L'Organisation du Mouvement de la Légalité (O.K.L.L)

Il s'agit du parti monarchiste aussi appelé "Legalitet" ou Parti de La Légalité.

 Ce mouvement a une origine ancienne : Le 9 juin 1924, Monseigneur Fan Noli, soutenu par les Italiens, fit un coup d'Etat et s'empara du pouvoir en Albanie. "Fan Noli, oubliant très vite ses promesses d'organiser des élections libres, fit dissoudre l'Assemblée nationale et proclama la dictature" ("Les Balkans et la démocratie" - Editions Pierre Bossuet - Paris 1937 - p. 353).

Mais, six mois plus tard, l'ancien Premier ministre, M. Zogu, était de retour et chassait le "gouvernement des usurpateurs". Ce retour fut appelé "le triomphe de la légalité" et donna naissance au mouvement du même nom conduit par les partisans zoguistes.

Le calme revenu, des élections libres et démocratiques désignèrent, en 1925, M. Ahmed Zogu comme Président de la République. Puis, le Parlement changea la forme du régime et le proclama Roi des Albanais, en 1928.

Aussi, en 1945, la position du Roi Zog était qu'il n'avait pas abdiqué ni été déposé, qu'en face de l'agression étrangère il avait quitté le pays avec l'accord de son Parlement et de son peuple et, qu'en dépit de la prise du pouvoir illégale des communistes et des fausses élections, il demeurait le Roi des Albanais car cela était fondé non pas sur la politique mais sur la continuité et la légalité.

Dès lors, le "mouvement légal" fut reconstruit à New York sous la forme d'un parti politique, dont l'article premier des statuts, énonce les buts :

- libérer l'Albanie du régime anti-populaire et antinational qui se maintient au pouvoir par la force et par des méthodes de terreurs.

- garantir au peuple la liberté et la démocratie.

- créer dans un esprit démocratique, les conditions d'une restauration du régime.

Aussi, pour être membre de l'O.K.L.L., il faut, selon l'article 2, être non seulement Albanais mais aussi accepter d'œuvrer et de se sacrifier pour les idéaux nationaux : Patrie, Nation et Roi.

Longtemps, le Secrétaire général du parti en exil, a été M. Fuad Myftija. Après l'instauration du multipartisme, le 11 décembre 1990, le Parti s'est recrée en Albanie sous l'impulsion du docteur Guri Durollari.  C’est  aujourd'hui, Eqrem Spahija, qui dirige le parti depuis Tirana depuis le 12 avril 1998. Il a été réélu, à la tête du Parti, pour la deuxième fois, le 8 octobre 2001 puis le 10 octobre 2005.

Liste des dirigeants

Texte de la Constitution de 1928 (In english)

*                              *

*

LES STATUTS DU PLL

STATUTI I PARTISË "LËVIZJA E LEGALITETIT"

Tiranë më 8 tetor 2005

Pas disa ndryshimeve të miratuara në Kongresin e 16 të PLL, në datë 8 tetor 2005

Kapitulli Nr.I

NENI 1

Partia "Lëvizja e Legalitetit" ka lindur si lëvizje për mbrojtjen e legjitimitetit dhe rendit kushtetues. PLL është vazhduesja e ligjshme e ideve të Triumfit të Legalitetit si dhe e Organizatës Kombëtare "Lëvizja e Legalitetit" e cila frymëzoi popullin shqiptar në luftën kundër okupatorit nazi-fashist. PLL është një bashkësi politike e pavarur, e organizuar mbi bazën e vullnetit të lirë të shtetasve shqiptarë, mendimi ideopolitik i të cilëve përputhet me parimet themelore dhe aspiratat e kësaj partie.

NENI 2

-Partia "Lëvizja e Legalitetit" lufton për krijimin e një Shqipëri të Lirë, Etnike e Demokratike, në përputhje me parimet bazë të Kartës së OKB-së dhe të dokumenteve themelore të OSBE-së, që me rrugë dhe mjete demokratike të vendosë në Shqipëri regjimin legjitim të Monarkisë Kushtetuese me në krye NMT Leka I-Mbret i Shqiptarëve dhe të Dinastisë së Tij.

-Asnjë organ nuk ka  të drejtë të vendosë për pushimin e ekzistencës së Partisë "Lëvizja e Legalitetit".

NENI 3

Emri i partisë është Partia "Lëvizja e Legalitetit" shkurt PLL.

NENI 4

Selia qendrore ndodhet në Tiranë.

NENI 5

Partia "Lëvizja e Legalitetit" ka vulën e vet e cila ka formën e rrethit. Në qendër është vendosur simboli i Partisë. Sipër simbolit është shkruar në formë harku "Partia Lëvizja e Legalitetit". Ndërsa poshtë simbolit është shkruar Kryesia.

Vula e Partisë mbahet në zyrat e saj dhe vendoset vetëm mbi shkresa të nënshkruara nga Kryetari. Atje ku mungojnë zyrat vulën e ruan sekretari.

NENI 6

Partia "Lëvizja e Legalitetit" ka simbolin dhe flamurin e saj. Simboli është shqiponja dykrenore me përkrenaren e Skënderbeut sipër.

Flamuri i Partisë "Lëvizja e Legalitetit" ka formën e një katërkëndëshi të verdhë, në mesin e të cilit qendron simboli  vendosur mbi një pjesë të kuqe në formë shqyti. Mbi shqytin dhe simbolin është shkruar "Partia Lëvizja e Legalitetit" në formë harku, dhe poshtë simbolit është shkruar viti "1924".

Kapitulli Nr.II

NENI 7

Partia "Lëvizja e Legalitetit" vepron si parti politike duke pasur disiplinë dhe demokraci të gjerë brenda saj,  në përputhje me normat e përcaktuara në këtë statut. Veprimtaria e Partisë "Lëvizja e Legalitetit" zhvillohet brenda territorit të Shqipërisë së sotme politike, por edhe jashtë këtij territori, kur një gjë e tillë lejohet nga legjislacioni i vendeve përkatëse.

NENI 8

Strukturat e Partisë "Lëvizja e Legalitetit" ndërtohen dhe veprojnë sipas linjës vertikale. Në organet vendimore, vendimet e partisë merren me shumicë votash në përfundim të diskutimeve të lira të anëtarëve të partisë.

Në mbledhjet e Forumeve të PLL-së, çdo anëtar është i detyruar të ketë me vete librezën e anëtarësisë.

NENI 9

Vendimet e marra nga organet drejtuese të partisë, janë të detyrueshme për zbatim nga organet e tjera vartëse në parti, sipas shkallës hierarkike.

NENI 10

Partia "Lëvizja e Legalitetit" është parti e hapur për të gjithë shqiptarët brenda dhe jashtë atdheut.

a.Anëtar i Partisë "Lëvizja e Legalitetit" mund të jetë çdo shtetas, që ka mbushur moshën  18 vjeç, me qëndrim të përhershëm brenda e jashtë vendit, pavarësisht nga shtresa ose pozita shoqërore, kombësia, raca, seksi, botëkuptimi e besimi.

b. Anëtar i Partisë "Lëvizja e Legalitetit" mund të jetë ai që pranon Programin dhe Statutin e Partisë, aktivizohet në veprimtarinë e saj, paguan kuotizacionin e anëtarësisë dhe nuk bën pjesë në të njëjtën kohë në parti të tjera politike.

NENI 11

Nuk pranohen në radhët e Partisë "Lëvizja e Legalitetit":

a)Ish-anëtarët e nomenklaturës së lartë të regjimit komunist, ish-anëtarët e Partisë Komuniste, ish-anëtarët e Partisë së Punës së Shqipërisë, ish-anëtarët e Partisë Socialiste, ish punonjësit e Sigurimit të Shtetit dhe bashkëpunëtorët e tyre.

b. Personat që kanë kryer krime politike kundër popullit.

c)Persona që u përmbahen pikëpamjeve komuniste, fashiste, raciste, antidemokratike, antihumane, luftënxitëse, terroriste, antipopullore e antikombëtare.

d) Ata që njollosin figurën e tyre morale dhe shoqërore.

e) Për raste të veçanta vendos Komiteti Drejtues.

NENI 12

Pranimi i anëtarëve të Partisë " Lëvizja e Legalitetit" bëhet në mënyrë individuale, sipas kërkesës së secilit, me shkrim, drejtuar njërit prej seksioneve të Partisë. Kërkesa shqyrtohet paraprakisht në seksionin e Partisë të rrethit përkatës ku banon.

NENI 13

Anëtari i Partisë "Lëvizja e Legalitetit" ka për detyrë:

a-Të mbrojë, të propagandojë e të zbatojë programin, politikën dhe vendimet e Partisë si dhe të respektojë kërkesat e Statutit. Të përmbushë detyrat që i caktohen në përputhje me Statutin dhe programin. Të respektojë normat e bashkëjetesës demokratike në Parti.

b-Të zhvillojë frymën e transparencës, tolerancës, debatit konstruktiv dhe mirëkuptimit reciprok në Parti. Të përhapë dhe propagandojë programin e Partisë dhe qendrimet e saj politike.

c-Të organizohet dhe kontribuojë maksimalisht në fushatat elektorale për arritjen e suksesit të Partisë.

NENI 14

Anëtari i Partisë "Lëvizja e Legalitetit" ka të drejtë:

a) Të marrë pjesë në përpunimin e politikës, të qëndrimeve e  vendimeve të Partisë në të gjitha nivelet, nëpërmjet diskutimit e debatit demokratik në forumet e Partisë, në shtyp dhe në forma të tjera demokratike; të shprehë lirisht mendimet e tij për të gjitha çështjet e Partisë si dhe mbi veprimtarinë e anëtarëve dhe organeve të saj.

b) Të zgjedhë e të zgjidhet në organet udhëheqëse të Partisë, në mënyrën e parashikuar në Statut.

c) Të marrë pjesë në mbledhjet partiake të çdo niveli qofshin, ku shqyrtohen probleme që kanë të bëjnë me personin e tij. Për këtë njoftohet vetëm dy herë.

d) Anëtari i Partisë "Lëvizja e Legalitetit" nuk mund të veprojë dhe të deklarohet në emër të Partisë, pa qenë i autorizuar, ose pa e gëzuar këtë të drejtë nga organet drejtuese.

NENI 15

Anëtari i Partisë "Lëvizja e Legalitetit" ka të drejtën e daljes së lirë nga Partia me kërkesën e tij, duke njoftuar më parë seksionin e Partisë në të cilin bën pjesë ose ndonjë instancë më të lartë të Partisë.

Dalja nga Partia ose dorëheqja nga funksioni bëhet duke dorëzuar një njoftim me shkrim, duke dorëzuar teserën dhe duke njoftuar 15 ditë para largimit.

NENI 16

Përjashtimi nga Partia "Lëvizja e Legalitetit" bëhet në rastet e shkeljes së përsëritur të statutit të Partisë dhe programit të saj. Propozimi për përjashtim bëhet nga Seksioni përkatës dhe miratohet nga Komiteti Drejtues i Degës së Partisë të rrethit.

Kapitulli Nr. III

NENI 17

Organet kryesore të Partisë "Lëvizja e Legalitetit janë:

a. Kongresi i Partisë

b. Këshilli Kombëtar

c. Komiteti Drejtues

d. Kryesia e Komitetit Drejtues

e. Kryetari i Partisë

f. Komisioni i Kontrollit dhe i Respektimit të Statutit (Kryesia e Senatit)

NENI 18

Kongresi është organi më i lartë i Partisë "Lëvizja e Legalitetit". Ai mblidhet çdo katër vjet në vendin dhe ditën e caktuar prej Këshillit Kombëtar, me propozim të Komitetit Drejtues.

-Kongresi analizon veprimtarinë e Partisë "Lëvizja e Legalitetit" në periudhën midis dy kongreseve.

- Kongresi miraton Programin dhe Statutin e Partisë, diskuton dhe vendos vijën politike.

-Kongresi zgjedh me votim të fshehtë kryetarin e Partisë "Lëvizja e Legalitetit" si dhe anëtarët e Këshillit Kombëtar.

-Kongresi i Jashtëzakonshëm thirret kur e kërkojnë 2/3 e anëtarëve të Komitetit Drejtues dhe kur kjo kërkesë mbështetet nga 2/3 e anëtarëve të Këshillit Kombëtar.

-Mandati i delegatit të PLL është katërvjeçar.

-Kongresi ose konferencat e jashtëzakonshme që zhvillohen deri tre muaj para mbushjes së afatit, zhvillohen me delegatët e mëparshëm.

NENI 19

Në Kongres marrin pjesë me votë deliberative:

a- Delegatët e zgjedhur nga Konferencat e degëve, në përputhje me numrin e përcaktuar nga Komiteti Drejtues në bazë të kritereve: 60% prej anëtarësisë, e përcaktuar kjo 4 muaj para ditës së kongresit; 40% në bazë të rezultatit të zgjedhjeve.

b- Anëtarët e Komitetit Drejtues.

c- Deputetët, ministrat, kryetarët e bashkive dhe të komunave, nëse janë anëtarë të PLL.

d- Ish kryetarët e Partisë, nëse janë akoma në Parti.

e- Kongresi nuk mund të shpallet më vonë se 60 ditë nga dita e skadimit të afatit katërvjeçar.

NENI 20

Këshilli Kombëtar mbikëqyr zbatimin e vendimeve të Kongresit, të Programit, të Statutit nga ana e Komitetit Drejtues të Partisë.

a- Këshilli Kombëtar zgjedh nga gjiri i vet kryetarin.

b- Këshilli Kombëtar miraton listën e kandidatëve për kryetar komune, minibashkie dhe bashkie.

c- Këshilli Kombëtar miraton listën e kandidatëve për deputetë, duke respektuar hierarkinë e lartë partiake.

d- Këshilli Kombëtar mblidhet jo më pak se një herë në vit.

f-Këshilli Kombëtar përbëhet nga 91 vetë.

Në të kooptohen:

Komiteti drejtues

Kryetarët e degëve

Deputetët, kryetarët e bashkive dhe komunave të fituara nga PLL, nëse janë anëtarë të partisë.

g-Këshilli Kombëtar miraton programin  elektoral të PLL.

Këshilli Kombëtar përcakton pozicionin politik të PLL në zgjedhje, aleancat para dhe pas zgjedhore dhe qëndrimet politike elektorale.

h-Këshilli kombëtar miraton Komisionin e Financës të përbërë nga 3 anëtarë.

NENI  21

Mbledhja e parë e Këshillit Kombëtar pas Kongresit, thirret nga Kryetari i Partisë jo më vonë se 21 ditë pas përfundimit të Kongresit. Nëse kjo nuk ndodh, Këshilli Kombëtar mblidhet vetvetiu brenda 30 ditësh nga përfundimi i Kongresit dhe  merr vendime për drejtimin e Partisë.

Këshilli Kombëtar mund të mblidhet me kërkesën e Kryetarit të Partisë, në konsultim me Komitetin Drejtues dhe Kryetarin e Këshillit Kombëtar.

-Ai mund të thirret gjithashtu me kërkesën e 1/3 të anëtarëve të Këshillit Kombëtar.

NENI 22

Komiteti Drejtues është organi më i lartë ekzekutiv dhe urdhërdhënës i Partisë "Lëvizja e Legalitetit". Ai është përgjegjës përpara Kongresit dhe Këshillit Kombëtar, organizon dhe drejton punën për thirrjen e Kongresit të Partisë, është përgjegjës për zbatimin e programit politik, Statutit si dhe të direktivave e rekomandimeve të Kongresit.

a-Komiteti Drejtues drejton dhe bashkërendon gjithë veprimtarinë dhe organizimin e përgjithshëm të partisë, cakton redaksitë (ose redaksitë) e organit (ose organeve) qendrore të shtypit (medias) të Partisë, orienton dhe kontrollon punën e tyre.

b-Komiteti Drejtues administron mjetet e përgjithshme financiare dhe materiale të partisë nëpërmjet Kryetarit.

c-Komiteti Drejtues cakton numrin dhe emrat e Komisionit të Organizimit të Kongresit si dhe miraton procedurat e zhvillimit të Kongresit.

Çdo kandidat i miratuar ka të drejtë të ketë përfaqësues në këtë komision.

NENI 23

Komiteti Drejtues i zhvillon mbledhjet plenare jo më pak se katër herë në vit.

- Komiteti Drejtues përbëhet:

-Kryetari i Partisë,

-Nënkryetari

-Sekretari i Përgjithshëm

-Sekretarët e tjerë

-Një përfaqësues nga çdo prefekturë e vendit.

-Në Komitetin Drejtues kooptohen kryetari dhe sekretari i Senatit, kryetarja e Forumit të gruas, kryetari i Forumit të Rinisë.

-Neni 23/2

a.Kryesia e Komitetit Drejtues përbëhet nga:

           Kryetari

           Nënkryetari

           Sekretari i Përgjithshëm

           Sekretarët.

b.Nënkryetari, Sekretari i Përgjithshëm, Sekretarët, zgjidhen në Këshillin Kombëtar ndërmjet një ose disa kandidaturave të propozuara nga Kryetari i Partisë.

Në rast se për çdonjërin nga postet e sipërcituara Kryetari i Partisë ka paraqitur vetëm një kandidaturë dhe ajo rrëzohet, të drejtën për propozimin e kandidaturës ose kandidaturave vijuese, e ka Këshilli Kombëtar.

Për të gjitha pozicionet e mësipërme votohet me votim të fshehtë.

c.Mbledhjet e Kryesisë së Komitetit Drejtues janë të hapura për anëtarët e Komitetit Drejtues, Kryeredaktorin dhë Zëdhënësin e Shtypit.

d.Kryesia e Komitetit Drejtues udhëheq veprimtarinë e përditshme të PLL.

NENI  24

Kryetari i Partisë:

a- Përfaqëson Partinë "Lëvizja e Legalitetit" brenda dhe jashtë vendit dhe vepron në emër të saj.

b- Harmonizon dhe drejton veprimtarinë politiko-organizative të partisë, në zbatim të vendimeve të Kongresit.

c- Pezullon për shkelje të Statutit dhe vijës politike, çdo anëtar të organeve ekzekutive. Për shkarkimin përfundimtar vendos Këshilli Kombëtar në konsultim me Senatin.

Personi i pezulluar ka të drejtën e ankimit në Senat brenda 10 ditëve.

d- Kryetari i Partisë relaton në Komitetin Drejtues dhe Këshillin Kombëtar për probleme të rëndësishme politike të Partisë.

e- Kryetari është anëtar i përhershëm i Këshillit Kombëtar.

f- Në mbledhjen e parë të Komitetit Drejtues të çdo viti kryetari mban raportin e shpenzimeve financiare për vitin e kaluar.

NENI 25

Çdo anëtar i Partisë "Lëvizja e Legalitetit" ka të drejtë të vendosë kandidaturën për kryetar partie.

a.Kandidaturat për kryetar partie miratohen nga Komiteti Drejtues në konsultim me Senatin.

b.Kryetari zgjidhet me votim të fshehtë.

c.Kryetari zgjidhet ndërmjet dy ose më shumë kandidaturave.

Fiton ai kandidat që merr 50% + 1, vota të vlefshme, në raundin e parë. Nëse kalohet në balotazh, fituesi shpallet me shumicën e votave të vlefshme.

NENI 26

Kryetari i Partisë, i zgjedhur në Kongres i kërkon votëbesimin Këshillit Kombëtar për anëtarët e Komitetit Drejtues.

Kryetari i Partisë, gjatë mandatit të vet ka të drejtë të bëjë ndryshime, duke i kërkuar Këshillit Kombëtar të miratojë emrat e stafit të propozuar prej tij.

NENI 27

Nënkryetari i Partisë ndihmon kryetarin në zbatimin e vendimeve politike si dhe vendimeve të organeve qendrore.

- Nënkryetari i Partisë zëvendëson kryetarin. Kur kryetari mungon, me autorizimin e tij merr kompetencat e kryetarit të Partisë.

- Nënkryetari përfaqëson Partinë në takime të nivelit të tij.

NENI 28

Sekretari i Përgjithshëm i Partisë organizon dhe koordinon punën e Partisë nëpërmjet sekretarëve përkatës.

-Përfaqëson Partinë në nivelin e vet në të gjitha takimet.

NENI 29

Sekretarët e tjerë kryejnë detyrën e tyre sipas profileve përkatëse, nëpërmjet departamenteve.

NENI 30

Drejtorët e departamenteve emërohen nga Kryetari, në bashkëpunim me Komitetin Drejtues.

Kapitulli Nr. IV

NENI 31

Në rrethet e Shqipërisë, por edhe jashtë vendit, ngrihen degët e Partisë "Lëvizja e Legalitetit". Organi më i lartë i Partisë në degë është konferenca e Partisë së degës; ajo mblidhet një herë në dy vjet.

-Kur e kërkojnë rrethanat mund të mblidhet Konferenca e jashtëzakonshme e Partisë, me kërkesën e 2/3 të anëtarëve të Komitetit Drejtues të Degës.

NENI 32

Konferenca e Partisë së Degës dëgjon dhe shqyrton raportin e Komitetit Drejtues të saj, relacionet e ndryshme dhe:

a.Bën analizën e punës ndërmjet dy konferencave dhe përcakton detyrat për të ardhmen.

b.Konferenca e degës zgjedh kryetarin dhe Komitetin Drejtues të saj.

c.Kur përkon me zhvillimin e Kongresit, Konferenca zgjedh delegatët e degës për në Kongresin e Partisë.

NENI 33

Komiteti Drejtues i degës në rreth, i zgjedhur nga Konferenca, drejton gjithë veprimtarinë e Partisë në rreth në periudhën ndërmjet dy konferencave.

a.Ai organizon e drejton punët për thirrjen e përgatitjen e konferencës së Degës së Partisë, ndjek dhe shqyrton çeshtjet e ndryshrne të punës së Partisë në të gjitha fushat;

b.Orienton veprimtarinë e grupeve të këshilltarëve të PLL në komuna, bashki e qarqe.

-Përfaqëson Partinë në marrëdhënie me partitë e forcat e tjera, organizmat shoqërore e institucionet e ndryshme në rreth.

c.Administron mjetet financiare e materiale të Partisë.

d.Komiteti Drejtues i degës organizon dhe drejton fushatat zgjedhore në territorin e degës.

NENI 34

Komiteti Drejtues i Degës i zhvillon mbledhjet jo më pak se një herë në dy muaj;

a. Komiteti Drejtues i Degës ngre dhe organizon departamentet e Partisë në Degë, sipas nevojave të saj dhe në përputhje me to orienton dhe kontrollon veprimtarinë e tyre.

b. Komiteti Drejtues i Degës miraton kandidatët për këshilltarë të komunave dhe bashkive.

c. Propozon në Komitetin Drejtues të PLL kandidaturat alternative për kryetar komune, kryetar minibashkie, kryetar bashkie dhe deputet.

NENI 35

Komiteti Drejtues i Degës zgjedh nënkryetarin ose nënkryetarët dhe i propozon Komitetit Drejtues të PLL jo më pak se dy kandidatura për emërimin e sekretarit.

NENI 36

Nëndega vepron sipas ndarjes administrative në komuna, bashki ose rajoni e minibashkie për qytetet e mëdha. Ajo përfshin të gjitha seksionet e ndodhura në territorin e saj.

Nëndega koordinon veprimtarinë e degës me seksionet e saj.

NENI 37

Nëndega krijohet kur ka jo më pak se tre seksione. Kryetarët dhe sekretarët e seksioneve zgjedhin kryetarin e Nëndegës.

NENI 38

Organizmat bazë të Partisë "Lëvizja e Legalitetit" janë seksionet.

a.Në përputhje me kriterin territorial, seksionet e Partisë ngrihen në bazë lagjeje, fshati, qyteti etj..

b.Krijimi, shtrirja, bashkimi ose ndarja e seksioneve vendoset nga Komiteti Drejtues i Degës përkatëse.

c.Seksioni organizon veprimtarinë politike në territorin e tij në përputhje me orientimet dhe qendrimet e partisë si dhe bën pranimin e anëtarëve të rinj të PLL.

d.Gjithashtu seksioni bën propozime dhe sugjerime degës për çdo problem që gjykohet se është në interes të PLL.

e.Seksionet mbajnë lidhje me Komitetin Drejtues dhe janë të varura organizativisht prej tij.

NENI 39

Seksioni i Partisë krijohet kur ka jo më pak se 5 anëtarë; kur numri i anëtarëve të Partisë kalon mbi 30, me miratimin e Komitetit Drejtues të Degës, krijohen dy ose më shumë seksione.

Seksioni mblidhet jo më pak se një herë në muaj.

Kapitulli Nr.V

NENI 40

Kandidatët e Partisë "Lëvizja e Legalitetit" që zgjidhen deputetë në Kuvendin e Shqipërisë, formojnë grupin parlamentar.

a.Grupi përfaqëson dhe mbron interesat e Partisë "Lëvizja e Legalitetit" në Kuvend.

b.Në të njëjtën mënyrë veprojnë edhe këshilltarët e zgjedhur në pushtetin vendor.

NENI 41

Deputeti ose Grupi Parlamentar i Partisë "Lëvizja e Legalitetit" është i detyruar të veprojë në përputhje me linjat politike të Partisë, si dhe të zbatojë vendimet e organeve drejtuese të saj.

a.Në rast se deputeti nuk vepron konform Statutit dhe vendimeve të organeve drejtuese të Partisë, me propozim të Komitetit Drejtues në konsultim me Senatin dhe vendim të Këshillit Kombëtar, atij i hiqet e drejta të përfaqësojë Partinë.

b.Kryetari i Partisë, nëse partia fiton zgjedhjet parlamentare, është automatikisht kryeministër. Në të gjitha rastet e tjera, kryetari i Partisë është kryetar i Grupit Parlamentar.

Kapitulli Nr.VI

NENI 42

Organizmat partnere të PLL janë:

-Forumi i Veteranëve (Senati)

-Forumi i Rinisë

-Forumi i Gruas

-Këto forume synojnë të përhapin idetë dhe programin e PLL në grupet shoqërore ku ato veprojnë.

-Ato janë të strukturuara përafërsisht si PLL dhe miratohen nga Këshilli Kombëtar.

Kapitulli Nr.VII

NENI 43

Çdo anëtar i PLL ka të drejtë të shprehë lirshëm mendimin e tij në Partinë "Lëvizja e Legalitetit".

-Në PLL respektohet diversiteti i mendimit.

NENI 44

Vendimet në organet vendimmarrëse merren me shumicë absolute (50% +1) të votave të vlefshme të pjesëmarrësve që kanë të drejtë vote.

NENI 45

Votimi bëhet i fshehtë ose i hapur duke ngritur dorën.

NENI 46

Anëtarëve të Partisë "Lëvizja e Legalitetit" mund t'u jepen: Vërejtje; Pezullim; Përjashtim.

a.Vërejtja jepet me shkrim për gabime të lehta.

b.Pezullimi jepet për shkelje statutore dhe morale.

c.Përjashtimi jepet për shkelje të rënda politike, apo morale që dëmtojnë rëndë imazhin e Partisë "Lëvizja e Legalitetit".

Kapitulli Nr.VIII

NENI 47

Komisioni i Kontrollit dhe i Respektimit të Statutit përbëhet nga Kryesia e Forumit të Veteranëve, Senatit.

NENI 48

Çdo gjë që nuk është e parashikuar në këtë Statut, mbetet në kompetencë të Komitetit Drejtues të PLL-së në konsultim me kryetarin e Këshillit Kombëtar të Partisë.

NENI 49

Të ardhurat e Partisë dhe financat sigurohen nga:

a.Kuotat e anëtarëve të Partisë "Lëvizja e Legalitetit".

b.Të ardhura nga persona fizikë e juridikë.

c.Të ardhura nga degët jashtë atdheut.

d.Të ardhura nga shtypi i Partisë.

e.Donacione të ndryshme brenda kuadrit ligjor.

f.Të ardhurat e parashikuara nga ligji.

NENI 50

Partia "Lëvizja e Legalitetit" ka numrin e vet të llogarisë në Bankë.

NENI 51

Statuti mund të ndryshohet vetëm nga Kongresi i Partisë "Lëvizja Legalitetit".

NENI 52

Ky Statut hyn në fuqi menjëherë.

NENI 53

Në momentin që ky Statut hyn në fuqi, abrogohet Statuti paraardhës.

*                              *

*

PROGRAMI I PARTISE LEVIZJA E LEGALITETIT

Partia "Lëvizja e Legalitetit" është një parti kombëtare me qendër në Tiranë. Ajo është besnike e kujtimit dhe e frymës së burrave të Rilindjes dhe të Pavarësisë Kombëtare të rënë në fushën e nderit për lirinë e pavarësinë e tokës Arbërore, besnike e virtyteve të fisit, trashëguese e traditave të besës, të nderit dhe të burrërisë, e mbështetur në fuqinë e shenjtë të familjes, në moralin dhe në zakonet më të shëndosha të vendit, me bazë ideje dhe veprimi " Atdheu mbi të gjitha".

Ajo është vazhduesja e ligjshme dhe e drejtpërdrejtë e Organizatës Kombëtare "Lëvizja e Legalitetit" e krijuar në zjarrin e Luftës kundër nazi-fashistëve në nëntor të vitit 1943.

Me dëbimin e pushtuesve nazi-fashistë dhe me uzurpimin me dhunë të pushtetit nga komunistët, kjo Parti mbijetoi dhe zhvilloi në Botën e Lirë aktivitetet si formacion i organizuar politik në favor të çështjes kombëtare dhe kundër diktaturës sllavo-komuniste në Shqipëri.

E ndërgjegjshme për detyrimet që ka ndaj popullit dhe kombit shqiptar, PLL siguron se, si programi, ashtu dhe veprimtaria e saj, përjashtojnë përdorimin e dhunës si mjet për zgjidhjen e problemeve politike të vendit dhe konfirmon bindjen e saj në drejtësinë e dokumenteve të Organizatës së Kombeve të Bashkuara dhe OSBE-së, parime të cilat shërbejnë si bazë dhe busull orientimi në tërë dokumentet dhe veprimtarinë politike të Partisë "Lëvizja e Legalitetit".

Partia "Lëvizja e Legalitetit" ka luftuar të tre diktaturat shkatërrimtare  dhe më të egra të këtij shekulli për popullin shqiptar: fashizmin italian, nazizmin gjerman dhe komunizmin sllavo-ndërkombëtar.

Ajo e konsideron 7 prillin e vitit 1939 si fillimin e tragjedisë kombëtare dhe i të gjitha fatkeqësive të mëpastajme për popullin shqiptar, pasoja nga të cilat  ende nuk jemi ndarë. Partia "Lëvizja e Legalitetit" asnjëherë nuk ka pranuar dhe vazhdimisht ka luftuar statusin politik, antikombëtar dhe antikushtetues, të krijuar në Shqipëri jo vetëm pas prillit 1939, por edhe pas 24 majit 1944.

Ajo është e mendimit se me vendosjen e përsosjen e plotë të demokracisë, populli është përcaktuesi më i mirë për vendosjen e formës së regjimit, Monarki Kushtetuese apo Republike.

Në fushën politike

1. Partia "Lëvizja e Legalitetit" lufton për krijimin e një Shqipërie të lirë, etnike dhe demokratike, në përputhje me parimet bazë të Kartës së OKB-së dhe të dokumenteve themelore të OSBE-së.

2. Konsekuente me parimet e legjitimitetit e të demokracisë dhe në përputhje me të drejtën historike, politike e juridike, Partia "Lëvizja e Legalitetit" aspiron dhe lufton që me rrugë dhe me mjete demokratike të vendosë Monarkinë Kushtetuese me Lekën I Mbret i Shqiptarëve. Njëkohësisht, ajo respekton të drejtën sovrane të popullit për të zgjedhur me anë të referendumit mbarëkombëtar formën e regjimit që pëlqen (Monarki Kushtetuese apo Republikë).

3. Partia "Lëvizja e Legalitetit" lufton që në Shqipëri të vendoset një shtet ligjor, modem bazuar në kushtet e vendit dhe përvojën ndërkombëtare. Ajo konsideron si objektiv e angazhim të përhershëm të saj sigurimin me ligj të drejtave e lirive themelore të njeriut, si e drejta e pronës, e drejta e fjalës dhe e shtypit, e drejta e organizimit politik, e zgjedhjes dhe e të zgjedhurit, liria e profesionit, qarkullimi i lirë i njerëzve dhe i ideve të përcaktuara në aktet e njohura ndërkombëtare (Deklarata e OKB-së për të drejtat e njeriut e të qytetarit dhe të OSBE-së për këtë çështje) dhe respektimin e tyre rigoroz me praktikë.

4. Ajo është për respektimin e lirë të ndërgjegjes. Në shoqërinë pluraliste botëkuptimi nuk mund të futet në kornizë ideologjike të njëanshme e moniste. Partia "Lëvizja e Legalitetit" njeh lirinë e besimit fetar dhe e mbron atë sipas parimit "Fe e lirë në shtet të lirë".Ajo njeh të drejtën e ushtrimit të lirë të ceremonive të kultit dhe të veprimtarisë të komuniteteve e të institucioneve fetare që kanë për qëllim lirinë e plotë të besimeve në një shtet laik, mbron e respekton besimet e kombit pa asnjë preferencë.

5. Partia "Lëvizja e Legalitetit" ka për qëllim mbrojtjen dhe lirinë e pakicave kombëtare me të drejta dhe detyra të barabarta ndaj ligjeve dhe institucioneve të vendit. Këto të drejta i shtron në kushte të barabarta dhe reciproke me kombet përkatëse.

6. Partia "Lëvizja e Legalitetit" përkrah sindikatat dhe funksionimin real të tyre, që ato të kthehen në organizata të vërteta demokratike e luftarake në mbrojtjen e interesave të anëtarëve të tyre e në pajtimin me interesat kombëtare, që ato të mos jenë të varura nga shteti dhe partitë politike. Ajo njeh të drejtën e grevës.

7. Partia jonë nuk e ndan diasporën shqiptare nga populli shqiptar. Ajo do të luftojë që të gjithë të mërguarve politikë dhe ekonomikë që ndodhen në botë, t'u njohë të drejtën e qytetarisë së dyfishtë dhe ata të gëzojnë të gjitha të drejtat politike që rrjedhin prej saj.

8. Ajo është për një politikë të jashtme aktive dhe dinamike, për zgjerimin dhe ngritjen në nivele të reja cilësore të marrëdhënieve të Shqipërisë me të gjitha vendet sipas parimeve të respektimit të sovranitetit kombëtar, të barazisë e të leverdisë reciproke, të mosndërhyrjes në punët e brendshme të njeri-tjetrit, duke synuar mbrojtjen e interesave të vendit tonë dhe forcimin e pozitës ndërkombëtare të tij, si dhe në interes të paqes, të sigurisë e të bashkëpunimit në Ballkan, Evropë dhe në botë.

Në fushën ekonomike

1. Partia "Lëvizja e Legalitetit" konsideron si objektiv dhe angazhim të përhershëm të saj kapërcimin e shpejtë dhe pa tensione shoqërore të krizës së rëndë e të gjithanshme ekonomike e të pasojave të tjera shkatërruese të sistemit totalitar komunist 50-vjeçar në fushën ekonomike. Ajo është për ristrukturimin e plotë të vendit, për zhvillimin me përparësi dhe modernizimin e degëve më të leverdishme të prodhimit e të sferave të tjera të ekonomisë.

Qëllimi do të jetë arritja e standardeve evropiane.

2. Rruga e vetme e suksesit në zhvillimin e ekonomisë është reformimi tërësor e rrënjësor i krejt sistemit ekonomik të vendit nëpërmjet privatizimit. Ekonomia e tregut ( ashtu si edhe shteti juridik, principet e pluralizmit dhe të drejtat themelore të njeriut) përbën një precedent historik (periudha 1920-1939) dhe parimin bazë të politikës ekonomike të Partisë "Lëvizja e Legalitetit".

3. Nisur nga parimet se prona private është e shenjtë dhe e paprekshme, baza dhe garancia e qytetërimit njerëzor, nisur nga historia mbi 2500 vjeçare e pronës dhe e qytetërimit shqiptar në përputhje me standardet e njohura ndërkombëtare të së drejtës së pronës, Partia jonë u njeh të gjithë titujt pronësorë pronarëve të tyre të ligjshëm; për rastet e pamundura pronarët të kompensohen nga shteti.

Ajo ka qenë dhe do të jetë kundër çdo lloj eksperimenti të kryer në emër të "revolucionit" apo "reformave" të motivuara nga qëndrime ideologjike apo partiake që cenojnë shenjtërinë e pronës private.

4. Për t'ju përgjigjur një ekonomie moderne tregu është e nevojshme reformimi i plotë i sistemit bankar, i sistemit të kreditit dhe atij fiskal, i praktikës monetare dhe buxhetore si dhe i çmimeve dhe i politikës doganore.

5. Për rritjen e mirëqenies së vendit, Partia jonë është që, në Shqipëri të zhvillohet sa më parë turizmi cilësor, ti jepet përparësi industrisë së lehtë e ushqimore dhe atyre degëve të ekonomisë me efektivitet të lartë.

6. Të stimulohet me të gjitha mjetet dhe mënyrat zhvillimi i infrastrukturave si ai i rrugëve e autostradave, transportit ajror, hekurudhor e detar, i telekomunikacionit etj.

7. Të zhvillohen ato degë të industrisë së rëndë, nxjerrëse dhe përpunuese për të cilat sigurohet lënda e parë në vend dhe që kanë efektivitet të lartë.

8. Partia jonë synon modernizimin e bujqësisë dhe të fshatit, ku të funksionojnë fermat individuale apo kolektive të bazuara në iniciativën e lirë; ngritjen e nivelit të lartë të bazës materiale, tregtare, postare; telefonizimin, urbanizimin dhe zhvillimin e turizmit në fshat.

9. Partia "Lëvizja e Legalitetit" synon funksionimin e një sistemi dinjitoz të asistencës sociale. Gjithashtu ajo angazhohet për një emigracion ekonomik të organizuar dhe të drejtuar nga shteti në përputhje me ligjet ndërkombëtare.

10. Partia jonë është për zhvillimin e gjerë të marrëdhënieve ekonomike me botën e jashtme duke përfshirë marrjen e ndihmave dhe të kredive, tërheqjen e kapitaleve të huaja, krijimin e ndërmarrjeve të përbashkëta me partnerë të huaj dhe forma të tjera, duke krijuar të gjitha kushtet materiale dhe ligjore për tërheqjen e kapitalit të huaj, investimet e përbashkëta, garantimin e investimeve dhe lejimin e iniciativës së lirë të individëve e të ndërmarrjeve për marrëdhënie me partnerë të huaj, duke i dhënë përparësi diasporës shqiptare.

11. PLL do të punojë që vendi ynë të aderojë me të drejta të plota në të gjitha organizmat ekonomiko-financiare e tregtare evropiane dhe botërore. Ajo ka qenë, është dhe do të jetë që çdo marrëveshje dhe çdo veprimtari e përbashkët me partnerë të huaj, të mbajë parasysh interesin kombëtar të vendit, duke shmangur çdo veprimtari që rrezikon të vërë vendin dhe popullin tonë në pozita nënshtrimi dhe të pafavorshme ekonomike dhe politike.

Në fushën sociale

Partia "Lëvizja e Legalitetit" mban parasysh gjendjen e rëndë në të cilën ndodhet vendi, krizën e rëndë dhe të gjithanshme. Programi social i saj mbështetet në trashëgiminë më të mirë historike të periudhës së ekzistencës së shtetit të parë të pavarur shqiptar dhe në konceptet, normat e parimet bazë të qytetërimit bashkëkohor perëndimor.

1. Duke pasur në qendër të saj njeriun e lirë, dinjitetin e tij në një shoqëri ku sundon ligji dhe drejtësia shoqërore, ajo njëherazi do të luftojë që të ruhen, mbrohen dhe zhvillohen më tej traditat dhe virtytet më të mira të popullit shqiptar.

2. E drejta për punë është një e drejtë themelore e njeriut Partia jonë kërkon që shteti të përgjigjet me ligj për realizimin e kësaj të drejte. Ai, të sistemojë, të bashkërendojë e të përcaktojë lëvizjen e fuqisë punëtore brenda vendit, t'u japë zgjidhje optimale problemeve të zënies me punë të forcave të afta, të kujdeset për kufizimin maksimal të fenomenit të papunësisë duke përfshirë rikualifikimin e të papunëve dhe emigracionin ekonomik të organizuar, si dhe të sigurojë e asistencë sociale për të papunët dhe për familjet e tyre.

3. Partia jonë kërkon që shoqëria shqiptare të krijojë kushte sa më të përshtatshme materiale dhe shpirtërore të veprimtarisë së inteligjencës, inkurajimin dhe shpërblimin e drejtë të punës së kualifikuar intelektuale, për zhvillimin e lirë dhe të gjithanshëm të mendimit krijues, specializimin e lartë të inteligjencës brenda e jashtë vendit, lidhje, kontakte e shkëmbime të gjera të inteligjencës sonë me shkencën e kulturën botërore.

4. Partia "Lëvizja e Legalitetit" do të përpiqet për një legjislacion që të mbrojë familjen dhe të sigurojë mirëqenien morale, shëndetësore e materiale të nënës, të fëmijës, të pleqve, të të papunëve dhe të invalidëve.

5. Partia "Lëvizja e Legalitetit" mbështet aspiratat dhe kërkesat e drejta të rinisë për punë, arsim e kualifikim të përshtatshëm. Ajo do të përkujdeset që brezit të ri t'i kthehet besimi në të ardhmen e vet dhe të atdheut, që prej tij të largohet rreziku i plagëve të tilla shoqërore si papunësia, droga, alkoolizmi, rrugaçëria,  etj., duke i krijuar asaj kushte për zhvillimin e gjithanshëm të personalitetit, të prirjeve e të talentit, si dhe për pjesëmarrjen aktive të tyre në jetën shoqërore, politike, ekonomike e kulturore të vendit.

6. PLL do të përpiqet për ristrukturimin dhe përmirësimin rrënjësor të shërbimit mjekësor. Ai do të jetë shtetëror dhe privat, falas dhe me pagesë, sipas zgjedhjes së të sëmurëve që duhet të jenë të siguruar në shoqërinë e sigurimit.

7. PLL do të luftojë që ish të burgosurit e të përndjekurit politikë, luftëtarë të demokracisë, të rikthehen në jetën qytetare duke ndihmuar me përparësi si për punësimin, strehimin dhe shpërblimin material për të gjithë kohën e dënimeve që kanë vuajtur.

8. PLL do të synojë që shteti të përkrahë me efikasitet fëmijët jetimë, të braktisur dhe të keqtrajtuar duke u siguruar atyre rritjen dhe edukimin në institutet shtetërore.

9. Partia "Lëvizja e Legalitetit" kërkon që të vihet në zbatim legjislacioni i nevojshëm për mbrojtjen e ambientit dhe ruajtjen e ekuilibrave natyrore dhe, në kushtet e iniciativës private, të ushtrohet kontrolli i vazhdueshëm nga shteti.

"PARTIA "LEVIZJA E LEGALITETIT"

*                              *

*

Tiranë, më 31 mars 2007

Rezolutë : E Këshillit Kombëtar të Partisë "Lëvizja e Legalitetit"

Sot, më datë 31 mars 2007 u zhvilloi punimet Këshilli Kombëtar i Partisë Lëvizja e Legalitetit ku morën pjesë anëtarë të tij nga vendi dhe diaspora. 

1.  Këshilli Kombëtar i PLL përshëndeti propozimin  që i dërguari special i Kombeve të Bashkuara z.Marti Ahtisari i paraqiti Këshillit të Sigurimit, ku parashikohet pavarësia e Kosovës dhe shprehu bindjen se kjo pavarësi do t'i shërbejë stabilitetit dhe sigurisë në rajon dhe do të ndikojë pozitivisht në proceset integruese të shteteve që aspirojnë anëtarësimin në strukturat euroatlantike.

2.  Këshilli Kombëtar i PLL vlerësoi përparimin  e dukshëm që u shënua në realizimin e standardeve gjatë zgjedhjeve te 18 shkurtit 2007 dhe e konsideroi këtë si një meritë të elektoratit shqiptar e të maxhorancës qeverisëse që triumfuan  ndaj përkushtimit të opozitës për t'i sabotuar ato zgjedhje. 

3.  Këshilli Kombëtar i PLL vuri në dukje faktin se fitorja e zgjedhjeve të 18 shkurtit prej "Aleancës së Madhe" i dedikohet më së shumti frymës së re qeverisëse dhe rezultateve konkrete të kabinetit Berisha dhe shprehu nevojën e vazhdimit dhe thellimit të reformave të nisura prej saj. 

4.  Këshilli Kombëtar i PLL kërkoi që qeveria që të marrë masa të qarta për dëmshpërblimin e plotë dhe integrimin e ish të burgosurve politikë,  kryerjen e shpejtë e të thellë të reformës në administratën shtetërore dhe të konsiderojë se i çështja  pronës mbetet akoma një realitet i pazgjidhur që duhet rregulluar mbi bazën e filozofisë së djathë dhe së drejtës së pronarëve të ligjshëm. 

5.  Këshilli Kombëtar i PLL theksoi nevojën që Reforma zgjedhore të synojë mënjanimin e shkaqeve që çojnë në deformimin e rezultatit,  krijimin e frymës së konfliktualitetit dhe zgjatjen e procesit zgjedhor

6.  Këshilli Kombëtar i PLL vlerësoi fitoren në një bashki dhe 19 komuna nga 26 gjithsej ku Partia Lëvizja e Legalitetit konkurroi me kandidatët e saj. Ai vlerësoi gjithashtu numrin e votave të marra prej PLL në shkallë vendi,  numrin e këshilltarëve të fituar prej saj dhe theksoi faktin se shumë prej tyre, gjatë konstituimit të këshillave vendore,  janë zgjedhur edhe në krye të këtyre këshillave. 

7.  Këshilli Kombëtar i PLL  e cilësoi rezultatit e arritur prej "Partisë Lëvizja e Legalitetit"  në zgjedhjet e 18 shkurt si rezultatin më të mirë historik të saj që u arrit pavarësisht vështirësive objektive si mospasja e komisionerëve, mungesa e financave,  mosqenia parti parlamentare dhe qeverisëse, etj. 

8.  Këshilli Kombëtar i PLL,  pasi u njoh me përshëndetjen që Familja Mbretërore Shqiptare i ka dërguar këtij forumi, e falënderoi atë për përkrahjen që Ajo i ka dhënë PLL, për vlerësimin  dhe besimin e shprehur prej Saj ndaj PLL "si një parti kombëtare  që punon për të mirën e Kombin e që vazhdon të mbetet një faktor i rëndësishëm politik". 

9.  Këshilli Kombëtar porositë të zgjedhurit vendorë të PLL që të në veprimtarinë e tyre të kenë parasysh programin  politik të PLL, interesat e zgjedhësve dhe angazhimet tona si pjesë e koalicionit Aleanca e Madhe.

10.  Këshilli Kombëtar i PLL shtroi nevojën e fillimit të përgatitjeve për zgjedhjet e ardhshme parlamentare dhe caktoi për organet e tjera detyra konkrete për organizimin e partisë, plotësimin e strukturave drejtuese në të gjitha nivelet, funksionimin më të mirë të forumeve, etj. 

 
Partia "Lëvizja e Legalitetit"
Bulevardi "Zog I", Tiranë.
legaliteti@gmail.com
Tel&Fax: +355 4 230076

*                              *

*

________________________________________

Spécial Albanie - Elections législatives du 28  juin 2009

PROGRAMI ELEKTORAL I PLL PER ZGJEDHJET E 28 QERSHORIT 2009

Pour suivre la campagne du PLL : http://www.youtube.com/user/legaliteti

________________________________________

Partia “Lëvizja e Legalitetit”
Bulevardi “Zog I”, Tiranë.
legaliteti@gmail.com
Tel&Fax: +355 4 2230076

PROGRAMI ELEKTORAL I PLL PER ZGJEDHJET E 28 QERSHORIT 2009

Zgjedhjet e 28 qershorit 2009 përbëjnë një sfidë të madhe për shoqërinë shqiptare.  Tashmë sistemi i ri elektoral proporcional rajonal dhe kodi i ri zgjedhor ndryshojnë në mënyrë thelbësore nga e kaluara dhe krijojnë një eksperiencë të re për popullin dhe klasën politike.  Nuk ka dyshim se shumë parti duhet të përballojnë më shumë vështirësi me sistemin dhe kodin e ri, por roli i tyre mbetet i rëndësishëm madje mund të jetë vendimtar në fitoren e njërit apo tjetrit krah politik.  Në këtë kuadër partitë tradicionale që gëzojnë një elektorat konservator dhe tërësisht të pozicionuar në të djathtën e spektrit politik mund të japin një kontribut të çmuar në përballjen e sfidës së 28 qershorit që për PLL kuptohet si vijon : vazhdimi i reformave dhe i zhvillimit të vendit me orientimin e djathtë dhe konservator që sjell PLL, apo kthimi në pushtet i të majtës me të gjitha të këqijat që rrezikon t’i sjellë vendit.

Partia “Lëvizja e Legalitetit” synon të luaje një rol të rëndësishëm për vendin duke u nisur nga eksperienca dhe tradita e saj qeverisëse gjatë periudhës së Mbretërisë Shqiptare para Luftës së Dytë Botërore por edhe duke u bazuar tek intelektualët e saj dhe ne programin tonë dhe në vlerat që ai përfaqëson.

Natyrisht, Shqipëria është në një situatë krejtësisht të ndryshme nga ajo në të cilën gjendej ne vitet 90 dhe ne fillimin e viteve 2000 :

·        Reforma te suksesshme janë ndërmarrë

·        Investime në infrastrukturë janë realizuar

·        Anëtarësimi në NATO është bërë realitet

Por ka akoma shumë për të bërë për të arritur nivele të kënaqshme zhvillimi dhe përafrimi në standarde me vendet e ish-Evropës Lindore.

Shqipëria ka potenciale të lakmueshme që përbëjnë themelet e një zhvillimi të mundshëm :

·        Popullsi të re, të arsimuar, dinamike, energjike dhe ndërmarrëse

·        Pozicion gjeostrategjik që i jep mundësi të luaje një rol të rëndësishëm në rajon

·        Resurse minerale të pafund

·        Mundësi konkurruese prodhimi

·        Tradita fisnike të bazuara në familjen, nderin, besimin në një Zot

·        Diversitet i shoqërisë në aspekte krahinore, fetare, kulturore

Duke u nisur nga këto potenciale dhe duke marrë parasysh specifikat e PLL në skenën politike shqiptare si partia më e vjetër, që përfaqëson një shtresë dhe një sistem që ka qeverisur vendin para LDB por edhe një shtresë që ka vuajtur persekutimet, internimet, ekzilin e brendshëm dhe të jashtëm vetëm sepse nuk pranonin sistemin antishqiptar sllavo-komunist, si dhe donin që Shqipëria të qeverisej nga Shqiptarët dhe për Shqiptarët, PLL e sheh të nevojshme që të japë kontributin e saj për fitoren e forcave të djathta në zgjedhjet e 28 qershorit 2009.  Specifikat tona, PLL i ofron për të pasuruar të djathtën pa marr parasysh konjunktura dhe interesa individuale apo të përkohshme.

Një nga parimet e PLL është motoja e Mbretit Zog : “Atdheu mbi të gjitha”.

PLL bazohet në kapacitetet njerëzore dhe intelektuale më të spikatura të vendit tonë për të ofruar një qeverisje në dobi të interesave të vendit, kombit dhe popullit shqiptar, brenda dhe jashtë kufinjve politik.

Objektivi i PLL është të zhvillojë ndjenjën e ndërgjegjes kombëtare, qytetarisë, traditës, vëllazërimit, punës, përkushtimit dhe krenarisë së të qënurit Shqiptar duke pasur një qeverisje dhe një program qeverisës, që do të realizojë zhvillimin, mirëqenien, integrimin  evropian, rritjen e rolit të faktorit shqiptar në rajon, etj.

Para së gjithash, PLL mendon se duhet rikthyer besimi i popullit në vetvete dhe në qeverisje, duke luftuar fenomenet si korrupsioni, nepotizmi, klientelizmi, padrejtësitë, degjenerimin dhe amoralitetin.

Koncepti i PLL është të përballë të gjitha problemet e shoqërisë dhe t’u japë një zgjidhje të drejtë, përfundimtare dhe afatgjate pa marr parasysh interesat e momentit, por duke u bazuar vetëm në parimet e drejtësisë dhe ligjshmërisë, në interesin e vendit dhe mbrojtjen e interesave kombëtare dhe duke pasur si objektiva kryesore :

·        Rritjen e mirëqenies për të gjithë

·        Dhënien e shanseve të barabarta

·        Mbrojtjen e shtresave më në nevojë

·        Riparimin e padrejtësive

·        Stimulimin e biznesit vendas

·        Mobilizimin e resurseve njerëzore dhe fizike të vendit për të rritur prodhimin

·        Funksionimin e shtetit të së drejtës

·        Funksionimin optimal të administratës

·        Mirëkuptimin ndërmjet subjekteve të ndryshëm

·        Rritjen e interesimit të qytetarëve dhe organizatave jo-qeveritare në administratën publike dhe rritjen e sinergjive ndërmjet administratës shtetërore dhe shoqërisë

·        Transparencën e plotë në të gjitha drejtimet e qeverisjes

·        Eliminimin e problemeve kronike të Shqipërisë

·        Zgjidhjen realiste dhe moderne të problemeve të shoqërisë

·        Anëtarësimin në BE

PLL beson se Shqipëria ka potenciale të mëdha, dhe se një qeverisje e ndershme dhe në interes të vendit është sa e nevojshme aq dhe e mundshme.

PLL ka besimin se çdo gjë do të jetë më mirë me ne, me ndihmën e të madhit Zot.

Parimet demokratike, politike dhe shteti i së drejtës

Duke marrë parasysh përvojën e hidhur të shtetit dhe popullit shqiptar nën sundimin e diktaturës komuniste për më tepër se 4 dekada, por edhe duke konsideruar se tranzicioni drejt një shteti demokratik të mirëfilltë ka zgjatur më shumë se sa populli kishte të drejtë të priste dhe se sot vihen re probleme që lidhen me parimet bazë të demokracisë, PLL ka për qëllim të kontribuojë në mënyrë aktive për zhvillimin e gjithanshëm të të drejtave të shtetasve dhe të shtetit të së drejtës.

PLL konsideron se të drejtat dhe liritë e njeriut janë një fitore që në asnjë kohë dhe asnjë vend dhe për askënd nuk mund të vihen në rrezik.  Pavarësisht angazhimeve ndërkombëtare të shtetit shqiptar në organizata të ndryshme ndërkombëtare (konventa) si dhe ligjeve në fuqi në vend, PLL konsideron se rritja e niveleve të të drejtave dhe lirive të njeriut nuk mund të vendoset vetëm në bazë të detyrimeve ndërkombëtare apo të brendshme ose në bazë të strukturave të ndryshme, por kryesisht sepse populli shqiptar, si një popull i qytetëruar dhe i vjetër në Evropë, i meriton këto të drejta dhe sepse ky është një detyrim që i lind shtetit ndaj shtetasve të vet.

Standardet bazë janë sigurisht të përfshirë në konventat ndërkombëtare dhe të ratifikuara nga Shqipëria, veçanërisht në Deklaratën Universale e të Drejtave të Njeriut, Konventën Evropiane për të Drejtat e Njeriut, Aktin Final të Helsinkit, etj...

Për të rritur nivelet e përparimit në drejtimin e lirive dhe të drejtave të njeriut, PLL zotohet që të forcojë bashkëpunimin ndërmjet shtetit dhe organizatat jo-qeveritare si dhe specialistët e pavarur dhe grupet e interesit aktiv në këtë fushë.

PLL zotohet që gjatë mandatit të ardhshëm qeverisës, se do t’i kushtojë vëmendje të veçantë këtyre fushave :

Demokracia

PLL është e vendosur të krijojë kushtet për një bashkëjetesë reale të këtyre pushteteve, si dhe në harmoni të plotë më njëri-tjetrin.

Si hap të parë në këtë drejtim, PLL synon që brenda një mandati qeveritar të sanksionohet me kushtetutë që pushteti legjislativ të jetë tërësisht i ndarë nga ai ekzekutiv.

Nisur nga parimi se “pala nuk mund të jetë edhe gjyqi, dhe anasjelltas” dhe duke pasur bindjen se parlamentarizmi dhe demokracia janë të pandara, PLL do të sanksionojë papajtueshmërinë dhe konfliktin e interesit ndërmjet funksionit të deputetit dhe ministrit.

Pavarësia e gjyqësorit përbën një tjetër shtyllë të demokracisë dhe PLL synon të rrisë këtë pavarësi, duke i dhënë pushtetit gjyqësor të gjitha mundësitë ligjore për ushtrimin e kompetencave të veta dhe duke e mbrojtur nga ndërhyrjet e pushteteve të tjera qofshin institucione, media, grupe të interesit, etj...

Por Gjyqësori nuk mund të jetë një pushtet sipër pushteteve të tjera ose një kundërpushtet.  Pasi drejtësia bëhet në emër të ligjit, gjyqësori duhet të veprojë vetëm në kuadër të ligjeve që përfaqësuesit e popullit kanë miratuar në Parlament.

Duke marrë parasysh gjithashtu se, me kodin e ri zgjedhor, deputetët dalin nga listat e partive politike, PLL do t’i kushtojë një rëndësi të veçantë parandalimit të trafikimit të mandateve.  PLL do të iniciojë një ligj për heqjen ose humbjen e mandatit të deputetit në raste flagrante të trafikimit të mandatit.

Sistemi politik

Sistemi është bërë shpesh herë një subjekt diskutimesh dhe debatesh në shoqërinë shqiptare ku roli dhe opinioni i historianëve dhe ekspertëve të drejtësisë ka qenë në shumicën e rasteve jo objektiv, por i orientuar politikisht.

Referendumi i 29 qershorit 1997 dha provën se Monarkia dhe Mbreti Leka përfaqësojnë institucionin që gëzon shumicën e votave të shqiptarëve por fatkeqësisht rezultati i atij referendumi u manipulua nga qarqe dhe për qëllime të errëta anti-shqiptare.

PLL zotohet që të ndjekë me vendosmërinë më të madhe qëllimin e saj specifik, për organizimin e një referendumi të ri, në kohën e përshtatshme, ku do të vendosët përfundimisht dhe realisht sistemi Monarkik apo Republikan, me vullnetin e lirë të vetë shqiptarëve.

Natyrisht, PLL është e përcaktuar dhe e bindur se sistemi që i përshtatet më së miri kushteve të vendit, popullit dhe kombit shqiptar është monarkia e cila gëzon edhe legjitimitetin historik dhe juridik.

Dekomunistizimi

PLL është e ndërgjegjshme se për ti shërbyer zhvillimit të vendit dhe uljes së tensioneve politike dhe shoqërore, Shqipëria ka nevojë që të mbyllë një herë e përgjithmonë faqen e historisë së errët komuniste.

PLL është e vendosur që gjatë mandatit të ardhshëm të realizohen këta synime :

·        Të dënohet zyrtarisht sistemi komunist

·        Të dalin para drejtësisë ideatorët e sistemit komunist në Shqipëri

·        Të dalin para drejtësisë autorët e luftës civile gjatë Luftës Dytë Botërore që vranë dhe persekutuan mijëra patriot nacionalist

·        Të dalin para drejtësisë aparatçikët e periudhës së diktaturës komuniste

·        Të dalin para drejtësisë, rast pas rasti, të gjithë ata që ushtruan dhunë fizike ose psikologjike në popull gjatë periudhës së diktaturës komuniste

·        Të dëmshpërblehen dhe rehabilitohen të gjitha viktimat e diktaturës komuniste

Natyrisht, PLL nuk interesohet për fatin e ish-pushtetarëve komunistë që dënoheshin sa herë që bëhej luftë brenda llojit pasi ata kishin qenë më parë pjesë e atij sistemi diktatorial anti-shqiptar dhe vëllavrasës.

Për PLL, dënimi i sistemit komunist duhet të marrë parasysh edhe efektet negative dhe pasojat e atij sistemi.

PLL është e mendimit se duhet verifikuar edhe pasuritë e ish-pushtetarëve komunistë dhe të familjarëve të tyre, në rastet kur dyshohet se këto pasuri janë siguruar falë lidhjeve të tyre me pushtetin komunist.

Po ashtu, PLL do të krijojë kushtet për rishkrimin e historisë dhe ndryshimin e teksteve shkollore, për ti ndërgjegjësuar brezat e rinj dhe të ardhshëm për dëmet e mëdha që periudha komuniste dhe sistemi i tij i sollën vendit tonë.

Natyrisht, PLL do të materializojë këta objektiva duke bashkëpunuar me grupet e interesit, shoqatat përkatëse dhe klasën politike me qëllim që kjo fazë e historisë tonë të mos diskutohet më në të ardhmen.

Rehabilitimi i viktimave të komunizmit

Një nga prioritetet e PLL mbetet rehabilitimi dhe integrimi i plotë i ish-të përndjekurve dhe të burgosurve politik.  PLL është e ndjeshme në problemet që këto shtresa përjetojnë në shoqërinë shqiptare dhe nuk mund të lejojë abuzimet dhe manipulimet mbi baza demagogjike, pasi PLL është vetë pjesë integrale e këtyre shtresave.

PLL garanton se brenda 24 muajve të parë të qeverisjes do të :

·        Realizojë dëmshpërblimin e plotë të ish-të përndjekurve dhe të burgosurve politik si dhe të familjarëve të të gjitha viktimave të luftës civile gjatë LDB dhe të diktaturës komuniste

·        Krijojë të gjitha lehtësirat për shkollimin brenda dhe jashtë vendit të pasardhësve të viktimave të diktaturës komuniste dhe të ish-të përndjekurve dhe të burgosurve politik, duke u dhënë një prioritet në bursat shtetërore

·        Japë përparësi këtyre shtresave në të gjitha privatizimet e ndërmarrjeve shtetërore duke u ofruar edhe kredi pa interes, për afate kohore të caktuara

·        Krijojë kushte favorizuese për punësimin e këtyre shtresave, duke hequr të gjitha detyrimet shoqërore për personat që do të punësohen në firmat private

·        Krijojë një Institut ku përfaqësues të shtetit, të të gjitha shoqatave përfaqësuese të këtyre shtresave, specialistë të drejtësisë dhe personalitete të pavarura dhe të respektuara të shoqërisë shqiptare do të marrin në shqyrtim dosjet individuale dhe kolektive për përfitimin e kompensimeve nga shteti

Demokracia partiake

Duke u nisur nga tradita dhe fryma demokratike që ka mbizotëruar gjithmonë brenda PLL dhe duke pasur parasysh kushtet e reja të krijuara nga sistemi i ri elektoral dhe kodi i ri zgjedhor, PLL është e bindur se konkurrimi i plotë dhe me kushte të barabarta, do të jetë më i dobishëm për vendin, si dhe do të pengojë konkretisht dhe efektivisht, rikthimin e të majtës në pushtet.

Andaj, PLL do të stimulojë gjatë fushatës një konkurrim brenda për brenda partisë, ku qarqet do të ndahen në zona përafërsisht të barabarta me numër votuesish, dhe ku secila zonë do t’i atribuohet një kandidati.  Pavarësisht se kodi zgjedhor përcakton lista të mbyllura, PLL do të nxisë zgjedhjen si deputet, të kandidatit që do të ketë siguruar më shumë vota, brenda secilit qark.

E Drejta e Pronës

PLL e konsideron si të shenjtë të drejtën e pronës.

Duke marrë parasysh problemet e trashëguara nga shteti gjatë sundimit të diktaturës komuniste por edhe duke konsideruar problemet e shkaktuara nga ligji 7501 nga njëra anë, dhe nga realiteti i shoqërisë ku eksodi rural dhe lëvizjet e qytetarëve kanë qenë një fenomen masiv, PLL mendon se është detyrë e shtetit të riparojë gabimet e së kaluarës dhe situatat e krijuara për shkak të veprimit a mosveprimit të tij.

Në këtë kuadër, PLL zotohet të kompensojë me vlerën e tregut dhe brenda një mandati qeverisës të gjithë pronarët legjitim, të cilët nuk kanë mundësi të rifitojnë pronat e tyre.

PLL zotohet gjithashtu t’i japë fund brenda të njërit afat çështjes së legalizimeve për të gjithë pronarët, persona fizik apo moral, të këtyre 17 viteve të fundit.

PLL mendon se zgjidhja përfundimtare e çështjes së pronës do të arrihet vetëm kur të paguhen detyrimet dhe taksat mbi pasurinë e patundshme nga të gjithë pronarët, të rinj apo të vjetër. Personat fizik apo moral, që kanë përvetësuar pronat e huaja apo shtetërore, duhet të ndërgjegjësohen për veprimin e tyre, duke shlyer detyrime ndaj shtetit për t’i mundësuar shtetit kompensimin e pronarëve legjitim.

Në raste të veçanta, PLL konsideron se shteti duhet të marrë përgjegjësitë e veta dhe bëhet garant për zgjidhjen e çdo problemi që mund të ndodhe ndërmjet pronarëve të së njëjtës pronë, apo të dy ose më shumë prona, kështu që të shuhen përfundimisht konfliktet dhe veprat kriminale të kësaj natyre në vend.

Natyrisht, çdo ndërhyrje e shtetit në këto çështjeje duhet të bëhet duke i dhënë prioritet pronarëve legjitim.

PLL zotohet të krijojë një institut ku përfaqësues të shtetit, të të gjitha shoqatave të pronarëve, organizatave jo-qeveritare, specialistë në fushën e drejtësisë civile dhe personalitete të pavarura dhe të respektuara të shoqërisë shqiptare, do të marrin në shqyrtim dhe do të propozojnë zgjidhje për çdo çështje pronësie të pazgjidhur deri më sot.

Synimi i PLL është që të rikthehet, të njihet dhe të mbrohet e drejta e pronës si një parim i shenjtë dhe një kusht i domosdoshëm për zhvillimin e vendit dhe thithjen e investimeve të brendshme dhe të jashtme.  Gjithashtu, PLL synon që çdo çështje pronësie të zgjidhet brenda vendit, pa pasur nevojë të kërkohet ndërhyrja e Gjykatës Evropiane të Strasburgut.

E drejta e fjalës dhe e shtypit

PLL konsideron se e drejta e fjalës dhe e shtypit janë të patjetërsueshëm dhe të pakufizueshëm përveçse në rastet kur cenohen të drejtat dhe liritë e një palës së tretë.

Duke marrë parasysh përvojën e viteve të fundit ku zhvillimet mediatike kanë arritur nivele të larta por edhe ku përdoren manipulimet, dezinformimet dhe cenohet jeta private e individëve dhe personave publike ose jo publike, fizike ose morale, PLL synon të rrisë nivelet dhe cilësitë profesionale, ndjenjën e qytetarisë, të respektit të ndërsjellë të individëve dhe kolektiviteteve, si dhe nivelet e mirëkuptimit dhe bashkëpunimit në interes të vendit, popullit dhe kombit, nëpërmjet programeve të posaçme në këtë drejtim.

PLL synon gjithashtu të rrisë nivelet dhe cilësitë profesionale në sektorin e medieve radio-televizive dhe të shkruara dhe zotohet të krijojë një Juri për Etikën Publike, ku përfaqësues të shtetit, të sektorit përkatës të shoqërisë civile, organizata jo-qeveritare dhe specialistë të fushës së medieve do të kenë kompetenca për zhvillimin e mëtejshëm të së drejtës së fjalës dhe të shtypit, por edhe për shmangien e praktikave jo etike në këtë fushë.

PLL do të stimulojë mediet që të jenë më pak të politizuara nëpërmjet financimit të programeve edukative, rritjes së cilësisë së programeve dhe shkëmbimeve të eksperiencave me medie të huaja.

E drejta dhe liria e besimit

PLL konsideron se e drejta dhe liria e besimit janë jetike për një shoqëri të shëndetshme dhe pa vese.

Duke marrë parasysh traumën e krijuar në popullin shqiptar nga diktatura komuniste dhe sistemi ateist i saj, por edhe duke pasur parasysh zhvillimet e këtyre 17 viteve të fundit në këtë drejtim ku shumë grupe dhe sekte kanë gjetur një terren të përshtatshëm për ushtrimin e aktiviteteve të tyre dhe kanë krijuar një çorientim në popull, PLL mendon se njohja dhe zhvillimi i besimeve monoteiste dhe tradicionale të popullit shqiptar janë të domosdoshme për zhvillimin e mëtejshëm të shoqërisë shqiptare.

Në këtë kuadër, PLL ka për qëllim :

·        Që shteti shqiptar të njohë dhe të mos krijojë asnjë pengesë për 3 fetë tradicionale të vendit tonë, përkatësisht fetë Islame, Ortodokse dhe Katolike

·        Që shteti të subvencionojë bashkësitë fetare, klerikët, mësuesit dhe institucionet fetare me qëllim që të kufizohen ndërhyrjet nga jashtë në këto institucione

·        Që shteti të ndalojë me ligj veprimtarinë e shoqatave dhe organizatave të ashtuquajtura fetare të cilësuara si sekte nga Bashkimi Evropian

·        Që të realizohet mësim-besimi në shkollat publike

·        Që të mos lejohet krijimi i asnjë kushti juridik që të pengojë ushtrimin e fesë në asnjë mënyrë që të jetë dhe për asnjë qytetar shqiptar

·        Që të mundësojë hartimin e kuadrit ligjor që të parandalojë dhe dënojë çdo akt racizmi, ksenofobie, provokimi apo përbuzjeje fetare

Diaspora

PLL e konsideron diasporën shqiptare, qoftë politike apo ekonomike, si pjesë integrale të kombit shqiptar dhe të shoqërisë shqiptare.

Duke marrë parasysh se shqiptarët që jetojnë jashtë territorit shqiptar mund të luajnë rolin e ambasadorit të vendit dhe popullit të tyre, PLL do të stimulojë integrimin e diasporës shqiptare nëpërmjet:

·        Njohjes dhe dhënies së shtetësisë shqiptare automatikisht dhe pa procedura administrative për të gjithë refugjatët politik të para viteve ’90 dhe familjarët e tyre

·        Rritjes së rolit të Institutit të Diasporës në Ministrinë e Punëve të Jashtme, duke hartuar platforma dhe programe konkrete për integrimin e diasporës shqiptare në shoqërinë shqiptare

·        Zhvillimit dhe intensifikimit të programeve bashkëpunimi me diasporën shqiptare në aspektet shoqërore, edukative, kulturore, artistike dhe shkencore të mbështetura nga qeveria shqiptare

·        Krijimit të klubeve të studentëve dhe intelektualëve shqiptarë nëpër botë, të mbështetur nga përfaqësitë diplomatike të shtetit shqiptar, për të krijuar lidhje të ngushta ndërmjet intelektualët shqiptarë dhe ata të vendeve ku jetojnë shqiptarët, me qellim që të rritet imazhi dhe lartësohen vlerat reale të popullit dhe kombit shqiptar në botë

·        Krijimit e lehtësirave për rikthimin në atdhe dhe investimin në ekonominë shqiptare

·        Krijimit të kushteve për respektimin e komunitetit shqiptar në shtetet ku jetojnë dhe punojnë shqiptarët, duke kërkuar të pajisen shqiptarët me dokumente të rregullta dhe të gëzojnë të drejtat e tyre, duke përdorur në rast nevoje, edhe parimin e reciprocitetit me vendet e tjera

·        Krijimit të kushteve për të votuar jashtë vendit dhe inkurajimit të përfaqësimit të diasporës në Parlamentin shqiptar

PLL synon natyrisht që qeveria shqiptare të mos lejojë që diaspora të përdorët nga disa shtete si mjet presioni dhe të paktën ky emigracion të strukturohet dhe mbështetet nga qeveria shqiptare që të mos lejohet nëpërkëmbja e vet në asnjë vend.

Mbrojtja dhe liria e pakicave kombëtare

PLL i konsideron pakicat kombëtare si pjesë integrale të shoqërisë shqiptare dhe, si të tilla, ata gëzojnë të drejta dhe detyrime të barabarta ndaj ligjeve dhe institucioneve të vendit.

Duke marrë parasysh veprimet e disa qarqeve që synojnë cenimin e integritetit territorial dhe të rendit juridik në Shqipëri, dhe që rrezikojnë destabilizimin e vendit dhe të rajonit, PLL është e vendosur që të mos lejojë asnjë individ apo grupim që të ushtrojë veprimtari të tilla në vendin tonë.

PLL i konsideron të gjitha pakicat kombëtare si të mirëseardhura në vendin tonë, por nuk do të lejojë asnjëherë që vlerat kombëtare të popullit shqiptar të nëpërkëmben nga cilido.

Në këtë kuadër, PLL do të :

·        Krijojë një kuadër ligjor për parandalimin e çdo aktiviteti që synon cenimin e integritetit territorial dhe rendit ligjor.

·        Stimulojë hartimin dhe materializimin e programeve të bashkëjetesës dhe respektit reciprok me komunitetet e huaja dhe pakicat kombëtare.

·        Inkurajojë shoqërinë civile dhe shoqatat jo-qeveritare që të zhvillojnë aktivitete për uljen e tensioneve dhe rritjen e respektit reciprok me komunitetet e huaja dhe pakicat kombëtare, duke financuar këta aktivitete.

Simbolet e shtetit

Për PLL, shteti përfaqësohet nga institucionet e veta por edhe nga simbolet e veta, të cilat rrisin krenarinë kombëtare.

Përveç simboleve si flamuri e himni kombëtar, PLL mendon se edhe personalitetet dhe figurat patriotike dhe kombëtare që kanë ndërruar jetë dhe janë varrosur jashtë vendit duhet të nderohen dhe vlerësohen në vendin amë, për kontributet e tyre në dobi të kombit dhe atdheut.

Në këtë drejtim, PLL do të realizojë riatdhesimin e eshtrave të personaliteteve të shquara shqiptare si Mbreti Zog, Gjeneral Abaz Kupi, Fan Noli, Mit’hat Frashëri, Muharrem Bajraktari, etj, duke organizuar ceremoni zyrtare me të gjitha nderimet shtetërore, për kontributet e këtyre personaliteteve.

Administrata shtetërore

Një nga rolet e politikës është që të bëjë shtetin të funksionojë dhe që sektori publik të jetë në shërbim të popullit.  Qëllimi duhet të jetë sadisfaksioni i qytetarëve. Mosfunksionimi i administratës shtetërore çon në paralizimin e shtetit. 

Duke marrë parasysh se administrata shtetërore nuk ka arritur akoma nivele optimale të performancës, PLL është e prirur që të reformojë administratën duke :

·        Rritur profesionalizmin me seminare dhe trajnime konstante

·        Rritur produktivitetin dhe ndjenjën e shërbimit publik

·        Nxitur frymën e meritokracisë dhe karrierës në sektorin publik

·        Luftuar kundër burokracisë, nepotizmit dhe abuzimit me detyrën

·        Luftuar favoritizmin dhe emërimet partiake

Por institucionet e shtetit dhe nëpunësit duhet të jenë të paprekshëm.  PLL synon :

·        Të rrisë autoritetin e të gjithë nëpunësve të shtetit dhe respektin ndaj tyre

·        Të rrisë besueshmërinë e publikut tek organet e vendit

·        Të merren masa të rrepta ndaj gjithë atyre që cenojnë shtetin, institucionet dhe nëpunësit e shtetit

·        Të përshtasë pagat e nëpunësve të shtetit me sektorin privat dhe me standardet e jetës

Korrupsioni

Për PLL, korrupsioni rrjedh nga keqpërdorimi i pushtetit publik.

Pavarësisht përparimeve të dukshme, fenomeni i korrupsionit mbetet një problem shqetësues i shoqërisë Shqiptare.  PLL beson se lufta ndaj korrupsionit nuk mund të realizohet vetëm duke stimuluar denoncimet, por se është detyrë e shtetit të krijojë kushtet dhe rregullat që do të parandalojnë korrupsionin.

PLL beson se mënyrat optimale për të luftuar korrupsionin janë :

·        Hartimi i procedurave administrative moderne dhe efikase

·        Trajnimi i nëpunësve të shtetit

·        Kontrolli dhe auditimi i të gjitha institucioneve të shtetit nga organizma private dhe shoqata jo-qeveritare

·        Masa të rrepta për të gjitha rastet e zbuluara

Ekonomia

Koncepti ynë për ekonominë

Misioni ekonomik i PLL është që të rrisë standardet e jetesës, mirëqenien dhe lumturinë e popullit shqiptar.

Pavarësisht krizës ekonomike dhe financiare globale e cila ka filluar të japë efektet e saja edhe në Shqipëri, vendi ynë ka potenciale të mëdha për zhvillim ekonomik :

·        Popullsi të re, të arsimuar, dinamike dhe të kualifikuar

·        Pozicion gjeografik strategjik

·        Pasuri natyrale dhe minerale

·        Porte detare dhe infrastrukturë rrugore në zhvillim

·        Klimë të përshtatshme për shumë sektorë

·        Bregdet dhe relief atraktiv

PLL do të hartojë një strategji zhvillimi të vazhdueshëm dhe rritjeje ekonomike, duke mobilizuar të gjitha potencialet e vendit tonë në të mirën e përgjithshme të popullit dhe kombit shqiptar.

Qëllimi parësor i kësaj strategjie është të luftohet varfëria dhe papunësia, të zgjerohet e fuqizohet sektori privat, të nxitet konkurrenca dhe të stimulohet prodhimi vendas.

Për PLL disa principe ekonomike janë në bazë të mendimit tonë :

·        Burimet njerëzore do të konsiderohen gjithnjë si baza e zhvillimit ekonomik

·        Ekonomia e tregut do të jetë gjithnjë në qendër të vëmendjes

·        Shteti do të qëndrojë në princip jashtë aktivitetit ekonomik por roli i vet si moderator dhe operator, në rast nevoje, nuk do të anashkalohet sidomos në sektorët strategjike

·        Taksat do të përdoren më shumë për realizimin e objektivave shoqërore dhe ekonomike, sesa për qëllime operative

·        Borxhi i shtetit do të përdoret për investime, më shumë sesa për ekuilibrimin e bilancit të shtetit

·        Privatizimet duhet të vazhdojnë, duke pasur në qendër të vëmendjes interesin kombëtar dhe ekonomik, por edhe transparencën e plotë të të gjitha proceseve të privatizimit.    Privatizimet do t’u ofrohen me përparësi punonjësve të firmave dhe industrive, grupeve dhe shoqatave profesionale vendore, por edhe emigrantëve shqiptar, më qëllim që të rritet ndërgjegjësimi i të gjithëve në kontributet që mund të japë çdo qytetar për popullin dhe vendin

·        Thithja e kapitalit dhe investimeve të huaja, si dhe transferimi i eksperiencës, do të jetë në qendër të vëmendjes

·        Lufta ndaj korrupsionit, klientelizmit dhe favoritizmit

·        Rritja e produktivitetit dhe cilësisë së prodhimeve, do të stimulohet për të realizuar objektivin e ekuilibrimit të bilancit tregtar

·        Raportet me institucionet ndërkombëtare si Bashkimi Evropian, Banka Botërore dhe Fondi Monetar Ndërkombëtar do të thellohen sidomos deri në kapërcimin e krizës globale

PLL zotohet për një fushatë sensibilizuese për konsumin e produkteve “Made in Albania”.

Objektivat madhore të PLL janë :

·        Ulja e papunësisë

·        Rritja e standardeve të jetesës

·        Rritja e prodhimit të produkteve dhe shërbimeve vendas

·        Rritja e peshës specifike të sektorit privat në ekonominë e vendit

·        Rritja e eksporteve

Për PLL, Shqipëria ka nevojë për një bum ekonomik i cili mund të realizohet nëpërmjet :

·        Ristrukturimit të ekonomisë dhe orientimit të investimeve përmes mendimit ekonomik

·        Zgjerimit të kredisë dhe mbajtjes në nivele të ulëta të interesit bankar

·        Zhvillimit të fondeve të kursimeve të garantuara nga shteti

·        Krijimit të një tregu të përbashkët me Kosovën, duke hequr të gjitha barrierat doganore dhe taksat e tjera

·        Zhvillimit të një infrastrukture moderne në të gjitha sektorët e industrisë

PLL do të stimulojë zhvillimin e disa sektorëve prioritarë duke u dhënë një përparësi në investime, kredi dhe subvencione :

Biznesi i vogël

PLL është e ndërgjegjshme se biznesi i vogël është një vektor kryesor për zhvillimin e vendit dhe uljen e nivelit të papunësisë.

Informaliteti duhet luftuar, duke krijuar kushte të favorshme për stimulimin e formalitetit.

PLL do të :

·        Japë kredi pa interes për çdo biznes të ri që do të sigurojë punësimin e të paktën 5 punëtorëve

·        Garantojë që çdo kredi i dhënë biznesit të vogël do të shlyhet automatikisht në rast falimentimi për arsye jashtë vullnetit të pronarit, dukë stimuluar mekanizmat bankare dhe sigurime të kredive për biznesin

·        Heqë të gjitha detyrimet shoqërore për një periudhë 5 vjeçare, për të gjitha bizneset e reja që punësojnë të paktën 3 punëtorë të rinj

·        Ulë me 50% detyrimet shoqërore për të gjithë bizneset e vogla aktuale, që do të shtojnë 3 punëtorë të rinj

·        Vendosë një moratorium për një periudhë 5 vjeçare në taksat mbi biznesin e vogël, për të gjitha firmat dhe ndermarrjet e reja që nuk kalojnë të ardhura prej më shumë se 5.000.000 Lekë në vit.

Ndërtimi

Si një sektor i rëndësishëm për zhvillimin e vendit dhe uljen e papunësisë, PLL beson se ulja e çmimeve të shitjes së apartamenteve dhe shtëpive të reja do të ridinamizojë këtë sektor.

PLL do të :

·        Heqë për një periudhe 2 vjeçare të gjitha taksat dhe detyrimet për shtetasit shqiptarë që do të blejnë apartamente dhe shtëpia të reja

·        Ulë për një periudhe 2 vjeçare me 50% të gjitha detyrimet shoqërore për firmat e ndërtimit

·        Stimulojë bashkëpunimin me sektorin e ndërtimin për uljen me 10% deri 20% të çmimit të të gjitha ndërtimeve të reja të ngelura të pashitura, duke i siguruar këtij sektori edhe kredi pa interes, gjatë 5 viteve të para për ndërtimet e tyre të reja

·        Stimulojë përdorimin e trojeve shtetërore për bashkëpronësi në ndërtimin e apartamenteve të reja, dhe do t’i përdorë ekskluzivisht ata për banesa për të pastrehët

·        Stimulojë bashkëpunimin ndërmjet sektorit të ndërtimit, institucionet e shtetit, pushtetin vendor dhe axhensitë e zhvillimit të vendit, me qëllim që çdo ndertin i ri të respektojë kushtet dhe kriterit e një zhvillimi afatgjatë të vendit, si dhe planet urbanistike

·        Garantojë respektimin e normave teknike dhe kritereve sizmike në ndërtimet e reja

Bujqësia dhe blegtoria

Duke marrë parasysh se një përqindje e madhe e popullit shqiptar jeton në zonat rurale ku mundësitë e zhvillimit janë të mëdha dhe duke konsideruar se Shqipëria i ka të gjitha mundësitë e zhvillimit të bujqësisë dhe blegtorisë, falë eksperiencës të fshatarëve në këtë drejtim, relievit dhe klimës të përshtatshme, PLL synon që të rrisë nivelet e prodhimit në këtë sektor, të sigurojë stabilitetin e të ardhurave të prodhuesve dhe të ulë importin e produkteve të kësaj natyre.

PLL do të :

·        Stimulojë krijimin e ndërmarrjeve bujqësore dhe blegtorale me dhënien e kredive pa interes, si dhe heqjen për një periudhë 2 vjeçare të të gjitha detyrimeve shoqërore, për ata që do të punësojnë më shumë se 5 veta

·        Stimulojë transferimin e produkteve të këtij sektori brenda përbrenda vendit, me subvencionimin e një përqindjeje të kostos së transportit

·        Investojë në dhoma frigoriferike në të gjitha zonat rurale ku do të grumbullohen ekscedentet e prodhimit, me qellim që të futen përsëri në treg në periudha të tjera gjatë vitit

·        Krijojë një fond sigurimi për të mbrojtur fermerët dhe popullsinë rurale kundër dëmeve të shkaktuara nga katastrofat natyrale

·        Bashkëpunojë me BE por sidomos me shtetet fqinjë për të hequr të gjitha barrierat doganore me qëllim që të mundësohet eksporti i prodhimeve shqiptare në drejtimin e tregjeve të tyre

·        Sigurojë që eksportet e produkteve të industrisë të blegtorisë dhe e peshkimit të garantohen duke dhënë kredi pa interes për të gjitha investimet në prodhimet bio dhe duke siguruar çmime konkurruese për produktet shqiptare

PLL garanton gjithashtu se një fushatë e madhe mbjelljeje do të realizohet për të siguruar që dëmet e bëra në pyjet nga prerjet gjatë dekadave të fundit, të kompensohen me pemë të reja, me qëllim që të luftohet kështu edhe ndotja e ambientit.

Turizmi

Duke marrë parasysh potencialet e mëdha të vendit tonë në fushën e turizmit me një bregdet të veçantë në rajon, me male e pyje të shumta, me qendra historike dhe arkeologjike unike në Evropë, PLL ka bindjen se Shqipëria do të përfitojë shumë shpejt nga këta pasuri me tërheqjen e turistëve të huaj.

PLL do të :

·        Zhvillojë qendra turistike bregdetare të klasit të lartë në të paktën 2 zona bregdetare, sidomos në Jug të vendit, duke u dhënë koncesione afatgjate grupeve financiare shqiptare dhe të huaja

·        Krijojë fshatra dhe qytete turistike për tërheqjen e turizmit masiv në të paktën 4 zona bregdetare, duke u dhënë koncesione afatgjate grupeve financiare shqiptare dhe të huaja

·        Stimulojë zhvillimin e qendrave të turizmit dimëror në zonat malore, duke i dhënë një prioritet krijimit të fshatrave turistike për ski

·        Investojë në mirëmbajtjen dhe rindërtimin e të gjitha qendrave historike dhe arkeologjike, si dhe në infrastrukturën në periferi të këtyre qendrave, me qëllim që të tërheqë turistët e huaj drejt këtyre qendrave, ku një rendësi e veçantë do ti kushtohet vlerave të kombit shqiptar

·        Stimulojë operatorët shqiptarë dhe të huaj për zhvillimin e turizmit në vend, duke u ofruar lehtësira në detyrimet shoqërore si dhe kredi pa interes

Energjia

Për PLL, sektori i energjetikes mbetet një sektor strategjik, ku duhet mbrojtur interesi kombëtar, duke siguruar nivele pavarësie të lartë.

PLL është po ashtu e vetëdijshme se zhvillimi i  vendit nuk mund të realizohet në kushtet kur nuk mund të garantohet furnizimi me energji elektrike dhe ujë, për të gjithë qytetarët, dhe 24 orë në ditë.

PLL do të :

·        Garantojë furnizimin në energji elektrike për të gjithë qytetarët, 24 orë në ditë, dhe do t’i japë fund një herë e përgjithmonë prerjeve të furnizimeve, duke investuar dhe subvencionuar centralet elektrike private me kredi pa interes, por duke vendosur gjithashtu gjoba për mosarritjen e niveleve të furnizimit

·        Garantoj furnizimin me ujë për të gjithë qytetarët, 24 orë në ditë, dhe do t’i japë fund, brenda 24 muajve, prerjeve të furnizimeve, duke investuar në modernizimin e gjithë rrjetit

·        Sigurojë që Shqipëria të bëhet një vend tranzit drejt Evropës, të gazit dhe naftës, duke i dhënë një prioritet bashkëpunimit me vendit që nuk shfaqin rrezik për interesat dhe sovranitetin kombëtar, dhe të cilët respektojnë të drejtat e shtetasve shqiptarë që jetojnë jashtë vendit

Minierat

Duke marrë parasysh se Shqipëria disponon pasuri nëntokësore të shumta, si dhe një eksperience të madhe në këtë sektor, PLL është e vendosur që të krijojë kushtet për zhvillimin e këtyre pasurive, me qëllim që të rrisë eksportet, dhe të përdorë të gjitha mundësitë që i ofrohen vendit, për uljen e papunësisë dhe rritjen e standardeve të jetesës.

PLL do të :

·        Investojë në identifikimin e të gjithë minierave dhe rezervave minerale në vend dhe do të garantojë riaktivizimin e tyre

·        Stimulojë privatizimin e minierave duke krijuar kushte të favorshme për investitorët, si heqjen e të gjitha detyrimeve shoqërore për një periudhe 5 vjeçare, si dhe investimin ne infrastrukturën rrugore, ndërmjet minierave të privatizuar dhe akseve kryesore

·        Stimulojë investime në industrinë e përpunimit në vend nga kapitali i huaj, duke vendosur moratoriume në taksat e këtyre industrive për një periudhë 10 vjeçare

Politika sociale

Përveç shtresës të viktimave të diktaturës komuniste, PLL ka natyrisht programin social në fusha të tjera, pasi për ne qeveria është një mjet për t’i shërbyer popullit.  Për PLL, duhet të rritet niveli i solidaritetit ndërmjet qytetarëve dhe i zhvillimit social, dhe është detyrë e shtetit që të shërbejë si katalizator i këtij solidariteti dhe zhvillimi social.

PLL do t’i kushtojë një rendësi të veçantë këtyre sektorëve, gjatë mandatit qeveritar :

Arsimi

Për PLL, arsimi përben një shtyllë kryesore për një shoqërie të zhvilluar, ku niveli i arsimimit të shoqërisë duhet të gëzojë ritme zhvillimi të shpejta dhe cilësore.

Vlerat kombëtare por edhe kultura, arti, sporti, respekti, vlerësimi, rregulli dhe autoriteti duhet të transmetohen nëpërmjet arsimit.  PLL do të bëjë të gjitha përpjekjet për zhvillimin e vlerave atdhetare të popullit tonë.

PLL nuk mund të pranojë që të rinjtë shqiptar të dalin nga shkolla pa perspektivë profesionale dhe pa horizont për jetën e tyre.  Të gjithë të rinjtë duhet të jenë të punësuar, ose të kenë mundësi të vazhdojnë trajnime falas në institucione publike dhe private.

Objektivi i PLL është që truri shqiptar t’i shërbejë Shqipërisë, kudo që të jetë dhe në mënyrë prioritare brenda vendit.

PLL do të :

·        Japë prioritet shkollave dhe universiteteve publike në të gjithë vendin

·        Garantojë nivelet e arsimit në shkollat dhe universitetet private, më një program bazë dhe standarde të larta, si dhe me kontrolle sistematike në mbrojtje të studentëve dhe cilësisë së mësimdhënies

·        Garantojë që të përfitojnë nga e drejta e shkollimit falas të gjithë qytetarët shqiptarë deri në moshën 18 vjet dhe të materializohet shkollimi i detyruar deri në atë moshë me kontrolle dhe inspektime konstante

·        Krijojë një fond të veçantë ku studentët me probleme financiare të kenë mundësinë të përfitojnë kredi pa interes për financimin e studimeve të tyre universitare dhe post-universitare

·        Financojë programe të veçanta për rritjen e niveleve shkencore në universitetet shqiptare

·        Stimulojë arsimin profesional, për të shtuar specialistët në profile të ndryshëm

·        Garantojë që nëpërmjet sistemit edukativ, të rritet krenaria kombëtare dhe ndjenja e identitetit kombëtar, me programe të posaçme në këtë drejtim

·        Stimulojë Dhomat e Tregtisë, institucionet dhe organizatat private dhe jo-qeveritare që të identifikojnë sektorët ku nevojiten kualifikime dhe specializime të veçanta

·        Garantojë që të rinjtë të dalin nga shkolla me një bagazh të plotë

·        Garantojë që të gjithë shtetasit shqiptarë jashtë vendit, të kenë mundësi të zhvillojnë studime

·        Stimulojë rikthimin dhe punësimin në atdhe, të gjithë të diplomuarve jashtë vendit

·        Garantojë që të gjithë studentët shqiptarë të kenë mundësi të mësojnë fenë e tyre

Për PLL, arsimtarët duhet të kenë mundësi të ushtrojnë profesionin e tyre ne kondita optimale, dhe roli e kontributi i tyre në dobi të shoqërisë, duhet vlerësuar dhe respektuar si nga studentët, prindërit dhe shoqëria.  Programe trajnimi dhe nivelimi i pagave të tyre me realitetin e standardeve te jetesës, do të realizohen gjatë 24 muajve të parë të qeverisjes sonë.

Shëndetësia

Për PLL, sistemi shëndetësor ka nevojë për një reformim thelbësor dhe do të jetë po ashtu në qendër të vëmendjes tonë, gjatë mandatit të ardhshëm.

Në asnjë moment, shëndetësia nuk duhet të konsiderohet si një kosto në bilancin e shtetit por si një investim.

PLL do të :

·        Garantojë që të gjithë shtetasit shqiptarë të përfitojnë një sistem shëndetësor falas ose me kosto minimale, duke rritur efektivitetin e sigurimeve shoqërore

·        Investojë për modernizimin e mëtejshëm të qendrave spitalore dhe garantimin e të gjitha shërbimeve mjekësore dhe spitalore, të paktën në një spital për çdo qark

·        Garantojë që të gjitha zonat rurale, të kenë një ambulancë spitalore, në një rajon me më pak se 5 kilometra çdo zonë të banuar

·        Stimulojë zhvillimin e shërbimeve mjekësore parandaluese

·        Parandalojë shpërndarjen e medikamenteve të dëmshme për shëndetin, duke ushtruar kontrolle më të rrepta të importeve, e duke krijuar kushte për prodhimin në vend

·        Garantojë zgjerimin e gamës së medikamenteve të rimbursuara, si dhe rritjen e cilësisë së tyre

Sigurimet shoqërore

PLL është e vendosur të mbrojë të gjithë punëtorët, dukë garantuar që pronarët e firmave të shlyejnë të gjitha detyrimet shoqërore.

PLL do të luftojë punën në të zezë në mënyre të rreptë, duke ushtruar kontrolle të vazhdueshme dhe të pandërprera në të gjitha sektorët.

PLL do ti kushtojë një rëndësi të veçantë brezit të tretë, jetimëve, invalidëve dhe të mohuarve, si dhe nuk do të lejojë asnjë praktikë diskriminuese ndaj këtyre shtresave, duke nxitur miratimin dhe zbatimin e ligjeve përkatëse, për mbrojtjen e tyre.

PLL do të :

·        Krijojë një regjistër kombëtar të Sigurimeve Shoqërore, për përqendrimin e të gjitha të dhënave shëndetësore dhe shpejtimin e shërbimeve mjekësore, për pacientët në spitalet dhe farmacitë e vendit

·        Krijojë lehtësira fiskale për familjet që kujdesen për të moshuar dhe invalidë

·        Rrisë fondin e shpërblimit për personat që kujdesen për personat e paaftë

·        Heqë të gjitha taksat vendore për moshën e tretë

·        Garantojë që të gjithë shtetasit që jetojnë e punojnë jashtë, të gëzojnë përfitimin e të gjitha të drejtave shoqërore në Shqipëri, përfshirë këtu edhe pensionin, duke nënshkruar marrëveshje bilaterale për sigurimet shoqërore dhe pensionet, me të gjitha vendet ku jetojnë dhe punojnë shqiptarët

·        Stimulojë sigurimet private, duke krijuar lehtësira fiskale

Familja

Për PLL, familja është qeliza bazë e shoqërisë, dhe si e tillë, ajo duhet të mbrohet dhe të inkurajohet për të ruajtur dhe mishëruar vlerat patriotike dhe kombëtare.

PLL do të :

·        Rrisë fondin e shpërblimit të familjeve për çdo lindje, si dhe rrisë shpërblimin për familjet me më shumë se një fëmijë

·        Nxisë brezat e rinj që të kujdesen prindërit, nëpërmjet lehtësira fiskale

·        Luftojë shfrytëzimin e fëmijëve për punë nëpërmjet kontrolleve sistematike

·        Stimulojë harmoninë familjare me programe të veçanta edukative

·        Luftojë përdorimin e bimëve narkotike, duke zhvilluar programe edukative, por edhe duke intensifikuar kontrollet

·        Krijojë një fond të veçantë për nënat që vendosin të mos punojnë, për t’u kujdesur për fëmijët e tyre, që ata të gëzojnë një shpërblim prej 50.000 lekësh në muaj

·        Garantojë që nënat që edukojnë fëmijët e tyre dhe nuk punojnë, do të përfitojnë të njëjtat të drejta shoqërore, dhe pensionet përkatëse, sikur të ishin në marrëdhënie pune.

PLL nuk do të lejojë që ligji shqiptar të njohë homoseksualitetin dhe abortin.

Politika e Jashtme

PLL është e vendosur të krijojë të gjitha kushtet për integrimin e plotë të Shqipërisë në BE para vitit 2015, si dhe do të ndërmarrë të gjitha reformat e nevojshme për plotësimin e standardeve evropiane gjatë mandatit të ardhshëm.

Marrëdhëniet me Shtetet e Bashkuara të Amerikës do të forcohen me një politikë të jashtme vizionare dhe realiste, në interes të popullit dhe vendit tonë.

Po ashtu, PLL synon që Shqipëria të zhvillojë një politikë të jashtme, bazuar vetëm në interesin kombëtar, si dhe të bëhet një faktor i rëndësishëm në rajon.

Reciprociteti do të jetë në bazë të marrëdhënieve me të gjitha vendet e huaja, në përputhje me konventat dhe marrëveshjet ndërkombëtare të ratifikuara nga shteti shqiptar.

Kushti i parë për të pasur një diplomaci të mirëfilltë është kushti i brendshëm.  Pa konsoliduar brenda vendit një pushtet në interes të kombit, shteti nuk mund të ketë një diplomaci efikase.

PLL do të stimulojë organizata jo-qeveritare dhe institute shkencore, të zhvillojnë studime strategjike dhe analiza të skenarëve të ndryshëm në marrëdhëniet ndërkombëtare të vendit tonë, duke financuar këta projekte.

Për PLL, është e rëndësishme që në kuadër të bashkëpunimit rajonal, që mbetet një kriter për anëtarësim në BE, Shqipëria të vëri si parakusht për çdo bisedë, që Serbia:

·        të njohë zyrtarisht gjenocidin dhe pastrimin etnik që ushtroi ndaj shqiptarëve në Kosovë

·        të paguajë dëmshpërblim për krimet dhe dëmet e luftës

·        të lirojë të gjithë të burgosurit shqiptarë që dergjen akoma në burgjet e Serbisë

·        të kthejë kufomat e mijërave shqiptarë që janë varrosur në Serbi dhe për të cilët familjarët e tyre nuk dinë as se ku e kanë varrin

Po ashtu, PLL do të krijojë të gjitha kushtet ligjore për parandalimin e aktiviteteve antikushtetuese në Shqipëri nga qarqet shoviniste të huaja.  PLL nuk do të lejojë incidente dhe provokime, si dhe do të përdorë të gjitha mekanizmat ligjorë, vendorë e ndërkombëtarë, për të shmangur rreziqet potenciale ose reale, në dëm të integritetit dhe tërësisë territoriale të Shqipërisë.

PLL shpreh bindjen e saj të thellë, se një politikë në mbrojtje të interesave kombëtare nuk mund të kundërshtohet nga askush, e sigurisht as nga partnerët tonë ndërkombëtarë, të cilët e kanë bazuar ekzistencën e tyre mbi këtë parim.

PLL ka gjithashtu bindjen se kjo lloj politikë nuk duhet të frikësojë askënd, përveç ata të cilët janë të kompromentuar me të huajt.  Pikërisht, në këtë drejtim, për të siguruar një fqinjësi të mirë, ne do të kërkojmë nga Greqia që :

·        Të abrogojë zyrtarisht ligjin famëkeq të luftës

·        Të garantojë kthimin e të gjitha të drejtave çamëve autoktonë në tokat e tyre

·        Të pajisen të gjithë emigrantët shqiptarë, me dokumente dhe leje të rregullta qëndrimi.

I njëjti pozicion vlen për marrëdhëniet e Shqipërisë me Maqedoninë e Malin e Zi.  Interesi i popullit dhe Kombit shqiptar duhet të udhëheqë çdo marrëdhënie me këto vende.  Dhe PLL do të punojë që ky parim të jetë i panegociueshëm.

PLL beson se ndërtimi i marrëdhënieve me Organizatën e Konferencës Islamike, do t’i mundësojë vendit tonë të gëzojë një ndikim më të gjërë në rajon e më tej, si dhe do t’i japë mundësi më të mëdha Shqipërisë të luaje një rol edhe global, sidomos duke shërbyer si mediator dhe moderator funksional, për arritjen e një paqeje të qëndrueshme në Lindjen e Mesme, si dhe për njohjen dhe respektimin e të drejtave për vetvendosje për dy shtete të pavarura, të Palestinës dhe Izraelit.

Te jemi krenar që jemi Shqiptarë

Programi ynë, mentaliteti dhe vizioni ynë në qeveri, synojnë të rrisin shkallën e dinjitetit dhe krenarisë të të gjithë shqiptarëve, kudo që gjenden dhe të mbrojë interesat e gjithë popullit, dhe jo vetëm të një shtrese të caktuar.

PLL është e ndërgjegjshme se shoqëria shqiptare vuan nga humbja e krenarisë kombëtare.

Krenaria jonë duhet të bazohet në identitetin tonë, si dhe të përqendrohet në vlerat autentike, si gjuha, kultura, tradita dhe historia jonë.

PLL do të mbetet e palëkundur në ngritjen lart të vlerave tona të pavarësisë, në të gjitha fushat.

PLL beson se Shqiptarët duhet të binden dhe duhet të fitojnë mbi vetveten, gjithashtu duhet të mposhtin komplekset e inferioritetit ndaj të huajve, si dhe të heqin dorë nga paragjykimi se lumturia dhe shpëtimi i tyre varet nga të huajt.

Aspekti kryesor në këtë program është se nuk bazohet në retorikë por të gjitha premtimet do të kthehen në realitet.

PLL ka një ideal dhe ideal ynë është Atdheu dhe Kombi.

Lusim Zotin e Madh që ta ndihmojë Kombin dhe vendin tonë.

_________________________________

REZOLUTE E KONGRESIT  TE XVII TE PLL

Me 21 nentor 2009 zhvilloi ne Tirane punimet Kongresi i 17-te i Partise “Levizja e Legalitetit”.

Kongresi i PLL theksoi trashegimine e vet politike si nje parti kombetare me kontribute te rendesishme qysh nga viti 1924 e deri ne ditet tona.

Kongresi i PLL vleresoi arritjet historike te Kombit tone, krijimin e shtetit te Kosoves, anetaresimin e Shqiperise ne NATO, pranimin e aplikimit te vendit tone per anetaresim ne BE, etj.

Kongresi i PLL pershendeti zhvillimin e zgjedhjeve te para vendore ne Kosoven e lire si edhe vleresoi pjekurine dhe maturine e klases se atjeshme politike per te zhvilluar zgjedhje te lira e te ndershme.

Kongresi i PLL nenvizoi arritjet brenda vendit dhe rolin e kesaj maxhorance qeverisese ne sukseset e arritura si dhe shprehu nevojen  per mos nderprerjen dhe uljen e ritmit te reformave te ndermarrja.

Kongresi i PLL e konsideroi me legjitimitet te plote maxhorancen aktuale dhe rikonfirmoi pozicionin politik te PLL si parti e koalicionit qeverises.

Kongresi i PLL u shpreh i pakenaqur per rezultatin  e partise ne zgjedhjet e 28 Qershorit dhe e konsideroi ate si rezultat jo real e qe nuk perputhet me perkrahjen e vertete dhe peshen elektorale qe ajo gezon. Kongresi theksoi se pavaresisht punes dhe fushates voluminoze, ishin faktoret e jashtem ata qe e imponuan rezultatin zgjedhor te PLL.

Kongresi i PLL shprehu bindjen se partia i ka te gjitha mundesite per te rifituar peshen elektorale dhe se per kete qellim eshte i domosdoshem nje organizim  serioz dhe kapilar i te gjitha strukturave.

Kongresi i PLL vleresoi platformat e te dy kandidateve per Kryetar te partise dhe kerkoi prej strukturave te ardhshme drejtuese qe ne aktivitetin e ardhshem te partise te merren ne konsiderate qe te dyja.

Kongresi i PLL i quajti destruktive qendrimet politike dhe veprimet e opozites se majte dhe kerkoi prej saj qe t’i jape fund kundervenies ndaj interesave kombetare.

Kongresi shprehu nevojen e thellimit te identitetit te saj si nje parti konservatore, nacionaliste e monarkiste si dhe vendosi qe, ne funksion te zgjerimit te identitetit te saj, ne programin e PLL te shtohet paragrafi “PLL eshte parti e njerezve qe besojne ne Zot, vlerat hyjnore dhe rolin e rendesishem qe kane bashkesite fetare per ndertimin dhe zhvillimin e konstruktit shpirteror te kombit.”

 Kongresi i PLL me votim te fshehte rizgjodhi si Kryetar te PLL z. Ekrem Spahiu.

Kongresi XVII i PLL

 Tirane, me 21 nentor 2009

***

[ Historique | Comité Directeur | Députés | Atdheu | Revue de presse | Galerie de Photo | Contacts ]

© 2002 PLL  - Tous droits réservés pour tous pays - All rights reserved for all countries.