per ceshtjen kombetare. 

Ne Aleksandri, Leka do te fillonte mesimet e para te shkolles ne Victoria College dhe British Boys School. Por keto studime do te nderpriteshin pas grushtit te shtetit dhe ardhjes ne fuqi te republikaneve ne vitin 1952. Ndryshimet politike ne Egjipt sollen si rezultat zhvendosjen e radhes per Familjen Mbreterore shqiptare, e cila ne korrik te vitit 1955 u vendos perfundimisht ne Cannes te Frances. 

Shume edukim luftarak, mori gradash ushtarake

Gjate kesaj kohe Leka u regjistrua ne Shkollen e shqiponjave te Villars-sur-Ollon ne Zvicer ku mori diplomen "matriculation of Oksford". Ne vitet 1956-1959 futet ne akademine ushtarake te Sandhurst prej se ciles do te gradohet si toger. Kujtimet nga jeta e Akademise Ushtarake Mbreterore ne Sandhurst, jane nga me te bukurat e jetes se Leka I. Ne kete akademi, nder me te famshmet ne bote, studionin pothuajse te gjithe bijte e mbreterve te globit, por Leka lidhi miqesi te ngushte me dy nga studentet me te shquar, qe ishin Mbreti i ardhshem Baudouin i Belgjikes dhe Mbreti i ardhshem Husein i Jordanise. Kur Princ Leka arriti per here te pare ne Sandhurst, Sir Julian Amery, ne ate kohe minister ne qeverine e Mbretereshes Elisabeta, organizoi nje pritje protokollare per nder te Lekes ne aeroport, ku Princi parakaloi ne reviste para radheve te Gardes Mbreterore britanike, i veshur me grand-uniformen Mbreterore te Mbreterise Shqiptare. 

Pas kthimit ne France, ai ndoqi studimet e larta ne drejtesi dhe shkenca ekonomike ne Sorbone si edhe disa kurse per gjuhet dhe kulturen orientale. Qysh prej moshes 8-vjecare Leka zoteronte pervec shqipes edhe gjuhet e huaja anglisht e frengjisht. 

Zogu e shpall te birin mbret ne mergim 

Me 5 Prill 1957, kur Leka mbush plot 18 vjec, ish-Mbreti Zog e shpall ate trashegimtar te kurores mbreterore, ne nje ceremoni te zhvilluar ne prani te figurave me te shquara te emigracionit politik shqiptar ne France dhe te shume miqve te shquar te Familjes Mbreterore dhe te Shqiperise, te ftuar enkas. Ndersa pas vdekjes se ish-Mbretit Zog ne spitalin Foch te Parisit me 9 prill 1961, ne perputhje me statutin e Mbreterise Shqiptare te vitit 1928, vendin e ish-Mbretit Zog e zuri Leka i Pare, i cili beri edhe betimin para nje Asambleje te shqiptareve ne mergim, te perbere prej dinjitaresh te larte te Mbreterise, ish deputete, ministra e ofiqare te ndryshem si dhe delegacione e perfaqesi te shqiptareve te ardhura nga te kater anet e botes. Kesisoj, ai u be sipas kushtetutes se vitit 1928, Mbret i Shqiptareve. 

Formula statutore 

Ne ceremonine mbreterore te kurorezimit, te dates 15 Prill 1961, para Keshillit te Kurores Mbreterore, ai shqiptoi formulen statutore: "Une Leka I - Mbret i Shqiptareve, ne minuten qe hyp ne fronin e Mbreterise Shqiptare dhe marr ne dore pushtetet mbreterore, betohem para Zotit Fuqimadh, se do te ruaj njesine kombetare, pavaresine shteterore dhe teresine tokesore; gjithashtu, do te ruaj Statutin e do te veproj pikerisht sipas atij dhe sipas ligjeve ne fuqi, duke pasur parasysh gjithmone te miren e popullit. Perendia me ndihmofte". 

Perpjekjet e ethshme per t'u bere mbret i ligjshem ne Republiken e Shqiperise 

Ne nentor 1993 Leka Zogu vjen ne Tirane per here te pare pas largimit kur ishte dyditesh, por vizita nuk shkoi sipas planit per shkak te dokumenteve te udhetimit dhe armatimeve personale qe kishte me vete. Ardhja e dyte e Zogut ishte ne 12 prill 1997. Kete here u prit nga autoritetet shqiptare gjate te cilave u caktua data e referendumit. Leka zhvilloi nje fushate ne mbare vendin. Pas votimit per referendum, me 29 qershor 1997, KQZ shpalli humbjen duke konkluduar se monarkia kishte fituar 20% te votave. Vendimi u apelua ne Gjykate te Larte e cila dha nje vendim korrigjues ndaj atij te KQZ, por nuk ndryshoi verdiktin perfundimtar ne disfavor te monarkise. Leka i pretendoi se kishte fituar 54%. Ai u vu ne krye te nje proteste e cila precipitoi ne gjakderdhje prane KQZ ku nje person mbeti i vrare. Pas kesaj situate te krijuar, Leka I me 12 korrik 1997, iku serish, plot 3 muaj pasi kishte ardhur. Gjyqesori shqiptar hapi procedim penal per organizim e thirrje tubimesh te armatosura por nuk pati vendim per ta denuar. 

Ne qershor te vitit 2002, Leka I, pas nje kerkese te bere prej 76 deputetesh te Kuvendit te Shqiperise merr vendimin qe te kthehet pergjithmone ne Atdhe. Dy vitet ne vazhdim nderrojne jete njera pas tjetres Nena Mbretereshe Geraldine dhe Mbreteresha Suzane. Ne kete periudhe ai pesoi nje traume ne kofshe, e cila e pengonte te ecte lirshem. Pas disa operacioneve gjendja nuk ndryshoi dhe ai per shume kohe eshte detyruar te ece ne karroce me rrota. Shendeti nderkohe ka ardhur gjithnje duke u dobesuar dhe se fundi krizat e mbrame paten nje rezultat fatal per te dhe gjithe dashamiret e Familjes Mbreterore. 



Dyzet data historike rreth historise monarkike shqiptare 

8 tetor 1895, Ne Burgajet te rrethit te Matit, lindi Ahmet Xhemal Zogu. 

Ne vitin 1903, Mbreti Zog shkon te studioje ne Liceun e Galata-Sarajit ne Stamboll. 

Ne vitin 1908, nderron jete Xhemal Pasha Zogu 

Ne vitin 1911, Mbreti Zog kthehet ne Atdhe per te udhehequr nje revolte te krahines se Matit kunder Xhonturqve. 

Ne vitin 1912, lufton me ushtrine malazeze ne Malet e Kakarriqit 

28 Nentor 1912, merr pjese ne Shpalljen e Pavaresise ne Vlore si delegat. 

3 Mars 1916, Mbreti Zog therret Kongresin Kombetar ne Elbasan kunder pushtimit. 

Janarin e 1917, mbas vdekjes se Franc Jozefit ne Vjene, u be Kurorezimi i Karlit, Ahmet Zog, u ftua, Ai u detyrua te vendosej ne Vjene deri ne perfundim te luftes. 

21-31 Janar 1920, merr pjese ne Kongresin e Lushnjes dhe emerohet Minister i Brendshem 

Prill 1921, Zgjidhet deputet ne Parlamentin e dale nga zgjedhjet e para te lira ne Shqiperi 

4 Nentor 1921, emerohet nga qeveria, Komandant i Operacioneve Ushtarake per krahun lindor kunder Serbeve. 

Dhjetor 1923, Zgjidhet anetar i Asamblese Kushtetuese 

2 Dhjetor 1922, Kryeminister dhe Minister i Brendshem 

25 Shkurt 1924, jep doreheqjen si Kryeminister, dy dite pas atentatit ne Parlament 

10 Qershor 1924, pas kryengritjes se armatosur largohet nga Shqiperia 

24 Dhjetor 1924, kthehet ne Tirane, "Triumfi i Legalitetit" Kryeminister dhe Minister i Brendshem. 

31 Janar 1925, Ahmet Zog zgjidhet President i Republikes 

1 Shtator 1928, Asambleja Kushtetuese e shpalli Shqiperine Monarki Kushtetuese 

20 Shkurt 1931, Mbreti Zog i shpeton nje atentati ne Vjene 

25 Nentor 1934 nderron jete Nena Mbretereshe Sadije. 

12 Janar 1936, Princesha Sadije martohet me Princin Abid 

27 prill 1938, Zog I Mbretit i Shqiptareve, martohet me Konteshen hungareze, Geraldina Apponyi. 

5 Prill 1939, lindi ne Tirane NT Princ Leka (NMT Mbreti Leka) 

7 Prill 1939, trupat fashiste pushtojne Shqiperine 

9 Prill, Mbreti Zogu largohet per ne Greqi 

27 Qershor 1940, nga Bordoja niset drejt Anglise 

Shkurt 1946, niset per ne Egjipt 

9 Prill 1961, nderron jete Mbreti Zog ne Paris 

15 Prill 1961, Leka I ben betimin si Mbreti i Shqiptareve 

7 Tetor 1975, Mbreti Leka, martohet me Zj. Suzan Cullen Ward 

10 Tetor 1975, ne Madrid behet dasma. 

26 Mars 1982, lindi Princi Leka Anwar Zog 

28 Nentor 1993, Mbreti Leka eshte kthyer ne atdhe mbas 54 vjetesh ne mergim, per 24 ore. 

29 Qershor 1997, zhvillohet referendumi per reformen e regjimit 

28 Qershor 2002, Familja Mbreterore kthehet ne atdhe 

22 Tetor 2002, nderron jete Nena Mbretereshe Geraldina 

17 Korrik 2004 nderron jete Mbreteresha Suzan 

NT Princ Leka fejohet me Elia Zaharia 

16 Qershor 2010, NT. Princ Leka deklaron fejesen me Elia Zaharia, ne Paris 

--------------------------------------------------------------------

http://www.telegraph.co.uk/news/obituaries/royalty-obituaries/8926722/Leka-I-Zogu.html

--------------------------------------------------------------------

http://www.shqiptarja.com/shq_lajm.php?IDNotizia=66030&IDCategoria=2706

--------------------------------------------------------------------

http://www.gazetaidea.com/leka-zogu-i-berisha-e-shtuna-shpallet-dite-zie-kombetare/

Berisha shpall mbretërinë: Leka Zogu, Mbret i shqiptarëve

30 Nëntor 2011 | Kategoria: Politika,Të ndryshme | Postuar nga: Mentor Kikia

Tiranë- Dita e shtunë do të shpallet ditë zie kombëtare për nder të pretendentit për fronin mbretëror Leka Zogu I. Kështu u komunikua sot në mbledhjen e qeverisë shqiptare nga vetë kryeministri i vendit Sali Berisha. Duke mbajtur edhe një minutë heshtje sëbashku me kabinetin e tij. Por Berisha nuk nguroi ta quaje Leka Zogun Mbnret te Shqiptareve edhe pse vetem, pak metra larg zyres se tij ndodhet zyra e Presidentit te republikes.

“Sot ndërroi jetë mbreti i shqiptarëve Leka I. Kjo është humbje e madhe për kombin dhe për vendin. Në ligjin e Parlamentit përcaktohet detyrimi i përfshirjes në protokollin shtetëror të familjes mbretërore dhe ky ka qenë shumë i drejtë, ndaj dhe vendi dhe kombi do ta përcjellin Mbretin Leka I me nderimet që i përkasin një mbreti jo në detyrë. E shtuna do të jetë ditë zie kombëtare në të gjithë spektrin e ditës së zisë të nivelit mbretëror”- vijoi Berisha. Duke vazhduar më tej me një panoramë të jetës së Leka Zogu I. “Ai u largua foshnje nga Shqipëria, dy ditë pas lindjes, por u rrit dhe mbrujt me dashuri të pakufishme për vendin dhe kombin. Mbreti Leka në gjithë jetën e tij në mërgim ishte mbështetës kryesor i luftës dhe përpjekjeve të shqiptarëve për liri dhe dinjitet në Shqipëri, Kosovë, Maqedoni dhe kudo që ndodheshin. Ishte frymëzues i tyre në këtë betejë”- ka thënë kryeministri.

--------------------------------------------------------------------

http://www.botasot.info/def.php?gjuha=0&category=97&id=146000

30.11.2011

Topi ngushëllon familjarët e Leka Zogu I

Presidenti i Republikës së Shqipërisë, Prof. Dr. Bamir Topi u shpreh ngushëllimet më të sinqerta familjarëve të pretendentit të fronit mbretëror, Leka Zogu I, nëpërmjet një mesazhi të bërë publik: “Me hidhërim të thellë mësova lajmin për ndarjen nga jeta të Leka Zogu I, trashëgimtarit të Mbretit Zog. Në këto momente të trishtueshme dhe të vështira për ju, më lejoni që në emër të shtetit shqiptar dhe timin personal, t’ju shpreh ngushëllimet më të sinqerta!

Leka Zogu I pati një jetë të vështirë, por pavarësisht nga fatet e jetës, ai nuk reshti në asnjë çast duke punuar me përkushtim e dashuri në mbrojtjen dhe promovimin e çështjes shqiptare. Në kujtesën tonë kombëtare kanë mbetur të gjalla përpjekjet dhe roli i tij aktiv për rrëzimin e sistemit komunist, dhe, gjatë tranzicionit, për lartësimin e vlerave kombëtare dhe nxitjen e proceseve integruese të Shqipërisë.

Ndarja nga jeta është një humbje e madhe për ju, për të afërmit, për të gjithë ata që e njohën nga afër dhe për bashkatdhetarët.”

--------------------------------------------------------------------

http://www.shqiptarja.com/shq_lajm.php?IDNotizia=66041&IDCategoria=2706

 --------------------------------------------------------------------

http://www.shqiptarja.com/shq_lajm.php?IDNotizia=66029&IDCategoria=2706

--------------------------------------------------------------------

http://www.shqiptarja.com/shq_lajm.php?IDNotizia=66023&IDCategoria=2706

--------------------------------------------------------------------

http://www.shqiptarja.com/shq_lajm.php?IDNotizia=66011&IDCategoria=2706

--------------------------------------------------------------------

http://www.botasot.info/def.php?gjuha=0&category=97&id=145994

30.11.2011

Thaçi, ngushëllon familjen e Mbretit Zog

Kryeministri i Republikës së Kosovës, Hashim Thaçi, ngushëllon familjen e Mbretit Zog, me rastin e vdekjes së Leka Zogut të Parë.

Në telegramin e ngushëllimit thuhet: "Në emër të Qeverisë së Republikës së Kosovës dhe në emrin tim pranoni ngushëllimet më të sinqerta për humbjen e më të dashurit tuaj, Leka Zogut të Parë. Leka Zogu i Parë ishte një figurë e rëndësishme, që përballoi shumë vështirësi në jetën e tij, që lanë gjurmë në kujtesën e popullit shqiptar. Populli i Kosovës do ta përkujtojë Leka Zogun e Parë, që gjithherë bashkëjetoi me sakrificën e popullit të Kosovës për liri dhe pavarësi".

--------------------------------------------------------------------

http://www.botasot.info/def.php?gjuha=0&category=97&id=145973

30.11.2011

Institucionet kosovare ngushllojnë familjen e Leka Zogut I

Institucionet qendrore të Republikës së Kosovës dhe partitë politike, kanë ngushëlluar familjen mbretërore të Shqipërisë, për vdekjen e Leka Zogut të Parë, pretendentit për fronin mbretëror.

Duke e cilësuar si figurë të rëndësishme, qeveria e Kosovës, në një telegram ngushëllimi, tha se populli i Kosovës do ta kujtojë Leka Zogun e Parë, për bashkëjetesën e tij me sakrificën e popullit të Kosovës për liri dhe pavarësi.

--------------------------------------------------------------------

http://www.botasot.info/def.php?gjuha=0&category=97&id=145965

30.11.2011

Mustafa ngushëllon krerët shqiptarë

Me rastin e vdekjes së Pretendentit për Fronin e Mbretërisë Shqiptare Leka Zogu 1, kryetari Lidhjes Demokratike të Kosovës (LDK), Isa Mustafa u ka dërguar një telegram ngushëllimi Familjes Mbretërore Shqiptare, presidentit të Shqipërisë, Bamir Topi, kryetares së Kuvendit të Shqipërisë, Jozefina Topalli, kryeministrit të Shqipërisë, Sali Berisha, qytetarëve të Republikës së Shqipërisë dhe shqiptarëve në botë.

Në këtë telegram ndër të tjera thuhet: “Me dhembje të madhe mësuam lajmin për shuarjen e Leka Zogut I, pretendentit për fronin mbretëror shqiptar. Në këtë ditë të rëndë, më lejoni që në emër të Lidhjes Demokratike të Kosovës, strukturave udhëheqëse të saj dhe të anëtarësisë së gjerë, dhe në emrin tim personal t’ju shpreh dhembjen dhe ngushëllimet më të sinqerta për humbjen e madhe. Lidhja Demokratike e Kosovës (LDK) gjithmonë ka çmuar lart veprën e Familjes Mbretërore Shqiptare dhe të vetë pretendentit Leka Zogut I, në rrugën e vështirë për unitet kombëtar. Lidhja Demokratike e Kosovës (LDK) vlerëson se Familja Mbretërore Shqiptare është një nga simbolet e mëdha kombëtare dhe si e tillë duhet të ruhet gjithmonë. Lidhja Demokratike e Kosovës gjithmonë do ta vlerësojë Familjen Mbretërore si një vlerë të paçmuar e të pazëvendësueshme kombëtare.”

--------------------------------------------------------------------

 http://24-ore.com/index.php/mobile/kronika/8405-leka-zogu-vdes-ne-moshen-72-vjecare.html

30/11/2011 08:48:00Korresp. 24-ore.com

Ndërron jetë pretendenti për fronin mbretëror, Leka Zogu i Parë. Ai ishte shtruar në reanimacionin e Neurokirurgjisë në QSUT që prej datës 17 nëntor, ku mbahej nën kontrollin e mjekëve.

Zemra e Leka Zogut I ka ndalur së rrahuri në orën 07:40 të mëngjesit të sotëm.

Ministri i Shëndetësisë, Petrit Vasili, tha në një prononcim për mediat se vdekja e Leka Zogut ka ardhur si pasojë e arrestit kardiak, pas gjendjes  shëndetësore tepër të rënduar, edhe pse ishte duke u ndjekur nga një staf i kualifikuar mjekësh prej rreth dy javësh.

Zogu u shtrua më 17 nëntor në  spitalin nr. 5,  në gjendje kritike për jetën, pas një rënieje të menjëhershme të temperaturës në 35 gradë C. Gjendja gripale ka ndikuar në shqetësimet që Leka Zogu, 72 vjeç, një duhanpirës rekord, ka patur kohët e fundit me zemrën.

PDIU: Leka I, mishërim i idesë së bashkimit kombëtar

PDIU ka ngushëlluar sot familjen mbretërore për humbjen e Leka Zogut I. PDIU i vlerësoi përpjekjet e vazhdueshme të tij në të mirë të kombit.

“Ai u kthye në simbolin e rezistencës antikomuniste, gjatë regjimit diktatorial në Shqipëri, duke i dhënë figurës së tij një rëndësi historike. Leka Zogu I, ashtu sikurse edhe i ati i tij, mbante titullin Mbret i Shqiptarëve, duke mishëruar më së miri, idenë e bashkimit kombëtar dhe nevojën e të gjithë shqiptarëve për të qenë të bashkuar. Këto janë arsye të mjaftueshme që familja mbretërore të gëzojë një status të veçantë, sikurse në shumicën e vendeve të botës, çka ende është një detyrë për t’u plotësuar nga qeveria shqiptare. PDIU ngushëllon familjen mbretërore dhe në veçanti, princin Leka Zogu II për këtë humbje”, përfundon mesazhi i PDIU-së.

Biografia e Leka Zogut I

Leka Zogu I lindi më 5 prill 1939, në Pallatin Mbretëror, Tiranë. Ai është djali i vetëm i Mbretit Zogu i dhe mbretëreshës Geraldina. Pas largimit të Familjes Mbretërore në Egjipt, në vitin 1946, Princi Leka filloi studimet në kolegjin britanik “Victori Collegie” të Aleksandrisë dhe më pas në “British Boys School”, të cilat i përfundoi me rezultate të shkëlqyera në vitin 1954. Pas transferimit të Familjes Mbretërore në Francë, në vitin 1955, Princi Leka tashmë 16-vjeçar, regjistrohet në kolegjin e Olon-it në Zvicër, ku mori edhe diplomën në vitin 1956.

Në vitet 1956-1958 Princi Leka vazhdoi studimet në Akademinë Ushtarake Mbretërore të Sund’hurstit në Londër (Royal Military Academy), ku pas diplomimit me rezultate të shkëlqyera u titullua oficer, me gradën toger. Në vijim studioi për Shkenca Politike dhe Ekonomike në “Universite De Sorbone” të Francës, ku ndoqi gjithashtu edhe kursin intensiv të gjuhëve orientale. Ne 9 prill 1961, pas vdekjes së Ahmet Zogu, Leka Zogu bën betimin si Mbret i Shqiptarëve në moshën 22 vjeç, në ceremoninë speciale të organizuar në hotelin “Bristol” të Parisit, në prani të ish-deputetëve të Parlamentit të Mbretërisë Shqiptare, si dhe të 70 delegatëve të përzgjedhur nga e gjithë mërgata. Ne vitin 1975 Leka Zogu I u martua me Mbretëreshën Suzan. Nga viti 1979, jetoi bashkë me Familjen Mbretërore Shqiptare në Johannesburg, në Afrikën e Jugut. Ne vitin 1993, vjen për herë të parë në Tiranë, por detyrohet të largohet të nesërmen, pas ndërhyrjes së autoriteteve të asaj kohe.

Në 11 prill 1997, vjen sërish në Shqipëri, duke organizuar vizita, takime e bashkëbisedime në të gjitha rrethet e vendit. Merr pjesë në referendumin e organizuar për formën e regjimit më 29 qershor 1997 dhe më 11 korrik 1997, largohet nga Shqipëria. Rikthehet për të jetuar përgjithmonë në Shqipëri me 28 qershor 2002. Kthimi i Familjes Mbretërore u krye me ftesën e 76 deputetëve të Kuvendit të Shqipërisë.

Gjatë jetës në emigracion, Leka Zogu është angazhuar në biznesin e konstruksioneve të porteve detare dhe import-eksportin e lëndëve të para, duke kryer veprimtarinë e tij njëkohësisht në Spanjë e në Britaninë e Madhe me shtrirjen e aktivitetit që nga SHBA e Kanadaja, në Lindjen e Mesme dhe deri në Japoni e Australi.
Në vitin 1972, Leka bëhet nismëtar i Kuvendit të Madridit për të bashkuar të gjitha forcat politike të emigracionit shqiptar sipas motos “Atdheu mbi të gjitha!” Gjatë këtyre viteve Leka I, zhvilloi takime me shqiptarët kudo në botë.

Gjatë viteve të fundit, Leka I ishte tërhequr nga jeta aktive politike e shoqërore. Funksionet publike kryheshin në vend të tij nga i biri, Princ Leka, dhe përfaqësues të Partisë Lëvizja e Legalitetit.

--------------------------------------------------------------------

http://www.shqiptarja.com/shq_lajm.php?IDNotizia=66045&IDCategoria=2706

--------------------------------------------------------------------

http://www.shqiptarja.com/shq_lajm.php?IDNotizia=66006&IDCategoria=2706

--------------------------------------------------------------------

http://www.shqiptarja.com/shq_lajm.php?IDNotizia=66008&IDCategoria=2724

---------------------------------------------------------------------------------

http://www.gazetaidea.com/tirane-leka-zogu-i-nderron-jete-ne-moshen-72-vjecare/

Tiranë- Leka Zogu I, ndërron jetë në moshën 72 vjeçare

30 Nëntor 2011 | Kategoria: Aktualitet,Kryesore | Postuar nga: Mentor Kikia

Tiranë- Pretendenti i fronit mbreteror shqiptar, Leka Zogu I ka ndërruar jetë në moshën 72 vjeçare, si pasojë e problemeve me zemrën dhe mushkëritë. Leka Zogu I ka ndërruar jetë në spitalin Neorokirurgjik në “Qëndrën Spitalore Universitare në Tiranë”, rreth orës 08:45, ku dhe ka qënë i shtruar që nga data 15 nëntor.

Një arrest kardiak i përseritur i ka marrë edhe jetën pretendentit për fronin mbreteror Leka Zogu I. Këtë deklaratë e ka dhënë sot ministri i shëndetësisë Petrit Vasili. I cili ka theksuar se stafi i mjekëve e asistuan me përkushtim të plotë situatën shëndetësore të Leka Zogut deri në çastet e fundit.

“Gjëndja shëndetësore ishte tepër e rënduar edhe pse ishte duke u ndjekur nga një staf i kualifikuar mjekësh. Pak kohë më parë është çertifikuar edhe akti i vdekjes si pasojë e një arresti kardiak të përsëritur”- u shpreh Vasili.

Pak ditë më parë, zyra e shtypit e Familjes Mbreterore deklaroi se gjendja e Lekës së I ishte përmisuar, por vazhdonte të mbetej kritike. Sipas mjekut që ka asistuar në mënyrë të vazhdueshme Leka Zogun I, Mentor Petrela, mbreti vuante nga disa demtime të organëve jetësore, që për shkak të moshës i ishte demtuar funskionimi i tyre. Sipas mjekut prej vitesh ai vuante nga anoreksia e theksuar dhe nga probleme me rrugët e frymëmarrjes.

Kush ishte Leka Zogu I?

Pretendeti për fronin mbreteror Leka Zogu I u lind me 5 pril 1939, në Pallatin Mbretëror, Tiranë, është djali i vetëm i Mbretit Zogu I dhe Mbretereshës Geraldina.

Edukimi

Pas kalimit të Familjes Mbretërore në Egjipt, në vitin 1946, Princi Leka filloi studimet në kolegjin britanik “Victori Collegie” të Aleksandrisë dhe më pas në “British Boys School”, të cilat i përfundoi me rezultate të shkëlqyera në vitin 1954. Pas transferimit të Familjes Mbretërore në Francë, në vitin 1955, Princi Leka tashmë 16 vjeçar, regjistrohet në kolegjin e famshëm “Vilare Ailange Kolegie” të Olon-it, në Zvicër, ku mori edhe diplomën “Matriculation of Oxford” në vitin 1956. Në vitet 1956-1958 Princi Leka vazhdoi studimet në Akademinë Ushtarake Mbretërore të Sund’hurstit në Londër (Royal Military Academy), ku pas diplomimit me rezultate të shkëlqyera u titullua oficer, me gradën toger. Në vijim studioi për Shkenca Politike dhe Ekonomike në “Universite De Sorbone” të Francës, ku ndoqi gjithashtu edhe kursin intensiv të gjuhëve orientale.

Titulli

Më 5 prill 1957, me rastin e 18 vjetorit të lindjes, në prani të personaliteteve më të njohura të botës shqiptare në emigracion dhe të miqve të huaj nga më të shquarit, Mbreti Zog, pasi e dekoroi personalisht me Kolanin e Shqipërisë, e shpalli solemnisht Princin Leka i Parë “Trashëgimtar të Kurorës Mbretërore Shqiptare”. Kurorezimi i Princit Leka I Më 15 Prill 1961, në ceremoninë speciale të organizuar në hotelin “Bristol” të Parisit, në prani të ish deputetëve të Parlamentit të Mbretërisë Shqiptare, si dhe të 70 delegatëve të përzgjedhur nga e gjithë mërgata, Asambleja Provizore e mbledhur zyrtarisht, në bazë të artikujve 51 dhe 55 të Statutit Themeltar të Mbretërisë Shqiptare, e shpalli dhe e kurorëzoi unanimisht Princin Leka si “Mbret i Shqiptarëve”. Pas kësaj, në përputhje me nenin 56 të Statutit, Sovrani i ri bëri betimin formal kushtetues si Mbret i Shqiptarëve.

Aktiviteti

Mbreti Leka u përkushtua për përmbushjen e detyrimeve prej Sovrani para bashkatdhetarëve në mbarë Europën dhe në vendet arabe gjatë 5 viteve të para pas kurorëzimit (1961-1966). Në vitin 1967, veprimtaria politike e Mbretit Leka në dobi të çështjes kombëtare dhe intensifikimi i kontakteve me bashkatdhetarët, njohën kulmin pas vizitës që Mbreti kreu në SHBA-të në verën dhe vjeshtën e këtij viti. Mbreti Leka në SHBA-të shfrytëzoi rastin të nderonte figurat e shquara të kulturës sonë kombëtare dhe përfaqësuesit eminentë të mërgatës shqiptare në Amerikë: Imzot Fan Nolin dhe z. Faik Konica, në varret e të cilëve vendosi kurora me lule në emër të Familjes Mbretërore, në nderim të kujtimit të punës dhe veprës së tyre në shërbim të atdheut, kombit dhe bashkatdhetarëve. Mbreti Leka përgëzoi gjithashtu drejtuesit e shoqërisë atdhetare “VATRA”, si dhe veprimtarët politikë legalistë e ballistë, për kontributet e tyre atdhetare e politike. Suksesi impresionues i vizitave, pritjet madhështore dhe ndikimi i jashtëzakonshëm i diasporës shqiptare të SHBA-ve për fatet e çështjes kombëtare, e nxitën Mbretin Leka të rikthehej në SHBA edhe në vitin 1968.

--------------------------------------------------------------------

http://www.gazeta-shqip.com/#/sociale/bec00bd21092eaf17cb3456ddc8a3489.html

Mbreti Leka, në gjendje të rëndë shëndetësore

2011-11-30

Ndodhet në qendrën spitalore universitare “Nënë Tereza”, ndihmohet nga oksigjeni artificial

Në qendrën spitalore universitare “Nënë Tereza”, përkatësisht në spitalin numër 5, Pretendenti për Fronin Mbretëror, Leka Zogu, ndodhet në gjendje të rëndë shëndetësore. Sipas mjekëve që janë kujdesur për të këto ditë, pretendenti i Fronit Mbretëror ndodhet nën trajtimin me oksigjen në mënyrë të vazhdueshme. Pretendenti për Fronin Mbretëror, Leka Zogu, pavarësisht përmirësimeve që ka pasur javën e kalua,r përsëri është i shtruar në spital me probleme shëndetësore. Sipas mjekëve, ai vuan në mënyrë kronike nga dëmtime të disa organeve, të cilat për shkak të moshës, kanë përkeqësuar funksionimin e tyre. Mjekët gjykojnë se pretendenti për Fronin Mbretëror do të qëndrojë për një afat të pacaktuar në spital, por mohojnë nisjen e tij në një spital jashtë vendit. Sipas ekspertizës mjekësore dalja e tij jashtë vendit do të ishte e papërballueshme në këtë moment për pacientin.

Më datën 18 nëntor, përfaqësuesi i familjes mbretërore deklaroi se: “Familja Mbretërore Shqiptare lajmëron se, Lartmadhëria e tij Mbreti Leka i Parë, është shtruar më datë 15 nëntor 2011, në orën 17:00, në pavijonin e reanimacionit neurokirurgjik, në QSUT. Lartmadhëria e tij po mjekohet për vuajtje multisistemike, ku mbizotëron vuajtja e zemrës dhe mushkërive. Gjendja e Mbretit është relativisht e rëndë, por nën kontroll dhe po merr terapinë e nevojshme”.

--------------------------------------------------------------------

http://www.shqiptariiitalise.com/component/content/article/43-shqiperi/2183-rikthimi-i-qytetarit-leka-zogu-apo-i-aspirantit-per-mbret-te-shqiptareve.html

 Rikthimi i qytetarit Leka Zogu apo i aspirantit për mbret të shqiptarëve?

Mercoledì 30 Novembre 2011 08:37

Në qershor 2002, familja e ish-mbretit Ahmet Zogu u kthye përfundimisht në atdhe. Leka Zogu në Rinas: “Dua të falënderoj popullin shqiptar, shtetin shqiptar që na dha këtë rast me u kthy në atdheun tonë". Kthimi i Leka Zogut u mundësua pas një amnistie të shpallur këtë muaj për rolin e tij në trazirat gjatë referendumit për të ardhmen e monarkisë të mbajtur pesë vjet më parë. (Bota shqiptare 65, korrik 2002)

Monarkistët në Shqipëri kanë përshëndetur kthimin e familjes së mërguar mbretërore shqiptare. Mesazhi që përcolli ai me këtë rast ishte parulla e njohur e monarkistëve "Paqe-bashkim-vëllazërim".

"Dua të falënderoj popullin shqiptar, shtetin shqiptar që na dha këtë rast me u kthy në atdheun tonë", tha Leka Zogu në fjalët e para për shtypin.

Në ceremoninë e pritjes, e cila ishte mjaft festive, të organizuar nga përkrahësit e mbretit, merrnin pjesë dhe autoritete shtetërore dhe përfaqësues të partive politike shqiptare.

Nga avioni që pruri familjen mbretërore në Tiranë doli mbretëresha Geraldinë e shoqëruar nga deputetja socialiste Monika Kryemadhi. Në avion atyre u kanë uruar mirëseardhjen ministri i shtetit Ndre Legisi dhe përfaqësues të partive shqiptare.

Më pas nga avioni ka dalë pretendenti për fron Leka Zogu, i biri i tij dhe bashkëshortja.

Pritje e ngrohtë

Me flamuj dhe parrulla në duar disa qindra vetë kishin dalë që në orët e para të mëngjesit në aeroportin e vetëm ndërkombëtar Nënë Tereza.

"Sot të gëzojë Shqipëria, sepse vjen figura e Shqipërisë, ai që ngriti Shqipërinë dhe e ndriçoi," tha një i moshuar me flamurin e mbretërisë në dorë mjaft i emocionuar.

Por ndër ata që kishin dalë për të pritur kthimin e familjes mbretërore kishte dhe mjaft të rinj. Një prej tyre kishte ardhur nga Lura.

"E presim me kaq entuziazëm, sepse baballarët tanë na kanë thënë se ka pasur vërtet shtet dhe se ka qenë i pari person që themeloi shtetin e ri shqiptar," tha ai për mbretin Zog.

Familja Zogu po qëndron tani në një vilë në afërsi të selisë së qeverisë shqiptare në masa të larta sigurie.

Zyrtarë të partisë së legalitetit, partia mbretërore shqiptare nuk i ka fshehur synimet për mbajtjen e një referendumi të ri për formën e regjimit, por një gjë e tillë ka pak gjasa të ndodhë.

Disa analistë politikë mendojnë se kthimi i familjes mbretërore është më shumë një respektim i vlerave historike të deformuara nga diktatura komuniste gjatë 50 vjetëve.

Kthim pas amnistisë

Kthimi i Leka Zogut, të birit të ish-mbretit Zog, u mundësua pas një amnistie të shpallur këtë muaj për rolin e tij në trazirat gjatë referendumit për të ardhmen e monarkisë të mbajtur pesë vjet më parë.

Mbi dy të tretat e shqiptarëve e kundërshtuan vendosjen e monarkisë gjatë referendumit të vitit 1997.

Leka Zogu, i cili ishte vetëm disa ditë kur familja e tij u largua nga Shqipëria gjatë pushtimit italian të vitit 1939, ka jetuar në Afrikën e jugut për shumicën e kohës këto 20 vitet e fundit.

Ish-mbreti Zog u rrëzua nga regjimi komunist në vitin 1946 duke ndaluar kthimin e tij.

Rikthimi i qytetarit Leka Zogu apo i aspirantit për mbret të shqiptarëve? - Analisti BBC: “Pak gjasa që shqiptarët të votojnë për monarkinë”

Mercoledì 30 Novembre 2011 08:37

Analisti BBC: “Pak gjasa që shqiptarët të votojnë për monarkinë”

Jan Repa, analist i BBC për çështjet e Evropës Qëndore dhe Lindore në një intervistë për BBC në shqip është shprehur se shumica e ish-monarkëve, nuk mendojnë seriozisht për rivendosje monarkish. Vijon pjesë nga intervista.

BBC: Me kthimin e Zogut, sa janë shanset që Shqipëria të shndërohet nga Republikë në Monarki, nisur nga fakti se kjo mbetet një ambicie e Leka Zogut?

Jan Repa: Dihet që në Shqipëri pati një referendum në 97-ën, siç mund të kujtohet, ku Leka Zogu pati telashe me autoritetet zyrtare, pasi vringëlliu armë, e kështu me rradhë. Nisur nga ajo që ne dimë, do të kishte pak gjasa, qe shqiptarët të votonin për rivendosjen e monarkisë.

Në fakt në asnjë vend, të ish Evropës lindore komuniste, nuk ka pasur ndonjë rivendosje të monarkisë. Natyrisht kemi rastin e Simeonit të Dytë në Bullgari, i cili u largua nga froni pas Luftës së Dytë Botërore, i cili u rikthye e tash është kryeministri i Bullgarisë.

Unë mendoj se në këtë rast kemi të bëjmë me një rast pak të veçantë, pasi së pari, Simeoni ishte një person tejet i respektuar, për shkak të meritave të tij, si një biznesmen, që vepronte në Spanjë, dhe ai përzgjodhi shumë mirë momentin e rikthimit të tij. Bullgarët në atë kohë, ishin të konfuzuar politikisht dhe kalonin një periudhe shumë të vështire ekonomike, dhe ai arriti të krijojë një lëvizje të mirëfilltë politike rreth vetes dhe përreth ekspertëve të ndryshëm financiar perëndimor e kështu me radhë.

Ju po thoni se Leka Zogu nuk ka shans që të pasojë shembullin e Simeonit të Bullgarisë?

Nuk jam i sigurt. Unë nuk dua të nënçmoj zotërinë, por unë nuk mendoj se Zogu është aq shumë i njohur si një drejtues biznesi i mirëfilltë. Simeoni përfaqësonte një kompani të madhe perëndimore, dhe nuk mendoj se Leka Zogu, është i të njëjtit brumë. Është e mundshme, por kjo nuk ka ndodhur gjetiu. Karagjorgjeviçi është shumë larg rivendosjes së monarkisë në Serbi, ish- mbreti Mihail, tashmë kalon një pjesë të kohës në Rumani dhe pëlqehet si një njeri, i cili kur ishte i ri, kundërshtoi fashizmin, por sërish ai u përdor nga qeveria rumune, si një lloj zëdhënësi për Rumaninë, si një Ambasadori i Vullnetit të Mirë, për të nxitur idenë dhe dëshirën e Rumanisë për tu futur në Nato. Megjithatë duhet thënë se ka një interes publik minimal për të.

A mendoni se kjo dashuri e befte e evropianolindoreve me ish-monarkët, është shprehje e faktit se elektorati në këto vende ka një lloj apatie ndaj politikës së partive kryesore politike në këto vende?

Unë mendoj se ka shumë zhgënjim dhe pakënaqësia dhe në këto rrethana gjithmonë do të ketë njerëz, që do të shikojnë për zgjidhje të tjera. Mund të argumentohet se një ish-monark është më pak i rrezikshëm për demokracinë, sesa një politikan populist, që mund të vendosi një formë diktature apo regjimi autoritar. Në vende të cilat janë të begata dhe me standard të pëlqyeshëm jetese, si për shembull në Itali apo Austri, ka një numër nostaligjikësh, por nuk është se ka presion serioz, për ndonjë lloj restaurimi të monarkisë.

Qershor 2002

Lexo edhe: Tetor 2002. Shqiptarët i japin lamtumirën ish-mbretëreshës Geraldine

http://www.shqiptariiitalise.com/component/content/article/43-shqiperi/2188-tetor-2002-shqiptaret-i-japin-lamtumiren-ish-mbretereshes-geraldine.html

Tetor 2002. Shqiptarët i japin lamtumirën ish-mbretëreshës Geraldine

Ish-mbretëresha, Geraldine Zogu, vdiq më 22 tetor 2002, në kryeqytetin e Shqipërisë. Ishte 87 vjeç. Geraldine u varros në varrezat civile të Sharrës. Në homazhet, meshën e përshpirtjes dhe varrimin e saj morën pjesë me qindra njerëz.

Ish-mbretëresha, Geraldina Zogu, ndërroi jetë më 22 tetor 2002, në kryeqytetin e Shqipërisë. Ishte 87 vjeç.

Në muajin gusht, ish-mbretëresha u kurua në një spital të Francës për shkak të problemeve në mushkëri, të cilat, sipas mjekëve, kanë lidhje me ndryshimin e klimës nga Afrika e Jugut në Tiranë.

Gerladina, e cila jetoi në azil që kur familja mbretërore u arratis nga Shqipëria në vitin 1939, u kthye në vend në muajin qershor, pasi 40 anëtarë të parlamentit e ftuan familjen të kthehej në Shqipëri. Edhe në azil, ajo e konsideronte djalin e saj të vetëm, Lekën, si udhëheqësin legjitim të Shqipërisë.

E lindur në vitin 1915 në një familje fisnike hungareze, Geraldina Aponi, u martua me mbretin Ahmet Zogu në vitin 1938.

Ahmet Zogu e shpalli veten mbret të Shqipërisë në vitin 1928 dhe mbretëroi derisa forcat italiane pushtuan vendin në vitin 1939. Ai vdiq në vitin 1961 në Paris.

Monarkia u nxor jashtë ligjit nga udhëheqësit komunistë të vendit në vitin 1946, më pak se dy dekada pasi Ahmet Zogu, babai i Lekës, e krijoi atë duke u vetëshpallur mbret.

Leka është pasardhësi i familjes mbretërore, i cili ka deklaruar se nuk do të përfshihet në politikën shqiptare derisa populli të votojë për të rivendosur monarkinë.

***

Nga e marta deri të premten ende nuk ishte përcaktuar se ku do të varrosej ish-mbretëresha. Përfaqësues të Partisë së Legalitetit, dhe të familjes Zogu kanë pritur që qeveria të shprehte për një varrim shtetëror, dhe madje kanë pretenduar që të varroset në varrezat e dëshmorëve të kombit. Por qeveria nuk është shprehur, dhe Mbretëresha u varros "përkohësisht" në varrezat civile të Sharrës "në pritje të marrjes së një sipërfaqeje toke në kodrat e liqenit dikur pronë e familjes Zogu" thanë njerëz pranë familjes.

Personalitetet të larta të qeverisë dhe shtetit ashtu edhe njerëz të thjeshte kanë marrë pjesë në homazhet e kryera në shtëpinë e oficerëve në Tiranë. Homazhe kanë zhvilluar përfaqësues të lartë të trupit diplomatik në Tiranë, njerëz të njohur të artit dhe të kulturës, akademikë, si edhe përfaqësues të komuniteteve fetare në Shqipëri. "Unë dua të vdes në Shqipëri në tokën shqiptare, dhe në mes të shqiptarëve", ka qenë një nga diçiturat e vendosura në sallën ku ndodhej trupi i Geraldinës , ku ishin ekspozuar një grup fotografish nga dasma e saj me Mbretin Zog. Pas përfundimit të homazheve,në Katedralen e Shën Pjetrit në Tiranë është mbajtur një meshë përshpirtëse e drejtuar nga Imzot Rrok Mirdita, arqipeshkv i Tiranës, dhe i gjithë Shqipërisë.

***

Pas përfundimit të meshës, me qindra njerëz kanë marrë pjesë në ceremoninë e varrimit. Qytetarë të thjeshtë, të ardhur nga qytete të ndryshme vendit, kanë marrë pjesë në këtë ceremoni mortore të organizuar në varrezën publike të Sharrës në perëndim të Tiranës ku fjalën e lamtumirës e ka mbajtur deputeti i PD-së Pjetër Arbnori.

Familja Zogu ka marrë telegrame ngushëllimi edhe nga Presidenti Moisiu ndërsa dy bashki, ajo e Shkodrës dhe e Kavajës, kanë mbajtur flamurin në gjysmë shtize. Kryetari i PD-së Sali Berisha është ankuar për mungesën e shtetit dhe duke propozuar të kthehen edhe eshtrat e Ahmet Zogut ka përdorur (ndoshta pa dashje) për ish-mbretin një shprehje të Fan Nolit: “Nuk kemi pse ta lemë Zogun syrgjyn gjallë e syrgjyn vdekur”.

Ndërsa shkrimtari Ismail Kadare e ka quajtur Geraldinën "nje pjese e bukur e historise shqiptare". Pak ditë para se ish-mbretëresha të kthehej në atdhe kishte patur një letërkëmbim me shkrimnarin Ismail Kadare ku dëshirës së saj për t’u kthyer e për të vdekur në Shqipëri shkrimtari i njohur Ismail Kadare i shkruante: "vendimi juaj për të jetuar në Shqipëri, ka qenë për mua, dhe kam bindjen se do të jetë për shumicën e shqiptarëve një lajm i gëzuar dhe prekës”, ndonëse sipas Kadare, "ky vend ju ka sjellë më tepër brenga sesa gëzime". Ai quante rikthimin e Geraldinës, një akt të lartë dhe që jep një mesazh fisnik se Atdheu mund të jetë i dashur edhe kur është i vështirë dhe i varfër.

Bota Shqiptare 72, tetor 2002

--------------------------------------------------------------------

http://www.cbsnews.com/8301-31749_162-57334123-10391698/albanias-self-proclaimed-heir-to-throne-dies-at-72/

November 30, 2011 4:39 PM

Albania's self-proclaimed heir to throne dies at 72

Albania's pretender to the throne, crown prince Leka Zogu, on April 16, 2011.

(Credit: Getty Images)

(CBS/AP) Leka Zogu, whose father served as Albania's king until it was occupied by fascist Italy, and who twice returned home from exile to try to claim the throne himself, died Wednesday. He was 72.

Zogu died of a heart attack at the Mother Teresa Hospital in Tirana, Albania, said the family spokeswoman Julinda Kamberi.

Doctor Mentor Petrela told AFP that Zogu went to the hospital last week with heart and lung trouble. He fell into a coma shortly after being admitted.

Zogu's father, King Ahmet Zogu, was the small Balkan country's first and only post-independence monarch, reigning from 1928 to 1939, when he fled after Albania was occupied by Italian forces.

Zogu spent most of his life in exile in Europe and Africa while his country was ruled by Communists who abolished the monarchy in 1946 and banned contact with the outside world.

After Albania's Communist regime fell in 1990, he made two disastrous attempts to return home -- being thrown out during the first in 1993 and charged with leading an armed uprising during the second in 1997.

In 1975, Zogu married Australian-born Susan Cullen-Ward, who died in 2004. Zogu's Hungarian mother, Queen Geraldina, died in 2002.

Zogu is survived by his son, Leka II.

--------------------------------------------------------------------

--------------------------------------------------------------------

http://blogs.voanews.com/breaking-news/2011/11/30/aspiring-albanian-king-dies-at-72/

Voice of America

Aspiring Albanian King Dies at 72

Posted Wednesday, November 30th, 2011 at 12:25 pm

The son of former Albanian King Ahmet Zog, Leka Zogu, has died of a heart attack. He was 72 years old.

The aspiring king, who twice failed in attempts to restore the monarchy after communism fell in the early 1990's, died Wednesday in a Tirana hospital. He spent most of his life in exile in Europe and Africa.

Zogu was born in 1939, just two days before his father, King Zog, fled Albania following the country's occupation by the Italian military. Zog had ruled the small Balkan country from 1928 to 1939, and died in exile in France in 1961.

After the fall of the communist government, Leka Zogu attempted to return to Albania in 1993 but was denied entry by the country's first democratically elected government. He tried again in 1997, this time winning the right to hold a referendum on restoring the monarchy. But he lost the referendum and charged the electoral committee with fraud, appearing at a protest rally in a military uniform with guns and hand grenades.

Zogu returned to Albania in 2002, after reaching an agreement with the government. He is survived by his son, also named Leka, who works in the Albanian Foreign Ministry.

--------------------------------------------------------------------

http://seadev.bonnint.net/category/world_news_articles/20111130/Albania's-self~styled-King-Leka-dies-at-72/

Updated Nov 30, 2011 - 10:05 am

Albania's self-styled King Leka dies at 72

FILE -- A June 25, 2002 file photo shows Leka Zog I, son of Albania's exiled late King Ahmet Zog waving to wellwishers at Tirana International Airport in Albania. A spokeswoman for Albania's royal family says that King Leka I Zogu, died Wednesday Nov. 30, 2011. (AP photo/Hektor Pustina/file)

Associated Press

TIRANA, Albania (AP) - Leka Zogu, whose father served as Albania's king until it was occupied by fascist Italy, and who twice returned home from exile to try to claim the throne himself, died Wednesday, his family said. He was 72.

Zogu died of a heart attack at the Mother Teresa Hospital in Tirana, said the family spokeswoman, Julinda Kamberi.

Zogu's father, King Ahmet Zogu, was this small Balkan country's first and only post-independence monarch, reigning from 1928 to 1939, when he fled after Albania was occupied by Italian forces.

The king died in France in 1961 and is buried at the Thiais Cemetery near Paris, but the exiled royal family always insisted that he was the country's legitimate ruler.

Born just two days before Albania was occupied in 1939, Leka Zogu spent most of his life in exile in Europe and Africa while his country was ruled by Communists who abolished the monarchy in 1946 and banned contact with the outside world.

After Albania's Communist regime fell in 1990, he made two disastrous attempts to return home _ being thrown out during the first in 1993 and charged with leading an armed uprising during the second in 1997.

The six-foot, five-inch (2-meter) tall Leka Zogu finally settled in Albania in 2002, leading a quiet life with his Australian wife and son but never relinquishing his claim to the throne. The royal family's official website listed his interests as "arms, shooting, reading and history."

While living in Johannesburg, South Africa, in 1999, he was arrested _ along with four of his bodyguards _ for illegal possession of weapons and held in police custody for a week before being released on bail.

When he returned to Albania in June 2002, he brought with him 11 cases of automatic weapons, grenades and hunting arms, which authorities promptly seized. But the family got the weapons back six years later after Albania's government deemed them items of cultural heritage.

Zogu was the only son of King Ahmet Zogu, a Muslim chieftain who proclaimed himself Albania's monarch in 1928 and ruled for 11 years during a time that many older Albanians now remember as prosperous and stable.

The second attempt by the monarch's son to return to Albania in 1997 came amid the anarchy that followed the collapse of shady investment schemes that cost many Albanians their life savings.

Brandishing an Uzi submachine gun and a pistol, and clad in camouflage fatigues, he led a crowd of armed protesters outside the main elections building, claiming the results of a national vote had been manipulated. After a shootout with police, in which one protester was killed and several wounded, Leka Zogu fled Albania on a private jet.

Two years later a Tirana court sentenced him in absentia to three years in prison on charges of organizing the armed uprising. An appeals court later reduced the charge to illegal firearms possession, and in 2002 Albania's president granted the self-proclaimed king amnesty.

His family was given back some of its old royal properties and granted diplomatic passports. Leka Zogu's son has since served as an adviser to several Albanian governments. Today, a small royalist party is allied to the governing Democratic Party's coalition of Albanian Prime Minister Sali Berisha.

Two years ago, Albania's government pledged to bring home from Paris the late king's remains, calling the monarch "one of the greatest, most distinguished personalities with a major contribution to the history of the Albanian nation."

That could be done next year when Albania celebrates the 100th anniversary of its independence.

On Wednesday, Albanian President Bamir Topi, Prime Minister Berisha and political parties sent condolences to Leka Zogu and his family.

"His active efforts and role to topple the communist system and, during transition, to heighten Albania's national values and promote the integrating process remain alive in the nation's memory," Topi said.

Berisha honored Leka Zogu by referring to him with the royal title he had always wanted.

The prime minister declared Saturday a day of national mourning and said Albania "will respect King Leka I with all the attributes of a king not in office."

Describing him as "one of the greatest personalities of (Albania's) political history," Berisha also questioned the result of a 1997 referendum that upheld the abolition of the monarchy. "The referendum was held under the flares of a communist rebellion and cannot be considered a closed issue," he said during a Cabinet meeting.

Zogu was educated in Egypt, Switzerland and France and graduated from the military academy of Sandhurst, England. He studied economics and political science at the Sorbonne, France, and spoke English, Spanish, French, German, Arabic, Portuguese and Italian.

In 1975, he married Australian-born Susan Cullen-Ward, who died in 2004. Zogu's Hungarian mother, Queen Geraldina, died in 2002.

Zogu is survived by his son, Leka II.

--------------------------------------------------------------------

http://internationale.monarchiste.com/

Mort de SAR Leka d'Albanie: Communiqué de la Conférence Monarchiste Internationale (CMI)

01/12/2011 à 14h15

 SOUTIEN AU PEUPLE ALBANAIS !

COMMUNIQUE
1er décembre 2011
Albanie: décès du Prince Leka.

La Conférence Monarchiste Internationale a appris avec douleur le décès du prince Leka d'Albanie, survenu à Tirana dans sa 72ème année.

Fils du roi Zog Ier et de la reine Géraldine, Leka a incarné pendant près d'un demi-siècle la résistance du peuple albanais à l'un des régimes marxistes totalitaires les plus staliniens de la planète, puis la résurrection de l'espérance monarchiste dans un pays dont les dirigeants s'étaient acharnés à éradiquer durant presque cinquante ans le moindre souvenir de l'époque monarchiste.

C'est ainsi que SAR Leka d'Albanie avait, à la mort de son père en 1961, pris en main la réorganisation des structures monarchistes en exil, tissant aussi de nombreux réseaux clandestins à l'intérieur même du pays malgré la chape de plomb idéologique et totalitaire qui écrasait la population.

Leka avait su maintenir les structures du Partia Lëvizja e Legalitetit, le mouvement monarchiste albanais, en le dotant, compte tenu des circonstances, d'une branche militaire dont l'un des actes les plus remarqués fut une tentative de débarquement militaire au sud de l'Albanie en 1982, tentative finalement avortée après une semaine de durs combats.

En 1997, suite à un référendum que de nombreux observateurs (dont les organisateurs de l'époque) estiment truqué, le principe monarchique avait recueilli près d'un tiers des suffrages, les autorités ayant invalidé 500.000 bulletins décisifs dans ce pays de 2.500.000 habitants. A l'époque, Leka, armé et en tenue militaire, avait marché sur le siège de la commission électorale accompagné de 4.000 partisans pour protester contre les nombreuses fraudes constatées. L'affaire avait fait deux morts et plusieurs blessés.

Installé définitivement en Albanie en 2002 avec sa famille à la suite d'une pétition signée par 76 députés, SAR Leka d'Albanie jouissait d'une grande popularité et d'un grand respect de la part de la population comme des autorités gouvernementales.

« Samedi 3 décembre sera journée de deuil national et il sera honoré avec tous le respect que mérite un Roi », a déclaré mercredi le Premier ministre de la République d'Albanie, Sali Berisha, au cours d'une réunion du gouvernement à Tirana.

Un comité gouvernemental présidé par le vice-Premier ministre et ministre des Affaires étrangères, Edmond Haxhinasto, a été mis en place par les autorités albanaises, chargé de gérer les cérémonies de funérailles prévues pour samedi.

Par ailleurs, le gouvernement albanais a annoncé son souhait de rapatrier en Albanie les cendres du roi Zog 1er, qui repose au cimetière de Thiais, près de Paris.

La Conférence Monarchiste Internationale présente au nouvel héritier du trône, le prince Leka II, à sa famille, à nos camarades monarchistes du Levizjes per Zhvillim Kombetar (LZHK) et ceux du Partia Lëvizja e Legalitetit (PLL), ainsi bien entendu qu'au peuple albanais, ses condoléances les plus sincères et attristées.

Il y a de grands Rois, il y en a de médiocres, il y a des Prétendants fades et il y en a qui par leurs actions et leur énergie combative emportent l'enthousiasme et le respect. SAR Leka d'Albanie était de cette trempe.

Sylvain ROUSSILLON
Secrétaire Général de la CMI
http://internationale.monarchiste.com

-------------------------------------------------------------------- 

http://royalementblog.blogspot.com/2011/11/deces-du-roi-leka-ier-dalbanie.html

Décès du roi Leka Ier d'Albanie

Le roi Leka Ier, appartenant à la Maison Zogu d'Albanie, est décédé ce jour à 7 heures 40 à l'hôpital de Mère Teresa de Tirana, à l'âge de 72 ans. Il y avait été admis la semaine dernière, hospitalisé suite à des problèmes cardiaques et pulmonaires. Dans un état très grave, il s'y trouvait dans le coma.

Son père, le roi Zog Ier, a régné sur l'Albanie de 1928 à 1939, après avoir assumé la fonction de Premier ministre. Il avait dû fuir son pays face à l'invasion italienne décidée par Mussolini. Né le 5 avril 1939 à Tirana, le prince héritier Leka n'avait que deux jours lors de ces événements. S'ensuit alors une longue route de l'exil qui les mène en Grèce, en Turquie, en Roumanie, en Pologne, en Estonie, en Suède, en Norvège et puis en France. En mai 1940, suite à l'avancée des troupes allemandes, la famille quitte la France pour s'installer au Royaume-Uni, ayant avec elle une partie de l'or de l'Albanie. Là, elle y retrouve le gouvernement albanais en exil. Après la Seconde Guerre Mondiale, les communistes envahissent l'Albanie et abolissent la monarchie.

En 1946, c'est en Égypte que la famille déchue trouve refuge, sous la protection du roi Farouk. Lorsque celui-ci tombe à son tour, la famille retourne s'installer en France, sur la Côte d'Azur. L’échec d'un projet conjoint mené par la CIA et les services secrets britanniques pour renverser la république communiste albanaise coupe court aux espoirs du roi de jouer un rôle politique pour son pays, voire de remonter un jour sur le trône. Malade, il présente son fils, le prince Léka, comme son unique successeur en 1957. Le roi est décédé en 1961 à Suresnes, en France, et a été inhumé au cimetière parisien de Thiais. Le roi dont les traits ont servi de modèle au dessinateur belge Hergé pour son roi de Syldavie (dans les aventures de Tintin Le sceptre d'Ottokar)est souvent présenté négativement. Cependant c'est lui qui a lancé le processus de modernisation de l'Albanie, qui avait œuvré pour la laïcisation de l’État et pour l'égalité entre les hommes et les femmes.

Le 9 avril 1961, le prince héritier Leka était donc devenu le prétendant au trône d'Albanie. Il avait été alors proclamé "roi des Albanais" par une "Assemblée nationale du royaume" en exil, sous le nom de Leka Ier, lors d'une cérémonie de couronnement à l'hôtel Bristol, à Paris, le 15 avril 1961. Bénéficiant tout d'abord de précepteurs à Parmoor House, la propriété anglaise de la famille, il a ensuite étudié dans des écoles anglaises en Égypte puis a été inscrit au collège Aiglon en Suisse. Par la suite, il a étudié l'économie à la Sorbonne et est passé par l'Académie royale de Sandhurst où il est devenu second lieutenant de l'armée britannique.  

En 1975, il a épousé civilement à Biarritz Susan Cullen-Ward qu'il avait rencontré à Sydney. Une cérémonie religieuse suivi, célébrée à Madrid, en présence de plusieurs représentants du gotha. En bon terme avec le roi Juan Carlos, la famille s'installe en Espagne. Leka sera cependant invité à quitter le territoire pour détention illégale d'un arsenal d'armes lourdes. Confronté à divers problèmes de sécurité, le prince était de plus obligé de s'acquitter des services de garde du corps. D'ailleurs, en route pour la Rhodésie (actuel Zimbabwe) son avion, faisant escale au Gabon pour être ravitaillé, a été encerclé par des troupes locales, chargées par le gouvernement albanais de le capturer. Leka se débarrassa alors de ceux-ci à l'aide d'un bazooka... !

L'ex-famille royale s'exila une fois de plus lors de la prise du pouvoir par Mugabe. Ils s'installèrent alors en Afrique du Sud, dans un lieu que le gouvernement sud-africain avait doté d'un statut diplomatique. C'est là qu'est né le seul enfant du couple, le prince Leka en 1982 (le couple a également donné naissance à une fille morte à sa naissance) dans une maternité qui fut déclarée par le gouvernement sud-africain comme temporairement un territoire albanais. Leka a choisi le roi Baudouin comme parrain pour son fils, personne qu'il admirait énormément, et qui est d'ailleurs le quatrième prénom du prince héritier. En 1989, le roi avait fêté ses 50 ans à Bruxelles, en présence de la communauté albanaise. Trois années plus tard, c'est toujours à Bruxelles qu'il participe à un dîner en l'honneur de la fête nationale albanaise.

En 1993, il se rend pour la première fois en Albanie à l'aide d'un passeport qui lui a été délivré par son gouvernement en exil faisant mention de son titre royal, que le gouvernement albanais a refusé de reconnaître. Devant 500 partisans qui sont venus l'accueillir, Leka annonce qu'il optera pour le statut de simple citoyen si un référendum ne lui est pas favorable. Il est de retour en 1997, dans une période pendant laquelle le pays est secoué par une rébellion, et est accueilli cette fois par 2.000 partisans. Un référendum s'est alors enfin tenu dont les deux tiers des votes se sont exprimés en défaveur d'une restauration de la monarchie. Le roi a cependant remis en cause les résultats : en effet, avant le scrutin le "oui" était plébiscité à 65%. Des manifestations éclatent alors et qui seront réprimées par la police. Leka se voit une fois de plus dans l'obligation de fuir son pays. De plus, le gouvernement le condamne par contumace à trois ans de prison pour sédition.

Suite à une pétition portées par 76 députés qui réclament le retour de la famille royale, la peine est annulée et le roi est enfin de retour en  2002. Cette même année il aura la douleur de perdre sa mère, la reine Géraldine, née comtesse Apponyi de Nagyappony (petite-fille d'un américain qui avait occupé la fonction de consul à Anvers) et en 2004 c'est son épouse qui décède d'un cancer du poumon.

Le roi était soutenu par le Mouvement du Parti de la Légalité dont il prit la direction jusqu'en 2006, date à laquelle il décide se retirer de la vie politique et publique et laisser davantage de place à son fils. De plus en plus absent de la scène publique et affaibli, le roi avait tout de même l'année passée reçu la princesse Léa (accompagnée du ministre d’État Jaak Gabriels) afin de promouvoir l'édition albanaise d'un ouvrage sur le prince Charles de Belgique, régent du royaume de 1944 à 1950, dont l'auteur, Gunnar Riebs était également de la partie (lien vers l'article de N&R)  

Samedi sera décrétée journée de deuil national et Leka sera honoré avec tous les respects que mérite un roi, a déclaré le Premier ministre de la République d'Albanie, Sali Berisha, au cours d'une réunion de son gouvernement mercredi à Tirana. Les autorités albanaises ont décidé de mettre en place un comité gouvernemental présidé par le vice-Premier ministre et ministre des Affaires étrangères, Edmond Haxhinasto, qui va s'occuper des cérémonies de funérailles prévues pour samedi.

-------------------------------------------------------------------- 

http://www.noblesseetroyautes.com/nr01/2011/12/archives-leka-et-susan-dalbanie/#comments

Archives : Léka et Susan d’Albanie

ÉCRIT PAR RÉGINE LE 2 DÉCEMBRE 2011. PUBLIÉ DANSACTUALITÉ, ALBANIE

Voici une photo du roi Léka et de la reine Susan d’Albanie. Le couple s’était rencontré lors d’une fête à Sydney en Australie. Susan Cullen Ward avait vu le jour en 1941 en Nouvelle Galles du Sud. La reine est décédée des suites d’une longue maladie en 2004 à Tirana. Les funérailles du roi Léka qui était âgé de 72 ans auront lieu ce samedi dans la capitale albanaise où un hommage national lui sera rendu. (Copyright photo : DR)

-------------------------------------------------------------------- 

http://www.shqiptarja.com/shq_lajm.php?IDNotizia=66090&IDCategoria=2706

-------------------------------------------------------------------- 

http://www.gazeta-shqip.com/#/politike/d0d9055b9d4e47233cd25e02dd7af564.html

http://www.gazetatema.net/web/2011/12/01/per-leka-zogun-ilir-dhe-sokol-hoxhen-shkelzen-berishen/

Për Leka Zogun, Ilir dhe Sokol Hoxhën, Shkëlzen Berishën…

1 Dhjetor, 2011 | Postuar në: Editorial | Shkruar nga: TemA

Nga Mero Baze

Leka Zogu vdiq. I lindur si trashëgimtar i Fronit të një vendi, dy ditë para se ai të humbiste pavarësinë, dhe i vdekur si qytetar i lirë, dy ditë pas Festës së Pavarësisë, ai nuk meriton të keqpërdoret kaq shumë, duke hedhur si pa të keq lule dhe baltë mbi varrin e tij. Ai nuk ka asnjë meritë që lindi si pasardhës i një Mbreti dhe asnjë faj që nuk u bë dot Mbret.

Unë e kam takuar Leka Zogun dhe ruaj prej tij shijen e një njeriu të paqartë për fatin e tij shqiptar dhe shumë të kthjellët për fatin e tij jashtë Shqipërisë, peripecitë e tij në jetë dhe lidhjet me oborret në vyshkje të Lindjes së Mesme e Perëndimit. Nuk ishte një hero, por një njeri i zakonshëm që jetoi me devocion pranë nënës së tij dhe familjes. Nuk ishte as një tradhtar apo sharlatan, siç po hedhin baltë mbi të, por një pasardhës që i kish ngelur në dorë misioni për të mbyllur letrat e Mbretërisë shqiptare, dhe i gjendur mes ujërave të pista të politikës shqiptare pas vitit 1990, u keqpërdor rregullisht nga të majtë dhe të djathtë sa herë iu duhej. Në vitin 1993- 1994, kur Sali Berisha mendonte se të qenit fanolist i jepte më shumë vota, e zboi thuajse si qen nga aeroporti i Rinasit, neser perifrazojme pershkrimin e tij,  dhe festoi për inat të tij me një pompozitet qesharak 70 vjetorin e Revolucionit Demokratik të Qershorit, një ngjarje, e cila po u zhvendos nga konteksti i saj, prodhon probleme për historinë tonë dhe rendin kushtetues. Kur pa se fanolizmi nuk i piu ujë dhe e humbi referendumin në nëntor, ju kthye antikomunizmit. Ai përçau ndërkohë Monarkistët në Shqipëri, zboi Nderim Kupin nga salla e Kongresit të tyre, emëroi një të besuarin e vet si kryetar të një fraksioni tjetër legalist dhe në vitin 1997 e përfshiu Partinë e Legalitetit në formulën e Qeverisë së Pajtimit Kombëtar. Leka Zogu me gjithë paqartësinë për atdheun e tij, u rikthye në një vend ku rendi kish rënë dhe shqiptarët kishin humbur shpresat tek partitë e tyre. Socialistët dyshonin tek hilja e fundit e Berishës, ndërsa demokratët tek rikthimi i egër i ish- komunistëve dhe votat e tyre tek pyetja për referendumin shkuan në shumicë për Monarkinë. Republika, siç shkruante atëherë Preç Zogaj, ishte mall pa zot. Shqiptarët nuk pyeteshin për të.

Leka Zogu mori më shumë vota se çdo të merrte dhe Ahmet Zogu po të udhëhiqte një referendum për Kushtetutën, por jo si merita të veta apo të idesë së Monarkisë, por për shkak të depresionit popullor. Ky është shkëlqimi i tij i madh politik dhe aksidental.

Pasi u shpall rezultati, Berisha pa humbjen e tij të thellë dhe u kap si i mbyturi pas fijes së kashtës tek rezultati i Monarkisë.

-E kanë vjedhur, tha. Ajo ka fituar, por këta e kanë vjedhur. Leka Zogu, i thirrur me urgjencë në zyrën e tij, doli me këtë bindje nga ajo zyrë. Dhe si njeri i lirë, që nuk mund ta pranonte poshtërimin, bëri atë që bëri, atë për të cilën shumë shqiptarë e urrejnë, qortojnë, apo e teprojnë duke i lëvduar trimërinë. Të gjitha ata që nxitohen të flasin, në fakt Zoti i ka dënuar nga një herë të kuptojnë si ndjehet njeriu kur është i bindur se i kanë vjedhur votat në një vend pa rend, pa shtet dhe pa institucione. Demokratëve të Berishës ua ka vjedhur së paku dy herë Ilir Meta votat më 2000 dhe 2001, dhe socialistëve të Ramës po dy herë Sali Berisha me Ilir Metën. (Ky i fundit nuk mungon kurrë në vjedhje). Socialistët dhe demokratët janë përmbajtur dhe s’kanë marshuar pas liderëve të tyre me revole në brez, thjesht se s’kanë pasur ndonjë lider të tillë. Por do ta bënin nëse dikush do të dilte në rrugë. Dhe më 1997, nëse ishe i bindur se të kanë vjedhur, kur i kishe shkuar aq afër ëndrrës, nuk mendoj se ka pasur ndonjë gjë tjetër për të bërë veç asaj marrëzie që bëri Leka Zogu.

Sali Berisha e përdori për revansh gjestin dhe dëshpërimin e tij. Me një gur ai vrau dy zogj, e detyroi Leka Zogun të ikte nga Shqipëria dhe t’i dhuronte atij mbështetësit e dëshpëruar. Nëse do të shihni fotografitë, ata që kanë qenë në krah të Leka Zogut atë ditë, do t’i shihni në krah të Sali Berishës tetë vjet në opozitë.

Por peripecitë e Leka Zogut nuk do të mbaronin këtu. Ai do të keqpërdorej pak vite më vonë dhe nga socialistët. Në përpjekje për ta përdorur, atë në qershor të vitit 2002, kur në vend kishte një klimë paqeje mes Berishës dhe Fatos Nanos, familja mbretërore u kthye për të jetuar në Shqipëri. Edhe pse paraprakisht kishte negociuar ardhjen, ai u poshtërua në aeroport duke i sekuestruar armët trofe, dhe pastaj çdo gjë negociohej me vota pro të legalistëve për qeverinë e Fatos Nanos në Kuvend. Historitë e famshme të deputeteve të Legalitetit, që njëherë i përdorte Meta, pastaj Nano, dhe asnjëherë opozita, kishin alibi “statusin” e Leka Zogut, i cili dukej se kishte rënë sërish në duar horrash. Aq i fortë ishte keqpërdorimi i tij nga Fatos Nano, sa ai u bë pika e shpresës për Fatos Nanon në zgjedhjet e vitit 2005, duke mbështetur Lëvizjen për Zhvillim Kombëtar në krye të së cilës u vu vetë si një koalicion i djathtë kundër PD dhe Berishës. Nuk ja doli dot ta ndihmonte Fatos Nanon, pasi ai shkatërroi vetë skemën elektorale me aleatët e tij, por u përdor në favor të tij.

Pas ardhjes në pushtet të Berishës, u tërhoq nga politika. Koalicioni i tij u shpërbë, disa u bënë me Berishën dhe të tjerë si Dashamir Shehi vazhduan opozitën e tyre të butë. Nevoja për votat e legalistëve dhe elektoratit historik, e detyruan Berishën të rikthejë sytë nga Familja Mbretërore. Leka I-rë, djali i Leka Zogut, u punësua në administratën publike, pranë Lulëzim Bashës, me një ofiq këshilltari që nuk është se merrej shumë seriozisht, përveçse shkaktonte humor në zyra diplomatike në Tiranë kur u dërgonte memo që ta respektonin si Princi Leka. Dhe ai është një djalë paqësor, i ndrojtur, naiv  dhe shumë larg pellgjeve të pista në të cilën e shëtit tutori i tij, një vrasës gjakftohtë i 21 Janarit dhe hajdutë ekselent i një çete që shikon vetëm xhepat e Familjes në pushtet. Sëmundja e rëndoi dhe më shumë Leka Zogun dhe ai thuajse u stakua nga jeta publike. Boshllëkun e tij filloi ta zërë pak nga pak Berisha, i cili filloi të flasë për kthimin e eshtrave të Mbretit Zog, përuroi shtatoren e tij në Burrel dhe po flet përditë dhe për një Mbret që nuk e njohu kurrë sa ishte gjallë, Mbretin Leka I-rë. Ky është dhe keqpërdorimi i fundit i Leka Zogut para se të zbresë nëntokë. Në një komedi të pashoqe, një tufë ministrash ngrihen në këmbë në mes të mbledhjes së qeverisë, duke fshehur te qeshurën shpotitëse, për të mbajtur zi dhe një bibë që drejton parlamentin nxiton t’ia kalojë shefit të saj duke e përsëritur gjestin në Parlamentin e Republikës, duke e fyer realisht Leka Zogun dhe kujtimin e Mbretërisë, për të cilën shqiptarët janë të ndarë.

Leka Zogu nuk është më. Siç e thashë nuk bëri asgjë në jetën e tij që ta vendoste vetë. Lindi si pasardhës Mbreti dhe vdiq nën një Monarki absolute, ku pinjolli i Mbretërisë i duhet i vdekur, pasi e kanë poshtëruar për së gjalli. Nuk është mirë të fyhet një i vdekur, i pafuqishëm për tu mbrojtur, dhe kur ishte i gjallë. Nuk ngjasonte me Mbretin Zog, me energjitë e tij pozitive dhe negative, me dredhitë dhe fuqitë e tij për aleanca dhe tradhti, për vrasje dhe  vëllazëri, për paqe dhe luftë. Fëmijët e njerëzve të fuqishëm të këtij vendi për koincidencë nuk u ngjajnë prindërve të tyre. Janë aq ndryshe sa shpesh herë na duken si budallenj. Ashtu siç nuk i ngjan Iliri dhe Sokoli- Enver Hoxhës, ashtu siç nuk i ngjan Shkëlzeni Sali Berishës, ashtu edhe ky nuk i ngjan Ahmet Zogut. Të gjithë këta pasardhës janë të dënuar të vuajnë jetën e baballarëve të tyre deri në vdekje, për mirë apo për keq. I pari prej tyre iku. Lëreni të qetë në botën tjetër. S’ka asnjë faj dhe asnjë meritë për fatin e tij. Si gjithë pasardhësit.

http://www.mapo.al/index.php?z=lexo&category=1&id=19689&titulli=shuhet-leka-zogu-i-trupi-ne-morg-deri-te-shtunen

Shuhet Leka Zogu I, trupi në morg deri të shtunën

SHKRUAN: Jonida Tashi 01-12-2011 13:59

Trupi i Leka Zogut përcillet i mbuluar me çarçaf të bardhë nga spitali, ndërsa Princi Leka, i shoqëruar nga e fejuara, del i përlotur. Vasili: Shkaku i vdekjes, arresti i përsëritur kardiak. Në kohën që Leka Zogu I ka qenë i shtruar në spital është mbajtur me frymëmarrje artificiale

Ndahet nga jeta në moshën 72-vjeçare pretendenti i fronit mbretëror, Leka Zogu I. Pas një beteje disaditëshe me jetën dhe vdekjen në repartin e terapisë intensive pranë Pavijonit të Neurokirurgjisë në spitalin “Nënë Tereza”, Leka Zogu I ka mbyllur sytë rreth orës 08:45 të mëngjesit të së mërkurës, ndërkohë që shkak është bërë arresti i përsëritur kardiak. Leka Zogu I pushoi së marri frymë nga vuajtja e zemrës dhe mushkërive, ndërkohë që prej disa ditësh ai mbahej në jetë nëpërmjet frymëmarrjes artificiale. Gjendja e pretendentit për fronin mbretëror ditët e fundit ka qenë e rënduar, dhe pas datës 25 nëntor, ditë në të cilën ai kaloi një arrest kardiak, çka solli edhe përkeqësimet fatale në shëndetin e tij, Leka Zogu I u mbajt me frymëmarrje artificiale. Mjekët që kanë asistuar në trajtimin e tij mjekësor bëjnë të ditur se Leka Zogu I ka qenë prej datës 25 nëntor me oksigjen, ndërkohë që në dy ditët e fundit të jetës është vënë re se gjendja e tij shëndetësore ka qenë pa kthim. Menjëherë pasi Leka Zogu I ka ndërruar jetë, në Spitalin e Neurokirurgjisë ka mbërritur ministri i Shëndetësisë, Petrit Vasili, i cili pasi doli nga ambientet e shërbimit, ku ka takuar edhe doktorët që kanë ndjekur gjendjen e të ndjerit, dha disa detaje rreth vdekjes së tij. Ministri konfirmoi se shkaku i vdekjes së pretendentit për fronin mbretëror ka qenë arresti i përsëritur kardiak, ndërsa sqaroi se gjendja e Leka Zogut I, ka qenë e rënduar kohët e fundit dhe me probleme shëndetësore të vjetra, gjë që e bëri të pamundur betejën mes jetës dhe vdekjes. “Shkaku i vdekjes së pretendentit për fronin mbretëror është arresti kardiak. Gjendja shëndetësore e trashëgimtarit të fronit Leka Zogu I është ndjekur në mënyrë të përkushtuar nga një ekip profesionistësh pranë reanimacionit të Neurokirurgjisë. Ndjekja ka qenë intensive dhe e shumanshme. Rëndimi i vazhdueshëm i problemeve kardiake dhe respiratore e bënë të pamundur fitimin e betejës me jetën. Në kohën kur Leka Zogu ka qenë i shtruar në spital është mbajtur me frymëmarrje artificiale, ndërkohë që mëngjesin e sotëm mbylli sytë. Pak kohë më parë është certifikuar edhe akti i vdekjes si pasojë e një arresti kardiak të përsëritur”, - deklaroi ministri i Shëndetësisë, Petrit Vasili. Gjithashtu, në lidhje me vdekjen e tij ka reaguar edhe familja mbretërore, e cila i ka bërë një falënderim të veçantë ekipit mjekësor nën drejtimin e prof.Mentor Petrelës, që janë përkujdesur për shëndetin e Leka Zogut që nga shtrimi i tij në spital. Familja mbretërore theksoi se pretendenti i fronit mbretëror shfaqi komplikacione të premten, të cilat falë ndërhyrjes së shpejtë të mjekëve arritën të kalohen, por gjendja e tij shëndetësore paraqitej sërish e rëndë. “Në orën 8 e 45 minuta, në repartin e terapisë intensive të klinikës së Neurokirurgjisë ka pushuar zemra

e Lartmadhnisë së Tij, Leka Zogu I. Të premten në datën 25 nëntor, mbreti pësoi një arrest kardiak dhe për rrjedhojë u intubua deri në rikthimin e punës së zemrës, por funksioni i mushkërisë ishte i pamjaftueshëm për të mbajtur funksionet jetësore”, - u shpreh zëdhënësi i familjes mbretërore, Sulejman Gjana. Pas dhënies së këtyre informacioneve, mjekët dhe të afërmit e Leka Zogut I kanë bërë përgatitjet e fundit për nxjerrjen e trupit të pajetë nga spitali dhe dërgimin e tij për në morgun e QSUT-së. Për këtë procedurë, të afërmit e familjes së Leka Zogut I kanë qëndruar për rreth gjysmë ore në pritje në hyrjen kryesore të Neurokirurgjisë. Të gjithë të vetëpërmbajtur, komunikonin në mënyrë tepër të kujdesshme me njëri-tjetrin, ndërsa ishin në gatishmëri që të hidhnin menjëherë hapat e ikjes nga spitali, sapo trupi i Leka Zogut I të nxirrej nga hyrja tjetër e spitalit, që është ajo e Reanimacionit. Lehtësisht kuptoje se si ishte parashikuar që pasardhësi i vetëm i tij, Princi Leka i shoqëruar nga e fejuara Elia Zaharia, duhet të dilnin të parët nga dera kryesore e spitalit, e në të njëjtën kohë rreth orës 11:00, nga dera e reanimacionit është nxjerrë i mbuluar me çarçafë mbi një barelë spitalore edhe trupi i pajetë i Leka Zogut I, i cili është futur me shpejtësinë në ambulancën që priste gati ngjitur me hyrjen. Princi Leka ka dalë i përlotur nga spitali, ndërsa është futur menjëherë në makinën e parë policore që do t’i printe rrugës autoambulancës për në morg, ku do të qëndrojë deri të shtunën në mëngjes trupi i pajetë. Por, pas ambulancës ka qenë edhe një tjetër makinë shoqëruese policie, brenda së cilës ishin të afërmit e familjes mbretërore që do të shoqëronin trupin e pajetë deri në morg. Momenti i përcjelljes së Leka Zogut I nga ambientet e spitalit ngjalli jo vetëm kureshtjen e mjekëve, por edhe të pacientëve të tjerë që gjendeshin të shtruar në pavijonin e Neurokirurgjisë, të cilët kanë qëndruar për disa minuta pranë dritareve për të parë se çfarë po ndodhte në oborr. E po kështu, të shumtë kanë qenë edhe qytetarët e thjeshtë, që prisnin kureshtarë në oborrin e spitalit. Por, ajo që ka rënë në sy në këtë moment ka qenë fakti se asnjë prej mjekëve që ka ndjekur trajtimin e tij mjekësor nuk ka dalë jashtë derës së spitalit për t’i dhënë Leka Zogut I lamtumirën e fundit. Leka Zogu I u shtrua në datën 15 nëntor në reanimacionin e Neurokirurgjisë, në spitalin nr.5 në Qendrën Spitalore Universitare “Nënë Tereza” në Tiranë, pasi pësoi një fibrilacion arterial, formë e aritmisë. Prej kohësh, për shkak të shëndetit të përkeqësuar, favorizuar dhe nga anoreksia, Leka Zogu ishte tërhequr thuajse plotësisht nga jeta aktive politike dhe shoqërore. Në vend të tij funksionet publike kryhen nga i biri, Princ Leka dhe drejtuesit e Partisë së Legalitetit, të cilët janë pro monarkisë. Vitet e fundit, 72-vjeçari lëvizte vetëm me anën e një karroce me rrota, si pasojë edhe të një dëmtimi në këmbë dhe gjendjes së përgjithshme të përkeqësuar shëndetësore të tij.

Ceremonia mortore nga qeveria, Berisha: Do ta përcjellim si mbret

Kryeministri rihap debatin e referendumit për formën e regjimit, duke e quajtur të mbyllur atë të vitit 1997

Ceremonia mortore për Leka Zogun I do të organizohet ditën e shtunë në sallën e Parlamentit, nga qeveria, sipas protokollit shtetëror të vendit. Këshilli i Ministrave e nisi mbledhjen e djeshme me 1 minutë heshtje në respekt të Leka Zogu I, ndërsa miratoi edhe dy vendime që ligjërojnë procedurat zyrtare që do të ndjekë shteti për varrimin e pretendentit të fronit mbretëror. Sipas vendimit, ceremonia e homazheve do të organizohet ditën e shtunë, datë 3.12.2011, ora 10:00 deri 12:00, në mjediset e sallës së seancave plenare të Kuvendit të Republikës së Shqipërisë, ndërsa shpenzimet e varrimit dhe të ceremonialit do të përballohen nga buxheti i vitit 2011, miratuar për Ministrinë e Punëve të Jashtme. Kryeministri i vendit, Sali Berisha, deklaroi se vdekja e trashëgimtarit të fronit mbretëror është një humbje e madhe për kombin. Për këtë qëllim, Kryeministri njoftoi se do të ngrihet një komision shtetëror për organizimin e ceremonisë mortore, ndërkohë që shpalli ditën e shtunë ditë zie kombëtare. “Në ligjin e Parlamentit përcaktohet detyrimi i përfshirjes në Protokollin Shtetëror të Familjes Mbretërore dhe ky ka qenë një vendim shumë i drejtë. Ndaj vendi dhe kombi do ta përcjellin Mbretin Leka I me nderimet e atributet që i përkasin një mbreti jo në detyrë. Për këtë qëllim, krijohet një komision shtetëror i kryesuar nga zv/kryeministri dhe ministri i Punëve të Jashtme, Haxhinasto, i përbërë nga ministri i Kulturës, ministri i Mbrojtjes dhe një seri personalitetesh, ku do të jenë edhe përfaqësues të Oborrit Mbretëror. Dita e shtunë do të jetë zi kombëtare me të gjithë spektrin e ditës së zisë të nivelit mbretëror”, - Kryeministri. Kreu i qeverisë, Berisha u ndal në atë që e quajti manipulim me rezultatet e referendumit, i cili u mbajt pas hapjes së vendit në vitin 1997, kur Presidenti i Republikës dekretoi mbajtjen e referendumit për monarkinë. “Në vitin 2003, parlamenti shqiptar votoi ligjin, ku i njeh atributet familjes mbretërore dhe ky ishte një vendim shumë i drejtë. Dua të theksoj se edhe referendumi u bë në flakët e rebelimit komunist dhe nuk mund të konsiderohet si një çështje e mbyllur. E vërteta është se, pa diskutim në atë referendum dominoi parimi stalinist: ju votoni, numërimin e votave jua bëj unë. Por ajo që është reale, shqiptarët votuan masivisht, nga Konispoli në Vermosh, për mbretin e tyre. Referendumi nuk e kapi kuotën, por atë e përcaktuan ata, të cilët manipuluan dy javë rresht votat e referendumit”, - theksoi kryeministri Berisha. Më tej, kreu i ekzekutivit theksoi se Mbreti Zog u largua nga vendi ashtu siç u larguan mbretërit e tjerë nga mbretëritë e pushtuara, nga forcat nazifashiste, por ai njëkohësisht qëndroi në Shqipëri gjatë gjithë kohës.

http://www.balkanweb.com/m/kryesore/brace-histeri-kunder-republikes-leka-zogun-se-kemi-patur-mbret-75644.html

 01/12/2011

TIRANE – “Ne nuk kemi mbret. Ne kemi Republikë”,- ka argumentuar dje, në një sqarim të dytë për miqtë e tij në Facebook, deputeti socialist, Erion Braçe. Ai e ka komentuar si “histeri kundër Republikës”, faktin që për pretendentin për Fronin Mbretëror, Leka Zogu, qeveria do të organizojë një ceremoni që nuk është e parashikuar në protokollin e shtetit. “Përse? Për të legjitimuar sjelljen e tyre në krye të institucioneve që nuk ka lidhje me një Republikë Parlamentare e Demokratike!”,- shprehet Braçe. 

“Ja shembulli: Jozefina Topalli, ka lajmëruar se do të ofrojë sallën e Seancave Plenare për ceremoninë mortore të shtetasit Leka Zogu! (e ka marrë shtetësinë ky? Këta thonë jemi shtetas të Mbretërisë). Me ç’të drejtë? Leka Zogu ka qenë ndonjëherë deputet? JO! Leka Zogu ka qenë ndonjëherë ministër? JO! Leka Zogu ka qenë ndonjëherë president? JO! Atëherë?”,- ka vijuar komentin e tij, në Facebook, Braçe. “Ai është thjesht një shtetas! Por, a e ka hapur ndonjëherë Jozefina Topalli Kuvendin për ceremoninë e ndonjë shtetasi? Jo! Asnjëherë! Jozefina Topalli e hap Kuvendin për ceremoninë mortore të Leka Zogut, duke e vlerësuar atë në cilësinë e Mbretit”,- shkruan deputeti i PS-së. Ky, shprehet më tej Braçe, është dhunim antikushtetues i Republikës, i çdo shtetasi të Republikës. 

“Në fund dua ta pyes gjithë këtë takëm: Kush e shpalli mbret këtë Leka Zogun? I ati u vetëshpall mbret. Prej tij mesa duket rrjedh trashëgimia e mbretërisë tek i biri, prej të birit, tek i nipi! Kjo s’ka lidhje me ne, ne si popull! Ka lidhje me ta dhe tamam Oborrin e tyre! Ne nuk kemi mbret. Ne kemi Republikë”,- përfundon Braçe. 
(er.nu/GSH/BalkanWeb)

http://www.gazetametropol.com/tekst.php?idt=73148 

http://www.independent.co.uk/news/obituaries/leka-zogu-controversial-king-of-the-albanians-who-spent-most-of-his-life-in-exile-6270109.html

Thursday 01 December 2011

Leka Zogu: Controversial 'king of the Albanians' who spent most of his life in exile

Leka, left, in 1997, during the referendum on the monarchy

AP 

Leka of Albania was one of the most colourful and controversial characters on the 20th century Balkan scene, and one of the last links with the pre-Second World War Zogist monarchy. He was born in 1939 into a world of deep political crisis, with the government of his father, King Zog, Albania's first king, about to be snuffed out by Mussolini's forces. When Leka was one day old, his father held a great military parade in the capital, Tirana, a great provocation to the Duce in Rome.

Plans were laid for the immediate exile of Leka and his mother, Queen Geraldine. Zog's plan to retire to the mountains to head an anti-Fascist resistance was stymied by the treachery of the Yugoslavs, and he, too, fled into exile – in such confusion that the family Fabergé eggs and the queen's fortune were left behind – the family and a small entourage settling in northern Greece.

Leka was not to return to Albania for over 50 years, and the greater part of his life was spent in peripatetic exile, dominated by his mother, and he did not marry until 1975. The forceful Geraldine had numerous contacts among the European aristocracies, and most of the Second World War was spent in London, where they lived in the Ritz hotel for a time, and then near Ascot.

Zog's hope that he would be able to secure British support for his return to the throne when the war ended was reinforced by his close relationship with key members of the Special Operations Executive, like Julian Amery, who were sent from SOE HQ in Cairo to assist the pro-royalist resistance to the Axis. The Foreign Office, though, was never inclined to forgive Zog for his pro-Italian leanings in the 1930s and gave enough support to pro-Communist groups under the control of Enver Hoxha's Partisans to enable them to seize power before the war ended elsewhere in Europe. Amery remained a lifelong friend.

The family then moved to Egypt, where the Farouk monarchy was of Albanian descent, and the 10-year-old Leka was enrolled at Victoria College. He was a quiet, studious boy, already set apart from his contemporaries by his towering height – by adulthood he stood nearly 7ft tall. He survived life-threatening bouts of pneumonia and bronchitis, and in 1952 they left Egypt, as the Nasserite revolution approached.

In April 1961, while they were living in Paris, Zog died and Leka wassuddenly thrust into the limelight.He was consecrated King of the Albanians in the Hotel Bristol in Paris, in contrast to his father, who had been only King of Albania, and throughout his life he was a firm supporter of the national cause in Kosovo, the Cameria region of north-west Greece and western Macedonia.

In his 20s Leka was a great admirer of General Franco's Spain, and duly moved there in the mid-Sixties. Leka had always been fascinated by weapons, and was immensely proud of the fact that, when once an assassination attempt was made on his father, Zog was the only monarch in history known to have returned fire.

Leka travelled with a large personal arsenal, something that sometimes brought him into conflict with the authorities in transit countries. He acquired a raffish reputation as an arms dealer in the West, and some countries barred his entry. Politically, his struggle was always to establish his legitimacy, in the face of the problem of the collaboration of his father with Italy in the 1930s, and the underlying fact that Zog, only a tribal chieftain in his youth, had no long or stable royal lineage. But in romantic, if often uncertain, exile he had at least had a clear role to play.

The end of Communism in 1990-91 complicated his life considerably. He wished to return to Albania but for a long time was unable to do so, as he would not accept that he was not still the legitimate king, and had that title on his passport. He was arrested at Tirana airport on one occasion and deported in 1995, allegedly to Brazil. His followers in Albania were split into two groups: those who wanted a constitutional monarchy; and those who wished to see him return to power under the semi-dictatorial 1929 constitution of his father Zog.

These tensions came to a height in 1997, when Leka was persuaded to return to Tirana to make a bid for power. He did so, and a referendum on the monarchy was only narrowly defeated, Leka claimed by the electoral manipulation of Daan Everts, the head of the Organisation for Security and Co-operation in Europe. Leka's paramilitary units led an attack on the government buildings, and he only narrowly escaped arrest. He returned to exile in South Africa; the royalist cause seemed irrevocably lost, and it appeared unlikely that he would ever see his homeland again.

Yet, in one of the dramatic reversals of fortune that dominated his life, he was rescued from political oblivion by the Kosovo crisis. He had always campaigned actively and without thought of personal gain on the Kosovo Albanians' behalf, and had built up much goodwill in that community in their fight against Serbian occupation. He and his followers played a positive role in the wartime period, and millions of dollars were raised by royalist exiles in the US, particularly in Detroit, for humanitarian relief and for munitions for the Kosovo Liberation Army.

As the political atmosphere eased in Tirana, Leka returned to live in a grand house owned by an Albanian-American multi-millionaire and recently vacated by the Greek ambassador, a particularly satisfying irony as Leka had always regarded Greek expansionism as one of the central causes of instability in the region. The fact that he had been diagnosed with a terminal illness and his abstention from controversial political activity no doubt eased his passage home.

He continued to fight for Kosovo until his death, and in spring 2003 addressed a highly emotional gathering tocommemorate the foundation of the Prizren League at which he endorsed the principle of reunification of the Albanians. During his final years Leka stoutly resisted his illness but retired from public life, spending most of his time in Albania and taking great pride in his son's achievements as an officer cadet at the Royal Military Academy Sandhurst, in Britain.

James Pettifer

Data Leka Zogu: born Tirana, Albania 5 April 1939; consecrated 1961 King of the Albanians; married 1975 Susan Cullen-Ward (died 2004; one son); died Tirana 30 November 2011.

-------------------------------------------------------------------- 

http://www.shqiptariiitalise.com/component/content/article/44-kronike/2181-nderron-jete-leka-zogu.html

Ndërron jetë Leka Zogu

Giovedì 01 Dicembre 2011 13:00

Tiranë, 2 dhjetor 2011 - Më 30 nëntor 2011, Leka, i biri i Ahmet Zogut, ka ndërruar jetë në moshën 72 vjeçare

Sali Berisha, vizitë ngushëllimesh në familjen Zogu. “Çështja e referendumit nuk është mbyllur”

Kryeministri, Berisha, deklaroi të enjten në mbrëmje, se "Leka Zogu i Parë përfaqëson një jetë të tërë atdhedashurie të pakufishme dhe përkushtimi të jashtëzakonshëm, në mbrojtje të lirisë së shqiptarëve, por dhe mbështetje të madhe për shqiptarët në Kosovë".

"Shpreh nderimin tim më të thellë për Leka Zogun e Parë", tha kryeministri Berisha, pas homazheve që zhvilloi në rezidencën në Tiranë të Leka Zogut.

Kreu i qeverisë, nënvizoi se pas luftës, ndryshe nga vendet e tjera që dolën nga pushtimi barbar nazifashist, të cilat i rikthyen kurorat mbretërore, ose shpallën referendumet në mënyrë që popujt të shpreheshin, kjo nuk ndodhi në Shqipëri. Në këtë drejtim, Kryeministri Berisha u shpreh se në mënyrën më arbitrare një Kongres ndaloi monarkun e shqiptarëve të kthehej në vendin e vet, gjë e cila zgjati siç dihet, gjatë gjithë jetës së tij dhe mbreti vdiq në Paris.

Duke iu referuar referendumit të zhvilluar në Shqipëri për kthimin e monarkisë, Berisha tha se, shqiptarët janë dëshmitarë që "ata shprehën masivisht qëndrimin e tyre në respekt të mbretit Leka dhe në favor të tij, por siç dihet ai referendum u mbajt në kushtet e një rebelimi të egër komunist dhe e vërteta është se nuk mund të thotë askush që rezultati është ai që u shpall". "Kjo çështje nuk është e mbyllur", deklaroi Kryeministri Berisha më tej në fjalën e tij.

Tiranë, 1 dhjetor 2011

Braçe: “Shqipëria nuk ka mbret, është Republikë!”

Ndërkohë që shumë përfaqësues të politikës shqiptare i njohin vlera patriotike të birit të Ahmet Zogut, Lekës, dhe e konsiderojnë princ apo mbret të shqiptarëve, i vetmi zë jashtë korit është ai i Erjon Braçes, që në network-un social facebook, shpreh shqetësimin e tij për këtë çast të veçantë që quan “histeri kundër Republikës”.

“Si mund të flasë për “Familje mbretërore” Sali Berisha, që është kryeministër i një republike parlamentare? Pse duhet të shpallet e shtuna ditë zie?” pyet Braçe, që shkon edhe më tej: “Jozefina Topalli ofron Sallën e seancave plenare për ceremoninë e shtetasit Leka Zogu, që nuk ka qenë asnjëherë as president, as deputet e as ministër i Republikës... Ajo e bën këtë duke e vlerësuar Leka Zogun në cilësinë e mbretit!!!”

Sipas Braçes, kjo që po ndodh është “dhunim antikushtetues i Republikës dhe i çdo shtetasi” .

“Ne nuk kemi Mbret! Ne kemi Republikë!” e mbyll Braçe këtë shfrim të tijin online.

Përgatitjet për varrimin e Leka Zogut

Një ditë pas vdekjes së Leka Zogu, po bëhen të gjitha përgatitjet për të nderuar kujtimin e tij.

Dje Kryeministri Sali Berisha shpalli të shtunën, 3 dhjetor, ditë zie kombëtare. Të shtunën të gjithë flamujt kombëtarë do të jenë të ulur në gjysmë shtizë dhe në mesditë do të mbahet një minutë heshtje, në rrugë e kudo qoftë, sikundër parashikon edhe Protokolli i Shtetit për Ditën e Zisë Kombëtare, ndërsa radiotelevizioni shqiptar do të transmetojë muzikë funebre.

Qeveria ngriti dje Komisionin Shtetëror, të kryesuar nga zëvendëskryeministri Edmond Haxhinasto, dhe të përbërë nga Aldo Bumçi, ministër i Turizmit, Kulturës, Rinisë dhe Sporteve; Arben Imami, ministër i Mbrojtjes; si dhe një përfaqësues i Oborrit Mbretëror Shqiptar; një përfaqësues i Protokollit të Shtetit; dhe një përfaqësues i protokollit të Kuvendit të Republikës së Shqipërisë.
Ceremonia zyrtare e homazheve për të nderuar Leka Zogun do të zhvillohet në sallën plenare të Kuvendit të Shqipërisë, ndërkohë që i tërë ceremoniali do të përballohet nga fondet e buxhetit të vitit 2011 për MPJ-në.

Pas homazheve, Leka Zogu me uniformën e vet ushtarake, siç e la amanet, do të prehet në Varrezat e Sharrës, pranë eshtrave të së ëmës, ish mbretëreshës Geraldinë, dhe bashkëshortes së tij, Suzanë, e cila ndërroi jetë në vitin 2006.

Kryeministri Sali Berisha në mbledhjen e djeshme të qeverisë, duke e nderuar Leka Zogun, si “mbretin e shqiptarëve jo në detyrë”, deklaroi se "Mbretit Leka I duhet t’i jepet lamtumira e fundit, ashtu siç i takon një mbreti, edhe pse jo në detyrë".

Topalli: “Me vdekjen e Leka Zogut, shqiptarët humbasin një figurë të rëndësishme të historisë së tyre”

"Në kujtesën tonë Leka Zog do të mbetet shqiptari foshnje dyditëshe që la Shqipërinë dhe u rrit në dhe të huaj; porse u mëkua dhe u edukua me dashurinë dhe krenarinë për popullin, gjuhën dhe vendin e vet dhe mishëroi vlerat dhe virtytet më të mira të shqiptarëve", thuhet në mesazhin e sotëm ngushëllues të kryetares së Kuvendit, Jozefina Topalli, për ndarjen nga jeta të Leka Zogut.

"Në gjurmët e të atit Leka Zogu iu përkushtua çështjes kombëtare dhe u shqua si frymëzues dhe përkrahës i paepur i përpjekjeve për liri dhe dinjitet të shqiptarëve në trevat e tyre dhe kudo. Gjatë një mërgimi të vështirë, familja mbretërore dhe Leka Zog përjetuan dhimbjen e ndalimit të egër nga diktatura komuniste të jetojnë në vendin amë dhe të kthehen në Shqipëri vetëm me vendosjen e demokracisë, duke marrë pjesë në zhvillimet pozitive të vendit". “Me ndarjen nga jeta të Leka Zogut, ne humbën një atdhetar të mençur dhe shqiptarët kudo humbën një figurë të rëndësishme të historisë së tyre politike, një figurë që tashmë ka vendin e vet të nderuar në kujtesën tonë kombëtare”.

Tiranë, 30 nëntor 2011

Ngrihet Komision shtetëror për organizimin e ceremonisë mortore të Leka Zogut

Këshilli i Ministrave, në mbledhjen e sotme, vendosi organizimin e ceremonisë funebre shtetërore, në nderim të të ndjerit Leka Zogu, i cili ndërroi jetë sot pas një sëmundjeje të rëndë.

Për organizimin e e ceremonisë mortore të Leka Zogut, Këshilli i Ministrave vendosi ngritjen e komisionit shtetëror, në përbërje të të cilit janë Edmond Haxhinasto, zëvendëskryeministër dhe ministër i Punëve të Jashtme; Aldo Bumçi, ministër i Turizmit, Kulturës, Rinisë dhe Sporteve; Arben Imami, ministër i Mbrojtjes; një përfaqësues i Oborrit Mbretëror Shqiptar; një përfaqësues i protokollit të Shtetit dhe një përfaqësues i protokollit të Kuvendit të Republikës së Shqipërisë.

Ceremonia e homazheve do të organizohet ditën e shtunë, datë 3 dhjetor 2011, nga ora 10.00 deri 12.00, në mjediset e sallës së seancave plenare të Kuvendit të Republikës së Shqipërisë.

Qeveria vendosi që shpenzimet e varrimit dhe të ceremonialit të përballohen nga buxheti i vitit 2011, miratuar për Ministrinë e Punëve të Jashtme.

E shtuna e ardhshme shpallet ditë zie kombëtare

Këshilli i Ministrave, me propozim të Kryeministrit Sali Berisha, në mbledhjen e sotme shpalli ditën e shtunë, 3 dhjetor 2011, ditë zie kombëtare, me rastin e zhvillimit të ceremonisë funebre shtetërore, në nderim të të ndjerit Leka Zogu.

Në të gjitha institucionet, shtetërore dhe publike, flamuri kombëtar ulet në gjysmë shtize dhe në orën 12.00 do të mbahet një minutë heshtje, ndërkohë që Radio-Televizioni Publik Shqiptar, gjatë zhvillimit të ceremonialit, do të transmetojë muzikë funebre.

Berisha: “Vdekja e Leka Zogut, humbje e madhe për kombin”

“Një humbje të madhe për kombin për vendin", e ka cilësuar Kryeministri Sali Berisha vdekjen e Leka Zogut.

Berisha u shpreh se "Mbreti Leka në të gjithë jetën e tij në mërgim ishte mbështetës kryesor i luftës dhe përpjekjeve të shqiptarëve për liri dhe dinjitet në Shqipëri, Kosovë, Maqedoni, Mali të Zi, e kudo. Ai qe frymëzuesi i tyre në këtë betejë".

Kryeministri theksoi se sot është një ditë ku shqiptarët humbën një nga personalitetet më të mëdha të historisë së tyre politike", duke shtuar se, "në ligjin e parlamentit përcaktohet detyrimi i përfshirjes në protokollin shtetëror i familjes mbretërore". "Ky ka qenë një vendim shumë i drejtë, ndaj vendi dhe kombi do ta përcjellë Mbretin Leka i Parë me nderimet dhe atributet që i përkasin një Mbreti jo në detyrë", tha Berisha.

Ngushëllime nga Kosova

Liderët institucionalë e politikë të Kosovës ngushëllojnë familjen Zogu dhe drejtuesit e institucioneve të shtetit shqiptar për ndarjen nga jeta të Leka Zogut.

Presidentja e Republikës së Kosovës, Atifete Jahjaga, ngushëlloi familjen pas ndarjes nga jeta të Leka Zogut. “Me këtë rast”, thotë ajo, “vlerësojmë lart kontributin e familjes mbretërore në ndërtimin e shtetit dhe demokracisë shqiptare dhe punën, përherë në të mirë të Kombit”. "Qytetarët e Kosovës e ruajnë kujtimin për Mbretin e Shqiptarëve N.M.T. Leka I Zogu, i cili gjithmonë dhe në çdo rast ishte me Kosovën", thekson Presidentja Jahjaga, duke shprehur ngushëllimet më të thella për familjen Zogu dhe për mbarë kombin shqiptar.

"Në emër të Qeverisë së Republikës së Kosovës dhe në emrin tim pranoni ngushëllimet më të sinqerta për humbjen e më të dashurit tuaj, Leka Zogut të Parë”, thuhet në mesazhin e ngushëllimit të kryeministrit të Kosovës, Hashim Thaçi. Ai vlerëson se, "Leka Zogu i Parë ishte një figurë e rëndësishme, që përballoi shumë vështirësi në jetën e tij, që lanë gjurmë në kujtesën e popullit shqiptar".

Lideri i opozitës kosovare, kryetari i Lidhjes Demokratike të Kosovës, Isa Mustafa, në mesazhin e tij të ngushëllimit, shprehet: “Në këtë ditë të rëndë, më lejoni që në emër të LDK-së, të strukturave udhëheqëse të saj dhe të anëtarësisë së gjerë, dhe në emrin tim personal t’Ju shpreh dhembjen dhe ngushëllimet më të sinqerta për humbjen e madhe”, shton ai. “Lidhja Demokratike e Kosovës vlerëson se Familja Mbretërore Shqiptare është një nga simbolet e mëdha kombëtare dhe si e tillë duhet të ruhet gjithmonë”, thekson Mustafa duke shtuar se kjo parti gjithmonë do ta vlerësojë Familjen Mbretërore si një vlerë të paçmuar e të pazëvendësueshme kombëtare.

Presidenti Bamir Topi u shpreh ngushëllimet më të sinqerta familjarëve të Leka Zogut

Nëpërmjet një mesazhi të publikuar në faqen e presidencës, kreu i shtetit shprehet se "në këto momente të trishtueshme dhe të vështira për ju, më lejoni që në emër të shtetit shqiptar dhe timin personal, t’ju shpreh ngushëllimet më të sinqerta".

Në mesazhin e tij, Topi thekson se "Leka Zogu I pati një jetë të vështirë, por pavarësisht nga fatet e jetës, ai nuk reshti në asnjë çast duke punuar me përkushtim e dashuri në mbrojtjen dhe promovimin e çështjes shqiptare. Në kujtesën tonë kombëtare kanë mbetur të gjalla përpjekjet dhe roli i tij aktiv për rrëzimin e sistemit komunist, dhe, gjatë tranzicionit, për lartësimin e vlerave kombëtare dhe nxitjen e proceseve integruese të Shqipërisë".

"Ndarja nga jeta është një humbje e madhe për ju, për të afërmit, për të gjithë ata që e njohën nga afër dhe për bashkatdhetarët",përfundon mesazhi i ngushëllimit për familjen Zogu nga Presidenti Topi.

Ministri i Shëndetësisë: “Leka Zogu vdiq pas një arresti kardiak të përsëritur”

Ministri i Shëndetësisë, Petrit Vasili ka njoftuar për mediat se vdekja e Leka Zogut erdhi si pasojë e një arresti kardiak të përsëritur.

“Gjendja shëndetësore shkoi duke u rënduar për shkak të problemeve të vjetra të shëndetit, duke e bërë të pamundur trajtimin përfundimtar me sukses si do të donim. Pak kohë më parë është bërë arrest kardiak i përsëritur dhe është ndarë nga jeta. Ky është hidhërim për të gjithë, edhe për grupin e mjekëve që ndoqi shëndetin e tij me shpresën e madhe që natyra do ishte aleat më i madh”- tha Vasili gjatë një deklarate nga spitali i Neurokirurgjisë në QSUT.

Vasili, shtoi se gjatë kohës së shtrimit në spital, ai është ndjekur nga një staf i specializuar mjekësh.

Leka, i biri i Ahmet Zogut, ka ndërruar jetë sot në mëngjes. Ai ishte shtruar më 15 nëntor 2011, në QSUT "Nënë Tereza", në pavijonin e reanimacionit neurokirurgjik.

Leka Zogu po mjekohej për vuajtje multisistemike, ku mbizotëronte vuajtja e zemrës dhe e mushkërive dhe gjendja e tij ishte më e rëndë se herë të mëparshme.

Kishte lindur më 5 prill 1939.

Leka Zogu bëri një përpjekje të parë për të ringjallur dhe ushqyer idenë e monarkisë në fillim të viteve ’90.

Pas një jete të gjatë në mërgim, i larguar nga vendi që kur kishte vetëm pak ditë jetë, në prill të 1939, ai shkeli për herë të parë në Tiranë në nëntor të vitit 1993, me një vizitë të papritur kur u ul në aeroportin e Rinasit me një avion privat.

Leka Zogu u rikthye përfundimisht, së bashku me familjen për të jetuar në Shqipëri, në qershor të vitit 2002.

Lexo edhe: Rikthimi i qytetarit Leka Zogu apo i aspirantit për mbret të shqiptarëve?

-------------------------------------------------------------------- 

http://www.gazetametropol.com/tekst.php?idt=73148

01/12/2011  Zbardhet beteja me vdekjen që Leka Zogu bëri, për të mos u ndarë nga jeta ditën e 99 vjetorit të pavarësisë 

Infermierja: Çfarë e mundonte trashëgimtarin e fronit mbretëror para se të binte në koma 

TIRANE-Dëshira e madhe për të qenë mes të gjallëve, ndjenja kombëtare dhe zemra e fortë kanë mbajtur në jetë, mbretin Leka Zogu I, gjatë ditëve festive të 99-vjetorit të pavarësisë dhe çlirimit të Shqipërisë. Si një atdhetar i zhuritur për tokën mëmë, zemra e mbretit ka rrahur deri në mëngjesin e ditës së djeshme, megjithëse prej tre ditësh trupi qëndronte në gjendje kome në reanimacionin e Neurokirurgjisë, në Spitalin Nr. 5 në Qendrën Spitalore Universitare në Tiranë. Në orën 08:45 gjithçka ka pushuar, çka ka sjellë dhe vdekjen zyrtare të trashëgimtarit të fronit mbretëror. Burime pranë stafit mjekësor të spitalit, thanë për gazetën “Metropol” se mbreti ndodhej prej tre ditësh në gjendje kome, dhe se në jetë e mbante vetëm dëshira për të qenë mes njerëzve të gjallë në festimin e 99-vjetorit të Pavarësisë së Shqipërisë. “Nuk mund të vdes në ditën, kur tan Shqipëria është bashkue dhe e lirë”,-kjo duket se ishte dhe fjalia e fundit që është përmendur më shpesh nga i ndjeri. Një infermiere brenda stafit mjekësor tregon se si Leka i I, nuk dorëzohej edhe pse frymëmarrjen e kishte artificiale. “Në jetë e mbante vetëm zemra, pasi mushkëritë nuk ishin në gjendje të punonin dhe të thithnin oksigjen. Zemra e fortë dhe dëshira për të mos u dorëzuar në ditën e festës së pavarësisë, bënë që mbreti të mbyllë sytë ditën e sotme”,-tregon një nga infermieret e reanimacionit të Neurokirurgjisë, e cila ka asistuar në kurimin e Laka Zogut të I. Më tej infermieria shton se nga stafi mjekësor u bënë përpjekjet maksimale për të përmirësuar gjendjen shëndetësore të mbretit, por një gjë e tillë nuk u arrit për shkak të fibrilacion arterial, në formën e aritmisë që pësoi disa herë. Ajo shton se gjatë tre ditëve që mbreti qëndroi në reanimacion në gjendje kome, ai pati vizita nga shumë njerëz të njohur, por dhe përfaqësues të ambasadave të huaja. Sipas saj, nuk munguan as dhe persona të ardhur nga Franca, Belgjika dhe Amerika, persona që duket se i kanë qëndruar për krah familjes mbretërore shqiptare, kur kjo e fundit ndodhej në mërgim. Ndërkohë që çdo ditë mbreti 72-vjeçar vizitohej nga doktori Mentor Petrela si dhe drejtori i qendrës spitalore “Nënë Tereza” Sajmir Ivziu. Vëmendje maksimale ndaj shëndetit të Lekës së I ka treguar dhe ministri i Shëndetësisë, Petrit Vasili, duke u interesuar vetë disa herë në sallën e reanimacionit ku ndodhej i shtruar 72-vjeçari Leka Zogu i I. 

Vizita nga Franca e Belgjika 

Gjatë periudhës dyjavore që qëndroi i shtruar në spitalin nr. 5 në QSUT, Leka Zogu pati vizita të shumta nga shqiptarë që kanë qëndruar së bashku me të në periudhën kur ai dhe familja e tij ndodhej në emigracion. Vizitorë nga Franca, Belgjika madje dhe Amerika kanë udhëtuar për të parë për herën e fundit mbretin e tyre. Stafi mjekësor tregon se vizitorët qëndronin çdo ditë nga 1 deri në 2 orë, ku interesoheshin për të rejat e fundit që dilnin nga analizat mjekësore dhe grupi i mjekëve që ishte ngarkuar për kurimin shëndetësor të 72-vjeçarit Leka Zogu i parë. 

Dy orë pas vdekjes 

Rreth 2 orë pas vdekjes, zëdhënësi i Familjes Mbretërore konfirmoi se Leka Zogu ndërroi jetë të mërkurën, 30 nëntor ora 08:45 minuta në repartin e Neurologjisë. Përfaqësuesi i Oborrit Mbretëror, Sulejman Gjana, deklaroi se Leka Zogu mjekohej nga vuajtje multisistemike, ku mbizotëronte vuajtja e zemrës dhe aparati i mushkërive. 

16 nëntor 2011 

Pikërisht në këtë datë 72-vjeçari Leka Zogu është shtruar në repartin e Neurologjisë, ku pas dy javë ai ka ndërruar jetë. Gjatë kësaj periudhe ai është mbajtur nën kurimin sistematik të mjekëve të cilët, falë frymëmarrjes artificiale dhe metodave të tjera mjekësore kishin shpresa për përmirësimin e gjendjes shëndetësore të trashëgimtarit të fronit mbretëror. 

Çrregullime multisistemike 

Kjo ishte diagnoza që mjekët e QSUT-së i kishin vendosur trashëgimtarit të parë të fronit mbretëror. Nga analizat e bëra, u konstatua se sistemi trupor i Leka Zogut kishte humbur ekuilibrin e tij. Aparati i frymëmarrjes së mushkërive, por dhe zemra shfaqnin çrregullime të njëpasnjëshme, çka vështirësonin dhe transportimin e Leka Zogut jashtë shtetit. 

Ministria e Shëndetësisë kishte plotësuar dokumentet e nevojshme 



Përkeqësimi i shëndetit anuloi kurimin në SHBA 



Pritet të vijë Reno, deputeti i partisë së Sargozisë 



TIRANE- Përkeqësimi i gjendjes shëndetësore të trashëgimtarit të parë të mbretërisë Shqiptare Leka Zogu solli reagimin e menjëhershëm të instancave shtetërore. Në pamundësi për ta kuruar me mjete më profesionale, Ministria e Shëndetësisë urdhëroi përpilimin e dokumentacionit me qëllim transportimin në drejtim të Shteteve të Bashkuara të Amerikës, ku Leka I do të merrte kurimin e nevojshëm. Nga sa mësohet, i gjithë dokumentacioni ishte përpiluar, por ajo që pengoi instancat shtetërore për dërgimin e Zogut në Amerikë ishte gjendja shëndetësore tepër e rënduar e tij. Udhëtimi i gjatë në atë gjendje nuk garantonte jetëgjatësinë e mbretit Leka I. nisur nga kjo situatë, instancat shtetërore kanë vendosur të lënë për një periudhë të më vonshme, në rast se shëndeti i Lekës do të përmirësohej. Por një gjë e tillë nuk është arritur, për shkak se në mëngjesin e djeshëm zemra e Leka Zogut I ka pushuar së rrahuri. Ndërkohë familja mbretërore është në pritje të të afërmve të saj nga Amerika, Franca, Italia, Turqia. Sipas 78-vjeçarit Skënder Zogu, do të vijnë disa kushërinj të afërt. “Nga Turqia do të vijë Ergun Zogu, nipi i Zija pashë Zogollit, vëllai i Xhemal pashë Zogollit, babai i Ahmetit dhe imi, Xhelal beut. Nga Franca ka ardhur zonja Silvian Myzelje, e njohur si “tezja e shqiptarëve”, e cila ka dërguar shumë ndihma humanitare në të shkuarën. Motra e Geraldinës, nga Marseja, vjen me djalin e saj, Reno, i cili është deputet në Francë me partinë e Presidentit Sarkozi. Vijnë kushërinj nga Amerika, vjen Sermet Agolli (Dushishti), nipi i mbretit Zog. Janë dërguar ftesa te mbretëria e Belgjikës, me të cilën ka pasur marrëdhënie të ngushta. Është ftuar monarku i Jordanisë, Arabisë Saudite dhe i Spanjës”, - shprehet nipi i Ahmet Zogut. Ky i fundit shton se pas përfundimit të ceremonisë së varrimit në ditët në vijim do të kryhet dhe transferimi i kurorës mbretërore te Leka Zogu II. Momentalisht ky i fundit punon pranë Ministrisë së Brendshme dhe shumë shpejt do të shpallet mbret i shqiptarëve. 

Mbretëritë e ftuara 

Mbretëritë me të cilat familja mbretërore shqiptare ka pasur shumë marrëdhënie janë ftuar të jenë të pranishme në ceremoninë e varrimit. Sipas Skënder Zogut, është ftuar monarku i Jordanisë, Arabisë Saudite dhe Spanjës. Këto tri mbretëri e kanë mbështetur familjen e Zogut gjatë periudhës prej 58 vitesh, kur familja ka qëndruar në mërgim. 

Zogistët të bashkuar 

Ashtu si në vdekjen e Ahmet Zogut në Paris, simpatizantët e familjes janë bashkuar, duke i dhënë ngushëllime familjes mbretërore. Pritet që ata të mblidhen nga të katër anët e botës, ku janë vendosur për të qenë pjesëmarrës në ceremoninë e varrimit të mbretit të tyre, trashëgimtarit të parë të fronit mbretëror Leka Zogu. 

Sot vendoset vendi se ku do prehet mbreti Leka i I 

Familja: Ne kemi bërë propozimet tona, komisioni e vendos 

Skënder Zogu, nipi i 

Ahmet Zogut, e Spahia 

presin ngushëllimet 

ELTON QYNO 

TIRANE- Atmosfera në rezidencën mbretërore ka qenë e heshtur, ku njerëz të familjes, mbështetës të mbretërisë, por dhe përfaqësues të forcave politike, kanë marrë pjesë në ngushëllime. Sulejman Ngjana, zëdhënësi i familjes mbretërore, organizonte çdo gjë dhe drejtonte vizitorët për te salloni i pritjes së ngushëllimeve, ku qëndronin të ulur nipi i mbretit Ahmet Zogu, Skënder Zogu, i ardhur menjëherë nga Parisi, dhe kryetari i partisë “Lëvizja e Legalitetit” Ekrem Spahia. Sipas riteve dhe zakoneve popullore, Skënder Zogu dhe Ekrem Spahia nderonin vizitorët që kishin ardhur për ngushëllime në rezidencën mbretërore. Ndërkohë në oborrin e rezidencës qëndronin simpatizantët e mbretit dhe të familjes mbretërore. 

Dy orë homazhe 

Sulejman Ngjana pohoi për gazetën “Metropol” se trupi i 72-vjeçarit të ndjerë Leka Zogu nuk do të transportohet në rezidencën mbretërore, por do qëndrojë në morgun e spitalit. “Qeveria ka shpallur që ceremonia e varrimit të mbretit Leka I do të kryhet sipas një protokolli shtetëror dhe për këtë është ngritur një komision, që udhëhiqet nga ministri i Jashtëm Haxhinasto. Ditën e sotme do të vendoset dhe vendi se ku do prehet trupi i pajetë i Lekës, në Varrezat e Dëshmorëve apo diku tjetër. Ne kemi bërë kërkesat tona lidhur me vendin se ku duhet të prehet trupi i pajetë, por gjithsesi sot do njoftoheni lidhur me vendimin e qeverisë se ku do të varroset mbreti Leka I. Ndërsa për sa u përket homazheve zyrtare, ato janë përcaktuar që të kryhen ditën e shtunë në orën 10:00 deri më 12:00 në hollin e kuvendit të Shqipërisë”, -shprehet për gazetën Sulejman Ngjana. 

Mbretëritë e huaja 

I pyetur nga gazeta nëse familja mbretërore kishte njoftuar apo nëse ka marrë ngushëllime nga mbretëritë e tjera të Europës, Ngjana shton se janë marrë disa telegrame ngushëllimi, duke mos pranuar të bëjë publikë emrat e mbretërive. Më tej ai shton se Ministria e Jashtme po kujdeset maksimalisht për njoftimin e të gjitha zyrave mbretërore, të cilat ende s’kanë konfirmuar nëse do dërgojnë përfaqësuesit e tyre për homazhe ose jo. Pavarësisht se sot pritet vendimi i komisionit që do përcaktojë vendin se ku do prehet trupi i Leka Zogut, pritet që ai të jetë në varrezat publike të Tufinës. Ende një gjë e tillë nuk është konfirmuar zyrtarisht, por zëra pranë familjes e pohojnë një gjë të tillë. 

Beqir Ajazi në rezidencë 

Mes të pranishmëve që kishin mbërritur në rezidencë për ngushëllime ishte dhe Beqir Ajazi, që konsiderohet nga legalistët si i fundit i kongresit të Legalitetit që u organizua nga Abaz Kupi gjatë viteve të para të luftës. Në një prononcim ai tregon se e ka ndjekur familjen mbretërore në disa vende të Evropës, por më pas ka vendosur të kthehet në Shqipëri, ku pas mbërritjes është arrestuar nga regjimi komunist dhe është dënuar me dhjetëra vjet burg si përkrahës i trashëgimtarit të fronit mbretëror Leka Zogu I. 

Historia e një jete në mërgim të pretendentit për fronin mbretëror Leka Zogu I 

Largohet vetëm dyditësh, për të vdekur pas 72 vjetësh 

Leka Zogu I, djali i vetëm i mbretit Ahmet Zogu, lindi më 5 prill 1939 në Tiranë, dy ditë para pushtimit të vendit nga Italia fashiste. Gjatë qëndrimit të familjes mbretërore në Egjipt në vitin 1946, princi Leka filloi studimet në kolegjin britanik “Victori Collegie” të Aleksandrisë dhe më pas në “British Boys School”, të cilat i përfundoi me rezultate të shkëlqyera në vitin 1954. Pas transferimit të familjes mbretërore në Francë në vitin 1955, princi Leka, tashmë 16-vjeçar, regjistrohet në kolegjin e famshëm “Vilare Ailange Kolegie” të Olonit, në Zvicër, ku mori edhe diplomën “Matriculation of Oxford” në vitin 1956. Në vitet 1956–958 princi Leka vazhdoi studimet në Akademinë Ushtarake Mbretërore të Sund’hurstit në Londër (Royal Military Academy), ku pas diplomimit me rezultate të shkëlqyera mori titullin “oficer” me gradën “toger”. Në vijim ai studioi për shkenca politike dhe ekonomike në “Universite De Sorbone” të Francës, ku ndoqi gjithashtu edhe kursin intensiv të gjuhëve orientale. Më 5 prill 1957, me rastin e 18-vjetorit të lindjes, në prani të personaliteteve më të njohura të botës shqiptare në emigracion dhe të miqve të huaj nga më të shquarit, mbreti Zog, pasi e dekoroi personalisht me kolanin e Shqipërisë, e shpalli solemnisht princin Leka i Parë trashëgimtar të kurorës mbretërore shqiptare. Ndërsa më 15 prill 1961, në ceremoninë speciale të organizuar në hotelin “Bristol” të Parisit, në prani të ish-deputetëve të parlamentit të Mbretërisë Shqiptare, si dhe të 70 delegatëve të përzgjedhur nga e gjithë mërgata, Asambleja Provizore e mbledhur zyrtarisht, në bazë të artikujve 51 dhe 55 të Statutit Themeltar të Mbretërisë Shqiptare, e shpalli dhe e kurorëzoi unanimisht princin Leka si mbret i shqiptarëve. Pas kësaj, në përputhje me nenin 56 të Statutit, sovrani i ri bëri betimin formal kushtetues si mbret i shqiptarëve. 

Leka Zogu u përkushtua për përmbushjen e detyrimeve prej sovrani para bashkatdhetarëve në mbarë Evropën dhe në vendet arabe gjatë 5 vjetve të para pas kurorëzimit (1961–1966). Në vitin 1967 veprimtaria politike e tij në dobi të çështjes kombëtare dhe intensifikimi i kontakteve me bashkatdhetarët njohën kulmin pas vizitës në SHBA në verën dhe vjeshtën e këtij viti. Në vitin 1972 pretendenti i fronit mbretëror bëhet nismëtar i zhvillimit të Kuvendit të Madridit, i cili kishte për qëllim bashkimin e të gjitha forcave politike të emigracionit politik dhe jopolitik shqiptar nën moton e famshme “Atdheu mbi të gjitha”. Viti 1975 shënoi ngjarjen më të rëndësishme në gjirin e familjes mbretërore dhe garantoi trashëgiminë e kurorës së dinastisë mbretërore shqiptare nëpërmjet martesës së Leka Zogut të Parë me mbretëreshën Susanë. Pretendenti i fronit bëri një përpjekje të parë për të ringjallur dhe ushqyer idenë e monarkisë në fillim të viteve ’90. Pas një jete të gjatë në mërgim, i larguar nga vendi që kur kishte vetëm dy ditë jetë, në prill të 1939, ai shkeli për herë të parë në Tiranë në nëntor 1993, me një vizitë të papritur, kur u ul në aeroportin e Rinasit me një avion privat, vizitë e cila nuk u lejua nga autoritetet e asaj kohe. Në vitin 1997 drejtoi një protestë përpara KQZ-së, ku monarkistët pretendonin manipulim në lidhjen votimin për sistemin që u bë atë vit së bashku me zgjedhjet e parakohshme. Leka Zogu I u rikthye përfundimisht së bashku me familjen për të jetuar në Shqipëri në qershor të vitit 2002. Prej kohësh, për shkak të shëndetit të përkeqësuar, Leka Zogu i Parë ishte tërhequr thuajse plotësisht nga jeta aktive politike dhe shoqërore. Në vend të tij funksionet publike kryhen nga i biri, princi Leka II, dhe drejtuesit e Partisë së Legalitetit, të cilët janë pro monarkisë. 

Intervistë e mbretit Ahmet Zogu dhënë gazetës “Daily Herald” në vitin 1934 

Shqipëria nuk mund të jetë protektorat i askujt 

Durrës, Shqipëri, 15 tetor 1934 

Shqipëria, më i vogli shtet i Evropës dhe e kërcënuar prej dy anëve nga fqinj të fuqishëm, do të japë një shembull të përbotshëm në çarmatim. Gjysma e ushtrisë së saj do të kthehet në forca bujqësore punëtorësh, duke punuar arat, kurse gjysma tjetër do të rezervohet për të ruajtur qetësinë e brendshme, duke pasur po të njëjtën komandë si xhandarmëria. Plani drastik i tij (Zogut) në kryerjen e kësaj reforme dhe arsyet e saj m’u shpjeguan prej mbretit Zog në një audiencë që më dha në vilën e tij verore në plazhin e Durrësit. 

* * * 



Vila është një godinë e thjeshtë njëkatëshe, e ndërtuar mbi binarë të shtyrë në det dhe njeriu nuk do të mund ta dallonte prej godinash të njëjta që ndërtohen kudo, veçse prej dy rojash. Burra të fortë mali, veshur me uniforma ngjyrë jeshile, të cilët qëndronin në fund të shkallëve të vilës. Prej vilës mbretërore brenda në det shtrihet një pir e vogël, që mbreti e përdor për t’u zhytur, kurse e vetmja anije e Marinës Shqiptare, një anije ruajtëse e vogël, gjithmonë endet 100 jard, kur mbreti Zog dëshiron të bëj banjë. Me pranimin tim, mbreti Zog thyen zakonin e caktuar për të mos ftuar kurrë vizitorë të huaj gjatë pushimeve të tij verore në plazh. Por ai tha se ishte tepër i gëzuar t’u tregonte lexuesve të një fletoreje të madhe Britanike se çfarë ishte duke bërë për shtetin e tij të vogël, por kryelartë. Ai më foli më se një orë në dhomën e tij të studimit, me muret e bojatisura, në të cilat vareshin piktura të kostumeve kombëtare dhe të pamjeve të vendit. Mobilet e kësaj dhome përbëheshin nga një tavolinë e thjeshtë ahu, një etazher, dy tavolinave më të vogla dhe disa karrigeve ngjyrë kafeje. “Shqipëria, - tha mbreti i veshur me një rrobë stofi ngjyrëkafe të hapur, këmishë mëndafshi dhe kravatë, - nuk do të jetë protektorat i askujt. Ajo ka vendosur të ruajë vetëqeverimin e saj, që nuk është vetëm interes personal, por esencial për paqen evropiane.” Fjalë demonstrative pas presionit të anijeve italiane në Durrës në muajin korrik, që qe gati duke hapur një konflikt italo-jugosllav. 

* * * 

“Megjithatë, ne jemi një vend i varfër. Nuk kemi aeroplanë ushtarakë, tanke ose artileri të rëndë, ashtu siç kanë fqinjët tanë, edhe nuk mundemi me i pasë. 

Shqipëria ka nevojë kryesore të shpenzojë para në përparimin e saj bujqësor. Kam përgatitur një projektligj, që do t’i parashtrohet parlamentit, me anë të të cilit gjysma e rekrutëve të ushtrisë së tanishme do të caktohet për të punuar fushën e begatshme të Myzeqesë (në Shqipërinë e Mesme). Gjithashtu ata do të marrin instruksione mbi metodat e reja bujqësore, kështu që këto do të përhapen gradualisht në të gjithë vendin. Gjysma tjetër e ushtrisë do të përdoret për të mbajtur sigurinë e brendshme nën po atë komandë si xhandarmëria.” Mbreti Zog është një realist, një njeri që sheh qartë se Shqipëria nuk mund të mbrojë veten e saj nga invazionet e mundshme vetëm me luftime këmbësorie. Dhe se i vetmi sigurim i saj qëndron në sigurinë kolektive të Lidhjes së Kombeve. Vetëm konservatorët kërkojnë mbajtjen e një ushtrie të vërtetë. Mbreti është më tepër radikal e përparimtarë se cilido prej ministrave të tij. E pyeta mbretin se asnjë xhandarë nuk mundet të emërohet dhe asnjë polic nuk mundet të shkarkohet pa dijeninë e tij, se çka mendonte se ishin sipas mendimit të tij detyrat e një mbreti në kohët e sotme. “Një mbret, - u përgjigj, - duhet të jetë një udhëheqës dhe një mësues i popullit të tij. Njeriu nuk mund të mësojë një fëmijë prej 5 vjeçësh po në atë mënyrë si mund të mësojë dhe sillet kundrejt një djaloshi të rritur. Jemi duke luftuar me analfabetizmin. Disa vjet përpara shkollat tona numëronin deri në 2000 nxënës, kurse sot ato kanë 60 000 dhe në përparimin e kësaj gjendjeje fuqitë dhe përgjegjësitë e të zgjedhurve nga populli do të shtohen. Unë nuk besoj në të drejtat e shenjta të mbretërve, fuqia nuk vjen prej qielli, por prej së poshtmi, nga populli. Gjithashtu nuk besoj se demokracia është në gjendje dekadence. Edhe në ato shtete ku ajo është zhdukur, besoj se dëshirojnë të rikthehet, se ato e dinë se fuqia vjen nga poshtë. Do ta ndiej misionin më të madh të jetës sime të mbaruar, - tha mbreti, - kur gjendja dhe kultura e grave në Shqipëri të mbërrijë si në nivelin e grave të shteteve ballkanike e pastaj si të atyre të oksidentit. Kjo do të thotë një evolucion i ngadalshëm, mbasi kemi mjaft paragjykime për të kaluar, e pasi të realizohet kjo natyrisht do të zbatohet dhe e drejta për të votuar nga gratë. Gjendja e lartë e grave është besoj një nga faktorët më të mëdhenj në fuqinë e një shteti. Kam dhënë urdhra, madje, që gratë të vendosen dhe në poste zyrtare kudo që të jetë e mundur. Dhe kjo në një vend ku këtu e disa vjet përpara gratë konsideroheshin si një pronë e luajtshme.” Pastaj mbreti vazhdoj të shpjegojë se si në një të ardhme të afërme, në një plan tjetër të tij, do të rregullonte klube bisedimesh nëpër qytete dhe katunde, ku do të kenë buletine e fletore lajmesh. Në këtë mënyrë do të ngrihej niveli i inteligjencës së masës së re. Kur ai fliste disa dallgë rrihnin rrëzën e dritares së tij të çelur që shihte nga deti. Vetëm rrallë një buzëqeshje e vogël ndriçonte sytë e tij të kaltër. Mbreti Zog, kur u ngrit për të më shtrënguar dorën, mu duk se ishte sundimtari më i vetmuar i Evropës. Tashti është 40 vjeç dhe që prej kohës së luftës, si ministër, kryeministër, kryetar republike e pastaj si mbret, ka luajtur pjesën kryesore të formimit të Shqipërisë si komb. Sot ai mban barrën kryesore të qeverisë mbi supe. Vendi i tij është shumë i vogël, i varfër dhe fqinjët e tij hedhin vazhdimisht sy lakmues mbi të.¹ 

-------------------------------------------------------------------- 

http://www.gazeta55.al/index.php?kat=aktualitet&artikulli=24272

Berisha: Leka Zogu i Parë, kontribut për lirinë në Shqipëri dhe Kosovë

01-12-2011 / Gazeta 55

Ndarja e nga jeta e pretendentit për Fronin Mbretëror, Leka i I, Kryeministri Berisha zhvillon homazhe pranë rezidencës mbretërore

Kryeministri Sali Berisha së bashku me bashkëshorten zhvilluan dje në mbrëmje homazhe pranë rezidencës mbretërore në nderim të Leka Zogut të Parë. Berisha shprehu ngushëllime për ndarjen nga jeta e Pretendentit të Fronit Mbretëror, ndërsa e vlerësoi atë për kontributin e dhënë për lirinë e shqiptarëve. “I shpreh ngushëllime familjes Mbretërore. Vdekja e Leka Zogut të Parë është një humbje e madhe. Leka Zogu ka qenë mbështetës i lirisë së shqiptarëve. Nderim për kontributin e tij në mbështetje të Shqipërisë dhe Kosovës. Sot shqiptarët janë të bashkuar për humbjen e Leka Zogut të Parë”- u shpreh Berisha, pas vizitës ngushëlluese tek Familja Mbretërore.

-------------------------------------------------------------------- 

http://www.panorama.com.al/aktualitet/shuhet-leka-zogu-varrimi-me-uniforme-ushtarake/

VASILI: ËSHTË NDJEKUR NË MËNYRË INTENSIVE 
Familjen mbretërore e ngushëlloi dje edhe ministri Vasili për humbjen e trashëgimtarit të fronit, princ Leka Zogu I. “Ndarja nga jeta e trashëgimtarit të fronit, Leka Zogu I, është një humbje e madhe. Është një moment i dhimbshëm për të gjithë, familjen, popullin dhe ekipin e mjekëve e infermierëve që me shumë përkushtim u kujdesën për shëndetin e trashëgimtarit të fronit”, u shpreh ministri i Shëndetësisë nga ambientet e neurokirurgjisë, në orët e para të mëngjesit.

Familjarët: U përlot e kërkoi një flamur për festën e Pavarësisë
Përlotje dhe një flamur për datën 28 Nëntor. Festa e pavarësisë e gjeti në spital pretendentin për fronin mbretëror. Nga sa na konfirmuan familjarët e tij, që në mëngjes herët, pasi ka pyetur për datën, Leka Zogu është përlotur dhe ka kërkuar t’i sjellin një flamur që ta vendoste pranë dritares së dhomës. “Uroi festën dhe kërkoi t’i sillnin një flamur kuqezi”, thanë familjarët. Kjo ka qenë një nga dëshirat e fundit të pretendentit për fronin mbretëror. Po kështu, nga sa ka pohuar drejtori i QSUT-së, Samir Ivziku, mesditën e datës 29 Nëntor Leka Zogu ishte i vetëdijshëm dhe ka komunikuar me të për gjendjen shëndetësore. “Shkëmbyem disa fjali dhe mbreti, pavarësisht se me frymëmarrje artificiale, arrinte të fliste normalisht”, është shprehur Ivziku. Burime nga stafi i mjekëve pohuan se pretendenti për fronin mbretëror nuk ka rënë për asnjë çast në koma.

Trupi, tri ditë në morg, “tërhiqet” të shtunën
Homazhet zyrtare do t’i bëhen të shtunën në sallën e Kuvendit të Shqipërisë, por deri atëherë, për tri ditë me radhë, trupi i pretendentit për fronin shqiptar, Leka Zogu I, do të qëndrojë në morgun e Tiranës. Familjarët kanë rënë dakord me këtë fakt për shkak të frikës së dekompozimit të trupit, ndërsa deri nesër në orën 09:00 ende nuk dihet asgjë e saktë për detajet e ceremonisë dhe varrimit. Paraprakisht ka dalë një njoftim për shtyp nga Kryeministria, por nga oborri mbretëror na thonë se “nesër (sot) në orën 09:00 do të ketë një takim në nivel qeveritar, ku ne do të kemi një përfaqësues të familjes mbretërore për të parashtruar kërkesat tona për nderimet e fundit të Naltamadhnisë së tij, Leka Zogu I. Deri atëherë, nuk mund të themi asgjë konkrete”. Sa i përket protokollit mbretëror lidhur me ditët se sa mund të rrijë një monark pa u varrosur, nga rezidenca mbretërore na bëjnë të ditur se “nuk ka një rregull, një përcaktim të saktë mes kohës së vdekjes së një mbreti dhe varrimit të tij. Funerali varet vetëm nga përgatitjet, në mënyrë që ato të jenë të një niveli sa më të lartë”

Pengu i Leka Zogut, kthimi i eshtrave të babait në atdhe
Një fushatë e nisur me utopi që nga komunizmi, e vijuar me shpresa të mëdha në demokraci dhe e premtuar zyrtarisht vetëm së fundi nga Kryeministri Sali Berisha, por që fatkeqësisht Leka Zogu I nuk arriti dot ta realizonte. Tashmë ky është amaneti për birin e vetëm, princin Leka Zogu II, që pas vdekjes së Leka Zogut I dje në mëngjes, është automatikisht pretendenti i ri i fronit mbretëror shqiptar. “Kthimi në atdhe i eshtrave të babait të tij, Ahmet Zogut, ka qenë dëshira e hershme e mbretit Leka Zogu I dhe ndër dekada ka zhvilluar vazhdimisht negociata, pavarësisht se kush ka qeverisur. Kur më në fund ishte në prag të realizimit të ëndrrës, pasi i ishte premtuar kthimi me rastin e 100-vjetorit të Pavarësisë, ai ndërroi jetë duke i lënë kështu përmbushjen e amanetit djalit Leka Zogu II”, thonë burime nga oborri mbretëror, që në këtë rast “oborri” është godina e ish-Pallatit të Pionierit në Tiranë. Me pamje gri nga jashtë, por plot me ngjyra dhe relikte të çmuara nga brenda, dyert e rezidencës dykatëshe kanë qëndruar dje gjatë gjithë ditës të hapura për vizita. Kështu do të jenë deri të shtunën, pasi siç na informuan zyrtarisht nga Pallati Mbretëror, çdokush që dëshiron mund të ngushëllojë familjen. Ashtu si ne… Sapo hymë, në krah të majtë, ndodheshin anëtarët e familjes mbretërore. Princi Leka II dhe e fejuara e tij, Elia Zaharia, na falënderuan për prezencën, na falënderuan pas çdo fjale ngushëlluese, por më shumë na falënderuan nëse “i lëmë të qetë për ca ditë, për ndonjë intervistë të mundshme”. “E dini? Kam marrë shumë mesazhe personalitetesh dhe i vlerësoj shumë ato. Por, kam marrë gjithashtu mesazhe nga qytetarë nga Kosova, Maqedonia, Mali i Zi dhe shumë shqiptarë të tjerë nga diaspora. Kjo tregon që im atë nuk ishte vetëm mbret i Shqipërisë, por i të gjithë shqiptarëve”, thotë Leka II gjatë një bisede të shkurtër për “Panorama”, ndërsa shton: “Familja mbretërore ngushëllon popullin shqiptar për humbjen e mbretit legjitim dhe çdokush që dëshiron të bëjë nderimet e fundit, është i mirëpritur në rezidencë”. Me lot prej biri, princi dhe prej trashëgimtari të ardhshëm, Leka Zogut II i reflektohej në fytyrë dhimbja reale për humbjen e njeriut të dashur, që në sytë e publikut ishte mbreti i shqiptarëve. Pranë tij ndodhej edhe Skënder Zogu, i kthyer nga Franca me këtë rast, kushëriri i Leka Zogut I, ndërsa pritej mbërritja e të afërmve të tjerë: Ergun Zogu (nipi i Zija Pashë Zogollit), Sermet Agolli Dushishti (nipi i Mbretit Zog), motra e Geraldinës nga Marseja, me djalin e saj, Reno, i cili është deputet në Francë me partinë e Presidentit Sarkozi etj. Sakaq, në rezidencë shihej qartë prezenca e madhe e legalistëve, duke ia nisur që nga kryetari Ekrem Spahia, që rrinte ngjitur me treshen mbretërore Leka-Elia- Skënder, ndërsa nënkryetari Sulejman Gjana hynte e dilte sipas vizitave dhe kërkesave, për shkak të angazhimit të tij me organizimin dhe pritjet. Si i tillë, ne e pyetëm rreth personaliteteve që kanë shkuar për ngushëllim apo kanë çuar mesazhe dhe ai radhiti një listë të gjatë me emra kombëtarë dhe ndërkombëtarë nga fusha të ndryshme. Sigurisht, me shumë “merak” Gjana përmendi qeveritarët, diplomatët, përfaqësuesit e mbretërive të huaja etj., por shmangu disa herë përgjigjen rreth kuriozitetit tonë për emrat e politikanëve të majtë. Një devijim informacioni me takt nga ai, por një këmbëngulje krejt pa takt nga ne, derisa më në fund morëm përgjigjen: “Jo, asnjë politikan i majtë nuk ka ngushëlluar”. Ndërkaq, i pyetur rreth dëshirës së fundit të të ndjerit, Gjana duket se di më shumë se sa amaneti, edhe pse duke respektuar protokollin dhe hierarkinë, me gjasë tregon shumë pak. Në fakt, pak e saktë: “Viti i ardhshëm, që përkon me 100-vjetorin e Pavarësisë së Shqipërisë, duhej të ishte viti i bashkimit të eshtrave të familjes mbretërore. Nëna Geraldinë dhe bashkëshortja Suzanë prehen në Sharrë, i cili është vendvarrimi i përkohshëm për to dhe janë në pritje të rikthimit të eshtrave të Ahmet Zogut. Që të tre, ashtu siç u takon, duhet që të varrosen përfundimisht pranë nënës Sadije, apo siç njihet ndryshe nga të gjithë, te Varri i Nanës Mbretneshë, pranë parkut të Liqenit të Tiranës”. Me aq sa ka dijeni Gjana, Leka Zogu I nuk ka lënë ndonjë testament, ndërsa dikush tjetër pranë Pallatit Mbretëror na informon se ai prej kohësh kishte nisur një autobiografi, por që për shkak të shëndetit të dobët nuk e ka përfunduar dot.

VESI I VJETER 
Prej vitesh Leka Zogu I konsumonte mesatarisht dy paketa duhan në ditë. Ai, edhe pas shtrimit në reanimacion është shprehur se e kishte të vështirë të hiqte dorë nga ky ves. “Eh… duhanin, nuk mund ta lë”, është shprehur Leka Zogu dy ditë pas shtrimit në reanimacion. Ndërkaq, në këtë shërbim nuk mund të hynte askush përveç personave që lejoheshin nga familjarët e pretendentit për fronin mbretëror. Jashtë, për 24 orë, truproja e familjes mbretërore 24 orë ka monitoruar çdo lëvizje.

LEKA ZOGU II, MBRET BRENDA 10 DITËVE 
Brenda 10 ditësh nga vdekja e babait, Leka Zogu II duhet të organizojë një ceremoni ku ta shpallë veten zyrtarisht “Mbret të Shqiptarëve”. “Për trashëgiminë mbretërore do të zbatojmë Kushtetutën e Monarkisë. Në nenin 51 thuhet se ‘trashëgimi i Fronit Mbretëror i përket djalit më të madh të Mbretit dhe trashëgimia vazhdon brez pas brezi në vijë direkte, mashkull pas mashkullit’”, thonë burime nga familja mbretërore, ndërsa në nenin 58 përcaktohet afati kohor brenda 10 ditësh.

BETIMI QË BËHET SIPAS KUSHTETUTËS 
Sipas Statutit themeltar të Mbretërisë Shqiptare, Leka Zogu II duhet të bëjë betimin: “Unë (emri), Mbreti i Shqiptarëve, në minutën që hyp në fronin e Mbretërisë Shqiptare dhe marr në dorë pushtetet mbretërore, betohem para Zotit Fuqimadh se do të ruaj njësinë kombëtare, pavarësinë shtetërore dhe tërësinë tokësore; gjithashtu, do të ruaj Statutin e do të veproj pikërisht sipas atij dhe sipas ligjeve në fuqi, duke pasur parasysh gjithmonë të mirën e popullit. Perëndia më ndihmoftë”.

Leka Zogu do varroset me uniformë ushtarake
kabinetit qeveritar u mbajt një minutë heshtje, si dhe u miratuan dy vendime për organizimin e ceremonisë mortore. Kështu, në të gjitha institucionet, shtetërore dhe publike, flamuri kombëtar do të ulet në gjysmështizë dhe në orën 12:00 do të mbahet një minutë heshtje. Në të njëjtën kohë Radio- Televizioni Publik Shqiptar, gjatë zhvillimit të ceremonialit, do të transmetojë muzikë funebre. Në mbledhjen e djeshme u ngrit komisioni shtetëror për kryerjen e ceremonisë funebre. Ky komision do të përbëhet nga zv.kryeministri Edmond Haxhinasto, ministri i Kulturës, Aldo Bumçi, ministri i Mbrojtjes, Arben Imami, një përfaqësues i Oborrit Mbretëror, një përfaqësues i protokollit të shtetit dhe një përfaqësues i protokollit të Kuvendit. Duke folur në mbledhjen e qeverisë, Kryeministri Sali Berisha u shpreh se ndalimi i kthimit të atdhe të familjes mbretërore pas përfundimit të Luftës së Dytë Botërore ishte një nga veprimet më arbitrare të Enver Hoxhës. “Mbreti Zog u largua nga Shqipëria, ashtu siç u larguan mbretërit e tjerë, nga mbretëritë e pushtuara nga forcat nazifashiste. Por Mbreti Zog qëndroi në të gjithë kohën, në anën e koalicionit antifashist. Më 7 prill 1939, forcat dhe mbështetësit e tij, të udhëhequra nga Abaz Kupi, luftuan me trimëri në Portin e Durrësit. Natyrisht, Lufta Nacionalçlirimtare mori edhe aspektin e saj vëllavrasës, siç dëshmojnë dokumente të panumërta dhe kjo vëllavrasje kishte vetëm një qëllim, të garantonte me çdo kusht Enver Hoxha pushtetin”, u shpreh Kryeministri. Ai u ndal gjithashtu edhe te referendumi i vitit 1997, për të cilin tha se nuk është një çështje e mbyllur. “Në vitin 2003, Parlamenti shqiptar votoi ligjin, ku i njeh atributet familjes mbretërore dhe ky ishte një vendim shumë i drejtë. Dua të theksoj se edhe referendumi u bë në flakët e rebelimit komunist dhe nuk mund të konsiderohet si një çështje e mbyllur. E vërteta është se pa diskutim në atë referendum dominoi parimi stalinist: ju votoni, numërimin e votave jua bëj unë. Por ajo që është reale, shqiptarët votuan masivisht, nga Konispoli në Vermosh, për mbretin e tyre. Referendumi nuk e kapi kuotën, por atë e përcaktuan ata, të cilët manipuluan dy javë rresht votat e referendumit”, u shpreh më tej Berisha.
CEREMONIA Skënder Zogu, djali i xhaxhait të princit Leka, zbuloi dje në një intervistë në “Top Channel” detaje nga ceremonia mortore, që do të zhvillohet të shtunën. Sipas tij, kjo ceremoni do të zhvillohet në Parlament, sipas vendimit të qeverisë dhe Mbreti do të vihet në arkivol me uniformë ushtarake. “Kanë ardhur me qindra persona në pallat dhe na kanë qëndruar me të vërtetë shumë pranë. Një zonjë mes filmimeve tuaja tha që Mbreti s’ka bërë ndonjë gjë, por ai ka luftuar gjithmonë. Jetën e sakrifikoi në mërgim. Ka pasur gjithmonë si ideal Shqipërinë, lumturinë e popullit, çlirimin nga serbët… Do të jetë një ceremoni e zakonshme, si u bë për nënën Geraldinë dhe Suzanën. Do të vihet në arkivol me uniformë ushtarake. Pas ceremonisë në Parlament do të shkojë në varreza në Sharrë, ku ka vendin e tij, pranë nënës dhe Suzanës. Do të mbahen edhe lutje fetare sipas zakoneve tona myslimane”, tha Skënder Zogu. Ai tha se për këtë ceremoni do të vijnë të afërm nga Turqia, Franca, Jordania, Arabia Saudite dhe Spanja. I pyetur se çfarë do të ndodhë më pas, kushëriri i Leka Zogut thotë: “Vazhdon trashëgimia. Ai ka lënë një trashëgimtar, që do të vazhdojë në rrugën e gjyshit dhe babait të tij. Leka II punon në Ministrinë e Brendshme, mban një detyrë zyrtare dhe vazhdon në këtë rrugë, kjo është e ardhmja. A duhet të martohet? Besoj se është i fejuar dhe një ditë do të martohet. Për momentin, nuk jam në gjendje t’ju them ç’do bëhet. Me sa di unë, Mbreti Leka nuk ka lënë testament. Dje erdha dhe kalova natën pranë Mbretit. Me këtë rast, falënderoj mjekët dhe personelin e klinikës, që është përkujdesur në mënyrë të përsosur”.

Protokolli i shtetit
Mesditën e sotme do të zhvillohet mbledhja e parë e komisionit shtetëror, që do të përcaktojë detajet e ceremoninë mortore të Leka Zogut I. Sipas vendimit të qeverisë, kjo ceremoni konsiderohet ‘funebre shtetërore’ dhe për të ka një kapitull të veçantë në ligjin e protokollit të shtetit. Në pikën 10 të protokollit thuhet se arkivoli i vendosur në shtrat topi, i mbuluar me flamur kombëtar, niset nga vendndodhja, i shoqëruar nga gjashtë truproja nderi, tre në çdo anë.

Majko: Mbreti ishte patriot dhe burrë i veçantë, e konsideroja mik
Megjithëse pretendenti i fronit mbretëror, Mbreti Leka I, u nda nga jeta në mëngjesin e ditës së djeshme, Partia Socialiste ende nuk ka dalë me një deklaratë zyrtare. Asnjë prej përfaqësuesve të kësaj partie nuk është shprehur në media mbi këtë ngjarje. I vetmi përfaqësues i selisë rozë, që ka ndarë qëndrimin e tij në publik, ka qenë deputeti Pandeli Majko. Ishkryeministri i vendit ka preferuar komunikimin në rrjetin social ‘Facebook’ për të dhënë vlerësimin e tij mbi figurën e pretendentit për fronin mbretëror. “Ndërroi jetë Leka i Parë. Për mua ishte një burrë i veçantë dhe patriot. E konsideroja mik”, shkruan Majko në faqen e tij në internet. Partia Socialiste në të kaluarën ka pasur marrëdhënie jo të mira me familjen mbretërore. Raporti i vështirë mes të majtës dhe Mbretit u evidentua edhe në vitin 1997, kur vendi ishte në krizë politike për shkak të shembjes së piramidave. Në qershor të atij viti u zhvillua referendumi për mënyrën e qeverisjes së vendit dhe dy alternativat ishin republika dhe mbretëria. Në përfundim të procesit zgjedhor, fitoi varianti i republikës parlamentare. Me ardhjen në pushtet të socialistëve, familja mbretërore iu nënshtrua një procesi të tejzgjatur gjyqësor dhe u akuzua për grusht shteti. Pas një incidenti të ndodhur pak ditë pas zgjedhjeve, pretendenti për fronin mbretëror u largua nga Shqipëria për t’u rikthyer në vend përgjithmonë në qershor të vitit 2002.

Topi: Mbreti, rol aktiv për rrëzimin e komunizmit 
Presidenti i Republikës, Bamir Topi, ka shprehur hidhërimin për ndarjen nga jeta të Mbretit Leka Zogu I. Me anë të një mesazhi zyrtar, kreu i shtetit Topi tha se: “Leka Zogu I pati një jetë të vështirë, por pavarësisht nga fatet e jetës, ai nuk reshti në asnjë çast duke punuar me përkushtim e dashuri në mbrojtjen dhe promovimin e çështjes shqiptare. Në kujtesën tonë kombëtare kanë mbetur të gjalla përpjekjet dhe roli i tij aktiv për rrëzimin e sistemit komunist dhe, gjatë tranzicionit, për lartësimin e vlerave kombëtare dhe nxitjen e proceseve integruese të Shqipërisë”.

LSI: NDARJA NGA JETA E MBRETIT, HUMBJE E MADHE
Ndarja nga jeta e mbretit Leka Zogu I është përcjellë me mesazhe ngushëlluese për familjarët nga Lëvizja Socialiste për Integrim. Ilir Meta, kreu i LSI-së, ka deklaruar se froni mbretëror ka luajtur një rol të rëndësishëm në konsolidimin e shtetit shqiptar dhe në historinë kombëtare. Ngushëllimet e Metës u janë drejtuar familjarëve të Mbretit dhe veçanërisht princit Leka Zogu II. “Ndarja nga jeta është një humbje e madhe për ju, për të afërmit, për të gjithë ata që e njohën nga afër dhe për bashkatdhetarët.”

PDIU: SIMBOLI I REZISTENCËS ANTIKOMUNISTE 
Partia Drejtësi, Integrim dhe Unitet ngushëlloi dje familjen mbretërore për ndarjen nga jeta e Naltmadhërisë së Tij, Leka Zogu I. “Jeta në mërgim ku është detyruar të jetojë Leka Zogu I, nuk ka mposhtur përpjekjet e tij në të mirë të atdheut. Përmes sakrificave dhe luftës së vazhdueshme, ai u kthye në simbolin e rezistencës antikomuniste, gjatë regjimit diktatorial në Shqipëri, duke i dhënë figurës së tij një rëndësi historike”. Familja mbretërore sipas PDIU-së duhet të gëzojë një status të veçantë, çka ende është një detyrë për t’u plotësuar nga qeveria shqiptare.

Odiseja: Leka I, mbreti me kurorë dhe pa pushtet
Një “mbret” që pas shumë përpjekjesh u kthye më në fund me kurorë në vendlindje, por pa pushtet. Sipas njoftimit të oborrit mbretëror shqiptar, “në të zbardhur të datës 7 prill, fëmija i vetëm i Mbretit Zog I dhe Mbretëreshës Geraldinë të shqiptarëve, largohet në drejtim të kufirit me shtetin grek. Më pas, në Turqi, Rumani, Poloni, vendet baltike, Suedi, Norvegji, për të mbërritur përfundimisht në Francë, në muajin korrik. Pas fillimit të sulmit gjerman më 10 maj 1940, familja mbretërore shqiptare shpërngulet drejt Perëndimit, ku me anije mbërrijnë në Britaninë e Madhe. Mbreti George IV i Anglisë do t’i ofronte mbrojtje dhe siguri gjatë gjithë periudhës së Luftës II Botërore. Me përfundimin e luftës, Familja Mbretërore zhvendoset kësaj radhe në Egjipt, pas ftesës së marrë prej Mbretit Faruk, i cili ishte pasardhës i shqiptarit themelues të dinastisë mbretërore egjiptiane, Mehmet Ali Pasha. Ndryshimet politike në Egjipt sollën si rezultat zhvendosjen e radhës për familjen mbretërore shqiptare, e cila në korrik të vitit 1955 u vendos përfundimisht në Cannes të Francës. Në vitet 1956-1959 do të regjistrohet në akademinë ushtarake të Sandhurst, prej së cilës do të gradohet si toger. Pas kthimit në Francë, ai ndoqi studimet e larta në Drejtësi dhe shkenca ekonomike në Sorbonë, si edhe disa kurse për gjuhët dhe kulturën orientale. Më 5 prill 1957, kur Princi Leka mbush plot 18 vjeç, Mbreti Zog e shpall atë trashëgimtar të kurorës mbretërore. Ndërsa pas vdekjes së Mbretit Zog në spitalin Foch të Parisit më 9 prill 1961, në përputhje me statutin e Mbretërisë shqiptare të vitit 1928, vendin e Mbretit Zog e zuri Mbreti Leka i Parë, i cili bëri edhe betimin para një Asambleje të shqiptarëve në mërgim, të përbërë prej dinjitarësh të lartë të Mbretërisë, ish- deputetë, ministra e ofiqarë të ndryshëm, si dhe delegacione e përfaqësi të shqiptarëve të ardhura nga të katër anët e botës. Kësisoj, ai u bë sipas Kushtetutës së vitit 1928, Mbret i shqiptarëve. Në shtator 1962, ai la Francën për t’u vendosur në Spanjë, ku vendosi kontaktet me Mbretin Juan Carlos të Spanjës dhe Mbretin Simeon II të Bullgarisë. Në vitin 1976, Mbreti Leka themeloi Këshillin për Çlirimin e Shqipërisë Etnike, dhe njëherësh zgjidhet edhe Komandant i Ushtrisë Kombëtare për Çlirimin e Shqipërisë Etnike. Gjatë vitit 1977, ai i intensifikon aksionet dhe demarshet politike kundër regjimit komunist të Tiranës. Por ky aktivitet do të bëhej shkak që Spanja,- një aplikante e zjarrtë për t’u anëtarësuar në Europën e Bashkuar (C.E.E) – të tërhiqej përballë trysnisë së disa vendeve që ankoheshin se rrëzimi i qeverisë komuniste në Shqipëri do të sillte si efekt edhe destabilizimin e Jugosllavisë. Prandaj, qeveria spanjolle kërkoi ndërprerjen e aktivitetit të Mbretit Leka, duke e detyruar këtë të fundit të largohej në janar të vitit 1979 drejt Rhodezisë e më pas në Afrikën e Jugut”. Më pas, oborri mbretëror përshkruan përpjekjet e Mbretit Leka I për ngjarjet e dyfishta të korrikut 1990, si dhe thirrjet e tij për popullin shqiptar që të bojkotonte zgjedhjet e 31 marsit 1991, të cilat parashikonte se do të manipuloheshin nga PPSH-ja, siç edhe rezultoi. Përshkrimi vijon me historinë e kthimit të tij në vitin 1993 me një vizitë të shkurtër, me referendum më 1997-n dhe në qershor të vitit 2002, vit kur ai u vendos përfundimisht në Shqipëri.

Kthimi i fundit
Pas referendumit 1997, mbreti Leka I u largua më 12 korrik 1997, plot 3 muaj pasi kishte vënë këmbën në atdheun e tij, me premtimin se ishte i gatshëm të kthehej në momentin që do ta kërkonte populli shqiptar. Në qershor të vitit 2002, mbreti Leka I, në respektim të një kërkese të bërë prej 76 deputetësh të Kuvendit të Shqipërisë, mori vendimin që të kthehet përgjithmonë në atdhe.

Më 8 tetor 1975 Mbreti Leka kreu ceremoninë civile të martesës në Biarritz të Francës me një fisnike të re australiane, Susan Cullen-Vvard, në prani të një numri të madh shqiptarësh. Ndërsa më 10 tetor, në Toledo të Spanjës, përfaqësuesit e klerit mysliman shqiptar, të kishës ortodokse dhe katolike, si dhe një prift anglikan, bekojnë martesën e çiftit mbretëror. Ata jetuan të lumtur deri në vitin 2004, kur bashkëshortja Susan ndërroi jetë nga një sëmundje e rëndë.

26 mars 1982 Në Johanesburg, më 26 mars 1982, vjen në jetë trashëgimtari i kurorës mbretërore, princi Leka II. Kjo ngjarje është shënuar edhe nga një gjest i rëndësishëm, siç është akordimi i ekstraterritorialitetit për familjen mbretërore dhe, për pasojë, vendi ku princi Leka II ka lindur, është konsideruar si tokë shqiptare. Aktualisht ai është i fejuar me Elia Zaharian dhe pas vdekjes së babait, është automatikisht trashëgimtari i fronit mbretëror.

Nëntor 1993 Mbreti Leka zhvilloi një vizitë në Tiranë, që nuk shkoi sipas planit. Pati keqkuptime mes përfaqësuesve të oborrit mbretëror dhe policisë shqiptare, për shkak të dokumenteve të udhëtimit dhe armatimeve personale. Ai u rikthye në atdhe më 12 prill 1997 dhe më 29 qershor 1997 zhvilloi referendumin për kthimin e monarkisë. Rezultati i KQZ dha verdiktin me 34% pro monarkisë, ndërsa mbreti Leka pretendoi për të paktën 54% në rang vendi.
Elisabeta Ilnica
Zirina Llambro

-------------------------------------------------------------------- 

http://www.shekulli.com.al/shekulli/2011/11/30/nderron-jete-ne-moshen-72-vjecare-leka-zogu-i/
30/11/2011

nderron jete ne moshen 72 vjecare leka zogu i

-------------------------------------------------------------------- 

http://www.rilindjademokratike.com/RD%202%20dhjetor/politika.htm#Parlamenti_ka_rivendosur_nj%EB_t%EB_drejt%EB_historike_n%EB_Protokollin_Shtet%EBror_dinjitoz,_si%E7_i_p%EBrket_Familjes_Mbret%EBrore

 01/12/2011

 "Shqiptarët, në të katër anët kudo që jetojnë, janë të bashkuar në dhembjen dhe zinë për humbjen e Mbretit Leka I. Këtë bashkim e kanë të bazuar në kontributet historike të Tij, të Mbretit Zog, Mbretëreshës Geraldinë, të Familjes Mbretërore". Kryeministri Berisha, i shoqëruar nga bashkëshortja e tij, Liri Berisha, zhvilloi dje pasdite një vizitë ngushëllimi në familjen e Leka Zogu I, i cili u nda nga jeta një ditë më parë në moshën 72-vjeçare. Kryeministri Berisha i shprehu ngushëllime Princit Leka dhe familjarëve për ndarjen nga jeta të Leka Zogut I, një humbje e madhe kjo për mbarë kombin shqiptar dhe Shqipërinë. Duke shprehur nderimin e tij të thellë për veprën e Leka Zogut I, Kryeministri Berisha la dhe një shënim në librin e ngushëllimeve të çelur me këtë rast. "Dua t'i shpreh ngushëllimet më të sinqerta Princit Leka dhe Familjes Mbretërore për humbjen e Mbretit Leka Zogu I, një humbje e madhe kjo për mbarë kombin shqiptar dhe Shqipërinë", tha Berisha. Ai u shpreh se Mbreti Leka I u largua nga vendi i tij dy ditë pas lindjes, por përfaqëson një jetë të tërë atdhedashurie të pakufishme, përkushtimi të jashtëzakonshëm, mbrojtje të pamposhtur të lirisë së shqiptarëve, mbështetje të madhe të shqiptarëve në Kosovë në përpjekjet e tyre për liri kombëtare, mbështetje të madhe të shqiptarëve në Shqipëri në përpjekjet e tyre për t'u çliruar nga zgjedha e regjimit më barbar që vendi ka njohur në tërë historinë e tij. Gjithashtu, Kryeministri tha se është një nderim për kontributin e madh, historik, të Mbretit Zog, burrit që bëri pavarësinë e Shqipërisë të jetojë, shtetarit që më shumë se kushdo tjetër kontribuoi në ndërtimin e shtetit shqiptar, Mbretit që u largua nga Shqipëria pasi ajo ishte përcaktuar si viktimë e parë e agresionit nazifashist në Evropë, por që vazhdoi me vendosmëri të madhe luftën për çlirimin e Shqipërisë. Berisha tha se përpjekjet e legalistëve, qëndresa e tyre që në orët e para të pushtimit deri në ditën e fundit të çlirimit të vendit janë një faqe e ndritur atdhetarie, heroizmi dhe qëndrese. "Paslufte në Shqipëri ndodhi ndryshe nga vendet e tjera që dolën nga pushtimi barbar nazifashist, të cilat kurorat i rikthyen ose shpallën referendume në mënyrë që populli të shprehej. Në mënyrën më arbitrare, një kongres ndaloi monarkun e shqiptarëve të kthehej në vendin e Tij, gjë e cila zgjati, siç dihet, gjatë gjithë jetës së Tij dhe Mbreti vdiq në Paris në vitin '61. Më vonë, një referendum u bë dhe shqiptarët janë dëshmitarë, se ata shprehën masivisht qëndrimin e tyre në respekt të Mbretit Leka i Parë dhe në favor të tij, por, siç dihet, ai referendum u mbajt në kushte të një rebelimi të egër komunist. Dhe e vërteta është se askush nuk mund të thotë kurrë se rezultati ishte ai që u shpall. Kjo çështje nuk është e mbyllur. Unë i them të vërtetat ashtu siç janë, nuk mund të them gjë tjetër. Unë i them të vërtetat ashtu siç i perceptoj dhe siç kanë ndodhur. Kjo është detyra ime", tha Kryeministri ndër të tjera. I pyetur mbi heshtjen e opozitën për ndarjen nga jeta të Leka Zogut, Kryeministri tha se: "Unë nuk dua t'i jap asnjë karakter partiak. Ai ligj, i cili i ka dhënë dhe ka njohur statusin e Familjes Mbretërore është votuar në Parlament nga deputetë të të gjitha forcave politike. Kjo është e vërteta. Për të gjithë ata, të cilët kanë votuar atë ligj dhe shqiptarët në tërësi e kanë shumë të qartë që Familjet Mbretërore përbëhen nga Mbretërit, Mbretëreshat, Princërit, Princeshat, e kështu me radhë. Kjo është e vërtetë për Familjen Mbretërore shqiptare dhe Parlamenti ka rivendosur një të drejtë historike, duke përcaktuar me shumë të drejtë Protokollin Shtetëror dinjitoz, siç i përket Familjes Mbretërore. Nuk duhet të merremi me copëza të shkëputura, sepse kudo ka individë pro e kundër dhe kjo është normale".

http://www.rilindjademokratike.com/RD%202%20dhjetor/politika.htm

Qytetarë, personalitete të jetës politike dhe shoqërore ngushëllojnë Familjen Mbretërore

Lega Zogu I do të prehet pranë nënës dhe bashkëshortes së tij

Përcjellja për në banesën e fundit të NMT Leka I ditën e shtunë do të përfshijë nderimet më të larta që parashikohen në Protokollin e Shtetit. Komisioni Ndërministror për organizimin e ceremonisë zyrtare vendosi dje, që ceremonia funebre të jetë shtetërore. Burime pranë Familjes Mbretërore bënë të ditur dje, se trupi i Leka Zogut do të varroset në Varrezat e Sharrës në kryeqytet, pranë varrit të nënës së tij, Mbretëreshës Geraldinë dhe gruas Susanë. Familja Mbretërore nuk ka pranuar që trupi të varroset në Varrezat e Dëshmorëve siç e parashikon ligji për ceremoninë funebre shtetërore. Gjithashtu ata theksuan për gazetën tonë se, është hapur edhe libri i ngushëllimeve në të gjitha ambasadat e Shqipërisë nëpër botë. Përfaqësues të Oborrit Mbretëror bënë të ditur gjithashtu se, kanë njoftuar të gjithë përfaqësuesit e mbretërive të Europës për të marrë pjesë në ceremoninë e varrimit. 

Ngushëllimet 

Ngushëllimet për ndarjen nga jeta të NMT Leka I, vazhduan gjatë ditës së djeshme ku qytetarë të shumtë dhe personalitete të jetës politike dhe shoqërore nga mbarë viset shqiptare, shkuan në Pallatin Mbretëror për t'i shprehur Lartësisë së Tij, Princit Leka dhe Familjes Mbretërore hidhërimin e tyre të thellë dhe ngushëllimet e rastit për humbjen e NMT Leka I, Mbret i Shqiptarëve. Përfaqësuesit e Familjes Mbretërore nëpërmjet një deklarate për shtyp bënë të ditur se gjatë paradites së djeshme shprehën ngushëllimet e tyre: Gjeneral Daut Haradinaj, deputet në Parlamentin e Kosovës dhe mik i ngushtë i Familjes Mbretërore; N/Kryetari i Parlamentit të Shqipërisë, zoti Ardian Turku; ministri i Mbrojtjes, zoti Arben Imami; Shefi i Shtabit të Përgjithshëm të Forcave të Armatosura Gjeneral-Major Xhemal Gjunkshi; një grup deputetësh të Partisë Demokratike të kryesuar nga deputeti Jemin Gjana; deputetët e Partisë Socialiste Arben Malaj, Kastriot Islami, Andis Harasani, Astrit Beci; Kryetari i PDIU-së, deputeti Shpëtim Idrizi i shoqëruar nga N/Kryetari Dashamir Tahiri; Kryetari i LZHK, Dashamir Shehi; Prof. Abdi Baleta; At Nikoll Marku dhe shumë personalitete të tjera. Po ashtu, në adresë të Familjes Mbretërore mbërriti një numër i madh telegramesh ngushëllimi nga qytetarë dhe personalitete prej viseve shqiptare dhe diasporës. Në deklaratën për shtyp theksohej se, Lartësia e Tij, Princ Leka dhe Familja Mbretërore ndjehen të prekur nga ky solidaritet njerëzor dhe së bashku me falënderimet e rastit, shprehën dëshirën për t'ja rikthyer "në të mira" çdo shqiptari. Familja Mbretërore do të vazhdojë të presë vizita në Pallatin Mbretëror, ndërkohë që ceremonia zyrtare do të organizohet ditën e shtunë, ora 10:00-12:00 në mjediset e Parlamentit të Shqipërisë.

Topalli: Leka I, inspirues dhe përkrahës i paepur i përpjekjeve për liri

Kryetarja e Kuvendit, Jozefina Topalli përcolli dje ngushëllimet për ndarjen nga jeta të Leka Zogut I. Në mesazhin e saj, Topalli ndau me familjen e Madhërisë së Tij Leka Zog dhimbjen për humbjen e pazëvendësueshme të njeriut siç e cilësoi ajo, atdhetar të mençur dhe për shqiptarët figurën e rëndësishme të historisë së tyre politike. "Me ndarjen nga jeta të Leka Zogut, ne humbën një atdhetar të mençur dhe shqiptarët kudo humbën një figurë të rëndësishme të historisë së tyre politike, një figurë që tashmë ka vendin e vet të nderuar në kujtesën tonë kombëtare. Në këtë ditë të rëndë, unë dëshiroj të ndaj me familjen e Madhërisë së Tij Leka Zog dhimbjen për humbjen e pazëvendësueshme të njeriut të dashur dhe me gjithë bashkëkombasit e mi hidhërimin e thellë për humbjen e një personaliteti. Duke shprehur ngushëllimet e mia më të ndjera, unë dëshiroj të ndaj me Princin Leka dhe të gjithë anëtarëve të Familjes Mbretërore, si dhe me gjithë shqiptarët lutjen që shpirti i Leka Zogut të prehet në paqe në tokën ku u lind", theksoi Topalli. Gjithashtu Kryetarja e Kuvendit vlerësoi figurën e Leka Zogut për përkushtim ndaj çështjes kombëtare dhe si inspirues dhe përkrahës i paepur i përpjekjeve për liri dhe dinjitet të shqiptarëve në trevat e tyre dhe kudo. 

Ëndrra e paplotësuar, 100 vjetori i Pavarësisë dhe kthimi i eshtrave të Mbretit Zog

Vetëm pak ditë para se të ndahej nga jeta, deklaratën e fundit publike NMT Leka Zogu i Parë e ka dhënë për gazetën "Rilindja Demokratike", ku shprehu edhe dëshirën e tij të madhe për të festuar 100-vjetorin e Pavarësisë, si dhe të ishte i pranishëm në Rinas për të pritur eshtrat e Mbretit Ahmet Zog. Në fjalën e tij edhe pse në gjendje të rëndë, pretendenti i Fronit Mbretëror shprehte optimizëm se do të ishte në Rinas në 100-vjetorin e Pavarësisë për të pritur eshtrat e Mbretit Zog, jo thjesht si babai i tij, por si respekt ndaj shtetit shqiptar. "Deklarimi i Kryeministrit Berisha për kthimin e eshtrave të Mbretit Zog në atdhe është vlerësim për historinë e vetë shtetit shqiptar. Pres me shumë kënaqësi dhe sigurisht do të jem në Rinas në 100-vjetorin e Pavarësisë për të pritur eshtrat e Mbretit Zog, jo thjesht si babai im, por si respekt ndaj shtetit shqiptar", deklaronte Mbreti Leka Zogu I për gazetën tonë në 19 nëntor të këtij viti. Përgjatë gjithë kohës ai u ndodh nën kujdesin e ekipit mjekësor, Princit Leka dhe dashamirësve të shumtë që gjatë ditëve të rënda kanë shtuar vizitat në spitalin ku qëndronte i shtruar. Në deklaratën shkëputur për "RD", Ai falënderoi të gjithë shqiptarët si brenda dhe jashtë kufijve, të cilët kishin shprehur një interesim të madh për gjendjen e tij shëndetësore. Përmes një interviste të shkurtër për gazetën, Leka Zogu falënderoi Kryeministrin për interesimin e tij për gjendjen shëndetësore dhe kërkesën e vazhdueshme të Berishës drejtuar historianëve për rishikimin e historisë. "Falënderoj Kryeministrin Berisha për interesimin e veçantë për shëndetin tim, si dhe për kërkesën e vazhdueshme për rishikimin e historisë. Festimi i 100-vjetorit të shpalljes së Pavarësisë së shtetit shqiptar do të jetë edhe një vlerësim real për vizionin, vendosmërinë e Ahmet Zogut si ministër i Brendshëm, Kryeministër, President dhe nga 1 shtatori 1928 Mbret i Shqiptarëve, i cili hodhi themelet dhe konsolidoi shtetin shqiptar, duke jetësuar shpalljen e Pavarësisë më 28 Nëntor 1912", është shprehur Leka Zogu.

Parlamenti ka rivendosur një të drejtë historike në Protokollin Shtetëror dinjitoz, siç i përket Familjes Mbretërore

Shqiptarët të bashkuar në dhembjen dhe zinë për humbjen e Mbretit Leka I

"Shqiptarët, në të katër anët kudo që jetojnë, janë të bashkuar në dhembjen dhe zinë për humbjen e Mbretit Leka I. Këtë bashkim e kanë të bazuar në kontributet historike të Tij, të Mbretit Zog, Mbretëreshës Geraldinë, të Familjes Mbretërore". Kryeministri Berisha, i shoqëruar nga bashkëshortja e tij, Liri Berisha, zhvilloi dje pasdite një vizitë ngushëllimi në familjen e Leka Zogu I, i cili u nda nga jeta një ditë më parë në moshën 72-vjeçare. Kryeministri Berisha i shprehu ngushëllime Princit Leka dhe familjarëve për ndarjen nga jeta të Leka Zogut I, një humbje e madhe kjo për mbarë kombin shqiptar dhe Shqipërinë. Duke shprehur nderimin e tij të thellë për veprën e Leka Zogut I, Kryeministri Berisha la dhe një shënim në librin e ngushëllimeve të çelur me këtë rast. "Dua t'i shpreh ngushëllimet më të sinqerta Princit Leka dhe Familjes Mbretërore për humbjen e Mbretit Leka Zogu I, një humbje e madhe kjo për mbarë kombin shqiptar dhe Shqipërinë", tha Berisha. Ai u shpreh se Mbreti Leka I u largua nga vendi i tij dy ditë pas lindjes, por përfaqëson një jetë të tërë atdhedashurie të pakufishme, përkushtimi të jashtëzakonshëm, mbrojtje të pamposhtur të lirisë së shqiptarëve, mbështetje të madhe të shqiptarëve në Kosovë në përpjekjet e tyre për liri kombëtare, mbështetje të madhe të shqiptarëve në Shqipëri në përpjekjet e tyre për t'u çliruar nga zgjedha e regjimit më barbar që vendi ka njohur në tërë historinë e tij. Gjithashtu, Kryeministri tha se është një nderim për kontributin e madh, historik, të Mbretit Zog, burrit që bëri pavarësinë e Shqipërisë të jetojë, shtetarit që më shumë se kushdo tjetër kontribuoi në ndërtimin e shtetit shqiptar, Mbretit që u largua nga Shqipëria pasi ajo ishte përcaktuar si viktimë e parë e agresionit nazifashist në Evropë, por që vazhdoi me vendosmëri të madhe luftën për çlirimin e Shqipërisë. Berisha tha se përpjekjet e legalistëve, qëndresa e tyre që në orët e para të pushtimit deri në ditën e fundit të çlirimit të vendit janë një faqe e ndritur atdhetarie, heroizmi dhe qëndrese. "Paslufte në Shqipëri ndodhi ndryshe nga vendet e tjera që dolën nga pushtimi barbar nazifashist, të cilat kurorat i rikthyen ose shpallën referendume në mënyrë që populli të shprehej. Në mënyrën më arbitrare, një kongres ndaloi monarkun e shqiptarëve të kthehej në vendin e Tij, gjë e cila zgjati, siç dihet, gjatë gjithë jetës së Tij dhe Mbreti vdiq në Paris në vitin '61. Më vonë, një referendum u bë dhe shqiptarët janë dëshmitarë, se ata shprehën masivisht qëndrimin e tyre në respekt të Mbretit Leka i Parë dhe në favor të tij, por, siç dihet, ai referendum u mbajt në kushte të një rebelimi të egër komunist. Dhe e vërteta është se askush nuk mund të thotë kurrë se rezultati ishte ai që u shpall. Kjo çështje nuk është e mbyllur. Unë i them të vërtetat ashtu siç janë, nuk mund të them gjë tjetër. Unë i them të vërtetat ashtu siç i perceptoj dhe siç kanë ndodhur. Kjo është detyra ime", tha Kryeministri ndër të tjera. I pyetur mbi heshtjen e opozitën për ndarjen nga jeta të Leka Zogut, Kryeministri tha se: "Unë nuk dua t'i jap asnjë karakter partiak. Ai ligj, i cili i ka dhënë dhe ka njohur statusin e Familjes Mbretërore është votuar në Parlament nga deputetë të të gjitha forcave politike. Kjo është e vërteta. Për të gjithë ata, të cilët kanë votuar atë ligj dhe shqiptarët në tërësi e kanë shumë të qartë që Familjet Mbretërore përbëhen nga Mbretërit, Mbretëreshat, Princërit, Princeshat, e kështu me radhë. Kjo është e vërtetë për Familjen Mbretërore shqiptare dhe Parlamenti ka rivendosur një të drejtë historike, duke përcaktuar me shumë të drejtë Protokollin Shtetëror dinjitoz, siç i përket Familjes Mbretërore. Nuk duhet të merremi me copëza të shkëputura, sepse kudo ka individë pro e kundër dhe kjo është normale".

-------------------------------------------------------------------- 

Berisha: Leka Zogu i Parë, kontribut për lirinë në Shqipëri dhe Kosovë

01-12-2011 / Gazeta 55

Ndarja e nga jeta e pretendentit për Fronin Mbretëror, Leka i I, Kryeministri Berisha zhvillon homazhe pranë rezidencës mbretërore

Kryeministri Sali Berisha së bashku me bashkëshorten zhvilluan dje në mbrëmje homazhe pranë rezidencës mbretërore në nderim të Leka Zogut të Parë. Berisha shprehu ngushëllime për ndarjen nga jeta e Pretendentit të Fronit Mbretëror, ndërsa e vlerësoi atë për kontributin e dhënë për lirinë e shqiptarëve. “I shpreh ngushëllime familjes Mbretërore. Vdekja e Leka Zogut të Parë është një humbje e madhe. Leka Zogu ka qenë mbështetës i lirisë së shqiptarëve. Nderim për kontributin e tij në mbështetje të Shqipërisë dhe Kosovës. Sot shqiptarët janë të bashkuar për humbjen e Leka Zogut të Parë”- u shpreh Berisha, pas vizitës ngushëlluese tek Familja Mbretërore.

-------------------------------------------------------------------- 

http://www.panorama.com.al/aktualitet/shuhet-leka-zogu-varrimi-me-uniforme-ushtarake/ 

Home » Aktualitet » Shuhet Leka Zogu, varrimi me uniformë ushtarake. Detajet e ceremonisë

Shuhet Leka Zogu, varrimi me uniformë ushtarake. Detajet e ceremonisë

Aktualitete Enjte, Dhjetor 1st, 2011

Pas më shumë se dy javësh i shtruar në spital, ndërroi jetë dje në moshën 72-vjeçare pretendenti për fronin mbretëror,Leka Zogu i Parë.

Nga sa pohuan mjekët, ai nuk ka mundur t’i mbijetojë arrestit kardiak (infarkt), i dyti brenda pesë ditësh. “Ka qenë gjatë gjithë kohës i vetëdijshëm deri në momentin kur pësoi fibrilacionin arterial, i cili më pas e çoi në arrest kardiak”, konfirmuan bluzat e bardha. Gati dy orë pas vdekjes, zëdhënësi i familjes mbretërore, me anë të një deklarate për mediat, konfirmoi lajmin. “Sot, në orën 08:45, në klinikën e neurologjisë ka pushuar zemra e naltmadhënisë Leka Zogu I. Naltmadhënia pushoi së marri frymë nga vuajtja e zemrës dhe mushkërive”, tha përfaqësuesi i oborrit mbretëror, Sulejman Gjana. Sipas tij, të premten, më 25 nëntor, Leka Zogu pësoi arrest kardiak dhe funksioni i zemrës ishte i pamjaftueshëm për të mbajtur në punë organet jetësore. “Prej disa ditësh mbreti jetonte nëpërmjet intubimimit. Falënderojmë mjekët për shërbimin e specializuar. Familja mbretërore ngushëllon popullin shqiptar për humbjen e mbretit legjitim”, tha Gjana. Ndërkaq, burime nga stafi i mjekëve pohuan se ditët e fundit, një pjesë e organeve të Leka Zogut kishin dalë tërësisht jashtë funksionit. “Të paktën pesë ditët e fundit gjendja shëndetësore ka qenë mjaft e rëndë, mund të themi në kufijtë e rrezikut për jetën”, thanë mjekët.
PESËMBËDHJETË DITË NË SPITAL Për më shumë se dy javë pretendenti për fronin mbretëror, Leka Zogu I, ka qëndruar i shtruar në reanimacionin e shërbimit të neurokirurgjisë në spitalin “Nënë Tereza”. Ai është sjellë pasditen e datës 15 nëntor me urgjencë pasi shfaqi vështirësi në frymëmarrje. Leka Zogu është mjekuar për vuajtje mitisistemike të organizmit, ku mbizotëronin zemra dhe mushkëritë. Jo pa qëllim u zgjodh reanimacioni i neurokirurgjisë për të trajtuar pretendentin e fronit mbretëror, pasi shefi i këtij shërbimi, Mentor Petrela, mësohet se ka qenë mjeku personal i Leka Zogut për vite me radhë. Tri ditë pas shtrimit, Petrela, gjatë një prononcimi për mediat, sqaroi diagnozën. Sipas Petrelës, ai vuante në mënyrë kronike nga dëmtime të disa organeve, të cilat për shkak të moshës janë përkeqësuar në funksionimin e tyre. “Bëhet fjalë për një sëmundje që quhet multisistemike, që do të thotë se janë disa sisteme, të cilat janë të interesuara (të prekura) dhe që kanë sjellë një vuajtje”, deklaroi dy javë më parë Mentor Petrela. Ai nuk ka qenë i pranishëm në momentin kur Leka zogu ka dhënë shpirt, për shkak të një udhëtimi jashtë vendit.
PËRMIRËSIMI I PËRKOHSHËM Një javë pas shtrimit mjekët u shprehën optimistë për gjendjen shëndetësore të pretendentit të fronit mbretëror, pasi pati përmirësime. “Është i vetëdijshëm dhe shfaq një stabilizim të gjendjes shëndetësore. Por rreziku për jetën mbetet”, tha Mentor Petrela më 20 nëntor. Shpresat e stafit të mjekëve nisën të zbehen pak ditë më pas, kur pretendenti për fronin mbretëror nisi të përkeqësohej sërish deri kur më 25 nëntor ai kaloi infarktin e parë. “U mbajt disa orë në intubim me oksigjen dhe kujtuam se e humbëm. Por u kthye sërish në jetë. Që prej asaj dite gjendja shëndetësore ka qenë e rëndë, por u përkeqësua më shumë pas ditës së hënë”, pohuan burime nga stafi i mjekëve. Sipas tyre, në të tilla raste përmirësimi i shëndetit ndodh për periudha të shkurtra kohore. “Prandaj nuk mund të flitet me siguri. Edhe vetë pacienti duket sikur po e kalon sëmundjen, por në fakt janë diagnoza që përgjithësisht çojnë në humbje të jetës”, thanë mjekët. Përgjatë gjithë kohës në reanimacion pretendentit për fronin mbretëror i kanë qëndruar pranë familjarët e tij dhe të gjithë dashamirësit e përfaqësuesit e Partisë Lëvizja e Legalitetit. I biri, Princi Leka, së bashku me bashkëshorten, janë lejuar të qëndrojnë brenda ambienteve të reanimacionit. Burime nga spitali pohuan se ata janë parë duke dalë nga spitali të përlotur. “Princi Leka me bashkëshorten ishin të dy të veshur me të zeza dhe shoqëruan trupin gjatë transportit për në morg”, thanë burime nga stafi i mjekëve.

STAFI I MJEKËVE 
Një staf i specializuar mjekësh dhe infermierësh i ka ofruar asistencë mjekësore për 15 ditë me radhë pretendentit për fronin mbretëror, Leka Zogu I. Nga sa konfirmoi Drejtoria e QSUT-së, në dispozicion të tij kanë qenë 12 infermierë dhe 5 mjekë, të cilët i kanë qëndruar gjatë gjithë kohës te koka. Shefi i shërbimit të neurokirurgjisë, Mentor Petrela, ka ndjekur Leka Zogun prej vitesh. Kjo ishte dhe arsyeja pse ai u shtrua në reanimacionin e neurokirugjisë. Por dy ditët e fundit mësohet se Petrela nuk ka qenë në Shqipëri.

VASILI: ËSHTË NDJEKUR NË MËNYRË INTENSIVE 
Familjen mbretërore e ngushëlloi dje edhe ministri Vasili për humbjen e trashëgimtarit të fronit, princ Leka Zogu I. “Ndarja nga jeta e trashëgimtarit të fronit, Leka Zogu I, është një humbje e madhe. Është një moment i dhimbshëm për të gjithë, familjen, popullin dhe ekipin e mjekëve e infermierëve që me shumë përkushtim u kujdesën për shëndetin e trashëgimtarit të fronit”, u shpreh ministri i Shëndetësisë nga ambientet e neurokirurgjisë, në orët e para të mëngjesit.

Familjarët: U përlot e kërkoi një flamur për festën e Pavarësisë
Përlotje dhe një flamur për datën 28 Nëntor. Festa e pavarësisë e gjeti në spital pretendentin për fronin mbretëror. Nga sa na konfirmuan familjarët e tij, që në mëngjes herët, pasi ka pyetur për datën, Leka Zogu është përlotur dhe ka kërkuar t’i sjellin një flamur që ta vendoste pranë dritares së dhomës. “Uroi festën dhe kërkoi t’i sillnin një flamur kuqezi”, thanë familjarët. Kjo ka qenë një nga dëshirat e fundit të pretendentit për fronin mbretëror. Po kështu, nga sa ka pohuar drejtori i QSUT-së, Samir Ivziku, mesditën e datës 29 Nëntor Leka Zogu ishte i vetëdijshëm dhe ka komunikuar me të për gjendjen shëndetësore. “Shkëmbyem disa fjali dhe mbreti, pavarësisht se me frymëmarrje artificiale, arrinte të fliste normalisht”, është shprehur Ivziku. Burime nga stafi i mjekëve pohuan se pretendenti për fronin mbretëror nuk ka rënë për asnjë çast në koma.

Trupi, tri ditë në morg, “tërhiqet” të shtunën
Homazhet zyrtare do t’i bëhen të shtunën në sallën e Kuvendit të Shqipërisë, por deri atëherë, për tri ditë me radhë, trupi i pretendentit për fronin shqiptar, Leka Zogu I, do të qëndrojë në morgun e Tiranës. Familjarët kanë rënë dakord me këtë fakt për shkak të frikës së dekompozimit të trupit, ndërsa deri nesër në orën 09:00 ende nuk dihet asgjë e saktë për detajet e ceremonisë dhe varrimit. Paraprakisht ka dalë një njoftim për shtyp nga Kryeministria, por nga oborri mbretëror na thonë se “nesër (sot) në orën 09:00 do të ketë një takim në nivel qeveritar, ku ne do të kemi një përfaqësues të familjes mbretërore për të parashtruar kërkesat tona për nderimet e fundit të Naltamadhnisë së tij, Leka Zogu I. Deri atëherë, nuk mund të themi asgjë konkrete”. Sa i përket protokollit mbretëror lidhur me ditët se sa mund të rrijë një monark pa u varrosur, nga rezidenca mbretërore na bëjnë të ditur se “nuk ka një rregull, një përcaktim të saktë mes kohës së vdekjes së një mbreti dhe varrimit të tij. Funerali varet vetëm nga përgatitjet, në mënyrë që ato të jenë të një niveli sa më të lartë”

Pengu i Leka Zogut, kthimi i eshtrave të babait në atdhe
Një fushatë e nisur me utopi që nga komunizmi, e vijuar me shpresa të mëdha në demokraci dhe e premtuar zyrtarisht vetëm së fundi nga Kryeministri Sali Berisha, por që fatkeqësisht Leka Zogu I nuk arriti dot ta realizonte. Tashmë ky është amaneti për birin e vetëm, princin Leka Zogu II, që pas vdekjes së Leka Zogut I dje në mëngjes, është automatikisht pretendenti i ri i fronit mbretëror shqiptar. “Kthimi në atdhe i eshtrave të babait të tij, Ahmet Zogut, ka qenë dëshira e hershme e mbretit Leka Zogu I dhe ndër dekada ka zhvilluar vazhdimisht negociata, pavarësisht se kush ka qeverisur. Kur më në fund ishte në prag të realizimit të ëndrrës, pasi i ishte premtuar kthimi me rastin e 100-vjetorit të Pavarësisë, ai ndërroi jetë duke i lënë kështu përmbushjen e amanetit djalit Leka Zogu II”, thonë burime nga oborri mbretëror, që në këtë rast “oborri” është godina e ish-Pallatit të Pionierit në Tiranë. Me pamje gri nga jashtë, por plot me ngjyra dhe relikte të çmuara nga brenda, dyert e rezidencës dykatëshe kanë qëndruar dje gjatë gjithë ditës të hapura për vizita. Kështu do të jenë deri të shtunën, pasi siç na informuan zyrtarisht nga Pallati Mbretëror, çdokush që dëshiron mund të ngushëllojë familjen. Ashtu si ne… Sapo hymë, në krah të majtë, ndodheshin anëtarët e familjes mbretërore. Princi Leka II dhe e fejuara e tij, Elia Zaharia, na falënderuan për prezencën, na falënderuan pas çdo fjale ngushëlluese, por më shumë na falënderuan nëse “i lëmë të qetë për ca ditë, për ndonjë intervistë të mundshme”. “E dini? Kam marrë shumë mesazhe personalitetesh dhe i vlerësoj shumë ato. Por, kam marrë gjithashtu mesazhe nga qytetarë nga Kosova, Maqedonia, Mali i Zi dhe shumë shqiptarë të tjerë nga diaspora. Kjo tregon që im atë nuk ishte vetëm mbret i Shqipërisë, por i të gjithë shqiptarëve”, thotë Leka II gjatë një bisede të shkurtër për “Panorama”, ndërsa shton: “Familja mbretërore ngushëllon popullin shqiptar për humbjen e mbretit legjitim dhe çdokush që dëshiron të bëjë nderimet e fundit, është i mirëpritur në rezidencë”. Me lot prej biri, princi dhe prej trashëgimtari të ardhshëm, Leka Zogut II i reflektohej në fytyrë dhimbja reale për humbjen e njeriut të dashur, që në sytë e publikut ishte mbreti i shqiptarëve. Pranë tij ndodhej edhe Skënder Zogu, i kthyer nga Franca me këtë rast, kushëriri i Leka Zogut I, ndërsa pritej mbërritja e të afërmve të tjerë: Ergun Zogu (nipi i Zija Pashë Zogollit), Sermet Agolli Dushishti (nipi i Mbretit Zog), motra e Geraldinës nga Marseja, me djalin e saj, Reno, i cili është deputet në Francë me partinë e Presidentit Sarkozi etj. Sakaq, në rezidencë shihej qartë prezenca e madhe e legalistëve, duke ia nisur që nga kryetari Ekrem Spahia, që rrinte ngjitur me treshen mbretërore Leka-Elia- Skënder, ndërsa nënkryetari Sulejman Gjana hynte e dilte sipas vizitave dhe kërkesave, për shkak të angazhimit të tij me organizimin dhe pritjet. Si i tillë, ne e pyetëm rreth personaliteteve që kanë shkuar për ngushëllim apo kanë çuar mesazhe dhe ai radhiti një listë të gjatë me emra kombëtarë dhe ndërkombëtarë nga fusha të ndryshme. Sigurisht, me shumë “merak” Gjana përmendi qeveritarët, diplomatët, përfaqësuesit e mbretërive të huaja etj., por shmangu disa herë përgjigjen rreth kuriozitetit tonë për emrat e politikanëve të majtë. Një devijim informacioni me takt nga ai, por një këmbëngulje krejt pa takt nga ne, derisa më në fund morëm përgjigjen: “Jo, asnjë politikan i majtë nuk ka ngushëlluar”. Ndërkaq, i pyetur rreth dëshirës së fundit të të ndjerit, Gjana duket se di më shumë se sa amaneti, edhe pse duke respektuar protokollin dhe hierarkinë, me gjasë tregon shumë pak. Në fakt, pak e saktë: “Viti i ardhshëm, që përkon me 100-vjetorin e Pavarësisë së Shqipërisë, duhej të ishte viti i bashkimit të eshtrave të familjes mbretërore. Nëna Geraldinë dhe bashkëshortja Suzanë prehen në Sharrë, i cili është vendvarrimi i përkohshëm për to dhe janë në pritje të rikthimit të eshtrave të Ahmet Zogut. Që të tre, ashtu siç u takon, duhet që të varrosen përfundimisht pranë nënës Sadije, apo siç njihet ndryshe nga të gjithë, te Varri i Nanës Mbretneshë, pranë parkut të Liqenit të Tiranës”. Me aq sa ka dijeni Gjana, Leka Zogu I nuk ka lënë ndonjë testament, ndërsa dikush tjetër pranë Pallatit Mbretëror na informon se ai prej kohësh kishte nisur një autobiografi, por që për shkak të shëndetit të dobët nuk e ka përfunduar dot.

VESI I VJETER 
Prej vitesh Leka Zogu I konsumonte mesatarisht dy paketa duhan në ditë. Ai, edhe pas shtrimit në reanimacion është shprehur se e kishte të vështirë të hiqte dorë nga ky ves. “Eh… duhanin, nuk mund ta lë”, është shprehur Leka Zogu dy ditë pas shtrimit në reanimacion. Ndërkaq, në këtë shërbim nuk mund të hynte askush përveç personave që lejoheshin nga familjarët e pretendentit për fronin mbretëror. Jashtë, për 24 orë, truproja e familjes mbretërore 24 orë ka monitoruar çdo lëvizje.

LEKA ZOGU II, MBRET BRENDA 10 DITËVE 
Brenda 10 ditësh nga vdekja e babait, Leka Zogu II duhet të organizojë një ceremoni ku ta shpallë veten zyrtarisht “Mbret të Shqiptarëve”. “Për trashëgiminë mbretërore do të zbatojmë Kushtetutën e Monarkisë. Në nenin 51 thuhet se ‘trashëgimi i Fronit Mbretëror i përket djalit më të madh të Mbretit dhe trashëgimia vazhdon brez pas brezi në vijë direkte, mashkull pas mashkullit’”, thonë burime nga familja mbretërore, ndërsa në nenin 58 përcaktohet afati kohor brenda 10 ditësh.

BETIMI QË BËHET SIPAS KUSHTETUTËS 
Sipas Statutit themeltar të Mbretërisë Shqiptare, Leka Zogu II duhet të bëjë betimin: “Unë (emri), Mbreti i Shqiptarëve, në minutën që hyp në fronin e Mbretërisë Shqiptare dhe marr në dorë pushtetet mbretërore, betohem para Zotit Fuqimadh se do të ruaj njësinë kombëtare, pavarësinë shtetërore dhe tërësinë tokësore; gjithashtu, do të ruaj Statutin e do të veproj pikërisht sipas atij dhe sipas ligjeve në fuqi, duke pasur parasysh gjithmonë të mirën e popullit. Perëndia më ndihmoftë”.

Leka Zogu do varroset me uniformë ushtarake
kabinetit qeveritar u mbajt një minutë heshtje, si dhe u miratuan dy vendime për organizimin e ceremonisë mortore. Kështu, në të gjitha institucionet, shtetërore dhe publike, flamuri kombëtar do të ulet në gjysmështizë dhe në orën 12:00 do të mbahet një minutë heshtje. Në të njëjtën kohë Radio- Televizioni Publik Shqiptar, gjatë zhvillimit të ceremonialit, do të transmetojë muzikë funebre. Në mbledhjen e djeshme u ngrit komisioni shtetëror për kryerjen e ceremonisë funebre. Ky komision do të përbëhet nga zv.kryeministri Edmond Haxhinasto, ministri i Kulturës, Aldo Bumçi, ministri i Mbrojtjes, Arben Imami, një përfaqësues i Oborrit Mbretëror, një përfaqësues i protokollit të shtetit dhe një përfaqësues i protokollit të Kuvendit. Duke folur në mbledhjen e qeverisë, Kryeministri Sali Berisha u shpreh se ndalimi i kthimit të atdhe të familjes mbretërore pas përfundimit të Luftës së Dytë Botërore ishte një nga veprimet më arbitrare të Enver Hoxhës. “Mbreti Zog u largua nga Shqipëria, ashtu siç u larguan mbretërit e tjerë, nga mbretëritë e pushtuara nga forcat nazifashiste. Por Mbreti Zog qëndroi në të gjithë kohën, në anën e koalicionit antifashist. Më 7 prill 1939, forcat dhe mbështetësit e tij, të udhëhequra nga Abaz Kupi, luftuan me trimëri në Portin e Durrësit. Natyrisht, Lufta Nacionalçlirimtare mori edhe aspektin e saj vëllavrasës, siç dëshmojnë dokumente të panumërta dhe kjo vëllavrasje kishte vetëm një qëllim, të garantonte me çdo kusht Enver Hoxha pushtetin”, u shpreh Kryeministri. Ai u ndal gjithashtu edhe te referendumi i vitit 1997, për të cilin tha se nuk është një çështje e mbyllur. “Në vitin 2003, Parlamenti shqiptar votoi ligjin, ku i njeh atributet familjes mbretërore dhe ky ishte një vendim shumë i drejtë. Dua të theksoj se edhe referendumi u bë në flakët e rebelimit komunist dhe nuk mund të konsiderohet si një çështje e mbyllur. E vërteta është se pa diskutim në atë referendum dominoi parimi stalinist: ju votoni, numërimin e votave jua bëj unë. Por ajo që është reale, shqiptarët votuan masivisht, nga Konispoli në Vermosh, për mbretin e tyre. Referendumi nuk e kapi kuotën, por atë e përcaktuan ata, të cilët manipuluan dy javë rresht votat e referendumit”, u shpreh më tej Berisha.
CEREMONIA Skënder Zogu, djali i xhaxhait të princit Leka, zbuloi dje në një intervistë në “Top Channel” detaje nga ceremonia mortore, që do të zhvillohet të shtunën. Sipas tij, kjo ceremoni do të zhvillohet në Parlament, sipas vendimit të qeverisë dhe Mbreti do të vihet në arkivol me uniformë ushtarake. “Kanë ardhur me qindra persona në pallat dhe na kanë qëndruar me të vërtetë shumë pranë. Një zonjë mes filmimeve tuaja tha që Mbreti s’ka bërë ndonjë gjë, por ai ka luftuar gjithmonë. Jetën e sakrifikoi në mërgim. Ka pasur gjithmonë si ideal Shqipërinë, lumturinë e popullit, çlirimin nga serbët… Do të jetë një ceremoni e zakonshme, si u bë për nënën Geraldinë dhe Suzanën. Do të vihet në arkivol me uniformë ushtarake. Pas ceremonisë në Parlament do të shkojë në varreza në Sharrë, ku ka vendin e tij, pranë nënës dhe Suzanës. Do të mbahen edhe lutje fetare sipas zakoneve tona myslimane”, tha Skënder Zogu. Ai tha se për këtë ceremoni do të vijnë të afërm nga Turqia, Franca, Jordania, Arabia Saudite dhe Spanja. I pyetur se çfarë do të ndodhë më pas, kushëriri i Leka Zogut thotë: “Vazhdon trashëgimia. Ai ka lënë një trashëgimtar, që do të vazhdojë në rrugën e gjyshit dhe babait të tij. Leka II punon në Ministrinë e Brendshme, mban një detyrë zyrtare dhe vazhdon në këtë rrugë, kjo është e ardhmja. A duhet të martohet? Besoj se është i fejuar dhe një ditë do të martohet. Për momentin, nuk jam në gjendje t’ju them ç’do bëhet. Me sa di unë, Mbreti Leka nuk ka lënë testament. Dje erdha dhe kalova natën pranë Mbretit. Me këtë rast, falënderoj mjekët dhe personelin e klinikës, që është përkujdesur në mënyrë të përsosur”.

Protokolli i shtetit
Mesditën e sotme do të zhvillohet mbledhja e parë e komisionit shtetëror, që do të përcaktojë detajet e ceremoninë mortore të Leka Zogut I. Sipas vendimit të qeverisë, kjo ceremoni konsiderohet ‘funebre shtetërore’ dhe për të ka një kapitull të veçantë në ligjin e protokollit të shtetit. Në pikën 10 të protokollit thuhet se arkivoli i vendosur në shtrat topi, i mbuluar me flamur kombëtar, niset nga vendndodhja, i shoqëruar nga gjashtë truproja nderi, tre në çdo anë.

Majko: Mbreti ishte patriot dhe burrë i veçantë, e konsideroja mik
Megjithëse pretendenti i fronit mbretëror, Mbreti Leka I, u nda nga jeta në mëngjesin e ditës së djeshme, Partia Socialiste ende nuk ka dalë me një deklaratë zyrtare. Asnjë prej përfaqësuesve të kësaj partie nuk është shprehur në media mbi këtë ngjarje. I vetmi përfaqësues i selisë rozë, që ka ndarë qëndrimin e tij në publik, ka qenë deputeti Pandeli Majko. Ishkryeministri i vendit ka preferuar komunikimin në rrjetin social ‘Facebook’ për të dhënë vlerësimin e tij mbi figurën e pretendentit për fronin mbretëror. “Ndërroi jetë Leka i Parë. Për mua ishte një burrë i veçantë dhe patriot. E konsideroja mik”, shkruan Majko në faqen e tij në internet. Partia Socialiste në të kaluarën ka pasur marrëdhënie jo të mira me familjen mbretërore. Raporti i vështirë mes të majtës dhe Mbretit u evidentua edhe në vitin 1997, kur vendi ishte në krizë politike për shkak të shembjes së piramidave. Në qershor të atij viti u zhvillua referendumi për mënyrën e qeverisjes së vendit dhe dy alternativat ishin republika dhe mbretëria. Në përfundim të procesit zgjedhor, fitoi varianti i republikës parlamentare. Me ardhjen në pushtet të socialistëve, familja mbretërore iu nënshtrua një procesi të tejzgjatur gjyqësor dhe u akuzua për grusht shteti. Pas një incidenti të ndodhur pak ditë pas zgjedhjeve, pretendenti për fronin mbretëror u largua nga Shqipëria për t’u rikthyer në vend përgjithmonë në qershor të vitit 2002.

Topi: Mbreti, rol aktiv për rrëzimin e komunizmit 
Presidenti i Republikës, Bamir Topi, ka shprehur hidhërimin për ndarjen nga jeta të Mbretit Leka Zogu I. Me anë të një mesazhi zyrtar, kreu i shtetit Topi tha se: “Leka Zogu I pati një jetë të vështirë, por pavarësisht nga fatet e jetës, ai nuk reshti në asnjë çast duke punuar me përkushtim e dashuri në mbrojtjen dhe promovimin e çështjes shqiptare. Në kujtesën tonë kombëtare kanë mbetur të gjalla përpjekjet dhe roli i tij aktiv për rrëzimin e sistemit komunist dhe, gjatë tranzicionit, për lartësimin e vlerave kombëtare dhe nxitjen e proceseve integruese të Shqipërisë”.

LSI: NDARJA NGA JETA E MBRETIT, HUMBJE E MADHE
Ndarja nga jeta e mbretit Leka Zogu I është përcjellë me mesazhe ngushëlluese për familjarët nga Lëvizja Socialiste për Integrim. Ilir Meta, kreu i LSI-së, ka deklaruar se froni mbretëror ka luajtur një rol të rëndësishëm në konsolidimin e shtetit shqiptar dhe në historinë kombëtare. Ngushëllimet e Metës u janë drejtuar familjarëve të Mbretit dhe veçanërisht princit Leka Zogu II. “Ndarja nga jeta është një humbje e madhe për ju, për të afërmit, për të gjithë ata që e njohën nga afër dhe për bashkatdhetarët.”

PDIU: SIMBOLI I REZISTENCËS ANTIKOMUNISTE 
Partia Drejtësi, Integrim dhe Unitet ngushëlloi dje familjen mbretërore për ndarjen nga jeta e Naltmadhërisë së Tij, Leka Zogu I. “Jeta në mërgim ku është detyruar të jetojë Leka Zogu I, nuk ka mposhtur përpjekjet e tij në të mirë të atdheut. Përmes sakrificave dhe luftës së vazhdueshme, ai u kthye në simbolin e rezistencës antikomuniste, gjatë regjimit diktatorial në Shqipëri, duke i dhënë figurës së tij një rëndësi historike”. Familja mbretërore sipas PDIU-së duhet të gëzojë një status të veçantë, çka ende është një detyrë për t’u plotësuar nga qeveria shqiptare.

Odiseja: Leka I, mbreti me kurorë dhe pa pushtet
Një “mbret” që pas shumë përpjekjesh u kthye më në fund me kurorë në vendlindje, por pa pushtet. Sipas njoftimit të oborrit mbretëror shqiptar, “në të zbardhur të datës 7 prill, fëmija i vetëm i Mbretit Zog I dhe Mbretëreshës Geraldinë të shqiptarëve, largohet në drejtim të kufirit me shtetin grek. Më pas, në Turqi, Rumani, Poloni, vendet baltike, Suedi, Norvegji, për të mbërritur përfundimisht në Francë, në muajin korrik. Pas fillimit të sulmit gjerman më 10 maj 1940, familja mbretërore shqiptare shpërngulet drejt Perëndimit, ku me anije mbërrijnë në Britaninë e Madhe. Mbreti George IV i Anglisë do t’i ofronte mbrojtje dhe siguri gjatë gjithë periudhës së Luftës II Botërore. Me përfundimin e luftës, Familja Mbretërore zhvendoset kësaj radhe në Egjipt, pas ftesës së marrë prej Mbretit Faruk, i cili ishte pasardhës i shqiptarit themelues të dinastisë mbretërore egjiptiane, Mehmet Ali Pasha. Ndryshimet politike në Egjipt sollën si rezultat zhvendosjen e radhës për familjen mbretërore shqiptare, e cila në korrik të vitit 1955 u vendos përfundimisht në Cannes të Francës. Në vitet 1956-1959 do të regjistrohet në akademinë ushtarake të Sandhurst, prej së cilës do të gradohet si toger. Pas kthimit në Francë, ai ndoqi studimet e larta në Drejtësi dhe shkenca ekonomike në Sorbonë, si edhe disa kurse për gjuhët dhe kulturën orientale. Më 5 prill 1957, kur Princi Leka mbush plot 18 vjeç, Mbreti Zog e shpall atë trashëgimtar të kurorës mbretërore. Ndërsa pas vdekjes së Mbretit Zog në spitalin Foch të Parisit më 9 prill 1961, në përputhje me statutin e Mbretërisë shqiptare të vitit 1928, vendin e Mbretit Zog e zuri Mbreti Leka i Parë, i cili bëri edhe betimin para një Asambleje të shqiptarëve në mërgim, të përbërë prej dinjitarësh të lartë të Mbretërisë, ish- deputetë, ministra e ofiqarë të ndryshëm, si dhe delegacione e përfaqësi të shqiptarëve të ardhura nga të katër anët e botës. Kësisoj, ai u bë sipas Kushtetutës së vitit 1928, Mbret i shqiptarëve. Në shtator 1962, ai la Francën për t’u vendosur në Spanjë, ku vendosi kontaktet me Mbretin Juan Carlos të Spanjës dhe Mbretin Simeon II të Bullgarisë. Në vitin 1976, Mbreti Leka themeloi Këshillin për Çlirimin e Shqipërisë Etnike, dhe njëherësh zgjidhet edhe Komandant i Ushtrisë Kombëtare për Çlirimin e Shqipërisë Etnike. Gjatë vitit 1977, ai i intensifikon aksionet dhe demarshet politike kundër regjimit komunist të Tiranës. Por ky aktivitet do të bëhej shkak që Spanja,- një aplikante e zjarrtë për t’u anëtarësuar në Europën e Bashkuar (C.E.E) – të tërhiqej përballë trysnisë së disa vendeve që ankoheshin se rrëzimi i qeverisë komuniste në Shqipëri do të sillte si efekt edhe destabilizimin e Jugosllavisë. Prandaj, qeveria spanjolle kërkoi ndërprerjen e aktivitetit të Mbretit Leka, duke e detyruar këtë të fundit të largohej në janar të vitit 1979 drejt Rhodezisë e më pas në Afrikën e Jugut”. Më pas, oborri mbretëror përshkruan përpjekjet e Mbretit Leka I për ngjarjet e dyfishta të korrikut 1990, si dhe thirrjet e tij për popullin shqiptar që të bojkotonte zgjedhjet e 31 marsit 1991, të cilat parashikonte se do të manipuloheshin nga PPSH-ja, siç edhe rezultoi. Përshkrimi vijon me historinë e kthimit të tij në vitin 1993 me një vizitë të shkurtër, me referendum më 1997-n dhe në qershor të vitit 2002, vit kur ai u vendos përfundimisht në Shqipëri.

Kthimi i fundit
Pas referendumit 1997, mbreti Leka I u largua më 12 korrik 1997, plot 3 muaj pasi kishte vënë këmbën në atdheun e tij, me premtimin se ishte i gatshëm të kthehej në momentin që do ta kërkonte populli shqiptar. Në qershor të vitit 2002, mbreti Leka I, në respektim të një kërkese të bërë prej 76 deputetësh të Kuvendit të Shqipërisë, mori vendimin që të kthehet përgjithmonë në atdhe.

Më 8 tetor 1975 Mbreti Leka kreu ceremoninë civile të martesës në Biarritz të Francës me një fisnike të re australiane, Susan Cullen-Vvard, në prani të një numri të madh shqiptarësh. Ndërsa më 10 tetor, në Toledo të Spanjës, përfaqësuesit e klerit mysliman shqiptar, të kishës ortodokse dhe katolike, si dhe një prift anglikan, bekojnë martesën e çiftit mbretëror. Ata jetuan të lumtur deri në vitin 2004, kur bashkëshortja Susan ndërroi jetë nga një sëmundje e rëndë.

26 mars 1982 Në Johanesburg, më 26 mars 1982, vjen në jetë trashëgimtari i kurorës mbretërore, princi Leka II. Kjo ngjarje është shënuar edhe nga një gjest i rëndësishëm, siç është akordimi i ekstraterritorialitetit për familjen mbretërore dhe, për pasojë, vendi ku princi Leka II ka lindur, është konsideruar si tokë shqiptare. Aktualisht ai është i fejuar me Elia Zaharian dhe pas vdekjes së babait, është automatikisht trashëgimtari i fronit mbretëror.

Nëntor 1993 Mbreti Leka zhvilloi një vizitë në Tiranë, që nuk shkoi sipas planit. Pati keqkuptime mes përfaqësuesve të oborrit mbretëror dhe policisë shqiptare, për shkak të dokumenteve të udhëtimit dhe armatimeve personale. Ai u rikthye në atdhe më 12 prill 1997 dhe më 29 qershor 1997 zhvilloi referendumin për kthimin e monarkisë. Rezultati i KQZ dha verdiktin me 34% pro monarkisë, ndërsa mbreti Leka pretendoi për të paktën 54% në rang vendi.

Elisabeta Ilnica
Zirina Llambro

-------------------------------------------------------------------- 

http://www.botasot.info/def.php?gjuha=0&category=97&id=146043

02.12.2011

Jahjaga ngushëlloi familjen mbretërore të Leka Zogut

Presidentja e Republikës së Kosovës, Atifete Jahjaga, ngushëlloi familjen mbretërore shqiptare pas ndarjes nga jeta të Naltmadhënisë së Tij, Mbretit të Shqiptarëve Leka I Zogu

Në telegramin e ngushëllimit thuhet: "Morëm me pikëllim të thellë lajmin për ndarjen nga jeta të më të dashurit tuaj, të mbretit të shqiptarëve, Naltmadhënisë së Tij Leka I Zogu. Në emrin tim personal, në emër të institucioneve dhe në emër të gjithë qytetarëve të Republikës së Kosovës, ju shpreh ngushëllimet më të sinqerta.
Me këtë rast, vlerësojmë lart kontributin e familjes mbretërore në ndërtimin e shtetit dhe demokracisë shqiptare dhe punën, përherë. në të mirë të Kombit. Qytetarët e Kosovës e ruajnë kujtimin për Mbretin e Shqiptarëve N.M.T. Leka I Zogu, i cili gjithmonë dhe në çdo rast ishte me Kosovën. Ngushëllimet më të thella për ju familjen Mbretërore Shqiptare dhe për mbarë kombin shqiptar".

-------------------------------------------------------------------- 

http://www.shqiptarja.com/shq_lajm.php?IDNotizia=66206&IDCategoria=2706

-------------------------------------------------------------------- 

http://www.shqiptarja.com/shq_lajm.php?IDNotizia=66181&IDCategoria=2706

-------------------------------------------------------------------- 

http://www.standard.al/index.php/news/te-tjera/13050-topi-dhe-nano-ngushellime-ne-familjen-mbreterore.html

Topi dhe Nano, ngushëllime në Familjen Mbretërore

Nga Enkelejda Gjuzi

Në familjen mbretërore, vijojnë ende vizitat e ngushëllimit për ndarjen nga jeta pretendentit të fronit mbretëror Leka Zogu I. Ditën e sotme kanë shprehur ngushëllimet e tyre edhe presidenti i republikës Bamir Topi si dhe ish-kryetari i Partisë Socialiste Fatos Nano. Kreu i Shtetit sëbashku me Zonjën e Parë i shprehën ngushëllimet për humbjen e pazëvendësueshme të pretendentit të fronit familjarëve e në mënyrë të veçantë djalit të tij, Leka Zogu II si dhe bashkëpunëtorëve të shumtë të njërës prej figurave më të rëndësishme atdhetare e antikomuniste shqiptare, ku sipas presidentit, i cili me përkushtim dhe devotshmëri, ia kushtoi jetën përpjekjeve të vazhdueshme në të mirë të Shqipërisë dhe të shqiptarëve. Pas lënies së një shënimi në Librin e Zisë të vendosur me këtë rast në mjediset e Oborrit Mbretëror, Presidenti i Republikës rishprehu ngushëllimet dhe vlerësimet edhe para përfaqësuesve të shumtë të medias, duke theksuar: “Erdha të ngushëlloj nga afër Familjen Mbretërore për humbjen e Leka Zogu I. Sigurisht ndava me Princ Lekës dhimbjen, e cila nuk është vetëm e familjes, por e mbarë shoqërisë shqiptare që sot respekton një njeri, i cili ndonëse pati një jetë shumë të vështirë larg Shqipërisë, asnjëherë nuk iu shmang detyrimeve qytetare për të qenë një patriot dhe për të kontribuar për çështjen kombëtare”. Ai ka theksuar se Shqipëria sot ka nevojë për çdo njeri për të kontribuar për të ardhmen e këtij vendi që sigurisht është dhe ka qenë edhe në ëndrrat e të gjithë patriotëve shqiptarë për të qenë pjesë e Evropës së qytetëruar. Ndërkohë dita e nesërme në të gjithë vendin do të jetë ditë zie. Përcjellja për në banesën e fundit të pretendentit për fronin mbretëror Leka Zogu i I do të përfshijë nderimet më të larta që parashikohen në protokollin e shtetit.

http://www.gazeta-shqip.com/#/politike/521cc0f349ed932f0b85ef4976f79f63.html

Topalli, ndryshe nga Berisha në emërtimin e Leka Zogut

2011-12-02

Deklarata

Kryeparlamentarja nuk e përmend cilësimin “Mbret”

Kryetarja e Kuvendit, Jozefina Topalli, shpreh ngushëllimet për ndarjen nga jeta të pretendentit për fronin mbretëror, Leka Zogu I. Ndryshe nga Kryeministri Sali Berisha, Topalli në ngushëllimin e bërë, 24 orë pas bërjes publike të lajmit për humbjen e Leka Zogut I, shprehet ftohtë, pa i dhënë epitete si mbret i shqiptarëve. “Me dëshpërim të thellë mora lajmin e hidhur se Madhëria e Tij, Leka Zogu u nda nga jeta. Në kujtesën tonë Leka Zogu do të mbetet shqiptari foshnje dyditëshe që la Shqipërinë dhe u rrit në dhe të huaj; porse u mëkua dhe u edukua me dashurinë dhe krenarinë për popullin, gjuhën dhe vendin e vet dhe mishëroi vlerat dhe virtytet më të mira të shqiptarëve. Në gjurmët e të atit, Leka Zogu iu përkushtua çështjes kombëtare dhe u shqua si inspirues dhe përkrahës i paepur i përpjekjeve për liri dhe dinjitet të shqiptarëve në trevat e tyre dhe kudo”, thuhet në ngushëllimin e kryeparlamentares. Gjithashtu Topalli shprehet se familja mbretërore dhe Leka Zogu “gjatë një mërgimi të vështirë, përjetuan dhimbjen e ndalimit të egër nga diktatura komuniste të jetojnë në vendin amë dhe kthehen në Shqipëri vetëm me vendosjen e demokracisë, duke marrë pjesë në zhvillimet pozitive të vendit”.

“Me ndarjen nga jeta të Leka Zogut, ne humbën një atdhetar të mençur dhe shqiptarët kudo humbën një figurë të rëndësishme të historisë së tyre politike, një figurë që tashmë ka vendin e vet të nderuar në kujtesën tonë kombëtare. Në këtë ditë të rëndë, unë dëshiroj të ndaj me familjen e Madhërisë së tij Leka Zogu, dhimbjen për humbjen e pazëvendësueshme të njeriut të dashur dhe me gjithë bashkëkombësit e mi hidhërimin e thellë për humbjen e një personaliteti. Duke shprehur ngushëllimet e mia më të ndjera, dëshiroj të ndaj me Princin Leka dhe të gjithë anëtarëve të familjes mbretërore, si dhe me gjithë shqiptarët lutjen që shpirti i Leka Zogut të prehet në paqe në tokën ku u lind”, thuhet në mesazhin e ngushëllimit. Kryeministri Sali Berisha në qëndrimin e tij la të hapur mundësinë për bërjen e referendumit për monarkinë, si dhe u shpreh se votimi i 1997 për sistemin e regjimit në Shqipëri u manipulua. Në mbledhjen e qeverisë, të gjithë ministrat mbajtën një minutë heshtje për vdekjen e Leka Zogut I.

-------------------------------------------------------------------- 

http://www.shekulli.com.al/shekulli/2011/12/02/nderron-jete-ne-moshen-72-vjecare-leka-zogu-i/

02/12/2011 14:55

Presidenti Bamir Topi dhe Zonja e Parë ngushëllojnë Princ Lekën

(I përditësuar)-Presidenti Bamir Topi bashkë me Zonjën e parë Teuta Topi, vizituan sot familjen mbretërore për të shprehur ngushëllimet e tyre një ditë para ceremonisë së varrimit të Leka Zogu I.

Pas lënies së një shënimi në librin e zisë të vendosur me këtë rast në mjediset e Oborrit Mbretëror, Presidenti i Republikës vlerësoi Leka Zogun e Parë, si patriot që ka kontribuar për çështjen kombëtare.

“Vdekja e Leka Zogu i I është një humbje jo vetëm për familjen mbretërore por edhe për të gjithë vendin. Të gjithë e dimë se edhe pse ai ishte larg Shqipërisë nuk i është shmangur asnjëherë detyrimeve qytetare për të qenë një patriot”, tha Topi.

-------------------------------------------------------------------- 

http://www.shekulli.com.al/shekulli/2011/12/02/guxim-alimani-si-u-debua-nga-atdheu-mbreti-leke/

Rrëfimi i dëshmitarit: Si e rrethoi SHIK-u, Leka Zogun në Hotel Dajti në ’93 

Flamur Vezaj

Guxim Alimani është dëshmitar dhe protagonist i ngjarjes së 19-20 nëntorit 1993, të cilat ai i përmbledh me “dëbimi nga atdheu i mbretit Lekë”. Në një rrëfim të shkruar për “Shekullin”, z. Alimani thotë se “si dëshmitar i atyre 18 orëve të qëndrimit në Atdhe të Mbretit kam për detyrë të sqaroj në detaje dijen dhe përjetimin tim”.

Alimani pohon se “shumë pak njerëz mund ta kenë ditur ekzaktësisht ardhjen e mbretit më 19 nëntor 1993 në Shqipëri”. Përgatitjen për ardhjen e Lekës dhe mbërritjen e tij në Rinas Alimani e përshkruan mes të tjerash me këto fjalë:

“…Guri Durollari kishte filluar në konspiracion përgatitjet për këtë ardhje. Ai kishte prenotuar të gjithë ushtarët luksozë të parkut të delegacioneve, si dhe suitat në hotel “Dajti” duke gënjyer kureshtarët se do të vinte Nëna Mbretëreshë Geraldinë. Po ashtu, nën këtë pretekst, Durollari kishte lajmëruar dhe sponsorizuar mbërritjen në Tiranë të përkrahësve të njohur të Mbretit nga mbarë vendi. Nisja për në Rinas në mesditën e 19 nëntorit u bë e organizuar diku afër stadiumit “Dinamo”. Unë duke besuar deri dikund Gurin arrita të firmos në Ministrinë e Brendshme rreth 70 leje V.Q.A., d.m.th., për t’u futur në territorin ku uleshin avionët. Karvani i makinave ishte dekoruar me flamuj kombëtarë dhe simbole dalluese të monarkisë. Për koincidencë, pikërisht atë ditë dhe në të njëjtin orar, në aeroport do të mbërrinte kryeministri Meksi nga një pritje zyrtare në Bullgari. Avioni çarter që solli Mbretin Lekë arriti i pari. Durollari, sapo ndaloi aeroplani dhe hodhi shkallën, u ngjit lart dhe pas 2 minutash zbriti në mënyrë enigmatike me dy pasaporta në dorë. Më bëri me shenjë ta shoqëroja dhe së bashku u drejtuam në sportelin e policisë kufitare aeroportuale. Miqtë e mi, Çezar Tare dhe Lulëzim Shala, që drejtonin atë kohë policinë e Rinasit më panë me habi tek panë pasaportën e Mbretit Lekë. Ajo ishte një pasaportë ndërkombëtare diplomatike e lëshuar në emër të Mbretërisë Shqiptare. Nuk jam as sot i sqaruar nëse kishte konotacion ndërkombëtar kjo tip pasaporte, por di që ithtarët dhe njerëzit shumë afër Mbretit në emigracion dispononin nga një të tillë (…) Gjithsesi vlen të përmendet se pasaportat e Mbretit Lekë dhe ministrit Abedin Mulosmanaj u vulosën për hyrje legale në territorin e Republikës se Shqipërisë…”

Më pas, Alimani rrëfen se si karvani me Leka Zogun dhe mbështetësit e tij u nis për Tiranë. “Mbreti Lekë de fakto për herë të parë shkelte dhe tokën arbënore, pasi dihet që në largimin e Familjes Mbretërore më 7 prill 1939, ai ishte vetëm një i porsalindur disa orësh. Kështu që do të duhej një penë “alla Kadare” dhe jo imja të mund të bënte një deskripsion afër reales së emocionit të Mbretit dhe besnikëve të tij që e patëm tyre atë ditë të zymtë nëntori 1993. Atë mbrëmje të 19 nëntorit 1993, hotel “Dajti” ku u akomodua Mbreti Lekë u kthye në shtëpinë e monarkistëve Shqiptarë. Mbreti u vendos në suitën nr. 214 të hotelit, më e mira që gjendej. Durollari e kishte prenotuar herët dhomën duke i thënë njëfarë ofiqari të hotelit me emrin Spartak Topollai se e donte për z. Abedin Mulosmanin. Arritja e Mbretit Lekë në hotel, siç do ta merrja vesh pak kohë më vonë, kishte shkaktuar tronditje në qarqet qeveritare dhe më tutje…”

Lidhur me atë që ndodhi më pas në hotel “Dajti”, Guxim Alimani ka një rrëfim edhe më të detajuar në një monografi kushtuar ish-ministrit të oborrit mbretëror, Abedin Mulosmanaj. Më poshtë, rrëfimi i z. Alimani për natën e vështirë në hotel “Dajti” dhe jo vetëm:

“…Për atë datë, unë kam shkruar pa mbarim, si dhe do të shkruaj sërish, pasi mendoj se akoma ka enigma që e mbështjellin atë natë të zezë për qeverinë e post diktaturës së atëhershme. Në librin tim “Fenillotage” – “18 orë pranë mbretit”, menjëherë pas asaj ngjarjeje me realizëm dhe dhimbje njëkohësisht kam përshkruar çdo detaj, prandaj nuk dua t’iu rikthehem të gjithave… Gjithsesi nuk mund të lë pa treguar rolin dhe cilësitë e veçanta të Ministrit Mulosmanaj, të cilat me gjithë fuqinë e tyre u shpalosën në dy ditët e zisë kombëtare të obligimit të largimit të largimit të Mbretit Lekë nga Shqipëria. Ky largim i dytë askush nuk mund të ma argumentojë se ka vetëm një tjetër precedent të mëparshëm, atë të 7 prillit, kur fashistët italianë e detyruan Madhërinë e saj Geraldinë të linte Shqipërinë me Princin Trashëgimtar – sot N.M.T Leka 1 vetëm pak orë të sapolindur. Siç e kam bërë shpesh herë përshkrimin e asaj nate makabre, kur gjysma e atdhetare e Shqiptarëve nuk fjeti aspak, Abedin Mulosmanaj kishte një rol të dorës së parë.

Duke u rrethuar në pabesi me suitën në dhomën Nr: 214 të hotel “Dajtit” nga forcat policore, shik-se dhe gardiste, Mbreti Lekë, Ministri Mulosmanaj u ndodhën në një situatë kritike, ku çdo vendim i nxituar pillte vëllavrasje apo edhe diçka më tepër. Shërbimet e huaja prezente e aktive në Tiranë, duket se do të mundnin ta shfrytëzonin në favorin e tyre këtë situatë, ku GJAH i majmë për ta, pritej të bëhej Mbreti i Shqiptarëve. Dhe faji dhe faqja e zezë do të binin tek shqiptarët, së bashku me pasojat e llahtarshme. Ky skenar falë gjakftohtësisë së gjykimit, si dhe trimërisë së pashoqe të mbretit dhe besnikut të tij, Abedin Mulosmanaj, do të përfundonte pa u kryer për t’i shpërthyer në duar z. Berisha në pranverën e vitit 1997. Sapo gjenerali Agim Shehu, drejtues i këtij Operacioni, do të fillonte ekspeditën, fjalët dhe veprat e Abedin Mulosmanajt qenë të prera dhe të guximshme: “Mbreti i Shqiptarëve, dokumentet e tij, Suita dhe gjithçka mban me vete janë të shenjta dhe nëse dikush guxon t’i prekë do të ketë pasojat më të rënda”.

Burri i fortë, thotë populli, e gjen vetë partnerin e burrërisë. Kështu ndodhi dhe atë mëngjes pas mesnatës së 19 nëntorit. Pasi kishin lënë Suitën e Mbretit për të pushuar ndonjë çast, kur shoferi i PLL-së, Ilir Xhudollari, trokiti në portën time duke më komunikuar thirrjen urgjente të Ministrit Mulosmani. Menjëherë iu gjenda pranë dhe nuk duhej shumë për të hetuar tek ai situatën e dyzuar që e dominonte. Agim Shehut i kishte ardhur në ndihmë një tjetër stërvinë, i quajtur Rexhep Karapici, i cili asokohe i printe SHIK-ut të Tiranës e që më vonë u shndërrua në një kundërshtar edhe të vetë Presidentit Berisha.

Abedini nuk pranonte të zgjonte Mbretin para orarit të zakonshëm, jo se situata nuk diktonte, por se burri i bjeshkëve nuk pranonte sfida spurdhjake, qofshin edhe të veshura me pushtet. Shkëmbyem me Ministrin disa fjalë, të cilat vetëm në një botë tjetër do t’i rikonsumojmë dhe në atë mëngjes të datës 20 rreth orës 3:20 zgjova menjëherë prej gjumit mikun tim Azem Hajdari.

Nuk dua të përmend dialogun, por mund të them se Azemi qe mik dhe simpatizant i Abedinit, të cilin e çmonte shumë. Ndoshta jo vetëm vendlindja, por më shumë cilësitë e rralla e të veçanta e kishin bashkuar me Abedinin. Sapo mbërrita në dhomë paralelisht ra edhe zilja e telefonit të Azem Hajdarit duke ftuar gjeneralin kasnec Agim Shehu në anën tjetër të receptorit: – Alo, jam Azem Hajdari, mos tento të prekësh Mbretin dhe Abedin Mulosmanin se më ke qysh tash krah tyre! Ata siç kanë ardhë do të lëshojnë Shqipërinë, por turpin do ta mbajmë ne.

Dhe vërtetë, Mbreti u largua për t’i lënë pozitës së atëhershme një njollë të zezë pis sa vetë nata që vijoi për të jo pa shumë pasoja…”

Kush është Guxim Alimani

Ka kryer studimet e larta në Universitetin e Tiranës, në vitin 1996 në Fakultetin e Gjuhëve të Huaja, dega Frëngjisht. Në vitin 1991 ishte redaktor në Radio Tirana, emisioni për bashkatdhetarët. Nga viti 1993, deri në vitin 1999, Alimani ishte kryeredaktor i gazetës “Atdheu”, organ i Partisë Lëvizja e Legalitetit. Po në këta shtatë vjet ka drejtuar Dhomën e Tregtisë belgo-shqiptare. Prej vitit 2001, është atashuar pranë një grupi monitorues të Krizave dhe Proceseve Integruese, iniciuar nga Bashkimi Evropian, ku kryen detyrën e adjutantit. Është botuesi i disa librave me monografi kryesisht të Mbretit Zog, familjes mbretërore. Vazhdon të merret njëkohësisht edhe me publicistikë. 

-------------------------------------------------------------------- 

www.rilindjademokratike.com/

Homazhet nisin në orën 10:00 dhe përfundojnë në orën 12:00 në mjediset e sallës së seancave të Kuvendit

Sot zi kombëtare, shqiptarët do të nderojnë Leka Zogun I

Shqiptarët do të përcjellin sot për në banesën e fundit, trupin e pajetë të N.M.T Leka Zogu I. E vendosur me vendim të Këshillit të Ministrave, dita e sotme do të jetë një ditë zie kombëtare në nderim të figurës së Pretendentit për Fronin Mbretëror Leka Zogu I, homazhet e të cilit do të nisin në orën 10:00 dhe do të përfundojnë në orën 12:00 në mjediset e sallës së seancave plenare të Kuvendit të Republikës së Shqipërisë. Përcjellja për në banesën e fundit të NMT Leka I do të përfshijë nderimet më të larta që parashikohen në Protokollin e Shtetit. Gjithashtu, në të gjitha institucionet, shtetërore dhe publike, do të ulet flamuri kombëtar në gjysmë shtizë dhe në orën 12:00 do të mbahet një minutë heshtje në nder të NMT, Leka Zogu I. Radio Televizioni Publik Shqiptar, gjatë zhvillimit të ceremonialit, të transmetojë muzikë funebre. Në homazhet që do të zhvillohen priten të marrin pjesë personalitete të larta të shtetit, ambasadorë të Trupit Diplomatik në Tiranë, përfaqësues të oborreve monarkike në Europë dhe më gjerë, miq të familjes së Mbretit Zog, shqiptarë nga Shqipëria dhe diaspora. Për përgatitjen e ceremonisë së homazheve dhe më pas varrimit në varrezat e Sharrës, Këshilli i Ministrave ka ngritur Komisionin Ndërministror, i cili do të marrë përsipër edhe shpenzimet e varrimit dhe të ceremonialit. Pretendenti i Fronit Mbretëror Leka Zogu I u nda nga jeta, në moshën 72-vjeçare, pas një arresti kardiak. NMT Leka Zogu i Parë qëndroi i shtruar prej datës 15 nëntor në reanimacionin e Neurokirurgjisë, në Spitalin Nr.5 në Qendrën Spitalore Universitare në Tiranë, pasi pësoi një fibrilacion arterial, formë e aritmisë, ai vuante prej kohësh nga shqetësime të rënda në zemër e mushkëri. Pretendenti i Fronit bëri një përpjekje të parë për të ringjallur dhe ushqyer idenë e monarkisë në fillim të viteve '90. Pas një jete të gjatë në mërgim, i larguar nga vendi kur kishte vetëm dy ditë jetë, në prill të 1939, ai shkeli për herë të parë në Tiranë në nëntor të 1993, me një vizitë të papritur, kur u ul në Aeroportin e Rinasit me një avion privat. Por, sërish qëndrimi do të ishte shumë i shkurtër, as 24 orë, pasi u detyrua nga autoritetet e atëhershme të largohej, pasi pasaporta e tij mbretërore nuk i njihej zyrtarisht. Ai do të rikthehej në prill të 1997. Në ato momente, ju afrua shumë pranë realizimit të ëndrrës së monarkisë, kur në zgjedhjet e qershorit të atij viti të trazuar mori një mbështetje të madhe. Zyrtarisht referendumi për monarkinë mori mbi 33 përqind, por ai dhe mbështetësit e tij pretenduan për manipulim të rezultatit. Rikthimi i tij përfundimtar, së bashku me familjen për të jetuar në Shqipëri do të bëhej në qershor të vitit 2002.

Topalli vizitë ngushëllimi në Familjen Mbretërore

Kryetarja e Kuvendit Jozefina Topalli zhvilloi dje një vizitë ngushëllimi në familjen e Leka Zogu I, i cili u nda nga jeta në moshën 72 vjeçare. Duke i shprehur ngushëllimet Princit Leka dhe familjarëve për ndarjen nga jeta të Leka Zogut I, Kryetarja e Kuvendit vlerësoi figurën e Leka Zogu I si një atdhetar të mençur dhe me humbjen e Tij, shqiptarët kudo humbën një figurë të rëndësishme të historisë së tyre politike, një figurë që tashmë ka vendin e vet të nderuar në kujtesën kombëtare. Kryeparlamentarja Topalli la dhe një shënim në librin e ngushëllimeve të çelur me këtë rast. "Përmes një Shpreh ngushëllimet më të sinqerta dhe më të thella për humbjen e trashëgimtarit të Mbretit Zog. Në të njëjtën kohë dua të shfrytëzoj këtë moment si një moment reflektimi. E para, është një moment, në të cilin ne duhet të rikthehemi dhe të nderojmë historinë tonë, historinë e pjesës së mbretërisë që është një ndër momentet e jashtëzakonshme të përpjekjeve të një lideri sepse Mbreti Zog i ishte një lider i jashtëzakonshëm, që bëri përpjekje dhe i'a arriti që të vendosë bazat e ndërtimit te shtetit shqiptar. E dyta, e shoh në planin politik. Është një moment që në duhet të kërkojmë të falur për të gjitha sulmet dhe urrejtjen që u injektua gjatë 50 viteve të komunizmit ndaj Mbretit Zog dhe ndaj gjithë familjes mbretërore. Shoqëria jonë i'a ka borxh që t'i kërkojë të falur për një sjellje të tillë, të mbushur me mllef dhe urrejtje ndaj kësaj familjeje" tha Kryetarja e Kuvendit. po ashtu ajo theksoi se Leka i Parë u largua nga ky vend kur ishte vetëm 24 orësh dhe ka kërkuar gjithë jetën e vet të kthehej këtu sepse e donte Shqipërinë, sepse ishte i injektuar me patriotizëm. "Mendoj se është një moment ngushëllimi për familjaret, që po në këtë shtëpi ku ka lindur Leka I, po këtu ai jep lamtumirën familjes së tij dhe vendit të tij. Unë mendoj se ndoshta të gjithë bashkë në këtë moment duhet të mendojmë se çfarë tjetër duhet të bëjmë për mbretëreshën Geraldinë, që është si një gur i çmuar, që shndërrin në historinë tonë. Unë besoj se duke nderuar këtë pjesë të historisë i bëjmë nder vetes tonë, familjes mbretërore, por dhe kombit shqiptar në tërësi" tha Topalli.

Akset rrugore që do të bllokohen

Policia e Shtetit njoftoi dje banorët e kryeqytetit për rrugët, të cilat do të qëndrojnë të bllokuara gjatë ditës së sotme, për shkak të kryerjes së homazheve në nderim të NMT Leka Zogu I. Në një njoftim për shtyp, Policia e Shtetit deklaroi se nga ora 08:00 deri në orën 13:00 do të merren masat për bllokimin e trafikut dhe moslejimin e parkimit të mjeteve, në segmentin rrugor përgjatë rrugës Xhorxh W. Bush nga Sheshi "Sulejman Pasha" deri te Bulevardi "Zhan D'Ark", Ura e rrugës së "Elbasanit". "Marrjen e masave të sigurisë gjatë zhvillimit të ceremonisë mortore të pretendentit për Fronin Mbretëror, Leka i Parë, që do të zhvillohet më datë 03.12.2011. Bazuar në shkresën e Drejtorisë së Protokollit të Ministrisë së Punëve të Jashtme të Republikës së Shqipërisë, datë 01.12.2011, dërguar në Drejtorinë e Përgjithshme të Policisë së Shtetit njoftohemi se, më datë 03 dhjetor 2011, ora 10.00 - 12.00, organizohen homazhe në hollin qendror të Kuvendit të Republikës së Shqipërisë ku dhe zhvillohet ceremonia mortore për vdekjen e Leka Zogu i I-rë Pretendent për Fronin Mbretëror dhe më pas do të përcillet trupi i tij për në banesën e fundit. Nga shërbimet e Njësisë Rajonale të Policisë Rrugore më datë 03 dhjetor 2011 ora 08.00 deri në orën 13.00 do të merren masat për bllokimin e trafikut dhe moslejimin e parkimit të mjeteve, në segmentin rrugor përgjatë rrugës Xhorxh W. Bush nga Sheshi "Sulejman Pasha" deri te Bulevardi "Zhan D'Ark", Ura e rrugës së "Elbasanit", thuhet në deklaratën e Policisë së Shtetit. Gjithashtu, policia ka marrë masat e sigurisë nga Kuvendi i Republikës së Shqipërisë-Bulevardi "Zhan D'Ark", Bulevardi "Dëshmorët e Kombit", Sheshi "Skënderbej", Rruga e "Kavajës", varrezat e Sharrës.

-------------------------------------------------------------------- 

http://www.shqiptarja.com/shq_lajm.php?IDNotizia=66163&IDCategoria=2706

-------------------------------------------------------------------- 

http://www.gazetaidea.com/brace-kunder-ceremonies-mortore-ne-parlament-te-leka-zogut-%e2%80%9cne-nuk-kemi-mbret-ne-kemi-republik-2/

Leka Zogu I, Braçe kundër ceremonisë mortore në Kuvend

2 Dhjetor 2011 | Kategoria: Politika | Postuar nga: Mentor Kikia

Tiranë- Deputeti socialist Erion Braçe ka deklaruar dje në faqen e tij në Facebook kundër organizimit të ceremonisë mortore të Leka Zogut nga qeveria. Ai e ka cilësuar këtë si një “histeri kundër republikës”, dhe si një justifikim i kryeministrit Berisha për të legjitimuar sjelljen jo-demokratike të tij në krye të institucioneve.

Më tej ai është shprehur: “Jozefina Topalli, ka lajmëruar se do të ofrojë sallën e Seancave Plenare për ceremoninë mortore të shtetasit Leka Zogu! (e ka marrë shtetësinë ky? Këta thonë jemi shtetas të Mbretërisë). Me ç’të drejtë? Leka Zogu ka qenë ndonjëherë deputet? JO! Leka Zogu ka qenë ndonjëherë ministër? JO! Leka Zogu ka qenë ndonjëherë president? JO! Atëherë?”- ka vijuar komentin e tij, në Facebook, Braçe.

“Ai është thjesht një shtetas! Por, a e ka hapur ndonjëherë Jozefina Topalli Kuvendin për ceremoninë e ndonjë shtetasi? Jo! Asnjëherë!”- tha Braçe.

Sipas tij, Leka Zogu ka qënë një mbret i vetshpallur, prandaj është i pallogjikshëm organizimi i një ceremonie mortore që nuk është parashikuar në protokoll.

“Ne nuk kemi mbret. Ne kemi republikë”- është shprehur Braçe në Facebook. Me këtë deklaratë të tijen, Braçe u ka dhënë kështu përgjgjje pyetjeve që u ngritën mbi heshjen e Partisë Socialiste pas vdekjes së Zogut si dhe mungesës së një ngushëllimi zyrtar nga kjo e fundit.

-------------------------------------------------------------------- 

http://www.rilindjademokratike.com/RD%202%20dhjetor/politika.htm#Parlamenti_ka_rivendosur_nj%EB_t%EB_drejt%EB_historike_n%EB_Protokollin_Shtet%EBror_dinjitoz,_si%E7_i_p%EBrket_Familjes_Mbret%EBrore

"Shqiptarët, në të katër anët kudo që jetojnë, janë të bashkuar në dhembjen dhe zinë për humbjen e Mbretit Leka I. Këtë bashkim e kanë të bazuar në kontributet historike të Tij, të Mbretit Zog, Mbretëreshës Geraldinë, të Familjes Mbretërore". Kryeministri Berisha, i shoqëruar nga bashkëshortja e tij, Liri Berisha, zhvilloi dje pasdite një vizitë ngushëllimi në familjen e Leka Zogu I, i cili u nda nga jeta një ditë më parë në moshën 72-vjeçare. Kryeministri Berisha i shprehu ngushëllime Princit Leka dhe familjarëve për ndarjen nga jeta të Leka Zogut I, një humbje e madhe kjo për mbarë kombin shqiptar dhe Shqipërinë. Duke shprehur nderimin e tij të thellë për veprën e Leka Zogut I, Kryeministri Berisha la dhe një shënim në librin e ngushëllimeve të çelur me këtë rast. "Dua t'i shpreh ngushëllimet më të sinqerta Princit Leka dhe Familjes Mbretërore për humbjen e Mbretit Leka Zogu I, një humbje e madhe kjo për mbarë kombin shqiptar dhe Shqipërinë", tha Berisha. Ai u shpreh se Mbreti Leka I u largua nga vendi i tij dy ditë pas lindjes, por përfaqëson një jetë të tërë atdhedashurie të pakufishme, përkushtimi të jashtëzakonshëm, mbrojtje të pamposhtur të lirisë së shqiptarëve, mbështetje të madhe të shqiptarëve në Kosovë në përpjekjet e tyre për liri kombëtare, mbështetje të madhe të shqiptarëve në Shqipëri në përpjekjet e tyre për t'u çliruar nga zgjedha e regjimit më barbar që vendi ka njohur në tërë historinë e tij. Gjithashtu, Kryeministri tha se është një nderim për kontributin e madh, historik, të Mbretit Zog, burrit që bëri pavarësinë e Shqipërisë të jetojë, shtetarit që më shumë se kushdo tjetër kontribuoi në ndërtimin e shtetit shqiptar, Mbretit që u largua nga Shqipëria pasi ajo ishte përcaktuar si viktimë e parë e agresionit nazifashist në Evropë, por që vazhdoi me vendosmëri të madhe luftën për çlirimin e Shqipërisë. Berisha tha se përpjekjet e legalistëve, qëndresa e tyre që në orët e para të pushtimit deri në ditën e fundit të çlirimit të vendit janë një faqe e ndritur atdhetarie, heroizmi dhe qëndrese. "Paslufte në Shqipëri ndodhi ndryshe nga vendet e tjera që dolën nga pushtimi barbar nazifashist, të cilat kurorat i rikthyen ose shpallën referendume në mënyrë që populli të shprehej. Në mënyrën më arbitrare, një kongres ndaloi monarkun e shqiptarëve të kthehej në vendin e Tij, gjë e cila zgjati, siç dihet, gjatë gjithë jetës së Tij dhe Mbreti vdiq në Paris në vitin '61. Më vonë, një referendum u bë dhe shqiptarët janë dëshmitarë, se ata shprehën masivisht qëndrimin e tyre në respekt të Mbretit Leka i Parë dhe në favor të tij, por, siç dihet, ai referendum u mbajt në kushte të një rebelimi të egër komunist. Dhe e vërteta është se askush nuk mund të thotë kurrë se rezultati ishte ai që u shpall. Kjo çështje nuk është e mbyllur. Unë i them të vërtetat ashtu siç janë, nuk mund të them gjë tjetër. Unë i them të vërtetat ashtu siç i perceptoj dhe siç kanë ndodhur. Kjo është detyra ime", tha Kryeministri ndër të tjera. I pyetur mbi heshtjen e opozitën për ndarjen nga jeta të Leka Zogut, Kryeministri tha se: "Unë nuk dua t'i jap asnjë karakter partiak. Ai ligj, i cili i ka dhënë dhe ka njohur statusin e Familjes Mbretërore është votuar në Parlament nga deputetë të të gjitha forcave politike. Kjo është e vërteta. Për të gjithë ata, të cilët kanë votuar atë ligj dhe shqiptarët në tërësi e kanë shumë të qartë që Familjet Mbretërore përbëhen nga Mbretërit, Mbretëreshat, Princërit, Princeshat, e kështu me radhë. Kjo është e vërtetë për Familjen Mbretërore shqiptare dhe Parlamenti ka rivendosur një të drejtë historike, duke përcaktuar me shumë të drejtë Protokollin Shtetëror dinjitoz, siç i përket Familjes Mbretërore. Nuk duhet të merremi me copëza të shkëputura, sepse kudo ka individë pro e kundër dhe kjo është normale".

http://www.rilindjademokratike.com/RD%202%20dhjetor/politika.htm

Qytetarë, personalitete të jetës politike dhe shoqërore ngushëllojnë Familjen Mbretërore

Lega Zogu I do të prehet pranë nënës dhe bashkëshortes së tij

Përcjellja për në banesën e fundit të NMT Leka I ditën e shtunë do të përfshijë nderimet më të larta që parashikohen në Protokollin e Shtetit. Komisioni Ndërministror për organizimin e ceremonisë zyrtare vendosi dje, që ceremonia funebre të jetë shtetërore. Burime pranë Familjes Mbretërore bënë të ditur dje, se trupi i Leka Zogut do të varroset në Varrezat e Sharrës në kryeqytet, pranë varrit të nënës së tij, Mbretëreshës Geraldinë dhe gruas Susanë. Familja Mbretërore nuk ka pranuar që trupi të varroset në Varrezat e Dëshmorëve siç e parashikon ligji për ceremoninë funebre shtetërore. Gjithashtu ata theksuan për gazetën tonë se, është hapur edhe libri i ngushëllimeve në të gjitha ambasadat e Shqipërisë nëpër botë. Përfaqësues të Oborrit Mbretëror bënë të ditur gjithashtu se, kanë njoftuar të gjithë përfaqësuesit e mbretërive të Europës për të marrë pjesë në ceremoninë e varrimit. 

Ngushëllimet 

Ngushëllimet për ndarjen nga jeta të NMT Leka I, vazhduan gjatë ditës së djeshme ku qytetarë të shumtë dhe personalitete të jetës politike dhe shoqërore nga mbarë viset shqiptare, shkuan në Pallatin Mbretëror për t'i shprehur Lartësisë së Tij, Princit Leka dhe Familjes Mbretërore hidhërimin e tyre të thellë dhe ngushëllimet e rastit për humbjen e NMT Leka I, Mbret i Shqiptarëve. Përfaqësuesit e Familjes Mbretërore nëpërmjet një deklarate për shtyp bënë të ditur se gjatë paradites së djeshme shprehën ngushëllimet e tyre: Gjeneral Daut Haradinaj, deputet në Parlamentin e Kosovës dhe mik i ngushtë i Familjes Mbretërore; N/Kryetari i Parlamentit të Shqipërisë, zoti Ardian Turku; ministri i Mbrojtjes, zoti Arben Imami; Shefi i Shtabit të Përgjithshëm të Forcave të Armatosura Gjeneral-Major Xhemal Gjunkshi; një grup deputetësh të Partisë Demokratike të kryesuar nga deputeti Jemin Gjana; deputetët e Partisë Socialiste Arben Malaj, Kastriot Islami, Andis Harasani, Astrit Beci; Kryetari i PDIU-së, deputeti Shpëtim Idrizi i shoqëruar nga N/Kryetari Dashamir Tahiri; Kryetari i LZHK, Dashamir Shehi; Prof. Abdi Baleta; At Nikoll Marku dhe shumë personalitete të tjera. Po ashtu, në adresë të Familjes Mbretërore mbërriti një numër i madh telegramesh ngushëllimi nga qytetarë dhe personalitete prej viseve shqiptare dhe diasporës. Në deklaratën për shtyp theksohej se, Lartësia e Tij, Princ Leka dhe Familja Mbretërore ndjehen të prekur nga ky solidaritet njerëzor dhe së bashku me falënderimet e rastit, shprehën dëshirën për t'ja rikthyer "në të mira" çdo shqiptari. Familja Mbretërore do të vazhdojë të presë vizita në Pallatin Mbretëror, ndërkohë që ceremonia zyrtare do të organizohet ditën e shtunë, ora 10:00-12:00 në mjediset e Parlamentit të Shqipërisë.

Topalli: Leka I, inspirues dhe përkrahës i paepur i përpjekjeve për liri

Kryetarja e Kuvendit, Jozefina Topalli përcolli dje ngushëllimet për ndarjen nga jeta të Leka Zogut I. Në mesazhin e saj, Topalli ndau me familjen e Madhërisë së Tij Leka Zog dhimbjen për humbjen e pazëvendësueshme të njeriut siç e cilësoi ajo, atdhetar të mençur dhe për shqiptarët figurën e rëndësishme të historisë së tyre politike. "Me ndarjen nga jeta të Leka Zogut, ne humbën një atdhetar të mençur dhe shqiptarët kudo humbën një figurë të rëndësishme të historisë së tyre politike, një figurë që tashmë ka vendin e vet të nderuar në kujtesën tonë kombëtare. Në këtë ditë të rëndë, unë dëshiroj të ndaj me familjen e Madhërisë së Tij Leka Zog dhimbjen për humbjen e pazëvendësueshme të njeriut të dashur dhe me gjithë bashkëkombasit e mi hidhërimin e thellë për humbjen e një personaliteti. Duke shprehur ngushëllimet e mia më të ndjera, unë dëshiroj të ndaj me Princin Leka dhe të gjithë anëtarëve të Familjes Mbretërore, si dhe me gjithë shqiptarët lutjen që shpirti i Leka Zogut të prehet në paqe në tokën ku u lind", theksoi Topalli. Gjithashtu Kryetarja e Kuvendit vlerësoi figurën e Leka Zogut për përkushtim ndaj çështjes kombëtare dhe si inspirues dhe përkrahës i paepur i përpjekjeve për liri dhe dinjitet të shqiptarëve në trevat e tyre dhe kudo. 

Ëndrra e paplotësuar, 100 vjetori i Pavarësisë dhe kthimi i eshtrave të Mbretit Zog

Vetëm pak ditë para se të ndahej nga jeta, deklaratën e fundit publike NMT Leka Zogu i Parë e ka dhënë për gazetën "Rilindja Demokratike", ku shprehu edhe dëshirën e tij të madhe për të festuar 100-vjetorin e Pavarësisë, si dhe të ishte i pranishëm në Rinas për të pritur eshtrat e Mbretit Ahmet Zog. Në fjalën e tij edhe pse në gjendje të rëndë, pretendenti i Fronit Mbretëror shprehte optimizëm se do të ishte në Rinas në 100-vjetorin e Pavarësisë për të pritur eshtrat e Mbretit Zog, jo thjesht si babai i tij, por si respekt ndaj shtetit shqiptar. "Deklarimi i Kryeministrit Berisha për kthimin e eshtrave të Mbretit Zog në atdhe është vlerësim për historinë e vetë shtetit shqiptar. Pres me shumë kënaqësi dhe sigurisht do të jem në Rinas në 100-vjetorin e Pavarësisë për të pritur eshtrat e Mbretit Zog, jo thjesht si babai im, por si respekt ndaj shtetit shqiptar", deklaronte Mbreti Leka Zogu I për gazetën tonë në 19 nëntor të këtij viti. Përgjatë gjithë kohës ai u ndodh nën kujdesin e ekipit mjekësor, Princit Leka dhe dashamirësve të shumtë që gjatë ditëve të rënda kanë shtuar vizitat në spitalin ku qëndronte i shtruar. Në deklaratën shkëputur për "RD", Ai falënderoi të gjithë shqiptarët si brenda dhe jashtë kufijve, të cilët kishin shprehur një interesim të madh për gjendjen e tij shëndetësore. Përmes një interviste të shkurtër për gazetën, Leka Zogu falënderoi Kryeministrin për interesimin e tij për gjendjen shëndetësore dhe kërkesën e vazhdueshme të Berishës drejtuar historianëve për rishikimin e historisë. "Falënderoj Kryeministrin Berisha për interesimin e veçantë për shëndetin tim, si dhe për kërkesën e vazhdueshme për rishikimin e historisë. Festimi i 100-vjetorit të shpalljes së Pavarësisë së shtetit shqiptar do të jetë edhe një vlerësim real për vizionin, vendosmërinë e Ahmet Zogut si ministër i Brendshëm, Kryeministër, President dhe nga 1 shtatori 1928 Mbret i Shqiptarëve, i cili hodhi themelet dhe konsolidoi shtetin shqiptar, duke jetësuar shpalljen e Pavarësisë më 28 Nëntor 1912", është shprehur Leka Zogu.

Parlamenti ka rivendosur një të drejtë historike në Protokollin Shtetëror dinjitoz, siç i përket Familjes Mbretërore

Shqiptarët të bashkuar në dhembjen dhe zinë për humbjen e Mbretit Leka I

"Shqiptarët, në të katër anët kudo që jetojnë, janë të bashkuar në dhembjen dhe zinë për humbjen e Mbretit Leka I. Këtë bashkim e kanë të bazuar në kontributet historike të Tij, të Mbretit Zog, Mbretëreshës Geraldinë, të Familjes Mbretërore". Kryeministri Berisha, i shoqëruar nga bashkëshortja e tij, Liri Berisha, zhvilloi dje pasdite një vizitë ngushëllimi në familjen e Leka Zogu I, i cili u nda nga jeta një ditë më parë në moshën 72-vjeçare. Kryeministri Berisha i shprehu ngushëllime Princit Leka dhe familjarëve për ndarjen nga jeta të Leka Zogut I, një humbje e madhe kjo për mbarë kombin shqiptar dhe Shqipërinë. Duke shprehur nderimin e tij të thellë për veprën e Leka Zogut I, Kryeministri Berisha la dhe një shënim në librin e ngushëllimeve të çelur me këtë rast. "Dua t'i shpreh ngushëllimet më të sinqerta Princit Leka dhe Familjes Mbretërore për humbjen e Mbretit Leka Zogu I, një humbje e madhe kjo për mbarë kombin shqiptar dhe Shqipërinë", tha Berisha. Ai u shpreh se Mbreti Leka I u largua nga vendi i tij dy ditë pas lindjes, por përfaqëson një jetë të tërë atdhedashurie të pakufishme, përkushtimi të jashtëzakonshëm, mbrojtje të pamposhtur të lirisë së shqiptarëve, mbështetje të madhe të shqiptarëve në Kosovë në përpjekjet e tyre për liri kombëtare, mbështetje të madhe të shqiptarëve në Shqipëri në përpjekjet e tyre për t'u çliruar nga zgjedha e regjimit më barbar që vendi ka njohur në tërë historinë e tij. Gjithashtu, Kryeministri tha se është një nderim për kontributin e madh, historik, të Mbretit Zog, burrit që bëri pavarësinë e Shqipërisë të jetojë, shtetarit që më shumë se kushdo tjetër kontribuoi në ndërtimin e shtetit shqiptar, Mbretit që u largua nga Shqipëria pasi ajo ishte përcaktuar si viktimë e parë e agresionit nazifashist në Evropë, por që vazhdoi me vendosmëri të madhe luftën për çlirimin e Shqipërisë. Berisha tha se përpjekjet e legalistëve, qëndresa e tyre që në orët e para të pushtimit deri në ditën e fundit të çlirimit të vendit janë një faqe e ndritur atdhetarie, heroizmi dhe qëndrese. "Paslufte në Shqipëri ndodhi ndryshe nga vendet e tjera që dolën nga pushtimi barbar nazifashist, të cilat kurorat i rikthyen ose shpallën referendume në mënyrë që populli të shprehej. Në mënyrën më arbitrare, një kongres ndaloi monarkun e shqiptarëve të kthehej në vendin e Tij, gjë e cila zgjati, siç dihet, gjatë gjithë jetës së Tij dhe Mbreti vdiq në Paris në vitin '61. Më vonë, një referendum u bë dhe shqiptarët janë dëshmitarë, se ata shprehën masivisht qëndrimin e tyre në respekt të Mbretit Leka i Parë dhe në favor të tij, por, siç dihet, ai referendum u mbajt në kushte të një rebelimi të egër komunist. Dhe e vërteta është se askush nuk mund të thotë kurrë se rezultati ishte ai që u shpall. Kjo çështje nuk është e mbyllur. Unë i them të vërtetat ashtu siç janë, nuk mund të them gjë tjetër. Unë i them të vërtetat ashtu siç i perceptoj dhe siç kanë ndodhur. Kjo është detyra ime", tha Kryeministri ndër të tjera. I pyetur mbi heshtjen e opozitën për ndarjen nga jeta të Leka Zogut, Kryeministri tha se: "Unë nuk dua t'i jap asnjë karakter partiak. Ai ligj, i cili i ka dhënë dhe ka njohur statusin e Familjes Mbretërore është votuar në Parlament nga deputetë të të gjitha forcave politike. Kjo është e vërteta. Për të gjithë ata, të cilët kanë votuar atë ligj dhe shqiptarët në tërësi e kanë shumë të qartë që Familjet Mbretërore përbëhen nga Mbretërit, Mbretëreshat, Princërit, Princeshat, e kështu me radhë. Kjo është e vërtetë për Familjen Mbretërore shqiptare dhe Parlamenti ka rivendosur një të drejtë historike, duke përcaktuar me shumë të drejtë Protokollin Shtetëror dinjitoz, siç i përket Familjes Mbretërore. Nuk duhet të merremi me copëza të shkëputura, sepse kudo ka individë pro e kundër dhe kjo është normale". 

-------------------------------------------------------------------- 

http://www.panorama.com.al/opinion/lindja-e-princit-leka-ne-kohe-ultimatumesh-fashiste/

Lindja e princit Leka në kohë ultimatumesh fashiste

Opinione Premte, Dhjetor 2nd, 2011

ISMAIL KADARE
Shqipëria londineze ende me rrecka, por së paku me nofkën prej zonje, mirë a keq, ecte. Një vit shtet republikan me kryeministër Themeluesin. Gjashtë muaj mbretëri me princ gjerman. Katër vjet teatër lufte botërore, të gjithë kundër të gjithëve, me një fjalë bjeru t’i biem, ku vendësit më shumë gjendeshin në sallë se në skenë. Më pas, pas rënies së perdes, përsëri republikë, ku dy nga…personazhet e “Listës 1916” (kishin mjaftuar vetëm dy nga katërqind e pesëdhjetë emrat e listës, vetëm dy, o Zot! mbreti i ardhshëm Zog dhe peshkopi i vendit, Noli), për ta bërë lëmsh gjithë vendin. Lufta për pushtet, krijim partish politike, zgjedhje parlamentare, opozitë, atentate të larmishme, nga Bjeshkët e Nemuna te hyrja e Operas së Vjenës, vrasje po aq të bujshme, grusht shteti, thirrje për europianizimin e vendit, secili sipas stilit të vet, mbreti nëpërmjet martesës me një konteshë katolike hungarezo-amerikane, peshkopi i pagrua, me himne dhe vjersha për kryqëzimin e Krishtit dhe përkthime kryeveprash botërore, pa përmendur një rënie violine, që peshkopi s’e harronte kurrë, mu midis ngjarjeve dramatike, çka nga detraktorët e tij zbërthehej si dëshmi e cinizmit të tij, e nga adhurimtarët, si shenjë e një shpirti të epërm, që flatronte lart, mbi shtrëngatat e kohës.

Në mbarim të rrokopujës, në prag të stuhisë së re botërore, skena e zbrazur përkohësisht, nuk jepte veç parandjenja të këqija. E kishin lënë njëri pas tjetrit atë skenë mbreti dhe peshkopi, të mërguar të dy. E kishte lënë personazhi i tretë i “Listës 1916”, F. Konica, shestuesi i pllakës së famshme, mbi mermerin memorial të Shqipërisë, i cili, si të ndëshkohej nga ai mëkat, do të vdiste i pari ndër të tre.

Historia nuk e ka thënë ende fjalën e fundit për këta dramatis personae.  Poezia epiko-lirike shqiptare, ajo, që në prag të shuarjes, e kishte ende tagrin e një gjykimi testamentor, me përjashtim të dy rasteve, ka heshtur.  Rastet janë të dyja “jashtë listës”. I pari, për Themeluesin, siç e pamë, i dyti për mbretëreshën Geraldinë. Themeluesi në kohën e “listës” ishte shtatëdhjetëvjeçar, Geraldina nuk ishte veçse foshnjë. Bebe motake, siç thuhej dikur për foshnjat që s’kishin mbushur vitin.

Teksti për mbretëreshën, përveçse i një bukurie të rrallë, ishte një ndër më enigmatikët e poezisë shqipe. I pazbërthyer ende prej askujt, teksti niste me fjalët: Maxhare, leshëra tëndë, Qysh erdhe në vendin tënë çka përbënte një pyetje të rëndomtë, fare naive dhe ndoshta të pavend.  Ndërkaq, për njohësit, sado të rastësishëm të epiko-lirikës shqiptare, dihej se ishte tepër vështirë që ajo të ishte e rëndomtë, sidomos naive, e aq më pak, e pavend. Ndaj për zhbirimin e enigmës, do të duhej, ndoshta, një ndërhyrje sqaruese.

E QARA E MBRETIT, KËTË HERË PËR NJË GRUA

Në qoftë se do t’i përmbaheshim krahasimit të tre gadishujve jugorë të kontinentit me tre rojat mbrojtës të Europës, Zonjë të madhe, nuk do ta kishim të vështirë që kacafytjen e dy prej gadishujve, atë Ballkanik dhe Apenin, ta merrnim për një grindje të radhës rojash, në orët e mërzisë.  Ajo ndodhi kur shekulli XX po i afrohej mesit të vet, më saktë në prill të vitit 1939. Ndërkaq, ajo nuk u quajt asnjëherë një luftë gadishujsh, e aq më pak rojash. Ajo u quajt gjithmonë ndryshe nga ç’kishte qenë në të vërtetë, madje ende sot, kur po shkruheshin këto radhë, si t’i përmbahej një pakti të fshehtë, vazhdonte të emërtohej në mënyra të ndryshme: pushtimi i Shqipërisë prej Italisë, bashkimi i Shqipërisë me Italinë, luftë italogreke, luftë greko-shqiptaro-italiane, luftë italo-jugosllave. Përpara se të përbënte një kureshti gjuhësore, kjo larmi vazhdonte të ishte pjesë e lëmshit ballkanik. Dhe nuk ka qenë e vetmja. Qysh në krye të asaj jave të paharrueshme të prillit, nuk ishte fort e qartë se kush po sulmohej, Shqipëria apo gadishulli. Shqipëria ngulte këmbë se ishte ajo që rrezikohej e pas saj krejt gadishulli. Ky i fundit, nëpërmjet dy kryeqyteteve, Athinës e Beogradit, të cilëve Tirana u qe drejtuar për ndihmë, jo vetëm nuk e ndihmuan, por shpallën se kurrfarë rreziku s’e kërcënonte vendin e shqipeve, pale pastaj Ballkanin. E si të mos mjaftonte kjo, lanë të kuptohet se Shqipëria e lëshonte këtë alarm të rremë për të tërhequr vëmendjen, ndoshta, apo për t’i dhënë rëndësi vetes, madje kishte gjasë që ishte ajo vetë që ngutej t’i vinte zjarrin Ballkanit!

Mbreti Zog I iu përgjigj fqinjëve se ky qëndrim ishte për të zezën e tyre, çka në të vërtetë do të vërtetohej pak kohë më pas, kur, të dy shtetet, pasi të sulmoheshin nga Musolini, do të thyheshin njëri pas tjetrit prej Hitlerit.

Ndonëse ky parashikim, ashtu si zakonisht profecitë e mbretërve të mundur, nuk do të merrej parasysh, vite më pas, atëherë kur krusma e asaj jave do të bëhej pjesë e kujtesës, thënia e mbretit do të përmendej përherë e më shpesh.

Në të vërtetë, java do të ishte e pashembullt për nga dendësia e ankthit.  Madje, për shkak të ritmit prej skëterre, ora e Shqipërisë me tiktakun e saj do të ngjante e largët dhe e pakapshme brenda orës së madhe europiane. Ngjarja vazhdonte të dukej e mjegullt: Po sulmohej vendi i shqiptarëve apo gadishulli? Asnjëri prej tyre apo të dy? Kishte apo s’kishte ultimatum, dhe kuptimi i kësaj fjale a ishte i njëjtë për veshin, e sidomos trurin e të dyja palëve? Ultimatum, thirrje e fundit, përpara goditjes, prerjes në besë. Me afat pesëditësh, e hënë tre prill, e martë katër, e mërkurë pesë, e enjte gjashtë, e premte shtatë. Kjo e fundit, përveç që dita më e dyshuar për sulm, binte e Premtja e Zezë, dhe të shumtë ishin ata që nuk besonin se Italia, vendi i parë i krishterimit, do ta kryente këtë sakrilegj.  Të tjerë mendonin se pikërisht për këtë mund ta bënte.

Jo më pak mjegullore ishin parashikimet për shtetin mbretëror dhe mbretin. Do të rrëzoheshin të dy, pa dyshim, por s’dihej cili do ta tërhiqte pas vetes tjetrin. Mbreti do ta dorëzonte fronin, apo do “të mbathte opingat”, shprehje e vjetër që përdorej në vend të “daljes në mal”, gjersa të vritej ose të kapej rob, së bashku me mbretëreshën? Ajo ishte njëzetekatërvjeçare, kontesha Geraldine Appony, më e bukura sovrane e Europës, “trëndafili i bardhë i Budapestit”, siç e quanin ata që e përkthenin gabim fjalën “tulipan”. Një mbretëreshë e zënë rob mund të ndizte lehtë fantazitë e kokoroshëve të Romës, me në krye ministrin e Jashtëm, kontin Galeazzo Ciano. Ky i fundit kishte qenë dëshmitar në martesën e saj, një vit më parë, më 27 prill 1938, dhe nuk e fshihte që i kishte mbetur mendja te nusja. Kjo, nga ana e saj, jo vetëm që e ka vënë re, por i ka përmendur tërthorazi në kujtimet, vërtitjet e atij, që jo pa njëfarë shpërfilljeje aristokratike, gati-gati e ka cilësuar si një “birbo latin”. Konti spitullan, i cili për shkak të vdekjes së parakohshme nuk do ta merrte vesh kurrë këtë shpërfillje, ka kujtuar ndoshta sinqerisht dhe jo aq me të keq sa ç’mund të duket sot, se në qoftë se dikujt mund t’i shkonte mendja për një flirt me mbretëreshën shqiptare, ky dikush mund të ishte ai, dhe vetëm ai, ministri i lazdruar italian, por, sidomos, dhëndër i Duçes perandor.  Ndërkohë, kjo vegulli flirti zbulonte diçka më të thellë: qysh në ceremoninë e një viti më parë, në ndërgjegjen e Ciano-s, mbretëresha, përtej ngjashmërisë me mjellma e trëndafilë të bardhë, ishte në radhë të parë një mbretëreshë robinjë. Shkurt, pushtimi i Shqipërisë ishte vendosur prej kohësh, çka historia do ta vërtetonte.

Ishte kjo një nga arsyet që mbretëresha njëzetekatërvjeçare, sipas të gjitha gjasave, ka zënë një vend të dyfishtë në vetëdijen dhe pavetëdijen e kontit. Nga kujtimet e tij del se ai është marrë veçanërisht me të, veçanërisht në atë javë të fillimprillit. Së pari ngaqë si ministër i Jashtëm që ishte, i përkiste që të ishte në dijeni të ngatërresave që mund të shkaktonte statusi i saj, si pinjolle e një familjeje të shquar europiano-amerikane me shumë lidhje në Europë. E dyta, dhe kryesorja, mbretëresha jo vetëm mbante në bark princin trashëgimtar, por princi kërthi, sikur të ishte kureshtar, pritej të vinte në botë, pikërisht këtë javë të paharruar.  Ashtu si në rastin e së Premtes së Zezë, të shumtë ishin ata që besuan se Italia e Musolinit nuk do të tregohej aq meskine e aspak burrneshë, saqë ta sulmonte Shqipërinë pikërisht në çastet kur mbretëreshën e kishin zënë dhimbjet e lindjes. Dhe prapë si në rastin e përmendur, do të gjendeshin të tjerë që do të besonin se pikërisht për shkak të dhimbjeve të lindjes, sulmi do të bëhej me ngut.

Një riprodhim, orë pas ore i asaj që ndodhte në Pallatin Mbretëror, në kryeqytet, dhe në tërë vendin, do të ndihmonte ndoshta për të krijuar fundajën e ngjarjes.

E hënë, 3 prill. Ka disa ditë që Shqipëria ndodhet nën ultimatum.  Nuk flitet veç për këtë, dhe në rrugë ka demonstrata. Në pallatin mbretëror, ethes së kërcënimit, i shtohet një tjetër: mbretëresha pritet nga çasti në çast të lindë. Profesori austriak Veibel ka pohuar se “brenda dy ditësh do të kemi një lindje prej mbretëreshës së shqiptarëve”.

Lajmi, pa dalë mirë prej pallatit, i përndez rrugët, duke ndryshuar aty për aty pasionin e turmave. Nga mllefi kundëritalian kalohet në brohoritje për pritjen e trashëgimtarit. Flamurët mbushin sheshet. Himni kombëtar është në gojën e të gjithëve. Ndjenja e haresë përzihet me atë të sigurisë: Shqipëria do të kishte jo vetëm një mbret që do ta mbronte, por edhe një trashëgimtar…

Një lidhje e habitshme vendoset aty për aty midis mbretëreshës dhe ultimatumit.

Ora 5 pasdite. Koloneli italian De Andrea kërkon takim të ngutshëm me Adjutantin e mbretit. Shqetësimi është i kuptueshëm: ç’ishte kjo rritje e beftë e zjarrmisë së rrugës? Mos kishte lidhje me ndonjë mobilizim?  Përgjigjja do të ishte dhe s’do të ishte befasuese: Mbretëresha ishte duke lindur. Sqarimi i mëvonshëm do të ishte disi më bindës: Për herë të parë pas pesëqind vitesh, Shqipërisë po i lindte një trashëgimtar mbretëror.  Italianët, si miqtë më të afërt të Shqipërisë, duhet të gëzoheshin po aq.  Natyrisht, koloneli im. Mbreti i parë i Shqipërisë, Wilhelm Wied, nuk pati rast (ose ndoshta moshë), të na lindte një trashëgimtar. Siç mund ta dini, kolonel, mbretëresha është martuar përpara një viti, më 27 prill 1938, në shëmbëllim të martesës së Donikë Komnenit me Gjergj Kastriotin, më 27 prill të vitit 1451. Pesëqind vite më parë, gati e pabesueshme, apo jo? Natyrisht, koloneli im.

Ora 6 pasdite. Mbretëresha ndihet e lodhur. Në pallat ka hyrje e dalje, por nga fytyrat e njerëzve është vështirë të ndash dy llojet e shqetësimeve.

Mbreti është dyfish i lodhur. Ka mbi një javë pa gjumë. Lajme, deklarata dhe telegrame. Telegrame pa fund. Një pjesë vijnë prej Italisë. Mbi të gjithë, telegramet qetësuese të Musolinit, që kërkojnë t’i mbushin mendjen mbretit se as ndër mend nuk i shkon ideja e një sulmi.

Ora 7 e mbrëmjes. Përgatitet thirrja për “kreshnikët”. Kështu ka ca kohë që quhen trupat vullnetare. Ushtarakët e lartë nuk e kanë fort për zemër këtë thirrje. “Kreshnikët” sa ç’mund të ishin të aftë për të kryer ndonjë heroizëm që çdo ushtarak do ta quante të pamundur, po aq mund të prishnin punë me rrëmujën e tyre.

Ora 8 e mbrëmjes. Një raport i fshehtë i kumton mbretit se kryekomandanti i ushtrisë, gjeneral Aranitasi, është tepër i lodhur. Sovrani e lexon për herë të dytë si për të kapur tisin e dyshimit. Por aty për aty thotë me vete “Jo”. Ai, mbreti, gjithashtu ishte i lodhur… e kjo s’do të thoshte asgjë.

Mbarimi i ditës së 4 prillit. Adjutanti kthehet nga ministri i Brendshëm në Pallat. Sallonet janë plot me njerëz që presin “ngjarjen”. Ajo është e dyfishtë dhe shumica e njerëzve si të tillë e përftojnë: me dy thelbe të ndryshme.  Njëri që lidhet me ultimatumin, tjetri me lindjen e mbretëreshës. Ata flasin për ngjarjen e pritshme, madje përmendin fjalën kyçe “afat”, pa u kujtuar se disa kanë parasysh afatin e ultimatumit e të tjerët, atë të lindjes.  Natyrisht, ka një palë të tretë për të cilët ngjarja i përmbledh të dyja anët.

E ndër këta, i pari është mbreti.

Sipas kolonelit, ai është shpërfillës dhe i heshtur. “Fol me kolonelin”, i thotë mbreti ministrit të Jashtëm Libohova, me të cilin po ecnin të dy në një sallon. Unë po ngjitem lart.

Ministri i Jashtëm i shtjellon Adjutantit parashikimet e tij për sjelljen e mëtejshme të Musolinit. Ishte i bindur se ai nuk do ta kryente këtë turp, duke sulmuar Shqipërinë e vogël. E donte shumë famën Musolini dhe tiranët e llojit të tij mund të bënin për famën atë që s’ia priste mendja askujt. Dhe ato dy pengesat për të cilat pëshpëritej kudo, e Premtja e Zezë, si ditë e papërshtatshme për sulm, dhe lindja e mbretëreshës, aq më shumë e papërshtatshme, nuk ishin aq të lehta për t’u kapërcyer.

Ora 1 pas mesnate, duke u gdhirë 5 prill. Adjutanti ngjitet lart për të parë mbretëreshën. Në shkallë ndeshet me dr. Mokinin, parashikimi i të cilit për lindjen nuk i kapërcen 10 orët.

Trashëgimtari (nëse do të kishte të tillë, pra, nëse do të ishte djalë) ka ende moshën e çuditshme minus 10 orë. E ndonëse ashtu, që nga thellësia e minusit, po bëhet ndërkaq problem. Kur Adjutanti zbret, mbreti gjithashtu ka zbritur. Adjutanti i kujton padronit të vet se duhet të pushojë gjithsesi. Nesër do të presë ambasadorin amerikan Hugh Grant.

Mbreti përgjigjet se nuk ka gjumë. Sallonet vazhdojnë të jenë plot në pritje të lindjes së trashëgimtarit

Ora 2 pas mesnate. Kryekomandanti i ushtrisë, gjeneral Aranitasi, telefonon me ngut për diçka. Tri orë më pas, në 5 të mëngjesit, mbretëresha sjell në jetë (në luftë, në ultimatum), një djalë. Turmat e rralluara nëpër rrugë çuditërisht e marrin vesh lajmin dhe nisin brohoritjet. Lajmi për një aleancë të befasishme ose një armë të re që e shtonte fuqinë mbrojtëse të shtetit, nuk do ta ngrinte më shumë moralin se kjo lindje.

Në orën 8 të mëngjesit, kryeministri i shtetit, bashkë me kryetarin e parlamentit i bëjnë përgëzimet monarkut.

Në orën 10, gjëmimi i 101 topave përshëndetin lindjen e trashëgimtarit. Të shumtë janë ata që gjëmimin e topave e marrin për fillim të luftës.

Ora 11, ministri fuqiplotë i Italisë, Jakomoni, ai që pak kohë më pas do të shpallej nënmbret i Shqipërisë, paraqet urimet zyrtare italiane.

Ora 11, disa minuta më pas, i njëjti zyrtar i lartë, i dorëzon një zarf ministrit të Jashtëm shqiptar, Libohovës.

Ora 11, pothuajse në të njëjtën minutë, ministri shqiptar lajmëron mbretin se porsa ka marrë prej Jakomonit ultimatumin, të tretin të vërtetin, siç thuhej, në të folmen popullore. Është ende 5 prill 1939, ditë e mërkurë. Princi trashëgimtar është vetëm 6 orësh. Në rrugë, brohoritjet festive kthehen në britma lufte. Qetësimi i përkohshëm ia lë vendin një nervozizmi të dyfishtë. E lehtësuar prej lindjes, shtërzimet që mbretëresha gjer në atë kohë dukej sikur i ndante me shtetin, ia lë këtij të fundit.

Ora 1 e mesditës, mbledhje e ngutshme e qeverisë. Përgjigje për ultimatumin: Jo!

Ora 2, mbledhje e Parlamentit. E njëjta përgjigje: Jo!

Ora 5 pasdite. Kumtim gjithë ambasadave të huaja. E njëjta orë, ikje e specialistëve italianë.

Ora 6 pasdite, takim me ambasadorin amerikan Hugh Grant. Sipas Grant-it mbreti Zog dha të kuptojë se Shqipëria nuk kishte mundësi të përballej me Italinë, por do të bënte aq sa mundte për t’i treguar botës se shqiptarët nuk do të vdisnin pa luftuar. Ai e tha qartë se nuk do të nënshkruante kapitullimin, ashtu siç kishte bërë tri javë më parë presidenti i Çekosllovakisë. Sipas Grant-it, gjatë një ore që kishte vazhduar takimi, mbreti dyzetekatërvjeçar ishte i qetë, përveç çastit kur tha fjalët se italianët po ia shkaktonin këtë gjëmë pikërisht kur mbretëresha sapo kishte lindur. Gjithmonë sipas Grantit, fill pas këtyre fjalëve, “mbreti kishte vështruar i përhumbur nga dritarja dhe sytë i ishin mbushur me lot”. Është e vetmja dëshmi e këtij lloji për monarkun shqiptar. Ndryshe nga Filipi II i Spanjës, që siç dihej, kishte derdhur lot për flotën e mbytur, Zogu I e kishte bërë këtë për mbretëreshën. Një Breht shqiptar do të mund të bënte pyetjen: Vetëm Zogu I qau? Sigurisht, përgjigjja do të ishte e gjatë për lotët e atij fillimprilli, dhe aq më tepër, për lotët e mëvonshëm gjatë viteve të fashizmit, dhe tepër e gjatë, gati e pafundme, për lotët e komunizmit, atij që ndoshta s’do t’i vinte kurrë Shqipërisë, po të mos ndodhte ajo që ndodhi atë të Premte të Zezë. Ditë e re, ankth i njëjtë. Gjashtë prill, mbledhje e qeverisë në Pallat. Fqinjët ballkanas, Beogradi e Athina, njëlloj si më parë, aleatë të tërthortë të Italisë. Franca dhe Britania e Madhe jo të gatshme për ndërhyrje. Ultimatumi i Musolinit vazhdon të besohet si i pabesueshëm. Madje, fjala “ultimatum” gjykohet prapë e pasaktë. Quhet ultimatum e ndoshta s’ishte veç një kërkesë gentile. Në të vërtetë flitet për një pakt të hershëm, të fshehtë, në bazë të të cilit Italia kishte të drejtë të kalonte, në rast nevoje, përmes Shqipërisë. Me fjalë të tjera, Italisë i kanë dalë ca punë në Ballkan (Ca punë, eh, si të thuash ca luftëra…), ndaj i kërkon aleates së saj të zemrës, të mbajë fjalën (besën e saj të famshme). Por mbreti nuk dëshiron ta përtërijë paktin (pra, e pret në besë mikeshën), dhe e kjo e kërcënon se sipas paktit (besës), do të kalojë me forcë… Shkurt, një baladë e njohur… Kryeministri Kotta e pyet mbretin për shëndetin e mbretëreshës dhe të princit kërthi. Pastaj vijon: Ne kemi vendosur të luftojmë, por më lejoni t’ju them, Madhëri, se mbretëresha e sëmurë, me princin foshnjë, nuk mund të lihen këtu. Mbreti përgjigjet se mbretëresha, sëmurë ose shëndoshë, do të ketë të njëjtin fat si populli i vet. Kryeministri Kotta nuk e ka vështirë ta kundërshtojë. Mbretëresha është nderi i mbarë kombit dhe në qoftë se ajo, bashkë me foshnjën princ, mos qoftë e thënë, të mbeten në duar të armikut, kjo do të ishte një njollë morale e pashlyeshme për gjithë kombin. Shqetësimi për mbretëreshën zotëron për ca çaste mbi gjithçka. Mbretëresha robinjë. Bashkë me foshnjën princ. Bota është plot histori rrëmbimi, sidomos epet shqiptaro-sllave. Secila nga të dyja palët si xanxë kryesore ka rrëmbimin e princeshave të palës tjetër. E si të mos mjaftonin këto, tani po futej në valle (në ep) një palë e tretë: italianët. Ka gjasë që gjatë ceremonisë së martesës së tij, mbreti të ketë pikasur vështrimin lakmitar të kontit-kumbar Ciano. E po të ketë ndodhur kjo, mendimi për ta ndëshkuar ka qenë jo larg. Ishin ca njerëz që kushedi pse, ashtu vetvetishëm, ngjanin të lehtë për t’u vrarë… Sipas zbulimit të fshehtë, ky pusht ëndërrokësh, të bëhej një ditë “princ” i Shqipërisë. S’ishte e rastit, Musolini dhe konti, vjehrri dhe dhëndri, nuk i ndaheshin… S’ishte e rastit që të dy bashkë, dhëndër dhe vjehrr, t’ia zhvatnin, u lëshuan. Njëri mbretërinë dhe tjetri gruan… Mendueshëm mbreti dëgjon kryeministrin, po pa vendosmërinë e mëparshme. Në fund të fundit, le ta vendosnin Parlamenti dhe qeveria.

Ora 2 pasdite, një befasim i ri. Tjetër ultimatum, këtë herë me afat të shkurtër: pesë orë. Në të njëjtën kohë, rreth 300 avionë të luftës fluturojnë mbi qiellin shqiptar. Traktet që lëshojnë janë kërcënuese. Dhëndër dhe vjehërr. Sado i zymtë që mund të ishte mallkimi i mbretit, nëse një të tillë ka pasur, ai s’do të ish aq makabër, sa ajo që do të ndodhte vërtet me të dy, pak kohë më pas, kur dhëndri do të vritej prej vjehrrit, dhe ky do të varej për këmbësh. E njëjta e enjte. Ora 7 e mbrëmjes. Mbërrin një tjetër telegram i Musolinit. Krejtësisht çoroditës dhe paqësor. Pikë. Me premtimin se asgjë e keqe nuk do t’i ndodhë Shqipërisë. Pikë. E enjte, ora 12, mesnatë. Mbreti hyn në Parlament, ku do të vendoset për mbretëreshën. E premte e zezë, 7 prill, ag. Merret vendimi për largimin e mbretëreshës. Ora 4 e mëngjesit. Mbretëresha, sipas një dëshmie të mjegullt, disi romantike, pasi merr një grusht dheu prej kopshtit në një shami, dhe djalin dyditësh në prehër, e lë pallatin dhe niset drejt Jugut, për të kapërcyer po atë mëngjes kufirin me Greqinë. Pallati mbretëror, që gjatë gjithë javës së fundit kishte përjetuar gjallërinë më të pazakonshme të tij, po qetësohej më në fund. Shuheshin njëri pas tjetrit shandanët, fikeshin zërat, bashkë me kërcitjen e dyerve dhe heshtja e një lloji tepër të veçantë, ajo që dy mijë e pesëqind vite më parë, ishte cilësuar prej një tragjediani grek si heshtja mbretëreshëmunguese, po zotëronte gjithkund. Makinat e mbretëreshës dhe të rojave duhej të ndodheshin ende në Shqipërinë Jugore, kur një avion i vetmuar sipër detit Adriatik, po i afrohej qiellit shqiptar. Ishte ora 6 e mëngjesit dhe në avion përveç pilotit, nuk gjendej askush tjetër. Ndërkaq, s’ishte kjo që e bënte avionin të veçantë, por tjetër gjë. Avionin e pilotonte konti Galeazzo Ciano. Ishte pa dyshim befasues, për të mos thënë enigmatik, ky pilotim i vetmuar i ministrit dhëndër. I tillë ishte gjykuar më pas, i pashpjegueshëm, trillan, i pamend. Është lidhur ndonjëherë me dytri faqet që mungonin në ditarin e tij, me ëndrrën për t’u bërë princ i Shqipërisë, me diçka tjetër ndoshta më të mjegullt. Ka gjasë të ketë qenë një çështje dehjeje nga hapësira e kaltërt, qiell e det përzier, dhe anijet e zeza të luftës, që u afroheshin brigjeve. Dhe malet e Shqipërisë me mjegull që po hynin në perandorinë romake të rikrijuar. Ka qenë, pra, një përndezje e tillë, që e ka shtyrë të fluturonte më tej, drejt qiellit shqiptar në vend që të kthehej pas. Ka fluturuar, pra, sipër pllajave, në brinjët e të cilave, mbretëresha e shqiptarëve, siç ishte në dijeni nga shërbimi i fshehtë, ikte me ngut. Për të mos rënë kurrsesi robinjë, sipas shqetësimit shqiptar. Si lauresha që i ikte skifterit, siç do t’i pëlqente përfytyrimit të atij vetë. Mbretëresha lehonë do ta bënte rrugën drejt Greqisë në gjendje gjysmë të pavetëdijshme. Ajo çka ndodhte rrotull saj, stresi, copërat e ankthit, ndjesia e turbullt e fajit, do t’i jepnin këtij rrugëtimi shijen e një ëndrre të keqe. Ishte kjo gjendje e dyzuar që krijoi ndoshta tërheqjen e ndërsjelltë midis lehonës dhe liriko-epikës shqiptare. Brilanti, që kjo e fundit ia hodhi gati si rastësisht, në ikje e sipër mbretëreshës, ishte sa i rrallë, aq edhe misterioz. Misteri nis qysh në dy vargjet e para: Maxhare, leshëra tëndë Qysh erdhe në vendin tënë. Mbretëreshës (hungarezkës) që po ikën, nuk i bëhet një pyetje për ikjen, por për të kundërtën: ardhjen. Balada për ikjen do të ishte një shtysë e besueshme, aq më tepër që s’ishte fjala për një ikje gruaje, qoftë edhe mbretëreshë, por për një fillim katastrofe, rënie mbreti e mbretërie bashkë. Mirëpo poezia, krejt si në kalendarin e ëndrrës së keqe, ku fundi bëhet fillim e fillimi fund, kryen zhvendosjen dhe përmbys gjithçka. Ka gjasë që joshja e ndërsjellë, e pashpjegueshme midis mbretëreshës Geraldinë dhe shqiptarëve, të ketë pasur për zanafillë pikërisht dhembshurinë ndaj femrës lehonë. Për të zbritur më thellë në kohë, ka pasur shenja që shqiptarët, të lodhur nga ashpërsia, prej kohësh kanë kërkuar një zbutje në jetën e tyre. Nga dy hamendësimet e mundshme, njërit, sipas të cilit, për shqiptarët e rreptë Geraldina ishte mbretëresha më e gabuar, dhe tjetrit, se pikërisht “trëndafili i bardhë” europianoqendror kishte gjetur te këta shkretanë popullin e duhur, ishte ky i dyti që, për një habi të madhe, do të vërtetohej. Stinë pas stine e vit pas viti, me kurorë ose pa kurorë, shqiptarët do ta donin heshturazi, me mallëngjim, dhe natyrisht paarsyeshëm, siç janë shpesh dashuritë e vërteta. Do të ishin të butë me të kur erdhi e aq më tepër kur iku, do të ishin ashtu, gjatë mungesës së saj, e sidomos gjatë kohës së komunizmit, atëherë kur për të urryer një mbretëreshë ishte aq lehtë, e për ta dashur, aq vështirë. Dhe nëse shprehja për ta dashur do të ngjante e tepruar, në vend të saj mund të përdoreshin fjalët: për të mos e përfolur. E të mos flisje keq për një mbretëreshë, ishte një gjë e rrallë në krejt perandorinë komuniste, por sidomos në Shqipëri.

Përbaltej, urrehej, mallkohej mbreti për gjithçka, vetëm ajo nuk u prek. Një pakt i heshtur e kundërthënës vazhdonte ta mbronte. Një pakt jo fort i zakonshëm për botën. Në rastet kur mbretit i krijoheshin probleme me vendin e vet, jo vetëm që mbretëresha nuk përjashtohej nga fajet, por ndodhte që pikërisht mbi të të binte pesha kryesore. E sidomos kur ishte e huaj.

(Njiheshin gjithkund pëshpërimat: ky i yni s’ishte aq i keq, por ishte ajo, shtriga, ajo austriakja, grekojka, hungarezka që e kishte marrë më qafë.) Për një befasi të madhe, në Shqipëri kishte ndodhur e kundërta. Ashtu si popujt që ndiheshin fajtorë e që rrekeshin t’i linin së ardhmes ca dëshmi të fisme, ndoshta edhe shqiptarët, në gjendje të pavetëdijshme, po linin ca shenja që mund t’i ndihnin në orën e gjykimit, përpara botës, por më shumë përpara ndërgjegjes së vet. Kështu kishte ndodhur me mbrojtjen e hebrenjve gjatë luftës, me harmoninë midis besimeve, me ndjesinë e joshjes, gati-gati dashurisë për Amerikën. Geraldina bënte pjesë në këtë përbetim mjegullor. Për të njëjtat arsye ndoshta? Për të tjera, që s’u sqaruan kurrë, e që ndoshta kishin lidhje me gërshetimin: grua e bukur, mbretëreshë dhe lehonë? Ka gjasë që kjo të mbetet, siç u tha, në mjegull e, në fund të fundit, pa ndonjë rëndësi. E rëndësishme ishte që ajo e ndjeu dhe iu përgjigj atij që ende e quante popullin e vet. Në moshën tetëdhjeteshtatëvjeçare, pas 63 vjet mërgimi dhe 31 vjet vejanie, u ngrit, me mallëngjim natyrisht, dhe po aq paarsyeshëm në dukje, për të ardhur në vendin më të shpërfillur të Europës, atë që shqiptarët ende po nguteshin ta braktisnin, që ngjante si më i panevojshmi për të, prej të cilit kishte ikur si në një rrugëtim ferri, në gjendje gjysmë të ëndërrt. E gjendur në Shqipëri, gjëja e parë që mund të ketë kuptuar ka qenë mos-humbja e kurorës. Natyrshëm e thirrën “mbretëreshë” dhe po aq natyrshëm, si e tillë, ajo u soll, ndonëse kurora s’i duhej më. Kishte ardhur thjesht për të vdekur, në tokën që, duke mos qenë e saj, i ishte bërë mëmëdhe.

Ardhja e saj ndodhi në pranverë të vitit 2002. Në fillimvjeshtën e po atij viti, i mbylli sytë, me dëshirën e fundit që një ditë t’ia sillnin përbri trupin e burrit të saj mbret. Siç ndodh në kësi rastesh, po të donim që me një frazë të vetme të jepnim diçka përgjithësuese për këtë të fundit, mbretin Zog, diçka përtej gjykimeve pro e kundër të historisë, për ato që kishte mundur të bënte a për të tjerat që s’i kishte bërë dot, mund të thoshim se, së paku, i kishte dhënë Shqipërisë një histori dashurie. Pjesë nga kapitulli “Një brilant për mbretëreshën”, përfshirë në ribotimin e librit “Mosmarrëveshja” të I. Kadare

-------------------------------------------------------------------- 

http://www.panorama.com.al/argument/kujtimet-e-geraldines-largimi-nga-shqiperia-mengjesin-e-6-prillit-‘39/

Kujtimet e Geraldinës: Largimi nga Shqipëria mëngjesin e 6 prillit ‘39

Argumente Hënë, Dhjetor 5th, 2011

Geraldina në Shqipëri

Ju rrëfej tmerrin e udhëtimit në Greqi, kur bashkë me Lekën e porsalindur, bashkjetonim me vdekjen orë e çast”.

Geraldina, mbretëresha më e bukur dhe më e papërfolura në Europë, përbën një pjesë të bukur të historisë së Shqipërisë. Në monografinë e porsabotuar “Geraldina” të Leon Mollës, nga kemi shkëputur një pjesë të kujtimeve të mbretëreshës shqiptare, ky përcaktim i Kadresë ka vlerën e një kredoje majft domethënëse. Pavarësisht se jetoi pak në Shqipëri, mbretëresha Geraldinë e deshi atë si rrallkush dhe iu përkushtua shpirtërisht deri në çastet e fundit. Pikërisht për këtë arsye figura e saj është respektuar e do të respektohet nga të gjithë brezat e shqiptarëve e në të gjitha regjimet. Në numrin e sotëm kemi zgjedhur për botim mbresat e mbretëreshës në çastet dramtike të largimit nga Shqipëria, në prag të pushtimit nga Italia fashiste…                                                Af.Im

Në ajrin e ftohtë të mëngjesit thellë, një varg prej trembëdhjetë veturash me motorë të ndezur po pritnin. Në veturën Krysler që do ishte imja ndenjësja në anë të shoferit u hoq me një anë dhe u hodh në kopësht. Dysheku im u shtrua për së gjati dhe aty mbeta e shtrirë me këmbët në pjesën e përparëshme dhe kryet mbështetur në kolltukun e prapsme. Një doktor zuri vend pranë meje dhe brenda pak minutave u nismë. Nuk munda të përshëndes as Mbretin. Fëmija ime ishte në një veturë tjetër me njërën nga motrat e Mbretit, me infermieren dhe zonjën që qe pranë meje kur u lind princi.
Teneqe me benzinë u ngarkuan në veturat, sepse asnjëri nuk e dinte sa i gjatë do të ishte udhëtimi ynë deri në kufirin e Greqisë dhe në se do të mund të gjenim benzinë nga do të kalonim. Shërbyeset e mia dhe zonjat përcjellëse kishin mbledhur bashkë atë që mundën të marrën dhe shpejt mësuam se rrëmbimi i ikjes na kish bërë të harrojmë shumë gjëra të çmueshme. Kishim lënë shumë thesare të vjetra e kujtime të dashura si dhe tërë pjatat dhe lugët e florinjta të Pallatit.
Disa kohë më parë im shoq kishte pasë shitur lëndën e pyllit tij privat një shoqërie italiane dhe kish marrë kundër vleftën në napolona ari. Këto napolona ishin mbyllur në dy valiza të thjeshta bojë qielli, por unë nuk dija asgjë në këtë kohë rreth këtyre napolonave megjithëse këto qenë mjeti i vetëm i jetesës sonë gjatë atyre viteve të mërgimit. Disa herë rruga dukesh se ndalte përnjëherësh dhe kaluam nëpër tokë të ashpër të parrahur më parë. Qe një udhëtim i tmerrshëm dhe sot kur më kujtohet më zë tmerri. Lindja e fëmijës time kish qenë e ngadalshme dhe shumë e vështirë dhe unë jesh akoma në një gjendje gjysmë të ndërgjegjëshme dhe nën efektin e mjekimeve. Dhe me gjithë këtë edhe sot më kujtohen kthesat e ngushta shumë dhe brinjët e pjerrëta që binin në përrenjtë e zhveshur e të thatë. Kur po largoheshim gjithnjë larg Tiranës të mbytur me kaosin e gjendjes së krijuar, më goditi syrin fakti i qetësisë që mbretëronte nëpër tërë fshatrat dhe qytetet që kaluam. Shumë nga ata nuk kishin radio dhe mjete të tjera që të mësonin se liria e tyre kish humbur. Rreth mesit të ditës qëndruam për një drekë të vogël në Korçë. Një nga oficerët e grupit tonë mundi t’i telefonojë Mbretit në Pallat. Të gjithë ende shpresonim se do të na kishte thënë të qëndrojmë këtu ose ndofta të ktheheshim prapë në Tiranë, kurse Mbreti na porositte që të shkonim sa më shpejt të ishte e mundur në kufirin e Greqisë. Im vëlla Gyula, katërmbëdhjetë vjeç, ishte duke studiuar në liceun Freng të Korçës. Një nga njerëzit tanë vajti ta kërkojë ku qe, nga një vend në tjetrin, deri sa e gjeti në një klasë së bashku me nxënës të tjerë në orën e arithmetikës. Pa i thënë asnjë fjalë mësuesit mori Gyuala-n për dore ashtu si qe me librat ndënë sqetull dhe fluturoi tek ne.
I mjeri Gyula im. Më vonë shkoi në Francë që të bashkohesh me mëmën time dhe, megjithëse vuante nga diabeti, u bashkua me fuqitë e rezistencës frënge gjatë luftës. Po përvojat dhe vuajtjet që pati gjatë luftës e keqësuan shumë shëndetin e tij deri sa disa vite më parë në Merano të Italisë dha shpirt.
Po sa tmerre dhe dëshpërime të tjera na prisnin më tutje. Në këtë kohë kishim vetëm një qëllim që të mundemi të arrjmë kufirin Grek. Më së fundi, pas një udhëtimi të vështirë për më shumë se katërmbëdhjetë orësh, mundëm të arrijmë në afërsi të kufirit Grek.

JASHTË RREZIKUT PËR PAK KOHË.
Veturat tona qenë skuqur nga balta e madhe dhe fytyrat e njerëzve tanë plot pluhur dhe të këputura nga lodhja. Kjo pjesë e veçantë e kufirit nuk ish në përdorim dhe vetëm një ushtar grek qëndronte për roje. Më kujtohet se jeshë zgjuar dhe e pashë kur më vështroi me çudi nëpërmjet dritares së veturës. Vargu i gjatë i makinave të mbytura në baltë me udhtarë dhe oficerë ngarkuar me shpata e mitraloza e trembte shumë. Leshrat e tij të shkurtra ju ngrenë përpjetë, një gjë e kam dëgjuar të përshkruhet, por asnjëherë nuk e kam parë qysh ahere ose më parë kësaj kohe. Kapela i ra për tokë dhe duke u munduar ta marrë prapë, i shpëtoi dhe pushka nga dora. Pastaj nga turpi dhe nga tronditja iku e u fsheh në pyll.
Një nga ushtarët tonë ngriti trarin që qëndronte në hyrje të kufirit dhe më së fundi u futëm në tokën greke. Përçuam për gati nja gjysëm ore tjetër deri sa erdhëm në kontakt me fuqitë Greke të policisë të motorizuara që na drejtuan për në Follorinë. Qyteti ishte një qytet i varfër pa hotele të kënaqshëm, por më së fundi jeshëm jashtë rrezikut. Një nga shtëpitë e gurta ishte bosh, kështu që vajzët dhe zonjat që më shoqëronin e fshinë dhe e pastruan krejtësisht brenda një kohë të shkurtër dhe më muarën mua me gjithë dyshekun tim e më shpunë brenda. Kisha vuajtur nga një hemoragji (humbje gjaku) e keqe shumë dhe e ndjeja veten kaq të sëmurë sa që s’më bënte më asnjë përshtypje në se vdisja ose jetoja. Dikush më luti të vija diçka në gojë që të merrja pakëz fuqi, por i vetmi ushqim që gjetëm ishte ca djathë që binte erë jo të këndëshme, bërë nga qumështi i dhisë dhe vezë të ziera shumë të ngjyera me bojra të ndryshme për shkak të Pashkës.
Ditën e nesërme, Ditën e të Premtes së Zezë, Mbreti Gjergj i Greqisë mori vesh për qëndrimin tonë këtu dhe dërgoi dy doktorë me një tren të veçantë në Follorinë që të më mjekonin dhe të më shpien në Athinë.
Ngula këmbë të mos shkoj. E njeja se vendi im ishte të qëndroja sa më afër tim shoqi dhe se do të ishte punë më e urtë të pritnim aty afër kufirit për të parë se çdo të ndodhte në vendin tonë.
Mbreti Zog mbeti në Tiranë gjatë 6 e 7 Prillit, duke u përpjekur të organizojë qëndresë kundër pushtuesit. Dëshironte që të bënte një luftë guerriljesh kundër sulmonjësit, të paktën deri në plasjen e luftës së dytë e cila dukesh se do të shpërthente së shpejti. Ai kish bërë plane që të organizonte një grup të vogël qëndrese me lëftëtarë në Veri afër kufirit të Jugosllavisë. Pasonjësit e tij tashmë ishin më të fortë në këto anë ku kish lindur Ai vetë.
Porse qeveria Jugosllave mori vesh rreth këtij plani dhe i dha një notë Qeverisë Shqiptare duke e njoftuar se, në rast se luftimet bëhen në një zonë jo më larg se 15 km. nga kufiri i  tyre, ata do të marshonin mbi Shqipërinë për “të shpëtuar paqen në Ballkan”. Për shumë shokë Jugosllavia kish lakmuar pjesë të tokës shqiptare të kufisë dhe im shoq kuptoi se kërcënimet Jugosllave ishin të sakta dhe Shqipëria nuk ish në gjëndje t’u bëjë ballë dy fuqive sulmonjëse.
Në 8 të prillit Mbreti u ndal në Pogradec afër kufirit Grek. Ai po udhëtonte në një karvan automjetesh së bashku me tërë qeverinë shqiptare dhe shumicën e deputetëve gati pothuaj 1 500 vetë. Këtu për herë të fundit im shoq u mundua të organizojë një qëndresë të fundit. Po vetë shokët e tij e këshilluan që të largohej dhe të vazhdojë luftën për lirinë e vendit jashtë kufinjve të Shqipërisë. “E pranova këtë këshillë me zemër të thyer” më tha Mbreti disa kohë më vonë, sepse mu duk se po të largoheshe kështu nuk do ta shihja më i gjallë vendin tim përsëri”.
Me gjithë këtë qeveria e bindi. Ata e shkoqitën qëndrimin e tyre duke thënë se pas luftës së ardhëshme Shqipëria do të ishte në rrezik për t’u bërë copa-copa dhe meqënëse Mbreti ishte kryetari i Shtetit, ai vetëm mundesh të fliste në emër të gjithë popullit.

NË LARGIM PËRSËRI
Me tërë këto arsyetime Mbreti mbeti me dy mendje dhe nuk kish vendosur se ç’vijë të ndiqte. Në këtë kohë mori vesh se kufiri grek do të mbetesh i hapur deri në mesnatë për të pritur aty dhe shokët e Tij si refugjatë politikë. Pas kësaj ore do të mbyllesh përgjithnjë për cilindo. Ky urdhër i fundit e bëri të marrë vendimin të lërë vendin. Kaloi kufirin 10 minuta para mesnatës dhe mundi të më takojë në orën gjashtë të mëngjesit të ardhshëm.
Në këtë kohë treni dërguar nga Mbreti Gjergj gjendej ende në Follorinë dhe kështu vendosëm që të pranojmë të udhëtojmë me këtë tren por jo për Athinë po për në Selanik.
Pak kohë pasi u nismë së këndejmi treni u ndalua dhe gati nja 500 ushtarë dhe oficerë grekë hypën në tren. Komandanti i tyre na njoftoi se kishte marrë urdhër nga lart që të çarmatoste tërë shqiptarët që mbanin armë. Mbreti Zog dhe familja e Tij do të mbylleshin në Volos; anëtarët e qeverisë dhe të tjerë oficerë do të burgoseshin në Kozan dhe mbetja tjetër e oficerëve dhe ushtarëve do të mbylleshin në një ishull grek. Mbreti Zog e hodhi poshtë këtë ultimatum. Ai i dërgoi një telegram qeverisë helenike në të cilin thuhesh: “Ne nuk jemi robër lufte por miq e fqinjë që kemi nevojë për mikpritjen e Greqisë. Në se Greqia do ta dëshirojë jemi gati të largohemi sa më parë nga toka Greke por kurrë nuk do ta pranojmë të ndahemi nga shoshoqi dhe asnjë nga armët tona nuk do t’u dorëzohet”.
Ndërsa po pritnim përgjigjen e telegramit ndenjëm në tren dhe ushtarët grekë na kishin rrethuar në çdo anë. Brenda një ore Kryeministri i Shqipërisë u thirr në telefon në zyrën kryesore telefonike mbasi vetë Mataksai, kryeministri i vendit, po në fakt diktatori i vërtetë i tij , dëshironte t’i flasë personalisht. “I paraqitni nderimet e mia Mbretit” tha. “Vendosëm që të gjithë Ju do të qëndroni në Larisë disa milja larg nga vendi ku gjendeni tani”. U kënaqëm shumë kur dëgjuam këtë lajm po vetëm shumë kohë më vonë munda të zbuloj se cila qe arsyeja që e detyroi qeverinë Greke të ndërrojë mendimin e parë dhe kjo rrodhi jo vetëm për shkak të marrdhënieve të mira midis të dy vendeve, porse më shumë për shkak të këshillave të mjekëve Grekë që më vizituan. Njëri nga ata ishte mjeku personal i Mbretit Gjergj dhe ai i tha Mbretit të tij se në qoftë se nuk do të mjekohesh në qetësi patjetër do të vdisja. Dhe atëherë vdekja ime do ju barrosë Grekëve dhe jo fashistëve Italianë.
Një hotel i ri kishte qenë ngritur në Larisa po nuk ish hapur ende. U hap vetëm për të pritur ne së pari si myshterinjtë e parë. Qëndruam këtu deri në 1 të Majit dhe paguam për të gjithë hem në këtë hotel, hem në hotelet e tjera më të vegjël të qytetit, sepse ishim shumë e nuk na nxinte hoteli të gjithëve. Ne paguam faturën nga napolonat që kishim në të dy valicat bojë qielli.
Përveç të hollave të Mbretit edhe qeveria kishte marrë të holla floriri nga thesari i shtetit  dhe këto fonde ajo i përdori për të paguar tërë oficerët dhe njerëzit e tjerë në shërbimin e saj deri në kohën kur fondet u shterën. Në këtë kohë shumica e shqiptarëve që kishin ardhur me ne kishin shkuar në vende të tjera dhe kishin marrë punë të ndryshme. Gjatë qëndrimit tonë në Larisa disa ngjarje shqetësonjëse na bënë të kthjellët se duhesh të iknim për së shpejti. Një ngjarje e tillë ndodhi kur dy nga oficerët tonë vajtën në Selanik për të parë Konsullin e Shqipërisë. Këta oficerë u çuditnë kur panë se flamuri i fashizmit i kish zënë vendin flamurit kuq e zi të Shqipërisë dhe kur panë Konsullin nxuarën revolet t’i bien në kokë. Policët grekë duke dëgjuar britmat e tij, shkuan në ndihmë të Konsullit po që të dy u vranë nga oficerët dhe konsulli vetë u vra. Pas kësaj ngjarjeje dhe një tjetre të tillë, im shoq dha urdhër që t’i dorëzohen atij armët e zjarrit. Kësisoj nderi i oficerëve nuk prekej dhe mikpritja greke  nderohej.
Në këtë kohë Ministri i Shqipërisë në Turqi z. Xhaxhuli kish marrë pëlqimin e qeverisë Turke që na porositte të kalonim sa më parë në këtë vend dhe vendosmë që të vemi.

GJITHNJË NË LARGIM 
U prekëm shumë nga kjo oferta zemërgjerë e Turqve dhe sapo munda të mbahem  në këmbët e mija dhe të hypim vetë në trenin që na kish lënë në dispozicion qeveria Greke, vendosmë të nisemi për Turqi. Të gjithë e dinim që në atë vit të 1939 sulmi i Italisë kundër Greqisë ishte shumë i afërt.
Udhëtimi ynë për Turqi është një udhëtim që do ta kujtoj për tërë jetën time sa të jem gjallë. Turma populli u derdhën në tërë stacionet e vogla të trenit ku qëndronim që të përshëndesnin Mbretin Zog duke i britur urimet dhe bekimet e tyre. Arrimë në Stamboll në orën tre të mëngjesit në 3 Maj.
Guvernatori i qytetit së bashku me z. Xhaxhuli dhe zonjën e tij na pritën në mënyrën më të përzemërt që mund të bëhej. U strehuam në hotelin Pera Palace dhe turqit u suallnë kaq mirë sa që disa herë nuk dinim si t’i falenderonim. Ata ngulnë këmbë dhe nuk e njohnë zyrtarisht pushtimin e Shqipërisë dhe ndërsa dilnim nga hoteli ishin urdhëruar tërë shtetasit që të na linin rrugën të lirë kujtdo nga ne.
Ditët tona këtu kaluan në vizita shtetërore, në vizita pallatesh, xhamish dhe muzeumesh të ndryshëm dhe ngado që kaluam plaka dilnin prej turmës dhe i lëshoheshin Mbretit për t’i puthur duart dhe për shpëtimin dhe shëndetin tonë.
Gjatë qëndrimit tonë u takova me Presidentin Ismet Inonu, një burrë shumë simpatik dhe mikpritës. Patëm çaste së bashku në shumë raste dhe më vonë ndërsa im shoq bisedonte me të rreth të ardhmes së vendeve tanë, unë dhe Zonja e Presidentit merreshim me punët tona shtëpiake.
Mundeshim të qëndronim përherë këtu dhe në vetvete kjo do të kishte qenë shumë mirë në shumë pikpamje, porse Mbreti ishte takuar me të dërguar të ndryshëm nga Parisi, Londra dhe Washingtoni që e nxitnin të vente në njërën nga këto kryeqytete.
Ishte e kthjellët për të gjithë ne që jeshëm kaq afër ngjarjeve të Evropës se lufta do të kërcitte për së shpejti midis fuqive të boshtit nga njëra anë dhe Francës e Anglisë nga ana tjetër. Ishte e kuptueshme se mund të bënim më shumë punë në Paris ose në Londër se sa këtu dhe kësisoj Mbreti vendosi të nisemi në 30 të qershorit.
Vijon nesër…

-------------------------------------------------------------------- 

http://www.panorama.com.al/opinion/leka-zogu-dhe-sabri-godo-te-ndryshem-dhe-njesoj/

Leka Zogu dhe Sabri Godo, të ndryshëm dhe njësoj!

Opinione Hënë, Dhjetor 5th, 2011

BLENDI FEVZIU
Leka Zogu dhe Sabri Godo, emra të njohur të politikës shqiptare, personazhe që kanë lënë gjurmë në historinë e saj në kohë dhe me kontribute të ndryshme, ikën nga kjo botë thuajse përnjëherë. Ata u përcollën njëri pas tjetrit, me nderimin e miqve dhe të shoqërisë, por jo pa komentet që shoqërojnë çdo figurë publike. Dhe debatin mbi vendin që ata do të kenë në historinë e varfër të këtij shteti thuajse shekullor.
Leka Zogu është shembulli i rrallë i një njeriu, jeta e ndritur dhe e parashkruar e të cilit u përmbys në honin tragjik të Luftës së Dytë Botërore dhe në furtunat që pasuan atë. Mbreti i ardhshëm, njeriu i shënjuar për një jetë prej drejtuesi të lartë, e humbi fronin de fakto pa mbushur ende 24 orë në këtë jetë. 100 të shtënat e topit që njoftuan ardhjen e tij në këtë botë më 5 prill 1939 dhe 21 të shtënat e armëve që e përcollën pardje nga kjo botë, qenë nderimet e vetme reale që iu bënë atij në 72 vjet. Pjesa tjetër e jetës, mes shpresës për një rikthim në Shqipëri, përndjekjes nga regjimi komunist, vështirësive ekonomike dhe tentativës për ta mbajtur gjallë dhe lart frymën e monarkizmit, pak do lënë gjurmë në histori. Nuk qe faji i tij që nuk u bë dot asnjë ditë mbret i vërtetë dhe që nuk luajti dot rolin që i ishte caktuar në historinë e Shqipërisë. Mbretërinë, nuk e humbi Leka I , e humbi ai që e kish ndërtuar, babai i tij, Ahmet Zogu ose Mbreti Zog I, pa dyshim politikani më karizmatik i historisë shekullore të shtetit shqiptar. Një njeri, që historia nuk ia ka vënë dot në një peshore të metat dhe meritat. Ahmet Zogu ishte njeriu që realisht ndërtoi një shtet të vërtetë dhe unitar shqiptar, thuajse 8 vjet pas shpalljes së pavarësisë. Shqipëria e vërtetë filloi të funksiononte me të. Leka I nuk mundi të bënte asgjë. Zhvillimet botërore qenë kundër tij dhe koha po ashtu. Ai nuk u provua kurrë. Aksioni i tij i vërtetë dhe i vetëm politik, referendumi i qershorit 1997, ra në honin e humnerës shqiptare të atij viti. Nuk u mor vesh nëse fitoi apo humbi, por referendumi i 1997 prodhoi ngjarjen më të madhe për familjen mbretërore, rikthimin në Shqipëri në qershor 2002. Leka Zogu iku nga kjo jetë thuajse 10 vjet pas kthimit në vendin e lindjes. Aty ku mendohej të ishte mbret, por prej nga iku 2 ditësh dhe u kthye 63 vjeç. Ai u nderua me një ceremoni shtetërore, të komentuar dhe të kontestuar aty-këtu. Të kontestuar për kontributin e tij, sipas disa të munguarve, por me një gjest moral përtej protokollit strikt. Nderimi i tij nuk ishte nderim thjesht për të. Radha e gjatë thuajse 2 km që e priste pas derës së homazheve, po ashtu nuk ishte thjesht e tij. Ishte një nderim për monarkinë, për vitet që ajo drejtoi këtë vend dhe për Ahmet Zogun, një ndër politikanët më të rëndësishëm të këtij vendi, që mbështetësit e tij s’kanë pasur ende mundësi ta nderojnë me një ceremoni të vërtetë. Ishte një nderim për Mbretëreshën Geraldinë, që Shqipëria ia kurseu ceremoninë shtetërore më 2002-shin, edhe pse ajo kish qenë për së paku 11 muaj Mbretëreshë e Shqipërisë e për 8 vjet edhe legalisht. Deri më 11 janar 1946, kur Mbretëria u abrogua me një vendim të Asamblesë Kushtetuese. Nderimi për Lekën qe nderimi për një epokë historike, një kërkim faljeje dhe një gjest moral, që nuk lidhej me të vetë dhe as thjesht me vdekjen e tij.
Sabri Godo është shembulli i kundërt i kësaj. I lindur në një familje antizogiste, nip i ish-ministrit të Brendshëm, Ethem Toto, më pas i vrarë nga Mbreti Zog, ai nuk ish shënjuar për një jetë plot shkëlqim. E nisi jetën herët, që 13 vjeç e gjysmë kur Nako Spiru e bindi për avantazhin e komunistëve dhe ai doli partizan. Luftoi për një vit e gjysmë, kudo nëpër Shqipëri e deri në Bosnjë. Partizani i ri duhej të kishte një të ardhme të thjeshtë, por nuk ndodhi kështu. Ai u martua me vajzën e një familjeje kundërshtare të komunizmit dhe më pas, daja i vogël, i mbetur gjallë, Selaudin Toto, u pushkatua nga Enver Hoxha me grupin e deputetëve. Partizani adoleshent mbijetoi duke u punësuar në tregti dhe duke bërë emër në një drejtim që s’e priste askush. U bë shkrimtar. Në karrierën e tij numërohen së paku dy libra që kanë lënë gjurmë të thella në letërsinë dhe historinë e Shqipërisë, “Ali Pashë Tepelena” dhe “Skënderbeu”. Sabri Godo u rikthye në politikë, nëse nuk quhet nisje nga e para, në shkurt 1991. Ai krijoi Partinë Republikane që e drejtoi për shumë vite, “President Nderi” i së cilës vdiq. Në karrierën e tij ishte ndër njerëzit më me ndikim të politikës shqiptare këta 20 vjet. Ishte rasti tipik kur personaliteti dhe karizma dominojnë mbi postin që ke. Në jetën e tij politike, posti më i rëndësishëm ishte ai i Kryetarit të Komisionit të Jashtëm të Parlamentit shqiptar. Por ai prodhoi një figurë me ndikim që pak vetë, madje ministra, kryeministra e presidentë nuk e kanë pasur dot. Ai ishte shembulli tipik kur personaliteti dominon dhe për të ndërtuar këtë personalitet, duket se nuk pati nevojë për asnjë post.
82-vjeçar, Sabri Godo ishte ndër të paktët moshatarë të tij që e sfidoi kohën dhe ndryshimet e shpejta nuk e lanë pas. Aktiv në çdo studio televizive, në çdo debat politik dhe kombëtar, ai la gjurmë kudo. Ishte aktiv si të donte të mbushte kohën që s’e lanë të merrej me politikë, si të donte të linte të plotë portretin e tij. Siç edhe ndodhi vërtet. Ai iku nga kjo botë, duke lënë pas përcaktimin konsensual “plaku i urtë” dhe u nderua pikërisht sepse ishte ai. Godo iku nga kjo botë po aq aktiv saç kish hyrë në moshën 13 vjeçare, kur një ditë braktisi shkollën dhe mori pushkën të luftonte. Ndoshta pa e ditur, që do t’i shërbente këtij vendi, me stilin e tij, deri ditën e fundit që pati frymë…

-------------------------------------------------------------------- 

OBORRI MBRETËROR SHQIPTAR                                           ROYAL COURT OF THE ALBANIANS

Pallati i Vjetër Mbretëror                                                                           P.Box. Nr.8170

Rr. “Murat Toptani”,                                        Tel. ++355 42 261281                         Tirana, Albania                                                                                                                      

       Tiranë,  Shqipëri 

Tiranë, më 2 dhjetor 2011

DEKLARATË PËR MEDIA

Në ditën e tretë të homazheve me rastin e ndarjes nga kjo jete të NMT Leka I – Mbret i Shqiptarëve, pranë Familjen Mbretërore Shqiptare shprehën ngushëllimet e tyre mijëra qytetarë dhe personalitete të jetës shoqërore dhe politike nga Shqipëria, Kosova, Maqedonia, çamëria, Mali i Zi, por edhe tej, nga Evropa dhe Amerika.

Së bashku me Princin Leka dhe të fejuarën e tij Elia, ngushëllimet e rastit i pritën edhe tezja e Mbretit Leka I Sylviane Mysieler, kushërinjtë e Mbreti Leka  Skënder Zogu dhe Ergun Zogu, kryetari i PLL Ekrem Spahiu si dhe besnikë të vjetër të Familjes Mbretërore.

Gjatë ditës së sotme shprehën ngushëllimet e tyre Presidenti i Republikes, Shkëlqesia e Tij Bamir Topi, Kryetarja e Kuvendit të Shqipërisë zonja Jozefina Topalli, ministrat Bujar Nishani, Genc Pollo, Aldo Bumçi, Fatmir Mediu, Ridvan Bode, Eduart Halimi, zv/ministrja e punëve të jashtme zj. Edit Harxhi, etj.

Po ashtu ngushëllimet e tyre paraqitën edhe Hirësia e Tij Selim Muça; zotërinjtë Fatos Nano, Ilir Meta, Neritan Ceka; Kryetari i Këshillit të Qarkut Tiranë Tasim Mema; Drejtoi i Përgjithshëm i Policisë së Shtetit Hysni Burgaj si dhe mjaft personalitete të tjera.

Pritja e mijëra qytetarëve dhe personaliteteve në Pallatin Mbretëror është zhvilluar sipas të gjitha normave të traditës shqiptare.

Familja Mbretërore ka marrë me mijëra telegrame ngushëllimi ndër të cilët veçojmë ato të Madhërisë së Tij Juan Carlos mbret i Spanjës dhe të Familjes Mbretërore Britanike, si dhe një telefonatë nga Familja Mbretërore Belge.

Për ceremoninë zyrtare të ditës së nesërme kanë konfirmuar praninë e tyre LT Prici Paul i Rumanisë së bashku me Princeshën,  Baroni Rafael Henri Estramant, si dhe përfaqësues nga Unioni Monarkist Italian.

Ceremonia Shtetërore do të zhvillohet nesër, ditë e shtunë, dt 3 dhjetor, ora 10:00-12:00 pranë  Selisë së Parlamentit, ku Familja Mbretërore dhe të afërmit e saj do të presin ngushëllime.

Në ora 10:00, arkivoli me trupin e pajetë të Mbretit Leka I do vendoset në oborrin e Selisë së Parlamentit,  ku 4 përfaqësuesit e feve Islame, Ortodokse, Katolike dhe Bektashiane do te bëjnë lutje për shpirtin e Mbretit Leka I.

Pas lutjeve do të ketë një fjalim lamtumire dhe nderimet ushtarake ceremoniale nga Garda e Republikës.

Më tej, kortezhi i përmotshëm do të niset drejt varrezave të Sharrës, ku trupi i pajetë i Mbretit Leka I do të prehet pranë eshtrave të Mbretëreshës Geraldinë dhe Mbretëreshës Suzanë.

Zyra e Shtypit

-------------------------------------------------------------------- 

http://www.bbc.co.uk/news/world-europe-16021010

3 December 2011 Last updated at 22:43 GMT

Albania buries royal claimant Leka Zogu

Leka Zogu never gave up his claim to king of Albania

Continue reading the main story

Related Stories

• Albania last communist head dies
• Country profile: Albania

The self-proclaimed heir to the throne of Albania, Leka Zogu, has been buried in Tirana in an official ceremony.

Though a republic, Albania declared Saturday a day of mourning, with flags flown at half-mast and the ceremony broadcast live on national TV.

Zogu, 72, was the son of Albanian King Ahmet Zogu, who ruled from 1928 until Italy's invasion in 1939.

Albania's then-communist rulers abolished the monarchy in 1946 but Zogu maintained his claim to the throne.

He died in Tirana on Wednesday after being admitted to a hospital with heart and lung trouble.

Prime Minister Sali Berisha and President Bamir Topi were joined for the funeral by other political leaders, religious representatives and the president of neighbouring Kosovo, Atifete Jahjaga.

Tirana Mayor Lulezim Basha said "the whole Albanian royal family has made a great contribution to Albania and Kosovo and merits the honour and respect of Albanians".

Zogu was only days old when his father was forced to leave the country after Italy invaded in 1939.

He was crowned King Leka I by the Albanian exile community in Paris in 1961.

Zogu returned to Albania in 1993 after the fall of communism but was not allowed to stay. He came back a second time in 1997 but fled when violence broke out after a disputed referendum on restoring the monarchy.

He and his Australian wife, Susan Cullen-Ward, returned to Albania to live in 2002, where she died two years later.

Zogu is survived by his son, also named Leka, who is a counsellor at the Albanian foreign ministry.

--------------------------------------------------------------------

http://www.buffalonews.com/wire-feeds/24-hour-world-news/article658016.ece

In this photo taken Nov. 17, 2010, Albania's King Leka I Zogu, the self-proclaimed heir to the throne, speaks at his residence in Tirana. A spokeswoman for Albania's royal family says that King Leka I has died of heart and lung problems at Tirana's Mother Teresa Hospital on Wednesday, Nov. 30, 2011. He was 72. (AP Photo/Hektor Pustina)

Albania holds funeral for self-styled king Leka I

By Llazar Semini

Updated: December 3, 2011, 8:28 AM

TIRANA, Albania (AP) - The self-proclaimed heir to Albania's royal throne was buried on Saturday during a ceremony attended by the country's top leaders and broadcast live on national television.

Though a parliamentary republic, Albanian authorities held official ceremonies for the self-styled king - who called himself Leka I Zogu - at the Parliament building. They also declared Saturday a day of national mourning, with flags flying at and a minute of silence at noon.

Zogu, who returned home from exile to try to claim the throne himself, died Wednesday of a heart attack. He was 72.

He was the son of King Ahmet Zogu, a Muslim chieftain who proclaimed himself Albania's monarch in 1928 and ruled for 11 years during a time that many older Albanians now remember as prosperous and stable.

Albania's communist rulers abolished the monarchy in 1946, but, even in exile, the royal family insisted that Leka Zogu was Albania's legitimate ruler.

President Bamir Topi and Prime Minister Sali Berisha, joined hundreds of other officials and leaders in paying their respect during a ceremony that was broadcast live on public television and some other private channels. Kosovo President Atifete Jahjaga also attended.

"We have come here today ... to honor, with full historic gratitude and national pride, the work of Leka Zogu, son of Ahmet Zogu, King of Albanians," said Tirana's Mayor Lulzim Basha

"Leka Zogu's commitment to the democracy in Albania was never separate from the extraordinary attention to Kosovo's fate," Basha said.

Muslim, Catholic and Orthodox prayers were read by religious leaders.

He was buried next to his wife's and mother's grave at the public Sharra cemetery in a Tirana suburb.

"I, Prince Leka II, swear in front of the body of my father that I will follow the road of King Zogu, of King Leka I to be at the service of the nation, the homeland," said Leka II, his only son.

No opposition leaders were present at the ceremony. Erion Brace, an opposition lawmaker, said that Leka Zogu was never the country's king.

Born just two days before Albania was occupied by Italian forces in 1939, Leka Zogu, the only son of King Ahmet Zogu, spent most of his life in exile in Europe and Africa while his country was ruled by Communists.

After Albania's Communist regime fell in 1990, Leka Zogu made two disastrous attempts to return home - being thrown out during the first in 1993 and charged with leading an armed uprising during the second in 1997.

The six-foot, five-inch (2-meter) tall Leka Zogu finally settled in Albania in 2002, leading a quiet life with his Australian wife, who died in 2004, and son but never relinquishing his claim to the throne. The royal family's official website listed his interests as "arms, shooting, reading and history."

Leka Zogu's Hungarian mother, Queen Geraldina, died in 2002.

His family was given back some of its old royal properties and granted diplomatic passports. Leka Zogu's son has since served as an adviser to several Albanian governments. Today, a small royalist party is allied to the governing Democratic Party's coalition of Albanian Prime Minister Sali Berisha.

The government has pledged to bring home from Paris the late king's remains, calling the monarch "one of the greatest, most distinguished personalities with a major contribution to the history of the Albanian nation."

ASSOCIATED PRESS

Related photos

The coffin of the self-styled king of Albania, Leka Zogu is seen in Tirana Saturday, Dec. 3, 2011. Albania is holding a funeral for Leka Zogu, the self-proclaimed heir to the royal throne of his father who served as king for 11 years before World War II. Zogu, who returned home from exile to try to claim the throne himself, died Wednesday of a heart attack. He was 72. (AP Photo/Hektor Pustina)

The funeral procession for the self-styled king of Albania, Leka Zogu is seen in Tirana Saturday, Dec. 3, 2011. Albania is holding a funeral for Leka Zogu, the self-proclaimed heir to the royal throne of his father who served as king for 11 years before World War II. Zogu, who returned home from exile to try to claim the throne himself, died Wednesday of a heart attack. He was 72. (AP Photo/Hektor Pustina)

The funeral procession for the self-styled king of Albania, Leka Zogu is seen in Tirana Saturday, Dec. 3, 2011. Albania is holding a funeral for Leka Zogu, the self-proclaimed heir to the royal throne of his father who served as king for 11 years before World War II. Zogu, who returned home from exile to try to claim the throne himself, died Wednesday of a heart attack. He was 72. (AP Photo/Hektor Pustina)

The funeral procession for the self-styled king of Albania, Leka Zogu is seen in Tirana Saturday, Dec. 3, 2011. Albania is holding a funeral for Leka Zogu, the self-proclaimed heir to the royal throne of his father who served as king for 11 years before World War II. Zogu, who returned home from exile to try to claim the throne himself, died Wednesday of a heart attack. He was 72. (AP Photo/Hektor Pustina)

The funeral procession for the self-styled king of Albania, Leka Zogu is seen in Tirana Saturday, Dec. 3, 2011. Albania is holding a funeral for Leka Zogu, the self-proclaimed heir to the royal throne of his father who served as king for 11 years before World War II. Zogu, who returned home from exile to try to claim the throne himself, died Wednesday of a heart attack. He was 72. (AP Photo/Hektor Pustina)

 --------------------------------------------------------------------

http://www.botasot.info/def.php?category=97&id=146292

 03.12.2011

KOMBI I JEP LAMTUMIRËN NALTMADHNISË SË TIJ MBRETIT LEKA I, MBRETIT TË SHQIPTARËVE

(I plotësuar) - Në Kuvendin e Shqipërisë u zhvilluan homazhe në nder të Mbretit të Shqiptareve Leka Zogu I. Pranë arkivolit me trupin e pajetë bënë homazhe personalitetet më të larta të shtetit shqiptar, presidentja e Kosovës Jahjaga, ambasadorët e akredituar në Tiranë, politikanë, intelektualë dhe qytetarë. Basha: Mbreti Leka Zogu figurë themelore për aktet shtetformuese të Shqipërisë. Mbreti Leka Zogu do të prehet në varrezat e Sharrës, pranë eshtrave të së ëmës, mbretëreshës Geraldinë dhe bashkëshortes së tij, Suzanë, e cila ndërroi jetë në vitin 2006.

PRINCI LEKA ZOGU II: DO JEM NË SHËRBIM TË KOMBIT
Ora: 13:30- Kortezhi i makinave për varrimin e Leka Zogut të parë mbërriti në varrezat e Sharrës. Gjatë fjalimit të tij në ceremoninë e varrimit, i biri i pretendentit të fronit mbretëror, PRINCI Leka Zogu i Dytë u betua se do të ndjekë rrugën e të atit.
“Betohem se do të ndjek rrugën e mbretit Leka dhe do jem në shërbim të kombit dhe atdheut", u shpreh Leka Zogu II.

BASHA, FJALIM LAMTUMIRE
Ora 12:20- Pas lutjeve të përfaqësuesve të besimeve fetare, kryetari i Bashkisë së Tiranës, Lulzim Basha mbajti një fjalim lamtumire, përpara qindra të pranishmeve në oborrin e Kuvendit, ku u zhvilluan ritet e fundit para trupit të Leka Zogut. Basha e cilësoi Leka Zogun e Parë si një figurë themelore për aktet shtetformuese të Shqipërisë. Kryebashkiaku vlerësoi lart figurën e tij dhe kontributet e familjes mbretërore për Shqipërinë dhe Kosovën.

"Jemi sot për t'u ndarë përgjithmonë nga Princi shqiptar, Leka Zogu i Parë. Kurorën e Shqipërisë mbretëria nuk ja dha askujt, as Ahmet Zogu dhe as Leka Zogu, të cilët nuk e negociuan kurrë kurorën mbretërore, duke e cilësuat si pronë të kombit shqiptar. I paharruar qoftë kujtimi i tij, u preftë i qetë në tokën arbërore",- tha Basha.

4 PËRFAQËSUESIT E BESIMEVE FETARE, LUTJE PËR SHPIRTIN E LEKA ZOGUT
Ora 12:10- Pas homazheve në Kuvend, që vazhduan për rreth 2 orë, arkivoli me trupin e pajetë të N.M.T Leka Zogu I, me uniformë ushtarake, sipas amanetit të lënë prej tij, u vendos në ambientet e jashtme të Kuvendit.
Katër përfaqësuesit e besimeve fetare në vend u lutën për shpirtin e Leka Zogut I.

TOPI, BERISHA E JAHJAGA NDEROJNË MBRETIN LEKA ZOGUN E PARË
Ora 12:00- Rreth mesditës, mbërritën njëri pas tjetrit në hollin e Kuvendit personalitetet më të larta të shtetit shqiptar, si dhe presidentja e Kosovës Atifete Jahjaga.
Kryeministri Berisha bëri homazhe pranë arkivolit të Leka Zogut I, i shoqëruar edhe nga bashkëshortja e tij Liri Berisha. Menjëherë pas tyre, edhe presidenti i Republikës Bamir Topi nderoi pretendentin e fronit mbretëror.

BASHA, TOPALLI E META HOMAZHE PËR MBRETIN LEKA ZOGUN E PARË
Ora: 11:40 Rreth orës 11:40, pranë arkivolit me trupin e pajetë të Leka Zogu I, bënë homazhe edhe kryebashkiaku i Tiranës Lulzim Basha; kryetarja e parlamentit Jozefina Topalli dhe kreu i LSI-së Ilir Meta, të cilët takuan familjarët e të ndjerit dhe shprehën ngushëllimet e tyre.

Më parë, zhvilluan homazhe edhe kryetari i Komitetit Musliman, Selim Muça, Ministri i Teknologjisë dhe Inovacionit, Genc Pollo, ministri i Turizmit, Kulturës, Rinisë dhe Sporteve, Aldo Bumçi, si dhe një përfaqësi e Luginës së Preshevës.

Qindra qytetarë po presin ende jashtë ambienteve të Kuvendit të Shqipërisë për të nderuar pretendentin e fronit mbretëror, Leka Zogu I.

Trupi i M.M.T. Leka Zogut të I, do të dalë nga Parlamenti dhe do të përcillet në bulevardin “Zhan D’Ark”, bulevardi “Dëshmorët e Kombit” sheshi Skënderbej për t’u drejtuar më pas në varrezat e Sharrës. Që dje Bashkia e Tiranës i veshi me të kuqe pemët e bulevardit “Dëshmorët e Kombit”.
Qeveria shpalli ditën e sotme, ditë zie kombëtare ndërsa në të gjitha institucionet e vendit flamuri kombëtar është ulur në gjysmështizë.

ARVIZU E WOLLFARTH HOMAZHE NË NDER TË LEKA ZOGUT
Ora 10:30- Në kuvend vijojnë homazhet në nder të pretendentit të fronit mbretëror, Leka Zogu i Parë. Ambasadori amerikan Alexander Arvizu dhe ai i OSBE-së Eugen Wollfarth kryen homazhe në orën 10:30. Ndërkohë, anëtarë të kabinetit qeveritar, politikanë, intelektualë, qytetarë por edhe të ardhur nga trojet e tjera shqiptare kanë ngushëlluar familjarët dhe të afërmit dhe kanë bërë homazhe pranë arkivolit me trupin e pajetë. Personalitete të larta të shtetit pritet të zhvillojnë homazhe deri në mesditë.

SOT CEREMONIA MORTORE. NË TIRANË, FAMILJA MBRETËRORE ITALIANE
Ora: 07:45 Dje mbërritën në Tiranë përfaqësues të familjes mbretërore italiane, Savoia, për të marrë pjesë në ceremoninë e varrimit të Leka Zogut të I.
Ndërsa mbreti i Spanjës, Huan Karlos, në një mesazh ngushëllimi të tij është shprehur se, nëse familja mbretërore nuk do të ketë impenjime zyrtare, princi Filipe së bashku me princeshë Letizian mund të jenë në kryeqytetin shqiptar për të marrë pjesë në ceremoninë e së shtunës.

Gjithashtu kanë konfirmuar ardhjen përfaqësues të mbretit rumun Mikael. Në mesin e të ftuarve do të jenë edhe familja e mbretëreshës Geraldinë si dhe shumë personalitete shqiptare, ku mes të tjerëve përmendim Presidenten e Kosovës Atifete Jahjaga si dhe të ardhur nga diaspora për të përcjellë Leka Zogun e I.

Kreu i komunitetit mysliman Haxhi Selim Muça, që i përcolli Lekës së II, ngushëllimet e gjithë shqiptarëve myslimanë, kreu i komunitetit bektashinj. Sot para varrimit të Leka Zogut të I të katër komunitetet fetare do ta përcjellin me një lutje të përbashkët, secili sipas riteve të veta.

* * * * * *

Shqiptarët do të përcjellin sot për në banesën e fundit, trupin e pajetë të N.M.T Leka Zogu I. E vendosur me vendim të Këshillit të Ministrave, dita e sotme do të jetë një ditë zie kombëtare në nderim të figurës së Pretendentit për Fronin Mbretëror Leka Zogu I, homazhet e të cilit do të nisin në orën 10:00 dhe do të përfundojnë në orën 12:00 në mjediset e sallës së seancave plenare të Kuvendit të Republikës së Shqipërisë. Përcjellja për në banesën e fundit të NMT Leka I do të përfshijë nderimet më të larta që parashikohen në Protokollin e Shtetit. Gjithashtu, në të gjitha institucionet, shtetërore dhe publike, do të ulet flamuri kombëtar në gjysmë shtizë dhe në orën 12:00 do të mbahet një minutë heshtje në nder të NMT, Leka Zogu I. Radio Televizioni Publik Shqiptar, gjatë zhvillimit të ceremonialit, të transmetojë muzikë funebre. Në homazhet që do të zhvillohen priten të marrin pjesë personalitete të larta të shtetit, ambasadorë të Trupit Diplomatik në Tiranë, përfaqësues të oborreve monarkike në Europë dhe më gjerë, miq të familjes së Mbretit Zog, shqiptarë nga Shqipëria dhe diaspora. Për përgatitjen e ceremonisë së homazheve dhe më pas varrimit në varrezat e Sharrës, Këshilli i Ministrave ka ngritur Komisionin Ndërministror, i cili do të marrë përsipër edhe shpenzimet e varrimit dhe të ceremonialit. Mbret i Shqiptareve Leka Zogu I u nda nga jeta, në moshën 72-vjeçare, pas një arresti kardiak. NMT Leka Zogu i Parë qëndroi i shtruar prej datës 15 nëntor në reanimacionin e Neurokirurgjisë, në Spitalin Nr.5 në Qendrën Spitalore Universitare në Tiranë, pasi pësoi një fibrilacion arterial, formë e aritmisë, ai vuante prej kohësh nga shqetësime të rënda në zemër e mushkëri.

Akset rrugore që do të bllokohen

Policia e Shtetit njoftoi dje banorët e kryeqytetit për rrugët, të cilat do të qëndrojnë të bllokuara gjatë ditës së sotme, për shkak të kryerjes së homazheve në nderim të NMT Leka Zogu I. Në një njoftim për shtyp, Policia e Shtetit deklaroi se nga ora 08:00 deri në orën 13:00 do të merren masat për bllokimin e trafikut dhe moslejimin e parkimit të mjeteve, në segmentin rrugor përgjatë rrugës Xhorxh W. Bush nga Sheshi "Sulejman Pasha" deri te Bulevardi "Zhan D'Ark", Ura e rrugës së "Elbasanit". "Marrjen e masave të sigurisë gjatë zhvillimit të ceremonisë mortore të pretendentit për Fronin Mbretëror, Leka i Parë, që do të zhvillohet më datë 03.12.2011. Bazuar në shkresën e Drejtorisë së Protokollit të Ministrisë së Punëve të Jashtme të Republikës së Shqipërisë, datë 01.12.2011, dërguar në Drejtorinë e Përgjithshme të Policisë së Shtetit njoftohemi se, më datë 03 dhjetor 2011, ora 10.00 - 12.00, organizohen homazhe në hollin qendror të Kuvendit të Republikës së Shqipërisë ku dhe zhvillohet ceremonia mortore për vdekjen e Leka Zogu i I-rë Pretendent për Fronin Mbretëror dhe më pas do të përcillet trupi i tij për në banesën e fundit. Nga shërbimet e Njësisë Rajonale të Policisë Rrugore më datë 03 dhjetor 2011 ora 08.00 deri në orën 13.00 do të merren masat për bllokimin e trafikut dhe moslejimin e parkimit të mjeteve, në segmentin rrugor përgjatë rrugës Xhorxh W. Bush nga Sheshi "Sulejman Pasha" deri te Bulevardi "Zhan D'Ark", Ura e rrugës së "Elbasanit", thuhet në deklaratën e Policisë së Shtetit. Gjithashtu, policia ka marrë masat e sigurisë nga Kuvendi i Republikës së Shqipërisë-Bulevardi "Zhan D'Ark", Bulevardi "Dëshmorët e Kombit", Sheshi "Skënderbej", Rruga e "Kavajës", varrezat e Sharrës. /bs/bw/rd

 --------------------------------------------------------------------

http://www.lajmeshqip.com/kombetare/merren-masat-per-homazhet-per-leka-zogun-e-i-re

 E shtuna ditë zie kombëtare

Saturday, 03 December 2011 09:03

Tiranë – Ceremonia Shtetërore për të nderuar pretendentin e fronit mbretëror, Leka Zogu I, i cili u nda nga jeta në 30 nëntor, do të zhvillohet sot në ora 10.00-12.00 në hollin e Kuvendit të Shqipërisë, ku Familja Mbretërore dhe të afërmit e saj do të presin ngushëllime.

Në ora 10:00, arkivoli me trupin e pajetë të Leka Zogu I do vendoset në oborrin e Kuvendit, ku përfaqësuesit e feve Islame, Ortodokse, Katolike dhe Bektashiane do të bëjnë lutje për shpirtin e tij. Pas lutjeve do të ketë një fjalim lamtumire dhe nderimet ushtarake ceremoniale nga Garda e Republikës.

Pas homazheve, trashëgimtari i fronit mbretëror, me uniformën e vet ushtarake, siç e la amanet, do të prehet në Varrezat e Sharrës, pranë eshtrave të së ëmës, mbretëreshës Geraldinë dhe bashkëshortes së tij, Suzanë, e cila ndërroi jetë në vitin 2006.

Kryeministri Sali Berisha e shpalli të shtunën, 3 dhjetor, ditë zie kombëtare, për të nderuar kujtimin e trashëgimtarit të mbretit Zog, Leka i Parë.

Sot të gjithë flamujt kombëtarë do të jenë të ulur në gjysmë shtizë dhe në mesditë do të mbahet një minutë heshtje, në rrugë e kudo qoftë, sikundër parashikon edhe Protokolli i Shtetit për Ditën e Zisë Kombëtare, ndërsa RTVSH do të transmetojë muzikë funebre.

Qeveria ka ngritur Komisionin Shtetëror, të kryesuar nga zëvendëskryeministri Edmond Haxhinasto, dhe të përbërë nga Aldo Bumçi, ministër i Turizmit, Kulturës, Rinisë dhe Sporteve; Arben Imami, ministër i Mbrojtjes; si dhe një përfaqësues i Oborrit Mbretëror Shqiptar; një përfaqësues i Protokollit të Shtetit; dhe një përfaqësues i protokollit të Kuvendit të Republikës së Shqipërisë.

Ceremonia zyrtare e homazheve për të nderuar trashëgimtarin e fronit mbretëror, Leka i Parë, i cili u nda nga jeta mëngjesin e të mërkurës në Reanimacionin e Spitalit Neurokirurgjik të Tiranës, në moshën 72-vjeçare, do të zhvillohet në hollin e Kuvendit të Shqipërisë, ndërkohë që i tërë ceremoniali do të përballohet nga fondet e buxhetit të vitit 2011 për MPJ-në.

Ndërkohë Policia e Tiranës, ka njoftuar se ka marrë masat e nevojshme lidhur me ceremoninë mortore të pretendentit të Fronit Mbretëror, Leka Zogu I.

Në deklaratë thuhet se “nga ora 08.00 deri në orën 13.00, do merren masat për bllokimin e trafikut dhe moslejimin e parkimit te mjeteve në segmentin rrugor përgjatë rrugës “Xhorxh W. Bush” nga sheshi “Sulejman Pasha” deri te Bulevardi “Zhan D’Ark”, Ura e rrugës së Elbasanit”.

Për ceremoninë e sotme zyrtare kanë konfirmuar praninë e tyre LT Princi Paul i Rumanisë, së bashku me Princeshën, Baroni Rafael Henri Estramant, si dhe përfaqësues nga Unioni Monarkist Italian.

Familja Mbretërore ka marrë me mijëra telegrame ngushëllimi, ndër të cilët ato të Madhërisë së Tij Juan Carlos, mbret i Spanjës dhe të Familjes Mbretërore Britanike, si dhe një telefonatë nga Familja Mbretërore Belge.

Të enjten në ditën e dytë të homazheve shprehu ngushëllimet e tij Kryeministri Sali Berisha. Ndërsa dje, në ditën e tretë të homazheve me rastin e ndarjes nga kjo jete të Leka Zogu I, shprehën ngushëllimet e tyre mijëra qytetarë dhe personalitete të jetës shoqërore dhe politike nga Shqipëria, Kosova, Maqedonia, Çamëria, Mali i Zi, por edhe nga Evropa dhe Amerika.

Gjatë ditës së djeshme shprehën ngushëllimet e tyre Presidenti i Republikës, Bamir Topi, Kryetarja e Kuvendit të Shqipërisë, Jozefina Topalli, ministrat Bujar Nishani, Genc Pollo, Aldo Bumçi, Fatmir Mediu, Ridvan Bode, Eduart Halimi, zv/ministrja e Punëve të Jashtme, Edit Harxhi, etj.

Po ashtu ngushëllimet e tyre paraqitën edhe kryetari i Komunitetit Mysliman të Shqipërisë, Selim Muça; zotërinjtë Fatos Nano, Ilir Meta, Neritan Ceka; Kryetari i Këshillit të Qarkut Tiranë, Tasim Mema; Drejtori i Përgjithshëm i Policisë së Shtetit Hysni Burgaj si dhe mjaft personalitete të tjera.

Ndërkohë shumë përfaqësues të politikës shqiptare nuk kanë nguruar të njohin vlerat patriotike të birit të mbretit Zog, Lekës së Parë.

Trashëgimtari i Fronit Mbretëror Shqiptar, i cili jetoi një jetë të tërë në mërgim, ia kushtoi tërë jetën Shqipërisë. Ai nuk mundi ta njohë Shqipërinë, pasi iku prej saj foshnje dyditëshe, në momentin kur Shqipëria u sulmua nga Italia fashiste, për t’u rikthyer përgjithmonë vetëm në vitin 2002. Por, përpjekjet e Familjes Mbretërore kanë qenë të shumta për rrëzimin e regjimit komunist në Shqipëri.

http://lajme.shqiperia.com/lajme/artikull/iden/1047146665/titulli/Ceremonia-mortore-per-Leka-Zogun-sot-dite-zie-kombetare

Ceremonia mortore për Leka Zogun, sot ditë zie kombëtare

Publikuar më 2011-12-03 09:28:01

Tiranë- Ceremonia mortore e varrimit të pretendentit të Fronit Mbretëror Leka Zogu I do të zhvillohet sot, ditë e cila u shpall ditë zie kombëtare nga qeveria shqiptare.

Me një protokoll të posaqëm shtetëror do të përcillet Leka Zogu I për në banesën e tij të fundit.

Përmes një deklarate për shtyp të Familjes Mbretërore mesohet se gjatë ditës së djeshmë shprehën ngushëllimet e tyre Presidenti i Republikes, Bamir Topi, Kryetarja e Kuvendit, Jozefina Topalli, ministrat Bujar Nishani, Genc Pollo, Aldo Bumçi, Fatmir Mediu, Ridvan Bode, Eduart Halimi, zv/ministrja e punëve të jashtme zj. Edit Harxhi, etj.

Po ashtu ngushëlluan Familjen Mbretërore edhe kreu i Komunitetit Musliman, Selim Muça; Fatos Nano, Ilir Meta, Neritan Ceka, Kryetari i Këshillit të Qarkut Tiranë Tasim Mema; Drejtoi i Përgjithshëm i Policisë së Shtetit Hysni Burgaj si dhe mjaft personalitete të tjera.

Po ashtu, Familja Mbretërore ka marrë me mijëra telegrame ngushëllimi si nga Juan Carlos mbret i Spanjës, nga Familja Mbretërore Britanike, si dhe një telefonatë nga Familja Mbretërore Belge.

Mesohet se në ceremoninë e sotmë do të marrin pjesë Prici Paul i Rumanisë së bashku me Princeshën, Baroni Rafael Henri Estramant, si dhe përfaqësues nga Unioni Monarkist Italian.

Mesohet se në ora 10:00, arkivoli me trupin e pajetë të Mbretit Leka I do vendoset në oborrin e Selisë së Parlamentit, ku 4 përfaqësuesit e feve Islame, Ortodokse, Katolike dhe Bektashiane do te bëjnë lutje për shpirtin e Mbretit Leka I. Pas lutjeve do të ketë një fjalim lamtumire dhe nderimet ushtarake ceremoniale nga Garda e Republikës.

“Më tej, kortezhi i përmotshëm do të niset drejt varrezave të Sharrës, ku trupi i pajetë i Mbretit Leka I do të prehet pranë eshtrave të Mbretëreshës Geraldinë dhe Mbretëreshës Suzanë”- thuhet në deklaratën e Familjes Mbretërore.

Ndërkohë Policia e Tiranës ka njoftuar se duke filluar nga ora 08:00 deri në orën 13:00 janë marrë masa për ndalimin e trafikut dhe moslejimin e parkimëve në segmentin rrugor përgjatë rrugës “Xhorxh W. Bush” nga sheshi Sulejman Pasha deri tek Bulevardi Zhan DArk, dhe tek Ura në rrugën e Elbasanit.

Mesohet se itinerari për përcjelljen e Leka Zogut I do të niset nga godina e Kuvendit të Shqipërisë, ku do të mbahen homazhet nga ora 10:00 deri në orën 12:00, për të vazhduar më pas tek Bulevardi Zhan DArk, Bulevardi Deshmoret e Kombit, Sheshi Skenderbej Rruga e Kavajës si dhe tek Varrezat e Sharrës.

Pretendenti Leka Zogu I, ndërroi jetë më 30 nëntor në spitalin Nënë Tereza pas vuajtjëve me mushkëritë dhe zemrën.

Shkrime të tjera me interes:

1. Përmisohet gjendja e mbretit Leka Zogu I
2. Leka Zogu I, Braçe kundër ceremonisë mortore në Kuvend
3. Pavarësia, Familja Mbretërore uron diasporën në Amerikë

http://lajme.shqiperia.com/lajme/artikull/iden/1047146616/titulli/Nis-ceremonia-zyrtare-mortore-per-Leka-Zogun-I

Nis ceremonia zyrtare mortore për Leka Zogun I

Tërhequr më 03 Dhjetor 2011

(07:48)Sot, ceremonia mortore e Leka Zogut I

Tiranë – Sot zhvillohet ceremonia mortore e Leka Zogut I. Homazhet fillojnë në orën 10:00 në hollin e Kuvendit të republikës së Shqipërisë.

Për të marrë pjesë në ceremoninë mortore të Leka Zogut I dje mbërritën në Tiranë përfaqësues të familjes mbretërore italiane, Savoia. Ndërsa mbreti i Spanjës, Huan Karlos, në një mesazh ngushëllimi të tij është shprehur se, nëse familja mbretërore nuk do të ketë impenjime zyrtare, princi Filipe së bashku me princeshë Letizian mund të jenë në kryeqytetin shqiptar. Pjesëmarrjen në ceremoni e ka konfirmuar edhe LT princi Paul i Rumanisë së bashku me princeshën, Baroni Rafael Henri Estramant etj.

Në mesin e të ftuarve do të jenë edhe familja e mbretëreshës Geraldinë si dhe shumë personalitete shqiptare.

Ndër personalitet shqiptare që do të marrin pjesë në ceremoni, bie në sy ajo e Presidentes së Kosovës Atifete Jahjaga.

Trupi i Leka Zogut të I, do të dalë nga kuvendi rreth orës 12:00 dhe do të përcillet në bulevardin “Zhan D’Ark”, bulevardin “Dëshmorët e Kombit”, sheshin Skënderbej për t’u drejtuar më pas në varrezat e Sharrës.

Nano ngushëllon Familjen

Kundërshtari politik që fitoi garën e kontestuar kundër vendosjes së monarkisë në vitin 1997 me anë të referendumit i është bashkuar dhimbjes së familjes mbretërore për ndarjen nga jeta të Leka Zogut I.

Ish-lideri socialist e quajti “mbret” Leka Zogun I gjatë ngushëllimeve. “Kontributet e Leka Zogut Parë duhet të nxisin politikën të shumëfishojë pikat e bashkimit të bashkëpunimit”, tha Nano pas ngushëllimeve.

Gjatë tre ditëve kanë ngushëlluar gjithashtu:

Presidenti Bamir Topi
Kryeministri Sali Berisha
Kryetarja e Parlamentit Jozefina Topalli
Kryetari i LSI-së Ilir Meta
Ministrat: Mediu, Nishani, Pollo, Bumçi, Bode, Halimi, Imami
Kryetari i Komunitetit Mysliman, H. Selim Muça
Deputetët: Jemin Gjana, Arben Malaj, Kastriot Islami, Andis Harasani, SHpëtim Idrizi, Dashamir Tahiri etj./Start/

 --------------------------------------------------------------------

http://www.shqiptariiitalise.com/component/content/article/44-kronike/2199-varroset-leka-zogu-dite-zie-ne-shqiperi.html

Varroset Leka Zogu. Ditë zie në Shqipëri

Sabato 03 Dicembre 2011 09:29

 Lamtumira e fundit Lekë Zogut

Të pranishëm në ceremoninë mortore të Leka Zogut janë personalitete të larta të shtetit, Presidenti i Republikës, Bamir Topi, kryeministri Sali Berisha, kryetarja e Kuvendit Jozefina Topalli, Kryetari i bashkise së Tiranës, Lulzim Basha , Kryetari i LSI-se , Ilir Meta, Presidentja e Kosovës, Atifete Jahjaga, deputetë të Kuvendit, diplomatë, familjarë, qytetarë nga Shqipëria dhe diaspora etj.

Trupi i Leka Zogut, i mbuluar me flamurin kombëtar është vendosur, pas homazheve që vazhduan për rreth 2 orë, në hollin e Kuvendit, është nxjerrë në oborrin e selisë së parlamentit, para përcjelljes në banesën e fundit. Katër përfaqësuesit e besimeve fetare në vend u lutën për shpirtin e Leka Zogut.

Pas lutjeve të përfaqësuesve të besimeve fetare, kryetari i Bashkisë së Tiranës, Lulzim Basha mbajti një fjalim lamtumire, përpara qindra të pranishmeve në oborrin e Kuvendit, ku u zhvilluan ritet e fundit para trupit të Leka Zogut. Basha e cilësoi Leka Zogun “një figurë themelore për aktet shtetformuese të Shqipërisë”.

Tiranë, 3 dhjetor 2011, Ora 9.00 - Ceremonia Shtetërore për të nderuar Leka Zogun që u nda nga jeta në 30 nëntor, do të zhvillohet sot në ora 10.00-12.00 në hollin e Kuvendit të Shqipërisë, ku Familja Mbretërore dhe të afërmit e saj do të presin ngushëllime.

Në ora 10:00, arkivoli me trupin e pajetë të Leka Zogut do vendoset në oborrin e Kuvendit, ku përfaqësuesit e feve Islame, Ortodokse, Katolike dhe Bektashiane do të bëjnë lutje për shpirtin e tij. Pas lutjeve do të ketë një fjalim lamtumire dhe nderimet ushtarake ceremoniale nga Garda e Republikës.

Pas homazheve, me uniformën e vet ushtarake, siç e la amanet, Leka Zogu do të prehet në Varrezat e Sharrës, pranë eshtrave të së ëmës, mbretëreshës Geraldinë dhe bashkëshortes së tij, Suzanë, e cila ndërroi jetë në vitin 2006.

Kryeministri Sali Berisha e shpalli të shtunën, 3 dhjetor, ditë zie kombëtare, për të nderuar e të birit të mbretit Zog, Leka.

Sot të gjithë flamujt kombëtarë do të jenë të ulur në gjysmë shtizë dhe në mesditë do të mbahet një minutë heshtje, në rrugë e kudo qoftë, sikundër parashikon edhe Protokolli i Shtetit për Ditën e Zisë Kombëtare, ndërsa RTVSH do të transmetojë muzikë funebre.

Qeveria ka ngritur Komisionin Shtetëror, të kryesuar nga zëvendëskryeministri Edmond Haxhinasto, dhe të përbërë nga Aldo Bumçi, ministër i Turizmit, Kulturës, Rinisë dhe Sporteve; Arben Imami, ministër i Mbrojtjes; si dhe një përfaqësues i Oborrit Mbretëror Shqiptar; një përfaqësues i Protokollit të Shtetit; dhe një përfaqësues i protokollit të Kuvendit të Republikës së Shqipërisë.

Ceremonia zyrtare e homazheve për të nderuar Leka Zogun do të zhvillohet në hollin e Kuvendit të Shqipërisë, ndërkohë që i tërë ceremoniali do të përballohet nga fondet e buxhetit të vitit 2011 për MPJ-në.

Ndërkohë Policia e Tiranës, ka njoftuar se ka marrë masat e nevojshme lidhur me ceremoninë mortore Leka Zogut.

Ne deklaratë thuhet se "nga shërbimet e Njësisë Rajonale të Policisë Rrugore më datë 3 Dhjetor, ora 08.00 deri në orën 13.00, do merren masat për bllokimin e trafikut dhe moslejimin e parkimit te mjeteve në segmentin rrugor përgjatë rrugës "Xhorxh W. Bush" nga sheshi "Sulejman Pasha" deri te Bulevardi "Zhan D’Ark", Ura e rrugës së Elbasanit".

Sipas policisë, e cila i referohet një shkrese të Drejtorisë së Protokollit të Ministrisë së Punëve të Jashtme, bëhet e ditur se më 3 Dhjetor 2011, ora 10.00- 12.00, organizohen homazhe në hollin qëndror të Kuvendit të Shqipërisë dhe zhvillohet ceremonia mortore për vdekjen e Leka Zogut dhe me pas trupi i tij do të përcillet për në banesën e fundit, duke u nisur nga Kuvendi i Shqiperisë- Bulevardi "Zhan D’Ark" - Bulevardi "Dëshmoret e Kombit"- Sheshi “Skenderbej"- Rruga e Kavajës- Varrezat e Sharrës.

Për ceremoninë e sotme zyrtare kanë konfirmuar praninë e tyre LT Prici Paul i Rumanisë, së bashku me Princeshën, Baroni Rafael Henri Estramant, si dhe përfaqësues nga Unioni Monarkist Italian.

Familja Zogu ka marrë me mijëra telegrame ngushëllimi, ndër të cilët ato të Madhërisë së Tij Juan Carlos, mbret i Spanjës dhe të Familjes Mbretërore Britanike, si dhe një telefonatë nga Familja Mbretërore Belge.

Pardje dhe dje, gjatë homazheve me rastin e ndarjes nga kjo jete të Leka Zogut, shprehën ngushëllimet e tyre mijëra qytetarë dhe personalitete të jetës shoqërore dhe politike nga Shqipëria, Kosova, Maqedonia, Çamëria, Mali i Zi, por edhe nga Evropa dhe Amerika.

Gjatë ditës së djeshme shprehën ngushëllimet e tyre Presidenti i Republikes, Bamir Topi, Kryetarja e Kuvendit të Shqipërisë, Jozefina Topalli, ministrat Bujar Nishani, Genc Pollo, Aldo Bumçi, Fatmir Mediu, Ridvan Bode, Eduart Halimi, zv/ministrja e Punëve të Jashtme, Edit Harxhi, etj. Kryeministri i shprehu ngushëllimet një ditë më parë.

Po ashtu ngushëllimet e tyre paraqitën edhe kryetari i Komunitetit Mysliman të Shqipërisë, Selim Muça; zotërinjtë Fatos Nano, Ilir Meta, Neritan Ceka; Kryetari i Këshillit të Qarkut Tiranë, Tasim Mema; Drejtori i Përgjithshëm i Policisë së Shtetit Hysni Burgaj si dhe mjaft personalitete të tjera.

Lexo edhe: Ndërron jetë Leka Zogu

-------------------------------------------------------------------- 

03.12.2011 - http://www.botasot.info/def.php?gjuha=0&category=97&id=146165

Berisha: Mbreti Leka Zogu i Parë, mbështetës i lirisë së shqiptarëve

Shqiptarët të bashkuar në dhembjen dhe zinë për humbjen e Mbretit Leka I

"Shqiptarët, në të katër anët kudo që jetojnë, janë të bashkuar në dhembjen dhe zinë për humbjen e Mbretit Leka I. Këtë bashkim e kanë të bazuar në kontributet historike të Tij, të Mbretit Zog, Mbretëreshës Geraldinë, të Familjes Mbretërore". Kryeministri Berisha, i shoqëruar nga bashkëshortja e tij, Liri Berisha, zhvilloi dje pasdite një vizitë ngushëllimi në familjen e Leka Zogu I, i cili u nda nga jeta një ditë më parë në moshën 72-vjeçare. Kryeministri Berisha i shprehu ngushëllime Princit Leka dhe familjarëve për ndarjen nga jeta të Leka Zogut I, një humbje e madhe kjo për mbarë kombin shqiptar dhe Shqipërinë. Duke shprehur nderimin e tij të thellë për veprën e Leka Zogut I, Kryeministri Berisha la dhe një shënim në librin e ngushëllimeve të çelur me këtë rast.

Kryeministri Berisha zhvilloi një vizitë ngushëllimi në familjen e Mbretit Leka Zogu të Parë dhe la një shënim në librin e ngushëllimeve të çelur me këtë rast.

"Dua t'i shpreh ngushëllimet më të sinqerta Princit Leka dhe Familjes Mbretërore për humbjen e Mbretit Leka Zogu I, një humbje e madhe kjo për mbarë kombin shqiptar dhe Shqipërinë", tha Berisha. Ai u shpreh se Mbreti Leka I u largua nga vendi i tij dy ditë pas lindjes, por përfaqëson një jetë të tërë atdhedashurie të pakufishme, përkushtimi të jashtëzakonshëm, mbrojtje të pamposhtur të lirisë së shqiptarëve, mbështetje të madhe të shqiptarëve në Kosovë në përpjekjet e tyre për liri kombëtare, mbështetje të madhe të shqiptarëve në Shqipëri në përpjekjet e tyre për t'u çliruar nga zgjedha e regjimit më barbar që vendi ka njohur në tërë historinë e tij. Gjithashtu, Kryeministri tha se është një nderim për kontributin e madh, historik, të Mbretit Zog, burrit që bëri pavarësinë e Shqipërisë të jetojë, shtetarit që më shumë se kushdo tjetër kontribuoi në ndërtimin e shtetit shqiptar, Mbretit që u largua nga Shqipëria pasi ajo ishte përcaktuar si viktimë e parë e agresionit nazifashist në Evropë, por që vazhdoi me vendosmëri të madhe luftën për çlirimin e Shqipërisë. Berisha tha se përpjekjet e legalistëve, qëndresa e tyre që në orët e para të pushtimit deri në ditën e fundit të çlirimit të vendit janë një faqe e ndritur atdhetarie, heroizmi dhe qëndrese. "Paslufte në Shqipëri ndodhi ndryshe nga vendet e tjera që dolën nga pushtimi barbar nazifashist, të cilat kurorat i rikthyen ose shpallën referendume në mënyrë që populli të shprehej. Në mënyrën më arbitrare, një kongres ndaloi monarkun e shqiptarëve të kthehej në vendin e Tij, gjë e cila zgjati, siç dihet, gjatë gjithë jetës së Tij dhe Mbreti vdiq në Paris në vitin '61. Më vonë, një referendum u bë dhe shqiptarët janë dëshmitarë, se ata shprehën masivisht qëndrimin e tyre në respekt të Mbretit Leka i Parë dhe në favor të tij, por, siç dihet, ai referendum u mbajt në kushte të një rebelimi të egër komunist. Dhe e vërteta është se askush nuk mund të thotë kurrë se rezultati ishte ai që u shpall. Kjo çështje nuk është e mbyllur. Unë i them të vërtetat ashtu siç janë, nuk mund të them gjë tjetër. Unë i them të vërtetat ashtu siç i perceptoj dhe siç kanë ndodhur. Kjo është detyra ime", tha Kryeministri ndër të tjera. I pyetur mbi heshtjen e opozitën për ndarjen nga jeta të Leka Zogut, Kryeministri tha se: "Unë nuk dua t'i jap asnjë karakter partiak. Ai ligj, i cili i ka dhënë dhe ka njohur statusin e Familjes Mbretërore është votuar në Parlament nga deputetë të të gjitha forcave politike. Kjo është e vërteta. Për të gjithë ata, të cilët kanë votuar atë ligj dhe shqiptarët në tërësi e kanë shumë të qartë që Familjet Mbretërore përbëhen nga Mbretërit, Mbretëreshat, Princërit, Princeshat, e kështu me radhë. Kjo është e vërtetë për Familjen Mbretërore shqiptare dhe Parlamenti ka rivendosur një të drejtë historike, duke përcaktuar me shumë të drejtë Protokollin Shtetëror dinjitoz, siç i përket Familjes Mbretërore. Nuk duhet të merremi me copëza të shkëputura, sepse kudo ka individë pro e kundër dhe kjo është normale".

-------------------------------------------------------------------- 

http://www.botasot.info/def.php?gjuha=0&category=97&id=146294

03.12.2011

Topalli vizitë ngushëllimi në Familjen Mbretërore

Kryetarja e Kuvendit Jozefina Topalli zhvilloi dje një vizitë ngushëllimi në familjen e Mbretit Leka Zogu I, i cili u nda nga jeta në moshën 72 vjeçare. Duke i shprehur ngushëllimet Princit Leka dhe familjarëve për ndarjen nga jeta të Leka Zogut I, Kryetarja e Kuvendit vlerësoi figurën e Leka Zogu I si një atdhetar të mençur dhe me humbjen e Tij, shqiptarët kudo humbën një figurë të rëndësishme të historisë së tyre politike, një figurë që tashmë ka vendin e vet të nderuar në kujtesën kombëtare. Kryeparlamentarja Topalli la dhe një shënim në librin e ngushëllimeve të çelur me këtë rast. "Përmes një Shpreh ngushëllimet më të sinqerta dhe më të thella për humbjen e Mbretit Zog. Në të njëjtën kohë dua të shfrytëzoj këtë moment si një moment reflektimi.

E para, është një moment, në të cilin ne duhet të rikthehemi dhe të nderojmë historinë tonë, historinë e pjesës së mbretërisë që është një ndër momentet e jashtëzakonshme të përpjekjeve të një lideri sepse Mbreti Zog i ishte një lider i jashtëzakonshëm, që bëri përpjekje dhe i'a arriti që të vendosë bazat e ndërtimit te shtetit shqiptar. E dyta, e shoh në planin politik. Është një moment që në duhet të kërkojmë të falur për të gjitha sulmet dhe urrejtjen që u injektua gjatë 50 viteve të komunizmit ndaj Mbretit Zog dhe ndaj gjithë familjes mbretërore. Shoqëria jonë i'a ka borxh që t'i kërkojë të falur për një sjellje të tillë, të mbushur me mllef dhe urrejtje ndaj kësaj familjeje" tha Kryetarja e Kuvendit. po ashtu ajo theksoi se Leka i Parë u largua nga ky vend kur ishte vetëm 24 orësh dhe ka kërkuar gjithë jetën e vet të kthehej këtu sepse e donte Shqipërinë, sepse ishte i injektuar me patriotizëm. "Mendoj se është një moment ngushëllimi për familjaret, që po në këtë shtëpi ku ka lindur Leka I, po këtu ai jep lamtumirën familjes së tij dhe vendit të tij. Unë mendoj se ndoshta të gjithë bashkë në këtë moment duhet të mendojmë se çfarë tjetër duhet të bëjmë për mbretëreshën Geraldinë, që është si një gur i çmuar, që shndërrin në historinë tonë. Unë besoj se duke nderuar këtë pjesë të historisë i bëjmë nder vetes tonë, familjes mbretërore, por dhe kombit shqiptar në tërësi" tha Topalli.

-------------------------------------------------------------------- 

http://www.mapo.al/index.php?z=lexo&category=3&id=19781&titulli=kuvendi-hap-dyert-nisin-ne-oren-10-homazhet

Kuvendi hap dyert, nisin në orën 10 homazhet

Për ceremoninë zyrtare të ditës së sotme kanë konfirmuar praninë e tyre Prici Paul i Rumanisë së bashku me Princeshën, Baroni Rafael Henri Estramant, si dhe përfaqësues nga Unioni Monarkist Italian

Kuvendi i Shqipërisë do të hapë sot paradite dyert për të kryer homazhet në nderim të të ndjerit Leka Zogut I. Në orën 10:00, arkivoli me trupin e pajetë të Mbretit Leka I do vendoset në oborrin e selisë së Parlamentit, ku 4 përfaqësuesit e feve Islame, Ortodokse, Katolike dhe Bektashiane do të bëjnë lutje për shpirtin e Mbretit Leka I. Pas lutjeve do të ketë një fjalim lamtumire dhe nderimet ushtarake ceremoniale nga Garda e Republikës.

Më tej, kortezhi i përmotshëm do të niset drejt varrezave të Sharrës, ku trupi i pajetë i Mbretit Leka I do të prehet pranë eshtrave të Mbretëreshës Geraldinë dhe Mbretëreshës Suzanë. E gjithë ceremonia funebre do të organizohet sipas Protokollit të Shtetit, ndërkohë që nderimet për Lekën I do të jenë të si ato që rezervohen për kreun e shtetit. Trupi i Leka Zogut I do të përcillet për në banesën e fundit në Varrezat e Sharrës ku ka vendin e tij, pranë nënës dhe Suzanës, i vendosur mbi shtratin e topit, ndërsa në arkivol si sende me vlerë do t’i futen të gjitha medaljet që ai ka marrë nga personalitete të ndryshme gjatë jetës. Në përputhje me përcaktimet e ceremonialit zyrtar, arkivoli do të vendoset në shtratin e topit i mbuluar me flamurin kombëtar, ndërkohë që ulja e arkivolit në varr do të shoqërohet me 21 të shtëna nga truproja e nderit. Për ceremoninë zyrtare të ditës së sotme kanë konfirmuar praninë e tyre LT Prici Paul i Rumanisë së bashku me Princeshën, Baroni Rafael Henri Estramant, si dhe përfaqësues nga Unioni Monarkist Italian. Në nderim të të ndjerit Leka Zogu I, qeveria ka vendosur që e shtuna të jetë ditë zie kombëtare, për këtë arsye, në të gjitha institucionet, shtetërore dhe publike, në orën 12:00 flamuri kombëtar do të ulet në gjysmë shtize dhe do të mbahet një minutë heshtje. Po kështu, gjatë zhvillimit të ceremonialit Radio-Televizioni Publik Shqiptar do të transmetojë muzikë funebre. Leka Zogu I është ndarë nga jeta në moshën 72-vjeçare, pas një beteje disaditëshe me jetën dhe vdekjen në repartin e terapisë intensive pranë Pavijonit të Neurokirurgjisë në spitalin “Nënë Tereza”. Leka Zogu I ka mbyllur sytë rreth orës 08:45 të mëngjesit të së mërkurës, ndërkohë që shkak është bërë arresti i përsëritur kardiak.

Homazhet, rrugët që bllokohen nga ora 8:00 deri në 13:00

Ditën e sotme nga ora 8 e mëngjesit deri në orën 13.00 do të ndalohet qarkullimi i makinave në disa rrugë të kryeqytetit, për shkak të ceremonisë mortore të Leka Zogut I. Policia e Tiranës nëpërmjet një komunikimi për mediat bën me dije se për shkak të homazheve që do zhvillohen në sallën e seancave të Parlamentin në nder të pretendentit për fronin mbretëror, Leka Zogut I, do të merren masa për moslejimin e krijimit të trafikut. Kështu, Policia Rrugore nga ora 08.00 deri në orën 13.00 do të bllokojë trafikun dhe moslejimin e parkimit të mjeteve në segmentin rrugor përgjatë rrugës “Xhorxh Ë.Bush” nga sheshi “Sulejman Pasha” deri te bulevardi “Zhanë d’Ark”, ura e Rrugës së Elbasanit. Sipas bluve, thuhet se këto masa merren për të lejuar përfundimin e ceremonisë mortore të Leka Zogut I me qetësi dhe rend të plotë. Bazuar në shkresën e Drejtorisë së Protokollit të Ministrisë së Punëve të Jashtme të Republikës së Shqipërisë, datë 01.12.2011, dërguar në Drejtorinë e Përgjithshme të Policisë së Shtetit, njoftohet se në datën 03 dhjetor 2011, ora 10.00–12.00, organizohen homazhe në hollin qendror të Kuvendit të Republikës së Shqipërisë dhe më pas zhvillohet ceremonia mortore për vdekjen e Leka Zogut I, për të përcjellë trupin i tij për në banesën e fundit. Ceremonia do të mbahet konkretisht në itinerarin: nga Kuvendi i Republikës së Shqipërisë – Bulevardi – Zhanë d’Ark – Bulevardi “Dëshmorët e Kombit” – sheshi “Skënderbej” – Rruga e Kavajës – Varrezat e Sharrës.

-------------------------------------------------------------------- 

http://www.gazetadielli.com/index.php?option=com_content&view=article&id=2879:lamtumire-leka-i-pare&catid=62:december-2011&Itemid=54

-------------------------------------------------------------------- 

http://www.shqiptarja.com/shq_lajm.php?IDNotizia=66211&IDCategoria=2706

-------------------------------------------------------------------- 

http://www.shqiptarja.com/news.php?IDCategoria=2706&IDNotizia=66259

03 Dhjetor 2011 - 12:03

-------------------------------------------------------------------- 

http://www.shqiptarja.com/news.php?IDCategoria=2706&IDNotizia=66282

03 Dhjetor 2011 - 16:23

-------------------------------------------------------------------- 

http://www.shqiptarja.com/shq_lajm.php?IDNotizia=66235&IDCategoria=2706

-------------------------------------------------------------------- 

http://mobile.gazetastart.com/lajme/Aktualitet/45966/

Leka Zogu II betohet të ndjekë rrugën e familjes mbretërore

Leka Zogu II, i biri i pretendentit për fronin mbretëror, Leka Zogu I, u betua sot gjatë ceremonisë mortore të të atit në varrezat e Sharrës, se “do të ndjek rrugën e Mbretit Leka dhe do jem në shërbim të kombit dhe atdheut”.

Pas betimit, Leka Zogu i II-të ka marrë flamurin dhe kapelën e familjes Zogu si shenjë për vijimin e rrugës së tyre.

Leka Zogu II ka lindur më 26 mars 1982 në Johanesburg të Afrikës së Jugut. Princi Leka është i fejuar me aktoren Elia Zaharia, vajzën e aktores së njohur Yllka Mujo.

Sipas faqes zyrtare të familjes Mbretërore, Leka II u shpall trashëgimtar i fronit në vitin 2000, bas një betimi që ai bëri përpara Lekës I, në Johanesbug. Nga ajo ditë, ai zgjodhi të ishte Leka II, Princ i Shqiptarëve.

Nga viti 2004 deri në 2005-n vijoi studimet në akademinë “Royal Military Academy of Sandhurst”, në Mbretërinë e Bashkuar. Gjatë këtyre studimeve mori disa çmime, si “The King Hussein Price” dhe toga e Lekës II është shpallur si “The Sovereign’s Platoon”. Ai ka mbaruar edhe Universitetin Mbretëror Iliria, dega Marrëdhënie Ndërkombëtare dhe Diplomaci.
/Start/E.B/
                                                                                             2011-12-03 15:32
   

 -------------------------------------------------------------------- 

http://www.gazetatema.net/web/2011/12/03/topalli-e-hapa-kuvendin-per-leka-zogun-si-ndjese-per-urrejtjen-qe-mbolli-diktatura-ndaj-familjes-se-tij/

Topalli: E hapa Kuvendin për Leka Zogun si ndjesë për urrejtjen që mbolli diktatura ndaj familjes së tij

3 Dhjetor, 2011 | 

Kryetarja e Kuvendit ka reaguar ndaj qëndrimeve që janë mbajtur ndaj faktit se ajo hapi Kuvendin për homazhe për Leka Zogun. Në një njoftim të Kuvendit thuhet se ceremonia u zhvillua si nderim, por edhe si ndjesë për urrejtjen që mbolli diktatura ndaj familjes së Zogut.

“Ceremonia e homazheve, e mbajtur sot në hollin hyrës të sallës së seancave plenare, u bë në shenjë nderimi për historinë e mbretërisë, si pjesë e historisë shqiptare. Mbreti Ahmet Zogu dha një kontribut fondamental në ndërtimin e shtetit shqiptar në rrethana të vështira, të komplikuara të asaj periudhe historike për kombin tonë.

Kjo ceremoni u zhvillua jo vetëm në nderim të asaj pjese të historisë së Shqipërisë, por edhe si ndjesë për gjithë urrejtjen që diktatura mbolli gjatë gjysëm shekulli, ndaj Mbretit Ahmet Zogu dhe familjes mbretërore. Kryetarja e Kuvendit shpreh besimin se instancat përkatëse do bëjnë të mundur në 100 vjetorin e Pavarësisë, kthimin e eshtrave të Mbretit Ahmet Zogu në atdheun e tij. Është detyrë e çdo kombi të njohë dhe të nderojë historinë e vet,” thuhet në njoftimin e Kuvendit.

 -------------------------------------------------------------------- 

http://24-ore.com/index.php/mobile/kronika/8413-percillet-me-nderime-ne-banesen-e-fundit-leka-zogu.html

Fillimi | Kronika | Përcillet me nderime në banesën e fundit Leka Zogu

03/12/2011 07:41:00Korresp. 24-ore.com

Familjarë, të afërm, krerë të shtetit dhe politikanë i dhanë këtë të shtunë lamtumirën e fundit Leka Zogut.

Per me shume se dy ore, qindra njerez kryen homazhe ne hollin e Parlamentit te Shqiperise, ku ishte i vendosur arkivoli me trupin e pajete te pretendetit per fronin mbreteror. Ne ceremonine homazh te organizuar nga Protokolli i Shtetit ngushelluan princin Leka dhe familjen e tij, presidenti Bamir Topi, presidentja e Kosoves Atifete Jahjaga, kryeparlamentarja Jozefina Topalli, kryeministri Sali Berisha, kryebashkiaku i Tiranes Lulzim Basha, deputete socialiste si dhe shume ministra, politikane, krere te besimeve fetare dhe shume
Ndërsa gazeta prestigjoze britanike “The Independent” i kushtoi një artikull të plotë pretendentit për fronin mbretëror, me titullin “Mreti shqiptar kontrovers”. 

Për ndarjen nga jeta të Leka Zogut kryeministri Sali Berisha dhe kabineti i tij mbajtën një minutë heshtje në mbledhjen e qeverisë. 

Ndërkohë që ngushëllime në adresë të familjes mbretërore erdhën edhe nga Prishtina, si dhe faktori politik shqiptar në Maqedoni. 

 -------------------------------------------------------------------- 

http://www.kohajone.com/zarticle.php?id=60710

Percillet per ne banesen e fundit Leka Zogu I

Eva Gjura

 Ashtu sic ishte parashikuar, homazhet per te nderuar Leka Zogun e Pare, i cili u nda nga jeta me 30 nentor 2011, kane nisur ne oren 10:00 duke zgjatur deri ne oren 12:00. E gjithe ceremonia eshte organizuar nga Protokolli i Shtetit ne bashkepunim me familjen. Prane trupit te te ndierit, mbuluar me flamurin shqiptare, kane qene te vendosur perfaqesuesit e Gardes se Republikes, por per te plotesuar nje deshire te pretendentit te Fronit Mbreteror, te pranishem ne ceremoni ishin dhe disa djem te veshur me veshjen tradicionale te zones se Matit, te cilet vendosnin dhe kujdeseshin per buqetat dhe kurorat e shumta me lule. Ka qene po Grada e Republikes, e cila eshte marre me te gjitha detajet e tjera, derisa trupi ka mberritur ne varrezat e Sharres, ku per nder te tij ka pasur tri te shtena me arme. Pas pergatitjeve me te fundit, te paret qe kane mberritur prane trupit te te ndierit, vendosur ne hollin hyres te Parlamentit, ka qene djali i tij Leka Zogu II, shoqeruar nga e fejuara e tij, Elia Zaharia, familjare dhe miq te tjere te aferm te familjes. Pas nderimeve per babane dhe njeriun e tyre me te afert, familja ka deklaruar te hapura homazhet per qytetaret, miqte dashamiresit dhe personalitetet e larta. Te shumte kane qene qytetaret e thjeshte qe kane nderuar Leka Zogun e Pare, por nuk kane munguar dhe figurat e njohura publike, si djali dhe vajza e kryeministri Berisha, artiste te njohur, politikane, diplomate, gazetare, delegacione nga Kosova e Maqedoni dhe perfaqesues te familjeve mbreterore. Nga figurat publike, i pari qe ka mberritur per te nderuar Leka Zogun I, ka qene ambasadori i OSBE-se, Eugen Volfart. Pak minuta pas tij, trupin e Leka Zogut I e ka nderuar edhe ambasadori i SHBA-ve ne Tirane, Aleksander Arvizu. Duke u pasur nga ambasadorja e Britanise se Madhe, ambasadorja franceze, ambasadorja polake, ambasadori turk e shume diplomate te tjere. Me pas, kane mberritur ne hollin e Kuvendit, per te nderuar figuren e Leka Zogut I, deputetet e mazhorances Bulku, Bogdani, Trashani, Bushati, Coba, etj; ministrat Bregu, Halimi, Bumci, Pollo, Tafaj, Mediu, Imami, etj. Per t'ua lene vendin me pas, figurave kryesore te politikes shqiptare, si Presidentit Topi, kryetares se Kuvendit Topalli, kryeministrit Berisha, shoqeruar nga bashkeshortja e tij, kryetarit te Bashkise se Tiranes, Basha, kryetarit te LSI-se, Meta. Nuk ka munguar perfaqesimi me dinjitoz i Kosoves, qe e ka nderuar figuren e Leka Zogut I duke sjelle si perfaqesuese te shtetit te tyre, Presidenten Atifete Jahjaga, e cila ka vendosur nje kurore me lule prane trupit te Leka Zogut I dhe me pas, ka ngushelluar familjen per kete humbje te madhe. Gjithashtu, te pranishem ne ceremonine mortore te Leka Zogut I, kane qene edhe perfaqesuesit me te larte te komuniteteve fetare ne Shqiperi, te cilet te gjithe se bashku jane lutur per shpirtin e pretendentin te Fronit Mbreteror, qe te prehet ne paqe. 

Leka Zogu II: Do te jem ne sherbim te kombit 

Rreth mesdites, kortezhi i permotshem me trupin e Leka Zogut te pare ka mberritur ne varrezat e Sharres. Duke thyer heshtjen e gjithe ketyre diteve, trashegimtari i Leka Zogut te Pare, djali i tij i vetem, Leka Zogu i Dyte, ka falenderuar te gjithe miqte dhe dashamiresit, personalitete publike per nderin qe i bene te atit dhe mbi varrin e tij u betua se do te ndjeke rrugen e te atit. "Betohem se do te ndjek rrugen e Mbretit Leka dhe do te jem ne sherbim te kombit dhe atdheut", eshte shprehur Leka Zogu i Dyte. 

Presidentja Jahjaga nderon figuren e Leka Zogut I 

Kosova eshte perfaqesuar me nivelin me te larte per respektimin e figures se Leka Zogut te Pare. Ka qene Presidentja Atifete Jahjaga, e cila se bashku me delegacionin qe e shoqeronte, ka marre pjese ne ceremonine mortore te pretendentit te Fronit Mbreteror te Shqiperise. Jahjaga ka vendosur nje kurore me lule dhe eshte perkulur para trupit te Leka Zogut I, si shenje falenderimi per perpjekjen e vazhdueshme qe ai ka bere per ceshtjen e Kosoves. Me pas ajo eshte takuar me kryeministrin Berisha dhe gjate bisedes me te, u vleresua atdhedashuria dhe perkushtimi i Leka Zogut I ndaj idealit kombetar te shqiptareve dhe perpjekjeve te tyre per rrezimin e tiranise komuniste ne Shqiperi, si dhe per liri kombetare ne Kosove, per te cilat cdo shqiptar nderon sot kujtimin e tij. 

-------------------------------------------------------------------- 

http://www.mapo.al/index.php?z=lexo&category=1&id=19797&titulli=homazhet-radhe-dhe-tension-politik-ne-ceremonine-mortore

Homazhet radhë dhe tension politik në ceremoninë mortore

SHKRUAN: Jonida Tashi  04-12-2011 11:31

Topalli përplasje me Bashën për fjalimin e rastit, Berisha dhe Topi shtrëngojnë formalisht duart në oborrin e Parlamentit

Dy orë homazhe në hollin e Kuvendit të Shqipërisë nuk kanë mjaftuar që shumë qytetarë të ardhur nga rrethe të ndryshme të vendit t’i japin lamtumirën e fundit pretendentit për fronin mbretëror, Leka Zogu I, ndërsa kanë shërbyer edhe si takim për përplasje politike. Para se trupi i tij i pajetë të vendosej në hyrjen e Parlamentit, para orës 10:00 të paradites, qindra qytetarë që kishin mbërritur posaçërisht për ceremoninë funebre në kryeqytet, prisnin në hyrje të këtij institucioni, që të kryenin homazhe në nderim të Leka Zogut I. Midis tyre nuk gjeje vetëm të ardhur nga Mati, që është vendlindja e Ahmet Zogut, por edhe nga qytete të tjera afër Tiranës, si Durrësi dhe Kavaja. Ndonëse pjesa më e madhe e të pranishmëve nuk kishin asnjë lidhje me Familjen Mbretërore, respekti për figurën e Leka Zogut I ishte një detyrim moral për ta, që t’i jepnin atij përshëndetjen e fundit. E po kështu, një arsye më shumë për të nderuar vdekjen e Leka Zogut I kishte edhe një familje nga Durrësi, që banonte afër vilës së Familjes Mbretërore në këtë qytet, e cila për shkak të marrëdhënieve të fqinjësisë që kishte krijuar dëshironte të shprehte respektin e saj për pretendentit e fronit mbretëror. Por veç shqiptarëve të Shqipërisë, në homazhet për Leka Zogun morën pjesë edhe shumë mbështetës të tij nga trojet e tjera shqiptare, të cilët vendosën kurora me lule mbi trupin e tij. E më tej, interes për këtë ceremoni kishte treguar natyrshëm edhe një djalë i ri nga Holanda, i cili tregon se nuk kishte njohje me Familjen Mbretërore Shqiptare, por gjatë ditës së premte ai thjesht kishte pasur një komunikim me Princin Leka në rrjetin social facebook, dhe kaq i kishte mjaftuar për të ardhur në Tiranë. Të vendosur në radhë, në krahun e djathë të hyrjes në oborrin e Kuvendit, të gjithë qytetarët kanë pritur, herë pas here edhe duke u shtyrë me njëri-tjetrin, të futeshin në hollin hyrës të sallës së seancave plenare ku ishte vendosur për homazhe trupi i pajetë i Leka Zogut, ndërkohë që për shkak edhe të kohës së kufizuar, sidomos në rastet kur ceremonia zyrtare organizohet nga shteti, pak prej tyre janë kthyer pas për në shtëpi me mision të kryer.

Politikanët

Përkundër kësaj situate, mjaft politikanë dhe personalitete të vendit kanë zhvilluar homazhe në nderim të Leka Zogut I, ndërsa nuk kanë munguar as përplasjet politike mes tyre, ndonëse ishin në ceremoni mortore. Të parët që kanë kryer homazhe kanë qenë ambasadori i OSBE-së Eugen Wollfarth dhe ai i Shteteve të Bashkuara të Amerikës, Aleksandër Arvizu, e më pas edhe ambasadorja e Britanisë, Fiona Mcllwham. Por, pasi ka kaluar ora e parë e homazheve, prania e politikanëve të vendit në ceremoni është bërë më e shpeshtë, të cilët vinin si me orë të përcaktuar njëri pas tjetrit. Kështu, nga krerët më të lartë të politikës, në ceremoninë homazh të organizuar nga Protokolli i Shtetit ngushëlluan princin Leka dhe familjen e tij, presidenti Bamir Topi; kryeparlamentarja Jozefina Topalli; kryeministri Sali Berisha; kreu i LSI-së Ilir Meta, i shoqëruar nga bashkëshortja e tij; dhe zëvendëskryeministri, njëherësh ministri i Jashtëm, Edmond Haxhinasto; ministri i Mbrojtjes, Arben Imami; ministri i Mjedisit, Fatmir Mediu; kryebashkiaku i Tiranës, Lulzim Basha; ndërkohë që është vënë re mungesa e përfaqësuesve të lartë të Partisë Socialiste. Në minutat e fundit, rreth orës 11:40 selisë së Parlamentit i janë drejtuar kryeparlamentarja Jozefina Topalli, dhe fill pas saj, kryebashkiaku i Tiranës, Lulzim Basha; kreu i LSI-së, Ilir Meta; presidentja e Kosovës, Atifete Jahjaga. Në këtë ceremoni, edhe pse mortore, debatet e shumëpërfolura mes kryetares së Kuvendit dhe kreut të Bashkisë së Tiranës janë shfaqur hapur, megjithëse përplasjet mes tyre kanë ndodhur larg kamerave, por në oborrin e Parlamentit. Si shkak nervozizmi për kryeparlamentaren në këtë rast mësohet të jetë bërë fakti që Kuvendi, megjithëse ishte institucioni i zgjedhur për të bërë ceremoninë funebre, nuk ka pasur përfaqësues në komisionin e ngritur nga qeveria për organizimin e saj. Por, veç kësaj, nga njerëzit e pranishëm mësohet se kryetarja e Kuvendit ka shfaqur momente acarimi, pasi mësoi se Protokolli i Shtetit kishte caktuar kryebashkiakun Lulëzim Basha të mbante nga Parlamenti fjalën e rastit, institucioni i ofruar nga Topalli për kryerjen e homazheve. Ndaj, kur kortezhi po nisej drejt varrezave të Sharrës, dhe Topalli ishte një rresht para Bashës në ecje, është vënë re që ministrat, e caktuar nga protokolli për organizimin e ceremonisë shtetërore për Leka Zogun I, të këshillonin kreun e Bashkisë që të mos shqetësohej për këtë përplasje, ndonëse publike. Ndërkohë që pas ceremonisë, gjatë pasdites, në pamundësi për të mbajtur fjalën e rastit në institucionin që ajo drejton, Kuvendi ka publikuar një deklaratë të shkurtër, ku evidentohen arsyet e mbajtjes së homazheve në Kuvend. “Ceremonia e homazheve, e mbajtur sot në hollin hyrës të sallës së seancave plenare, u bë në shenjë nderimi për historinë e mbretërisë, si pjesë e historisë shqiptare. Kjo ceremoni u zhvillua jo vetëm në nderim të asaj pjese të historisë së Shqipërisë, por edhe si ndjesë për gjithë urrejtjen që diktatura mbolli gjatë gjysmë shekulli, ndaj mbretit Ahmet Zogu dhe Familjes Mbretërore”, - thuhet në deklaratë. Në fund të saj theksohet se kryetarja e Kuvendit shpreh besimin se instancat përkatëse do bëjnë të mundur në 100-vjetorin e Pavarësisë kthimin e eshtrave të mbretit Ahmet Zogu në atdheun e tij.

Topi-Berisha

Gjatë ceremonisë funebre për Leka Zogun I, në oborrin e Kuvendit ka ndodhur edhe një përplasje e dytë politike brenda kampit të Partisë Demokratike. Kështu, edhe kryeministri Berisha dhe presidenti Topi kanë mbërritur njëri pas tjetrit në ceremoni, duke evituar takimin mes tyre. Ndërsa kryeministri Berisha i shoqëruar nga bashkëshortja e tij kishte kryer homazhet dhe po zbriste shkallët e Kuvendit për të qëndruar në oborrin e këtij institucioni për t’iu bashkuar kortezhit, presidenti Topi ishte duke bërë të kundërtën. Ndonëse në këtë moment ata janë shkëmbyer në një distancë tejet të afërt, asnjëri prej tyre nuk ka bërë qoftë edhe një përshëndetje kortezie, të paktën me shikim. Por, pasi ka dalë nga holli i Kuvendit, presidenti Topi i është bashkuar përfaqësuesve qeveritarë të kortezhit, duke i dhënë i pari dorën bashkëshortes së Kryeministrit, e më pas edhe këtij të fundit. Por, ky shtrëngim duarsh nuk reflekton aspak ndryshimin e qëndrimit ndërmjet tyre, pasi ai ka ardhur si pasojë e zbatimit të rregullave zyrtare. E me këtë rastësi ka përfunduar koha e vënë në dispozicion për vizitat gjatë homazhit, duke nisur me procedurën e përcjelljes së Leka Zogut për në banesën e fundit. Pas homazheve, rreth orës 12:10, arkivoli i mbështjellë me flamurin kombëtar, ku prehej Leka Zogu I, është vendosur para godinës së Kuvendit të Shqipërisë dhe përfaqësuesit e katër komuniteteve fetare, atij mysliman, bektashi, katolik dhe ortodoks kanë mbajtur një lutje secili në mënyrën e vet në nderim të shpirtit të tij. Para nisjes së trupit për në varrezat e Sharrës, fjalën përmbyllëse e mbajti kryebashkiaku Luzim Basha, i cili tha se pas vitesh peripecish Leka Zogu I do prehet në trokën arbërore.

Për gati dy orë të afërm të familjes mbretërore, legalistë, përfaqësues të politikës, qeverisë, shtetit shqiptar, presidentja e Kosovës, të ardhur nga trojet, përfaqësues nga principata të ndryshme kanë bërë homazhe për pretendentin e fronit mbretëror Leka Zogu I.

Rastësia ka bërë që Berisha dhe Topi të shkëmbehen gjatë homazheve në shkallët e Parlamentit, ku të dy i janë shmangur takimit. Vetëm pas disa minutash, ata i janë nënshtruar rregullave zyrtare, ku kanë shtrënguar duart formalisht.

Basha: Familja Zogu nuk negocioi kurrë për kurorën mbretërore

Komisioni për ceremoninë shtetërore ia rezervoi kreut të Bashkisë së Tiranës, Lulzim Basha, fjalimin e përfaqësuesit të shtetit në përfundim të homazheve. Para nisjes së arkivolit me trupin e pajetë të Leka Zogut I drejt Varrezave të Sharrës, kryetari i Bashkisë mbajti fjalën e rastit, në të cilën theksoi se Familja Mbretërore nuk u bë kurrë vasale e ndonjë perandorie tjetër. “Kurorën e Shqipërisë Familja Mbretërore Shqiptare nuk ia dha askujt. Familja Mbretërore nuk pranoi dhe nuk u bë kurrë vasale e ndonjë perandorie tjetër, ashtu sikundër shumë familje mbretërore bashkëkohëse u bënë. As Ahmet Zogu dhe as Leka Zogu I, nuk negociuan kurrë, mbas prillit të vitit 1939, Kurorën Mbretërore, duke e konsideruar atë një kurorë të shqiptarëve, të kombit shqiptar. Kjo është një barrë e madhe dhe historike, të cilën Leka Zogu I, me trupin e të cilit ne ndahemi sot, e kreu me nder. Përgjatë një jete të tërë emigracioni të detyruar nga diktatura komuniste, atë e bir, ngado në botë, mbartnin me vete një copë të Shqipërisë, një flamur, një ide kombëtare dhe një emblemë të legjendës së Kastriotëve”, - u shpreh Basha gjatë fjalës së tij. Më tej, edhe në emër të shtetit, ai ka vlerësuar përkushtimin e Leka Zogut I për demokracinë në Shqipëri, për rezistencën kundër diktaturës shfytyruese që shqiptarët përjetonin, që nuk ndahej asnjë çast nga vëmendja e jashtëzakonshme për fatin e Kosovës. “Kosova e shtypur dhe e masakruar, Kosova e martirizuar që përjetonte dhunë dhe shfarosje, ishte një fushëbetejë që princi Leka, e ka zhvilluar me patos atdhetar të veçantë. Qëndrimet e tij, sipas rangut të Familjes Mbretërore, ishin të pranishme në shumë kancelari, në shumë familje mbretërore të mbarë botës, duke u shndërruar në një zë të ndritshëm në vijën e parë të një beteje për interesa të larta kombëtare. Prandaj jemi mbledhur sot këtu. Jo për të vajtuar, ndonëse zemrat i kemi plot pezm, jo të ligështuar, ndonëse ndarja e tij e parakohshme na ka helmuar thellë. Por për të nderuar plot mirënjohje historike dhe krenari kombëtare veprën e Leka Zogut I, bir i Ahmet Zogut, Mbret i Shqiptarëve. U prehtë i qetë në tokën arbërore! I paharruar qoftë kujtimi i tij!”, - përfundoi fjalimin kryebashkiaku i Tiranës.

Leka Zogu II, mbret brenda 10 ditëve

Brenda 10 ditësh nga vdekja e të atit, Princi Leka, trashëgimtari legjitim i fronit mbretëror, duhet të organizojë një ceremoni ku ta shpallë veten zyrtarisht “Mbret të Shqiptarëve”. Burime nga Familja Mbretërore thonë se për trashëgiminë mbretërore do të zbatohet Kushtetuta e Monarkisë. Në nenin 51 të saj thuhet se “trashëgimi i Fronit Mbretëror i përket djalit më të madh të Mbretit dhe trashëgimia vazhdon brez pas brezi në vijë direkte, mashkull pas mashkullit”, ndërsa në nenin 58 përcaktohet afati kohor brenda 10 ditësh. Sipas Statutit themeltar të Mbretërisë Shqiptare, Leka Zogu II duhet të bëjë betimin: “Unë (emri), Mbreti i Shqiptarëve, në minutën që hyp në fronin e Mbretërisë Shqiptare dhe marr në dorë pushtetet mbretërore, betohem para Zotit Fuqimadh se do të ruaj njësinë kombëtare, pavarësinë shtetërore dhe tërësinë tokësore; gjithashtu, do të ruaj Statutin e do të veproj pikërisht sipas atij dhe sipas ligjeve në fuqi, duke pasur parasysh gjithmonë të mirën e popullit. Perëndia më ndihmoftë”.

-------------------------------------------------------------------- 

http://www.panorama.com.al/argument/tensione-ne-ceremonine-e-leka-zogut-i-biri-veteshpallet-si-mbret-mbi-varrin-e-te-atit/

Home » Argument » Tensione në ceremoninë e Leka Zogut, i biri vetëshpallet si mbret mbi varrin e të atit

Tensione në ceremoninë e Leka Zogut, i biri vetëshpallet si mbret mbi varrin e të atit

Argumente Dielë, Dhjetor 4th, 2011

Leka Zogu II duke bërë betimin si mbret mbi varrin e të atit. Foto: Vlasov Sulaj

Në vend të fjalimit, gjatë varrimit bën vetëm betimin.

Unë, princi Leka II, betohem që do të jem në shërbim të kombit dhe të atdheut. Zoti më ndihmoftë”

Leka Zogu II vetëshpallet mbret mbi varrin e babait në Sharrë. Teksa pritej që të mbante fjalimin e lamtumirës së fundit për Leka Zogun I, në vend të tij ai ka bërë një betim të shkurtër. “Unë, princi Leka II, betohem para trupit të babait tim që do të ndjek rrugën e Mbretit Zog, e mbretit Leka I dhe do të jem gjithmonë në shërbim të kombit dhe të atdheut. Zoti më ndihmoftë!”, tha Leka Zogu II. Duke bërë gjestin e përshëndetjes mbretërore me dorë, ai mori kapelën ushtarake të familjes Zogu nga arkivoli i të atit, ndërsa të pranishmit komentuan menjëherë se ky ishte betimi i mbretit. Me të drejtë, pasi ky betim vërtet nuk ishte fjalë për fjalë ashtu siç e parashikon neni 56 i Kushtetutës së Monarkisë, por fillimi dhe përmbajtja e tij ishin thuajse të njëjta.
Betimi
“Unë (emri), Mbreti i Shqiptarëve, në minutën që hyp në fronin e Mbretërisë Shqiptare dhe marr në dorë pushtetet mbretërore, betohem para Zotit Fuqimadh se do të ruaj njësinë kombëtare, pavarësinë shtetërore dhe tërësinë tokësore; gjithashtu, do të ruaj Statutin e do të veproj pikërisht sipas atij dhe sipas ligjeve në fuqi, duke pasur parasysh gjithmonë të mirën e popullit. Perëndia më ndihmoftë”. Ky është betimi i plotë që parashikon Statuti Themeltar i Mbretërisë Shqiptare në vitin 1928, i cili duhet thënë para Parlamentit. Duket se për shkak të pamundësisë së përdorimit të Kuvendit, pasi tashmë Shqipëria është Republikë, Leka Zogu II zgjodhi varrin e të atit për t’u betuar, ku ishin të pranishëm qindra persona. Po ashtu, duket se betimi vjen i moderuar për shkak të ndryshimit të kushteve historike dhe politike. Megjithatë, burime konfidenciale nga Pallati Mbretëror na informuan se gjatë këtyre ditëve do të sqarohen dhe interpretohen sipas aktualitetit nenet e Kushtetutës Monarkiste, ndërsa Leka Zogun II nuk e mohojnë si mbret, por as e pohojnë dot zyrtarisht. Sipas tyre, në bazë të nenit 51, “Trashëgimi i Fronit Mbretëror i përket djalit më të madh të Mbretit dhe trashëgimia vazhdon brez pas brezi në vijë direkte, mashkull pas mashkullit”. Pra, menjëherë pas vdekjes së Leka Zogut I, Leka Zogu II është automatikisht mbreti i shqiptarëve. Toleranca kohore për betimin nis që nga momenti i vdekjes së mbretit deri në 10 ditë. Dje ishte dita e katërt…
Vetëm tri të shtëna

Homazhet në selinë e Kuvendit në nderim të pretendentit të fronit mbretëror, Leka Zogu I. Fotot: Vlasov Sulaj

Lindja e tij është shoqëruar me 101 të shtëna topi, edhe pse u largua vetëm dy ditë më pas nga Shqipëria, ndërsa për në banesën e fundit u përcoll vetëm me 3 të shtëna armësh. Pavarësisht njoftimeve se Leka Zogu I do të varrosej me statusin “Mbret i shqiptarëve jo në detyrë”, ndërsa ceremoniali do të zhvillohej me atributet si kryetar shteti, lamtumira që iu dha në Sharrë nuk i afrohej nivelit të premtuar. Shumica e pikave të protokollit nuk u zbatuan, ndërsa nga 21 të shtëna që ishin parashikuar, pati vetëm 3 të tilla. Nuk pati as ndonjë fjalim të gjatë, të posaçëm me këtë rast, përveç disa përshëndetjeve të kushëririt Skënder Zogu për Presidentin Bamir Topi, Kryeministrin Sali Berisha, kryeparlamentaren Jozefina Topalli dhe sidomos për kreun e Bashkisë, Lulzim Basha, Trupin Diplomatik, ministrat etj. Me pak vonesë, por duke kërkuar ndjesë, ai falënderoi edhe Presidenten e Kosovës, Atifete Jahjaga, që i ishte bashkuar dje gjatë gjithë ditës kortezhit qeveritar shqiptar. Gjithashtu, Skënder Zogu përmendi edhe dy emra jo shumë të njohur për publikun e gjerë, por legjendarë për historinë e monarkisë zogiste; komandant Ylli Spahiun që ka qenë 23 vjet në shërbim të mbretit dhe oficer Shehat Shehun.
Varrimi
Për shkak të frikës së dekompozimit të trupit, arkivoli nuk u hap në asnjë moment të ditës së djeshme, në mënyrë që të shihej veshja dhe sendet e futura në të. Megjithatë, familjarët na konfirmuan se Leka Zogu I është përcjellë me një uniformë ushtarake të Britanisë së Madhe dhe brenda janë futur disa nga sendet personale të tij. Arkivoli ishte i një tipi të thjeshtë dhe i mbuluar me flamurin kuqezi. Sipas amanetit, ai u varros në mes të nënës së tij, Geraldinës dhe bashkëshortes Susan Cullen. Pas ritualit të hedhjes së dheut, një korr i ardhur posaçërisht nga Kosova këndoi, ndër të tjera, vargjet: “Tani ke për t’u ndarë dhe kurrë s’ke më për t’u parë”. Me këto fjalë, profecia filloi… Të pranishmit u larguan për të mos e parë kurrë më “mbretin e shqiptarëve jo në detyrë”.

Afati kohor: Betimi që bëhet sipas Kushtetutës së Monarkisë
Sipas Statutit Themeltar të Mbretërisë Shqiptare, që u miratua më 1 dhjetor 1928, në nenin 51 thuhet se: “Trashëgimi i Fronit Mbretëror i përket djalit më të madh të Mbretit dhe trashëgimia vazhdon brez pas brezi në vijë direkte, mashkull pas mashkullit”. Ndërsa në nenin 58 përcaktohet afati kohor brenda 10 ditësh. Betimi përmban këto fjalë: “Unë (emri), Mbreti i Shqiptarëve, në minutën që hyp në fronin e Mbretërisë Shqiptare dhe marr në dorë pushtetet mbretërore, betohem para Zotit Fuqimadh se do të ruaj njësinë kombëtare, pavarësinë shtetërore dhe tërësinë tokësore; gjithashtu, do të ruaj Statutin e do të veproj pikërisht sipas atij dhe sipas ligjeve në fuqi, duke pasur parasysh gjithmonë të mirën e popullit. Perëndia më ndihmoftë”.

Si babai
Edhe Leka Zogu I nuk ka pasur një betim në Parlament, ashtu siç e parashikon Kushtetuta e Monarkisë. Teksa i biri i tij u betua dje publikisht para arkivolit se do të ndiqte rrugën mbretërore të të atit dhe gjyshit të tij, kjo deklaratë u cilësua si “vetëshpallje dhe betim solemn i Leka Zogut II si Mbret i Shqiptarëve, ashtu si dikur kishte bërë dhe i ati, vetëm se ky i fundit, në mërgim”. Leka Zogu I jetoi në mërgim duke shëtitur botën dhe në vitin 1993 erdhi për herë të parë në Shqipëri. Edhe pas kthimit, ai nuk arriti ta bënte betimin dot në Parlament për shkak të Shqipërisë si Republikë. Megjithatë, edhe pa këtë betim, ai u vetëshpall “Mbret i shqiptarëve”.

Jozefina Topalli
“Është detyrë e çdo kombi të njohë dhe të nderojë historinë e vet”, theksoi dje kryeparlamentarja Jozefina Topalli. Kuvendi informoi se ceremonia e mbajtur për nderimet e Leka Zogut I në hollin hyrës të sallës së seancave plenare, u bë në shenjë nderimi për historinë e Mbretërisë, si pjesë e historisë shqiptare.

Princi dhe Baroni
Në homazhet e ditës së djeshme ishin edhe Lartmadhëria e Tij, princi Paul i Rumanisë së bashku me princeshën, baroni Rafael Henri Estramant, si dhe përfaqësues nga Unioni Monarkist Italian, Sergio Boskiero. Ndërkaq, nga rezidenca mbretërore thonë se të gjitha mbretëritë e Europës kanë ngushëlluar tashmë me telegram.

Shila dhe Tarzani
Si nëpër filma, dy qentë e racës PitBull, që i përkasin familjes mbretërore, jo vetëm që ishin në homazhe për pak minuta në sallën e Kuvendit, por edhe qanin e nuk iknin andej. Siç na rrëfejnë familjarët, Shila dhe Tarzani nuk pranonin të hanin dhe të pinin më që nga dita kur Leka Zogu I ndërroi jetë, pasi kanë qenë shumë të lidhur me të.

Leka Zogu I, tensione në homazhe

Jepet lamtumira për pretendentin e fronit mbretëror shqiptar në selinë e Kuvendit të Shqipërisë.
Kryebashkiaku Basha: Nuk u negociua kurrë kurora mbretërore.
Mes harmonisë fetare dhe tensioneve politike është dhënë dje lamtumira për pretendendin e fronit mbretëror shqiptar, Leka Zogu I. Në Kuvendin e Shqipërisë u zhvilluan homazhet në nder të tij, ku ende pa shkuar ora 10:00 u shfaq Leka Zogu II dhe e fejuara e tij, Elia Zaharia. Duke përfituar nga salla me pak njerëz dhe larg publicitetit, princ Leka puthi arkivolin e të atit që ishte mbuluar me flamurin shqiptar dhe i vuri sipër kapelën ushtarake. Të njëjtin gjest bëri dhe Elia, ndërsa më pas dyert u hapën zyrtarisht për homazhe. Të parët që janë shfaqur në derën e selisë së Kuvendit kanë qenë disa përfaqësues të klerit katolik dhe pas tyre, dhjetëra qytetarë, ku shpesh binin në sy kostumet popullore ose veshjet tipike të krahinës së Matit. Minutë pas minute nisën të shfaqen figurat publike, sidomos ministrat Aldo Bumçi, Eduard Halimi, Fatmir Mediu, Genc Pollo, Majlinda Bregu, Arben Imami. Teksa këta po dilnin, duket se ishte radha e socialistëve, që ashtu si ditëve të ngushëllimeve në rezidencën mbretërore, edhe në homazhe ishin vetëm katër: Pandeli Majko, Arben Malaj, Kastriot Islami dhe Andis Harasani. Pas tyre, një varg artistësh u panë njëri pas tjetrit, si: Timo Flloko, Margarita Xhepa, Rajmonda Bulku etj. Ora 11:00 mund të cilësohet edhe si koha e homazheve të Trupit Diplomatik në Shqipëri, pasi u panë në homazhe ambasadori amerikan Aleksandër Arvizu, ai i OSBE-së Eugen Volfarth, ajo e Polonisë Tatjana Tatarzynska. Në sy ra edhe prania e ambasadores së Britanisë së Madhe, Fiona Mclwham, si e deleguar e Mbretërisë nga vjen, e cila jo vetëm që qëndroi deri në fund të ceremonisë, por mori pjesë edhe në varrimin në Sharrë. Gjysmë ore pas këtyre vizitave, homazhet duket se arritën kulmin. Thuajse njëkohësisht mbërritën personalitetet shtetërore, që nga Presidenti Bamir Topi, Kryeministri Sali Berisha me bashkëshorten, kryeparlamentarja Jozefina Topalli, kreu i Bashkisë Lulzim Basha, kreu i LSI-së Ilir Meta me bashkëshorten dhe ministrin e Jashtëm Edmond Haxhinasto, si dhe Presidentja e Kosovës, Atifete Jahjaga. Ardhja e tyre e njëkohshme krijoi konfuzion dhe tension, siç ishte në rastin e Presidentit Topi dhe Kryeministrit Berisha. Duke dashur që të shmangë përballjen, Topi është vonuar disa sekonda në hyrje, për ta ndjekur vetëm 4-5 metra më pas. Pavarësisht përpjekjeve, ata u janë nënshtruar rregullave zyrtare në oborrin e Kuvendit, ku kanë shtrënguar duart formalisht, ndërsa në mes tyre qëndroi Presidentja e Kosovës. Ndërkaq, acarimi i dytë politik është vërejtur në hollin e Parlamentit, teksa trupi i pajetë i Leka Zogut I po nxirrej jashtë, ku e prisnin katër përfaqësuesit e besimeve fetare në vend për lutjen e shpirtit. Kamerat ishin larguar dhe brenda ndodhej një grup i ngushtë qeveritarësh, ndër të cilët Jozefina Topalli, Edmond Haxhinasto, Arben Imami, Aldo Bumçi, kryebashkiaku Lulzim Basha etj. Nga disa metra më tutje dëgjoheshin zëra me ton pak të ngritur dhe gjeste të tensionuara mes Topallit e Bashës dhe njëkohësisht mes Topallit dhe Haxhinastos. Persona që ndoqën nga afër debatin thanë se “Topalli u nervozua për shkak të lutjeve fetare brenda ambienteve të Kuvendit”. Ndërsa një variant tjetër dëshmie, ishte se ajo ka dashur të mësojë nga Haxhinasto se pse Protokolli i Shtetit kishte caktuar Bashën të mbante fjalën e rastit në institucionin që drejtohet prej saj, pa u lajmëruar. Nuk dihet se çfarë ka thënë Basha, pasi ai u largua dhe e la Topallin me Haxhinaston për sqarim. Vetë ai shkoi të këshillohet me ministrat e caktuar nga protokolli për organizimin e ceremonisë shtetërore, ku pas disa minutash doli me një letër dhe mbajti fjalimin e rastit. Kryebashkiaku e cilësoi Leka Zogun I si një figurë themelore për aktet shtet-formuese të Shqipërisë. Ai vlerësoi lart figurën e tij dhe kontributet e familjes mbretërore për Shqipërinë dhe Kosovën. “Jemi sot për t’u ndarë përgjithmonë nga princi shqiptar Leka Zogu I. Dëshiroj të theksoj se kurorën e Shqipërisë mbretëria nuk ia dha askujt, as Ahmet Zogu dhe as Leka Zogu nuk negociuan kurrë kurorën mbretërore, duke e cilësuar kurorën si pronë të kombit shqiptar. I paharruar qoftë kujtimi i tij! U prehtë i qetë në tokën arbërore!”, tha ai dhe fjala e tij shënoi përfundimin e homazheve.

Kronologjia
Ora 09:55 – Princ Leka dhe e fejuara, Elia Zaharia, hyjnë në sallën e Kuvendit dhe në intimitet i japin lamtumirën Leka Zogut II.
Ora 10:00 – Hapet zyrtarisht ceremonia e homazheve. Vjen kleri katolik, dhjetëra qytetarë nga krahina të ndryshme, por sidomos nga Mati dhe Presheva, të cilët mbanin parulla.
10:30 – Koha e vizitës së demokratëve, kryesisht ministrat Aldo Bumçi, Eduard Halimi, Fatmir Mediu, Genc Pollo, Majlinda Bregu, Arben Imami.
10:45 – Koha e vizitës së socialistëve Pandeli Majko, Arben Malaj, Kastriot Islami dhe Andis Harasani.
10:50 – Koha e vizitës së artistëve: Timo Flloko, Margarita Xhepa, Rajmonda Bulku, Frederik Ndoci etj.
Ora 11:00 – Kohë ambasadorësh. U vu re prania e ambasadorit amerikan Aleksandër Arvizu, ambasadori i OSBE-së Eugen Volfarth, ambasadorja e Britanisë së Madhe, ambasadorja e Polonisë etj.
Ora 11:30 – Koha e shtetarëve dhe qeveritarëve. Mbërrijnë thuajse njëkohësisht: Presidenti Bamir Topi, Kryeministri Sali Berisha me bashkëshorten Liri, kryeparlamentarja Jozefina Topalli, kreu i Bashkisë Lulzim Basha, kreu i LSI-së Ilir Meta me bashkëshorten dhe ministrin e Jashtëm Edmond Haxhinasto, si dhe Presidentja e Kosovës, Atifete Jahjaga.
Ora 12:10 – Pas homazheve në Kuvend, që vazhduan për rreth dy orë, katër përfaqësuesit e besimeve fetare në vend u lutën për shpirtin e Leka Zogut I.
Ora 12:20 – Pas lutjeve të përfaqësuesve të besimeve fetare, kryetari i Bashkisë së Tiranës, Lulzim Basha, mbajti një fjalim lamtumire përpara qindra të pranishmeve në oborrin e Kuvendit, ku u zhvilluan ritet e fundit para trupit të Leka Zogut.
Ora 12:50 – Trupi i Leka Zogut I u përcoll në bulevardin “Zhan D’Ark”, bulevardin “Dëshmorët e Kombit”, sheshin “Skënderbej”, për t’u drejtuar më pas në Varrezat e Sharrës.
Ora: 13:30 – Kortezhi i makinave për varrimin e Leka Zogut të Parë mbërriti në Varrezat e Sharrës. Pas 20 minutash ceremoni, ai u varros pranë nënës dhe gruas së tij.

PS me dy qëndrime për homazhet ndaj Leka Zogut
Majko-Braçe, pro dhe kundër në Facebook për princin
Partia Socialiste nuk mori pjesë zyrtarisht në homazhet dhe ceremoninë e varrimit të Leka Zogut I, por qëndrime pro dhe kundër ndaj këtij pozicionimi nuk kanë munguar. Pandeli Majko dhe Erjon Braçe, të dy anëtarë të Kryesisë së PS, ndajnë qëndrime të kundërta. Majko, i cili ishte privatisht në homazhet për Leka Zogun, e cilëson atë patriot. “Për mua ishte një burrë i veçantë dhe patriot. E konsideroja mik”, shprehet Majko në faqen e tij në Facebook. Ndërsa Erjon Braçe ironizon maxhorancën dhe qeverinë për respekt të monarkut nga një Republikë Parlamentare. “’Republika’ po mban ‘zi’ për ‘mbretin’! Kjo që po shoh është dhunim i Kushtetutës: Kuvendi i Republikës ka ulur flamurin në mes të shtizës për mbretin; Presidenti i Republikës ka ulur flamurin në mes të shtizës për mbretin; Kryeministri i Republikës ka ulur flamurin në mes të shtizës për mbretin! Janë në garë se kush është më i djathtë; pra janë në garë për ca vota! Mbulohen duke thënë se po zbatojnë një ligj të thjeshtë për ceremonialin shtetëror!”, shprehet Erjon Braçe në Facebook. Por, anëtari tjetër i Kryesisë socialiste ndan tjetër mendim. “Pse jemi kështu!? Partia Socialiste në 1997 më dërgoi të prisja Leka Zogun (PD nuk erdhi). Më 2002 ishim po ne socialistët që u bëmë garant për rikthimin përfundimtar të kësaj familjeje në vendin e të parëve të tyre. Në 2003 maxhoranca e majtë votoi një ligj për statusin e kësaj familje… Kaq i rëndë qenka një ngushëllim?! Po nuk falëm njëri-tjetrin, nga kush do na vijë ‘pajtimi’ i shumëfolur…?”, shprehet Majko në Facebook, duke sqaruar dhe vajtjen e tij në këto homazhe.

ELISABETA ILNICA

-------------------------------------------------------------------- 

http://www.rilindjademokratike.com/RD%204%20dhjetor/politika.htm#Pas_betimit,_Leka_Zogu_i_Dyt%EB_merr_flamurin_dhe_kapel%EBn_e_familjes_Zogu_si_shenj%EB_p%EBr_vijimin_e_rrug%EBs_s%EB_tyre

Leka Zogu I përcillet në banesën e fundit, ku do prehet pranë varrit të nënës së tij, Geraldinë dhe bashkëshortes Susanë

I jepet lamtumira e fundit, Lekës së Parë 

Qytetarë nga të gjitha viset shqiptare, krerët më të lartë të shtetit shqiptar, por dhe kosovar, përfaqësues të besimeve fetare, politikanë, deputetë, të afërmit dhe familjarët i dhanë dje, lamtumirën e fundit Leka Zogut të Parë. Përmes nderimeve shtetërore, Pretendenti për Fronin Mbretëror, Leka Zogu i Parë, u përcoll dje për në banesën e fundit në varrezat e Sharrës në kryeqytet, pranë varrit të nënës së tij, Mbretëreshës Geraldinë dhe bashkëshortes Susanë. Në ambientet e Kuvendit, ku dhe u çelën homazhet në nderim të Pretendentit për Fronin Mbretëror, Leka Zogu i Parë, gjatë 2 orëve homazhe ka pasur mijëra banorë që i kanë dhënë lamtumirën Leka Zogut të Parë, dhe bashkë me ta shumë figura të politikës shqiptare. Kanë qenë të pranishëm në ceremoni, Kryeministri Sali Berisha dhe bashkëshortja e tij, Liri Berisha, të cilët i bënë nderimin e fundit kësaj figure. Pas përfundimit të vizitës së kortezisë së kreut të ekzekutivit, në hollin e Kuvendit erdhi dhe Presidenti, Bamir Topi për të zhvilluar homazhet e rastit. Kreu i LSI-së, Ilir Meta, i shoqëruar nga bashkëshortja e tij, Monika Kryemadhi dhe ministri i Jashtëm, Edmond Haxhinasto, zhvilluan gjithashtu homazhet. Në ambientet e Kuvendit, ku dhe u çelën homazhet në nderim të Mbretit Leka, ishte e pranishme kryeparlamentarja, Jozefina Topalli. Gjithashtu dhe kryebashkiaku i Tiranës, Lulzim Basha, i përcolli familjes ngushëllimet për ndarjen nga jeta të Mbretit Leka Zogu I. Nuk ka munguar në këto homazhe dhe Presidentja e Kosovës, Atifete Jahjaga. Ajo që u vu re ishte mungesa e kreut të opozitës, Edi Rama, i cili jo vetëm që nuk mori pjesë në këto homazhe, por nga ana e tij nuk kemi dhe një mesazh ngushëllimi për familjen. Kjo të paktën zyrtarisht. Si përfaqësues të këtij kampi ishin deputeti socialist, Pandeli Majko dhe Sekretari për Emigracionin, Erion Veliaj. Të shumtë ishin qytetarët që ndoqën nga afër homazhet, duke vendosur pranë trupit të pajetë kurora me lule. Të ardhur nga të gjitha trevat shqiptare, qytetarët i dhanë lamtumirën e fundit pretendentit për Fronin Mbretëror, Leka Zogu i Parë. Gjithashtu, pjesëmarrës në këto homazhe janë deputetë të të dy kampeve politike, ministrat e kabinetit "Berisha", artistë, përfaqësues të medias, por dhe përfaqësues të Trupit Diplomatik të akredituar në Tiranën zyrtare. I pari që mbërriti në hollin e Kuvendit për të zhvilluar ritualin në këtë ceremoni shtetërore ishte ambasadori i OSBE-së, Eugen Uollfarth. Siç dhe pritej në këtë ceremonial mori pjesë dhe ambasadori i SHBA-së, Aleksandër Arvizu, si dhe ambasadorja polake, Irena Tatarzinska. Familja Mbretërore ka marrë me mijëra telegrame ngushëllimi si nga Juan Carlos, mbret i Spanjës, nga Familja Mbretërore Britanike, si dhe një telefonatë nga Familja Mbretërore Belge. Në ceremoninë e djeshme, morën pjesë Princi Paul i Rumanisë së bashku me Princeshën, Baroni Rafael Henri Estramant, si dhe përfaqësues nga Unioni Monarkist italian. Po ashtu, homazhe në nderim të Pretendentit për Fronin Mbretëror, Leka Zogu i Parë, janë kryer dhe nga përfaqësuesit e 4 komuniteteve fetare në Shqipëri, të cilët i kanë dhënë dhe nderimet e fundit fetare.

Pas betimit, Leka Zogu i Dytë merr flamurin dhe kapelën e familjes Zogu si shenjë për vijimin e rrugës së tyre 

Princi Leka betohet: Do të jem në shërbim të kombit dhe atdheut

I biri i pretendentit të Fronit Mbretëror, Leka Zogu i Dytë, u betua se do të ndjekë rrugën e të atit në shërbim të kombit dhe atdheut. "Betohem se do të ndjek rrugën e Mbretit Leka dhe do të jem në shërbim të kombit dhe atdheut", u shpreh Leka Zogu II. Pas betimit, Leka Zogu i II-të ka marrë flamurin dhe kapelën e familjes Zogu, si shenjë për vijimin e rrugës së tyre. Ndërsa, Skënder Zogu, kushëri i parë i Leka Zogut I, gjatë ceremonisë së varrimit të pretendentit të Fronit Mbretëror tha se, "Leka Zogu I do të mbetet ushtar i atdheut, ky ushtar dha jetën për kombin, Kosovën, Çamërinë, Preshevën, Malin e Zi dhe shqiptarët kudo në botë". Skënder Zogu në fjalën e tij, duke falënderuar personalitetet e larta të vendit, forcat e armatosura të Republikës së Shqipërisë, administratën shtetërore, u shpreh se, "nderi që i keni bërë familjes mbretërore është një nder kombëtar, që nuk do ta harrojmë kurrë dhe historia do ta mbajë mend gjithmonë". Pranë arkivolit të Leka Zogut të I nderuan dhe i dhanë lamtumirën edhe komandanti për çështjet e mbretit, Hyllë Spahia, dhe përfaqësuesi i ushtarëve të Mbretërisë Shqiptare, Shihat Shehu. Pretendenti i Fronit Mbretëror Leka Zogu I u nda nga jeta, në moshën 72-vjeçare, pas një arresti kardiak. NMT Leka Zogu i Parë qëndroi i shtruar prej datës 15 nëntor në reanimacionin e Neurokirurgjisë, në Spitalin Nr.5 në Qendrën Spitalore Universitare në Tiranë, pasi pësoi një fibrilacion arterial, formë e aritmisë, ai vuante prej kohësh nga shqetësime të rënda në zemër e mushkëri. Pretendenti i Fronit bëri një përpjekje të parë për të ringjallur dhe ushqyer idenë e monarkisë në fillim të viteve '90. Pas një jete të gjatë në mërgim, i larguar nga vendi kur kishte vetëm dy ditë jetë, në prill të 1939, ai shkeli për herë të parë në Tiranë në nëntor të 1993, me një vizitë të papritur, kur u ul në Aeroportin e Rinasit me një avion privat. Por, sërish qëndrimi do të ishte shumë i shkurtër, as 24 orë, pasi u detyrua nga autoritetet e atëhershme të largohej, pasi pasaporta e tij mbretërore nuk i njihej zyrtarisht. Ai do të rikthehej në prill të 1997. Në ato momente, ju afrua shumë pranë realizimit të ëndrrës së monarkisë, kur në zgjedhjet e qershorit të atij viti të trazuar mori një mbështetje të madhe. Zyrtarisht, referendumi për monarkinë mori mbi 33 përqind, por ai dhe mbështetësit e tij pretenduan për manipulim të rezultatit. Rikthimi i tij përfundimtar, së bashku me familjen për të jetuar në Shqipëri do të bëhej në qershor të vitit 2002.

Një figurë historike e shtetit shqiptar

E vendosur me vendim të Këshillit të Ministrave, dita e djeshme ishte ditë zie kombëtare në nderim të figurës së Pretendentit për Fronin Mbretëror Leka Zogu I, homazhet e të cilit nisën në orën 10:00 dhe përfunduan në rreth orës 12:00 në mjediset e sallës së seancave plenare të Kuvendit të Republikës së Shqipërisë. Përcjellja për në banesën e fundit të NMT Leka I përfshiu nderimet më të larta që parashikohen në Protokollin e Shtetit. Gjithashtu, në të gjitha institucionet, shtetërore dhe publike, flamuri kombëtar u ul në gjysmë shtizë, ndërsa në orën 12:00 u mbajt një minutë heshtje në nder të NMT, Leka Zogu I. Radio Televizioni Publik Shqiptar, gjatë zhvillimit të ceremonialit, transmetoi muzikë funebre. Në homazhe morën pjesë personalitete të larta të shtetit, ambasadorë të Trupit Diplomatik në Tiranë, përfaqësues të oborreve monarkike në Europë dhe më gjerë, miq të familjes së Mbretit Zog, shqiptarë nga Shqipëria dhe diaspora. Për përgatitjen e ceremonisë së homazheve dhe varrimit në varrezat e Sharrës, Këshilli i Ministrave ngriti Komisionin Ndërministror, i cili mori përsipër edhe shpenzimet e varrimit dhe të ceremonialit. Kryetari i Bashkisë së Tiranës, Lulzim Basha, mbajti një fjalim të shkurtër në nder të Mbretit Leka Zogu i Parë. Përpara se kortezhi me trupin e pajetë të Leka Zogut I, të niste udhën drejt banesës së fundit për këtë figurë, kryebashkiaku Basha dha vlerësimet e tij. Kështu, në këtë mesazh, Basha e cilësoi Leka Zogun si "Një figurë historike e shtetit shqiptar". Sipas tij, për shkak të vlerave të kësaj familje, kurora Mbretërore s'ju dorëzua askujt. "Leka Zogu I ishte kontribut për Kosovën dhe një mbështetës i interesave kombëtare", vuri në dukje Basha, gjatë fjalës së tij. Më pas, trupi i Leka Zogut të Parë u përcoll për në banesën e fundit. Kortezhi kaloi nga Kuvendi i Republikës së Shqipërisë - Bulevardi - Zhan D'Ark, - Bulevardi Dëshmorët e Kombit" - Sheshi "Skënderbej" - Rruga e Kavajës - Varrezat e Sharrës. Rreth orës 13:30 kortezhi i makinave për varrimin e Leka Zogut të parë mbërriti në varrezat e Sharrës.

Kuvendi: Ndjesë për urrejtjen që diktatura mbolli ndaj Mbretit Zog 

Ceremonia e homazheve, e mbajtur dje në hollin hyrës të sallës së seancave plenare, u bë në shenjë nderimi për historinë e mbretërisë, si pjesë e historisë shqiptare. Mbreti Ahmet Zogu dha një kontribut fondamental në ndërtimin e shtetit shqiptar në rrethana të vështira, të komplikuara të asaj periudhe historike për kombin tonë. Kjo ceremoni u zhvillua jo vetëm në nderim të asaj pjese të historisë së Shqipërisë, por edhe si ndjesë për gjithë urrejtjen që diktatura mbolli gjatë gjysmë shekulli, ndaj Mbretit Ahmet Zogu dhe familjes mbretërore. Kryetarja e Kuvendit shpreh besimin se, instancat përkatëse do të bëjnë të mundur në 100-vjetorin e Pavarësisë, kthimin e eshtrave të Mbretit Ahmet Zogu në atdheun e tij. Është detyrë e çdo kombi të njohë dhe të nderojë historinë e vet.
Ndërkaq, më 5 prill 1957, me rastin e 18-vjetorit të lindjes, në prani të personaliteteve më të njohura të botës shqiptare në emigracion dhe të miqve të huaj nga më të shquarit, Mbreti Zog, pasi e dekoroi personalisht me Kolanin e Shqipërisë, e shpalli solemnisht Princin Leka i Parë "Trashëgimtar të Kurorës Mbretërore Shqiptare".
Më 15 prill 1961, në ceremoninë speciale të organizuar në Hotelin "Bristol" të Parisit, në prani të ish-deputetëve të Parlamentit të Mbretërisë Shqiptare, si dhe të 70 delegatëve të përzgjedhur nga e gjithë mërgata, Asambleja Provizore e mbledhur zyrtarisht, në bazë të artikujve 51 dhe 55 të Statutit Themeltar të Mbretërisë Shqiptare, e shpalli dhe e kurorëzoi unanimisht Princin Leka si "Mbret i Shqiptarëve". Pas kësaj, në përputhje me nenin 56 të Statutit, Sovrani i ri bëri betimin formal kushtetues si Mbret i Shqiptarëve.

http://www.standard.al/index.php/news/politike/13141-i-jepet-lamtumira-pretendentit-per-fronin-mbreteror.html

 Hyrje | Aktualitet | Politikë | I jepet lamtumira pretendentit për fronin mbretëror

I jepet lamtumira pretendentit për fronin mbretëror

Nga Taulant Halili

Në ambientet e Kuvendit të Shqipërisë, u zhvillua ditën e djeshme ceremonia e lamtumirës së Princ Lekës së Parë, të pranishëm në këtë ceremoni ishin përfaqësuesit më të lartë të shtetit shqiptar dhe kosovar

Ditën e djeshme u përcoll për në banesën e fundit, pretendenti për fronin mbretëror, Leka Zogu i Parë. Në ambientet Kuvendit të Shqipërisë, ku u zhvillua edhe ceremonia e lamtumirës në nder të tij ishin të pranishëm krerët më të lartë të shtetit shqiptar, si dhe përfaqësues të lartë ndërkombëtarë. Rupi i pajetë i Princ Lekës u përcoll me të shtëna armësh nga Garda e Republikës, duke e treguar gjithë respektin për një pinjoll të familjes mbretërore. Presidenti BamirTopi, Kryeministri Sali Berisha, Kryeparlamentarja Jozefina Topalli, kryebashkiaku Lulzim Basha dhe një sërë personalitetesh të tjera të vendit i dhanë lamtumirën e fundit duke i hedhur një dorë dhe, birit të Mbretit të shqiptarëve. Gjithashtu e veçantë në këtë ceremoni ishte dhe prania e Presidentes së Kosovës, Atifete Jahjaga. Trupi i pajetë i Princ Lekës është varrosur në varrezat e Sharrës, pranë nënës së tij, Mbretëreshës Geraldinë.

Kush ishte Leka Zogu I

Leka Zogu i Parë, djali i vetëm i Mbretit Zog dhe Mbretëreshës Geraldinë, lindi në 5 prill të vitit 1939. I ardhur prej dy ditësh në jetë në prill të 1939 familja mbretërore nisi një jetë të re në mërgim. Pas një shkollimit në universitete me emër, mes tyre dhe ai i Sorbonës në Francë, trashëgimtari martohet në vitin 1975 me Princeshën Suzanë. Ai shkeli për herë të parë në Tiranë në nëntor të 1993, me një vizitë të papritur kur u ul në aeroportin e Rinasit me një avion privat, por asokohe nuk u detyrua të kthehej sërish mbrapsht. Në vitin 1997 rikthehet në atdhe pas 58 vitesh mërgim, ndërsa në 2002, vendoset përfundimisht në Shqipëri.

Topalli: Ceremonia e lamtumirës së Princ Lekës, nderim i historisë së mbretërisë shqiptare

Kryeparlamentarja Topalli theksoi se ceremonia e lamtumirës për pretendentin e fronin mbretëror në ambientet e Kuvendit të Shqipërisë, u zhvillua për të respektuar historinë e mbretërisë si pjesë e historisë së Shqipërisë. Ndërsa theksoi se është mjaft e rëndësishme që të gjithë shqiptarët të njohin vlerat dhe kontributin që babi i Princ Lekës së Parë, Mbreti Ahmet Zogu dha për Shqipërinë. “Mbreti Ahmet Zogu dha një kontribut fondamental në ndërtimin e shtetit shqiptar në rrethana të vështira, të komplikuara të asaj periudhe historike për kombin tonë. Kjo ceremoni u zhvillua jo vetëm në nderim të asaj pjese të historisë së Shqipërisë, por edhe si ndjesë për gjithë urrejtjen që diktatura mbolli gjatë gjysmë shekulli, ndaj Mbretit Ahmet Zogu dhe familjes mbretërore”, - tha Kryetarja e Kuvendit. Gjithashtu ajo theksoi se ka besim të plotë se instancat përkatëse do të bëjnë të mundur në 100-vjetorin e Pavarësisë kthimin e eshtrave të Mbretit Ahmet Zogu në atdheun e tij. “Është detyrë e çdo kombi të njohë dhe të nderojë historinë e vet”, - përfundoi Topalli.

Politika i jep lamtumirën Princ Lekës, Rama mungon

Të pranishëm në ceremoninë mortore të pretendentit për fronin mbretëror ishin edhe përfaqësues të tjerë të politikës shqiptare. Në këtë ceremoni përveç krerëve të shtetit morën pjesë edhe kreu i LSI-së, Ilir Meta, i cili ishte i shoqëruar nga bashkëshortja e tij Monika Kryemadhi dhe ministri i Jashtëm, Edmond Haxhinasto. Ndërsa Partia Socialiste ishte e përfaqësuar nga deputeti Pandeli Majko dhe sekretari për Emigracionin, Erion Veliaj, në mungesë të kreut të saj Edi Rama. Gjithashtu të pranishëm në këtë ceremoni lamtumire ishin të gjithë ministrat e qeverisë “Berisha”, ambasadori i OSBE-së, Eugen Volfart, ambasadori i SHBA-ve në vendin tonë Aleksandër Arvizu, si dhe ambasadorja polake, Irena Tatarzinska. Pretendenti i fronit mbretëror Leka Zogu i Parë ndërroi jetë në moshën 72-vjeçare në reanimacionin e Neurokirurgjisë, në spitalin numër 5 në Tiranë, ku ndodhej i shtruar që prej datës 15 nëntor. Familja mbretërore shqiptare falënderoi në veçanti ekipin mjekësor nën drejtimin e prof. Mentor Petrela për përkujdesjen e vazhdueshme.

Box

Leka Zogu i Dytë: Do të ndjek gjurmët e gjyshit tim

Pasardhësi i të ndjerit Leka Zogu, Princ Leka i Dytë, në momentin e përcjelljes për në banesën e fundit të pretendentit të fronit mbretëror, u betua se do të ndjekë gjurmët e gjyshit të tij Mbretit Ahmet Zogu. “Betohem se do të ndjek rrugën e gjyshit, Ahmet Zogu, dhe rrugën e babait, Zogu I”, - tha Leka i Dytë. Ndërsa kushëriri i parë i të ndjerit, Skënder Zogu, falënderoi pjesëmarrësit për nderimin e bërë. Kurse kori i Kishës së ardhur nga Kosova shoqëroi ceremoninë mortore me muzikë funebre.

Berisha: Humbja e Princ Lekës, një humbje e madhe për kombin shqiptar

Kryeministri Sali Berisha, i shoqëruar nga bashkëshortja e tij Liri Berisha, zhvilloi ditën e djeshme në mesditë homazhe në nder të Leka Zogut të Parë. Ceremoniali shtetëror për këtë rast u zhvillua në ambientet e Kuvendit të Shqipërisë. Pas vendosjes së kurorës me lule, Kryeministri Berisha u përul në shenjë nderimi para trupit të pajetë të Leka Zogut të Parë, si dhe i shprehu ngushëllime Princit Lekës së Dytë, familjarëve e të afërmve të tij, për ndarjen nga jeta të njeriut të tyre të dashur. Kryeministri Berisha e ka cilësuar ndarjen nga jeta të Leka Zogut i një humbje të madhe për mbarë kombin shqiptar. Pas homazheve, Kryeministri Berisha iu bashkua kortezhit që përcolli arkivolin drejt varrezave të Sharrës, në kryeqytet.

Basha: Princ Leka, tashmë prehet i qetë në tokën arbërore

 Në përfundim të homazheve ndaj pretendentit për fronin mbretëror fjalën përmbyllëse e mbajti kryebashkiaku Lulzim Basha, i cili tha se pas vitesh peripecish Leka Zogu do prehet në trokën arbërore. “Vijmë këtu për t’u ndarë përgjithmonë me një princ shqiptar, Leka Zogu. Një princ që lindi dy ditë përpara se sa avionët e një fuqie të madhe fashiste, të nxinin qiellin e shqiptarëve dhe të ndërprisnin brutalisht një dinasti mbretërore arbërore, që kish emblemë, shpatë dhe shqyt, kryeprincin e shqiptarëve, Gjergj Kastriot Skënderbeun. Leka Zogu mbarti kësisoj në jetën e tij një amanet të madh kombëtar, të mbronte dhe të ishte i denjë për emblemën e Kastriotëve dhe të nderonte e të luftonte për kujtimin dhe veprën e Atit të tij, Ahmet Zogut, Mbret i Shqiptarëve”, - deklaroi Basha gjatë fjalimit të tij. Ndërsa theksoi se mbreti Ahmet Zogu ka një kontribut të veçantë për themelimin e shtetit të parë shqiptar. “Aktet shtetformuese të Mbretit Zog ngritën nga themeli një shtet që funksiononte, ndonëse në hapat e tija të para. Vendimet e mosnënshtrimit dhe refuzimi i Dinastisë së re arbërore, për të mos mbijetuar nëpërmjet shndërrimit në kuislingë, e shkëput me dinjitet këtë familje patriote, nga shume dinasti të tjera të rajonit tonë, të cilat dilemën e shtruar nga Lufta e Dytë Botërore, e zgjidhën në krahun e më të fortit të kohës. Kurorën e Shqipërisë familja mbretërore shqiptare, nuk ja dha askujt. Familja Mbretërore, nuk pranoi dhe nuk u bë kurrë vasale e ndonjë Perandorie tjetër, ashtu sikundër shume familje mbretërore bashkëkohëse u bënë. As Ahmet Zogu dhe as Leka Zogu, nuk negociuan kurrë, mbas Prillit të vitit 1939 Kurorën Mbretërore, duke e konsideruar atë një kurorë të shqiptarëve, të Kombit Shqiptar. Prandaj jemi mbledhur këtu. Jo për të vajtuar, ndonëse zemrat i kemi plot pezëm, jo të ligështuar ndonëse ndarja e tij e parakohshme na ka helmuar thellë. Por për të nderuar plot mirënjohje historike dhe krenari kombëtare veprën e Leka Zogut, bir i Ahmet Zogut, Mbret i Shqiptarëve. U prehtë i qetë në tokën arbërore. I paharruar qoftë kujtimi i tij”, - përfundoi kryebashkiaku Basha.

Lamtumira e Leka Zogu I, i biri: Do ndjek rrugën e Mbretit

Përcillet për në banesën e fundit pretendenti i fronit mbretëror

Qindra e mijëra qytetarë përcollën për në banesën e fundit, pretendentin e fronit mbretëror, Leka Zogu I. Për t’i dhënë lamtumirën e fundit kishin mbërritur shumë qytetarë nga të gjitha trevat e Shqipërisë, si dhe Presidentja e Republikës së Kosovës, Aftifete Jahjaga. Homazhet u zhvilluan në godinën ku mbahen seancat plenare për më se dy orë. Në këtë ceremoni nuk munguan as ambasadorët e SHBA-së, OSBE-së, Britanisë së Madhem, Polonisë. Të pranishëm kanë qenë edhe përfaqësues të monarkive të tjera në botë, si dhe figura të artit dhe të kulturës shqiptare. Kreu i shtetit shqiptar, Bamir Topi vendosi një kurorë me lule dhe u përul në shenjë nderimi para trupit të pajetë të Leka Zogut I, duke u shprehur ngushëllimet e sinqerta djalit të tij, Princ Lekës, si dhe familjarëve e të afërmve të të ndjerit. Kryeministri Sali Berisha, me bashkëshorten e tij, si dhe kryeparlamentarja Jozefina Topalli bënë homazhe në trupin e të ndjerit. Në këto homazhe ishin dhe zv.kryeministri Edmond Haxhinasto, ministrat Arben Imami, Genc Pollo, Aldo Bumçi, si dhe krerët e PDIU-së, Shpëtim Idrizi, dhe Ilir Meta i LSI-së. Të pranishëm ishin dhe deputetë të mazhorancës. Në këtë ceremoni mortore ra në sy mungesa e zyrtarëve të Partisë Socialiste. Ish-kryeministri Pandeli Majko dhe Erjon Velia ishin të vetmit socialistë të pranishëm në këtë ceremoni. Prezentë ishin dhe përfaqësues të katër komuniteteve të besimeve fetare. Në sy ra mungesa e kreu të Kishës Autoqefale Ortodokse, Anastas Janullatos. Në emër të këtij komuniteti fetar, foli At Nikolla Marku. Pas lutjes së bërë nga katër përfaqësuesit e lartë të komuniteteve fetare, Mysliman, Katolik, Ortodoks dhe Bektashinj, fjalën e lamtumirës e ka mbajtur kryetari i Bashkisë së Tiranës, Lulzim Basha. “Familja Mbretërore nuk pranoi dhe nuk u bë kurrë vasale e ndonjë Perandorie tjetër, ashtu sikundër shumë familje mbretërore bashkëkohëse u bënë. As Ahmet Zogu dhe as Leka Zogu, nuk negociuan kurrë, pas prillit të vitit 1939 Kurorën Mbretërore, duke e konsideruar atë një kurorë të shqiptarëve, të kombit shqiptar. Kjo është një barrë e madhe dhe historike, të cilën Leka Zogu, me trupin e të cilit ne ndahemi sot, e kreu me nder”, u shpreh Basha. Më tej ai shtoi se “vijmë këtu sot, për t’u ndarë përgjithmonë me një princ shqiptar, Leka Zogu.

Një princ i cili lindi dy ditë përpara se sa avionët e një fuqie të madhe fashiste, të nxinin qiellin e shqiptarëve dhe të ndërprisnin brutalisht një dinasti mbretërore arbërore, që kish emblemë, shpatë dhe shqyt, kryeprincin e shqiptarëve, Gjergj Kastriot Skënderbeun”. “Leka Zogu mbarti kësisoj në jetën e tij një amanet të madh kombëtar, të mbronte dhe të ishte i denjë për emblemën e Kastriotëve dhe të nderonte e të luftonte për kujtimin dhe veprën e atit të tij, Ahmet Zogut, mbret i shqiptarëve.

Mbreti Zog është tashmë një figurë historike e gdhendur thellë në aktet e dhe politikën shtetformuese të Shqipërisë. Asokohe Shqipëria ishte dhe shumëkush nga jo miqtë e Shqipërisë, do të donte të ishte një vend i përçarë dhe pa Zot. Një vend pa ligje dhe pa shtet. Një tokë e përçarjes, vëllavrasjes dhe anarkisë permanente. Përgjatë një jete të tërë emigracioni të detyruar nga diktatura komuniste, atë e bir, ngado në botë, mbartnin me vete një copë të Shqipërisë, një flamur, një ide kombëtare dhe një emblemë të legjendës së Kastriotëve”, theksoi Basha. Sipas tij, “përkushtimi i Leka Zogut, për demokracinë në Shqipëri, për rezistencën kundër diktaturës shfytyruese që shqiptarët përjetonin, nuk ndahej asnjë çast, nga vëmendja e jashtëzakonshme për fatin e Kosovës. Kosova e shtypur dhe e masakruar, Kosova e martirizuar që përjetonte dhunë dhe shfarosje, ishte një fushëbetejë që princi Leka, e ka zhvilluar me patos atdhetar të veçantë”. Kryebashkiaku e mbylli fjalën e tij me “Ndaj jemi mbledhur sot këtu. Jo për të vajtuar, ndonëse zemrat i kemi plot pezm, jo të ligështuar ndonëse ndarja e tij e parakohshme na ka helmuar thellë. Por për të nderuar plot mirënjohje historike dhe krenari kombëtare veprën e Leka Zogut, bir i Ahmet Zogut, mbret i shqiptarëve. U prehtë i qetë në tokën arbërore. I paharruar qoftë kujtimi i tij”. Pas kësaj të pranishmit janë nisur drejt varrezës së Sharrës, ku trupi i Leka Zogut I ishte mbuluar me flamurin kombëtar. Në nder të tij pati dhe të shtëna armësh. Gjatë fjalimit në ceremoninë e varrimit, i biri i pretendentit të fronit mbretëror, Leka Zogu i Dytë u betua se do të ndjekë rrugën e të atit. “Betohem se do të ndjek rrugën e Mbretit Leka dhe do jem në shërbim të kombit dhe atdheut”, u shpreh Leka Zogu II. Ndërsa kushëriri i parë, Skënder Zogu, u shpreh se “motoja e tij ishte “Atdheu mbi të gjithë”, ashtu siç e kishte edhe Mbreti Ahmet Zogu. Ai theksoi se ai luftoi për Kosovën, Çamërinë”. Ndërsa kori i kishës së ardhur nga Kosova shoqëroi ceremoninë mortore me muzikë funebre. Leka Zogu I, i ndarë nga jeta në moshën 72-vjeçare, u varros pranë varrit të Nënës Mbretëreshë, Geraldinë dhe bashkëshortes Suzanë. Për nder të tij shteti shqiptar shpalli 3 dhjetorin si ditë zie.

2011-12-04

 http://www.gazeta-shqip.com/#/politike/2fa2bf826f364451a58b5fb3c179c92b.html

Braçe: Mos mbani zi për “Mbretin”

2011-12-04 

Socialisti Erjon Braçe ka qenë një ndër personat që ka kundërshtuar mbajtjen e ditës së zisë ndaj trashëgimtarit të fronit mbretëror, Leka Zogu I. “Republika” po mban “zi” për “Mbretin”! Kjo që po shoh është dhunim i Kushtetutës: Kuvendi i Republikës ka ulur flamurin në mes të shtizës për mbretin; Presidenti i Republikës ka ulur flamurin në mes të shtizës për MBRETIN;... Kryeministri i Republikës ka ulur flamurin në mes të shtizës për MBRETIN!! Janë në garë se kush është më i djathtë; pra janë në garë për ca vota! Mbulohen duke thënë se po zbatojnë një ligj të thjeshtë për ceremonialin shtetëror! Por këta kanë për detyrë të zbatojnë Kushtetutën, ligjin themeltar të shtetit! Pra duhet të nderojnë Republikën, jo Mbretin!”, shkruan Braçe në faqen e tij “Facebook”. Më tej ai shton se “Shtetas të Republikës! Përcillni njerëzisht njeriun që u nda nga jeta; mos mbani zi për Mbretin!”. Partia Socialiste nuk mbajtur asnjë reagim në lidhje me ndarjen nga jeta të pretendentit të fronit mbretëror, Leka Zogu I.

-------------------------------------------------------------------- 

http://www.shqiptarja.com/shq_lajm.php?IDNotizia=66351&IDCategoria=2706

-------------------------------------------------------------------- 

http://www.shqiptarja.com/shq_lajm.php?IDNotizia=66293&IDCategoria=2706

04 Dhjetor 2011 - 15:10

-------------------------------------------------------------------- 

http://www.shekulli.com.al/shekulli/2011/12/04/statuti-themeltar-i-mbreterise-shqiptare/

-------------------------------------------------------------------- 

http://www.shqipmedia.com/portal/2011/12/leka-zogu-dhe-sabri-godo-te-ndryshem-dhe-njesoj/

Leka Zogu dhe Sabri Godo, të ndryshëm dhe njësoj!

Posted by shqipmedia1 on Dhj 5th, 2011 // No Comment

-------------------------------------------------------------------- 

Partia “Lëvizja e Legalitetit”
Bulevardi “Zog I”, Tiranë.
www.legaliteti.org
Tel&Fax: +355 4 2230076

Sot paradite, Kryetari i PLL Ekrem Spahiu dha nje Konference per shtyp. Me poshte po ju percjellim te plote tekstin e deklarates se mbajtur prej tij.

Tiranë, më 6 dhjetor 2011

Deklaratë për media

Ditën e shtunë, më 3 dhjetor 2011, përmes një ceremonie shtetërore ku morën pjesë drejtuesit më të lartë të shtetit, personalitete të larta të jetës politike dhe shoqërore, legalistë të ardhur nga e gjithë Shqipëria e diaspora dhe mijëra qytetarë nga gjithë viset shqiptare,  u përcoll për në banesën e fundit trupi i Mbretit Leka I.

Partia “Lëvizja e Legalitetit” gjen rastin të falënderojë për praninë në ceremoninë funebre: Presidentin e Republikës së Shqipërisë z. Bamir Topi, Presidenten e Republikës së Kosovës  znj. Atifete Jahjaga, Kryetaren e Kuvendit të Shqipërisë znj. Jozefina Topalli, Kryeministrin e Shqipërisë z. Sali Berisha, ministrat e Qeverisë së Shqipërisë, Kosovës, Maqedonisë dhe Malit të Zi. Falenderon  kryetarin e Bashkisë së Tiranës z. Lulzim Basha, deputetët, kryetarët e Partive Politike, trupin diplomatik, drejtuesit e Komuniteteve Fetare, përfaqësuesit e familjeve të ndryshme mbretërorore dhe personalitetet e rëndësishme të jetës politike dhe shoqërore të vendit. Një falënderim i veçantë shkon për zogistët dhe legalistët që erdhën nga Australia, SHBA, Kanadaja,  Belgjika, Franca, Anglia, Suedia, Italia dhe shtete të tjera, por edhe për mijëra qytetarë të thjeshtë nga Shqipëria, Kosova, Maqedonia, Çamëria, Mali i Zi, dhe Presheva, që erdhën për t’i dhënë lamtumirën e fundit Mbretit të tyre.

Partia “Lëvizja e Legalitetit” shpreh vlerësim maksimal ndaj Kryeministrit Berisha, për interesimin e tij të vazhdueshëm për Familjen Mbretërore, por në vecanti për mbajtjen e një minute heshtje në mbledhjen e qeverisë dhe VKM-t e nxjerra prej saj për shpalljen e zisë kombëtare dhe organizimin e ceremonisë shtetërore. Ne gjykojmë se këto veprime, krahas respektit të shprehur për jetën dhe veprën e Mbretit Leka I,  janë edhe akte që respektojnë vijueshmërinë e shtetit dhe që nderojnë çdokënd që i ndërmerr.

Ndarja nga jeta e Mbretit Leka I është për ne një humbje e madhe, por vepra e tij do të vazhdojë të mbetet përgjithmonë një pikë referimi se si duhet të punojmë për të mirën e vendit dhe të Kombit.

 Partia “Lëvizja e Legalitetit” do të vazhdojë të mbetet si përherë e angazhuar për realizimin e dy pikave themelore  të programit të saj: Shqipërinë Etnike dhe Monarkinë Kushtetuese.

-------------------------------------------------------------------- 

http://www.panorama.com.al/opinion/leka-zogu-i-ishte-edhe-mbret/

Leka Zogu I ishte edhe Mbret

Opinione Mërkurë, Dhjetor 7th, 2011

SAMI NEZA

Qytetarët shqiptarë përcollën me një emocion të dyzuar trashëgimtarin e familjes mbretërore, Leka Zogu I, për në varreza të shtunën e kaluar, duke u përpjekur megjithatë t’i kthenin deri në një farë mase nderin asaj familjeje që është vendosur tashmë në bazat e shtetit modern shqiptar. Pas një diskriminimi afatgjatë ndaj saj prej komunistëve dhe një heshtjeje të njëanshme të historianëve shqiptarë lidhur me rolin e familjes mbretërore, vdekja e Leka Zogut riktheu në vëmendje më shumë se kurrë më parë rëndësinë e shkrimit të historisë fakt pas fakti. Më shumë se 70 vjet pas rënies së saj, mbretëria shqiptare sërish ka një shkëlqim përmes pluhurit, pra një shkëlqim opak, ku dallohet mjaftueshëm lavdia e po aq mjaftueshëm pengohet ndriçimi i saj në histori, por edhe te njerëzit që sot përmblidhen në konturet e asaj mbretërie të re europiane.
Kjo është arsyeja se pse qytetarët shqiptarë e përcollën pa mëdyshje e plot respekt, por të dyzuar emocionalisht. Për disa ishte Mbreti, për të tjerë ishte ish-mbreti, të tjerët e kishin pretendentin për fron, të tjerë e kishin princ, të tjerët asgjë më shumë sesa një qytetar i urtë i Tiranës, ndoshta ndër të paktët ish-pronarë me fat, të cilit i ishte kthyer edhe vila në qendër të saj. Kjo ishte më e lexueshme te politikanët shqiptarë, të cilët ndryshonin thelbësisht në tekstin e përdorur për ngushëllime. Kryeministri Sali Berisha i referohej me titullin fisnik që mbante Leka Zogu I, zyrtarët e PS-së gjëmonin kundër ceremonisë së varrimit të qytetarit Leka Zogu në Parlament. Por edhe nga Kosova vinte përmes telegramesh një pamje e copëzuar e raportit të tyre me familjen mbretërore shqiptare. Presidentja e Kosovës, Jahjaga, e quan Mbreti Leka, ndërsa Kryeministri Hashim Thaçi e thërret atë qytetar i respektuar.
Kjo qartësi dhe paqartësi në të njëjtën kohë ka një konstrukt të fortë. Është e tillë, për sa kohë nuk kemi një përafrim të historianëve me realitetin e monarkisë në Shqipëri, jo për të restauruar atë sërish, por për t’i dhënë vendin e saj përgjatë procesit të ndriçimit të historisë. Në asnjë rast tjetër shqiptarët nuk kanë këtë mospërcaktim me këtë densitet kaq të lartë, sesa në rastin e monarkisë dhe monarkistëve shqiptarë. Shqiptarët as nuk janë të ndarë, e aq më pak të bashkuar, madje as nuk kanë klishe, por nuk kanë as përcaktim për periudhën e mbretërimit, për familjen mbretërore dhe rolin e saj në jetën e tyre të mëhershme apo të tashme. Krejt ndryshe nga sa ndodh me periudhën e perandorisë turke, atë të komunizmit apo me atë të tranzicionit demokratik, ku ndarjet janë të qarta, ku të kundërtat apo të kryqëzuarat shihen kthjellët, madje, edhe kur mbrohen, edhe kur akuzohen, veçse shihen edhe më qartë, ku edhe historianët, shkrimtarët, gazetarët apo politikanët ndihen si në shtëpinë e tyre të subjekteve.
Është fakt se Ahmet Zogu I i vitit 2011 është krejt tjetër nga Ahmet Zogu I vitit 1990, por ama është fakt se ky Ahmet Zog është shumë ndryshe prej atij të vitit 1928 apo 1939. Duket se të gjithë ata që vrasin pak mendjen për të përcaktuar mbretërinë shqiptare kanë qenë tek një okulist i keq, i cili meqenëse edhe ai vuante nga sytë, shumëzonte për dy diagnozën e pacientëve të tij.
Ndërkohë, ka pasur kohët e fundit një përpjekje për të rivlerësuar lavdinë e mbretërisë dhe familjes mbretërore. Por edhe kjo përpjekje, për shkak se vinte nga pushteti, u paragjykua. Në ditët e dhimbjes së monarkistëve për humbjen e Mbretit të tyre, nuk reshtën zërat se ceremonitë e nderimeve për të ishin një variant elektoral. Kjo ishte një shenjë tjetër se monarkia në Shqipëri nuk njihet mirë, ose të paktën edhe nëse ka dikë që e njeh, ai kompensohet nga ata që e njohin turbull. Si në rastin kur një ene të madhe me ujë të pastër i shtohet pak ujë i ndotur. Edhe nëse ka qenë elektorale, ceremonia nuk zbehet. Fundja ku ishte elektoralja në atë ceremoni, më shumë sesa në mendjet e atyre që e përcaktuan si elektorale?!
Por edhe më parë ka pasur përpjekje institucionesh për të respektuar pjesë të legjitimitetit të familjes mbretërore. Kuvendi i Shqipërisë e ka përfshirë atë në protokollin e shtetit, ia ka kthyer pronat, ndërsa më 1997-n verifikoi vullnetin e qytetarëve shqiptarë për monarki apo republikë. Ai referendum i diskutueshëm dhe i manipuluar nga ish-komunistët, megjithatë ishte një provë respekti për legjitimitetin. Mbi 50 për qind e votuesve shqiptarë morën pjesë në të, shumë më tepër se në referendumin për Kushtetutën një vit më vonë, duke shënuar edhe momentin më të kthjellët të qytetarëve të këtij vendi në raport me historinë.
Vdekja e Mbretit Leka I ishte ndërkaq edhe një rast për të dalluar ata që krijojnë histori mbi legjenda urbane si ajo e floririt të vjedhur. Që në vitin 1992 është verifikuar bilanci i arit në Bankën e Shqipërisë për periudhën që është larguar Zogu nga Shqipëria. Ai që ka bërë auditin është një ekonomist i njohur në Tiranë, i cili ka gjetur se nuk është prekur asnjë gramë ar i shtetit shqiptar. Ndërkohë që ende nuk dimë se çfarë ka ndodhur me arin shumë herë më të rëndë që regjimi komunist ua mori shqiptarëve për njëzet vjet rresht që zgjati shpronësimi. A ka audit për të?
Drita mbi mbretërinë shqiptare ka nisë të shfaqet fort. Nuk ka dyshim se ai institucion qëndron në themelet e shtetit tonë. Leka Zogu I, megjithatë ishte edhe Mbret. Duke e njohur mirë atë, mund të orientohemi më qartë për të njohur mirë vetveten.

 --------------------------------------------------------------------

INTERVIEW SKENDER ZOGU, KUSHERIRI I PARE I LEKA ZOGUT I dhe Sylviane Muselier, motra e Mbretëreshës nga ELISABETA ILNICA

--------------------------------------------------------------------

http://www.shqiptarja.com/shq_lajm.php?IDNotizia=66926&IDCategoria=2711