Nga Sadedin Balla

Fushata zgjedhore po rikonfirmon vitalitetin e PLL

Fushatat zgjedhore përbëjnë sprova të mëdha për partitë politike. Këto sprova janë më të vështira për partitë që nuk kanë pushtet, ose që nuk kanë kaluar nga pushteti, siç është PLL.

Një fushatë zgjedhore shpreh produktin 3-vjeçar të veprimtarisë së gjithanshme të një partie.

Çfarë po tregon deri tani kjo fushatë zgjedhore?

Faza e parë e fushatës, dhe ajo më delikate, është përzgjedhja e kandidaturave.

PLL tashmë e ka përmbushur me sukses këtë fazë, duke kandiduar në të gjitha komunat dhe bashkitë e vendit.

Të kandidosh në të gjitha komunat dhe bashkitë e vendit, do të thotë që partia ka struktura funksionale dhe ndikim të gjerë në shoqërinë civile. Mjaft kandidatura të PLL nga shoqëria civile, vërtetojnë se puna politike e PLL ka qenë efiçiente dhe atraktive për mjedisin shoqëror shqiptar. Kjo përbën një arritje të rëndësishme për PLL, duke e bërë mjaft konkurruese me PS dhe PD, që pretendojnë se shoqëria civile është domen vetëm i tyre.

Kandidaturat e inxhinier Bashkim Lalës në minibashkinë nr.1; inxhinier Luan Kacelit në minibashkinë nr.2; avokat Bashkim Sulstarovës në minibashkinë nr.10; biznesmenit Gazmend Ujkashi në minibashkinë nr.6; mësuesit Gëzim Fortuzi në minibashkinë nr.7; mjekut Nikolin Laca në minibashkinë nr.9; kandidatura e z.Robert Papa për kryebashkiak të kryeqytetit, ajo e z.Gjergj Thanasi për kryebashkiak të Durrësit; ajo e Dekanit të Fakultetit të Shkencave të Universitetit "Luigj Gurakuqi" për kryebashkiak të qytetit të Shkodrës; ajo e biznesmenit të shquar z.Aqif Haveriku, në qytetin bastion të demokracisë, në Kavajë, etj., kanë shokuar mjedisin politik dhe kanë vështirësuar mjaft garën për kandidatët e dy të mëdhenjve, PS e PD.

Përvoja politike ka treguar se lufta brenda llojit është më e rënda dhe më e vështira.

PLL, si parti autentike dhe tradicionale e së Djathtës, po "luftohet" nga ndonjë parti që kërkon në mënyrë revanshiste të ezaurojë tërë të Djathtën dhe të kufizojë hapësirat e PLL, duke spekulluar se, "konkurrimi i PLL më vete çan votat e së Djathtës". Është kjo arsyeja që ndaj kandidatëve të PLL ushtrohet një trysni e gjithanshme, që fillon nga joshjet e deri tek kërcënimet.

Koha po tregon se kandidatët e PLL nuk janë një tufë horrash, interesaxhinjsh apo arrivistësh. Ata janë personalitete që gëzojnë respektin e komuniteteve, e që kanë bindjen e patundur se regjimi republikan dhe qeverisjet e PS dhe PD që mbështeten në to, kanë dështuar plotësisht. Ndaj, koha thërret në skenë një regjim monarkist-kushtetues dhe qeverisjen e PLL, që mbështet këtë regjim.

Dalja më vete e PLL përbën një veprim mjaft të matur e me rëndësi historike për të ardhmen e saj si forcë politike, çka do të sjellë forcimin e së Djathtës, për ta çuar atë drejt një cilësie të re, për të konfiguruar një të Djathtë potente e të aftë për të qeverisur, përkundër një të Djathte impotente aktuale, të paaftë për të ardhur në pushtet.

Një problem tjetër i vështirë për partitë që nuk kanë pushtet apo nuk kanë kaluar nga pushteti, është mungesa e infrastrukturës së domosdoshme për konkurrencë. Një shfaqje e dukshme e mungesës së infrastrukturës partiake, është vështirësia për të përballuar volumin e madh të punës me dokumentacionin. Infrastruktura e PLL e përballoi me sukses procesin e plotësimit të dokumentacionit, madje bashkë me çertifikatat me fotografi të kandidatëve për kryetarë komunash e bashkishë dhe këshilltarëve, pavarësisht se KQZ mori vendim për ta anulluar vendimin për pajisje me çertifikata.

Të gjitha institucionet zgjedhore, që nga KZQV-të e deri tek KQZ, konfirmojnë korrektesën e PLL në plotësimin dhe depozitimin e dokumentacionit. Ky përbën një fakt tjetër, që dëshmon se PLL është parti institucionale dhe tashmë e përgatitur për të përballuar çfarëdolloj sfide.

Kthjelltësia e alternativës, përzgjedhja e kandidaturave, plotësimi i dokumentacionit voluminoz, prezantimi me sukses i kandidatëve nëpër fshatra e lagje të qyteteve, po konfirmojnë gjithnjë e më tepër vitalitetin e PLL, sigurinë për fitore dhe realizimin e objektivave të saj madhorë.

Me masat që janë marrë e po merren, do të kapërcehen me sukses edhe fazat e tjera të fushatës.

Ne legalistët, do të përballojmë me sukses të plotë garën e fortë të konkurrimit në këto zgjedhje.

NMT Leka I Mbret i Shqiptarëve, reagon pas destabilizimit të situatës në FYROM

Mbreti Leka I: Të zbatohet marrëveshja e Ohrit

Të zbatohet amnistia ndaj luftëtarëve shqiptarë, sikundër ndaj paramilitarëve maqedonë dhe të largohet ushtria nga zonat e konfliktit

Këto dy ditët e fundit, është rënduar seriozisht situata në Komunën e Likovës, në fshatrat Vaksincë dhe Lojanë. Forca të mëdha ushtarako-policore, duke përdorur edhe mjete të motorizuara dhe helikopterë, kanë mësyer fshatrat, duke shkaktuar largimin masiv të banorëve shqiptarë, kryesisht gra e fëmijë. Është një situatë lufte, që nuk e dëshiron askush, por që planifikohet me zell nga qeveritarë të caktuar.

Kjo erdhi menjëherë pas Takimit të Presidentëve të Ballkanit në Ohër, ku u miratua edhe Deklarata e Dialogut në Forumin e Qytetërimeve. Për çudi, Shkupi, edhe pse e firmosi këtë Deklaratë dhe ishte vendi organizator, parapëlqeu një mbledhje urgjente të Këshillit të Sigurimit Kombëtar të Maqedonisë dhe dërgimin e rreth 3.000 forcave ushtarako-policore ndaj fshatrave shqiptare, nën pretekstin e arrestimit të "kriminelëve ekstremistë".

Stërzmadhimi i situatave konfliktuale nga Qeveria e Shkupit, është një rrugë e ndjekur me fanatizëm dhe në kundërshtim të hapur me Marrëveshjen e Ohrit, të cilën politikanët maqedonë asnjëherë nuk e kanë parë me seriozitet për ta zbatuar, por vetëm si një mburojë për të shitur "demokratizimin" infantil sllavomaqedon. Le të kujtojmë se, gjatë kësaj periudhe, asnjëherë nuk u arrit që të zbatoheshin kërkesat në përdorimin e gjuhës shqipe, përkundrazi, u shfaqën tendenca për ndërrimin fyes të Marrëveshjes së Ohrit. Gjithashtu, nuk po zbatohen kërkesat për përfaqësimin e shqiptarëve në administratën shtetërore, ku jo vetëm nuk shihet progresi por shfaqen shenja alarmuese të regresit.

Nuk po zbatohet ligji për amnistinë, i miratuar nga Parlamenti maqedonas, kohë më parë. Moszbatimi i Marrëveshjes së Ohrit dhe keqtrajtimi sistematik i luftëtarëve të UÇK-së, kanë sjellë situatën konfliktuale dhe trokitjet e pragluftës, që nuk e dëshiron asnjë shqiptar.

Mendësia tradicionale maqedonase mbështetet në mendësitë e atyre që qeverisin dhe mendojnë se bashkëjetesa është e pamundur, prandaj duhet të ndahemi dhe me ata që mendojnë se ende nuk janë shpenzuar mundësitë për mashtrim të shqiptarëve, prandaj duhet të bashkëjetojmë se kemi llogari. Këto tashmë shqiptarët kanë arritur t'i kuptojnë shumë mirë. Ata janë të bindur se kundërshtimi i vetëdijshëm ndaj politikave denigruese, i organizuar, sistematik dhe gjithpërfshirës, në fillim ideor, pastaj politik, ekonomik dhe i çdo forme tjetër, duhet të jetë këmbëngulës po qe se rrezikohet identiteti kombëtar.

Aktualisht janë aktivizuar formacione të ndryshme ushtarake, që apatizmin e elitës politike dhe intelektuale e kompensojnë me vitalitetin historik të popullit. Këmbanat në Maqedoni kanë filluar të bien. Ato duhen dëgjuar ashtu siç janë dhe nuk duhen politizuar sipas stilit të vjetëruar sllavomaqedon.

Të drejtat e shqiptarëve janë të shenjta, ashtu si dhe të vetë maqedonasve. Të dy palët jetojnë në një shtet të përbashkët, që është përgjegjës njësoj për të gjithë shtetasit. Nuk ka pse të ekzagjerohen "dëshmorët" e formacioneve militare dhe paramilitare maqedone dhe të kërkohen për t'u arrestuar luftëtarët shqiptarë. Ligji i amnistisë është i barabartë për të dy palët, po ashtu edhe trajtimi ekonomik për familjet e tyre.

Të gjitha detyrimet duhet të zbatohen, deri tek Universiteti i Tetovës, që ishte në Flamurin e të drejtave të Shqiptarëve.

Proceset që po ndodhin sot, nuk ndalen me ushtri e polici, me autoblinda, helikopterë, apo me satanizime kronike, përveëse me angazhime të plota juridike, politike, ekonomike e ushtarake për shqiptarët, ashtu si edhe për të gjithë shtetasit e Ish - Republikës Jugosllave të Maqedonisë.

Ne e dënojmë dhunën e ushtruar dhe i këshillojmë qeveritarët t'i zgjidhin të gjitha problemet, duke respektuar dinjitetin kombëtar të shqiptarëve, që jetojnë në trojet e tyre etnike.

PLL mbështet Moisiun për garantimin e zgjedhjeve të lira

Ditën e shtunë, më datë 6 shtator 2003, në zyrën e deputetëve legalistë pranë Selisë së Kryesisë së Kuvendit të Shqipërisë, kryetari i PLL, z.Ekrem Spahiu, dha një konferencë për mediat, në prani të gazetarëve të shumtë. Në këtë konferencë, kryelegalisti Spahiu ritheksoi edhe njëherë propozimin e PLL për ngritjen e institucionit të Xhandarmëisë, sipas modelit të kohës së Mbretit Zog I, si e vetmja garanci për të shtypur krimin, atë ordiner dhe atë të organizuar. Gjithashtu, z.Spahiu u prononcua edhe lidhur me kërkesën e përsëritur të PLL, që Kuvendi të marrë në shqyrtim dhe të miratojë sa më parë projekt/Ligjin e qeverisë për kompensimin në vlerë të plotë të punës së imponuar dhe të papaguar të Ish të Burgosurve Politikë gjatë vuajtjes së dënimit nëpër kampet dhe burgjet e diktaturës komuniste.

Gjithashtu, kryelegalisti Spahiu përshëndeti qëndrimin konstruktiv të presidentit të Republikës, z.Alfred Moisiu dhe gadishmërinë e tij për të qenë "garant i zgjedhjeve" të lira dhe të ndershme më daën 12 tetor.

Kjo konferencë u përcoll me vëmendje nga gazetarët e shumtë, të cilët bënë mjaft pyetje lidhur me qëndrimet e fundit politike të PLL dhe për ecurinë e fushatës së legalistëve, të cilave z.Spahiu iu përgjigj me kënaqësi, duke shuar kureshtjen e tyre.

Deklaratë

PLL vlerëson qëndrimin e kreut të shtetit, z.Moisiu, për deklarimin e tij se do të jetë "garant i zgjedhjeve të lira në Shqipëri", dhe pikërisht për këtë qendrim duhet të mbështetet nga të gjitha partitë politike që kërkojnë zgjedhje të lira, të ndershme, e sipas standardeve demokratike, duke hedhur poshtë imazhin e keq të zgjedhjeve të deritanishme.

Në këtë kontekst, mbështesim vendosmërinë e z.Moisiu për të gjetur rrugëdalje nga kriza e KQZ-së, shkaktuar nga maxhoranca e majtë, nëpërmjet KLD-së.

Ne nacionalistët kemi një përvojë mjaft të hidhur në një marrëveshje me Partinë Komuniste, lidhur për interesa kombëtare, siç ishte Marrëveshja e Mukjes, të cilën, pa u tharë ende boja, komunistët e grisën, duke i shkaktuar një dëm të pariparueshëm Kosovës dhe Çeshtjes kombëtare.

Edhe PD-ja, në marrëveshjet e saj me PS-në (derivat i PKSH), ka rezultuar se gjithmonë ka dalë e humbur, sepse PS nuk është një parti që respekton rregullat e lojës demokratike, ligjet dhe marrëveshjet partiake, por ajo është e vendosur në rrugën e saj pa kthim për të realizuar qëllimet e veta, të cilat finalizohen vetëm me marrjen dhe mbajtjen e pushtetit me çdo kusht.

PLL mbështet fjalën e z.Moisiu në Kuvendin e Shqipërisë, para deputetëve, ku i bëri një analizë të hollësishme aktualitetit të vendit dhe ku kërkon një angazhim maksimal të politikës për kapërcimin e situatës së rëndë politike dhe të sigurisë së vendit. Në mënyrë të veçantë z.Moisiu në fjalën e tij mbështet idenë e PLL për ngritjen e xhandarmërisë si një forcë efikase-goditëse ndaj krimit të organizuar, që po kthehet në një gangrenë për themelet e shtetit.

Zogistët dhe legalistët janë viktima të diktaturës komuniste e, për rrjedhojë, PLL, shumicën e anëtarëve dhe simpatizantëve të saj i ka nga shtresa e ish të burgosurve dhe të Përndjekurve Politikë, - prandaj është e vendosur deri në fund të kërkojë zbatimin e ligjeve për rehabilitimin real të tyre në shoqërinë shqiptare.

Gjithë deputetët e PLL janë firmëtarë të projekt-ligjeve për dëmshpërblimin e tyre, por fatkeqësisht qeveria vazhdon të jetë e papërgjegjshme, sepse, sipas Raportit të saj, masa e shpërblimit, propozuar prej saj, është diskriminuese dhe nuk zgjidh asgjë nga kërkesat e ligjshme të tyre, por veçse synon të shtyjë kohën për të kapërcyer edhe këto zgjedhje me premtime boshe.

PLL kërkon shqyrtimin dhe miratimin e projekt-ligjit të paraqitur nga 53 deputetët, që është i mbështetur nga shoqatat e ish të burgosurve dhe të Përndjekurve Politikë.

PLL ringre edhe njëherë shqetësimin e saj për KZQV-të, të cilat nuk po funksionojnë normalisht dhe afati i fundit i regjistrimit të kandidatëve dhe partive, data 10 shtator, skadon pas 4 ditësh, ndërkohë që në shumë njësi vendore KZQV-të nuk kanë filluar ende nga puna.

Hapet sesioni i ri i Kuvendit

Spahiu: Dëmshpërblimi i Ish të Përndjekurve dhe kthimi i pronave, prioritet i Kuvendit

Ditën e hënë, më datë 1 shtator 2003, u hap sesioni i ri i Kuvendit të Shqipërisë.

Paradite, u mblodh Byroja e Kuvendit, nën drejtimin e z.Servet Pëllumbi, për të miratuar programin dy-javor të punimeve.

Kryetari i grupit parlamentar të PLL, z.Ekrem Spahiu, në fjalën e tij ndërmjet të tjerave kërkoi që prioritet i këtij kalendari të punimeve të jenë projekt/ligjet për dëmshpërblimin e Ish të Burgosurve dhe të Përndjekurve Politikë dhe ai i kthimit të Pronave te pronarët legjitimë.

Ky prioritet evidentohet në kushtet kur maxhoranca aktuale kërkon ta shtyjë pafundësisht shqyrtimin e tyre, duke nxjerrrë pengesë pas pengese, me qëllimin e vetëm të kapërcimit pa probleme të kësaj fushate zgjedhore.

Kërkesa e z.Spahiu u mbështet edhe nga kryetarët e grupeve parlamentare të opozitës.

Në seancën plenare të pasdites, pas fjalës përshëndetëse të kryetarit të Kuvendit, e kërkoi dhe e mori fjalën edhe deputeti legalist, Spahiu, i cili përveç atyre që ngriti në Byronë e Kuvendit, shtoi: "Muaji gusht, që ishte edhe muaj pushimi për Kuvendin, ka shënuar ngjarje shumë të rëndësishme për politikën shqiptare. Gjithashtu, gjatë kësaj periudhe ka patur tronditje të rënda të rendit dhe qetësisë publike, sepse kanë ndodhur vrasje tragjike të kryekomisarëve, policëve e biznesmenëve, dhe vendi ka përjetuar një shpërthim galopant të krimit kundër jetës, nëpër rrugët e sheshet, e deri edhe brenda familjeve shqiptare. Kjo valë krimi ka ardhur edhe si rezultat i çoroditjes totale të strukturave të shtetit. Këto zhvillime kanë ndodhur kryesisht për shkak të mungesës disa javore të kryeministrit, që ishte larguar për pushime jashtë vendit, dhe ndërkohë që Shqipëria digjej nga flakët e pyjeve dhe kallashnikovëve, kryetari i qeverisë freskohej nëpër plazhet e Evropës.

Mungesa e ministrit të Jashtëm krijoi gjithshtu një amulli të vërtetë në diplomacinë shqiptare, çka për fat të keq u pasua edhe me zhvillime negative në rajon, në dëm të Çeshtjes sonë kombëtare."

Për sa më sipër, z.Spahiu tha: "Unë mendoja që sot, kryetari i Shtetit, z.Moisiu, do të jetë në Kuvend për të marrë pjesë në analizën e kësaj situate të pazakontë dhe për të përcjellë mesazhet e duhura për zgjedhjet e 12 tetorit."

Ditën e enjte, pas një reagimi të vonuar, në fillim të seancës u shfaq para deputetëve kreu i Shtetit, që më pas mbajti një fjalim për problemet politike në tërësi dhe ato të rendit e qetësisë publike në veçanti. Ndërmjet të tjerash, si rrugëzgjidhje për problemet e agravuara të rendit, z.Mosiu ngriti edhe problemin e domosdoshmërisë së formimit të Armës së Xhandarmërisë, si një institucion adekuat, i aftë për të shtypur krimin, bazuar në përvojën tonë të shkëlqyer dhe në përvojën e përparuar të disa shteteve të mëdha evropiane. Me këtë propozim, z.Moisiu indirekt përkrahu opcionin e kahershëm të PLL për ngritjen e domosdoshme dhe të ngutshme të Armës së Xhandarmërisë, e cila ka një traditë dhe histori të lavdishme në realitetin shqiptar, në luftën kundër krimit, përvojë dhe traditë kjo e mishëruar në praktikën shtetërore, që nga krijimi i shtetit shqiptar në vitin 1912, por që kulmoi me efektivitet absolut gjatë periudhës së ndritur të drejtimit të shtetit nga Mbreti Zog I.

Në fjalën e tij para deputetëve, presidenti Moisiu për Xhandarmërinë theksoi: "Kemi folur shumë për nevojën e ndarjes së plotë dhe të gjithanshme të politikës nga organet e rendit, por fatkeqësisht akoma po shihen tendenca për të bërë të kundërtën. Ftoj parlamentin dhe ekzekutivin që të marrin masa serioze dhe efektive për përmirësimin e situatës.

Ligji nuk vendoset me slogane, por me punë, aftësi, ndershmëri dhe kurajo për reforma. Në këtë kuadër, mendoj se ka ardhur koha të studiohet ngritja e xhandarmarisë, si një forcë e re e kontrollit mbi zbatimin e ligjit dhe e shëndoshjes së sigurisë, duke ndryshuar rrënjësisht modelin e rekrutimit, edukimit, stërvitjes, trajtimit, drejtimit dhe të komandimit në raport me atë që ka sot Policia e Shtetit. Ngritja e saj sipas modeleve të njohura të shumë vendeve europiane, do të bënte të mundur eleminimin e shumë prej mangësive serioze që vihen re në policinë e rendit. Ajo do të ndihmonte në përshpejtimin, përsosjen dhe vënien e saj në efiçiencë të plotë, duke luajtur një rol të pazëvendësueshëm në luftën kundër krimit dhe fenomeneve të tjera negative të lidhura me të.

Korresp. i "Atdheu"

TIRANA & FUSHATA

PLATFORMA E KANDIDATIT TE PLL PER KRYEQYTETIN

Tirana meriton ndryshe!

Nga Robert Papa

Unë jam në garën e fitores, sepse kam besim se kam gjetur të Djathtën Reale shqiptare, se jam një nga shumica e shqiptarëve që u zhgënjyen nga PD dhe PS.

Unë do të synoj ruajtjen e traditës dhe përshtatjen me modernen.

E kam për nder që kam mbështetjen dhe përfaqësoj një grupim që evokon kohën e Mbretit Ahmet Zogu, Shtetarit më të madh shqiptar.

Tirana moderne fillon me Mbretin Zog I: Bulevardi Madhështor; Ndërtesat e ministrive; Ligji; Institucionet dhe, mbi gjithçka, Dinjiteti.

E majta ka lyer fasadat e Ministrive, por tiranasit nuk harrojnë se u ndertuan nga vizioni i Mbretit Zog I.

Maxhoranca po kalon krizën e drejtimit, dhe opozita nuk e kaloi dot krizën e besimit.

Ne nuk jemi peng i simboleve të së kaluarës, ndaj e hapim fushatën në këtë hotel klasik, me një arkitekturë aristokratike, e jo me xheste dhe ngritje duarsh nëpër pallate të kongreseve të Ramiz Alisë, sepse partitë që dolën nga kuzhina e Alisë nuk largohen dot nga simbolet e shkuara, duke u vetkënaqur në mintingje me salla të mbyllura.

Ishte PD që humbi zgjedhjet lokale të vitit 1992. Ishte PD ajo që polli centralizimin nga qendra, duke shpikur prefektët dhe drejtoritë e varura nga Tirana, ndaj nuk u beson kush atyre që sot hiqen si flamurtarë të decentralizimit.

I patë hapjet e fushatave nga ato parti që e quajne veten "të mëdha". Askush nuk foli për kthimin e pronave, sepse ata janë kundër pronarëve, sepse njëra palë për 50-vjet u mori pronat tiranasve dhe shqiptarëve, ndërsa pala tjetër, për afro 8-vjet, nuk ua ktheu pronat tiranasve, ndaj mos u gënjeni të besoni ata që fryhen me pompozitetin bosh e përdridhen si ngjalat, sepse veç zhgënjimit nuk ofrojnë gjë tjetër.

Ju keni një alternativë tjetër nga e Djathta e vërtetë.

Ata kishin 8-vjet në dispozicion që t'u sillnin decentralizimin, ujin apo dritat, por e humbën shansin, ndaj ju duhet të besoni te e Djathta e vërtëtë dhe jo tek bijtë e Bllokut të Hoxhës, që hiqen për demokratë, apo ata që duan të mbajnë në këmbë Bllokun e ri të së Majtës së konsumuar.

Tirana ka qenë gjithmonë me alternativën tonë, sa kombëtare aq edhe progresiste.

Duke kandiduar për Tiranën, unë kërkoj që bashkëqytetarët e mi t'i japin një mesazh vetes, por edhe Evropës dhe Uashingtonit. Mesazhin se liderët e mëdhenj nuk janë të përjetshëm, dhe se vetëm mekanizmi i votës i largon ata që duan ta kenë pronë karriken.

Zgjedhjet lokale janë shansi i parë për të krijuar Forcën e Tretë sundese, si gjithkund në Evropën ish-komuniste.

Dy partitë kryesore shpenzojnë shuma të mëdha për fushatën, financat i kanë të fryra, por vizionin e kanë të vogël dhe lidhjen me realitetin e kanë surreal.

Shumica e shqiptarëve nuk votojnë as për PD dhe as për PS. Ata duhen afruar t'i japin votën alternativës së tretë: dhe as të përkëdhelurve të PD apo PS, të cilët çirren duke klithur me duar e këmbë.

Demagogët dhe llafollogët, politikanët që kanë ndërruar disa parti, meritojnë indiferencën tuaj fisnike. Politikanët e fryrë të partive kryesore, mendojnë vetëm për përfitimet e politikanëve. Unë dua t'ia kthej popullit, Tiranën dhe Bashkinë e saj. Unë jam një nga ju dhe s'jam pjesë e llumit politik të marrë peng nga liderë të konsumuar dhe të korruptuar në stilin e tyre drejtues, liderë që janë pasuruar vetëm duke folur me slogane boshe dhe duke luftuar të Djathtën, Pronarët, të Përndjekurit Politikë, duke vjedhur votat që pas 1992 e në vijim. Mbi të gjitha, dy skajet e politikës, si qendra e Majtë ashtu edhe qendra e Djathtë, ju kanë vjedhur 13-vjet kohë.

Sistemi akoma është i shkatërruar, akoma sundon mentaliteti komunist, si nga ata që janë në pozitë, ashtu edhe nga ata që po flenë gjumë në opozitën që nuk sjell dot fitoren.

Ne do t'u kthejmë pronat tiranasve fisnikë, por mbi gjithçka do të ngrejmë dinjitetin e çdo qytetari tiranas.

Prona private është e shënjtë, por kundërshtarët e mi nuk e përmendin, sepse e dinë se nuk kanë bërë asgjë për pronarët, veçse ju kanë kërkuar votën.

Partitë e mëdha kanë alergji dhe xhelozi ndaj fisnikërisë së çdo pronari. Fajdexhinjtë që sot kanë kollare dhe xhelatët që sot kanë "mercedesë", ndjehen inferiorë ndaj klasës fisnike të pronarëve.

Unë e di shumë mirë se gjithkush e ngre dinjitetin me punë, dhe vendet e punës i krijojnë politikat ekonomike të Djathta, e jo ato të qendrës së djathtë.

E Djathta moderne stimulon "sistemin e iniciativës së lirë", këtë sistem që rivalët e mi e quajnë "sistem kapitalist", duke harruar se termin "kapitalist" e ka krijuar Marksi.

Ne jemi për sistemin e iniciativës së lire dhe ekonominë e tregut.

E Majta e ka mbytur iniciativën e lirë. E Majta zhgënjeu mbështetësit e saj fanatikë, të cilët sot janë më të varfër se kurrë. Taksat janë rritur, duke sjellë pranë konfliktet dhe mungesën e një mjedisi qytetar. Në rrugët me pluhur, trafiku kaotik të rrezikon jetën po aq sa edhe krimi ordiner dhe ai i organizuar.

E Majta e pangopur, por edhe indiferenca e Opozitës pasive, ngriti dy Tirana. Ne nuk premtojmë iluzione, as stok-marketin, se kjo nuk është kopetencë e bashkisë, por e iniciativës së lirë të bizneseve, që duan të investojnë dhe shkëmbejnë aksionet e tyre. Stok-market-i kërkon besimin e klientëve, por tiranasit nuk besojnë thuajse fare tek partitë e mëdha dhe te politikat e tyre.

Lidershipi konfuz dhe i paaftë për fitore i Opozitës dhe Pozita që po vetkonsumohet, kanë krijuar 2 skena në Tiranë: nga njëra anë Tiranën e luksit, dëfrimeve të shfrenuara dhe mungesën e respektit ndaj vlerave njerëzore, dhe nga ana tjetër Tiranën e varfër, që ndahet në dy nën/Tirana: një Tiranë ku qytetarët arrijnë të sigurojnë disa të ardhura për të jetuar, dhe Tiranën tejet të varfër, ku jeta është diçka pa vlerë.

Nuk ka kujdes njerëzor, mungon sistemi mjekësor falas, edhe pse është së shumti shtetëror. Asistenca sociale është qesharake dhe tregu i punës thuajse mungon.

Unë nuk jam i çmendur të deklaroj se do ta ul papunësinë në shifrat 3%, se në Gjermani po shkon afro 16%, por Politikat ekonomike të Bashkisë do të kërkojnë ndihmën e lobit shqiptaro-amerikan për investime, do të ndalojnë ekspasionin grek në Tiranë dhe do të nxisin uljen e taksave e thithjen e investimeve.

Të gjithë ne e kemi një të drejtë të lindur, që nuk na e mohon as PS-ja e as binjakja e saj në konsumim, PD-ja: Të drejtën të jemi Pronarë. Gjithkush ka të drejtë të jetë pronar i shtëpisë së vet, i një kompjuteri apo i një makine, si dhe të një biznesi të vogël. Mbi të gjitha, çdo tiranas dhe çdo shqiptar duhet te jenë pronarë të mënyrës së zgjedhjes së jetës së tij dhe familjes së vet. Nuk ka pse të vendosin të tjerët për këtë. Por duke rritur taksat në shifra absurde, duke mohuar pronat legjitime dhe duke përligjur korrupsionin gjigand, tiranasve dhe shqiptarëve u është privuar e drejta e tyre themeltare në një regjim të Ekonomisë së Tregut të lirë: e drejta të jenë pronarë.

Politikën aktuale e ka asfiksuar arroganca e atyre që dolën nga kuzhina e Ramiz Alisë.

Të "mëdhenjtë" sillen me arrogancë duke imituar Enver Hoxhën, por harrojnë se shumica e votuesve abstenon. Askush s'ka të drejtë të na heqë të drejtën e votës.

E Djathta e vërtetë dhe reale, pjesë e së cilës jam edhe unë, ofron platformën e ndalimit të masakrës urbane të kryeqytetit, të bojatisjeve qesharake dhe kostove marramendëse për shtrimet e rrugëve.

Ne do të ndërtojmë. Unë nuk do të shkatërroj. Do të ndërtojmë besimin, do të ndërtojmë rrjetin e ujit dhe do të kërkojmë zgjidhje alternative për dritat.

Unë do të synoj të ndërtoj infrastrukturën e Familjes, ku gruaja dhe amvisat të mos vuajnë për drita dhe ujë, ku fëmijët të dalin të luajnë nëpër parqe dhe ku korrupsioni e vjedhja të mos shikohen si vlerë shoqërore.

PD-ja e mbyti gjelbërimin dhe Lanën. Rama e spastroi, por askush nuk pyeti qyetarët se mos vallë më shumë rëndësi kishte arsimi publik, spitalet falas për Tiranën, libraritë apo edhe ndërtimi i pallateve popullore për të varfërit dhe qytetarët me të ardhura të vogla. Tash ju keni dikë që do të mendojë ndryshe.

Tirana është një qytet i pushtuar. Na kanë marrë dritën, nuk shikojmë dot në sy njëri-tjetrin nga ndërtimet pa leje dhe pa logjikën e një qyteti mesdhetar.

Tiranën e ka pushtuar dhunshëm korrupsioni, ndaj i takon së Djathtës së vërtetë ta heqë këtë barrë nga kryeqyteti ynë i bukur.

Lëvizja e Legalitetit është e Djathta e pastërt, pa paragjykime e pa gjynahe, apo lidhje me ish partinë e Hoxhës, si disa parti të tjera opozitare.

Unë ju kërkoj ndihmë: "A mund të vijmë te Ju, t'ju ndryshojmë sadopak jetën tuaj, sepse duke ndryshuar jetën tuaj unë ndryshoj jetën time, sepse Unë jam një nga Ju!"

Ne kemi besim në fitore, ngaqë shumica e shqiptarëve dhe shumica në Tiranë duan dhe respektojnë tolerancën dhe jo arrogancën e liderëve të përjetshëm, që nuk njohin as dorëheqje e as marrje përgjegjësishë mbi vete. Shumica përbuz korrupsionin dhe respekton dinjitetin.

Unë e shikoj se janë ndërtuar rrugë, janë ndërtuar disa lulishte, por edhe akuzat e shpërdorimit janë po aq të mëdha sa edhe puna e bërë. Sa miliona dollarë janë shpenzuar dhe a duhet të kishim pasur përparësi të tjera për Tiranën.

Nëse rrugët dhe ato disa lulishte janë ndërtuar nga taksat tona, ne kemi të drejtë të kërkojmë llogari.

Bashkia ka ndërtuar dukshëm më shume sesa qeveria lokale e PD-së, por as që mund të krahasohet se çfarë ka ndërtuar sistemi i Mbretit Zog I, sistem që unë dua të sjell para Tiranës.

A duheshin harxhuar miliona e miliona dollarë për rrugët ku ke frikë të kalosh në këmbë, sepse s'ka asnjë mbikalim për kalimtarët, ngaqë një mbikalim kushton pak dhe firmat nuk duan tendera për to!

A ka nevojë Tirana për makiazh e për lyerje buzësh me të kuq a rozë, apo ka nevojë që të mos na lagen këmbët dhe të kemi kokën mes ajrit të freskët, sepse e Majta na mori oksigjenin.

E kam vlerësuar punën e Bashkisë, ku punojnë edhe demokratë, por kur mësoj se bëhet fjalë për miliona dollarë, ndjehem i prekur, se është gjaku, djersa e taksave barbare të politikave të Majta, janë gjaku dhe uria e fytyrave të vuajtura të Tiranës.

Zoti Rama, keni shtruar rrugë, por vetëm 10% e njerëzve kanë makina, ndërsa 90% e tyre ecin në këmbë nëpër rrugët ku nuk ka vend për kalimtarët e thjeshtë.

E nëse janë harxhuar miliona dollarë, me kosto të tmerrshme, jo se dua të akuzoj, por nuk e kuptoj përse nuk u harxhua për ndërtime për familjet e varfëra. Nuk kuptoj përse nuk u liberalizuan lejet e ndërtimeve dhe pse nuk u krijua mjedisi për lulëzimin e biznesit të vogël?!

Kalorësi bashkiak i PS, mban në këmbë pushtetin e mbaruar të së Majtës taksidare. Unë e di se të zgjedhurit e dy partive të mëdha nuk afrojnë kthimin e pronave tek pronarët e ligjshëm, sepse janë dy grupime politike që ose ndjehen inferiore ndaj pronarëve fisnikë, ose nuk durojnë dot që klasa e vërtetë anti-komuniste të përfitojë nga gjoja sistemi i Njeriut të lirë. Ne kemi shpëtuar nga Blloku i Hoxhës, por bijtë e Bllokut kërkojnë sot, pa pikë turpi, votat tuaja në emër të qendrës së djathtë. Edhe Hipokrizia ka një limit, ndaj s'ka ë kuptim megallomania dhe dashuria me veten, kur ke pasur vetëm humbje dhe asnjë vlerë për këtë demokraci të brishtë.

Unë e di se pushteti lokal nuk gëzon pavarësi, sepse po të kishte qenë një sistem i pavarur, atëherë do thoja: I lumtë bashkisë dhe z.Rama, se ka qenë i pavarur dhe ka arritur të bëjë diçka, por kur çdo fond vjen nga burimi qëndror i Nanos apo i Metës, atëherë del se fondet kanë qenë të shumta dhe nëse dollarët kanë vërshuar lumë për Tiranën nga politika e PS, kjo ka lënë në skamje e varferi, me qëllim, Shkodrën dhe Kavajën, Beratin apo Lushnjen, Tropojën apo Fierzën.

Tirana nuk e ka humbur identitetin. Ne mund t'i kthejmë dinjitetin.

Shikoni Pasaportën apo Kushtetutën e Mbretit Zog I dhe do ndjeheni krenarë e dinjitozë.

Jam në garë që të shpalos platforma fituese. Ju sjell eksperiencën e SHBA dhe ju siguroj mbështetjen e lobit shqiptaro-amerikan, nën drejtimin e Xho Dioguardit. Unë kam përvojën dhe arsmin e duhur nga shkolla amerikane, ndaj ju ofroj diçka ndryshe.

Shqiptarët duan të ndahen nga arroganca politike e konsumuar dhe nga mungesa e demokratizimit të partive, duke mbyllur dyert për të gjithë ne që dëshirojmë një të Djathtë reale, jo servile apo skllave ndaj autokracisë së Njëshit.

Forcat politike anti-amerikane, nuk mund të hiqen dot si pro-SHBA-ve. Uashingtoni nuk mbështet pseudo-liderët që u treguan apo sillen si fodullë, dhe nuk dëgjuan zërin e arsyes.

Gara nuk ështe e barabartë. Unë ia kam shprehur këtë shqetësim edhe zyrtarëve të Ambasadës Amerikane në një takim javën e kaluar, dhe Tempulli i Demokracisë e di se këto zgjedhje mund të jenë të lira, por nuk do të jenë të ndershme, sepse partitë e mëdha kanë miliona dollarë dhe kontrollojnë televizione apo gazeta, por unë, si figurë e mediave, iu kërkoj ndihmë, sepse kështu media do sfidonte partitë që harxhojnë miliona dollarë, kur mund të shtroheshin rrugë ose rregullohej problemi i ujit të pijshëm e ai i kanalizimeve të zeza, që përzihen me ujrat e bardha apo futen nëpër rubinetat tona.

Kam besimin absolut se ata që votuan pro referendumit për rikthimin e Monarkisë, do të votojnë përsëri për Ne, dhe ata ishin fitues, ndonëse ua vodhën votat.

Unë nuk jam në garë kundër elektoratit të PD-së, sepse ata janë mbështetësit e mi, dhe unë kam luftuar për ata, kundër shtypjes, revanshit dhe politikave të majta. Shumë demokratë janë me mua, sepse e dinë se unë jam njëri prej tyre, sepse bashkë kemi rrezikuar jetën, bashkë kemi arritur sukseset kur rrëzuam bustin e Hoxhës, sepse unë isha mes tyre, fare pranë, kur diktatura ngriti shkopinjtë e gomës dhe drejtoi tytat e armëve ndaj nesh.

Unë kam besim se alternativa ime i jep elektoratit demokrat mundësinë të bashkojë votën me subjektin tim, për të arritur fitoren. Nëse në garë do të ishte Bamir Topi, apo do mbështetej Dashamir Shehi, unë s'do të kisha hyrë në garë, por duke e parë se alternativa e PD-së nuk na nxjerr dot fitues, unë ofroj moskonsumimin tim, përvojën amerikane dhe ndershmërinë e njërit prej qytetarëve që dashuron qytetin e tij. Unë s'kam ndryshuar 3-4 parti, jam demokrat, jam nacionalist dhe, si i djathtë i vërtetë, dua që të ndihmoj largimin e së Majtës nga drejtimi i Tiranës.

vijon

Pasditen e ditës së enjte, n/kryetari i Partisë, z.Murat Basha, i shoqëruar nga Shefi i Departamentit të Marrëdhënieve ekonomike pranë PLL, z.Artan Tujani, në kuadrin e mbikqyrjes së procesit për përfundimin e regjistrimit pranë KZQV-ve të kandidatëve për kryetar bashkie dhe komune si dhe këshilltarëve, zhvilluan një takim pune me Degën e PLL Kavajë.

Takimi u krye në zyrën elektorale të kandidatit për kryetar bashkie të qytetit të Kavajës, z.Aqif Haveriku, ku ishin të pranishëm krahas kandiidatit edhe anëtarët e Komitetit Drejtues të kësaj Dege.

Kryetari i Degës, z.Remzi Muja, bëri një pasqyrë të punës për shtrirjen e aktivitetit të strukturave legaliste kavajase në të gjithë rrethin, për përzgjedhjen cilësore të kandidatëve për kryetar bashkie e komunash, si dhe për këshlltarë bashkiakë dhe komunarë.

Gjatë takimit u lanë detyra konkrete dhe u muarrën angazhime serioze që, deri ditën e hënë, të përfundojë procesi i regjistrimit të kandidatëve për kryetarë bashkie dhe komunash, si edhe të këshilltarëve, pranë KZQV-vë të të gjitha njësive zgjedhore të këtij rrethi.

Gjatë mbledhjes u diskutua edhe rreth përvojave zgjedhore të sjella nga kandidati për kryetar bashkie në qytetin e Kavajës, z.Aqif Haveriku, i cili me fondet e veta kishte përgatitur një bazë të mirë materiale që, padyshim, do t'i shërbejë fushatës.

Në përfundim të kësaj mbledhjeje, u hartua lista shumemërore e kandidatëve për këshilltarë bashkie, që pati mirëkuptimin e të gjithëve.

Më vonë në një mjedis tjetër, që shërbente si holl pritjeje për zgjedhësit dhe bashkëbisedimin e kandidatit me të gjithë ata, u zhvillua edhe një bashkëbisedim spontan midis kandidatit, zgjedhësve, nënkryetarit të PLL, z.Murat Basha dhe deputetit të Kavajës, z.Bahri Kollçaku.

Gjatë këtyre bashkëbisedimeve të ngrohta, nënkryetari legalist shkëmbeu mendime me dhjetra qytetarë kavajas të të gjitha komuniteteve dhe besimeve, duke u bërë të qartë atyre filozofinë mbi të cilën mbështetet PLL, filozofi që është përqafuar edhe nga kandidati legalist, z.Haveriku. Sipas z.Basha, "kjo është edhe arsyeja që do ta çojë z.Haveriku drejt fitores, sepse ai e ka të qartë se vetëm me filozofinë dhe programin modern të PLL mund të jetësohen idealet e mëdha të shqiptarizmës dhe të happen rrugët për zhvillimin e vendit dhe rilindjen e moralit tradicional shqiptar e ndërgjegjes së përparuar shoqërore." "Ne kemi ndërmend të shenjtërojmë familjen shqiptare, pronën dhe të gjitha virtytet dhe vlerat e vyera, të trashëguara, prandaj mendojmë se gjejmë mirëkuptimin tuaj dhe mundësinë për të depërtuar në zemrat tuaja. Ne do të dijmë të administrojmë resurset e mëdha të vendit dhe do të luftojmë ta prosperojmë Shqipërinë. Legalistët zotërojnë mekanizmin e suksesit qeverisës, që është aftësia, përkushtimi atdhetar, besimi tek Zoti dhe populli shqiptar, bazuar këto në një moral të shëndoshë dhe në principet që vënë mbi gjithçka Atdheun dhe Kombin. Rruga jonë drejt pushtetit dhe prosperitetit të vendit, garantohet edhe nga prania e NMT Mbretit Leka I, i cili tashmë është më pranë se kurrë Atdheut dhe popullit. Por garancia kyesore e suksesit të PLL, janë bartësit e filozofisë së shqiptarizmës, që janë djemtë dhe vajzat legaliste, që rrjedhin nga familjet më të shkëlqyera shqiptare, sikundër është edhe z.Haveriku. Nuk mund të ndodhë ndryshe kur vendi të qeveriset së shpejti nga bijtë e atyre që mbi gjithçka vënë Atdheun, të cilin nuk e konsiderojnë thjesht si trashëgimi e amaneteve të fundit të baballarëve që jetën e dhanë për Shqipërinë Etnike, por edhe si toka-amë që do t'u lënë trashëgim fëmijëve, që janë e ardhmja e vendit. E kështu, me këto principe dhe mesazhe të mëdha, që kalojnë brez pas brezi tek legalistët, ne do të arijmë të sendërtojmë në shpirtin dhe mendjet e të gjithë shqiptarëve idealet e mëdha të Rilindjes Kombëtare, programi i së cilës është udhërrëfyes për ne. Kjo është edhe arsyeja e suksesit të padiskutueshëm të Rilindasit të Madh, Mbretit Zog I, në qeverisjen e vendit gjatë epokës së ndritur të Monarkisë. Pikërisht këtë obligim madhor, do të pëmbushim ne legalistët gjatë pushtetit dhe qeverisjes sonë, suksesi i së cilës është i sigurtë, ashtu sikundër është e sigurtë që ju kavajasit e ndershëm do të votoni z.Haveriku dhe do ta mandatoni atë për të drejtuar bashkinë tuaj, bashkinë e kavajasve të thjeshtë, jeta e të cilëve do të njohë ndryshime pozitive, sepse e meritoni, sepse populli meriton gjithçka të mirë që Zoti ka blatuar mbi tokë", - tha ndër të tjera në bashkëbisedimin me qytetarët kavajas, nënkryetari legalist, z.Murat Basha.

Korresp. i "Atdheu"

Prezantim i bujshëm i kandidaturave legaliste në rrethin e Korçës

Legalistët korçarë bashkojnë të Djathtën

vijon nga numri i kaluar

Më pas, zonja Maria Evangjeli ia dha fjalën kryetarit të PLL, z.Ekrem Spahiu.

Në fjalën e tij, që u ndërpre shpesh nga ovacionet e shumta, kryelegalisti Spahiu tha: "Së pari, më lejoni që, në emër të kryesisë së PLL dhe në emrin tim personal, t'u përshëndes për punën mjaft të mirë që keni bërë si Degë, si në riorganizimin e strukturave, ashtu edhe në përzgjedhjen përfundimtare të këtyre kandidaturave të mrekullueshme, që do të na i kish zili çdo subjekt zgjedhor.

Dega juaj, nga 16 njësi vendore, ka kompletuar me kandidatura dinjitoze 14 prej tyre, duke përmbushur kështu objektivin tonë elektoral dhe njëkohësisht vendimin e Këshillit Kombëtar të partisë për kandidimin në të gjitha njësitë zgjedhore të vendit. Unë jam i bindur se, brenda një kohe të shkurtër dhe brenda afatit procedural, ju do të caktoni edhe dy kandidaturat e mbetura, që gjithashtu do të jenë cilësore dhe premtuese.

Meqë më jepet rasti, më lejoni që të sqaroj momentin politik të vendimit për dalë më vete si subjekt, në këto zgjedhje. Dua t'u bëj me dije se ky vendim nuk ishte emocional dhe i papritur, por i përllogaritur dhe menduar mjaft mirë, që në muajin shkurt të këtij viti.

Ne kishim shumë arsye për të dalë më vete dhe pasi i shoshitëm argumentat pro dhe kundër, vendosëm për të konkurruar më vete, sepse donim të testonim strukturat e partisë dhe mbështetjen elektorale. Ne ishim dhe jemi të bindur se, me qëndrimet e drejta dhe konstruktive që grupi ynë parlamentar dhe strukturat drejtuese të partisë kanë mbajtur pothuajse për të gjitha problemet e rëndësishme të vendit, mbështetja jonë elektorale dhe politike ishte zgjeruar mjaft dhe kjo duhej administruar. Gjithashtu, një nga prioritetet programore të PLL është organizimi dhe fitorja e referendumit për formën e regjimit, çka përbën një shans të vërtetë dhe real për restaurimin e Monarkisë në vend dhe dhënies fund të regjimit pseudo-republikan aktual, i cili me papërgjegjshmërinë dhe ambicjet e shëmtuara për pushtet të politikanëve, e ka çuar vendin drejt katastrofës.

Ne jemi të bindur se vetëm Monarkia, që është një sistem i provuar për efikasitetin qeverisës dhe drejtësinë shoqërore, kudo në botë dhe në Shqipëri, mund ta shpëtojë vendin. Prandaj ne nuk do të heqim dorë nga synimi ynë për të zhvilluar referendumin popullor për formën e regjimit në një kohë të përshtatshme, sigurisht në të ardhmen.

Por për të realizuar një referendum të vërtetë dhe të ndershëm, në kushtet e zhvleftësimit të qëllimshëm të votës dhe vjedhjes e keqpërdorimi të saj, është shumë e vështirë. Ndaj, për këtë ne duhet të përsosim Kodin Zgjedhor dhe të instalojmë votimin e lirë dhe të ndershëm në Shqipëri. Gjithashtu, me daljen më vete, ne dëshirojmë të testojmë strukturat e partisë për aftësinë e tyre për të mbrojtur votën, çka do të na shërbente për të zhvilluar referendumin në një moment që do ta gjykonim të përshtatshëm. Po si mund të zhvillojmë një referendum përkundër interesave të subjekteve republikane, në kushtet e votëvjedhjes dhe përdorimit të pushtetit dhe strukturave të tij për abuzim me votën, nëqoftëse nuk do të jemi të përgatitur për të mbrojtur votën tonë!? Prandaj këto votime themi se do të shërbejnë si test për të përcaktuar aftësitë tona në ruajtjen e votës. Jo pa qëllim kodet zgjedhore në Shqipëri kanë degjeneruar vazhdimisht, duke u katandisur në kodin më të keq të paspluralizmit, sikundër është ky i tanishmi, sipas të cilit vota numërohet nga përfaqësuesit e dy partive kryesore.

Cila parti e "vogël" do t'ua vidhte votën atyre që e bënë dhe e miratuan me forcën e kartonave Kodin e ri Zgjedhor?! Atëherë përse e bënë të tillë dhe fshehurazi? Përse nuk lejuan që të gjitha partitë konkurrente të kishin komisionerët e tyre?! Për ne legalistët është e qartë se edhe gjatë këtyre votimeve do të ketë abuzime me votën, por ne jemi përgatitur ta mbrojmë me çdo kusht votën tonë.

Kuptohet se ky kod do të sjellë probleme të mëdha gjatë votimeve dhe tensionim midis autorëve të hartimit dhe miratimit të tij, dhe do t'i shndërrojë votimet pothuajse në të pavlefshme, duke rrënuar kështu përfundimisht kredibilitetin e Shqipërisë dhe duke e shtyrë bashkësinë ndërkombëtare drejt konkluzionit se shqiptarët nuk dijnë dhe nuk duan të bëjnë zgjedhje të lira dhe të ndershme dhe se nuk kanë aftësi shtetformuese. Këtë të bën lakmia për vota të pamerituara, dhe kjo nuk mund të imagjinohej as në fillimet e viteve 20-të të shekullit të kaluar.

Zgjedhjet e kontestuara janë refreni më i shëmtuar i Shqipërisë së paspluralizmit. Por, siç thashë edhe më lart, PLL është e përgatitur të mbrojë me çdo kusht dhe çmim votat e saj, pavarësisht se sipas kodit zgjedhor dhe vendimit të KQZ, partisë sonë iu mohua e drejta për të patur komisionerë në nivelet e dyta e të treta të komisioneve zgjedhore. Ne nuk mund të kontribuonim pafundësisht në grupimet parazgjedhore të djathta, në kurriz të partisë tonë, në kurriz të identitetit dhe profilit politik të saj. Ne këtë e kemi bërë që nga viti 1992, por nuk kemi fituar asgjë. Ne këtë e kemi bërë edhe gjatë kohës së qëndrimit të stërzgjatur në opozitë, por përsëri nuk kemi fituar asgjë. Ndaj nuk mund të dilnim bashkë me të tjerët pafundësisht, dhe për të humbur pafundësisht. Askush nuk ka tagrin për të vendosur mbi vullnetin e legalistëve dhe interesat e tyre, që janë edhe interesat e mbarë shqiptarëve, prandaj vendosëm për të dalë më vete. Asnjë skemë ramiziste nuk mund ta zhbëjë elektoratin dhe vullnetin politik të PLL dhe nacionalistëve shqiptarë, prandaj dolëm më vete, dhe mendojmë se kemi bërë shumë mirë. Historia do të na japë të drejtë dhe koha punon për ne, për nacionalistët e ndershëm, që mbi gjithçka kemi Shqipërinë, prandaj jam i sigurtë në fitoren tuaj, në fitoren tonë të përbashkët.

Më lejoni që t'u uroj edhe njëherë fitore në zgjedhje, fitore legalistëve korçarë dhe atyre në të gjithë Shqipërinë", - e mbylli fjalën e tij mes ovacioneve, z.Spahiu, fjalë që mbylli edhe takimin, duke u ndarë përzemërsisht me legalistët korçarë, që asistuan në këtë takim të prezantimit të kandidatëve të fitores legaliste korçare.

Korresp. i "Atdheu"

Shkodranët: Do të votojmë për Gëzim Dibrën dhe PLL

Dega e PLL Shkodër, me strukturat e saj është angazhuar totalisht për rezultate maksimale në zgjedhjet vendore të 12 tetorit, sepse edhe elektorati shkodran kërkon një qeverisje ndryshe, dhe më mirë se tek legalistët nuk mund ta gjejë tek asnjë parti tjetër. Pikërisht për t'i shërbyer masave organizative për fushatën, më 2 shtator 2003 u mblodh Komiteti Drejtues i kësaj Dege, nën drejtimin e kryetarit të saj z.Enis Dizdari.

Gjatë kësaj mbledhjeje, theksi u vu në ndarjen e detyrave të çdo anëtari të këtij komiteti, që do të marrë nën patronazh njësitë zgjedhore në të gjitha komponentët e fushatës. Synimi parësor për momentin është që të bëhet regjistrimi i kandidatëve dhe partisë pranë çdo njësie vendore, duke patur parasysh edhe pengesat që mund të krijojnë komisionet e politizuara.

Krahas regjistrimit, do të merren masa edhe për ngritjen e shtabeve elektorale pranë çdo njësie vendore, ku do të jenë të alternuara strukturat drejtuese lokale të partisë edhe me personalitete të fushave të ndryshme, që do t'i vihen në shërbim kandidatëve tanë.

Vëmendje e veçantë iu kushtua edhe marrjes së masave për të përzgjedhur elementin më të vendosur e idealist në mbojtje të votës së kandidatëve dhe të partisë pranë çdo qendre votimi, duke ditur që, PLL si pasojë e Kodit Zgjedhor PS-PD, nuk ka komisionerë në nivelet e dyta dhe të treta, por vëzhgues për partinë dhe përfaqësues të kandidatëve.

Në veçanti, gjatë takimit u përqëndrua vëmendja për punën në bashkinë e Shkodrës, ku kandidon Dekani i Fakultetit të Shkencave pranë Universitetit "Luigj Gurakuqi", z.Gëzim Dibra, për të cilin shkodranët janë entuziastë se, për ta do të jetë kandidatura më përfaqësuese, për t'ia besuar drejtimin e bashkisë së metropolit të Veriut të vendit.

Në mbështetje të kandidaturës së Dibrës dhe kandidatëve të tjerë të rrethit të Shkodrës, do të ndihmojë me praninë e saj edhe diaspora legaliste shkodrane, duke mbështetur fuqimisht, në çdo drejtim.

Një pikë tjetër e rëndësishme e rendit të ditës së kësaj mbledhjeje, ishte edhe zgjedhja e këshilltarëve për këshillin bashkiak të qytetit të Shkodrës.

Duke patur parasysh kualitetet e shumta që disponon kjo Degë, rivaliteti ishte shumë i madh dhe, në momente të caktuara ishte edhe i ashpër, çka e tensionoi mbledhjen, por nëpërmjet procedurave tepër korrekte u arrit mirëkuptimi pas votimit të fshehtë, nga ku anëtarët e Komitetit Drejtues, me përgjegjësi të lartë politike përzgjodhën elementët më të mirë, që do ta përfaqësojnë denjësisht PLL në kuvendin e bashkisë së qytetit.

Në këtë mbledhje shumë të rëndësishme, mori pjesë edhe kryetari i PLL z.Ekrem Spahiu, që në fjalën e tij, ndërmjet të tjerave vlerësoi punën e legalistëve shkodranë dhe strukturave drejtuese lokale, në përzgjedhjen e kandidaturave cilësore për të gjitha njësitë vendore të rrethit. Por z.Spahiu vuri në dukje edhe disa mangësi që duhen kapërcyer sa më shpejt, që të mos bëhen pengesë për ecurinë normale të fushatës.

Kryetari i PLL dha edhe porosi të vlefshme, që duhet të mbahen parasysh hap pas hapi, deri në finalizmin me sukses të fushatës, që sigurisht do të sjellë, në Shkodër dhe në të gjithë Shqipërinë, rezultatin e shumëpritur.

Mbledhja u mbyll me mendimin e përgjithshëm për të rritur shkallën e angazhimit dhe të përgjegjësive të çdo drejtuesi dhe strukture, në funksion të fushatës zgjedhore.

Korresp i "Atdheu"

KOMENTE & OPINIONE

Me rastin e 75 vjetorit të shpalljes së Monarkisë

Monarkia, shpetimi i Shqiperise

Nga Enver Hasa

Me 1 shtator 1928, Asambleja Kushtetuese e mbledhun në Tiranë e shpalli Shqipninë "Për hir të Zotit dhe Vullnetit të Popullit" Mbretni Demokratike. Andrra shekullore e të gjithë patriotëve shqiptarë u realizue, dhe froni i Kastriotëve u zavendësue prej nji stërnipi të ri. Mbreti Zog ndër të tjera u betue që do të zbatonte Statutin, se do të ruente integritetin e tanësisë tokësore dhe se do të mbronte interesat e popullit.

Një vështrim i përgjithshëm mbi shpalljen e monarkisë

1.Qysh nga shpallja e pavarësisë e deri në Kongresin e Lushnjes

Në kulmin e Luftës Ballkanike, kur fuqitë ballkanike i dhanë grushtin e mbramë perandorisë otomane, e kur ende qëndronin kështjellat e Shkodrës e të Janinës në kambë, Ismail Bej Qemali, ky patriot dhe diplomat i përmasave botnore, me aprovimin e Fuqive të Mëdha, kryesisht të Italisë e të Austro-Hungarisë, që kishin interesa të drejtpërdrejta këtu, shpalli në Vlonë pavarësinë e Shqipnisë.

Evropës, e sidomos Italisë e Austro-Hungarisë, u interesonte që në këto brigje të Adriatikut e të Jonit të krijohej nji shtet "cuscinetto", që të mos ishte në gjendje të rrezikonte ndokend e ai të ishte njikohësisht pre e lehtë për ta, kurdo që të lypte rasti apo nevoja.

Ismail beu ra në kontakt me një major turk, njëfarë Beqir Grebeneja, që të sillte këtu nji princ turk, por këtë të drejtë e muer përsipër Konferenca e Ambasadorëve që u ba në Londër e që caktoi edhe kufijt e këtij shteti të sapokrijuem. Konferenca caktoi princin gjerman Vilhelm fon Vid, të cilit një delegacion shqiptar i primë prej Esat Pashë Toptanit, i dërguen kunorën e Shqipnis dhe që më pas erdhi e qëndroi në Shqipni për nji kohë të shkurtën prej gjashtë muejsh, por që ngjarjet që u zhvilluen atëherë në vendin tonë e detyruen që të largohej.

Ishte pragu i Luftës së Parë Botnore. Princa gjermanë në krye kishin edhe shtetet e rinj ballkanikë, si Greqia, Rumania e Bullgaria.

Gjatë luftës së parë botnore, funksionet e kryetarit të shtetit shqiptar i mbajti Esat Pasha, si palë aleate; ai qëndroi gjatë luftës në Selanik, pranë komandës aleate dhe i rezervuen nderime mbretnore. Kishte edhe një gardë të komandueme prej Halit Lleshit, i cili ma vonë qe vra në Peshkopi, mbasi kryesonte një komitet antishqiptar, që subvencionohej prej serbëve.

Në Kongresin e Lushnjes, ku u vunë themelet e reja të shtetit shqiptar, vendin e kryetarit e zuni nji këshill i Naltë, i përbamë prej dy myslimanëve, nji katoliku dhe nji ortodoksi.

Ky Këshill i Naltë mbeti në fuqi dhe ushtroi funksionet e tij deri me grushtin e shtetit të vitit 1924 (qershor, kur ra pushteti në dorë të Fan Nolit me shokë).

Fan Noli, ky Rasputin, kozmopolit, pa fe e pa atdhe, që habiti Lidhjen e Kombeve në Gjenevë me fjalimin e tij që atëherë kur Evropa ruhej prej bolshevizmit rus si "djalli prej temjanit", projektoi hapjen e nji ambasade ruse në Tiranë. Ky i ashtuquejtuni peshkop, që përktheu Rubaitë e Omer Khajamit e që s'pati turp të shkojë në Moskë me rastin e 10 vjetorit të revolucionit, ky njeri enigmatik, u pasue ma vonë prej Enver Hoxhës; e sindroma e këtyne të dyve ende edhe sot e për shumë vite të tjera do t'i sjellë përçamje e fatkeqësi vendit tonë. Këto kanë hapë nji hendek shumë të thellë armiqësish, rivalitetesh e urrejtjesh dhe kanë qenë e vazhdojnë të jenë nji farë e keqe që e helmon vendin e ndërgjegjen e të gjithë naivëve që nuk e njohin historinë e vendit tonë, e që u besojnë gënjeshtrave të shpikuna prej njerëzve që s'e deshtën kurrë të mirën e këtij vendi.

Gjatë kësaj periudhe 6-mujore (1924), Shqipnia nuk pati një kryetar shteti të mirëfilltë, vendi qe në nji kaos dhe në nji anarshi të plotë dhe kthimi i Zogut "Triumfi i Legalitetit" më 24 dhjetor 1924 qe nji eveniment i madh për vendin tonë, që e priti ate me nji entuziazëm dhe besim të papërshkruem, ashtu siç ndodhi në ditët kur mbas rreth 45 vjetëve u përmbys regjimi i urryem i Enver Hoxhës me shokë.

Me kthimin e Zogut, Shqnipnia muer frymë rishtaz lirisht. Gjithçka u vu në rregull. Anmiqt ikën, kush me nji anë e kush me nji tjetër, tue kërkue strehë te padronët e tyne të vjetër. Këtu u vendos rendi e qetësia dhe Zogu, për të evitue intrigat dhe demagogjinë e viteve 1920-24, shpalli të parën republikë të Shqipnisë dhe u ba president i parë i saj.

2.Periudha mbas 7 prillit 1939

Mbas 7 prillit 1939, nji delegacion antizogistësh dhe antishqiptarësh, i çuen në Romë Viktor Emanuelit III, kunorën e Mbretnisë Shqiptare dhe aj e shpalli veten Mbret të Italisë, të Shqipnisë dhe Imperator të Abisinisë. Në shtator të vitit 1943, Italia fashiste kapitulloi dhe këtu në Shqipni erdhën gjermanët. Në atë kohë këtu u krijue një "Qeveri kuislinge" dhe në krye të shtetit u caktue një Këshill i Naltë, si ai i Kongresit të Lushnjes.

Me 17 nandor të vitit 1944 gjermanët u larguen prej Tirane dhe me 28 nandor të atij viti prej Shqipnisë mbarë. Këtu pushteti ra në dorë të Ushtrisë Nacional Çlirimtare, apo të Frontit Demokratik, që s'ishin tjetër veçse fasada e Partisë Komuniste. Komunistëve "u priu fati" dhe me nji gur vranë dy zogj: banë luftë gjoja kundër fashisto-nazistëve dhe siguruen pushtetin me luftë vlla-vrasëse e tuj eleminue të gjithë ata që nuk ishin komunistë, po kishin ide perëndimore. Në fakt, Enver Hoxha me shokë ndoqi, vrau, pushkatoi e internoi të gjithë filo perëndimorët dhe këtë e bani si gjatë luftës, ashtu edhe mbasi e muer në dorë pushtetin. Nji herë iu hap nji mundësi në Mukje, që lufta antifashiste të ishte mbarëkombëtare, por edhe këtë mundësi ai e hodhi poshtë për mos e nda pushtetin me askend tjetër.

Kështu që Lëvizja e Legalitetit, që me Abaz Kupin e kishte fillue e para luftën antifashiste, si dhe ma vonë Balli Kombëtar, mbetën si fëmijtë e shemrës dhe u persekutuen deri në vdekje, me qëllim që të shuheshin nga faqja e dheut!

Gjatë këtij regjimi, funksionet e kreut të shtetit i mbante gjoja-kryetari i Presidiumit të Kuvendit Popullor, i cili s'kishte detyrë tjetër pos se me pritë ambasadorët e me marrë letër-kredencialet prej tyne dhe me dhanë "teneqeçkat", që ishin dekoratata me të cilat ata shpërblejshin besnikët e partisë. Të gjithë pushtetin real në dorë si kryetar shteti, qeverie e partie, e mbante vetëm Enver Hoxha.

Me shpalljen e tranzicionit, së pari si president për njifarë kohe qe Ramiz Alia, pastaj ai u shkëmbye nga Sali Berisha e Rexhep Meidani dhe, ma së fundi, me Alfred Moisiun.

Konkluzion

Referendumi që u zhvillue në vitin 1997, me gjithë manipulimet, mashtrimet dhe spekullimet e çdo forme që iu banë, në çdo tre votues, njeni votoi pro monarkisë, simbas rezultatit zyrtar.

Megjithëqë tashma kanë kalue ma shumë se gjashtë dekada nga aj 7 prill 1939, që prishi dhe shkatërroi andrrat dhe dëshirat e projektet e të gjithë shqiptarëve. Paj edhe dëshirat e projektet e tyne për jetën që sollën në Shqipni vetëm luftën dhe mjerimin, burgun dhe internimin, derisa e kthyen vendin në nji burg të rrethuem me telka me gjemba. Por prapë regjimi monarkist i Zogut të Parë kujtohet me dashuni e nostalgji si periudha ma e artë e ma fatlume, si vitet ma të bukura që ka kalue ky popull gjatë historisë së tij, në paqe në qetësi, me mirëqenie, në sigurim e në garantim të të drejtave e të lirive, pikërisht gjithçka që sot na lypset për t'u pranue në familjen e madhe të Evropës.

Vetëm monarkia mund dhe do ta shpëtojë këtë vend nga të gjitha kjo "sëmundje" që asht injektue. I vetmi shpëtim dhe shërim asht monarkia, dhe populli duhet të kërkojë këtë, të kërkojë që të bahet nji referendum i dytë, i drejtë, pa manipulime, mashtrime dhe spekullime. Dhe kështu, padrejtësia që iu ba Shqipnisë me 7 prill 1939, t'i rregullohet sa ma parë dhe NMT Leka I të zejë fronin që i përket, si trashëgim i ligjshëm e i pamohueshëm.

Historia pa koment

Nga Hamit Vata

Regjizura ideologjike partiake e 50-vjetëve më parë, ka ndriçuar me prozhektorë të fuqishëm vetëm një pjesë të skenës së historisë kombëtare. Ngjarje e persona janë vlerësuar në lidhje të ngushtë me partinë në pushtet dhe shefin e saj.

Me fitimtarët. Po të tjerët?!

Kështu është vepruar edhe me Haki Stërmillin, shkrimtarin e madh përparimtar e demokrat, veprat e të cilit lexohen sot e gjithë ditën, nga shqiptarë e të huaj.

Historiografia shqiptare është sigurisht para detyrash të reja.

Dihet se pas Kongresit të Lushnjes, Haki Stërmilli vendoset në Tiranë dhe ngarkohet me detyra të rëndësishme pranë ministrisë së Punëve të Brendshme që, siç dihet, drejtohej nga Ahmet Zogu.

Shpejt ai bie në konflikt me Mbretin e ardhshëm, shkëputet prej tij dhe del haptazi kundër.

Merr pjesë me armë në dorë në ngjarjet e qershorit të vitit 1924 "për të sjellë në fuqi një qeveri demokratike", por pas dhjetorit të atij viti emigron në Francë, Itali, Bashkimin Sovjetik etj..

Në Vjenë burgoset dhe më pas dëbohet nga Austria. Shkon në Jugosllavi dhe në vitin 1929 u dorëzohet autoriteteve shqiptare, gjykohet dhe dënohet.

Koha e qëndrimit në burg është përshkruar nga Haki Stërmilli në veprën e tij "Burgu".

Sigurisht, gjërat nuk duhen shikuar të shkëputura.

Megjithatë, pa koment, po rreshtojmë tre fragmente nga ditari i tij "Burgu" dhe konkretisht 25 gushtin e vitit 1933; 28 gushtin e vitit 1935; 9 dhe 10 shtatorin e vitit 1935.

Pa koment

"Një kryevepër e Mbretit Zog I

... Njena nga meritat e shënueshme të këtij regjimi - pjellë e vullnetit të Zog I - pa dyshim asht stabilizimi i rregullit dhe i qetësisë në vendin tonë dhe organizimi i knaqshëm i ushtris e i gjindarmëris...

Deri në Kongres të Lushnjes, mund të themi pa hezitim se nuk patëm as ushtri dhe as gjindarmëri.

Gjindarmëria e asaj kohje qe një turmë Bashi - bozuke. Të gjithë mbajnë mend gjindarmët tanë pa disiplinë dhe pa uniformë. Kujt nuk i kujtohen ata civila me shirit kuqezi në krahë, që e mbajshin kësulën mbi sy dhe pushkën në krah të majtë? Disa prej këtyne kishin pushkë Turqije ose Austrije, disa Serbije ose Greqije, disa Italije ose Gjermanije... Dikush ishte mveshë me xhokë ose me pantallona dhe dikush me xhaketë e me brekushe. Dikush mbathte opinga dhe dikush këpucë ose çizme. Kësulat që mbajshin mbi kokë gjajshin si flamujt e krahinave t'ona, pse dikush kishte kësulë Kosove, dikush Dibre, dikush Tirane dhe dikush Labërije apo kallpak Turqije.

Edukata ushtarake apo disiplina në këto njerëz, që ishin ngarkue me një mision të naltë si ajo e sigurimit të qetësisë dhe e zbatimit të ligjeve të shtetit, mungonte kryekëput.

Këta gjind të armatosun, jo vetëm që s'kishin as ma të voglin njoftim e kuptim mbi detyrën e vet, por në një pikpamje formojshin edhe njifarë rreziku për shtetin, sepse në rasa të ndyshme, ose kur t'u tekesh, i kërcnoheshin qeverisë ose bashkoheshin me rebelët.

Shkurt, këta qenë jeniçerët e Shqipnis. Sa për ushtrinë e asaj kohe, s'kemi shumë fjalë.

Ajo përbahesh nga turmat e popullit, që vihesh nën urdhën të ndonjë bajraktarit, ose zotnisë me influencë.

Edhe mbas Kongresit të Lushnjes, e deri më 1924, në ushtrinë e gjindarmërinë tonë s'pat ndonjë përmirësim të konsiderueshëm, për shkak se ministrat e luftës merreshin më shumë me politikë - që të mos themi me intrigë - sesa me organizimin e ushtrisë.

Municionet dhe mjetet e luftimit mungojshin gati fare. Mbaj mend se në operacionet që patëm bamë më 1920, s'kishim veçse një top me pak predha dhe një mitroloz me ca dyzina fishekë. Edhe këto dy vegla luftimi, që qenë përvetue prej nesh me sakrifica aventuroze, herë mbas herë i përdorshim që t'i jepshim me kuptue popullit se qeveria disponon mjete luftimi dhe kësisoj asht e fortë...

Në këtë gjendje të vajtueshme qe dikur ushtrija dhe gjindarmërija jonë

E tash?

Tash ato kanë ndryshue qind për qind.

Tash kemi nji ushtri e gjindarmëri të organizueme fare mirë, të pagueme e të ngjeshun me veglat moderne të luftimit, sa mos me i pas lakmi ndokujt.

Ushtrija jonë tash, për fat të mirë, përfaqëson idenë e bashkimit të Shqipnis. Shpirti i saj asht gatue e përgatit në mënyrë që, në rasa rreziku, të luftohet me abnegasion, sakrificë e heroizëm shembullor.

Ajo tash din me luftue, din me vdek dhe deri pse të vdesi.

Ata që e shohin këtë ushtri, formojnë mendim të plotë se ajo është destinue për me korrë ngadhnjime, me gërshetue kunora fitimi dhe me trajtue epopena të shkëlqyeshme, për me e përtri famën e stërgjyshëve.

Në ardhtë rasa që t'ua shënojë Zogu I drejtimin, ka për të pamë bota mbarë se çfarë mrekullinash kanë për të bamun këta kështjej të lëvizshëm të Shqipnisë së re.

Kjo ushtri asht njena nga veprat e kunorëzueme të Zogut I.

28 gusht: Mbreti ynë gjenial

Regjimi i sotshëm, me anë të Reformës agrare ka bamun diçka në këto vise...

Mbas pak kohe do të arrihet qëllimi dhe bujku i ngratë do të shpëtojë nga robnija e vobegtësija shekullore.

Jam sigur se njena nga pikat kryesore reformatore të Mbretit tonë gjenial, asht shlirimi i bujkut shqiptar nga verigat e robnisë dërmuese e faruese të shekujve të kaluem dhe fatbardhësimi i tij tue e bamë zot toke e pasunije.

Dëshira e realizimit të shpejtë të këtij qëllimi, duket se provohet me sakrificat e mëdha që janë bamun deri më sot në këtë fushë të aktivitetit tonë shoqnuer e ekonomik.

Drejtoria e përgjithshme e Reformës agrare, rregullisht e sistematikisht vazhdon në aktivitetin e saj tue i vendosun bujqit proletarë ndër toka të marruna prej pronarësh të mëdhej. Për shembull, vjet, përveç emigrantëve, ka instalue ma shumë se 100 familje bujqish.

Kur të mbarojë zbatimi i Reformës agrare dhe punimi i nisun për thamjen e knetave dhe kanaleve, sigurisht ka me i ndrrue ftyra Myzeqesë e myzeqarit. Ky ndryshim qysh tash ka nis me u duk në disa pjesë të këtij rrethi, ku tokat që u janë dhanë bujqve duken të punueme fare mirë, ku arat kanë një trajtë të rregullt metrike dhe ku banesat e katundeve të rinj kanë nisë me u ndërtue sipas një plani modern, që ta kënaq synin.

I mëshirshëm e i dhembshun me vllaznit e vet... I rreptë kundër armikut

Janë dënue me vdekje dhe janë ekzekutue 11 gjindarmë e graduatë të gjindarmërisë.

Gjithashtu, disa ditë ma parë janë dënue me vdekje edhe katër vetë të tjerë, po këta ende nuk janë ekzekutue.

Sot u ndëshkuen edhe 23 vetë të tjerë me vdekje.

Të gjithë jemi të shtangun e të tmerruem. Tmerri i vdekjes shtrigë ngjan sikur asht rras ndër zemra. Një murran i egër duket sikur na përplas ndër fytyra pluhun vorresh. Lulet e shpresës ngjajnë sikur u vyshkën në çast dhe dielli i lumnisë duket sikur asht zhyt në një errësinë të ... pashqyeshme.

Unë besoj se Mbreti do t'ua fali jetën këtyne rrezikzinjve që u ndëshkuen me vdekje, mbasi Ai, sa i rreptë që asht kundër armikut, aq i dhimbshëm e i mëshirshëm asht kundrejt vëllazënve të vet, qofshin ato edhe gabim ose fajtorë. Kështu flasin provat e faktet, këtë konviksion e bindje më ka dhanë e kaluemja.

75-vjetori i Mbretërisë Shqiptare

Nga Bajram XHAFA

Më 1 Shtator të këtij viti mbushen plot treçerek shekulli, që nga dita kur u shpall Monarkia Shqiptare. Është një datë të cilën brezat e sotëm pothuajse nuk e njohin fare. U mësuan që nga shkolla dhe mediat, të "gdhendin" në trurin e tyre datat e 7 dhe 8 nëntorit, 16 tetorin e Enverit, 21 dhjetorin e Stalinit, datëlindjen e Marksit e të Leninit, e plot data të tjera. Madje, me zellin ideo-politik e klasor, datën kur bolshevikët në Rusi shpallën përmbysjen e pushtetit të vjetër borgjezo-çifligar dhe vendosjen e pushtetit të Sovjetëve më 7 nëntor 1917 (25 tetor me kalendarin e vjetër), do ta plotësonin edhe me një saktësim tjetër, orën 22.45, kur Kongresi i Sovjetëve e paskërka marrë këtë vendim. Kurse datën kur u shpall Mbretëria Shqiptare, zor ta kenë mbajtur mend edhe "specialistët" e historisë.

Konferenca, sesione shkencore, simpoziume dhe veprimtari të ndryshme përkujtimore, janë bërë për ngjarje dhe data edhe të zakonshme nga historia e popullit tonë dhe ajo botërore, për të përcjellë tek shqiptarët kuptimin historik, mesazhin politik, jehonën (reperkusionin) dhe rëndësinë e tyre.

Ndërsa më të madhen dhe më të rëndësishmen datë të historisë së tyre, shpalljen e Mbretërisë Shqiptare - e injoruan dhe denigruan duke i veshur në mendësinë e brezave të rinj mantelin e një faji historik.

Mjerisht, edhe "zhvillimet demokratike" paskomuniste, vazhdojnë të ruajnë, të mumifikojnë "gropën e zezë" të historisë - periudhën e Mbretit Zog I, periudha e vetme në historinë e gjermësotme kur shqiptarët dhe Shqipëria gëzonin më të madhin e më të qëndrueshmin sovranitet shtetëror dhe liri individuale.

Në shumë tekste historie dhe materiale të tjera, shpallja e Mbretërisë nuk shoqërohet as me datën, sikundër ngjan, por me komente banale vetëm se përmendet më tepër si ilustrim i forcimit të pushtetit "satrapist" të Zogut.

Ç'përfaqëson 1 Shtatori i vitit 1928 - data kur shqiptarët e shpallën shtetin e tyre Mbretëri dhe Ahmet Zogun, prijësin e tyre - Mbret të Shqiptarëve?

Shpallja e Mbretërisë përmbylli atë proces të gjatë e të vështirë të formimit të shtetit të pavarur nga shqiptarët, në atë pjesë të cunguar të trojeve shqiptare, të njohur nga fuqitë e mëdha. Ajo shënoi formën më efikase, më të plotë e më të qytetëruar të bashkimit dhe konstituimit të shqiptarëve.

Shpallja e Pavarësisë më 28 nëntor 1912, megjithë rëndësinë e madhe historike dhe politike, më shumë kishte aspekt politik simbolik e ceremonial. Ndërsa shteti shqiptar u ngrit në vitet 20-të dhe mori formë të plotë e të institucionalizuar, sipas të gjitha standarteve më të përparuara e demokratike të kohës, me fillimet e Mbretërisë.

Shpallja e Mbretërisë Shqiptare pati rëndësi të jashtëzakonshme për shqiptarët e këndej dhe përtej Drinit, në Shqipërinë londineze dhe në atë Etnike, në trojet shqiptare dhe në diasporë, për atë kohë dhe për perspektivën.

Shqipëria dhe "Mbreti i Shqiptarëve", u bënë shpresa e bashkimit të ardhshëm të të gjithë shqiptarëve në një njësi të përbashkët shtetërore.

Mbretëria Shqiptare mori fizionomi të plotë evropiane, bënte pjesë plotësisht në Evropë dhe zhvillonte veprimtari të shumanshme me shtetet e saj, me dinjitetin shtetëror të merituar, pa guxuar kush t'i varte në qafë veriga pengjesh politike e historike.

Mbretëria Shqiptare ishte e orientuar nga fuqitë më dashamirëse dhe më dobiprurëse për vendin tonë, gjë e cila i siguronte Shqipërisë maksimumin e nevojshëm për stabilitet të brendshëm politik e, për rrjedhojë edhe mundësitë e një zhvillimi të brendshëm ekonomik, në kushtet e aq pak viteve "paqësore", që dara e dy luftrave botërore kishte mbërthyer.

Shpallja e Mbretërisë ishte një zgjidhje politike efikase jo vetëm për atë kohë, për t'i prerë shpresat ndonjë aventurizmi politik në atë botë që ziente për të shpejtuar luftën e ardhshme, por ishte edhe shpresa e bashkimit të shqiptarëve në të ardhmen.

Historia na mëson se bashkimet kombëtare janë "atribut" i mbretërive. Bota rrotullohet. Popujt zhvillohen. Edhe shqiptarët duhet të kenë një "ditë të tyre", kur të bashkohen. Askush më mirë se Mbretëria nuk mund ta përftojë e ta sjellë atë "ditë". Por ajo ka një nismë, një datëlindjeje: atëherë kur ditën e shtunë, kur "Asambleja Konstituente, e mveshun me fuqina sovrane të Kombit, e inspirueme prej dëshirës së shqueme të popullit, për interesat vitale të Atdheut, në mbledhjen e datës 1 Shtator, ditën e shtunë, ora 9 e 12 minuta, me nji za, me nji shpirt, zgjedh e proklamon: Mbret (Roi) të Shqiptarëve, nën emnin Zog I, birin e dalun prej gjinit të vet, Shpëtimtarin e Kombit, Ahmet Zogun, të zbritun prej familjes së famshme shqiptare, ZOGU".

Tek kjo datë shqiptarët duhet të shohin të ardhmen, sepse këtu fillon e ardhmja e tyre, jo tek ajo kushtetuta Godo, Imami, Likurezos e para 5 vjetëve, të cilën po e shohim dhe e përjetojmë çdo ditë dhe çdo orë.

Dossier

Krijimi i një shteti

Herman Nojerbaher

Vijon nga numrat e kaluar

Kërkesat e para për financime, u mbuluan përmes masave nga ana e ministrit të Financave të qeverisë së Regjencës, por kjo, në këtë vend të vogël ishte e mundur të bëhej vetëm brenda disa kufijve të ngushtë. Rezerva jonë në monedhë ishte afatshkurtër, ndërsa shtypja e monedhave nuk ishte e mundur sepse matricat kryesore kishin humbur diku në Itali. Për këtë, më vonë, të gjitha nevojat për emetimin e monedhave të reja në Itali u paguan nga qeveria me ar dhe me prodhime bujqësore. Rezervat në ar, që më ishin lejuar t'i përdorja vetëm në Greqi, i kam përdorur në Shqipëri, duke shitur arin në treg të lirë dhe paskëtaj, monedhat ua vija në dispozicion forcave të armatosura gjermane. Kjo ofertë e përhershme e arit, ç'është e vërteta e mbante valutën të sigurtë dhe për këtë, ajo, deri në fund, u krye në rregull. Në Shqipëri, napoloni, (20 franga ari), është monedha më e popullarizuar si bankënotë. Në Greqi, vlera e monedhës vendase, dhrahmisë, nuk ka lidhje me përmbatjen e arit. Përmbajtja e arit të pastër është e kushtëzuar nga popullariteti i monedhës. Në Shqipëri, malli më i kërkuar, përpos napolonit, është automatiku. Kush ka mjaft edhe njërin edhe tjetrin dhe kush ua ndan njësive, është njeriu më i nderuar.

Lidhjet tona të prapavijës gjithashtu ishin të mbrojtura prej grupeve të armatosura shqiptare, të cilat rrinin nën udhëheqjen trashëgonjëse të familjeve dhe fiseve, sipas një rendi të vërtetuar. Këto sigurime nevojiteshin kryesisht për mbrojtje prej bandave partizane, të cilat po bëheshin gjithnjë e më aktive nëpër frontet luftarake, në sfondin e rrënimit të fatit luftarak të Gjermanisë.

Edhe me ndihmësit tanë vullnetarë, po ngjanin disa gjëra të pakëndshme. Në një rast, një trim malësor i kërkoi komandës gjermane për ta furnizuar me një kamion me armatime dhe me napolona florinj dhe pas kësaj ai iku në një drejtim të panjohur, drejt reve të maleve madhështore dhe atyre prej pluhuri. Gjenerali i forcave policore SS, Fichtuni, që punonte si këshilltar teknik me rastin e formimit të policisë shqiptare, më lajmëroi lidhur me këtë ngjarje me një brengosje të madhe dhe ishte shumë i befasuar. Unë vetë, me gjallëri të madhe, sikurse ky trim malësor, deri në dhëmbë i armatosur, kam marrë izëm nga Fichtuni (?) romantik, i cili e ka lexuar Karl Majin me pamje edhe gjeste të sigurta trimërie.

Këto personazhe të ndritshme duhet që njeriu t'i ketë parë me sytë e vet. Çfarë aventurierësh simpatikë.

Dhe kur mendon se këta malësorë e kanë të shenjtë fjalën e nderit, të cilën këta e quajnë "besa" (me pasë besim). Përpos hakmarrjes dhe mikpritjes, besa paraqet obligimin e besës kanunore të rregullimit patriarkal të shqiptarëve. "Kush e then besën, ai e humb fytyrën, më nuk është i aftë të lidhë kurrfarë marëveshjeje", thotë Kanuni i tyre. Besa nuk ofrohet lehtë dhe me vështirësi fitohet, por ajo është e paluhatshme. Kur kemi të bëjmë me jetë a vdekje, duhet që njerëzit të lidhen me anë të besës e t'u merret besa. Kjo fjalë e nderit është specialitet në vlerë lavdëruese për shqiptarët. Kështu, depërtimi i civilizimit perëndimor nuk do t'i bëjë kurrfarë të mire shqiptarëve në raport me këtë traditë të shenjtë dhe të mrekullueshme.

Kur e kam pranuar këtë detyrë lidhur me Shqipërinë, në Kosovë gjendeshin organe të specializuara për rekrutimimin e luftëtarëve për divizionin mysliman SS "Hanxhar", i cili ishte formuar në Bosnje. Atëherë, me ndihmën e Kaltenbrunerit kam arritur ta bind Himlerin për ta ndaluar këtë rekrutim, që nuk përkonte me politikën tonë të neutralitetit. Por, Rajhs-fyhreri SS, i cili kish dëgjuar mjaft tregime për regjimentet e Bosnje-Hercegovinës dhe të monarkive danubiane, megjithatë arriti deri tek qëllimi i tij më 1944 që, me urdhër të Hitlerit, në Shqipëri, për nevoja të luftës lokale kundër partizanëve, brenda kufinjve, të formojë një divizion malor SS, të quajtur "Skënderbeg".

Në fazën e hershme të ushtrimeve luftarake, meqë ishte udhëhequr keq, ky divizion në territorin partizan përjetoi humbje të mëdha. Mua ky formim kurrë nuk më ka entuziazmuar, por qeveria shqiptare shikonte në formimin e një divizioni të tillë një mundësi shumë të volitshme, sepse shpresonte që me ndihmën e tij të formonte një kuadër të përkryer për forcat e armatosura nacionale si dhe për xhandarmërinë. Garnizoni i këtij njësiti ishte në Prizren. E kam penguar vendosjen e këtij divizioni në Mitrovicë, e cila mbeti në kufijtë e Serbisë, sepse frikësohesha nga konfliktet e shqiptarëve me popullsinë serbe. Serbët dhe shqiptarët urreheshin tmerrësisht dhe historikisht ishin përgjakur me njeri-tjetrin.

Pas shkatërrimit të Jugosllavisë në korrik të vitit 1941, shqiptarëve u takoi krahina e Kosovës, e banuar më dendur prej tyre, megjithëse, që prej vitit 1939, Shqipëria ishte aneksuar prej Italisë.

vijon

___________

31 gusht 2003, Nr.33(548)

___________

Editorial

Nga Bajram XHAFA

75-vjetori i Mbretërisë Shqiptare

Më 1 Shtator të këtij viti mbushen plot treçerek shekulli, që nga dita kur u shpall Monarkia Shqiptare. Është një datë të cilën brezat e sotëm pothuajse nuk e njohin fare. U mësuan që nga shkolla dhe mediat, të "gdhendin" në trurin e tyre datat e 7 dhe 8 nëntorit, 16 tetorin e Enverit, 21 dhjetorin e Stalinit, datëlindjen e Marksit e të Leninit, e plot data të tjera. Madje, me zellin ideo-politik e klasor, datën kur bolshevikët në Rusi shpallën përmbysjen e pushtetit të vjetër borgjezo-çifligar dhe vendosjen e pushtetit të Sovjetëve më 7 nëntor 1917 (25 tetor me kalendarin e vjetër), do ta plotësonin edhe me një saktësim tjetër, orën 22.45, kur Kongresi i Sovjetëve e paskërka marrë këtë vendim. Kurse datën kur u shpall Mbretëria Shqiptare, zor ta kenë mbajtur mend edhe "specialistët" e historisë.

Konferenca, sesione shkencore, simpoziume dhe veprimtari të ndryshme përkujtimore, janë bërë për ngjarje dhe data edhe të zakonshme nga historia e popullit tonë dhe ajo botërore, për të përcjellë tek shqiptarët kuptimin historik, mesazhin politik, jehonën (reperkusionin) dhe rëndësinë e tyre.

Ndërsa më të madhen dhe më të rëndësishmen datë të historisë së tyre, shpalljen e Mbretërisë Shqiptare - e injoruan dhe denigruan duke i veshur në mendësinë e brezave të rinj mantelin e një faji historik.

Mjerisht, edhe "zhvillimet demokratike" paskomuniste, vazhdojnë të ruajnë, të mumifikojnë "gropën e zezë" të historisë - periudhën e Mbretit Zog I, periudha e vetme në historinë e gjermësotme kur shqiptarët dhe Shqipëria gëzonin më të madhin e më të qëndrueshmin sovranitet shtetëror dhe liri individuale.

Në shumë tekste historie dhe materiale të tjera, shpallja e Mbretërisë nuk shoqërohet as me datën, sikundër ngjan, por me komente banale vetëm se përmendet më tepër si ilustrim i forcimit të pushtetit "satrapist" të Zogut.

Ç'përfaqëson 1 Shtatori i vitit 1928 - data kur shqiptarët e shpallën shtetin e tyre Mbretëri dhe Ahmet Zogun, prijësin e tyre - Mbret të Shqiptarëve?

Shpallja e Mbretërisë përmbylli atë proces të gjatë e të vështirë të formimit të shtetit të pavarur nga shqiptarët, në atë pjesë të cunguar të trojeve shqiptare, të njohur nga fuqitë e mëdha. Ajo shënoi formën më efikase, më të plotë e më të qytetëruar të bashkimit dhe konstituimit të shqiptarëve.

Shpallja e Pavarësisë më 28 nëntor 1912, megjithë rëndësinë e madhe historike dhe politike, më shumë kishte aspekt politik simbolik e ceremonial. Ndërsa shteti shqiptar u ngrit në vitet 20-të dhe mori formë të plotë e të institucionalizuar, sipas të gjitha standarteve më të përparuara e demokratike të kohës, me fillimet e Mbretërisë.

Shpallja e Mbretërisë Shqiptare pati rëndësi të jashtëzakonshme për shqiptarët e këndej dhe përtej Drinit, në Shqipërinë londineze dhe në atë Etnike, në trojet shqiptare dhe në diasporë, për atë kohë dhe për perspektivën.

Shqipëria dhe "Mbreti i Shqiptarëve", u bënë shpresa e bashkimit të ardhshëm të të gjithë shqiptarëve në një njësi të përbashkët shtetërore.

Mbretëria Shqiptare mori fizionomi të plotë evropiane, bënte pjesë plotësisht në Evropë dhe zhvillonte veprimtari të shumanshme me shtetet e saj, me dinjitetin shtetëror të merituar, pa guxuar kush t'i varte në qafë veriga pengjesh politike e historike.

Mbretëria Shqiptare ishte e orientuar nga fuqitë më dashamirëse dhe më dobiprurëse për vendin tonë, gjë e cila i siguronte Shqipërisë maksimumin e nevojshëm për stabilitet të brendshëm politik e, për rrjedhojë edhe mundësitë e një zhvillimi të brendshëm ekonomik, në kushtet e aq pak viteve "paqësore", që dara e dy luftrave botërore kishte mbërthyer.

Shpallja e Mbretërisë ishte një zgjidhje politike efikase jo vetëm për atë kohë, për t'i prerë shpresat ndonjë aventurizmi politik në atë botë që ziente për të shpejtuar luftën e ardhshme, por ishte edhe shpresa e bashkimit të shqiptarëve në të ardhmen.

Historia na mëson se bashkimet kombëtare janë "atribut" i mbretërive. Bota rrotullohet. Popujt zhvillohen. Edhe shqiptarët duhet të kenë një "ditë të tyre", kur të bashkohen. Askush më mirë se Mbretëria nuk mund ta përftojë e ta sjellë atë "ditë". Por ajo ka një nismë, një datëlindjeje: atëherë kur ditën e shtunë, kur "Asambleja Konstituente, e mveshun me fuqina sovrane të Kombit, e inspirueme prej dëshirës së shqueme të popullit, për interesat vitale të Atdheut, në mbledhjen e datës 1 Shtator, ditën e shtunë, ora 9 e 12 minuta, me nji za, me nji shpirt, zgjedh e proklamon: Mbret (Roi) të Shqiptarëve, nën emnin Zog I, birin e dalun prej gjinit të vet, Shpëtimtarin e Kombit, Ahmet Zogun, të zbritun prej familjes së famshme shqiptare, ZOGU".

Tek kjo datë shqiptarët duhet të shohin të ardhmen, sepse këtu fillon e ardhmja e tyre, jo tek ajo kushtetuta Godo, Imami, Likurezos e para 5 vjetëve, të cilën po e shohim dhe e përjetojmë çdo ditë dhe çdo orë.

Faqja Kryesore

Konference shtypi e PLL

Basha: Ndal terrorit kundër legalistëve

Ditën e martë, më 26.08.2003, në selinë e PLL, nënkryetari legalist, z.Murat Basha dha një konferencë për shtyp, në të cilën ngriti me forcë shqetësimin e PLL për krimin e shëmtuar të forcave të Rendit kundër kandidatit të PLL për kryetar bashkie të qytetit të Klosit të Matit, z.Behar Dedolli. Sipas z.Basha, forca speciale të ardhura nga Tirana, pa kurrfarë mandati nga Prokuroria dhe shkaku ligjor, në mes të natës kanë shqyer derën e shtëpisë së z.Dedolli dhe e kanë masakruar atë në sy të fëmijëve dhe familjarëve. Më pas e kanë grabitur viktimën në gjendje komatoze dhe nga frika e përgjegjësisë për jetën e tij e kanë dërguar në spital, nga ku pa marrë akoma ndihmën mjekësore të nevojshme e kanë marrë forcërisht dhe e kanë plasur në birucat e Komisariatit Mat. Në fjalën e tij, z.Basha theksoi se PLL nuk do të qëndrojë indiferente ndaj këtij akti të shëmtuar, por do të vërë në dijeni, trupin diplomatik të akredituar në Tiranë dhe të gjitha organizatat për mbrojtjen e të Drejtave dhe Lirive të Njeriut, Avokatin e Popullit dhe Komitetin shqiptar të Helsinkit. Z.Basha në fjalën e tij kërkoi që t'i jepet fund akteve të tilla kriminale dhe fajtorët të përgjigjen para Drejtësisë. Kjo konferencë për shtyp u ndoq me interesim nga gazetarët e shumtë, të cilët bënë mjaft pyetje lidhur me prononcimin në fjalë të z.Basha dhe detajeve të këtij veprimi antiligjor.

Deklaratë per shtyp

Natën e së djelës, në qytetin e Klosit të rrethit Mat, kriminelë të veshur me uniforma policie kanë thyer portën e shtëpisë së kandidatit për kryetar bashkie të PLL, z.Behar Dedolli dhe, në sytë e bashkëshortes e fëmijëve, e kanë goditur atë në mënyrë barbare, derisa ka mbetur pa ndjenja. Pastaj ata e kanë marrë dhe e kanë dërguar atë në spital në gjendje kome. Pastaj e kanë grabitur z.Dedolli prej ambienteve të spitalit të Burrelit, duke e përplasur në birucat e komisariatit, dhe, natyrisht, duke përgatitur kundër tij akuzat e radhës...

Më pas kanë arrestuar dhe keqtrajtuar edhe dy vëllezërit e tij, Ali dhe Mirian Dedolli, ky i fundit nënshtetas kanadez.

Ky akt barbar, që të kujton dhunën kriminale të komunistëve kundër nacionalistëve dhe kundërshtarëve politikë gjatë gjithë viteve të pushtetit diktatorial, nuk do të mbetet pa u denoncuar dhe ndëshkuar.

Këta kriminelë do ta kishin më të lehtë të përgatisnin alibitë dhe mashtrimet e radhës për rastin në fjalë, nëse do ta merrnin viktimën e shënjuar dhe ta plasnin në hapsanat e tyre ku, natyrisht, do të përdornin torturat mesjetare, sikundër i kanë përdorur edhe në këto vitet e fundit ndaj kundërshtarëve politikë.

PLL i bën thirrje z.Moisiu që të ushtrojë të gjithë autoritetin që i jep Kushtetuta dhe ligji, për të zbardhur këtë rast dhe për të ndëshkuar fajtorët.

PLL i bën thirrje edhe kryeministrit Nano, që të urdhërojë ndalimin e persekutimit të kundërshtarëve politikë nga kriminelë me uniformat e shtetit.

Gjithashtu, PLL do të bëjë me dije gjithë trupin diplomatik të akredituar në vend, të gjitha shoqatat për mbrojtjen e të Drejtave dhe Lirive të Njeriut, si dhe Komitetin shqiptar të Helsinkit dhe Avokatin e Popullit.

I kërkojmë kryeministrit që, të ndalet sa më parë dhuna kundër opozitës në këto prag-zgjedhjesh, sepse, në të kundërt, situata mund të precipitojë dhe askush nuk do të jetë në gjendje ta kontrollojë më.

Është rasti t'u kujtojmë banditëve me uniformë, se trimëria e tyre lipset përballë kriminelëve që po mbushin me viktima të pafajshme rrugët e Shqipërisë, madje edhe nga radhët e tyre, dhe jo ta përdorin forcën që u jep pushteti kundër aktivistëve politikë të një partie parlamentare, që dikur e ka bërë Shqipërinë të begatshme dhe pa banda.

Kandidatët legalistë, shënjestër krimit shtetëror

Po në selinë e PLL, ditën e martë, në orën 12.00, bashkëshortja e kandidatit legalist për bashkinë e Klosit të Matit, z.Nexhmije Dedolli, sëbashku me krerët e PLL dha një konferencë për shtyp, në të cilën argumentoi me fakte masakrimin nga Policia e Shtetit të bashkëshortit të saj, z.Behar Dedolli dhe dy kunetërve, Ali dhe Mirian Dedolli. Në këtë prononcim, z.Nexhmije sqaroi me detaje ngjarjen e shëmtuar dhe njëkohësisht lexoi para gazetarëve të shumtë një kërkesë drejtuar Prokurorit të Përgjithshëm të Republikës, Avokatit të Popullit dhe Komitetit shqiptar të Helsinkit. Në këtë kërkesë, zonja Dedolli, pasi përshkruan rrethanat e krimit të shëmtuar shtetëror, kërkon nga institucionet e mësipërme që të ndërhyjnë sa më parë dhe të sqarojnë këtë shkelje flagrante të të Drejtave dhe Lirive të Njeriut, ndërmarrë ndaj përfaqësuesit të një force politike parlamentare, thjesht dhe vetëm për terror me prapavijë politike dhe për qëllime të pastra politike.

Gazetarët e shumtë të pranishëm, u interesuan të mësonin arsyet e vërteta të këtij veprimi kriminal, por morën si përgjigje vetëm mbledhjen e supeve të bashkëshortes së viktimës, pasi askush nuk mund t'i dijë arsyet e vërteta të veprimeve kriminale me sfond politik, të segmenteve okulte shtetërore. Por çdo alibi e kriminelëve, nuk mund të justifikojë faktin e keqtrajtimit pa shkak edhe të vëllezërve të viktimës së shënjuar të neodiktaturës së vendosur nga bijtë e baballarëve ndaj pinjollëve të nacionalizmit historik shqiptar.

PROKURORIT TË PËRGJITHSHËM TË REPUBLIKËS SË SHQIPËRISË

z.Theodhori Sollaku

AVOKATIT TË POPULLIT

z.ERMIR DOBJANI

KOMITETIT SHQIPTAR TË HELSINKIT

TIRANË

Kërkojmë ndërhyrjen tuaj në mënyrë urgjente

Jam bashkëshortja e z.Behar Dedolli, mjeke e përgjithshme. Gjithashtu, edhe bashkëshorti im është një intelektual i ndershëm dhe i painkriminuar, i padënuar asnjëherë nga asnjë gykatë. Jetojmë në Mat me punën dhe me djersën tonë të ndershme.

Për sa më poshtë, ju sqarojmë:

Mbrëmë, më datë 24.08.2003, në ora 21.00, Forcat e Ndërhyrjes së Shpejtë (FNSH), të ardhura nga Tirana, kanë hyrë forcërisht në banesën tonë, pa asnjë autorizim dhe në sy të fëmijëve e familjes kanë goditur bashkëshortin tim Behar Dedolli, me qytën e automatikut në kokë, me grushta e shkelma, e me çfarë mundën, në mënyrën më çnjerëzore, duke i shkaktuar fraktura në kokë dhe lezione në të gjithë pjesët e trupit.

Më pas bashkëshortin tim, në gjendje kome e kanë marrë dhe e kanë dërguar në spitalin civil të qytetit të Burrelit.

Akoma pa e marrë veten dhe mjekimet e domosdoshme, pas një kohe të shkurtër, policët kanë dashur ta marrin nga spitali dhe ta dërgojnë në birucat e komisariatit të Burrelit. Por personeli i spitalit civil, konform ligjit dhe rregullores kanë hartuar dhe mbushur kartelën e shtrimit për "Regjim shtrati", në të cilën pas marrjes forcërisht të bashkëshortit tim dhe largimit nga ambientet e spitalit kanë shënuar: "...marrë nga spitali për në Komisariatin e Policisë pa u mjekuar".

Për t'u interesuar kanë shkuar në Komisariatin e Burrelit dy vëllezërit e Beharit, Aliu dhe Mirjani, (i diplomuar në Shqipëri dhe jashtë shtetit), të cilët në momentin që janë afruar për të pyetur për gjendjen e vëllait, janë marrë forcërisht nga forcat speciale dhe brenda Komisariatit të Burrelit janë keqtrajtuar njëlloj si vëllai i tyre.

Për të gjitha këto, po ju drejtohem juve si shpresa e fundit e zbatimit të ligjit dhe rikthimit të dinjitetit të nëpërkëmbur të familjes sonë.

Kërkoj nga ana juaj që të merren masa të menjëhershme, pasi situata është tepër e ndërlikuar dhe askush nuk mund t'i parashikojë pasojat e mëtejshme.

Deri në këto momente që po ju shkruajmë juve (pra nga ora 21.00 e datës 24.08.2003 e deri në orën 10.20 e ditës së sotme 25.08.2003), organet e Prokurorisë Mat nuk janë vënë në dijeni për këtë ngjarje nga organet e Policisë Kriminale.

Mbetem me shpresë se do ta merrni në konsideratë këtë kërkesë njerëzore, duke marrë të gjitha masat ligjore nga ana e autoritetit tuaj.

Me respekt

Nexhmije Ahmet Dedolli

Tiranë, më 25.08.2003

Konference shtypi e PLL

Legalistët nën terrorin e neodiktaturës

Ditën e mërkurë, në selinë e PLL, nënkryetari Murat Basha, sikundër edhe një ditë më parë, dha një konferencë për shtyp lidhur me një akt tejet të shëmtuar ndaj kryetarit të PLL të Degës Tepelenë, z.Fejzo Fejzaj.

Tritoli i përdorur ndaj pronës së z.Fejzaj, është dëshmi e valës së terrorit të segmenteve okulte të lidhura me shtetin, që synojnë frikësimin e aktivistëve të PLL në këtë prag-zgjedhjesh. Gjithashtu, me këto veprime kriminale, autorët synojnë të destabilizojnë rendin publik në prag të fushatës zgjedhore, për të justifikuar më vonë përdorimin e autoblindave dhe policisë për frikësimin e kundërshatarëve politikë dhe për të vjedhur votat në favor të pushtetit.

Tritoli dhe dhuna e përdorur në këto ditët e fundit kundër legalistëve, të kujtojnë se terroristët e tritolit dhe kriminelët nuk janë vetëm ndërkombëtarë dhe se deklaratat e pushtetit aktual për solidaritet kundër terrorizmit janë një demagogji e pastër, për të mikluar faktorët ndërkombëtarë dhe për të larguar vëmendjen e tyre nga terroristët që qajnë me lot krokodili për viktimat e pafajshme të terrorizmit ndërkombëtar, ndërkohë që ndaj shqiptarëve sillen më zi se bin ladenët. Terroristët në pushtet, vazhdojnë me kokëfortësi në gjurmët e etërve, që rrafshuan me tritol, zjarr dhe hekur, kullat dhe pasuritë e nacionalistëve. Edhe akti kriminal kundër z.Fejzo Fejzaj, ka prapavijë të pastër politike dhe synon shkatërrimin e mbështetjes për PLL në një rreth të cilin pushtetarët e konsiderojnë domen dhe bastion të komunizmit.

Në prononcimin e tij, nënkryetari legalist Basha, dënoi me forcë këtë akt të shëmtuar dhe kërkoi nga autoritetet shtetërore që t'i japin sa më parë fund këtyre veprimeve kriminale që prishin rendin publik dhe acarojnë artificialisht situatën parazgjedhore në Shqipëri.

Deklaratë per media

Vazhdon dhuna dhe represioni ndaj drejtuesve të PLL. Mbas dhunimit që iu bë kandidatit për kryetar bashkie në qytetin e Klosit, z.Behar Dedolli dhe vëllezërve te tij, sikur të mos mjaftonte kjo dhunë shtetërore, mëngjesin e 26 gushtit 2003 në qytetin e Memaliajt hidhet në erë lokali i z.Fejzo Fejzo aktualisht kryetar i PLL-së në Tepelenë.

Natyrisht ne e kuptojmë tmerrin që ka zënë politikën shqiptare nga përfaqësimi potencial e dinjitoz që po ofron PLL me kandidaturat e saj, si në Memaliaj dhe në të gjithë Shqipërinë.

Sërish i bëjmë thirrje z.Moisiu dhe z.Nano që të ushtrojnë të gjithë autoritetin dhe kompetencat që u jep ligji për të zbardhur këto ngjarje.

Në mënyrë të veçantë i kërkojmë kryeministrit Nano të urdhërojë strukturat e policisë dhe ato të Shërbimit Sekret që, përveç zbulimit të fajtorëve të këtyre akteve kriminale, të marrin masa për parandalimin e tyre.

Në të kundërt PLL mendon se gjithçka është e qëllimshme dhe me paramendim për të dëmtuar PLL-në në këto zgjedhje.

I bëjmë me dije opinionit publik dhe të gjithë legalistëve, se asgjë nuk mund të na trembë dhe të na bëjë të tërhiqemi nga kjo fushatë, si dhe nga objektivat tona elektorale dhe politike.

FAQJA POLITIKE

Spahiu: Të respektohet vullneti politik i shqiptarëve në Kosovë

Serbia nuk do të arrijë kurrë të zhbëjë investimin e bashkësisë ndërkombëtare për vetvendosjen dhe vetqeverisjen e shqiptarëve në Kosovë

"PLL denoncon edhe njëherë dhunën e organeve policore mbi përfaqësuesit politikë të saj, si një akt antiligjor, antinjerëzor, antidemokratik e i qëllimshëm në këtë fillim të fushatës zgjedhore. Vërejmë me keqardhje se po mbushet java që kandidati ynë në Klos, z.Behar Dedolli, është masakruar nga këto organe dhe asnjë masë nuk është marrë deri më sot për autorët e kësaj masakre", - ka deklaruar kryetari i PLL, z. Ekrem Spahiu në konferencën për shtyp të mbajtur ditën e shtunë, datë 30 gusht 2003. Sipas kryetarit Spahiu, "edhe agresioni i kryer ndaj kryetarit të PLL dega Tepelenë z.Fejzo Fejzo, është i të njëjtit karakter, kur sheh se asnjë hetim dhe deklaratë zyrtare nuk është bërë deri më sot". Gjithësesi, z. Spahiu thekson se megjithë aktet terroriste ndaj kandidatëve, drejtuesve e strukturave të PLL, nuk do ta ndalin PLL që në zgjedhjet e 12 tetorit të jetë fituese dhe të arrijë suksesin më të madh të saj elektoral në këto vite.

Një tjetër çështje ndaj të cilës kryetari legalist ka reaguar me shqetësim, kanë qenë edhe tentativat e politikës serbe për të ndërhyrë në çështjet e brendshme të Kosovës nëpërmjet deklaratash e rezolutash ku pretendohet që Kosova të konsiderohet si pjesë e ish-Jugosllavisë. Përsa i përket kësaj çështjeje, kryetari i PLL, z. Spahiu tha se "Deklarata e miratuar me unanimitet në Kuvendin e Serbisë, tregon se serbët nuk kanë hequr dorë nga ëndrrat e tyre shoviniste serbomëdha. Gjuha e qeveritarëve serbë është e njëllojtë me gjuhën e Millosheviçit dhe kjo shihet në termat e kryeministrit serb z.Zhivkoviç". Ndaj, në emër të Partisë Lëvizja e Legalitetit z. Spahiu deklaroi se PLL kërkon që të respektohet vullneti politik i shprehur tashmë i shqiptarëve të Kosovës dhe investimi i madh ndërkombëtar për stabilitetin në Kosovë dhe rajon.

Një tjetër problem i ngritur me forcë nga z. Spahiu në konferencën e tij për shtyp të datës 30 gusht 2003, ishin dhe KZQV-të. Sipas tij, "PLL ngre shqetësimin e saj se KZQV-të nuk po funksionojnë dhe po bëhen pengesë për regjistrimin e kandidatëve dhe këshilltarëve të njësive vendore". Ne, theksoi kryetari legalist, i kërkojmë KQZ të ndërhyjë urgjentisht për funksionimin normal të KZQV-ve për t'i paraprirë procesit të regjistrimeve të kandidatëve.

Gjithashtu, duke vijuar me denoncimin e anomalive zgjedhore, në emër të partisë që ai përfaqëson, z. Spahiu tha se "KQZ ka marrë një vendim jashtë Kodit Zgjedhor që jo vetëm kandidatët për kryetarë bashkish e komunash, por edhe kandidatët për këshilltarë të pajisen me çertifikata me fotografi, çka e bën mjaft të vështirë marrjen e këtij dokumenti, pasi në shumë njësi vendore zyrat e gjendjes civile nuk funksionojnë". Ndaj, - tha kryetari i PLL-së, në përfundim të konferencës për shtyp, - kërkojmë ndërhyrjen urgjente të KQZ pranë institucioneve përkatëse për zbatimin e vendimit të saj, sepse është bërë pengesë serioze për plotësimin e dokumentacionit të kandidatëve.

Deklaratë per mediat

PLL denoncon tentativat e politikës serbe për të ndërhyrë në çështjet e brendshme të Kosovës nëpërmjet deklaratash e rezolutash ku pretendohet që Kosova të konsiderohet si pjesë e ish-Jugosllavisë.

Deklarata e miratuar me unanimitet në Kuvendin e Serbisë tregon se serbët nuk kanë hequr dorë nga ëndrrat e tyre shoviniste serbomëdha. Gjuha e qeveritarëve serbë është e njëllojtë me gjuhën e Millosheviçit dhe kjo shihet në termat e kryeministrit serb z.Zhivkoviç, i cili thotë se "Pushteti demokratik i Serbisë as që ka ndërmend të heqë dorë nga legjitimiteti i luftës për interesat e Serbisë dhe të popullit serb në territorin e Kosovës". Kjo është një gjuhë primitive dhe e destinuar të dështojë. Le të bëhet e qartë për të gjithë se Kosova është interes euro-amerikan dhe si e tillë, aty s'mund të ketë vend për ushtrim të ndonjë vullneti tjetër politik.

PLL kërkon që të respektohet vullneti politik i shprehur tashmë i shqiptarëve të Kosovës dhe investimi i madh ndërkombëtar për stabilitetin në Kosovë dhe rajon.

PLL denoncon edhe njëherë dhunën e organeve policore mbi përfaqësuesit politikë të PLL, si një akt antiligjor, antinjerëzor, antidemokratik e i qëllimshëm në këtë fillim të fushatës zgjedhore. Vërejmë me keqardhje se po mbushet java që kandidati ynë në Klos z.Behar Dedolli, është masakruar nga këto organe dhe asnjë masë nuk është marrë deri më sot për autorët e kësaj masakre. Për shkak të gjendjes së rëndë shëndetësore, ai nuk mundi të vinte sot në këtë konferencë shtypi, por fotot qe po ju paraqesim flasin qarte per gjendjen e tij. Veprimet e kryera nga policia e forcat speciale të kthejnë në kujtesë aktet çnjerëzore të policisë komuniste të Enver Hoxhës.

Edhe agresioni i kryer ndaj kryetarit të PLL dega Tepelenë z.Fejzo Fejzo, është e të njëjtit karakter, kur sheh se asnjë hetim dhe deklaratë zyrtare nuk është bërë deri më sot.

Megjithë këto akte terroriste ndaj kandidatëve, drejtuesve e strukturave të PLL, nuk do ta ndalin PLL që në zgjedhjet e 12 tetorit të jetë fituese dhe të arrijë suksesin më të madh të saj elektoral në këto vite.

PLL ngre shqetësimin e saj se KZQV-të nuk po funksionojnë dhe po bëhen pengesë për regjistrimin e kandidatëve dhe këshilltarëve të njësive vendore.

Ne i kërkojmë KQZ të ndërhyjë urgjentisht për funksionimin normal të KZQV-ve për t'i paraprirë procesit të regjistrimeve të kandidatëve.

KQZ ka marrë një vendim jashtë Kodit Zgjedhor që jo vetëm kandidatët për kryetarë bashkish e komunash, por edhe kandidatët për këshilltarë të pajisen me çertifikata me fotografi, çka e bën mjaft të vështirë marrjen e këtij dokumenti, pasi në shumë njësi vendore zyrat e gjendjes civile nuk funksionojnë.

Kërkojmë ndërhyrjen urgjente të KQZ pranë institucioneve përkatëse për zbatimin e vendimit të saj, sepse është bërë pengesë serioze për plotësimin e dokumentacionit të kandidatëve.

Takim tjeter me z.Tomas Vajda te Ambasades se SHBA ne Tirane

Vlerësim amerikan për konceptet e PLL për fushatën zgjedhore

Në hotel "Sheraton", kësaj jave u zhvillua një takim i Sekretarit të Përgjithshëm të PLL dhe kryetar i Degës Tiranë, z.Sadedin Balla, kandidatit të PLL për kryetar bashkie në kryeqytet, z.Robert Papa, me shefin e Seksionit Politik/ekonomik të Ambasadës Amerikane në Tiranë, z.Thomas L.Vajda, me kërkesën e z.Vajda.

Në bashkëbisedimin midis tyre, Sekretari i Përgjithshëm Balla, paraqiti një sërë vështirësishë, që rrjedhin nga pjesa arbitrare e Kodit Zgjedhor, hartuar nga PS dhe PD.

Vështirësi paraqesin edhe çertifikatat me fotogafi, që kërkohen nga kandidatët për këshilltarë komunash e bashkishë.

Pavarësisht këtyre ështirësive, PLL është angazhuar të kontribuojë maksimalisht për një fushatë zgjedhore të civilizuar, pa ngarkesa artificiale politike, ku të predominojë alternativa e zhvillimit dhe e prosperitetit të njësive vendore.

Kandidati i PLL për kryetar bashkie në Tiranë, z.Robert Papa, bëri me dije z.Vajda se fushata e tij nuk do të jetë nihiliste, se do të vlerësohej "pozitivisht çdo hap për përmirësimin e infrastrukturës së kryeqytetit". "Por kjo nuk do të thotë se nuk do të kontestohen fuqimisht shpenzimet e tepërta dhe shpërdorimet e fondeve publike.

Ne do t'i tregojmë banorëve të Tiranës se çfarë 'fshihet' pas fasadave, çka do të thotë se banorët e Tiranës kanë njëmijë halle, që lidhen me papunësinë, me arsimimin e fëmijëve, me shëndetin publik etj..

Koncepti im në administrimin e fondeve publike është diametralisht i kundërt me atë të z.Rama" - shtoi z.Papa. "Nëse z.Rama shfaqet si menaxher i fondeve bashkiake, unë shpërndarjen e fondeve do t'ia lë bordit të qytetarëve, duke mos marrë unë si kryebashkiak rolin e menaxherit direkt të fondeve", - theksoi z.Papa.

Ndërsa z.Balla, theksoi ndër të tjera se "koncepti ynë për administrimin e fondeve dhe punët e kryera, ndryshon kryekëput nga ai i drejtuesve aktualë të bashkisë së Tiranës".

"Drejtuesit aktualë, 'vuajnë' nga reminishencat e të kaluarës komuniste. Punët që ata kryejnë në infrastrukturë, u serviren qytetarëve si dhurata të partisë që qeveris dhe si dhurata të qeveritarëve vendorë. Ne mendojmë se, në çdo punë që bashkia kryen në dobi të qytetarëve, ajo kryen detyrimet e saj ndaj elektoratit dhe nuk bën asgjë të veçantë përveçse kryerjen e detyrës funksionale, për të cilën pushtetarët janë mandatuar nga populli", nënvizoi në fjalën e tij z.Balla.

Z.Balla kërkoi nga z.Vajda që Ambasada Amerikane të vëzhgojë dhe monitorojë fushatën zgjedhore dhe punën e institucioneve që administrojnë zgjedhjet.

Z.Vajda shprehu konsideratat e tij për pikëpamjet e përfaqësuesve të PLL për fushatën zgjedhore e më gjerë.

"Dëshiroj të takohemi më shpesh në të ardhmen", - theksoi z.Vajda.

Takimi ishte i dobishëm për të dyja palët, që shprehën edhe njëherë dëshirën për t'u takuar sërish e për të shkëmbyer pikëpamjet.

Korresp. i "Atdheu"

Aktivitete

Fushata

Legalistët prezantojnë kandidatin e tyre për bashkinë e Durrësit

PLL: Gjergj Thanasi kandidati ynë në Durrës!

Ditën e hënë, më 25 gusht 2003, Dega e PLL Durrës prezantoi kandidatin e saj për bashkinë e Durrësit, z.Gjergji Thanasi. Në pallatin e kulturës "Aleksandër Moisiu", kishin ardhur për këtë prezantim zyrtar, krerët e PLL, Ekrem Spahiu dhe Murat Basha, përkatësisht kryetari dhe nënkryetari i kësaj partie.

Paraqitjen e kandidatit e bëri në vija të përgjithshme N/kryetari i PLL z.Murat Basha. Ai u ndal në figurën intelektuale të z.Gjergji Thanasi dhe në aftësitë e tija politike e organizative. Basha tha se "kandidati ynë është bir i këtij qyteti dhe gëzon reputacionin e mbështetjen e të gjithë të djathtëve e nacionalistëve." Basha tha se "Ne kemi qëlluar në shenjë me kandidaturën e z.Gj.Thanasi".

Kandidati i PLL z.Thanasi, shpjegoi arsyet se pse kandidonte për PLL dhe konkluzioni i tij ishte se kjo parti përfaqësonte realisht interesat e së djathtës e të nacionalizmit shqiptar. Ai bëri një përshkrim të shkurtër të platformës së tij për fushatën elektorale dhe më tej shpjegoi disa momente të projektit të tij qeverisës për Bashkinë e Durrësit, në rast fitoreje. Z.Gjergji Thanasi tha se një ndër pikat ku ai do të përqëndrohet, është projekti i "Korridorit 8", projekt i cili sipas z.Thanasi "është sabotuar qenërisht nga socialistët". Z.Thanasi tha se nëse ky projekt do të realizohet, atëherë të ardhurat e një punëtori e qytetari durrsak do të shkojnë 1000 euro në muaj.

Kryetari i PLL z.Spahiu, pasi vlerësoi me fjalë të zgjedhura kandidatin, z.Thanasi, shpjegoi edhe njëherë arsyet e kandidimit më vete të PLL. Ai tha se "ne jemi parti që i ofrojmë elektoratit një alternativë realisht të djathtë e realisht antikomuniste."

Në lidhje me përzgjedhjen e kandidatit ai u shpreh se "këtë kandidaturë e kemi kërkuar ne, dhe nuk ka ardhur ai që të kërkojë kandidim." "Në ndryshim me partitë e tjera që i kanë përzgjedhur kandidatët me komisione tenderash, ne kemi bërë analiza të thelluara për t'i dhënë elektoratit kandidatët më të mirë të mundshëm të së Djathtës. Në këtë aspekt, ne jemi të nderuar me kandidimin e z.Thanasi", - tha kryetari i PLL.

Spahiu shfrytëzoi rastin dhe i bëri thirrje elektoratit që të merrte pjesë në votime, duke votuar për partitë e opozitës. Ai tha se "nëse do të dëgjoni se pjesëmarrja në votime është 65%, atëherë dijeni se ka fituar e Djathta!"

Spahiu tha se "... Kodi Zgjedhor u ka krijuar pengesa partive politike përveç PS e PD, por gjithsesi ky Kod do të krijojë kushtet që me konkurrimin e shumë partive të ketë një panoramë të ndryshme politike mbas 13 tetorit."

Ai kritikoi tendencat e dy partive PS-PD për të ndërtuar një skemë dypartiake dhe tha se "me datë 13 tetor do të jetë realisht fillimi i pluralizmit në Shqipëri, pasi vota e partive do të tregojë sesa peshë kanë partitë konkurruese!

Kandidati i PLL, z.Gjergji Thanasi, ka qenë më parë në strukturat drejtuese të PD-së në qendër dhe ka qenë në detyrë funksionale Drejtor i Departamentit të Marrëdhënieve Publike të kësaj partie.

N.K.

Prezantim i bujshëm i kandidaturave legaliste në rrethin e Korçës. E Djathta mbështet kandidimin e tyre

Legalistët korçarë bashkojnë të Djathtën

Ditën e shtunë, më datë 29 gusht 2003, në orën 10.00, në selinë e Degës së PLL në qytetin e Korçës, u zhvillua mbledhja e këtij komiteti, me praninë e të gjithë anëtarëve të tij dhe të kandidatëve për kryetarë bashkishë dhe komunash në rrethin e Korçës. Në këtë mbledhje të rëndësishme morën pjesë edhe kryetari i PLL, z.Ekrem Spahiu, nënkryetari, z.Murat Basha, sekretari i Senatit të Veteranëve legalistë, z.Seit Preni, si dhe kandidati për kryetar bashkie në Tiranë, politologu dhe publicisti i njohur, z.Robert Papa.

Mbledhjen e hapi kryetari i Degës së PLL Korçë dhe njëkohësisht kryetar i Këshillit kombëtar të PLL, z.Nebi Ganellari. Në fillim të fjalës së tij, z.Ganellari përshëndeti për praninë e tyre dhe uroi për mirëseardhjen drejtuesit e lartë legalistë dhe më pas vijoi me rendin e ditës, duke u bërë të njohur atyre vendimin e Komitetit Drejtues të Degës së PLL Korçë për përzgjedhjen përfundimtare të 14 kandidatëve në dy bashkitë e rrethit, Korçë dhe Maliq, si dhe në 12 komuna të këtij rrethi.

Sipas z.Ganellari, brenda pak ditësh do të vendosen përfundimisht edhe 2 kandidatët e fundit në dy komunat e mbetura. Z.Ganellari bëri të ditur se, e veçanta e miratimit të këtyre kandidaturave ishte konsensusi i lartë i Komitetit drejtues, si dhe fakti që dy nga kandidatet ishin zonja, çka shërben si tregues i shkallës së lartë të emancipimit të Gruas legaliste korçare, e promovimit dhe e pjesëmarrjes së saj në drejtimin e pushtetit, si dhe besimit të strukturave të PLL në mundësinë e fitores së tyre.

Pastaj, z.Ganellari vijoi me prezantimin e kandidaturave, çka u mirëprit nga të gjithë të pranishmit.

Pas z.Ganellari, fjalën e mori kryetari i PLL, z.Spahiu, i cili pasi falenderoi përzemërsisht Komitetin Drejtues për punën e shkëlqyer të bërë në përzgjedhjen e kandidatëve, sqaroi lidhur me procedurat dhe afatet e përmbushjes së dokumentacionit që kërkon KQZ dhe kryesia e partisë në këtë fazë të rëndësishme dhe përfundimtare. Me këtë rast, pas z.Spahiu përshëndetën Komitetin Drejtues dhe kandidatët e pranishëm edhe zotërinjtë Murat Basha dhe Robert Papa, të cilët shprehën konsiderata të larta për punën e bërë dhe për Degën e PLL Korçë, në kurorëzimin me sukses të kësaj faze të rëndësishme të fushatës, duke shprehur njëkohësisht edhe besimin e plotë për një sukses të padiskutueshëm të strukturave legaliste dhe kandidatëve përfaqësues të PLL në zgjedhjet e 12 tetorit.

Më pas, të pranishmit zbritën në ambientet e lokalit të njohur "Voskopoja", në prani të dhjetra anëtarëve dhe simpatizantëve të PLL që kishin tejmbushur sallën, për të bërë prezantimin publik të kandidatëve të fitores legaliste në rrethin e Korçës.

Me këtë rast, në krye të sallës ishin afishuar flamujt kombëtar dhe të PLL, si dhe portrete të Mbretit Zog I dhe të NMT Leka I Mbret i Shqiptarëve. Gjithashtu, në një banderolë të madhe ishin shkruar motoja legaliste: "Atdheu mbi të gjitha" dhe "Ne dimë të qeverisim".

Pas hapjes së kësaj ceremonie prezantimi nga kryetarja e Forumit të Gruas legaliste korçare, zonjës së nderuar Maria Evangjeli, e cila falenderoi të ftuarit e nderuar për praninë e tyre, u procedua me ekzekutimin e himnit kombëtar.

Më pas, zonja Evangjeli ia dha fjalën kryetarit të Degës së PLL Korçë dhe njëkohësisht kryetar i Këshillit Kombëtar të PLL, z.Nebi Ganellari, i cili në fjalën e tij ndër të tjera theksoi: "Ky prezantim i kandidatëve legalistë, është kurorëzim i punës së të gjitha strukturave tona në procesin e gjatë dhe të vështirë të përzgjeëdhjes së kandidatëve të fitores. Në këtë proces, ne derdhëm energji dhe përkushtim vetmohues dhe, përfundimisht, arritëm të dalim me kandidatë të shkëlqyer, dinjitozë dhe me reputacion e besueshmëri të padiskutueshme në komunitetet ku ata banojnë. Këta kandidatë janë fytyra jonë dhe kuota politike ku ne kemi arritur. Ata janë treguesi më sintetik i vitalitetit dhe cilësisë së lartë të strukturave dhe forumeve drejtuese legaliste korçare. Këta kandidatë dhe mbështetja që dëshmuan strukturat dhe zgjedhësit e thjeshtë korçarë, janë dëshmi e faktit se PLL në Korçë ka suport të fuqishëm elektoral, sepse nacionalizmi dhe përkushtimi atdhetar janë ulur këmbëkryq edhe në vatrat korçare. Ne do t'i rikthejmë shpresën tek e ardhmja Korçës dhe gjithë Shqipërisë. Ne kemi moton "Atdheu mbi të gjitha", që flet për gjithçka ne aspirojmë dhe zgjedhësit korçarë e kuptojnë mirë këtë. Kandidatët tanë janë njerëz të nderuar, të punës, të ndershëm dhe luajalë. Ata kanë ditur dhe do të dijnë të hyjnë në zemrat e të gjithë korçarëve patriotë, që e duan vendin dhe zhvillimin.

Ne do të ringjallim dhe rikthejmë shpresën në të gjitha vatrat korçare dhe shëqiptare. Ne do të fitojmë sepse jemi me Shqipërinë dhe me Zotin. Ne do të fitojmë sepse jemi me amanetin dhe varret e baballarëve, që u shkrinë për Shqipërinë. Ne do të fitojmë sepse jemi e kaluara dhe e ardhmja e ndritur e Shqiprisë", - e mbylli fjalën e tij z.Ganellari. Fjala e z.Ganellari u ndërpre shpesh nga duartrokitjet frenetike. Më pas, z.Ganellari, konform procedurës së planifikuar, filloi prezantimin e kandidatëve të pranishëm, të cilët u duartrokitën nga pjesëmarrësit e ceremonisë.

Gjatë prezantimit të tyre, z.Ganellari u bëri të njohur të pranishmëve, origjinën dhe jetëshkrimin e kandidatëve, të cilët ishin intelektualë të mrekullueshëm dhe rridhnin të gjithë nga familje të shquara nacionaliste korçare, çka përbën garanci për suksesin e tyre në këtë fushatë dhe qeverisjen me ndershmëri e përkushtim, pas fitores në zgjedhje.

Pastaj, zonja Evangjeli ia dha fjalën nënkryetarit të PLL z.Murat Basha, i cili ndër të tjera theksoi: "Është kënaqësi dhe njëkohësisht nder i madh për mua që të asistoj në këtë ceremoni të mrekullueshme, të prezantimit të kandidatëve legalistë korçarë. Unë kam dobësi të veçantë për Korçën, dhe jam i lumtur dhe tejet i emocionuar, tek shikoj kandidatët tanë të fitores legaliste, këtu para jush, korçarë të nderuar, ju që jeni krenari kombëtare, me kulturën tuaj, me atdhetarinë tuaj, me nacionalizmin dhe përkushtimin tuaj për të ndryshuar faqen e Korçës dhe të të gjithë Shqipërisë. Nëse ndryshimi që ne pretendojmë të sjellim, përqafohet dhe përkrahet nga ju korçarët, atëherë shqiptarët janë të sigurtë se kjo dëshirë për ndryshim, mbarësi e zhvillim, do të trimfojë në Shqipëri bashkë me idealet legaliste dhe atdhetare që ju mbartni dhe ushqeni tek fëmijët tuaj, tek e ardhmja. Prandaj unë jam i sigurtë në fitoren tonë, në fitoren e idealeve tona dhe në rrokjen e vizionit tonë nga ju korçarët dhe gjithë shqiptarët. Sot, më shumë se kurrë, idealet legaliste na duhen ne, u duhen të gjithëve, sepse ato janë idealet e mbrothësimit dhe lartësimit të shqiptarëve dhe Atdheut. Ndaj unë jam i sigurtë në fitoren tuaj. Suksese dhe vetëm suksese", - e mbylli fjalën e tij z.Basha.

Pas z.Basha e morën fjalën përfaqësuesit e forcave politike të Djathta, të pranishme në këtë takim, të cilët njëzëri uruan fitoren e kandidatëve legalistë dhe i siguruan ata për mbështetjen e tyre dhe elektoratit të djathtë që ata përfaqësonin. Ishte pikërisht ky momenti kulmor i këtij takimi të paharruar, sepse ajo sallë bashkoi të Djathtën korçare rreth kandidatëve legalistë, rreth idealeve të përbashkëta të shqiptarizmës, për të cilën kontribuan dhe luftuan ata dhe baballarët e tyre, që bënë Shqipërinë. Në përshëndetjen e tij, kryetari i Partisë "Balli Kombëtar", Dega Korçë dhe njëkohësisht sekretar për Marrëdhëniet me Publikun pranë kësaj partie, z.Arben Hoxha, theksoi ndër të tjera: "Ju uroj personalisht dhe në emër të anëtarëve dhe forumeve të partisë sonë, për kandidatët e shkëlqyer dhe për një fitore të merituar. Fitorja juaj do të jetë fitorja e së Djathtës, fitorja e nacionalizmit dhe e shqiptarëve. Ne shpresojmë në fitoren tuaj dhe do t'u mbështesim fuqimisht, sepse baballarët tanë dhanë jetën duke luftuar kundër komunizmit dhe u pushkatuan e burgosën të lidhur dorë për dorë, për shkak të idealeve të shqiptarizmës. Prandaj duhet dhe do të fitoni. Dhe ne për këtë kemi besim."

Pas z.Hoxha, për të përshëndetur në emër të Partisë Republikane, fjalën e mori z.Petrit Spaho, sekretar i Degës së PR Korçë, i cili ndër të tjera tha: "Ju duhet të fitoni dhe do të fitoni, sepse luftoni dhe fitoni për të Djathtën, për triumfin e saj dhe të demokracisë e lirisë së vërtetë. Ne jemi në krah tuaj, sepse jemi vëllezër dhe aleatë. O sot o kurrë na duhet fitorja, juaja dhe e jona, fitorja e së Djathtës shqiptare".

Pas zotit Spaho, fjalën e mori kryetari i Degës së Korçës së Partisë Demokristiane shqiptare, z.Ilia Jatagani, i cili ndër të tjera tha: "Uroj fitoren e kandidatëve tuaj, të cilët janë të mrekullueshëm. Fitorja juaj është një shpresë për të ardhmen tonë, për të ardhmen e fëmijëve tanë dhe të të gjithë shqiptarëve".

Pas z.Jatagani, fjalën për të përshëndetur e mori z.Fejzi Liçolli, kryetar i Partisë "Balli Kombëtar Demokrat" për rrethin e Korçës, i cili ndër të tjera theksoi: "Kodi Zgjedhor i dy partive kryesore, na hoqi të drejtën për të kandiduar dhe për të mbrojtur votat tona, votat e të djathtëve të vërtetë. Uroj fitoren e PLL, sepse nga kjo fitore ne nuk kemi humbje, përkundrazi... Ju bëj thirrje të gjithëve të votoni për PLL dhe kandidatët e saj. Abaz Kupi, rithemeluesi i PLL, ka qenë mik i madh i Mit'hat Frashërit. Ata bashkë kanë aspiruar dhe luftuar për shembjen e komunizmit dhe ne, sot, kemi rastin të shembim nga pushteti bijtë e tij. Le ta bëjmë këtë, të gjithë bashkë, duke votuar për PLL, sepse baballarët tanë kanë luftuar dhe vdekur trimërisht, sëbashku, ndaj le të bashkojmë votat dhe të fitojmë. Dita jonë ka ardhur"

Pas z.Liçolli, fjalën e mori zonja e nderuar Shpresa Merdani, sekretare e Shoqatës së të Përndjekurve Politikë të rrethit të Korçës dhe njëkohësisht bashkëshortja e poetit legalist, të të Burgosurit Politik, antikomunistit të paepur dhe anëtarit të Komitetit Drejtues të Degës së PLL Korçë, z.Ylber Merdani. Zonja Merdani, në fjalën e saj ndër të tjera tha: "Të bashkohemi të gjithë antikomunistët e vërtetë dhe të votojmë për kandidatët legalistë, sepse kështu votojmë për idealet, për të ardhmen dhe për amanetet e baballarëve tanë. Ne si shoqatë, do ta mbështesim deri në fund PLL dhe kandidatët e saj, sepse jemi me Shqipërinë dhe fëmijët tanë". Fjala e zonjës Merdani u duartrokit nga të pranishmit.

Pas zonjës Merdani, fjalën e mori për të përshëndetur kandidatët, drejtuesit legalistë korçarë dhe të ftuarit e nderit, z.Dashamir Qeraxhi, kryetar i Shoqatës "Pronësi me Drejtësi" Dega Korçë, i cili në fjalën e tij ndër të tjera theksoi: "Ne si shoqatë do të mbështesim kandidatët legalistë, sepse ata janë atdhetarë të vërtetë. Ne, si pronarë dhe trashëgimtarë të pronarëve të ligjshëm të Shqipërisë, e dimë mirë se PLL na mbështet në të drejtën tonë për rikthimin fizik dhe kompensimin në vlerën e tregut të pronave dhe pasurive që na grabiti komunizmi dhe neokomunizmi. Prandaj ne do të mbështesim pa hezitim PLL dhe kandidatët legalistë, sepse kështu mbështesim të drejtën tonë dhe zhvillimin. Ju urojmë suksese për gjthçka PLL ka bërë dhe do të bëjë për ne, për Shqipërinë dhe shqiptarët. Edhe fjala e z.Qeraxhi u ndërpre nga duartrokitjet e të pranishmëve.

Korresp i "Atdheu"

Vijon në numrin e ardhshëm

Gjithcka per kandidatet e PLL Korce

Kandidati legalist për bashkinë e Korçës, z.Sedat Tahiri

Emri, atësia, mbiemri: Sedat Qerim Tahiri

Datëlindja: 15.08.1946

Vendlindja: Dishnicë

Vendbanimi: Korçë

Gjendja civile: I martuar 2 fëmijë

Arsimi & CV: I lartë UT: Fakulteti Gjuhë Letërsi, më 1964.

Që në moshën 10 vjeçare banues në qytetin e Korçës. Shkollën 8 vjeçare e mbaron në Korçë, më1956.

Shkollën e mesme pedagogjike në Elbasan

1960-1964 Mbaron UT- Gjuhë-letërsi

1964-1968 Mësues Lavdar & Lekas

1968-1970 Mësues Polënë

1970-1973 Drejtor shkolle në Gjonomadh

1973-1991 Mësues i shkollës së mesme Pojan

1992-1994 Mësues i shkollës së mesme "Tefta Tashko Koço"

1994-2003 Mësues në shkollën e mesme industriale

Marrë nga shoqëria civile

Nga familja: bashkëshortja ka mbaruar UT për Gjuhë-letërsi, aktualisht mësuese. Vajza ka mbaruar UK dhe punon në një fondacion amerikan në Athinë. Djali vazhdon studimet për Drejtësi në SHBA.

Rrjedh nga një familje fisnike e me tradita nacionaliste. Ka qenë i Përndjekur Politik. 1980-1988 familjarisht hiqet nga qyteti i Korçës për motive politike.

Kandidati legalist për bashkinë e Maliqit, z.Sami Frashëri

Emri, atësia, mbiemri: Sami Bardhyl Frashëri

Datëlindja: 17.02. 1961

Vendlindja: venbanimi: Fushë Maliq (Maliq)

Gjendja civile: I martuar me dy fëmijë

Arsimi& CV: Arsimi i mesëm mekanik. I privuar nga e drejta për t`u arsimuar nga sistemi komunist. 1986-1991 ka punuar si mekanik në bonifikim, tani me aktivitet privat, biznes. Rrjedh nga një familje me tradita patriotike e nacionaliste, nga trungu i frashërllinjve, atyre që kanë bërë Shqipërinë. Familje e Përndjekur politikisht, e me tradita dhe kontribut të jashtëzakonshëm në ndërtimin e shtetit shqiptar, sidomos në vitet e Mbretërisë.

Anëtarësimi në PLL: 1996

Kandidati për kryetar në komunën Pojan, z.Fatos Kelo

Emri, atësia, mbiemri: Fatos Ritvan Kelo

Datëlindja:13.09.1972

Vendlindja dhe vendbanimi: Pojan

Gjendja civile:Beqar

Arsimi& CV: I lartë UT: Dega Bio-kimi. Më 1998-mësues në shkollën e e mesme të përgjithshme Pojam. Ka punuar në arsim që nga 1996 e në vazhdim. Rrjedh nga një familje autoktone në fshatin Pojan, që është shquar për nacionalizmin, mikpritjen, arsimdashjen dhe fisnikërinë.

Anëtarësimi në PLL: 2002.

Kandidati për kryetar në komunën Qendër, z. Agim Shalli

Emri, atësia, mbiemri: Agim Hasan Shalli

Datëlindja: 6.08.1937

Vendlindja:Melçan

Gjendja civile:I martuar, me fëmijë

Arsimi& CV: I lartë. Në UT, Dega ekonomi - plan. Ka punuar deri në vitin 1973 në koop. Bujqësore dhe bonifikim. 1973-1990, ekonomis në koop. Bujqësore Lumalas.

1991-1992 Në Drejtorinë e Bujqësisë Korçë.

1992-1997 Në Kontrolli i Shtetit, Korçë.

Rrjedh nga një familje fisnike nacionaliste, me tradita e kulturë, që është shquar për bujari e fisnikëri.

Anëtarësimi në PLL: 2002

Kandidati për kryetar në komunën Voskopojë, z.Zeqir Meço

Emri, atësia, mbiemri: Zeqir Dalip Meço

Datëlindja:10.07.1948

Vendlindja dhe vendbanimi: Voskopojë

Gjendja civile: I martuar, me 2 fëmijë

Arsimi & CV: I mesëm - 2 shkolla të mesme ( i mesëm i përgjithshëm + e mesme agrare)

1970-1990 në ndërtim

1991- e në vazhim aktivitet privat.

Rrjedh nga një familje që ka spikatur për ndershmëri, kulturë e fisnikëri.

Anëtarësimi në PLL: 2002

Kandidati për kryetar në komunën Drenovë, z.Artan Skënderasi

Emri, atësia, mbiemri: Artan Ahmet Skënderasi

Datëlindja:19.02.1968

Vendlindja: Turan

Gjendja civile: I martuar, me 2 fëmijë

Arsimi & CV: Arsimi i mesëm i përgjithshëm. Ka punuar në Ujësjellësin e Korçës. Rrjedh nga një familje që është shquar për nacionalizmin e saj.

Anëtarësimi në PLL: 1998

Kandidati për kryetar në komunën Pirg, z.Genci Kodra

Emri, atësia, mbiemri: Genci Dashamir Kodra

Datëlindja: 4.11.1975

Vendlindja dhe vendbanimi: Sovjan

Gjendja civile: Beqar

Arsimi & CV: I lartë, UK - mësues

1996-1998 punonjës në policinë e Rendit

1998- aktivitet privat

Rrjedh nga një familje me tradita patriotike, si nga nëna ashtu edhe nga babai. është një nga familjet që ka dhënë një kontribut të shquar, sidomos në organizmin e PLL, që në kohën e LDB

Anëtarësimi në PLL: 1993

Kandidati për kryetar në komunën Vreshtas, z.Ferzi Çolka

Emri, atësia, mbiemri: Ferzi Islam Çolka

Datëlindja:13.09.1955

Vendlindja dhe venbanimi: Podgorie

Gjendja civile: I martuar, me 3 fëmijë

Arsimi & CV: I mesëm (agronomi). Ka punuar në NB-Pogradec 1971-1992

Aktualisht fermer, aktivitet privat

Familja e tij është spikatur për bujari, fisnikëri e nacionalizëm.

Anëtarësimi në PLL: 2003

Kandidatja për kryetare në komunën Moglicë, zonja Valentina Hysenllari

Emri, atësia, mbiemri: Valentina Elmaz Hysenllari

Datëlindja: 15.01.1971

Vendlindja:Dushar

Vendbanimi: Moglicë

Gjendja civile: E martuar, me fëmijë

Arsimi & CV: Arsimi i mesëm i përgjithshëm. Ka punuar si mësuese në shkollën 8-vjeçare Moglicë.

Rrjedh nga një familje me tradita patriotike e fisnike.

Anëtarësimi në PLL: 2003

Kandidati për kryetar në komunën Liqenas, z.Eftim Stavre

Emri, atësia, mbiemri:Eftim Postol Stavre

Datëlindja: 8.06.1964

Vendlindja:Kallamas dhe vendbanimi (Besmisht) Liqenas ( minoriteti maqedonas)

Gjendja civile: I martuar

Arsimi & CV: Shkolla e mesme artistike "Tefta Tashko Koço" Korçë 1982. Ka punuar si mësues 1982-1985 Gjonbabas.

1985-1997 mësues në Gorici e Vogël.

Anëtarësimi në PLL: 2003

Kandidati për kryetar në komunën Libonik, z.Skënder Hamzaj

Emri, atësia, mbiemri: Skënder Bari Hamzaj

Datëlindja: 7.12.1957

Vendlindja: Libonik

Gjendja civile: I martuar, me 2 fëmijë

Arsimi & CV:I mesëm i përgjithshëm. Punon në aktivitet privat, biznes. Rrjedh nga një familje me tradita patriotike.

Anëtarësimi në PLL: 1998

z.Veli Xhaxhamani

Emri, atësia, mbiemri: Veli Hysen Xhaxhamani

Datëlindja:21.08.1977

Vendlindja: Gjonomadh

Vendbanimi: Gjonomadh

Gjendja civile: Beqar

Arsimi & CV: I lartë ( e mesme Pedag + UK ) Profesioni mësues. Ka punuar si mësues në shkollën 8-vjeçare, Lavdar, Korçë 1997-2001. Rrjedh nga një familje arsimdashëse, e Përndjekur politikisht, me tradita nacionaliste.

Anëtarësimi në PLL: 2002

Prezantim i shkëlqyer i kandidatëve legalistë pogradecarë

Fejzollari: Legalistët ndërtojnë pushtet për qytetarët

Ditën e shtunë, më datë 23 gusht 2003, në Pallatin e Kulturës "Lasgush Poradeci" të qytetit të Pogradecit, u zhvillua ceremonia e prezantimit të kandidatëve të PLL për komunat dhe bashkitë e rrethit të Pogradecit. Në këtë ceremoni merrnin pjesë, përveç anëtarëve të Komitetit Drejtues të Degës së PLL Pogradec dhe drejtuesve të tjerë legalistë të këtij rrethi, edhe të ftuarit nga qendra; kryetari i PLL, z.Ekrem Spahiu dhe sekretari Organizativ, z.Ergjent Bufazi.

Takimin e hapi sekretari i Degës së PLL, z.Muhamet Zaimi, i cili pasi falenderoi të pranishmit dhe të deleguarit e qendrës për pjesëmarjen dhe vlerësimin e kësaj veprimtarie, ia dha fjalën kryetarit të Degës dhe njëkohësisht deputetit Et'hem Fejzollari. Në fjalën e tij, deputeti Fejzollari ndër të tjera theksoi: "Dega e PLL Pogradec, e organizon këtë takim për të prezantuar kandidatët e saj për kryetarë bashkie dhe komunash, të cilët janë përzgjedhur me kujdes jo vetëm nga kryesia e Degës së rrethit, por edhe nga opinioni qytetar pogradecar. Këta kandidatë plotësojnë të gjitha kriteret e mundshme për të drejtuar me profesionalizëm të lartë pushtetin vendor në rrethin tonë.

Duke patur parasysh qeverisjen pluraliste 13 vjeçare, si dhe situatën politike dhe ekonomike të vendit, duke konsideruar eksperiencën e hidhur të drejtimit nga klanet politike dhe qeverisëse, të cilat e kanë shpërdoruar besimin qytetar, kanë shpërfillur votën e qytetarëve duke e përdorur pushtetin për interesa të caktuara dhe jo për ata që dhanë votën, ne kemi vendosur të qeverisim ndryshe.

Pikërisht për këtë dhe për të ringritur besimin e qytetarëve ndaj qeverisjes në përgjithësi dhe ndaj qeverisjes vendore në veçanti, ne i bëjmë thirrje elektoratit që të mbështesë kandidatët tanë, duke i lënë mënjanë bindjet politike dhe duke vlerësuar individin.

Asnjëherë nuk duhet të harrojmë periudhën e ngritjes dhe konsolidimit të shtetit gjatë periudhës 1924-1939, kur shteti shqiptar vihej në shërbim të interesave të qytetarëve dhe jo të klaneve dhe individëve me pushtet, apo të lidhur me pushtetin.

Kemi besim të plotë se kandidaturat tona janë më të mirat, pasi ato nesër do t'i përfaqësojnë denjësisht vlerat, dëshirat dhe vullnetin e elektoratit për një qeverisje dinjitoze, të ndershme dhe pranë problemeve të qytetarëve.

Kandidaturë me parametra dhe cilësi të tilla të larta intelektuale dhe morale, ne kemi kandidatin për kryetar bashkie të qytetit tonë të Pogradecit, z.Bajram Fejzollari, i rritur dhe i edukuar në Perëndim, i xhveshur nga çdo mentalitet partiak, një nga biznesmenët më të mirë dhe më të mëdhenj të rrethit tonë dhe të Shqipërisë, i zgjedhur edhe si President i Dhomës së Tregtisë dhe Industrisë së rrethit të Pogradecit.

Z.Bajram është specializuar për Menaxhim-biznes jashtë shtetit dhe zotëron katër gjuhë të huaja. Figura dhe personaliteti i tij si drejtues i bashkisë dhe si biznesmen i suksesshëm, do të mundësojë thithjen për qytetin tonë të investimeve të huaja, që do të jenë në interes të qytetarëve dhe zhvillimit, në të gjitha drejtimet dhe fushat, me interesa publike dhe shtetërore.

Sot, bizneset e kandidatit tonë janë të përfshira dhe anëtare të Dhomës së Tregtisë dhe Industrië së Shteteve të Bashkuara të Amerikës.

Duke votuar për Bajramin dhe fitoren e tij, synohet që Pogradeci të jetë një nga bashkitë model në të gjithë Shqipërinë.

Por edhe kandidaturat për kryetar komunash janë mëse dinjitoze.

Pas z.Et'hem Fejzollari, fjalën e mori kandidati legalist për bashkinë e qytetit të Pogadecit, z.Bajram Fejzollari. Kandiadati legalist është një përfaqësues i shquar i biznesit, që paguan 4 milionë $ taksa në vit për buxhetin e shtetit. Ai është pronar i TV të këtij qyteti dhe njëkohësisht edhe presidenti i Klubit të futbollit të rrethit të Pogradecit dhe president i Dhomës së Tregtisë dhe Industrisë së rrethit.

Kandidati legalist për bashkinë e Pogradecit, z.Bajram Fejzollari, premtoi gjëra konkrete për qytetarët dhe qytetin e tij dhe zhvillimin e bizneseve në këtë rreth kufitar, nëpërmjet të cilave do të rritet shkalla e punësimit të të papunëve.

Kandidatura e këtij biznesmeni të njohur u prit me entuziazëm nga qytetarët pogadecarë, të cilët premtuan se do të mbështesin kandidatin legalist për të cilin kanë bindjen se do të dijë t'i menaxhojë resurset e bashkisë sikundër ka ditur të ndërtojë edhe bizneset e tij.

Menaxheri i firmës së z.Bajram, në diskutimin e tij përmendi sukseset e firmës së kandidatit dhe theksoi se ai është një poliglot i vërtetë, se ka mbaruar dy fakultete në Perëndim dhe zotëron një eksperiencë të shkëlqyer në administrim-biznes.

Gjithashtu, një punë mjaft të mirë kanë bërë strukturat e kësaj dege edhe në përzgjedhjen e kandidaturave cilësore për komunat e këtij rrethi, shumica e të cilëve janë me arsim të lartë dhe gjuhë të huaja, madje edhe me dy fakultete.

Kështu, në komunën Buçimas, kandidat është z.Agim Çekiçi; në komunën Dardhas është z.Dashamir Muçka; në komunën Çërravë - Ylli Muçi; në komunën Hudënisht - Fari Zeqollari; në komunën Proptisht - Jetnor Kapri; në komunën Velçan - Gjergji Biba dhe në komunën Trebinjë - Kristaq Naçe.

Në diskutimin e tij, kandidati legalist i komunës Dardhas, z.Dashamir Muçka, ndër të tjera tha: "Është e vështirë të marrësh mbi vete komunën Dardhas, pasi ka 13 vjet që askush nuk ka vënë dorë mbi të. Por me punën time të ndershme dhe me ndihmën e PLL, unë premtoj se do të drejtoj me devotshmëri dhe efikasitet.

Në fund të takimit e mori fjalën z.Spahiu, i cili fillimisht falenderoi të pranishmit, dhe në veçanti z.Fejzollari për rezultatet e shkëlqyera në organizimin e Degës dhe në përzgjedhjen e kandidaturave të fuqishme, çka e ngritur punën e Degës dhe të partisë në kuota të larta. "Kandidaturat tona janë mjaft prestigjioze dhe hyjnë për të fituar, pasi vijnë nga një traditë nacionaliste e janë përfaqësues të denjë të Pogradecit. Kandidatët tanë kanë një avantazh, pasi mbështeten fuqimisht nga e gjithë PLL, nuk kanë eksperienca të gabuara e dështimi në qeverisje, janë nacionalistë dhe udhëhiqen nga moto: Atdheu mbi të gjitha dhe: Paqe, bashkim vëllazërim."

Kryetari Spahiu u ndal në mundësitë që jepte periudha e Mbretërisë, dhe kjo jo thjesht për ringjallje të nostalgjive të së kaluarës, por si servirje e modelit më të shkëlqyer qeverisës që ka njohur shteti shqiptar gjatë gjithë historisë së tij. Z.Spahiu evokoi kohën e Mbretërisë, duke bërë përqasjen e ligjshmërisë dhe rendit të shkëlqyer që zotëronte në atë kohë, e duke e krahasuar me situatën e rëndë të rendit dhe pasigurisë publike që mbizotëron në të gjithë vendin, ku krimi është trimëruar në atë masë sa po ndëshkon edhe titullarët e policisë dhe policët e thjeshtë nëpër rrugët e të gjithë Shqipërisë. Kryelegalisti i mëshoi edhe faktit se krimi i organizuar përbën rrezik të madh potencial real dhe shoqëror, sa kohë që ndeshemi me atentate të tipit mafioz, në mes të shesheve të Shqipërisë, para të cilave edhe vetë policia është e pafuqishme. "Thjesht për këtë diferencë në rezultatet dhe trajtimin e krimit ordiner, shteti i kohës së Mbretërisë do të mbetet model i pakonkurueshëm dhe argument i patundur për aftësitë shtetformuese që zotëron e Djathta shqiptare. Këto koncepte dhe aftësi për qeverisjen e suksesshme, sot i disponojnë legalistët shqiptarë, të cilët si misionarë të lirisë dhe ligjit me drejtësi, janë të vetmit që mund të përmbysin modelin aktual të qeverisjes, që tashmë ka rezultuar i dështuar.

Kandidati i qytetit tuaj të mrekullueshëm, z.Bajram Fejzollari, do të dijë të bëjë binjakëzimin e bashkisë së Pogradecit me qytete perëndimore, nga ku qyteti juaj do të përfitojë shumë.

Duke dalë më vete, ne i shërbejmë PLL, demokracisë dhe Shqipërisë, sepse ne do të mundësojmë votimin e një mase të madhe abstenuesish të Djathtë, të cilët që tani kanë shprehur gadishmërinë për të votuar për PLL, me shpresën e një alternative ndryshe, ndaj së cilës ata kanë shprehur besim.

Ne jemi partia e shpresës dhe alternativës. Nëse votoni kandidatin tonë, ju votoni për veten tuaj. PLL mbi të gjitha ka interesat kombëtare, të cilat janë të lidhura pazgjidhshmërisht me interesat e popullit tonë të shumëuajtur.

Studimet e Bankës Botërore dhe institucioneve të tjera, kanë vërtetuar katërcipërisht gjendjen shumë të vështirë ekonomike të familjeve shqiptare, gjysma e të cilave jeton në mjerim të vërtetë, e nuk është në gjendje të sigurojë edhe bukën e fëmijëve. PLL nuk mund të pajtohet me këtë realitet tragjik, që është një nga plagët kryesore të vendit. Pikërisht për të zhdukur varfërinë shërben qeverisja. Por për fat të keq, këtë plagë nuk mundën ta shërojnë qeverisjet qëndrore dhe lokale të 13 vjetëve të fundit, duke rrezikuar kështu diskretitimin e pluralizmit, kuptimin dhe misionin e tij.

PLL nuk mund të qëndrojë indiferente pafundësisht ndaj këtij realiteti, prandaj mori guximin për të dalë më vete. Legalistët do ta pranojnë sfidën e qeverisjes së vendit bashkë me forcat e tjera opozitare, sepse bazohen në idealizmin dhe përvojën qeverisëse të tyre, dhe kjo nuk është pak. Qeverisja jonë e nesërme, së pari duhet të synojë rikthimin e besimit të qytetarëve tek politika dhe qeverisja. Ky vend ka të ardhme dhe për këtë ne legalistët do të luftojmë deri në fund, pa u tërhequr dhe dekurajuar nga vështirësitë. Me kandidaturat që Dega juaj ka propozuar, suksesi zgjedhor dhe qeverisës i legalistëve pogradecarë është i garantuar. Gjatë fushatës do të takohemi sërish, sepse është kënaqësi për ne të propagandojmë para zgjedhësve pogradecarë në favor të kandidaturave tuaja të mrekullueshme. Urime edhe njëherë për punë e bërë dhe suksese në zgjedhje", - mbylli fjalën e tij z.Spahiu.

Takimi u mbyll me një kokteil të shtruar nga drejtuesit lokalë dhe me premtimin për t'u takuar sërish gjatë fushatës.

Korresp. i "Atdheu"

Kush jane kandidatet legaliste ne Pogradec

- Në komunën Buçimas, është kandidat z.Agim Çekiçi, i cili i plotëson të gjitha kriteret si një kandidat me një stazh pune disa-vjeçare në administratën e kësaj komune, çka ka mundësuar njohjen mjaft të mirë të problemeve dhe prioriteteve të punës në rast të një fitoreje dhe drejtimit prej tij të komunës pas 12 tetorit. Z.Agim është një njeri i ndershëm dhe i përkushtuar për arritjen e suksesit në drejtimin e kësaj komune dhe në zgjidhjen e problemeve shqetësuese të banorëve të saj.

- Në komunën Dardhas, kandidat është z.Dashamir Muçka, një biznesmen i mirëfilltë. Z.Muçka rrjedh nga një familje e ndershme dhe ka një eksperiencë 3 vjeçare si këshilltar në këshillin e komunës për të cilën kandidon. Ai zotëron një njohje mjaft të mirë të problematikës së kësaj njësie zgjedhore, për të cilën ai është mëse i përkushtuar për ta çuar përpara punën, e për të dhënë një shembull të shëklqyer të një drejtimi efiçient. Nën drejtimin e tij, kjo komunë do të arrijë rezultate tepër inkurajuese, që do ta ngrejnë më lart prestigjin e tij dhe të qeverisjes legaliste, si shembull i modelit të nesërm të qeverisjes sonë në nivel qeveritar dhe shtetëror.

- Në komunën Çërravë kandidon z.Ylli Muçi, një intelektual i mrekullueshëm, që është diplomuar në fakultetin Juridik dhe në atë Ekonomik dhe zotëron 4 gjuhë të huaja. Ne jemi të bindur se z.Ylli do të demonstrojë administratorin e përkushtuar, të ditur dhe të talentuar, e që do ta shpjerë përpara punën në këtë komunë, duke dhënë shembullin e administrimit me dije dhe konform standarteve bashkëkohore.

Ai padyshim që do t'i përafrohet modelit të qeverisjes së shkëlqyer të traditës legaliste.

- Në komunën Hudenisht do të kandidojë z.Fari Zeqollari, mësues matematike me arsim të lartë dhe përvojë të gjatë në këtë profesion. Kandidati Zeqollari gëzon admirimin dhe reputacion të padiskutueshëm në të gjithë komunitetin, është njeri serioz dhe i përkushtuar. Mendojmë se ai zotëron të gjitha kapacitetet, cilësitë dhe aftësitë për të drejtuar me efikasitet, ndershmëri dhe përkushtim, duke e shndërruar këtë komunë në model të qeverisjes vendore.

- Në komunën Proptisht kandidon z.Jetnor Kapri. Kandidati Kapri rrjedh nga një familje e shkëlqyer nacionaliste, është i ndershëm, i sinqertë, serioz dhe i përkushtuar. Zotëron aftësi mjaft të mira të komunikimit me njerëzit dhe i njeh mjaft mirë problemet që shqetësojnë komunitetin. Zotëron dy gjuhë të huaja dhe është në kontakt të vazhdueshëm me të rejat e drejtimit dhe zhvillimit, për shkak të këmbënguljes së tij për ngritjen politike dhe profesionale.

- Në komunën Velçan do të kandidojë z.Gjergj Biba. Kandidati Biba gëzon një respekt të jashtëzakonshëm në komunitet, është i aftë, energjik, i palodhur dhe specialist i njohur i elektronikës. Rrjedh nga një familje me reputacion tejet të mirë në të gjithë zonën, zotëron aftësi menaxhuese dhe drejtuese mjaft të mira. Është i ndershëm, i komunikueshëm, i sinqertë dhe i përkushtuar. Shpresojmë se nën drejtimin e tij, komuna e Velçanit do të arrijë rezultate të larta dhe do të krijojë një përvojë pozitive në menaxhimin e burimeve materiale e njerëzore, të cilat i disponon me shumicë.

- Në komunën Trebinjë do të kandidojë z.Kristaq Naçe. Kandidati ynë zotëron përvojë të çmuar në administrim dhe drejtim. Është mjaft korrekt, i ndershëm dhe i përkushtuar. Është mjaft komunikues dhe ka aftësi të mira organizative dhe mobilizuese për punët në dobi të komunitetit. Ne kemi besim të plotë se ai do të bëjë një fushatë dinjitoze dhe do të dijë t'i bëjë për vete votuesit e kësaj komune, e cila e meriton të drejtohet nga një kandidat i shkëlqyer sikundër është z.Kristaq Naçe, që do të jetë modeli i ndershmërisë, transparencës dhe efikasitetit të drejtimit të një legalisti të vërtetë.

Legalistët e Librazhdit do të konkurrojnë me sukses në të gjitha njësitë vendore

Spahiu: Fitorja e legalistëve i shërben të Djathtës

Ditën e shtunë, më datë 23 gusht 2003, zotërinjtë Spahiu, Fejzollari dhe Bufazi, pas takimit të suksesshëm në Pogradec, shkuan edhe në rrethin e Librazhdit, ku u pritën nga kryetari i Degës së PLL, z.Liman Mnalla, nga të gjithë anëtarët e Komitetit Drejtues dhe kandidatët që do të përfaqësojnë PLL në zgjedhjet e 12 tetorit.

Takimin e hapi kryetari i Degës së PLL Librazhd, z.Liman Mnalla, i cili falenderoi pjesëmarrësit për praninë e tyre dhe të deleguarit nga qendra, zotërinjtë Spahiu e Bufazi, dhe në veçanti deputetin Fejzollari, për mbështetjen e çmuar morale, organizative dhe financiare për organizimin e punës në këtë Degë dhe në arritjen e rezultateve impresionuese. Më pas, z.Mnalla u ndal në punën mjaft të mirë për përzgjedhjen e kandidaturave dhe më pas prezantoi konkretisht kandidatët që do të përfaqësojnë siglën dhe elektoratin e PLL, si më poshtë:

Në bashkinë Librazhd - do të konkurrojë kandidati Daut Hasgjeta (mjek stomatolog mjaft i njohur dhe me reputacion në të gjithë komunitetin e bashkëqytetarët, të cilëve ju ka shërbyer me nder dhe përkushtim një jetë të tërë.

Sipas z.Mnalla, kjo degë pretendon të marrë rreth tre këshilltarë në bashkinë e qytetit të Librazhdit.

Z.Mnalla foli edhe për vështirësitë dhe presionet me të cilat ballafaqohet kjo Degë, ndaj për këtë kryelegalisti librazhdas kërkoi ndihmën e qendrës për arritjen e një mirëkuptimi me partitë e spektrit të djathtë, çka sipas tij duhet materializuar edhe në sloganin e fushatës, në të cilin të predominojë slogani: "Paqe, bashkim vëllazërim".

Më pas e mori fjalën z.Fejzollari, i cili falenderoi "kandidatët që respektuan PLL dhe pranuan ta përfaqësojnë atë duke investuar emrin e mirë dhe reputacionin e tyre." "Ne legalistët hedhim poshtë me përbuzje presionet e pandershme që janë bërë dhe vendosmëria juaj për t'u qëndruar atyre është dëshmi e faktit që kauza monarkiste do të triumfojë shumë shpejt. Tregues për këtë është edhe rritja në progresion gjeometrik e mbështetjes për PLL dhe alternativën mbretërore. Presionet e hajdutëve ndaj kandidatëve tanë, dëshmojnë se këta shpresojnë të marrin padrejtësisht edhe ndonjë mandat tjetër për të mbushur xhepat e tyre, duke qenë të bindur se në rast të një fitoreje të legalistëve, ata nuk do të munden të abuzojnë me pushtetin dhe të shijnë lëmën në kurriz të popullit dhe taksapaguesve të thjeshtë. Pikërisht trimërimi i këtyre fundërrinave të shoqërisë, është edhe një arsye më shumë që kandidatët tanë të mos tërhiqen nga rruga e drejtë, ajo e përfaqësimit të PLL dhe programit të saj të zhvillimit dhe prosperitetit. Që PLL është e përkushtuar dhe e aftë të prodhojë zhvillim me qeverisjen e saj, e ka treguar gjatë gjithë periudhës së Monarkisë, ku arriti rezultate të shkëlqyera, që e ngritën lart emrin e Shqipërisë dhe shqiptarëve", e mbylli fjalën e tij deputeti Fejzollari.

Pas z.Fejzollari e mori fjalën sekretari Organizativ, z. Bufazi, i cili përgëzoi Komitetin Drejtues të Degës dhe në veçanti edhe z.Fejzollari për punën shumë të mirë të bërë në aspektin organizativ, e që solli këto rezultate që ne prekim sot, dhe kjo tregon se ju jeni konsoliduar në pikëpamje organizative dhe përvoja juaj jo vetëm që do të forcohet akoma në të ardhmen, por do të shërbejë edhe si pasqyrë e punës së Degëve simotra, të cilat duhet të marrin vlerat pozitive të përvojës suaj dhe t'i përdorin ato për të çuar më përpara arritjet në të ardhmen.

Me pas e mori fjalën z.Spahiu, i cili falenderoi "... në mënyrë të veçantë kryetarin e Degës Librazhd, doktor Mnallën, si një njeri i përkushtuar dhe personalitet i PLL, që ka dhënë një kontribut të çmuar në konsolidimin politiko-organizativ të Degës", pa harruar të falenderojë përzëmërsisht në emër të kryesisë dhe të tijin personal, "kandidatët që kanë marrë përsipër rriskun për të kandiduar në emër të PLL." "Pluralizimi është një arritje e madhe politike, që u jep mundësi të gjithëve të angazhohen në politikë, të kontribuojnë dhe të marrin mbështetje elektorale, mbi të cilat më pas ndërtohen koalicionet bazuar në afërsitë programore dhe interesat shoqërore të grupeve dhe shtresave të ndryshme.

Në këtë sens, PLL është e gatshme të kontribuojë për të Djathtën duke mobilizuar e çuar në votime jo vetëm anëtarësinë dhe simpatizantët e saj, por edhe një pjesë të madhe të abstenuesve, duke mundësuar kështu një fitore të thellë të së Djathtës", - theksoi ndër të tjera kryetari i PLL.

Më pas takimi vazhdoi me një bashkëbisedim të përzemërt dhe u mbyll me premtimin reciprok për t'u takuar sërish gjatë fushatës.

Ja kandidatet ne Librazhd

1 - Në komunën Orenjë - në emër të PLL do të konkurrojë z.Lutfi Baboçi, mësues letërsie)

2 - Në komunën Lunik - z.Izet Gega (farmacist).

3 - Në komunën Hotolisht - z.Sherif Mnalla (biznesmen).

4 - Në bashkinë Prrenjas - z.Fidai Skënderi.

5 - Në komunën qendër Librazhd - z.Hasan Bardhoshi.

6 - Në komunën Qukës - z.Fatmir Belba.

7 - Në komunën Rajcë - z.Idriz Laçka.

8 - Në komunë Stravaj - z.Ramadan Çerri (me dy fakultete).

PLL prezanton kandidatin e saj në komunën Kurbnesh

Gjon Arapi, përfaqësuesi i të Djathtës

PLL ka prezantuar në komunën e Kurbneshit kandidatin e saj për këtë komunë, z.Gjon Arapi. Prezantimi i tij u bë në qendër të kësaj komune, në fshatin Selitë, ku në tubimin e prezantimit mori pjesë edhe vetë kryetari i PLL, z.Ekrem Spahiu. Ky tubim u zhvillua të mërkurën e shkuar, dt.20 gusht dhe përveç legalistëve të kësaj komune kishin ardhur në këtë prezantim edhe drejtues të Degës së PLL Mirditë, si kryetari z.Gjet Përndoj, sekretari z.Mark Deda si dhe anëtarët e Komitetit Drejtues të kësaj Dege, Anton Çupi, Sali Kuka, Pashk Perloshi etj..

Fjalën e hapjes e mbajti kryetari i Nëndegës Kurbnesh z.Fran Vuka, i cili bëri një historik të shkurtër të aktivitetit të kandidatit legalist dhe me mjaft finesë përshkroi cilësitë e tij si njeri e si aktivist politik. Ai tha se "... z.Gjon Arapi ka qenë një ndër njerëzit më aktivë në fillim të viteve '90 për përmbysjen e regjimit komunist". Ai çmoi lart aktivitetin e kandidatit legalist dhe tha se "këto kontribute të Gjon Arapit janë të pamohueshme dhe prandaj e kemi përzgjedhur si përfaqësuesin e PLL dhe në fakt të të gjithë të Djathtës antikomuniste të kësaj zone".

Kryetari Spahiu në fjalën e tij përshëndetëse tha se "... është një befasi për PLL dhe për të gjitha partitë e tjera pikasja e kandidaturave kaq potenciale në rrethin e Mirditës.". Spahiu vlerësoi faktin se kandidati i PLL ishte nga shtresa e Ish të Persekutuarve Politikë dhe tha se "... tashmë ka ardhur koha që e Djathta reale të dalë në skenë e të tregojë se di të marrë përsipër barrët që i takojnë." Kryelegalisti përgëzoi përfaqësuesit e Degës së PLL Mirditë për punën e bërë dhe tha se fakti që në të gjithë rrethin e Mirditës kemi kandidatura të fuqishme për çdo komunë (bashkë me bashkinë e Rrëshenit), tregon për seriozitetin e përkushtimin në punë të drejtuesve të kësaj Dege.

Ndërsa kandidati z.Gjon Arapi, në fjalën e tij para bashkëkrahinarëve të vet tha se "... premtoj të qeveris me ndershmëri dhe përkushtim, në emër të virtyteve më të mira të krahinës e të racës shqiptare." Ai tha se "... ndihem i vlerësuar mjaft që jam kandidat i PLL, por në njëfarë mënyre kjo është e natyrshme, pasi unë jam pinjoll i një familjeje zogiste", - do të shprehej ndër të tjera kandidati legalist.

Më tej ai tha se "vërtet jam kandidat i PLL, por në rast se fitoj, unë do të jem një përfaqësues real i të gjithë bashkëkrahinarëve të mi."

Gjon Arapi, siç dihet, ka qenë pjesëtar i administratës së kësaj komune dhe ka një eksperiencë të pasur në punën e tij në këtë komunë.

Familja e tij është një ndër familjet më të njohura zogiste të krahinës. Kjo familje, në vite ka pasur lidhje të forta me shtëpinë e Kapidanit të Mirditës e me familjet e bajraktarëve. Gjatë regjimit komunist, ka qenë persekutuar egërsisht. Është shpronësuar e shpallur kulak, sipas rregullave antinjerëzore të komunizmit.

Kandidati i PLL çmohet se ka të gjitha mundësitë që në këto zgjedhje të marrë një rezultat shumë të mirë dhe fitorja e tij nuk do të ishte një çudi.

Korresp.i "Atdheu"

Spahiu në Tropojë: Qeveria, fatkeqësia jonë kombëtare

Legalistët e rrethit të Tropojës, nën drejtimin e kryetarit të tyre, z.Xhemë Nezaj, janë të mobilizuar për ta kurorëzuar me sukses punën e tyre disavjeçare.

Më datën 27.08.2003, në një nga ambientet e Hotel Turizmit "Ermal" të qytetit Bajram Curri, u zhvillua mbledhja e Komitetit Drejtues të PLL për Degën e Tropojës, me rend dite analizën e punës për kryerjen e detyrave të marra nga çdo anëtar i Komitetit Drejtues dhe miratimin e kandidaturave për njësitë vendore të rrethit të Tropojës.

Z.Nezaj, në fjalën e tij ishte mjaft konkret. Sipas tij "... rrethi i Tropojës është një rreth gjeografikisht shumë i hapur dhe me terren malor. Lëvizjet demografike kanë bërë që struktuarat e PLL të jenë të paqëndrueshme. Hasmëritë e viteve të fundit, me prapavijë politike, rrethi me varfërinë më të madhe në vend, rrethi ku Partia Demokratike ka një ndikim të fuqishëm etj., janë disa nga arsyet që Dega e PLL të këtij rrethi ndoshta nuk mund të krahasohet me Degët më të mira të vendit, por, megjithatë, z.Nezaj tha që "... jemi të vendosur që edhe në Tropojë, zgjedhjet e 12 tetorit të shënojnë një progres të dukshëm për legalistët tropojanë.

Anëtarët e Komitetit Drejtues, Nuredin Abazi - nënkryetar i Degës; Man Abdyli - kryetar i Senatit të Veteranëve të PLL; Rustem Nezaj - sekretar i Senatit; Oliver Ahmetaj - sekretar i nëndegës Bytyç; Adem Çelia - kryetar i nëndegës Tropojë e Vjetër; Rexhep Rama - kryetar i Nëndegës Margegaj; ing. Kujtim Bardhoshi - kryetar i nëdegës Llugaj; Lazër Ruçi - kryetar i nëndegës Lekbibaj; Trashëgim Abazi - përfaqësues i Forumit Rinor legalist të këtij rrethi; këshilltari i PLL në bashkinë e Bajram Currit, z.Naim Mustafa; ing. Përparim Vatoci - kryetar i nëndegës së Bujanit; Ismail Hasanpapa - kryetar i nëndegës Fierzë; Shpend Mulosmani - sekretar i nëndegës Bujan; ing. Skënder Hoxha - një nga kandidatët, dhe të tjerët që e morën fjalën, theksuan traditat nacionalisto-zogiste të kësaj treve, si dhe respektin e thellë të tropojanëve për djalin e Tropojës, ish ministrin e Oborrit Mbretëror, të paharruarin, z.Abedin Mulosmanaj, ashtu edhe të familjeve të tjera me tradita atdhetare dhe në mbështetje të Mbretit Zog I, ishin optimistë për një rezultat pozitiv, që sigurisht do të mbështetet në përkushtimin dhe punën e tyre.

Në këtë mbledhje morën pjesë edhe kryetari i PLL z.Ekrem Spahiu dhe anëtari i Këshillit Kombëtar të PLL dhe ish-kryetari i Degës së Tropojës, z.Sylë Mulosmanaj.

Në fjalën e tij, fillimisht, kryetari Spahiu falenderoi strukturat lokale të PLL Tropojë, "që megjithë vështirësitë e shumta që përmendi z.Nezaj, keni arritur që PLL të jetë një faktor real në politikën lokale."

Më poshtë, z.Spahiu u ndal tek situata politike në vend dhe qëndrimi i tij ishte mjaft i ashpër ndaj të ashtuquajturës qeveri "Nano 6", "që është e keqja e të gjithë shqiptarëve dhe duke qenë e tillë, kërkon angazhimin e të gjithëve, por në veçanti të nacionalistëve dhe demokratëve, që nuk mund të rrijnë indiferentë përballë realiteteve shqiptare."

Z.Spahiu, më pas evidentoi mbështetjen e vazhdueshme të PLL ndaj Partisë Demokratike në të gjithë Shqipërinë, por në veçanti në Tropojë, për vetë specifikat e PD në këtë rreth. Duke vazhduar më tej, me argumentat e tij bindës, ai sqaroi arsyet e daljes së PLL më vete në zgjedhjet e 12 tetorit.

"Pluralizmi dhe demokracia, ndër të tjera nënkuptojnë edhe garë dhe në këtë kontekst PLL konkurron për të pohuar identitetin e vet dhe për të formatuar mbështetjen elektorale, duke i kontribuar opozitës, demokracisë dhe Shqëipërisë", - theksoi kryelegalisti Spahiu.

Komiteti Drejtues, në mirëkuptim të plotë, miratoi më pas kandidaturat për njësitë vendore, të cilat janë kandidaturat më të spikatura në komunitetet e tyre, që rrezatojnë shpresë për një të ardhme më të mirë të banorëve të këtyre trevave atdhetare.

Të pranishmit morën porosi, udhëzime dhe dokumentacionin e nevojshëm për të mundësuar në një kohë sa më të shpejtë regjistrimin e kandidatëve legalistë në KZQV-të e njësive vendore.

Ky takim ishte mjaft i ngrohtë dhe miqësor dhe la mbresa edhe tek opinioni i gjerë tropojan, që e përcolli me vemendje të veçantë.

Përkrahje e mbështjete për kandidatin Jonuz Gjana

Spahiu: "Mos u mashtroni me legalizimet"

"Këtë vend e ka bekuar perëndia, por po e shkatërrojnë politikanët e papërgjegjshëm!"

PLL prezantoi ditën e diel dt.24.08.2003 në komunën e Paskuqanit, kandidatin e saj për kryetar komune z.Jonuz Gjana. Në këtë prezantim merrnin pjesë nga qendra kryetari i PLL z.Ekrem Spahiu, kryetari i degës së Tiranës deputeti z.Sadedin Balla, sekretari i marrëdhënieve me publikun z.Blerim Kamberi dhe drejtori i Departamentit të Mediave dhe Marrëdhënieve me Publikun z.Neritan Kolgjini. Në sallën ku u bë

prezantimi, kishte një pjesëmarrje të madhe të anëtarëve dhe simpatizantëve të PLL, megjithë temperaturën e lartë të këtyre ditëve.

Takimin e hapi kryetari i kësaj nëndege z.Fiqiri Spahija, i cili vuri në dukje se zgjedhja e kandidaturës së z.Jonuz Gjana është mjaft e gjetur dhe ka ardhur pas një procesi të gjatë seleksionimi. Z.Gjana është i aftë të marrë përsipër barrën e rëndë të kryetarit të komunës me mjaft probleme të Paskuqanit, tha ai. Pastaj kryetari i Nëndegës z.Fiqiri Spahija ia dha fjalën kryetarit të degës së Tiranës dhe njëkohësisht sekretar i përgjithshëm i PLL z.Sadedin Balla, i cili vuri në dukje origjinën familjare të z.Gjana si një ndër avantazhet e tij në këtë fushatë përballë kandidatëve të tjerë. Ai tha se familja Gjana ka një kontribut të admirueshëm për liri e demokraci. Gjatë diktaturës kjo familje përjetoi persekucionin e diktaturës komuniste. Gjatë proceseve demokratike ishin djemtë e familjes Gjana që u angazhuan totalisht. Kështu Xhevat Gjana ishte ai që i mbërtheu litarin shtatores së diktatorit Hoxha më 20 shkurt 1991 dhe e tërhoqi zvarrë atë nëpër rrugët e Tiranës tha z.Balla. Këto 13 vite pluralizëm s'kanë qenë të favorshme për shtresat e persekutuara, megjithatë z.Jonuz Gjana ia ka dalë të ngrejë një biznes të suksesshëm me djersën e ballit e me punë të ndershme, tha z.Balla.

Ne ju sigurojmë se z.Gjana do të administrojë me ndershmëri fondet buxhetore të komunës. Ai ka skicuar atshmë platformën për zhvillimin e komunës që do ta shpalosë në të gjihë fshatrat e kësaj komune. Ne besojmë që ju do ta mbështesni fuqishëm kandidatin tonë, konkludoi z.Balla.

Më pas mori fjalën kandidati legalist z.Jonuz Gjana i cili pasi falënderoi strukturat e nëndegës Paskuqan për besimin e dhënë, u shpreh se ndihet i nderuar së tepërmi prej këtij kandidimi. Ai tha se nuk do të kërsehem të punoj në maksimum të fuqive e resurseve të mia për të arritur një rezultat fitues për PLL. Ai çmoi me fjalë të zgjedhura reputacionin e PLL si parti dhe si një forcë politike që ka treguar në gjithë historinë e saj se udhëhiqet nga parime të larta morale. Më tej Gjana tha se unë si kandidat i PLL do të përpiqem me të gjitha forcat e mia që të bëj maksimumin e mundshëm për komunitetin. Unë jetoj përditë me hallet e bashkëkomunarëve të mi dhe e di që problemet janë pa fund. Ne kemi nevojë ende për gjëra minimale si ujë, drita, rrugë, adresa poste, kanalizime, pa llogaritur të tjerat si punësimi e sigurimi i jetesës, - tha z.Gjana. Ai tha se në rast fitoreje, "unë garantoj një shpërndarje me transparencë e ndershmëri maksimale të fondeve të kësaj komune, qoftë për investime, qoftë për shërbime, qoftë për përkrahje sociale të familjeve në nevojë. Në fund ai e mbylli fjalën e tij duke shprehur besimin se do të gjejë përkrahjen e mbështetjen e të gjithë legalistëve e simpatizantëve të monarkisë në këtë komunë.

Spahiu: Kujdes me legalizimet!

Më pas mes një breshëri duartrokitjesh e mori fjalën kryetari i PLL z.Ekrem Spahiu i cili ndër të tjera sqaroi pozicionin e PLL në këto zgjedhje dhe ritheksoi se kundërshtari i PLL në këto zgjedhje është PS-ja e maxhoranca qeverisëse. Ai u ndal gjatë në analizën e qeverisjes së socialistëve duke e quajtur katastrofë kombëtare. Ai tha se Nano bredh nëpër botë si turist ndërkohë që vendi është kthyer në kasaphanë nga aktiviteti kriminal i banditëve të mbështetur nga qeveria. Më tej ai sqaroi synimet e PLL për të thithur votën e elektorattit të djathtë që ka abstenuar këto vitet e fundit. Më tej Spahiu në fjalën e tij tha se dalja e PLL në vete nuk përbën asnjë rrezik për fitoren e të djathtës. Spekullimet që bëhen në këtë drejtim janë shumë të dëmshme. Preokupimi i PLL ka qenë të përzgjedhë kandidatura sa më cilësore. Fakti që këto kandidatura janë mjaft konkurruese nuk duhet të ngjallë xhelozi te të djathtët e tjerë. Pas 12 tetorit, tha Spahiu, - ne prap do ta menaxhojmë pushtetin lokal bashkë me të zgjedhurit e PD dhe të forcave të tjera të djathta. Ne do të marrim rezultate befasuese në këto, deklaroi Spahiu. Pastaj ai u përqendrua tek programi i PLL dhe u ndal në problemin e legalizimeve në këtë komunë. Ai tha se PS e PD i kanë përdorur për premtime elektorale fjalët legalizim e kthim prone. Mos u mashtroni më me gënjeshtrat e tyre - u bëri thirrje Spahiu të pranishmëve e gjithë elektoratit të zonës.

Më pas tubimi kaloi në një pyetje-diskutim të hapur ku kryetari i PLL iu përgjigj konkretisht disa problemeve të banorëve të zonës. Interesant ishte fakti se diskutuesit në pyetjet e diskutimet e tyre, tregonin mbështetjen që do t'i jepnin kandidatit Gjana dhe PLL. Sipas vlerësimeve të bëra, kandidati i PLL i ka të gjitha mundësitë të fitojë në zgjedhjet e ardhshme të 12 tetorit.

Korresp. "Atdheu"

Legalistët matjanë përcaktojnë kandidaturat e fitores

Spahiu: Përshëndes bashkëpunimin tuaj me PD

Në takimin që kryelegalisti Spahiu bëri me Komitetin Drejtues të PLL Dega Mat, u informua e detaje e punë e këtij komteti dhe të të gjitha strukturave legaliste, lidhur me përzjedhjen përfundimtare të kandidaëve legalistë, që do të përfaqsonë PLL dhe do të konkurojnë n ëtë gjitha komunat e keëtij rrethi.

Drejtuesit legalistë matjanë, i bënë me dije z.Spahiu mirëkuptimin dhe bashkëpunimin e arritur mids tyre dhe drejtuesve lokalë të PD për të këmbyer në raport 1 me 1 kandidimin dhe përfaqësimin e përbashkët të këtyre dy subjekteve në dy bashkitë e rrethit dhe në dy komuna, përkatësisht në bashkitë e Burrelit dhe Klosit, në të cilat do të kandidojnë dy poërfaqësuesit e PD, zotërinjtë Skënder Lleshi dhe Bedri Hoxha dhe kandidimin e dy legalistëve në komunat e Lisit dhe Rukaj-t, përkatësisht zotërinjve Agim Selita dhe Muharrem Kurti. Nga ky bashkëpunim i institucionalizuar dhe mbështetur edhe me një deklratë të përbashkët, kundërfirmuar nga të dy palët, kushtëzohet mbështetja rciproke e PLL dhe PD për kandidatët përkatës, pa cënuar votat respektive të dy pative.

Kandidaturat:

1. Bashkia Burrel: Skënder Lleshi (PD)

2. Bashkia Klos: Bedri Hoxha (PD)

3. Komuna Baz: Besnik Cakoni

4. Komuna Derjan: Nazmi Çela

5. Komuna Gurrë: Riza Katuçi

6. Komuna Komsi: Ahmet Muça

7. Komuna Lis : Agim Selita

8. Komuna Macukull: Nazmi Meta

9. Komuna Rukaj: Muharrem Kurti

10. Komuna Ulëz: Pjetër Sefgjini

11. Komuna Kurdari: Mylazim Hystuna

12. Komuna Xibërr: Vehbi Mysliu

Partia "Lëvizja Legalitetit" është e ndërgjegjshme për gjendjen social-ekonomike në të cilën ndodhet vendi dhe për keq-qeverisjen e këtuyre viteve. Ajo, me përgjegjësinë e një force politike serioze, bazuar në traditën dhe modelin më të mirë të shtetit shqiptar, vetëdijshme për rolin dhe konstrutin historik të së Djathtës, dhe duke e ndjerë veten pjesë themelore të saj, konkuron në zgjeëdhjet e 12 tetorit, duke dalë para publikut me plëtformën e saj elektorale.

Partia "Lëvizja Legalitetit" është e mendimit se të këqiat e saj më të mëdha i kanë ardhur vendit edhe si pasojë e renditjes së politikës si mqëllim drejt pushtetit, për interesa vetiake dhe klanore. PLL e sheh pushtetin si mjet në shërbim të komunitetit dhe vendit. Mnotoja e saj është "Atdheu mbi të gjitha".

PLL paraqitet në këto zgjedhje të pushtetit vendor me kandidatët e saj në të gjitha komunat dhe bashkitë. Kandidatët e saj nuk janë të vetshpallur.

Ata nuk kanë vetkandiduar apo mpaguar për të qenë të tillë. Duke qenë më të mirët, me fisnikërinë e tyre ata kanë pritur që të tjerët t'i konsiderojnë të tillë.

Legalistët kurbinas, të vendosur për të vazhduar rrugën e fitoreve

Spahiu: Me PD jemi konkurrentë, kundërshtare kemi PS

Legalistët kurbinas tashmë kanë krijuar një përvojë elektorale të vlefshme. Në të gjitha zgjedhjet parlamentare dhe në ato vendore, legalistët kanë treguar forcën e tyre elektorale, duke u renditur gjithmonë në 3 vendet e para, çka na e bën të lehtë të themi se "Kurbini ka qenë dhe mbetet një nga bastionet e Legalitetit." Sigurisht, edhe në zgjedhjet e 12 tetorit 2003, PLL do të pretendojë për të fituar.

Në mbledhjen e Komitetit Drejtues të Degës së rrethit Kurbin, u analizua situata parazgjedhore dhe u përcaktuan hapat që PLL do të hedhë për ditët e mbetura deri më 12 tetor.

Kandidaturat për bashkitë e Laçit dhe Mamurrasit, si dhe të komunave Milot dhe Fushë Kuqe janë të shumta dhe seleksionimi i tyre po bëhet me seriozitetin maksimal, që të dalin kandidaturat më të spikatura dhe sa më përfaqësuese, për të realizuar objektivat e legalistëve të Kurbinit.

Drejtuesit e Degës, z.Halit Pepmarku dhe Mëhill Gjini, kryetari i Nëndegës së Mamurrasit, z.Mynyr Kolaveri, kryetari i Nëndegës Fushë-Kuqe z.Abdulla Marku, kryetari i Nëndegës Milot, z.Lekë Bitri, zotërinjtë Maliq Koleci, Gjon Piroli dhe të tjerët që e morën fjalën, ishin shumë optimistë për fitore në zgjedhjet vendore, duke vazhduar në rrugën e fitoreve të kaluara.

Në fjalën e tij, z.Kolaveri, me qetësinë që e karakterizon, u shpreh se "... do të zhvillojmë një fushatë moderne, ku do të konkurrojnë kandidatët me vlerat e tyre, me programet dhe alternativat e partive."

Gjithashtu, në mbledhje u diskutua edhe rreth kandidatëve për këshilltarë, poste në të cilat do të jenë personat që kanë kontribute të veçanta për PLL, prej vitesh, dhe që kanë vlera për ta përfaqësuar denjësisht PLL në këshillat vendore.

Në këtë mbledhje të rëndësishme mori pjesë edhe kryetari i PLL z.Ekrem Spahiu, i shoqëruar nga z.Seit Preni - sekretar i Senatit të Veteranëve dhe nga ish-kryetari i PLL së Degës të Kurbinit dhe njëkohësisht anëtari i Këshillit Kombëtar, z.Haxhi Meta.

Kryetari Spahiu falenderoi drejtuesit lokalë të Kurbinit për përgatitjet parazgjedhore, dhe njëkohësisht dha porosi shumë të rëndësishme për të gjithë elementët e fushatës zgjedhore.

Z.Spahiu vlerësoi marrëdhëniet shumë të mira të PLL me PD në rrethin e Kurbinit, parti të cilat, pavarësisht konkurrimit më vete, do të dijnë të arrijnë fitoren ndaj kundërshtarit politik që është PS-ja.

Nga të pranishmit u kërkua që të zhvillohet edhe një takim tjetër, sa më shpejt që të jetë e mundur.

Korresp. i "Atdheu"

In Memoriam

NEKROLOGJI

Shuhet legalisti haxhi Xhevat Salih Myftija

Pas një sëmundjeje të gjatë, vdiq në moshën 76-vjeçare Haxhi Xhevat Salih Myftija, anëtar i kryesisë së PLL Dega Shkodër.

Xhevati rridhte nga një familje me tradita të vyera fetare e patriotike, një nga më të vjetrat në lagjen Ndocej. Nga kjo shtëpi kanë dalë figura të shquara në lëmin e teologjisë dhe të paisur me ndjenja të thella nacionaliste. Një nga këto ishte babai i të ndjerit Xhevat, Hirësia e Tij Salih Efendi Myftija, i cili nga viti 1931 e deri më 1939, pas pushtimit fashist, ishte emëruar kryemyfti i Shkodrës dhe i Kosovës dhe, më pas, drejtues i Lëvizjes së Legalitetit, duke qenë një familje me ide monarkiste dhe e hapur në luftë kundër komunizmit.

Në një mjedis të tillë u rrit dhe u edukua Xhevati me vëllezërit e tij, ndër të cilët edhe Dr Fuat Myftija, i cili e ndoqi në mërgim babain e tij, duke drejtuar OKLL për 40 vjet e duke bashkuar të gjithë forcat nacionaliste pranë N.M.T. Mbretit Zog I dhe N.M.T. Mbretit Leka I në diasporë, me Feritin e burgosur në vitet e para të vendosjes së komunizmit, me Mit'hatin, që vdiq tragjikisht nga dhuna psikologjike e Sigurimit të Shtetit komunist.

Familja Myftija i bëri ballë me sakrifica dhe me kokën lart, pa u nënshtruar dhe pa kërkuar mëshirë, kalvarit të vuajtjeve që i solli rregjimi komunist, në internime, të cilat Xhevati me nënën, vëllezërit e motrat, i përballoi pa mohuar idealet zogiste e monarkiste, si dhe ato fetare në kampet e Lushnjes, gjithnjë pa fituar të drejtat e një familjeje qytetare

për 50 vjet.

Pas fitores së demokracisë, shtëpia e Myftijve në Ndocej, u bë vatër e grumbullimit të gjithë të të Persekutuarve Politikë, që ruanin në zemër ndjenjat e idealet zogiste e monarkiste.

Xhevati ishte nga të parët që u vu në lëvizje të krijimit të Partisë "Lëvizja e Legalitetit" jo vetëm në Shkodër, por në të gjithë Shqipërinë. Ai shoqëroi kudo vëllain e tij, Dr.

Fuatin, në punën për legalizimin e PLL, duke u zgjedhur në Kongresin e XII të të kësaj partie, anëtar i Këshillit Kombëtar dhe që nga krijimi i Degës së PLL Shkodër, Xhevati është zgjedhur anëtar i kryesisë.

Ai, me formimin e tij si një gjimnazist me ide e mendime antikomuniste, zotëroi një kulturë të lartë qytetare, një komunikim njerëzor dhe gjithnjë i gatshëm për të kontribuar me gjithë thinjat e bardha, por me zemër të bardhë, për fitoren e Monarkisë në Shqipëri, si në Referendumin e vitit 1997, dhe për t'i dhënë hapësirë e shtrirje në masat qytetare Partisë "Lëvizja e Legalitetit".

Me vdekjen e tij, familja, vëllezërit e motrat humbën njeriun e tyre të dashur, por edhe legalistët e monarkistët humbën shokun e tyre fjalëmbël e të sinqertë.

Duke u ndarë sot me Xhevatin, familjes Myftija i shprehim ngushëllimet e rastit.

Prof Zyhdi Zekja

As.Prof.Dr. Bajram Xhafa

As.Prof.Dr.Gëzim Dibra

Prof.Dr.Vehbi Hoti

Faik Dizdari

Xhelal Juka

Bahri Boriçi

Tomë Sheldia

Enis Dizdari

Nikolin Destanisha

Ilir Kuka

Namik Mehmeti

Ngushëllim

Përjetuam me hidhërim të thellë ndarjen nga jeta të legalistit të shquar shkodran, të të paharruarit Xhevat Myftija.

Familja Myftija ka një kontribut të jashtëzakonshëm në Çeshtjen kombëtare dhe në Partinë "Lëviza e Legalitetit".

Z.Xhevat Myftija, me kontributin dhe veprimtarinë e tij në dobi të Atdheut dhe PLL, ka nderuar traditën e shkëlqyer familjare.

Ndarja nga jeta e të ndjerit Xhevat Myftija, është e rëndë jo vetëm për familjen dhe farefisin e tij, por për të gjithë bashkidealistët dhe anëtarët e PLL.

Kryesia e PLL

Senati i Veteranëve

Percillet per ne banesen e fundit Xhevat Myftija

Familja, të afërmit dhe legalistët e simpatizantët e Monarkisë, i dhanë të martën lamtumirën e fundit njeriut të tyre të dashur, Haxhi Xhevat Salih Myftija.

Në ndarjen e fundit me të morën pjesë kryetari i PLL z.Ekrem Spahiu, i cili, në emër të kryesisë së PLL, i solli familjes Myftija ngushëllimet e rastit dhe vlerësoi kontributin e kësaj familjeje me tradita patriotike që nga babai i tyre, Hirësia e Tij Salih Efendia, i cili si në vitet e Mbretërisë së Mbretit Zog I e pastaj në jetën e tij në emigracion, qëndroi pranë Mbretit Zog I. "Hirësia e Tij, Salih Efendia, u bë një shembull frymëzimi për mbajtjen gjallë të simboleve monarkiste në gjirin e bashkatdhetarëve në emigracion, punë që është vazhduar me shumë zell e përkushtim nga Dr Fuad Myftija, personalitet i shquar i zogizmit e legalitetit, duke qenë sekretar i Përgjithshëm i OKLL për 40

vjet, dhe që edhe sot,m me gjithë moshën e thyer, vazhdon të mbetet figurë e shquar e nacionalizmit shqiptar. Por megjithë vuajtjet e sakrificat që bëri kjo familje antikomuniste, edhe dy vëllezërit që jetuan skllavërinë e diktaturës komuniste, Xhevati e Feridi, në traditat e familjes së tyre kontribuan me shumë angazhim në mbajtjen gjallë të idealeve legaliste e monarkiste, duke mbetur figura të respektuara nga gjithë legalistët, anë e mbanë Shqipërisë.", - theksoi z.Spahiu.

Po kështu, kryetari i PLL, z.Ekrem Spahiu i solli familjes Myftija edhe ngushëllimet e N.M.T. Mbretit Leka I dhe Oborrit Mbretëror Shqiptar.

Pranë varrit, fjalën e rastit e mbajti z.Enis Dizdari, kryetar i Degës së PLL Shkodër.

Namik Mehmeti

SHKODRA & FUSHATA

Shkoder: Legalistet shpallin kandidaturen fituese per kryebashkiak

Ne nje konference per shtyp, te mbajtur nga kryetari i PLL-Shkoder, z.Enis Dizdari, u be publik edhe emri i kandidatit qe do te perfaqesoje legalistet dhe mbreteroret shkodrane ne zgjedhjet vendore. Ai eshte z. Gezim Dibra, Dekani i Fakultetit te Shkencave te Universitetit "Luigj Gurakuqi" te Shkodres, intelektuali i njohur dhe i pranuar prej te gjithe shkodraneve.
Me kete rast, kryetari legalist lokal, z. Dizdari, shperndau edhe nje komunikate per shtyp, si me poshte:

Komunikate per mediat e PLL dega Shkoder mbajtur nga kryetari i kesaj dege z.Enis Dizdari

Kam nderin dhe kenaqesine, si kryetar i Deges se P.L.L Shkoder, te komunikoj me ju dhe t`u bej te ditur se Komiteti Drejtues i kesaj Dege, ka vendosur pa asnje vote kunder te shpalle kandidat per Kryetar Bashkie te Shkodres, qytetit me tradita monarkiste, z. Gezim Dibra.
I lindur dhe i rritur ne Shkoder, z. Dibra perfaqeson qytetarine e hershme shkodrane, ndersa vete ai perfaqeson eliten intelektuale e akademike. Duke qene produkt i dekades pluraliste, ai ka mundur te afirmoje vlerat dhe aftesite qe i hapen rrugen e promovimit te padiskutueshem edhe ne kandidimin per kryetar te Bashkise se qytetit me te madh verior.
Ambiciet e tij profesionale, kane ardhur duke pasur njera-tjetren.
Padyshim qe nje formim kaq i gjere, e ne rang akademik, e ka thelbin e suksesit ne karakterin, ne aftesite dhe origjinen e tij nga nje familje monarkiste, e cila i ka sherbyer me zell e besnikeri Mbretit Zog I.
Ne, sot, me prezantimin e kandidatit per kryetar Bashkie, z Gezim Dibra, mendojme se kemi gjetur njeriun e duhur, per te cilin Shkodra dhe shkodranet kane shume nevoje. Ai eshte i mirepritur e i mirefolur nga dhjetra e dhjetra shtepi shkodrane, qe i kane besuar edukimin e pergatitjen profesionale te femijeve te tyre, jo vetem ne qytetin tone, por ne te gjithe Veriun e Shqiperise.
Ai, me vizionin e tij intelektual, para se gjithash kerkon besimin e shkodraneve. Ai premton se do te zbuloje e ndricoje rruget. Ai, me drejtimin e tij do t'i thote "ndal" shkaterrimit te metejshem te qytetit. Ai do te dije te zgjedhe modelin e vertete te zhvillimit te Shkodres, per ta afruar ate me qytetet evropiane.
Ne sinteze te te gjithe punes se tij per ndertimin e nje strukture qeverisese bashkohore, zotit Dibra do t`i sherbeje modeli evropian i shtetit te Mbretit Zog I.
Dega e PLL Shkoder, duke i ofruar elektoratit shkodran kandidaturen e z. Gezim Dibra, ka shfaqur nje obligim qytetar ndaj Shkodres dhe vete qytetareve shkodrane.
Vetem nje kandidature legaliste e me gjak monarkist, mund t`i riktheje dinjitetin shkodraneve. Prandaj mbetet ne vullnetin e tyre per ta votuar e kurorezuar zotin Dibra ne kete post jetik per Shkoder-locen.



Kush eshte Gezim Dibra


Gjithcka per Prof.Dr. Gezim Dibra, kandidat i PLL per kryebashkiak ne Shkoder

Legalistet me se fundi kane bere te ditur kandidaturen e tyre per zgjedhjet lokale te 12 tetorit te ketij viti. Prof. Dr. Gezim Dibra, Dekan i Fakultetit te Shkencave ne Universitetin "Luigj Gurakuqi" te Shkodres, me te drejte eshte konsideruar edhe surpriza tjeter legaliste e ketyre zgjedhjeve, pas kandidimit te publicistit dhe politologut te njohur Robert Papa ne garen per bashkine e kryeqytetit. Duke marre ne konsiderate faktin e te qenit nje nga perfaqesuesit me eminente te elites intelektuale e akademike dhe qytetarise shkodrane, kandidimi z. Gezim Dibra u prit me entuziazem nga qytetaret shkodrane, te cilet e percaktuan kete perfaqesues te shkelqyer te shoqerise civile si nje kandidature befasuese e tejet te fuqishme, qe do te gezoje padyshim mbeshtetjen e nje pjese te qytetit metropolitan te kultures, qyteterimit shqiptar dhe demokracise.
Partia "Levizja Legalitetit", ka bere te marten edhe prezantimin zyrtar te pedagogut 50 - vjecar Gezim Dibra, i cili e nisi tashme beteje-sfiden elektorale per postin e kryeqytetarit te Shkodres. Kryelegalisti shkodran, z.Enis Dizdari dhe nenkryetari i PLL-se, z.Murat Basha, kane paraqitur me kenaqesi dhe krenari te ligjshme kandidaturen e tyre te spikatur, duke deklaruar me solemnitet: "Me kandidaturen e perzgjedhur prej legalisteve shkodrane, mendoj se kemi gjetur njeriun e duhur, per te cilin Shkodra dhe shkodranet kane shume nevoje." "Emri i z.Gezim Dibra, eshte emer i dashur dhe i shumeperfolur ne shume shtepi shkodrane, femijet e te cileve kane patur nderin dhe privilegjin te pergatiten dhe edukohen ne bangat e shkolles profesionale nga pedagogu dhe mesimdhenesi i talentuar Gezim Dibra. Z.Dibra vjen ne kete fushate si intelektuali i emancipuar qe ka patur gjithmone moton "puno dhe jeto me qytetin dhe per qytetin", - ka thene nder te tjera ne adrese te z.Dibra kryelegalisti shkodran Enis Dizdari, gjate prezantimit zyrtar te kandidatures se z.Gezim Dibra. Ndersa gjate prezantimit te shkurter te disa nga prioritetet kryesore te programit elektoral te z.Dibra, kreu i legalisteve shkodrane eshte shprehur se "... z.Dibra do te zhvilloje e ndertoje rruget per t'i thene ndal shkaterrimit moral dhe estetik te qytetit tone, do te punoje per te gjetur promotorin e vertete te zhvillimit te Shkodres, duke i dhene asaj pamjen dhe kulturen e nje qyteti te vertete evropian." "Kandidatura e z.Dibra eshte nje obligim qytetar....", tha nder te tjera z.Dizdari. Nderkohe, nga ana e tij, z.Dibra, i cili vjen ne kete gare elektorale nga shoqeria civile, ka theksuar se ndjehet "komod ne kete kandidim te legalisteve shkodrane." "... duhet te falenderoj para se gjithash PLL per besimin qe pati tek une. Ndjehem komod se edhe vete PLL eshte nje parti qe perfaqeson spektrin e djathte te Shkodres. Perzgjedhja e kandidatures dhe emrit tim nga PLL, eshte ne logjiken e cdo qytetari dhe intelektuali shkodran dhe une megjithese bej pjese nder intelektualet e paangazhuar drejtpersedrejti ne politike, vendosa te perfaqesoj nje subjekt politik me tradita te medha atdhetare dhe te perfshihem seriozisht ne kete fushate elektorale".
Ne strategjine e tij per qeverisjen e qytetit te Shkodres ne rast fitoreje, z.Dibra konsideron si mase kryesore bashkepunimin me qarqet akademike dhe intelektuale ne pergjithesi, dhe ne vecanti me Universitetin "Luigj Gurakuqi" dhe Dhomen e Tregtise se rrethit. Z.Gezim Dibra ka mbaruar Universitetin Filologjik ne Tirane per Histori-Gjeografi dhe me pas per Psikologji-Pedagogji. Ka kryer disa kualifikime pasuniversitare ne Itali, France, Angli, Danimarke dhe Belgjike dhe eshte autor i kater teksteve te disiplinave perkatese.
Kjo kandidature ka ngjizur bashkepunimin dhe mbeshtetjen e te gjitha forcave te vogla te se Djathtes shkodrane, me ne krye legalistet. Pritet qe 12 tetori thjesht te jete nje formalitet ne kurorezimin e z.Dibra si kryebashkiak i qytetit 2500 vjecar te Shkodres, kesaj kryeqendre administrative dhe metropolit te qyteterimit tone antik, ku paten rezidencen dhe lane vulen e madheshtise figurat dhe dinastite me te ndritura te qyteterimit dhe races sone. Dhe z.Dibra do te jete padyshim nje pasardhes i denje ne vlerat qyteteruese dhe qeverimin e kryeqendres se shqiptarizmes.



Jeteshkrim i kandidatit per kryebashkiak te PLL-Shkoder, z. Gezim Dibra

EMRI MBIEMRI: Gezim Dibra
DATELINDJA: 02.08.1953
VENDLINDJA: Shkoder
GJENDJA CIVILE: Martuar, me dy femije
ARSIMI: 1972-mbaruar shkollen e mesme; 1976-diplomuar ne U.T. ne degen Histori-Gjeografi; 1986-diplomuar ne U.T. per Psikologji-Pedagogji; 1996-Kualifikuar per mesimdhenie ne Universitetin "Pace" New York
PUNESIMI: 1976-1979-mesues Dukagjin Shkoder; 1979-1986-drejtues shkolle ne Mnele, Mjede; 1986-1989-mesues, shkolla Pedagogjike Shkoder; 1989-2003-Universiteti i Shkodres
KUALIFIKIMI: kualifikuar ne Greqi, Itali, Danimarke, Angli, Belgjike; 1997-Fituar grade shkencore "Doktor i Shkencave Psikologjike"; 2001-Fituar titull "Profesor i Asociuar"
GJUHA E HUAJ: Anglisht, italisht
BOTIMET: Autor dhe bashkeautor i librave: Pedagogjia, Psikologjia Sociale, Metodat e Mesimdhenies, Puna me femijet me aftesi te kufizuara.

___________

17 gusht 2003, Nr.31(546)

___________

Editorial

Të djathtën e përçan arroganca e të mëdhenjve

Nga Robert Papa

Disa fletushka dhe altoparlante të konsumuar, po orvaten të fajësojnë partitë e vogla se "... po përçajnë të Djathtën." Kjo duket sa paradoksale aq edhe alogjike.

Kur të vegjëlit marrin kaq forcë, sa të akuzohen se po "përçajnë", atëhere udhëheqësit e lavdishëm duhet të ulen dhe t'u hapin rrugë.

Çdo shqiptar që e kupton se logjika nuk rrjedh nga klishetë e atyre që i shërbenin diktaturës, e tash i servilosen atyre që lëshojnë lëmosha majtas apo djathtas, e di mirë se Kodin Zgjedhor e përpunuan dhe aprovuan, me arrogancë, arrogantët e PD dhe PS.

Zgjedhjet me një tur dëmtojnë të Djathtën, por, nëse do të ishin me dy ture, e Djathta do të merrte më shume se 60 % të bashkive.

Nëse Pollo e Shehi u ulën të dialogonin me PD-në, kjo nuk parakuptonte përçarje, por nëse disa pëlqyen rolin e arrogancës politike, kjo nuk e hedh fajin nga të vegjëlit.

Berisha e ka provuar dhe e ka kuptuar se i vetëm nuk ka as mbështetje ndërkombëtare dhe as mundësi matematike të shkojë 51%.

Nëse e Djathta shqiptare u përça në vitet 90-të, kjo erdhi se PD-ja nuk ndihmoi dikur as Legalitetin, as Ballin apo Godon, por ngaqë i dhuroi 8 deputetë Gjinushit, i cili më vonë do të bëhej po aq i majtë sa edhe zoti Nano.

Ka disa bashki të mëdha që PD-ja nuk i fiton dot me këtë skemë me një tur, por nëse ajo do të tërhiqte disa kandidatë, fitorja potencialisht do t'i shkonte së Djathtës.

Nëse në Tiranë, egoja e të madhit nuk e pranon tërheqjen, edhe pse rrezikon humbjen, duket absurde pse ngulin këmbë në Durrës apo Kavajë.

Këto zgjedhje janë testimi, se ku janë të përjetshmit e politikës, që kujtojnë se janë të mëdhenj, por edhe partitë e vogla, e që mund të rriten shumë, dhe mbase kjo sjell një dukuri te re kundër konsumimit të PD dhe PS.

Rotacioni politik fton PS-në të dorëzojë pushtetin, por kjo nuk do të thotë se automatikisht do të fitojë PD-ja, por me garë mund të fitojë edhe Pollo, Shehi dhe natyrisht ajo që ka kohë që ështe forca e tretë, Legaliteti.

Personalisht, jam në garë të respektoj teorinë e rotacionit dhe të ofroj diçka ndryshe. Nëse përfiton PS-ja, vetëm sepse arroganca nga krahu ynë nuk hap rrugë, kjo nuk na fajëson ne, por ata që kujtojnë se karrikja është e përjetshme.

PD-ja i caktoi kandidatët nga qendra, dhe mesa duket humbjen do t'ia faturojë bazës.

E Majta ka kapitulluar, por akoma arroganca e së Djathtës së konsumuar s'e ka kuptuar. Më mirë vonë se kurrë, por për të vegjëlit është "o sot, o kurrë!"

Politike

PLL denoncon sulmet e paprincipta ndaj PLL, të gazetave pranë PD-së

Basha - Berishës: Vëru fre lakejve të byrosë politike!

"Komitarët që kanë ndërruar lëkurën si gjarpëri, s'mund ta kenë seriozisht mbrojtjen e alternativave të së Djathtës"

Nënkryetari i PLL, z.Murat Basha, ka denoncuar, përmes një konferencë shtypi, sulmet e njëpasnjëshme e të përditshme që po i bën PLL-së shtypi pranë PD-së.

Basha është shprehur për gazetarët se "nëse kjo fushatë nuk merr fund, atëherë edhe ne do të reagojmë në mënyrën më të ashpër". Ai tha se ne nuk mund të pranojmë të na marrin në analizë ish anëtarë të Komitetit Qendror dhe të agjit-propit të PPSH, apo njerëz që kanë ndërruar nga shtatë herë pozicionet e tyre.

Më tej Basha u shpreh se Komitarët që kanë ndërruar lëkurën si gjarpëri, s'mund ta kenë seriozisht mbrojtjen e alternativave të së Djathtës.

Duke u përqëndruar në disa prej gazetave pranë PD-së, si Tema e "55", por edhe "RD", Basha citoi pjesë artikujsh që akuzonin PLL për gjoja sabotatore të interesave të së Djathtës.

Drejtuesi i PLL tha se "ne kemi qenë gjithmonë për një bashkim të së Djathtës, dhe këtë e kemi treguar konkretisht e jo me fjalë." Ai tha se "në momentet më të vështira të PD-së, PLL i ka qendruar pranë pa u lëkundur, e jo si disa parti të tjera që tashmë gjenden nën sqetullat e PD-së, por që dikur kanë marrë edhe armët kundër saj.

Basha shpjegoi shkurt dështimin e bisedimeve me PD-në, pasi, - siç tha ai - ajo çka kërkonte PD-ja nuk ishte një marrëveshje dinjitoze për ne, prandaj nuk mund ta pranonim, dhe kjo solli konkurrimin tonë më vete, në gjithë vendin.

Kjo është demokracia - tha Basha - konkurrenca dinjitoze para votuesve dhe që tregon realisht forcën dhe mbështetjen që ka çdo parti politike.

Ai përmendi një shprehje të Çurçillit, që thoshte se "Demokracia është sistemi më i mirë i qeverisjes, por njëkohësisht më i vështiri për t'u administruar".

Në këtë konferencë shtypi, z.Basha preku edhe problemet akute të mungesës së rendit dhe nevojave minimale për ujë të pijshëm e energji elektrike. Ai konsideroi si zgjidhje të problemit të rendit, rikthimin e dënimit me vdekje "me konsensusin e BE-së, sipas modelit të SHBA-ve!"

N.Kolgjini

PLL: Kundërshtarët tanë janë të majtët

Deklaratë për mediat e PLL

Partia Lëvizja e Legalitetit është plotësisht e angazhuar për t'u përfaqësuar sa më denjësisht dhe për të arritur rezultate sa më të larta në zgjedhjet e 12 tetorit për pushtetin vendor. Për këtë arsye, të gjitha strukturat drejtuese të PLL janë të shpërndara në të katër anët e vendit.

Duhet të jetë kjo arsyeja apo edhe diçka tjetër, që ka ndezur mllefin e PD-së ose disa puthadorëve të saj, të cilët në momentet e vështira i largohen PD-së, ndërsa në momentet kur ndjejnë erën e pushtetit, me zellin e lakeut vrapojnë rreth saj dhe mundohen t'i shërbejnë me çdo lloj forme, duke fyer të tjerët.

Nuk është në nderin e PD-së, që ish-anëtarët e Komitetit Qendror të PPSH-së të marrin penën dhe të shkruajnë në gazetat e varura nga PD-ja kundër PLL, e cila ka qenë aleate korrekte në situatat më të vështira për PD-në më 1997 dhe më 1998.

Nëse atavizmat urrejtjes klasore konvertohen në sulme agresive dhe përlotje për gjoja dëmtimin e interesave të së Djathtës nga ish ekstremistë majtistë, kjo është dëshmi e mjerimit të padronëve të lakejve që lehin vrimave të gardheve. Ne i kërkojmë PD-së që të ndalojë sulmet karshi PLL-së, në të kundërt reagimi ynë do të jetë i ashpër dhe me të njejtën monedhë.

PLL është thellësisht e shqetësuar për situatën e rëndë me të cilën po përballen shqiptarët. PLL paralajmëron të gjithë qytetarët shqiptarë se kriza ekonomike që është shfaqur në horizont, pas zgjedhjeve të tetorit, do të shpërthejë në mënyrën më te ashpër, duke keqësuar së tepërmi jetën e shqiptarëve.

Krimi po merr përmasa të jashtëzakonshme, duke vënë në shënjestër njerëzit me uniformë.

Ne nuk mendojmë se zgjidhja e problemit të kriminalitetit është rikthimi i dënimeve kolektive, siç është internimi. Ne mendojmë se zgjidhja më efikase do të ishte vendosja e dënimit me vdekje, duke kërkuar konsensusin e BE-së dhe duke imituar SHBA-të.

Tiranë më 16.08.2003

KONFERENCE SHTYPI E KRYETARIT TE PLL SPAHIU

Legalistët nuk dëshirojnë polemika boshe me institucionet. Ata kërkojnë të drejtat legjitime pas zgjidhjeve ligjore

PLL kërkon komisionerët, konform ligjit

Spahiu: Stabiliteti i Kosovës dhe i rajonit, rrezikohen

Ditën e martë, më datë 12 gusht 2003, në zyrën e grupit parlamentar legalist, në Selinë e Kryesisë së Kuvendit, kryetari i PLL, z.Ekrem Spahiu, dha një konferencë për shtyp.

Në prononcimin e tij për mediat e shumta të pranishme, kryelegalisti sqaroi edhe një herë thelbin e ankesës së PLL për vonesën e përzgjedhjes së gjyqtarëve anëtarë të Kolegjit Zgjedhor të Gjykatës së Apelit të Tiranës, pas dekretimit të vonuar nga presidenti Moisiu, kolegj i cili ligjërisht është i detyruar të shqyrtojë ankimimin e PLL lidhur me vendimin e padrejtë të KQZ. Ky vendim i cilësuar "i padrejtë", i heq të drejtën PLL të përfaqësohet me komisionerë në komisionet zgjedhore të nivelit të dytë dhe të tretë, gjatë zgjedhjeve të 12 tetorit për pushtetin vendor.

Pa dashur të polemizojë për këtë problem krucial për interesat e PLL, kryelegalisti ripërsëriti argumentat mbi pathemeltësinë e reagimit të Këshillit të Lartë të Drejtësisë ndaj ngritjes së këtij shqetësimi të ligjshëm në mediat nga PLL.

Z.Spahiu bëri me këtë rast edhe një herë të qartë se, PLL kërkon veçse respektimin e afateve ligjore në ngritjen e Kolegjit Zgjedhor, për të mundësuar shqyrtimin në kohë të ankimimit të PLL, me qëllim që asnjë vonesë, e qëllimshme ose jo, të mos pengojë shqyrtimin në kohë dhe zgjidhjen e këtij problemi para fillimit të zgjedhjeve dhe në respektim të afateve që parashikon Kodi Zgjedhor për paraqitjen e dokumentacionit të përfaqësisë së komisionerëve legalistë të niveleve të dyta e të treta.

Në këtë prononcim, me tone miqësore dhe konstruktive, z.Spahiu evidetoi indirekt reagimin e panevojshëm dhe emocional të Këshillit të Lartë të Drejtësisë në mbrojtje të askujt dhe të asgjëje, çka dëshmonte një qëndrim servil dhe absurd të një institucioni ndaj kryetarit të tij dhe të shtetit, që, para se të hyjë në polemika boshe dhe të pathemelta me subjekte politike të opozitës, të përkujdeset pikësëpari për respektimin e ligjit, çka do t'i shërbente të gjithëve dhe në radhë të parë frymës së shtensioimit të situatës parazgjedhore e mbarëvajtjes së procesit zgjedhor. Ky shqetësim i PLL ngrihet në një kohë që historia postspluraliste e proceseve zgjedhore të kompromentuara e të kundërshtuara sistematikisht, ka qenë tejet problematike, me pasoja për vendin dhe stabilitetin politik të tij.

Me këtë rast, z.Spahiu lexoi dhe shpërndau deklaratën e mëposhtme:

Deklaratë për mediat

Këshilli i Lartë i Drejtësisë ka reaguar ndaj deklaratës së PLL, në të cilën ky këshill atakohej se po bëhej pengesë për ngritjen e Kolegjit Zgjedhor të Gjykatës së Apelit Tiranë, që do të gjykojë ankimimet e partive politike ndaj KQZ-së.

PLL deklaron sot para jush se nuk ka kurrfarë synimi dhe dëshire të hyjë në polemika me askënd, aq më tepër me KLD që drejtohet nga kreu i shtetit, z.Moisiu, por ne legalistët jemi të detyruar që, me këtë rast, të sqarojmë opinionin mbi të vërtetën e kësaj çështjeje.

Kuvendi i Shqipërisë ka miratuar ligjin nr. 9087 me dt. 19 qershor 2003: "Kodi Zgjedhor".

Presidenti i Republikës së Shqipërisë, z.Alfred Moisiu, e ka shpallur ligjin 9087 me dekretin nr.3868, dt.30 qershor 2003.

Fletorja Zyrtare që përmban Kodin Zgjedhor, ka dalë nga botimi më dt.1 korrik 2003. Neni 183 i Kodit Zgjedhor shprehet: "Ky Kod hyn në fuqi 15 ditë pas botimit në Fletoren Zyrtare" (që do të thotë më dt.16 korrik).

Presidenti ka dekretuar datën e zgjedhjeve për pushtetin vendor: datën 12 tetor 2003.

Deri në këtë moment, gjithçka është në përputhje me ligjet dhe afatet e përcaktuara.

Neni 163, pika 3 e Kodit Zgjedhor, thotë në mënyrë taksative se "Shorti për përzgjedhjen e tetë gjyqtarëve të Kolegjit Zgjedhor të Gjykatës së Apelit Tiranë, hidhet jo më vonë se 5 (pesë) ditë pas dekretimit të datës së zgjedhjeve" (Pra i takon që kjo procedurë të ishte mbyllur më datë 22 korrik).

Sot jemi më datë 12 gusht dhe ende nuk është hedhur shorti për përzgjedhjen e gjyqtarëve, të cilët do të përbëjnë Kolegjin Zgjedhor të Gjykatës së Apelit Tiranë.

PLL është e detyruar të sqarojë opinionin në lidhje me këtë proces, sepse është e prekur drejtpërdrejt prej ecurisë ose bllokimit të tij.

PLL është ankuar ndaj vendimit të KQZ për komisionerët e nivelit të dytë dhe të tretë (KZQV dhe KQV) që i takojnë PLL, por që padrejtësisht ua kanë kaluar një partie tjetër. Gjykata e Apelit Tiranë e ka ngrirë procesin, duke pritur ngritjen e Kolegjit Zgjedhor të kësaj Gjykate, sipas Kodit të ri Zgjedhor.

Si përfundim, ia lemë opinionit të gjykojë në lidhje me sa më sipër, pra nëse ka shkelje të afateve kohore apo jo!

Deklarata e Majkos

Gjithashtu, në përgjigje të interesimit të gazetarëve të mediave të shumta, lidhur me deklaratën e ministrit të Mbrojtjes Pandeli Majko dhe refuzimin e tij për të marrë pjesë në Samitin ballkanik të Sigurisë dhe Stabilitetit që po zhvillohej në Podgoricë, kryetari i PLL u shpreh se "... deklarata e Majkos duhet të interpretohet në disa këndvështrime, sepse ajo evidenton difekte të rënda të politikës sonë të Jashtme dhe mungesën e seriozitetit të qeverisë në këtë drejtim. Kjo deklaratë evidenton gjithashtu mungesën e një strategjie të qartë të qeverisë ndaj Çeshtjes së Kosovës, Çeshtjes sonë kombëtare dhe politikave ndërkombëtarisht të pranuara lidhur me stabilitetin dhe sigurinë e rajonit. Por, pikësëpari, kjo deklaratë e z.Majko, pavarësisht thelbit të drejtë dhe konstruktiv të saj, e shoqëruar më pas edhe me reagimet absurde të titullarëve të dorës së dytë në ministrinë e Jashtme, dëshmon devijimin e diplomacisë tonë nga detyrimet kushtetuese në mbrojtje të interesave kombëtare, dëshmon deformimin e parimeve dhe linjave konkrete në veprimtarinë e shërbimit diplomatik, linja këto të miratuara bashkë me programin e qeverisë në Kuvend.

Mbi të gjitha, këto incidente dhe përplasje midis qëndrimeve të z.Majko dhe atyre të titullarëve të ministrisë së Jashtme, dëshmojnë spontaneitetin dhe voluntarizmin në zbatimin e politikës sonë të Jashtme, politikë e cila është atribut i Parlamentit dhe është e detyrueshme të zbatohet pas miratimit të saj, pa asnjë devijim.

Qëndrimet e kundërta të z.Majko dhe nëpunësve të dorë së dytë në ministrinë e Jashtme, tregojnë se politika zyrtare e qeverisë shqiptare në lidhje me Çeshtjen tonë kombëtare dhe në veçanti për Kosovën, janë të paqarta dhe konfuze.

Këto qëndrime absurde stimulohen edhe për shkak të mungesës së një titullari fuqiplotë në krye të këtij dikasteri, pas dorëheqjes së z.Meta. Dhe, në kushtet e një mungese të tillë në krye të diplomacisë, ato vijnë edhe prej mungesës së tejzgjatur të kryeministrit në Shqipëri, që prej disa javësh.

Pas këtij këndvështrimi, konkluzioni ynë është i qartë dhe i kuptueshëm: nuk kemi akualisht ministër të Jashtëm, pasi i dekretuari nuk u miratua në parlament, e kështu, po për të njejtat arsye, nuk kemi as qeveri dhe as kryeministër të ligjshëm, pasi edhe qeveria nuk është votuar e miratuar.

Pra, në këto kushte, nuk ka sesi të mos ketë rrumpallë në diplomaci dhe në qëndrimet tona të politikës së Jashtme.

Përderisa kushtetueshmërisht dhe ligjërisht na mungojnë kryediplomati, qeveria dhe kryeministri, nuk ka sesi të mos mungojë edhe një linjë e qartë zyrtare për këtë problem.

Z.Majko ka mbajtur një qëndrim të drejtë dhe të argumentuar, të cilin ne legalistët e mbështesim, ndonëse ky qëndrim është emocional.

Ne legalistët e mirëkuptojmë qëndrimin e Majkos në funksion të postit të tij si ministër i Mbrojtjes, sikurse edhe sentimentin e tij individual e patriotik ndaj Çeshtjes së pazgjidhur të Kosovës.

PLL shpreh me këtë rast qëndrimin e saj dhe kërkon që Bashkësia ndërkombëtare të ndërhyjë menjëherë që, në preambulën e kushtetutës së re të Federatës serbo-malazeze, Kosova të mos përfshihet si pjesë e kësaj federate sllave. Kjo sajesë e tipit titist, e së cilës i ka perënduar koha, në kushtet e të Drejtës ndërkombëtarisht të pranuar të popujve për vetvendosje, nuk mund të përfshijë në gjirin e saj një popull josllav, i cili, bashkë me institucionet e tij të ligjshme dhe përfaqësuese, është shprehur për Pavarësi dhe shkëputje.

Dikur Kosova ka qenë pjesë integrale e Republikës Socialiste Fderative të Jugosllavisë, të cilën e shkatërruan vetë popujt sllavë dhe ku, kontribututi i serbo-malazezëve me Sllobon në krye, ka qenë vendimtar. Tani, Kosova nuk ka asnjë detyrim kushtetues për t'u përfshirë në sajesat fantazmë të shovinizmit sllav, sa herë që ato ndryshojnë pas dështimeve, pasi asnjë forum politik përfaqësues i shqiptarëve nuk ka miratuar dhe votuar njohjen e këtyre artificeve shtetërore.

Rekomandimet e përsëritura të faktorëve politikë ndërkombëtarë dhe Rezoluta 1244 e KS të OKB-së, nuk ia njohin dhe, rrjedhimisht, nuk ia japin këtë të drejtë Serbisë dhe Malit të Zi, sepse Kosova në bazë të saj është protektorat ndërkombëtar dhe aktualisht ndodhet nën administrimin e Kombeve të Bashkuara.

Serbia nuk ka të drejtë të bashkohet, qoftë edhe me vullnetin e serbëve të dy anëve të kufirit, edhe me Republika Srpska-n, e jo me Kosovën shqiptare, e cila këtë shkëputje nga vargonjtë e neokolonializmit të shek. XX e pagoi me gjak, masakra dhe genocid të pashembullt.

Bashkësia ndërkombëtare ka bërë shumë investime për Çeshtjen e Kosovës dhe stabilitetin në rajon, dhe për këtë arsye nuk do ta pranojë miratimin e kësaj çmendurie serbo-malazeze, nëpërmjet politikës së vënies para faktit të kryer.

Por PLL është e ndërgjegjshme se, para se t'i kërkojë bashkësisë ndërkombëtare të mbrojë të drejtat e shqiptarëve të Kosovës, duhet të kërkojë që këtë ta bëjnë institucionet e shtetit shqiptar dhe politika shqiptare në tërësi, sepse nuk mund të kërkojmë që të drejtat tona kombëtare t'i mbrojnë të tjerët, kur nuk i mbrojmë vetë ato.

Si anëtar i Komisionit të Politikës së Jashtme, me tagrin e deputetit dhe njëkohësisht të kryetarit të një partie parlamentare, i kërkoj shtetit amë-shqiptar që, në respektim të detyrimeve kushtetuese dhe të ndjesive tona kombëtare, shteti ynë të veprojë sa më parë dhe pa ngurrim për të sensibilizuar opinionin publik dhe qarqet politike e diplomatike ndërkombëtare, që të ndërhyjnë sa më parë në dobi të Stabilitetit në Kosovë dhe në Rajon. Në këtë kontekst, PLL vlerëson qëndrimin e drejtë të z.Majko, kurajon dhe vendosmërinë e tij për të thyer tabutë e PS dhe qeverisë së saj, pjesë e së cilës është.

Nisur nga ky këndvështrim, PLL i kërkon z.Majko që të iniciojë brenda PS një përpjekje publike për jetësimin e koncepteve të tij për Çeshtjen tonë kombëtare dhe qëndrimin ndaj Kosovës. Ky aksion politik për të sjellë ndryshimet e duhura programore, do të ishte mundësia e vetme për ta futur këtë parti në hullinë e kërkimit të zgjidhjeve politike, përndryshe qëndrimi i Majkos do të mbetesh i veçuar dhe nuk do të mund të shmangte akuzat ndaj partisë së tij për tradhëti ndaj Çeshtjes sonë kombëtare, tradhëti në të cilën ajo vlerësohet si kontributorja kryesore e politikës shqiptare", e mbylli prononcimin e tij z.Spahiu.

A.K.

Fushata Zgjedhore

Krutanët mirëpresin kandidimin e pinjollit të Familjes Kupi, juristit Ramazan Kupi

Rikthimi "Kupi" në Krujën e Skënderbeut

Nipi i Gjeneral Abaz Kupit, në përmbushje të amanetit të të parëve

Ditën e premte, në orën 18.30, në sallën e tejmbushur të bashkisë së Krujës së legjendarëve "Skënderbej" dhe Abaz Kupi, krutanët asistuan në prezantimin e bujshëm të kandidatit legalist për bashkinë e qytetit të lavdisë shqiptare, nipit të Gjeneral Kupit, juristit Ramazan Kupi.

Në podiumin e nderit, legalistët krutanë, me këtë rast, ftuan: kryelegalistin Spahiu, të birin e heroit legjendar të Krujës dhe Legalitetit, z.Fatbardh Kupi, nënkryetarin legalist Murat Basha, kandidatin legalist për kryeqytetin, z.Robert Papa, pinjollin e shquar të Familjes Kupi dhe njëkohësisht fituesin e padiskutueshëm të bashkisë së kryeqendrës së dikurshme të Arbërit, z.Ramazan Kupi, si dhe kryetarin e Degës së PLL Krujë, pinjollin e Familjes Kaloshi, z.Enver Kaloshi.

Fjalën e hapjes së këtij takimi të prezantimit të sfidantit fitues të bashkisë së Krujës, e mbajti z.Enver Kaloshi, i cili shkurtimisht tha: "Të nderuar vëllezër krutanë! Kam nderin e madh të prezantoj sot para jush, në emër të Degës së PLL Krujë, djalin, vëllain dhe mikun tuaj të shtrenjtë, birin e Familjes Kupi, juristin Ramazan Kupi.

Ai lindi në vitin 1956 dhe pa kaluar as një vit, u internua me gjithë familje. I privuar nga fëminia dhe të gjitha kënaqësitë e moshës e të jetës, atij i hoqën me dhunë edhe të drejtën e arsimimit në Liceun Artistik të Tiranës. Kështu u detyrua të mbarojë shkollën e mesme pa shkëputje nga puna e rëndë e krahut.

Ëndrrën e bukur për shkollë dhe dituri, z.Kupi arriti ta përmbushë vetëm gjatë viteve të demokracisë, ngaqë në vitin 1997 u diplomua si jurist, profesion të cilin e ushtron edhe sot, e pas të cilit është i apasionuar. Me fitoren e tij dhe tuajën, ai do të dijë të ngjizë njeriun e lirë, administratorin e talentuar, atdhetarin dhe intelektualin e përkushtuar për ju dhe Krujën. Ju ftoj ta mbështesim atë dha ta votojmë."

Pas z.Kaloshi, fjalën e mori nënkryetari i PLL z.Murat Basha, i cili ndër të tjera tha: "Të dashur miq! Është nder dhe privilegj për mua që të jem sot këtu, para jush, krutanëve të nderuar, që keni një të kaluar të lavdishme, që nga Skënderbeu e deri tek themeluesit e Legalitetit, Ahmet Zogu dhe Abaz Kupi.

Ne sot ndjehemi krenarë që ju prezantojmë si kandidat për kryebashkiak z.Ramazan Kupi, vëllanë tuaj, që është një nga bijtë më të mirë të këtij qyteti dhe pinjoll i Familjes zulmëmadhe Kupi.

Z.Kupi i kaloi me meritë të gjitha procedurat transparente të kandidimit, duke marrë numrin më të lartë të votave në krahasim me kandidatët e tjerë, pas votimit në Komitetin Drejtues të Degës suaj. Z.Kaloshi i evidentoi saktë dhe qartë vlerat familjare dhe personale të z.Kupi. Mendoj se kemi gjetur një figurë kualitative dhe të nderuar, që, falë punës tuaj dhe tonës, do të arrijë të fitojë dhe, paskëtaj, të qeverisë me efiçiencë bashkinë e qytetit tuaj të bukur. Urime z.Kupi dhe suksese për të gjithë ju." - e mbylli fjalën e tij z.Basha.

Më pas e mori fjalën ish i burgosuri i ndërgjegjes, martiri i burgjeve komuniste, i biri i luftëtarit të madh, z.Fatbardh Kupi. "E kam për nder dhe krenari që të jem sot përsëri para jush, të dashur dhe të nderuar bashkëqytetarë. Mendoj se nuk do të kemi më rast më të mirë se ky për të treguar veten. Ju bëj thirrje që, si legalistë, të votoni për birin dhe vëllain tuaj, birin e denjë të Familjes Kupi. Mendoj se ju e keni për detyrë të votoni për kandidatin tuaj dhe tonin, sepse ju, me këtë rast, do të votoni edhe për të parët e mi, për Abaz Kupin, të cilit të gjithë i kemi një borxh të madh. Le t'ia lajmë duke votuar për z.Kupi.", e mbylli fjalën e tij z.Bardh Kupi.

Pas fjalës së z.Kupi, fjalën e mori kandidati për bashkinë e kryeqytetit, publicisti dhe politologu i shquar, z.Robert Papa, i cili në fjalën tij të shkurtër, ndër të tjera, tha: "Ndonëse është hera e parë për mua që marr pjesë në takime të tilla përfaqësuese, ndihem shumë krenar t'u prezantoj kolegun tim të nderuar dhe djalin tuaj, z.Ramazan Kupi. Unë jam i bindur se ju do të votoni për të, duke votuar kështu për të ardhmen tuaj dhe të ardhmen tonë të përbashkët. Ka ardhur koha që Kruja dhe krutanët të gjejnë veten dhe të shkëputen nga mënxyra që përjetojnë sot nën neokomunizëm. Unë jam i bindur se ju do ta kaloni me sukses këtë sprovë të vështirë.

E ardhmja është e juaj,a është e së Djathtës, era e së cilës po ndihet fort. Unë kam besim tek era e lirisë, pasi vij nga vendi i lirisë dhe demokracisë së vërtetë, nga SHBA, ku kam patur nderin të njihem me familjarët dhe të afërmit e z.Kupi, të cilët i shoh edhe këtu në këtë sallë tek kanë ardhur të asistojnë në takimin tuaj, duke sjellë me vete edhe erën e lirisë. Ju bëj thirrje edhe njëherë: Votoni për z.Kupi, se kështu do të votoni për të ardhmen tuaj", - e mbylli fjalën e tij z.Papa.

Pas tij e mori fjalën kandidati fitues, z.Kupi, i cili në fjalën e tij plot ndjenjë për bashkëqytetarët dhe me mendime të thella për atë që do të bëjë bashkë me ta dhe për ta, tha:

Fjala e kandidatit legalist, z.Ramazan Kupi

Të nderuar bashkëqytetarë, pjesëmarrës në këtë takim!

Në këtë moment solemn për ju dhe për mua, dëshiroj të falenderoj Komitetin Drejtues të Degës së PLL Krujë, që më votoi kandidat për kryetar bashkie të qytetit tonë të bukur, Krujës. Njëherësh dëshiroj të falenderoj edhe përfaqësuesit më të lartë të PLL, që më nderojnë duke marrë pjesë në këtë prezantim.

Unë mendoj se vendimi i PLL për të dalë e vetme në zgjedhjet për pushtetin vendor, më 12 tetor, është një vendim me rëndësi historike për shumë arsye. Parë në këtë këndvështrim, unë, ju, por edhe Dega e PLL Krujë, kemi marrë mbi supe një përgjegjësi historike, ndaj duhet të lëmë mënjanë emocionet e euforinë dhe t'i përvishemi punës për të përcjellë në çdo familje krutane platformën tonë për zhvillimin e Krujës.

Në të vërtetë neve do të na duhet të bëjmë gjithçka për Krujën, pasi ajo ka humbur pothuajse fizionominë e vet, duke u shndërruar në një vend të shkretuar.

Do të na duhet të ringjallim infrastrukturën, të rikthejmë traditën dhe gjallërinë e qytetit, të hapim vende pune, sidomos duke zhvilluar artizanatin e shërbimet, të ruajmë, zhvillojmë e të bëjmë atraktive pikat turistike, vendet dhe monumentet historike e natyrore të qytetit tonë.

Kruja është simbol i Kombit. Asnjë vizitor i huaj nuk mund ta lërë Shqipërinë pa parë Krujën, çka do të thotë se, Krujës, më shumë se çdo qyteti tjetër, i duhet dhënë fytyrë evropiane. Kjo arsye është e mjaftueshme për të ushtruar trysni ndaj çdo qeverie të majtë apo të djathtë, që ato t'i kushtojnë vëmendjen e duhur qytetit tonë.

Për t'ia dalë me sukses administrimit efiçient të bashkisë së Krujës, duhen ndërgjegjësuar intelektualët krutanë, që të vënë në dispozicion të qytetit të tyre potencialet e tyre në të gjitha fushat, për hartimin e projekteve të zhvillimit, për t'ia paraqitur qoftë qeverisë, qoftë donatorëve të huaj, qoftë qyteteve të huaja me të cilat do të binjakëzohemi, ashtu edhe diasporës legaliste, të cilën unë e konsideroj një rezervë të fuqishme.

Unë ndjej dhe kuptoj se qyteti ka nevojë për një kohëzim social të të gjitha shtresave shoqërore.

Dasitë dhe përçarjet veçse e pengojnë dhe e ndalojnë zhvillimin, ndaj unë ju siguroj se do të jem kryebashkiaku i të gjithëve, duke qenë i bindur dhe krenar se do të vazhdoj në rrjedhën dhe traditën e të parëve të mi: Abaz Kupit e Ibrahim Kupit, të cilët bashkë me krutanët kanë mbrojtur dhe nxjerrë faqebardhë jo vetëm Krujën por edhe të gjithë kombin.

Të nderuar pjesëmarrës!

Në këtë ligjëratë unë nuk kam si qëllim që të zbërthej në detaje platformën time, pasi atë do ta promovoj në çdo lagje e skutë të qytetit, me njerëz të të gjithë brezave, të të gjitha shtresave, për të prekur disa pika themelore për ardhshmërinë e qytetit tonë.

Edhe njëherë dua të theksoj besimin e madh që kam tek legalistët krutanë, sipatizantët dhe qytetarët e përgjegjshëm të qytetit tonë, se me përkrahjen e tyre do t'ia dalim të konkurojmë denjësisht dhe të fitojmë.

Ne do t'i risjellim krenarinë qytetit tonë, do të dijmë të jemi në lartësinë e kohës dhe të detyrës. Ne do të dijmë të vlerësojmë si duhet praninë e Naltmadhnisë së Tij, Mbretit Leka I dhe Familjes Mbretërore, duke u treguar Atyre se Kruja shkon në rrugën dhe traditën e të parëve tanë, e heronjve tanë dhe të të gjithë Kombit.

Ju faleminderit.

Më në fund, mes duartrokitjeve e mori fjalën kryetari i PLL z.Ekrem Spahiu, i cili tha: "Të nderuar legalistë, mbretërorë, anëtarë dhe simtizantë të PLL dhe qytetarë krutanë. Ju falenderoj në emër të PLL për pjesëmarrjen tuaj në këtë takim të mrekullueshëm të prezantimit të vëllait tuaj, intelektualit dinjitoz dhe njërit nga legalistët më të spikatur të PLL, z.Ramazan Kupi.

Kandidaturën e z.Kupi ne e konsiderojmë si përzgjedhje të veçantë, realizuar nëpërmjet procedurave transparente dhe në mënyrën më demokratike, pas votimit të fshehtë.

Ne vijmë të prezantojmë z.Kupi në bastionin e Legalitetit, me bindje se ju kemi dhënë kandidaturën më të mirë tuajën. Pra ne kemi kandidaturën më të spikatur dhe të mundshme plotësisht për të fituar në raport me kandidaturat rivale.

Z.Kupi rrjedh nga Familja e shquar e legjendarit Abaz Kupi, i cili rithemeloi Partinë e Legalitetit.

PLL është partia e vetme që ka të mishëruar në historinë e saj të lavdishme historinë e Shqipërisë, me të cilën është lidhur përjetësisht. PLL është partia më e panjollë e shqiptarëve, e cila nuk bashkëpunoi as me fashizmin, as me nazizmin, as me komunizmin dhe as me neokomunizmin. PLL bashkëpunoi me PD për të shembur komunizmin pas vendosjes së pluralizmit. Dhe kjo sepse legalistët shqiptarë nuk mund të kishin që në 90'-tën partinë e tyre, pasi krimineli Alia dhe platforma e Katovicës nuk mund të lejonin legalizimin e Legalitetit dhe të Ballit Kombëtar, dy partitë më të vjetra, më antikomuniste dhe shtylla të shqiptarizmës. PLL edhe në emigracion ndoqi rrugën e Ahmet Zogut dhe Abaz Kupit. Edhe para togës komuniste të pushkatimit, legalistët thërrisnin: Rroftë Mbreti, rroftë Shqipëria Etnike.

Ne pretendojmë të fitojmë në Krujë, pasi z.Kupi përfaqëson alternativën mbretërore, të realizuar me sukses të plotë gjatë periudhës së lavdishme të mbretërimit të Mbretit Zog I, 1928-1939.

Ne legalistët premtojmë të bëjmë atë që bëri Mbreti Zog I.

Gjatë viteve 94-95, konstitucionalistët që vinin nga jashtë për të asistuar në hartimin e kushtetutës, që nuk u hartua kurrë gjatë periudhës së qeverisjes së Partisë Demokratike, habiteshin me këmbënguljen e konstitucionalistëve tanë për të hartuar një kushtetutë gjoja demokratike. Ata u thonin tanëve se nuk kishte kuptim të kërkonim modele të tjera, kur kishim modelin shqiptar të kushtetutës së Mbretit Zog I, që ishte dhe mbetet ndër më të mirat në botë, po kush i dëgjonte, sepse populli thotë: "Ia the po kujt ia the!".

Në kohën e Mbretit Zog I, shqiptarët kishin pasaportën e tyre të çmuar, me të cilën bridhnin gjithë botën, pa i ndaluar askush, madje duke i nderuar. Kjo pasaportë ishte asokohe e njëvlefshme me pasaportat diplomatike të politikanëve dhe pushtetarëve të sotëm. Ne në atë kohë kishim monedhën më të konvertueshme në botë, që ishin napoloni, franga e arit dhe napoloni letër. Në atë kohë, rendi dhe qetësia ishin të përkryera.

Në kohën e Mbretërisë kishim kadastrat dhe hipotekat më të mira në botë dhe sistemi ynë i regjistrimit të pasurive të tundshme e të patundshme të shtetasve, ishte ndër më të përparuarit e kohës. Po kështu, edhe dokumentacionet e administratës shtetërore, që edhe sot janë të pakonkurueshme për nga saktësia dhe qartësia logjike e përmbajtja ligjore.

Ne kishim ligjet dhe rregulloret e urbanistikës moderne, ndër më të përparuarat kohës, që edhe sot shërbejnë si modele të paarritshme.

Mbreti Zog mbretëroi deri më 7 Prill të vitit 1939, sepse murtaja fashiste që shkatërroi qytetërimin mbarëbotëror, shkatërroi edhe ëndrrën e shqiptarëve, shtetin të cilin ata edhe sot e kujtojnë me nostalgji. Por pikërisht më 7 Prill të vitit 1939, mbi fashistët ushtoi pushka e Abaz Kupit dhe e asnjë komunisti, ngaqë ata ishin fshehur vrimave, apo kishin dalë të prisnin pushtuesit me tufa lulesh, sepse Stalini i tyre i kish aleatë.

Sot Shqipëria braktiset çdo ditë nga ajka e rinisë dhe e inteligencies shqiptare, të cilën po e largon mjerimi dhe keq-qeverisja, po e largon politika e dështuar shqiptare e këtij tranzicioni të stërzgjatur, e që po na merr shpirtin. Edhe sot, pas 13 vjetësh, injorohet pronari i legjitim dhe hajdutët bëjnë ligjin mbi pronat e shqiptarëve të ndershëm. Nga studimet e institucioneve më prestigjioze të statistkave, rezulton se mbi 80 % e shqiptarëve jeton nën minimumin jetik, pra nën 150 $ në muaj, ndërkohë që statistika më të sakta e të pranuara edhe nga ish presidenti Meidani, tregojnë se rreth 60 % e shqiptarëve jetojnë me më pak se 1 dollar në ditë. E nuk mjafton ky mjerim, por jemi të dënuar të dëgjojmë demagogjinë e Nanos që thotë se "... të ardhurat vjetore për frymë në Shqipëri, janë rreth 1600 $." Po një vit më parë, vetë Nano deklaronte se kjo shifër vërtitej tej 1100 $. Pra, të ardhurat, sipas kryeministrit socialist, për një vit na qënkan rritur 500 $, ose 45 % më shumë se një vit më parë. Po si ka mundësi të ndodhë një mrekulli e tillë kur vetë Nano deklaron se rritja jonë ekonomike vjetore është 6 %. Atëherë lind pyetja: nga erdhën këto para, kur nuk justifikohen me prodhim?!

Se çfarë e rrit prodhimin tonë të përgjithshëm, kur importojmë edhe presh e domate, këtë vetëm socialistët mund të na e thonë. Populli ngopet me lugë bosh dhe ne hamë me lugën e floririt të enveristëve në pushtet. Ndërkohë, kur bie fjala për mirëqënie, të moshuarit që mbajnë mend kohën e Mbretërisë dhe gjithçka e krahasojnë me atë periudhë, thonë me nostalgji: "Demek si në kohë të Zogut!".

PLL do të triumfojë sepse nuk e themeluan Katovica dhe Ramiz Alia, por e themeloi Ahmet Zogu dhe e rithemeloi legjendari Abaz Kupi, në zjarrin e luftës kundër fashizmit, luftë që e kanë përvetësuar komunistët dhe "veteranët" 50 vjeçarë, që i nxori reforma në pension, ndërkohë që lufta ka 60 vjet që ka mbaruar.

Është e vërtetë që tani është rikthyer përfundimisht në Atdhe Mbreti Leka I, por Ai që kishte pronë çerekun e Shqipërisë, sot banon në shtëpi me qira, ndërkohë që proletarët që u gëlonin morrat në kaptinë, tashmë janë bërë pronarët e pronave të të tjerëve.

PLL ka në program rikthimin e Monarkisë, po këtë ne nuk mund ta bëjmë pa testuar veten tonë dhe pa u peshuar në kandarin e elektoratit. Dhe pikërisht kjo është arsyeja kryesore që ne kemi dalë më vete në këto zgjedhje.

Këto zgjedhje do të dëshmojnë sesa do të jemi të aftë të mbrojmë votën tonë. Ky kod Zgjedhor është Kodi më i keqi që ka patur ndonjëherë Shqipëra. Ai është kod që është bërë enkas nga dy partitë kryesore, PS dhe PD, në favor të tyre. Nëse këto parti do të ishin në pozita të palëkundura në elektorat, nuk kishin përse t'ia jepnin komisionerët vetes. Gjithmonë kur kodet zgjedhore janë lavdëruar, pikërisht atëherë Shqipëria ka bërë zgjedhjet më të këqia dhe më të kontestuara. Por ne legalistët jemi përgatitur të sfidojmë këtë kod zgjedhor. Nëse ne nuk do të jemi në gjendje të ruajmë votat tona, hallal ju qoftë atyre që do të na i vjedhin.

Në këto zgjedhje, PLL futet me figura intelektuale të fuqishme, të cilat kanë gjetur veten tek partia dhe alternativa jonë. Kanidatët tanë do të nxjerrin në votime elektoratin abstenues. Në këtë pikëpamje ne nuk do të marrim elektoratin e askujt, por do të mundësojmë rritjen elektorale të së Djathtës dhe fitoren e saj në parlamentet e njësive vendore, duke e kaluar opozitën në maxhorancë dhe duke e bindur bashkësinë ndërkombëtare se pseudomaxhoranca aktuale e ka humbur dominancën, duke krijuar kështu premisat për zgjedhje të parakohshme vitin e ardhshëm, zgjedhje që do ta sjellin opozitën në pushtet.

Ne jemi të përgatitur për të qeverisur bashkë me partitë aleate të spektrit të djathtë. Kundërshtari ynë politik është PS dhe aleatët e saj të majtë. Ne kërkojmë votën tuaj për të qeverisur dhe jo për të sunduar.

PLL posedon modelin më të shkëlqyer të qeverisjes, modelin më efiçient, që pjell zhvillim dhe rrit mirëqenien e shqiptarëve.

Alternativa jonë është zhvillimi dhe aktivizimi i resurseve materiale dhe njerëzore të vendit. Kur ne të marrim pushtetin, do t'u bëjmë thirrje të rinjve shqiptarë që të mos largohen nga Shqipëria, pasi do të ketë punë për të gjithë.

Atdheu ka nevojë për kontributin e të gjithëve, dhe ne do të krijojmë shanset që të kontribuojnë të gjithë shqiptarët, të cilët nuk do të ndërtojnë më Greqinë dhe Italinë, por atdheun dhe jetën e tyre në trojet e të parëve, e jo më rrugëve të botës.

Ne do t'u rikthejmë dinjitetin shqiptarëve, duke krijuar shtetin ligjor dhe atë të së Drejtës, bazuar mbi drejtësinë shoqërore të mishëruar në ligj. Ne do t'u kthejmë pronarëve pronën e tyre dhe nëse nuk e duan, do t'ua kompensojmë me vlerën e tregut dhe jo me vlerësimet korruptive të arapëve dhe hajdutëve në pushtet.

Ne do të kompensojmë dhe dëmshpërblejmë punën e papaguar të Ish të Përndjekurve dhe Burgosurve politikë, duke qenë të ndërgjegjshëm që nuk do të mund t'u rikthejmë atyre vitet e rinisë dhe jetët e bjerruna nëpër burgjet dhe kampet e diktaturës.

Nëse ju keni bindje se z.Kupi nuk e meriton votën tuaj, mos e votoni atë. Ne duam votën tuaj me bindje dhe jo me mashtrime. Idealistët dhe atdhetarët nuk mashtrojnë popullin e tyre. Partitë konservatore e ndërtojnë programin e tyre mbi burimet materiale dhe njerëzore, mbi vlerat, mundësitë dhe kapacitetet dhe jo mbi propagandën boshe dhe mashtruese, që rrjedh nga koncepte ideologjike, karakteristika këto të partive të majta dhe atyre pseudocentriste. Ne nuk e kërkojmë votën tuaj për të përmirësuar jetën dhe përmbushur ambicjet pushtetore të kandidatëve tanë, por e kërkojmë votën tuaj vetëm për të qeverisur dhe përmirësuar jetën tuaj. Nëse ju krijoni bindje për këtë, na jepni votën, nëse jo, atëherë jepuani atë mashtruesve dhe vazhdoni eksperimentet mbi jetët dhe pasuritë tuaja. Ne do t'u presim me qetësi dhe do t'ua kërkojmë përsëri votën pa ju premtuar lugë të florinjta.

Të djathtët bëjnë ato që premtojnë ndërsa të majtët premtojnë parajsa alla-komiuniste dhe mbjellin mjerimin. Të majtët llapin gjithë ditën duke propaganduar ato që bëjnë, ndërsa ne të djathtët i bëjmë ato që themi.

Nëse Skrapari mbetet përjetësisht bastion i së Majtës, Kruja e Skënderbeut dhe Abaz Kupit duhet të mbetet përjetësisht bastion i së Djathtës, prandaj ne kërkojmë votën dhe besimin tuaj.

Ata që bënë Shqipërinë dhe e mëvetësuan atë, do të dijnë ta ribëjnë.

Ne e bazojmë zhvillimin e vendit tek forcat dhe energjitë e shqiptarëve dhe jo tek ndihmat e aleatëve ideologjikë antishqiptarë. Për ne, mbi gjithçka është populli, Atdheu dhe Kombi, ndërsa për kundërshtarët tanë pushteti është gjithçka, edhe kur ngrihet mbi mjerimin e popullit dhe rrënimin e Atdheut.

Idealet tona janë ato të Rilindjes kombëtare dhe të atyre që shkrinë jetën dhe pasurinë për Shqipërinë. Ne nuk kemi ideal mësimet e Leninit dhe revolucionin si mjet për të marrë pushtetin. Ne nuk shkrijmë Atdheun dhe Kombin për të bërë pasuri.

Ne nuk vijmë nga turmat e babëzitura të mjeranëve që, për atdhe kanë koromanen.

Ne vijmë nga ajka e shqiptarizmës, prandaj i kërkojmë votat tuaja, sepse i meritojmë.

Krujën dhe Shqipërinë do ta bëjnë bijtë e zogollëve dhe kupëve, sepse ata duan dhe dijnë ta bëjnë dhe jo bijtë e atyre që as duan dhe as dijnë ta bëjnë.

Nëse më 12 tetor ju do të na jepni votën që meritojmë, 13 tetori do të jetë dita e agimit të lirisë kundër tiranisë, do të jetë dita e bardhë dhe e përjetshme për Shqipërinë dhe shqiptarët", - e mbylli fjalën e tij z.Spahiu.

Pas fjalës së kryetarit të PLL, e cila u ndërpre disa herë nga duartrokitjet, u vijua me një bashkëbisedim të ngrohtë dhe, së fundi, të pranishmit morën pjesë në një koktejl të shtruar nga Familja Kupi.

A.K.

Për herë të parë PLL konkurron në bashkinë dhe gjithë komunat e Gramshit

Basha: Është shumë e rëndësishme të përfaqësohemi në çdo komunë

Legalistët gramshiotë: Jemi të bindur se kësaj radhe do të kemi përfaqësuesit tanë në pushtetin vendor

Ditën e premte, më datë 15 gusht, nënkryetari i PLL, z.Murat Basha, sekretari i Senatit të Veteranëve të PLL, z.Seit Preni dhe kryetari i Degës së PLL Elbasan, z.Bujar Çala, ishin në një takim pune në qytetin e Gramshit, ku pritës ishin kryetari i Degës së këtij rrethi, z.Edmond Guri, me sekretarin e Degës, z.Hasan Hoda dhe me mjaft anëtarë dhe simpatizantë të tjerë.

Në këtë takim z.Basha u shpreh se për PLL është shumë e rëndësishme që të kemi kandidaturat tona në çdo bashki e komunë të Gramshit. Prandaj, - tha ai, - duhet një punë shumë serioze dhe e përkushtuar që ne t'ia arrijmë këtij hapi të parë, që është mjaft i rëndësishëm për të arritur në një rezultat pozitiv në zgjedhje. Basha shtoi më tej se këto zgjedhje janë një shtysë për rigjallërimin dhe konsolidimin e strukturave të PLL për të ardhmen.

Kryetari i Degës, z.Edmond Guri, tha se "ne po mundohemi seriozisht që të kemi përfaqësuesit tanë në të gjitha bashkitë dhe komunat. Mendojmë se janë mundësitë të fitojmë në komunën Poroçan.

Sekretari i Degës, z.Hasan Hoda, tha se "kemi bërë një punë të mirë në qytetin e Gramshit dhe kësaj radhe besojmë se PLL do të ketë përfaqësuesit e vet në këshillin bashkiak të qytetit.

Sekretari i Senatit z.Seit Preni, i përgëzoi legalistët gramshiotë për punën e kryer në këtë Degë dhe shprehu besimin se, koha, edhe në këtë rreth do të punojë për Legalitetin.

Korresp i "Atdheu"

Legalistët lezhjanë prezantojnë kandidaturën fituese në komunën e Blinishtit

PLL siglon fitoren e Blinishtit

Spahiu: Ju mbështesni PLL, sepse ajo nuk ka mbi shpinë asnjë mëkat ndaj shqiptarëve dhe Shqipërisë

Ditën e shtunë, më datë 9 korrik, në orën 19.00, në komunën e Blinishtit të rrethit të Lezhës, u bë prezantimi i kandidatit të PLL për këtë komunë, z.Viktor Shtjefni.

Interesimi për këtë takim të prezantimit të kandidatit legalist, ishte tejet i madh nga banorët vendas. Dhe kjo për vetë reputacionin e padiskutueshëm që gëzon z.Shtjefni, i cili është ndër intelektualët më në zë të zonës dhe njëkohësisht kryetari aktual i këshillit të komunës Blinisht.

Për të bërë prezantimin e tij para simpatizantëve legalistë, në këtë komunë kishte ardhur personalisht kryetari i PLL, z.Ekrem Spahiu, i shoqëruar edhe nga kryetari lokal i PLL, z.Vasil Muça, kryetari i Nderit dhe një nga veteranët më të njohur të PLL, z.Gjon Përjaku, si dhe nga drejtues të tjerë të Degës së PLL Lezhë.

Takimin e hapi intelektuali Gjergj Frani, i cili është edhe kryetar i shtabit të kandidatit Shtjefni. Z.Frani, në fjalën e tij, ndër të tjera, tha: " Unë kam marrë përsipër të jem kryetar i shtabit elektoral të zotit Shtjefni, sepse e kam patur nxënës dhe ka qenë më i shkëlqyeri në shkollë. Sot e kam koleg, si arsimtar i dalluar në shkollën ku mësoi dhe u edukua. Z.Shtjefni është kryetar i këshillit të komunës tonë të Blinishtit, ku ka dhënë një kontribut të jashtëzakonshëm për mbarëvajtjen e punëve dhe zgjidhjen e problemeve të komunitetit. Z.Shtjefni është një person me integritet të padiskutueshëm politik dhe moral, dhe prandaj ndjej kënaqësi të madhe që nxënësi im ka dalë shumë më i zoti se mësuesi dhe, duke qenë i tillë, zoti Shtjefni është kandidatura më përfaqësuese e komunitetit tonë. Kam besim të plotë se ai do të dijë t'u japë zgjidhje problemeve të akumuluara prej vitesh në këtë komunë, nëse fiton mandatin e popullit."

Më pas fjalin e mori kryelegalisti lezhjan, z.Vasil Muça, i cili, në emër të Komitetit Drejtues të PLL Lezhë, përshëndeti në këtë prezantim triumfal të pranishmit, mysafirët e nderuar dhe banorët e komunës. Z.Muça është përzgjedhur kohët e fundit si kryetar i Degës së PLL Lezhë, në mes të të gjitha kandidaturave të tjera rivale, nëpërmjet një procedure mjaft demokratike dhe transparente.

Veterani i PLL, ish kryelegalisti lezhjan Gjon Përjaku, në fjalën e tij u bëri thirrje të pranishmëve që të votojnë pro kandidaturës së z.Shtjefni, sepse, sipas tij, "... kështu do të votonin për një alternativë ndryshe nga ajo e 12 vjetëve."

Në fjalën e tij, kandidati për kryetar komune, z.Shtjefni, pasi falenderoi drejtuesit e PLL për miratimin unanim të kandidaturës së tij, u përqëndrua kryesisht dhe në linja të përgjithshme rreth platformës që ai do të shpalosë gjatë fushatës zgjedhore, duke qenë në kontakt dhe komunikim të vazhdueshëm me zgjedhësit për të piketuar prioritetet e punës bashkërisht me elektoratin, si dhe për përmbushjen e kërkesave imediate të tij.

Z.Shtjefni u duartrokit shpesh herë gjatë fjalës së tij, çka dëshmonte mirëpritjen e kandidaturës nga zgjedhësit e pranishëm.

Me mjaft interes u prit fjala e kryetarit të PLL, z.Spahiu, i cili fillimisht falenderoi të pranishmit "për pjesëmarrjen dhe interesimin që tregojnë ndaj aktiviteteve të Partisë Lëvizja Legalitetit dhe kandidatëve të saj, në një kohë që politika shqiptare i ka shumë borxhe zgjedhësve." Pastaj, z.Spahiu evidentoi vlerat e kandidatit si intelektual atdhetar, si pasardhës i denjë i Fishtës, këtij patriarku të madh të shqiptarizmës dhe letrave shqipe. "Në vazhdën e këtyre traditave, z.Shtjefni përfaqëson vlerat dhe virtytet më të qenësishme krahinore. Ne dhe të gjithë shqiptarët nacionalistë, krenohemi për këtë vijimësi të kontributit tuaj në përmbushje të amanetit të burrave mendjendritur dhe shqiptarëve të mëdhenj që ka nxjerrë kjo trevë. Z.Shtjefni e mbështet PLL, këtë parti e cila nuk ka asnjë mëkat ndaj shqiptarëve dhe Shqipërisë. Ai ka vite që aderon dhe militon në PLL, sepse kjo parti përfaqëson një alternativë krejt të ndryshme nga ajo çka shqiptarët përjetuan gjatë këtyre viteve postpluraliste. Shqiptarët janë ndërgjegjësuar tashmë dhe e adhurojnë Mbretërinë si sistem efiçient, për atë çka bëri për vendin gjatë viteve 1928-1939. Ata e mbështesin Mbretin Leka I për atë çka ka bërë dhe aspiron të bëjë për Atdheun, ndaj e votuan më 29 qershor të vitit 1997, sikurse kemi besimin se do ta votojnë edhe në Referendumin e ardhshëm, i cili është objektiv politik i padiskutueshëm i PLL dhe për të cilin edhe ju jeni të bindur se do të zhvillohet në një të ardhme jo fort të largët. Shqipëria do të restaurojë Monarkinë dhe do të vendosë në fronin e merituar Mbretin Leka I, jo thjesht për nostalgji dhe sepse duam ne, por sepse, pa Monarki, ky vend që ka nxjerrë mbretër dhe perandorë të lavdishëm, nuk ka të ardhme."

Më poshtë z.Spahiu u ndal në krizën qeveritare që ka mbërthyer maxhorancën dhe evidentoi elementët thelbësorë të saj si; dorëheqja e zv/kryeministrit Meta dhe e ministrit Nako, mosvotimi në Kuvend i qeverisë "Nano 6", dalja në bazën socialiste të Metës e përkrahësve të tij duke krijuar një çarje në PS dhe së fundi për shkak të mungesës së drejtimit dhe vendim-marrjes, si rezultat i zhdukjes enigmatike të kryeministrit.

Më pas z.Spahiu argumentoi edhe arsyen e daljes më vete të PLL, duke sjellë argumenta bindëse për të pranishmit, që e përkrahën këtë vendim. "Argumentimi i këtij veprimi të drejtë ka bërë që edhe zgjedhësit shqiptarë dhe mbarë legalistët ta mirëpresin këtë pozicionim të ri zgjedhor, si një lëvizje të zgjuar politike dhe me efekte të shkëlqyera për ridimensionimin e formatit politiko-elektoral të PLL në spektrin e djathtë dhe mbarë politikën shqiptare", - theksoi z.Spahiu.

Duke e mbyllur fjalën e tij, kryelegalisti theksoi se "... dalja e PLL më vete e ka rritur entuziazmin dhe mbështetjen e atyre shtresave sociale që e gjejnë veten tek PLL dhe qëndrimet konsekuente të saj, çka solli me vete, natyrshëm, edhe një fluks në rritje të potencialeve intelektuale që iu bashkëngjitën alternativës sonë. Ne nuk ju bëmë thirrje që të votoni për kandidatin tonë Shtjefni për të ndryshuar jetën e tij, por ju kërkojmë votën që ai të vihet në shërbimin tuaj, për të ndryshuar e përmirësuar jetën tuaj, sepse ju tashmë jeni të rraskapitur dhe të zhgënjyer."

Pas fjalës së kryetarit të PLL, takimi u shndërrua në një bashkëbisedim të ngrohtë dhe miqësor, që çoi në evidentimin e problemeve që shqetësojnë komunën e Blinishtit.

Të pranishmit mbetën mjaft të kënaqur nga ky bashkëbisedim, dhe shprehën optimizmin për ta mbështetur pa rezerva kandidaturën e z.Shtjefni për kryetar komune, në zgjedhjet e 12 tetorit.

S.PIPA

Takim elektoral i suksesshëm i PLL në Fan të Mirditës

Mirdita: Dr.Gjon Lleshi për Komunën e Fanit

Legalistët mirditorë: "PLL fuqizon shpresat e të djathtës së gënjyer të Mirditës"

Më datën 11 gusht 2003, Dega e PLL Mirditë zhvilloi hapjen e fushatës elektorale me paraqitjen e kandidaturës për kryetar komune në komunën e Fanit. Me emrin dhe reputacionin e mjekut të pasionuar e të kudogjendur, z.Gjon Lleshi, PLL paraqet kandidaturën më të spikatur për kryetar të pushtetit komunal në komunën Fan.

Me pjesëmarrjen e gjerë, të siguruar nga Dega e PLL Mirditë dhe N/dega Fan, u prit edhe kryetari i PLL, z.Ekrem Spahiu, si dhe drejtuesit kryesorë të Degës në rreth.

Në fjalën e tij z.Spahiu bëri të qartë për anëtarët dhe aktivistët e partisë, programin për fushatën zgjedhore. Gjithashtu ai vlerësoi punën e strukturave lokale, duke shprehur besimin se kandidatura e mjekut të talentuar Gjon Lleshi do të jetë kandidatura fituese në zgjedhjet e 12 tetorit.

Në vazhdim, z.Spahiu u ndal në problemet e mëdha dhe shqetësuese që kalon vendi për shkak të keq-qeverisjes që shkaktoi në këto vite maxhoranca e majtë si dhe apatisë e pamundësisë së lidershipit të PD për të bërë një opozitë serioze.

Sipas z.Spahiu, tre ishin shtyllat ku bazohej programi i PLL:

Së pari - ajo për formën e regjimit; së dyti - problemi i pronave dhe së treti - mbështetja e shtresës së Ish të Persekutuarve.

E veçanta e punës së kësaj nëndege që u theksua gjatë këtij takimi, ishte se rreth 40 anëtarë e drejtues të strukturave të PD në grup-seksione e seksione, dhanë dorëheqje të parevokueshme nga PD dhe kërkuan anëtarësimin në PLL. Arsyeja për këtë - sqaruan ata, - është se në PD është cënuar demokracia e brendshme, ka qendrime sektare të herë pas hershme, si dhe vazhdon të sundojë një frymë e majtë në organet drejtuese.

Takimi u përshkua nga fryma e një angazhimi për mirorganizmnin e një fushate elektorale, për fleksibilitet të strukturave dhe efiçencë të shtabeve elektorale, për të realizuar kështu një sukses në këto zgjedhje.

Kryetari i PLL, z.Spahiu, duke përmendur cilësitë dhe virtytet e larta të mjekut Gjon Lleshi, u bëri thirrje votuesve mirditorë të komunës së Fanit, "që të votojnë për kandidatin e PLL" dhe u premtoi se "në rast fitoreje", ai do të bënte të gjitha përpjekjet që kjo komunë të trajtohej me përparësi, si një komunë e programeve "pilot".

Takimi i z.Spahiu në fshatin Klos të Fanit, i dha një impuls të jashtëzakonshëm Degës së PLL Mirditë dhe tani përfaqësuesit e saj ndihen mjaft optimistë për një rezultat shumë premtues në këto zgjedhje.

Mark Deda

Legalistët hyjnë fuqishëm në garën për komunën e Bërzhitës

PLL zyrtarizon kandidaturën e saj për Bërzhitën

Me konsensusin e të gjithëve, si kandidat-përfaqësues i PLL në këtë komunë zgjidhet z.Kujtim Gjuzi

PLL ka përzgjedhur si kandidatin e saj për komunën e Bërzhitës, përfaqësuesin e njërës prej familjeve më të njohura të kësaj zone, z.Kujtim Gjuzi.

Në mbledhjen e zhvilluar në këtë nëndegë, nën drejtimin e kryetarit të saj, z.Nebi Nika, dhe me prezencën e drejtuesve të Degës së Tiranës, është përzgjedhur me konsensus të plotë emri i kandidatit legalist për këto zgjedhje.

Komuna Bërzhitë është e shtrirë në një sipërfaqe mjaft të madhe, në të dy krahët e rrugës së Elbasanit dhe në këtë pikëpamje ajo është një ndër të mëdhatë e rrethit Tiranë.

Kryetari i nëndegës së kësaj komune, z.N.Nika tha se "... megjithatë ne kemi bërë një punë shumë efikase dhe kemi shkelur çdo fshat të kësaj komune, e tashmë kjo shpërndarje gjeografike nuk përbën pengesë për ne." Ai tha gjithashtu se "emri që ne kemi paraqitur është një garanci për një rezultat befasues e mjaft pozitiv në këto zgjedhje."

Anëtarë të tjerë të nëndegës u shprehën optimistë se z.Kujtim Gjuzi do të kandidojë me dinjitet përballë konkurrentëve të tjerë nga e majta dhe e djathta.

Ata thanë se puna e dobët e bërë nga kryekomunarët e derisotëm, është një avantazh për kandidatin e PLL, z.Gjuzi.

Drejtues të PLL nga qendra thanë se, "... ne besojmë në emrin dhe mbështetjen që gëzon z.Kujtim Gjuzi, dhe se do t'i japim atij të gjithë mbështetjen e mundur."

Komuna Bërzhitë përfshin fshatrat Bërzhitë, Ibë, Mihajas-Cimëq, Kus, Lug-Shëlqizë, Pëllumbas, Kllojkë.

Kjo komunë kufizohet me komunat e tjetra të rrethit Tiranë, si Kërrabë, Baldushk, Petrelë dhe ndahet në kufi me rrethin e Elbasanit. Territori i kësaj komune përmbledh një pjesë të mirë të rrugës nacionale Tiranë-Elbasan dhe ky fakt konsiderohet si një avanatzh për banorët e kësaj komune. "Por, realisht, - thonë ata, - deri më sot nuk kemi parë ndonjë ndërhyrje konkrete të shtetit për të na përmirësuar nivelin e jetesës."

Megjithë resurset që ka, kjo komunë konsiderohet si një ndër më të varfërat e gjithë rrethit dhe është lënë jashtë vëmendjes së qeveritarëve, të cilët kujtohen për të dhe banorët e saj vetëm në raste votimesh për deputet, pra një herë në katër vjet.

N.K.

Legalistët peqinas prezantojnë kandidaturat e fitores

Spahiu: Abstenuesit, gjahu ynë

Ditën e enjte, pasdite, në një nga lokalet e simpatizantëve dhe legalistëve peqinas, Dega e PLL të këtij rrethi organizoi takimin e prezantimit të kandidatëve që do të përfaqësojnë PLL në bashkinë e qytetit të Peqinit dhe në komunat.

Në këtë takim ishte i pranishëm edhe kryetari i PLL z.Spahiu.

Takimin e hapi kryetari i PLL të Degës së Peqinit, legalisti i nderuar, z.Bardhyl Bica,

i cili ndër të tjera tha: "Të nderuar miq, i nderuar zoti Spahiu dhe ju, anëtarë dhe simpatizantë të PLL. Sot ne e zhvillojmë këtë takim për të prezantuar para jush kandidatët e përzgjedhur nga ju për të na përfaqësuar në zgjedhjet e 12 tetorit.

Dega jonë e PLL, ju paraqet sot si kandidat për kryetar bashkie të qytetit të Peqinit, zotin Muharrem Gjevori, i cili njihet nga ju të gjithë për kontributin e pamohueshëm që në fillim të proceseve demokratike.

Z.Gjevori rrjedh nga një familje patriotësh antikomunistë. Për bindjet dhe aktivitetin e tyre kundër diktaturës, komunistët i pushkatuan zotit Gjevori gjyshin dhe xhaxhanë dhe i dënuan babanë me burg, me akuzën "për agjitacion dhe propagandë kundër pushtetit popullor." Megjithëse me arsim të lartë, pushteti komunist e ndëshkoi zotin Gjevori të punojë si punëtor i thjeshtë.

Pas vendosjes së pluralizmit, z.Gjevori ka drejtuar Komitetin ekzekutiv pluralist të qytetit të Peqinit, gjatë periudhës qershor 91-gusht 92, ndërsa në periudhën gusht 92-korrik 97, zoti Muharrem ka punuar si sekretar i Bashkisë së qytetit të Peqinit.

Ndërsa në komunën Gjocaj, Dega e PLL vendosi të kandidojë z.Robert Bullari, i cili rrjedh nga një familje e shquar antikomuniste. Babai i z.Bullari ka qenë i dënuar për 15 vjet burgim të rëndë, si antikomunist i deklaruar dhe anëtar i "Grupit të Rezstencës antikomuniste". Për këtë arsye, familja e Robertit ka vuajtur kalvarin e dhimbshëm të persekutimit, gjatë gjithë viteve të diktaturës. Që në moshë shumë të re, z.Robert është aktivizuar në lëvizjen demokratike dhe sot ai përfaqëson para zgjedhësve të komunës së tij programin dhe alternativën legaliste.

Ndërsa në komunën Shezë, në emër të PLL kemi vendosur kandidaturën e z.Gëzim Çullhai, i cili gjithashtu rrjedh nga një familje e nderuar nacionaliste, e cila është persekutuar gjatë gjithë viteve të diktaturës. Me kandidimin e z.Gëzim, PLL është e bindur se do ta përfaqësojë denjësisht elektoratin legalist dhe atë të djathtë.

Figura e pastër morale e kandidatëve tanë dhe përkushtimi i tyre, janë garanci për rezultate të larta zgjedhore dhe konkurrim dinjitoz. Ne jemi të bindur se me punën tonë të përbashkët, do të arrijmë të zgjojmë interesimin e elektoratit të djathtë, i cili do të dijë të vlerësojë kontributin dhe përkushtimin e kandidatëve tanë, të cilët garantojnë qeverisje të ndershme dhe në shërbim të zgjedhësve."

Fjala e kreut lokal të legalistëve peqinas, u prit me duartrokitje nga të pranishmit.

Më pas, në emër të kandidatëve e mori fjalën zoti Gjevori, kandidat i PLL për bashkinë e Peqinit, i cili premtoi ndershmëri dhe përkushtim ndaj zgjedhësve, pavarësisht bindjeve politike. "Duke pranuar programin dhe përfaqësimin e PLL në këto zgjedhje, ne jemi të bindur se kemi përqafuar alternativën e progresit dhe të së ardhmes së sigurtë të vendit. Në emër edhe të kandidatëve të tjerë, u premtojmë juve se do të vejmë të gjitha forcat për të marrë rezultate maksimale dhe për ta përfaqësuar denjësisht PLL në pushtetin vendor" - premtoi z.Gjevori.

Pastaj z.Bardhyl Bica ia dha fjalën kryetarit të PLL, z.Spahiu, i cili në fjalën e tij tha: "I nderuar z.Bardhyl, të nderuar pjesëmarrës! Prania juaj në këtë sallë është dëshmi e besimit tuaj tek politika, e cila fatkeqësisht është bërë gangrena e shoqërisë shqiptare, përgjegjësja e të gjitha halleve dhe mundimeve të këtij populli dhe sinteza e të gjitha poshtërsive. Por ju jeni këtu në këtë sallë, sepse besoni tek PLL, tek programi dhe alternativa e saj dhe e kandidatëve tuaj e tanët. Ju jeni këtu sepse jeni të bindur se PLL nuk i ka asnjë borxh popullit shqiptar dhe Shqipërisë, përveçse përkushtimit atdhetar dhe dëshirës për çrrënjosjen e neokomunizmit dhe prosperimin e vendit.

Përzgjedhja nga ana juaj e kandidaturave që prezantojmë sot, ka qenë mëse demokratike dhe transparente, konform statutit të PLL dhe udhëzimeve të posaçme që ne kemi dhënë për këtë proces të vështirë por vendimtar në rezultatet zgjedhore.

Duke vlerësuar pjekurinë tuaj politike dhe predispozicionin maksimal për ta kurorëzuar me fitore këtë fushatë zgjedhore, kryesia ia delegoi kompetencat e përzgjedhjes së kandidatëve Degëve të PLL, duke u falur atyre besimin e merituar e larg skemave poshtëruese të tenderimit, që zhvillohen nga forumet drejtuese të partive të tjera, ku përzgjedhja njeh vetëm një kriter dhe parametër, paratë dhe trafikimin e vendim-marrjes gjatë procesit të përzgjedhjes së kandidatëve. Duke vepruar në këtë mënyrë, këto parti përcjellin tek kandidati moralin e korrupsionit dhe abuzimit me pushtetin dhe votën e zgjedhësve. Ju jeni trashëgimtarët e familjeve më të shkëlqyera të Peqinit dhe bartës të traditave atdhetare e bindjeve legaliste e mbretërore, ndaj jeni sot këtu. Me ju dhe familjet tuaja të nderuara, krenohet sot e gjithë Shqipëria.

Ndonëse PLL është partia më e vjetër e nacionalizmit historik shqiptar, ajo sot është më e re dhe më e freskët se kurrë, më e pakonsumuar se kurrë dhe po njeh veçse shtim të radhëve të saj dhe të simpatizantëve e votuesve.

Aktualisht, PLL po përballet me një fluks të pazakontë kandidaturash të shkëlqyera intelektuale, të cilat do t'i çojnë më larg ambiciet dhe përfaqësimin e saj në pushtetin vendor, duke përgatitiur kështu një të ardhme të sigurtë politike.

Aktualisht, një pjesë e konsiderueshme e shoqërisë shqiptare po përjeton zvetënimin moral. Prona e ligjshme ka rënë pre e mashtruesve, grabitqarëve dhe matrapazëve, për shkak të bazës ligjore të këtij spekullimi, që është "Ligji nr. 7501 mbi tokën."

Reforma zgjedhore në përgjithësi dhe qëndrimi ndaj votës së lirë, si institucioni më i rëndësishëm dhe bazamenti i demokracisë, gjatë këtyre 13 vjetëve të Pluralizmit ka pësuar regres, duke sjellë pasoja të pariparueshme dhe maxhoranca e minoranca fiktive. Kodet zgjedhore janë përçudnuar dhe shkatërruar progresivisht.

Në vitin 1991, çdo forcë politike që merrte pjesë në zgjedhje kishte të drejtë të përfaqësohej në komisionet zgjedhore me komisionerët e saj, për të ruajtur votën e fituar me mundim dhe sakrifica. Më pas, e drejta e përfaqësimit me komisionerë të partive konkurruese u reduktua në të drejtë vetëm për partitë parlamentare. Pastaj, më vonë kjo e drejtë iu dha vetëm 7 partive të rreshtuara të parat në listën e subjekteve zgjedhore dhe, së fundi, të drejtën për të patur komisionerë e kanë vetëm dy partitë kryesore, të cilat e kanë transferuar këtë të drejtë tek vetja, duke spostuar partitë e tjera.

Kështu, "flamurtarët e progresit dhe demokracisë pluraliste", po imitojnë Stalinin e urryer, duke i numëruar votat e të tjerëve si të ishin të tyret, dhe, rrjedhimish, duke krijuar mundësitë për përplasje vdekjeprurëse dhe kontestime që mbushin sirtaret e kancelerive të huaja dhe monitoruesve ndërkombëtarë, pas çdo fushate zgjedhore në Shqipëri.

Partia më e madhe sot në Shqipëri, është partia e abstenuesve. Ne kemi dalë në këtë fushatë për të fituar votat e abstenuesve.

Rinia po e braktis në masë Atdheun, dhe kjo përbën rrezik për plakjen e shoqërisë dhe venitjen e potencialeve intelektuale për shkak të hemorragjisë së pandalshme të trurit.

Dikur, baballarët tanë i trembeshin qoshes së oxhakut, ndërsa sot budallejtë i janë turrur politikës dhe pushtetit, duke rrezikuar seriozisht degjenerimin e institucioneve dhe instalimin e mediokritetit në të gjitha sferat e jetës shoqërore.

Në këto kushte, PLL po kërkon rigjenerimin e kapaciteteve intelektuale të saj, duke bërë pakt me intelektualët dhe duke i kandiduar ata në të gjitha bashkitë dhe komunat. Pikërisht këtë qëllim kemi patur edhe kur kemi pranuar kandidaturat tuaja, si garanci për rezultate të larta zgjedhore.

Me besimin e lartë tek ju, tek përkushtimi dhe mbështetja juaj në elektorat, ne forcojmë bindjen për rezutate të larta edhe në Peqin.

Në emër të kryesisë së PLL dhe në emrin tim personal, ju uroj juve edhe njëherë suksese, për t'i çuar më lart arritjet e Degës suaj të nderuar, e cila kryesohet nga intelektuali i urtë dhe shembullor, zoti Bardhyl Bica.

Edhe njëherë suksese në zgjedhje", - ishin fjalët e fundit të z.Spahiu.

Më pas takimi u zhvillua në formën e bashkëbsedimit për sqarimin e disa momenteve dhe paqartësive, për të cilat kryelegalisti Spahiu shprehu mendimin e tij dhe serviri zgjidhje konstruktive, që i bindën dhe i kënaqën të pranishmit. Më pas u kalua në një kokteil të organizuar për të gjithë të pjesëmarrësit, me shpezimet e mikpritësve.

Z.Spahiu u nda me legalistët peqinas me premtimin për t'u takuar sërish në të ardhmen, gjatë fushatës zgjedhore.

Bulqiza përgatitet për prezantimin e kandidatëve të fitores

Ditën e premte, në orën 9.00 të paraditës, kryetari i PLL, zSpahiu, pati një takim pune me drejtuesit e Degës së PLL Bulqizë, të cilët e informuan kryetarin se procesi i miratimit të kandidaturave ka përfunduar në bashkinë e Bulqizës dhe të gjitha komunat e këtij rrethi.

Z.Zenel Shehu, kryetar i Degës, në emër të legalistëve të Bulqizës shprehu optimizmin e tij për një rezultat në rritje, duke pretenduar edhe fitimin e komunave në Ostren, Zerqan, Gjoricë, etj

Por z.Shehu shprehu edhe një shqetësim, ngaqë militantë të PD-së kanë filluar një presion të hapur ndaj kandidatëve dhe strukturave të PLL së këtij rrthi për t'i detyruar të tërhiqen nga gara, gjë e cila nuk i shërben klimës së mirëkuptimit dhe bashkëpunimit të kandidatëve dhe subjekteve të djathta, duke ditur se legalistët si kundërshtarë politikë konsiderojnë Partinë Scialiste dhe nuk kziston asnjë arsye për të harxhuar energji me njëri-tjetrin.

Legalistët dibranë në prag të prezantimit të kandidaturave

Peshkopi: Mbledhje pune e z.Spahiu me Komitetin Drejtues dhe kandidatët legalistë të rrethit Dibër, më dt.15.08.2003

Ditën e premte, në orën 11.00, Dega e PLL Dibër organizoi në mbledhje të përbashkët të Komitetit Drejtues dhe kandidatëve që do të përfaqsojnë PLL në garën për bashkinë Peshkopi dhe komunat e këtij rrethi. Në këtë mbledhje merrte pjesë edhe kryetari i PLL, z.Spahiu.

Mbledhjen e punës e hapi kryelegalisti dibran Selaman Agolli, i cili e informoi z.Spahiu për përfundimin pothuajse të të gjithë punës përzgjedhëse për caktimin e kandidaturave legaliste në rrethin e Dibrës. Që të gjitha kandidaturat e servirura në këtë takim, ishin miratuar me konsensus nga strukturat dhe Komiteti Drejtues, përveç kandidaturës në komunën Kastriot, ku pas votimit, me shumicë votash fitoi kandidatura e intelektualit të shquar të zonës, zotit Murat Koltraka.

Në diskutimet e tyre, anëtarët e Komitetit Drejtues dhe kandidatët që e morën fjalën, ngritën probleme shqetësuese, kryesisht të karakterit teknik, të cilat morën rrugën e zgjidhjes pas rrahjes së mendimeve.

Në përfundim të këtij takimi pune, legalistët dibranë miratuan përfundimisht kandidaturat e mëposhtme, sipas komunave dhe bashkisë së qytetit të Peshkopisë: Në bashkinë e Peshkopisë do të kandidojë personalisht kryelegalisti dibran, intelektuali dhe drejtuesi i njohur, z.Selman Agolli; Në komunën Tomin - z.Hysen Kaba (ish kryetar i Degës së PLL) 3. Komuna Maqellarë - z.Edmond Nasufi; 4. Në komunën Luzni - z.Besim Qerimi; 5. Në komunën Melan, z.Hashim Mazari; 6. Në komunën Arras - z.Astrit Lusha; 7. Në komunën Fushë-Çidhën - z.Arif Dauti; 8. Në komunën Kastriot - z.Murat Koltraka; 9. Në komunën Lurë - z.Faik Mena; 10. Në komunën Zall Dardhë, - z.Avni Gjoka; 11. Në komunën Zall Reç - z.Baftjar Laçi; 12. Në komunën Muhurr - z.Rrahim Lala; 13. Në komunën Selishtë - z.Hydajet Selishta.

Gjatë mbledhjes pati edhe kriika për mosdorëzimin në kohë të dokumentacionit. Diskutuan Ismail Karaj i komunës Tomin - qendër; kandidati Edmond Nasufi i komunës Maqellarë; Hysen Kaba e Dilaver Shehu, veterani legalist Dan Beça, Enver Bitri nga komuna Fushë-Çidhën; Esat Zuna nga komuna Kastriot; Xhetan Kovaçi nga komuna Fushë-Aliaj.

Pasi u shkëmbyen mendime të lira për përgatitjen përfundimtare dhe prezantimin e kandidaturave, z.Spahiu dha sqarimet rastit dhe premtoi se do të takohej shumë shpejt me legalistët dibranë, të cilët i premtuan kryelegalistit arritjen e një rezultat të lartë në zgjedhje.

Opinion

Kujtesë pragzgjedhjesh

Nga Alfred FETO

Ish anëtar i Kryesisë së Ballit Kombëtar Tiranë

Zgjedhjet për pushtetin vendor të 12 tetorit në Shqipëri po afrohen. Mendohet se të paktën deri në mesin e Tetorit, të nxehtit të kësaj vere do t'i shtohet edhe i nxehti i zgjedhjeve. Në të dyja kampet e mëdha të politikës shqiptare po bëhen natyrshëm përgatitjet. Të dyja partitë e mëdha, si PD ashtu edhe PS, kanë provuar dhe po provojnë "sheqerin" dhe "kripën" e këtyre zgjedhjeve. Përsëri, me siguri, do të dëgjojmë: "të dashur shokë dhe shoqe"..." të nderuar zonja dhe zotërinj"...." Shqipëria jonë moderne dhe europiane, ne forcat progresiste", do të përmendet Pakti i Stabilitetit, integrimi në Europë, etj, etj. Shumë prej këtyre refreneve fallco dhe të bezdisshme, gjoja diplomatike, të politikanëve "modernë", përpara analistëve vendas dhe të huaj, përpara detyrave që parashtron bashkësia ndërkombëtare, mbeten si flluska sapuni.

Për mëse 10 vitesh në rrugën e ndryshimeve, Shqipëria mbetet përsëri , fatkeqësisht, vendi më i prapambetur në Europë. Zgjedhjet demokratike dhe të ndershme, gur themeli për demokracinë dhe besueshmërinë në institucionet ndërkombëtare, mbeten përsëri të rrezikuara. Listat e zgjedhësve të dokumentuara edhe në zgjedhjet e fundit, mbeten, me siguri, problematike dhe mollë sherri.

Ndryshimet e fundit në komisionet zgjedhore, duken si një "pazar" midis forcave të mëdha. Në mënyrë absolute dhe i argumentuar, mbetet i drejtë gjykimi: Shtatë Partitë e para fituese në zgjedhje, duhet të kenë komisionerë. Në këtë mënyrë, votat e fituara në zgjedhjet e mëparshme, respektohen dhe mbrohen nga institucionet dhe subjektet politike. Kush ka fituar më shumë vota, respektivisht subjekti i parë dhe i dytë, duhet të kenë kryetarin dhe zv/kryetarin. Votat e një shtresë fisnike për gjysëm shekulli, nuk mund t'i mbrojnë dy socialistë (ish komunistë të djeshëm) dhe dy demokratë, ndoshta të rinovuar dhe që në shumë fshatra, mund të jenë kushërinj me të parët. Partitë e Legalitetit dhe të dy partive balliste ( tashmë me përpjekje për bashkim), nuk duhet të mbeten grup-seksione të Partisë Demokratike. Ato duhet të jenë pjesë e pandarë e koalicionit të përgjithshëm të djathtë, por me të drejtat që iu takojnë. Formulave e zgjedhjeve këtë herë e kërkon medoemos këtë bashkëpunim. Konkurenca duhet të jetë në përzgjedhjet e kandidatit brenda forcave të djathta. Le të zgjidhen njerëzit më të mirë, ç'rëndësi ka nëse kandidati është i PD-së, i PLL-së, ballist apo i forcave të tjera të djathta. Për lidershipin e PD-së, qënia në opozitë ka një limit. Progresi i Shqipërisë, veç zgjedhjeve të ndershme dhe demokratike, është i diktuar edhe nga kryerja e reformave të vazhdueshme. Nuk mjafton vetëm dëshira për të shkuar në Europë. Faktikisht Shqipëria është pjesë territoriale e Europës. Koncepti qëndron sesa përmbush Shqipëria parametrat për të qënë pjesë e rregullave të vendosura unanimisht nga një bashkësi europiane, apo detyrat për të qënë pjesë e strukturave euro-atlantike. Në themel të këtyre obligimeve, duhet të qëndrojë respektimi i një raporti qytetar-shtet. Shteti duhet të respektojë dhe të mbrojë në çdo rast qytetarin e tij dhe ky i fundit të respektojë ligjit e shtetit. Nuk besoj se ka qytetarë të vendeve të Bashkimit Europian, që të paguajnë më tepër se çka ata kanë konsumuar. Në zyrat e KESH-it shikon përditë njerëz që ankohen për fatura fiktive. Në asnjë rast, institucionet shtetërore nuk të kërkojnë falje, qoftë edhe me një zarf të postuar për gabime të mundshme. Reformat në institucione nuk nënkuptojnë ndryshim të orarit të punës në to.

Nuk të pranon njeri në strukturat ndërkombëtare të lartpërmendura, pa një reformë të thellë në ruajtjen dhe pastërtinë e mjedisit.

"Përse jeni të varfër, e kuptoj- më thoshte një gjerman në qershor të këtij viti- po plehrat pse i hidhni ku të mundni"?

Një i huaj, përnjëherësh, vë re në Aeroportin e Rinasit pakujdesinë e shtetit. Autobuzat në pistën e aeroportit, përveç SAVIEM të vjetër, për turp janë edhe me sedilje të shqyera.

Meqë ra fjala në elementë të vegjël, por jo pa rëndësi, Sllovenia është dy milionë banorë, autobuzat e Aeroportit të Ljubjanës janë identik si të aeroportit të Mynihut. Të gjithë kemi vënë re në ceremoni fetare, përpara kishave ose xhamive, lypsarë fatkeq. Për t'u mëshiruar më tepër, disa prej tyre rrinë edhe pis. Besimtarët japin disa qindarka, por shumica e tyre nuk dëshiron që lypsarët fatkeq të futen brenda. Në institucionet euro-atlantike nuk futesh me fjalë ose dëshira shokësh. Shqipëria kërkon njerëz seriozë, të zotë, të ndershëm dhe zotërinj.

Martin Luter King thekson: "Demokracia e shprehur, nga e thënë në veprime konkrete, është forma më e mirë e qeverisjes në Tokë". Në këtë prag zgjedhjesh demokratët duhet të kujtojnë zgjedhjet e 22 marsit 1992, si zgjedhjet më të mira të pas viteve '90. Populli i shumëvuajtur shqiptar ishte totalisht për ndryshime. Partia Demokratike dhe forcat e tjera të djathta e merituan plotësisht fitoren. Moskryerja e reformave të drejta në administratë, moshapja e dosjeve për politikanët, pakënaqësia në pronën private, mostrajtimi i ish-të persekututarve politikë si partnerë në rrugën e përbashkët, mosndëshkimi i të korruptuarve siç duhet në administratën shtetërore, mosarritja në nivele të dëshiruara të një sistemi drejtësie, kaos në ndërtimet pa leje dhe në lëvizjen e njerëzve, duke arritur kulmin me gabimin e lejimit të skemave piramidale, të cilën PD e ka pranuar edhe vetë, bën që të djathtët të mbeten në opozitë. Treguesi i saktë i qeverisjes në rrugën e duhur, është sistemi i drejtësisë. Ekziston një korelacion i fuqishëm midis shtetit dhe drejtësisë. Atje ku shteti është i fortë edhe drejtësia është e tillë. Fatkeqësisht në këto vite postkomuniste, në Shqipëri nuk janë arritur nivele të pranueshme të sistemit të drejtësisë. Sot dëgjon ndëshkime qesharake për vepra të rënda. Korrupsioni shtrihet edhe në sektorë të tjerë: në shërbimet publike, shëndetësi, arsim, etj.

Shumë politikanë janë në hall, nëse do të fitojnë zgjedhjet apo jo. Socialistët e ndershëm, që nuk i besojnë slloganeve, shohin se shumë premtime nuk janë realizuar. Papunësia e madhe, krimi deri në familje, listat e gjata të marrjes së ushqimeve, i bëjnë ata pesimistë.

Kështu është demokracia: Pas "sheqerit" provon dhe "kripën".

SHKODRA & FUSHATA

Lajme nga Shkodra


Shkoder: Legalistet shpallin kandidaturen fituese per kryebashkiak

Ne nje konference per shtyp, te mbajtur nga kryetari i PLL-Shkoder, z.Enis Dizdari, u be publik edhe emri i kandidatit qe do te perfaqesoje legalistet dhe mbreteroret shkodrane ne zgjedhjet vendore. Ai eshte z. Gezim Dibra, Dekani i Fakultetit te Shkencave te Universitetit "Luigj Gurakuqi" te Shkodres, intelektuali i njohur dhe i pranuar prej te gjithe shkodraneve.
Me kete rast, kryetari legalist lokal, z. Dizdari, shperndau edhe nje komunikate per shtyp, si me poshte:

Komunikate per mediat e PLL dega Shkoder mbajtur nga kryetari i kesaj dege z.Enis Dizdari

Kam nderin dhe kenaqesine, si kryetar i Deges se P.L.L Shkoder, te komunikoj me ju dhe t`u bej te ditur se Komiteti Drejtues i kesaj Dege, ka vendosur pa asnje vote kunder te shpalle kandidat per Kryetar Bashkie te Shkodres, qytetit me tradita monarkiste, z. Gezim Dibra.
I lindur dhe i rritur ne Shkoder, z. Dibra perfaqeson qytetarine e hershme shkodrane, ndersa vete ai perfaqeson eliten intelektuale e akademike. Duke qene produkt i dekades pluraliste, ai ka mundur te afirmoje vlerat dhe aftesite qe i hapen rrugen e promovimit te padiskutueshem edhe ne kandidimin per kryetar te Bashkise se qytetit me te madh verior.
Ambiciet e tij profesionale, kane ardhur duke pasur njera-tjetren.
Padyshim qe nje formim kaq i gjere, e ne rang akademik, e ka thelbin e suksesit ne karakterin, ne aftesite dhe origjinen e tij nga nje familje monarkiste, e cila i ka sherbyer me zell e besnikeri Mbretit Zog I.
Ne, sot, me prezantimin e kandidatit per kryetar Bashkie, z Gezim Dibra, mendojme se kemi gjetur njeriun e duhur, per te cilin Shkodra dhe shkodranet kane shume nevoje. Ai eshte i mirepritur e i mirefolur nga dhjetra e dhjetra shtepi shkodrane, qe i kane besuar edukimin e pergatitjen profesionale te femijeve te tyre, jo vetem ne qytetin tone, por ne te gjithe Veriun e Shqiperise.
Ai, me vizionin e tij intelektual, para se gjithash kerkon besimin e shkodraneve. Ai premton se do te zbuloje e ndricoje rruget. Ai, me drejtimin e tij do t'i thote "ndal" shkaterrimit te metejshem te qytetit. Ai do te dije te zgjedhe modelin e vertete te zhvillimit te Shkodres, per ta afruar ate me qytetet evropiane.
Ne sinteze te te gjithe punes se tij per ndertimin e nje strukture qeverisese bashkohore, zotit Dibra do t`i sherbeje modeli evropian i shtetit te Mbretit Zog I.
Dega e PLL Shkoder, duke i ofruar elektoratit shkodran kandidaturen e z. Gezim Dibra, ka shfaqur nje obligim qytetar ndaj Shkodres dhe vete qytetareve shkodrane.
Vetem nje kandidature legaliste e me gjak monarkist, mund t`i riktheje dinjitetin shkodraneve. Prandaj mbetet ne vullnetin e tyre per ta votuar e kurorezuar zotin Dibra ne kete post jetik per Shkoder-locen.



Kush eshte Gezim Dibra


Gjithcka per Prof.Dr. Gezim Dibra, kandidat i PLL per kryebashkiak ne Shkoder

Legalistet me se fundi kane bere te ditur kandidaturen e tyre per zgjedhjet lokale te 12 tetorit te ketij viti. Prof. Dr. Gezim Dibra, Dekan i Fakultetit te Shkencave ne Universitetin "Luigj Gurakuqi" te Shkodres, me te drejte eshte konsideruar edhe surpriza tjeter legaliste e ketyre zgjedhjeve, pas kandidimit te publicistit dhe politologut te njohur Robert Papa ne garen per bashkine e kryeqytetit. Duke marre ne konsiderate faktin e te qenit nje nga perfaqesuesit me eminente te elites intelektuale e akademike dhe qytetarise shkodrane, kandidimi z. Gezim Dibra u prit me entuziazem nga qytetaret shkodrane, te cilet e percaktuan kete perfaqesues te shkelqyer te shoqerise civile si nje kandidature befasuese e tejet te fuqishme, qe do te gezoje padyshim mbeshtetjen e nje pjese te qytetit metropolitan te kultures, qyteterimit shqiptar dhe demokracise.
Partia "Levizja Legalitetit", ka bere te marten edhe prezantimin zyrtar te pedagogut 50 - vjecar Gezim Dibra, i cili e nisi tashme beteje-sfiden elektorale per postin e kryeqytetarit te Shkodres. Kryelegalisti shkodran, z.Enis Dizdari dhe nenkryetari i PLL-se, z.Murat Basha, kane paraqitur me kenaqesi dhe krenari te ligjshme kandidaturen e tyre te spikatur, duke deklaruar me solemnitet: "Me kandidaturen e perzgjedhur prej legalisteve shkodrane, mendoj se kemi gjetur njeriun e duhur, per te cilin Shkodra dhe shkodranet kane shume nevoje." "Emri i z.Gezim Dibra, eshte emer i dashur dhe i shumeperfolur ne shume shtepi shkodrane, femijet e te cileve kane patur nderin dhe privilegjin te pergatiten dhe edukohen ne bangat e shkolles profesionale nga pedagogu dhe mesimdhenesi i talentuar Gezim Dibra. Z.Dibra vjen ne kete fushate si intelektuali i emancipuar qe ka patur gjithmone moton "puno dhe jeto me qytetin dhe per qytetin", - ka thene nder te tjera ne adrese te z.Dibra kryelegalisti shkodran Enis Dizdari, gjate prezantimit zyrtar te kandidatures se z.Gezim Dibra. Ndersa gjate prezantimit te shkurter te disa nga prioritetet kryesore te programit elektoral te z.Dibra, kreu i legalisteve shkodrane eshte shprehur se "... z.Dibra do te zhvilloje e ndertoje rruget per t'i thene ndal shkaterrimit moral dhe estetik te qytetit tone, do te punoje per te gjetur promotorin e vertete te zhvillimit te Shkodres, duke i dhene asaj pamjen dhe kulturen e nje qyteti te vertete evropian." "Kandidatura e z.Dibra eshte nje obligim qytetar....", tha nder te tjera z.Dizdari. Nderkohe, nga ana e tij, z.Dibra, i cili vjen ne kete gare elektorale nga shoqeria civile, ka theksuar se ndjehet "komod ne kete kandidim te legalisteve shkodrane." "... duhet te falenderoj para se gjithash PLL per besimin qe pati tek une. Ndjehem komod se edhe vete PLL eshte nje parti qe perfaqeson spektrin e djathte te Shkodres. Perzgjedhja e kandidatures dhe emrit tim nga PLL, eshte ne logjiken e cdo qytetari dhe intelektuali shkodran dhe une megjithese bej pjese nder intelektualet e paangazhuar drejtpersedrejti ne politike, vendosa te perfaqesoj nje subjekt politik me tradita te medha atdhetare dhe te perfshihem seriozisht ne kete fushate elektorale".
Ne strategjine e tij per qeverisjen e qytetit te Shkodres ne rast fitoreje, z.Dibra konsideron si mase kryesore bashkepunimin me qarqet akademike dhe intelektuale ne pergjithesi, dhe ne vecanti me Universitetin "Luigj Gurakuqi" dhe Dhomen e Tregtise se rrethit. Z.Gezim Dibra ka mbaruar Universitetin Filologjik ne Tirane per Histori-Gjeografi dhe me pas per Psikologji-Pedagogji. Ka kryer disa kualifikime pasuniversitare ne Itali, France, Angli, Danimarke dhe Belgjike dhe eshte autor i kater teksteve te disiplinave perkatese.
Kjo kandidature ka ngjizur bashkepunimin dhe mbeshtetjen e te gjitha forcave te vogla te se Djathtes shkodrane, me ne krye legalistet. Pritet qe 12 tetori thjesht te jete nje formalitet ne kurorezimin e z.Dibra si kryebashkiak i qytetit 2500 vjecar te Shkodres, kesaj kryeqendre administrative dhe metropolit te qyteterimit tone antik, ku paten rezidencen dhe lane vulen e madheshtise figurat dhe dinastite me te ndritura te qyteterimit dhe races sone. Dhe z.Dibra do te jete padyshim nje pasardhes i denje ne vlerat qyteteruese dhe qeverimin e kryeqendres se shqiptarizmes.



Jeteshkrim i kandidatit per kryebashkiak te PLL-Shkoder, z. Gezim Dibra

EMRI MBIEMRI: Gezim Dibra
DATELINDJA: 02.08.1953
VENDLINDJA: Shkoder
GJENDJA CIVILE: Martuar, me dy femije
ARSIMI: 1972-mbaruar shkollen e mesme; 1976-diplomuar ne U.T. ne degen Histori-Gjeografi; 1986-diplomuar ne U.T. per Psikologji-Pedagogji; 1996-Kualifikuar per mesimdhenie ne Universitetin "Pace" New York
PUNESIMI: 1976-1979-mesues Dukagjin Shkoder; 1979-1986-drejtues shkolle ne Mnele, Mjede; 1986-1989-mesues, shkolla Pedagogjike Shkoder; 1989-2003-Universiteti i Shkodres
KUALIFIKIMI: kualifikuar ne Greqi, Itali, Danimarke, Angli, Belgjike; 1997-Fituar grade shkencore "Doktor i Shkencave Psikologjike"; 2001-Fituar titull "Profesor i Asociuar"
GJUHA E HUAJ: Anglisht, italisht
BOTIMET: Autor dhe bashkeautor i librave: Pedagogjia, Psikologjia Sociale, Metodat e Mesimdhenies, Puna me femijet me aftesi te kufizuara.