___________________________

13 Qershor 2004, Nr.23(593)
___________________________

Mbledhje e zgjeruar e Komitetit Drejtues të PLL, me pjesëmarrjen edhe të kryetarëve të Degëve

PLL, si gjithmonë, në krah të Mbretit

NMT Mbreti Leka I-rë: Paraardhësit tuaj..., janë persekutuar nga pushtuesit fashistë dhe komunistë. PLL i ka dhënë Kombit dhe Atdheut shumë dëshmorë, të burgosur, të internuar dhe sakatuar. Edhe Ne, në mërgim, e kemi patur gjithmonë mbështetjen e PLL

Editorial

Nisma e Mbretit - projekt për ardhmërinë e Kombit

Nga Arbër XHAFERRI

Projekti i NMT Mbretit Leka I-rë shfaqet në kohën kur populli shqiptar është në krizë jo vetëm politike, por edhe morale. Ky është një projekt për ripërtëritje të idealeve politike të popullit shqiptar, që për shkak të trysnive të ndryshme kanë filluar të prodhojnë edhe projekte që nuk janë në funksion të interesit kombëtar.

Unë e kuptoj këtë apel të Tij si një alarm i cili synon të mobilizojë moralisht dhe politikisht të gjithë faktorët relevantë në Shqipëri, Kosovë, Maqedoni dhe në viset e tjera.

Ky projekt nuk është diçka naive, aq më pak marketing politik, por thesht një ide që do të përkrahet nga të gjithë ata që janë të brengosur për Ardhmërinë e Kombit shqiptar.

Idetë e tilla nuk kanë autorësi, për shkak se për to njerëzit kanë dhënë jetën, apo janë dergjur nëpër burgje. Këto ide ekzistojnë prej mëse njëqind vjetësh në hapësirat shqiptare, kështuqë askush nuk mund të pretendojë autorësinë.

Këto ide burojnë nga tradita shqiptare, që ka sakrifikuar shumë për të mbijetuar në dimensionin kulturor shqiptar. Po ashtu mendoj se dështimi unanim i projekteve multietnike në hapësirat ballkanike, me automatizëm hap idenë e krijimit të shteteve etnike. Kjo ide në fillim do të ketë shtrirje horizontale në popull. Veçanërisht do të ketë përkrahje jashtë shtetit amë.

Natyrisht që subjektet politike do të kenë rezerva për ta mbështetur këtë projekt, pasiqë nuk duan t'i suspendojnë projektet e tjera. Megjithatë mendoj se idea do të ketë ndikim në opinion, pastaj opinioni do të ndikojë tek partitë politike.

KRYESORE

Mbledhje e zgjeruar e Komitetit Drejtues të PLL, me pjesëmarrjen edhe të kryetarëve të Degëve

Spahiu: Të përgatitemi për zgjedhjet e ardhshme

Paraditën e të shtunës, më datë 12 qershor 2004, në një nga sallat luksoze të Hotel "Dajti"-t, u zhvillua mbledhja e zgjeruar e Komitetit Drejtues të PLL, me pjesëmarrjen e të gjithë kryetarëve të Degëve në rrethe. Në këtë mbledhje u trajtuan probleme të rëndësishme të punës dhe veprimtarisë së ardhshme të strukturave drejtuese të partisë, nga qendra e deri në bazë, sidomos në kushtet e reja politike, pas shpalljes personalisht nga NMT Mbreti Leka I-rë të "Lëvizjes për Zhvillim Kombëtar".

Në këtë mbledhje u procedua konform rendit të ditës, i cili ishte miratuar paraprakisht në mbledhjen e kryesisë.

1. Raport mbi analizën e rezultatit të zgjedhjeve vendore dhe zhvillimin e konferencave të Degëve të PLL, nga z.Ekrem Spahiu

2. Pyetje dhe diskutime rreth raportit

3. Udhëzime për kryetarët dhe Degët e PLL, lexuar nga nënkryetari i PLL z.Murat Basha

4. Porosi për plotësimin e formularëve, shpërndarjen e librezave të reja të anëtarësisë dhe menaxhimin e gazetës "Atdheu", mbajtur nga sekretari i Përgjithshëm i PLL z.Artan Tujani

5. Komunikata për shtyp.

***

Që në fillim të mbledhjes, pasi falenderoi të pranishmit për vlerësimin e këtij takimi të rëndësishëm, kryetari i PLL z.Spahiu lexoi komunikatën për shtyp në prani të mediave të shumta. Pas leximit të komunikatës dhe shpërndarjes së saj, mediat u larguan dhe nën drejtimin e z.Spahiu vijuan punimet sipas rendit të ditës, pika e parë e të cilit ishte raporti i përgatitur nga kryetari Spahiu dhe i miratuar nga Kryesia e partisë: - Mbi analizën e rezultatit të zgjedhjeve vendore të 12 tetorit dhe zhvillimin e konferencave të Degëve të PLL.

Pas leximit të raportit u bënë shumë pyetje dhe diskutime rreth tij, në të cilat fillimisht u vlerësua puna e bërë për hartimin dhe u kërkuan sqarime për probleme të ndryshme, për të cilat z.Spahiu dha përgjigje të detajuara, që u mirëpritën nga pjesëmarrësit.

Pas z.Spahiu e mori fjalën nënkryetari legalist z.Basha, i cili u lexoi drejtuesve legalistë udhëzimet e përgatitura e miratuara nga Kryesia, lidhur me detyrat e reja politike e organizative për Degët, të detajuara me objektiva dhe afate konkrete.

Pas pyetjeve dhe sqarimeve të rastit, u kalua në pikën vijuese të rendit të ditës: - Porosi për plotësimin e formularëve, shpërndarjen e librezave të reja të anëtarësisë dhe menaxhimin e gazetës "Atdheu", mbajtur nga sekretari i Përgjithshëm i PLL z.Artan Tujani.

Kjo pikë e rendit të ditës u shoqërua me sqarime të rastit dhe u ezaurua me sukses, duke shënuar njëkohësisht edhe përfundimin e këtij takimi, pas afro dy orë pune intensive.

***

Mbas përfundimit të takimit të zgjeruar në ambientet e Hotel Dajtit, drejtuesit legalistë u nisën për në Rezidencën e Familjes Mbretërore në Vishnje, ku zhvilluan një takim pune mjaft të ngrohtë me NMT Mbretin Leka I-rë, Lartësinë e Tij Princin Leka dhe funksionarë të Oborrit Mbretëror.

Në këtë takim, kryetari i PLL z.Spahiu, pasi i prezantoi NMT Mbretit Leka anëtarët e Komitetit Drejtues dhe kryetarët e Degëve, e informoi hollësisht Mbretin lidhur me tematikën e takimit dhe problemet që dolën, duke i shprehur me këtë rast vendosmërinë dhe përkushtimin e legalistëve për përmbushjen e detyrimeve në kuadër të Lëvizjes për Zhvillim Kombëtar.

Më pas, NMT Mbreti Leka, pasi u uroi edhe njëherë mirëseardhjen drejtuesve të lartë legalistë, në fjalën e Tij përshëndetëse, ndër të tjera theksoi: "Të nderuar zotërinj! Së pari dua t'ju uroj për punën dhe sukseset e arritura!

Së dyti, dëshiroj t'ju kujtoj se paraardhësit tuaj në vitin 1924 krijuan Partinë Kombëtare Lëvizja e Legalitetit, sot PLL, në një kohë që Kombi shqiptar ishte në vështirësi dhe rreziqe shumë të mëdha. Atëkohë nuk ishte vendosur ende Monarkia, dhe Lëvizja e Legalitetit dha një kontribut shumë të madh për vendosjen e saj më 1 shtator 1928, si dhe për hartimin e miratimin e Statutit Themeltar të Shtetit.

Edhe pas vendosjes së Monarkisë, PLL dha një kontribut shumë të çmuar.

Paraardhësit tuaj kanë dhënë kontribute madhore në të gjitha fushat, dhe për këtë arsye janë persekutuar nga pushtuesit fashistë e komunistë.

PLL i ka dhënë Kombit dhe Atdheut shumë dëshmorë, të burgosur, të internuar dhe sakatuar.

Edhe Ne, në mërgim, e kemi patur gjithmonë mbështetjen e PLL. Por në vazhdën e qëllimeve fisnike të Lëvizjes Kombëtare të Legalitetit, pra të PLL, tashmë kemi ndërmarrë Lëvizjen për Zhvillim Kombëtar, ku PLL ka vendin e saj dhe ku do të ketë edhe shumë forca të tjera.

Kjo Lëvizje ka si synim të marrë pushtetin në vitin 2005.

Unë, personalisht, do të jap një kontribut maksimal për kurorëzimin me sukses të kësaj Lëvizjeje, dhe besoj se këtë do të bëni edhe ju!

Çdo njeri që ka dashuri për Kombin dhe Atdheun, duhet të japë kontributin e vet për Shqipërinë dhe brezat që do të lëmë pas. Edhe drejtuesit e PLL janë pjestarë të Këshillit të Lëvizjes, dhe do të mbrojnë interesat e PLL dhe legalistëve, por, mbi gjithçka, ato kombëtare.

Tani mirë se erdhët dhe qëndroni si në shtëpinë tuaj.

Në rast se keni ndonjë sugjerim, nëpërmjet kryesisë së Partisë dhe z.Spahiu, që është anëtar i Këshillit - ju do të ma përcillni Mua.

Edhe njëherë Ju falemi nderit për praninë tuaj!

***

Pas takimit me NMT Mbretin Leka, pjesëmarrësit shijuan një koktejl të përgatitur enkas, ku u trokitën gotat për suksesin e përbashkët të Lëvizjes së iniciuar nga NMT Mbreti Leka, me ç'rast u shkëmbyen mendime të vlefshme për punën e ardhshme.

Gjatë koktejlit, Lartësia e Tij Princi Leka u njoh nga afër me drejtuesit e lartë legalistë, me të cilët shkëmbeu konsiderata të ngrohta dhe dëshirën për t'u njohur më nga afër e bashkëpunuar vazhdimisht "për qëllimet e përbashkëta fisnike".

Pas çastesh tejet emocionuese, të fiksuara në kujtesën e të pranishmëve, drejtuesit e lartë legalistë u përshëndoshën me Lartësinë e Tij Princin Leka dhe me funksionarët e lartë të Oborrit Mbretëror, me premtimin për t'u takuar sërish, sa më shpejt.

Ky takim thelloi njohjen e drejtuesve të strukturave lokale të PLL me programin politik dhe hapat e mëtejshme që do të ndërmerren në kuadër të Lëvizjes për Zhvillim Kombëtar.

Korresp. i "Atdheu"

Fjala e Kryetarit të PLL z.Eqerem Spahiu në mbledhjen e Komitetit Drejtues me praninë e kryetarëve të Degëve në rrethe

Angazhimet tona në Lëvizjen për Zhvillim Kombëtar

Të nderuar anëtarë të Komitetit Drejtues!

Të nderuar kryetarë të Degëve të PLL në rrethe!

E zhvillojmë këtë mbledhje të zgjeruar të Komitetit Drejtues me pjesëmarrjen e të gjithë kryetarëve të Degëve të PLL në rrethe.

Kjo është mbledhja e parë mbas zhvillimit të konferencave të PLL nëpër Degë. Ju jeni vetë dëshmitarë të faktit se ne kemi kryer një proces zgjedhor të standardeve të lartë të demokracisë së brendshme në parti, ku spikatën vlerat e vërteta të Legalitetit.

Sipas udhëzimeve të Qendrës, dhënë në mbledhjen e fundit të Këshillit Kombëtar (më 2 nëntor 2003), dhe në harmoni të plotë me porositë e NMT Mbretit Leka i Parë - Kryesia e PLL në bashkëpunim të plotë me Kryesinë e Senatit të Veteranëve, e filluan këtë proces shumë të rëndësishëm për të analizuar rezultatin e zgjedhjeve vendore të tetorit 2003, dhe zgjedhjen e kryetarëve e strukturave lokale të partisë.

Tashmë mund t'ju themi me kënaqësi se i kemi ngritur strukturat e PLL nëpërmjet zgjedhjeve në konferencat e zhvilluara në të gjitha rrethet e vendit, çka do të thotë se Legaliteti ka 37 Degë, që funksionojnë e janë shtrirë në të gjithë territorin e vendit.

Shtrirja në të gjithë hapësirën gjeografike të vendit dhe ngritja e strukturave të zgjedhura konform statutit, përbën një sukses të madh për PLL.

Duhet theksuar se në të gjitha konferencat e Degëve kanë marrë pjesë me mandatin e të deleguarit të kryesisë së partisë dhe të Senatit - drejtuesit kryesorë të PLL.

Gjej rastin të falenderoj anëtarët e kryesisë së PLL, kryetarin e Këshillit Kombëtar, por në veçanti falenderojmë kryesinë e Senatit të Veteranëve të drejtuar nga zotërinjtë Ali Ohri dhe Seit Preni, që megjithë moshën e thyer, ishin të pranishëm dhe kontribuan maksimalisht në këtë proces shumë të rëndësishëm për konsolidimin te strukturave të PLL në të gjithë vendin.

Gjithashtu falenderoj ish kryetarët e Degëve, strukturat lokale dhe gjithë legalistët që u angazhuan me përkushtim në këtë proces.

***

Konferencat e Degëve ishin përqëndruar në tre pika kryesore:

1.Në analizën e veprimtarisë politiko-organizative të Degëve mes dy konferencave (dy vjet).

2.Në analizën e rezultatit të zgjedhjeve vendore të 12 tetorit 2003 (sipas Degëve).

3.Në zgjedhjen e kryetarit dhe Komitetit Drejtues të Degës.

***

Tashmë, në dosjen e çdo Dege kemi dokumentacionin e plotë mbi zhvillimin e konferencave dhe proces-verbalet e zgjedhjeve.

Duke iu referuar pikave të mësipërme, po japim disa detaje që dolën nga zhvillimi i konferencave, si më poshtë:

Përsa i përket pikës së parë mund të themi se shumica e Degëve janë të shtrira në të gjitha njësitë vendore të rrethit (bashki dhe komuna), por jo me seksione në çdo lagje qyteti apo fshati.

Disa Degë nuk kanë ndërtuar nëndegë në të gjithë territorin që mbulojnë dhe, për rrjedhojë, nuk kanë as seksione. Kjo ka ardhur për arsye objektive dhe subjektive, që duhen riparuar sa më parë, në zbatim të detyrave të dala nga konferencat.

Rezultatet zgjedhore

Rezultati i zgjedhjeve vendore u analizua me përgjegjësi të thellë nga delegatët legalistë nëpër konferencat e Degëve. Ndër arritjet pozitive po rendisim:

-Dalja në vete u vlerësua pozitivisht për forcimin e identitetit të PLL, çka ishte e vlefshme edhe për të testuar realisht gjendjen e degëve, nëndegëve dhe seksioneve të saj.

-Fitorja e komunave me siglën e PLL.

-Përfaqësimi me këshilltarë në shumicën e këshillave të bashkive dhe komunave të vendit.

-Drejtimi i disa këshillave vendore nga këshilltarët e PLL.

-Poste drejtuese në administratën lokale.

-U vlerësuan udhëzimet e dhëna dhe dokumentacioni i kërkuar për procesin zgjedhor.

-Kandidaturat për njësitë vendore ishin të spikatura dhe përfaqësuese.

-Fushata ishte dinjitoze, me platformë dhe program të detajuar.

-Prezantimi i kandidatëve u bë nga drejtuesit më të lartë të partisë, çka dha ndikim të dukshëm në rritjen e rezultatit.

-Posterat, media dhe në veçanti gazeta "Atdheu", i shërbyen fushatës dhe rezultatit.

-Strukturat lokale u angazhuan maksimalisht, duke kapërcyer me sukses vështirësitë e panumërta.

Mangësitë, dobësitë, vërejtjet, kritikat dhe sugjerimet e dala nga konferencat

-Rezultati i zgjedhjeve në proporcional nuk ishte ai që pritej dhe nuk e justifikoi mundin dhe djersën e legalistëve, sidomos ato të drejtuesve lokalë që kanë udhëhequr procesin zgjedhor.

-Pamjaftueshmëria e theksuar e financave për fushatën.

-Mungesa e komisionerëve e vështirësoi, për të mos thënë se e bëri të pamundur ruajtjen e votave legaliste.

-Vëzhguesit e PLL në disa qendra votimi u përzunë me dhunë; në disa të tjera nuk qendruan në qendrat e votimit dhe në KZQV-të, deri në fund të procesit të votimit dhe numërimit të votave.

Madje, në ato QV ku u shty shpallja e rezultatit, qoftë të nesërmen apo ditët e tjera, ata sërish nuk u lejuan të futeshin nëpër qendra.

Në shumë raste, përfaqësuesit tanë nuk morën dhe nuk sollën proces-verbalet e zgjedhjeve, çka na vështirësoi nxjerrjen e rezultatit dhe ankimimin në kohë e të motivuar.

-Mosangazhimi i një pjese të legalistëve, e në veçanti i disa anëtarëve të Komiteteve Drejtuese në fushatë, ishte një dukuri e shpeshtë. Por flagrante dhe e papranueshme ka qenë kundërvënia e disa legalistëve (madje edhe të zgjedhur), të cilët guxuan dhe dolën hapur kundër PLL dhe kandidatëve të saj, çka dëmtoi rëndë punën e legalistëve të ndershëm e të përkushtuar dhe ndikoi në rënien e rezultateve.

-Fiktiviteti në disa seksione, nëndegë, madje deri edhe në Degë.

-Varfëria e thellë e njerzve tanë, çka mundësoi shmangien e tyre nga fushata.

-Mungesa e përvojës zgjedhore.

-Moszbatimi i udhëzimeve të qendrës (në disa Degë).

-Tërheqja nga gara zgjedhore e disa kandidatëve, sidomos në limitet e fundit kohore, çka pamundësoi zëvendësimin e tyre, çoroditi zgjedhësit legalistë dhe dëmtoi rëndë imazhin e PLL, duke ndikuar ndjeshëm në rezultatin e përgjithshëm.

-Fushata aspak e moralshme e partive rivale.

-Qëndrimi jostatutor i ndonjë deputeti të PLL në momente të veçanta, ka sjellë ndikim negativ.

-Mungesa e prezencës fizike në fushatë e legalistëve të diasporës, përjashtuar këtu zotërinjtë Qazim e Sulejman Gjanaj, të cilët kontribuan gjatë fushatës, duke ndikuar ndjeshëm edhe në rezultatin e njësive ku ata u angazhuan.

Këto ishin mangësitë dhe dobësitë më kryesore e ndikuese në rezultatin e përgjithshëm të partisë.

Zgjedhja e kryetarit dhe Komitetit Drejtues të Degës

Të gjitha konferencat e PLL, pa përjashtim, janë zhvilluar konform statutit, udhëzimeve dhe procedurave të njohura, duke respektuar demokracinë e brendshme të strukturave, për zgjedhjen e kryetarit dhe komitetit drejtues.

Ka pasur Degë ku kanë garuar për kryetar 3-4 konkurrentë, ku vetëm transparenca e plotë dhe votimi i fshehtë kanë nxjerrë fituesin.

Shumë pozitiv ka qenë fakti se rivalët humbës kanë uruar fituesit, duke u garantuar edhe mbështetje.

Ka patur Degë që kanë zgjedhur kryetarin pa konkurrent, por me mirëkuptim dhe konsensus të plotë të delegatëve, duke vlerësuar kontributet dhe vlerat e kandidatit.

***

Kryetarët e Degëve të PLL, të dalë nga konferencat, janë si më poshtë:

1.Dega Tropojë - Xhemë Nezaj

2.Dega Kukës - Halit Muçmata

3.Dega Has - Elez Hoxha

4.Dega Shkodër - Ilir Kuka

5.Dega M. Madhe - Sami Zeka

6.Dega Pukë - Sadik Beqiri

7.Dega Dibër - Selman Agolli

8. Dega Bulqizë - Zenel Shehu

9.Dega Mat - Besnik Murati

10.Dega Lezhë - Vasil Muça

11.Dega Kurbin - Esat Cakoni

12.Dega Mirditë - Petrit Jushi

13.Dega Tiranë - Blerim Kamberi

14.Dega Kavajë - Remzi Muhja

15.Dega Krujë - Enver Kaloshi

16.Dega Durrës - Riza Dajko

17.Dega Shijak - Ruzhdi Kau

18.Dega Elbasan - Bujar Çala

19.Dega Librazhd - Dashamir Xhyra

20.Dega Gramsh - Edmond Guri

21.Dega Peqin - Bardhyl Bica

22.Dega Korçë - Nebi Ganellari

23.Dega Pogradec - Et'hem Fezollari

24.Dega Devoll - Agim Dushi

25.Dega Kolonjë - Ylli Sulejmani

26.Dega Berat - Ruzhdi Orizaj

27.Dega Kuçovë - Hysen Polovina

28.Dega Skrapar - Agron Aliaj

29.Dega Fier - Rexhep Krasniqi

30.Dega Lushnje - Shpëtim Axhami

31.Dega Gjirokastër - Njazi Aliko

32.Dega Tepelenë - Fejzo Fejzo

33.Dega Përmet - Paqësor Topi

34.Dega Delvinë - Kastriot Çene

35.Dega Sarandë - Shkëlqim Selmani

Në dy degë konferencat do të zhvillohen së shpejti në ditët e ardhshme.

***

Edhe Komitetet Drejtuese të Degëve janë zgjedhur me votim të fshehtë, apo me konsensus të delegatëve.

Në këto struktura janë përfshirë potencialet dhe figurat me të spikatura të partisë.

***

Ky është një relacion modest për këtë proces shumë të rëndësishëm të zhvilluar brenda partisë, ku sigurisht kemi ndeshur e kapërcyer shumë vështirësi.

Një nga këto vështirësi ishte edhe boshllëku i krijuar në kryesinë e partisë për shkak të vetëlargimit të Sekretarit të Përgjithshëm z.Sadedin Balla dhe Sekretarit Organizativ z.Ergjent Bufazi.

Mbasi pritëm për një kohë të gjatë rikthimin e tyre, për të normalizuar ecurinë e punëve dhe boshllëqeve të krijuara, u organizua mbledhja e përbashkët e Kryesisë së partisë, Kryesisë së Senatit dhe Kryetarit të Këshillit Kombëtar, ku u vendos:

1.Sekretar i Përgjithshëm - z.Artan Tujani

2.Sekretar i Burimeve Njerëzore - z.Blerim Kamberi

3.Sekretar i Marrëdhënieve me Publikun - z.Neritan Kolgjini.

Zgjedhja e tyre është bërë duke u nisur nga fakti se të tre personat e mësipërm janë të votuar në Këshillin Kombëtar si anëtarë të Komitetit Drejtues të PLL. Kontributet dhe vlerat e tyre janë të afirmuara dhe të vlerësuara prej vitesh.

Gjithashtu, u mor parasysh edhe synimi i moscënimit të fondit të pagave të Partisë, pasi z.Artan Tujani ka qenë sekretar i Marrëdhënieve Ekonomike; z.Blerim Kamberi ka qenë sekretar i Marrëdhënieve me Publikun; ndërsa z.Neritan Kolgjini ka qenë kryeredaktor për shumë vite i gazetës "Atdheu", drejtor i Departamentit të Marrëdhënieve me Publikun dhe nënkryetar i Degës së Tiranës.

Theksojmë se tre drejtuesit e mësipërm janë banorë të Tiranës.

***

Grupi parlamentar, megjithë problemet e ditura, ka funksionuar mirë. Deputetët e PLL kanë qenë aktivë në komisionet përkatëse, në debate, pyetje, interpelanca e të tjera çeshtje të ndryshme, por në veçanti, për Çeshtjen kombëtare, sidomos atë çame, për mbrojtjen e të drejtave të ish të Përndjekurve dhe ish pronarëve.

***

Qeveria aktuale e maxhorancës së majtë është formale, pasi ajo nuk ka qeverisur që nga momenti i ardhjes së saj në pushtet.

Protestat masive të opozitës, të sindikatave, shoqatave të ish të Burgosurve dhe të Përndjekurve Politikë, të Pronarëve, të Zyrës për Mbrojtjen e të Drejtave të Qytetarëve, të Lëvizjes "Mjaft" dhe organizatave të tjera studentore e rinore - janë treguesi më i qartë se kjo qeveri nuk ka mbështetje elektorale, madje as nga vetë socialistët.

Gjithë institucionet ndërkombëtare kanë qenë tepër kritikë ndaj kësaj qeverie, e në veçanti ndaj kryeministrit Nano - çka ka rritur optimizmin te elektorati shqiptar për një rotacion politik në zgjedhjet e ardhshme parlamentare.

***

Reforma zgjedhore është problemi kryesor i politikës shqiptare dhe institucioneve shtetërore që lidhen me këtë proces zgjedhor jetik për të ardhmen e vendit.

***

PLL është munduar të unifikojë qëndrimin opozitar për të mundësuar hartimin e një kodi zgjedhor në dobi të një procesi zgjedhor demokratik, me shanse të barabarta për të gjithë konkurruesit.

Shpresojmë shumë që t'ia arrijmë këtij qëllimi, pasi OSBE/ODIHR, BE, Asambleja Parlamentare e KE dhe Departamenti Amerikan i Shtetit janë shprehur hapur dhe qartë se "Shqipëria do të ketë sanksione në proceset integruese në BE dhe NATO, nëse nuk zhvillon zgjedhje të lira dhe të ndershme".

PLL si parti opozitare ka dhënë një kontribut shumë të dobishëm në kuadër të opozitës shqiptare dhe sidomos në Lëvizjen mbarëkombëtare "Nano IK". Kjo lëvizje ishte shtrirë në disa drejtime si: kontakte me faktorin ndërkombëtar, angazhim maksimal në debatin parlamentar, takime me shoqata të ndryshme, intelektualë, grupe të interesit e të tjera. Por ajo çka tërhoqi vëmendjen më shumë, ishin protestat masive në qytete të ndryshme, ndër të cilat më e madhja ishte ajo e 21 shkurtit 2004.

***

Sikurse jeni vënë në dijeni, Mbreti Leka I-rë me datë 29 maj 2004 i është drejtuar Kombit shqiptar me një mesazh me rastin e shpalljes së "Lëvizjes për Zhvillim Kombëtar". Kjo lëvizje është pritur mjaft mirë nga mbarë shqiptarët, kudo që janë. Nisma e Mbretit sigurisht që është mirëpritur nga legalistët, të cilët nën moton "Atdheu mbi të gjitha" kanë mbështetur në vazhdimësi Mbretin në të gjitha nismat politike.

Menjëherë, sapo Mbreti Leka I-rë shpalli këtë Lëvizje, që sigurisht në qendër të saj ka PLL, sikurse e ka shprehur vetë Mbreti Leka në media, PLL u pozicionua në mbështetje të plotë të Lëvizjes, duke vënë në shërbim të saj të gjitha resurset politike, organizative e strukturore.

***

Mbas kësaj mbledhjeje do të kemi një takim të drejtpërdrejtë me Mbretin Leka I-rë në Rezidencën e Familjes Mbretërore, në të cilin do të informoheni më në detaje.

Tiranë më 12 qershor 2004

Komunikatë për mediat e Kryesisë së PLL

Organizimi i PLL, një proces i suksesshëm

Sot zhvillojmë mbledhjen e parë me kryetarët e Degëve të PLL, të zgjedhur nga konferencat, dhe mund të pohojmë me kënaqësi se i kemi ngritur strukturat e PLL në të gjitha rrethet e vendit, çka do të thotë se Legaliteti ka 37 Degë, që funksionojnë si njësi politiko-organizative konform statutit.

Mbulimi i gjithë hapësirës gjeografike të vendit me struktura të zgjedhura me anë të procedurave transparente e demokratike - shënon një sukses madhor për PLL.

Tashmë kemi arkivuar e kompjuterizuar dokumentacionin e plotë mbi zhvillimin e konferencave, anëtarësinë, strukturat dhe proces-verbalet e zgjedhjeve të kryetarit dhe Komitetit Drejtues të Degëve.

Në këto konferenca delegatët legalistë analizuan me përgjegjësi të thellë rezultatin e zgjedhjeve vendore të 12 tetorit. Njëkohësisht u evidentuan edhe arritjet e mangësitë, me synimin e riparimit sa më parë të tyre, për të përgatitur strukturat për zgjedhjet e ardhshme.

Të gjitha konferencat e PLL, pa përjashtim, janë zhvilluar konform statutit, udhëzimeve dhe procedurave të njohura, duke respektuar demokracinë e brendshme të strukturave për zgjedhjen e kryetarit dhe Komitetit Drejtues. Të zgjedhurit janë figurat më të spikatura dhe më përfaqësuese në të gjitha Degët e PLL.

PLL si parti opozitare ka dhënë një kontribut të qenësishëm në kuadër të opozitës shqiptare, sidomos në Lëvizjen mbarëkombëtare "Nano IK". Kjo lëvizje ishte shtrirë në disa drejtime si: kontakte me faktorin ndërkombëtar, angazhim maksimal në debatet në parlament, takime me shoqata të ndryshme, intelektualë, grupe të interesave private e publike, etj. Por ato që tërhoqën vëmendjen mbarëshoqërore, ishin protestat masive në qytete të ndryshme, ndër të cilat më e madhja ishte ajo e 21 shkurtit 2004.

Kjo mbledhje zhvillohet në një moment delikat politik për vendin dhe në kushtet kur qeverisja aktuale e maxhorancës ka degraduar plotësisht, ndonëse vendi nuk është qeverisur që nga ardhja e saj në pushtet.

Protestat masive të opozitës, të sindikatave, shoqatave të Ish - të Burgosurve dhe të Përndjekurve Politikë, të Pronarëve, të Zyrës për Mbrojtjen e të Drejtave të Qytetarëve, të Lëvizjes "Mjaft" dhe organizatave të tjera studentore e rinore - janë treguesi më i qartë se kjo qeveri nuk ka mbështetje elektorale, madje as nga vetë socialistët.

Gjithë institucionet ndërkombëtare kanë qenë tepër kritikë ndaj kësaj qeverie, e në veçanti ndaj kryeministrit Nano - çka ka rritur optimizmin dhe bindjen tek elektorati shqiptar për rotacionin e pashmangshëm të pushtetit në zgjedhjet e ardhshme parlamentare.

Reforma zgjedhore është problemi kryesor dhe i papërfunduar nga politika shqiptare dhe instutucionet që lidhen me këtë proces jetik për të ardhmen e vendit.

PLL është përpjekur të unifikojë qëndrimin opozitar për të mundësuar hartimin e një Kodi Zgjedhor pa difekte, si hallka kryesore e një procesi zgjedhor demokratik e që ofron shanse të barabarta për të gjithë konkurruesit.

Shpresojmë t'ia arrijmë këtij qëllimi, pasi OSBE/ODIHR, BE, Asambleja Parlamentare e KE dhe Departamenti Amerikan i Shtetit janë shprehur hapur dhe qartë se "Shqipëria do të ketë sanksione në proceset integruese në BE dhe NATO, nëse nuk zhvillon zgjedhje të lira dhe të ndershme".

Sikurse jeni vënë në dijeni, Mbreti Leka I-rë më datë 29 maj 2004 i është drejtuar Kombit shqiptar me një mesazh me rastin e shpalljes së "Lëvizjes për Zhvillim Kombëtar".

Kjo lëvizje është pritur mjaft mirë nga mbarë shqiptarët, kudo që janë. Nisma e Mbretit sigurisht që është mirëpritur nga legalistët, të cilët nën moton "Atdheu mbi të gjitha" kanë mbështetur në vazhdimësi Mbretin në të gjitha nismat politike.

Menjëherë, sapo Mbreti Leka I-rë shpalli këtë Lëvizje, që natyrshëm në gjirin e saj ka Partinë Lëvizja e Legalitetit, sikurse e ka shprehur vetë Mbreti Leka i Parë në media, ne u pozicionuam në mbështetje të plotë të Lëvizjes, duke vënë në shërbim të saj të gjitha resurset politike, organizative e strukturore.

12.06.004

POLITIKA

PLL ka kërkuar vazhdimisht miratimin e draftit të shoqatave të Pronarëve legjitimë

PLL kundër ligjit socialist për Pronat

Legalistët kanë qenë kundër ligjërimit të grabitjes së pronave dhe shkeljeve të kushtetutës lidhur me pronat

Ditën e mërkurë, më datë 09.06.2004, kryetari i PLL z.Spahiu dha një konferencë për shtyp në ambientet e Selisë së Kuvendit, lidhur me miratimin e ligjit për Pronat nga maxhoranca, pas zvarritjeve të qëllimshme disavjeçare dhe shkeljeve të kushtetutës e afateve të saj për këtë problem kardinal për mbarë shoqërinë shqiptare.

Reagimi i z.Spahiu ndodhi menjëherë, disa orë pas miratimit, natën, me shpejtësi dhe me papërgjegjshmëri absurde të këtij ligji, për të cilin kanë qenë tejet të interesuar edhe faktorët ndërkombëtarë, sepse qëndrimi ndaj pronave vlerësohet si një tregues sintetik i zbatimit të standarteve demokratike dhe të të Drejtave të Njeriut.

Miratimi i këtij ligji nga parlamenti u bë në orën 23.00 të natës, pa praninë e opozitës dhe me një kuorum të stisur e të dyshimtë për nga pjesëmarrja e deputetëve josocialistë, e që për socialistët ishte i domosdoshëm.

Nëse disa opozitarë që votuan "kundër" apo që "abstenuan", nuk do të kishin qëndruar në sallë, nuk do të ishte krijuar kuorumi për shqyrtimin dhe miratimin e këtij ligji dhe projekti i socialistëve do të ishte rrëzuar. Megjithatë, ata ia arritën qëllimit dhe e miratuan ligjin me 64 vota pro, 5 vota kundër dhe 4 abstenime.

Në deklaratën e tij të shtypit lidhur me këtë rast, kryetari i PLL z.Spahiu i kërkoi kreut të shtetit që të mos e dekretonte këtë ligj, sepse ai shkelte hapur nenet 41 dhe 181 të kushtetutës.

Gjithashtu, z.Spahiu i kërkoi Gjykatës kushtetuese që, konform nenit 124 të kushtetutës, të interpretonte nenin 181 të saj, që konsakron të Drejtën e pronës, si një nga treguesit kryesorë të një kushtetute demokratike, ku të Drejtat dhe Liritë e Njeriut pasqyrohen dhe respektohen me rigorozitet.

Kryelegalisti, pas kësaj maskarade legjislative për një ligj kaq të rëndësishëm, u kujtoi gazetarëve se PLL kish qenë e vetmja parti që nuk kish firmosur të famshmin "konsensus" në marrëveshjen për qëndrimin e përbashkët politik të partive parlamentare ndaj pronave e pronarëve të ligjshëm, propozuar e firmosur prej tyre në dhjetor të vitit 2002, në tryezën e organizuar enkas nga z.Moisiu.

Ky qëndrim koherent i PLL në kohë, dhe votimi në parlament kur opozita dhe shumë socialistë e kishin braktisur sallën, dëshmuan katërcipërisht drejtësinë e vlerësimeve të PLL dhe shpartallimin e "konsensusit" në kurriz të pronarëve, ndonëse grabitjes së pronave tashmë i është vënë një bazë ligjore, duke ligjëruar efektet dhe vazhdimësinë e veprimit të ligjit 7501 dhe shkeljen e kushtetutës së miratuar nga vetë maxhoranca aktuale.

A.K.

PLL është e bindur se ligji socialist për pronat nuk do të zbatohet

Spahiu: Moisiu të mos e dekretojë ligjin për pronat

PLL ishte e vetmja parti që nuk e firmosi marrëveshjen "konsensuale" tek z.Moisiu për ligjin e Pronave. Koha tregoi se kjo marrëveshje nuk u respektua dhe "konsensusi" i trumbetuar u shpartallua...

Maxhoranca e majtë me 64 vota (baraz me 45 %), nga 140 deputetë të Kuvendit - miratoi mbrëmë ligjin "Për Kthimin dhe Kompesimin e Pronave...".

Me këtë ligj nuk zgjidhet çeshtja e pronave, përveçse komplikohet edhe më shumë, duke sjellë tejzgjatjen e tranzicionit të kompromentuar shqiptar. Sipas socialistëve, ky ligj përmbush një nga kushtet e BE për proceset integruese, por ne legalistët besojmë se faktorët ndërkombëtarë nuk do të mashtrohen, sepse edhe ata janë të bindur se ky ligj nuk do të zbatohet.

PLL ka qenë gjithmonë konsekuente në qëndrimin e saj për zgjidhjen e problemit të Pronave, duke refuzuar spekullimet politike dhe duke synuar kthimin realisht të saj tek pronari legjitim.

Në tryezën e 18 dhjetorit të vitit 2002, të iniciuar nga kreu i shtetit z.Moisiu, e në të cilën ishin të pranishëm të gjithë kryetarët e grupeve parlamentare, PLL ishte partia e vetme që nuk firmosi deklaratën e përbashkët të nënshkruar nga këto parti, pasi në thelb termat juridike dhe qëndrimet që ajo mbartte, nuk e zgjidhnin çeshtjen e pronave, përkundrazi...

Kjo deklaratë ishte thjesht spekullative, sepse synonte lehtësimin e nënshkrimit të hapjes zyrtare të negociatave Shqipëri - BE, më 31 janar 2003, çka edhe ndodhi kur erdhi kryekomisioneri i BE, z.Romano Prodi.

Koha, sensibilitetet, diskutimet në Parlament, braktisja e sallës së Kuvendit nga deputetët e opozitës dhe votimi i këtij ligji me rëndësi jetike vetëm me 64 vota - dëshmuan drejtësinë e qëndrimeve të palëkundura të PLL në mbrojtje të pronarëve.

PLL duke u bazuar në kushtetutën aktuale, të cilën vetë maxhoranca e majtë e ka hartuar dhe miratuar - kërkon:

1. Kreu i shtetit, z.Alfred Moisiu, sipas nenit 84 të Kushtetutës, të mos e dekretojë ligjin "Për Kthimin dhe Kompesimin e Pronave".

2. Z.Moisiu, sipas nenit 85, ta kthejë ligjin në fjalë për rishqyrtim në Kuvend.

3. Gjykata kushtetuese, sipas nenit 124 të Kushtetutës, që garanton respektimin e saj, të interpretojë nenin 41 të Kushtetutës, që konsakron të Drejtën e Pronës.

09.06.2004

AKTIVITETE

PLL përcakton afatet kohore për organizimin nëpër degë

Rregullat e reja për organizimin e punës në degë

Udhëzime për Degët e PLL në rrethe

1. Të gjitha Degët e PLL të nisin punën për të rikonfirmuar anëtarësinë, duke plotësuar regjistrin themeltar sipas modelit të formularit (të bashkëngjitur). Të fillojë puna për korrigjimin e mangësive të konstatuara nga konferencat dhe të zbatohen detyrat e caktuara prej tyre.

Afati deri më 31 dhjetor 2004.

2. Degët të shtrijnë strukturat e tyre në të gjithë hapësirën gjeografike të rrethit. Ngritja e seksioneve të bëhet deri në nivel lagjeje, për të realizuar objektivin e PLL: "një seksion - një qendër votimi" - me qëllim ruajtjen e votave të PLL dhe kandidatëve të saj.

Kryesia e PLL do të kontrollojë në vazhdimësi realizimin e këtij objektivi, mbi bazën e informacioneve të Komiteteve Drejtuese lokale, që duhen sjellë në qendër, çdo muaj.

Afati deri në prag të zgjedhjeve.

3. Strukturat lokale të PLL të bëjnë evidentimin dhe afrimin e familjeve zogiste, të intelektualëve, të rinjve, grave dhe biznesmenëve të paangazhuar aktualisht në parti të tjera, me bindje të djathta, që janë simpatizantë të PLL e programit të saj. Këto potenciale, pasi të afrohen, t'u krijohen mundësi për të kontribuar në zbatim të programit të PLL.

Afati deri më 31 mars 2005.

4. Për çeshtje të caktuara, në nivel Degësh - të koordinohet puna në mënyrë institucionale me subjektet e djathta politike.

Në vazhdimësi.

5. Strukturat drejtuese lokale të PLL të ndërgjegjësojnë elektoratin e djathtë dhe atë abstenues, për të mbështetur alternativën legaliste.

Afati, deri në zgjedhjet e vitit 2005.

6. Këshilltarët e PLL, si përfaqësues politikë në këshillat vendore, janë të detyruar të veprojnë në përputhje me linjat politike të partisë, si dhe të zbatojnë vendimet e organeve drejtuese të saj.

Në vazhdimësi.

7. Të gjënden mundësitë për krijimin e lidhjeve me grupet e biznesit, interesit dhe mediave - si shprehje e vizionit të PLL për zhvillim lokal dhe kombëtar.

Në vazhdimësi.

8. Të fillojë evidentimi i figurave të spikatura dhe përfaqësuese nga radhët e anëtarësisë, të pjesës së paangazhuar të shoqërisë, si dhe përgatitja e tyre në bashkëpunim me strukturat e PLL - për të përfaqësuar partinë dhe programin e saj në zgjedhjet e ardhshme parlamentare.

Afati, deri më 31 mars 2005.

9. Të informohet anëtarësia dhe simpatizantët me përmbajtjen e gazetës "Atdheu", si pasqyrë dhe koncentrat i mendimit filozofik e politik të PLL.

Të pasqyrohet puna organizative e Degës në gazetë. Të bëhet shpërndarja e gazetës në të gjithë territorin që mbulon Dega, duke synuar abonimin e anëtarësisë. Të angazhohen intelektualët në shprehjen e mendimit të kualifikuar në faqet e gazetës, duke e përdorur atë si tribunë të promovimit të ideve të përparuara dhe vizionit politik të PLL.

Afati, deri në ditën e zgjedhjeve.

10. Ky udhëzim të punohet urgjentisht në Komitetet Drejtuese të Degëve dhe të fillojë zbatimi i tij me përpikmëri dhe përgjegjësi të plotë politike.

Nga kryetarët e Degëve dhe Komitetet Drejtuese, kërkohet korrektësi në zbatimin e udhëzimeve. Në të kundërtën, ndaj tyre do të mbahet qëndrim sipas statutit të PLL.

Tiranë, më 12.06.2004

Zhvilloi punimet konferenca VII-të e Degës së PLL Tepelenë. Rizgjidhet kryetar z.Fejzo Fejzo

Basha në Tepelenë: Legalistët nuk i shmangen sfidave

Ditën e djelë, më datë 6 qershor 2004, në qytetin e Tepelenës zhvilloi punimet konferenca VII-të e Degës së PLL të këtij rrethi. Për të marrë pjesë në punimet e saj kishin ardhur legalistë nga qytetet e Tepelenës dhe Memaliajt, si dhe nga komunat përreth.

Punimet e kësaj konference i ndoqi, si i deleguar i Kryesisë, edhe nënkryetari i PLL z.Murat Basha.

Konferencën e deklaroi të hapur kryetari i Degës së PLL Tepelenë, z.Fejzo Fejzo. Ai, pasi i uroi mirëseardhjen të deleguarit të Kryesisë, falenderoi të pranishmit për kontributet që kishin dhënë për Partinë Lëvizja e Legalitetit dhe mundin e derdhur në fushatë. Më pas z.Fejzo u ndal në vështirësitë specifike të asaj zone, ku nuk harroi të përmendë presionin e madh që ishte përdorur karshi Partisë Lëvizja e Legalitetit, drejtuesve dhe anëtarëve të saj nga ana e partisë në pushtet.

Ai tha se zgjedhjet e 12 tetorit ishin marrë me seriozitet nga strukturat drejtuese të Degës, për të zbatuar vendimin e Këshillit Kombëtar për të dalë më vete.

Në këtë kuadër, të gjithë i ishin përveshur punës për gjetjen e kandidaturave, ku si më të spikatur ai përmendi kandidaturën e kandidatit të PLL për bashkinë e Memaliajt atë të z.Behar Nuellari dhe të bashkisë së Tepelenës, z.Myrto Tafili. Gjithashtu, në fjalën e tij ai theksoi faktin se pavarësisht vështirësive dhe terenit të gjerë, PLL në këto zgjedhje kishte plotësuar me lista këshilltarësh tetë nga dhjetë njësi vendore. Ky plotësim me lista si edhe puna e bërë, kishte mundësuar që Legaliteti si subjekt, të grumbullonte 383 vota, ose 2.5 % të rezultatit, si dhe fitimin e dy këshilltarëve.

Sipas analizës së rezultateve të zgjedhjeve, në këtë Degë për disa vota nuk mundën të futeshin edhe dy këshilltarë të tjerë. Më poshtë, z.Fejzo vazhdoi të fliste për prapambetjen e madhe ekonomike të të gjithë krahinës dhe faktin e lënies së saj jashtë vëmendjes nga ana e qeverisë Nano.

Ai tha se gjatë zgjedhjeve lokale të tetorit, u manipulua hapur vota si përmes listave të votuesve, ashtu edhe përmes vjedhjes dhe blerjes së votave. Duke folur për programin e Legalitetit ai shprehu konsideratën se vetëm forcat e djathta mund të ndryshojnë gjendjen në vend, dhe se programi i Legalitetit është më i spikatur në këtë drejtim. Ai tha se kthimi i Familjes Mbretërore në Atdhe - ka ngjallur besimin jo vetëm tek elektorati i zhgënjyer, por në të gjithë popullin shqiptar. Ai i raportoi gjithashtu nënkryetarit të partisë se, mesazhin që ky i fundit i kishte komunikuar para një jave në emër të Mbretit, se Mbreti përshëndeste të gjithë banorët e asaj krahine dhe shpejt do ta vizitonte atë, e kishte transmetuar sa kishte mundur dhe se ky mesazh ishte pritur me optimizëm.

Duke u ndalur në detyrat për të ardhmen, ai shprehu bindjen se vetëm forcimi i strukturave të Legalitetit ishte në dobi të Mbretit dhe vendit.

"Përvoja e zgjedhjeve të kaluara, - tha ai, - na ka shërbyer shumë, sepse tani nxorëm mësimin se për zgjedhjet duhet të punojmë gjatë gjithë kohës dhe jo vetëm gjatë muajve të fundit". "Ne tani i kemi mësuar pikat e dobëta dhe do t'i korrigjojmë ato; kemi gjetur njerëz në të katër anët dhe do t'i shtojmë ato".

Ai tha se Komiteti Drejtues dhe anëtarësia legaliste, ndiqnin me vëmendje veprimtarinë e kryesisë dhe të grupit parlamentar, dhe se qëndrimet e drejta e të prera të këtyre strukturave për çështjen kombëtare, pronat, kompensimin e ish të dënuarve dhe të Përndjekurve Politikë, kishin qenë mëse të drejta dhe kishin ngjallur simpatinë e publikut.

***

Më pas konferenca vazhdoi në rrjedhën e diskutimeve në formën e bashkëbisedimit, ku morën pjesë shumë bisedues.

Myrto Tafili, sekretar i Degës tha se "... në Tepelenë alternativa legaliste po përhapet ngadalë, por e sigurt". "Në Tepelenë numërohen 60 familje të flakta monarkiste. Puna jonë është përqëndruar në komuna, sidomos në ato ku kandiduam dhe humbëm për pak vota, si në rastin e komunës Sinanaj. Kemi këshilltarë në Qesarat dhe Krahës, ku arritëm një rezultat premtues për të ardhmen".

Bashkëbiseduesit e tjerë, si zotërinjtë Hoxha, Ruka, Çela, etj, u përqëndruan në gjetjen e mekanizmave për thithjen e sa më shumë anëtarëve nga radhët e rinisë dhe intelektualëve. Ata shprehën nevojën e shtimit të mjeteve propagandistike dhe të punës individuale me njerëzit. Ata shprehën optimizëm për rezultate edhe më të larta në zgjedhjet e ardhshme parlamentare, ku PLL duhet të shpalosë edhe një herë, por më fort, profilin dhe programin e saj.

***

Në fjalën e tij nënkryetari i PLL z.Basha u tregoi pjesëmarrësve për atë përpjekje madhore që ishte ndërmarrë nga partia në zgjedhjet e kaluara, dhe falenderoi gjithë legalistët e Shqipërisë, por në veçanti edhe ato të Tepelenës, për barrën që kishin mbajtur mbi shpatullat e tyre. Ai përmendi edhe persekucionin e vazhdueshëm që kishte pasur kryetari i tyre z.Fejzo Fejzo, por edhe legalistët e tjerë, vetëm për faktin e të qënit anëtarë të Partisë Lëvizja e Legalitetit.

"Legalistët kanë qenë dhe janë të vetëdijshëm për këto vështirësi dhe privime, dhe e pranojnë sfidën, sepse ata janë të bindur se të gjitha këto bëhen në interes të Atdheut dhe Mbretit".

Ai foli për vuajtjet e panumërta, sakrificat sublime, kontributin e çmuar që legalistët kanë dhënë në breza, në shërbim të Kombit dhe Mbretit. "Edhe kur atëherë çdo gjë dukej pa shpresë për shkak të bishës komuniste që kishte pushtuar gjysmën e Europës, legalistët ditën ta mbanin të pathyeshëm idealin e tyre, ideal që buron nga geni i Kombit. Sot ky ideal është më i fortë se kurrë, sepse sot, më shumë se kurrë, interesat e Atdheut janë në rrezik. Ne duhet ta shpëtojmë këtë vend jo vetëm për hir të interesave tona, por edhe të brezave që do të vijnë. Partia Lëvizja e Legalitetit, është e vetmja parti që jo vetëm me program por edhe me vepra, ka zbatuar dhe zbaton filozofinë e Mbretit Zog "Atdheu mbi të gjitha". Sot, më shumë se kurrë, shtetet që asnjëherë nuk i kemi patur miq - janë vërsulur për kolonizimin modern të vendit tonë".

Më pas z.Basha i njohu të pranishmit edhe me disa nga objektivat e Lëvizjes për Zhvillim Kombëtar, të ndërmarrë nga Mbreti Leka dhe jehonën që ka gjetur kjo lëvizje tek shqiptarët brenda dhe jashtë kufinjve. Ai kërkoi forcimin e strukturave të Legalitetit "sepse vetëm kështu ato mund të vihen më mirë në shërbim për kthimin e Mbretit në Fron".

Në fund të fjalës së tij, nënkryetari legalist u ndal me hollësi në shumë udhëzime, për të cilat siguroi se "do të kontrollohen për zbatimin e tyre".

***

Në garën për postin e kryetarit të Degës së PLL Tepelenë për mandatin e ardhshëm dy-vjeçar, konkurruan kryetari aktual, z.Fejzo Fejzo dhe sekretari i Degës z.Myrto Tafili. Pas procesit të numërimit të votave, rezultoi fitues z.Fejzo Fejzo me 31 vota, përkundrejt 9 votave të fituara nga z.Myrto Tafili.

Pas daljes së fituesit për kryetar, votimi vijoi me zgjedhjen e Komitetit të ri Drejtues të përbërë prej 13 anëtarësh.

Menjëherë pas mbarimit të Konferencës, nën drejtimin e kryetarit të ri të Degës z.Fejzo Fejzo, u zhvillua mbledhja e parë e Komitetit të ri Drejtues, e cila me votim të fshehtë zgjodhi dy nënkryetarët e Degës. Ndërsa për postin e sekretarit të Degës, iu propozua qendrës kandidatura e z.Myrto Tafili, me profesion jurist, i cili e ka kryer këtë të detyrë edhe mandatin e kaluar.

Korresp i "Atdheu"

POLEMIKA

Replikë për deklaratat në "Opinion" të "TV Klan" (2)

Sintonia antizogiste e lektorëve të Klanit

Emisionet për Zogun duhet të shprehin vlerësime objektive historike dhe jo të bëhen arenë e fobisë dhe mllefit antizogist

Prof.as. Dr. Bajram XHAFA

Vijon nga numri i kaluar

Dikujt i han miu pallën, dikujt i lëron daci arën

Plasari na përmendi një shprehje të bukur që Zogu na e paska patur si devizë të jetës qysh në fëmijëri: "Kush del nga trualli i tij, humbet". Populli ynë thotë "guri i rëndë, në vend të vet". Një fjalë goje. Po hajde dhe zbatoje

Vitet 1912 - 1920 kanë qenë më tragjiket në të gjithë historinë e popullit shqiptar. Populli shqiptar nuk ka pësuar kurrë ndonjëherë aq shumë mënxyra të pashembullta në aq pak vite. Gjithë zeheri i Evropës që përgatitej ethshëm për Luftën e ardhshme Botërore, së pari u derdh në Ballkan ku ajo bëri provën gjenerale. Dhe gjithë zeheri i Ballkanit dhe i Evropës bashkë u derdhën mbi trojet dhe popullin shqiptar. Ahmet Zogu i ri, shumë i ri, me plot arsye dhe të drejtë mund të kthehej në Stamboll për të vazhduar studimet, se fundja, Ai jo vetëm që ishte aq i ri, por nuk ishte as "i pari i Shqipërisë", që ta ngarkonte veten me detyrime aq të mëdha. Askush, as në kohën e Tij dhe as më pas nuk do t'ia kishte drejtuar gishtin tregues për mungesë përgjegjësie. Përpara Tij e kishin radhën plot e plot të tjerë për të marrë mbi vete obligime aq të mëdha e aq të rënda për fatet kombëtare. Shqipëria kishte plot burra me zë për luftë e për politikë, madje nga familje më të mëdha se ajo e Zogollit. Në ditë të vështira njihet burri, i urti, trimi, soji.

Me moshën e tij shumë të re, Ai mori mbi vete përgjegjësi dhe sakrifica që vetëm ndërgjegjia e lartë kombëtare mund t'ia urdhëronte. Dhe Ai i bindej asaj, e kishte në shpirt. Shokët e Tij me origjinë nga elita shqiptare, harxhonin paratë e trashëguara apo të "fituara enkas", nëpër kafenetë e kazinotë e Evropës dhe mejhanet e Stambollit.

Ndërsa Zogu zgjodhi më të vështirën. Ai u bë pjesë e fatit të popullit të tij fatkeq në kohët më të rënda. U shkri e u bë njësh me të. Ndau gjithë vuajtjet dhe brengën me të dhe i priu në luftë për t'i dalë të keqes përpara me gjithë fuqitë e Tij.

Kur qiellin dhe tokën shqiptare i mbuloi tymi dhe flakët e luftës, Sarajet e Zogut ktheheshin në strehë ku gjenin shpëtim mijëra muhaxhirë (refugjatë), të ikur nga trojet amtare për t'i shpëtuar terrorit dhe genocidit serb. Aty gjenin mikpritje bujare, bënin konak e kuvend për fatet e Shqipërisë personalitete të Lëvizjes Kombëtare, që i kishin ikur furisë gllabëruese të kuçedrës shovene. Aty strehoheshin jetimët të cilët rriteshin, edukoheshin dhe pastaj hapnin shtëpi më vete e bëheshin ushtarë të Atdheut.

Historia tregon se kur filloi Lufta Parë Ballkanike dhe, ushtritë serbe, malazeze e greke, nën zjarrminë e etheve shovene u sulën egër drejt tokave shqiptare - të pakta qenë krahinat që bënë qendresë të organizuar. Pati krahina e "burra me za", që edhe u "dhanë leje" dhe ua hapën rrugën "kundër turkut" në tokat shqiptare, apo dezertuan nga mbrojtja e Janinës "për patriotizëm" ballkanik.

Njëra nga krahinat që ushtritë serbe nuk e shkelën dot (e vetmja) dhe që bëri qëndresë të organizuar nën drejtimin e djaloshit të ri Ahmet Zogu - ka qenë Mati.

Të rinjtë e kësaj moshe sot i konsiderojmë adoleshentë, ndërsa Zogu i ri e hante barutin me grusht.

Eshtë kollaj të flasësh "ex kathedra" si akadhemyk, për psikologji bajraktare, apo të përdorësh ato epitetet e neveritshme të Krist Malokut, që i rreshtonte pranë e pranë: "Një oriental dinak..., një injorant karagjoz..., një gangster ballkanik e i përgjakshëm".

Plasari nuk vonon të tregojë plot cinizëm e pantomima për vrasjen si në filma të Zija Dibrës, duke zbërthyer edhe veçorinë karakteristike ballkanike të kësaj vrasjeje, kur rreket të na mbushë mendjen se: - vetëm ne ballkanasit e kuptojmë se çdo të thotë: u arratis dhe u vra.

Edhe me veshjen mbretërore ka punë Plasari, kur shprehet: "veshje që ne na ngjan si karagjoz", dhe se "mbretërit e Savojës e të Francës nuk ngjajnë si të tillë, por rrezatojnë kulturë tradicionale...", etj., etj..

Qysh se i ndërpreu më 1912, Zogu nuk pati mundësi kurrë më të ndjekë studimet, por jo nga mungesa e dëshirës, zotësisë dhe vullnetit. A nuk mund të flitej me këtë gjuhë për sakrificat dhe përkushtimin e pashoq të Zogut ndaj Atdheut?

Duhej gjetur vend për të ironizuar opozitarin Stavro Vinjau, i cili në vitin 1923, kur sapo kishte mbaruar studimet për Drejtësi (në qershor 1924 në qeverinë e Nolit, që erdhi me grusht shteti, ai u caktua ministër për "kontributin" në fitoren e tij), i thoshte me ironi Zogut që të linte drejtimin e qeverisë për të "mbaruar shkollën", pastaj të vinte e të matej me "shkollarët" e mëdhenj si ai.

Në historinë shqiptare të viteve '20 kishte shumë prej atyre patriotëve për të cilët Nikolla Ivanaj shkruan me ironi se, pasi "ishin lodhur duke punuar e harxhuar për Shqipërinë dhe akoma s'ishte bërë gjë prej gjëje", "pas vitit 1912 luejtën pak për së gjalli se Shqinija s'e kishte ma atë nevojë për ta..., por po, tash (kur Shqipëria u bë pas 1920 - tës - B. Xh.), e kishin nevojën ata vetë për Shqipni: sepse lopa ishte mbarsë!...", dhe pritej me u mjelë. ("Historia e Shqipnies së Re", pjesa e parë, Tiranë 1943, f. 35).

Kush i kthen shpinën Atdheut nuk duhet të kërkojnë shumë prej tij, siç bënin shumë eksponentë "demokratë" të viteve '20. Shumë nga ata eksponentë i kaluan gjithë këto vite në hotelet dhe klubet Lozanës e të qyteteve të tjera zvicerane dhe, kur mbaroi Lufta, me "varkën" e Italisë ja mësynë Shqipërisë për t'i dhuruar si peshqesh një peshtaf me protektoratin italian si orientim "perëndimor".

Ahmet Zogu nuk bënte pjesë në këtë kategori. Ashtu si miu i fjalës së urtë, emisioni i Blendit brente e hante pallën e nacionalizmit dhe lëronte arën për antikombëtarët që bënin rrëmujën e viteve '20 dhe bëjnë po atë punë sot.

Injorimi dhe zbehja e veprave kombëtare dhe protagonistëve të tyre, si dhe lartësimi i të keqes - është shprehje e degjenerimit kombëtar. Kësaj i duhet thënë ndal.

Kur z.Fevziu na zbulon thënien e Esat Toptanit "Nëse këtij djali nuk do t'i presim këmbët, ai do të na hajë kokat" (Esati e njihte mirë politikën prandaj këtu ka parasysh edhe veten e tij), ai (Blendi) në formë paradhënieje përgatit teleshikuesin për "patologjinë kriminale" të Zogut dhe për "kokat që do të hajë(!)" më vonë, kur Ai të vijë në pushtet. Me këtë ai shpreh edhe atë brengë që ende sot i bren disa, për faktin se Zogun nuk e zuri ai plumb i mallkuar kur i bënë atentat.

Zogu "aleat" me austro-hungarezët (kupto: kolaboracionist me pushtuesin)..., por, nën pushtimin e tyre, desh të organizonte një kongres në Elbasan (kongres kombëtar për të biseduar për problemet e Shqipërisë). Del se nuk paska qenë aleat me pushtuesit. Përderisa qeveria austro-hungareze e internoi në Vjenë, kuptohet vetiu se Ai paska qenë kundërshtar i rrezikshëm për ta.

"Zogu..., ishte kështu, por..., doli ashtu", - vazhdon emisioni me ato kapërcimet pindarike "pup këtu e pup atje".

Megjithë qëndrimet e qarta, të palëkundura e konsekuente politike nacionaliste të Zogut, emisioni e hedh Atë sa në një degë në tjetrën, gjithmonë duke e mbështjellë me pelerinën fantazmagorike të Krist Malokut.

- Ishte në Vjenë, ku ballafaqohet me një monarki evropiane - thotë z. Blendi me huazime nga fjalori i luftës, a thua se Zogu kishte shkuar në Vjenën evropiane për "ballafaqime". Meqenëse ishte edukuar në saraje orientale nga ato të Abdyl Hamitit II-të, sapo të shkelte në tokë evropiane atë do ta kapnin të vjelltat nga alergjia.

Më shkurt dhe më e drejt do të ishte të thoshte atë të vërtetë që, në Vjenë, Zogu pati angazhime të mëdha për të plotësuar me punë intensive e në kohë rekord gjithë mungesat e shkollimit e të përvojës politike.

- Atje ndjek ballot, valset, por edhe kazinotë (me këto të fundit don të na plotësojë portretin e një "haramsëzi", duke iu referuar "Historisë" së Bernd Fisherit, për librin e të cilit shton se është një "studim shumë serioz".

Ky libër parë me kujdes, "me gjasë" (guxoj të them), duhet të jetë bërë me porosi nga Shqipëria socialiste.

Nga pikëpamja e veprimtarisë politike, kuptohet se Zogu nuk mund t'i përgjigjej "standarteve evropiane për të qenë një burrë shteti", - thotë Pirro Misha. Po ku i kishte në atë kohë Evropa standartet e veta të burrë-shtetit? Cilat ishin në atë kohë standartet evropiane të cilat ne shqiptarët nuk paskemi qenë në gjendje t'i kuptonim as atëhere, dhe nuk po jemi në gjendje t'i kuptojmë edhe tani?! Ku mendon TV "Klani" se Zogu duhet të merrte modelin e burrë-shtetit: në njërin nga shtetet e Antantës (ku bënte pjesë edhe Rusia cariste autokratike), apo nga Blloku Qendror?! Pastaj duhet menduar pak se, me ato modelet e tyre evropiane, të dy palët e çuan Evropën e tyre dhe gjithë botën në kasaphanën e përgjithshme të Parë (shpërthimi i saj nuk pati si shkak ndonjë faktor ideologjik si në kasaphanën tjetër të LDB).

- "Koha, rrethanat dhe një fat i çuditshëm, siç duket e ndihmuan Zogun", - shpjegojnë lektorët e TV "Klanit", por... "ka plot gropa që Fisheri nuk mund t'i mbushë!!!".

Cilat qenkan ato gropa që nuk qenka në gjendje t'i mbushë as Fisheri i Amerikës, dhe pse nuk i mbushin ata që janë thirrur nga komunalja e z.Blendi?!

vijon në numrin e ardhshëm

HORIZONT

Për republikat, apo ndryshe, monarkitë e klonuara mbrapsht

REMZI MUHJA

Kryetar i Degës së PLL Kavajë

Për Mbretërinë Shqiptare të viteve 1928-1939, me Mbretin Zog I-rë në veçanti dhe për mbretërit në përgjithësi, në vendin tonë është folur aq keq, saqë edhe sot ka akoma mjaft njerëz që e quajnë Mbretërinë "një sistem të vjetëruar e të prapambetur".

Për këtë arsye duhet që të ndriçohet e vërteta, të thuhen gjërat ashtu siç kanë qenë faktikisht dhe pa partipri e preferenca ideologjike.

Duke u nisur nga ky këndvështrim, do të mundohem të hedh dritë sadopak në këtë drejtim.

Po a është në fakt forma e qeverisjes mbretërore, e prapambetur dhe totalitare, sikundër propagandohet nga apologjetët e republikanizmit të të dy krahëve dhe, a është forma e qeverisjes republikane përparimtare dhe demokratike?

Përgjigjet e këtyre pyetjeve janë dhënë dhe jepen në favor të të dy kahjeve.

Për të ndihmuar në zgjidhjen e problemit do të ofroja disa fakte dhe ngjarje historike që, për shumëkënd, janë të njohura.

Mbas Luftës Dytë Botërore, në shumë vende të Europës Lindore, për fat të keq edhe tek ne, pas Luftës Pare Botërore u rrëzuan monarkitë parlamentare dhe u zëvendësuan me republika demokratike "socialiste", "popullore", etj..

Dhe sistemet e reja "demokratike", "socialiste", "popullore" e me mbiemra të tjerë shumë të bukur, duhet të sillnin demokracinë, lirinë, zhvillimin ekonomik dhe ngritjen e nivelit të jetesës për vegjëlinë apo "proletariatin", siç thoshin ata.

Por çfarë ndodhi në të vërtetë! A ishin ato republika "demokratike", "socialiste", "popullore", apo ishin mbretëri të klonuara së prapthi. E thënë më troç, tullë fare: ato ishin forma më e keqe të ngjashme me monarkitë absolutiste të mesjetës, me "mbretërit" më të përçudnuar të historisë, si Lenini, Stalini, Hitleri, Mao Ce Duni, Tito, Enveri, Dimitrovi, Dezhi, Çaushesku, Honekeri, Kim Ir Seni, Ho Shi Mini, etj..

Pra ndodhi ajo që, u përmbysën mbretëritë e ligjshme, në mënyrën më të paligjshme.

U vendosën mbretëritë e paligjshme të sajuara, primitive, karikatura të monarkive parlamentare. Mbretërohej jo me mbret legjitim, me qeveri e parlament, por me "mbretin" me të mundshëm të keq, të vendosur nga forcat më të errëta të mundshme, pa qeveri, ose me qeveri formale, pa parlament, ose me parlament formal.

Le të kthehemi pak më larg në histori, ç'ndodhi gjatë revolucionit "të famshëm" francez të vitit 1789? "...ka qënë burimi dhe fillimi i të gjitha koncepteve të tashme komuniste, anarkiste dhe socialiste", - sipas autorit Kropotkin.

Më 21 Janar 1794, mbretit Luigji XVI-të, revolucionarët e atëhershëm i prenë kokën. Përfundimisht, mbretëria u shkatërrua dhe u sajua e ashtuquajtura Republika I-rë Franceze.

"Sa më shumë lexojmë dhe thellohemi në mizoritë e revolucionit francez, aq më ogurzi dhe enigmatik na paraqitet ai", - shkruan Nikolai Nikolov tek libri "Komploti Botëror".

Përse Franca u desh të paguajë miliarda franga, që t'i blejë reformat të cilat Luigji XVI-të po zbatonte!?. Përse Konventa derdhi aq shumë gjak? Përse u vranë dhe masakruan një milion njerëz të pafajshëm?

Thonë se "u përmbys një rend i vjetër e i prapambetur". Për një moment po e pranojmë si të vërtetë. Por ç'ndodhi me vonë? Nuk kaloi shumë kohë dhe, më 18 maj 1804, përsëri Franca u shpall mbretëri, ose më mirë "perandori", me gjeniun Napoleon Bonaparti në krye. Pastaj kemi Republikën II-të më 1848, dhe përsëri lumë gjaku më pas. Kemi Republikën III-të më 1875, dhe përsëri lumenj gjaku. Pastaj Republikën IV më 1946, dhe Republikën V-të më 1958.

Ajo që të bën përshtypje, përveç faktit ngjethës të miliona viktimave të pafajshme, është se pjesa dërrmuese e krimeve dhe masakrave kanë ndodhur mbas rrëzimit të mbretit dhe janë bërë nga kundërshtarët e tij. Dhe, në fund të fundit, cili qe rezultati nga gjithë këto luftëra civile, apo revolucione të ashtuquajtura popullore?! Përsëri disa japin të njejtën përgjigje, si më sipër: U vendos një rend i ri përparimtar, demokratik etj., etj..

Po çfarë fitoi Franca, çfare fitoi populli francez? A u bë ai më i pasur, më i lumtur, më i shkolluar, më i kulturuar?! Po republika franceze me një president me fuqi diktatori, a u bë më demokratike?! Po me treguesit e zhvillimit çfarë ndodhi? A ia kaluan këta tregues atyre të mbretërive britanike, suedeze, belge, hollandeze, etj., të cilat nuk bënë eksperimente revolucionesh gjakatare, por vazhduan përmirësimin e sistemit të tyre tradicional?

Kushdo e ka të qartë se Franca jo vetëm që nuk eshtë më e zhvilluar se mbretëritë e mësipërme, por ndoshta eshtë ca mbrapa, si në drejtim të nivelit të jetesës, ashtu edhe të demokratizimit e të lirisë së fjalës.

Dy fjalë edhe për Italinë. Pas referendumit të vitit 1946, populli italian zgjodhi Republikën si formë qeverisjeje, dhe kjo ishte zgjedhja e tij. Por ç'rezultoi?! Mbas gati 60 vitesh kemi afro po aq qeveri. Niveli i jetesës, zhvillimi ekonomik, demokratizimi i jetës dhe kryesisht lufta kundër korrupsionit, nuk janë më të larta se në vendet me qeverisje "të prapambetur", përkundrazi...

Gjithashtu edhe Perandoria ruse është një shembull kuptimplotë. Në vitin 1913 Rusia kishte një progres ekonomik, i cili për nga prodhimi industrial ua kalonte ShBA-ve Anglisë, Gjermanisë, (sipas A. Ralph Epperson). Asokohe Rusia prodhonte 12.2 milion ton naftë, ndërkohë që ShBA-të prodhonin 10 milion ton. Ndërsa prodhimi bujqësor (sipas studiuesit Pol Xhonson), eksportohej në masën 40 %.

Cari i Rusisë, Nikolai II-të, abdikoi më 15 mars 1917. Dy javë më pas "importohen" nga jashtë: Lenini nga Zvicra, me një tren të blinduar gjerman dhe Bernshtajni e Trocki nga ShBA-të. U rrokullisën ngjarjet dhe vjen qeveria e Lvovit, Kerenskit, e në fund, për fatin e keq të të gjithë njerëzimit në përgjithësi dhe në veçanti të popullit rus, fitoi revolucioni bolshevik në tetor të vitit 1917.

Mbas rrëzimit të dinastisë së Romanovëve ndodhi vërtet një tragjedi që i kaloi të gjitha fantazitë homeriane, eskiliane, biblike, azteke, mohikane, inkase, shekspiriane, rasiniane etj., etj.. Dhjetëra miliona njerëz të pafajshëm u vranë, u masakruan dhe u internuan. Dhe më tronditëse është se gjithë kjo kasaphanë njerëzore u krye nga vetë revolucionarët e kuq dhe jo nga përkrahësit e mbretit, të cilët u masakruan të parët.

Një fat të ngjashëm pati dhe gjiganti tjetër i Lindjes, Kina. Në vitin 1908 vdiq perandoresha Tzu His dhe fronin e trashëgoi 2 vjeçari Pu Yi. U mblodh Asambleja Kombëtare dhe u kërkua krijimi i një monarkie kushtetuese, por revolucionari Sun Jat Sen nuk pranoi. Më 29 dhjetor ai krijoi Republikën në Nankin, duke u vetëshpallur president. Gjashtë javë më pas, dinastia e Mançuve, e fundit e perandorisë kineze - abdikoi.

"Pra u shkatërrua parimi i ligjshmërisë, duke u krijuar një boshllëk që mund të mbushej vetëm me forcë", - thekson Pol Xhekson, në librin "Kohët moderne".

Tashmë dihet se ç'ndodhi në Kinë më pas, sa gjak u derdh, sa viktima, sa tmerre, sa shkatërrime, uri e mjerim... Çfarë lufte e tmerrshme civile u zhvillua ndërmjet Çan Kai Shisë dhe Mao Ce Dunit. Dhe të gjitha këto, siç e kemi theksuar edhe më sipër - nuk i bënë përkrahësit e mbretit por "të moderuarit" republikanë.

Le t'i hedhim një veshtrim rikrijimit të shteteve ballkanike në shekullin XIX-të, mbas shkëputjes nga Perandoria otomane.

Në Greqi, pas shumë luftërash dhe intrigash klanore, në shkurt të vitit 1833, mbret i Greqisë u vendos djali i mbretit të Bavarisë, Luigjit I-rë, Ottoja 17 vjeçar dhe, më vonë, princ Vilhelmi, djali i dytë i mbretit Kristian IX i Danimarkës, me emrin Gjergj.

Më 5 Janar 1859 kemi shpalljen e bashkimit të Vllahisë me Moldavinë, që solli krijimin e Rumanisë me Aleksandër Jan Kuza. Pastaj më 11 maj 1866, princi Karl Hohencolern-Sigmaringen, kushëri i mbretit të Prusisë dhe nga nëna i Napoleonit III-të, u shpall princ mbretërues me emrin Karoli I-rë. Përfundimisht shpallet Mbretëria në maj të vitit 1881, me mbret nipin e Karolit I-rë, Ferdinand Hohencolern -Sigmaringen.

Bullgaria filloi si principatë me Aleksandër Batenberg, më 13 korrik 1879, me origjinë gjermane, nipi i Carinës. Me 1887 zgjidhet si princ Ferdinandi i Saks-Koburgut. Më vonë, më 22 shtator 1908 kemi pavarësinë e plotë të Bullgarisë, që bëhet mbretëri me car në krye - Ferdinadin I-rë.

Më 12 dhjetor 1830, Milosh Obrenoviç njihet princ trashëgimtar i Serbisë. Në shkurt të vitit 1882, Serbia shpallet mbretëri me Milan Obrenoviç - Milani I-rë. Dhe pas vrasjes së tij më 15 qershor 1903, shpallet mbret Pjetri I (Karagjorgjeviç).

Më 28 nëntor 1912, Shqipëria u shpall shtet i Pavarur nga Ismaili Qemali, i cili u emërua kryeministër i Qeverisë së Përkohshme. Më 29 korrik 1913, Fuqitë e Mëdha vendosën formimin e një "Principate sovrane, të trashëgueshme e neutrale, nën garancinë e fuqive", - sipas George Kastelan tek "Histori e Ballkanit".

Më 7 mars 1914, zbriti në Durrës princi Vilhelm Fon Vid, nip i mbretereshës së Rumanisë, Elizabeta e Vidit, e mbiquajtura Karmen Silva, nga familja e vjetër e Renanisë. Mbretërimi i tij qe shumë i shkurtër, deri më 3 shtator 1914.

Disa konkluzione

Shembujt e mësipërm tregojnë se me sa kujdes e maturi kanë vepruar mbretëritë e mëdha të Europës në shekullin XIX-të, kur shtetet e mësipërme fituan pavarësinë e tyre. Vështrimi i kujdesshëm i kronologjisë së ngjarjeve zbulon se, me përjashtim të Serbisë, tek të gjitha shtetet e tjera si Greqia, Rumania, Bullgaria e Shqipëria, u vendosën mbretër me origjinë nga familje mbretërore europiane. Kështuqë, gjatë sundimit te tyre, këto mbretëri të reja patën mbështetje dhe përkrahje nga mbretëritë e fuqishme europiane. Dhe në përgjithësi këta shtete, të dala nga sundimi i gjatë turk, patën zhvillim ekonomik e stabilitet politik, si dhe zhvillim të madh kulturor e arsimor. Gjatë qeverisjes së tyre pati probleme, por duke gjykuar se ishin shtete të sapokrijuara, ecuria e tyre ishte e suksesshme.

Le të shikojmë 'flash' se ç'ndodhi në Amerikën Latine pas formimit të shteteve të reja nga ish kolonitë spanjolle e portugeze.

Nga 1920-1980, në këtë kontinent u kryen mëse 80 grushte shteti, me pasojë mijëra viktima, luftëra civile, shkatërrim e mjerim. Edhe sot, një pjesë e tyre quhen "republikat e bananeve".

Pak a shumë e njëjta gjë ndodhi edhe në Afrikë. Në fakt, ç'kolonizimi i Afrikës solli fitim vetëm për manipuluesit e votave. Pikërisht këtu konsistonte edhe mashtrimi më i madh "i sistemit përparimtar" që po vendosej. "Politikanët profesionistë e shikojnë 'RES PUBLICA' si diçka për të fituar votat, ndërsa njerëzit e thjeshtë për të fituar drejtësinë", - thekson Pol Xhonson në librin "Kohët moderne".

Popujt e ish-kolonive, kur fituan pavarësinë kujtuan se fituan drejtësinë, por e vetmja gjë që fituan ishte e drejta për të zgjedhur politikanë të kallëpit Kvame Nkruma i Bregut të Artë (Gana), që ndonëse ishte shteti më i pasur i Afrikës, u rrënua krejtësisht nën sundimin e këtij banditi. Në Ugandë, Idi Amin, një diktator xhahil e racist, shkaktoi me mijëra viktima. Në Tanzani, Xhulius Nierere një burrec shteti, nga të ashtuquajturit "të brezit Bandungut", sundoi me barbari.

Si përfundim, në Afrikë u bënë 20 grushte shteti dhe 15 luftëra civile, të shoqëruara me krime monstruoze e genocid.

Mos vallë në këto vende latine e afrikane, fajtor ishte sistemi mbretëror?! Apo popujt afrikanë dhe latinë jane te prapambetur dhe nuk e kuptojnë demokracinë? Jo! Difekti qëndron gjetkë. Sepse nuk ka gjë më të vështirë, më të pasigurt e më të rrezikshme sesa krijimi dhe pranimi i institucioneve të reja. Ata që marrin përsipër një mision të tillë, do të fitojnë si shpërblim armiqësinë e të gjithë individëve që përfitonin prej institucioneve të vjetra. Këto vështirësi dhe rreziqe i morën përsipër vetë mbretërit, duke realizuar mjaft reforma demokratike që në shekujt XV e XVI, në Francë e Angli. Në vitin 1680, përfundimisht, në mbretërinë angleze u vendos monarkia kushtetuese, ku mbretëronte Çarli II-të. Ndërsa parlamenti kishte rreth 170-180 vjet që ishte krijuar, por në vitet 80-të të shekullit XVII-të, parlamenti u bë më i fuqishëm se mbreti.

Sistemi monarkist, institucionin e parlamentit e ka krijuar mbi 500 vjet më parë dhe gati 350 vjet më parë e fuqizoi pothuajse me fuqitë që ka sot në një republikë presidenciale.

Po përse e bëri mbretëria këtë lëshim ose demokratizim? Ja ç'thotë Makiaveli: "...Duke vënë re në njërën anë ambiciet dhe krenarinë e paturpshme të fisnikëve dhe domosdoshmërinë e shtypjes se tyre, nga ana tjetër urrejtjen e përgjithshme të popullit për to, si dhe nevojën që ndjente populli për t'u mbrojtur, ligjvënësi e pa të udhës të krijonte një autoritet të tretë, autoritetin parlamentar, i cili do të kufizonte fisnikërinë e të mbronte vegjëlinë. Pa dyshim, një institucion i tille ishte gjetja më e mirë, më e drejtë dhe më e përshtatshme për sigurinë e shtetasve dhe mbretit". Dhe Makiaveli ka jetuar nga 1469 deri në vitin 1527.

Si përfundim, dua të theksoj se, në shumicën e rasteve, republikat ose kanë qenë monarki absolute të kamufluara si edhe regjimet komuniste, ose "monarki absolute" -

ushtarake, si në Amerikën Latine e Afrikë; monarki gjysëm ushtarake në Egjipt; monarki gjysëm ushtarake - gjysëm terroriste në Irak, Libi, Ugandë, monarki religjioze në Iran, monarki butaforike në shumë shtete të Afrikës etj., etj..

Nga ana tjetër kemi një hipokrizi demokratike të theksuar tek shtetet "superdemokratike", si Franca. Ja ç'thotë për këtë autori i biografisë së De Golit: "Deshi të bashkonte (De Goli) sistemin republikan të bazuar mbi atë monarkik".

Ndërsa vetë De Goli deklaron se "roli i presidentit duhet të jetë monarkik." Më 14 prill 1947 ai shpalli krijimin e një partie "mbipartiake", e quajtur partia "Bashkimi i Popullit Francez", me qëllim zhdukjen e sistemit të shumë partive dhe vendosjen e një regjimi të fortë presidencial (gjithmonë sipas autorit Nicolai Molcanov).

***

Duke u munduar t'u përgjigjem disa pyetjeve të mësipërme, në fund po përsëris thënien e vjetër "Jepi Çezarit atë që i takon Çezarit", por duhet shtuar edhe "Jepi Brutit atë që i takon Brutit".

Dy fjalë edhe për disa kalemxhinj që duan të nxijnë biografinë e Mbretit Zog I-rë, duke thënë me keqdashje se u bë mbret pa patur një origjinë mbretërore. Nuk dua të zgjatem shumë për origjinën e tij fisnike, mbasi tashmë eshtë bërë e qartë se ai ka një origjine nga familje të lashta fisnike shqiptare, që në vendin tonë nuk quhen kontë e baronë, por me titullin Pashë. Nga ana tjetër, ta zëmë se nuk është me origjinë fisnike europiane; ç'del nga kjo? Historia ka plot shembuj kur njerëz me forcën e mendjes dhe të krahut, janë bërë dukë, mbretër e perandorë. Shembuj të tillë ka me dhjetëra, dhe unë do të përmend fare pak: Françesko Sforca në shek. XIV-të, nga qytetar i thjeshtë u bë duka i Milanos; Agatokli i Sicilisë, nga bir poçari u bë mbret i Sirakuzës; Cenghis-Khani (Temucin), nga rob lufte u bë Cenghis-Khan (Perandor i Botës); Shahu i Iranit, gjyshi i tij ishte biri i një oficeri kozak persian; Napoleon Bonaparti, nga toger u bë perandor... E shumë e shumë raste të tjerë.

HISTORIA

Ad Pikaria qytet apo stacion rrugor

Nga Dr. Xhemal Meçi

Ka më shumë se një shekull që është pranuar mendimi se Puka antike dhe Ad Pikaria janë i njejti stacion rrugor në udhën verilindore të Ilirisë Qëndrore, që fillonte në brigjet e Adriatikut me qytetet Lissus (Lezhë) e Skodra, drejt Lindjes, për Dardani, Danub, Maqedoni Veriore e më tej, dhe anasjelltas. Kështu, Hani (konsull austriak, albanolog i shquar i mesit të shekullit XIX), mendon se Puka dhe Ad Pikaria, gjatë sundimit romak, janë i njejti stacion rrugor në këtë udhë me rëndësi ballkanike. Në mbështetje të këtij mendimi qëndron pak a shumë edhe Nopça (gjeolog e palentoolog hungarez, albanolog i njohur i fillimit të shekullit XX).

Më vonë, edhe autorë vendas, duke i mbetur besnikë këtij mendimi fillestar, u mjaftuan me të dhënat e Hanit dhe Nopçës.

Mirëpo duke u mbështetur në burime më të gjera, del se, në këto studime, dy çeshtje nuk janë shpjeguar dhe argumentuar plotësisht:

E para, Ad Pikaria dhe Puka, vërtet janë e njejta qendër, duke u përputhur gjeografikisht dhe gjuhësisht?

E dyta, Ad Pikaria apo Puka antike, dëshmohet si qytet?

Le t'i drejtohemi çeshtjes së dytë. Për të parë nëse Ad Pikaria ka qenë qytet, duhet të mbështetemi në të dhënat e autorëve antikë. Kështu, në shek. II, gjeografi dhe astronomi i Aleksandrisë së Egjiptit, Klaud Ptolemeu, në Gjeografia, Libri II, shënon qytetin Ad Pikaria (Ad Picaria), Apicaria (apo Epicaria), sëbashku me qytetin Skodra (Shkodra), në vargun e 16 qyteteve të brendshme të Dalmatisë (Dalmatia, ndarje administrative romake). Sigurisht, Ptolemeu nuk e shënon rastësisht qytetin Ad Picaria, ashtu siç nuk mund të shënonte rastësisht qytetet e njohura para tij, si Lissus dhe Skodra. Prandaj, Ad Picaria në shek. II, afro 1800 vjet më parë bëhet i njohur si qytet në brendësi të vendit. Në vazhdim, në shek III-IV, në Tabulla Peutingeriana, në Itinerarët (harta të rrugëve antike), Ad Picaria shënohet fill pas qyteteve Skodre dhe Lissum, XXX milje në verilindje të Lezhës. Drejt Lindjes shënohen stacione të tjera rrugore, si Creueni (Kreveni, që mendohet të jetë Vaspasi), Gabues etj.. Me këtë fakt nuk mund të dilet në përfundimin se Ad Picaria në shek. II-IV ishte thjesht një stacion rrugor, sepse qëllimi i Itinerarëve ishte dhënia e rrugëve me qendrat stacionare nga kalonin, qofshin qytete apo qyteza kështjellë.

Mbas shek. VI, Ad Picaria nuk gjendet e dokumentuar. Ç'ndodhi me të? Shuflai (historian kroat, studiues i historisë mesjetare shqiptare), thotë se shumë qytete të Ilirisë u dogjën dhe u shkatërruan gjatë pushtimeve të fiseve barbare. Këtë fat pati, pra, edhe Ad Pikaria. Ndërsa Puka del e dokumentuar vetëm në veprat e Prokopit të Çezaresë (historian i madh bizantin i kohës së Perandorit Justinian).

Puka, (Pakue, Pukae), cilësohet si një prej ndërtesave të rindërtuara në shek. VI. Pra, Puka del si fortesë e rëndësishme, e rindërtuar. Si e rindërtuar, del se ka qenë e ndërtuar para shek. VI, kur ishte edhe Ad Pikaria. Që Puka ishte një qendër e banuar në shek. II-IV, e dëshmojnë edhe gjetjet arkeologjike të vitit 1985.

Po atëherë, pse nuk përmendet Puka në shek. II-IV si Ad Pkaria?. Sepse s'duhet të ketë qenë një qytet i njohur, por një qytezë-kështellë diku në afërsi të Ad Pikarias, si Shqeli i Këçirës etj., në funksion të këtij qyteti.

Si përfundim, Ad Pikaria ka qenë një qytet antik, që e ka filluar jetën rreth 1800 vjet më parë, duke mbijetuar afro tre shekuj. Kurse Puka qe një qytezë-kështjellë, e cila u shkatërrua në një kohë me Ad Pikarian nga fiset barbare, por që u rindërtua përsëri në shek. VI në këtë brendësi vendi.

Në mungesë të Ad Pikarias, Puka mori një rëndësi të veçantë.

Ku duhet kërkuar Ad Pikaria antike? Ad Pikaria antike duhet kërkuar ngjitur me Pezhvën.

Hulumtimet e bëra në këto vite na çojnë në përfundimin se duhet kundërshtuar idea se Ad Pikaria dhe Puka përputhen gjeografikisht dhe gjërësisht, siç janë shprehur kohë më parë disa albanologë të huaj.

Duke analizuar të dhënat e mundshme, do të bëhet më i sigurtë argumentimi i parashtruar.

Në shekujt II-IV, Ad Pikaria dhe Puka janë dy qendra banimi, që kanë mbijetuar njëkohësisht. Prandaj s'ka sesi i njejti vendbanim të ketë njëkohësisht dy emra të ndryshëm. Edhe krahasimet gjuhësore na çojnë në të njejtin përfundim. Le t'i shohim më konkretisht "faktet" se nga nisen Skoku e Majeri (albanologë të njohur), që mendojnë se e miri i Pukës është vazhdim i emrit Epikaria (Ad Picaria).

Skoku, fillin ndërlidhës midis Epikaria-s dhe Pukës e gjen te emri Epikadus (emër burrash ilirë). Ndërsa Mejeri këtë fill e lidh me një burim tjetër: me kalimin e "i"-së te "Epicaria" në "u" tek "Pukë", me arsyetimin se ky kalim bëhet në përshtatje me natyrën buzore të bashtingëllores "p".

Por Çabej, për burimin e emrit të Pukës sjell shpjegim tjetër, i cili i kundërvihet Hanit, Skokut e Mejerit. Ai bazohet tek Frang Bardhi që, tre shekuj më parë e ka barazuar me burimin latin "Publicia Via" (Udhë Pukë) Pukë.

Duke marrë shkas nga faktet se Ad Pikaria dhe Puka nuk janë i njejti vendbanim, as gjeografikisht, as gjuhësisht, është hedhur idea e gabuar se Ad Pikaria duhet të ketë qenë Vigu i Kashnjetit Lezhë. Mirëpo emri "Vig" lidhet me burimin latin "Vicus" (që ka dhënë në shqipe "Vig"). Gjithashtu, Vigut nuk i përgjigjet largësia nga Lezha, prej nga ku rruga është shumë më e shkurtër se XXX milje. Po atëherë cili është burimi i vërtetë i emrit të qytetit Ad Pikaria dhe ku është vendndodhja e tij?

Në fjalorin latin-shqip (Tiranë, 1966, faqe 382), fjala Pikaria shpjegohet në shqip si vend ku shkrihet "Pisa" (pezhvja). "Pra Ad Pikaria, apo Epikaria", - shpjegon historiani Injac Zamputi, - ka kuptimin "Te Pezhja", apo "Prej Pezhve". Kështu, Ad Pikaria (Te Pezhvja), duhet të jetë përkthim në latinisht i një vendbanimi ilir, ku popullsia e tij merret kryesisht me zejtarinë e "pezhves". (Pezhvja: lëndë rrëshinore prej pyjesh halorë, që, në periudhën antike e mesjetare kishte një përdorim të gjerë për nevoja lufte dhe mjete udhëtimi tokësor e detar).

Nevojat në rritje për pezhve gjatë periudhës romake, duhet të kenë bërë të mundur rritjen e Ad Pikaria-s nga një vendbanim i vogël zejtar në një qytet të kohës me punishte të shumta pezhveje. Shkatërrimi i këtij qyteti prej fisesh barbare në fillim të shek V, nuk do të thotë se u zhduk edhe si vendbanim i së njejtës zeje. Kjo dëshmohet me vetë vazhdimësinë e lagjes "Peshve" (Peshkve) në Pukë - Katund. Edhe në hapësirën gjeografike, Ad Pikaria në përgjithësi ka përputhje me lagjen e sotme të "Pezhves", sepse Itinerarët shënojnë XXX milje në lindje të Lezhës. (XXX milje janë baraz me 40 kilometër rrugë). Gjithashtu, gjurmët e traseve të rrugëve përfund Tërbunit dhe për breg të Gomsiqes, në Lindje të Këçirës, janë të lidhura me drejtimin e tyre Ad Pikaria (Pezhvë)-Lissus (Lezhë) dhe anasjelltas.

Pezhvja është vendi më i përshtatshëm se ka përreth për burim halor, një nga pyjet e pafund halorë, që fillojnë në dyert e saj.

Si përfundim, mund të pohojmë se rrënjët e qytetit antik Ad Pikaria (Pezhvë), duhen kërkuar afro 5 kilometër në jug të qytetit të Pukës, diku në lagjen e Pezhvës së Poshtme. Megjithatë, fjala e fundit t'i mbetet arkeologjisë. Kërkimet e ardhshme arkeologjike do të jenë ato që do të hedhin më shumë dritë për zbulimin e të vërtetës rreth këtij qyteti të zhdukur antik.

___________________________

06 Qershor 2004, Nr.22(592)
___________________________

Duke Ju përshëndetur për nismën që keni marrë për bashkimin e Kombit dhe zhvillimin e tij, ne Ju garantojmë se keni mbështetjen tonë të pakursyer. Nëpërmjet kësaj përshëndetjeje i bëjmë thirrje gjithë shqiptarëve, kudo që ndodhen, për t'u bashkuar me këtë nismë, pasi është në të mirën e tij. Ne i provuam partitë politike që e shkatërruan Shqipërinë në luftën për pushtet e përfitime.

Deklatë e kryetarit të PLL z.Spahiu për çeshtjen e p/ligjit të pronave

Fjala e plotë e deputetit legalist z.Et'hem Fezollari në seancën për pronat

___________________________

30 Maj 2004, Nr.21(591)
___________________________

TITULLI KRYESOR

Kohët e fundit, skalione të mirorganizuara dhe në koordinim të plotë, kanë filluar një fushatë të egër politike e mediatike kundër PLL dhe kryetarit të saj, z.Ekrem Spahiu. Ndonëse ky sulm është tejet i motivuar dhe me prapavijë segmentet më të errëta të politikës e shoqërisë shqiptare, me suport qarqet më antishqiptare brenda dhe jashtë vendit - ideatorët dhe autorët e tij kanë qenë dhe janë të bindur në suksesin e këtij aksioni politik të fëlliqur, pasi investimi dhe hesapet paraprake i kanë nxjerrin "fitues". Por, në fakt, ka ndodhur e kundërta. Efekti i kësaj fushate dhe pasojat, kanë qenë kontraverse dhe inproduktive.

Arsyet e vërteta të shpërthimit të këtyre sulmeve të paprincipta janë të shumta dhe imponojnë domosdoshmërinë e sqarimit të opinionit publik.

Së pari, PLL sulmohet brutalisht sepse është forca e vetme politike aktive, që ka në program restaurimin e Monarkisë kushtetuese parlamentare, e cila është e vetmja alternativë ndaj republikanizmit të dështuar shqiptar. Pas përmbysjes me dhunë të Mbretërisë Shqiptare më 7 Prill 1939, republikanizmi u importua si formë qeverisjeje për të sabotuar zgjidhjen e Çeshtjes kombëtare dhe për të shkatërruar ardhmërinë e Kombit dhe shtetit shqiptar. Madje ai, me brishtësinë dhe papërgjegjshmërinë që mbart, rrezikoi deri edhe ekzistencën e Shqipërisë londineze (administrative), sikundër në vitet 1946-1948, kur mund të përfundonim Republikë e shtatë e Jugosllavisë, apo të copëtuar, sikundër u përgatit skema nga qarqet shoviniste antishqiptare në vitin 1997.

Së dyti, sepse PLL, për nga vetë përbërja dhe misioni historik, ishte parti jashtë skemës katoviciane të Ramiz Alisë, i cili e pengoi me çdo çmim rithemelimin e saj në vitet 1990 - 1991.

Së treti, sepse PLL ka dalë përfundimisht jashtë kontrollit të qarqeve antishqiptare me rezidenca në Serbi e Greqi.

Së katërti, sepse PLL, në qendër të programit të saj politik e qeverisës, ka zgjidhjen e Çeshtjes kombëtare, mbështetjen pa kushte e rezerva të Pronarëve legjitimë dhe Ish të Përndjekurve Politikë, që përfaqësojnë idealet dhe kartat morale të shoqërisë shqiptare dhe elektoratin natyror të kësaj partie. PLL është partia që në qendër të programit të saj ka qytetarin shqiptar, interesat e tij dhe që punon me moton "Atdheu mbi të gjitha" dhe moton "Asnjë qytetar nuk është i tepërt dhe asnjë shqiptar nuk duhet të ndjehet i huaj në Atdheun e tij".

Ndërsa kryetari i PLL z.Spahiu sulmohet, së pari, sepse rrjedh nga një familje arsimdashëse e nacionaliste, me kontribute të spikatura për Çeshtjen kombëtare, për mbrojtjen e trojeve dhe fatet e Atdheut.

Së dyti, z.Spahiu sulmohet sepse vjen nga shtresa e Ish të Përndjekurve Politikë dhe në bilancin tragjik familjar ka disa të pushkatuar, qindra vite burgu e internimi dhe privacione që dinte t'i shkaktonte vetëm diktatura gjakatare komuniste.

Së treti, sepse z.Spahiu është ndër të paktët kryetarë partish parlamentare, që ka arritur në këtë post jo nëpërmjet emërimeve nga segmente ligjbërëse jashtë partisë, por në sajë të një karriere politike graduale e të bazuar në punën dhe përkushtimin e vazhdueshëm për kauzën e PLL dhe Monarkisë. Mbështetja e legalistëve ndaj tij është dëshmuar dy herë radhazi, me fitore bindëse në garat kongresuale për postin e kryetarit të PLL.

Së katërti, z.Spahiu sulmohet sepse është ndër të rrallët deputetë në parlament, që vazhdimisht ka ngritur zërin për Çeshtjen kombëtare, interesat e qytetarëve shqiptarë, respektimin e të Drejtës së shenjtë të pronarëve legjitimë, kompensimin e drejtë të Ish të Përndjekurve dhe Burgosurve Politikë, si dhe në luftën pa kompromis kundër korrupsionit, trafiqeve kriminale e plagëve të rënda të shoqërisë shqiptare, të çdo natyre qofshin.

Së pesti, sepse z.Spahiu është kundërshtar i vendosur i keq-qeverisjes aktuale dhe sepse bashkë me drejtuesit e tjerë të PLL ka arritur ta popullarizojë këtë parti të traditës nacionaliste, ta shtrijë në të gjitha rrethet e vendit dhe ta konsolidojë atë, duke e shndërruar në një forcë reale dhe serioze, konkurrente e denjë në luftën politike, në kuadër të formacioneve të spektrit të djathtë.

PLL tashmë është ndër të rrallat forca politike me struktura të konsoliduara, me demokraci të brendshme dhe me aktivitet politiko-organizativ konstant e gjithnjë në rritje, gjë të cilën e kanë dëshmuar edhe konferencat model për nga organizimi, serioziteti, vlerat, potencialet dhe alternativat e zhvillimit lokal e kombëtar që ato kanë shpalosur e promovuar.

Këto arsye janë mëse të mjaftueshme për të motivuar këmbënguljen e kundërshtarëve dhe armiqve të PLL në luftën e paprinciptë që kanë ndërmarrë kundër PLL dhe kryetarit të saj. Por, nga kjo luftë politike e mediatike, PLL dhe drejtuesit e saj janë bindur se janë e vazhdojnë të jenë në rrugë të drejtë e të pakthyeshme, nga e cila nuk kanë ndërmend të tërhiqen, deri në fund...

KRYESORE

Mbreti Leka: Vlerësoj shumë qëndrimin e PLL dhe kryetarit Spahiu për Çeshtjen kombëtare. PLL do të jetë forca kryesore politike e Lëvizjes për Zhvillim Kombëtar

NMT Leka I ka zhvilluar ditën e shtunë (dt.29 maj) një konferencë shtypi ku ka njoftuar aksionin e tij të fundit politik, i cili është pagëzuar "Lëvizja për Zhvillim Kombëtar". Përmes kësaj konference ai u ka dhënë përgjigje shumë hamendësimeve rreth pozicionit që do të mbante Mbreti në arenën politike shqiptare. Mbreti ka shpjeguar se kjo nismë e quajtur "Lëvizje" nuk është një parti politike, ndërsa nuk qartësoi nëse ishte fjala për ndonjë veprim politik të tipit bullgar. Gjatë konferencës Mbreti ka thënë se ai e konsideron PLL dhe kryetarin Spahiu ingredientë thelbësorë të kësaj lëvizjeje. Mbreti Leka i Parë u shpreh për gazetën "Atdheu" se ai vlerëson kontributin e PLL dhe posaçërisht të kryetarit të saj E.Spahiu për çeshtjen kombëtare, për rezolutën për Çamërinë, për çeshtjen e kthimit të pronave ish pronarëve dhe të dëmshpërblimit të ish të burgosurve politikë. Ai tha se PLL është me siguri pjesë e kësaj Lëvizjeje për Zhvillim Kombëtar dhe bashkëpunimi me PLL është pjesë thelbësore e kësaj lëvizjeje të re politike.

Në lidhje me skemën drejtuese të kësaj lëvizjeje ai ka sqaruar se atë e kryesonte vetë ai. Mbreti iu përgjigj një pyetjeje të tillë se: "Më duket se po e kryesoj!" Në lidhje me objektivat politike të Lëvizjes, Mbreti tha se "Kjo Lëvizje ka synimin që në të ardhmen të marrë pushtetin, kur të jenë pjekur kushtet. Por nuk është një parti. Kemi një strategji që do të deklarohet sipas kushteve në momentet e përshtatshme...". Ndërsa për zgjedhjet e 2005-ës ai u shpreh se shumë prej anëtarëve të Lëvizjes do të garonin për deputetë.

Mbreti ishte mjaft i ashpër në termat që përdori ndaj korrupsionit në vend dhe për mënyrën e skemën e luftës ndaj tij. I pyetur rreth alternativës së tij ndaj korrupsionit, ai tha se "Në strategjinë tonë ne kemi shpjegime e përgjigje për të gjitha problemet. Këtu sot kam hapur vetëm faqen e parë."

Mësohet se në të ardhmen Mbreti do të sqarojë pjesë të tjera të programit të Lëvizjes, qoftë përmes konferencave të shtypit, qoftë përmes intervistash e prononcimesh në media.

"Atdheu"

Me fjalën time përshëndetëse, në përvjetorin e Kongresit Historik të Lushnjës, të Deklaratës për Shtyp, disa muaj më parë dhe të disa intervistave të mija në mediat kombëtare, i kam përcjellë popullit shqiptar lajmin për fillimin e Lëvizjes për Zhvillimin Kombëtar.

Idetë e kësaj Lëvizjeje burojnë nga shqetësimi i madh për fatet e vendit dhe të Kombit Shqiptar. Por edhe nga vizioni i shqiptarëve patriotë për ta parë Atdheun mes kombeve të zhvilluara. Ne kemi analizuar këtë gjëndje dhe kemi përgatitur projekte konkrete për të tashmen dhe të ardhmen e Shqipërisë. Jemi konsultuar gjerësisht me njerëz të ndryshëm nga të gjitha krahinat shqiptare, me intelektualë e politikanë, që e duan me zemër Shqipërinë dhe Kombin Shqiptar. Prandaj kjo Lëvizje synon që të bashkojë çdo lëvizje që është për Zhvillim Kombëtar dhe Shoqëror.

Shqipëria ka bërë disa ndryshime pozitive, por akoma institucionet e saj janë larg kuptimit të shtetit ligjor dhe të demokracisë. Ajo sot është e ligështuar nga agresiviteti dhe konflikti politik, nga korrupsioni e krimi i organizuar, nga papunësia dhe varfëria, nga hakmarrja dhe gjakmarrja. Po personalizohet politika dhe pushteti, duke ndërhyrë mbi legjislativin dhe ekzekutivin, mbi drejtësinë dhe shtypin e lirë.

Ne kemi venë re se, në këtë kohë, politika e konfliktit, intriga, lufta për pushtet, i kanë çuar shqiptarët në mëri, në dhunë në pasivitet, duke e lënë vendin të mjeruar. Kjo situatë tregon se, klasa politike nuk e ka kuptuar ende misionin e politikës, se si duhet drejtuar shteti, se si duhet qeverisur. Politikanët janë përqendruar në një luftë të ashpër e pa moral për pushtet. Ata diskutojnë dhe veprojnë se si të mashtrojnë dhe të mposhtin njëri - tjetrin. Këto kanë bërë që shqiptarët të humbin besimin e tyre për të sotmen dhe të ardhmen. Ata e shohin se janë shmangur njerëzit patriotë, intelektualët me përgjegjësi kombëtare. Kjo gjendje rrezikon të vrasë patriotizmin, dashurinë për atdheun, idealet kombëtare.

Lëvizja për Zhvillim Kombëtar do të ringjallë besimin e humbur të popullit tek politika. Ne të gjithë, duhet të flasim me popullin, të bashkëpunojmë me njeri - tjetrin dhe të zbatojmë projekte konkrete për zhvillim. Unë i drejtohem inteligjencës së vërtetë shqiptare, e cila duhet të zgjohet e të organizohet. Ne duhet të bashkohemi për të realizuar ndryshimet që kërkon populli shqiptar. Për këtë, duhet të krijojmë rrugë të reja të mendimit intelektual dhe të veprimit politik. Ky është një rast historik për kombin shqiptar, për t'u zhvilluar si popull dhe për t'u stabilizuar si komb.

Ne shqiptarët, dëshirojmë të futemi në BE, synojmë integrimin euroatlantik. Kjo na takon se ne jemi një nga kombet më të vjetër të Europës. Por ne kërkojmë që të futemi me dinjitet kombëtar dhe ta kthejmë Shqipërinë në një urë lidhëse midis Europës dhe Mesdheut, përgjatë Koridorit Trans- Adriatik. Kjo bashkon aspiratat e shqiptarëve me interesat e SHBA dhe BE për këtë pjesë të Europës dhe do të tregojë forcën stabilizuese të faktorit Shqiptar në Ballkan. Për këtë kërkohet një mirëkuptim politik sa më i gjërë i të gjitha forcave politike shqiptare.

Jam i bindur se, kombi shqiptar ka energji dhe patriotizëm. Ne i kemi potencialet dhe inteligjencën, për të filluar këtë lëvizje të re që do të sjellë ndryshimet e dëshiruara nga të gjithë shqiptarët. Lëvizja do të përfshijë të gjithë krahët e politikës dhe të shoqërisë mbarëkombëtare, me një Ideal - Interesat Kombëtare. Kjo do të sjellë klimën e pajtimit e të mirëkuptimit në kombin shqiptar. Ne kemi nevojë për t'i besuar njëri - tjetrit. Ne duhet të largohemi nga grindjet dhe përçarjet. Ne duhet t'ja lemë kohës që të shërojë plagët tona të së kaluarës, le ta pastrojë ajo të vërtetën. Ne duhet të punojmë për të ardhmen.

Lëvizja për Zhvillim Kombëtar do të jetë shumë shpejt e pranishme në çdo qytet të vendit, në të gjithë hapsirën mbarëshqiptare. Ne kërkojmë angazhimin e intelektualëve dhe politikanëve të guximshëm e me vizion, me aftësi organizative dhe të ditur. Atdheu ka nevojë për njerëz me ndershmëri zyrtare, me forcë karakteri dhe integritet të pastër moral. Ne u bëjmë apel specialistëve, ekspertëve dhe të gjithë qytetarëve, që me vullnet e dëshirë, të mbështetin dhe të bashkohen me Lëvizjen për Zhvillim Kombëtar.

Përvoja e botërore dhe shqiptare na ka mësuar se autoriteti shtetëror, zhvillimi i administratës lidhen, në radhë të parë, me vendosjen dhe ruajtjen e rendit. Vetëm nga forca dhe stabiliteti demokratik i qeverisjes, do të garantohet zhvillimi i pa ndërprerë i Shqipërisë.

Duke vlerësuar gjendjen, qëndroj në mendimin se ndërtimi i shtetit ligjor të së drejtës, demokracia si proçes, siguria kombëtare dhe ekonomia e zhvilluar mbi bazën e pronës private, do të mbeten thelbi dhe përmbajtja e Lëvizjes sonë për Zhvillim Kombëtar. Ato na çojnë në rrugët paqësore të integrimit në Europë dhe janë objektivat tona themelore strategjike. Këto kërkojnë reformimin e thellë të pushtetit gjyqësor dhe sigurimin e pavarësisë së tij, reformimin e institucioneve kryesore të Sigurisë Kombëtare që janë përparësitë kryesore.

Për të përgatitur gjeneratën e re të kombit shqiptar, ne do të investojmë me përparësi për diturinë, për arsimin shqiptar i ndërthurur me kulturën dhe qytetërimin perëndimor. Kështu do të sigurohet arsimimi dhe punësimi i rinisë shqiptare, por do të ruhen dhe do të zhvillohen traditat dhe zakonet tona të mrekullueshme. Patriotizmi shqiptar ka treguar se mban lart Flamurin Kombëtar, di të bashkëjetojë me pakicat e tjera etnike dhe asnjëherë nuk ka realizuar agresione ndaj fqinjëve natyrorë.

Sot, një propogandë antikombëtare, e cilëson Shqipërinë si vendin më të varfër në Europë. Përkundrazi, Shqipëria është shumë e pasur dhe i ka të gjitha resurset dhe potencialet për zhvillim. Ne duhet t'i kthejmë asaj dinjitetin që meriton, duke ndalur emigrimin e trurit dhe të rinisë, si forcat më aktive të kombit shqiptar. Është detyrim shtetëror për t'u siguruar punë dhe mirëqënie këtu në Atdhe. Kët ne do ta bëjmë, bashkë me sigurimin e kushteve për të lëvizur lirisht kudo në botë, me Pasaportë Shqiptare.

Ne kemi specialistët dhe ekspertët të niveleve shumë të larta. Ne i ftojmë ata që t'i thonë mendimet e tyre për të gjitha fushat e zhvillimit të vendit dhe, ndryshe nga deri tani, ata do të gjejnë mbështetje për të zhvilluar ekonominë tonë kombëtare.

Për të arritur objektivat Lëvizja jonë vlerëson veçanërisht parakushtin themelor, ndërtimin e infrastrukturës zgjedhore demokratike për të siguruar zhvillimin e zgjedhjeve të lira, të drejta dhe të ndershme, që populli të japë verdiktin e tij.

Faktorët e ringritjes janë gjallë. Populli, falë urtësisë së tij, nuk e pranon regresin. Ai kërkon një politikë dhe zhvillim ekonomik të mbështetur në Idealin Kombëtar. Për këtë kontributi i inteligjencës dhe rinisë është i pazevendësueshëm.

Ne dëshirojmë një shtet - komb të qëndrueshëm, me interesa të përbashkëta për të gjithë shtetasit në prespektivën europiane. Ky është koncepti modern i shtetit të së drejtës. Ai mbështetet në Zhvillimin Kombëtar dhe në zgjidhjen e Çështjes Kombëtare. Kjo nuk mund të veçojë njerëzit e ditur të Shqipërisë kudo që ndodhen. Edhe çështjet madhore të kombit, jashtë kufijeve të shtetit amë, kërkojnë vëmendje dhe zgjidhje sipas një Platforme Kombëtare, me veprime institucionalisht të kordinuara nga shteti dhe diplomacia shqiptare, nga media dhe mbarë shoqëria.

Lëvizja për Zhvillim Kombëtar u bën apel intelektualëve, atdhetarëve, politikanëve të përgjegjshëm, tërë shqiptarëve, që të bashkohen në një front të vetëm për ndryshim. Askush nuk mund të luajë me fatet e kombit shqiptar, me jetën tonë, me kulturën tonë, me historinë tonë, me popullin shqiptar. Kur nuk duan ta kuptojnë këtë, atëhere e gjithë inteligjenca dhe kombi shqiptar shpallin misionin e tyre, me zgjidhje të reja për zhvillimin kombëtar.

Jam i bindur se shqiptarët kanë mundësi të jashtëzakonëshme për ta bërë Shqipërinë një shtet modern me dinjitet kombëtar.

Ditën e mërkurë, më datë 26.05.2004, në selinë e PLL, nënkryetari Basha dha një konferencë për shtyp në lidhje me qëndrimin absurd të grupit parlamentar socialist dhe deputetëve të maxhorancës në Komisionin e Ligjeve, lidhur me etiketimet keqdashëse ndaj kundërshtarëve-pronarë dhe diferencimin e tyre klasor nëpërmjet rivënies në fuqi të elementëve të ligjit "Për tatimet e jashtëzakonshme...". Nënkryetari Basha e konsideroi këtë qëndrim si "tërësisht politik dhe ndëshkim klasor të pronarëve legjitimë, nën ndikimin e kohës së Hoxhës".

Më pas ai theksoi se "pikërisht ky ligj shkatërroi ekonominë kombëtare dhe atë private në kohën e diktaturës" nëpërmjet strategjisë së "likujdimit të kulakëve dhe armiqve..., si klasë".

Më pas ai shprehu shqetësimin e thellë të PLL se edhe në kohën e diktaturës, sikundër sot, ligji drakonian për "Tatimet e jashtëzakonshme...", nuk ishte asgjë tjetër përveçse një vendim politik kolegjial i komunistëve, për ndëshkim në grup, pa u mbështetur në analiza ekonomike dhe të dhëna fiskale, por thjesht në konsiderata politike dhe me qëllime ta paracaktuara, për të grabitur pasuritë e shqiptarëve nëpërmjet ligjeve ku nëpërkëmbej e drejta.

Në fund të fjalës së tij, nëkryetari Basha u bëri thirrje, në emër të PLL, të gjithë deputetëve opozitarë, që t'i kundërshtojnë këto paragrafe të draftit në seancën plenare. Z.Basha e konsideroi në tërësi këtë draft si "një padrejtësi e re". Me këtë rast ai u bëri thirrje grupeve të opozitës që ta hedhin poshtë me përbuzje draftin "sepse, kështu, ata nuk do të bëhen bashkëfajtorë me bijtë e hierarkëve të komunizmit-sot në pushtet, duke hedhur poshtë ligjërimin e grabitjes së pronarëve legjitimë me anë të koncepteve klasore të inkorporuara në ligje tërësisht të padrejta.

Më pas z.Basha iu përgjigj të gjitha pyetjeve të gazetarëve për aspekte të veçanta të këtij ligji, si dhe për qëndrimet aktuale dhe të mëtejshme të PLL për problemin në fjalë, qoftë në tryezat partiake, qoftë në Parlament.

Për të gjitha këto pyetje, gazetarët morën përgjigje intriguese dhe mbetën mjaft të kënaqur.

PLL e konsideron krim flagrant në raport me të Drejtat dhe Liritë Themelore të Njeriut - vendimin politik të maxhorancës për ndëshkimin e pronarëve legjitimë me anë të lënies në fuqi të kufizimeve ligjore që rrjedhin nga politika klasore e Hoxhës "Për tatimet e jashtëzakonshme...".

PLL nuk ka asnjë dyshim se ky qëndrim është vazhdimi i politikave të "likujdimit të kulakëve dhe armiqve si klasë", likujdim që shkatërroi pronën private dhe më pas të gjithë ekonominë kombëtare gjatë kohës së diktaturës.

Por shqetësimi i legalistëve konsiston në faktin se, ligjërisht dhe politikisht, sot në Pluralizëm, merren në konsideratë vendime politike të Partisë Komuniste shqiptare, madje transplatohen edhe në kuadrin e sotëm ligjor. PKSH, parti-shtet, këto vendime i shndërroi në ligje drakoniane, me pasoja shkatërrimtare, të cilat Shqipëria po i vuan edhe sot.

PLL nga shqyrtimi i problemit konkludon se, në kohën e marrjes së vendimit për vendosjen e "Tatimit të jashtëzakonshëm" nuk është bërë asnjë analizë ekonomike dhe nuk është marrë kurrfarë vendimi ligjor për cilësimin individual të viktimave të këtij ligji, por vendimi është marrë në grup dhe kishte qëllim grabitjen e këtyre pronarëve nga pushteti komunist.

Jo thjesht si ligj komunist, por mbi të gjitha si i padrejtë dhe i pabazuar, ky ligj është i papranueshëm - por transplantimi i tij si kufizim klasor në kushtet e sotme, është akoma më i papranueshëm dhe PLL do ta kundërshtojë me forcë.

PLL ka qenë dhe është kundër Ligjit 7501, si fillesa e qëndrimeve klasore ndaj pronarëve legjitimë dhe si baza ku sot mbështeten të gjitha draftet ligjore që kanë shkatërruar, zvarritur e futur në një rrugë pa krye rregullimet ligjore dhe reale të problemit madhor të pronave dhe pronarëve të ligjshëm. Ajo është e vetmja parti që nuk e ka firmosur projektin politik aktual të paraqitur, diskutuar e firmosur nga të gjitha partitë politike parlamentare në tryezën e organizuar nga Presidenti i Republikës në dhjetor të vitit 2002. këtë qëndrim ajo e ka mbajtur e bindur se po mbështet një të drejtë të shenjtë dhe të ligjshme, konsakruar nga të gjitha kartat ndërkombëtare për të Drejtat dhe Liritë e Njeriut, të firmosura si palë edhe nga shteti shqiptar.

PLL u bën thirrje partive opozitare që të mos e pranojnë këtë padrejtësi të re dhe ta kundërshtojnë atë fuqimisht në parlament. Kështu ato nuk do të bëhen bashkëfajtorë me bijtë e hierarkëve të komunizmit-sot në pushtet, duke hedhur poshtë ligjërimin e grabitjes së pronarëve legjitimë me koncepte klasore.

Tiranë më 26.05.2004

Me datë 26 maj 2004, ambasadori i Republikës së Iranit z.Gholam Rezahadaddi, ftoi në rezidencën e tij, në një drekë pune, tre përfaqësues të Komisionit të Politikës së Jashtme të Kuvendit të Shqipërisë ku, ndër ta, ishte edhe deputeti dhe kryetari i PLL z.Ekrem Spahiu. Biseda në këtë drekë pune u përqëndrua në marrëdhëniet dypalëshe Shqipëri-Iran, në situatën në rajonin tonë dhe rreth zhvillimeve në Irak.

Më tej biseda kaloi edhe në aktualitetin politik shqiptar dhe përgatitjet e politikës shqiptare për zgjedhjet e ardhshme parlamentare, të cilat kanë një rëndësi për të ardhmen e popullit shqiptar dhe proceset integruese në strukturat euro-atlantike.

Paraditën e të hënës, më datë 24 maj 2004, në vazhdën e mbështetjes institucionale të PLL për protestat që synojnë realizimin e kërkesave të drejta të Ish të Përndjekurve Politikë - drejtuesit më të lartë të PLL dhe të Degës së saj për Tiranën, morën pjesë në këtë protestë, në mbështetje dhe solidarizim me tre shoqatat përfaqësuese të kësaj shtrese të martirizuar në diktaturë dhe të injoruar në Demokraci.

PLL me këtë rast shprehu edhe kënaqësinë për unifikimin e veprimit politik dhe kërkesave të shoqatave kryesore të Ish të Përndjekurve dhe Burgosurve Politikë nga diktatura komuniste. Ky unifikim qëndrimesh bazohet në interesat dhe misionin e përbashkët të këtyre shoqatave për plotësimin e të drejtave të mohuara të anëtarëve të tyre dhe ndikimin e fuqishëm për normalizimin e parametrave të demokracisë së deformuar shqiptare, qëndrimi i së cilës ndaj martirëve dhe prekursorëve të demokracisë shqiptare është gur prove dhe tregues i emancipimit politik.

Në këtë këndvështrim, PLL e konsideron detyrim moral dhe programor mbështetjen e pakushtëzuar të kësaj shtrese, e cila përbën themelin e qëndresës antikomuniste, monarkiste e legaliste shqiptare.

Në emër të Degës së PLL Tiranë, pinjolli i familjes nacionaliste të Sulkurtajve, ish i Përndjekuri dhe njëkohësisht nënkryetari i saj z.Hamit Kurti, mbajti fjalën para protestuesve të Përndjekur, ku ndër të tjera theksoi: "Zotërinj deputetë të maxhorancës socialiste! Sot, përfaqësuesit e të Persekutuarve Politikë janë mbledhur në protestë para Kuvendit neokomunist për të kërkuar dëmshpërblimin e vuajtjeve në burgjet famëkeqe të pushtetit komunist enveristo-stalinist, pasues të denjë të të cilëve jeni ju, kasta e re socialiste.

Juve keni detyrimin për të përmbushur kërkesat për dëmshpërblimin e vuajtjeve dhe sakrificave tona, dhe duhet ta shfrytëzoni këtë shans për shfajësim dhe larje mëkatesh për krimet e baballarëve tuaj, edhe nëse e bëni për demagogji.

Nacionalistët e përndjekur e të masakruar dhe partitë si PLL e Balli Kombëtar, në përpjekjet e tyre për shqiptarizëm i kanë dalë zot vatanit në momentet më të vështira.

Të Persekutuarit Politikë s'kërkojnë asgjë më tepër veçse atë që përfitoi kasta e Ramiz Alisë, Fatos Nanos e Nexhmije Hoxhës për të ashtuquajturin burg që bënë me kollare në qafë e me mishra të pjekur. Ata morën paratë me pëlqimin dhe ndihmën tuaj. Po të Burgosurit Politikë, vallë nuk e meritojnë të dëmshpërblehen, pasi vuajtën genocidin e baballarëve tuaj? Zotërinj parlamentarë të maxhorancës, mos luani me këtë shtresë të martirizuar! Përndryshe, të Përndjekurit dhe të Burgosurit Politikë do të futen në grevë kombëtare", - e mbylli fjalën e tij nënkryetari i Degës së PLL Tiranë, z.Hamit Kurti.

Pas disa orësh proteste, protestuesit e Përndjekur u shpërndanë për t'u tubuar sërish në një të ardhme të afërt, deri në realizimin e kërkesave të tyre të drejta, për çka kanë edhe mbështetjen e PLL, lidershipit të saj dhe mbarë legalistëve shqiptarë.

Pasi jemi vërtitur, vite e vite me rradhë, në një qerthull pa rrugëdalje, në tavolinat tona ka ardhur përsëri një projekt-ligj "Për Kthimin e Kompesimin e Pronave Pronarëve të Ligjshëm", që, në mënyrën më mizore, ua mori shteti komunist.

Për hir të së vërtetës, ne nuk kemi ardhur në këtë pikë si rezultat i ndërgjegjësimit të klasës politike që determinon qeverisjen në këtë vend.

Ne kemi ardhur këtu falë stoicizmit të pashembullt të shoqatave të pronarëve të vërtetë (të ligjshëm) dhe konstatimit të saktë të Bashkimit Europian se problemi që ngrenë këto shoqata është mëse i drejtë, pasi ekonomia shqiptare është mbërthyer në një stanjacion pa rrugëdalje, nëse ky problem nuk merr zgjidhje të menjëhershme dhe të drejtë.

Politika që ka determinuar qeverisjen 14-vjeçare të këtij vendi, ka qenë refrektare ndaj kërkesave të vazhdueshme të pronarëve të vërtetë, madje nuk ka ngurruar t'u "tregojë vendin", kur shoqatat e tyre kanë radikalizuar kërkesat. Ajo nuk ka ngurruar të artikulojë se "nëse pronarët janë të pakënaqur me zgjidhjet që ka dhënë politika qeverisëse, le të formojnë partinë e tyre dhe të fitojnë pushtetin".

Koha tregoi se e drejta në demokraci nuk shkon kurdoherë në përpjestim të drejtë me pushtetin. Ajo e Drejtë është e Drejtë e Zotit, ndaj kurdoherë do të gjendet një engjëll mbrojtës për të, që në rastin tonë është Bashkimi Europian.

Është për këtë arsye që politikanët duhet të ndërgjegjësohen, madje të lodhen e drobiten për të arritur në zgjidhje adekuate.

Çfarë ka sjellë realisht konfuzioni ligjor me pronat?

Jostabilitet politik dhe kërcënim për vetë fatet e demokracisë, si rezultat i Mafies që operon me pronat e përvetësuara padrejtësisht. Në pikëpamje sociale ka sjellë përçarje, gjer në humbje të jetëve njerëzore, mëri, urrejtje e ndasi farefisnore, miqësore e familjare, dhe në njëfarë mënyre ka qenë vazhdim i kalvarit komunist në demokraci - për t'i skllavëruar shtresat e ish-pronarëve dhe për të përjetësuar, në forma të tjera nga ato të diktaturës, sundimin e kastave të vjetra mbi to.

Në pikëpamje ekonomike, ka krijuar kolaps duke penguar investimet e huaja dhe zhvillimin intensiv të Bujqësisë.

Ka ardhur koha ta themi troç se, me naivitet apo me djallëzi, me pikësynim apo me marri, me dashje apo pa dashje, në Shqipëri është zbatuar pikë për pikë Strategjia e Katovicës.

"Nyja gordiane" e zgjidhjes së drejtë të Kthimit dhe Kompesimit të Pronave qëndron tek Ligji 7501 mbi tokën bujqësore.

Nëse zgjidhet kjo nyjë, domethënë nëse abrogohet ky ligj, zhbllokohet gjithçka.

Ky ligj bie ndesh me parimet e ekonomisë së tregut ndaj, nëse nuk abrogohet ai, përjetësisht do të mbetet një çiban në "trupin" e demokracisë shqiptare, dhe askush nuk duhet të çuditet nëse, pas 10 vitesh të tjera, të rikthehet në qendër të vëmendjes përsëri e njejta problematikë. Kur them abrogimi i Ligjit 7501, kërkoj të mos më keqkuptojë askush, pasi kjo nuk do të thotë të diskriminohen pronarët e rinj të tokës por, me ligj, të krijohen raporte të drejta mirëkuptimi ndërmjet ish-pronarëve dhe pronarëve të rinj, duke patur si garant shtetin. Ky raport mirëkuptimi mund të vendoset vetëm nëse ekziston vullneti i mirë i atyre që determinojnë qeverisjen e këtij vendi.

Në të vërtetë ka shumë precedentë që tregojnë dhe japin shpresë për vendosjen e këtij raporti mirëkuptimi.

Me shumë sforcime, për rreth 13 vite, qeveritë kanë arritur të zbatojnë Ligjin 7501 vetëm në 21 % të territorit të vendit.

Janë të shumta rastet kur pronarët e rinj nuk kanë pranuar të marrin tapitë e tokës me ndërgjegje të plotë, sepse nuk mund të gëzojnë e krijojnë mirëqënie në tokën që përjetësisht i ka takuar tjetërkujt.

Madje, ka shumë e shumë raste kur, me imponimin e shtetit, fshatarët janë detyruar t'i pranojnë tapitë, por i kanë marrë ato dhe ua kanë dorëzuar ish-pronarëve, ose kanë hyrë në tratativa për ta ndarë sëbashku prodhimin, apo për të realizuar një investim të përbashkët mbi tokën, kur ka qenë e mundur.

Të gjithë këta shembuj e mjaft të tjerë, tregojnë se njerëzit e thjeshtë janë një hap më përpara sesa politikanët që determinojnë qeverisjen në Shqipëri. Ndërsa, fatkeqësisht e fatalisht, politikanët që determinojnë qeverisjen në Shqipëri projektojnë e gatuajnë vetëm përditshmërinë, kulisat e histeritë, për të përbaltur sho-shoqin e kolegët, dhe aspak ardhmërinë e vendit. Shtabet e tyre llogarisin numrat për të realizuar shumicat vrastare, pa u bërë merak se ç'pasoja katastrofale kanë për popullin e kombin shqiptar ligjet gjysmake jashtë realitetit të vërtetë.

Është kjo arsyeja që unë përkrah fuqimisht projekt-ligjin "Çako-Mehdiu", pasi ai pasqyron zgjidhje reale në një realitet konkret. Ai projekt në esencë edhe mund të përsoset, sidomos në zgjatjen e intervalit kohor për krijimin e raportit të mirëkuptimit pronar i vërtetë - pronar i ri.

Projektligji "Çako-Mehdiu" e çliron qeverinë nga fatura disa qindra miliardëshe, të cilën ajo nuk e ka dhe nuk mund ta ketë edhe për shumë vite, për gjoja kompesimin në të cilin unë nuk kam aspak besim.

Një avantazh tjetër i projektit "Çako-Mehdiu", konsiston në faktin që, duke i çliruar pronarët e vërtetë nga komisionet e Kthimit dhe Kompesimit të Pronave, kemi shkulur nga rrënjët dhjetëra e dhjetëra çerdhe ryshfetesh, akraballëqesh dhe korrupsioni.

Druaj se, nëse do të rifunksionojnë ato komisione, një pjesë e pasurisë së pronarëve të vërtetë do të kalojë si haraç për marrjen e vendimeve të këtyre komisioneve.

Për të mos shpërndarë një frymë nihilizmi, unë mendoj se do të kishim një ligj të arrirë nëse në projektin e paraqitur nga OSBE do të inkludojmë nenin 6 të projektit "Çako-Mehdiu".

Projekti i OSBE pasqyron një evoluim pozitiv në shumë pika, por ajo që më mundon mua dhe shumë të tjerë si unë, është skepticizmi se ai do të jetë vështirë të zbatohet. Nëse e reduktojmë faturën e ligjit, ne kemi bërë një hap të rëndësishëm për zbatimin e tij dhe kemi sjellë një frymë të re edhe në konceptin e teknikës legjislative, në dobi të zbatimit të ligjeve.

Më duhet të ritheksoj dhe njëherë çështjen agrare që, siç theksonte mendimtari dhe publicisti i shquar i viteve 30-të të shekullit të kaluar, Branko Merxhani, në teorinë e tij të Neoshqiptarizmës, është "par excellance" për një vend, pasi, siç thekson ai në vitin 1928 "... ne edhe sot mbetëm çuditërisht besnikë në kuptimin tradicional bujqësor dhe nuk e kuptojmë as sot se rrojmë si aziatikët e prapambetur brenda në botën europiane".

Për të shkuar më tej, nëse nuk realizohet sot një hap pozitiv me këtë projekt-ligj, para politikanëve të përgjegjshëm të këtij vendi, duhet të vijë në rend të ditës teoria e Neoshqiptarizmës e kohës sonë.

***

Brenda javës rikthehemi në çështjen e kthimit dhe kompensimit të pronave pronarëve të ligjshëm, sepse nuk ka një shkallë ndërgjegjësimi dhe vullneti politik për t'i zgjidhur në mënyrë adekuate problemet kardinale të vendit, sepse nuk ka vullnet politik për t'u ndarë përfundimisht nga e kaluara. Një poet cilësor, Adem Istrefi, shkruan se "ne shqiptarët, me naivitet ia fillojmë gjithnjë e si gjithnjë nga e para. Kështu, në mënyrë sempliciste, u konceptuan proceset demokratike sikur gjithçka në këtë vend fillonte nga 90-ta, sikur në këtë vend nuk kish patur shtet, sikur ky vend ish toka e zbuluar rishtas, sikur nuk kish funksionuar një ekonomi private, sikur vinim në këtë stad historik nga hiçi.

Ky konceptim naiv i qarqeve të larta politike, ushqeu atje poshtë, tek njerëzit e thjeshtë, idenë se, si në filmat amerikanë me kauboj, si në filmat "uestern", secili mund të aplikonte forcën fizike dhe mashtrimin e dredhinë për të zhvatur sa më shumë. Njerëzit u ushqyen me idenë se, në ekonominë e tregut mund të pasurohesh e të prosperosh pa mund e djersë vetëm duke zhvatur e abuzuar.

Zonja e zotërinj!

Ne legalistët do t'u kujtojmë e rikujtojmë parreshtur se në këtë vend kemi një traditë shteti, se kemi një traditë kapitaliste ku ka funksionuar ligji, ku prona ka patur shenjtërinë e saj, ku problemet kardinale të vendit kanë qënë rregulluar më së miri me ligj, dhe mund të shërbejnë edhe sot si model për t'u marrë në konsideratë. Ky shtet ishte ai që analistët, politologët dhe bota mbarë e kanë njohur si "Shteti i Zogut". Nëse problemet preokupante do të ishin zgjidhur me seriozitetin, korrektësinë, kompetencën dhe racionalitetin me të cilin u zgjidhën në atë periudhë, unë ju siguroj se sot Shqipëria do të kish hedhur hapa të rëndësishëm në Europë. Në njëfarë mënyre ne bëmë një gabim fatal që periudhën pas 90-ës nuk e konceptuam, në çështjet e pronës dhe në ekonominë e tregut, si një vazhdimësi e asaj që u ndërpre më 7 prill 1939.

Kështu pra, të nderuar deputetë, secili prej nesh duhet të ndërgjegjësohet dhe të pranojë se në këtë vend çdo gjë e ka patur një zot. Toka bujqësore, trojet, banesat, etj., kanë zotërit e tyre, ashtu sikurse shteti ka qënë zot i pronave që i takonin, qoftë para 7 Prillit 1939, qoftë dhe pas vitit 1990.

Gjatë gjithë këtyre viteve, ne vuajmë një sëmundje që shpejt do të shndërrohet në kanceroze për shtetin tonë, atë të moszbatimit të ligjeve. Çështja sot shtrohet: do të hartojmë një ligj të zbatueshëm apo një ligj vetëm për t'u arshivuar, si shumë e shumë të tjerë. Për shumë e shumë arsye, por dhe për shkak të përvojës së hidhur të deritanishme, ne mendojmë se ky ligj nuk do të gjejë zbatim. Do të ish gabim që ndonjëri të marrë përsipër të spekullojë me përvojat e vendeve ish-socialiste për zgjidhjen e problemit të pronarëve të ligjshëm. Pothuajse të gjitha këto vende e kanë zgjidhur mjaft mirë në dobi të pronarëve të ligjshëm.

Kur e kam pyetur ish-ambasadorin tonë në Çeki, në periudhën 92-96, më ka thënë se toka u është kthyer pa kufizim pronarëve të ligjshëm, me kufizimin e drejtë që ata të punonin tokën dhe të realizonin kuotat mesatare të prodhimeve bujqësore të caktuara nga shteti. Në Bullgari, partia në pushtet pas 92-shit sakrifikoi pushtetin, por e zgjidhi në dobi të pronarëve të ligjshëm çështjen e tokës.

Zonja e zotërinj!

Pështjellimi i krijuar me pronat në këtë vend, është jashtëzakonisht i madh, pasi politikanët që kanë determinuar qeverisjen e këtij vendi, e kanë marrë lehtë dhe krejt me naivitet këtë problem edhe për faktin se pronarët e ligjshëm i kanë konsideruar të lodhur, të pafuqishëm dhe, për pasojë, të parrezikshëm për pushtetin e tyre.

Përjetësisht është vërtetuar se prona shkon me shpirtin. Më pëlqen t'u sjell në vëmendje atë që më ka thënë i nderuari Pjetër Arbnori, lidhur me torturat që ka aplikuar diktatura mbi të Burgosurit Politikë. "Po të ishte për trupin, me tërë ato tortura të përbindshme do të kishim mbaruar, por tek ne ka jetuar shpirti".

Dhe me të vërtetë, z.Arbnori e shokët e tij dolën fitimtarë. Kështu, zotërinj, do të dalin fitimtarë edhe pronarët. Ata shumë shpejt do të shfaqen shumë më të fuqishëm nga sa i mendoni ju, pasi aleati më i madh i tyre është esenca e ekonomisë së tregut dhe vendet tradicionale perëndimore që e kanë konsoliduar dhe e kanë nxjerrë fitimtare ekonominë e tregut.

Në librin e tij "Jashtë kontrollit", profesori i studimeve të avancuara, këshilltari presidencial, strategu amerikan Zbignjev Berzhezhinski, shkruan: "Nëse vendet që kanë hyrë në rrugën e ekonomisë së tregut pas vitit 90-të, do të rrokin me naivitet ekonominë e tregut, atëhere katastrofa në këto vende do të jetë e pashmangshme".

Fatkeqësisht, kjo gjë tek ne ka ndodhur. Ruajna Zot - të mos përsëritet!

Ne, si legalistë, për të shmangur katastrofat e reja do të votojmë kundër këtij ligji.

Të dielën e kaluar, më 23 maj 2004, mes një pranie të kënaqshme delegatësh legalistë, zhvilloi punimet konferenca IV e Degës së PLL Gjirokastër. Për të ndjekur punimet e saj, merrnin pjesë nënkryetari i partisë z.Murat Basha dhe sekretari i Përgjithshëm, z.Artan Tujani. Fjalën e hapjes dhe raportin e punës dy-vjeçare të Degës, e mbajti kryetari i Degës z.Njazi Aliko. Pasi u uroi mirëseardhjen drejtuesve të lartë legalistë, z.Aliko përshëndeti të pranishmit dhe raportoi për punën që kishin bërë Komiteti Drejtues dhe strukturat e bazës në periudhën në analizë, midis dy konferencave, duke u ndalur më gjatë në aktivitetin politik kryesor të kësaj periudhe, në fushatën elektorale të 12 tetorit për pushtetin vendor. Sipas tij, prioritet i punës së strukturave legaliste të Degës së Gjirokastrës, kishte qenë organizimi dhe shtimi i anëtarsisë së PLL. Si rezultat i kësaj, PLL ishte e pranishme në shumicën e hapësirës gjeografike të rrethit. Z.Aliko vlerësoi konkurimin më vete të PLL në zgjedhjet e kaluara, duke i çmuar ato si "të dobishme për krijimin e përvojës, gjallërimin e strukturave, shpalosjen e siglës dhe programit të PLL, që ishin aq të domosdoshme për kushtet konkrete të Degës".

Në zgjedhjet e kaluara, Dega e PLL Gjirokastër kishte mundur të fitonte vetëm një këshilltar në komunën e Libohovës, çka shikohej si një arritje modeste por e vlefshme për rezultate edhe më të larta në të ardhmen. Ai foli gjithashtu për atë që e quajti "presion të madh të ushtruar ndaj Legalitetit, dhe jo vetëm nga forcat e majta".

Gjithashtu, z.Aliko kritikoi qëndrimin indiferent të disa legalistëve, duke përmendur shembullin e Lagjes "11 janari", ku nga 21 anëtarë që janë banues të asaj lagjeje, Legaliteti kishte marrë vetëm një votë.

Ai i njohu të pranishmit me faktin e pajisjes me zyrë të PLL dhe kontributet materiale e financiare të anëtarëve për kompletimin e saj.

Më tej kryelegalisti gjirokastrit u ndal në detyrat për të ardhmen, ku si primare përmendi konsolidimin e strukturave ekzistuese dhe shtrirjen e tyre edhe në hapësirat ku ato mungojnë, për të përmbushur kështu objektivin e PLL: një seksion për çdo qendër votimi.

Në diskutimin e tij, z.Vangjel Doda, kandidati ynë për kryetar në komunën Lunxhëri, duke u nisur nga përvoja dhe vështirësitë e hasura gjatë fushatës, e vuri theksin në disa mangësi dhe detyra që duhet të dalin për të ardhmen, në mënyrë që të mos përsëriten më të njejtat gabime. Sipas tij, duhet të vlerësohen kontributet reale të secilit anëtar, të verifikohet anëtarësia dhe të rritet numri i simpatizantëve. Duke theksuar se puna duhet të përqëndrohet në njerëz nacionalistë dhe idealistë, ai vlerësoi qëndrimet e shprehura nga kryesia e PLL dhe përshëndeti në mënyrë të veçantë qëndrimet e kryetarit Spahiu në parlament.

N/kryetarja e Forumit të Gruas, z.Leta Çarçani, foli për punën më të madhe që duhet bërë me brezin e ri, si për njohjen e historisë dhe të vërtetave të saj, ashtu edhe për rritjen e frymës së dashurisë atdhetare, sepse "nacionalizmi nuk është krim".

Z.Kapo Gaba, në fjalën e tij foli për atë që ai e quajti "shpresë gjithnjë e në rritje të popullit tek Mbreti". "Një situatë të tillë të favorshme, ku njerëzit e kanë humbur besimin tek forcat politike që e kanë drejtuar këtë vend, ne duhet të dimë ta shfrytëzojmë më mirë për realizimin e qëllimit tonë, që është rivendosja e Monarkisë kushtetuese, me NMT Mbretin Leka I-rë.

Në diskutimin e tij, delegati legalist z.Bajram Braho, foli për kontributet e tij dhjetë mujore në Legalitet, dhe e vlerësoi partinë si më të pastërtën dhe atdhetaren, e që gjatë gjithë historisë së saj i ka shërbyer interesave të larta të Kombit. Për zgjedhjet e tetorit, ai tha se ato kishin qenë të manipuluara dhe këtë gjë ai e kishte parë nga afër gjatë fushatës kur kishte qenë në mbështetje të kandidatit tonë z.Vangjel Doda. Ai përmendi shtimin e radhëve të seksioneve të PLL me njëzet anëtarë të moshës rinore, dhe shtroi nevojën që anëtarët duhen provuar në veprimtari të vazhdueshme dhe se "ata duhet të jenë pa pretendime".

Diskutanti tjetër, z.Pëllumb Abazi, u ndal në detyrat për të ardhmen, dhe tha se "duhen ndarë qartë detyrat dhe secili të bëjë punën e tij". Pajisja me zyrë, sipas tij, do t'i jipte një impuls të ri aktivitetit të PLL. Ai tha se duhet të mblidheshin kuotizacionet dhe se duhej kërkuar llogari për detyrat e caktuara, duke shtruar njëkohësisht edhe nevojën e shtimit të propagandës së PLL dhe të literaturës përkatëse, për të cilën tha se "duhet të jetë më e madhe". Z.Abazi u tregua i gatshëm të plotësonte çdo detyrë që do t'i ngarkohej.

I riu lazaratas, z.Shpëtim Dula, foli për dashurinë për Mbretin që e kishte të trashëguar nga familja dhe që po mundohej ta përçonte edhe tek shokët e tjerë të brezit të tij.

Në fjalën e tij, sekretari i Përgjithshëm i PLL z.Artan Tujani, i transmetoi të pranishmëve përshëndetjet dhe vlerësimet e Kryesisë për punën dhe rezultatet e arritura nga Dega e PLL Gjirokastër. Ai i falenderoi ata për të gjitha energjitë e derdhura gjatë fushatës, prezantimin me dinjitet të ngjyrave të Legalitetit dhe mbajtjen lart të frymës së nacionalizmit, në një kohë të vështirë për idealet kombëtare. Më pas z.Tujani i njohu të pranishmit me procesin e suksesshëm të zhvillimit të konferencave në të gjithë Degët, dhe interesimin gjithnjë e në rritje të elektoratit ndaj partisë sonë. Sipas tij, kjo kishte ardhur si rrjedhojë e pranisë në Atdhe të Familjes Mbretërore, por edhe e qëndrimeve të qarta të mbajtura nga PLL. Më tej ai u ndal në analizën e situatës në vend, e veçanërisht në atë akonomike, duke e vënë theksin se "vetëm programi i Legalitetit dhe rikthimi i Monarkisë Kushtetuese mund ta nxjerrin vendin nga kriza shumëpalëshe". Më tej z.Tujani shprehu domosdoshmërinë e shprehjes dhe thellimin e profilit të PLL si një parti nacionaliste. Duke u ndalur në detyrat e përditshme, ai theksoi domosdoshmërinë e riverifikimit të anëtarësisë dhe pagimit të kuotizacioneve, sepse, sipas tij "anëtarësia në Legalitet duhet të mbrohet edhe me kuotizacione". Për këtë qëllim, shumë shpejt të gjithë anëtarët e Legalitetit do të pajisen me libreza të reja anëtarësie. Në formë bashkëbisedimi, ai diskutoi edhe për zgjidhjen praktike të shpërndarjes së gazetës "Atdheu" pas vendimit të kryesisë që të ardhurat nga shitja e gazetës të menaxhohen nga Degët e PLL. Më e përshtatshme u pa shpërndarja me abonime.

Nënkryetari i PLL z.Murat Basha, në fjalën e tij i transmetoi të pranishmëve përshëndetjet e Mbretit dhe porosinë e tij për të forcuar Legalitetin. "Legaliteti është me Mbretin, - theksoi ai, - ndaj të shtojmë punën për të konsoliduar strukturat dhe të mbulojmë të gjitha njësitë vendore". Ai e cilësoi detyrë mbështetjen e Kryesisë për strukturat vendore gjatë fushatës dhe tha se "këtë e kemi bërë mjaft mirë". Ai i bëri një analizë të thellë situatës në vend dhe konkludoi se "ky vend duhet shpëtuar".

Duke folur për programin e PLL ai e konsideroi atë "një filozofi të re pragmatiste, të mbeshtetur mbi katër kolona: çështjen kombëtare, Monarkinë, Pronën dhe të Përndjekurit Politikë". Duke përshkruar veçmas secilën kolonë, ai tha se "Mbreti është i vetmi njeri që e ka lidhjen me popullin" dhe se "historia ka treguar se nuk ka pasur asnjë mbret që nuk e ka dashur popullin e tij". Po ashtu z.Basha tha se "pronë ka pasur vetëm në kohën e Mbretërisë" dhe se "të Përndjekurve nuk mund t'u kthehet dot rinia por, minimalisht, ata duhet të kompensohen për vuajtjet dhe punën e papaguar". Duke u ndalur në punët konkrete, z.Basha tha se "duhet bërë politikë afër halleve të njerëzve" dhe se atyre duhet t'u flasim me gjuhën e idealit dhe të interesit". "Ne do të vendosim partneritet mbi baza reciproke, sepse vërtetë jemi demokratë në shpirt, por fqinjësinë e mirë nuk e duam me ligjin e luftës", - tha nënkryetari legalist. Ai gjithashtu e konsideroi PLL "një shtëpi të madhe", duke sjellë krahasimin e një luleje të bukur. Po ashtu ai vletësoi në mënyrë të veçantë qëndrimet e kryetarit të partisë në parlament. Në fund të fjalës së tij, z.Basha dha tre porosi: punë, punë, punë.

Pastaj u kalua në pikën e rendit të ditës që i përkiste zgjedhjeve të organeve të reja drejtuese.

Në postin e kryetarit të Degës edhe për një mandat dy-vjeçar, u rizgjodh z.Njazi Aliko, ndërsa nënkryetarë u zgjodhën zotërinjtë Ramadan Shehu dhe Vangjel Doda, ndërkohë që për postin e sekretarit të Degës u propozuan z.Bajram Braho dhe z.Artan Gabo.

Korresp. i "Atdheu"

Më datë 26 maj 2004, në qytetin e Kuçovës zhvilloi punimet konferenca III-të e Degës së PLL Kuçovë. Në këtë konferencë mori pjesë edhe kryetari i PLL z.Ekrem Spahiu, i shoqëruar nga anëtari i Komitetit Drejtues të PLL që mbulon prefekturën e Beratit, z.Ruzhdi Oriza.

Raportin e konferencës, në emër të Komitetit Drejtues e mbajti kryetari i kësaj Dege z.Hysen Polovina, i cili, me modestinë dhe urtësinë që e karakterizojnë, bëri bilancin e punës së Degës për periudhën midis dy konferencave, duke u ndalur në mënyrë të veçantë tek rezultati i zgjedhjeve vendore të 12 tetorit të vitit 2003.

Z.Polovina, falenderoi me këtë rast të gjithë kolegët e tij, të cilët kanë kontribuar maksimalisht për fushatën e zgjedhjeve vendore, dhe duke u ndalur në punën e bërë gjatë tyre, ndër të tjera tha: "Kuçova, është një rreth ku komunizmi është mbjellë me fanatizëm, dhe këtë e dëshmon vetë emri i diktatorit komunist, Stalinit, të cilin diktatura ia vuri padrejtësisht mbi shpinë qytetit. Prandaj, në qytetin tonë të mbjellë me ideologji, ne legalistët e kemi patur tepër të vështirë për të konkuruar në kushte të barabarta me kandidatët dhe partitë e tjera, pasi ishim dhe jemi parti e konkurentë jashtë llojit të tyre. Megjithatë, ne arritëm të marrim në bashkinë e Kuçovës 126 vota, çka për ne është një arritje shumë e madhe, pasi për herë të parë që konkuruam morëm këto vota, të cilat në kushtet në të cilat punuam janë inkurajuese.

Në arritjen e këtij rezultati pozitiv në qytetin tonë, ka ndikuar edhe ndihma gjatë fushatës e kryetarit të PLL z.Spahiu, sidomos me prezantimin tim si kandidat për kryetar bashkie në Kuçovë. Ne legalistët e Kuçovës kemi nevojë më shumë se të gjithë për mbeshtetjen e qendrës, e cila për ne nuk është thjesht ndihmë organizative, por mbi të gjitha është inkurajim i drejtëpërdrejtë. Prandaj ardhja e z.Spahiu na nderon dhe është një ndihmesë e drejtëpërdrejtë, të cilën ne do ta kthejmë në rezultat dhe punë konkrete në të ardhmen, për të thelluar rezultatet dhe për ta forcuar e rritur Degën, e mbylli raportin e punës kryelegalisti Polovina.

Pas fjalës së tij diskutuan zotërinjtë Feçor Kodra, Ismail Llangozi, Krenar Goxhaj, Adem Saliu, Hamza Llangozi, Enton Kodra, etj., të cilët në fjalën e tyre u bazuan në aktivitetin dhe angazhimin e tyre për t'i shërbyer sa më shumë shtrirjes së PLL në të gjithë hapësirën gjeografike të rrethit të Kuçovës.

Diskutantët, në fjalën e tyre shpesh falenderuan kryesinë e PLL nëpërmjet z.Spahiu - për qëndrimin politik në përgjithësi dhe në veçanti atë të kryetarit Spahiu, që, sipas tyre "ka qenë mbështetës i vazhdueshëm dhe i fuqishëm i çeshtjes kombëtare, sidomos të çeshtjes çame, ndaj ish të Burgosurve e të Përndjekurve politike dhe pronarëve legjitimë.

Por gjithashtu diskutantët kërkuan që "drejtuesit e lartë legalistë të vijnë sa më shpesh në Kuçovë, sepse kjo do të ndikojë pozitivisht për aktivitetin e Degës.

Por ata, në veçanti, i kërkuan z.Spahiu që Mbreti Leka I-rë të shfaqet më shumë në media, sepse populli i Kuçovës dhe besojmë se edhe e gjithë Shqipëria shpresën e ka tek vendosja e Monarkisë dhe e Mbretit Leka I-rë në krye të shtetit shqiptar.

Në këtë mbledhje foli edhe anëtari i Komitetit Drejtues z.Ruzhdi Oriza, i cili me njohjet e tij në Kuçovë, u kërkoi legalistëve që të punonin për afrimin në radhët e PLL të anëtarëve të rinj, për ta fuqizuar partinë, e cila sipas tij "është në rritje dhe shumë shpejt do të jetë pjesë e qeverisjes së ardhshme, ku sigurisht që do të ndikojë pozitivisht në zgjidhjen e halleve që kalojnë legalistët dhe mbarë shqiptarët.

Mes interesimit të natyrshëm të delegatëve e mori fjalën kryetari i PLL z.Spahiu, i cili fillimisht përshëndeti të pranishmit dhe në mënyrë të veçantë z.Polovina, për punën e bërë deri më tash, por në veçanti për kandidimin dhe konkurrimin dinjitoz të tij në zgjedhje dhe votat e mara në Kuçovë. "Këto vota marrin një rëndësi të veçantë, sepse janë marrë në një rreth që socialistët e konsiderojnë bastion të tyre, pavarësisht se qeveria e tyre nuk po bën asgjë për banorët e këtij rrethi. Dashuria juaj për Mbretin dhe Familjen Mbretërore, si dhe besimi që keni ju tek Mbreti, është mjaft pozitiv, por kjo dëshirë do të realizohet vetëm nëpërmjet rritjes dhe fuqizimit të PLL jo vetëm në Kuçovë por në të gjithë Shqipërinë, sepse PLL është Partia që kërkon rikthimnin e Monarkisë kushtetuese parlamentare. Prandaj ju kërkoj që Dega juaj të shtrihet në bashki dhe çdo lagje të saj, nëpër komuna dhe në çdo fshat të tyre, për të qenë të gatshëm për zgjedhjet e ardhshme, që po trokasin në derë, ku Legaliteti, në vartësi të punës do të marrë edhe rezultatin elektoral.

Më poshtë z.Spahiu foli edhe për aktualitetin politik në vend, sidomos për zhvillimet brenda kampit opozitar, sidomos në kushtet e mosqeverisjes së maxhorancës me në krye Nanon.

Konferenca vijoi në zgjedhjen e kryetarit dhe strukturave drejtuese të Degës.

Me mirëkuptim të plotë, delegatët rizgjodhën kryetar të Degës z.Hysen Polovina edhe për një mandat tjetër dyvjeçar, në shenjë vlerësimi për punën, përkushtimin dhe kontributin e tij.

Nënkryetar u zgjodh z.Ismail Llangozi, ndërsa për postin e sekretarit të Degës, qendrës iu propozua biznesmeni legalist, z.Feçor Kodra.

Gjithashtu konferenca zgjodhi edhe Komitetin e ri Drejtues, të përbërë prej 9 anëtarësh.

Mbas përfundimit të konferencës, të gjithë sëbashku i uruan drejtuesve të rinj detyrat e reja dhe e vazhduan bashkëbisedimin në një lokal, gjatë të cilit u fol për probleme nga më të ndryshmet, që nga hallet e përditshme e deri në zhvillimet politike në vend dhe perspektiva e tyre.

Kështu i mbylli punimet edhe kjo konferencë modeste por gjithnjë në rritje, për shkak të përkushtimit të të gjithë legalistëve të Kuçovës për t'i çuar më përpara arritjet dhe rezultatet në të gjithë treguesit e punës së Degës.

Korresp. i "Atdheu"

Më datën 22.05.2004, Komiteti Drejtues i Degës së PLL Pukë zhvilloi mbledhjen e tij të dytë, me rend dite:

1.Konsolidimi i strukturave të reja të Degës së PLL Pukë, pas konferencës së 6-të të saj.

2.Shqyrtimi i udhëzimeve të ardhura nga kryesia PLL, për shpërndarjen dhe administrimin financiar të gazetës "Atdheu".

3.Bashkëpunimi me forcat e djathta politike, në nivel këshilltarësh dhe më gjerë, për një menaxhim më të mirë të situatave politike aktuale dhe në perspektivë.

4.Probleme të ndryshme organizative të Degës.

Mbledhjen e hapi Kryetari i Degës së PLL Pukë, z.Sadik Beqiri, i cili, me një material të shkurtër, informoi Komitetin Drejtues në lidhje me problemet që do të diskutohen në këtë mbledhje, sipas rendit të ditës.

Pas leximit të këtij materiali, u kalua në diskutimin e pikës së parë të rendit të ditës, që ka të bëjë me konsolidimin e strukturave të reja të Degës. Në fillim të diskutimit të kësaj pike, u përzgjodh një grup pune nga anëtarët e Komitetit Drejtues, i përbërë prej 10 (dhjetë) vetësh, ku secili anëtar mori përsipër detyrat që do të mbulojë në terren, konform funksioneve që mban në strukturat e kësaj Dege.

Në diskutimet e anëtarëve të Komitetit Drejtues u analizua edhe roli i forumeve të Degës, për të cilat u kërkua një angazhim më i madh, sidomos në lidhje me propagandimin e programit të PLL dhe përparësitë e tij.

***

Në pikën e dytë të rendit të ditës, u diskutua rreth udhëzimeve të Kryesisë së PLL për shtypin.

Sipas kërkesave të drejtuesve të nëndegëve, u vendos që shpërndarja e gazetës "Atdheu", sipas nëndegëve të bëhet si më poshtë:

1.Nëndega Pukë 8 (tetë) gazeta

2.Nëndega Fushë Arrëz 4 (katër)...

3.Nëndega Qafë Mali 3 (tre)...

4.Nëndega Qerret 2 (dy)...

5.Nëndega Rrape 3 (tre)...

6.Nëndega Qelëz 3 (tre)...

7.Nëndega Gjegjan 2 (dy)...

8.Nëndega Iballë 2 (dy)...

9.Nëndega Fierzë 2 (dy)...

Shuma 27 (njëzeteshtatë) copë

Nga këto: në adresë të gazetashitësit Pukë do të dërgohen 20 (njëzet) copë gazeta, ndërsa në adresë të gazetashitësit Fushë Arrëz, 7 (shtatë) copë. Për këtë numër gazetash u ra dakort që të bëhet pagesa për periudhën 1 maj deri 31 dhjetor 2004.

Në pikën e tretë të rendit të ditës, atë të bashkëpunimit midis Degës së PLL dhe Degëve të partive të djathta pukjane, anëtarët e Komitetit Drejtues ishin të mendimit se, në situatën politike dhe ekonomike që po kalon Shqipëria, është e domosdoshme që forcat e djathta politike të vendosin dhe institucionalizojnë një bashkëpunim sa më real, sidomos për unifikimin e qëndrimeve politike të këshilltarëve në votimin e projekt-vendimeve në këshillat bashkiakë dhe komunalë.

Gjithashtu u kërkua që formacionet e djathta të mbështesin aktivitetet politike të njëri-tjetrit, me qëllim që këto të jenë sa më të fuqishme e të sensibilizojnë elektoratin e djathtë pukjan.

Diskutantët kërkuan që bashkëpunimi të bëhet konform udhëzimeve të kryesisë së PLL, duke patur në themel parimin e interesit reciprok.

Në pikën e fundit, atë të problemeve të ndryshme, kryesisht të karakterit organizativ, u diskutua për korrektësinë e anëtarëve të Komitetit Drejtues lidhur me pjesëmarrjen në mbledhjet dhe aktivitetet e tjera politike, si dhe për një angazhim më të madh dhe seriozitetin e domosdoshëm në trajtimin e problemeve të Degës.

Korresp. i "Atdheu"

Në Pjesën e parë të "Monarkia dhe ideologjitë", kam shpjeguar bindjen time se përderisa monarkia kushtetuese moderne evokon së brendshmi monarkinë jodemokratike të së shkuarës, ruajalistët duhet të jenë në gjendje, së paku teorikisht, ta mbrojnë këtë variant të vjetër të monarkisë dhe ta krahasojnë atë pozitivisht me demokracinë. Duke bërë këtë mbrojtje, unë do të kombinoj në mënyrën time argumentet që më parë janë paraqitur prej monarkistëve, së bashku me idetë që kam nxënë prej leximesh të ndryshme. Megjithëse këto koncepte janë të aplikueshme në të gjithë vendet e botës, unë do të fokusohem në Europë, prejse ky është vendi historinë e të cilit e njoh më mirë.

Ideja që mbretërit duhet të mbretërojnë, por jo të qeverisin, është relativisht e vonë, dhe është formuluar jashtë Britanisë së Madhe. Në pjesën më të madhe të historisë europiane, pushteti kryesor ka qenë në duart e sovranëve të trashëgueshëm. Kjo nuk nënkupton se një monark jokushtetues ka qenë "absolut"; në fakt, asnjë sovran i trashëgueshëm s'ka ushtruar kurrë atë lloj pushteti totalitar, krahasuar me diktatorët e shekullit XX. Madje edhe shtetet demokratike moderne ushtrojnë një kontroll më të madh në shumë aspekte jetësore mbi qytetarët e tyre, gjë që nuk e kanë bërë kurrë mbretërit. Prandaj, së pari, unë po e bëj të qartë se një mbrojtje e monarkisë tradicionale nuk është një mbrojtje e autoritarizmit. Ndërkohë megjithëse pushtetet e mbretërve tradicionalë mund të kenë qenë teorikisht supreme, në fakt dhe, zakonisht, ato kanë qenë të kufizuara: - prej aristokracisë, prej Kishës, ligjit natyror, dhe prej nevojës për të mos u përplasur me njerëzit e thjeshtë nga frika e ndonjë rebelimi.

Dikur monarkët europianë kanë qenë zgjedhur, natyrisht jo prej të gjithë popullit, por prej anëtarëve të një elite. Sidoqoftë, kohë pas kohe principi trashëgimtar u forcua përherë e më tepër, derisa ai u bë praktikisht i pandashëm nga ideja e monarkisë. Kështuqë kur unë flas për monarkinë tradicionale, unë i referohem një sistemi në të cilin posti i kreut të shtetit dhe të qeverisjes është i trashëgueshëm, dhe që zakonsiht përcillet nga babai te djali më i madh.

Ideja e një pushteti të trashëgueshëm, qoftë edhe e limituar nga degët e tjera të qeverisjes dhe të shoqërisë, ka tendencën të trazojë njerëzit e kohëve moderne, përfshi edhe ata që ndihen plotësisht dakord me monarkinë kushtetuese. "Po sikur të na qëllojë një mbret mizor, i çmendur dhe budalla?" ose variante të kësaj, është shprehja kryesore që thuhet (kundërshtimi kryesor). Natyrisht nuk ka asnjë garanci që një suksesioni trashëgimtar do të siguronte një lidership kompetent. Por problemi me këtë kundërshtim (objeksion) është se kur këto alternativa (kryesisht demokracia dhe diktaturat) të shqyrtohen në mënyrë objektive, asnjë sistem qeverisjeje nuk ofron të tilla garanci.

Sot nuk ka shumë mbrojtës të diktaturave, dhe s'është për t'u habitur përderisa diktatorët e shekullit XX (më i urryeri i të cilëve, Hitleri, është zgjedhur me votim), shkaktuan banjo gjaku, të cilat bënë që të dukeshin çikërrima të gjitha veprat e këqija të të gjithë mbretërve të marrë së bashku. Këtu është fjala për demokracinë për të cilët pretendohet se mund të jetë diçka më e mirë sesa demokracia. Por unë nuk pajtohem me këtë. Për shembull, po jap një rast specific të qartë: unë nuk e kam bindjen se kreu aktual i Shtëpisë së Bardhë (G.Bush - shën. i përkth.) na ofron ndonjë provë se gëzon një arsyetim superior dhe të sofistikuar të një lideri të zgjedhur me vota. Fatkeqësisht, shumë presidentë amerikanë kanë qenë tepër mediokër; disa kanë qenë të korruptuar dhe destruktivë në mënyrë flagrante. Shumë prej tyre kanë abuzuar me pushtetin e vet duke ndërhyrë forcërisht në çeshtjet e vendeve të tjera, duke sakrifikuar mijëra jetë amerkinësh dhe të huajsh në këto procese.

Liderët e zgjedhur të Europës prej kohësh janë të zënë kryesisht me planin për t'i zhveshur kombet e tyre prej sovranitetit kombëtar në procesin e unifikimit europian dhe në përzierjen e harmonisë së tyre kulturore me imigracionin masiv, - një tradhti e dyfishtë, e cila nuk do të ishte lejuar në kohët kur monarkët ishin në pushtet e qeverisnin, ndërsa popullsia e shumicës së vendeve nuk e gëzonte të drejtën e votës. Kjo qyfyre, së bashku me tentativën e BE për ta zhdukur Partinë e Lirisë në Austri, (megjithëse partitë komuniste të kontinentit dhe trashgimtarët e tyre të pambrojtshëm të ideologjisë më gjakatare të historisë, nuk kritikohen kurrë), na sugjeron se demokracia ka tendencë të prodhojë liderë, të cilët sotpërsot nuk besojnë në demokraci, duke shkatërruar kësisoj qëllimin e saj fisnik.

Liderët e zgjedhur të Britanisë dhe të SHBA së fundmi janë duke planifikuar një luftë agresive kundër një vendi (Iraku - shën.i përkth.) i cili nuk i ka sulmuar kurrë, duke rrëzuar nocionin se demokracitë nuk ia nisin të parat luftës. Arsyeja e pushtimit të Irakut nuk është më e fuqishme se ato për të cilat mbretërit kanë filluar luftën në të kaluarën, dhe unë nuk e kuptoj dot se si për faktin se vendimmarrësit janë të zgjedhur, ata do t'ua lehtësokan jetën banorëve të pafat të vendit që është piketuar si target.

Përtej këtyre çështjesh të diskutueshme (të cilat e kuptoj se hanë debat), e kam të vështirë të kuptoj se si politikanët e shekullit XX, - të cilët e futën dy herë Europën në luftë, çka duke i krahasuar me konfliktet për dinastitë i bën këto të fundit të duken si skërmitje dhëmbësh, - i paskan kapërcyer në aftësi dhe mençuri monarkët e trashëgueshëm paramodernë! Jeta është bërë sot më e mirë në shumë aspekte. Por unë besoj se shumica e ekonomistëve do të pajtoheshin me mua se standardet e larta të jetesës sot, janë si rezultat i përparimeve teknologjike dhe mjekësore, dhe do të kishin ndodhur pavarësisht (më shumë sesa, për shkak) prej veprave të qeverive të zgjedhura. Shteti social - projekti kryesor i demokratëve - u duk se do të bënte mrekullira për europiano perëndimorët deri për njëfarë kohe, por tani ai po përballet me problemet më të mprehta që lidhen me rënien e lindshmërisë dhe me faktorë të tjerë, të cilat kanë ngritur pikëpyetje të mëdha në besueshmërinë dhe popullaritetin e filozofisë socialdemokrate.

Duke iu larguar ngjarjeve të ditës dhe duke u kthyer në rrafshin e teorisë, unë besoj se disa cilësi të brendshme të monarkisë dhe demokracisë, i japin të parës avantash në raport me këtë të dytën. Së pari, një mbret është i stërvitur qysh kur lind për punën që do të bëjë. Përgjithësisht ai ka shumë vite në dispozicion për t'u përgatitur për detyrën e qeverisjes së vendit të vet, dhe kur hipën në fron, ai mund të përqendrohet plotësisht për të vënë në jetë dijenitë e tij. Zakonisht ai ka nxënë prej mendjeve më të mira e më të ditura të vendit për çeshtjet kushtetuese të vendit të vet. Nga ana tjetër, politikanët e tjerë shpenzojnë gjysmën e parë të karrierës për marrjen e pushtetit; ndërsa pasi zënë karriget, ata i përkushtojnë një kohë të konsiderueshme çështjes së ruajtjes së saj. Nevoja e përhershme për të fituar favore përmes lajkash prej grupeve të veçanta të interesave, s'do të thotë se përputhet edhe aq me atë që është e mira për të gjithë vendin. Ndërsa një mbret vepron në bazë të ndërgjegjes së vet. Shumë shpesh besohet (prezumohet) se programi kryesor i shumicës së politikanëve është identik me "vullnetin e popullit" dhe një monark kushtetues u shërben nënshtetasve të vet duke pranuar atë që ka aprovuar qeveria. Fatkeqësisht për lirinë, mundësia që do të ishte e dëshirueshme për sovranët, për të vepruar si një siguresë kontrolluese reale mbi pushtetet e qeverisë, as që është marrë ndonjëherë në konsideratë.

Fakti është se nuk ekziston dhe as që ka ekzistuar një gjë e tillë e quajtur "populli", veçse persona të veçantë, me poaq ide të ndryshme rreth asaj që duhet bërë. Mua s'më vjen ndërmend ndonjë propozim për të cilin të gjithë njerëzit e një vendi të kenë rënë dakord ndonjëherë. Ndërsa kur një ide e veçantë merr mbështetjen e shumicës, kjo provon padiskutim superioritetin e saj ndaj pikëpamjes së pakicës. Së këndejmi del që, ideja se qeveritarët e zgjedhur u shërbejnë interesave të "popullit", ndërsa ata të trashëgueshmit jo, nuk ka kuptim, për shkak se interesat e "popullit" nuk kanë qenë kurrë një gjë koherente. Ajo çka është e mirë për disa njerëz të "popullit", është e keqe për disa të tjerë. Gjithsesi, asnjë qeveri nuk i ka shërbyer kurrë "popullit" dhe as që do të ndodhë kurrë, prandaj ky aspekt superior i qeverisjes demokratike, është i pakuptimtë.

Adhurimi universal i demokracisë në botën perëndimore ka krijuar një mentalitet i cili na sugjeron se duke fituar zgjedhjet, i jepet një farë legjitimiteti pothuaj magjik një personi, duke i dhënë atij një autoritet moral të veçantë, të cilin askush që nuk është i zgjedhur, s'mund ta posedojë (ndërkaq kujtojmë britmat ndaj letrave të Princit Charles). Unë besoj se ky është një besim i pajustifikuar. Para së gjithash, fituesit e zgjedhjeve nuk janë kurrë realisht zgjedhja më e mirë për të gjithë ose për shumicën e njerëzve; ata janë kryesisht zgjedhja (shpesh zgjedhja e padëshirueshme e tipit: "e keqja më e vogël") e një shumice ose e një shumice të thjeshtë, e cila ndodh që të dalë në votimet e asaj dite.

Politika shqiptare po sheh të gjitha mundësitë për ta shfrytëzuar për qëllime elektorale diskutimin për një çështje që i intereson një pjese të konsiderueshme të shqiptarëve.

Dihet tashmë se Partia Demokratike, më e madhja e opozitës, nuk e ka sulmuar fort projekt-ligjin e qeverisë. Ajo abstenoi zyrtarisht në votimin për projekt-ligjin "Mehdiu-Çako", gjë që, në gjuhën juridike parlamentare, përkthehet në votë kundër. Megjithatë, tre deputetë të saj, votuan pro kthimit të pronave. Gjithashtu, të gjithë deputetët e Partisë Demokrate të Re votuan pro, me përjashtim të Qazim Tepshit. Në listën e votave pro ishte edhe socialisti Ndre Legisi si dhe aleancisti Neritan Ceka.

Ka vetëm një arsye se përse po diskutohet sot çështja e pronave: ky është procesi i integrimit në Bashkimin Europian dhe negociatat për Marrëveshjen e Stabilizimit e anëtarësimit.

Bashkimi Europian kërkon zgjidhjen e problemit për të garantuar stabilitet social në vendin tonë. Për të arritur këtë, nevojitet që projekt-ligji të jetë fillimisht i votuar me konsensus sa më të gjerë, dhe, së dyti, të jetë i zbatueshëm.

Në raportin e fundit, BE theksonte se projekt-ligji që pritet të miratohet përbënte zgjidhje, por kërkonte në të njejtën kohë hartimin dhe publikimin e kostos, inventarin e tokave për kompesim dhe faturën financiare. Pikërisht këto dy kushte të fundit nuk janë zbatuar nga qeveria, e cila rrezikon në këtë mënyrë të miratojë një projekt-ligj për të cilin është e vështirë të thuhet nëse do të zbatohet apo jo, dhe është e vështirë të thuhet nëse do ta zgjidhë problemin ose jo.

Partia Demokratike gjendet nën presion sot në lidhje me votën e saj, por duket se ajo është e interesuar më shumë për të gjetur probleme për qeverinë sesa për të gjetur zgjidhje për problemin e pronave.

Në këtë pikë, në lojë hyri PDR, e cila fillimisht deklaroi përçartazi edhe mbështetje për projekt-ligjin, edhe kërkesën për kthimin e pronave. Por, së fundmi, kjo parti përgatiti një paketë ndryshimesh të rëndësishme dhe racionale, të cilat, nga njëra anë rrisin hapësirën për kthimin e drejtëpërdrejtë të pronave, ndërsa nga ana tjetër mbrojnë shpërndarjen e tokës bujqësore në ato raste ku toka ka origjinë shtetërore.

Në këtë pikë, debati më i ashpër mes Partisë Demokratike dhe asaj Socialiste, është përqendruar në abrogimin e ligjit "për Tatimin e Jashtëzakonshëm" të vitit 1945. Bëhet fjalë për një nga ligjet e para të regjimit komunist, me anë të të cilit u kryen sekuestrimet e parave dhe pronave të një pjese të konsiderueshme të kundërshtarëve të komunizmit si dhe njerëzve të tjerë, për të mbushur arkën e shtetit të ri shqiptar dhe për të dobësuar financiarisht kundërshtarët.

Pak vite më vonë, regjimi komunist e zgjidhi problemin financiar kur vendosi një sistem të ri monetar, hodhi në qarkullim monedhë të re dhe vendosi kuota shumë të ulëta të këmbimit të frangave dhe lekëve të vjetër me lekët e rinj.

Debati mbi këtë temë, në kushtet kur projekt-ligji ka pak gjasa të sjellë zgjidhje, ngjan më shumë me një justifikim moral të opozitës përballë Bashkimit Europian dhe OSBE-së për të votuar kundër, rrjedhimisht për të lënë të hapur problemin, para së gjithash, për qeverinë.

Dihet tashmë se problemi i pronave është shtyrë në kohë me projekt-ligjin e ri, por ajo që është afruar në kohë është angazhimi politik i pronarëve dhe kristalizimi i qëndrimeve të politikës shqiptare. Ndonëse ka të majtë që mendojnë si të djathtë dhe anasjelltas, tashmë dihet se janë: Partia Lëvizja e Legalitetit, Partia Republikane etj., kryesisht nga e djathta, të cilat kanë shansin për të marrë votat e të djathtës së vërtetë, njerëzve që sot kryesisht nuk votojnë për shkak të mosbesimit ndaj politikës. Me humbjen e mbështetjes së pronarëve, Partia Demokratike ka humbur pjesën më të rëndësishme dhe më të fortë të elektoratit të vet.

Në këto kushte, është mirë të theksohet se votat e pronarëve do të mund të vilen nga partitë e vogla vetëm në rast se këto të fundit do të dinë të veprojnë.

Si parti të djathta dhe shpesh me baza demokratike më të forta se PD-ja dhe PS-ja, ato kanë sot shansin që të jenë pararojë e partive më të zhvilluara në mënyra organizimi, në parimin e pjesëmarrjes kundrejt interesit real dhe jo militantizmit politik.

1.Mbreti Zog anatemohet e përçmohet nga kundërshtarët komunistë dhe neokomunistë, për të shembur në mendjet e shqiptarëve modelin virtuoz të shtet-formimit që ai sendërtoi gjatë viteve 1924-1939. Ky model i paarritshëm denigrohet nga ata që duan të na mbushin mendjen se ky surrogato-pluralizëm "me gjithë të metat që ka" është i pranueshëm dhe "ku e ku më i mirë" se koha e Mbretërisë, ndaj "nuk kemi ç'të huazojmë nga ajo kohë".

Të paaftët dhe shpërdoruesit e pushteteve, gjithmonë kanë hedhur baltë mbi atë epokë të lavdishme. Ajo periudhë dhe simboli i saj, Mbreti Zog, denigrohen nga ata që kanë komplekse inferioriteti për vendin që Ai ka zënë në Panteonin e lavdisë dhe historinë shqiptare, për formatin e jashtëzakonshëm të figurës prej shtetari mendjendritur, i cili i kulmoi dhe i realizoi në praktikë aspiratat dhe aftësitë shtetformuese të shqiptarëve, duke mbetur i pari dhe i fundit Rilindas që vuri në themelet e qeverisjes filozofinë e Rilindjes kombëtare.

2.Luftohet sepse në modelin e Tij të drejtimit të shtetit, nuk kishte gjasa të bëheshin kryeministra njerëz të rëndomtë si Tao Tao dhe Bashkim Fino. Këta anonimë gjithmonë janë munduar të barabiten me figura të tilla madhore si Mehdi Frashëri, Pandeli Evangjeli, Koço Kota etj..

3.Në parlamentin e kohës së Mbretërisë ishin zgjedhur intelektualë mendjendritur, dhe nuk kish vend për mjelës, bujq e barinj. Bashkëpunëtorët e Mbretit ishin ishin bij princash, pashallarë, e bij të tyre, që ishin rritur e edukuar në kështjella e kulla. Ata ishin zotër të Atdheut, të cilin e kishin me tapi, dhe jo zotër të shkopit e të kasolleve. Ata ishin intelektualë të rrallë, dhe për këtë mjafton t'i referohesh diskutimeve të Parlamentit të asaj kohe, ku spikat elokuenca dhe kultura brilante, përgjegjshmëria dhe përkushtimi atdhetar i atyre që ishin "gjaku blu" i këtij vendi. Të gjithë ata kishin dhënë prova atdhetarie për breza të tërë, dhe kishin shkrirë gjithçka patën për vendin, kur e kish lypur nevoja.

4.Qeveritë e kohës së Mbretërisë nuk bënin pazar me interesat kombëtare. Asnjë kryeministër i qeverive të asaj kohe nuk guxonte të shkujdesej apo t'i injoronte këto interesa, sikundër vepron Nano sot, me marrëveshjet për AMC, Vodafon-in, koncesionin për "Petrolifera" etj.,

Mjafton të kujtojmë faktin se, që nga momenti i negociimit e deri në nënshkrimin e Marrëveshjeve koncesionare me gjigandët "Anglo-persian Oil Co.", "Standart Oil Co.", e më pas me "SVEA" e "AIPA", kaluan minimalisht 2-3 vjet, periudha këto të mbushura me debate e diskutime të gjera në parlament e qeveri, dhe jo si sot kur, me një firmë të hedhur brenda sekondash, të huajt bëhen pronarë të pasurive kombëtare.

5.Sepse atëkohë jo vetëm që nuk kish ministra të korruptuar, nuk kish "tendera me prokurim të drejtpërdrejtë", por nuk kish asnjë ministër me konflikt interesash si sot, kur postet ministrore ndahen konform bizneseve private të ministrave të Nanos, të cilët, nga mëngjezi në darkë, punojnë për vete dhe shefin e tyre, duke shkaktuar evazion fiskal dhe krim ekonomik të organizuar.

6.Sepse në periudhën e Mbretërisë nuk kish Mafia të legalizuar e institucionalizuar apo trafiqe kriminale, ndonëse asokohe, deri edhe në SHBA bandat e Mafia-s bënin kërdinë megjithëse në fuqi ishte ligji i Prohibicionit dhe ligje të tjerë që synonin kufizimin dhe paralizimin e veprimtarive kriminale.

7.Sepse në administratën shtetërore nuk kish nepotizëm e krahinarizëm, dhe nuk ndodhte që 99 % e ushtarakëve madhorë, nëpunësve dhe kabineteve, të ishin nga Salaria, Kuçi e Tërbaçi, apo nga Zona e Parë Operative Vlorë-Gjirokastër.

8.Në atë kohë banditët e rebelimeve nuk bëheshin doganierë. Rebelimet shtypeshin me mjetet më efikase, minimumin e kostos njerëzore e materiale, ndërsa për rebelët shpesh bëheshin amnisti dhe politika penale që synonin neutralizimin e veprimtarive subversive antishtetërore dhe jo diferencime politike që mund të sillnin dasi, konfrontime. Shteti ishte i kujdesshëm ndaj familjarëve apo të afërmve të rebelëve dhe synonte të zbuste konfliktet me pasoja sociale.

9.Vetë Mbreti Zog nuk lejonte nepotizëm familjar në qeverisje dhe administratë. Askush nga Familja dhe rrethi i afërm i Tij nuk ka punuar në administratë, përveç kunatit, Ceno bej Kryeziut, deri në vitin 1927, kur ai doli kundër interesave kombëtare dhe u shkarkua nga detyra e ambasadorit në Beograd. Në të kundërt, të afërmit e Mbretit jo vetëm që nuk mernin rroga shtetërore, por zhvillonin bamirësi me pasurinë vetiake, sikundër motrat princesha, të cilat themeluan dhe drejtuan Kryqin e Kuq shqiptar, duke ndihmuar të varfërit pa preferenca dhe paragjykime krahinore, apo fetare.

10.Paga minimale në të gjithë piramidën e pagave të kohës së Mbretërisë ishte ajo e mësuesit të fshatit, që ish 7 napolona ar, me të cilën mund të blihesh 200 kg mish në muaj.

11.Shumica e intelektualëve shkollohej me bursën e shtetit dhe paga e tyre, pas rekrutimit të menjëhershëm në administratën shtetërore, ishte shumë më e lartë sesa në të gjitha vendet perëndimore. Kjo ishte arsyeja që, përveç detyrimit atdhetar dhe dëshirës për të kontribuar për vendin, intelektualët ishin tejet të motivuar financiarisht dhe ndjenin në çdo çast përkujdesjen e shtetit e personalisht të Mbretit, i cili organizonte për ta audienca speciale, i ndihmonte për zgjidhjen e çdo problemi, madje shtronte edhe zijafete me shpenzimet e Tij, për t'u krijuar klimë të ngrohtë nëpërmjet shkëmbimit të mendimeve dhe shpërfaqjes së programeve shtetërore të zhvillimit të vendit.

___________________________

___________________________

Deklaratë e tri shoqatave të ish të burgosurve politikë

Dënimi i Spahiut, formë e re e luftës së klasave

Shoqata Mbarëkombëtare për Integrimin e të Përndjekurve të Shqipërisë

Shoqata Kombëtare Antikomuniste e të Përndjekurve Politikë të Shqipërisë

Shoqata Kombëtare e ish të Dënuarve Politikë të Shqipërisë

Bëmat e Nanos dhe "etika" parlamentare

Nga Astrit KOLA

"Furtuna" e fundit në "gotën" e mbushur me xhin, sajuar nga shambellanët dhe shqytarët e Nanos në Kuvend, pas "incidentit"-Spahiu, si dhe turravrapi i disa sejmenëve për të bërë duelistin dhe sekudantin pas "dorashkës" së sfidës - janë grotesku më i pështirë dhe scoopi më marroq për mendjet e kthjellta dhe mediat e babëzitura.

"Të ofenduarit", pasi ndëshkuan sërish Spahiun me pezullimin e radhës, sakaq harruan sharjen e Nanos cituar prej Lesit dhe, me përkushtim zvarraniku, ngritën kartonat në favor të "Petroliferës" italiane, ndërkohë që qëmtuesit e gallatave të Kuvendit prisnin me gjak të ngrirë "masakrën" që do ndodhte në "Tempullin e Demokracisë".

Por asgjë nuk ndodhi. Dhe nuk kish si të ndodhte, sa kohë që skema funksionoi mrekullisht, sepse u gjet sebepi për të larguar me marifet nga salla deputetët e opozitës, me qëllim që Nanos t'i çohej në sini fermani më i fundëm i miratimit të aferës shumëmilionëshe dhe kapitalit politik - gjithnjë në kurriz të shqiptarëve dhe interesave tona ekonomike e politike.

Dhe Nano ia arriti qëllimit, sepse kaloi në Kuvend një Marrëveshje ku, përsëri, shqiptarët humbasin - në favor të firmave të huaja dhe kryeministrit që bën peshqeshe e benefice me pasuritë kombëtare, akoma pa u shuar jehona e skandalit të Telekomit dhe aferave të tjera korruptive, prej nga, si gjithmonë, dalin protagonistë njerëzit e shpurës nanoiste.

Ky njeri nuk ka zënë mend, tek kuturiset dhe gjen të tjera "Levante Co" nëpër Itali e shtetet fqinjë, të cilëve, me kartonat e gjytrymëve që "kalëron", u blaton pasuritë e këtij vendi, si t'i kish trashëguar.

Edhe në vitin 1991, para se të gjente Xhuzepe Perniolën dhe Betino Kraksin-që vdiq në ekzil si hajdut - ishte Nano ai që solli në Shqipëri banditët napolitanë të një firme fantazmë, të cilëve, për 99 vjet u dha si koncesion një sipërfaqe të kufizuar prej 40 km vijë bregdetare dhe 10 km në thellësi të territorit (në zonën e Durrësit), gjoja "për të hequr bunkerët dhe ndërtuar objekte turistike", bashkë me miliona $ që do t'i paguanin shqiptarët.

Kështu, duke na lënë "mbi varr litarin e Nastradinit", Nano ua "kalli" shqiptarëve të gjorë me një shumë marramendëse, sepse, qeveria demokratike që erdhi pas 22 Marsit, e anulloi në mënyrë të njëanshme këtë marrëveshje, ngaqë mafiozët napolitanë nuk kishin përmbushur asnjë nga detyrimet kontraktore të saj.

Sesa milionë $ ishte gjoba me të cilën Gjykata e Strasburgut penalizoi shtetin shqiptar, këtë të na e thotë Nano dhe ata që e dijnë - por gojët e liga thonë se ishte "rreth 40 milionë $", përveç "15 milionëve" që i kishin përpirë anonimët napolitanë.

Po kështu Nano po vepron edhe pas 13 vjetësh, me italianët që solli në Vlorë.

Sërish po bën "rrush e kumbulla" pasuritë e shqiptarëve. Sepse, të shesësh në mes të Vlorës 18 ha tokë me 1 Euro për metër katror, është çmenduri dhe guxim që buron nga fakti se mandati politik përdoret si parzmore ndaj ligjit. Vetëm në Shqipëri, politikani hajdut i jep penalizimit ngjyresa politike dhe bëhet hero kauzash që kanë në themele para dhe pasuri të grabitura.

Askush nuk e pengon Nanon t'u kthejë qytetarëve dhe shtetit italian pronat e patundshme që i kanë me tapi në Shqipëri, sepse po këtë gjë kërkojmë të bëhet edhe me pasuritë e shqiptarëve, kudo qofshin. Por jo të falen pronat e qytetarëve vlonjatë dhe trojet e shqiptarëve nga ata që bashkë me postet politike rrëmbejnë edhe të drejtën e pronarit. Të kesh pushtet nuk do të thotë të kesh të drejtë të falësh pronat e të tjerëve dhe të bësh trashëgimtarin e baballarëve të huaj. E, aq më pak, të shesësh interesat kombëtare, sepse Bënça aty mbetet, dhe pret klientë që shkelin ligjin apo të drejtën e të tjerëve, qofshin edhe me mandate, imunitete e ofiqe.

"Po kjo ishte loja", ulërijnë duke u shqyer gazit pazhët dhe klakerët e Nanos, pas marifetit që bënë në Kuvend.

Dhe për ta bërë edhe më të besueshëm rolin e "viktimës së fyer", disa qehajallarë, të të dy krahëve të politikës, po bëjnë sekudantin duke vajisur, duke mbushur dhe mbajtur "pisqollat" e një të "ndërkryeri".

Nëse këta sekudantë të komunizmit mendojnë se mund të lajnë hesapet e pashlyera me PLL, armatosur me "koburet" e trimave të Nanos, janë të lirë të zënë pritë, sepse një fjalë e urtë thotë "Pushka e trimit dhe sofra e bujarit, nuk ndalen".

"Trimin" me vezmet e Nanos e bënë. Po kështu edhe "bujarin" me pronat e shqiptarëve. Por nëse "bujarin" e bën kollaj me pronat e të tjerëve, "trimin" nuk mund ta bësh duke marrë këllqe borxh, e as duke u fshehur pas gaxhoit të ndërkryer.

Por ky film u dogj. E vërtetë ishte dhe mbetet vetëm skema nanoiste në parlament dhe objektivi i saj, afera me erë nafte në Vlorë.

Nano e mori atë që deshi. Shqiptarët dolën të humbur dhe scoop-it mediatik i mbetet të gjallojë vetëm tre ditë.

Afera dhe skandale të tjera na presin, me këta që kemi në krye.

Deklaratë e tri shoqatave të ish të burgosurve politikë

Dënimi i Spahiut, formë e re e luftës së klasave

Shoqata Mbarëkombëtare për Integrimin e të Përndjekurve të Shqipërisë

Shoqata Kombëtare Antikomuniste e të Përndjekurve Politikë të Shqipërisë

Shoqata Kombëtare e ish të Dënuarve Politikë të Shqipërisë

Të burgosurit dhe të përndjekurit politikë të Shqipërisë, po analizojnë me maturi dhe seriozitet situatën politike në vend dhe deklarojnë si më poshtë:

1.Falënderojmë opozitën e cila për disa javë rresht po lufton në parlament për zbatimin e kushtetutës dhe mbrojtjes së demokracisë në Shqipëri.

2.Dënojmë luftën klasore të kryeparlamentarit Servet Pëllumbi që së bashku me mazhorancën e majtë bëjnë kundër shtresës së të përndjekurve politikë duke mbajtur mbi 2 vjet amendamentin e dëmshpërblimit të të përndjekurve politikë. Kjo u pa dhe në dënimin që i dha deputetit Eqerem Spahiu i cili ka 2 vjet që lufton në byronë parlamentare dhe në seanca parlamentare për të drejtat tona dhe paradoksi është se z.Spahiu citoi thëniet e kryetarit të PS Nano, dhe për këto u dënua nga Pëllumbi.

3.Të përndjekurit politikë janë të vendosur që çdo ditë të hënë dhe çdo ditë të enjte, të jetë përpara parlamentit derisa ky parlament të zbatojë kushtetutën e Shqiçpërisë.

Kryetarët

Adem Allçi

Afrim Haçi

Kurt Kola

Të reja nga debatet në parlamentin e Dushkut

Pezullimi 2-javor i Spahiut, skenar i parapërgatitur

Sovjetik Pëllumbi dhe kolkozianët e PS kundër dëmshpërblimit të ish të burgosurve politikë

Ditën e hënë, më datën 10 maj, u zhvillua mbledhja e Byrosë së Kuvendit, për të diskutuar dhe miratuar programin dy-javor të punimeve në parlament. Por kalendari nuk u miratua, sepse kryetarët e grupeve parlamentare të opozitës kërkuan që në kalendarin dy-javor të punimeve të Kuvendit të përfshihej edhe projekt-ligji "Për Dëmshpërblimin e Ish të Burgosurve dhe Përndjekurve Politikë".

Megjithë insistimin argumentues të kryetarëve të grupeve opozitare, socialistët dhe maxhoranca e majtë nuk pranuan që ky projekt-ligj të futet në axhendë dhe përballë këtij fakti opozita braktisi mbledhjen e Byrosë, çka do të thotë se mosmiratimi i kalendarit me konsensus të Byrosë së Kuvendit, sipas rregullores, mbetet të miratohet në seancë plenare.

Seanca plenare e pasditës pritej me interes për ecurinë e saj, pasi kalendari që nuk mori konsensus në Byro, pritej të shqyrtohej dhe miratohej në këtë seancë.

Zoti Sali Berisha dhe kryetarët e grupeve parlamentare si Bamir Topi, Ekrem Spahiu, Nard Noka, Fatmir Mediu, Uran Metko, Teodor Laço, Preç Zogaj dhe shumë deputetë të tjerë të opozitës, kërkuan që projekt-ligji "Për Dëmshpërblimin e të Përndjekurve..." të futet në kalendarin e punimeve të Kuvendit.

Kryetari i Grupit parlamentar të PLL, në fjalën e tij, ndër të tjera tha: "Ne deputetët e opozitës, nuk kërkojmë lëmoshë por vetëm zbatimin e rregullores së Kuvendit, që ju, drejtuesja e seancës, bashkë me deputetët përfaqësues të së Majtës, e shkelni në mënyrë permanente, duke mos pyetur për asgjë. Ju po e bëni këtë sistematikisht, duke dhunuar haptas rregulloren, ligjin dhe kushtetutën tuaj, që i keni miratuar vetë".

Më tej, zoti Spahiu shtoi: "Neni 128 i rregullores së Kuvendit, në mënyrë taksative dhe në ligjëratë të drejtë, thotë 'Projekt-ligjet e paraqitura me iniciativë të deputetëve, duhet të vihen në rendin e ditës për shqyrtim në seancë plenare, jo më vonë se 6 javë nga dita e paraqitjes'. Ja pra, zotërinj socialistë, ku del se, që nga depozitimi i projekt-ligjit më 23 janar 2002, kanë kaluar 109 javë, pra afati është tejkaluar për një kohë 18 herë më të gjatë.

Përsa i përket faturës financiare, neni 126 përcakton tekstualisht se 'Këshilli i Ministrave duhet të shprehet brenda 30 ditëve për faturën financiare të një projekt-ligji. Nëse nuk shprehet brenda afatit të mësipërm, projekt-ligji kalon për shqyrtim sipas procedurës së zakonshme'. Deri tani kanë kaluar 28 muaj, çka do të thotë se e keni shkelur këtë afat për një kohë 28 fish më të gjatë".

Z.Spahiu më pas iu drejtua nënkryetares Çeço, drejtuese e seancës, dhe deputetëve socialistë: "Kryeministrinë e keni rrethuar me mure dhe gardhe. Parlamenti prej javësh ndodhet i rrethuar nga forcat e shumta policore dhe ushtarake. Tani nuk pyesni më as për qëndrimet tepër kritike të të gjitha institucioneve ndërkombëtare ndaj qeverisjes suaj dhe personalisht kryeministrit Nano. Nuk pyesni as për rregullore, ligje dhe konventa ndërkombëtare. Ju nuk doni t'ia dini për asgjë. Ju, me forcën e kartonave dhe pushtetin që dispononi, keni tre mundësi: të shpallni gjendjen e shtet-rrethimit në parlament, pasi realisht jemi në shtet-rrethim; të deklaroni se në Shqipëri nuk ka patur diktaturë dhe, për rrjedhojë, nuk ka patur as viktima; ose të kaloni projekt-ligjin që është konform çdo të Drejte të konsakruar në Kartat ndërkombëtare dhe të mishëruar në ligjin shqiptar.

Këto i them sepse ata ish të Burgosur dhe të Përndjekur Politikë që protestojnë para parlamentit, janë pishtarë të Demokracisë dhe, në mënyrën më paqësore, po kërkojnë të drejtat e tyre, që duan patjetër një zgjidhje prej jush. Prandaj ju bëj thirrje që të mos luani me vuajtjet e tyre dhe të mos i provokoni më shumë sesa keni bërë deri më tash, pasi ka vite që e bëni një gjë të tillë".

***

Mbas debateve të shumta dhe ndërprejeve të seancave, drejtuesja e seancës, z.Makbule Çeço, në mënyrën më të papërgjegjshme, në një kohë kur të gjithë deputetët e opozitës ishin në këmbë, hodhi në votim kalendarin dhe, nga 63 vota të maxhorancës, deklaroi 71 të tilla, duke komunikuar miratimin e kalendarit dy-javor. Kjo shkaktoi irritimin pa masë të deputetëve të opozitës. Megjithatë, Makbule Çeço e mbylli seancën.

***

Ditën e enjte, më 13 maj, në seancën plenare, deputetët e opozitës shtruan përsëri kërkesat që kishin paraqitur ditën e hënë, pra futjen e projekt-ligjit "Për Dëmshpërblimin e të Përndjekurve" në rendin e ditës. Pas 4 orë debatesh të ashpra, me akuza dhe kundër-akuza, deputetët e maxhorancës nuk pranuan futjen e projekt-ligjit për të Përndjekurit, por, duke vazhduar me thyerjen e rregullores, kërkuan me insistim kalimin e projekt-ligjit "Për Ratifikimin e Marrëveshjes së Koncensionit, të formës 'BOO', për ndërtimin dhe shfrytëzimin e terminalit bregdetar për depozitimin e naftës në gjirin e Vlorës".

Megjithëse ky projekt-ligj u kundërshtua jo vetëm nga deputetët e opozitës por edhe nga mbështetësit e Metës, kryetari i Kuvendit, zoti Pëllumbi, i detyruar edhe nga zoti Ruçi, synonte miratimin me çdo kusht të projekt-ligjit dhe ratifikimin e kësaj marrëveshjeje në këtë seancë, pa e shoqëruar draftin me marrëveshjen e nënshkruar nga Qeveria, pasi aty do të dilnin të palarat. Duke mos paraqitur marrëveshjen, doli e qartë se pikërisht aty fshiheshin interesat e mëdha në miliona Euro, të cilat Qeveria, sigurisht që nuk i ka miratuar badiava, por janë përfitime politike dhe ekonomike në favor të pushtetarëve.

Pra, brenda një seance, socialistët ndjekin dy standarte: shkelin rregullore, ligje dhe gjithçka për bllokimin e kalimit të projekt-ligjit për Dëmshpërblimin e Ish të Burgosurve, ndërsa nga ana tjetër miratojnë projekt-ligjin për Marrëveshjen me firmën italiane "Petrolifera", pa e paraqitur tekstin e marrëveshjes së nënshkruar, duke e kaluar ligjin pa votat e duhura dhe në kushte aspak normale të seancës.

Ky skandal procedural dhe papërgjegjshmëria politike e maxhorancës, shkaktoi acarimin e mëtejshëm të situatës dhe eskalimin e saj në fyerje dhe akuza reciproke ndërmjet deputetëve të kampeve kundërshtare. Mirëpo pikërisht kjo i interesonte maxhorancës, e cila përdori të gjitha marifetet për ta provokuar opozitën dhe për ta kaluar në heshtje projekt-ligjin tejet të dëmshëm dhe të disfavorshëm për palën shqiptare, por me shumë leverdi për pazarllëqet e Nanos dhe maxhorancës me pronat e shqiptarëve dhe interesat kombëtare.

Duke marrë shkas nga ky skandal procedural, e me domethënie të qartë, z.Berisha mori fjalën, në të cilën akuzoi me fakte dhe argumenta të pakundërshtueshme hajdutërinë e qeveritarëve dhe shkeljen flagrante të rregullores. Pikërisht në momentin kur sapo ishin shkëmbyer debate të ashpra midis kryetarit të PD dhe deputetëve opozitarë me Pëllumbin, Ruçin e të tjerë, e mori fjalën kryetari i Grupit parlamentar të PLL z.Spahiu, pas shumë pengesave që, si gjithmonë, ia nxjerr kryeparlamentari Pëllumbi.

Në fjalën e tij, z.Spahiu ndër të tjera tha: "Me implikimin tuaj zoti Pëllumbi dhe me kontributin tuaj z.Ruçi, si edhe të deputetëve të tjerë të maxhoancës, ju shkelni sistematikisht rregulloren.

Ky parlament nuk funksionon normalisht prej kohësh, por, në veçanti, anomalitë janë theksuar gjatë seancave të fundit. Kjo maxhorancë vazhdon të na konsiderojë neve, Ish të Përndjekurit Politikë, jo si kundërshtarë në një sistem politik si pluralizmi, por si armiq, ashtu si në kohën e diktaturës së baballarëve tuaj. Ne e dimë se Nano ju ka vënë në rresht, por nëse i referohemi citimeve të z.Lesi në gazetën "Koha Jonë", Nano ka thënë se 'sapo të bëhem kryeministër do t'ua... nënat... Ai e kish fjalën për kundërshtarët brenda PS dhe shqiptarët, sepse vetëm pas kësaj ne do t'i thërrisnim "babë".

Unë nuk po përdor fjalorin e tij, por nëse ju pranoni që Nano të shprehet se do t'u kalërojë nënën, ne deputetët e opozitës nuk mund ta lejojmë këtë dhe Nano nuk mundet të na e bëjë. Aq më tepër që, këtë poshtërim, nuk mund t'ia lejojnë atij Ish të Burgosurit dhe të Përndjekurit Politikë, sepse ata nuk pyetën për Enver Hoxhën e jo për Nanon".

***

Akoma pa mbaruar fjalën zoti Spahiu, socialistët shfrytëzuan rastin për të bërë rrëmujë e ulëritur si "të ofenduar", dhe kryeparlamentari Pëllumbi, ashtu si edhe herë të tjera, mori masën e pezullimit për dy javë të zotit Spahiu nga punimet e Kuvendit. Kjo masë synonte kryesisht largimin e zotit Spahiu nga seanca plenare ku do të miratohet ligji socialist për Pronat, meqenëse kryelegalisti ka qenë i vetmi kryetar partie që ka kundështuar draftin e socialistëve për "Pronat" në tryezën e organizuar nga Presidenti Moisiu në dhjetorin e vitit 2003. Gjithashtu, Servet Pëllumbi synonte të provokonte me këtë rast edhe deputetët e opozitës për t'u larguar nga salla, gjë të cilën e arriti, sepse menjëherë pas largimit të tyre, socialistët e harruan "ofendimin dhe, me shpejtësi, ngritën kartonat për të votuar projekt-ligjin në favor të Marrëveshjes koncesionare me firmën italiane "Petrolifera".

A.K.

Deklaratë e deputetit të PLL Spahiu lidhur me "incidentin" në parlament

Spahiu-socialistëve: Ju ka sharë Nano, jo unë!

"Incidenti" i seancës së ditës së enjte, vinte pas tensionimit të situatës politike në vend, menjëherë pas shpërthimit të Lëvizjes mbarëpopullore "Nano Ik"; mbas masakrimit, brenda dy javësh, të Ish të Përndjekurve politikë dhe çamëve; pas kritikave të ashpra të ndërkombëtarëve në adresë të Nano-qeverisë, si dhe pas zvarritjes së qëllimshme, prej dy vjetësh, të shqyrtimit dhe miratimit të projekt-ligjit "Për Dëmshpërblimin e Ish të Përndjekurve dhe Burgosurve Politikë", por edhe të atij të Pronarëve të ligjshëm.

Në këto kushte, pas dështimit të miratimit, me konsensus, të kalendarit të punimeve të Kuvendit në Byronë e tij, ku përsëri nuk u planifikua futja në axhendën e punimeve të projekt-ligjit në fjalë - seanca e ditës së enjte nisi mjaft e tensionuar.

Unë, në fjalën time citova në ligjëratë të drejtë fyerjen e rëndë të Nanos në adresë të kundështarëve të tij socialistë brenda PS dhe shqiptarëve në përgjithësi, fyerje skandaloze kjo, të cilën Nano ende nuk ka guxuar ta përgënjeshtrojë, megjithëse kanë kaluar disa ditë nga botimi i kësaj ligjërate në gazetën "Koha Jonë" dhe nga lufta që i ka shpallur deputetit Lesi, luftë me gjykata e tatimorë.

Për të qenë më i butë, për shkak të edukatës që më karakterizon, por edhe si përfaqësues i një partie konservatore dhe i shtresës fisnike të të Pesekutuarve - unë, në vend të "foljes" reale të Nanos (gjithmonë sipas Lesit), përdora një fjalë që, në çdo kuptim semantik, kurrë nuk mund të konsiderohet fjalë fyese, sikundër ishte në rastin konkret fjala "kalërim". Konteksti i ligjëratës sime ishte dhe është i qartë. Unë u shpreha me termin "kalërim", për të mos fyer në radhë të parë nënat shqiptare, sidomos nënat shqiptare e opozitarëve dhe ish të Përndjekurve, të cilëve Nano u ishte adresuar me fyerjen e rëndë të cituar nga Lesi në Gazetën "Koha Jonë". Unë u shpreha tekstualisht "... nëse Nano u ka vënë në rresht juve, duke ju sharë se 'jua kalëroj nënat', ashtu siç e bën përditë - ne opozitarët nuk mund ta lejojmë të na i kalërojë nënat".

Në krahinën nga vij dhe në të gjithë vendin, fjala "kalëroj" ka kuptimin "me ec me kalë". Por nanoistëve u duhesh një pretekst për të bërë të "ofenduarin", për të prishur seancën duke larguar opozitën dhe kundërshtarët, dhe e gjetën duke e sajuar këtë - u kapën pas shprehjes sime frazeologjike. Ata të gjithë e kanë lexuar gazetën "Koha Jonë", por nuk kanë reaguar, madje edhe Nano vetë ka heshtur.

Ata kanë heshtur edhe kur Nano i ka ofenduar me libër shtëpie, kur ka qenë i pirë apo esëll, por kurrë nuk kanë reaguar. Madje batutat fyese të tij kanë mbushur gazetat dhe janë bërë shprehje të famshme, duke pasuruar fjalorin frazeologjik shqiptar.

Ndërsa përsa i përket masës për pezullimin tim dy-javor nga punimet e Kuvendit, e konsideroj atë të padrejtë dhe tendencioze.

E konsideroj të tillë sepse, sëpari, ajo është një hakmarrje politike ndaj meje, ndaj PLL dhe shtresës së Përndjekur së cilës i përkas. Kjo masë ka karakter klasor dhe fsheh urrejtjen klasore që deputetët dhe drejtuesit më të lartë të maxhorancës kanë shprehur dhe po shprehin me injorimin e kërkesave të drejta të Ish të Përndjekurve politikë, pronarëve e çamëve - të cilët, sikundër u shpreha edhe më lart, brenda dy javësh i masakruan para Tempullit të demokracisë, Parlamentit shqiptar.

Natyrisht që, me këtë masë, duke ma pasuar "topin" e fyerjes mua, ata qetësuan edhe shpirtrat e fyer të socialistëve të thjeshtë, të cilët janë shokuar nga fyerjet në adresë të tyre nga kryesocialisti, të cilit i referohet Lesi, duke e cituar në ligjëratë të drejtë. Por ndëshkimi im, kryesisht, ka synuar kënaqjen e militantëve të majtë.

Ndërsa në të vërtetë, përdorimi i "fyerjes" sime dhe amplifikimi i saj duke i dhënë zjarr parlamentit me sharje dhe batuta denigruese që plasën nga të katër anët, synonte largimin e planifikuar të deputetëve të opozitës nga seanca, me qëllimin e vetëm - miratimin e projekt-ligjit për cisternat e naftës në favor të një shoqërie italiane në Vlorë, pas të cilit fshihen interesa të mëdha financiare dhe politike për Nanon dhe maxhorancën.

Mbështetësve të Nanos u duhej patjetër krijimi artificialisht i këtij incidenti, pasi kishin frikë nga një votim i drejtëpërdrejtë KUNDER nga deputetët e opozitës dhe deputetët mbështetës të Metës, si Muçi e të tjerë, të cilët e shprehën hapur qëndrimin kundër miratimit të këtij projekt-ligji që është thellësisht në dëm të interesave të shqiptarëve, nga çdo pikëpamje.

Qëndrimi klasor ndaj Ish të Përndjekurve-Pronarë, vërehet edhe në shitjen me 1 Euro metri katror të 18 hektarëve tokë në favor të firmës italiane në Vlorë, ndërkohë që, për kompensimin e tokës së pronarëve legjitimë, maxhoranca vazhdon të shkelë edhe kushtetutën, edhe rekomandimet e ndërkombëtarëve dhe Kartat themelore të të Drejtave të Njeriut - duke mos bërë asgjë për zgjidhjen e këtij problemi, përveçse masakrimit të protestuesve me shkopinj gome.

Pra ky ishte realisht skenari i "incidentit" që "shkaktoi fyerja" ime, dhe unë nuk kam si ta pranoj masën ndëshkuese të dhënë ndaj meje. Deklaroj se nuk ndjehem i penduar dhe se nuk më vret aspak ndërgjegjia.

Rritja e naftës shkakton rritjen e të gjitha çmimeve

Sekretari i Përgjithshëm i PLL Artan Tujani denoncon dhënien me koncesion të mijëra metrave katrore të bregdetit vlonjat për depozita nafte

PLL shprehu të enjten që shkoi (datë 13 maj) qëndrimin e saj rreth krizës së rritjes së hidrokarbureve në Shqipëri, përmes një deklarate të Sekretarit të Përgjithshëm z. Artan Tujani. Në këtë deklaratë shprehet mospajtimi i PLL me politikat qeveritare të cilat z.Tujani i quan "klienteliste". Gjithashtu sipas Sekretarit të Përgjithshëm të PLL, kjo rritje çmimesh denoncon edhe politikën e ndjekur nga qeveritë e PS-së në lidhje me rezervat vendëse të hidrokarbureve, të cilat kanë shkuar drejt rrënimit të plotë dhe kjo është e qëllimshme, sipas drejtuesit legalist.

Tujani u shpreh për gazetën tonë se "rritja e çmimit të hidrokarbureve, shkakton rritjen e menjëhershme të çmimeve të tjera qoftë të ushqimeve, qoftë të shërbimeve." Sipas tij, kjo do të shihet në rritjen e çmimit të bukës dhe elementëve të tjerë bazë të jetesës së shqiptarëve.

Siç dihet, z.Artan Tujani më parë ka qenë sekretar i PLL për Çeshtjet Ekonomike dhe ka një eksperiencë punë në sektorët e ekonomisë e të financave. Në rolin e ekspertit ekonomik ai tha se kjo rritje e çmimit, nuk është e vërtetë se ndodhi për shkak të rritjes në tregun botëror. Ai e argumentoi këtë me faktin se në Shqipëri çmimi i naftës u rrit menjëherë sapo filloi të rritet çmimi në tregun ndërkombëtar, ndërsa sipas ligjit dhe të dhënave, tregtarët e karburanteve duhet të kenë një muaj rezerva karburantesh.

Tujani shprehu mospajtimin e tij të plotë me ligjin e miratur nga socialistët për dhënien si koncesion të 183,000 metra katrorë me çmim simbolik prej 1 dollar metri, një shoqërie italiane për një periudhë 30-vjeçare për depozita karburanti. Tujani tha se ky është një thellim i mëtejshëm i situatës monopolistike dhe denoncon një klientelizëm të pastër të kryeministrit Nano. Njëkohësisht sipas tij, ky ligj vjen ndesh me projektin e Korridorit 8.

N.K.

Deklaratë për shtyp e Sekretarit të Përgjithshëm të PLL z.Artan Tujani

Monopolet e ministrave rritën çmimin e karburanteve

Ngritja e menjëhershme e çmimeve të shitjes së karburanteve në tregun e brendshëm, si pasojë e luhatjes së tyre në tregjet ndërkombëtare, është tregues i qartë i brishtësisë së këtij sektori strategjik të ekonomisë.

Një gjendje e tillë ka ardhur si pasojë e mbështetjes së pamjaftueshme dhe politikave joefikase që janë zbatuar deri më sot në industrinë e nxjerrjes dhe përpunimit të naftës në vend, çka ka sjellë që ajo të zërë një peshë të papërfillshme në tregun e hidrokarbureve.

Kësaj situate i ka kontribuar edhe gjendja gati monopol në importin e këtyre mallrave si dhe orientimi për arsye klienteliste i kësaj veprimtarie, drejt tregjeve jo aq të leverdisshëm.

Në mënyrë të dukshme mungojnë mekanizmat që do t'u vinin fre spekullimeve të rastit.

Partia "Lëvizja e Legalitetit" ka bindjen se të gjitha këto nuk janë rrjedhoja të rastit apo të pamundësisë, por shprehin një vullnet dhe filozofi të mirëkonceptuar të qeverisë që ka si qëllim rrënimin e ekonomisë vendase dhe shndërrimin e saj në shtojcë konsumuese të ekonomive rajonale, përqëndrimin e aktiviteteve më të rëndësishme ekonomike në duart e pak njerëzve me qëllim kontrollin dhe nxjerrjen e fitimeve sa më të larta.

Në këto kushte jashtë kësaj konsiderate, nuk mund të mbetet edhe synimi më i fundit i qeverisë për dhënien e ekskluzivitetit të karburanteve në portin e Vlorës.

Partia "Lëvizja e Legalitetit" garanton opinionin publik se kurdoherë do të punojë dhe do të ndërmarrë veprime energjike dhe efikase në interes të ekonomisë kombëtare dhe konsumatorëve. Ajo do të kërkojë gjithashtu heqjen e kufizimeve për licensat e importit të karburanteve si dhe detyrimin ligjor për rritjen e sasisë së rezervave.

Deklaratë e Departamentit të PLL për Marrëdhëniet me Mediat

Denoncojmë trafikun e organeve të fëmijëve shqiptarë

Partia Lëvizja e Legalitetit denoncon kanibalizmin e shekullit XXI, që mishërohet në trafikun e organeve njerëzore të fëmjëve shqiptarë. Ne mendojmë se ky trafik është një simbiozë dhe bashkëpunim i krimit të organizuar rajonal me politikën dhe administratën e lartë shqiptare.

Policia sekrete shqiptare është përfolur për implikim në krime makabre, deri në shitje fëmijësh për "pjesë këmbimi" në tregun e zi të organeve njerëzore.

Para do kohësh, policia italiane çoi pranë organeve të drejtësisë së vet, një dosje për trafik fëmijësh shqiptarë, në të cilën implikoheshin që nga kapterë policie e deri në kryeinspektorë të SHISH-it. Si "reagim", shteti shqiptar, disa nga pjesëmarrësit në këtë trafik, i ngriti në detyrë deri në Nëndrejtor SHISH-i.

Ministria e Shëndetësisë kontribuoi në mbylljen e skandalit të arkivoleve bosh të foshnjeve të lindura në maternitetin e Tiranës.

Ministria e Punëve të Jashtme heshti kur u denoncua fakti i transportimit të drogës në Hollandë me valixhe diplomatike, në vitin 1998. Tashmë, valixhet diplomatike të funksionarëve të saj përdoren për të "eksportuar" organe të fëmijëve shqiptarë.

Etja për fitime, e funksionarëve të një shteti kriminal, që vazhdon krimet e kohës së diktaturës në një version të ri, po dhunon haptas atdhe e fe, ligj të shtetit e traditë zakonore, etikë shërbimi e "betim Hipokrati", duke shënuar rekorde të monstruozitetit, poshtëruese e të papranueshme për kombin tonë.

PLL denoncon shurdhërinë e qeverisë shqiptare ndaj fakteve të deklaruara nga zyrtarët europianë dhe organizmat e specializuara ndërkombëtare të luftës kundër krimit të organizuar, që kulmojnë me deklaratën-akuzë të komisionerit Kris Paten, dhe që mbështeten nga magjistratura italiane e së fundi edhe nga denoncimet e shtypit helen.

Në një kohë që gjithë shtypi shqiptar ka botuar ditët e fundit akuzat e lartpërmendura, të vetmit që nuk ndihen e nuk reagojnë, janë njerëzit mbi të cilët ngrihet akuza, pra zyrtarët e shtetit e të qeverisë, të cilët të çmerisin me qetësinë dhe indiferencën kriminale që tregojnë.

Argumenti i tyre se "po kërkojnë të gjejnë klinika të licencuara për këto transplante", përveçse qesharak, është njëkohësisht edhe banditesk, pasi nuk mund të bëhen verifikime për licenca të tilla, ndërkohë që ky është një aktivitet i mirëfilltë kriminal e thellësisht antinjerëzor.

Qeveritarët e lartë duhet të tregojnë me vepra se janë kundër këtij aktiviteti kriminal e ngjethës, që së paku të lajnë veten, e të shmangin penalizimin e mundshëm në një të ardhme të afërt.

PLL mendon se i pari që duhet t'u përgjigjet akuzave të komisionerit Patten është kryeministri Nano. Zoti Patten është një zyrtar i lartë që flet mbi prova, të cilat i disponon për shkak të funksionit të ka. Ai nuk mund të trajtohet si opozitar shqiptar, sepse nuk ka kurrfarë qëllimesh politike.

Pra qeveria shqiptare nuk ka rrugë tjetër: ose të zbardhë të vërtetën e akuzave, ose të hedhë zotin Patten në gjyq për "shpifje".

Gjithashtu PLL i bën thirrje Prokurorisë së Përgjithshme të fillojë hetimin "kryesisht", bazuar në akuzat e z.Patten, drejtësisë italiane dhe mediave që kanë lëshuar këto akuza.

Zëdhënësi i Shtypit

Mbreti Leka I, garanti i integrimit në Europë

Enis Dizdari

14 vjet qe Shqiperia u shkeput nga diktatura komuniste; por shqiptaret akoma nuk po dijne te fitojne identitetin e tyre te humbur qe me largimin e monarkisë.

Per kaq kohe Shqiperia dhe shqiptaret duhet te ishin pjese e Europes ashtu siç ishte Shqiperia ne kohen e Monarkisë te Mbretit Zog I. Per 11 vjet u bame pjese e saj. Shqiptaret kishin identitetin e tyre , ku ja krijoi sistemi monarkist dhe aftesite e Mbretit Zog duke i dhene çdo shqiptari barazine e tij me popujt e Europes. Ne ate periudhe shqiptaret leviznin te lire me pasaporten dhe me lekun e tyre investonin te barabarte me europianet. Po sot ku jemi?

Shqiptaret enden rrugeve te Europes per nje jete me te mire, sepse ato nuk i mbron askush dhe per te shkuar deri atje shume mbesin ne detra dhe behen viktima te emigrcionit, dhe nje pjese tjeter behet kontigjent i krimit, i prostuticionit,i droges. Ndersa pushtetaret levizin lirisht, kane krijuar monopole dhe flasin me demagogjine e tyre se shqiptaret se shpejti do te behen pjesë e saj.

U fol shume nga Kryeministri aktual se integrimi i Shqiperisë do te behet, brenda dhjetorit 2003 sepse presidencen e rradhes e kishte Italia. Por kjo nuk u realizua dhe nuk do te realizohet as ne qeshor te 2005 dhe duke mbetur ne vazhden e deklaratave te pa pergjegjeshme te kryetarit te mazhorances.

Qeveria shqiptare ka deshtuar ne integrimin europian, sepse nuk ka mbajtur premtimet para partnerve tane nderkombetare.

Kesaj qeverie dhe kesaj klase politike qe drejton mazhorancen me kryetarin e saj i mungon vullneti politik per te bere reforma, sepse shkakton shkaterrimin e monopoleve te tyre ku dominojne, duke demtuar ne nje kohe biznesin e voge ldhe te mesem,duke cenuar prodhimin vendas, dhe duke kthyer tregun tone importues te te gjithe artikujve.

Eshte deshperuese per popullin tone fakti se ne kete fillim maji, ku B.E. feston zgjerimin me 10 anetare te rinj qe pjesa me e madhe e tyre ishin ne perden komuniste, sot jane qytetare te lire ne Europen e bashkuar, ndersa me ne ndodh e kunderta.

Dhe ajo qe shqetëson mbare opinjonin shqiptare, jane qendrimet irrituese te kryeministrit, i cili me batutat e tija dhe me qendrimin ne parlament apo ne konferenca shtypi, vazhdon dhe behet nje figure qe duhet te largohet nje here e mire nga skena politike e qeveria dhe ti hapin rruge integrimit dhe zgjedhjeve te lira si nje ndër kushtet kryesore .

Deklaratat e rreshtereve te Nanos, Lakrorit dhe Agasit apo ndonje tjeter, se fajtore na qenka opozita, jane mendime mediokrish qe nuk i pranon asnje shqiptare te cilet jane jashte realitetit te politikes shqipetare.

Ato kane vetem nje emërues, qe quhet mashtrim.

Me kete qeveri, integrimi eshte shume i larget pasi kjo qeveri ka deshtuar. Grupi politik qe drejtoton sot, jane ne kundershtim me interesat e integrimit europjan.

Sfida e integrimit europjan kerkon qe kjo qeveri e deshtuar ne kete proçes, te largohet. Prandaj i del si detyre, klases politike, intelektualëve dhe te gjithe atyre qe kane vizion tjeter te shoqeruar me ndjenjen kombëtare, se bashku me Mbretin Leka, si garanti kryesor dhe me i besueshmi per popullin shqiptare, per te ndermarre reforma te cilat ngrihen mbi interesat ekonomike te jashte ligjeshme te pushtetarëve.

Sot kerkohet liberalizimi i tregjeve, mbeshtetja e biznesit te vogel e te mesem, te nxitet prodhimi vendas, te behet nje kod zgjedhor ne interes te te gjithve per te realizuar zgjedhje te lira dhe demokratike me qellim qe ne qeshor te 2005 te nenshkruhet marrveshja per asocim - stabilizimin.

Kjo vonesë që po vuan vetë populli shqiptar, per tu integruar në Europë, bën që të mbetet aktuale ndryshimi i formes se qeverisjes, ku eshte e domosdoshme te kalohet ne nje sistem monarkist, jo per te bërë një provë, por për te treguar se është e vetmja rrugë e besueshme që shqiptarët te jenë në gjirin e familjes europiane.

Gramshi zgjedh drejtuesit e rinj në konferencë

Spahiu në konferencën e Gramshit: rezultati juaj ka qenë shumë pozitiv dhe premtues për të ardhmen

Në kuadër të zhvillimit të konferencave të Degëve u zhvillua konferenca e PLL Dega Gramsh. Kjo degë megjithëse ndër më rejat e vendit, është e shtrirë në të gjithë hapësirën gjeografike të rrethit çka dëshmon punën serioze të strukturave drejtuese lokale nën drejtimin e aktivistit të palodhur, z.Edmond Guri.

Raportin për veprimtarinë e Degës dhe analizën përfundimtare të saj e mbajti kryetari i degës z.Edmond Guri, i cili me modestinë që e karakterizon falenderoi kolegët e tij, për angazhimin e tyre në të gjithë veprimtarinë dyvjeçare të Degës së PLL Gramsh dhe sidomos gjatë fushatës zgjedhore të 12 tetorit për pushtetin vendor ku legalistët gramshiotë konkurruan denjësisht dhe fituan katër këshilltarë, emrat e të cilëve janë si më poshtë:

1.Edmond Guri - komuna Pishaj

2.Luan Xheka - komuna Kodovjat

3.Rexhep Zani - komuna Kushovë

4.Avni Buzdro - komuna Poroçan

Z.Hasan Muha, kryetar i nëndegës Gramsh dhe njëkohësisht edhe kandidat për kryetar bashkie në qytetin e Gramshit, gjatë fjalës së tij u përqëndrua kryesisht në punë e bërë gjatë fushatës zgjedhore të 12 tetorit, ku falenderoi të gjithë mbështetësit e tij në fushatë, që për 6 vota nuk arritën të fitonin këshilltarin legalist në bashkinë Gramsh, por në mënyrë të veçantë falenderoi kryetarin e PLL z.Spahiu për mbështetjen maksimale të tij në bashkinë Gramsh dhe në të gjitha komunat e rrethit. Kjo ndikoi ndjeshëm në rritjen e rezultatit të degës.

Më pas e mori fjalën kandidati për komunën Poroçan, z.Nefail Kllogjëri, i cili u përqendrua në fushatën e tij në këtë komunë ku arriti të marrë mbi 30% të votave, por vetëm për shkak të manipulimeve të socialistëve nuk ia arriti të dalë kryetar komune.

Edhe diskutuesit e tjerë si z.Adnand Karaj, Ylli Boçi, Sami Elezi e të tjerë, në mënyrë konkrete folën rreth punës së tyre 2-vjeçare dhe u përqendruan në të ardhmen e kësaj dege në mënyrë që në të ardhmen rezultatet të jenë në rritje.

Në këtë takim mori pjesë dhe foli kryetari i PLL z.Ekrem Spahiu, i cili ndër të tjera tha që dega juaj megjithëse është një ndër degët më të reja të vendit, ka arritur të marrë një rezultat shumë pozitiv në zgjedhjet vendore të vitit 2003 dhe ky rezultat është frut i punës së të gjithë legalistëve të rrethit të Gramshit, në drejtimin e KD dhe në veçanti të kryetarit tuaj z.Edmond Guri. Për ne ka qenë impresionues rezultati i arritur dhe në veçanti, në komunën e Poroçanit ku kandidati Nefail Kllogjëri arriti ta fitojë këtë komunë, por moskontrollimi i votave nga ana e PLL, bëri të mundur që fitorja të kalonte te socialistët padrejtësisht. Por edhe fushata e z.Hasan Muha ishte model dhe mjaft dinjitoze çka hodhi një bazë të sigurt për të ardhmen e PLL në këtë qytet.

Sigurisht për të vazhduar më tej që rezultatet tuaja dhe roli i këshilltarëve legalistë në këshillat vendore do të bëjnë të mundur që rezulati juaj në zgjedhjet e ardhshme parlamentare do të jetë akoma edhe më i lartë.

Spahiu foli edhe për zhvillimet politike në vend duke u ndalur edhe në prioritetet e PLL në parlament, në konferencat e degëve dhe pregatitjen e infrastrukturës së plotë zgjedhore për zgjedhjet e ardhshme parlamentare.

Përsa i përket zgjedhjes së kryetarit dhe komitetit të ri drejtues, në mirëkutim të plotë, duke vlerësuar vlerat dhe kontributet e drejtuesve, në mënyrë unanime vendosën që kryetar të jetë përsëri edhe për dy vitet e ardhshme z.Edmond Guri.

Komiteti i ri drejtues prej 17 vetësh u zgjodh gjithashtu me konsensus.

Gjithashtu u zgjodh si nënkryetar z.Nefail Kllogjëri, ndërsa për sekretar të degës u propozua z.Hasan Muha.

Korresp. "Atdheu"

Zhvilloi punimet konferenca V-të e Degës së PLL Berat. Rizgjidhet z.Ruzhdi Oriza

Legalistët beratas konsolidojnë strukturat

Murat Basha: Me PD mund të bashkëpunojmë mbi baza programore. Por këtë vendim duhet ta marrin strukturat e PLL

Ditë e dielë, më datë 9 maj 2004, Dega e PLL Berat zhvilloi konferencën e V-të të saj. Në këtë konferencë, si i deleguar nga kryesia e PLL merrte pjesë nënkryetari, z.Murat Basha. Raportin mbi veprimtarinë dy-vjeçare të Degës për periudhën midis konferencës IV dhe të V-të, në emër të Komitetit Drejtues e mbajti i kryetari i Degës së PLL Berat, z.Ruzhdi Oriza.

Thelbi i raportit përqëndrohej në punën sistematike të kësaj Dege për zgjerimin e radhëve nëpërmjet pranimeve cilësore, që do të ishin garanci për përmirësimin e punës së partisë, e cila, sipas z.Orizaj "nuk duhet konceptuar si punë që intensifikohej dhe mbështetej thjesht në fushata zgjedhore, por mbi një veprimtari të studiuar dhe planifikuar sistematikisht, si garanci për rritjen e rezultateve". Më pas, në raport u theksua puna mjaft e mirë e Degës për përgatitjen e fushatës zgjedhore së 12 tetorit, e cila, sipas z.Orizaj, "filloi me përcaktimin e objektivave të qartë, përzgjedhjen e kandidaturave me reputacion, përgatitjen e dokumentacionit dhe paraqitjen e tij brenda afateve të regjistrimit", proces i cili ishte mbyllur që më datë 8 shtator (pra një muaj para datës zyrtare të zgjedhjeve).

Z.Orizaj në fjalën e tij i kushtoi rëndësi të veçantë edhe marrjes së vendimit politik nga PLL për të dalë më vete, e cila nga legalistët beratas ishte "konsideruar si një sfidë e domosdoshme që duhej përballuar me sukses, për ta vënë partinë në pozita pune dhe për të matur realisht forcat me subjektet rivale, si dhe mbështetjen e elektoratit". Për këtë arsye kjo Degë kish "përzgjedhur kandidatë me reputacion dhe ndër më të mirët në shkallë rrethi", të cilët me mbështetjen e strukturave të Degës kishin dhënë maksimumin gjatë fushatës nëpërmjet një mobilizimi dhe serioziteti, qoftë në përkushtimin e treguar, qoftë në platformat cilësore që kishin shpalosur para zgjedhësve. Por legalistët beratas ishin të pakënaqur me rezultatet zyrtare, të cilat sipas tyre, kishin qenë "të reduktuara për shkak të manipulimit, në kushtet e mungesës së komisionerëve dhe dobësive që ishin shfaqur në organizimin për ruajtjen e votave".

Në fund të raportit, z.Oriza u kushtoi rëndësi trajtimit të problemeve konkrete organizative dhe përgatitjes së strukturave për mbështetjen e Lëvizjes politiko-qytetaro- opozitare "Nano Ik".

Kryelegalisti beratas e mbylli fjalën e tij me thirrjen drejtuar legalistëve për "të kontribuar në intensifikimin e kësaj lëvizjeje të opozitës, deri në rrëzimin e qeverisë Nano" të cilën z.Oriza e konsideroi si "domosdoshmëri për zhvillimin e zgjedhjeve të lira dhe të ndershme, të cilat do të fitohen patjetër nga opozita, për ta shpëtuar vendin nga katastrofa e keq-qeverisjes së maxhorancës së Dushkut".

***

Pas raportit konferenca vijoi me pikën e dytë të rendit të ditës, atë të pyetjeve dhe diskutimeve, gjatë së cilës u vërejt seriozitet në trajtimin e problemeve më të rëndësishme, që e shqetësonin Degën.

Në diskutimin e tij, z.Vezir Zyka, këshilltar në komunën Cukalat, tha: "Legalistët tashmë janë më të motivuar se kurrë në luftën e tyre politike, sepse kemi në gjirin tonë Mbretin Leka dhe Familjen Mbretërore. Pasiguria e jetës po bind edhe votues të theshtë të së Majtës për faktin se vetëm Mbreti Leka dhe Monarkia mund ta shpëtojnë Shqipërinë. Ky ndryshim pozitiv i mentalitetit të qytetarëve të thjeshtë ka shumë rëndësi për ne legalistët, se na jep kurajo dhe vërteton drejtësinë e Kauzës sonë. Mbështesim qëndrimin e PLL për mbrojtjen e kërkesave të drejta të Ish të Përndjekurve, Pronarëve legjitimë dhe Çeshtjes kombëtare".

"Të afrojmë rininë, djemtë dhe vajzat tona, nëse duam të bëjmë parti të fortë. Vetëm shtimi i radhëve me njerëz të rinj, do ta çojë para PLL dhe rezultatet e saj, ndryshe nuk mund t'ia dalim mbanë kësaj pune", - tha legalisti Mehmet Seiti.

"Në komunën e Kutallisë, sa vjen e shtohen radhët tona, sepse njerëzit e kanë rritur besimin tek PLL. Tashmë kemi 8 seksione me rreth 120 anëtarë. Por që të shtrihemi më tej, duhet punë konkrete dhe propagandë bindëse", - u shpreh delegati i nëndegës së Kutallisë, z.Mynyr Shahu.

"Në PLL jam në djepin e idealeve të mia", u shpreh legalisti Luftar Spahiu, për të vazhduar më tej se "duhet të propagandojmë tek njerëzit arritjet e kohës së Mbretërisë, por edhe mirëqenien dhe standartet e larta të Demokracisë në shtetet monarkiste europiane". "Duhet të afrojmë sa më shumë intelektualë në radhët tona, nëse duam ta ngrejmë cilësisht partinë", - e mbylli fjalën e tij legalisti beratas.

Në diskutimin e tij, delegati Qirjako Stefani theksoi se: "... ne legalistët luftojmë në kushte të pabarabarta në të gjitha planet. S'kemi mjete financiare dhe kapacitete të mjaftueshme intelektuale. Ne duhet të jemi më aktivë në veprimtarinë tonë politike. Për t'u hapur rrugën njerëzve më të aftë dhe të përkushtuar, intelektualëve dhe të rinjve, unë tërhiqem nga kandidimi për në Komitetin Drejtues dhe kryesinë e Degës".

"Duhet të bashkohemi me forcat e tjera të djathta në zgjedhjet e ardhshme, se vetëm atëherë do të fitojmë mbi të Majtën", - theksoi në fjalën e tij legalisti Lutfi Myftiu.

Më pas e mori fjalën nënkryetari legalist z.Murat Basha, i cili ndër të tjera theksoi: "Për një parti serioze dhe me ambicie të qarta, organizimi sipas parametrave bashkëkohorë është prioritar. Lidhur me problemet organizative, ju të gjithë jeni të ndërgjegjshëm se këto zgjedhje evidentuan dobësitë tona të organizimit dhe sidomos faktin që ju nuk jeni të shtrirë në të gjithë hapësirën gjeografike të rrethit, që nuk keni një seksion për çdo qendër votimi dhe, për pasojë, nuk mund të ruani votat tuaja dhe tonat. Këto janë e duhet të jenë dy detyrat kryesore për të ardhmen, krahas shtimit të radhëve me intelektualë, të rinj, të reja dhe biznesmenë".

Lidhur me shqetësimin që u shpreh edhe këtu për të ardhmen e bashkëpunimit me PD, mund t'u them se jemi duke bashkëpunuar në kuadër të Lëvizjes "Nano Ik", ndërsa përsa i përket bashkëpunimit në të ardhmen, me Partinë Demokratike mund të bashkëpunojmë vetëm mbi baza programore. Por këtë vendim duhet ta marrin strukturat e larta drejtuese të PLL. Ne duhet të përgatitemi për të hyrë në zgjedhje vetëm, çka do të thotë se, nëse krijohen kushte oportune për të dalë në zgjedhje bashkë me PD, atëherë do të ishim të përgatitur dhe do të jepnim maksimumin në rezultatin e përbashkët. Pra, për t'u përgatitur për të dalë më vehte, duhet të fillojmë që tani të përzgjedhim kandidatura cilësore dhe të përgatisim strukturat".

Më tej z.Basha sqaroi qëndrimet korente dhe perspektive të PLL lidhur me zhvillimet aktuale, sqarime këto që u mirëpritën dhe dëgjuan me vëmendje nga të pranishmit.

***

Më pas u kalua në pikën e fundit të rendit të ditës, në zgjedhjet për kryetarin e Degës për mandatin e ardhshëm, si dhe për Komitetin e ri Drejtues.

Për postin e kryetarit të Degës kishin hedhur kandidaturën dy legalistë, ndër më të shquarit nga drejtuesit lokalë, respektivisht z.Ruzhdi Oriza dhe z.Halit Bushi, i cili më pas u tërhoq nga gara në respekt të vlerave dhe kontributit të z.Oriza, që u zgjodh, unanimisht, me konsensus të plotë, si kryetar i Degës edhe për mandatin e ardhshëm dy vjeçar.

Pastaj u kalua në zgjedhjen e Komitetit të ri Drejtues, ku delegatët, me frymë të lartë përgjegjësie, përzgjodhën drejtuesit më të suksesshëm dhe më me reputacion në radhët e legalistëve beratas.

Pas zgjedhjes së Komitetit Drejtues, menjëherë ky forum u mblodh nën kryesimin e z.Oriza në mbledhjen e tij të parë të improvizuar në çast, ku me konsensus të plotë u zgjodhën edhe dy nënkryetarët e rinj të Degës, përkatësisht z.Halit Bushi (nënkryetar i Degës për qytetin e Beratit) dhe z.Vezir Zyka (nënkryetar për fshatin).

Kështu, kjo konferencë i përfundoi punimet me sukses, duke shënuar një sukses në radhën e sukseseve të Degëve të PLL që kanë zhvilluar konferenca cilësore, ku kanë dalë forume drejtuese që garantojnë rritjen e ardhshme të PLL.

Korresp. i "Atdheu"

Mbledhje e kryesisë së PLL dega Fier

Krasniqi: Mbështesim qendrimet e kryetarit Spahiu

Në mbledhjen e kryesisë së PLL dega Fier është analizuar ecuria e punëve dhe organizimit të degës si dhe është përcaktuar programi për ditët në vazhdim. Në këtë mbledhje, kryetari i degës z.Rexhep Krasniqi, ka bërë një ekspoze të gjendjes politike në vend dhe më pas është përqendruar në diskutimet në parlament sidomos ato që kanë të bëjnë me çeshtjen kombëtare si dhe për çeshtjen e dëmshpërblimit të ish të burgosurve politikë dhe të kthimit të pronave ish pronarëve. Kryesia e degës PLL Fier është shprehur unanimisht pro qendrimeve të kryetarit të PLL Spahiu në parlament dhe ka sulmuar ashpër pozicionin që kanë adoptuar të majtët në pushtet ndaj çeshtjes çame, ndaj ish të burgosurve dhe pronarëve të ligjshëm. Ai ka atakuar direkt kryeministrin Nano si "tradhtar" të kauzës kombëtare dhe veçanërisht të çeshtjes çame.

Më pas z.Krasniqi në fjalën e tij është shprehur se "Uragani po shpërthen. Eshtë populli i shumëmunduar nga tradhtia e kryeministrit Nano që po valon e po shpërthen. Por ky popull ka fatin të ketë në parlament përfaqësuesin e vet z.Ekrem Spahija, si njeriun më me dinjitet kombëtar, i cili ka mbështetjen tonë të plotë të mos e durojë këtë gjendje poshtëruese. Ne nuk mund të pranojmë lëshime në çeshtjen e dinjitetit kombëtar dhe të integritetit kombëtar," ka thënë z.Krasniqi.

Më pas ai është shprehur se ndërsa çdo ditë popullit po i shtrëngohet litari në fyt dhe frymëmarrja po i bëhet më e vështirë, parlamenti me mazhorancë të majtë, po shndërrohet dita-ditës në parlament helen.

Kemi dëgjuar lloj-lloj pazaresh me rryshfete e marifete të ulëta, por të shkohej deri në pazare me çeshtjen kombëtare, kjo është tërësisht e papranueshme, ka deklaruar Krasniqi.

Kur z.Ekrem Spahija dita ditës ngre çeshtjen çame, si pjesë të çeshtjes kombëtare, deputetët e partisë ish-komuniste veprojnë sipas urdhrave të Greqisë me anë të 'Kalit të Trojës' në parlament.

"Konica i madh shkruan se shqiptarët të keqen e kanë nga vetvetja. Dhe vërtet prej kohëve të lashta, sindromi i 'kalit të trojës' nuk po na ndahet, - është shprehur z.Krasniqi.

Grekët tani ndihen fort të qetë, sepse kanë kohë që kanë futur 'Kalin e Trojës' në Shqipëri dhe ai është strumbullari i të gjitha akteve antishqiptare që bën qeveria e parlamenti. Shqiptarët vazhdojnë të goditen çdo ditë nga ana ekonomike, moralisht e fizikisht duke shkuar drejt një regresi të pandalshëm dhe duke humbur dhe gjënë më thelbësore që shquan njeriun nga qeniet e tjera dhe na dallon ne si shqiptarë nga fqinjët rreth e rrotull - dinjitetin.

Të detyrosh shqiptarët të braktisin atdheun me qëllim për t'u mbijetuar kushteve mizerabël ekonomike, të poshtërosh inteligjencën shqiptare të punojë si shërbëtore nëpër çifligjet greke, t'u marrësh tokat e pronat shqiptarëve e t'ua dhurosh grekëve, si dhe t'i detyrosh shqiptarët të ndërrojnë emrin, përkatësinë fetare e kombëtare, - është fare e qartë se Kali i Trojës po e çon vendin drejt greminës.

Në fund z.Krasniqi u shpreh se një Spahiu, një Berishë, apo një Nikollë Lesi nuk mund ta përballojnë të vetëm vrullin e kuajve helenë në parlament. Kush e ndjen veten shqiptar, kush e ndjen veten intelektual e patriot shqiptar, duhet ta ngrejë zërin për t'ia ndalur hovin kuajve grekë, sepse nesër do të jetë shumë vonë për të riparuar dëmet. Sepse gjendemi para rrezikut që shqipëria nesër të quhet Eladha nr.2, - konkludoi z.Krasniqi.

Në këtë mbledhje të kryesisë së degës PLL Fier, u konfirmua edhe njëherë mbështetja e plotë e tyre për pozicionin dinjitoz të kryetarit të PLL në Parlament dhe u tha se shpresojmë që edhe deputetët e tjerë ta mbështesin z.Spahiu në të ardhmen.

Malush Kastrati

Politika e Mbretit Zog I në vitet 1925-39

Nga Prof.Miftar Spahija

Nji ndër patriarkët e nacionalizmit shqiptar dhe njikohësisht të monarkisë e të zogizmit, prof.Miftar Spahija, ka shkrue shumë herë rreth politikës së Mbretit Zog I. Por në mënyrë të përmbledhun, mendimet e tij gjenden ma së shumti në librin e shkrimtarit kosovar Hasan Hasani me titull: "Miftar Spahija Korife i Lumes" ku prof. Miftar Spahija shprehet në paragrafe të tana rreth politikës së Mbretit Zog I, si dhe tue e krahasue ate me politikën që ndoqën komunistët mbas vitit 1944.

Ky libër asht botue në Prishtinë para 10 vitesh dhe asht ribotue edhe vjet në Tiranë. Pjesë të këtij libri, i cili asht në formë interviste, ku flitet për Mbretin Zog I, po i japim ma poshtë.

Këto paragrafe janë publikue para disa ditësh në një listë diskutimesh në internet të krijueme nga shqiptaroamerikanët.

Gjithashtu në nji seminar në Nju Jork janë lexue rreth 37 pika në lidhje me politikën e Mbretit Zog, të përpilueme nga Prof. Miftar Spahija (Thaçi) ku ai ve në dukje cilesitë e Mbretit të shqiptarëve dhe i argumenton fakte të njohuna por edhe të rralla për publikun masiv.

Ilber Gashi

USA

"Mreti Zog kishte ba nji politike dashamirse me Ingliteren; e dinte ku qinron fuqija n'Europe: n'Inglitere. Qysheparase te bahej Kongresi i Lushnjes me 1920 ishte ne favor te marredhanjeve te mira me Ingliteren. Organizimin e gjindarmerise shqiptare ia dha Ingliteres. Nen drejtimin e organizatoreve ingliz u hap shkolla e gjindarmerise ne Durres me pergatite nenoficera e gjindarm te shkolluem. Qen shemull gjindarmet shqiptare te frymzuem prej parimeve praktike e shqiptarishte te mretit Zog se me hu e me litare e me burg nuk krijohet nji tanshat (shtet) shqiptare.

Zogu u majt ne marrdhanje krejtsisht te mira me Ingliteren, por e dinte mire edhe sentine (realitetin) gjeografike se duhet me majte nji politike te diragueme (ekuilibrueme) me Italine me sa t'ishte e munme me e majte. Po mas ardhjes se Hitlerit ne krye te Gjermanise nryshoj politika europjane e botnore. Ingliteres i u desht me zgjedhe e me perkrahe Shqipnine e vogel qi mos te shdukej si tanshat e kom apo me i permiresue marrdhanjet me Italine qi mos te binte në prehën të Gjermanise. Nuk duhen shum men me kuptue se Ingliteres i interesonte ma shum Italija, e Italija e kuptoj shpejt e shpejt ket politike te Ingliteres; kerkoj prej mretit Zog qi ta largonte misjonin ingliz te gjindarmerise te kryesuem prej gjeneral Percy-t, keshtu qi ta vetmonte Shqipnine prej çdo perkrahje qi mun t'i vinte prej Ingliteres.

***

"Zogu paska qene ma zi se Enver Hoxha"; ashtu po vjellin vnere e unth disa super demokrat e super atdhetare qi synojne me u ba kryeministrat e Shqipnise mas komuniste. Massi Zogu paska qene pene (bile) ma i keq se Enver Hoxha, populli shqiptar ka te drejte e detyre me pytë sa dheta, qina e mija a dhetamija kan gjete deken o prej hunit o prej litarit, o prej plumit t'Ahmet Zogut?! Sa dheta e qina mija tjere jan shkri neper burgjet e Burrelit, te Spaçit a te nonji veni tjeter. Sa gra e fmi jan shkri e kan gjete deken neper avullishtat e Beratit e lloçnat e Myzeqese gjate regjimit te Mretit Zog prej 24 dhetorit 1924 dere me 7 prill 1939? Sa mija shqiptare paskan gjete deken ne kufijte shtetnore tue dashte me ike prej hunit, burgit e litarit te tije? Sa dheta mija a ndash thuaje qina mija djelm e vajaza shqiptare bij e bija te kunershtarve te regjimit te 24-shit s'paskan pase qene lejue me vazhdue msimet ma teper se 8-vjeçaren? Sa djelm e vajza shqiptare paskan mete pa martue se levatët (prindet) e tyne paskan ike neper venet e prendimit? Sa qina mija shqiptarë e shqiptare ikën prej regjimit te Zogut?

Kur te vjellsh vnerë e unth se Ahmet Zogu paska qene gjakpisë e ma zi se Enver Hoxha duhet t'i thuesh popullit shqiptar me shifra ne dore qi mos te gabohet me ra nen zgjedhen e nji te gjashmi si aj, o ne dore te bajraktarve te Gegnise qi qenkan feodalet e Shqipnise! Populli shqiptare ka te drejte me dijte kush na qenkan ata bajraktare para te cillve u dridhkan malsoret e Gegnise! Populli shqiptar ka te drejte e detyre me i nxjerre para gjyqit te komit kta bajraktare e feodal qi po e shtrydhkan politikisht e ekonomikisht!

***

Populli shqiptar duhet ta queje veten thotbardhë qi pati ne krye te sunotit (timonit) nji burre si Ahmet Zogu ne kohen e tanshatit te pare shqiptare. Historija, para e mas Ahmet Zogut, e provoj kthelltas se aj e ka meritue me zane kryet e venit. E zuni me urti e me burrni; jo me propogande te rreshme se kam ma ta pru tamlin me gypa në gjellbanë e ti veç hap currilin e pi sa të dushë! Kryet e venit nuk e majti me hu e me litar, me burgje e fusha përqenrimi. Nuk e majti tue regjimentue me burra e me gra me te dergue ne pune; e as tu t'i msue cullet si me spijunue baben e nanen, vllajn e motren. Nuk e majti kryet e venit ne krah te Serbise tue i kthye kosovaret prapë qi ikshin prej plumit serb por tue u dhane toke buke, tue jau hapë rrugen e zyrave ma të nalta civile e ushtarake, se ata ishin shqiptare edhepse politika e flliqte europjane i la nen sunimin shfarues serb; e cullve te kosovarve jau çelte me gzim e me dashuni dyert e msojbanave e te ngranbanave (konvikteve); e din edhe ka me e dijte historija.

***

Ahmet Zogu krijoj tanshatin e njimendtë shqiptare; aj dijti me lundrue me guxim e me urti nermjet ujnave te prazullt (trubullt) te Jugo-Sllavisë, Grekise, Italise qi kur t'u kandej i shkaktojshin aq ngatrresa tanshatit shqiptar per me i than botes se shqiptaret nuk meritojne me qene te pamvarun por duhet te jen to coptuem e te synuem prej tyne.

Ahmet Zogun e perzuni prej Shqipnije revolucjoni i qershorit 1924 e e pruni dhetori i 24-ës. Prenimi nuk donte qi Shqipnija te bahej çerdhe e komunizmit. Nuk e pruni kral Aleksandri sikur duen me na thane disa qi kan qene ose jan adversarë politikë të tij; e prunë rrethanat e nevojat e politikës botnore t'Europes, shkurt Ingliteres, te Frances, t'Italise, qi nuk dojshin nji Bela Kun në buzë t'Adrijatikut. E teemramja a keq paska qene qi e prune rrethanat e politikes europjane apo botnore? E prune parimet anrruese te Fan Nolit apo ma shkurt me thane te shokvet te tij qi nuk e pytshin shum çka me ba apo çka mos me ba. Emzot Nolin e shfrytzojshin me u mshehe mrapa figures se nerueme te tije, se ata te vetquejtun shoke te Fanolit, revolucjonin e qershorit dojshin me e mgjate qi ta tunshin Shqipnine prej Hanit te Hotit dere ne Konispol, kryesisht prej Koplikut dere ne lugine te Shkumbinit, ashtu sikur baten djelmet e tyne dydhete vjete ma vone gjate pesedhete vjetve! A nuk i tuboj me hu e me plum djelmt e Gegnise Ismail Haki Tatzati i qershorit te 24-ës me ratue (shtrue) bajraktaret (popullin) e Gegnise ashtu si batën djelmët e vajzat, gjashëmt e tije, te vjetës 44?!

***

Ahmet Zogun nuk e dergoj kral Aleksandri ne Shqipni sikur dergoj kral Tita Enverin! Gjithdinë e lume me pasë dashtë Pashiçi me e dërgue Ahmet Zogun ne Shqipni, nuk do te munte me e dergue po mos te kishte qene politika e Prendimit mos me pas? nji Bela Kun në buzë t'Adrijatikut. E me e lype holle e holle as kral Tita s'do te kishte mune me na e prue Enverin po mos te kishte qene politika e Prenimit!

T'ashtu qujtunt shoke të Fanolit u mshehen mrapa ftyres se nerueme te Nolit tue shfrytzue sherbimet atdhedashese te tije. Kush nuk e dinte se gjuhen shqipe ne Kishen orthodokse e futi Fanoli per dashni te komsisë shqiptare tue jau plase zemrat Patrikut ne Stamboll e Autoqefalise n'Athinë? Kush nuk e dinte se Noli ishte perkthyes i Shakespear-it, e Henrik Isbenit apo i Blasco Ibanezit? Kush nuk e dinte se zjarmija e dashnise se Nolit per Shqipni tue citue e recitue fjale e vargje shakespeariane e bani Lord Cecilin me kerkue pranimin e Shqipnise ne Lidhje te Komeve?

Qershoristat e dijshin mire se duhet shfrytzue figura e Nolit per me ratue (shtrue) bajraktaret e Gegnise, si thojshin ata, e si thanë dydhetë vjetë ma mrapa nanoristat e 44-ës. E shfrytzyen! Prune Ahmet Zogun se Prendimi nuk mund ta pranonte nji Bela Kun në Prenim. Edhe u ba mire se Ahmet Zogu sajoj tanshatin e njimendtë shqiptar pa hu e pa litar, pa fusha perqenrimi per grate e cullet e Shqipnise, pa Spaça e pa Burrela edhe e ngriti dignitetin e Shqipnise ne sy te vete flopit (popullit) shqiptar e ne sy të botës."

Miftar Spahija Thaçi, një jetë e gjatë në shërbim të atdheut

(Me rastin e 90-vjetorit të lindjes, 1914)

nga Dr.Shefqet Hoxha

Miftar Spahija Thaçi është njëri prej korifejve të politikës e të diplomacisë së nacionalizmit shqiptar, atdhetar e letrar i spikatur, luftëtar i vendosur për një Shqipëri Etnike, mbrojtës i çështjes së Kosovës e të Çamërisë. Ka lindur në mars 1914 në Kolesjan të Lumës, 2 vjet pas betejës së famshme midis malësorëve të kësaj krahine, e hordhive serbe ku mbetën disa qindra armiq (nëntor-dhjetor 1912). Djepi i tij u përkund me jonet e këngëve kushtuar asaj ngjarjeje të madhe: "Bini djem e bini trima,/ Ta lamë serbin nëpër zhuvina!"

Në shkollën fillore të fshatit pati mësues patriotin Riza Spahija. Gjimnazin e Tiranës e mbaroi shkëlyqeshëm (më 1935) duke jetuar në konviktin Vaso Pasha. Si kreu edhe shkollën e plotësimit (1936) u regjistrua në Universitetin e Torinos në fakultetin Letërsi-Filozofi, dega e letërsisë, të cilin e kreu në qershor 1939, dy muaj pasi Italia fashiste kishte pushtuar atdheun e tij. Pas disa ditëve që kthehet në vendlindje, ndalohet nga karabineria e Bicajt për dy javë. Në nëntor të atij viti arrestohet sërish dhe dërgohet në Tiranë dhe prej andej në burgjet dhe kampet e internimit në Itali. Si ndenji për do kohë në burgjet e Barit e të Manfredonias, dërgohet në ishullin e gurtë San Nicola di Tremiti ku qendroi për 2 vjet e 3 muaj. Këtu u njoh me të internuar të tjerë shqiptarë si Halim Begeja, Sulejman Lleshi, Petraq Vuçani, etj.. Edhepse i internuar, në vjeshtën e vitit 1941 doktorohet për letërsi. Pas një qendrimi në Sinalunga të Toskanës, lihet i lirë për t'u kthyer në atdhe. Në Tiranë takon Anton Krajnin, funksionar në Ministrinë e Arsimit dhe me ndihmën e tij caktohet profesor në gjimnazin e Prishtinës ku për një vit (1941-1942) jep lëndët e historisë dhe gjeografisë. Në këtë qendër arsimore të rëndësishme për popullin e Kosovës, jepnin mësim edhe patriotë e antikomunistë të njohur si Rexhep Krasniqi, Vasil Andoni, Ymer Berisha etj.. Sidomos me këtë të fundit qe më i afërt, sepse e kish njohur që kur pati dhënë mësim në shkollën e Bicajt. Pas një viti largohet nga Gjimnazi i Prishtinës e për do kohë qe prefekt në Rahovec e pastaj në Gjilan, ku ndihmoi për konsolidimin e administratës shqiptare e të shkollave shqipe të atjeshme. Me kapitullimin e Italisë (shtator 1943) largohet nga Kosova e për një vit qendron në Kolesjan pranë familjes.

Me ardhjen e Brigadës së pestë në Lumë fillimi i shtatorit 1944, për t'iu shpëtuar kthetrave komuniste, mbathi opingat e jeton i arratisur tbanat e malet e Lumës, i ndjekur këmba këmbës nga hafijet e Sigurimit dhe forcat e ndjekjes, ndërsa familja i internohet në Berat ku i vdes edhe vajza 15-muajshe. Në gusht 1946 largohet nga Shqipëria së bashku me një shpurë nacionalistësh ku bënte pjesë edhe Muharrem Bajraktari dhe vendoset në Greqi. Në kampet greke jetoi deri në vitin 1952 dhe pastaj kaloi në Romë ku qendroi deri në vitin 1956. Në atë vit pat vdekur në duart e tij intelektuali antikomunist, ish prefekti i Tiranës Qazim Mulleti (në Rocca di Papa).

Në nëntor 1956 Miftar Spahija emigron në SHBA ku jeton ende sot, në një moshë të thyer, por i lidhur me vendin dhe njerëzit e vet, si edhe me hallet e popullit shqiptar. Në SHBA punoi, së pari, bibliotekar në Columbia University, pastaj mësues në një shkollë të mesme. Për 16 vjet rresht (1964-1980) qe profesor i asociuar në James Madison University në Harrisonbourg dhe në Mansfield University të Penssylvania-s. Në 1980, pensionohet dhe vendoset në North Bergen të shtetit të Neë Jersey-t. Eshtë një jetë e gjatë kjo në shërbim të popullit të vet e të atdheut, të Kosovës e të Çamërisë, të dijes, të kulturës e të letërsisë shqipe. Ai qe dhe mbetet një armik i betuar i politikës sllavokomuniste në Ballkan dhe i regjimit diktatorial në Shqipëri. Për këtë veprimtari të dendur në shërbim të nacionalizmit shqiptar, si atdhetar e antikomunist njëherit, regjimi i Enver Hoxhës e pati cilësuar "Armik i popullit" dhe e pat dënuar për të mos u kthyer në Shqipëri.

Qenë proceset demokratike të fillimit të viteve '90 që bënë të mundur që të dënuarit e mallkuar pa mëkate, të ktheheshin në atdheun e tyre. Një ndër këta qe edhe profesor Miftar Spahija. Në qershor 1992 "me sytë që i shkrepnin xixa të nji zjarri të motshëm, tue dënesë imtas, tue u shkllahë së qami" ky lumjan i mirë, krenaria e krahinës së tij u përqafua me të vetët në Tiranë, në Laç, në Kukës e në Kolesjan duke puthur me përmallim tokën amë.

***

Gjatë jetës së tij të gjatë janë shpaluar cilësitë më të mira të prof. Miftar Spahisë: atdhetarizmi i ngrohtë, antikomunizmi shpërthyes, guximi i papërmbajtur i një politikani aktiv, por mbi të gjitha dashuria për Kosovën e Çamërinë, urrejtja patologjike për sllavokomunizmin, armikun më të egër të popullit shqiptar. Ai, ndërkohë, ka shkruar e botuar qindra artikuj politikë, historikë, gjuhësorë e letrarë, në shqip e në anglisht, si edhe veprën "About Kosova" (Rreth Kosovës) dhe romanin "Hasimja" (1990), "Arbanët e Curranët" (1998), "Taf Bardheti" (2000), "Met Malushi" (2001). Shumë vepra të tij janë ende të pabotuara.

Aktiviteti politik i prof.Miftar Spahisë është shpaluar sidomos në veprën e tij "About Kosova" (1998) botuar në shqip një vit më vonë. Këtu autori ka përmbledhur një numër të madh letrash, memorandumesh, protestash, dërguar burrave më të fuqishëm të kohës si presidentit të SHBA Bill Klinton, presidentit të Francës François Miterrand, presidentit të Rusisë Boris Jeltzin, kryeministrit britanik John Major, Zhak Shirakut, Al Gorit, kancelarit Helmut Kohl, Felipe Gonzalesit e shumë e shumë të tjerëve duke paraqitur me besnikëri gjendjen e rëndë të popullit të Kosovës dhe duke mbrojtur me argumente bindës të karakterit diplomatik e historik kombin shqiptar. Sidomos protestat e kërkesat e prof.Miftarit janë fokusuar në Kosovës ku rezistohej e luftohej kundër shovinistëve të Beogradit, armiqve historikë të shqiptarëve, por edhe në Çamëri, popullsia shqiptare e së cilës u shkapërderdh e u përzu, sidomos pas Traktatit të Lausanne-s 1923, por veçanërisht nga bandat e Zervës më 1945, duke iu mohuar deri në ditët e sotme e drejta mbi pronat stërgjyshore, dhe ajo e kthimit në trojet e tyre të lashta.

Ky libër ka edhe një rëndësi të madhe për historinë e popullit e të kombit shqiptar, sepse autori, para Noel Malkolmit, na ka dhënë një manual të thukët të ngjarjeve më të rëndësishme që kanë ndodhur në Kosovë gjatë disa shekujve, duke nisur nga periudha iliro-dardane e deri në ditët e sotme. Të dhënat historike të shprehura nga prof.Miftari karakterizohen nga vërtetësia shkencore, nga qartësia dhe nga thellësia gjykuese, prandaj janë një armë e fuqishme në dorë të diplomacisë shqiptare për të mbrojtur e qartësuar problemin e Kosovës nga këndvështrimi i vërtetë i nacionalizmit shqiptar, se as toka, as populli i Kosovës nuk kanë qenë ndonjëherë sllave, çeshtje tanimë të provuara e të pranuara botërisht edhe në saje të kontributit të profesorit të shquar lumjan. Tanimë edhe për meritë të Miftar Spahisë, jo vetëm ne shqiptarët, por edhe qarqe diplomatike të huaja, kanë në dorë argumenta bindës për të justifikuar e shpallur pavarësinë e Kosovës. Me manualin historik të përfshirë në veprën "Rreth Kosovës", Miftari ka dhënë një model të shkëlqyer se si duhet të mendojë e të punojë intelektuali shqiptar për vendin e popullin e vet. Ai ka vërtetuar jo vetëm me dokumente, por edhe me patos atdhetar, shpirt të pastër e të thellë nacionalisti, gjakftohtësi shembullore, argumenti të gjithënduershëm dhe aftësi polemizuese, nevojën e bashkimit të të gjitha trojeve shqiptare në një shtet të vetëm, në Shqipërinë etnike.

Në një letër që i ka shkruar Boris Jeltzin-in (25 korrik 1993) Miftar Spahija është shprehur: "Të gjithë shqiptarët kudo që janë ndihen thellësisht të fyer, të plagosur nga vendimi juaj për të mos e njohur pavarësinë e Kosovës. Vendimi juaj është normalisht i gabuar, indinjues, sepse shpërblen pushtuesin, i padenjë, sepse buron nga filozofia e agresionit, e shtypjes, e imperializmit, kolonizimit, serbizimit të afër 4 milion, po të 4 milion shqiptarëve në Jugosllavinë e vdekur." Po përmend edhe një gjykim tejet të mençur, tejet të guximshëm që ka shumë vlerë edhe sot për fatin e Kosovës, megjithëse është shprehur kohë më parë nga prof. Miftar Spahija. Ai ka shkruar: "Sot është momenti historik i mbamë me ngulmue për Kosovën, moment jo veç i kosovarëve, por i gjithë shqiptarëve që mendojnë shqiptarisht. Ka ardhë koha e mbrame që Shqipnia mos t'i përtypë fjalët në sofizma, por t'i thotë çiltas, pa lanë dyshime, bishtnime, tërthorime. Bota europiane, amerikane dhe Kombet e Bashkueme, le ta marrin vesh kthjelltas çka duen shqiptarët. Shqiptarët duen veç trojet e tyne, të kërkujt tjetër". Dhe këtë thënie dukshëm aktuale duhet ta ngulin mirë në mend politikanët, shtetarët dhe diplomatët shqiptarë që ende nuk po bëhen burra të shprehen qartë e prerë se "Shqipnia mbështet e do të mbështesë pa rezerva pavarësinë e Kosovës". Dhe po nuk u shprehën qartë sot, nesër do të jetë vonë për ta...

Veç si atdhetar, luftëtar i vendosur për Shqipninë etnike, Miftar Spahinë e kanë karakterizuar në vijimësi bindjet monarkike e antikomuniste. Në një letër që i ka shkruar një bashkëkrahinari me banim në SHBA (23 shtator 95), Miftari është shprehur: "Ti thash këto mendime, jo se jam apologjist i Ahmet Zogut dhe as me qëllime polemizuese, por i shfaqa mos me mohue vetveten ku qendroj." Ndërkaq, antikomunizmin ai e ka patur që herët në gjak, nuk ka pranuar as filozofinë, as praktikën e sllavokomunistëve e të bastardëve të tyre shqiptarë. "Me doktrinën komuniste s'kishem asnji pajtim - ka shkruar Miftari - e ndijshem dhe e dijshem se partia komuniste shqiptare ishte bisht i komunizmit serb. Partia komuniste qe murtaja e Shqipnisë dhe vorri i Kosovës."

Nji shprehje popullore thotë: "Vampiri e njeh lugatin". Dhe, vërtet, vampirët komunistë e njohën 'lugatin' e tmerrshëm Miftar, prandaj e patën dënuar me vdekje dhe për të mos u kthyer kurrë më në atdhe.

Megjithatë, prof.Miftari është kthyer disa herë në atdhe. Ai, ndërkaq, i ka përshëndetur e përkrahur proceset demokratike, por e ka mëtuar se komunizmi është ende gjallë në Shqipëri.

Një studiues kosovar e ka quajtur "Korife i Lumës", ndërsa dikush tjetër "Korife i politikës dhe i diplomacisë së nacionalizmit shqiptar" dhe besoj nuk ka gabuar.

***

Por veç si politikan, historian e atdhetar i shquar, si luftëtar i vendosur për çeshtjen e Kosovës dhe Çamërisë, pra për Shqipërinë etnike, prof. Miftar Spahija i është kushtuar edhe qëmtimit dhe shpalimit të vlerave gjuhësore të kombit. Në një sërë artikujsh dhe në vlerat letrare të tij ai ka zbuluar fjalë e frazeologjizma thjesht shqipe, duke ngulmuar si një rilindas i vërtetë për pastrimin e gjuhës nga lënda e huaj dhe duke gatuar fjalë të reja me burim vendas, mbështetur në modelet e gjuhëve klasike, sidomos të latinishtes që e njeh mirë. Në këtë lëmë ky zen një vend të veçantë, të merituar.

Ai e sheh gjuhën si një element në zhvillim e në perfeksionim, prandaj ka shkruar: "Gjuha si kombi asht e gjallë, i gjallë kombi, e gjallë gjuha. Kombi ndërron, gjuha ndërron; kombi para, gjuha para. Na duhet të herrim gjuhën, ta qërojmë." Dhe pastrimit të saj i pati hyrë që herët. Teza e doktoraturës që mbrojti para Bartolit, albanolog i njohur italian, 1941, mbante titullin "Elemente të huej në gjuhën shqipe". Ai më pas, e ka dëshmuar veten jo vetëm si qëmtues i zellshëm i vlerave më të mira gjuhësore të shqiptarëve, por edhe si purist i tejskajshëm, një rilindës i shquar i kohëve moderne që kërkon që bashkëkombësit të hyjnë në Europën e bashkuar me fytyrën e vërtetë të tyre si shqiptar. Fjalët e krijuara prej tij, prof.Miftari i ka jetësuar në veprat e tij letrare dhe një pjesë e tyre janë bërë apo mund të bëhen mish i shqipes. Ashtu si rilindësit e shekullit XIX, ky lumjan i ditur me horizont të gjerë në shumë fusha dhe me vullnet të pamposhtur, në hullinë e tyre, por me ndjesi bashkohore vazhdon luftën për dekada të tëra për t'ia arritur synimeve të tij të formuluara kthjelltas edhe kundër moskuptimit e mosdurimit të disave, që të ruhet kombi e gjuha e tij para rrezikut të sigurt të zdrodhjes, të bjerrjes nga proceset konvergjente europiane dhe të globalizmit. Kjo pse kombi shqiptar është i vogël dhe gjuha e tij, e pazonja të përballet me simotrat e saj të nivelit botëror. Megjithatë prof. Miftar Spahija është një luftëtar i vendosur për një Shqipëri europiane.

***

Mbi të gjitha Miftar Spahija mbetet një krijues i përkushtuar, një letrar idealist, një romancier i plleshëm. Veprat kryesore të tij janë romanet voluminozë: "Hasimja" botuar në Kanada 1990 (728 faqe); "Arbanët e Curranët", Tiranë, 1998 (966 faqe); "Taf Bardheti, Tiranë 2000, (1046 faqe). Ndërkohë ka botuar edhe novelën "Met Malushi", Prishtinë 2001.

Në romanin "Hasimja" shpalohet një subjekt i njohur në folklorin shqiptar, marrja e gjakut të vëllait nga motra. Duke ruajtur këtë subjekt bosht, autori jep një tablo të plotë të jetës e të konditave të malësorëve lumjanë në kapërcyell të shek.XX, portretizon me mjeshtëri personazhe e vizaton skena jetësore, sa të vështira aq edhe tragjike, por edhe shllime të ëmbla e intimitete jetësore. Autori këshillon me dashamirësi lexuesin që "të rraset në shkulmet e jetës me dashni e besim, se prej këndej vjen shpëtimi".

Romani "Arbanët e Curranët" siç e ka parë një studiues, - është një ndër veprat më përfaqësuese të shkrimtarit. I shkruar para viteve '80-të të shek.XX, ai u përket veprave psikologjiko-filozofike, është një pasqyrë e zakoneve, sjelljeve, normave e dokeve si edhe e mënyrës së të jetuarit në malësitë shqiptare, me të mirat dhe të këqijat e tyre, të cilat i ka vënë në sitë të komtë autori. Ky, po ashtu, peshon faktet e jetës, i vlerëson, i kritikon, sipas rastit. Subjekti i romanit shtjellohet në dy katunde lumjane, në Arrën e në Shtiqën. Në vepër herë ndeshim elemente tragjikë, herë idilikë, herë episodikë, herë alogjikë (martesa të paqëlluara të trajtuara edhe nga shkrimtarë të tjerë shqiptarë). Më konkretisht: në këtë roman jepet një fejesë malësore (e Lam Arbanit), një vrasje krishqish në udhë, por edhe vrasje të tjera, që kanë qenë bashkudhëtare të malësorëvce shqiptarë.

Në këtë roman personazhet janë vizatuar qartë, secili me karakteristikat që bart, më shumë negative se pozitive, por gjenden edhe të tjerë që dinë të drejtpeshojnë, të pyesin e të ndëgjojnë (si Han Temali).

Në vijën e dy romaneve të para shkon edhe "Taf Bardheti", prandaj mund të thuhet pa mëdyshje se të trija këto vepra formojnë një të tërë në përmbajtje e në formë e veç vlerave letrare që bartin, këto janë një gurrë e cemtë, ku mund të shuajnë etjen të gjithë ata që duan të njohin historinë, etnologjinë e psikologjinë shoqërore të malësorëve shqiptarë në kapërcyell të shek.XX, por edhe më para e më pas. Në këtë vështrim veprat letrare të Miftar Spahisë duket se vijnë për të plotësuar nga këndvështrimi i një vendasi, kërkimet e Nopçës, Durhamit, Hasllëkut si dhe përshkrimet dhe mendimet historiko-letrare të Pashko Vasës, Ndoc Nikajt, Shtjefën Gjeçovit. Sepse në çdo faqe të romaneve të prof.Spahisë gëlon fryma e Rilindjes kombëtare dhe ajo e Kanunit të Maleve, këtij korpusi vigan që është krenaria e shqiptarëve.

Dhe nuk mund të mos pyes se si është e mundur që Miftar Spahija, i cili pjesën më të madhe të jetës e ka kaluar jashtë krahinës e atdheut, të mbetet një bartës aq i pasur dhe aq besnik i vlerave më të mira historike, etnologjike, gjuhësore të visit të tij të dashur, Lumës?!

Megjithëse një vepër jo e karakterit letrar, por e gjinisë së kujtimeve, "Intervista" e gjatë që i pat dhënë Miftari shkrimtarit kosovar Hasan Hasani, mbetet një gur themeli për të njohur jetën, veprimtarinë politike, bindjet dhe formimin e gjithanshëm të profesorit (Hasan Hasani, "Miftar Spahija - Korife i Lumës", Prishtinë 1995).

***

Kjo paraqitje e thukët, ndoshta e paplotë e jetës dhe e veprës atdhetaro-politike e letrare e profesorit 90-vjeçar Miftar Spahija, është një thirrmë që i bëhet botës politike e kulturore shqiptare, që të gërmojë në skutat ende të panjora mirë në Shqipëri, të pikasë ndihmesat e atyre burrave që kanë punuar në heshti, pa mê e pa dëshirë për t'u dukur për atdheun e popullin e vet, edhe atëherë kur "zgaqët e përbuzun të kombit" i kishin lëçitur e zbuar. E një ndër këta të lëçitur nga ish diktatura e kuqe është edhe njëri nga korifejtë e Lumës, Miftar Spahija.

Ky burrë i vyer sapo ka mbushur 90 vjet. Ai nuk ka jetuar që ta njohin, nuk ka punuar që ta çmojnë, sepse veprat atdhetare nuk mund të çmohen kurrë se sa vlejnë. Por megjithatë, është detyrë njerëzore që vepra e atyre burrave që kanë jetuar me emrin e atdheut e të popullit të tij, të njihet e të vlerësohet. Kush nuk çmon e nderon ata që kanë punuar e punojnë për Shqipëri, duhet ta dijë se ka për t'u përbuzur e harruar edhe nga të vetët. Ata që kanë detyrim ligjor duhet t'i kthejnë sytë nga vlerat e vërteta kombëtare, e një nga këto vlera është padyshim profesor Miftar Spahija Thaçi.

___________________________

Drejtues e specialistë të Telekomit të Kosovës dhe "Vala 900", takim me Mbretin Leka në vilën e Tij

Mbreti: Po pres me padurim të rikthehem në Kosovë

"Ne kemi menduar të vizitojmë edhe zonat shqiptare në Maqedoni e Mal të Zi. Anëtarët e Familjes Mbretërore kanë dëshirë të shohin Kosovën dhe të gjitha trojet etnike shqiptare, me qëllim që t'i kontribuojnë sa më mirë çeshtjes kombëtare"

Nano, dajaku i Toskës dhe Greqia

nga Astrit Kola

Myzhdeja për "suksesin" e vizitës së radhës së Nanos në Athinë, është kronika e turpshme e paraqitjes në apel të puthadorit tek padroni, me urime, lëvdata, dhurata e përulje të pështira, në këmbim të pushtetit. Akoma pa u tharë boja e dekretit të presidentit grek për Karamanlisin dhe djersa e dorështrëngimit të Nanos me Berluskonin, kryeqeveritari grek, në të parin takim të nivelit të lartë, priti gubernatorin vasal të "Vorio-Epirit", të cilin është zotuar t'ia kthejë Eladhës sipas "të drejtës historike" të trumbetuar nga Sillogjet dhe Nikolas Gejxh-i.

Kësaj vizite të Nanos i parapriu ajo e Toskës, i cili u thirr në Greqi për t'u afirmuar si "partner i sigurisë së Lojrave Olimpike të Athinës", nën garancinë e emisarit-ambasador, vjehërrit të Toskës dhe mikut të Nanos - Bashkim Lilo Zenelit.

Edhe Toska mori përgëzime në Athinë, akoma pa i fshirë gjakun dhe djersët, pas masakrimit para parlamentit shqiptar të "armiqve historikë" të Greqisë - Çamëve dhe Nacionalistëve të Përndjekur gjatë diktaturës së autorit të "Dy popuj miq" dhe "demokracisë" së bijve të etërve vrastarë.

Dhe Toska bëri detyrën, ashtu si dikur Lilo Zeneli në birucat e Koçi Xoxes dhe Kadri Hazbiut, si për të vërtetuar maksimën e famshme "I ngjan miku mikut 40 vjet përpara".

E çfarë gjelle mund të presin tjetër shqiptarët nga Nano e Zeneli, këta miq të rinisë të cilët i ushtronin gjuhët e huaja në shoqërimet që, si njerëz të garantuar të regjimit komunist, u bënin grupeve të maksist-leninistëve që vinin të mahniteshin me sukseset e diktaturës së Thanasit dhe Lilos!?

Por ajo që na dhëmb më shumë nga ky cinizëm poshtërues është "... angazhimi i përbashkët shqiptaro-grek për të punuar për Sigurimin e Lojrave Olimpike të Athinës nga terrorizmi...", a thua se ky "rrezik" i vjen Greqisë nga toka shqiptare dhe shqiptarët!

Nuk ka njeri me mend në kokë që nuk e kupton se shashkat që kërcitën e tymosën në mes të Athinës - do të shpërblehen, ashtu siç edhe ka filluar - me operacione "fshesa" të emigrantëve të gjorë "alvanosë". E kështu dajaku grek në të dy anët e kufirit, është ndëshkimi që i pret shqiptarët, qofshin Çamë, Emigrantë apo Ish të Përndjekur. Ndryshe si do të sigurohet "Stabiliteti i Ballkanit" dhe "... do të Implementohet Lufta kundër Terrorizmit"!!!

Nano nuk e fshehu dëshirën e çmendur të kolonizimit total të vendit nga Greqia, tek u premtoi biznesmenëve grekë "lehtësira për privatizimin e sektorëve strtagjikë të ekonomisë shqiptare", natyrisht në këmbim të pesë kacidheve dhe palopushtetit.

Tani grekët kanë garanci Nanon dhe dajakun e Toskës për ruajtjen e privilegjeve qindramilionë dollarëshe që kanë fituar dhe të atyre që kanë planifikuar të marrin në të ardhmen.

Nano e beson vërtet thënien e idhullit të tij, Marksit, se "Dhuna është mamia e çdo sistemi... ", pra edhe për krijimin dhe ruajtjen e sistemit neokolonialist që ka instaluar në shërbim të Greqisë.

Nëse Nano vazhdon ta mbajë skeptrin e pushtetit si dajak dhune, ashtu siç ia futi në kafkë Instituti i Studimeve Marksiste..., duhet ta ketë të qartë gjithashtu se "dhuna pjell dhunë" dhe nuk do të ketë karamanlisë e cërvenkovskë që do t'ia shpëtojnë lëkurën nëse vazhdon të masakrojë të sunduarit. Qoftë edhe nëse e mbrojnë dhe e fshehin kryeministra apo presidentë të vendeve që vazhdojnë të hapin varre shqiptarësh në kufinjtë dhe qytetet e shteteve fqinjë.

"Ujërat nuk rrjedhin dy herë nën të njejtën urë".

Drejtues e specialistë të Telekomit të Kosovës dhe "Vala 900", takim me Mbretin Leka në vilën e Tij

Mbreti: Po pres me padurim të rikthehem në Kosovë

"Ne kemi menduar të vizitojmë edhe zonat shqiptare në Maqedoni e Mal të Zi. Anëtarët e Familjes Mbretërore kanë dëshirë të shohin Kosovën dhe të gjitha trojet etnike shqiptare, me qëllim që t'i kontribuojnë sa më mirë çeshtjes kombëtare"

Tiranë - Mbreti i Shqiptarëve Leka I, priti në mesjavën që shkoi një grup të organizuar drejtuesish e specialistësh të Telekomit të Kosovës. Kreu i këtij delegacioni ishte z.Ibush Xheladini, drejtor i Telekomit për qarkun e Ferizajt. Në këtë takim, mysafirët kosovarë, i shoqëronin sekretari i marrëdhëniëve me publikun i PLL z.Neritan Kolgjini dhe drejtori i Departamentit të Politikave të Sigurisë në PLL z.Neuruz Ndregjoni. Biseda u zhvillua në sallën e pritjeve të vilës së Mbretit në jug të Tiranës në vendbanimin e lashtë të Arbanës, ndanë lumit Erzen. Kreu i Zyrës së Oborrit Mbretëror, z.Fluturak Gërmenji, duke ditur dobësinë që ka Mbreti Leka për kosovarët, rezervoi një takim pa limite kohore dhe mjaft miqësor.

Mbreti flet për politikën

Gjatë këtij takimi, Mbreti Leka iu shpreh bashkatdhetarëve të tij kosovarë se "është i mrekulluar nga vizita në Kosovë" dhe se ka programuar që në të ardhmen ta vizitojë përsëri atë. Mbreti shtoi më tej se për ne është e domosdoshme kontakti e njohja me të gjitha trevat e shtresat e popullsisë shqiptare jashtë kufijve të Shqipërisë londineze. Gjatë bisedës, ai tha se ne kemi menduar të vizitojmë edhe zonat shqiptare në Maqedoni e Mal të Zi. Ai shtoi se të gjithë pjesëtarët e Familjes Mbretërore kanë dëshirë të shohin Kosovën dhe të gjitha trojet etnike shqiptare, me qëllim që t'i kontribuojnë sa më mirë çeshtjes kombëtare.

Interesimit të miqve të Kosovës rreth iniciativave e projekteve të Mbretit për problemet nacionale, Ai iu përgjigj se po punojmë në këtë drejtim që të organizojmë një forum sa më të gjerë që të punojë për çeshtjen kombëtare. Ai tha se ne përkrahim çdo iniciativë integruese të Shqipërisë në strukturat euro-atlantike, porse dyshojmë se ato mund të realizohen pa probleme, duke qenë se shqiptarët janë të ndarë në pesë shtete. Mbreti tha se bashkimi kombëtar është një proces, i cili e përshpejton integrimin e Shqipërisë në NATO e BE përkundër idesë false që është krijuar se këto ndryshime të hartës së rajonit shkaktojnë konflikte.

I pyetur rreth mundësisë së rikthimit të tij në fronin mbretëror, Mbreti Leka tha se "kjo nuk është një çështje që më preokupon aq shumë, kur shoh se si po vuajnë njerëzit në Shqipëri" për shkak të kushteve shumë të rënda ekonomike dhe gjendjes së përgjithshme aspak të qendrueshme. Ai tha se më vjen shumë keq që drejtuesit e shtetit shqiptar po bëjnë kaq pak për ta luftuar varfërinë në vend.

Kjo bisedë miqësore dhe e ngrohtë e Mbretit i shpengoi mysafirët kosovarë, të cilët treguan episode të ndryshme të përjetimeve të tyre gjatë vizitës së Familjes Mbretërore në Kosovës një vit më parë.

Bashkim Fazliu, i mbiquajtur "Migjeni", specialist i telefonisë në Ferizaj, i tregoi Mbretit se ai kishte ndjekur me mjaft interes këtë vizitë të vitit 2003 dhe se kishte filmuar pjesë të saj qysh nga mbërritja në Prizren e deri në takimet e Tij në Drenicë e Prishtinë. Fazliu i tha Mbretit Leka se takimi juaj në shtëpinë legjendare të Jasharajve në Prekaz, ka qenë takimi më i gjatë që ka zhvilluar ndonjëherë ndonjë personalitet politik i të gjithë hapësirës shqiptare. Ai i tha Mbretit se nga ajo vizitë e Juaj në Kosovë, kam shumë fotografi e filmime, të cilat i kam publikuar edhe në internet. Gjithashtu ai i tregoi edhe disa logo telefonash celularë që kishte krijuar me foto të Mbretit Zog I.

Mbreti Leka i falenderoi miqtë e Kosovës për vizitën e tyre dhe, - duke folur për Familjen e Adem Jasharit, ku çmoi aktin e tyre heroik e të pakrahasueshëm ku u sakrifikuan me dhjetëra vetë të një familjeje në shërbim të lirisë së Kombit shqiptar e pavarësisë së Kosovës, - shtoi më tej se Kosova është një trevë që ka sakrifikuar breza të tërë për pavarësinë e kombit shqiptar, dhe si e tillë meriton vëmendje kryesore të të gjithë politikës shqiptare. Por nga ana tjetër Mbreti shprehu pakënaqësinë e tij në lidhje me qendrimin e politikave shtetërore ndaj Kosovës duke thënë se kjo që është bërë tregon se Kosova nuk është në prioritetet e këtyre qeverive.

Mbreti: dua të dëgjoj zërin e Kosovës

Mbas një ekspozeje të përgjithshme që bëri Mbreti rreth politikës për Kosovën, tha se jam gjithashtu i interesuar të di diçka më të hollësishme rreth jetës e aktivitetit të njerëzve në Kosovë. "Dua t'ju dëgjoj juve, të më flisni për Kosovën!" - tha ai. Dua të dëgjoj zërin e Kosovës të më flasë. Dua të di se si i kanë punët vëllezërit e motrat tona në Kosovë, sepse informacionet që kam unë nuk janë aq të këndshme. Mbreti u shpreh se ka të dhëna që gjendja ekonomike e njerëzve është e rëndë. Po ashtu edhe në Kosovë ka fenomene të dukshme korrupsioni, të cilat rëndojnë në xhepat e njerëzve. Këto fjalë jashtë tonalitetit zyrtar e ceremonial të këtij bashkëbisedimi miqësor, shkaktuan një afrim edhe më të madh shpirtëror të mysafirëve me Mbretin e Shqiptarëve. Çdonjëri që mori fjalën, falënderoi Mbretin për pritjen e rezervuar dhe për nderimin e bërë. Ata u shprehën se jemi të zhgënjyer nga politikat që kanë shumë retorikë e pak akte konkrete në të mirë të njerëzve e të ardhmes së tyre.

Drejtuesi i këtij grupi z.Ibush Xheladini tha se ky është një moment i papërsëritshëm për jetën e tyre dhe se falenderojnë nga zemra Mbretin Leka që u krijoi këtë mundësi njohjeje direkte. Ai u shpreh se ne kemi ardhur të organizuar nga kompania jonë shtetërore me qëllim që të njohim më konkretisht Shqipërinë, por ne nuk mund të rrinim pa shfrytëzuar rastin të kërkonim një takim me ju që jeni simbol i bashkimit kombëtar. Z.Xheladini u shpreh se pas kësaj bisede ndihemi më çliruar shpirtërisht, megjithëse kemi një peng në zemër që nuk erdhëm të gjithë si grup, pasi, - saktësoi ai, - këtu kemi ardhur veçse një pjesë e tyre duke menduar se do të kishim probleme për t'u takuar në një grup më të madh.

Në fund të takimit që zgjati mbi një orë e në të cilin ishin të pranishëm rreth 20 vetë, u bënë shumë foto një pjesë e të cilave janë publikuar në uebsajtin e z.Bashkim Fazliut të quajtur "nokiashqip", për të cilin do të shkruajmë veçmas në këtë numër gazete.

Pas dhjetëra shkrepjesh të aparateve digjitalë e profesionalë, pasi u përshëndetën nxehtësisht me Mbretin e shqiptarëve, grupi i kosovarëve pati mundësinë të përshëndetej edhe me MS Mbretëreshën Suzana, e cila për shkak të programit të saj, nuk pati mundësi të ishte në këtë takim.

Ky grup drejtuesish e specialistësh të Telekomit të Kosovës si dhe të operatorit celular "Vala 900", ishte në Shqipëri në kuadër të një turneu për t'u njohur me vendin si dhe me gjendjen e teknologjisë telekomunikuese këtu. Me këtë rast ata vizituan edhe disa qytete të Shqipërisë si Beratin, Vlorën, Sarandën, Durrësin e Tiranën, për një periudhë gati 10 ditëshe. Ata kishin programuar vetëm takime me specialistë ndërsa takimi me Mbretin Leka kishte qenë vetëm një dëshirë e tyre për shkak të respektit e ndjenjave që ata rezervojnë për Familjen Mbretërore shqiptare dhe për qendrimin konsekuent të Mbretit Leka për bashkimin kombëtar e idealin e Shqipërisë Etnike.

Shënim

Zhvillohet në Zagreb të Kroacisë takimi ndërparlamentar për Kartën e Adriatikut

Spahiu: përpjekje maksimale për t'iu afruar NATO-s

Zagreb - Me datën 4 maj 2003, është nënshkruar Karta e Partneritetit ndërmjet Shqipërisë, Kroacisë, Maqedonisë dhe SHBA, ose siç është pagëzuar "Karta e Adriatikut", për anëtarësimin e këtyre vendeve që aspirojnë të futen në NATO. Në shërbim të këtij procesi integrimi, në Zagreb të Kroacisë me datën 3 maj 2004 pra me rastin e 1 vjetorit të këtij nënshkrimi, u bë një takim në nivel parlamentar të komisioneve të jashtme të këtyre shteteve. Delegacioni shqiptar përbëhej nga kryetari i Komisionit të Politikës së jashtme z.Ilir Zela, ndërsa opozitën e përfaqësonte anëtari i këtij komisioni dhe njëkohësisht kryetar i grupit parlamentar të PLL dhe kryetar i kësaj Partie z.Eqerem Spahiu.

Delegacionin e Maqedonisë e kryesonte kryetarja e Komisionit të Jashtëm z.Teuta Arifi (Partia "Bashkimi Demokratik për Integrim"), ndërsa delegacionin kroat e kryesonte kryetari i këtij Komisioni z.Neven Jurica. Në delegacione bënin pjesë edhe ambasadorët e vendeve pjesëmarrëse si edhe specialistët respektivë për çeshtjet e integrimit në Nato.

Takimin e hapi kryetari i parlamentit kroat z.Luka Bebiç, i cili vuri theksin në rëndësinë e këtij takimi për proceset integruese të vendeve tona të anëtarësimin në NATO.

Ky takim ishte në formën e një simpoziumi për promovimin e proceseve ku parlamentarët përfaqësues trajtuan tema të veçanta që analizuan prioritetet dhe domosdoshmërinë e integrimit në strukturat e sigurisë.

Diskutimet e tyre kishin të bënin kryesisht për anëtarësimin e këtyre vendeve në NATO, e cila është struktura më e madhe e sigurisë në botë.

Për rëndësinë e të cilave foli gjatë përshëndetjes së tij, ambasadori i SHBA-ve në Kroaci z.Ralf Frank.

Ministri i Jashtëm i Kroacisë, z.Miomir Zhuzhul, i falenderoi të pranishmi në emër të qeverisë kroate duke shpalosur edhe prioritetet e qeverisë kroate në lidhje me këtë proces të rëndësishëm.

Tema të veçanta trajtuan edhe kryetarët e komisioneve të jashtme të Shqipërisë, Kroacisë dhe Maqedonisë, respektivisht z.Ilir Zela, znj. Teuta Arifi dhe z.Neven Jurica.

Përfaqësuesi i opozitës shqiptare në këtë delegacion ishte z.Ekrem Spahiu, i cili mbajti një referat me temë "Forcimi i Demokracisë, shoqërisë civile dhe shtetit ligjor".

Fillimisht, z.Spahiu në fjalën e tij tha se ky takim trepalësh nën kryesimin e përfaqësuesve të SHBA, është në vazhdën e takimeve shumë të frytshme për proceset integruese të vendeve tona. Ai pikëzoi disa momente të veçanta rreth hapave të Shqipërisë drejt integrimit në NATO dhe shprehu bindjen e tij se anëtarësimi në Nato është i lidhur në mënyrë të fortë me krijimin e një demokracie solide në të gjitha vendet aspiruese, por sidomos në Shqipëri.

Spahiu u tregua pothuaj diplomatik në fjalën e tij, duke mos përdorur vokabolarin kritik ndaj defiçencave të jetës demokratike në Shqipëri e posaçërisht për rrënimin e herë pas hershëm të procesve zgjedhore, ku PS ka manipuluar sistematikisht rezultatet.

Në këtë takim treditor dhe trilateral, diskutuan edhe zyrtarë të ndryshëm të lartë të shtetit kroat, të cilët i kishin kushtuar një rëndësi shumë të madhe këtij takimi qe u shvillue teresisht ne nje nga sallat e parlamentit te Kroacise.

Në fund të takimit u përpilua një deklaratë e përbashkët si dhe u zhvillua një konferencë e përbashkët shtypi me përfaqësues nga të tre delegacionet.

Në këtë konferencë shtypi u theksua se ky bashkëpunim më i ngushtë i vendeve të këtij rajoni do të krijojë kushtet për një integrim më të shpejtë të kësaj tresheje shtetesh në strukturat e Natos. "Marrëveshja Adriatik - SHBA" ose siç njihet ndryshe "Karta e Adriatikut, vlerësohet se njohu, pas këtij takimi, një hap të mëtejshëm në skemat e afatet e bashkëpunimit.

"Atdheu"

Deklaratë e përbashkët e kryetarëve të Komisioneve parlamentare të Punëve të Jashtme të Shqipërisë, Kroacisë dhe Maqedonisë

"Karta e Adriatikut", apel për anëtarësimin në NATO

Zagreb 3 maj 2004

Ne kryetarët e komisioneve dhe përfaqësuesit e Komisioneve Parlamentare të Punëve të Jashtme të tri vendeve aspiruese për në NATO, Shqipëria, Kroacia, Maqedonia, duke punuar fort së bashku brenda programit të Marrëveshjes Adriatik-SHBA, jemi takuar në Zagreb për të thelluar bashkëpunimin tonë dhe për të përforcuar miqësinë dhe solidaritetin si pjesë e kontributit tonë për Aleancën.

Ndërsa ndjekim reformat tona thelbësore politike, ekonomike, sociale dhe ushtarake, të nevojshme për të hyrë në NATO, të bazuara në arritjet tonë individuale, vendet tona do të mbështesin njëri-tjetrin në procesin e realizimit të objektivave tona të përbashkëta për të ndihmuar në rritjen dhe zgjerimin e zonës së stabilitetit dhe prosperitetit në Europën Juglindore.

Ndërsa konfirmojmë përkushtimin tonë ndaj principeve të bashkëpunimit të përcaktuara literalisht dhe në frymën e Marrëveshjes Adriatik-SHBA, ne shprehim fortësisht vullnetin tonë të promovojmë dimensioninm parlamentar të këtij bashkëpunimi, duke ndihmuar kështu të çojmë përpara një komunitet edhe më të fortë vlerash të përbashkëta dhe interesash në Europën Juglindore.

Ne shfrytëzojmë këtë rast t'u shprehim përgëzimet tona më të nxehta 7 vendeve anëtare të Grupit të Vilniusit që hynë në NATO. Ne shprehim falenderimet tona më të sinqerta për mbështetjen dhe bashkëpunimin e tyre, ndërsa do të dëshironim që fryma e solidaritetit të Grupit të Vilniusit të vazhdojë të jetojë.

Ne presim që Samiti i ardhshëm i NATO-s në Stamboll të njohë dhe vlerësojë arritjet e secilit prej vendeve tona në Deklaratën Përfundimtare. Një sinjal i qartë prej Aleancës, për anëtarësimet e ardhshme, do të inkurajonte fortësisht përpjekjet tona të vazhdueshme për reforma.

Ne vlerësojmë së tepërmi arritjet e vendeve tona brenda programit individual të Hapave të Planit të Anëtarësimit, dhe shprehim vendosmërinë e parlamentareve tona për të mbështetur dhe përshpejtuar të gjitha reformat integruese dhe në të njëjtën kohë, i bëjmë apel NATO-s të fillojë Bisedimet për Anëtarësim me Shqipërinë, Kroacinë dhe Maqedoninë sa më shpejt të jetë e mundur.

Kryetarët:

Ilir Zela

Neven Jurica

Teuta Arifi

Legalistët në konferencë shtypi

Basha: Mbështesim maksimalisht të burgosurit politikë

Paraditën e së shtunës, në selinë e PLL, nënkryetari legalist zoti Murat Basha, dha një konferencë shtypi lidhur me qëndrimet e PLL rreth domosdoshmërisë së reformimit të Sistemit Zgjedhor dhe për disa nga opcionet e saj për këtë problem.

Në prononcimin e tij z.Basha theksoi rëndësinë e madhe të ndryshimit të Kodit Zgjedhor, si një nga pistat e reformimit të Sistemit Zgjedhor konform edhe rekomandimeve të fundit të faktorëve ndërkombëtarë, duke shprehur me këtë rast, hapur, mendimin e PLL për ndryshimin e Kushtetutës, ndryshim ky që diktohet nga servirja e Sistemit Proporcional të zgjedhjeve, e që është bërë objekt diskutimesh në sallonet e politikës dhe mediat.

Pasi serviri dy variante të PLL për Sistemin Proporcional, z.Basha la të kuptohet se PLL disponon të gatshme edhe propozime dhe skema të tjera konkrete për këtë problem, të cilat, sipas tij, PLL do t'i servirë në tryezat e ardhshme të partive të interesuara për një reformë të vërtetë zgjedhore dhe zgjedhje të lira në Shqipëri.

Me këtë rast z.Basha nuk la pa përmendur edhe qëndrimin koherent të PLL lidhur me difektet e Kodit Zgjedhor aktual, të cilat PLL i kishte kundërshtuar para dhe gjatë kryesimit prej saj të tryezës së partive të vogla para zgjedhjeve të fundit vendore.

Me të drejtë z.Basha theksoi se parashikimet dhe kundërshtitë e PLL për difektet e Kodit Zgjedhor ekzistues dhe pasojat që do të sillte ai në prishjen e zgjedhjeve, e që do të evidentoheshin me forcë, gjë e pranuar kjo edhe nga organizmat monitoruese të akredituara në Shqipëri.

Pas leximit të deklaratës për mediat, z.Basha iu përgjigj edhe pyetjeve sqaruese të gazetarëve për problemet që ai trajtoi dhe për qëndrimet korente të PLL ndaj zhvillimeve më të fundit politike në vend.

Në përgjigje të një pyetjeje lidhur me raportet e acaruara midis PS dhe PD, dhe pasojat që vijnë nga angazhimi i tyre për zgjidhjen e krizës zgjedhore, nënkryetari Basha u përgjigj se "edhe kur dy elefantë zihen, por edhe kur bëjnë dashuri, kusuret i ha pylli".

Më pas zoti Basha iu përgjigj interesimit të gazetarëve lidhur me zhvillimet e fundit politike, duke filluar që nga protesta e të Burgosurve Politikë e deri tek çeshtja kombëtare. Në lidhje me protestat e ish të burgosurve politikë, ai tha se PLL mbështet maksimalisht kërkesat e tyre të drejta. Ndërsa në lidhje me Komisionin e Venecias z.Basha tha se "ai komision nuk i ka dënuar të burgosurit që të ketë të drejtë të shqyrtojë nëse u takon apo jo kompensimi". Më tej Basha tha se nuk pritet ndonjë gjë me vlerë nga ai komision ku anëtar është Luan Omari, nipi i Enverit.

Nga kjo konferencë, gazetarët morën mesazhet e qarta të PLL dhe përgjigjet për të gjitha problemet që interesojnë shoqërinë shqiptare dhe mediat si zëdhënëse të opinionit publik.

A.K.

Ja 2 variante për ndryshimin e sistemit zgjedhor

Deklaratë e PLL për mediat

PLL e vlerëson pozitivisht hapjen e debatit për përmirësimin e Kodit Zgjedhor në kuadër të Reformës së domosdoshme Zgjedhore, si dëshirë për zgjedhje të lira, si kushti vendimtar për zhbllokimin e proceseve demokratike dhe reformave që kërkohen.

Ky qëndrim i PLL është në vazhdën e kritikave të ashpra të saj, para miratimit të Kodit Zgjedhor, për të cilin ne shprehëm hapur rezervat tona në tryezat që kryesuam, ku 11 parti politike parlamentare (përjashto PD dhe PS), njësuan qëndrimet të cilat i vërtetoi koha, e që tashmë pasohen edhe nga kundërshtitë e institucioneve ndërkombëtare, politikës dhe mediave.

PLL kërkon ndryshimin e sistemit zgjedhor, duke u mbështetur në dy variante:

1. Proporcional i pastër me listë partiake kombëtare.

2. Proporcional rajonal, me listë rajonale dhe listë kombëtare nga partitë pjesëmarrëse në zgjedhje. Në këtë rast, Shqipëria të ndahet në 12 zona elektorale, sipas qarqeve.

Ne, si parti, kemi përgatitur edhe mjaft variante të tjera, të cilat do t'i bëjmë të ditura në tryezat e partive të interesuara për Reformën Zgjedhore, hap pas hapi.

PLL është edhe për ndryshimin e Komisionit Qëndror të Zgjedhjeve dhe komisioneve të niveleve të ulta, bazuar në Kartën Elektorale të Brukselit, e cila thotë: "Të gjitha partitë parlamentare kanë të drejtë të kenë anëtarë komisioni në të gjitha nivelet, për të monitoruar votat e tyre".

PLL i kërkon klasës politike që, menjëherë, të fillojë punën për zbatimin e rekomandimeve të ndërkombëtarëve për Reformën Zgjedhore, me afate kohore të përcaktuara qartë, me qëllim që të shmangim xhirot boshe dhe demagogjitë që synojnë të na humbasin kohën e vyer deri në zgjedhje - për të na vënë para faktit të kryer konform skemës së parapërgatitur.

PLL mendon se, me këto mendësi dhe ritme, zgjedhjet e ardhshme janë të rrezikuara dhe bashkë me to edhe Shqipëria. Ky është shqetësimi ynë më i madh.

Tiranë, më 8 maj 2004

Prononcim i kryetarit të PLL z.Ekrem Spahiu, në lidhje me vizitën e kryeministrit Nano në Greqi

Nano përpiqet të groposë çeshtjen çame

Në një prononcim për mediat, kryetari i PLL z.Eqerem Spahiu komentoi vizitën e kryeministrit Nano në Greqi. Ndërmjet të tjerash kryelegalisti tha se: "Vizita e kryeministrit Nano në Greqi, pritej me interes si nga pala shqiptare ashtu edhe nga pala greke për shumë probleme që lidhen edhe me të shkuarën, por edhe me aktualitetin e marrëdhënieve midis dy vendeve, Greqisë dhe Shqipërisë.

Sipas informacioneve të publikuara rezulton se, ndërmjet dy kryeministrave Nano dhe Karamanlis, ndërmjet të tjerave është diskutuar edhe çeshtja e pronave të shqiptarëve në përgjithësi, dhe në veçanti çeshtja çame. Ky fakt do të përbënte një hap pozitiv dhe ndoshta do t'ia vlente të përshëndetej nëse do të kishim hapa konkretë në këtë drejtim. Por përderisa z.Nano shprehet se "shprehëm vullnetin e përbashkët politik, për të zgjidhur të gjitha çeshtjet e mbetura pezull nga e shkuara historike", kjo dëshmon se kryeministri ynë është akoma "tek këmba e urës", ngaqë ka mbetur tek "vullneti..." që, sipas tij "do të realizohet nga komisionet e përbashkëta" ndërkohë që ky "vullnet" është institucionalizuar prej Traktatit të Miqësisë dhe Bashkëpunimit Shqipëri - Greqi, prej nga ku burojnë edhe detyrimet dypalëshe për të vepruar, e që i kanë kapërcyer me kohë fazat e "vullneteve" që na qënkërkan "shprehur" në Athinë.

PLL mendon se retorika e Nanos është një shumësi sloganesh të konsumuara, e që nuk përbëjnë kurrfarë risie, sepse, sipas Traktatit të Miqësisë Shqipëri - Greqi të nënshkruar mes palëve në mars 1996, komisionet dypalëshe duhej të ishin ngritur me kohë dhe, sot, në vitin 2004, do të kishim rezultate konkrete të këtyre komisioneve. Por kryeministri shqiptar synon të shesë si arritje "ngritjen" e komisioneve mbas 8 viteve, gjithmonë nëse do të ngrihen. Z.Nano synon ta kapërcejë këtë problem akut e që kërkon zgjidhje emergjente, me anë të retorikave demagogjike.

Por ky pseudoangazhim i kryeministrit zhvleftësohet thjesht nga logjika ligjore aktuale greke dhe praktika e njohur e marrëdhënieve dypalëshe.

PLL mendon se ky problem nuk do të zgjidhet pa u shprehur qartë politika dhe institucionet përkatëse greke për abrogimin e Ligjit të Luftës - i cili është pengesa reale për zgjidhjen e kësaj çeshtjeje madhore për shqiptarët," deklaroi Spahiu.

A.K.

Shqipëria përjeton dy realitete per integrimin

Ethem Fezollari

Deputet

Ky parlament, edhe pse në përbërjen e të cilit janë disa grupe parlamentare, përgjatë gjithë kësaj legjislature ka qenë i dominuar nga protagonizmi antagonist i dy forcave kryesore politike, PS dhe PD. Dhe po të nisesh nga opinionet që vijnë në këtë sallë kur trajtohen probleme të ndryshme të jetës politike, ekonomike dhe sociale - duket se nga 1 jemi bërë me 2 Shqipëri, me 2 kombe shqiptarësh, që jetojnë në dy realitete krejtësisht të ndryshme.

Në realitetin e parë mbizotëron ngjyra rozë. Në çdo moment duket se u thuhet shqiptarëve se janë duke jetuar në "botën e çudirave", ku çdo gjë shkon saktë si një sahat zviceran. Se jetojnë në një vend ku çdo ditë ka arritje, rezultate të larta dhe vetëm fitore në luftën kundër të këqijave që na kanë molepsur trupin dhe shpirtin. Këtij realiteti i mungon vetëm slogani i vjetër komunist "Nga fitorja në fitore".

Nga ana tjetër qëndron realiteti Gri dhe i zymtë. Një Shqipëri plot probleme. Një jetë pa perspektivë, ku shqiptarët zgjidhjen e vetme e shohin tek braktisja e vendit dhe emigrimi me rrugë të ligjshme apo të paligjshme drejt vendeve të BE, apo edhe më larg, në kërkim të normalitetit.

Duket se për shqiptarët, që e nisën ditën e tyre të parë në demokraci me thirrjen "E duam Shqipërinë si gjithë Europa", kjo dëshirë, në çdo ditë që ikën, ju bëhet më e largët dhe më e vështirë për t'u realizuar.

Për fatin e keq të të gjithëve, ky realiteti i dytë është më afër realitetit të vërtetë shqiptar. Në fillim të çdo fushate bëjmë premtime dhe marrim angazhime para elektoratit që i kërkojmë votën, premtime që fillojnë nga ato më të voglat dhe të parëndësishmet, e deri tek ato që janë jetike për fatet e tyre. Premtimi që u kemi bërë shqiptarëve për t'i integruar në BE është ndoshta më kryesori dhe më seriozi. Duke parë hapat prej gaforreje që po bën Shqipëria drejt këtij integrimi, shpesh dal në përfundimin e hidhur se: ndoshta ka politikanë që fatkeqësisht kanë në dorë ecurinë e këtij proçesi, që nuk janë të interesuar për integrimin e Shqipërisë. Sepse integrim nuk do të thotë vetëm lëvizje e lirë e qytetarëve. Në radhë të parë integrim do të thotë forcim i shtetit ligjor, forcim të doganave, strukturave të tatimeve, prishje të monopoleve, luftë kundër korrupsionit dhe trafiqeve.

Nëse heshturazi kemi pranuar se kemi politikanë të lidhur me botën e krimit, korrupsionit, politikanë që kontrollojnë trafiqe të paligjshme apo zotërojnë monopole në biznese të ndryshme e që shkojnë deri në përplasje interesash, të shprehura këto herë dukshëm dhe herë në mënyrë diplomatike edhe në rezoluta të ndryshme të organizmave europiane - atëhere logjika e thjeshtë të çon në përfundimin se janë pikërisht këta politikanë të cilëve nuk u intereson dhe e pengojnë proçesin e Integrimit.

Unë, si përfaqësues i një prej partive më të vjetra në Shqipëri, por që në mënyrë shumë të çuditshme nuk e ka mundësinë që të jetë protagoniste në jetën politike shqiptare, nuk mund të marr përsipër zhbllokimin e kësaj situate.

Ajo që unë mund të bëj është thirrja që ju bëj të gjithëve për t'u bërë më të përgjegjshëm për situatën në të cilën ndodhemi.

Historia e Shqipërisë nuk bëhet as për 2, as për 3 e as për 4 vjet, sa edhe zgjat një mandat legjislativ. Historinë për ditët tona do ta bëjnë brezat që vijnë pas nesh, dhe do të jetë një turp për të gjithë nëse ata breza shqiptarësh do të na dënojnë si politikanë që dogjëm shanset që iu afruan Shqipërisë.

Ajo që na kërkohet prej institucioneve ndërkombëtare dhe prej gjithë shqiptarëve, është të tregojmë vullnet politik prej politikanësh të ndershëm dhe qytetarë.

Le të tregojmë se jo vetëm duam që ta integrojmë Shqipërinë në Europë, por edhe se jemi të aftë që ta realizojmë atë. Le t'u tregojmë shqiptarëve se e kemi merituar votën dhe besimin që na kanë dhënë kur kanë dorëzuar në duart tona fatet e tyre. Në të kundërtën, zgjedhjet e ardhshme do të jenë shprehje e shpërfilljes qytetare, që do të manifestohet me një abstenim masiv.

Të nderuar kolegë! Jemi përpara një palë zgjedhjesh që kanë për të qenë provimi më i madh për politikën shqiptare. Rezultati i tij varet vetëm nga ne.

(Fjala e deputetit të PLL z.Et'hem Fejzollari, mbajtur në seancën plenare të datës 3 maj 2004, në interpelancën me debat me kryeministrin Nano lidhur me raportin e BE)

Absurditete të regjimit të sotëm socialist

Nga Remzi MUHJA

Ekziston teatri absurd, por ka edhe jetë apo botë absurde. Ka aktorë të mrekullueshëm të teatrit absurd, por më të mahnitshëm janë heronjtë e vërtetë të botës apo jetës absurde. Ndoshta edhe ky shkrim nuk i shpëton dozave të absurditetit, ngaqë duke jetuar në një botë absurde mund të imprenjohet nëpërmjet "induksionit".

Që në lashtësi, heroi hyjnor Herakliti, për një trill të fatit, gjithë jetën luftoi kundër përbindshave, ndërkohë që frikacaku Euriste mbretëronte dhe urdhëronte të pamposhturin Heraklit.

Grekët dhe trojanët luftuan 10 vjet me njëri-tjetrin. Me mijëra njerëz u vranë, midis tyre edhe heronj si Akili, Ajaksi, Hektori etj., ndërsa Troja rrafshohet. E përse e gjithë kjo?! Për një lavire të quajtur Helena.

Sokrati, Aristidi, Foqioni - filozofë dhe burra të shquar shteti - mezi ngopeshin me bukë. Lalia, Midia dhe Sardanapali, njerëz pa pikë vlere, kanë jetuar midis një luksi të paparë.

Ndërsa në kohët moderne, në mënyrë absurde, në udhëheqje të vendeve me kulturë si Italia e Gjermania, vihen monstra si Musolini e Hitleri, apo në Rusi një përbindësh si Stalini. Dhe këto absurditete i kushtojnë njerëzimit mbi 50 milionë viktima.

Bëhen revolucione absurde me viktima, duke luftuar në mënyrë absurde të pasurit në vend të varfërisë, për të sjellë "begatinë".

Ligjërisht dhe publikisht të gjithë e dënojnë drogën, por miliarda dollarë harxhohen dhe qindra njerëz humbin jetën çdo vit për drogën.

Harxhohen 60 milionë dollarë për një futbollist dhe miliona stërlina lule për një të vdekur, ndërsa për të ndihmuar një komb të varfër me 10 milionë dollarë, duhet të mblidhet parlamenti 10 herë.

Absurditeti i "Mrekullive" shqiptare apo "mrekullia" e absurditeteve ia kalojnë edhe realiteteve më fantastike. Mallkohen dhe masakrohen barbarisht pronarët. Ndalohet rreptësisht përdorimi i fjalëve PRONE dhe PRONAR.

Në botë ndërtoheshin metro, në Shqipëri hapen tunele për luftë.

Europa zgjidhte problemin e strehimit, Shqipëria atë të bunkerizimit.

Luftohej feja dhe zhvillohej Lufta e klasave. Dënoheshin njerëz se shanin Hrushovin, dhe të tjerë se e lëvdonin. Nuk lejohej tejkalimi i normës mbi 105 %, dhe shqiptarët bënin e bëjnë sikur punojnë - ndërsa qeveria bënte e bën sikur i paguan.

Thonë se "një vajzë të vogël e zuri gjumi dhe nuk u zgjua nga mosha 5 vjeçare e deri në njëzet". "Veprimi i parë që bëri kur u zgjua, ishte kërkimi i lodrave me të cilat luante para se ta zinte gjumi". Nëna Shqipëri "zgjohet" pas 50 vjetësh dhe nuk kujtohet të kërkojë "krahët dhe gjymtyrët" që i mungojnë. Kudo prona është e shenjtë, por në Shqipëri PRONA dhe PRONARI qenkan të mallkuara. Mbas 50 vjetësh pronarët u "zgjuan" nga "narkoza" e majtë. Pritej që e Djathta e vërtetë të shenjtërohej edhe në Shqipëri, por jo. Ndaj pronarët shqiptarë enden si hebrenjtë nëpër shkretëtirë, pa gjetur askund Drejtësi.

Kudo në botë politikën e bën shteti dhe qeveria, ndërsa populli punon, merret me biznes etj..

Në Shqipëri populli meret me politikë ndërsa qeveria merret me biznes.

Në çdo vend të botës ekziston korrupsioni, por ama kudo luftohet. Ndërsa në Shqipëri korrupsioni është "lubrifikanti" i shoqërisë dhe pranohet si i tillë haptaz.

Sipas një anekdote "një shqiptar ishte për vizitë tek një afarist francez". "Habitet nga komoditeti dhe vila e bukur, dhe e pyet se si është pasuruar (!). Francezi i tha se merrej me ndërtim urash dhe se i kish shkurtuar ato nga gjysëm metri, e kështu ishte pasuruar. Pas një viti ndërtuesi i huaj vjen në Shqipëri tek miku i tij, ku shtanget nga vila luksoze, veturat në oborr e të tjera gjëra të shtrenjta - ndaj edhe e pyeti se si ishte pasuruar kaq shpejt(!).

- Fitova tenderin për ndërtimin e një ure dhe...

- Dhe e shkurtove një metër?

- Jo. Nuk e ndërtova fare!".

Në Angli "çmenden" lopët, ndërsa në Shqipëri u çmend populli. I gjithi filloi të luajë bixhoz në Piramida. Atje qeveria harxhoi miliona stërlina për të luftuar sëmundjet dhe populli nuk humbi asgjë. Në Shqipëri qeveritarët fituan miliona dhe shqiptarët humbën miliarda.

Ndërkohë që, në botën e qytetëruar, banesat dhe institucionet sigurohen me shoqëri Sigurimi nga zjarri, tërmeti etj., ne i shkatërrojmë vetë.

Dhe "mrekullitë" e absurditeteve shqiptare janë të pashterrshme. Qeveria komuniste ndërtonte komunizmin duke rrënuar kapitalizmin! Ndërsa sot ndërtojmë kapitalizmin duke nëmur komunizmin!

"Thanas shtrëngo rrypin", titullohet një film grek. Tek ne s'ka nevojë ta bësh vetë, se ta shtrëngon qeveria 8 vrima menjëherë.

Por absurditeti shqiptar "shkëlqen" edhe nga komunistomanitë, sepse drejtohemi nga kryeministri komunist, kryeparlamentari komunist, nënkryetarja komuniste dhe nga të gjithë ish komunistët e djeshëm dhe komunistët e sotëm, që janë shtuar e pasuruar.

Heronjtë e fantastikes shqiptare s'kanë të sosur dhe kështu jo-pronari gdhihet "pronar" me pronat e të tjerëve, ndërsa pronari mbetet pa pronë dhe Mbreti pa pronë e shtëpi.

Dhe absurdi vazhdon; i majti shan të majtin, i djathti shan të djathtin dhe unë shaj shqiptarin duke qenë vetë shqiptar!!!

Zot i Madh dhe i Vërtetë, ç'është gjithë ky absurditet!

Kur do të hapet kutia e Pandorës

1500 vjet më parë, larg, larg prej këtyre trojeve, diku buzë detit ndodhej pallati i mrekullueshem i Epimetreut. Salla me kollona e shtatore të bardha mermeri, shatërvanet e mozaikët që vishnin dyshemenë, s'ishin asgjë para vështrimit plot dritë, ecjes krenare e bukurisë magjepsëse të bashkëshortes së Epimetreut, Pandorës.

Por, dalëngadalë, një tis i errët si reja mbuloi kaltërsinë e filloi të endej në vështrimin e saj. Ajo nuk po i gëzohej më magjisë së tingujve të harpës, as aromës së trëndafilave, as arit e argjendit. Vështrimi herë herë i ngulej diku, në një kënd të humbur të pallatit ku, në mes të mjaft trofeve të marra nëpër luftëra, ndodhej një kuti metalike, e mbërthyer me pafka argjendi.

Kutia dukej ogurzezë. Mbi kapakun e harkuar rëndë e trashë, ish përvijuar një kafkë, flitej me gjakun e venave të prera të dikujt. Në mëngjeset trëndafil e në muzgjet lejla, atëherë kur ndjehej e vetmuar, kur pranë nuk kishte as shërbëtorë, as të ftuar, as Epimetreun e zymtë, vështrimi i kaltër i syve të saj rrëshqiste plot kërshëri në këndin misterioz.

I shoqi ia kish ndaluar, në mënyrë kategorike, qoftë edhe ta shihte, por pikërisht ky detaj ia ndizte më shumë imagjinatën Pandorës.

Një mëngjes, i shoqi mori një letër nga prijësi i shtetit fqinj. Ai e kërkonte për një këshillë. Porsa u shua zhurma e trokut të kuajve, Pandora u dha urdhër shërbëtorëve të largoheshin.

Kur mbeti krejt vetëm, mes bardhësisë e ndriçimit verbues që derdhej ngado, e dehur nga rrezet mikluese të diellit dhe freskia e gjelbërimit, e ujërave të baseneve, e ndjekur nga cicërima zogjsh egzotikë, ajo iu drejtua me hap të sigurt kutisë fatale.

Ishte mars, pranverë e virgjër, e mrekullueshme. Por kutia çuditërisht ish rrethuar me një errësirë të kobshme, të ftohtë, me fasha drite të gjelbër në të verdhë - si vështrimi i tmerrshëm i një leopardi.

Sapo preku errësirën, Pandora u drodh e u tërhoq, por ish vetëm një moment. Kërshëria e tërhoqi përsëri përpara. Me gishtërinjtë që i dridheshin lehtë, me një buzëqeshje të pafaj, ajo hapi ngadalë kapakun e rëndë.

Përnjëherë u ul muzgu. Kthetrat e errësirës që kishin mbërthyer kutinë, u shpërbënë në të gjelbërtën fosforeshente, në një nebulozë gri e, më pas, në një gajasje të stërzmadhuar, në qarje foshnjash, vaj e ulërima.

Më pas u panë monstra të përçudnuara tek arratiseshin fushëtirave, fantazma që shpërfytyroheshin e përpiheshin nga errësira që mbuloi vendin. Pranvera vdiq në ditët e saj të para. Cicërima e dallandysheve u kthye në fërshëllima plumbash, valëzimet e detit në shkulmë të llahtarshme dhimbjeje. Njerëzit u munduan ta qetësonin duke e mbuluar me një obelisk me lule fli. Por ai shfrynte plot mllef. E keqja erdhi valë valë në Iliri. Ishte një triumf fatal e i tmerrshëm i saj.

Thonë që, Zoti, me skeptrin e Tij tërhoqi një pjesë të së keqes dhe e futi përsëri në kutinë fatale.

Por ajo përsëri shpërtheu një mars. Një mars që do të sillte diçka të re nga një pranverë prozaike, e përjetshme, ndofta lule të reja, të brishta, me atë buzëqeshjen e tyre të parë, një fllad ere që i përvidhej smogut, rilindte një ëndërr, një shpresë të vakët...

Përsëri përgjakje, përsëri fundi i arsyes.

Dikush u kujtua për kutinë e tmerrshme. Përsëri Zoti mëshirëmadh u mundua të kapte një pjesë të së keqes, por përherë e më pak kap skeptri i Tij.

Pranvera filloi të vinte e lodhur, më pas e gjymtuar. Re të vogla, të pafaj, që tërheqin rrezet e një dielli që s'ngroh. Fije bari që mugëllojnë në tokën e përzhitur.

Një ditë kutinë e gjetën të zbrazur. As shpresa s'kish ngelur. Atëherë vajtuan me lot të nxehtë. E keqja ka shekuj që endet këtu midis nesh. Thonë që Zoti u lodh duke e mbledhur.

E kur netët shtrijnë gishtërinjtë nëpër dritare, fëmijët fusin kokën nën jorgan duke dihatur rëndë nga frika, nën motivin e njohur të një përralle:

"Na ishte njëherë një kuti e tmerrshme. Ajo mbartte tërë të këqijat e rruzullit. Ajo nuk duhej të hapej. Por, një ditë, në oborrin e pallatit të Epimetreut, Pandora kureshtare e hapi dhe e keqja mbuloi gjithësinë.

Zoti e mblodhi dhe e futi në kuti përsëri, por atë përsëri e përsëri dikush e hap...

- Kush? Pyet i tmerruar fëmija...

E keqja lakohet si gjuhë flake e përplaset në mendime.

- Kush, kush e hapi kutinë e mallkuar?

Do të mblidhen përsëri të ligat në kutinë fatale? Ndofta. Atëherë ajo do hedhur në Trekëndëshin e Bermundeve, atje ku ndodhet llampa e Aladinit, në përrallë, në përhumbje, larg këtyre trojeve lagur me lot e veshur me zi.

Atëherë edhe përrallat dhe agimet do të jenë të trëndafilta.

Panvera Bardhi

Mësuese

Zhvilloi punimet aktivi i nëndegës së PLL Fushë Krujë

Nëndega e PLL Fushë Krujë drejt konsolidimit

Pasditen e datës 30 prill 2004, në kinemanë e qytetit të Fushë Krujës u mblodh aktivi i nëndegës së këtij qyteti nën drejtimin e të porsazgjedhurit si kryetar të saj, intelektualit Genc Xhavit Ziri. Në këtë takim ishin të ftuar kryetarët dhe sekretarët e 16 seksioneve të kësaj nëndege. Të pranishëm në këtë aktiv ishin edhe zotërinjtë Enver Kaloshi dhe Ahmet Duka, respektivisht kryetar dhe nënkryetar të Degës së PLL Fushë Krujë.

Në mbledhjen e mëparshme të kësaj nëndege, zhvilluar më datë 30 mars 2004, në të cilën ish kryetarit të Degës z.Qazim Krasniqi iu pranua edhe dorëheqja si kryetar nëndege dhe në vend të tij u zgjodh me vota unanime zoti Genc Ziri. Në atë mbledhje, kryetari i Degës, i rizgjedhuri zoti Enver Kaloshi, i kish njohur pjesëmarrësit edhe me vendimet që kish marrë Komiteti Drejtues në mbledhjen e tij të radhës, dhe pikërisht

1. Zgjedhjen e Komitetit Drejtues dhe kryesisë së PLL të nëndegës Fushë Krujë.

2. Detyrat konkrete dhënë anëtarëve të Komitetit Drejtues të Degës dhe kontributi që secili prej tyre duhet të japë në këtë nëndegë.

3. Aktivizimi i të rinjve legalistë dhe riorganizimi i Forumit rinor, me synimin për të angazhuar sidomos të rinjtë e shkollave të mesme dhe ata që e kanë mbaruar arsimin e mesëm.

4. Rievidentimi i anëtarësisë së PLL, seksion për seksion, dhe pajisja me tesera të partisë.

5. Krijimi i Forumit të Gruas në këtë nëndegë.

6. Shpërndarja e materialeve propagandistike të partisë. Shpërndarja e gazetës "Atdheu", në format sa më efikase dhe kryesisht në formë abonimi.

7. Ngritja e komisionit të financave, të kryesuar nga zoti Ziri.

Kryetari i nëndegës zoti Ziri, në rendin e ditës të kësaj mbledhjeje i kishte përfshirë të gjitha këto pika, që ishin edhe vendim i mbledhjes së Komitetit Drejtues të Degës.

Aktivi i kësaj nëndege zgjodhi gjithashtu edhe kryesinë e Komitetin Drejtues të saj.

Nga ky aktiv u zgjodhën edhe dy nënkryetarë, dhe pikërisht zotërinjtë Ismail Kica e Xhavit Gjini.

Sekretar i kësaj nëndege u zgjodh një pinjoll i familjes së madhe të Ndregjonëve, familje e lidhur pazgjidhshmërisht me Familjen Mbretërore, zoti Shefki Ndregjoni.

Të tre zotërinjtë e porsazgjedhur falenderuan përzemërsisht pjesëmarrësit për besimin që ata u dhanë, dhe u zotuan se do të punojnë "me përkushtim për t'i rikthyer rezultatet dhe vlerat" kësaj nëndege.

Në këtë mbledhje u ndanë detyra të vecanta për të gjithë kryetarët dhe sekretarët e seksioneve, për kryesinë e re dhe anëtarët e Komitetit Drejtues të Degës së PLL Krujë, që janë me banim në këtë qytet.

Kjo u bë duke caktuar edhe afate kohore për realizimin e tyre. Kështu u vendos që, brenda muajit maj, të mblidhet Forumi rinor i kësaj nëndege, i kryesuar nga zoti Arben Selmani, për të riorganizuar këtë forum partner të Degës së PLL dhe shkollë e rritjes së drejtuesve të ardhshëm të partisë.

Sekretari i Degës zoti Ahmet Duka, profesor i letërsisë në gjimnazin e qytetit Fushë Krujë, mori përsipër të japë ndihmesën e tij për riorganizimin e këtij forumi.

Nga data 30 prill e deri më 30 korrik 2004, u vendos që të pajisen të gjithë anëtarët e PLL të kësaj nëndege me tesera partie, dhe kjo nën patronazhin e zotit Enver Kaloshi.

Përgjegjës për financat dhe shpërndarjen e gazetës "Atdheu" u caktua zoti Genc Ziri.

Në fjalën e tij, nënkryetari i Senatit të PLL Dega Krujë zoti Ramazan Hasani, ndër të tjera tha: "Nëndega e PLL Fushë Krujë, me kryetarin e ri zotin Genc Ziri, ka gjetur vehten. Ai është një djalë i shkolluar dhe rrjedh nga një familje shumë e nderuar e me reputacion në këtë zonë".

Mes të tjerave, kryetari i seksionit të lagjes Nr. 3, zoti Sami Hysa, tha se "... do të përpiqemi bashkërisht që të ndryshojmë gjithçka".

Zoti Qamil Kullaj u zotua se, brenda muajve shtator-tetor, do të anëtarësojë edhe 10 anëtarë të rinj në fshatin Halil.

Pastaj fjalën e mori sekretari i Degës zoti Ahmet Duka, i cili përgëzoi kryetarin e ri për angazhimin e tij për t'i dalë punës në ballë dhe për seriozitetin me të cilin e ka marrë kryerjen e kësaj detyre fisnike. Duke u rikujtuar drejtuesve të rinj se puna fillon tek seksioni dhe se ai është në pritje të dokumentacionit që ata do të sjellin në Degë, zoti Duka tha se "zgjedhjet parlamentare janë në prag" dhe se "që tani duhet punuar për të gjetur elementët e duhur, që do të ruajë votat e PLL", dhe se "ata duhet të jenë legalistë të cilët nuk duhet të thyhen as nga kërcënimet dhe as nga joshjet".

Kryetari i Degës, zoti Kaloshi, i cili e mori fjalën në fund të këtij takimi, ndër të tjera theksoi: "Do të flas nga dy pozicione:

Sëpari si anëtar i PLL të nëndegës Fushë Krujë dhe, sëdyti, si kryetar i Degës së PLL Krujë". "Jam shumë optimist se kjo nëndegë do të rikthehet në vlerat e kaluara, e që dikur i ka manifestuar me sukses. Kam shumë besim tek kryesia e re e porsazgjedhur, e që do të drejtohet nga zoti Genc Ziri. Kam bindjen se rezultatet e pritshme të kësaj nëndege do të jenë dinjitoze dhe ju siguroj se, në emrin tuaj, do t'i përcjell partisë në qendër angazhimet që ju muarët, angazhime të cilat e gjejnë frymëzimin tek bindjet dhe prejardhja juaj fisnike".

Më pas zoti Kaloshi u foli të pranishmëve për programin e PLL dhe statutin e saj.

Ai foli gjithashtu edhe për punën e madhe që bën grupi parlamentar dhe qëndrimet konform programit, idealeve dhe interesave të PLL dhe elektoratit të saj e atij të djathtë, sikundër janë mbështetja për Çeshtjen kombëtare në përgjithësi, për Çeshtjen Çame në vecanti dhe në favor të kërkesave të drejta të Ish të Përndjekurve Politikë dhe Pronarëve të ligjshëm".

Ky aktiv shënoi një sukses të veçantë në planin organizativ, pasi konsolidoi strukturat drejtuese të kësaj nëndege, që është një ndër më të rëndësishmet në Degën e PLL Krujë. Gjithashtu ai promovoi në krye të nëndegës së PLL Fushë Krujë një intelektual e reputacion dhe të ardhme të sigurtë politike, zotin Genc Ziri.

Korresp. i "Atdheu"

Jetëshkrim i zotit Genc Ziri

Genc Ziri lindi në Fushë Krujë më 30 nëntor 1974, në një familje të shquar nacionaliste e autoktone të Fushë Krujës.

Për shkak të bindjeve politike, kontributeve patriotike dhe origjinës së djathtë, gjatë viteve të diktaturës familja e tij u cilësua "familje kulaku" dhe "armike e pushtetit popullor", etiketime dhe diferencime klasore këto që rënduan kryesisht mbi gjyshin e Gencit, nacionalistin Deli Ziri dhe djalin e tij (babain e Gencit), z.Xhaviti Ziri, i cili u privua nga e drejta për të kryer arsimin e lartë. Pas vendosjes së Pluralizmit, djali i Xhavitit, Genc Ziri, u diplomua në Akademinë e Arteve të Bukura në Tiranë me rezultate të shkëlqyera.

Genc Ziri është i martuar, me dy fëmijë, dhe gëzon reputacion të padiskutueshëm në qytetin e Fushë Krujës. Ai bashkëjeton me prindërit, të cilëve u shpërbleu ëndërrat për arsimim dhe mundin që derdhën për edukimin e tij politiko-atdhetar, gjithmonë në rrugën për përmbushjen e amaneteve të të parëve dhe idealeve dhe kontributeve monarkiste e legaliste.

Komiteti Drejtues i Degës së PLL Tiranë, zhvilloi analizën e veprimtarisë dymujore, pas konferencës

Dega e PLL Tiranë përcakton objektivat e rritjes

Paraditen e së shtunës, më datë 1 maj 2004, u mblodh Komiteti Drejtues i Degës së PLL të kryeqytetit, në një mbledhje të rëndësishme pune, nën drejtimin e kryetarit të saj dhe njëkohësisht sekretar i PLL për Burimet Njerëzore, z.Blerim Kamberi.

Në këtë mbledhje, si përfaqësues i kryesisë së PLL mori pjesë edhe sekretari i Senatit të Veteranëve, z.Seit Preni.

Në fillim të takimit, anëtarët e Komitetit Drejtues u njohën me rendin e ditës, i cili ishte i ngjeshur dhe tejet i rëndësishëm për nga tematika.

Pas miratimit të rendit të ditës u kalua në pikën e parë të tij, që ish raporti i përgatitur enkas nga z.Kamberi lidhur me aktivitetin politik dhe organizativ dy mujor të Degës. Me ide të qarta dhe frymë konceptuale plot risi, z.Kamberi shtjelloi disa nga arritjet e Degës dhe objektivat e rëndësishëm që qëndronin para saj për ndryshime radikale në stilin dhe metodën e punës, si dhe në përmirësimin e cilësisë së saj. Për sa më sipër, z.Kamberi i bëri me dije anëtarët e Komitetit Drejtues se kish hartuar një rregullore të brendshme të re të kësaj Dege, rregullore që, sipas tij, "synon të normojë dhe disiplinojë në planin organizativ të gjithë veprimtarinë e saj politike, programore dhe statutore".

Pasi u njohën me raportin e z.Kamberi, anëtarët e Komitetit Drejtues e miratuan atë dhe njëkohësisht bënë pyetje e diskutime me vlerë, të cilat i evidentuan më mirë problemet dhe arritjet. Pastaj mbledhja procedoi me shqyrtimin dhe diskutimin e draftit të rregullores së re të brendshme të Degës së PLL Tiranë, e cila u punua me seriozitet në të gjitha pikat e saj dhe, pas disa përmirësimeve cilësisore, u miratua njëzëri nga anëtarët e Komitetit Drejtues.

Gjithashtu mbledhja procedoi edhe me shqyrtimin dhe miratimin e "udhëzimeve organizative", të cilat u paraqitën nga z.Kamberi si "domosdoshmëri e arritjes së objektivave më të larta organizative të Degës, në funksion të përgatitjes së strukturave për zgjedhjet e reja parlamentare dhe konsolidimin e tyre konform stadit cilësor e kërkesave në rritje të partisë për rezultate dhe mbështetje më të zgjeruar elektorale".

Ranë në sy diskutimet tejet cilësore të intelektualëve të njohur si z.Luan Kaceli, z.Faruk Borova, z.Xhemal Disha etj., të cilët e pasuruan platformën e punës së Degës, kërkuan e detajuan objektiva realë për konsolidimin e strukturave dhe lidhjeve të Komitetit Drejtues me bazën.

Mbledhja parashtroi detyra konkrete për anëtarët e Komitetit Drejtues dhe afate kohorë, të cilat u miratuan njëzëri.

Në këtë mbledhje e mori fjalën edhe sekretari i Senatit, z.Seit Preni, i cili qartësoi me ndërhyrjet e tij të pjekura edhe disa raporte e trajtesa të karakterit statutor, të cilat u trupëzuan në rregulloren e re të Degës.

Më pas z.Kamberi u komunikoi anëtarëve të Komitetit Drejtues edhe vendimin e kryesisë së partisë për miratimin e kandidaturës së z.Xhemal Disha për postin e sekretarit të ri të Degës, pas shqyrtimit prej saj të 4 kandidaturave të propozuara nga Komiteti Drejtues.

Komiteti Drejtues e aprovoi me kënaqësi vendimin e kryesisë së partisë për emërimin e z.Disha në postin e sekretarit të Degës së PLL Tiranë, duke vlerësuar me këtë rast edhe njëherë punën, përvojën dhe kontributet e tij politike e organizative.

Më pas mbledhja vazhdoi me diskutime për probleme të ndryshme, të cilat u shtjelluan me frymë të lartë përgjegjësie dhe angazhimi nga të gjithë anëtarët.

Në fund të këtij takimi pune u vendos që mbledhjet pasardhëse të zhvillohen çdo muaj, në të shtunat e fundit, ku do të raportohet për zbatimin e detyrave konkrete nga çdo anëtar i Komitetit Drejtues e do të zhvillohen analiza serioze që i shërbejnë forcimit të punës së partisë në Degën më të madhe dhe më të rëndësishme të vendit.

A.Kola

Apel i nipit të Mbretit Zog, për bashkëkombasit që votojnë në vendet e BE

Skënder Zogu, apel për pranimin e Turqisë në BE

Në një thirrje drejtuar të gjithë shqiptarëve me të drejtë vote që jetojnë në vendet e BE-së, z.Skënder Zogu, nipi i Mbretit Zog, kërkon që ata në votimet e ardhshme për Parlamentin Europian, të bashkangjisin në votat e tyre, edhe një thirrje për pranimin e shtetit të Turqisë në Bashkimin Europian.

Kjo thirrje është publikuar në internet dhe gjithashtu u është shpërndarë komuniteteve të ndryshme të shqiptarëve në BE.

Apeli i z.Skënder Zogu titullohet "Në mbështetje të kandidaturës së Turqisë"; ku ai shprehet se: "U bëj thirrje të gjithë bashkëpatriotëve të mi, votues në Bashkimin Europian, të mbështesin kandidaturën e Turqisë, duke vendosur, bashkë me fletëvotimin e tyre, më 13 qershorin që vjen, kërkesën e mëposhtme: - Po Turqisë!"

Informacione më të hollësishme rreth kësaj iniciative të z.Skënder Zogu (djali i vëllait të Mbretit Zog) mund të gjeni në web-site-in e Institutit të Studimeve Shqiptare të drejtuar nga miku i shqiptarëve, z.Patrice Najbor në adresën: http://www.french-market.com/albania, të cilin mund ta kontaktoni gjithashtu edhe përmes adresës së tij të postës elektronike: albania.institute@online.fr.

Kjo është një iniciativë e re e z.Skënder Zogu, dhe synon të sensibilizojë opinionin europian të pranojë shtetin turk në BE, pasi siç dihet, Turqia ka qenë gjithmonë një aleate bensnike e Perëndimit dhe politika e saj ka qenë totalisht perëndimore, gjë që është vërtetuar gjatë 50 viteve të "Luftës së Ftohtë".

Teksti i Apelit ne dy gjuhe frengjisht dhe shqip

ELECTIONS EUROPEENNES

APPEL DE SKENDER ZOGU

EN FAVEUR DE LA CANDIDATURE DE LA TURQUIE

J'appelle tous nos compatriotes électeurs de l'Union Européenne, a soutenir la candidature de la Turquie, en mettant, a la place de leur bulletin de vote, le 13 juin prochain, la demande :

Oui a la Turquie

Imprimez et découpez le bulletin de vote ci-dessous

Service de Presse de la Maison Royale d'Albanie

Contact - Bureau de Paris : Patrice Najbor

albania.institute@online.fr

http://www.french-market.com/albania

Zgjedhjet Europiane

Appel i Skender Zogut

Në mbështetje të kandidaturës së Turqisë

U bëj thirrje të gjithë bashkëpatriotëve të mi, votues në Bashkimin Europian, të mbështesin kandidaturën e Turqisë, duke vendosur, bashkë me fletëvotimin e tyre, më 13 qershorin që vjen, kërkesën e mëposhtme

Po Turqisë

Shtypeni dhe griseni fletëvotimin tuaj siç ndodhet këtu poshtë

"Gjenerata e re shqiptare" apelon tek institucionet ndërkombëtare me anë të një peticioni ku dënohet dhuna e autoriteteve greke mbi emigrantët shqiptarë

Diaspora denoncon dhunën greke

Nga Beqir SINA, Nju Jork (SHBA)

Në kuadër të veprimtarive që kanë për qëllim zgjimin e ndërgjegjes kombëtare dhe kontributin për të ndryshuar fatin e Shqipërisë dhe shqiptarëve në Ballkan "Gjenerata e Re Shqiptare" ka marrë përsipër nismën e përpilimit dhe parashtrimit të një peticioni ku dënohen vrasjet, dhuna dhe keqtrajtimet e panumërta të emigrantëve shqiptarë në Greqi, ose në kufirin shtetëror ndërmjet Shqipërisë dhe Greqisë.

Për sa më sipër, nënkryetarja e Degës Qëndrore të kësaj Organzate për shtetet Nju Jork, Nju Xhersi dhe Konnektikat, zj. Alma Uldedaj u shpreh se "Ky denoncim i institucionalizuar shënoi një sukses të vërtetë. Kemi gjetur përkrahjen e të gjithë shqiptarëve, në diasporë dhe në Shqipëri, të cilët na kanë përgëzuar për këtë iniciativë". "Në emër të Trupit Drejtues të 'Gjeneratës së Re Shqiptare', dua të falenderoj të gjithë nënshkruesit e peticionit dhe t'i siguroj se 'Gjenerata e Re Shqiptare' do të vazhdojë punën e nisur në drejtim të angazhimeve tona programore e atdhetare. Kohët e fundit kemi marrë kërkesa nga shumë shqiptarë, të cilët kërkojnë përpilimin e një peticioni edhe për Çeshtjen Çame. Jemi të gjithë të vetëdijshëm për rëndësinë e kësaj Çeshtjeje madhore, e cila kushtëzon dhe do të kushtëzojë marrëdhëniet ndërmjet dy popujve fqinjë - deri në zgjidhjen përfundimtare konform kartave ndërkombëtare".

***

Nënshkrimi i peticionit nga më shumë se 1200 shqiptarë në vende të ndryshme të botës, është dëshmi e forcës dhe vitalitetit të "Gjeneratës së Re Shqiptare".

Nga burime zyrtare pranë kësaj organizate mësohet se tashmë "Gjenerata e Re Shqiptare" është përfshirë në një bashkëbisedim të gjerë me shumë shqiptarë në diasporë dhe Shqipëri, si dhe në trojet e tjera ku jetojnë shqiptarë. Shumë nënshkrues të peticionit kanë dhënë edhe mendimet e tyre për ndihmesën që mund të japin për rritjen e rolit të "Gjeneratës së Re" në Shqipëri dhe për Çeshtjen kombëtare shqiptare në përgjithësi.

***

Bashkatdhetari Tahir Veliu me banim në Kanada, shprehet gjatë nënshkrimit të peticionit se "Qeveria greke duhet të mësohet që menjëherë të ndalojë fushatën e vrasjeve dhe torturave kundër shqiptarëve, për të mënjanuar një konflikt të mundshëm ndërmjet popullit shqiptar dhe atij grek."

Devis Agaraj, student shqiptar në Britaninë e Madhe shprehet se "Studioj që t'i kontribuoj Atdheut për krijimin e një shtrese të vërtetë të shkolluar në Perëndim, duke ndihmuar në zhvillimin e traditave të vjetra dhe të një Shqipërie ashtu siç i ka hije". Ai shprehet gjithashtu se ka "kënaqësinë që të ndihmojë në këto projekte të rëndësishme."

Kushtrim Gashi ështe një nga nënshkruesit e peticionit dhe që me këtë rast shprehet se "e përkrah këtë iniciativë për të drejtat e shqiptarëve". Ai shton se "pakica greke në Shqipëri i ka të gjitha të drejtat dhe liritë si të gjithë shtetasit e tjerë".

Greqia, megjithëse është vend i Bashkimit Europian, ka treguar ksenofobi të pashpjegueshme ndaj emigrantëve shqiptarë duke mos u njohur atyre asnjë të drejtë ekonomike, politike dhe shoqërore.

Nënshkrimi i peticionit vijon protestën paqësore të organizuar nga "Gjenerata e Re Shqiptare" me datë 24 janar 2004 para Selisë së Kombeve të Bashkuara. Ky aktivitet u mbështet nga të gjitha organizatat dhe shqiptarët e diasporës. Qëllimi i kësaj proteste ishte dënimi i dhunës greke mbi shqiptarët, duke marrë shkas sidomos nga vrasja e të ndjerit Vullnet Bytyçi nga policia greke.

Edhe Dr. Saimir Lolja, drejtues i "Gjeneratës së Re Shqiptare" në Toronto, u shpreh "se ka ardhur koha që shqiptarët të mos presin që të tjeret të bëjnë mrekullira". "Nga njëra anë autoritetet greke keqtrajtojnë mizorisht dhe përdhosin dinjitetin e tyre, ndërsa nga ana tjeter qeveria e Tiranës nuk bën asnjë hap për të dënuar këtë dhunë. Fakt për këtë është edhe turpi i radhës i Kuvendit Popullor, i cili i ndodhur përballë ndërhyrjes greke nuk miratoi rezolutën mbi Çeshtjen Çame, ndërkohë që OKB ka miratuar një rezolutë si UNPOGA4/1995/12, e cila e obligon Greqinë, si vend i Bashkimit Europian, që të jetë e hapur dhe të punojë për zbatimin e të gjitha detyrimeve që kanë të bëjnë me Mbrojtjen e të Drejtave dhe Lirive Themelore të Njeriut".

Koordinatorja e Përgjithshme e "Gjeneratës së Re Shqiptare", Keti Spahiu, u shpreh "se Greqia nuk mund të kërkojë zbatimin e një standarti të dyfishtë. Nga njëra anë Greqia më të drejtë kërkon që të drejtat e minoritarëve greke - rreth 30 mijë në Shqipëri - të respektohen nga pala shqiptare, ndërsa nga ana tjetër shkel me bindje të drejtat e emigrantëve shqiptarë në Greqi duke mos u dhënë atyre të drejtën e organizimit shoqëror dhe politik". "Me këtë qëndrim Greqia shkel edhe detyrimet e saj ndërkombëtare, që rrjedhin nga qënia e saj anëtare e Kombeve te Bashkuara, Bashkimit Europian dhe Këshillit të Europës".

Ky Peticion do t'i dërgohet Sekretarit të Përgjithshëm të Kombeve të Bashkuara, Qeverisë Amerikane (Presidentit të SHBA-ve Xhorxh Bush, Sekretarit të Shtetit Kolin Pauell), Komisionit të Marrëdhënieve me Jashtë të Kongresit Amerikan, senatorëve të Shtetit të Nju Jorkut Hillary Clinton dhe Charles Schummer, Human Rights Ëatch, Helsinki Organization, Grupit të Krizave Ndërkombëtare (International Crisis Group), Amnesty International, Komisionit dhe Parlamentit të Bashkimit Europian, Qeverisë dhe Parlamentit Shqiptar, Qeverisë dhe Parlamentit Grek.

HISTORIA

Vlerësimet e të huajve për historinë e kombit shqiptar

Shqiptarët, lashtësia e tyre dhe historia

Nga Zenel Musollari

Për këtë temë albanologët e huaj kanë shkruar libra të tërë dhe në epilog të hulumtimeve të tyre theksojmë se del e pakundërshtueshme vazhdimësia pellazgo-iliro-shqiptare. Që nga lashtësia, Herodoti, Thuqididi etj., kanë provuar të njejtën gjë që provuan Robert d'Anxheli, Xhuzepe Katapano, Hans Krahne, Milan Shuflai, Ljubomir Maksimoviç etj..

Sipas Robert d'Anxheli, shqiptarët e sotëm janë një popull i vogël europian, por që në lashtësi kanë qenë ndër më të mëdhenjtë e boës, dhe një nga burimet e krijimit të të gjithë popujve të Europës dhe pjesërisht të kontinentit të Azisë dhe Veriut të Afrikës. Në lashtësi hapësira gjeografike e fiseve pellazgjike, paraardhës të racës sonë - është shtrirë nga Spanja në Perëndim e deri në Indi në Lindje.

Me dokumente dhe fakte të pakundërshtueshme albanologët, historianët e arkeologët, parathonë lëvizjet e fiseve dhe mbretërive të ndryshme pellazgjike në të tre kontinentet, çka vërtetohet me zbulimet arkeologjike dhe emërtimet e lashta të vendeve të ndryshme të Europës, si "Skandinavi" (s'ka ndi më tutje vijë, kufi); emërtimi "Balltik" (vend balte); emërtimi "Marsejë" (me marr e sjell - ngaqë banorët pellazgë të Francës jugore kishin të zhvilluar flotën detare).

Në një nga konkluzionet e tij, Robert d'Anxheli thekson: "... ne përpiqemi t'i kthejmë popullit shqiptar atë që u përkiste pellazgëve nën emrin e thrakasve, tireneasve, frigidëve, grekëve, etruskëve, romanëve, bizantëve etj., dhe që serbët e grekët kanë arritur ta përvetësojnë abuzivisht nëpërmjet një propagande tendencioze duke shtrembëruar të vërtetën historike në favor të vet". "Shqiptarët ende nuk kanë mbaruar së luajturi të gjitha kartat e tyre...". Më tej d'Anxheli shton: "Shqiptarët gjenden në një pikë vendimtare të jetës së tyre si një popull që i përket një race fort të dalluar, së cilës ata kanë nderin t'i kenë dhënë emrin e tyre - sepse 'pellazgos' do të thotë 'i lindur i bardhë', pra 'i lindur shqiptar'".

Xhuzepe Katapano thotë se "... edhe egjiptasit rrjedhin nga pellazgët dhe ilirët e Atlantidës, që është mbytur 11.500 vjet më parë. Këto fise (shqiptarët), kanë shtegtuar deri në Indi ku u përzien me racat negroide e mongoloide, nga ku, kohë pas kohe, rezultuan indianët e sotëm, një pjesë e madhe e të cilëve edhe sot flasin një gjuhë që bazohet kryesisht në pellazgjishte. Kështu ata kanë shtegtuar edhe në Afrikën e Veriut, kurse në zonën e Kaukazit ka shtegtuar fisi pellazg i Ariasit".

Për vazhdimësinë pellazgo-iliro-shqiptare flitet edhe në enciklopedinë italiane "Treciani", faqe 384, si dhe në enciklopedinë greke vëllimi 19, faqe 873, ku shkruhet: "... pra stërgjyshërit e shqiptarëve të sotëm, pellazgët, kanë jetuar që në kohët parahistorike në pjesën më të madhe të botës që njihej asokohe, duke zhvilluar një qytetërim shumë të rëndësishëm dhe duke ndërtuar vepra me një vlerë të jashtëzakonshme".

Sot në Europë pasardhës direkt nga ilirët janë fiset "Carnou"dhe "Videnkens" në Belgjikë, fisi "Lochner" në Vjenë, fisi "Gaçe" në Paris, fisi "Njesmijorski" në Rusi, fisi "Parche" në Angli dhe fisi i "Toskanëve" në Itali.

Për rëndësinë e gjuhës shqipe, arvanitasi Niko Stillu thotë se "gjuha shqipe është çelësi i të gjitha gjuhëve".

***

Mbasi u konturua Europa, me kombe e kufinj, para 1500 vjetëve hapësira gjeografike shqiptare arrinte në mbi 400 mijë km katrore. Në vitin 1878 shqiptarëve u mbetën 95 mijë km katrorë, për të përfunduar në 28 mijë në vitin 1913.

Fillimi i tkurrjes masive të trojeve shqiptare daton nga gjysma e dytë e shekullit VII-të, me fillimin e dyndjeve të fiseve ruse "jamate"; "manse" dhe "hante" nga brigjet e lumit Pripjet të Bjellorusisë dhe zonat e pasUraleve. Këto ishin fise të egra. Të vetmet mjete të kulturës së tyre të punës dhe veshjes, ishin mbulojat me lëkurë bagëtie, cfurqet e drurit, sopatat e bronxit dhe vargonjtë e bakrit, që gratë e tyre i përdornin kur dilnin jashtë fisit apo vendbanimit.

Fillimisht, këta barbarë u dyndën në Europë, kryesisht në atë qëndrore, ku dështuan në zaptimin e tokave për shkak të rezistencës së banorëve autoktonë. Kështu ata iu drejtuan tokave ilire nga Danubi e në drejtim Jugor. Deri në vitin 1817, serbët kanë qenë të përqëndruar në Pashallëkun e Beogradit (shih hartën shoqëruese). Dhe, me kalimin e kohës, deri në vitin 1913, serbët shpesh arritën të pushtojnë tokat tona, madje duke arritur deri në kufi me Greqinë. Serbëve, që pretendojnë se Kosova është "djepi i Serbisë", e që mohojnë vazhdimësinë pellazgo-iliro-shqiptare, u duhet kujtuar që të lexojnë historianin serb Ljubomir Maksimoviç që thotë: "serbët shfaqen në Ballkan në shekullin e VII dhe janë vendosur në zona që banoheshin prej lashtësie nga një popull i vjetër". "Në epokën më të vjetër ky popull quhej 'dardanët'.

Studiuesi Gilet Tinder thotë: "Në njëfarë kuptimi tradita është më e mençur se çdo individ, që duhet kuptuar se edhe serbët e kulturuar të ditëve tona nuk ndryshojnë shumë nga paraaardhësit për nga konstitucioni shpirtëror".

Historiani anglez Temperel, shkruan: "Serbët shkatërruan monumentet e mrekullueshme të qytetërimit iliro-romak, që ishin krijesa gjeniale të perandorëve Justinian dhe Dioklecian".

Historiani dhe prifti Burkal, në një letër që i drejtonte mbretit të Francës, Filip dë Valua, thotë: "Serbët janë një fis i prishur e i keq, një pjellë tmerrësisht e pandreqshme. Ata nuk duan të dijnë fare për Zotin dhe, kishën, nuk e dëgjojnë aspak. Ata vrasin miqtë e prindërit e tyre, nuk kursejnë as fëmijët e barkut të vet, por i vrasin. Ata shkatërrojnë e prishin pasurinë e vet, janë si derrkucët që zhgërryhen nëpër baltëra dhe janë të pushtuar nga mendësia se papastërtia është vlerë e njeriut të vërtetë".

Pushtimi i tokave tona nga serbët, kur dhe si.

Harta e paraqitur është origjinale dhe e përgatitur nga Akademia e Shkencave Ruse, për mësim në shkollat e mesme. Me vijë të trashë dhe të zezë paraqitet Pashallëku i Beogradit deri në vitin 1817. Vetë hartën rusët e emërtojnë "rritja territoriale e Serbisë nga viti 1817 deri në 1913". Nga viti 1817 e deri në vitin 1833, gjithmonë sipas hartës, serbët kanë pushtuar tokat shqiptare në brezin me vija vertikale, pra deri sipër qytetit të Nishit dhe Pazarit të Ri.

Nga viti 1833 e deri në vitin 1878, ata kanë pushtuar tokat tona që në hartë paraqiten me vija paralele, nga lart-majtas drejt poshtë-djathtas, dhe nga viti 1878 e deri në vitin 1913, ata kanë pushtuar tokat drejt Jugut, deri pak poshtë qytetit të Manastirit. Gjithsej, afro 67 mijë km katrorë na janë grabitur me forcë pas Vendimeve të Kongresit të Berlinit.

Sipas hartës, vetë rusët pranojnë se tokat tona janë pushtuar nga sërbët në periudhën 1817-1913, me ndihmën dhe përkrahjen politike, diplomatike e ushtarake të tyre.

Ish-kryeministri serb Nikolla Pashiq, ka shkruar: "Europa na futi si pykë Shqipërinë, mes Greqisë e Serbisë. Brezave që do të vijnë u del për detyrë që ta destabilizojnë Shqipërinë ekonomikisht, politikisht dhe ushtarakisht, në mënyrë të vazhdueshme, me qëllim që, në një të ardhme oportune, ta kemi më të lehtë për ta gllabëruar".

Disa vlerësime të të huajve për shqiptarët:

Karl Erikson, politikan dhe studiues amerikan thotë "Dijeni se ky Komb është si një zambak i bukur, i rrethuar prej ferrash që nuk e lënë të lëshojë erën e tij të ëmbël. Le të vrapojmë e të çrrënjosim ferrat që janë mbi kurriz të tij, dhe atëherë bota e qytetëruar do të shohë sesa i mirë është ky zambak".

Hans Krahne, profesor gjerman, thotë: "Shqiptarët janë një popull zotërinjsh 'Herrenvolk'".

Stefan Shvarc, Drejtor i Institutit për Ballkanin, më 18 prill 1998 deklaroi: "... ne do t'i ndihmojmë shqiptarët sepse tremijë vjet më parë, kur parardhësit tanë vareshin nëpër pemë, ilirët kishin kulturën e tyre të zhvilluar".

Karl Erikson, studiues, shkruan: "Nuk ka popull me shpirt më të mirë dhe më të sjellshëm në Europë sesa shqiptarët. Ata vijnë si element fuqie, burrërie dhe kurajoje. Mblidhen me më të madhen besnikëri dhe japin edhe jetën për fjalën e dhënë".

___________________________

2 Maj 2004, Nr.17(587)
___________________________

Asambleja e Këshillit të Europës miraton një rezolutë mjaft kritike për qeverinë shqiptare

Asambleja e KE dërrmon qeverinë Nano

Anëtarët e asamblesë së KE miratojnë në mënyrë unanime një amendament, në të cilin parashikohet përjashtimi i Shqipërisë nga kjo organizatë, nëse nuk bën zgjedhje të lira dhe të ndershme

Editorial

Nano "lebrozi" dhe Shqipëria-karantinë

Nga Astrit Kola

Asambleja Parlamentare e KE, me tekstin e Rezolutës që miratoi në Vjenë dhe me kërcënimin për "përjashtim të Shqipëisë...", shpalli zyrtarisht "karantenizimin" e këtij vendi dhe identifikoi si "lebroz" kryeministrin Nano.

Simptomatika morboze e të "sëmurit" Nano dhe hipervirulenca që ai mbart, e që për evropianët është e qartë, diktoi kërcënimet më flagrante për izolimin e vendit duke na rikthyer në kohët e Hoxhës - tash jo më në vetizolim, por në karantinë të detyruar.

Vënia si kusht e "zgjedhjeve të lira në të ardhmen e afërt", ishte shuplaka më e rëndë, dhe poshtërimi zyrtar i zgjedhjeve paraardhëse të organizuara nga socialistët, që nga i mallkuari vit-bingo i tyre, '97-ta.

Kjo "rrufe" në qiell të pastër, i dogji Nanos në duar "çertifikatat" e qelbura që i trumbetonte me të madhe dhe i valëviste si flamuj të rreckosur.

Turravrapi i teveqelëve të maxhorancës për të shpërndarë barrën e akuzave për zgjedhjet e damkosura së fundmi në Vjenën-kështjellë të monitoruesve evropianë - e për t'ia kaluar mbi shpatulla opozitës së viktimizuar nga votëvjedhjet pafund, është marrëzia më e padëgjuar. Është dëshmi e zjarrmisë së hiperinfeksionit të lebrozëve që u bënë shkaktarë për të na futur në "karantinë".

Në mesjetë, Evropa u vinte lebrozëve thesin në kokë. U varte këmborët në qafë dhe lajmëronte njerëzinë që të ikte me vrap larg tyre, ndërsa dykëmbëshat nën thes i ndiqte me qen duke i përzënë drejt pyjesh - pasi u kish djegur leckat, shtëpitë dhe kufomat që ua përvëlonte në gropa gëlqereje.

Tashmë "lebrozi" Nano endet me "këmborë në qafë dhe thes në kokë, duke lemeritur dynjanë.

Lukashenko është ku e ku më i shëndoshë se Nano, dhe me të nuk merret askush, ngaqë ka zgjedhur rrugët e Lindjes aziatike, ndërkohë që ky i yni, i ndërkryer, i turret Evropës me Çarter-a.

Rezoluta e Asamblesë Parlamentare të KE përkthehet qartë: Shqiptarë, izoloni "lebrozin" Nano, "varini këmborët e digjini leckat", nëse nuk doni t'ju izolojmë të gjithëve, e më pas t'ju "përvëlojmë" për të shpëtuar Evropën!

Dhe shqiptarët duhet të zgjedhin sa më parë alternativën: Karantinë "lebrozëve" të këtij vendi dhe jo karantinë Shqipërisë.

KRYESORE

PLL shpreh shqëtësimet e saj për zhvillimet politike në vend

Spahiu, një javë takimesh diplomatike

Kryetari i Partisë Lëvizja e Legalitetit z.Spahiu ka patur gjatë gjithë kësaj jave që shkoi takime intensive diplomatike më ambasadorë të rëndësishëm të akredituar në Tiranë. Në këto takime z.Spahiu ka shpalosur alternativën e PLL dhe ka kritikuar me tone të forta politikën e qeverisë së majtë.

Kështu me datën 27 prill ambasadori i SHBA-ve në Tiranë, z.Xhejms Xhefri fton në një drekë pune në rezidencën e tij me rastin e emërimit të këtij të fundit në një detyrë tjetër diplomatike në Irak.

Temë e diskutimit ishin lufta kundër terrorizmit, zhvillimet në rajon, sidomos në Kosovë, zhvillimet e fundit politike në vend, qëndrimet e opozitës në parlament, alternativa mbretërore, opsionet e PLL për Kodin zgjedhor dhe zgjedhjet e ardhshme, qëndrimi ndaj pronarëve dhe ish të përndjekurve politikë, ku z.Spahiu ka bërë një rezume të plotë të këtyre çështjeve dhe ka shpalosur qendrimet e PLL.

Një ditë më pas, dt.28 prill, kryetarin e PLL Spahiu, e fton në rezidencën e tij, ambasadori i Italisë në Shqipëri z.Massimo Januçi. Në këtë takim është biseduar për aktualitetet politike në Shqipëri dhe rajon. Z.Januçi ka kërkuar të njihet me opsionet e PLL rreth këtyre zhvillimeve.

Ndërsa me datën 29 prill ambasadori i Mbretërisë së Hollandës në Shqipëri z.Johan Blankenberg, me rastin e festës kombëtare të Hollandës ftoi në një pritje koktejl kryetarin e PLL z.Spahiu. Në këtë pritje z.Spahiu pati mundësinë që të shkëmbejë mendime me ambasadorin Blankenberg si edhe me shumë diplomatë të tjerë të pranishëm dhe politikanë shqiptarë të ftuar me këtë rast.

Me datën 30 prill, përfaqësuesi i zyrës së monitorimit të Këshillit të Europës në Tiranë z.Daniel Munk ftuan në një takim pune dhe shkëmbimi mendimesh kryetarin Spahiu për t'u njohur me opsionet dhe qëndrimet e PLL për zhvillimet e fundit politike në vend, sidomos ato në Kuvendin e Shqipërisë dhe ato që lidhen me zgjedhjet e ardhshme parlamentare.

Ndërsa takimi i fundit i kryetarit të PLL me ambasadorët ka qenë përsëri me datën 30 prill kur Ambasadori Xhefri e ftoi në rezidencën e tij bashkë me politikanë të tjerë në një pritje lamtumire.

Këto takime të ngjeshura diplomatike kanë plotësuar më mirë aktivitetin e PLL dhe kanë hapur një perspektivë më të gjerë për të ardhmen e kësaj partie.

A.K.

Përfaqësuesit e Zyrës së OSBE në Tiranë takohen me drejtues të Degës së PLL Mat

OSBE interesohet për PLL dhe Degën e Matit

Më datë 26 prill 2004, pas kërkesës së Zyrës së OSBE në Tiranë, përfaqësues të këtij organizmi të rëndësishëm monitorues zhvilluan një takim me drejtues të Degës së PLL Mat, në qytetin e Burrelit. Në këtë takim Degën e PLL Mat e përfaqësonin zoti Besnik Murati - kryetar i Degës, anëtar i Këshillit Kombëtar dhe i Komitetit Drejtues të PLL; zoti Agim Selita - nënkryetar i Degës dhe njëkohësisht kryetar i komunës Lis, i rimandatuar në këtë post pas fitores së thellë më 12 tetor, si dhe zoti Muharrem Kurti - anëtar i Komitetit Drejtues të Degës dhe kryetar i komunës Rukaj, zgjedhur pas fitores bindëse në zgjedhjet vendore të vitit të kaluar.

Motivi i këtij takimi ishte interesimi i Zyrës së OSBE për njohjen nga afër të kësaj Dege (më e mira në shkallë vendi për nga rezultatet dhe niveli politiko-organizativ). Objekt i punës monitoruese të përfaqësuesve të OSBE ishin niveli dhe skemat e organizimit të Degës, mbështetja nga elektorati, pjesëmarrja në fushatat zgjedhore, marrëdhëniet me partitë e tjera, pozicioni politik në këtë periudhë, objektivat për të ardhmen, konceptimi i programit të PLL, skemat për propagandimin e tij dhe për ta bërë të njohur e afektiv për zgjedhësit, platformat lokale të zhvillimit dhe qeverisjes vendore në korelacion me programin politiko-qeverisës të PLL, etj..

Në përgjigje të interesimit deri në detaje lidhur me këto probleme, kryetari i Degës z.Besnik Murati u bëri përfaqësuesve të OSBE një përmbledhje të koncentruar të punës së Degës që nga krijimi i saj, niveli i organizimit, shtrirja, ritmet e rritjes, objektivat politiko-zgjedhorë aktualë dhe perspektivë (afat-mesëm e afat-gjatë).

Një rëndësi të veçantë në ekspozenë e tij z.Murati i kushtoi evidentimit të nivelit të përfaqësimit të Legalitetit në pushtetin vendor, optikën e tij për zhvillimin, vështirësitë objektive e subjektive, problematikat specifike të zonës, objektivat prioritarë konform nevojave të komunitetit, traditës, burimeve materiale e njerëzore, si dhe bashkëpunimi me forcat e tjera politike dhe organet e pushtetit vendor.

Po kështu, edhe zotërinjtë Agim Selita dhe Muharrem Kurti, në sintoni të plotë me z.Murati evidentuan përvojat e tyre në drejtimin e komunave, nivelin ekonomik të tyre, problemet sociale etj.. Ata folën me kompetencë për projektet e hartuara për investime dhe zhvillim, nevojat e detajuara dhe nivelin e ulët të financimit të projekteve nga Qeveria me anë të mekanizmit të centralizimit të kompetencave dhe tendencave për përdorim politik të fondeve buxhetore dhe për arkëtime të konsiderueshme në buxhet të taksave të pushtetit vendor. Ata, me shifra dhe argumente vërtetuan moslëvrimin e fondeve të akorduara nga granti për shërbimet sociale prioritare ndaj komunitetit si në Arsim, Shëndetësi etj.. Gjithashtu, në ekspozetë e tyre ata pasqyruan mënyrën e organizimit të komunave, nivelet e vendim-marrjes dhe të kontrollit të zbatimit të vendimeve, ligjeve, përdorimit të buxhetit, bashkëpunimin midis forcave politike nëpërmjet veprimtarisë së këshilltarëve të tyre në këshillat vendorë. Zotërinjtë Selita e Kurti trajtuan me shqetësim edhe problemet që kishin lindur nga ndarja e re administrative e imponuar nga Ministria e Pushtetit Vendor dhe Decentralizimit pa marrë parasysh mendimin e bazës dhe në kundërshtim me Kartën e Autonomisë së Pushtetit Vendor. Sipas tyre, problemet e akumuluara dhe vështirësitë e krijuara rishtaz nga vendimet arbitrare të këtij dikasteri, kishin sjellë probleme edhe në lidhje me regjistrimin e popullsisë, identifikimin e shtetasve dhe pajisjen e tyre me dokumenta dhe karta regjistrimi - punë e cila vështirësohej së tepërmi në kushtet e lëvizjeve të theksuara migratore, e ndryshimeve demografike dhe, mbi të gjitha, për evidentimin e zgjedhësve.

Përfaqësuesit e Zyrës së OSBE u interesuan në veçanti edhe për mbështetjen që NMT Mbreti Leka i Parë ka në rrethin e Matit, si dhe për rezultatet e Referendumit të vitit 1997 në Mat lidhur me formën e regjimit.

Në përfundim të takimit, përfaqësuesit e Zyrës së OSBE falenderuan drejtuesit legalistë matjanë për informacionin e pasur, nivelin cilësor të evidentimit të problemeve, frymën e ngrohtë të mirëkuptimit dhe bashkëpunimit, këndvështrimet interesante të problematikave shqetësuese, si dhe rrugëzgjidhjet efiçiente e praktike të ofruara prej tyre. Gjithashtu ata bënë të ditur interesimin e tyre në vazhdimësi për të njohur më nga afër problemet e pushtetit vendor, si dhe dëshirën për t'u takuar në të ardhmen me një masë më të madhe legalistësh matjanë dhe banorësh të komunave Lis dhe Rukaj.

Lidhur me këtë kërkesë të përfaqësuesve të OSBE-së, drejtuesit legalistë matjanë shprehën gatishmërinë e tyre për bashkëpunim dhe realizimin e takimeve në një kohë sa më të përshatshme për të dy palët.

POLITIKA

Asambleja e Këshillit të Europës miraton një rezolutë mjaft kritike për qeverinë shqiptare

Asambleja e KE dërrmon qeverinë Nano

Anëtarët e asamblesë së KE miratojnë në mënyrë unanime një amendament, në të cilin parashikohet përjashtimi i Shqipërisë nga kjo organizatë, nëse nuk bën zgjedhje të lira dhe të ndershme

Asambleja Parlamentare e Këshillit të Europës miratoi një rezolutë e cila parashikon mos-heqjen e monitorimit për vendin tonë. Bashkangjitur me këtë rezulotë u miratua dhe një amendament shtesë, i propozuar nga një grup deputetësh, i cili parashikonte paralajmërim me përjashtim për Shqipërinë, në rast se ajo nuk zhvillon zgjedhje të lira dhe të ndershme. Amendamenti i quajtur Shpindeleker, sipas emrit të kryetarit të delegacionit austriak në KE, thekson se në rast se qeveria nuk ia del që të bëjë zgjedhje të lira dhe të ndershme, atëherë do të rishqyrtohen kredencialet e deputetëve që përfaqësojnë Shqipërinë në këtë organizatë. Mësohet se pro këtij amendamenti janë shprehur të gjithë përfaqësuesit në Asamble, me përjashtim të dy deputetëve të delegacionit shqiptar. Bëhet e ditur se ata nuk kanë marrë fjalën në këtë Asamble, por thjesht kanë paraqitur një numër të caktuar rezervash për raportin e paraqitur nga monitoruesit e KE.

Rezoluta që parashikon mos-heqjen e monitorimit për sa kohë qeveria nuk bën zgjedhje të lira, nuk lufton korrupsionin dhe nuk nxit zbatimin e reformave, është miratuar në mënyrë unanime nga deputetët e kësaj asambleje. Ky është një rast i rrallë kur një vend paralajmërohet për përjashtim nga kjo organizatë. Mësohet se një tjetër paralajmërim i është bërë kohë më parë Ukrainës, edhe asaj për zhvillimin e zgjedhjeve të lira. Përfaqësues të ndryshëm të popullorëve dhe liberaldemokratëve europianë në fjalët e tyre kanë denoncuar dhunimin e zgjedhjeve në Shqipëri, lidhjet e qeverisë me krimin e organizuar dhe korrupsionin etj..

PLL plotëson strukturat drejtuese

Zgjidhen emrat e rinj në drejtimin e PLL. Artan Tujani, Sekretar i Përgjithshëm, Blerim Kamberi, Sekretar i Burimeve Njerëzore, Neritan Kolgjini, Sekretar i Marrëdhënieve me Publikun

Në një mbledhje të përbashkët të Kryesisë së PLL me Senatin e Veteranëve dhe me kreun e Këshillit Kombëtar të PLL, janë përcaktuar disa nga emrat e rinj që do të jenë në drejtimin e kësaj partie.

Kështu, në zbatim të udhëzimeve të dhëna në mbledhjen e fundit të Këshillit Kombëtar, më 21 nëntor 2003, në zbatim të porosive të Mbretit Leka për forcimin e PLL dhe në mirëkuptim të plotë me strukturat drejtuese, u konkludua që për rritjen e efikasitetit të punës së kësaj partie, të përcaktohen emrat për postet vakante në drejtimin e PLL. Në fund të mbledhjes së Kryesisë së Partisë "Lëvizja e Legalitetit", Kryesisë së Senatit të PLL, dhe Kryetarit të Këshillit Kombëtar, në datë 19 prill 2004, emrat e rinj në drejtim të PLL do jenë përkatësisht z.Artan Tujani Sekretar i Përgjithshëm, Blerim Kamberi, Sekretar i Burimeve Njerëzore, Neritan Kolgjini, Sekretar i Marrëdhënieve me Publikun. Po ashtu u la hapur që vendet e tjera nëpër departamente të caktohen në datat e ardhshme.

Në këtë mbledhje u diskutua edhe për vakumin strukturor të krijuar mbas dorëheqjes së ish sekretarit të përgjithshëm të PLL, z.Sadedin Balla në mbledhjen e fundit të Këshillit Kombëtar më 21 nëntor 2003. Prandaj u konsideruan si domosdoshmëri zëvendësimi i tij dhe disa ndryshime të tjera strukturore me qëllim për t'i dhënë një impuls të ri aktivitetit të partisë.

Po ashtu kjo mbledhje pranoi lirimin nga posti i Marrëdhënieve me Mediat i z.Blerim Kamberi, për t'u emëruar në detyrën e re të Sekretarit të Burimeve Njerëzore, lëvizje e cila u bë në mirëkuptim të plotë me z.Blerim Kamberi. Ky i fundit është njëkohësisht kryetar i degës së PLL, Tiranë, i zgjedhur në konferencën e fundit. Kjo lëvizje u motivua me qëllim që z.Kamberi të jetë në kushte më optimale për t'i kontribuar shtimit të radhëve të PLL dhe vetë degës së Tiranës.

Mbledhja përcaktoi se këto procedura e vendime do t'i kalohen Komitetit Drejtues dhe Këshillit Kombëtar të PLL në mbledhjen e parë të tyre.

Në mbledhje u analizua gjerësisht puna e aktiviteti i PLL dhe në fund të saj u konkludua se konferencat e degëve nëpër rrethe deri tani janë zhvilluar në shumicën e tyre, ku është analizuar me përgjegjësi të plotë veprimtaria e tyre politike, por në veçanti rezultati i zgjedhjeve vendore të tetorit 2003.

Rezulton se këto konferenca janë zhvilluar konform statutit dhe udhëzimeve të dhëna në Këshillin Kombëtar, dhe kanë qenë model për nga mënyra e organizimit, procedurat demokratike për zgjedhjen e kryetarëve dhe komiteteve drejtuese të degëve, duke u kthyer në një model për partitë lokale.

U analizua situata politike në vend dhe kontributi i PLL në lëvizjen mbarëqytetare "Nano Ik".

Gjithashtu mbledhja bëri vlerësimin e qendrimit politik të grupit parlamentar të PLL në Kuvendin e Shqipërisë përsa i përket çështjes çame, projektligjeve për dëmshpërblimin e ish të burgosurve dhe të përndjekurve politikë, të pronarëve legjitimë, atë për statusin e ushtarakut si dhe për projektligje të tjera me rëndësi.

"Atdheu"

Brenda javës, dy protesta të forta të ish të burgosurve në rrethinat e parlamentit

Të burgosurit politikë përshkallëzojnë protestat

Spahiu: "Bashkimi juaj dhe vendosmëria e treguar, me mbështetjen e plotë të opozitës do të bëjë që kërkesat tuaja të realizohen. Sa i përket Komisionit të Venecias, atje duhet të kishin dërguar kërkesën për dëshpërblimin e Ramiz Alisë, Nexhmije Hoxhës, Fatos Nanos si krerët politikë të diktaturës komuniste"

Ish-të përndjekurit politikë janë mbledhur para Kuvendit të Shqipërisë për të protestuar për mosmiratimin e projektligjit për kompensimin e tyre. Me qindra e mijëra përfaqësues të kësaj shtrese kanë dalë para Kuvendit, të rrethuar nga një mur policësh dhe forcash speciale të hënën e shkuar, dt 26 prill dhe të enjte dt.29 prill kur janë zhvilluar dy seanca plenare të Kuvendit.

Ndërkohë, paraditen e së hënës përfaqësuesit e mazhorancës në Byronë parlamentare nuk morën në shqyrtim kërkesën e opozitës për futjen e projektligjit për dëmshpërblimin e ish-të burgosurve politikë. Opozita në shenjë kundërshtimi vendosi që të braktiste këtë mbledhje, pas propozimit të kryetarit të PLL z.Eqerem Spahiu.

Socialistët këmbëngulën se do të presin vendimin e Komisionit të Venecias për të votuar më pas këtë projektligj. Kurse socialdemokratët theksuan se ky projektligj mund të kalonte brenda qershorit. "Pagesa e të përndjekurve nuk do të fillojë këtë vit, por vitin e ardhshëm. Me Venecian, pa Venecian ky projektligj brenda qershorit duhet të miratohet. Vullneti politik ekziston, por problem është fatura financiare. Ne duhet të marrim konsulencë edhe nga komisione më të specializuara siç është komisioni i Venecias," tha Apostoli në fjalën e tij në byro.

Kurse kryetari i grupit parlamentar të Partisë Demokratike, Bamir Topi tha se mazhoranca nuk ka treguar vullnet politik për të zgjidhur këtë problem. "Nuk kam besim se mazhoranca do të ketë ndjesi pozitive për të ndihmuar të përndjekurit politikë. Për 27 muaj ka munguar vullneti politik," tha z.Topi.

Ndërsa seanca e zhvilluar pasdite ka qenë mjaft dramatike. Kjo gjendje u krijua për shkak të masave të marra nga qeveria për të shtypur protestën e të burgosurve, ku u ushtrua një trysni e paparë mbi ta.

Ministria e Rendit kishte urdhëruar që përreth Kuvendit të Shqipërisë, gjatë momentit kur po zhvillohej seanca parlamentare, të ishin rreth 1500 forca policore. Numri i protestuesve dhe i forcave policore ka qenë pothuajse i barabartë. Përgjatë një periudhe kohore prej 4 orësh protestuesit dhe policia vetëm janë shtyrë në hyrjen e parë të Kuvendit të Shqipërisë.

Protestuesit kanë akuzuar ashpër edhe Kryetarin e Kuvendit Servet Pëllumbi. "Urrejtja klasore e Servet Pëllumbit për ne do të sfidohet nga paqja jonë," përsërisnin protestuesit dhe organizatorët e tyre.

Ndërsa deputeti i PD z.Fatos Beja është shprehur në lidhje me komisionin e Venecias se: "Mazhoranca ka më shumë vullnet për ta zvarritur se sa për ta shtyrë miratimin e ligjit. I kanë çuar një kërkesë Komisionit të Venecias dhe kjo është një praktikë për ta shtyrë. Komisioni i Venecias nuk interferon në vendimet e parlamentit brenda për brenda. Komisioni i Venecias mblidhet dy herë në vit dhe duhet akoma shtyrje një vit për të pritur konsulencën e tij. Kjo është një mënyrë e stisur për të gjetur argumenta për shtyrje," është shprehur Beja gjatë diskutimit.

Ndërsa të enjten, dt 29 prill është zhvilluar një protestë tjetër e ish të burgosurve. Para kësaj proteste, drejtuesit kryesorë të PLL kanë vizituar krerët e të tria shoqatave të ish të burgosurve në selinë e tyre ndanë parlamentit. Kryetari Spahiu është shprehur në këtë takim se "Ju mbështesim politikisht, ju mbështesim me zemër dhe me gjithçka tjetër që ju të fitoni të drejtën që ju takon".

Më pas për rreth dy orë krerët legalistë kanë ndejtur në shesh duke protestuar bashkë me ish të burgosurit.

Ndërsa seanca parlamentare që është zhvilluar të enjten ka qenë mjaft poshtëruese për parlamentin, pasi u aprovua nxjerrja nga rendi i punimeve të Kuvendit i p/ligjit për dëmshpërblimin e të burgosurve. Me vetëm 70 vota kur rregullorja e thotë qartë që duhen 71 vota. Ky akt është denoncuar nga opozita por socialistët përsëri kanë shfaqur mungesën e skajshme të seriozitetit e respektit për ligjet e rregullat e shtetit.

Më pas deputetët e opozitës në grup kanë braktisur në shenjë proteste punimet e Kuvendit.

Në një deklaratë të mbajtur para të burgosurve politikë z.Spahiu është shprehur se maxhoranca aktuale, pasi rrethoi kryeministrinë me mur llamarinash, blindoi parlamentin me policë e ushtarë dhe në shtetrrethim të plotë dhunoi rregulloren e Kuvendit, ligjet dhe kushtetutën e tyre, duke mos e futur p/ligjin për dëmshpërblimin e ish të burgosurve, kreu aktin e fundit persekutues ndaj kësaj shtrese.

PLL do të vazhdojë të mbështesë totalisht në kërkesat tuaja, tha më tej Spahiu. Në fund ai u shpreh se "Bashkimi juaj dhe vendosmëria e treguar, me mbështetjen e plotë të opozitës do të bëjë që kërkesat tuaja të realizohen. Sa i përket Komisionit të Venecias, atje duhet të kishin dërguar kërkesën për dëshpërblimin e Ramiz Alisë, Nexhmije Hoxhës, Fatos Nanos si krerët politikë të diktaturës komuniste. Po ashtu Venecia duhej pyetur edhe për shpërblimin e gjakatarëve e persekutorëve si Aranit Çela, Zylyftar Ramizi etj.! - tha Spahiu.

Këto fjalë të tijat shkaktuan një valë mirëkuptimi e simpatie në radhët e ish të burgosurve.

Ndërsa mësohet së fundi se anëtar i Komisionit të Venecias është nipi i Enver Hoxhës Luan Omari, i cili është mjaft i njohur për ndjenjat e tija kundra kësaj shtrese. Kjo siç duket është një ndër arsyet që PS këmbëngul ta dërgojë këtë p/ligj për ekspertizë në komisionin e Venecias.

N.K.

AKTIVITETE

Zhvilloi punimet konferenca VI-të e Degës së PLL Devoll. Rizgjidhet Agim Dushi

Legalistët e Devollit konsolidojnë arritjet

Konferenca VI-të e Degës së PLL Devoll, kishte sensibilizuar gjithë qytetin e Bilishtit. Kjo për arsyen e thjeshtë sepse legalistët e Devollit janë faktorë realë në zhvillimet politike lokale dhe në përcaktimin e fitores së formacioneve të djathta në zgjedhjet vendore të 12 tetorit. Konferenca e PLL u zhvillua në sallën e shfaqjeve të Pallatit të Kulturës së qytetit. Përveç delegatëve me mandat, e që përfaqësonin të gjitha nëndegët e shtrira në të gjithë hapësirën gjeografike të rrethit, në sallë ishin të pranishëm edhe dhjetra legalistë të tjerë e miq të ftuar, që morën pjesë në seancën e parë të punimeve të konferencës.

Në emër të kryesisë së partisë, në këtë konferencë merrnin pjesë edhe kryetari i PLL z.Ekrem Spahiu dhe kryetari i Këshillit Kombëtar z.Nebi Ganellari.

Fjalën e hapjes e mbajti sekretari i Degës z.Lavdërim Bajraktari, i cili pasi përshëndeti dhe falenderoi të pranishmit, ia kaloi fjalën kryetarit të Degës z.Agim Dushi, i cili në emër të Komitetit Drejtues të Degës së PLL Devoll, mbajti raportin e punës dhe veprimtarisë së saj për periudhën shtator 2001 - prill 2004. Z. Dushi fillimisht falenderoi zotërinjtë Spahiu e Ganellari për pjesëmarrjen në emër të kryesisë së partisë, duke përshëndetur më pas edhe përfaqësuesit e partive dhe shoqatave të djathta të pranishme në një sallë të tejmbushur. Me anë të evidentimit të lidhjeve të fuqishme të PLL me Ish të Përndjekurit dhe Pronarët, z.Dushi motivoi dhe mbështeti, në emër të legalistëve të Devollit, qëndrimet e drejta të PLL dhe z.Spahiu ndaj tyre, ndaj Çeshtjes së Kosovës, Çeshtjes Çame dhe asaj kombëtare në përgjithësi, për të kaluar tek mbështetja e pakursyer e të djathtëve devollinj për Lëvizjen Mbarëqytetare "Nano Ik" - deri në largimin e maxhorancës së majtë nga qeverisja.

Z. Dushi në raport vlerësoi partitë aleate lokale, duke përmendur si argument bashkëpunimin tyre të frytshëm në rrethin e Devollit. Pasi foli me ashpërsi në adresë të 3 prej deputetëve të PLL, kryelegalisti premtoi mbështetjen e legalistëve devollinj për kryesinë e partisë, personalisht për NMT Mbretin Leka dhe domosdoshmërinë e restaurimit përfundimtar të Monarkisë në Shqipëri.

Lidhur me anëtarësimet në parti, shtrirjen e seksioneve dhe afrimin e intelektualëve, z.Dushi foli fjalët më të mira në adresë të strukturave të bazës.

Duke kaluar tek bashkëpunimi i Degës me qendrën, kryelegalisti falenderoi kryesinë e PLL për ndihmën konkrete për organizmin fushatës zgjedhore në të tre takimet e Komitetit Drejtues me të deleguarit e kryesisë gjatë muajve qershor, korrik dhe gusht.

Më tej ai shtjelloi arsyet dhe vendimin e Komitetit Drejtues të Degës për të dalë në zgjedhje me kandidatë të përbashkët me PD dhe aleatët e djathtë për kryetarë të njësive vendore dhe me lista këshilltarësh më vete. Sipas tij, "ky vendim diktohej nga kushtet specifike të rrethit të Devollit, për të parandaluar humbjen e kandidatëve të opozitës përballë socialistëve, që bënë një fushatë të ashpër dhe me plot manipulime. Pikërisht kjo aleancë parazgjedhore kish mundësuar fitoren së Djathtës në bashkinë e Devollit dhe në tre komuna, ndërkohë që e Majta kishte pësuar një humbje të thellë, në të cilën legalistët kishin kontribut të konsiderueshëm.

Në këto zgjedhje Dega e PLL Devoll mori 758 vota, ose 4.17 % të rezultatit, që e radhit këtë Degë ndër më të mirat e vendit.

Pastaj, me anë të tabelave të rezultateve, z.Dushi argumentoi arritjet impresionuese të legalistëve të fshatrave Cangonj, Vranisht e Pilur (komuna Progër); Hoçisht, Eçmenik, Çipan e Baban (komuna Hoçisht); Vishocicë e Bitinckë (komuna Qendër Bilisht) dhe Dobranj, Sul e Miras (komuna Miras). Në lidhje me këto rezultate u thanë fjalët më të mira për drejtuesit e strukturave si U. Bajraktari, A. Rushitaj, H. Pleshti, L. Bajraktari, A. Zyfi, Shahin Ajderlliu, etj.. Pikërisht këto rezultate kishin mundësuar marrjen e tre vendeve prej këshilltarëve legalistë, përkatësisht në komunat Progër, Hoçisht dhe në Bashkinë e Bilishtit. Gjithashtu u përmend me keqardhje fakti që, për pak vota nuk ishte arritur të fitoheshin edhe 3 këshilltarë të tjerë legalistë.

Fjalët më të mira u thanë në raport për drejtuesit e lartë të strukturave të Degës si H. Zorba, U. Bajraktari, G. Kondi, F. Kambo, si dhe për ndihmën financiare të dhënë nga zotërinjtë Robert Xhaçi dhe Arben Miza.

Në fund të fjalës së tij z.Dushi foli për prioritetet kryesore të punës së Degës në të ardhmen, ndër të cilat renditi forcimin e punës me forumet partnere të Rinisë dhe Gruas, forcimin e bashkëpunimit me partitë e djathta, ngritjen e seksioneve për çdo qendër votimi dhe përhapjen e përvojës së nëndegës Progër.

***

Për të përshëndetur konferencën, në emër të PD lokale foli kryetari i saj z.Ardian Maho, i cili u shpreh me konsiderata superlative për vlerat historike dhe politike të PLL dhe kontributin që Dega e PLL Devoll ka dhënë gjatë 12 viteve për proceset demokratike dhe në fitoren e së Djathtës në këtë rreth me tradita nacionaliste.

"Ne ndjehemi krenarë që aleatë kemi një forcë politike si PLL që është një vlerë kombëtare", - u shpreh zMuho dhe i kërkoi kryetarit të PLL z.Spahiu që "të bëhet e pamundura që PD dhe Legaliteti të gjejnë rrugët e bashkëpunimit e mirëkuptimit edhe në të ardhmen, se vetëm të bashkuar mund ta sigurojmë fitoren në Devoll dhe në mbarë Shqipërinë, ndërsa të ndarë ne jemi të humbur".

Pas z.Muho përshëndetën edhe përfaqësues të tjerë të subjekteve të tjera politike de shoqatave të djathta lokale, të cilët shprehën vlerësime sipërore për kontributet historike dhe aktuale të PLL për Shqiptarizmën dhe proceset demokratike.

Paskëtaj u kalua në pyetje dhe diskutime, gjatë të cilave delegatët u interesuan të dinin për zbatimin e procedurave statutore dhe vendimeve kolegjiale gjatë hartimit të listave të këshilltarëve; për zbatimin e modaliteteve që rridhnin nga marrëveshja e shkruar midis Degës së PLL dhe Degës së PD në Devoll - në përgjigje të të cilave u sqarua se për renditjen e këshilltarëve në lista nuk kish patur kundërshti, ndërsa lidhur me marrëveshjen me PD u tha se ajo nuk ishte zbatuar plotësisht nga PD.

Diskutantët e shumtë folën me përgjegjësi, propozuan masa e dhanë mendime serioze për përmirësimin e punës në të ardhmen. Ndërsa aktivistët më të dalluar që u përmendën në raport folën me modesti, dhanë përvojën e tyre pozitive dhe, njëkohësisht, kërkuan shkëmbimin e saj në të mirë të forcimit të punës në të ardhmen.

Zotërinjtë Myfit Sina - nëndega Miras; Robert Xhaçi - nëndega Bilisht; Luan Mançka - nëndega Hoçisht; Adem Zyfi - nëndega Fitore; Velisha Mitkolli - nëndega Hoçisht dhe këshilltarët Urim Bajraktari - Komuna Progër e Ahmet Mullai - Bashkia Bilisht, diskutuan rreth punës së tyre në përputhje me detyrën funksionale për rezultatet e arritura por edhe evidentuan mangësitë të cilat, sipas tyre "duhet të riparohen sa më shpejt".

Këshilltarët legalistë në rrethin e Devollit

1. Agim Dushi - Komuna Progër

2. Urim Bajraktari - Komuna Progër

3. Ahmet Mullai - Bashkia Bilisht

4. Luan Mançka - Komuna Hoçisht

Në konferencë foli edhe kryetari i PLL z.Spahiu, i cili fillimisht përshëndeti të pranishmit e shumtë, por në veçanti delegatët legalistë të të gjitha nëndegëve të rrethit.

"Devolli është një bastion i nacionalizmit shqiptar dhe i lidhur shpirtërisht me Monarkinë, Mbretin Zog i Parë dhe Familjen Mbretërore shqiptare. Trashëgimtarët e këtyre familjeve më të shquara të Devollit e kanë ruajtur traditën e tyre duke kontribuar për proceset demokratike gjatë këtyre 12 vjetëve. Dega e PLL Devoll është ndër më të mirat e vendit, sepse asaj nuk i kanë munguar rezultatet në proceset zgjedhore. Ju sot analizoni punën dhe aktivitetin tuaj politiko-organizativ, duke u fokusuar në analizën e rezultatit të zgjedhjeve, veçanërisht të 12 tetorit, i cili ka qenë më miri për ju që nga themelimi i Degës. Nga 5 njësi vendore që ka rrethi juaj, keni fituar 4 këshilltarë, të cilët janë përfaqësuesit tanë politikë në pushtetin vendor, që janë e duhet të mbeten zëri dhe imazhi politik dinjitoz i PLL në mbrojtje të interesave të zgjedhësve legalistë dhe komunitetit", tha kryelegalisti.

Më tej z.Spahiu u ndal në zhvillimet më të fundit politike në vend, si Lëvizja Mbarëqytetare "Nano Ik", tryeza opozitare për përgatitjen e Kodit zgjedhor, qëndrimet e PLL në Kuvendin e Shqipërisë për Çeshtjen kombëtare e në veçanti për atë Çame, për mbështetjen e dhënë ndaj kërkesave të drejta të Ish të Burgosurve dhe të Përndjekurve Politikë, për Pronarët legjitimë dhe shumë probleme të tjera të politikës së ditës në Shqipëri.

Z.Spahiu gjithashtu e vuri theksin tek zgjedhjet e ardhshme parlamentare që, sipas tij, "janë me rëndësi jetike për fatet e Demokracisë dhe ardhmërinë e shqiptarëve dhe, në këtë kontekst duhet të ndërgjegjësoheni për faktin se kryetari dhe Komiteti i ri Drejtues që do të dalin nga kjo konferencë - do t'u duhet të përballojnë një fushatë të rëndësishme dhe tejet të vështirë. E që të jemi sa më të suksesshëm duhet të fillohet puna konkrete në të gjitha nëndegët e rrethit për t'i realizuar moton e Legalitetit 'Një seksion, një qendër votimi'".

***

Pika e fundit e rendit të ditës, ishin zgjedhjet e Komitetit të ri Drejtues dhe kryetarit të Degës. Për postin e kryetarit të Degës konkurruan kryetari i dorëhequr para votimit, z.Agim Dushi dhe intelektualja Elida Pasha, e cila me këtë rast diskutoi dhe shpërfaqi platformën e punës dhe vizionit të saj të drejtimit nëse do të fitonte garën.

Diskutimi i zonjës Elida Pasha në përgjithësi dhe platforma e saj e konkurrimit u karakterizuan nga një analizë serioze dhe elokuente e situatës aktuale politike. Më pas ajo foli me superlativa për qëndrimet parimore e konsekuente të PLL dhe kryetarit të saj në mbrojtje të Çeshtjes kombëtare në tërësi, të Kosovës e Çamërisë, dhe për qëndrimet dinjitoze të partisë dhe drejtuesve të saj në mbështetje të Ish të Përndjekurve Politikë e Pronarëve, si dhe për kontributin e legalistëve në kuadër të Lëvizjes politiko-qytetare "Nano Ik".

Më pas zonja Pasha u përqëndrua në probleme të karakterit organizativ, që shqetësonin Degën e Devollit; për shtrirjen e seksioneve në të gjithë rrethin dhe konsolidimin e strukturave. "Afrimi i intelektualëve dhe përfaqësimi i partisë me kapacitete drejtuese e potenciale intelektuale, të cilët po afrohen çdo ditë në PLL" - ishin lejtmotivi i fjalës së zonjës Pasha dhe "mënyra më e mirë e promovimit të drejtuesve të rinj e të aftë".

Sipas saj, "pikërisht këto ndryshime të domosdoshme për fazën e rritjes cilësore në të cilën ndodhet PLL - janë garanci e së ardhmes së partisë".

Në fund të fjalës së saj, me argumente dhe objektiva konkrete, zonja Pasha përcaktoi edhe programin emergjent të punës së Degës për shtimin e radhëve dhe konsolidimin e strukturave në planin politiko-organizativ.

***

Lidhur me Komitetin Drejtues, nga delegatët u vendos që të përbëhej prej 19 anëtarësh, emrat e të cilëve u votuan në mënyrë unanime, pasi ishin ndër aktivistët më të sipikatur dhe përfaqësues dinjitozë të Legalitetit në rrethin e Devollit.

Pas një konkurrimi me procedurë tepër demokratike dhe transparente, rezultati i votimit për postin e kryetarit nxori fitues z.Agim Dushi me 42 vota, përkundrejt 38 votave të zonjës Elida Pasha.

Pra kryetar i Degës së PLL Devoll për dy vitet e ardhshme u rizgjodh z.Agim Dushi, me një diferencë shumë të ngushtë votash.

Konferenca në mënyrë unanime kërkoi që zonja Pasha të zgjidhet nënkryetare e Degës, gjë e cila u miratua.

Mbas konferencës, Komiteti i ri Drejtues zhvilloi mbledhen e tij të parë ku u zgjodhën edhe dy nënkryetarët e tjerë, z.Hekuran Pleshti dhe z.Hysni Zorba.

Komiteti Drejtues i propozoi kryesisë së partisë emrat për sekretarë të Degës, ku ndër ta është edhe sekretari aktual, z.Lavdërim Bajraktari.

Konferenca VI-të e Degës së PLL Devoll i mbylli punimet e saj me sukses të plotë, çka u dha kënaqësi të gjithë të pranishmëve për organizimin e përkryer, frymën e demokracisë së brendshme, seriozitetit dhe cilësisë së lartë të forumeve drejtuese dhe diskutimit me nivel të problemeve.

Korresp. i "Atdheu"

Jetëshkrimi dhe platforma e kandidates Elida Pasha

Lindur më 1965 dhe banuese në Bilisht.

Rrjedh nga një familje nacionaliste dhe, gjatë viteve të diktaturës, qoftë familja ku ka lindur qoftë ajo ku është martuar, kanë qenë shpallur "kulakë" dhe "armiq të pushtetit popullor", duke vuajtur diferencimin klasor, denigrimin dhe internimet.

Ka mbaruar studimet e larta për Mësuesi. Punon mësuese në Shkollën 8-vjeçare Poloskë.

Platforma e punës

1. Ngritja e seksioneve në të gjitha fshatrat ku nuk janë ngritur; zgjedhjet në strukturat e reja dhe afrimin me këtë rast të intelektualëve dhe të rinjve nga familje me tradita nacionaliste dhe të Përndjekura gjatë diktaturës.

2. Orientimi i veprimtarisë së këshilltarëve legalistë konform interesave të Legalitetit, komunitetit, programit dhe statutit të partisë.

3. Ngritja e departamenteve pranë Komitetit Drejtues dhe orientimi i tyre drejt përpunimit të platformave të zhvillimit.

4. Dyfishimi i numrit të votave të Degës në zgjedhjet e ardhshme parlamentare dhe trefishimi i tyre në zgjedhjet vendore të vitit 2006.

Zhvillohet konferenca IV e Degës së PLL Kukës. Kryetar zgjidhet z.Halit Muçmata

Spahiu vlerëson rezultatin e legalistëve kuksianë

Kukës - Në vazhdën e zhvillimit të analizave dhe konferencave të Degëve nëpër rrethe, të shtunën e kaluar, më datë 24 prill 2004, u zhvillua konferenca IV e Degës së PLL Kukës. Në këtë konferencë, përveç delegatëve nga të gjitha nëndegët e rrethit, ishin të pranishëm edhe drejtuesit e partive të djathta lokale dhe të shoqatave antikomuniste të këtij rrethi, ndërsa si përfaqësues i Qendrës mori pjesë edhe kryetari i PLL z.Ekrem Spahiu.

Konferenca u zhvillua në një nga sallat e Pallatit të Kulturës "Hasan Prishtina" të qytetit Kukës dhe ishte përgatitur mjaft mirë në pikëpamje organizative e dekorative.

Fjalën e hapjes e mbajti sekretari i Degës z.Halit Muçmata, i cili falenderoi delegatët dhe të pranishmit në sallë, për t'ia kaluar më pas atë kryetarit të Degës z.Fadil Elezi, i cili mbajti raportin në emër të Komitetit Drejtues, ku ndër të tjera theksoi: "Në periudhën midis dy konferencave Dega jonë përballoi dy fushata zgjedhore, atë të zgjedhjeve të përgjithshme të Qershorit 2001 dhe të Tetorit 2003.

Kjo periudhë ka patur edhe evenimentet madhore të kthimit në Atdhe të Familjes Mbretërore më 28 Qershor 2002, pritjen madhështore që u organizua me këtë rast nga PLL në Rinas, si dhe organizimin e Ceremonisë funebre për lamtumirën e fundit të Nënës Mbretëreshë Geraldinë, ku morën pjesë edhe legalistët e mbretërorët kuksianë.

Por aktiviteti më i rëndësishëm politik i Degës sonë ka qenë fushata zgjedhore e 12 tetorit, ku ne si parti dolëm më vete. Kjo veprimtari përmbledh një punë mjaft intensive të Degës sonë, që nga përgatitja e fushatës e deri në kurorëzimin me sukses të saj. Vendimi i Këshillit Kombëtar për të dalë më vete, udhëzimet dhe porositë e Qendrës për fushatën, shërbyen si pista orientimi për punën tonë që para fushatës, punë që konsistoi në punën për përzgjedhjen e kandidaturave, përkrahjen e tyre nga strukturat, përgatitjen e programeve dhe platformave të zhvillimit, të dokumentacionit dhe fillimin e fushatës në terren me grupe pune në mbështetje të kandidatëve. Strukturat dolën nga gjendja e apatisë së tejzgjatur, pasi për herë të parë pas afro një dekade partia përballej në një fushatë e vetme, madje në kushtet e një gare të pabarabartë dhe e sulmuar nga të gjitha krahët e politikës. Pikërisht kjo fushatë mundësoi testimin e forcave tona dhe aftësive organizative e drejtuese të strukturave që nga baza e deri në qendër të Degës. Krahas fushatës, ne punuam për ngritjen e strukturave që na mungonin në mjaft zona. Këto struktura ne i aktivizuam dhe i vumë

Në funksion të fushatës, duke i konsoliduar njëkohësisht, sepse ato u vunë në kushte të vërteta të një gare të ashpër zgjedhore. Mungesa e financave, e komisionerëve dhe e përvojës në plotësimin e dokumentacionit, ishin vështirësitë kryesore gjatë fushatës, të cilat ndikuan ndjeshëm në rezultat, por shërbyen njëkohësisht edhe si sprovë të cilën e përballuam me sukses, sepse konkuruam në të gjitha njësitë zgjedhore të rrethit. Kandidatët tanë ishin ndër më të mirët nga çdo pikëpamje.

Para dhe gjatë fushatës, një ndihmë të madhe na dha Kryesia e partisë dhe personalisht kryetari, z.Spahiu, i cili gjatë fushatës erdhi në shumicën e takimeve për prezantimin e kandidatëve dhe na ndihmoi jashtëzakonisht në planin moral dhe organizativ. Dhe rezultati nuk vonoi, sepse morëm 14 këshilltarë në krahasim me katër këshilltarë në zgjedhjet vendore të vitit 2000. Megjithatë rezultati nuk na kënaq, pasi kishim mundësi për më shumë, nëse nuk do të manipuloheshin votat tona, që nga vjedhja e tyre e deri tek heqja e legalistëve nga listat e votimit. Ne fituam një komunë, atë të Bushtricës, me kryetar z.Shahir Sula, por humbëm Komunën Tërthore ku kandidonte z.Sulejman Kovaçi, i cili bëri një fushatë të shkëlqyer, të shoqëruar me investime në hapjen e rrugëve në këtë komunë, para se të merret mandati, dhe me vota të ndershme është ai që e fitoi garën, por rezultati u manipulua nga socialistët, duke shpallur votues edhe të vdekurit dhe emigrantët. Ne pretendonim të fitonim edhe në komunën Shtiqën ku kandidoi z.Islam Basha, biznesmen i fuqishëm që premtoi investime personale, por edhe këtu manipulimi vendosi rezultatin. Po kështu edhe në komunën Kalisë, kandidati ynë z.Bashkim Lama bëri një fushatë model dhe ndihmoi në fitoren e dy këshilltarëve legalistë.

Mjaft cilësore ishte edhe fushata jonë dhe e kandidatit legalist në komunën Mal Zi, z.Alush Dreni, ku ne fituam një këshilltar dhe sekretarin e komunës. Meriton të falenderohet edhe z.Sadik Marku, kandidat për kryetar në komunën Arrën, ku ne morëm një këshilltar dhe për tre vota mund të fitonim edhe një kandidat tjetër", - e mbylli fjalën e tij z.Elezi, pasi i ftoi delegatët të votonin për drejtuesit më të mirë e më të përkushtuar.

Mbas leximit të raportit përshëndetën drejtuesit lokalë të partive të djathta.

Në fjalën e tij, sekretari i Degës së PD-së z.Ibsen Elezi vlerësoi maksimalisht vlerat historike dhe aktuale të PLL, duke e cilësuar atë si partneren kryesore të PD-së. Sipas tij "moslejimi i aktivitetit të PLL nga ana e Ramiz Alisë, bëri që shumë zogistë dhe simpatizantë të PLL e monarkisë të pozicionohen në parti të ndryshme". "Pasojat e këtij veprimi u ndien fort në vitet e mëvonshme në dëm të PLL". "Por megjithatë, - sipas z.Elezi, - forca e PLL në Kukës u ndie fort në zgjedhjet e fundit lokale ku ajo arriti që të fitojë komunën e Bushtricës, të drejtojë këshillat e njësive vendore në Kukës dhe ka arritur të marrë 14 këshilltarë".

"Dalja në vete e PLL në zgjedhjet e tetorit dëshmoi qartë se moskoordinimi dhe bashkëpunimi jo i mirë mes PD e PLL sjell fragmentarizimin e elektoratit të djathtë, dhe për shkak të sistemit zgjedhor aktual favorizohet e Majta indirekt". "Prandaj, - theksoi z.Elezi, - unë i kërkoj z.Spahiu që të shfryëzojmë të gjitha modalitetet me qëllimin e vetëm që PD e PLL të gjejnë gjuhën e mirëkuptimit e bashkëpunimit në të ardhmen".

Kryetari i "Ballit Kombëtar" z.Basri Elezi, tha se "suksesi i PLL është sukses i demokracisë, i nacionalizmit dhe i Shqipërisë". "Prandaj uroj që PLL të ketë suksese të mëtejshme në të ardhmen e të jetë në ballë të nacionalizmit shqiptar, gjë të cilën e ka kryer deri tani me qendrimet e saj".

Kryetari i Shoqatës së Familjeve të Përmbytura nga liqeni i Fierzës, z.Jahir Trota, vlerësoi në maksimum mbështetjen që i ka dhënë Dega e PLL Kukës kësaj shoqate, në çdo moment. "Por në veçanti falenderojmë kryetarin e PLL z.Ekrem Spahiu, i cili na ka mbështetur edhe në grevën e urisë dhe ka sensibilizuar komunitetin kombëtar e ndërkombëtar për këtë çeshtje".

Z.Trota tha gjithashtu se "do të dëshironim që këtë mbështetje ta kishim edhe në të ardhmen, deri në zgjidhjen e problemit tonë që endet nga një zyrë në një tjetër zyrë të shtetit".

Gjithashtu drejtuesit e Shoqatës së Ish të Burgosurve vlerësuan mbështetjen që i ka dhënë PLL kësaj shtrese për të realizuar të drejtat e saj legjitime.

Mbas përshëndetjeve të të sipërpërmendurve e mori fjalën kryetari Spahiu, i cili pasi falenderoi të gjithë të pranishmit, kësaj here nuk ishte kritik si më parë, por vlerësoi në maksimum punën dhe angazhimin e të gjithë legalistëve të rrethit të Kukësit, që nën drejtimin e Komitetit Drejtues të Degës e në veçanti të kryetarit të saj z.Fadil Elezi, bëri të mundur që në zgjedhjet vendore të vitit 2003 Dega e Kukësit të radhitej ndër Degët më të mira të vendit, duke fituar komunën e Bushtricës me kryetar z.Shahir Sula, drejtimin e Këshillit të komunës Bicaj me z.Zenun Onuzi dhe futjen e 14 këshilltarëve legalistë nëpër këshillat vendore, si më poshtë:

Ja përfaqësuesit e PLL në njësitë vendore të rrethit Kukës

Shahir Sula - kryetar i Komunës Bushtricë

Zenun Onuzi - kryetar i Këshillit të komunës Bicaj

1.Fadil Elezi - Bashkia Kukës

2.Sadik Marku - komuna Arrën

3.Zenun Onuzi - komuna Bicaj

4.Fatmir Poti - komuna Bushtricë

5.Osman Koka - komuna Grykë Çajë

6.Luan Daci - komuna Kalis

7.Ramazan Hasalami - komuna Kalis

8.Bashkim Spahiu - komuna Kolsh

9.Fatmir Gashi - komuna Malzi

10.Kamber Basha - komuna Shishtavec

11.Halit Muçmata - komuna Shtiqën

12.Rexhep Vata - komuna Surroj

13.Sami Dida - komuna Tërthore

14.Fali Gjana - komuna Ujmisht

Mbas vlerësimit të aktivitetit politiko-organizativ dhe rezultatit zgjedhor, z.Spahiu u përqëndrua në zhvillimet e fundit politike në vend dhe në veçanti tek Lëvizja mbarëqytetare "Nano Ik", ku "PLL po jep një kontribut të veçantë për të larguar kryeministrin Nano dhe qeverinë e tij, pasi kjo është bërë pengesa kryesore për ardhmërinë e Shqipërisë".

Z.Spahiu tha se "opozita shqiptare duhet të jetë e vendosur për ta çuar deri në fund këtë lëvizje edhe me sakrifica, pasi këto që kanë ardhur në pushtet nëpërmjet metodave të tyre tashmë të ditura, nuk mund të largohen vetëm duke thënë 'Nano Ik'". "PLL e ka shprehur qartë, prerë dhe fort zërin e saj që drejtuesit e opozitës dhe deputetët e saj duhet të sakrifikojnë për rikthimin e demokracisë së munguar në Shqipëri. Propozimi ynë konkret është që, mbasi të mbarojë cikli i protestave në të gjitha qytetet e vendit, të mblidhemi në një ditë të caktuar në Tiranë dhe të jetë një ditë e mërkurë, ku t'i kërkohet në mënyrë të prerë dorëheqja kryeministrit Nano dhe, nëse nuk e bën një gjë të tillë, ditën e enjte, e cila është një ditë normale seancash parlamentare - të ngujohemi në sallën e parlamentit të gjithë ne deputetët e opozitës, deri në largimin e z.Nano dhe qeverisë së tij. Pas kësaj t'i hapet rrugë krijimit të një qeverie me mandat të kufizuar dhe me prioritete të caktuara qartë, ku më themelori të jetë ai i përgatitjes së infrastrukurës për zgjedhjet e ardhshme parlamentare", - theksoi kryelegalisti.

Më pas z.Spahiu dha porosi të veçanta për rolin e këshilltarëve të PLL në njësitë vendore të Kukësit "të cilët para çdo vendim-marrjeje në këto këshilla, duhet të konsultohen në kryesinë e Degës së PLL, për të qenë gjithmonë në mbrojtje të interesave të zgjedhësve legalistë në veçanti dhe atyre të komunitetit përkatës në përgjithësi".

Duke e mbyllur fjalën e tij, kryetari Spahiu iu drejtua delegatëve: "Ju keni sot mundësinë për të bërë vlerësimin e punës, evidentuar dobësitë dhe rrugët për mënjanimin e tyre si dhe për të caktuar prioritetet e punës së partisë për të ardhmen. Por mbi të gjitha ju keni mundësinë për të zgjedhur kryetarin dhe Komitetin Drejtues, që do ta drejtojë Degën në dy vitet e ardhshme e që do të përballet me zgjedhjet e ardhshme parlamentare, ku sigurisht PLL ka synimet e veta të forta", - e mbylli fjalën e tij z.Spahiu.

***

Delegatët që diskutuan, si zotërinjtë Bashkim Lama, Ymer Gjana, Zenun Onuzi, Sadik Marku, Alush Dreni, Arif Emini, Rexhep Vata, Rustem Gjana, Sami Dida, Bashkim Spahiu e të tjerë, të cilët gjatë diskutimeve u përqëndruan në punën e tyre sipas funksioneve në strukturat lokale, sugjeruan me përgjegjësi mendime të vlefshme për të ardhmen.

Pas fazës së diskutimeve u kalua në pikën kulminante të konferencës ku u shpallën kandidaturat për kryetar të Degës.

Në këtë moment kryelegalisti kuksian z.Fadil Elezi, i cili arriti një sukses të konsiderueshëm në mandatin e tij në drejtimin e Degës, duke vlerësuar me modesti ambiciet e mëtejshme të PLL në këtë rreth, nuk pranoi rikandidimin me qëllimin fisnik të rritjes së efikasitetit të drejtimit të PLL nëpërmjet afrimit në drejtim të legalistëve me vlera intelektuale të spikatura dhe me aftësi politike e organizative.

Kështu, për postin e kryetarit, kandiduan z.Halit Muçmata (deri në atë kohë sekretar i Degës, me profesion arsimtar) dhe z.Rustem Gjana, (jurist dhe ish kandidat për kryetar komune në Ujmisht).

Mbas votimit të fshehtë, fitoi z.Halit Muçmata, i cili menjëherë mori urimin e parë nga rivali i tij z.Rustem Gjana. Më pas konferenca zgjodhi edhe Komitetin e ri Drejtues si dhe dy nënkryetarë të Degës që u aprovuan me unanimitet të plotë e që ishin z.Fadil Elezi dhe z.Rustem Gjana.

Kështu u mbyll edhe kjo konferencë model në çdo pikëpamje, statutore, organizative, dekorative etj., ngjarje e cila u përcoll me interes të veçantë nga opinioni i qytetarëve përmes mediave lokale, radio e televizione.

Korresp. i "Atdheu"

DIASPORA

Takim i paharruar i mbretërorëve dhe legalistëve te SHBA me Presidentin e Kosovës, Dr. Ibrahim Rugova

Rugova: Princi Leka më ka mahnitur

Nga Beqir SINA

Nju Jork (SHBA)

Ditën e shtunë, më 24 prill 2004, në 38 Maple St. Summit (Nju Xhersi), në restorantin Fiorino (me pronar z.Sabit Bytyçi), në kuadrin e një veprimtarie të organizuar nga Komuniteti shqiptar me Presidentin e Kosovës Dr. Ibrahim Rugova, u zhvillua një takim i ngrohtë i liderit të shqiptarëve të Kosovës me disa nga përfaqësuesit e mërgimtarëve atdhetarë të SHBA-ve. Ky ishte një rast i mirë për të gjithë bashkatdhetarët tanë për t'u takuar dhe zhvilluar një bisedë miqësore me Presidentin Rugova.

Me këtë rast, organizatorët e këtij takimi; Dega e LDK-së dhe kryetari i saj z.Agim Rexhaj, e njohën Presidentin e Kosovës me punën dhe veprimtarinë e kësaj Dege në Shtetet e Bashkuara të Amerikës, si dhe për synimet e saj për një integrim dinjitoz të shqiptarëve në shoqërinë amerikane. "Për të rritur reputacionin e Komunitetit shqiptar ne po zhvillojmë shumë aktivitete të rëndësishme të karakterit politiko-patriotik, po organizojmë e shfrytëzojmë takime me figura të njohura e të rëndësishme amerikane, si dhe po përpiqemi për zhvillimin e kulturës, traditës, historiografisë dhe politikës kombëtare", - theksoi z.Rexhaj.

Ndërsa z.Luan Gashi-n/kryetar i Degës së Partisë Lëvizja e Legalitetit (PLL), Dega e "Treshtetshit" në Amerikë, e quajti këtë takim "... një takim i përmallueshëm i aktivistëve legalistë të Degës së 'Treshtetshit' në Amerikë - me Presidentin e Kosovës Dr. Ibrahim Rugova dhe kabinetin e tij.

Zotëri Luan Gashi i tha korrespondentit të gazetës "Bota sot" se "Dega e PLL asistoi në këtë takim madhështor, me ftesë të Degës së LDK-së dhe personalisht të kryetarit të saj, z.Agim Rexhaj". "Ne morëm pjesë me një përfaqësi të PLL në darkën e nderit, shtruar për nder të presidentit të Kosovës Dr. Ibrahim Rugova. Në përfaqësinë e PLL për Degën e 'Treshtetshit' bënin pjesë krerët e Legalitetit dhe veterani legalist, figura simbol e PLL në SHBA, ish-sekretari i Përgjithëshëm i kësaj organizate në mërgim Dr. Fuad Myftia.

Takimi me Presidentin Rugova në restorantin bujar të aktivistit të dalluar të Komunitetit shqiptar z.Sabit Bytyçi, ishte i veçantë dhe tejet emocionues, si gjithmonë në organizimin e takimeve të tilla. Për këtë ia vlen të përmendet dhe mjedisi luksoz, atmosfera festive që e karakterizoi mbrëmjen, nën përkujdesjen personale të z.Bytyçi, biznesmen i njohur sëbashku me vëllezërit e tij, që shquhen në komunitet si aktivistë, bujarë e fisnikë. Madje z.Bytyçi ka qenë shpesh here edhe sponsorizues i shumë lëvizjeve me karakter kombëtar në mërgim. Megjithatë, duhet theksuar se në organizimin e kësaj darke madhështore, u ndie edhe 'dora' e kryetarit të Degës së LDK-së, z.Agim Rexhaj, kryesisë dhe anëtarëve të saj për 'Treshtetshin'", - tha z.Gashi.

Kryetari i Degës së Partisë Lëvizja e Legalitetit (PLL) Dega e "Treshtetshit, z.Hakik Mena, bëri një përshëndetje të ngrohtë në emër të legalistëve në këtë darkë solemne. Me këtë rast, z.Mena në fjalën e tij vuri në dukje veprimtarinë dhe rolin e rëndësishëm të Dr. Rugovës në çlirimin e Kosovës, demokratizimin e saj dhe rrugën e pandalshme drejt Pavarësisë. Z.Mena, në emër të legalistëve dhe mbretërorëve e falenderoi Dr. Rugovën për pritjen e ngrohtë që i bëri Naltmadhnisë së Tij, Mbretit të të gjithë shqiptarëve Leka Zogu I-rë, gjatë vizitës në Kosovë. Me pas ai i dhuroi edhe nje liber per Mbretin Zog i Pare ne emer te legalisteve te SHBA.

Pas fjalës përshëndetëse, Presidenti i Kosovës Dr. Rugova gjeti momentin për të përshëndetur të gjithë pjesëmarrësit dhe më pas për t'i takuar përzemërsisht e për të shkëmbyer biseda intime me ta.

Për sa më sipër, z.Luan Gashi theksoi se "një përshtypje jashtëzakonisht të madhe la ky gjest tepër miqësor e i motivuar i Dr. Rugovës". "Dr, Rugova, - tha Gashi, - duke takuar legalistët e mbretërorët në tavolinën ku ata ishin vendosur, u shpreh me këto fjalë: 'Kur Mbreti ishte në Kosovë, unë u thashë të gjithëve, se Lidhja e Prizrenit i takon Mbretit'. Ndërkaq, për Princin Leka Dr. Rugova u shpreh: 'Kam parë një intervistë të Princit Leka në TV. Princi Leka më ka mahnitur kur tha se 'unë kam origjinë kosovare. Princi ishte 'tel' nga goja, fliste pak, por mirë shqip."

Z.Luan Gashi u shpreh se "fjalët e Presidentit Rugova ishin fjalë që dilnin nga zemra fisnike dhe nga goja e një njeriu largpamës, një udhëheqësi legjendar shqiptar, që admironte dhe i jepte shpresë një pasardhësi të pinjollëve të Familjes Mbretërore shqiptare".

Ndër të tjera në një "atmosferë të këndshme në tavolinën e legalistëve e mbretërorëve, - sipas Gashit, - erdhi për të na përshëndetur edhe Këshilltari Juridik i Presidentit të Kosovës, z.Halit Muharremi", të cilit z.Gashi i kish drejtuar pyetjen: "Tani që maksimumi i kërkesave tuaja është Pavarësia dhe, nëse ajo realizohet, pas saj cila mendoni se do të jetë kërkesa tjetër e juaja?". Kësaj pyetjeje, z.Muharremi i ishte përgjigjur: "Integrimi i të gjithë shqiptarëve në një rrugë të përbashkët".

Z.Luan Gashi nënkryetar i Degës së Partisë Lëvizja e Legalitetit (PLL) për "Treshtetshin", në fund të prononcimit të tij tha se "Ky takim i përmallueshëm, mbresëlënës e i paharruar me Presidentin e Kosovës Dr. Ibrahim Rugovën dhe kabinetin e tij që e shoqëronte në këtë vizitë në Shtetet e Bashkuara të Amerikës, për një moment na solli para syve figurën e ndritur të Mbretit Zog, i cili me vetitë dhe dhuntitë e Tij të rralla pati arritur të bënte për vete të gjithë shqiptarët, brenda dhe jashtë kufinjve të Shqipërisë, në saj të zgjuarsisë, fisnikërisë e atdhedashurisë që rrezatonte.

Fjala e z.Hakik Mena ku i uron mirëseardhjen e Dr. Rugovës në takimin me legalistët e SHBA

Nderim e mirënjohje të përjetshme Rugovës

I nderuar President i Kosoves, Dr. Rugova!

Te nderuar perfaqesues te organizatave dhe partive te ndryshme politike!

Ne emer te legalistave te diaspores ketu ne Amerike ju uroj mireseardhjen dhe ju shpreh kenaqesine e madhe qe na jepet rasti te njihemi personalisht. Fati, perpjekjet, brenga, sukseset dhe deshtimet tona kane qene dhe mbeten te lidhura me Kosoven. Ne kemi qene dhe vazhdojme te jemi rryma politike e vetme shqiptare qe pa frike e jashta perllogaritjeve antishqiptare mbajme te ndezur pishtarin e ngadhnjimit te races sone drejt bashkimit kombetar.

Vleresojme sinqerisht urtesine, me ndihmen e se ciles Kosova shqiptare po pergatitet per hedhjen e hapit vendimtar te pavaresise dhe sic shpresojme ne me vone ate te bashkimit kombetar.

Mençuria, largpamesia dhe pjekuria juaj politike beri te mundur:

Krijimin e LDK-se ne 1989; Deklaraten e 2 Korrikut te Kuvendit te 1990; Kushtetuten e Kaçanikut me 7 Nentor 1990; Referendumin e popullit te Kosoves se 1991; Krijimin e te gjitha insitucioneve te shtetit te Kosoves qe ishin paralel me sundimin serb; Krijimin e kushteve per mbajtjen e zgjedhjeve dypaleshe 92-98 edhe pse ne kushte jashtezakonisht te veshtira nen pushtimin serb; Nderkombetarizimin e çeshtjes se Kosoves deri ne futjen e trupave te Natos ne Qershor te 1999, dhe mbi te gjitha evitimin e luftes civile ne Kosove e cila u imponua nga provokimet sllavo-komuniste qe ne strategji i ngjasonte asaj te 1944 ne Shqiperine Londineze.

Ju pergezoj per pritjen e perzemert qe i rezervuat Lekes I Mbretit te te gjithe Shqiptareve gjate vizites ne Kosove. Ndryshe nga ç'pretenduan e ç'pretedojne komunistet shqipfoles te Tiranes, me shpirt e mendje tek greku e serbi, kosovaret me ate pritje treguan se i jane mirenjohes Mbretit per perpjekjet gjate gjithe jetes se Tij per bashkimin kombetar.

Ashtu siç kemi bere per 94 vjet me radhe, do te vazhdojme te punojme per pavaresine e Kosoves dhe pse jo te Bashkimit Kombetar.

Ne Legalistet kemi qene dhe jemi prane Kosoves dhe mbeshtesim deri ne maksimum kerkesat e institucioneve te Kosoves p.sh. njohjen de jure te pavaresise se Kosoves, eleminimin e strukturave paralele kriminale serbe, dorezimin e pushtetit tek insitucionet e popullit te Kosoves, denimin e akteve kriminale dhe politike te cilat nxiten nga qarqet shoviniste serbe.

Ju uroj nje udhetim te sukseshem ketu ne Amerike dhe Zoti dhashte force tek ju dhe shqiptaret e ndershme qe keni perreth qe Kosoven ta çoni sa me shpejt drejt nje pavaresie te plote.

Zoti e bekofte Shqiperine, Kosoven dhe te gjithe popullin shqiptar ne trojet etnike dhe kudo qe ndodhet.

Ju faleminderit.

KUJTIME

Ali Maliqi - Agolli në Burgun e Burrelit, sipas kujtimeve të Abdullah Salihit(2)

Kurthi i Sigurimit për "arratisjen" nga burgu

Nga Porf.As.Dr. Bajram XHAFA

Vijon nga numri i kaluar

Meqenëse nuk i doli plani ogurzi, atëhere drejtori përgatiti një variant tjetër makabër. Puna do të bëhej brenda për brenda burgut. Do t'u ushqehej shpresa e ikjes dhe do të nxiteshin një pjesë e të burgosurve për të thyer burgun dhe... pastaj rojet që nga lart do të kryenin detyrat funksionale. Së pari duhej kontaktuar me të burgosurit më me autoritet, që kishin influencë dhe gëzonin besimin e të tjerëve. Personat më të përshtatshëm për këtë punë u menduan Isuf Beg Selmani nga Mati që ishte i vëllai i Hysen Selmanit, adjutantit të Mbretit Zog; Jonuz Shijaku nga Durrësi, pronar i dy fabrikave; Prof Coka, tregtar nga Tirana dhe Ali Maliqi i njohur si patriot dhe burrë me za në Dibër. Këta ishin personat tek të cilët kishin besim më shumë të burgosurit. Të katër këta i kishin futur në një qeli. Për të kontaktuar me ta ishte ngarkuar rreshter Qaniu, komandant i rojeve të burgut.

Pasi kishte marrë porositë e nevojshme, vizitën e parë Qaniu ua bën këtyre të katërve. Hap derën e qelisë dhe futet brenda gjoja fshehurazi, duke parë anash me bisht të syrit se mos e shikonte ndonjeri. Pasi i përshëndet, i pyet si i kanë hallet dhe u jep nga një cigare.- Më vjen shumë keq për ju kur ju shoh në këtë gjendje e në këto vuajtje, thotë Qaniu. Ndjej dhimbje e keqardhje për të gjithë të burgosurit dhe me sa kam mundësi i kam ndihmuar, vazhdon ai. I kam liruar nga birucat kur i dënojnë rojet, shumë herë ua kam hequr nga duart rojeve kur ata i rrihnin, apo kur u jepnin dënime të tjera jam munduar që t'ua lehtësoj.

Sjellja e Qaniut ishte si një melhem për brengat e pasosura të të burgosurve. Shtypja e padurueshme, trajtimi mizor dhe dëshira për t'i ikur asaj të bën të gënjehesh si një fëmi, të besosh në iluzione dhe të ushqesh shpresa për gjëra nga më të pabesueshmet.

Brenda pak kohësh Qaniu fitoi besimin e të burgosurve të cilët nuk pushonin duke e uruar për ndihmën që u jepte e lehtësitë që u bënte. Në këtë botë ka edhe njerëz të mirë e një i tillë "shpirt njeriu" midis ujqërve na qënkesh edhe Qaniu.

Pasi e bisedojnë midis tyre disa herë, edhe Isufi, Profi, Jonuzi dhe Aliu krijojnë besim tek Qaniu. Madje, puna shkoi aq larg sa Jonuzi dhe Profi me anë të Qaniut u lidhën edhe me familjet e tyre. Kur arriti në këtë kuotë, Qaniu vendosi të "hapet". - Unë kam mundësi që një pjesë prej jush t'i nxjerr nga burgu, u thotë ai. Unë jam komandant i rojeve. Disa prej tyre janë besnikët e mi të sigurt, mbasi i kam nga ana ime. Ata i kanë njerëzit e tyre në Amerikë dhe në Australi. Edhe unë e kam një vëlla në Australi e ne do të ikim sëbashku me ju. Prandaj lidhuni me shokët tuaj më të ngushtë e më besnikë që do të vijnë me ne, por kini kujdes shumë se po u zbuluam, plumbi na pret të gjithëve. Kështu filloi puna një e nga një dhe rrjeti filloi të hapej e të zgjerohej. Pritej kur do të jepej sinjali dhe të fillonte aksioni.

I pushtuar nga entuziazmi se po vinte dita të fitonte lirinë aq të dëshiruar, Prof Coku i premtoi Qaniut t'i japë një shtëpi. Ndërsa Jonuzi i tha se do t'i jepte vajzën e ta bënte dhëndër. Për ta konkretizuar më mirë marrëveshjen, Qaniu shkoi edhe në shtëpinë e tregtarit të madh durrsak, ku sipas të dhënave të pronarit, zbuloi edhe vendin ku tregtari i madh kishte fshehur florinjtë.

Natën para se plani të vihej në zbatim, Ali Maliqin nuk e mori gjumi. Ai i thirri mendjes shumë për atë aventurë të çmendur. Duke arsyetuar e lidhur mirë gjërat, fjalët, gjeste dhe veprimet, ai arriti në mendimin se kjo nismë nuk ishte gjë tjetër veçse një komplot i kurdisur me marifetet e përgjegjësit të rojeve të burgut. Kur u bë zgjimi, Aliu thërret Isufin, Jonuzin dhe Profin dhe u thotë: - Dëgjoni more burra, marrëveshja me Qaniun asht një komplot kundër të burgosurve, asht një tradhti që ne po u bajmë shokëve. Me këtë punë ne vetëm se do marrim në qafë veten dhe shokët tonë dhe më vjen keq për shokët, të cilët po i marrim në qafë ne, se sa për vete e kemi hak e na pastë në qafë mendja jonë. Dijeni mirë se sapo të dalim nga dera e burgut, aty na presin mitralozët e asnjeni prej nesh nuk shpëton i gjallë. Bile as deri tek dera nuk do të arrijmë. Mbi taraca janë të vendosuna kullat e rojeve (karakollet, u thoshim ne me fjalorin e vjetër) të armatosuna me mitralozë. Poshtë janë rojet e armatosuna me automatik. - Jo njerëz që ecin me kambë, por edhe zogu që fluturon me krahë zor të dalë i gjallë prej këndej. Prandaj kjo punë qoftë e lanun me kaq. Me Qaniun do të flas unë, përfundoi fjalën e tij Aliu.

Isufit, Profit e Jonuzit, të përgatitur e ushqyer me ëndrrën aq të dëshiruar të lirisë, u erdhi shumë keq për këtë ndryshim të vendimit nga ana e Aliut, prandaj filluan ta kundërshtojnë me forcë. - Jo, i thanë ata. Ne kemi bërë gjithë atë punë e gjithë ato përgatitje. Njerëzit tanë janë lajmëruar dhe janë përgatitur për veprim e tani ta lamë këtë punë. Gjendja u acarua shumë. Midis tyre filloi një debat aq i ashpër saqë Aliut nuk i mbeti rrugë tjetër për ta ndalur të keqen veçse duke i kërcënuar. - Në rast se do ta zgjasni më tej atë punë, unë do të njoftoj shefin e degës së punëve të brendshme, u tha.

Sakaq ja mbërriti Qaniu. Sapo erdhi, Aliu i drejtohet atij. - Unë sonte e kam ba gjumin haram duke menduar për këtë plan që kemi vendosur. Duhet të dimë se sapo të jepet alarmi për të lajmëruar arratisjen nga Burgu i Burreli të pesëdhjetë apo njëqind vetëve, ka me u ngritë në kambë e gjithë Shqipëria e nuk ka me mbetë udhë e shteg pa u zënë. Vendi do të bëhet ujë e mizë. Kufiri do të bëhet gardh nga nuk mund të kalojë as zogu, jo ma që puna nuk ka për të arritur as t'i afrohemi atij mbasi do të na kapin pa dalë mirë prej burgu. Ne, të humbur se të humbur, mbasi jemi të burgosur, por po merreni më qafë ju që jeni me punë dhe të gjithë të afërmit e të arratisurve, të cilët do t'i arrestojnë, izolojnë dhe internojnë.

Kur e kuptoi se plani i tij ishte para dështimit, Qaniu i kthehet Aliut dhe shokëvet të tij gjithë zemërim. - Unë kam bërë gjithë atë punë duke caktuar njerëz të sigurt e besnikë, duke u dhënë detyrat secilit në fshehtësinë më të madhe. Kam bërë gjithë ato përgatitje dhe tani të tërhiqemi, pikërisht tani kur na pret një e ardhme e madhe. Ti Ali, nëqoftëse ke frikë, rri e mos eja me ne, po të paktën mos na pengo e mos na merr në qafë ne të tjerëve. Besoj se për të na denoncuar nuk do të na denoncosh. Kur e pa vendosmërinë e tij për ta çuar krimin deri në fund, Aliu ia kthen me ton të prerë: - Kjo punë, këtu filloi dhe këtu të mbarojë! Përndryshe do të njoftoj shefin e degës Banush Goxhën dhe se çfarë ndodh më tej ju e dini vetë. Për këtë, përgjegjësinë e mbani ju. Qaniu e dinte mirë se drejtori i burgut me shefin e degës shkonin thikë e brisk, prandaj çohet gjithë inat, përplas derën me tersëllimë dhe ikën duke kërcëlluar dhëmbët.

Sapo mori raportimet e Qaniut se Ali Maliqi ua shkatërroi planin mu në prag të realizimit të tij, drejtor Vangjeli u bë si i xhindosur, tregon Abdullahi. Menjëherë jep urdhër që gjithë të burgosurit sëbashku me plaçkat e tyre të dalin në oborrin e burgut. Për dhjetë minuta, të burgosur me gjithë plaçkat dhe "katandinë" e tyre u gjendën aty; plaçkat në njerën anë dhe të burgosurit në anën tjetër të oborrit. Gjithë harbutëri filloi një kontroll i imët, në fillim mbi të burgosurit e pastaj përmbi plaçkat, të cilat i masakruan. I prenë, i shkyen dhe i përzien njera me tjetrën, zbrazën nga dyshekët leshin, pambukun, leckat e me çfarë të ishin mbushur. U bë një lëmsh e një katrahurë e vërtetë. Pasi mbaroi kontrolli, filluan ngatërresat midis të burgosurve. Dikujt i mbeti vetëm këllëfi i dyshekut pa asgjë brenda.

Gjithë ditën na mbajtën në oborr. Drejtori ishte bërë si një bishë e tërbuar. Ai shkonte e vinte duke na kaluar pranë e duke folur me vete. Vetëm një fjalë i merrej vesh: - Ja, shiko gjithë këta politikanë, vetëm nji Ali Maliq paskan patur, hë! Hë? Vetëm një Ali Maliq!?

Ali Maliqin nuk e pamë më. Sigurisht, duhet ta kenë çuar në ndonjë birucë. Një mendje e tillë nuk duhej lënë më tej midis të burgosurve. Ajo duhej izoluar, ose...

* * *

Kur ra Koçi, fjala u hap si rrufeja midis të burgosurve. Koçin e kishin arrestuar. - Tash e paska vendin këtu tek ne, - thashë unë, (tregon Abdullahi) që ta dëgjonin të gjithë. Jo larg ishte edhe drejtor Vangjeli - Jo, jo, ma ktheu gjithë inat. Ai nuk është si ju. Ai është burrë shteti që i ka dhënë partisë dhe shtetit, kurse ju i keni vënë kazmën këtij pushteti. Siç duket replika kishte mbërritur me të shpejt në veshin e shefit të degës së punëve të brendshme i cili nuk vonoi të vijë e të bëjë sqarimet e duhura.

- Tani ju të burgosurit mund t'u shkruani familjeve tuaja që t'u sjellin çfarë të kenë mundësi e sa të munden, tha shefi i degës. Ata janë fukara për vete, por kandar nuk ka më. Rregulli i shtatë kileve për të burgosurit është hequr (të burgosurve nuk u lejohej të mbanin më shumë se 7 kg. ushqime të çfarëdollojshme për çdo vizitë nga të afërmit e tyre). Kandarit do t'i fus shqelmin që tani, tha shefi i degës me një ndjenjë triumfi ndaj sfidantit të vazhdueshëm. - Gradualisht, gradualisht, tha paksa nën zë drejtor Vangjeli. - Jo gradualisht, por totalisht, i mëshoi me zë të fortë Banushi. Ju e keni marrë vesh arrestimin e Koçit, bëri sqarimin shefi i degës me një zë si të desh të jepte një sihariq. Dikush prej jush paska thënë se Koçi Xoxe e ka vendin këtu tek ne, në Burgun e Burrelit. Ai nuk e ka vendin këtu, por e ka në plumb, tha gjithë duf ai.

Për krimet e tij, ish minstri i Brendshëm Koçi Xoxe mori dënimin dhe ndëshkimin e merituar. Edhe disa nga bashëpunëtorët dhe bashkëfajtorët e tij morën masa dënimi. Por për Ali Maliqin nuk i ndryshoi asgjë. Fati i tij eci në shinat e mëparshme. Atë e shpunë diku në një kamp pune sepse i duhej zënë koha me punë dhe me asgjë tjetër. Por masbata (karakteristika dhe biografia) e nacionalistit do ta ndiqte kudo që të shkonte për të mos ia ndryshuar fatin dhe... siç e thamë në fillim, fundi i tij qe tragjik. Regjimi antikombëtar kishte ende shumë e shumë kohë në dispozicion dhe rrugë për të bërë e Ali Maliqi nuk duhej lejuar as të bënte hije mbi dhe. Sikur asgjë të mos bënte, vetë ekzistenca e tij, ajo ç'ka ai kishte bërë për Shqipërinë ishte denoncuese për regjimin komunist.

Vrasja e Ali Maliqit, thotë duke e mbyllur këtë episod Abdullah Salihi, i shkëputi monarkisë shqiptare një ndër burrat më të shquar e më besnikë të saj. Ajo ishte një humbje e rëndë për gjithë nacionalizmin shqiptar.

Fund

HISTORIA

Kol Mjeda, deputet monarkist dhe sindikalist i njohur i Shkodrës

Kol Mjeda, atdhetar me përmasa kombëtare

Nga Doc. Dr. Zyhdi Zekja

Namik Kruja

Një person i harruar, por që meriton të kujtohet është edhe Kol Mjeda. Duhet përmendur se disa pjestarë të fisit Mjeda janë të njohur në qytetin e Shkodrës për kontributin e tyre në çështjet patriotike dhe fetare, si edhe në lëmin e gjuhës e të artit, si Ndre Mjeda dhe Imzot Lazër Mjeda.

Kol Mjeda ka lindur në Shkodër më 4 dhjetor 1895. Mbaron në Shkodër shkollën fillore, ndërsa shkollën e mesme teknike e kryen në Drezden të Gjermanisë, ku më pas mbaron edhe shkollën teknike superiore në Stilistikë (Moda e veshjeve për burra). Ndonëse larg atdheut, mban lidhje rregullisht me familjen, të afërmit dhe shokët e tij, pa përjashtuar edhe miq, të rinj e të huaj. Me kthimin në Shqipëri, fillon të ushtrojë profesionin e stilistit në zejen e rrobaqepsisë, duke hapur një sallon mode për burra, ku qepeshin e nivel stilistik të lartë veshje për burra: Bonjeure, Rontigeau, fraqe të modës së fundit etj..

Gjurmët e ekzistencës së këtij salloni made, ekzistojnë në udhërrëfyesin ose në Guidën e qytetit të Shkodrës së asaj kohe; ku pasqyrohet adresa dhe reklama e tij.

Ekzistenca e këtij salloni mode bëri që shkodranët të fillojnë të kenë një "revolucion" në veshjet e tyre qytetare, ku filloi të lihej moda e vjetër tradicionale dhe filloi veshja e re që shkodranët e quanin "alla franga".

Tani, aristokracia, tregtarët, shtetarët apo intelektualët e studentët që drejtoheshin në Perëndim, ishin në gjendje të bënin një "Bella figure" në të gjitha nivelet e shoqërisë perëndimore dhe aristokratike.

Qyteti i Tiranës, edhe tani, në vitin 2004, nuk e ka një zeje të tillë, por as stilistë mode të liçencuar dhe të njohur si të tillë. Ka gjithkund tregtarë që ekspozojnë prodhime të të tjerëve, por jo prodhim mode "alla-shqiptar".

Çdo gjë e tillë, pra moda në veshjet tona, është e diktuar nga sallonet të tjera perëndimore apo lindore dhe VIP-at i drejtohen vendeve të tjera dhe për një pullë xhakete.

Në saje të aftësive të tij profesionale, Kola e zgjëron zejtarinë duke punësuar deri 6 punëtorë, me profesionistë të shquar të asaj kohe në Shkodër si Kol Tivari, Gjon Laca etj..

Kol Mjeda arriti ta zmadhojë aktivitetin e tij me një punëtori të madhe për atë periudhë, deri në 60-80 punëtorë. Duke qenë i diplomuar në Gjermani në këtë fushë, si dhe duke shfrytëzuar referencat nga Drezdeni, Kola arriti që nga Shkodra të lidhë kontrata pune me sipërmarrës austriakë për qepjen e veshjeve me porosi të klientëlës së huaj.

Kjo shoqëri, për hir të së vërtetës, kur u formua e gjeti Kolën të ri, por, pas kthimit të tij nga studimet dhe emigracioni, e gjeti të kompletuar dhe me vizion të ri. Në vitin 1919 Kola bëhet kryetari i saj, ndërton statutin e saj sipas rregullave perëndimore dhe demokratike. Kjo shoqëri krijoi bordin e saj, ka nënkryetarin dhe dy sekretarë, kasjerin, llogaritarin dhe mjekun. Më pas kjo shoqëri bëhet bërthama e krijimit të një shoqate, në të cilën arrijnë të aderojnë deri në 60 mijë persona, si punëtorë, zejtarë, tregtarë të vegjël e të mesëm.

Kjo shoqatë u vinte në ndihmë anëtarëve të saj në raste hidhërimesh (vdekje) e gëzimesh (martesa); në raste sëmundjesh e deri në kriza falimentimi apo në rast fatkeqësie si zjarr e përmbytje.

Kjo shoqatë u bë edhe promotor i lëvizjeve punëtore në Ballkan, si në Mal të Zi, Mitrovicë, e deri në Kroaci, duke u mësuar edhe shoqatave të tjera se si të kërkojnë të drejtat e tyre nga punëdhënësit. Megjithë politizimin e qëllimshëm, Kristaq Misha, në librin e tij "Lëvizja Punëtore", nuk mundet të argumentojë e paraqesë Lëvizjen Punëtore në Shkodër si "revolucionare". Kola është ndër të parët të rinj shkodranë, nismëtarë të organizimit të Lëvizjes sindikaliste. Me iniciativën kryesisht të punëtorëve shkodranë, që kishin punuar kryesisht në Austri, Itali, Bosnje, Mal të Zi etj., u përhapën ide sindikaliste dhe demokratike. Punëtorët dhe zejtarët e ndryshëm e që punonin në kushte të vështira pune, shtruan herë pas here kërkesat e tyre për ngritje pagash, për një orar të reduktuar pune. Për realizimin e kërkesave të tyre, ata organizuan edhe greva, si ato të vitit 1901, e pastaj në vitin 1905 e në vazhdim.

Më 1 prill 1907 u krijua "Shoqëria Ndihmëtare e Punëtorëve" në Shkodër, me në krye Simon Rranxin, Kol Mjedën, Kol Lukën, vëllezërit Daia dhe Dajçi, Hilmi Drishtin, Anastas Zaqorën, Gjon Lacajn, Et'hem Behrin, Kel Marubin, Abdyl Jasharin etj.. Aktiviteti i kësaj shoqërie, me ndërprerje të vogla, sipas kushteve politiko-shoqërore, vazhdoi deri me pushtimin e Shqipërisë nga Italia fashiste në vitin 1939.

Për të sensibilizuar opinionin publik, aktiviteti i kësaj shoqërie është pasqyruar edhe në shtypin e kohës.

Kol Mjeda ka qenë një nga themeluesit kryesorë të Lëvizjes sindikaliste të Shkodrës dhe, në periudha të ndryshme ka qenë edhe sekretar, nënkryetar dhe kryetar i kësaj shoqërie. Ai është iniciatori i veprimeve dhe aktiviteteve dobiprurëse, sikurse është rasti i krijimit të shoqërisë artistike muzikore "Rozafa".

Në vitin 1918, Kola i binte klarinetës dhe me grupet orkestrale jepnin shfaqje për popullin në festat kombëtare. Për aftësitë e tij dhe reputacionin që gëzonte në masën e punonjësve, shoqëria e zgjodhi edhe anëtar të këshillit të bashkisë së qytetit, ku me shumë përkushtim ai mbrojti të drejtat qytetare.

Për mëse 20 vjet, Kol Mjeda ka punuar pa u lodhur si një nga drejtuesit e kësaj shoqërie, deri në triumfin e Legalitetit. Me eksperiencën e fituar në Lëvizjen sindikaliste, çka e ndihmoi të njihet me problemet sociale të vendit, Kol Mjeda, qysh në vitin 1924 filloi t'i përkushtohet edhe politikës dhe të merret edhe me qeverisjen e shtetit shqiptar, në detyra të ndryshme. Në fillim ai kryen funksionin e kryetarit të bashkisë së Shkodrës. Për disa legjislatura ai ka qenë deputet i Shkodrës dhe arrin të zgjidhet deri zv/president i Asamblesë kombëtare. Vlen të kujtohet se në zgjedhjet e deputetëve të Prefekturës së Shkodrës në vitin 1925 dolën 8 vetë, njerëz të dëgjuar si Maliq Bushati, Tef Gera, Ndrek Kici, Zenel Mandia etj., dhe në mesin e tyre ishte edhe Kol Mjeda, i cili mori numrin më të madh të votave. Në fund të karrierës së tij (rreth 3 vjet), Kola ka qenë prefekt i Qarkut të Dibrës.

Kol Mjeda do t'i përgjigjesh emërimit në detyrat shtetërore me seriozitet dhe me angazhim, duke fituar jo vetëm simpatinë e bashkëqytetarëve por edhe të të gjithë atyre me të cilët bashkëpunoi.

Kol Mjeda, falë talentit dhe përkushtimit, ka dhënë edhe një kontribut modest në publicistikën e kohës. Në vitin 1925, Kola ka drejtuar me kompetencë për një kohë të gjatë fletoren e përjavshme "Zani i Popullit", qe dilte në Shkodër. Gjithashtu, ka bashkëpunuar dhe shkruar artikuj publicistikë në revistën prestigjioze "Leka".

Nga artikujt e botuar, përmendim "Ekonomi Kombëtare e Bujqësi"; "Si t'i shpëtojmë inondatave"; Mbi edukatën e ndjesisë së atdheut etj.. Kol Mjeda sëbashku me kushëririn e tij, Dom Ndre Mjeda, në qershor të vitit 1930 vizituan vendlindjen e Budit (shkrimtarit të moçëm), ku u njohën nga afër dhe bënë studime mbi trojet, fisin, gjuhën e Imzot Pjetër Budit. Këtë vizitë, Kol Mjeda e pasqyron shumë bukur në revistën "Leka" në korrik të vitit 1930, nga ku del qartë personaliteti dhe madhështia e këtij matjani mendjendritur.

Jeta e Kol Mjedës është një shembull i mirë që vërteton se ambicja të nxit për të ecur në jetë. Ai, nga një zejtar arrin të bëhet një intelektual që zotëronte 4 gjuhë të huaja si gjermanisht, italisht, serbo-kroatisht dhe turqisht, madje edhe drejtoi me kompetencë gjatë detyrave të rëndësishme shtetërore.

Bindja politike e Kol Mjedës ishte se Monarkia është forma më e mirë e regjimit. Ai shprehej se "vetëm Ahmet Zogu mund ta drejtonte shtetin shqiptar, falë aftësive të tij të rralla prej politikani dhe ushtaraku" dhe se "vetëm Ai mund ta çojë vendin drejt përparimit, nën shembullin e shteteve më të zhvilluara.

Më 25 gusht të vitit 1925, në seancën e parë të Asamblesë Kushtetuese, deputeti i Shkodrës Kol Mjeda kërkoi fjalën në të cilën tha: "Në këtë stinë, pesë shekuj më parë, prijësit shqiptarë ishin mbledhur në Lezhë, në Kuvendin e Madh historik, për me i dhurue të Madhit Skënderbej Kurorën e Shqipërisë. Unë sot propozoj që Asambleja Kushtetuese të përcjellë dëshirën e popullit e T'i dhurojë Shpëtimtarit të Kombit Kurorën e Mbretërisë së të Madhit Skënderbe... Ja, stërnipi yt, Zogu, po ze vendin tand, bash Ai që, me gjoks e shpatë, u ba shpëtimtari i Kombit. A je kund Naim? Po ti o Vaso Pasha, ku je? Ejani këtu e shkruani dy vargje prej zemrës suaj, dhe rrëfejini botës se populli shqiptar, që e ruajti mes luftrash Fronin e të Madhit Skënderbe, sot po krenohet, po naltësohet me të madhin Zog - Mbretin e Shqiptarëve".

***

E kujtojmë këtë sindikalist dhe deputet të Mbretërisë Shqiptare me rastin e 53-vjetorit të vdekjes në Burgun e Burrelit, më 24 prill 1951, i akuzuar si "Armik i popullit".

Familja e tij u persekutua për gjysëm shekulli nga diktatura komuniste dhe, as sot e kësaj dite nuk ka mundur të gjejë eshtrat babait atdhetar.

Me fillimin e proceseve demokratike, djali i Kol Mjedës, më i vogli dhe i vetmi i mbetur gjallë, Cezari, aderoi në Degën e PLL Shkodër bashkë me vajzën e tij Apollona, në vazhdim të idealit Mbretëror të të paharruarit Kol Mjeda.

___________________________

25 Prill 2004, Nr.16(586)
___________________________

KRYESORE

Në seancën parlamentare të datës 19 prill deputeti Spahiu rrëzon kryeministrin Nano

Qeveria Nano justifikon ligjin grek të luftës

Ditën e hënë, dt.19 prill 2004, në seancën me debat të kërkuar nga kryelegalisti Spahiu me kryeministrin Nano, socialistët synonin ta shtynin atë për një ditë tjetër me pretendimin e "axhendës së ngjeshur të kryeministrit, por kjo tentativë u hodh poshtë nga kryetari Spahiu, kështu që Nano u detyrua të vinte në Kuvend tre orë pasi kish filluar seanca.
Në fjalën e tij të matur dhe të kujdesshme, z.Nano u mundua të justifikohej me pretekstin se "pika e katërt e kërkesës së z.Spahiu ishte pa objekt", ndaj, si e tillë, nuk mund të merrte përgjigje, pasi nuk ekzistonte në tekstin e rezolutës së miratuar në Qershor të vitit 2003". Ky pretendim absurd i z.Nano u hodh poshtë nga z.Spahiu, i cili i kujtoi kryeministrit se kjo pikë ishte nxjerrë nga teksti integral i rezolutës dhe kishte të bënte me pikën ku thuhej se "të dy palët obligoheshin për ngritjen e komisioneve për zgjidhjen e problemeve të pronësisë së popullatës çame dhe të shtetasve shqiptarë në Greqi". Të gjithë e kuptuan se preteksti i mungesës së kësaj pike ishte një bllof i Nanos për të kaluar lumin dhe kjo tentativë e tij ngjalli ilaritet në sallë, sepse asnjëherë socialistët, që kishin dy muaj që e mbanin kërkesën e z.Spahiu në sirtar, nuk e kishin nxjerrë një pretendim të tillë.
Më pas z.Nano u mundua të vlerësonte marrëdhëniet shumë të mira midis dy vendeve dhe mosngritjen e komisionit nga pala greke e justifikoi me "situatën zgjedhore në Greqi", pa mundur të justifikojë moszbatimin e detyrimeve që rridhnin nga "Traktati i Miqësisë dhe Bashkëpunimit..." midis dy vendeve, nënshkruar në mars të vitit 1996 dhe të rezolutës së miratuar nga Kuvendi në Qershor të vitit të kaluar". Pastaj Nano, me një batutë pa sens të tipit "Unë z.Spahiu, po i përgjigjem në mënyrë legale dhe në daçi edhe legalishte pyetjeve tuaja dhe... nuk mund të bëhem më legalist se kaq", - i dha fund shpjegimeve të tij, pasi premtoi se do të ngrinte fakultete në gjuhën shqipe në universitetet e Athinës, Janinës dhe Selanikut, si dhe afro 120 klasa e shkolla private në Greqi, të cilat ai i garantoi me mirëkuptimin e palës greke dhe me mundësitë e hapësirat që krijonte ligji grek për arsimin.
Në përgjigjen e tij z.Spahiu shtjelloi me fakte dhe argumente të pakundërshtueshme ekzistencën e Ligjit të Luftës në Greqi, mosabrogimin e tij, efektin dhe veprimin administrativ lidhur me pronat e shqiptarëve. Pastaj z.Spahiu demonstroi para deputetëve dhe mediave një foto të zmadhuar të ndërtesës së Ambasadës shqiptare të kohës së Mbretërisë, që ndodhet në rrugën "Vassillis Sofias", një ndërtesë kjo me arkitekturë moderne, e ndërtuar me paratë e shtetit shqiptar, e që aktualisht ndodhet nën sekuestro nga shteti grek, i cili e përdor atë si Muze. 
Në vijim, z.Spahiu i tha z.Nano se "nuk mundej të siguronte nga pala greke dëmshpërblimin pasuror dhe kthimin e pronave të shqiptarëve e popullsisë çame, në një kohë që nuk arrinte dot të merrte as pronën e shtetit shqiptar, por ishte detyruar të blinte para disa vitesh një ndërtesë të rrënuar, që kish qenë Ambasada e dikurshme e Gjermanisë Lindore, të cilën qeveria shqiptare e kish blerë 3.4 milionë Euro. 
Në përfundim të fjalës së z.Spahiu, z.Nano, në pamundësi për të bërë replikë e konsideroi fjalën e kryelegalistit si "paragjykim në adresë të tij", me argumentin se z.Spahiu kish ardhur "në këtë seancë me një fjalë të parapërgatitur", çka shkaktoi të qeshura në sallë. 
Kështu, në këtë seancë me debat, të cilën Nano e braktisi sapo mbaroi fjalën z.Spahiu, PLL triumfoi me argumenta të pakundërshtueshme, duke shënuar një fitore tjetër dhe duke konsoliduar qëndrimet në mbrojtje të interesave shqiptare, të cilat PLL i mbështet në standartet e gjithëpranuara dhe konventat ndërkombëtare të firmosura nga Greqia dhe Shqipëria, si palë. 
A.K.

Fjala e kryetarit të PLL mbajtur në kuvend në seancën e pyetjeve me kryeministrin e Shqipërisë z.Fatos Nano

Spahiu: Pse nuk zbatoni rezolutën për Çamërinë


Z.Kryeministër
Kuvendi i Shqipërisë më 12 qershor 2003 ka miratuar një rezolutë "Për Marrëdhëniet midis Shqipërisë dhe Greqisë". Unë kam kërkuar që Ju të sqaroni zbatimin e saj në disa pika.
Ju u munduat, si gjithmonë, t'i anashkaloni problemet reale të çdo karakteri qofshin, por unë mendoj se, kur bëhet fjalë për interesa kombëtare, duhet me qenë më korrekt dhe i përgjegjshëm. 
Ju i dini shumë mirë problemet që ekzistojnë mes Shqipërisë dhe Greqisë, dhe nuk e kam ndërmend që t'ju bind ju dhe maxhorancën që përfaqësoni, por jam i detyruar të sqaroj opinionin në lidhje me pyetjet që ju kam adresuar rreth problemeve që ekzistojnë realisht mes Shqipërisë dhe Greqisë. 
Përsa i përket pikës së parë që ka të bëjë me Ligjin e Luftës, faktet janë këto:
Parlamenti grek më 10 nëntor 1940 miratoi Ligjin Nr. 2636 "Mbi veprimet juridike të armiqve dhe konfiskimin konservativ të pasurive armike". 
Pas pushtimit të Greqisë nga Gjermania, me 30 prill 1941, Këshilli i Ministrave të Greqisë, mori vendimin t'i japë fund fuqisë së këtij Ligji. Megjithatë, ky ligj u risoll në fuqi me Ligjin Nr.13 të vitit 1944, nëpërmjet të cilit Shqipëria konsiderohej "vend armik".
Në vitin 1966, parlamenti grek miratoi Ligji Nr. 4506 "Mbi ndalimin pa leje të posaçme të kryerjes së veprimeve juridike që kanë të bëjnë me pasuritë në Greqi të personave me origjinë greke e me banim në Shqipëri", i cili është vazhdim i Ligjit të Luftës së vitit 1940. 
Më 27 gusht 1987, qeveria greke e kohës, deklaroi nëpërmjet zëdhënësit të saj se i kishte dhënë fund "... gjendjes së luftës me Shqipërinë".
Këtu fillojnë momentet politike dhe juridike në mbajtjen akoma në fuqi të Ligjit të Luftës nga Parlamenti dhe shteti grek. 
Qeveria greke nuk e ka tagrin që të shfuqizojë ligjet e nxjerra nga parlamenti, çka do të thotë se vendimi i qeverisë greke "Për heqjen e gjendjes së luftës me Shqipërinë", si akt nënligjor, nuk ka kurrfarë vlere dhe fuqie juridike e administrative për të shfuqizuar Ligjin e Luftës.
Më 21 mars 1996, në Tiranë u nënshkrua "Traktati i Miqësisë, Bashkëpunimit, Fqinjësisë së Mirë dhe Sigurisë midis Republikë së Shqipërisë dhe Republikës së Greqisë". Në asnjë rresht të këtij Traktati nuk përmendet Ligji i Luftës, por sipas këtij Traktati, "Do të ngrihen komisione të përbashkëta" ku, neni 15 i Traktatit, në mënyrë taksative përcakton: "Secila nga palët kontraktuese, do të përballojë mundësinë e heqjes, brenda kuadrit të saj ligjor, të pengesave që vështirësojnë gëzimin e pasurive që kanë shtetasit e njërës palë në territorin e palës tjetër."
Z.Kryeministër nuk na tha asgjë se çfarë arritjesh kanë këto komisione të përbashkëta, nëse janë ngritur nga viti 1996 e këtej!!! Ndërkohë, shteti grek, në vend që të merrej me zbatimin e neneve të Traktatit të Miqësisë, na vë para absurdit, ngaqë Parlamenti grek, në 27 nëntor 1998, (më shumë se dy vjet nga Traktati i Miqësisë), miraton Ligjin nr. 2664 që ka të bëjë me regjistrimin e pronave dhe pasurive, ku, sipas nenit 6 të tij, janë vënë afatet kohore 5 vjet për shtetasit që janë me banim në Greqi dhe 7 vjet për banorët që qëndrojnë jashtë Greqisë, çka i bie që më 27 nëntor 2005, mbyllet përfundimisht regjistrimi i pasurive të shqiptarëve në shtetin grek.
Z.Kryeministër,
Të nderuar kolegë
Përveç pronave të popullsisë çame, në Greqi ka edhe prona të tjera të shqiptarëve dhe të shtetit shqiptar, që janë nën sekuestro. Unë mund t'ju tregoj ju, dhe nëpërmjet kamerave, të gjithë shqiptarëve, që një nga këto prona të mbajtuara nën sekuestro, është edhe kjo godinë që ju e shihni në fotografi, e cila ka qenë ambasada e Mbretërisë Shqiptare në Greqi. 
Pra, ky ka qenë serioziteti dhe autoriteti i shtetit shqiptar në shërbimin diplomatik dhe imazhin politik. Ndërsa Shteti i sotëm, nuk e ka kurajon të kërkojë pronën e tij, që t'i shërbejë sipas funksionit për të cilin është ndërtuar. 
Ju e dini shumë mirë që shërbimi diplomatik shqiptar në Greqi është kryer nëpër apartamente me qira, aspak dinjitoze, apo së fundi, kur janë harxhuar miliona dollarë të shtetit për të blerë godinën e re.
Z.Kryeministër, kjo është shkresa zyrtare që Ministria e Punëve të Jashtme të Greqisë, me nr.131, datë 18.06.1999, i paraqet Ambasadës shqiptare në Athinë, ku thuhet se "ligjet greke 2636 (Ligji i Luftës) dhe ligji 4506 (Për pasuritë), sot e kësaj dite janë në fuqi".
Kur pala greke, ekzistencën e ligjit të luftës e pohon shkresërisht, a mendoni ju z.Kryeministër dhe mazhoranca juaj, se Ligji i Luftës nuk është në fuqi?!!!
Prandaj qëndrimi i Grupit parlamentar të PLL dhe të hartuesve të projekt-rezolutës së parë - ka qenë mjaft korrekt, duke kërkuar në mënyrë taksative abrogimin e Ligjit të Luftës, si pika kryesore që mban peng gjithçka.
Mazhoranca aktuale socialiste, me datën 8 Prill nuk votoi as atë projekt-rezolutë minimale për çeshtjen e popullsisë çame, dhe me këtë akt tregoi nënshtrimin e plotë të shtetit shqiptar përballë atij grek.
Përsa u përket marrëdhënieve "të shkëlqyera" mes Shqipërisë dhe Greqisë, e kam theksuar se ato janë të shkëlqyera për palën greke. 
Unë dua t'ju sjell dy fakte të reja, pa përmendur ato të kaluarat.
E para, Kryetari i Kuvendit z.Pëllumbi, na ka dërguar në komisionin e politikës së jashtme, letrën e një emigranti shqiptar në Greqi - e cila është dëshmi e diskriminimit që atij i bën shteti grek, dhe e mosdhënies së ndihmës së kërkuar nga ana e ambasadorit tonë në Greqi.
E dyta, është ajo e një qytetari me origjinë çame, i cili ka lënë shtetësinë shqiptare, qysh në vitin 1995, për t'u rikthyer në trojet e të parëve, por ambasada greke që prej 9 vjetësh nuk i jep vizë për të shkuar në Greqi, e për të rifituar shtetësinë greke dhe, për rrjedhojë, edhe pronat e tij.
Dhe, së fundi, në Greqi punojnë dhe banojnë rreth 600 mijë emigrantë shqiptarë, por konform "Traktatit të Miqësisë" nuk ekziston asnjë klasë apo shkollë shqipe për arsimimin e fëmijëve të tyre në gjuhën amtare. Nëse do të vazhdohet kështu, do të kemi pasoja katastrofike për të ardhmen e Kombit shqiptar.

POLITIKA

Sekretari i Përgjithshëm Artan Tujani dhe ai i Marrëdhënive me Publikun Neritan Kolgjini denoncojnë dhunën mbi të burgosurit politikë

Stop dhunës ndaj të burgosurve politikë

Partia Lëvizja e Legalitetit denoncoi dhunën ndaj ish të burgosurve politikë nga regjimi i Nanos gjatë një konference shtypi me gazetare, të mbajtur ditën e shtunë dt.24 prill në selinë e saj. Në këtë konferencë ku para mdiave doli Sekretari i Pergjithshem z.Artan Tujani dhe sekretari i Marredhenieve me Publikun z.Neritan Kolgjini, krerët legalistë bënë një rezyme të sjelljes së qeverive të pas 90-ës me të burgosurit politikë ku u vu theksi në faktin që kjo shtresë nuk kishte përfituar asgjë në pikëpamje financiare gjatë gjithë këtyre viteve.
Legalistët thanë se pa dëmshpërblimin e kësaj shtrese në kufijtë e përcaktuar nga ligjet në fuqi, shteti shqiptar më kot pretendon se mund të integrohet në BE.
Gjatë konferencës drejtuesit e PLL thanë se është e papranueshme përgjakja barbare që iu bë nga policia ish të burgosurve politikë para disa ditësh. Ata thanë se ky është një akt kriminal që tregon për një mendësi tipike komuniste, e cila duhet të marrë fund sa më parë.
Legalistët konfirmuan në këtë konferencë shtypi edhe njëherë mbështetjen e tyre totale për ish të burgosurit.
"Atdheu"


Legalistët në konferencë shtypi

100 përqind dëmshpërblim për të burgosurit politikë

Partia Lëvizja e Legalitetit shpreh indinjatën e saj të thellë për aktet ekstreme të dhunës, të kryera nga trupat policore ndaj protestuesve ish të burgosur politikë në sheshin para selisë së Shoqatës së të burgosurve dhe Kuvendit të Shqipërisë. Partia Lëvizja e Legalitetit e denoncon këtë akt kriminal dhe deklaron se do të bëjë të gjitha përpjekjet për të zbardhur autorët e asaj dhune brutale mbi ish të burgosurit, ndërsa emrat e autorëve do të shënohen në librin e persekutorëve që duhet të dalin para drejtësisë.
Partia Lëvizja e Legalitetit gjykon se sjellja e Partisë Socialiste, deputetëve të saj dhe qeverisë Nano, është sjellje tipike komunistësh, të cilët e ndajnë shoqërinë në klasa. Sipas asaj ndarjeje, ish të burgosurve u ka rënë për pjesë të konsiderohen klasa "reaksionare". Ky qendrim vërehet në mosdenoncimin e përgjakjes së paprecedent të ish të burgosurve, në zvarritjen pafundësisht të ligjit "Për dëmshpërblimin...", dhe së fundi në heqjen e tij nga radha e diskutimeve në Kuvend si dhe kërkesa e bërë Komisionit të Venecias për t'u shprehur në lidhje me rregullsinë e tij. 
Nisur nga kjo ne paralajmërojmë "klasën sunduese" se po vazhdoi në këtë kurs që ka nisur, vjen një ditë që "klasa reaksionare" do të reagojë fort. Socialistët e sotëm, duhet ta kenë të qartë se në Shqipëri nuk mund të përsëritet dy herë revolucioni i mëndafshtë. Pasojat do të jenë shumë të rënda, nëse këmbëngulet në këto padrejtësi ndaj shtresës më fisnike të kombit shqiptar.
Partia Lëvizja e Legalitetit e ndien veten tërësisht pjesë e shtresës antikomuniste dhe të persekutuar nga regjimi komunist. Kështuqë ne konsiderojmë se dhuna e përgjakshme e ushtruar mbi ish të burgosurit, është një dhunë e përgjakje e Partisë Lëvizja e Legalitetit.
Ne u themi ndal xhahilëve që kanë sot në dorë pushtetin.
Së fundi, pohojmë se politika e qeverive të majta të pas-90-ës, ka qenë një politikë e vazhdimit të genocidit ndaj ish të burgosurve politikë, në forma të kamufluara, politikë e cila duhet të marrë fund njëherë e përgjithmonë.
Partia Lëvizja e Legalitetit konfirmon mbështetjen e saj maksimale për ish të burgosurit politikë dhe për kërkesat e tyre 100 për qind të ligjshme, të drejta e të realizueshme. 
Tiranë, më 24.4.2004




Partitë e opozitës, protestë tjetër para ministrave të BE në Belgjikë

Spahiu në Bruksel për "Nano Ik"

Sulejman Gjanaj ka insistuar në faktin, që Shqipëria duhet të jetojë konform të gjitha parametrave europiane, ashtu siç e meriton dhe jo të udhëhiqet nga një qeveri e korruptuar dhe antishqiptare. 

Partia "Lëvizja e Legalitetit" dhe dega e Partisë Demokratike në Belgjikë kanë organizuar për herë të dytë manifestimin "Nano ik" përpara institucioneve europiane në Bruksel dhe më konkretisht përballë Këshillit të Ministrave të Bashkimit Europian për të shprehur solidaritetin me lëvizjen "Nano Ik" në Shqipëri, që është përhapur në qytete të ndryshme të vendit. Lajtmotivi i këtij manifestimi në të cilin kanë marrë pjesë me qindra shqiptarë të Belgjikës, ka qenë korrupsioni dhe krimi i organizuar në Shqipëri, ashtu si dhe nevoja për organizimin e zgjedhjeve të lira, të ndershme. 
Në këtë manifestim, i ftuar nga Shqipëria prej organizatorëve, ishte edhe kryetari i Partisë "Lëvizjes e Legalitetit", deputeti Ekrem Spahia. Në fjalën e tij kryelegalisti u ka shpjeguar protestuesve se lëvizja "Nano Ik" ka përfshirë shtresa të ndryshme të popullsisë. Ai ka thënë se lëvizjen e kanë përkrahur kryefamiljarët, pasi ata nuk kanë të ardhurat e mjaftueshme për të ushqyer fëmijët e tyre. Sipas tij lëvizjen e përkrahin pensionistët, të ardhurat e të cilëve nuk dalin as për të paguar faturat e telefonit. "Nano Ik" e kanë mbështetur edhe intelektualët që gjenden pa punë, të përjashtuar nga administrata shtetërore, pasi aty janë punësuar militantët e Partisë Socialiste. Truri i kombit shqiptar është jashtë atdheut," ka theksuar Ekrem Spahia. Në përfundim, ai ka kërkuar zgjedhje të ndershme në Shqipëri, si e vetmja mënyrë që mund t'i sjellë vendit vlerat për të cilat ka nevojë.
Vendi i organizimit, para Zyrave të BE, nuk ishte aspak i rastësishëm, pasi pjesëmarrësit pas peticionit që u kanë dërguar institucioneve europiane kanë kërkuar sërish ushtrimin e presionit dhe ndërhyrjen e institucioneve europiane për ndryshimin e situatës politike, ekonomike dhe sociale në Shqipëri.
Kyetari i degës së Partisë Demokratike në Belgjikë, Shkëlqim Hoxha ka thënë se populli shqiptar ashtu si dhe shqiptarët që ndodhen jashtë Shqipërisë, nuk mund të pranojnë që të udhëhiqen nga një grup hajdutësh me në krye kryeministrin shqiptar, që ka si parim "vidh sa të duash dhe bëj si të them unë".
Ndërsa kryetari i Partisë "Lëvizja e Legalitetit" në Belgjikë, Sulejman Gjanaj ka insistuar në faktin, që Shqipëria duhet të jetojë konform të gjitha parametrave europiane, ashtu siç e meriton dhe jo të udhëhiqet nga një qeveri e korruptuar dhe antishqiptare. 
Në këtë linjë ka folur edhe kryetari i Lidhjes Demokratikë të Kosovës për Beneluksin, Gani Azemi, që ka nënvizuar se Shqipërisë duhet t'i kthehet nderi i asaj zonje të rëndë për të cilën kanë luftuar rilindasit. "Ne nuk mund të jemi pjesë e Europës së Bashkuar nëse nuk arrijmë të zhvillojmë në Shqipëri zgjedhje të lira dhe të ndershme" ka thënë Azemi.
"Atdheu"

KOMENT

Terrori i neverisë dhe ish-byroistët

Rexhep SHAHU

U bënë shumë ditë që byroistët e dikurshëm të Shqipërisë komuniste kanë ndërmarrë një fushatë të ethshme, të turpshme, të neveritshme, një agresion të egër kundër shqiptarëve. Kanë blerë shtypin e majtë dhe po bombardojnë lexuesin shqiptar. Për t'ia hequr vetëdijen, për ta mpirë, për ta zhbërë. Për ta hedhur tej në kohë, në kohërat e tjetërsimit të njeriut, të krijimit të njeriut të ri. Vetëm për ta larguar nga e Sotmja. Për ta larguar nga hallet dhe shqetësimet aktuale. Për ta bërë lexuesin shqiptar berr, që s'di e s'duhet të dijë të kërkojë drita, ujë, bukë, paga dhe pensione më dinjitoze... 
Pra, për të mbrojtur qeverisjen aktuale të socialistëve, që, në fakt, është qeveri e byroistëve të djeshëm dhe e deleguar prej tyre.
Që në orët e para të mëngjesit fillon terrori i neverisë së byroistëve nga ekranet e televizioneve që përcjellin titujt e gazetave. Byroistët kanë vendosur që ta ndihmojnë qeverinë aktuale për të vazhduar shkatërrimin dhe mjerimin e shqiptarëve. Kanë vendosur kështu dhe po vazhdojnë ethshëm terrorin e tyre, pasi e dinë mirë se si mund ta largojnë vëmendjen e popullit nga hallet e mëdha që po ia marrin shpirtin. 
Skamja dhe mjerimi janë refren i përditshmërisë në Shqipëri. Terri është bashkudhëtar në jetën e shqiptarëve. 
Kultura e varfërisë është shkaku i rrënimit që duket se s'do të ndalet. 
Qeveria është në rrezik se mund të "fluturojë kapaku i zemërimit".
E atëherë, për të vazhduar rjepjen e shqiptarëve, për të vazhduar thellimin e mjerimit e tjetërsimit të tyre, për të vazhduar propagandën komuniste të dënimit të NATO-s e BE-së, "të cilat po na detyrojnë të ndërmarrim reforma", që po na rrisin shkallën e mjerimit, byroistët e djeshëm që ua dorëzuan pushtetin nipërve e argatëve të tyre - socialistëve të sotëm, si shpesh herë që u kanë dalë në ndihmë për administrim e mbajtje pushteti, edhe kësaj here po u vijnë në ndihmë duke atrofizuar 
mendjet e shqiptarëve me anë të terrorit të neverisë që kanë ndërmarrë në shtyp.
Dhe shqiptarët, sikur të mos kenë hall tjetër, duhet të dëgjojnë për kurvëritë, hajnitë, pabesitë, tradhtitë e dinastisë Hoxha e të byroistëve të tjerë.
Në rrugë, kafene, zyra e kudo, kur vjen fjala për të komentuar shkrimet për kurvëritë e byroistëve, njerëzit, gati njëzëri shajnë me loçkë të zemrës byroistët e kuzhinierët që gatuajnë këto çorba-artikuj. A pak halle kemi që na servirin marritë e familjes Hoxha? 
A nuk ka jetë askund në Shqipëri që ta pasqyrojë shtypi i majtë, por merret me kurvëritë e byrosë së dikurshme politike? Deri sot nga këto filma pornografikë të byroistëve, na ka mbetur pa mësuar detajet e sekreteve të shtrateve të turpit.
Terrorin e neverisë ndaj opinionit, byroistët po e bëjnë me anë të shtypit. Dhe shtypi, si pushkë me leje të qeverisë, pa pyetur për lexuesit e tij - po bën agresionin e turpshëm, përderisa paguhet nga byroistët a qeverisësit e sotëm dhe s'ka nevojë për të ardhurat nga shitjet. Lexuesi pret nga shtypi shpresë, por jo terror neverie. Pret nga shtypi t'i prijë për ta nxjerrë nga terri ku e ka futur qeverisja e keqe. 
Shtypi i byroistëve, nipërve, mbesave, stërnipërve e stërmbesave të tyre, duhet t'u lërë pak vend viktimave të dikurshme. Por viktimat e dikurshme të byroistëve, të dënuarit politikë, duhet të flasin, të tregojnë e dëshmojnë, të ngrihen...
Ndonëse viktimat i ka lodhur aq shumë xhelati i djeshëm që qeveris sot, duhet ta thonë fjalën e tyre, ashtu siç duhet e u ka hije, siç e thanë në diktaturë, pa frikë e me kurajo... ashtu siç e hanë para Parlamentit, ku i përgjakën, po të njejtët xhelatë dhe bijtë e tyre në pushtet.
Dhe, pasi të ngrihen, duhet ta flakin këtë pushtet, këtë terror neverie, që ka të njejtët autorë.




AKTIVITETE

Zhvilloi punimet Konferenca VI-të e Degës së PLL Kavajë
Basha: Dega juaj shpreson shumë për të ardhmen
Legalistët e Kavajës: Të kërkojmë alternativa konkrete që ta rrëzojmë Partinë Socialiste e Fatos Nanon


Ditën e shtunë, më datë 17 prill 2004, në qytetin e Kavajës zhvilloi punimet konferenca VI-të e Degës së PLL Kavajë. Në konferencë asistuan si të deleguar të qendrës nënkryetari i PLL z.Murat Basha dhe sekretari i Senatit të Veteranëve, z.Seit Preni.
Takimin e hapi nënkryetari i Degës, z.Skënder Gjoci, i cili pasi falenderoi përfaqësuesit e qendrës, delegatët dhe të ftuarit e forcave të tjera politike, më pas ia dha fjalën për të mbajtur raportin në emër të Komitetit Drejtues, kryetarit të Degës z.Remzi Muja.
Në raport, z.Muja u përqendrua në punën e bërë në periudhën midis dy konferencave për shtimin e anëtarësisë dhe shtrirjen e strukturave të partisë në të gjitha njësitë vendore të rrethit. Kryelegalisti kavajas u përqëndrua më pas në punën e bërë nga Dega gjatë fushatës së zgjedhjeve vendore të 12 tetorit, ku pasi përmendi vështirësitë e shumta dhe fushatën e ashpër e pa financa, fokusoi zhvillimin e saj në qytetin e Kavajës. 
"Në qytet ndikoi puna e mirë e kandidatit Haveriku dhe reputacioni i tij në arritjen e një rezultati të tillë. Përsa i përket fshatit, puna e Degës së PLL Kavajë vazhdon të jetë akoma e dobët.
Kjo edhe për faktin se me fshatarët po bëhet një propagandë e ndyrë, sipas së cilës nëse vjen PLL dhe Mbreti, fshatarëve do u merren tokat e do t'u jepen pronarëve. Dega jonë ka kandiduar vetëm në 4 njësi vendore nga 10 gjithsej që ka rrethi, dhe gjatë fushatës u evidentua mungesa e strukturave në fshat. Në Rrogozhinë kemi dalë dobët, kemi marrë vetëm 80 vota. Në Kryevidh kemi marrë rreth 40 vota, pasi nuk kishim struktura. Në Gosë dhe Lekaj rezultati duhet të ishte më i mirë. Në Sinaballaj dhe Helmës nuk morëm pjesë fare, si pasojë e mungesës së strukturave. 
Ndihma e qendrës nuk na ka munguar sidomos ajo e z.Basha, të cilit i kërkojmë edhe një veprimtari mediatike për të sqaruar fshatarët për problemin e qëndrimit ndaj tokave të pronarëve në rast se fitoreje të së Djathtës", - e mbylli fjalën e tij z.Muja.

***
Më pas e mori fjalën për të përshëndetur konferencën z.Fatbardh Rexha, nënkryetar i Degës së PD Kavajë, i cili pasi u shpreh me konsiderata të larta për PLL dhe veçanërisht për Degën e Kavajës, theksoi: "Pavarësisht disa keqkuptimeve, ne demokratët dhe legalistët duhet të mos shohim mbrapa dhe të arrijmë të intensifikojmë bashkëpunimin tonë, që duhet të jetë i fortë në të ardhmen".
Konferencën e përshëndeti edhe kryetari i Degës së Partisë së Ballit Kombëtar për rrethin Kavajës, z.Hekuran Xhani, i cili foli me respekt të thellë për të kaluarën e lavdishme dhe të tashmen dinjitoze të PLL si parti nacionaliste e vendosur. Ne e respekojmë PLL dhe z.Spahiu për mbrojtjen pa kompromis të Çeshtjes Kombëtare", - e mbylli fjalën e tij z.Xhani. 
Pas tij e mori fjalën për të përshëndetur konferencën edhe kryetari lokal i Degës së Partisë Balli Kombëtar Demokrat, z.Fatbardh Cara, i cili gjithashtu vlerësoi lart rolin dhe kontributin e PLL si parti nacionaliste e vijës së parë në luftën kundër diktaturës komuniste dhe mbrojtjen e interesave kombëtare. Më tej z.Cara kërkoi intensifikimin e bashkëpunimit midis dy partive në interes të së Djathtës shqiptare dhe pasi i uroi suksese konferencës dhe strukturave drejtuese që do të dilnin prej saj, i dha fund fjalës së tij, për t'ia lënë radhën kryetarit lokal të Degës së Partisë Aleanca Demokratike e Arben Imamit dhe Preç Zogajt, z.Naim Karriqi, i cili në fjalën përshëndetëse të tij foli për kontributin e përbashkët të dy partive në luftën për ndërtimin e demokracisë së vërtetë dhe në kuadër të Lëvizjes Mbarëpopullore "Nano Ik".
Pas z.Karriqi e mori fjalën për të përshëndetur konferencën kryetari kavajas i Shoqatës Patriotike "Çamëria" z.Hasan Tahiri, i cili foli me respekt dhe superlativa për PLL dhe kryetarin e saj z.Spahiu, për kontributin madhor në mbrojtje të Çeshtjes Kombëtare dhe sidomos për të drejtat e mohuara nga Greqia ndaj martirëve çamë, të cilët pasi i masakruan shovinistët grekë, komunistët dhe qeveritë paspluraliste, e sidomos ato socialiste, i kanë injoruar kërkesat e tyre tek nuk lejojnë as parlamentin që të shprehet politikisht për të drejtat çame me anë të rezolutave e jo më të luftojnë për t'i zgjidhur ato. Më pas z.Tahiri i siguroi legalistët kavajas se votat e komunitetit çam në Kavajë do të jenë për PLL dhe të Djathtën. 

***
Më pas diskutuesit morën fjalën dhe u përqendruan në aktivitetin e problemet e degës së PLL Kavajë.
Delegati Zamir Leçini nga Luzi tha se duhte të na shqetësojë fakti që PLL të forcohet edhe më tepër. Mbreti në 97-ën fitoi, në duhet të punojmë të arrijmë këtë rezultat të njihet drejta e pronës.
Qerim Gjuzi nga Rrogozhina tha se PLL si në qendër dhe në degë e ka vuajtur dhunën e shtetit në kurriz dhe kjo ka ndikuar në rezultatet jo aty ku donim.
Petrit Burimi tha se raporti ishte mjaft i mirë dhe evidentonte mangësitë dhe problemet. Të punojmë sepse koha nuk të fal. Të mos mbetemi tek sloganet. Të tërheqim në favorin tonë ata që nuk votojnë. Të kërkojmë alternativa konkrete që rrëzojnë Partinë Socialiste.
Xhafer Gjumsi nga Rrogozhina tha se kryesia e Kavajës nuk ka bashkëpunuar me ne në Rrogozhinë. Ne nuk kemi patur organizimin e duhur.
Hajdar Harizi nga Kavaja tha se jam i kënaqur që shoh në radhët e PLL janë njerëzit që duan Shqipërinë. Të nxjerrim mësim nga gabimet tona. Të kërkojmë bashkëpunim me PD, por mbi baza programore.
Selin Nela i degës së Kavajë u shpreh se mendoj që kemi mangësi në njohjen e histrisë së monarkisë. Pa njohur historinë e monarkisë, ne nuk mund të mbrojmë alternativën e PLL.
Besnik Deda i nëndegës Rrogozhinë tha se kemi problem dhe mangësi në drejtim të propagandës. Në Rrogozhinë nuk vjen gazeta "Atdheu".
Skënder Gjoci u shpreh në diskutimin e tij se në periudhën midis dy konferencave detyra jonë është të vëmë në dukje mangësitë dhe të nxjerrim mësime për të ardhmen. Na ka munguar ndihma nga qendra. Duhet të kemi kujdes se në parti grumbullohen shumë njerëz si idealistët, njerëzit me vizion, nostalgjikët si dhe interesaxhinjtë...
Mezan Kadriu u shpreh se jam çam dhe shqiptar i vendosur. Kam dëgjuar nga pleqtë për Mbretin Zog, por merreni me vete edhe djalin e Mbretit, që t'i njohë shqiptarët dhe Shqipërinë, se foli bukur atë natë në televizor. Falenderoj nga zemra z.Ekrem Spahiu për atë që ka bërë në parlament për çamët dhe Çamërinë.
Qemal Karaosmani tha se kam vërejtje për PLL që t'i bëjë presion PD për të ndryshuar ligjin 7501. Shqipëria nuk ka të ardhme pa u kthyer prona tek i zoti.
Në fjalën e tij, sekretari i Senatit të Veteranëve legalistë z.Seit Preni, u kërkoi veteranëve kavajas që të mbështesnin Komitetin e ri Drejtues që do të dilte nga konferenca dhe të jepnin gjithë përvojën e tyre jetësore e organizative për ngritjen dhe shtrirjen e strukturave të PLL në të gjithë rrethin e Kavajës.
Pas z.Preni e mori fjalën nënkryetari legalist z.Murat Basha, i cili pasi foli për probleme të ndryshme të karakterit organizativ, u kërkoi legalistëve kavajas që të studionin dhe plotësonin formularët që qendra kish shpërndarë para fushatës zgjedhore e që për fat të keq ishin nëvleftësuar dhe nuk ishin plotësuar. Më pas z.Basha foli për probleme të ndryshme të karakterit politik dhe komentoi me këtë rast qëndrimet e fundit politike të PLL qoftë në rrugëzgjidhjet e ofruara për probleme të ndryshme, qoftë në Kuvend dhe në tryezat politike në kuadër të Lëvizjes "Nano Ik".
Më pas u kalua në pikën e fundit të rendit të ditës, në atë të zgjedhjeve për kryetar të Degës dhe për anëtarët e Komitetit të ri Drejtues.
Duke vlerësuar rolin dhe kontributin e kryetarit të Degës, z.Remzi Muja, nga salla nuk doli asnjë kandidaturë alternative përveç tij, kështuqë delegatët, në unanimitet të plotë rizgjodhën zotin Muja si kryetar të Degës së PLL Kavajë edhe për një mandat tjetër.
Më pas u zgjodh Komiteti Drejtues me 15 anëtarë.
Në mbledhjen e parë të tij menjëherë pas zgjedhjes, Komiteti Drejtues si nënkryetarë të Degës zgjodhi z.Skënder Gjocim ndërsa nënkryetari tjetër u zgjodh kryetari i nëndegës Rrogozhinë.
Kështu i mbylli me sukses punimet edhe konferenca e Degës së PLL Kavajë, çka për nga cilësia e Komitetit Drejtues dhe përvoja e fituar në fushatën zgjedhore, premton për rritje të mëtejshme në zgjedhjet e ardhshme parlamentare.
Korresp. i "Atdheu" 

Zhvillohet konferenca e VI e degës PLL Lezhë. Vasil Muça u rizgjodh kryetar

Legalistët lezhjanë optimistë për zgjedhjet e ardhshme

Konferenca e VI-të e degës së PLL Lezhë i zhvilloi punimet e saj ditën e shtunë, më datë 17 prill. Për të marrë pjesë në të ishin mbledhur legalistë të qytetit të Lezhës dhe nga nga komunat përreth që përfaqësonin anëtarësinë e të gjitha nëndegëve. Për të ndjekur punimet e kësaj konference nga Kryesia e PLL kishte shkuar si i deleguar z. Artan Tujani. Gjithashtu z. Gjon Përjaku ishte edhe në cilësinë e përfaqësuesit të Senatit të PLL. 
Fjalën e hapjes dhe raportin e rastit e mbajti kryetari i degës z. Vasil Muça. Ai përmendi të gjithë punën e bërë nga strukturat drejtuese të degës në periudhën midis dy konferencave dhe rezultatet që ishin arritur si në shtrirjen gjeografike të degës ashtu edhe në përmirësimin cilësor të saj. Sipas tij gjatë kësaj periudhe ishin ngritur dy nëndegë të reja, përkatësisht në Blinisht dhe Ungrej, duke e çuar numrin e nëndegëve në dhjetë, aq sa janë edhe njesi vendore. Ai foli edhe për shtimin e anëtarësië së partisë me anëtërë të rinj të moshave të reja dhe intelektualë. 
Më gjatë z. Muça u ndal në analizën, vlerësimin dhe reflektimin për zgjedhjet e tetorit, ndonëse një diskutim i hollësishëm për to ishte bërë edhe në mbledhjen e paradokohshme të komitetit drejtues. Ai vlerësoi me nota të larta rezultatin e arritur nga ana e asaj dege në zgjedhjet e 12 tetorit, ndonëse siç tha ai "rezultat nuk justifikuan mundin dhe punën e bërë". Për këtë ai përmendi një sërë pengesash kryesisht të karakterit objektiv ku më e rëndësishmja u duk se ishte mungesa e komisionerëve si dhe presioni i ashpër edhe i ndonjë subjekti të djathtë. Dega e PLL Lezhë në zgjedhjet lokale mbuloi me kandidatë dhe lista këshilltarësh 100% të njesive vendore duke grumbulluar gjithsej 1048 vota ose 3.75% të rezultatit. Në ato zgjedhje ishin fituar gjashtë këshilltarë të Legalitetit nga dy që ishin më parë. Numri i këshilltarëve tanë do të ishte edhe më i madh edhe për fare pak vota sepse në Kallmet, Dajç dhe Shënkoll ishim shumë afër. 
Ai nuk harroi të përmendte kontributet e spikatura qoftë edhe materiale të legalistëve lezhjanë gjatë fushatës ndërkohë që z. Gjon Përjaku mori falenderime të veçanta. 
Më pas e mori fjalën i dërguari i Kryesisë së PLL z. Artan Tujani. Ai i përcolli të pranishmëve përshëndetjet e Kryesisë, përgëzimin për punën e bërë si dhe u transmetoi atyre vlerësimim për degën e PLL Lezhë si një degë që ka marrë një hov të ri dhe që ndodhet në ballë të punëve për përmbushjen e misionit të Legaliteit. Ai i njohu delegatët me procesin e zhvillimit të konferencave që po kryhen me mjaft sukses në të gjithë Shqipërinë si dhe me qëndrimet më të fundit të PLL për situatën politike dhe problemet që po kalon vendi. Ai theksoi nevojën e çuarjes më para të punës së bërë dhe rezultateve të arritura dhe shprehu besimin për strukturat lokale dhe organet e reja drejtuese që do të dilnin nga ajo konferencë. Duke u ndalur në zgjedhjet vendore ai falenderoi legalistët lezhjanë për sensin politik të manifestuar dhe zbatimin e drejtë të vendimit të Këshillit Kombëtar. 
Pas tij e mori fjalën z. Gjon Përjaku, i cili edhe në cilësinë e përfaqësuesit të senatit dhe kryetarit të parë të PLL Lezhë, falenderoi legalistët e pranishëm për kontributin e dhënë, e në veçanti kryetarin e degës z. Vasil Muça. Ai shtroi nevojën e të kuptuarit dhe të transmetuarit në elektorat të faktit se PLL është parti me një specifikë të veçantë, me një të kaluar të ndritur dhe të papërlyer që ka dhënë prova të përkushtimit ndaj çështjes kombëtare dhe zgjidhje të problemeve të ditës. Partia Socialiste, -tha ai, po e çon vendin çdo ditë e më keq. Vetëm sistemi mbretëror e shpëton Shqipërinë, -nënvizoi ai. Ndonëse në moshë të thyer, ai ofroi kontributin e tij të mëtejshëm dhe u bëri thirrje të gjithëve që të vepronin kështu.
Më pas u bënë pyetje të ndryshme që konsistonin në kërkim informacioni për veprimtarinë e grupit parlamentar, pozicionin dhe rolin e PLL në lëvizjen "Nano ik" si përgatitjet për zgjedhjet e ardhshme parlamentare. 
Në diskutimin e tij z. Preng Përjaku i nëndegës së Zejmenit foli për punën e bërë nga ai dhe kolegët e tjerë gjatë fushatës dhe shprehu vlerësimin se rezultati nuk justifikoi punën. Ai tregoi për manipulimin e turpshëm që ishte bërë në një qendër votimi dhe që Legalitetit i kishte kushtuar që nga dy këshilltarë që i takonin në fakt, të merrte vetëm një. Ai denoncoi edhe qëndrimin jo dinjitoz që disa forca të djathta kishin manifestuar ndaj PLL gjatë fushatës. Ai shprehu kënaqësinë që në PLL po afrohen njerëz me arsim të lartë. 
Z. Kolë Filipi nga komuna Dajç vlerësoi rezultatin e arritur në zgjedhjet lokale dhe nënvizoi faktin se qëndrimi disa herë i pamatur i disa deputetëve të PLL i ka sjellë dëme partisë. Përsa i përket të ardhmes ai shtroi nevojën e përqëndrimit të punës për thithjen e intelektualëve dhe ngritjen e seksioneve të reja. 
Zoti Benard Vata (një i ri në Legalitet), i arsimuar dhe me kualifikime pasuniversitare, foli për vlerat e Mbretërisë dhe të Legalitetit çka e kishin bërë atë të aderonte në partinë tonë. Kam ardhur këtu, -nënvizoi ai, jo për ambicje dhe karrierë, por për bindje. 
Zotni Pjetër Kosova i çmoi rezultatet si të kënaqshme për mundësite dhe hapësirat që patëm në zgjedhjet e tetorit. Ai vlerësoi përvojën e fituar dhe nënvizoi synimin për të çuar në kutitë e votimit abstenuesit. Si një parti me një program të veçantë duhet të punojmë për veten tonë, -tha ai, por në disa situata të veçanta duhet një farë fuqie për të çarë në një drejtim. 
Z. Shefqet Xhari nga komuna Balldre foli për punën e bërë gjatë fushatës e cila siapas tij u materializua në rezultate. Ne duhet të angazhojmë dhe të mbajmë afër të gjithë ato që u afruan gjatë fushatës. 
Më pas u kalua në pikën e fundit të rendit të ditës, atë të zgjedhjes së kryetarit të ri dhe komitetit drejtues. 
Për postin e kryetarit kishin kandiduar zotërinjtë Vasil Muça dhe Shefqet Xhari, legalistë të hershëm, me kontribute të çmuara dhe te vlerësuara, të përkushtuar dhe origjinë të fisshme, jo koniukturalë dhe të denjë. 
Duke vlerësuar punën e nisur dhe rezultatet e arritura nga dega nën drejtimin e z. Vasil Muça, zoti Xhari, duke shprehur konsiderata të larta për rivalin u tërhoq nga gara, dhe në këto kushte me miratimin e të gjithëve zoti Vasil Muça u rizgjodh kryetar i degës në mandatin e tij të dytë. 
Komiteti i ri drejtues zgjodhi për nënkryetarë zotërinjtë Shefqet Xhari dhe Valentin Noci si dhe propozoi për sekretar kandidaturat e zotërinjve Bernard Vata dhe Gjon Luca. 
Korresp. "Atdheu"



DOSSIER

Dossier. 1937: Greqia ligjëron pronat shqiptare nën presionin e qeverisë mbretërore të Koço Kottës
Qeveria zogiste shtrëngon Greqinë të njohë pronat shqiptare
Presioni i qeverisë shqiptare mbi atë greke për hartimin e një ligji që do të rregullonte çështjen e pronave të shqiptarëve në Greqi në vitin 1937

Nga Kastriot Dervishi

Çështja e pronave të shqiptarëve në Greqi, prej kohësh kishte qenë objekt i shumëdiskutuar midis Shqipërisë dhe Greqisë në vitet 20 dhe 30 të shekullit të kaluar (XX).
Qeveria shqiptare vazhdimisht kërkoi njohjen e të drejtës së pronësisë për shqiptarët - me apo pa shtetësi greke. Kjo çështje iu nënshtrua një debati gjithnjë e më të madh midis të dy vendeve dhe është për t'u pranuar që qeveria shqiptare e Kostaq Kottës arriti në vitin 1937 një sukses, duke e detytuar shtetin grek të miratonte një ligj të posaçëm që do të rregullonte çështjen e pronësisë së shqiptarëve në Greqi.

Historiku i shfrytëzimit grek dhe i përpjekjeve shqiptare për ta ndaluar atë

Disa herë në legjislativin shqiptar ishte shtruar çështja e pronave të shqiptarëve në Greqi. Kështu më 25 qershor 1925, Dhoma e Deputetëve i kushtoi një seancë të posaçme çështjes së pronave të shqiptarëve në Greqi. 
Sipas deputetit Xhaferr Ypi, nëse pasuria në fjalë do të vihej në duart e shqiptarëve, shtetit shqiptar do t`i vinte një e ardhur prej 10 milion franga ari në vit ("Bisedimet e Dhomës së Deputetëve 1925", Tiranë 1925, faqe 192). Pa llogaritur shpronësimin e detyrueshëm të çifligjeve të shqiptarëve në Thesali e gjetkë, politika greke synonte ta shtrinte procesin e shpronësimeve në një përmasë sa më të madhe. Për të kufizuar një qëllim të tillë të grekëve, në Greqi asokohe shkoi edhe një komision parlamentar shqiptar. 
Në fillim të viteve 30-të, çështja mori një ashpërsim të menjëhershëm dhe në plan u fokusua zhvillimi i bisedimeve midis ministrit të Punëve të Jashtme, Hysen Vrioni dhe përfaqësuesit grek. Shtypi shqiptar me anë të një korrespondence nga Selaniku, shkruante: "Shqiptarët e këtushëm kanë frikë se mos qeveria jonë përsërit gabimin e parë dhe pranon ose propozon rishqyrtimin e vendimeve të gjykatave të Greqisë, të cilat kanë thënë fjalën e fundit, dhe ndonëse kundër qëllimeve politike, u kanë njohur pronësinë shqiptarëve ndër tokat e tyre dhe u kanë caktuar vleftën e shpronësimit... Rishqyrtimi i këtyre vendimeve është një lodër e rrezikshme që do të përfundojë në fatkeqësinë shqiptare, sepse rishqyrtimi i vendimeve jo vetëm që nuk është i mundur, por do të shkaktonte anullimin dhe pezullimin për një kohë të pacaktuar dhe të pasosur kurrë të gjithë veprimeve të zhvilluara gjer më sot. Për këtë arsye, pronarët shqiptarë, si me anë të komisioneve, ashtu edhe me lutjet e telegrame të përsëritura, kanë kërkuar prej qeverisë së tyre vetëm zbatimin imediat dhe plotësisht të vendimeve që kanë dhënë gjykatat greke, pa përzierë këtë çështje me asnjë çështje tjetër të brendshme të përfunduar në kohë..." ("Besa", 22 gusht 1931). 
Pak ditë më vonë më 8 shtator 1931, "Besa" nëpërmjet kryeartikullit "Kur do të përfundojë çështja e pasurive shqiptare në Greqi" bën të ditur se shpronësimi i tokës bujqësore dhe trojeve kap një sasi prej 580 mijë dynym sipas vlerësimit të grekëve. E njejta gazetë, më 17 shtator 1931 në artikullin "Rreth pasurisë së shqiptarëve në Greqi", boton një letër të shqiptarëve të Selanikut, të cilët shkruajnë se "Qeveria jonë duhet të insistojë deri në pikën e fundit". Po shqiptarët e Selanikut i dërgojnë një letër Mbretit Zog ("Besa" më 30 mars 1932), ku i kërkojnë atij ndërhyrje për konfiskimin që po i bëhet pronave të tyre nga neni 80 i ligjit agrar grek.
Një ditë më pas po e njejta gazetë shkruan: "gjer kur të drejtat e shqiptarëve do të mbeten nëpër këmbët e të tjerëve", ku midis të tjerave thuhet: "Përse këta kanë 19 vjet që rripen, po grabiten, po vdesin urie e mjerimi dhe shteti fqinj as nuk kujtohet, as nuk çan kokën se veprimi i tij nuk është i pajtueshëm as me të drejtat njerëzore, as me angazhimet ndërkombëtare, as me principet e relacioneve të mira e reciproke të shteteve në paqë e miqësi". Më 11 prill 1932, "Besa" shkruan: "Ç'kuptim kanë relacionet tona me Greqinë", dhe propozon 4 masa kryesore që duhet të ndërmarrë qeveria jonë ku më kryesorja ishte ajo e sanksioneve ekonomike ndaj grekëve që ushtrojnë tregtinë në Shqipëri. Më 12 korrik 1932, "Besa" shkruan: "Mjerimi i shqiptarëve në Greqi arriti kulmin e këtu po vdesin për bukë. Tokat e vëllezërve në Greqi po merren për 60 qindarka ari dynymi". Në artikull thuhet se qeveria greke ka nisur shpronësimin masiv me një kompesim jofinanciar por me bono të shtetit me fleftë nominale 1 mijë dhrahmi, të cilat zhvleftësohen përditë duke arritur një vlerë reale prej 190 dhrahmi, shumë që gazeta e vlerëson në 60 qindarka. 
Shteti shqiptar i kohës nuk ka ndenjur indiferent në atë kohë. Mjafton të kujtojmë këtu se shteti ka paguar shpenzimet gjyqësore për shqiptarët e atjeshëm.
Më 25 nëntor 1932 në "Besa" botohet shkrimi "Çështja e shqiptarëve në Greqi, bisedohet prej qeverisë sonë". Në këtë shkrim thuhet se shqiptarët në Greqi ankohen për pronat e tyre për shpronësimet që u ka bërë qeveria greke. Sipas gazetës, shteti shqiptar ka dërguar 4 mijë franga ari në Legatën tonë në Athinë, të cilat i janë dorëzuar në dorë titullarit tonë atje. Këto të ardhura do të përdoreshin nga shqiptarët që ishin shtetas grekë për pronat e tyre (për proceset gjyqësore, ankesat, etj). Gjithashtu "Besa" bën të ditur se Ministria e Punëve të Jashtme të Shqipërisë i ka kërkuar ministrit shqiptar në Athinë përpilimin e një raporti në lidhje me pronat e shqiptarëve në Greqi.




Ligji grek i 8 qershorit 1937 për pronat shqiptare

Presioni i vazhdueshëm i qeverisë shqiptare mbi atë greke, solli votimin nga parlamenti grek më 8 qershor 1937 të ligjit nr. 735 mbi rregullimin e çështjeve të pronësisë të shqiptarëve në Greqi. Gazeta kryesore e kohës "Drita", e cilësonte më 22 qershor 1937 miratimin e ligjit "Një sukses i kabinetit Kotta". Sipas gazetës, "meritë në miratimin e ligjit kishte edhe ambasadori grek në Tiranë z.Periklis Skeferis". Po në këtë kohë, Këshilli i Shtetësisë që vepronte në Ministrinë e Punëve të Brendshme të Greqisë, vendosi përjashtimin nga shkëmbimi të popullsisë shqiptare. Personat me origjinë shqiptare, sipas ligjit kishin të drejtë të merrnin pronat e tyre. Bëhej e ditur se vetëm 40-50 familje çame merrnin një pasuri të përbërë prej 20 milionë dhrahmish. Pronësia mund të fitohej edhe me gjyq. Ligji titullohej: "Mbi muslimanët të cilët invokojnë origjinën shqiptare dhe mbi kthimin e pasurive që rivendikojnë", botuar në "Fletorja Zyrtare" të Mbretërisë Greke më 15 qershor 1937.


Ligji i plotë që u miratua në parlament

Neni 1
Mbi origjinën shqiptare të cilën e revokojnë myslimanët banues banues në Turqi, vendos Ministria e Punëve të Brendshme, sipas dispozitave të nenit 2 të ligjit 4952, nëse nuk do të dalë vendimi prej komitetit miks të shkëmbimit të popullsive greko - turke ose prej n/komisioneve mikse që varen prej tij. Mosdalja e vendimit mbi origjinën shqiptare prej komisionit mikst ose prej n/komitetit të tij, vërtetohet për çdo rast më vete prej drejtorisë së shkëmbimit të ministrisë së Prevojancës Shtetërore dhe të Shëndetësisë, në themel të dokumentave që ekzistojnë. Kërkesat e të interesuarve lipsen të shoqërohen prej justifikimesh të mbështetura. Në rastet e mungesës së tyre, ata ftohen t'i plotësojnë. Vendimet e ministrit u shpallen të interesuarve dhe nuk apelohen, por mund të rishikohen nëqoftëse do të kërkohet në rastet kur paraqiten elementë justifikues.

Neni 2
Për kthimin e pasurive të paluajshtme që rivendikohen prej myslimanëve me origjinë dhe shtetësi shqiptare, të cilat janë të zëna me mënyra të ndryshme nga shteti ose prej Bankës Kombëtare Greke (BKG) - si gjeneruese e pasurisë të muslimanëve shkëmbyes, vendos këshilli që parashikon neni 1 paragrafi 3, i konventës së datës 23 janar 1936 midis shtetit dhe BKG, e cila është ratifikuar prej ligjit të detyrueshëm 25/8/2. Në rast se prej BKG-së, janë shitur në bazë të dizpozitave në fuqi pasuri të paluajtshme, të cilat kërkohen t'u kthehen të interesuarve, - u jepet personave që njihen si pronarë (pasi të dalë vendimi i këshillit), i cili parashikon çmimin e caktuar me kamatë në vite, që prej datës së nënshkrimit të titujve të zotërimit, si dhe qeratë që janë arkëtuar deri në kohën që janë shitur pasuritë.

Neni 3
Si elementë provues të pronave mbi pasuritë që ndodhen mbi qarqet e Filatit, Paramithisë dhe Margëlliçit të Epirit dhe që rivendikohen prej myslimanëve që kanë shtetësi shqiptare ose që janë prej origjine shqiptare, caktohen përfundimisht titujt e pronësisë (tapitë), të nxjerra nga regjistrat e kadastrës turke, ose çertifikata e nxjerrë nga drejtoria e zyrës përkthyese kompetente mbi regjistrimin e tyre në librat turke të taksave (huliali defteri) dhe në mungesë të tyre, posesioni 10 vjet rresht nga ana e të interesuarit para kohës se prona të zihej nga shteti. Kjo mund të provohet me çdo mjet dhe me anë të dëshmitarëve.

Neni 4
Titujt e pronësisë, të cilat janë lëshuar në zbatim të dekret - ligjeve të datës 13 nëtor 1937 "Mbi pasuritë shkëmbyese të zonës së Selanikut" për titujt e pasurisë të cilat u lëshuan dhe iu dorëzuan të interesuarve prej BKG, që rivendikohen prej muslimanëve që janë me origjinë shqiptare ose që kanë shtetësinë shqiptare, u kthehen të interesuarve sipas vendimit të Këshillit të Ministrave sipas nenit 2 të këtij ligji, qysh prej njohjes së pronësisë në proces - që është shpronësuar në bazë të dispozitave të ligjeve 1394 dhe 2653.

Neni 5
Kuptimi i vërtetë i paragrafit 2 të ligjit 4816, "se dyfishimi që përmendet nuk mund ta kalojë dyfishimin e shpërblimit të caktuar prej komisionit të shpronësimit, në themel të nenit 3 të ligjit 5378, përfshin nën këto kondita edhe pronat për të cilat dolën vendimet e gjykatave të shkallës së pare, që caktojnë shpërblimin pas hyrjes në fuqi të ligjit 4816".
Ndarja e këtij shpërblimi të dyfishuar midis bashkëpronarëve, bëhet prej kryetarit të Gjykatës së Shkallës Parë të Janinës, sipas atyre që cakton neni 87 i Kodit Agrar, nr 6448 në lidhje me nenin 3 të ligjit të detyrueshëm datë 16 shkurt 1935 "Mbi interpretimin autentik, ndryshimin dhe shtimin e dispozitave në Kodin Agrar nr 6448".

Neni 6
Vendimet e kryetarit të Gjykatës së Shkallës Parë, me anë të të cilit dyfishohet shpërblimi i caktuar prej gjykatës së shkallës së parë, në rast se ky shpërblim nuk iu është dhënë pronave, vendimet rikthehen po nga ai kryetar i gjykatës së Shkallës Parë për t'u ndarë shpërblimet midis pronarëve.

Neni 7
Autorizohet Këshilli i Ministrave që, pas vendimit paraprak të thërrasë në Këshillin Ligjor e të caktojë me anë të vendimit të tij - shpërblime në favor të personave shtetas shqiptarë ose që janë me origjinë shqiptare, dhe personave që rivendikojnë pronësinë mbi pronën e Qerasove të Konicës. Shpërblimi u jepet atyre që do ta caktojë vendimi, nqs do ta pranojë, duke i detyruar që njëkohësisht të heqin dorë prej çdo të drejte që kanë mbi këtë pronë si dhe çdo tjetër kërkimi, të çdo forme natyre qoftë .
Athinë 8 qershor 1937.

Këshilli i Ministrave: I. Metaksa (kryeministër); G. Logothetis; I. Luredis; K. Jorgokupolos; P. Redhiadhis; A. Haxhiqirjakos; A. Ikonomu; G. Qirjakos; A. Koricis; G. Spiridhonos; A. Dhimitri; K. Burbalis; Th. Nikoludhis; K. Manjadhakis; A. Apostolidhis; K. Nikopulos; G. Alivizatos; N. Papadhimas; I. Papavasilu; Dhevkulihon Redhiadhis. Ministri i Drejtësisë G. Logothetis.

Moszbatimi i ligjit të pronave dhe "Ligji i luftës"

Ligji i pronave të shqiptarëve nuk gjeti zbatim për shkak të nisjes së luftës italo-greke. 
Dekreti mbretëror i datës 10 nëntor 1940, hyri në fuqi pas botimit në "Fletorja Zyrtare" greke të vitit 1940 (fashikulli A, faqja 379 e më pas), me përmbajtjen e mëposhtme: "Italia me dominimet, territoret perandorake, me kolonitë e saj dhe Shqipëria - përcaktohen armike në kuptimin e ligjit 2636 "për veprimet juridike të armiqve dhe sekuestrimin konservativ të pasurive armike". 
Në bazë të këtij ligji, të gjitha pasuritë e shqiptarëve në Greqi u vunë nën "sekuestrimin konservativ" dhe filluan të administrohen nga shteti grek. 
Më vonë, me vendim të përbashkët të Ministrisë së Ekonomisë Kombëtare dhe të Ministrisë së Financave të Greqisë, datë 9 qershor 1947, nr 14882/3574 dhe më vonë në bazë të ligjit nr. 4506, datë 14 mars 1966 - përjashtoheshin nga zbatimi i dispozitave të ligjit të luftës "shtetasit shqiptarë me origjinë greke, që banonin në Shqipëri". Sipas dekret-ligjit nr 1138/1948, neni 21 i ligjit të luftës, është ndryshuar duke qartësuar se "marrja fund e veprimit dhe pasojave juridike të këtij ligji bëhet me vendim të përbashkët të kryeministrit, ministrit të Punëve të Jashtme, ministrit të Financave dhe ministrit të Drejtësisë. Pastaj, një vendim i tillë duhet të miratohet edhe nga parlamenti grek". 
Gjithsesi, ndonëse nuk gjeti zbatim për shkaqe që njihen, ligji i mësipërm është një tregues se në politikë duhet të jesh gjithnjë kërkues. Ai tregon po ashtu se shteti shqiptar i atyre viteve dhe diplomacia e tij - nuk u pajtuan asnjëherë me gjendjen e rëndë të shqiptarëve në Greqi dhe luftuan gjithnjë për të drejtat e tyre. Është fakt po ashtu se, deri në vitin 1939 Greqia asnjëherë nuk shfaqi as pretendimin më të vogël territorial mbi shtetin shqiptar. Ligji i sipërpërmenduar është për t'u studiuar edhe sot kur çështjet e pronësisë të shqiptarëve në Greqi janë sërish të pazgjidhura.




KUJTIME

Ali Maliqi - Agolli në Burgun e Burrelit

(Sipas kujtimeve të Abdullah Salihit - ish bashkëvuajtës i tij)

Bajram XHAFA

Mbreterori Abdullah Salihi mbush të nëntëdhjetë e pesë vjetët, por kujtimet për 18 vitet e burgut që i nisi sapo komunistët erdhën në pushtet i ka të skalitura në kujtesë si me daltë. Një peng i madh e mundon për t'u lënë të gjallëve kujtimin dhe nderimin për veprën e bashkëvuajtësit të tij të burgut të Burrelit, Ali Maliqit, i cili pati një fund tragjik: 20 ditë para se të lirohej, dikush(!) e qëllon me levë në të dy duart mbi të cilat mbahej në lartësinë e skelës së oxhakut të fabrikës që ndërtohej me të burgosurit dhe ai gjen vdekjen me alibinë sikur u rrëzua vetë. Atij njeriu i dedikojmë jetën afro njëqind burra që ishin ajka e Burgut të Burrelit, të planifikuar të asgjësoheshin në grup, alla serbçe, "me aksion me goditje të përqendruar", tregon Abdullahi.
Po kush ishte Ali Maliqi? 
Ali Maliq Agolli nga fshati Kërçisht i Maqellarës, zona e Topalltisë ishte njeri nga paritë më të fuqishme nacionaliste të Dibrës. I kishte pa të metë cilësitë më të mira e vyrtytet më të larta të shqiptarit të traditës: burrëror e trim, por edhe i urtë e shumë fisnik, me karakter të fortë, njeri me parime e pa dredha; ishte prototipi i atyre burrave për të cilët populli dikur përdorte shprehjen "burrë katërqind derhemësh". Dibra me odat e burrave dhe kuvendet e saj është e njohur si shkollë e mendimit ku kultivohej dhe mprehej urtësia; vendi ku për urti janë "të parë" për derë, por Ali Maliqi tregohej me gisht. Ja çonte sëra dhe dera. 
Burrë me influencë e me lidhje miqësore me të gjitha dyert e parive të të Dy Dibrave. Kur Italia ndërmori agresionin ushtarak fashist të 7 prillit, zemrimi i dibranëve nuk përmbahej. Nderi i shqiptarit dhe vullneti i kombit ngriti në këmbë mijëra dibranë, duke përfshirë edhe pleq në moshë të thyer. Dibra ishte krahina që "Për Flamur e Mbret" pati ndoshta mobilizimin më të lartë në ngjarjet e prillit për ta pritur me armë pushtuesin e pabesë e për t'i dalë në ballë qafirit fashist. Me armë e pa armë, të prirë nga paritë nacionaliste - zogiste dibranët u nisën në drejtime të ndryshme drejt Durrësit e Shëngjinit duke kaluar nëpër Burrel e Qafë-Shtamë (forcat e prira nga Kaloshet dhe paritë e tjerë të Dibrës së Poshtme), nëpër Klos e Qafë të Murrizës (forcat vullnetare të Grykës së Vogël të prira nga Demet, Demir e Shaqir Dema), në drejtim të Librazhdit dhe Elbasanit (forcat e Dan Camit, etj.) për të organizuar qëndresën kur armiku të vinte këmbën në tokën shqiptare. Edhe Ali Maliqi ishte i ndërgjegjshëm për pozitën shoqërore detyrat dhe përgjegjësitë që vinin nga kjo. Ai u printe 400 burrave si forca vullnetare nga zona e tij e Fushës (Topalltia) për t'u dalur përpara legjioneve fashiste të përtej Detit ashtu siç i ka hije dhe siç e ka për detyrë shqiptari; ashtu siç kishte pritur e luftuar ai dhe të parët e tij regjimentet serbe e bullgare të ardhur nga lindja dhe veriu
Antifashizmi dhe rreziku i luftës vëllavrasëse e detyroi më pas Ali Maliqin për bisedime edhe me komunistët (të vetquajtur Nacionalçlirimtarë, një krijesë e periudhave historike të turbullta) por me ta kurrë nuk pranoi të lidhet pasi e dinte mirë sekush ishin ata dhe ku e kishin të lidhur "kunjin" e litarit. Ua njihte mirë pabesinë. Këto ishin të mjaftueshme që, kur komunistët erdhën në pushtet.pas Lufte, burgu do të ishte më e pakta ajo me të cilën mund të "shpërblehej" një nacionalist si ai. 
Për Ali Maliqin ka shumë për të folur dhe njerëzit e letrave kanë shumë borxhe ndaj tij, ashtu siç kanë ndaj historisë kombëtare në përgjithësi, por për rastin në fjalë do të përmendim vetëm një episod dramatik, nga ato të shumtit që Burgu i Burrelit i ka patur të famshëm dhe me bollëk. 
Fati tragjik për ne të dënuarit (dhe për Shqipërinë) na kishte bashkuar nën një "çati", në Burgun famëkeq të Burrelit - tregon Abdullah Salihi, ish i burgosur. Megjithë gjëmën që kishim pësuar, edhe aty në hapsanën e Burrelit ne të burgosurit rrinin të ndarë në grupe, "parti - parti". Një luftë e ashpër e inatçore bëhej midis nesh sa mendja të ka qeder. Ishte ky një mallkim i tmerrshëm por edhe i çuditshëm. A thua se na kishin mbledhur aty për të ndarë e pjestuar midis nesh ndonjë copë pushteti e jo për të hequr zvarrë vuajtje të denja që t'ia tregoje natës së vorrit e për të hyrë në garë kush e kush ma i pari të arrijë atë Qershinë ("varreza" pa varre) atje jashta burgut që shënonte stacionin e botës tjetër. 
Me Ali Maliqin ndodhte ndryshe. Të gjithë të burgosurit e Burrelit kishin dëshirë të rrinin e të bisedonin me të dhe të gjithëve ua kthente përgjigjen në mënyrën e duhur (ua jepte xhevapin). Të urtë e gjakftohtë, atë e shihje të bisedonte shtruar edhe me shkenctarin edhe me priftin, edhe me politikanin edhe me bletërritësin apo bujkun. Të gjithë e dëgjonin me qejf e me andje. Të fliste me saktësi e kompetencë për mbjelljet, motin dhe afatin më të mirë të shërbimit për secilën kulturë bujqësore. Për blegtorinë ishte një veteriner i mbaruar. Fliste për Kur'anin, Islamin dhe për probleme fetare në përgjithësi, si të ishte ndonjë teolog i shquar. Për kanun, pleqni e kuvend ishte i vetmi. Kishte një logjikë të shëndoshë, qartësi mendimi, siguri e kompetencë në ato që thoshte, sa të habiste. Në debate të çfarëdo lloji askush nuk mund "ta kruante" me të. Për historinëë Sejfi Vllamasi, një politikan i karrierës, edhe ky bashkëvuajtës, në librin shumë interesant me kujtime për ngjarjet e historisë kombëtare "Ballafaqime politike në Shqipëri (1897-1942)", të dhënat për Dibrën i ka marrë nga Aliu. Ato kujtime përbëjnë një trashëgimi me vlerë të padiskutueshme nga ku historianët kanë marrë referenca të shumta. 
Në Burgun e Burrelit, tregon Abdullahi, kishin sjellë të gjithë ato që cilësoheshin si armiqtë më të egër të partisë e të pushtetit popullor (siç!), prandaj, për të "shkurtuar" punë, ishte planifikuar që të gjithë ata të eleminoheshin fizikisht. Për të kryer këtë masakër, ministri i Punëve të Brendshme Koçi Xoxe kishte caktuar drejtor burgu Vangjel Rëmbecin, njeriun më besnik të tij, një njeri i poshtër, mizantrop e sadist. Ai nuk kishte të nginjur me fatkeqësitë e tjetrit. Gjithë kuptimi dhe kënaqësia e jetës për të ishte të torturonte të burgosurit, t'u shkaktonte atyre saë shumë vuajtje e mundime, t'ua nxinte jetën dhe pastaj t'i vriste apo t'i mbyste. Burgu i Burrelit ka qenë cilësur si kampi i shfarosjes dhe këtë funksin e kryente më së miri. Motoja e tij ishte: Këtu i thonë burg Burrel/ Kush hyn këtu, ma' nuk del/ Këtu drejtor asht shoku Vangjel.
Vdekjet në këtë burg ishin të përditëshme dhe të përnatëshme Vdekje me tortura të llahtarëshme, vdekje urie, vdekje në qeli (qelia e vdekjes i thoshin), vdekje me goditje me hekur pas koke e vdekje me ç'farë mund të pjellë mendja e djallit. Të vdekurit i hidhnin (nuk mund të thuhet i varrosnin) pranë një qershije prapa burgut. Qindra ish të burgosur të diktaturës "prehen" aty. E vë në thonjëza fjalën "prehen" mbasi, kufomave u bënin nga një gropë të vogël dhe nuk u hidhnin as dy lopata dhe'. Pastaj shkonin qentë dhe i nxirrnin me lehtësi kështu që bëhej krejt e pamundur që të afërmit më vonë të mund të gjenin eshtrat e viktimës. Shumë prej tyre nuk patën as varr dhe, për rrjedhojë as "privilegjin" e rivarrimit, sepse nuk u gjendeshin eshtrat. 
Me gjithë firot e shumëta, burgu vazhdonte të ishte plot e përplot mbasi ushqehej vazhdimisht me kontigjente të reja nga armiqtë e popullit(!). Pothuajse nuk kishte natë që të mos e "hante" nga një të burgosur e nganjëherë edhe dy - tre, por ministri i Brendshëm dhe drejtori i burgut nuk ishin të kënaqur me ritmet. Atëhere drejtori bëri një plan. Nuk dimë nëse ishte i tij apo i sugjeruar nga ministry i tij i Brendshëm. Ndonja 200 të burgosur, nga më të zgjedhurit e më të rrezikshmit, mendoi t'i nxirrte nga burgu dhe t'i shpinte diku, gjoja në një kamp pune. Gjatë rrugës, në një vend të përshtatshëm do t'i pushkatonte të gjthë me pretekstin se gjoja kishin sulmuar rojet e shoqërimit dhe pastaj kishin tentuar të iknin. I vetëm siç ishte dhe me policët që kishte në dispozicion, drejtori i burgut nuk mendoi se mund t'ia arrinte qëllimit. Prandaj thërret shefin e degës së Punëve të Brendshme të Burrelit, Banush Goxhaj, të cilit, pasi i shtron çeshtjen, i kërkon edhe disa policë të qytetit për t'a përforcuar. Shefi i degës ka kërkuar të njihet me urdhërin epror për atë veprim, por drejtori i ka thëne se për atë gjë ai ka urdhërin verbal të ministrit. I nxehur në kulm, Banushi i paska thënë: - unë këtë masakër nuk e lejoj sepse shef dege këtu në Burrel jam unë, e unë zyrtarisht nuk kam një urdhër të tillë. Unë nuk pushkatoj dhe as lejoj të pushkatohen të burgosurit me urdhëra verbalë. - Urdhërin e ministrit do ta zbatoj edhe pa ndihmën tënde, ia ktheu gjithë siguri drejtori. Debati u ndez aq i ashpër midis tyre saqë shamata vazhdoi edhe pasi kapërcyen dyert e burgut. Puna arriti deri në kërcënim. - Atje brenda burgut mund të bësh ç'të duash , i thotë Banushi, por, po dole jashtë tij për të zbatuar atë urdhërin verbal, unë do të qëlloj me armë edhe kundër teje.
Këto të dhëna - thotë Abdullahi - na vinin nga Ndoc Vat Marashi, një shok yni i burgosur. Jashtë burgut kishin bërë një barakë të vogël dhe Ndoci kujdesej për një gjenerator në mënyrë që dritat e burgut të ishin në gatishmëri. Ai ishte një politeknik shumë i mirë. Zotëronte disa zanate, motorist, mekanik, elektriçist, orëndreqës e për ç'farë se kishe Ndocin. Shumë shërbime riparimi u kryente edhe policëve të burgut. Ndodhte që e merrnin edhe nëpër shtëpitë e tyre për defekte e riparime. Ditën e kalonte jashtë burgut, por sapo fillonte të errësohej, rrasej brenda në hapsanën tonë të përbashkët. Ndoci kishte parë e dëgjuar disa herë të grindeshin e të shamatoheshin midis tyre shefin e degës me drejtorin e burgut. Shefi i degës e kishte kuptuar me kohë se minstri i Brendshëm gjithë besimin dhe detyrat për grumbullimin e të dhënave sekrete ja kishte ngarkuar Vangjelit. Madje, ai kishte hapur edhe një zyrë në qytet ku vinin për të raportuar informatorë nga e gjithë zona, të dhëna të cilat Vangjeli ja dërgonte pastaj direkt ministrit të Brendshëm i cili kishte krijuar një rrjet të dytë sigurimi, sigurim mbi sigurim. Ky i dyti ishte vetëm për llogari të Koçit. 
Vijon numrin e ardhshëm

___________________________

18 Prill 2004, Nr.15(586)
___________________________

Më 19 prill, Nano dhe Spahiu ballëpërballë në Kuvendin e Shqipërisë

PLL hap dosjen e Çamërisë në parlament

E vërteta për zgjidhjen e problemeve që kanë të bëjnë me efektet e Ligjit të Luftës të vitit 1940, Çeshtja e Pronësisë Çame në Greqi, dhe shkollimi në gjuhën amtare të shqiptarëve në Greqi...

Editorial

Një kufi për lëvizjen "Nano Ik"

Nga Neritan Kolgjini

Le ta themi që në fillim se Lëvizja "Nano Ik" nuk është një rrymë filozofike, as një lëvizje sociale, as një rrymë letrare apo artistike, as një manifestim sportiv i zgjatur në kohë etj., por është mirëfilli një lëvizje politike e klasit të parë me përkrahje masive popullore, e cila në krye të herës ka pasur si qëllim kryesor largimin e kryeministrit Nano dhe sejmenëve të tij nga pushteti. Si e tillë është e dëmshme çdo tentativë për ta mitizuar këtë lëvizje duke i dhënë një rol kuazi mesianik që ajo s'e ka dhe s'mund ta ketë. Nëse sot drejtuesit kryesorë të partive opozitare do të shkojnë nga ajo çka kanë filluar të artikulojnë, pra se Lëvizja "Nano Ik" është një lëvizje shumëpërmasore apo shumëdimensionale, ata padashje harrojnë në fakt qëllimin primar të saj dhe, në fund të fundit, ulin ndjeshëm efektin që pritet të ketë ajo përballë target-it Nano. Prandaj është kusht i domosdoshëm të ndahet qëllimi i Lëvizjes "Nano Ik" me lëvizjet e tjera të opozitës, të cilat mund të jenë të rrafshit ekonomik, diplomatik, financiar, apo edhe thjesht personal. Psh., nuk mund të themi se kontaktet e opozitarëve me të huajt bëhen në kuadër të Lëvizjes "Nano Ik", as komisionet hetimore parlamentare s'mund të jenë në kuadër të Lëvizjes "Nano Ik". Madje as komisioni hetimor për vetë Nanon, në lidhje me aksidentin e Shkallnurit, s'mund të jetë pjesë e kësaj Lëvizjeje. Gjithashtu nuk ka nevojë të shpjegojmë më tej se shpërhapja në qëllimet e opozitës, i bën dëm lëvizjes "Nano Ik", në rast se këto i quajmë pjesë të kësaj Lëvizjeje.

Në këto kushte, ajo çka unë konsideroj si më të efektshme, është të përcaktohet një program më i thjeshtë e më i qartë. Në fund të fundit do të ishte e mjaftueshme ajo që thuhet në moton e saj: "Nano Ik" dhe kaq do të duhej që të ndaheshin sinorët e kësaj lëvizjeje me çdo aksion tjetër politik të opozitës. Këtu s'duhet harruar diçka themelore: Lëvizja Nano Ik është një lëvizje masive e shqiptarëve, ndaç etiketoje popullore, ndaç politike, ndaç qytetare, ndaç civile a tjetër. Ingredienti kryesor i saj është shqiptari i revoltuar nga padrejtësia e socialistëve dhe keqqeverisja e tyre tashmë proverbiale. Pjesëtar i Lëvizjes "Nano Ik" është për definicion, çdo partizan i opozitës, është çdo shqiptar që me zor shtyn jetën që po ia nxijnë kuqalashët e sotëm, çdo njeri që ka dhimbje për këtë vend kur dhunohet nga njerëz pa atdhe e pa fe. Kjo lëvizje përmban në trupin e saj çdo njeri, duke ia filluar nga lypësi i rrugës e duke përfunduar te ndonjë milioner i diasporës shqiptaro-amerikane. Dhe si e tillë, energjia që prodhon kjo Lëvizje, nuk është e arsyeshme të shpërndahet në funksion të një marketingu politik i cili nuk jep rezultatin e kërkuar (në rastin më të mirë) ose që të sjell një falimetim total (në rastin më të keq).

S'ka nevojë të përsërisim se Lëvizja "Nano Ik" synon rotacionin e pushtetit, rotacion që vjen përmes zgjedhjeve të lira e të ndershme. Por nga ana tjetër, opozita s'duhet të harrojë se ajo ka mundësi që me këtë lëvizje t'i djegë etapat dhe ta afrojë në kohë këtë rotacion pushteti. Dhe kjo mund të arrihej duke përqendruar të gjitha bateritë në këtë drejtim, pa u emocionuar nga deklaratat e humoret e ndonjë kreu ambasade që cakton datën se kur shqiptarët duhet të votojnë. Por kjo rrugë e shkurtër dhe efikase shihet se është përjashtuar apriori nga lidershipi opozitar, i cili ndoshta vuan nga kompleksi që ka ndaj kuqalashëve të cilët deri dje mbanin në dorë flamurin me drapër e çekan, ndërsa sot kanë ngritur atë me yje e viza.

Gjithsesi sot është domosdoshmëri që kjo lëvizje mbarëshqiptare të përcaktojë thjesht dhe me transparencë qëllimet e saj pa u shkapërdarë duke rrezikuar që ta kthejë këtë aksion fisnik e me vlera të padiskutueshme, në një një lëvizje kuturu.

KRYESORE

Më 19 prill, Nano dhe Spahiu ballëpërballë në Kuvendin e Shqipërisë

PLL hap dosjen e Çamërisë në parlament

E vërteta për zgjidhjen e problemeve që kanë të bëjnë me efektet e Ligjit të Luftës të vitit 1940, Çeshtja e Pronësisë Çame në Greqi, dhe shkollimi në gjuhën amtare të shqiptarëve në Greqi...

Ditën e hënë, më datë 13 prill 2004, në mbledhjen e Byrosë së Kuvendit të Shqipërisë u diskutua rreth kalendarit dyjavor të punimeve, për periudhën 13-22 prill 2004. Në këtë kalendar, formalisht janë futur projekt-ligji "Për Dëmshpërblimin e Ish të Burgosurve dhe Përndjekurve Politikë" dhe projekt-ligji "Për Njohjen, Kthimin dhe Kompensimin e Pronës", por realisht ato janë të përsëritura disa herë, megjithëse nuk socialistët i pengojnë të shqyrtohen nëpër komisione, e aq më tepër për të kaluar në seancë plenare për votim.

Në këtë mbledhje të Byrosë parlamentare, pati debate dhe replika në lidhje me mocionin për debat me kryeministrin Nano të paraqitur nga opozita, për shqyrtimin e raportit të Komisionit Europian të vitit 2004, "Mbi Procesin e Stabilizim-asociimit".

Kryetari i Kuvendit dhe kryetari i grupit parlamentar të PS, si dhe ata të grupeve të tjera të maxhorancës së Majtë, si gjithmonë, duke iu shmangur mocioneve, interpelancave, pyetjeve dhe ballafaqimeve të drejtpërdrejta me opozitën, kërkuan që ky mocion me debat të zhvillohet me datë 3 maj, por kjo datë u kundërshtua nga kryetarët e grupeve parlamentare opozitare me argumentin bindës se, ky debat, duhet të bëhet sa më shpejt, me qëllimin e mirë që kritikat e BE ndaj qeverisjes socialiste të korrigjohen sa më parë dhe të mos bëhen pengesë për proceset integruese të Shqipërisë në BE.

Një pikë që ngjalli interes për Byronë e Kuvendit dhe mediat e shumta, ishte kërkesa e Grupit parlamentar të PLL, i cili i kërkoi kryetarit të Kuvendit z.Pëllumbi, që të përfshihet në kalendarin dyjavor edhe seanca e pyetjeve, kërkuar nga z.Spahiu me kryeministrin e Shqipërisë z.Nano, lidhur me zbatimin nga Qeveria shqiptare të Rezolutës së Kuvendit të Shqipërisë, miratuar më 12 qershor 2003 "Për Marrëdhëniet midis Shqipërisë dhe Greqisë".

Pyetjet e z.Spahiu për kryeministrin, kanë si objekt:

"... zgjidhjen e problemeve që kanë të bëjnë me efektet e Ligjit të Luftës të vitit 1940"

"... zgjidhjen e Çeshtjes së Pronësisë Çame në Greqi"

"... si është zbatuar paragrafi i pikës 5 të Rezolutës... "shkollimi në gjuhën amtare të shqiptarëve në Greqi..."

Z.Spahiu, në mbledhjen e Byrosë, në prani edhe të mediave të shumta, iu drejtua kryetarit të Kuvendit: "Pas mosmiratimit të Projekt-rezolutës për popullsinë Çame nga maxhoranca socialiste, këto pyetje dhe përgjigjet e kryeministrit Nano do të kenë interes të veçantë për opinionin mbarëkombëtar dhe mediat, sepse ju, vazhdimisht, mosmiratimin e rezolutës e keni justifikuar me argumentin se "Kuvendi i Shqipërisë ka miratuar një rezolutë, në të cilën përfshihen pikat e kërkuara në Projekt-rezolutën e re si: Ligji i Luftës; Çeshtja e Pronave Çame, apo shkollimi i fëmijëve shqiptarë, në Greqi, në gjuhën amtare, etj..

Pas kësaj kërkese këmbëngulëse të z.Spahiu, z.Pëllumbi, duke u munduar të justifikohet, tha se "kryeministri Nano ka axhendë të ngjeshur takimesh, dhe nuk mund të vijë në Kuvend", por, këtij "argumenti" të Pëllumbit iu kundërvunë të gjithë kryetarët e grupeve parlamentare të opozitës, që e mbështetën kërkesën e z.Spahiu.

Në seancën plenare të pasditës, kryetari i Kuvendit z.Servet Pëllumbi - deklaroi përfshirjen e seancës së pyetjeve të z.Spahiu me kryeministrin Nano në kalendarin dyjavor dhe, më konkretisht, ditën e hënë, më datë 19 prill 2004.

Seanca plenare mbas miratimit të kalendarit dyjavor, vazhdoi punimet me pyetje dhe interpelanca me ministrat, kërkuar nga deputetë të ndryshëm.

A.K.

Shprehet Blerim Kamberi, Sekretari i Marrëdhënieve me Publikun i PLL

PLL mbështet sistemin proporcional

Paraditën e së shtunës, dt.17 prill, Sekretari i PLL për Marrëdhëniet me Publikun, z.Blerim Kamberi, dha një konferencë shtypi për gazetarët e shumtë të pranishëm, në Selinë qëndrore të PLL.

Në këtë konferencë, z.Kamberi u prononcua për mediat nëpërmjet një deklarate, ku mbajti edhe një herë qëndrimet e qarta dhe të prera të PLL lidhur me zhvillimet e fundit politike në vend dhe vizionin e Legalitetit për daljen nga kriza.

Në prononcimin e tij z.Kamberi u shpreh me tone të ashpra lidhur me injorimin e raportit të fundit të K.E. nga maxhoranca socialiste, e cila, sipas tij, vazhdon të mbajë qëndrime refraktare ndaj vërejtjeve dhe rekomandimeve të faktorëve ndërkombëtarë, që janë thjesht perifrazime dhe rikonfirmime të akuzave të opozitës që prej 7 vjetësh. Në fjalën e tij, z.Kamberi stigmatizoi tautologjinë boshe të qeverisë dhe maxhorancës për të ashtuquajturat "... përpjekje në vazhdimësi për integrim", duke sjellë argumenta se situata e sotme politike, ekonomike, sociale dhe niveli i kriminalitetit e korrupsionit - flasin për të kundërtën e "përpjekjeve për integrim" për të cilat qeveria dhe maxhoranca pretendojnë se janë të interesuara.

Në pjesën e dytë të deklaratës, z.Kamberi shprehu edhe rrugëzgjidhjet që ofron PLL për të dalë nga kjo gjendje kolapsi dhe krize totale në të cilën është zhytur vendi, duke vlerësuar si të tilla vetëm reformën e sistemit zgjedhor; qeverinë me bazë të gjerë dhe Sistemin Zgjedhor Proporcional, të cilat, sipas PLL, do të garantonin zgjedhje konform standarteve dhe do të shmangnin manipulimin e verdiktit zgjedhor dhe votëvjedhjen, që socialistët i kanë servirur shqiptarëve që prej 7 vjetësh.

Në përgjigje të interesimit të gazetarëve, z.Kamberi u shpreh edhe për deklaratën e fundit të komisionerit të lartë evropian, z.Kris Patten, i cili ka akuzuar direkt qeverinë shqiptare që bën qorrin ndaj trafikut kriminal të organeve të fëmijëve shqiptarë, eksterpimi i të cilave realizohet nëpërmjet një klinike speciale në rrethin e Fierit, prej nga merren dhe trafikohen organet për në klinikat moderne të Evropës, trafik nga ku segmentet më monstruoze të krimit të organizuar nxjerrin fitime kolosale.

Gazetarët e pyetën z.Kamberi që të komentonte edhe reagimin mohues të zëdhënësit e, njëkohësisht, Sekretarit për Marrëdhëniet me Mediat në PS, z.Bardhyl Agasi, i cili në një konferencë për shtyp e kish mohuar ekzistencën e kësaj klinike dhe të një trafiku të tillë nga Shqipëria. Në përgjigje, z.Kamberi shprehu sigurinë e natyrshme se "z.Patten është një funksionar i lartë i Brukselit dhe, si i tillë, disponon informacione të sakta e të sigurta për rastin në fjalë, të cilin ai e ka bërë objekt edhe të deklaratës së tij kërcënuese, sipas së cilës ky trafik në zemër të Shqipërisë do t'i kushtojë shtrenjt shtetit shqiptar, në kuadër të marrëveshjeve dypalëshe për Integrimin".

Nga kjo konferencë dhe prononcimet e z.Kamberi - gazetarët mbetën tejet të kënaqur dhe premtuan për ta emetuar me rigorozitet këtë lajm dhe qëndrim të rëndësishëm të z.Kamberi, në emër të PLL.

Korresp. i "Atdheu"

Deklaratë për mediat e PLL

Raporti i KE dërrmon qeverinë shqiptare

PLL shpreh shqetësimin e saj të thellë për vlerësimin qesharak të qeverisë dhe institucioneve shqiptare për raportin e fundit të KE, i cili shprehet nëpërmjet reagimit të vakët dhe aspak institucional nga maxhoranca.

Përkeqësimin e klimës politike, treguesve ekonomikë dhe atyre të kriminalitetit dhe korrupsionit gjithnjë në rritje, qeveria dhe skalionet e saj e përkthejnë me frazën stereotipe të "zbatimit të detyrave të shtëpisë në vazhdimësi", duke bërë me këtë rast edhe bilance sipas të cilave "vlerësimet në raport, janë në nivel të njejtë me kritikat".

Por asnjë përfaqësues i maxhorancës nuk pranon të bëjë krahasimin e pseudoarritjeve dhe treguesve realë për të cilat flet raporti i KE, me standartet e kërkuara nga BE dhe organizmat monitoruese. Tashmë termi "Integrim" po keqpërdoret për të anashkaluar dhe rrumbullakosur problemet e rënda që përjetojnë shqiptarët.

PLL është e bindur se realiteti aktual është reflektim dhe pasojë e shkatërrimit të proceseve zgjedhore nga maxhoranca e majtë, prej nga ku kanë buruar pushtete të paligjshme, që kanë institucionalizuar paligjshmërinë dhe krimin në të gjitha fushat e jetës shqiptare.

PLL vlerëson se politika duhet dalë sa më parë nga rrethi vicioz i konstatimit të shqetësimeve të drejta të ndërkombëtarëve, të cilat gjithmonë kanë konverguar me akuzat e herëpas'hershme të artikuluara nga PLL dhe opozita për gjendjen kritike në të cilën ndodhet vendi.

Si rrugëdalje, PLL propozon ndryshimin e menjëhershën të sistemit zgjedhor në sistem proporcional, i cili shpreh, në mënyrën më të drejtë të mundshme, vullnetin e çdo qytetari shqiptar për përfaqësimin politik dhe pjesëmarrjen në qeverisjen e vendit. Vetëm sistemi proporcional mundëson ndarjen e politikës nga krimi, shmang blerjen e votave nga manjatët e krimit dhe korrupsionit, si dhe evidenton vlerën e vërtetë dhe mbështetjen elektorale të subjekteve politike.

PLL propozon krijimin me urgjencë të një qeverie teknike, për ndërtimin e infrastrukturës së zgjedhjeve të lira dhe të standarteve demokratike, që janë kyçi kryesor për hapjen e portës së Integrimit.

KOMENT

Rusia tmerrohet nga hapja e "defterëve" në Shqipëri

Nga Astrit Kola

Në një emision special të dhënë para dy muajsh në TV-Koha, pasqyrohej vizita e nëndrejtorit të Përgjithshëm të Arkivave të Rusisë në Shqipëri, z.Vladimir Tarasov.

Drejtuesit e Arkivës së Shtetit dhe redaktorët e TV-Koha, e shfrytëzuan këtë kronikë për të evidentuar bashkëpunimin midis dy institucioneve analoge, "në kuadër të proceseve të hapjes së vendeve respektive pas vendosjes së pluralizmit dhe bashkëpunimit dypalësh në fushën e Arkivistikës".

Por ajo që ra në sy në emission, ishte reagimi i z.Tarasov pas pyetjes së gazetarit Fiqiri Sejdiaj për "mundësinë e shfrytëzimit të arkivave ruse për Ballkanin, sidomos lidhur me marrëdhëniet shqiptaro-serbe e shqiptaro-ruse". Tarasov, i trembur dhe me zë të ndryshuar, e anashkaloi përgjigjen duke bërë të paditurin për këtë problem, por, më pas, "i shkoi gjuha aty ku i dhemb dhëmballa", kur shtoi me ton të ngritur: "Pas ndryshimeve në Rusi, pas vitit 1990, për shkak të gabimeve dhe hapjes së pakontrolluar të vendit, por edhe për qëllime përfitimi nga njerëz të veçantë - u nxorrën nga arkivat ruse materiale kompromentuese lidhur me personalitete të veçantë, çka shkaktoi skandale të vërteta, por kjo nuk do të ndodhë më në të ardhmen".

Pra përgjigjia e Tarasovit ishte e qartë. Rrjedhimisht del konkluzioni se Tarasovi nuk kishte ardhur këtu për të zbardhur të vërtetat pas kaq kohësh, për të ndihmuar në interpretimin historiografik, në riformatimin e të dhënave shkencore e fakteve të njohura e panjohura, as për ndihmesë pë riformulimin e teksteve të historisë dhe studimeve shkencore të kësaj periudhe. Ai kish ardhur për të kundërtën, për të ushtruar presion që arkivat shqiptare të mbyllen. Mirëpo, këtë veprim, pa ndonjë ligj të veçantë, e kanë bërë vullnetarisht të gjitha qeveritë që erdhën pas vendosjes së Pluralizmit politik në Shqipëri. Por pas ardhjes së socialistëve në pushtet, u hartua me shpejtësi një ligj për mbylljen e arkivave, me të famshmin argument të "maturimit të tyre, sipas standarteve ndërkombëtare". Kjo do të thotë se, rusofilët dhe serbofilët e Tiranës do të shtyjnë në kalenda hapjen e dosjeve agjenturore të sllavëve në Shqipëri, ndonëse kjo, aktualisht, po bëhet në mënyrë selektive, sepse Nexhmije Hoxha dhe Paskal Milo paskërkan të drejtë të thonë, shkruajnë e referohen në "arkivat", që z.Shaban Sinani i ka mbyllur për të tjerët "me ligj". Pra Nexhmija dhe Paskali paskërkan të drejtë të silurojnë, damkosin e terrorizojnë kë të duan. Natyrisht që, nacionalistët, nuk i ha meraku nëse kanë qenë agjentë të të huajve drejtuesit e lartë të komunizmit shqiptar dhe PPSH-së, sepse përgjigjen pozitive ata e kanë nxjerrë nga veprimtaria e tyre gjakatare e antishqiptare, gjithmonë në favor të sllavëve e në dëm të shqiptarëve. Por shqetësimi madhor qëndron në faktin se rusët kanë akoma fuqi dhe "të drejtë" t'u mbyllin gojën dhe arkivat shqiptarëve!!!

Shqetësimi i hapur i Tarasovit ishte thirrja dhe presioni për të bllokuar arkivat, që kështu të mos digjen agjentët e Moskës në Shqipëri, pra të ruhet rrjeti agjenturor, e të veprojë akoma në dëm të shqiptarëve.

Tarasovi e shprehu hapur kërcënimin, i cili nuk vlente vetëm për shtetin shqiptar, megjithëse këtë mund ta bënte ambasadori rus apo Ivanovi, sikundër e kanë bërë edhe më parë. Por, me këtë veprim, Tarasovi kërcënoi indirekt punonjësit dhe drejtuesit e Arkivës së Shtetit dhe studjuesit - që ata të tregohen të kujdesshëm dhe të mos i hapin defterët e vjetër të agjenturave ruse e serbe në Shqipëri.

Në emision u përmend edhe gjoja "hapja e arkivave për bazën e Pashalimanit", por kjo nuk përbën kurrfarë sekreti shtetëror, sepse kjo Bazë Ushtarake me rëndësi strategjike u shkatërrua në vitin 1997, gjatë rebelimit komunist të pushtetarëve të sotëm. Pra, për Pashalimanin, pas kësaj vizite, u vendos të hapen defterë pa rëndësi, të cilët i pati në dorë dhe i dogjën edhe Xani Çaushi, Luftar Petoshati dhe Albert Shyti, në vitin 1997. madje dihet nga të gjithë se, atëkohë, janë parë furgonë që mbushesin me dokumenta e materiale të rëndësishme, që ruheshin e shoqëroheshin me banditë të armatosur, dhe, pasi mbusheshin dëng, niseshin me shpejtësi drejt Jugut, pra drejt Greqisë. Ndërsa tani, pas krehjes 7-vjeçare dhe falsifikimit, këto defterë, Tarasovi rus dhe tarasovët shqiptarë, duan t'i shesin si "tepër të rëndësishme e të shfrytëzueshme" për studiuesit.

Shqetësimi i Tarasovit vinte natyrshëm po të kemi parasysh skandalin "Mitrokhin", të shpërthyer në Italinë fqinje, nga i cili rezultoi me dokumente se pothuajse i gjithë lidershipi i majtë i Italisë së pas Luftës Dytë Botërore e deri në mesin e viteve 70 - ka qenë agjenturë e fshehtë e KGB-së. Dhe jo pak, por të tillë kanë qenë afro 250 liderë. Hapja e këtij skandali dhe dekonspirimi i këtyre agjentëve, pothuajse hodhi në erë të gjithë klasën politike italiane. Skandali "Mitrokhin" evidentoi se KGB kish paguar miliarda dollarë për veprimtarinë agjenturore të spiunëve-politikanë italianë në zemër të Perëndimit evropian, ndërkohë që agjentët në Shqipëri i kish rekrutuar pa pare, por thjesht në këmbim të kapeleve dhe gjimnastiorkave që u fali barinjve morracakë, që lanë gërrabat, hodhën dy dyfekë për të vrarë shqiptarët dhe mësuan të këndonin "Rasija... rodina maja".

Ngjarjet e ditëve të fundit në Kosovë e Mitrovicë, sensibiliteti i shtuar i Putinit për to; akuza e tij për "spastrim etnik të serbëve në Kosovë" dhe turravrapi i maxhorancës aktuale për hartimin e kalimin në Kuvend të draftit të "Marrëveshjes së Miqësisë dhe Bashkëpunimit midis Shqipërisë dhe Rusisë", tashmë nuk janë të rastit, ashtu sikundër nuk kanë qenë të rastit vizitat e shpeshta "incognito" të ish kryetarit të Kuvendit, Skënder Gjinushit, në Rusi, i cili, sipas gazetës "55", pas vitit 1997 ka bërë 2 vizita zyrtare dhe 16 vizita private në Rusi (këto të fundit të padeklaruara për mediat).

Por episodi më i rëndësishëm dhe më kuptimplotë i vazhdimësisë së marrëdhëneve të dyshimta ruso-shqiptare pas '90-ës, ka qenë vizita e nivelit të lartë të drejtuesve të Parlamentit shqiptar në Korrik të vitit 1991 në Moskë, e delegacionit të përbërë nga kryetari i Kuvendit të asaj kohe, z.Kastriot Islami dhe deputetët Ali Spahia e Namik Dokle, respektivisht përfaqësues të PD e PS, me ftesë të Sovjetit Suprem dhe kryetarit të tij, Gorbaçovit. Për t'i kthyer përgjigjen mesazhit sekret të Gorbit, dërguar bashkëstudentit Alia me anë të Ambasadorit rus, Ramizi pajisi Islamin me mesazhin tepër sekret, të shkruar në "gjuhën e dashur ruse", që e dërgoi si gjithmonë, "drejt Moskës së shtrentë", tashmë pa nevojën e kanaleve të fshehta të shërbimeve sekrete.

Në pritjen që Kremlini rezervoi për nder të delegacionit, zotërinjtë Spahia dhe Dokle u lanë tre orë pas dere, dhe kurrë nuk mësuan asgjë, ndërkohë që Islami zhvillonte bisedë kokë më kokë me Gorbaçovin.

Përse kjo bisedë u zhvillua kokë më kokë dhe çfarë biseduan Islami e Gorbi??? Pavarësisht përgjigjes, komenti do të ishte i tepërt. Vetë zhvillimet e mëvonshme alla-katoviciane ndihmojnë për të kuptuar përmbajtjen e mesazhit-urdhër për komunistët shqiptarë, "Meka" e të cilëve, përjetësisht, do të mbetet Moska!

Fakti që Gjinushi e Islami janë bij të drejtuesve të lartë të hierarkisë komuniste të kohës së diktaturës dhe ardhja e Tarasovit pikërisht kur në fuqi janë bijtë e baballarëve me shkollim e mbështetje ruso-ramiziste - flet shumë.

Tashmë, pas ultimatumit moskovit, sekretari personal i Ramiz Alisë në krye të Akivave të Shtetit, do të dijë të përmbushë porositë e tarasovëve të Rusisë për arkivat e Shtetit Shqiptar - që vetëm për shqiptarët nuk do të hapen e shohin dritën e diellit.

Vizita e Tarasovit i dha kuptim të plotë edhe shqetësimit të dikurshëm të Ismail Kadaresë, që shkroi: "Tani, pas shpërbërjes së Bashkimit Sovjetik, kur gjeneralët e KGB-së do të shesin me para sekretet agjenturore, spiunëve të vjetër shqiptarë do t'u trokasin në derë e do t'u flasin në të gjitha gjuhët e botës, me emrat e koduar dikur, dhe ata do të detyrohen të rikthehen në shërbim...".

Po kur t'i thërrasë Car Putini e Knjaz Koshtunica, çdo të bëjnë??? Jo vetëm që do të përgjigjen në apel, por do të rekrutojnë edhe bijtë e parekrutuar ende, e që i kanë në të gjitha skutat e pushtetit. Dhe atëherë mjerë Shqipëria, se ku do të shitet e përfundojë..., nëse këta do të mbeten në pushtet!

AKTIVITETE

Zhvilloi punimet konferenca V-të e Degës së PLL Shkodër; zgjidhet kryetar z.Ilir Kuka

Spahiu: PLL pret më shumë nga legalistët shkodranë

Namik MEHMETI

Të mërkurën, më datë 14 prill 2004, në sallën e mbledhjeve të Prefekturës së qytetit të Shkodrës, zhvilloi punimet Konferenca V e Degës së PLL Shkodër. Përveç delegatëve të kësaj konference, morën pjesë edhe simpatizantë të Legalitetit dhe të Monarkisë, përfaqësues të partive politike të djathta, si dhe z.Ekrem Spahiu-kryetar i PLL, z.Murat Basha nënkryetar i PLL dhe z.Seit Preni, sekretar i Senatit të veteranëve legalistë.

Konferencën e deklaroi të hapur një nga veteranët e njohur të Legalitetit në Shkodër, z.Ferit Myftija, i cili pasi shprehu falenderimin për nderin që i bëhej, ftoi panelin drejtues të zerë vend në presidiumin e konferencës.

Më pas, kryetari i Degës së PLL Shkodër, z.Enis Dizdari, propozoi të mbahet një minutë heshtje për legalistët që janë ndarë nga jeta në periudhën midis dy konferencave, si Xhevat Myftija, Hodo e Safet Sokoli etj..

Pastaj ai paraqiti raportin e punës që ka bërë kjo Degë gjatë dy viteve në mes dy konferencave.

Në raportin e z.Dizdari u theksua puna e mirë që Dega kish bërë në periudhën midis konferencave për shtrirjen e strukturave, për afrimin e intelektualëve dhe konsolidimin e strukturave konform udhëzimeve statutore të qendrës dhe objektivave politikë e zgjedhorë të Degës. Ai përmendi gjithashtu kontributin e legalistëve shkodranë në pritjen e Familjes Mbretërore në Rinas, me rastin e rikthimit në Atdhe pas mungesës së gjatë në ekzilin politik të detyruar. Po kështu, z.Dizdari përmendi edhe pjesëmarrjen masive të legalistëve dhe mbretërorëve shkodranë në Funeralin madhështor të organizuar nga PLL për përcjelljen e Nënës Mbretëreshë Geraldinë në banesën e fundme, si dhe për pritjen e shkëlqyer të legalistëve gjatë vizitës së NMT Mbretit Leka dhe pjestarëve të tjerë të Familjes Mbretërore gjatë vizitës së tyre në qytetin e Shkodrës. Më tej, z.Dizdari foli gjatë për masat organizative dhe ato të karakterit propagandistik që ai, personalisht, dhe anëtarët e Komitetit Drejtues kishin marrë për përgatitjen e fushatës, sidomos në qytetin e Shkodrës, me ç'rast përmendi edhe mitingun madhështor të organizuar në Pallatin e Sportit të qytetit për hapjen e fushatës zgjedhore dhe prezantimin e kandidatit legalist, z.Dibra, në të cilin mori pjesë pothuajse e gjithë elita intelektuale dhe qytetare shkodrane.

Duke pranuar më tej rezultatin e dobët, z.Dizdari shpjegoi edhe shkaqet objektive dhe subjektive që shoqëruan fushatën e Degës dhe ndikuan në rezultatin përfundimtar, ku si shkaqe kryesore renditi propagandën e egër kunëdr PLL dhe kandidatëve legalistë nga partitë rivale; mungesën e financave dhe, mbi të gjitha, votimin bardhezi të qytetarëve shkodranë - nga frika e një fitoreje të mundshme të socialistëve.

Pastaj, z.Dizdari përmendi dhe cilësoi me emra drejtuesit dhe legalistët që kishin punuar me përkushtim dhe kishin dhënë kontribut të rëndësishëm në këtë fushatë.

Në fund të fjalës së tij, kryelegalisti shkodran shprehu bindjen për rezultate në rritje të Degës së PLL Shkodër në të ardhmen, dhe kjo, sipas tij, bazohej në shtimin e anëtarësisë, ndërgjegjësimin e saj dhe konsolidimin organizativ të strukturave të PLL. ***

Në diskutimin e tij në formë platforme, konform rendit të ditës, sekretari i Degës z.Ilir Kuka, pasi bëri një përmbledhje të punës së Degës që nga konferenca e kaluar, ndër të tjera theksoi:

"Konferenca e VI-të e PLL Dega Shkodër, i zhvillon punimet e saj në një situatë të rënduar politike, ekonomike e sociale për vendin, pasojë kjo e papërgjegjshmërisë së tejskajshme të qeverisë së majtë, e cila, e lidhur ngushtë me krimin ekonomik dhe politik, po mundohet t'i imponohet me të gjitha mënyrat shoqërisë dhe Kombit shqiptar. Në kuadër të Lëvizjes qytetaro-politike "Nano Ik" të ndërmarrë nga opozita shqiptare, ku PLL dhe kryetari i saj z.Spahiu, janë shndërruar në zërin më të fuqishëm të nacionalizmit shqiptar dhe të së Djathtës, në mbrojtje të vlerave dhe dinjitetit njerëzor, të Pronës së ligjshme, të ish të Përndjekurve Politikë, dhe, mbi të gjitha, të Çeshtjes Kombëtare - mendoj se duhet të shikohen me sy kritik, por edhe perspektiv, disa aspekte të veprimtarisë së PLL të Degës Shkodër.

Rezultati që PLL Dega Shkodër mori për pushtetin lokal, për të gjithë nuk ka qenë ai që pritnim, për të mos thënë zhgënjyes. Nëse do t'i shihnim në vijimësi rezultatet që ka marrë kjo Degë gjatë viteve, sidomos pas vitit 1996, shihet se ka një rënie të votuesve për PLL. Besoj se mund të gjenden me dhjetra argumente për të justifikuar këtë rënie, ose për të provuar të kundërtën. Po a janë me të vërtetë këto mundësitë tona; a kemi shfrytëzuar gjithçka dhe a kemi më forca e mundësi të tjera; a ka mbështetje më të madhe se 800 vota alternativa legaliste dhe monarkiste në Shkodër, etj.?

E parë në aspektin e realizimit të misionit tonë si parti politike, këto rezultate janë shumë larg asaj që dëshiron elektorati shkodran, sepse PLL është partia që kërkon ndryshimin e sistemit politik dhe ne pretendojmë që shqiptarëve t'u kthejmë dinjitetin, vlerat, e të zgjidhim çështjen kombëtare. Monarkia dhe monarkistët kanë të drejtë të krenohen, sepse kanë dhënë prova se mund t'i realizojnë disa nga këto aspirata të shqiptarëve, ashtu si gjatë viteve 1928-1939. Sot duhet të provojmë se jemi përsëri në gjendje ta bëjmë këtë. Por me këtë rezultat, ne nuk mund të bëjmë asgjë.

Në politikë duhet të bëjmë atë çka është e nevojshme. Dhe kjo është detyra që kemi para historisë, Kombit shqiptar, monarkistëve dhe legalistëve që ndërtuan shtetin e parë modern, Monarkinë Shqiptare me Mbretin Zog I. Duhet ta bëjmë në emër të atyre monarkistëve që sakrifikuan jetën nën tmerrin komunist, për idealin e tyre monarkist, si dhe në nderim të atyre monarkistëve e legalistëve që e mbajtën gjallë e të pastër PLL në emigracion.

Puna jonë në të ardhmen duhet të synojë:

- Forcimin e identitetit të PLL.

- Shumëfishimin e votave të PLL, duke synuar jo vetëm maksimumin e votave të arritura vite më parë, por ndoshta edhe më shumë.

- PLL Dega Shkodër duhet të kthehet në një pikë referimi për të gjithë Veriun.

- Riorganizim të menjëhershëm të të gjitha seksioneve të PLL, aty ku ekzistojnë, sipas parimit "një qendër votimi një seksion", ndërsa aty ku nuk kemi, të synojmë ngritjen sa më të shpejtë të tyre.

- Afrimin e sa më shumë të rinjve në strukturat e PLL ( seksione-rajone).

- Krijimi sa më parë i departamenteve si ai i Arsimit, Kulturës, Historisë, Ekonomisë, Administrimit, Juristëve, Mjekësisë, etj..

- Takime të rregullta të organeve dhe forumeve drejtuese, duke filluar nga Komiteti Drejtues, seksionet, Forumi i Gruas, Rinisë, etj., të gjitha këto në respektim të statutit.

- Thithjen e mendimit të anëtarëve të PLL.

- Forcimi i Demokracisë dhe transparencës brenda në parti (vënia në dijeni e të gjithë anëtarëve për vendim-marrjen).

- Do të përpiqemi të realizojmë binjakëzimin e Degës së PLL Shkodër me Degën e PLL Nju Jork".

Pas raportit u bënë shumë pyetje dhe diskutime, ku me tone të ashpra kritike u analizuan rezultatet dhe puna e strukturave dhe e drejtuesve të veçantë, të cilat, nga të gjithë diskutantët, u vlerësuan si "të dobëta e që nuk e nderonin traditën e legalistëve shkodranë".

***

Më pas e morën fjalën përfaqësuesit e partive politike të djathta, që ishin ftuar enkas, të cilët përshëndetën punimet e konferencës. Për PD përshëndeti z.Ahmet Omi, nënkryetar i kësaj Dege. Më pas përshëndetën edhe z.Muatafa Lici-kryetar i PMDL; z.Xhemal Shkjau-kryetar i PBKD; z.Caf Jonuzi-kryetar i Shoqatës së Ish të Përndjekurve Politikë; I. Bruçaj-kryetar i PBK.

Të gjithë këta përfaqësues vlerësuan kontributin e PLL për pozicionin dhe qëndrimin e saj serioz në kuadër të Lëvizjes "NANO IK" dhe për problemet kyçe të politikës; për çështjen kombëtare, shtresën e nëpërkëmbur të të Persekutuarve Politikë dhe të ish Pronarëve.

Në konferencë e mori fjalën edhe sekretari i Senatit të Veteranëve, z.Seit Preni, i cili pasi shprehu pakënaqësinë e tij për rezultatet e dobëta të Degës në zgjedhjet e 12 tetorit, u kërkoi veteranëve legalistë shkodranë që të jepnin "maksimumin e kontributit të tyre për të përmirësuar punën e Degës dhe rritur rezultatet, duke u qëndruar më pranë të rinjve".

Pas z.Preni e mori fjalën nënkryetari legalist, z.Murat Basha, që cilësoi mangësitë organizative dhe mungesën e bashkëpunimit midis drejtuesve dhe strukturave nga qendra në bazë si shkak i rezulatteve të pakenaqsëshme të arrutuar nga Dega e PLL Shkodër gjatë zgjedhjeve të 12 tetorit.

Pastaj z.Basha foli për kontributin e rëndësishëm të PLL për zgjidhjen e problemeve që janë në axhendë të Çeshtjes Kombëtare, sidomos kohët e fundit, në qëndrimet parimore dhe konsekuente ndaj Çeshtjes Çame dhe Çeshtjes së Kosovës, si dhe kontributin konkret të NMT Mbretit Leka gjatë prononcimeve për këto probleme nevralgjike, në mediat, brenda dhe jashtë vendit.

"Vetëm restaurimi i Monarkisë dhe Rikthimi i Mbretit Leka në Fron, mundësojnë institucionalizimin e shtrimit dhe zgjidhjes së Çeshtjes sonë kombëtare", - theksoi z.Basha, duke përmendur më pas edhe qëndrimet e vendosura të PLL në mbrojte të kërkesave të drejta të të Përndjekurve dhe Pronarëve "pa plotësimin e të cilave nuk ka dhe nuk mund të ketë integrim në Evropë. Konstatimi dhe evidentimi i problemeve është i pamjaftueshëm nëse nuk mbështetet me masa energjike për zgjidhjen e tyre dhe kapërcimin e vëshirësive, që janë të natyrshme gjatë punës së partisë në terren dhe me njerëzit, sidomos gjatë fushatave zgjedhore të ashpra, sikundër ishte kjo e fundit", theksoi z.Basha.

Edhe plotësimi i formularëve të dhënë nga kryesia, ishte një kërkesë e nënkryretarit legalist, sepse ato ndihmonin për të krijuar një tablo të gjendjes dhe punës së Degëve, duke shërbyer njëkohësisht për ngritjen e punës organizative të partisë në nivele të larta, në përputhje me përvojat e partive konservatore bashkëkohore.

Pas nënkryetarit të PLL e mori fjalën kryetari i saj, z.Ekrem Spahiu, i cili fillimisht falenderoi përfaqësuesit e partive politike që përshëndetën në këtë konferencë, për vlerësimin që i bënë punës së legalistëve shkodranë, dhe në shkallë kombëtare, duke shtuar më tej: "Është nder të vij në Shkodër dhe të përshëndes jo vetëm legalistët në këtë konferencë, por, në mënyrë të veçantë, të gjithë spektrin e djathtë politik shkodran.

Dega e Shkodrës është një Degë që ka dhënë shumë për çështjen kombëtare, mbretërore, të të Persekutuarve Politikë e Pronarëve, që përbëjnë katër shtyllat e kësaj partie në luftën e saj për të integruar gjithë shoqërinë. PLL është parti që mban mbi supe një histori të madhe kombëtare. T'i kthehemi Monarkisë, ku Mbreti Zog ka krijuar një shtet të moderuar.

Lëvizja "Nano Ik" mbështetet nga PLL, duke fituar dimensione të reja - po anashkalojnë bindjet e tyre, pasi ata e ndjejnë veten të ofenduar nga PS. Lëvizja po shtrihet kudo ku janë shqiptarët, që janë larguar nga jeta e varfër. Raporti i BE ka qenë një dimension tjetër që i jep kësaj Lëvizjeje. Rezoluta për Çamërinë tregoi edhe një tjetër dështim të Pozitës për çështjen kombëtare, të cilën duhet ta mbrojmë, pasi Shqipëria kufizohet kudo me troje shqiptare. Ky qëndrim antikombëtar është një motiv që na shtyn të zgjerojmë këtë Lëvizje. Nuk është e lehtë të ikë Nano dhe, për këtë, kemi propozuar që, një të mërkurë, të qëndrojmë 24 orë në shesh, në Tiranë, dhe ne, si deputetë të opozitës, të ngujohemi në Parlament ditën e ejte. Populli ka sakrifikuar shumë për politikanët, prandaj deputetët e opozitës duhet të ngulin këmbë në tërheqjen e Nanos. Ne kërkojmë të largojmë Nanon nga qeverisja dhe qeverinë e tij ta zëvendësojmë me një qeveri me pjesëmarrjen e të gjithë partive. Kjo qeveri duhet të përgatisë infrastrukturën e nevojshme, për të përgatitur dhe realizuar zgjedhje të lira e të pamanipuluara, ku të repektohet vota. Gjithashtu, kjo qeveri duhet të përfshijë në mandatin e saj miratimin e disa ligjeve, si ai për Dëmshpërblimin e të Përndjekurve Politikë dhe zbatimin e kërkesave të drejta të ish Pronarëve. NMT Mbreti Leka I-rë ka ndërruar 3 herë banesën, pasi Familjes Mbretërore nuk i janë kthyer pronat, megjithëse, ligjërisht, është pajisur me status të veçantë.

PLL mendon se padrejtësitë ndaj Shqipërisë duhet të eleminohen hap pas hapi, ndaj i ftoj partitë opozitare që të mbështesin lëvizjen "Nano ik", me qëllim që në zgjdhjet e ardhshme të fitojë koalicioni i djathtë, pasi diferenca prej 1.2 % është tregues i qartë i kalimit të mbështetjes popullore tek opozita. Deri tani, socialistët kanë realizuar 4 votime dhe dy referendume të manipuluara. Shkodra nuk ka nevojë për moral opozitar, pasi ajo ka votuar gjithnjë kundër komunizmit, por Shkodra duhet të rikthejë ato vlera që ka patur e trashëguar në shekuj, duke qenë një shembull i qytetërimit dhe i përparimit për të gjithë Shqipërinë", - e mbylli fjalën e tij z.Spahiu.

***

Konferenca pastaj kaloi në zhvillimin e proçedurave të mëtejshme, ku shumë legalistë e simpatizantë bënë pyetje në adresë të kryetarit të PLL, z.Spahiu. Pyetjeve që ishin në funksion të problemeve e shqetësimeve që kanë legalistët, z Spahiu u dha përgjigje duke dhënë idenë se, të metat që janë shfaqur sidomos në zgjedhjet lokale të tetorit 2003, nuk janë vetëm punë e dobët e një individi, pra të kryetarit të Degës, por edhe të kryesisë dhe Komitetit Drejtues, të cilët nuk kanë arritur të harmonizojnë faktorët për të realizuar një fushatë me rezultate më të mira, ashtu siç ka treguar Shkodra në vitet e demokracisë.

Gjithashtu, z.Spahiu, nëpërmjet përgjigjeve sqaroi mjaft probleme që shqetësojnë legalistët shkodranë për punën e grupit parlamentar, për marrëdhëniet e Oborrit Mbretëror me PLL, si dhe për çështjen e Kosovës, Çamërisë, dhe të Kodit Zgjedhor.

Më pas punimet vazhduan me diskutimet e delegatëve rreth raportit të paraqitur nga kryetari i Degës, z.Enis Dizdari. Zotërinjtë Ferdi Lluja, Burhan Agri, Agim Metani e Myzafer Arifi, në fjalën e tyre mbajtën qëndrim kritik ndaj punës së pamjaftueshme që ka bërë kryesia dhe kryetari i saj, z.Enis Dizdari gjatë kësaj periudhe, punë kjo që është reflektuar edhe në rezultatet e dobëta në zgjedhjet e tetorit të kaluar, ku kandidati për kryetar bashkie dhe PLL nuk ka marrë më shumë se 800 vota. Gjithashtu, diskutantët shfaqën shqetësimin e tyre se një rezultat e tillë e ka patur burimin në shumë arësye objektive.

Z.Musa Nurja konstatoi në diskutimin e tij se "gjatë fushatës, Komiteti Drejtues nuk ka dhënë kontributin që pritej, madje duke kaluar edhe në ekstreme të tilla, sa ka qëndruar larg detyrave që kishte për këtë fushatë". "Dobësi të tilla janë vërejtur edhe në komunën e Postribës, ku kandidati për kryetar komune, z.R. Spahija nuk është mbështetur nga strukturat e Degës dhe seksionet në këtë komunë, duke bërë një fushatë individuale", - e mbylli fjalën e tij z.Nurja.

Diskutantët iu referuan shpesh faktit që Dega e PLL Shkodëra, në zgjedhjet lokale të tetorit 2003 fitoi vetëm 2 këshilltarë për Bashkinë Shkodër dhe 6 këshilltarë në komuna.

Në ndërhyjen e tij për sqarimin e problemeve të ndryshme, z.Spahiu pasi përshëndeti i përgëzoi diskutantët për mendimet e vyera dhe seriozitetin, duke vlerësuar frymën e debatit dhe kritikës në konferencë, theksoi se "PLL është një parti me demokraci të brendshme që nxit diversitetin e mendimit dhe nuk mund ta pranojë unanimitetin fals". "Konferencat dhe forumet drejtuese që dalin prej tyre, ne i kemi planifikuar të tilla që të përkojnë në kohë me fushatat zgjedhore, me qëllim që t'u jepet mundësia drejtuesve të drejtojnë e kontribojnë, duke fituar përvojë zgjedhore dhe organizative, për ta çuar partinë drejt objektivave më të lartë politiko-zgjedhorë, fushatë pas fushate".

Pasi bëri një analizë të hollësishme dhe një vlerësim të faktorëve objektivë dhe subjektivë, që bashkëshoqëruan fushatën dhe kushtëzuan rezultatet e legalistëve shkodranë, z.Spahiu nënvizoi me forcë faktin e mangësive financiare të PLL dhe varfërinë e aktivistëve legalistë për shkak të asaj që ai e cilësoi "shkatërrim i qëllimshëm i nivelit ekonomik dhe pozicionit shoqëror të legalistëve, pjesa më e madhe e të cilëve janë ish të Përndjekur dhe ish Pronarë, të cilët gjatë këtij tranzicioni të stërzgjatur janë lënë të varfër, të braktisur dhe të paintegruar". Pasi foli me tone kritike për mosmbështetjen sa duhet të kandidatit Dibra, të cilin e vlerësoi maksimalisht, si një "figurë integrale dhe e kompletuar", z.Spahiu kritikoi ashpër forumet drejtuese për moskandidimin e legalistëve dhe mosvënien e listave për këshilltarë në 60 % të njësive vendore. Në fund të fjalës së tij kryelegalisti shprehu bindjen se forumet drejtuese që do të dilnin nga kjo konferencë, do të çonin përpara punën dhe rezultatet e kësaj Dege, ndër më të rëndësishmet për PLL

Sidoqoftë, diskutimet patën edhe frymën e mirëkuptimit për punën, duke patur transparencë dhe përgjegjësi për mangësitë që janë konstatuar. Vlerësimi që z.Spahiu bëri për këtë Degë lidhur me organizimin e aktiviteteve të larmishme të cilat u renditën edhe në raportin e kryetarit të Degës, z.Dizdari - flasin për një punë me kulturë dhe traditë, që kjo Degë ka patur në vite.

***

Në fund të diskutimeve, pasi u zgjodhën komisioni i verifikimit të mandateve dhe komisioni i votimit për kryetarin e PLL dhe të Komitetit Drejtes, u kalua në prezantimin e kandidaturave për kryetar të Degës së PLL Shkodër. Z.Enis Dizdari kërkoi të përsërisë mandatin e tij edhe për dy vite të tjera në drejtimin e PLL Shkodër dhe me këtë rast paraqiti një jetëshkrim përpara delegatëve. Më pas, z.Ilir Kuka, kryetar i Forumit Rinor Legalist, paraqiti kandidaturën për kryetar, duke parashtruar edhe ai alternativat e tij. Kandidatët treguan një kulturë qytetare në ballafaqimin me delegatët, duke shprehur tolerancë dhe respekt për njëri tjetrin dhe mbështetësit e tyre, të cilët nuk munguan dhe t'i duartrokitnin.

Pas votimit rezultoi se më shumë vota fitoi z.Ilir Kuka, 47 ndaj 28 votave të ish kryetarit, z.Enis Dizdari. Të dy pretendentët për kryetar të PLL, i dhanë dorën njeri tjetrit duke pranuar rezultatin. Nga 23 vetë që kandiduan për Komitetin Drejtues, fituan 15 pas votimit tepër korrekt dhe demokratik.

Komiteti i ri Drejtues, i sapozgjedhur, zhvilloi mbledhjen e parë të tij dhe, në mirëkuptim e konsensus të plotë, zgjodhi nënkryetarë të Degës zotin Nikolin Destanishta - zogistin veteran dhe një ndër qëndrestarët e përndjekur politikisht për Idealin Mbretëror, si dhe Profesorin e nderuar të Universitetit "Luigj Gurakuqi", historianin e njohur z.Bajram Xhafa.

Gjithashtu, Komiteti Drejtues i propozoi qendrës edhe emrat për sekretar të Degës.

Konferenca VI-të e Shkodrës, që filloi punimet në orën 10.00 paradite dhe i mbylli në orën 17.00, i kaloi përmasat e një konference rutinë, dhe u shndërrua në një kongres të vërtetë për nga thellësia e analizës, shpërfaqjes së problematikave dhe alternativave për të ardhmen, për ta shndërruar këtë Degë në promotor të fitores jo vetëm të Legalitetit, por të së Djathtës në Shkodër, për t'i kontribuar edhe fitores së opozitës dhe PLL edhe në rang kombëtar.

Për këtë konferencë model në të gjitha treguesit, kanë kontributin e tyre të gjithë drejtuesit e kësaj Dege, por në veçanti z.Enis Dizdari, si kryetar i saj, që e ka drejtuar atë me përkushtim deri në çastet e fundit.

Namik MEHMETI

Zhvilloi punimet konferenca V-të e Degës së PLL Dibër, rizgjidhet kryetar z.Selman Agolli

Basha: Fitorja e opozitës, e pashmangshme

Më datë 10 prill 2004, në qytetin e Peshkopisë zhvilloi punimet konferenca V-të e Degës së PLL Dibër, në një nga sallat e Qendrës Ekonomike të Komunikimit të këtij rrethi. Në këtë konferencë, si të deleguar të kryesisë së partisë merrnin pjesë nënkryetari i saj z.Murat Basha dhe Sekretari i Senatit të Veteranëve, z.Seit Preni.

Punimet e konferencës i hapi kryetari i Senatit të Veteranëve legalistë dibranë, Ish i Burgosuri i Ndërgjegjes dhe njëkohësisht ish kryetari i parë i Degës së PLL, që në themelim të saj, z.Sefedin Juniku, i cili në emër të panelit drejtues falenderoi pjesëmarrësit dhe të deleguarit nga Tirana.

Më pas z.Juniku theksoi rëndësinë e zhvillimit të kësaj konference në kontekstin e zhvillimeve të fundit politike në vend dhe, me këtë rast, evidentoi domosdoshmërinë e fitores të së Djathtës, në gjirin e së cilës PLL po jep një kontribut të qenësishëm, duke e konsideruar këtë fitore si "rihapje e shanseve për zhvillimin e vendit". Rëndësinë e fitores të së Djathtës z.Juniku e lidhi edhe me mundësimin e rikthimit në Fron të NMT Mbretit Leka dhe vendosjen e Monarkisë në Shqipëri. Gjithashtu, në emër të Senatit të Veteranëve ai përgëzoi legalistët dibranë për rezultatet zgjedhore të 12 tetorit. Pasi i uroi punime të mbara konferencës, z.Juniku në përfundim të fjalës së tij ia dha atë kryetarit të Degës së PLL Dibër, z.Selman Agolli, i cili në substancë tha:

"Kam privilegjin dhe kënaqësinë që të raportoj para kësaj konference dhe të përcjell nëpërmjet jush mesazhet më të mira për legalistët dhe simpatizantët tanë, për punën dhe kontributin e tyre. Në këtë konferencë ne po bëjmë bilancin e punës, arritjeve, pengesave e vështirësive, si dhe do të shpalosim objektivat tona për konsolidimin e partisë në të ardhmen. Ne kemi arsye të jemi optimistë, sepse bazohemi në besimin dhe simpatinë e dibranëve për legalistët, jo vetëm nga e kaluara e vyer dhe e mrekullueshme e partisë tonë por edhe nga puna, dinjiteti dhe prestigji ynë, që po rriten gjithnjë e më shumë në sytë e të gjithëve.

Në periudhën midis dy konferencave, Dega jonë ka përballuar dy fushata zgjedhore: zgjedhjet e përgjithshme të Qershorit 2001 dhe zgjedhjet vendore të Tetorit 2003, në të cilat ne dolëm të fituar, pasi nxorrëm një deputet direkt, në zonë, dhe 13 këshilltarë, 2 sekretarë dhe një këshilltar Qarku, ndërkohë që, më parë, nuk kishim asnjë këshilltar në të gjithë rrethin".

Më pas z.Agolli foli me shifra dhe fakte për angazhimin e të gjithë legalistëve pas konferencës së IV, për ta vënë partinë në pozita pune, qoftë nëpërmjet ndarjes së detyrave dhe përmbushjes së tyre, ashtu edhe në fushatën e anëtarësimeve dhe ristrukturimit të partisë, duke i shtrirë strukturat e saj në të gjithë rrethin. Përveç anëtarësimeve cilësore, kryelegalisti dibran theksoi përmirësimin e punës së Degës në drejtim të dokumentacionit, që tashmë është model në shkallë vendi. Gjithashtu, në fjalën e tij z.Agolli shprehu hapur ambicjet për përsosjen e punës politike e organizative, nën moton "një qendër votimi një seksion". Duke folur për manipulimin e zgjedhjeve, i cili ndikoi shumë edhe mbi rezultatin e përgjithshëm të PLL në Dibër, z.Agolli ofroi argumentin se "... është e pamundur që një parti si PBDNJ, e cila nuk ka asnjë anëtar në Dibër, të marrë aq vota sa PLL më 12 tetor", duke theksuar me këtë rast edhe përgjegjësinë e atyre strukturave që nuk mbrojtën votat e legalistëve nëpër QV-të.

Gjithashtu, z.Agolli, duke analizuar shkaqet objektive dhe subjektive, që përcaktuan edhe rezultatin, përmendi si të tilla mungesën e financave para dhe gjatë fushatës, rivalitetin e egër të subjekteve të tjera ndaj PLL dhe kandidatëve legalistë, që në mjaft raste ishte kthyer në gjueti shtrigash dhe tejet denigruese, çka në kushtet edhe të mungesës së komisionerëve frymëzuar edhe batërdinë mbi votat e PLL.

Me tone të ashpra dhe shumë kritike, kryelegalisti dibran foli edhe për ata anëtarë dhe drejtues strukturash që kishin dalë hapur kundër PLL, kishin punuar për subjekte të tjera, apo ishin shmangur nga fushata, dhe për këtë, si ilustrim, përmendi rastin e Komunës Kastriot, ku këshilltari legalist ishte skualifikuar për dy vota dhe në vend të tij ishte futur në këshill përfaqësuesi i Partisë Agrare, apo në një rast tjetër kur kryetari i një nëndege kish dalë hapur kundër PLL dhe kandidatit legalist. Në vijim të raportit, z.Agolli përmendi, si shembull pune dhe përkushtimi, përvojën dhe kontributin e nëndegëve të Reçit dhe Luznisë.

Më pas në raport u kërkua institucionalizimi i marrëdhënieve midis subjekteve të djathta, në shenjë bashkëpunimi e reciprociteti qëndrimesh, sikundër PLL i është përgjigjur PD-së, gjatë dhe pas konstituimit të pushtetit vendor, për të shmangur në të ardhmen rastet kur përfaqësues të PD kanë hequr nga puna legalistët, pasi kanë fituar, siç ka ndodhur me z.Xhevat Noka e disa të tjerë, të cilët janë hequr nga puna prej përfaqësuesve të PD në pushtetin vendor.

Pasi shprehu vlerësime superlative për qëndimet parimore të PLL dhe kryetarit të saj z.Spahiu, në mbrojtje të interesave të të Përndjekurve, Pronarëve dhe Çeshtjes kombëtare, z.Agolli i garantoi drejtuesit e lartë legalistë se, edhe në të ardhmen, Dega e PLL Dibër do të mbështeste kryesinë dhe forumet drejtuese të partisë, si dhe do të rriste mobilizimin për rezultate më të larta politike e zgjedhore në të ardhmen.

***

Pas raportit të mbajtur nga z.Agolli, u kalua në pikën e dytë të rendit të ditës, në atë të pyetjeve dhe diskutimeve të delegatëve. Pas pyetjeve të cilave iu përgjigjën me transparencë dhe dashamirësi zotërinjtë Selman Agolli, Murat Basha dhe Seit Preni, u kalua në diskutime të lira.

Ranë në sy dhe u mbështetën diskutimet e z.Dilaver Shehu (kryetar i nëndegës Reç dhe Zall Dardhë); z.Enver Bitri (kryetar i nëndegës Fushë-Alie); z.Murat Koltraka (ish kandidat për kryetar Komune në Kastriot); z.Xhevat Noka - sekretar i Degës (ish kandidat për kryetar komune në Fushë-Alie); z.Sajmir Harasani - Sekretar i Forumit Rinor të PLL Dega Dibër, si dhe ato të delegatëve Halit Dida e Selim Noka.

Të gjithë këta diskutantë folën me frymë të lartë përgjegjësise, dëshmuan për punën e vështirë dhe pengesat që kishin patur, si edhe për rezultatet që kishin arritur, duke bërë njëkohësisht edhe vërejtje e kritika që i shërbenin punës dhe evidentimit të mangësive, e duke garantuar për rezultate më të larta në të ardhmen. Të gjitha diskutimet karakterizoheshin nga cilësia e lartë, fryma e optimizmit dhe qartësia për punë e veprimin konkret në terren, por gjithashtu ato kishin si emërues të përbashkët kërkesën për kryesinë e PLL që, në bashkëpunim me drejtuesit e lartë të PD, të sqaronin disa probleme midis dy Degëve dhe strukturave përkatëse në Dibër - për të shmangur kundërvëniet dhe keqkuptimet që, sipas tyre, ishin në kundërshtim me bashkëpunimin e dy partive, në kuadër të qëndrimeve të përbashkëta opozitare dhe të Lëvizjes politiko-qytetare "Nano Ik".

Pas diskutimeve e mori fjalën i deleguari i Kryesisë, Sekretari i Senatit të Veteranëve z.Seit Preni, i cili pasi i falenderoi legalistët dibranë për përkushtimin dhe rezultatet e arritura, u ndal në nevojën e angazhimit më të madh të veteranëve legalistë për dhënien e ndihmës dhe përvojës së tyre të çmuar për forcimin e punës së Degës dhe zbatimin me korrektësi të programit e statutit të PLL, për të cilat ata kanë detyrim të vazhdueshëm.

Z.Preni inkurajoi gjithashtu punën e mirë në afrimin e të rinjve, dhe kërkoi me këtë rast edhe krijimin e një klime bashkëpunimi e ndihme reciproke midis brezave, gjithmonë me synimin për forcimin organizativ të partisë dhe rritjen politike të saj.

Diskutimi i z.Preni u mbështet nga delegatët, të cilët gjithashtu pritën me interesim edhe fjalën e nënkryetarit legalist z.Murat Basha, i cili u ndal në domosdoshmërinë e krijimit të një disipline shkresore e programore solide, e cila megjithë përvojën e mirë të krijuar në këtë Degë, nuk mund të anashkalonte faktin e mosvlerësimit të udhëzimeve dhe kërkesave të formularëve që ishin dërguar nga qendra para fushatës, e që i shërbenin asaj. Pastaj z.Basha bëri një përmbledhje të qëndrimeve politike të PLL në kuadër të luftës institucionale të opozitës, si shprehje e vendosmërisë për të sjellë rotacionin në qeverisjen e vendit dhe triumfin e së Djthatës.

Gjithashtu, nënkryetari legalist mori përsipër t'i përcjellë forumeve drejtuese të partisë shqetësimet e legalistëve dibranë ndaj qëndrimeve refraktare të Degës lokale të PD, të cilat, sipas tij "bien ndesh me frymën e bashkëpunimit në linjë vertikale midis dy partive, që janë angazhuar në një luftë të përbashkët e pa kompromis për rrëzimin e qeverisjes së maxhorancës dhe fitoren e merituar të së Djathtës shqiptare".

Edhe fjala e z.Basha u mirëprit dhe u duartrokit nga legalistët dibranë.

Pika kulmore e konferencës ishte ajo e zgjedhjeve për kryetar të Degës dhe anëtarët e Komitetit të ri Drejtues. Në këtë moment u shfaq qartë respekti i delegatëve legalistë dibranë për punën plot përkushtim, figurën e shkëlqyer morale, vlerat e pamohueshme intelektuale dhe aftësitë e rralla organizative të kryetarit të Degës, z.Selman Agolli, i cili u rizgjodh, me konsensus dhe votë unanime, kryetar i Degës edhe për mandatin e ardhshëm.

Me këtë rast, z.Agolli shprehu me emocion sigurinë dhe përkushtimin para delegatëve - për të punuar bashkë me Komitetin Drejtues, për të dhënë maksimumin e mundshëm për forcimin e Degës, rritjen e rezultateve politike e zgjedhore, për ta bërë Legalitetin në Dibër një forcë të fuqishme në sytë e elektoratit, dhe efiçiente në vendim-marrjen për të gjitha problemet shqetësuese të rrethit.

Më pas, konform procedurave, me votim të fshehtë u zgjodh edhe Komiteti i ri Drejtues, i cili krahas kryetarit Agolli do të drejtojë këtë Degë me rezultate dhe kontribute dinjitoze, e ndër më të mirat në shkallë vendi, e cila përfaqëson Legalitetin në një trevë me tradita të shkëlqyera nacionaliste.

Kështu, me sukses të plotë i dha fund punimeve edhe konferenca e Degë së PLL Dibër, e cila shpërfaqi vlerat më të mira në planin politik e organizativ, duke rikonfirmuar edhe një herë qëndrimin në pararojë të Degëve të PLL në shkallë vendi.

Korresp. i "Atdheu"

Zhvilloi punimet konferenca V-të e Degës së PLL Shijak, zgjidhet kryetar i Degës z.Ruzhdi Kau

Spahiu: Shijaku është bastion i zogizmit

Paraditen e së djelës, më datë 11 prill 2004, në një sallë të tejmbushur me delegatë legalistë dhe simpatizantë të PLL, zhvilloi punimet Konferenca V-të e Degës së PLL Shijak. Në këtë konferencë, të deleguar nga Qendra ishin kryetari i PLL z.Spahiu, nënkryetari, z.Murat Basha dhe Sekretari i Senatit të Veteranëve, z.Seit Preni.

Konferencën e hapi kryetari i Degës z.Bajram Rubjeka, i cili pasi përshëndeti dhe falenderoi të pranishmit për pjesëmarrjen dhe vlerësimin ndaj forumit më të lartë të Degës, në emër të Komitetit Drejtues lexoi raportin e punës dhe veprimtarive politiko-zgjedhore dy-vjeçare të Degës, që nga konferenca e kaluar. Në këtë raport, z.Rubjeka u përqëndrua kryesisht në veprimtaritë e organizuara nga legalistët shijakas sidomos për pritjen e Familjes Mbretërore me rastin e Rikthimit në Atdhe më 28 Qershor 2002 dhe pjesëmarrjen në Funeralin madhështor të organizuar nga PLL për përcjelljen dhe lamtumirën e fundit për Nënën Mbretëreshë Geraldinë.

Me këtë rast, z.Rubjeka kujtoi ndarjen me dhimbje nga jeta edhe të legalistëve të njohur shijakas, zotërinjve të nderuar e gjithmonë të paharruar; Sherif Nërjaku, Ibrahim Rexhepi dhe Jaho Smoqi, duke ftuar të pranishmit që të mbanin një minutë heshtje në nderim të kujtimit dhe kontributit për PLL dhe veprës së tyre atdhetare. Më pas, z.Rubjeka u përqëndrua në veprimtarinë kryesore të Degës gjatë kësaj periudhe - atë të punës para dhe gjatë fushatës së zgjedhjeve vendore të 12 tetorit, ku pasi theksoi përpjekjet e forumeve drejtuese dhe legalistëve shijakas, foli me tone të forta kritike e autokritike për rezultatet e dobëta, punën e pamjaftueshme të disa drejtuesve e anëtarëve të Komitetit Drejtues, madje edhe të disa të tjerëve që u shmangën nga fushata për shkak të hatërmbetjeve dhe vënies së interesit personal mbi interesat e partisë. Njëkohësisht, z.Rubjeka shtjelloi gjatë fjalës së tij edhe vështirësitë objektive dhe subjektive të vërejtura para dhe gjatë fushatës, si dhe ndikimin e tyre në rezultatin zgjedhor të Degës.

Si arritje gjatë kësaj fushate, kryelegalisti shijakas përmendi përvojën e fituar nga ballafaqimi i strukturave me terrenin dhe zgjedhësit, si dhe kontributin e dhënë nga disa drejtues legalistë, si zotërinjtë Zyhdi Deliallisi, Artan Plaku, Kadri Libohova, Sokol Berisha, Halim Veizaj, Mersin Kau, Besnik Rama, Mehdi Braçe, Ruzhdi Kau, Qemal Dema e shumë të tjerë. Me nota vlerësuese pozitive, z.Rubjeka evidentoi ndihmën dhe kontributin e drejtëpërdrejtë, para dhe gjatë fushatës, të drejtuesve të lartë të PLL, personalisht të Kryetarit Spahiu, por edhe të nënkryetarit Basha dhe z.Seit Preni, të cilët kanë qenë të ngarkuar nga kryesia për të ndihmuar këtë Degë. Në vijim, në raport u theksua me detaje puna e drejtuesve kryesorë, sidomos ajo e sekretarit të Degës, z.Sefer Çipi, i cili përveç barrës së punës në terren përballoi edhe fushatën e vështirë vetiake në garën për kryetar bashkie në qytetin e Shijakut.

Në raport një vend të veçantë zuri edhe puna e kontributi i Senatit dhe forumeve të Gruas e Rinisë, dhe u vlerësua afrimi e kontributi gjatë fushatës i mjaft intelektualëve dhe të rinjve. Në fund të raportit, z.Rubjeka theksoi disa nga prioritetet e punës së Degës në të ardhmen dhe masat organizative që duheshin marrë për shëndoshjen e gjendjes, konsolidimin e strukturave dhe shtimin e radhëve të anëtarësisë, për ta përgatitur Degën për fushatën e ardhshme të zgjedhjeve parlamentare, duke shprehur me këtë rast angazhimin e legalistëve shijakas për rritjen e rezultateve zgjedhore dhe të rolit e peshës specifike të Degës në jetën politiko shoqërore të Shijakut.

Pas raportit u kalua në pikën tjetër të rendit të ditës, atë të pyetjeve dhe diskutimeve, ku delegatët legalistë Mustafa Plaku, Ideal Deliallisi, Xhavit Xhetani, Murat Gjergji, Kapllan Kau, Hasan Allushi, Adrian Guza etj., pasi pyetën për probleme të ndryshme të karakterit politik, organizativ e statutor, të evidentuara gjatë veprimtarisë së Degës - me anë të ndërhyrjeve dhe diskutimeve sqaruese e në formë replikash dhe debati, shprehën qëndrimet e tyre për problemet që ata i konsideruan shqetësuese, qoftë në plan individual ashtu edhe në nivel Dege. Në përgjigje të pyetjeve dhe reagimeve kritike, kryetari i Degës z.Rubjeka dhe sekretari, z.Çipi, u munduan të japin përgjigje, të cilat, pavarësisht sqarimit të pamjaftueshëm, evidentuan shqetësimet dhe qëndrimet konkrete të diskutantëve dhe mundësuan krijimin e një tabloje të qartë të problematikave të hasura në këtë Degë dhe ndikimit të tyre në punën dhe rezultatet e pakënaqshme më 12 tetor.

Gjatë momenteve të diskutimeve dhe replikave, ndërhynë për të sqaruar, ekuilibruar e përafruar qëndrimet edhe kryetari Spahiu, nënkryetari Basha dhe senatori Preni, çka ndikoi në përmirësimin dhe orientimin e debatit që lind natyrshëm në analiza të tilla pune e me shtrirje të konsiderueshme kohore.

Në vijim të diskutimeve e mori fjalën i deleguari i Qendrës, Sekretari i Senatit të Veteranëve legalistë, z.Seit Preni, i cili, në fjalën e tij të përmbledhur sqaroi dobësitë e Degës dhe forumeve drejtuese në përcaktimin e prioriteteve të punës, para dhe gjatë fushatës, si dhe disa momente të punës së përbashkët të drejtuesve lokalë dhe të deleguarve, duke evidentuar me këtë rast angazhimin e pamjaftueshëm të shumë anëtarëve të Komitetit Drejtues. Me përgjegjësinë e veteranit, z.Preni iu drejtua disa legalistëve veteranë e me emër në Shijak, duke u bërë thirrje që të kapërcenin hatërmbetjet dhe të angazhoheshin në përmirësimin e punës dhe arritjen e objektivave të ardhshëm, nëpërmjet zbatimit të detyrimeve programore, statutit dhe mbështetjes së forumeve e drejtuesve që do të dilnin nga kjo konferencë.

Në vazhdim të frymës së diskutimit të z.Preni, z.Basha e thelloi qëndrimin kritik, duke e shoqëruar atë edhe me sqarimet e nevojshme lidhur me disa momente të neglizhencave të drejtuesve të strukturave gjatë fushatës. Më pas z.Basha theksoi: "Në takimet e punës me Komitetin Drejtues të Degës, bashkërisht kemi përcaktuar disa nga objektivat kryesorë, kemi dhënë udhëzimet e qendrës, kemi shkëmbyer përvojën, ndarë detyrat dhe përcaktuar afatet, por fatkeqësisht ju nuk arritët t'i materializoni vendimet që morëm bashkërisht, dhe për këtë flet rezultati juaj. Dhe kjo kryesisht sepse z.Rubjeka dhe ata që u angazhuan seriozisht në fushatë, nuk u mbështetën nga pjesa tjetër e legalistëve dhe, në mjaft raste, mbetën vetëm duke mbajtur pothuajse të gjithë barrën e fushatës. Pasi u bëri thirrje me emra të përveçëm atyre që kishin shfaqur pakënaqësi dhe ishin tërhequr nga angazhimi i drejtëpërdrejtë gjatë fushatës, z.Basha u kërkoi të reflektonin dhe t'i riktheheshin bashkërisht punës për të realizuar atë që ai e quajti "ndërtim tullë pas tulle i ngrehinës së përbashkët të partisë, të idealeve dhe ideve tona, që do të na çojnë drejt fitores dhe përmbushjes së misionit historik të PLL". "Varret, vuajtjet e kohës së diktaturës, janë të mjaftueshme për të reflektuar dhe për të mos u tërhequr përballë vështirësive, sepse ju keni kaluar ditë shumë më të vështira, dhe tani e keni më të lehtë të kapërceni dasitë e të gjeni pikat që ju bashkojnë në ideale, vlera dhe kontribute", - e mbylli diskutimin e tij nënkryetari legalist.

Pas z.Basha e mori fjalën kryetari Spahiu, i cili shprehu kënaqësinë tek shihte "bashkërisht, në këtë sallë veteranët e nderuar, brezin e dytë të legalistëve dhe të rinjtë që përfaqësojnë brezin e tretë të partisë sonë". "Kjo është bashkëjetesa e vlerave, kontributeve dhe bartësve të tyre në një parti të traditës nacionaliste sikundër është PLL", - u shpreh z.Spahiu, duke kaluar më pas në vlerësimin kritik të rezultatit prej 495 votash të marra në shkallë Dege nga legalistët shijakas, ku shfrytëzoi rastin për të evidentuar, me shifra, arritjet krahasuese të kësaj Dege në zgjedhjet e zhvilluara pas vitit '97, madje të detajuara deri në nivel nëndege, duke bërë thirrje për largimin nga përgjithësimi dhe rrumbullakosja e arritjeve dhe përvojave, që, sipas tij, arrihej nëpërmjet përdorimit e interpretimit të drejtë të shifrave dhe vlerësimit të rezultateve konkrete gjatë analizave.

Më pas z.Spahiu u kërkoi delegatëve "vlerësim të ndërgjegjshëm e të kujdesshëm të vlerave dhe kontributeve të legalistëve në të gjitha nivelet, me qëllim përzgjedhjen e njerëzve më të mirë, që do ta drejtojnë Degën tuaj e do të garantojnë rezultate më të larta zgjedhore, për të cilat unë kam bindje të plotë se ju do t'i arrini në të ardhmen", - e mbylli fjalën e tij z.Spahiu.

Me pas u kalua në pikën e fundit të rendit të ditës, atë të zgjedhjeve për postin e kryetarit të Degës së PLL Shijak, ku konkuruan biznesmeni Ruzhdi Kau dhe studenti Ardian Buzi. Para fillimit të votimit, këta kandidatë prezantuan platformat e tyre të punës dhe objektivat që synonin, duke premtuar përkushtim dhe punë të palodhur në bashkëpunim me strukturat drejtuese që do të nxirrte konferenca. Që të dy kandidatët rivalë u duartrokitën nga delegatët, në shenjë mbështetjeje ndaj kandidimit të tyre. Pas votimit të fshehtë, fitues u shpall z.Ruzhdi Kau, i cili rrjedh nga një familje e njohur nacionaliste shijakase dhe gëzon një reputacion të padiskutueshëm midis bashkëqytetarëve dhe legalistëve.

Gjithashtu konferenca zgjodhi dhe Komitetin e ri Drejtues, të përbërë nga 15 vetë, i cili, pas përfundimit të konferencës zhvilloi mbledhjen e tij të parë, në prani të të deleguarve nga qendra, ku zgjodhi 2 nënkryetarë të Degës, përkatësisht z.Bajram Rubjeka dhe z.Ardian Buzi, ndërsa për sekretar të kësaj Dege vendosi dhe i propozoi qendrës për të rimandatuar sekretarin aktual, z.Sefer Çipi.

Kjo konferencë shënoi një rritje të mëtejshme të nivelit organizativ e politik, ku cilësia e lartë e organizimit dhe e përzgjedhjes së strukturave drejtuese do të garantojë rritje të padiskutueshme dhe sukses zgjedhor të Degës së PLL Shijak në të ardhmen.

Korresp. i "Atdheu"

DIASPORA

Datat historike të 5, 7 dhe 9 Prillit, imponojnë reflektimin për historinë dhe nacionalizmin shqiptar

Diaspora: Monarkia, shpëtimi i Kombit

Nga BEQIR SINA (Nju Jork - SHBA)

Në një atmosferë festive, diaspora nacionaliste përkujtoi sipas ritit tradicional ngjarjet historike e me rëndësi madhore të muajit Prill - 5 Prillin 1939 (65-vjetorin e lindjes së Naltmadhnisë së Tij Leka i Parë, Mbret i Shqiptarëve); 7 Prillin 1939 (65-vjetorin e përkujtimit të epopesë së mbretërorëve shqiptarë, me në krye gjeneral Abaz Kupin, e njohur ndryshe edhe si Rezistenca kombëtare kundër okupimit fashist të Italisë, si dhe datën e dhimbshme për çdo legalist e mbretëror, atë të 9 Prillit 1961 (43-vjetorin e vdekjes së Mbretit Zog I-rë).

Në këtë përkujtim të kthyer në traditë nga diaspora nacionaliste e legaliste në Amerikë, morën pjesë: monarkistët, legalistët, krerët e disa Degëve të partive shqiptare, përfaqësues nga Shoqata e Ish të Burgosurve, Internuarve dhe Persekutuarve Politikë nga diktatura komuniste, etj..

Kështu, pinjollët e shtresës më fisnike të Kombit shqiptar, antarët e denjë të familjeve të mëdha shqiptare, ata që, rrugëve të kurbetit, me dekada, luftuan e punuan për një Shqipëri të lirë e demokratike, i përkujtuan këto data me dhimbje e gëzim bashkë, pranë e me njëri-tjetrin. Shumë prej tyre, në kampet e internimit dhe burgjet e diktaturës, e paguan demokracinë dhe dashurinë për Atdheun, me gjakun dhe vitet e bukura të rinisë së tyre.

Evokimi i ditëve të Monarkisë shqiptare

Përkujtimi në nderim të figurës madhore të Mbretit Zog, që arriti t'i bëjë fiset bashkë dhe të formojë shtetin e vërtetë, të cilin e futi në rrugën e zhvillimit sipas modelit të demokracisë perëndimore - tashmë është kthyer në një ritual të rrënjosur në traditën atdhetare, e cila mbahet e gjallë nga diaspora shqiptare në SHBA.

Hapjen e sivjetshme të ceremonisë përkujtimore për këto data të shënuara, e bëri kryetari i PLL për Degën e PLL në SHBA, z.Hakik Mena, i cili me këtë rast mbajti edhe një fjalë prekëse. Pas z.Mena foli edhe anëtari i Këshillit të Përgjithshëm dhe Sekretari i Marrëdhënieve me Jashtë të kësaj Dege, z.Arjan Boriçi. Gjatë këtyre çasteve solemne u ekzekutuan hymnet kombëtare të të dy vendeve - SHBA-së dhe Shqipërisë. Pas himneve, u mbajt një minutë heshtje për nderimin e të gjithë dëshmorëve të Kombit, këtyre martirëve që dhanë jetën për Shqipëri, legalistë e nacionalistë, të ndarë nga jeta plot sakrifica e lavdi, në periudha të ndryshme. Nderim i veçantë, i'u bë viktimave të 9 janarit 2004, atyre të minierës së Selelenicës dhe atyre që humbën jetën gjatë protestave të 17-19 marsit në Kosovë. Lutja fetare me këtë rast, u krye nga Imam Isuf Balaj, i cili bëri thirrje për bashkimin e të gjithë shqiptarëve dhe Pavarësinë e Kosovës.

Fjalën e rastit në emër të Degës "Partia Lëvizja e Legalitetit" në Amerikë, e mbajti anëtari i Këshillit Drejtues, z.Isuf Kurti, i cili në fjalën e tij tha: "Jemi mbledhur nacionalistë dhe demokratë shqiptarë të këtij metropoli, për të përkujtuar ditët e prillit - për të kujtuar Shqipërinë. Të gjitha sa themi për Mbretërinë janë një histori që do të shkruhet e thuhet për një kohë të gjatë. Por që këto të mbeten të freskëta dhe pjesë e krenarisë sonë kombëtare, Ne duhet t'i kujtojmë brez pas brezi...". Pas z.Kurti foli edhe Sekretari i PLL-së, z.Tomorr Selmani, i cili ndër të tjera theksoi: "Mbreti Zog krijoi shtetin e parë të vërtetë shqiptar, të cilin e njohu e gjithë bota. Ishte Monarkia ajo që e ngriti dinjitetin, vuri rregullin e qetësinë, fuqizoi ekonominë e Shqipërisë dhe e ngriti lavdinë e Atdheut në rangun e vendeve më të përparuara të kohës."

Ndërsa inxhinieri Agim Karagjozi, kryetar i Shoqërisë Patriotike "VATRA", përveç përshëndetjes që kishte përgatitur me këtë rast, e që ish një mesazh i vërtetë frymëzimi për "brezin e ri, që po merr në duar stafetën e vatranëve, atdhedashësve legalistë e demokratë në Amerikë", mori pjesë personalisht në këtë takim.

Për kryetarin e Degës së LDK-së, z.Agim Rexhaj "... këto data janë historike, sepse ato na kujtojnë veprën dhe figurën e njërit prej atdhetarëve më të mëdhenj shqiptarë, që krijoi shtetin parë të shqiptarëve". Duke paralelizuar figura të tilla historike, Rexhaj u ndal edhe tek familja patriotike e Presidentit të Kosovës, Dr Ibrahim Rugova. Në këtë aspekt, ai përmendi faktin se "nga kjo familje e madhe vetëm njëri ka vdekur nga vdekja natyrore", dhe se "burrat e tjerë të kësaj shtëpie luftuan për Kosovë e Shqipëri, derisa u vranë të gjithë nga sërbo-sllavët".

Në vazhdim e mori fjalën Dr. Selaudin Velaj, i cili kërkoi nga të pranishimit "më shumë angazhim dhe përkushtim për të ndihmuar dhe përkrahur Çeshtjen Kombëtare shqiptare". Ndërsa z.Zef Bala u përqëndrua më shumë tek Çeshtja Çame dhe ajo e definimit të Statusit të Kosovës.

Agim Gerbeshi nga Kosova, solli kujtime të bukura nga një ngjarje që i kushtohej Princit të shqiptarëve.

Pasazhe nga jeta e Familjes Mbretërore, në fjalën e tij i solli edhe Dr. Fuad Myftia.

Në vargje, të cilat, si përherë, i këndon gjatë këtyre datave, recitoi edhe poeti antikomunist Tahir Hysa.

Në fund të këtij takimi përkujtimor, në një prononcim për gazetën kombëtare "Bota Sot", në SHBA, Inxh. Hajdar Tonuzi-arkëtar i "VATRA", tha se "Monarkia ka qenë dhe është forma e qeverisjes më demokratike në vëndet me një histori të lashtë dhe që kanë aplikuar qytetërimet e tyre në popujt e tjerë. Fakti që Shqipëria është një nga popujt më të lashtë të Europës dhe botës, e bën Monarkinë shqiptare formën më përfaqësuese nga pikëpamja historiko-etnike".

Eshtë koha për të nderuar të gjitha figurat kombëtare

Tashmë, përkujtimi i ditëve mbretërore në Amerikë, është shndërruar në traditë prej disa dekadash. Ato po kremtohen në një kohë kur, pas shembjes së Murit të Berlinit dhe rrëzimit të Komunizmit, edhe Shqipëria është futur në rrugën e detyrueshme të ndryshimeve dhe vlerësimit të pashmangshëm të çdo figure patriotike, që ka punuar, luftuar, është shkrirë për Shqipërinë. Ka ardhur koha që shqiptarët, kudo që jemi, të kontribuojmë për të rishkruar historinë e vërtetë të Kombit, e cila lidhet pazgjidhshmërisht me figurat e Mbretit Zog, Nënës Mbretëreshë Geraldina, NMT Mbretit Leka i Parë, Mbretëreshës Suzana dhe Princit Leka, pra të Familjes Mbretërore Zogolli, me të cilat janë lidhur e kaluara e lavdishme dhe shpresat e shqiptarëve, si dhe ëndërrat e dëshmorëve dhe martirëve të Kombit, që dhanë jetën në altarin e lirisë dhe demokracisë.

FALENDERIM

Kryesia e partisë "Lëvizja e Legalitetit" falenderon z. Vebi Çollaku, i cili ka ardhur nga SHBA për të marrë pjesë në ditët përkujtimore të prillit. Në pritjen e organizuar nga PLL më datë 5 prill 2004, me rastin e këtyre datave përkujtimore, z.Çollaku kontribuoi me 300 dollarë amerikanë.

___________________________

11 Prill 2004, Nr.14(585)
___________________________

Më 2 prill 2004, Presidenti Alfred Moisiu ka dekoruar Nënën Mbretëreshë Geraldina

Geraldina dekorohet me Urdhrin "Nënë Tereza"

Mbreti Leka: "Vendimi Juaj është një vlerësim i lartë, është shprehje e respektimit të historisë së Shtetit Shqiptar, i vazhdimësisë së tij. Kjo është një garanci e qendrueshme për të respektuar dinjitetin tonë kombëtar."

EDITORIAL

7 Prilli, konteksti dhe konsekuencat

Nga Murat BASHA

Në kujtesën historike të shqiptarëve si popull, si komb e si shtet, 7 prilli i vitit tragjik 1939, do të mbetet ngjarja me përmasa fatale, që ndryshoi rrjedhën e zhvillimit shoqëror dhe strukturën juridiko-konstitucionale të shtetit politik shqiptar. Kjo datë startoi ndërprerjen dhe rrënimin e arkitekturës solide, të cilën Mbretëria Shqiptare e kish projektuar dhe po zbatonte me sukses, madje që prej 14 vjetësh.

Përkundër ideve dhe praktikave politike majtisto-liberale, që vërshuan në Europë e Euro-Azi në vitet 20-30 të shekullit XX, në Shqipëri ishin hedhur themelet e një shteti me orientim konservator, si pasqyrim kreativ dhe prosperues i ideve dhe filozofisë së Rilindjes Kombëtare, prej nga vinte me energjinë dhe formimin e tij edhe kryetari i këtij shteti, Presidenti, e më pas, Mbreti Zog.

Në bashkëpunim dhe nën udhëheqjen konstitucionale të Tij ishte mbledhur elita e ndërgjegjshme politiko-atdhetare dhe intelektuale, e cila shihte në figurën e Tij madhore sintezën e formësimit të liderit që garantonte krijimin dhe, në perspektivë, edhe realizimin e një shteti solid e dinjitoz e me fytyrë europiane, qoftë nga prirjet dhe frymëzimi demokratik, qoftë edhe nga qartësia e sendërtimit të një sistemi politik garantues - , sikundër ishte Mbretëria konstitucionale. Ky frymëzim iluministo-etatist, që buronte nga Rilindja Kombëtare, gjeti mishërimin dhe zbatimin e plotë në aktin më madhor politiko-konstitucional - Miratimin e Statutit Themeltar, më 1 Shtator të vitit 1928. Kjo kryevepër e mendjeve dhe vullneteve të ndritura të Kombit, me në krye "Shpëtimtarin", e nxirrte shtetin shqiptar nga amullia dhe pasiguria juridike. Njëmendësia dhe vendosmëria e bashkëluftëtarëve me "Shpëtimtarin" si Prijës, në rrokjen me mençuri të ideve dhe vizioneve madhore të Mbretit, ishin mrekullia që konkretizoi ëndrrën shekullore të shtet-formimit shqiptar.

Ndërkohë, epidemia komuniste dhe fashiste, mjerisht, kishin gjetur vend edhe në mjediset shqiptare, duke krijuar kushtet, hapësirat dhe duke pritur rastin e volitshëm për t'u shfaqur në skenë dhe për të rrënuar atë çka po ngrihej me stërmundim e përkushtim. Elementë dhe qarqe në shërbim të armiqve historikë, me ngjyresa të panumërta politike apo ideologjike, u bënë pengesa kryesore të zhvillimit dhe shpërfaqjes me efikasitet të plotë të efekteve jetike të strukturës konservative të shoqërisë shqiptare, reflektuar zgjuarësisht në sistemin politik të Monarkisë kushtetuese.

Me anë të demagogjisë për "progres, barazi, frymë të re", bartësit e pikëpamjeve fashiste e komuniste, shpesh të infiltruar edhe në administratë dhe politikë, si deputetë, kërkonin të realizonin përmbysjen e regjimit dhe rrënimin e shtetit shqiptar për llogari të fqinjëve.

Nga ana tjetër, politika ekspansioniste e shtetit fashist italian dhe atyre jugosllav e grek, vijuan presionet dhe diversionet mbi Mbretin Zog dhe shtetin shqiptar deri në fund, pra deri në zbarkimin e trupave pushtuese. Stoicizmi dhe lufta e shkëlqyer diplomatike e Mbretit Zog dhe e diplomatëve të Tij, demaskuan dhe diskretituan diplomacinë cinike të Çianos dhe Musolinit, gjë që i detyroi këta të fundit të përdorin gjuhën e forcës, si vetmi mjet nënshtrimi, më 7 prill 1939.

Pra, politikës agresive të Duçes i mbeti veç pushtimi ushtarak i Shqipërisë për të realizuar qëllimet ekspansioniste të Italisë fashiste në drejtim të Ballkanit, sikundër kishte vepruar edhe në Abisini, për të kontrolluar Veriun afrikan, dhe për të shtrirë kështu sundimin e ëndërruar romako-perandorak në Mesdheun Lindor. Në këtë hulli, edhe pakti Çiano-Stojadinoviç kishte shërbyer si një instrument kundërveprimi ndaj vendosmërisë së Mbretit Zog për ruajtjen e sovranitetit të shtetit shqiptar dhe rezistencës antikoloniale.

Pra, italianët dhe jugosllavët lidhën kauzë të përbashkët kundër Shqipërisë, për asgjësimin dhe copëtimin e saj, si pengesë për realizimin e aspiratave të tyre agresive.

Periudha 1912-1939 është kronika më e turpshme e pushtimeve italiane, jugosllave greke, e copëtimit të trojeve shqiptare dhe e ndërhyrjeve ushtarake dhe agjenturore për shkatërrimin e shtetit shqiptar, çka përkoi në kohë edhe me periudhën e ndritur të kontributit madhor të Ahmet Zogut në politikën, formimin dhe drejtimin shtetit shqiptar pas pas shekujsh pushtimi nga Perandoria Turke.

Me aktin kriminal të pushtimit të 7 Prillit 1939, Musolini shkeli marrëveshjen italo-britanike të vitit 1938 "Për ruajtjen e statukuosë në Mesdhe" dhe, njëkohësisht, nxori zbuluar cinizmin dhe shpërfilljen e Fuqive të Mëdha ndaj fateve dhe të drejtave të popullit dhe Kombit shqiptar.

Tolerimi i pushtimit fashist të Sqipërisë dhe pranimi i politikave të faktit të kryer, me shpresat e ruajtes së paqes së rreme të kohës, më vonë u kthye në një boomerang për gjithë Europën. Kjo miopi politike dhe injorimi i fatit tragjik të popullit shqiptar, është padyshim shprehja më e mjerueshme e cinizmit dhe shpërfilljes së Fuqive të Mëdha karshi interesave të popullit të vogël shqiptar. Ndërkohë, pushtimi i Shqipërisë çmontoi strukturën fluide të Lidhjes së Kombeve dhe shpërfaqi dështimin e këtij organizmi, që rezultoi instrument i dështuar në funksionin për ruajtjen e Paqes dhe ekuilibreve politiko-ushtarakë mbarëbotërorë. Fakti më domethënës i pavlefshmërisë së Lidhjes së Kombeve, ishte refuzimi i shqyrtimit të Deklaratës së Protestës së Qeverisë Shqiptare në Lidhjen e Kombeve, pas pushtimit fashist, ndërkohë që Shqipëria ishte anëtare me të drejta të plota e saj.

Pushteti komunist i pas 44-ës dhe historiografia zyrtare e tij, e fshehën faktin se përfaqësuesi i Bashkimit Sovjetik në Lidhjen e Kombeve, ishte kundërshtari më i egër i futjes në rendin e ditës për shqyrtim, të Protestës për aktin banditesk të pushtimit të Shqipërisë, sepse kërkonte të fshihte me këtë rast agresionin e BS kundër Finlandës, republikave priballtike, Besarabisë, Transilvanisë, Bukovinës dhe Moldavisë. I njëjti qëndrim i historiografisë zyrtare komunisto-enveriste është mbajtur edhe për cinizmin dhe shpërfilljen e Stalinit ndaj fateve të Shqipërisë dhe Kombit shqiptar në Takimin e Teheranit dhe Mbledhjen e Jaltës.

Më 7 Prill 1939 shqiptarët luftuan me heroizëm, me fuqitë e pakta që patën, nën udhëheqjen e Majorit të Ushtrisë mbretërore, Abaz Kupit, duke përgjakur forcat pushtuese dhe duke i hedhur disa herë në det. Durrësi u la me gjak dhe u bë qëndra kryesore e rezistencës kundër pushtimit fashist. Po kështu ngjau edhe në Vlorë, Shëngjin Sarandë, Shkodër dhe në grykëderdhjen e Semanit, ku dhanë jetën afro 300 luftëtarë.

Ndërkohë, asnjë komunist apo majtisto-liberal nuk mori armën për të mbrojtur Atdheun nga pushtuesit, por, përkundrazi me shpejtësi u inkuadruan në radhët e administratës së pushtimit. Madje ata ishin të parët që e pritën me gëzim pushtimin, ngaqë një pjesë e tyre u lirua edhe nga burgjet. Tani ata që mbajnë dekoratat e "Heroit të Popullit", të marra për vrasjen e shqiptarëve gjatë LDB, kanë filluar ta mohojnë pushtimin fashist. Dhe jo rastësisht, sepse me rënien e Mbretërisë Shqiptare, domethënë me asgjësimin juridiko-politik të shtetit shqiptar, për komunistët realizohej edhe një nga detyrat e dhëna për ta nga qendrat sllavo-internacionaliste të komunizmit, që ishin armiqësore ndaj kombit shqiptar, shteti dhe sistemit politik monarkist, i cili e kish nxjerrë jashtë ligjit komunizmin dhe bartësit e tij i dënoi me gjyqe publike për veprimtarinë e tyre antikushtetuese fashisto-komuniste.

Si gjithmonë, kundër pushtimit fashist luftuan ata që kishin luftuar brez pas brezi kundër pushtimeve serbe, greke, italiane, duke shkrirë jetën dhe pasurinë.

Lufta civile që pasoi pushtimin, solli mjaft të vrarë dhe shkatërrime, të cilat kulmuan pas fitores së komunistëve, nëpërmjet eleminimit të shtresës që përbënte edhe palcën kurrizore të shoqërisë shqiptare - parësinë dhe inteligjencën konservatore e djathtiste.

Shkatërrimi i substratit konservativ kombëtar dhe përmbysja e raporteve politike, ekonomike dhe sociale, ishin kryeveprat e genocidit sllavo-komunist. Gjatë LDB, aleatë të fuqive antifashiste u shpallën vrasësit e popullit, ndërkohë që armiqtë historikë u shpallën "vëllezër dhe aleatë ideo-strategjikë". Edhe pas vendosjes së pluralizmit, internacionalistët u vetshpallën "adhurues dhe aleatë të Perëndimit!!!".

Në këtë këndvështrim, 7 Prilli shkatërroi perspektivën e vendit dhe risolli në pushtet forcat më të errta të shoqërisë shqiptare gjatë disa brezave, duke sjellë konsekuenca që do të kërkojnë kohë të gjatë për t'u riparuar. Por dëmi më i rëndë është atrofizimi i aftësive shtetformuese dhe legalizimi i padrejtësive shoqërore.

Ndaj, me të drejtë, 7 Prilli konsiderohet si mënxyrë kombëtare me pasoja fatale për shqiptarët, ndonëse shënon edhe kulmimin e lavdisë dhe gjakut që legalistët dhe mbretërorët derdhën për Atdhe.

KRYESORE

Më 2 prill 2004, Presidenti Alfred Moisiu ka dekoruar Nënën Mbretëreshë Geraldina

Geraldina dekorohet me Urdhrin "Nënë Tereza"

Mbreti Leka: "Vendimi Juaj është një vlerësim i lartë, është shprehje e respektimit të historisë së Shtetit Shqiptar, i vazhdimësisë së tij. Kjo është një garanci e qendrueshme për të respektuar dinjitetin tonë kombëtar."

Presidenti i Shqipërisë z.Alfred Moisiu ka firmosur para disa ditësh dekretin për dekorimin e MS Nëna Mbretëreshë Geraldina me Urdhrin "Nënë Tereza". Ky dekret mban numrin 4187 dhe është firmosur me datë 2 prill 2004.

Ceremonia e dekorimit u zhvillua ditën e ceremonisë së festës së 5 prillit, ditëlindjes së Mbretit Leka në të cilën Sekretari i Përgjithshëm i Presidencës z.Filip Rrumbullaku i dorëzoi Princit Leka dekoratën për Nënën Mbretëreshë me motivacionin: "Për përkushtimin e angazhimin e Saj të përhershëm në lartësimin e vlerave morale e kombëtare si dhe në rritjen e imazhit të Shqipërisë në botë."

Në këtë ceremoni nuk mundi të marrë pjesë Mbreti Leka, për shkak të operacionit që ka kryer në këmbë para disa javësh, e cila ende nuk është forcuar aq sa Mbreti të lëvizë nëpër ceremoni të tilla.

Propozimi për dekorimin e Nënës Mbretëreshë është bërë nga PLL dhe është mbështetur nga 9 grupe parlamentare.

Në një informacion të Presidencës thuhet se propozimi është bërë që në tetor 2002. Më tej shpjegohet se "Në mbështetje të propozimit për dekorim janë shprehur edhe figura të njohura publike, grupime intelektuale, personalitete me peshë si Ismail Kadare, etj.".

Për dekorimin e Nënës Mbretëreshë Familjes Mbretërore dhe PLL-së i kanë ardhur shumë urime nga personalitete nëpër botë dhe nga diaspora shqiptare.

Edhe Familja Mbretërore por edhe PLL, kanë çmuar lart këtë akt të Presidentit të vendit z.Alfred Moisiu.

Nga krerët e PLL ky veprim i kreut të shtetit është vlerësuar si një veprim, i cili respekton vlerat kombëtare dhe të historisë së shtetit shqiptar.

N.K.

Motivacioni i Presidencës për dekorimin e Nënës Mbretëreshë Geraldina me Urdhrin "Nënë Tereza"

Republika e Shqipërisë

Presidenti i Republikës

I jep

Mbretëreshës Geraldina (pas vdekjes)

Urdhrin "Nënë Tereza"

"Për përkushtimin e angazhimin e Saj të përhershëm në lartësimin e vlerave morale e kombëtare si dhe në rritjen e imazhit të Shqipërisë në botë."

Tiranë më 02.04.204

Nr.dekretit 4187

Presidenti

Aldred MOISIU

Dekorimi i Geraldinës, respekt për shtetin shqiptar

Mesazh i Mbretit Leka për kreun e shtetit Presidentin z.Alfred Moisiu me rastin e dekorimit të Nënës Mbretëreshë Geraldina

Oborri Mbretëror Shqiptar

Tiranë, 08.04.2004

I nderuar Shkëlqesia Juaj,

Ne e ndjejmë nderimin, që Ju bëtë me dekorimin e Mbretëreshës Geraldina, Mbretëreshës së Shqiptarëve, që jetoi gjithmonë me shqipërinë dhe Kombin Shqiptar.

Vendimi Juaj është një vlerësim i lartë, është shprehje e respektimit të historisë së Shtetit Shqiptar, i vazhdimësisë së tij. Kjo është një garanci e qendrueshme për të respektuar dinjitetin tonë kombëtar.

Ne Ju shprehim konsideratat tona vëllazërore, duke theksuar se gjithmonë do të punojmë për Atdheun tonë, Shqipërinë, për të gjithë Kombin Shqiptar.

Vëllazërisht

NMT Leka I

Njoftim për shtyp i Zyrës së Oborrit Mbretëror

Me rastin e dekorimit të Mbretëreshës Geraldina, Familjes Mbretërore Shqiptare i kanë ardhur shumë urime. Gjithashtu edhe për 65 vjetorin e NMT Leka I kanë shprehur urimet e tyre shumë personalitete, përfaqësues të popullit, të Trupit Diplomatik, miq nga oborret mbretërore të Europës etj..

Me këtë rast Familja Mbretërore u shpreh falënderimet dhe konsideratat e dërguara.

Falënderim i PLL për dekorimin e Nënës Mbretëreshë

Tiranë, më 07.04.2004

Lënda: Falënderim për dekorimin e Nënës Mbretëreshë Geraldina

Z.Alfred Moisiu

President i Republikës së Shqipërisë

Në emër të Partisë "Lëvizja e Legalitetit" na lejoni t'ju shprehim falënderimet tona më të sinqerta për dekorimin e Nënës Mbretëreshë Geraldina, me URDHRIN "Nënë Tereza", me datë 2 prill 2004.

Dekorimi që i bëhet Nënës Mbretëreshë Geraldina, është vlerësim jo vetëm për Nënën Mbretëreshë Geraldina, por për gjithë Familjen Mbretërore Shqiptare, e cila është një vlerë dhe pasuri kombëtare.

Eqerem SPAHIU

KRYETARI

Informacion nga Zyra e shtypit e Presidencës shqiptare

Presidenca: Ja pse dekoruam Mbretëreshën

Tiranë, më 5 prill 2004

Me propozim të Partisë "Lëvizja e Legalitetit" dhe e mbështetur nga nëntë grupe parlamentare që përfaqësojnë 62 deputetë të spektrit spektrit politik në Kuvendin e Shqipërisë, Presidentit të Republikës z.Alfred Moisiu, i është paraqitur që në tetor 2002, kërkesa për dekorimin e Nënës Mbretëreshë Geraldina.

Nënshkrues të kërkesës janë:

1.Eqerem Spahiu, Grupi Parlamentar i PLL

2.Bamir Topi, Grupi Parlamentar i PD

3.Nard Ndoka, Grupi Parlamentar i PDr

4.Fatmir Mediu, Grupi Parlamentar i PR

5.Ligoraq Karamelo, Grupi Parlamentar Qendra Liberale

6.Teodor Laço, Grupi Parlamentar i PBL

7.Uran Metko, Grupi Parlamentar i PBK

8.Ndue Preka, Grupi Parlamentar "Te gjelbër"

9.Preç Zogaj, Grupi Parlamentar Demokrat - Kristian

Në mbështetje të propozimit për dekorim janë shprehur edhe figura të njohura publike, grupime intelektuale, personalitete me peshë si Ismail Kadare, etj.. Në të gjitha vlerësimet publike Mbretëresha është evidentuar për rolin e saj historik, veprimtarinë humanitare, imazhin pozitiv që ka krijuar për vendin, dashurinë e madhe e të vazhdueshme për Shqipërinë dhe mbresat e veçanta që la në vitet e fundit të jetës me rastin e kthimit në Shqipëri. Ajo ka qenë e mbetet një pasuri e cmuar në historinë e shtetit dhe shoqërisë shqiptare.

Presidenti i Republikës, mbështetur në këtë propozim dhe në përputhje me kompetencat e tij kushtetuese ka vendosur dekorimin e Mbretëreshës me Urdhrin "Nënë Tereza" me motivacionin: "Për përkushtimin dhe angazhimin e saj të përhershëm në dobi të lartësimit të vlerave morale e kombëtare si dhe të rritjes së imazhit të Shqipërisë në botë."

Dekorimi bëhet me rastin e përvjetorit të martesës dhe shpalljes së Geraldinës, Mbretëreshë e Shqipërisë.

POLITIKA

Festohet me madhështi 65 vjetori i lindjes së NMT Leka I Mbret i Shqiptarëve në "Hotel Dajti"

Gjithë politika nderon Mbretin

PLL festoi në një nga sallat e "Hotel Dajti"-t, 65 vjetorin e lindjes së NMT Leka I Mbret i Shqiptarëve. Kjo ceremoni që u organizua nga PLL më 5 prill 2004, ishte ndër më madhështoret që janë zhvilluar ndonjëherë për raste të tilla në Shqipëri dhe në të morën pjesë politikanë të të gjithë spektrit politik. Në këtë tubim festiv morën pjesë edhe përfaqësuesit më të lartë të Zyrës së Oborrit Mbretëror si dhe emrat kryesorë të Senatit të Veteranëve të PLL. Ceremonisë i dha shkëlqim të veçantë prania e LT Princit Leka të ri, i cili pati rastin të takohej me të gjithë legalistët që kanë sakrifikuar një jetë të tërë në shërbim të idealit zogist.

Në këtë ceremoni festive e njëkohësisht jubilare, ishin të ftuar edhe titullarë e përfaqësues të trupit diplomatik në Tiranë.

Por kjo festë do të kishte një gëzim të dyfishtë, pasi përveç rastit për të cilin ishin mbledhur monarkistët, patën fatin të njihen ekskluzivisht për dekoratën e dhënë Nënës Mbretëreshë Geraldina. Vetëm 3 ditë para kësaj feste, kreu i shtetit z.Alfred Moisiu kishte firmosur dekretin për dekorimin e Nënës së kombit, të paharrueshmes Geraldina, mbretëresha e parë e shqiptarëve.

Sekretari i Përgjithshëm i Presidencës, z.Filip Rrumbullaku, mbajti fjalën e rastit në emër të presidentit Moisiu duke dorëzuar dekoratën me Urdhrin "Nënë Tereza" për Nënën Mbretëreshë Geraldina.

Në fjalën e mbajtur, Lartësia e Tij, Princi Leka, përshëndeti përzemërsisht të ftuarit dhe falënderoi në emër të Familjes Mbretërore, zyrtarët e shtetit për dekorimin e Nënës Mbretëreshë Geraldina.

Ndërsa kryetari i PLL z.Eqerem Spahiu, i cili ishte në pozitën e të zotit të shtëpisë, në fjalën e tij theksoi se nderimi që i bëhet Nënës Mbretëreshë Geraldina, është një nderim për të gjithë kombin e historinë e shqiptarëve.

Në fjalën e tij z.Spahiu veçoi se datave të gëzuara e të hidhura të prillit, tashmë i shtohet edhe kjo e dekorimit të Nënës Mbretëreshë Geraldina.

Më pas të ftuarit i përshëndeti kryetari i Senatit të PLL, z.Ali Ohri, i cili paraqiti një rezyme të vendosjes së monarkisë në Shqipëri dhe vlerat e monarkisë zogiste.

Pas këtyre fjalimeve e përshëndetjeve një aktor i njohur i Teatrit të Shkodrës, (R.Rama) recitoi para të pranishmëve një poezi për Mbretin e monarkinë shqiptare.

Politikanët në ditëlindjen e Mbretit

Në këtë ceremoni ishin ftuar dhe nderuan me pjesëmarrjen e tyre krerë partiakë si z.Sali Berisha, i cili ishte i shoqëruar nga drejtues të tjerë të PD-së: deputetët z.Bamir Topi, znj.Jozefina Topalli, z.Pjetër Arbnori, z.Vili Minarolli, z.Besnik Mustafaj. Ndërsa nga partitë e tjera të opozitës ishin z.Teodor Laço, z.Arjan Starova (PBL), z.Avdi Baleta (PRK), z.Adriatik Alimadhi (PBK), z.Preç Zogaj (PQD), z.Alfred Cako (PBKD), z.Armado Ruço (PKons), z.Maks Begeja (PR), z.Nikoll Lesi (PDK), z.Dashamir Shehi (PDRn), z.Genc Pollo, z.Nard Ndoka, z.Qazim Tepshi, z.Tritan Shehu, (PDR) etj., si dhe deputetë e politikanë të së majtës: z.Ilir Meta, z.Petro Koçi, znj.Monika Kryemadhi (PS) e z.Ligoraq Karamelo i PBDNJ-së.

Këtë ceremoni e nderuan me pjesëmarrjen e tyre edhe përfaqësues të shoqatave politike e patriotike siç janë ato të të Persekutuarve, shoqatave Çamëria, Tirana etj.. Po ashtu ishin të pranishëm edhe përfaqësues eminentë të kulturës shqiptare si prof.Ylli Pango etj..

Nga trupi diplomatik mund të përmendim praninë e ambasadorit francez, zv.ambasadorit të OSBE, të Këshillit të Evropës, zv.ambasadorit turk, e të tjerë.

Por gjithsesi shumica e të ftuarve ishin veteranë legalistë dhe drejtuesit e PLL në qendër e në degë, si dhe deputetët e PLL, trojka Kollçaku, Balla e Fezollari, si dhe ish drejtues të saj si z.Durollari.

Në fund të këtij festimi pati një koktej për të gjithë të ftuarit, i cili e bëri edhe më të gëzueshme e gazmore të gjithë ceremoninë.

Ndërkaq mësohet se me rastin e ditëlindjes së Mbretit, Oborrit Mbretëror i kanë ardhur shumë urime nga personalitete, përfaqësues të popullit, të Trupit Diplomatik, miq nga oborret mbretërore të Europës etj.. Në një njoftim për shtyp, Zyra e Oborrit Mbretëror në emër të Familjes Mbretërore u ka shprehur falënderimet e saja për këto urime.

N.Kolgjini

Të nderojmë emrin shqiptar

Përshëndetje e princit të ri Leka me rastin e dekorimit të Mbretëreshës Geraldina

Të nderuar miq,

Motra dhe vëllezër,

Sot për mua është një rast shumë i veçantë.

Në ditëlindjen e babës, Mbretit Leka I, dekorohet gjyshja ime, Nëna Mbretëreshë Geraldina, Mbretëresha e parë e të gjithë Shqiptarëve.

Nderi është i madh dhe ju falenderoj, që ma dhatë këtë mundësi, mua, trashëgimtarit më të ri të Familjes Mbretërore Shqiptare.

Të gjithë e kemi një origjinë. Si Shqiptarë, kemi të përbashkët Shqipërinë, Kombin Shqiptar.

Është në nderin tonë që emrin e shqiptarit ta mbajmë me krenari, me dinjitet.

Ky është mesazhi i ditës së sotme. Edhe i ditëve që do të vijnë.

Rroftë Kombi Shqiptar!

Ju faleminderit!

Fjala e z.Eqerem Spahiu në "Hotel Dajti" me rastin e ditëlindjes së Mbretit Leka I

Monarkisë i shtohet edhe një gëzim tjetër

Të nderuar drejtues të partive politike

Të nderuar zotërinj deputetë

Të nderuar zotërinj të trupit diplomatik

Të nderuar legalistë dhe mbretërorë

Të nderuar miq dhe të ftuar

Zonja dhe zotërinj!

Fati e solli që muaji prill të ketë ditë të gëzuara dhe të hidhëruara për Shqipërinë, por në veçanti për ne mbretërorët dhe legalistët.

Më 5 prill 1939 lindi princi trashëgimtar Leka. Sot Ai mbush 65 vjet dhe i urojmë Mbretit Leka i Parë, jetë të gjatë dhe të lumtur në dobi të Shqipërisë dhë të kombit shqiptar!

7 prill 1939, Italia fashiste pushtoi Shqipërinë, megjithë rezistencën e ushtrisë shqiptare.

9 prill 1961, ndërroi jetë në Paris, Mbreti i Shqiptarëve Zogu i Parë.

11 prill 1961, mbas betimit, merr kurorën mbretërore Mbreti Leka i Parë.

12 prill 1997, kthehet në atdhe Mbreti Leka i Parë ku merr pjesë në fushatën e referendumit për formën e regjimit.

27 prill 1938, Mbreti Zog i Parë martohet me Konteshën hungareze Geraldina Appony. Në këtë ditë Ajo merr shtetësinë shqiptare dhe shpallet Mbretëresha e Shqiptarëve.

Fati i mirë e solli që prillit iu shtua edhe një datë tjetër e shënuar, sikur është dita e sotme që kreu i shtetit shkëlqesia e tij z.Alfred Moisiu, dekoron Nënën Mbretëreshë Geraldina. Ky dekorim është vlerësim që i bëhet jo vetëm Nënës Mbretëreshë Geraldina, por edhe Familjes Mbretërore shqiptare, e cila është një vlerë dhe pasuri kombëtare.

Para se t'ia japim fjalën Sekretarit të Përgjithshëm të Presidencës, përshëndet kryetari i Senatit të Veteranëve të PLL, z.Ali Ohri.

Tani Sekretari i Përgjithshëm i Presidencës z.Filip Rrumbullaku do të përcjellë mesazhin e dekorimit në emër të kreut të shtetit shkëlqesisë së tij z.Alfred Moisiu.

Ju ftojmë të vazhdojmë bashkëbisedimin në koktejin e organizuar më ketë rast.

Fjala e kryetarit të Senatit të Veteranëve të PLL z.Ali Ohri

5 prilli, gur themeli në Dinastinë Mbretërore

Të nderuar Zonja dhe Zotërinj!

Mirë se erdhët në këtë takim, me rastin e 65 vjetorit të lindjes së Naltmadhnisë së Tij Mbretit Leka I-rë.

Kjo ditë nuk është si çdo datëlindje e zakonshme se, me lindjen e Princit Leka, u vu guri i parë në themelet e krijimit të Dinastisë Mbretërore Shqiptare, prandaj ky lajm u prit me hare dhe gëzim të madh nga populli shqiptar.

Deri në fundin e Luftës së Dytë Botërore të gjithë shtetet ballkanike ishin monarki, por me një veçori, se tre nga shtetet, si Greqia, Bullgaria dhe Rumania drejtoheshin nga familje mbretërore me origjinë gjermane, ashtu siç deshën të bëjnë edhe me Shqipërinë me ardhjen e Princ Vidit.

Këtë radhë në Shqipëri, Mbreti u kurorëzua me vendim të Asamblesë Kombëtare, që përfaqësonte dëshirën e popullit.

Në fakt, Shqipëria, që kur mori pavarësinë u konsiderua monarki. Këtë e vertetoi edhe Kongresi i Lushnjes më 1920, përderisa në krye të shtetit u caktua një Këshill i Naltë i Regjencës prej katër personash, të zgjedhur nga të tre besimet fetare që besohen në Shqipëri.

Që nga shkurti i vitit 1920 e deri në fund të dhjetorit 1924, gjendja nuk ishte aspak e qetë dhe e sigurt. As shpallja e republikës nuk jepte garanci për një rend të qetë dhe një zhvillim të rregullt me ato kushte dhe gjendjen në të cilën ishte populli ynë. Ku nuk kishte njerëz me arsim fillor sa ka sot me arsim të lartë. Vendi ishte pa rrugë automobilistike dhe infrastrukturë, kështu që monarkia ishte një domosdoshmëri, dhe, fakti e vertetoi se si u zhvillua Shqipëria në ato 10 vjet të Monarkisë.

Nuk dëshiroj të zgjatem më shumë dhe të bëj histori. Pra nuk më mbetet tjetër veçse t'ju falenderoj për pjesëmarrjen dhe T'i urojmë nga zemra Madhërisë së Tij Mbretit Leka jetë të gjatë dhe kurorëzimin e idealit të Tij për të mirën e Kombit tonë të shtrenjtë.

Ju faleminderit

Urim për ditëlindjen e Mbretit nga ana e Sekretarit të Marrëdhënieve me Jashtë të PLL z.Sulejman Gjanaj

Diaspora, urime Mbretit për 5 Prillin

NMT Mbretit Leka I

Oborri Mbretnor Shqiptar

Tiranë

Nalt Madhëni

Ju shkruaj sot këtë letër me rastin e 65 vjetorit Tuaj, për t'Ju uruar, në emër të të gjithë legalistëve dhe mbretnorëve shqiptarë që jetojnë jashtë atdheut: - Për shumë vjet ditëlindjen Tuaj!

Ju urojmë jetë të gjatë dhe të lumtur familjare, shëndet dhe gëzime të gjithanshme.

Veçanërisht urojmë që ky vit të jetë viti i realizimit të aspiratave tona kombëtare me rikthimin e Mbretnisë shqiptare me Madhërinë Tuaj në Fronin Mbretnor.

Përfitoj nga ky rast për t'Ju dërguar edhe urimet e mia personale dhe familjare me rastin e ditëlindjes Suaj.

Ju lutem të pranoni Nalt Madhëni, shprehjen e konsideratës sonë më të lartë.

Mbetem Nalt Madhëni gjithmonë besnik dhe sakrifikues i Juaj.

Sulejman Gjanaj

Sekretar për Marrëdhëniet me Jashtë i PLL

Deklaratë për mediat e Zyrës së Shtypit të Oborrit Mbretëror

Rrëzimi i rezolutës çame, veprim antikombëtar

Çështja e popullsisë shqiptare të Çamërisë kërkon një alternativë të re dhe ajo do të mbetet një çështje e hapur dhe e shtruar për zgjidhje.

Zyra e Shtypit të Oborrit Mbretëror

TIRANË

Nëpërmjet prononcimeve të ndryshme në sistemin mediatik shqiptar, Oborri Mbretëror dhe vet NMT, Leka i I-rë, është deklaruar se, "Trajtimi i çështjeve të pazgjidhura të popullsisë shqiptare të Çamërisë, që përbëhet nga popullsia çame ortodokse, që jeton në Greqi dhe nga popullsia çame muslymane, e dëbuar forcërisht nga vendi i tyre, është një çështje e hapur dhe e shtruar për zgjidhje".

Oborri Mbretëror ka deklaruar edhe më parë se, hapi i parë për zgjidhjen e çështjes së popullsisë shqiptare të Çamërisë, është abrogimi i "Ligjit të Luftës", i cili mbahet juridikisht në mënyrën më absurde nga Greqia. Nëpërmjet përfaqësuesve në Kuvendin e Shqipërisë, është bërë e mundur, ndryshimi i përmbajtjes së Projekt Rezolutës së parë, duke vlerësuar interesat tona kombëtare.

Opinioni publik shqiptar e ka pritur me zemërim vendimin për mosmiratimin e kësaj Projekt Rezolute. Shumë personalitete kanë dënuar ndërhyrjen e segmenteve të shetit grek dhe mungesën e përgjegjësisë kombëtare, të një pjese të deputetëve shqiptarë, të cilët me vendimin e tyre, nuk kanë marrë për bazë shqyrtimin që i ka bërë këtij problemi, Parlamenti Europian dhe Kongresi Amerikan, të cilët kanë dënuar genoncidin kolektiv dhe kanë kërkuar zgjidhjen e çështjes së popullsisë shqiptare të Çamërisë.

Me indinjatë mësojmë faktin, mbi vendimin e Parlamentit Shqiptar për rrëzimin e Projekt - Rezolutës, për çështjen e popullsisë shqiptare të Çamërisë dhe të zgjidhjes së problemeve të pronave të tyre në Greqi.

Me indinjatë gjithashtu, jemi njohur me dhunën e ushtruar nga strukturat e shtetit shqiptar mbi protestuesit demostrues, përpara Parlamentit të Shqipërisë.

Mbështetur në këtë realitet të zymtë, që ka sjellë një situatë të rëndë politike dhe sociale, përkundër trajtimit dhe vlerësimit të çështjeve të rëndësishme të pazgjidhura të Strategjisë sonë Kombëtare, Zyra e Shtypit pranë Oborrit Mbretëror deklaron:

1. Oborri Mbretëror denoncon vendimin e Parlamentit Shqiptar për rrëzimin e Projekt - Rezolutës mbi çështjen e popullsisë shqiptare të Çamërisë, duke e quajtur atë një vendim të turpshëm dhe antikombëtar. Me këtë vendim, ne kuptojmë se, Kuvendi i Shqipërisë u gjunjëzua përpara presioneve të Qeverisë dhe të Parlamentit Grek, duke treguar se politika shqiptare, është e papërgatitur të përballojë situata dhe sfida të rëndësishme, në interes të zgjdhjes së problemeve kombëtare.

2. Oborri Mbretëror deklaron se, pavarësisht vendimit absurd dhe të papranueshëm të Parlamentit Shqiptar, çështja e popullsisë shqiptare të Çamërisë, kërkon inisiativa të reja politike me alternativa të zgjidhëshme, për vazhdimin me këmëngulje të luftës dhe përpjekjeve me të gjitha mjetet demokratike, për zgjidhjen e këtij problemi, pjesë e Strategjisë sonë Kombëtare.

3. Oborri Mbretëror, tërheq vëmendjen e tërë opinionit publik dhe njëkohësisht beson, se insitucionet më të larta të shtetit shqiptar, që janë garant të interesave tona kombëtare, do ta risjellin për shqyrtim çështjen e popullsisë shqiptare të Çamërisë, duke bërë të mundur zgjidhjen e tij në rrugë demokratike, larg ndërhyrjeve dhe presioneve.

Reagimi popullor për vendimin e turpshëm dhe absurd të Kuvendit të Shqipërisë, sjell në vëmëndjen e faktorit politik dhe tërë kombit shqiptar se, ky problem në të ardhmen mbetet një çështje e shtruar për zgjidhje.

Zyra e Shtypit pranë Oborrit Mbretënor

Tiranë 9 prill 2004

PARLAMENTI

Opozita radikalizon qendrimet

Opozita radikalizon qendrimet

Spahiu: Deputetët opozitarë të ngujohen në Parlament deri në rrëzimin e Nanos

Paraditën e së premtes, më datë 9 prill 2004, në një nga sallat e Kryesisë së Kuvendit, u zhvillua një mbledhje e deputetëve të opozitës, e cila kryesohej nga paneli opozitar i përbërë nga kryetarët e grupeve parlamentare. Kjo tryezë e drejtuar nga kryetari i PD, z.Berisha, u konsiderua nga organizatorët si përfaqësim i pjesshëm i Tryezës së Lëvizjes "Nano Ik" dhe kishte si qëllim shqyrtimin e raportit të fundit të KE dhe detyrat që i dilnin spektrit parlamentar dhe mbarë opozitës, në kuadër të intensifikimit dhe motivimit të mëtejshëm politik të Lëvizjes Mbarëpopullore "Nano Ik".

Në këtë takim e mori fjalën edhe kryetari i PLL dhe njëkohësisht kryetar i grupit parlamentar të Legalitetit, deputeti Ekrem Spahiu, i cili deklaroi: "Raporti tejet i ashpër dhe kritik i KE, adresuar qeverisë Nano, për ne legalistët dhe për mbarë shqiptarët, nuk përbën surprizë dhe nuk sjell ndonjë të re, përveçse vërteton konkluzionet e njohura dhe të artikuluara nga opozita që prej 7 vjetësh.

Me mosmiratimin nga maxhoranca të Rezolutës për çeshtjen Çame, Shqipëria ka humbur edhe sovranitetin politik të shtetit të saj dhe të legjislativit shqiptar. Kështu kjo maxhorancë doli hapur edhe kundër interesave dhe Çeshtjes kombëtare, dhe s'ka kuptim të presim prej saj dhe Qeverisë Nano - që të na integrojnë në Evropë!!!.

Prandaj, në kuadër të këtyre zhvillimeve negative dhe të Lëvizjes politiko-qytetare "Nano Ik", në emër të PLL dhe deputetëve legalistë i propozoj kësaj tryeze të partive parlamentare që, çdo të mërkurë, në Tiranë dhe qytetet e tjera, të bllokojmë sheshet, ndërsa, çdo të enjte, deputetët e opozitës të braktisin punimet e seancave të parlamentit dhe të ngujohen në Kuvend - deri në rrëzimin e Qeverisë Nano dhe largimin e Nanos si kryeministër.

Vetëm kjo do t'i jepte fund manovrave mediatike të Nanos, i cili spekullon me faktorët ndërkombëtarë, me anë të takimeve të sajuara dhe fotove nëpër media, për të mashtruar shqiptarët me gjoja 'mbështetjen ndërkombëtare' dhe për të qëndruar në pushtet".

***

Ky propozim i z.Spahiu u mbështet nga deputeti dhe njëkohësisht kryetar i Partisë Demokristiane, z.Nikollë Lesi, i cili, ndër të tjera tha në fjalën e tij: "Opozita nuk duhet të mbetet më vetëm në fazën e konstatimit të kritikave të raportit të KE. Unë jam partizan i idesë së forcës. Kur kanalet e demokracisë janë bllokuar nga politika e lidhur me Mafian, nga qeveria e blerë prej saj dhe përfaqësuese e saj, sikundër tha edhe z.Berisha, kur maxhoranca është blerë nga mafia e lidhur me shtetin fqinj jugor, dhe që arriti dje të bllokojë edhe rezolutën për çeshtjen Çame, atëherë opozitës nuk i mbetet gjë tjetër përveçse të tregojë forcë. Dhe të tregosh forcë nuk do të thotë dhunë. Forcë do të thotë të tregosh vendosmëri deri në rrëzimin e Nanos me protesta të fuqishme.

Prandaj jam plotësisht dakort dhe e mbështes propozimin e z.Spahiu, dhe, me këtë rast i bëj thirrje z.Berisha që ta mbështesim propozimin e z.Spahiu dhe ta vëmë në jetë atë me protesta të fuqishme dhe me ngujimin e deputetëve, deri në largimin e Nanos".

A.K.

Fjala e deputetit Ethem Fezollari në debatin për Raportin e Bankës së Shqipërisë

Ja spekullimet e Guvernatorit Cani

I nderuari Kryetar!

Të nderuar deputetë!

Në Raportin e Guvematorit i bëhet një analizë e hollësishme inflacionit. Nga analiza mësojmë se në Shqipëri ka disa vite me radhë që inflacioni nuk është i rrezikshëm për ekonominë dhe popullin.

Por unë pyes, të nderuar deputetë:

Si është arritur kjo përqindje e ulët e inflacionit? Kam mendimin që Guvernatori nuk bën një analizë të thellë ekonomike për të treguar të gjithë faktorët që sjellin uljen e inflacionit. Sipas analizës që i bëj unë tabelës të botuar në faqen numër 3 të Raportit të Bankës së Shqipërisë, ku paraqiten treguesit makroekonomikë, niveli i ulët i inflacionit nuk ka ardhur si rezultat i një zhvillimi normal të ekonomisë, por edhe si pasojë e pakësimit të investimeve në dy vitet e fundit.

Pse arrij në këtë përfundim? Sipas literaturës ekonomike dhe përvojës në ekonominë e tregut, niveli i inflacionit varet edhe nga investimet. Sa më shumë të investojë një qeveri, aq më shumë para do të ketë në qarkullim. Sa më shumë para në qarkullim, aq më shumë ngrihet edhe inflacioni.

Por çfarë ka ngjarë në ekonominë shqiptare vitet e fundit me investimet? Sipas ligjit të buxhetit të shtetit, në vitin 2002 janë planifikuar 51 miliardë lekë investime. Në vitin 2003 janë planifikuar rreth 49 miliardë lekë. Këtë vit vetëm 47 miliardë lekë. Pse janë planifikuar më pak investime nga njëri vit në tjetrin? Do të ishte një logjikë e pranueshme nëqoftëse në këto tre vite do të ishin pakësuar shpenzimet e buxhetit të shtetit. Në fakt kemi këtë tablo. Shpenzimet e buxhetit të shtetit në vitin 2002 ishin 192 miliardë lekë. Këtë vit janë 225 miliardë lekë.

Të guxosh të shpenzosh më shumë para dhe të ulësh nivelin e investimeve që në momentin e planifikimit të shpenzimeve buxhetore, do të thotë që qeveria me dashje mendon të mbajë nën kontroll inflacionin me rrugë administrative:

Të nderuar deputetë!

Do të ishte gjysma e së keqes, nëqoftëse paratë e planifikuara për investime do të realizoheshin deri në një. Në fakt, realizimi i investimeve dy vitet e fundit krijon një tablo të trishtuar.

Në vitin 2002, plani i investimeve u realizua 70 për qind. Kjo do të thotë se në tregun e punës u hodhën vetëm 36 miliardë lekë. Vitin e kaluar punët shkuan keq e më keq. Investimet u realizuan nën 35 miliardë lekë.

Të nderuar deputetë!

Në kohën kur kënaqemi me "lugë të zbrazët" për nivelin e ulët të inflacionit, çmimet po i varfërojnë nga dita në ditë shqiptarët. Shumë mallra në Shqipëri janë më të shtrenjta se në Itali a Greqi. Për të frenuar këtë rritje të çmendur të çmimeve, siç thotë Guvernatori, gjatë muajit dhjetor Banka e Shqipërisë organizoi një fushatë të gjerë propagandistike. Objektivi i bankierëve ishte t'i vinte fre spekullimit të tregtarëve me çmimet në prag të Vitit të Ri. Dhe, deri në njëfarë shkalle, kjo fushatë dha disa rezultate.

Por, të nderuar deputetë, unë mendoj se analiza e çmimeve mbeti në mes të rrugës. Çmimet nuk ngrihen vetëm në prag të festave. Sipas studimit që ka bërë vetë Banka e Shqipërisë, artikujt ushqimorë si vaji, djathi, sheqeri, orizi etj., kur kalojnë nga tregu me shumicë në tregun me pakicë, rriten çdo ditë.

Të nderuar deputetë!

Pse ngrihen çmimet? Duke qenë me profeson ekonomist, unë dua të tregoj sesi taksat ndikojnë drejtpërsëdrejti në ngritjen e çmimeve. Në korrik të vitit 1997, TVSH-ja u bë 20 për qind, nga 12,5 për qind që ishte. Me një të rënë të lapsit u rritën 7,5 për qind çmimet e dritave, të telefonit, të ujit, apartamenteve të banimit, biletat e tragetit etj..

Shqiptarët, duke mos e kuptuar këtë mekanizëm, e pranuan ngritjen e taksave. Në vitet në vazhdim, oreksi i qeverisë erdhi duke u shtuar. U ngritën taksat e tatimet. U "prodhuan" taksa e tatime të reja. Kështu lindi edhe "taksa Majko", një taksë patriotike për të ndërtuar rrugën Durrës-Kukës. (Këtë vit kjo taksë u përfshi në taksën e qarkullimit të automjeteve.) Po kështu u ngritën tarifat e energjisë elektrike, telefonisë etj.. Mirëpo taksat janë si puna e dardhës: "bishtin" e kanë nga prapa, domethënë tek çmimet. Dhe u rritën çmimet e naftës, benzinës, gazit për ngrohje e gatim, këpucëve, çimentos, gozhdëve, frigoriferëve. Mbeti pa u "cënuar" vetëm çmimi i ajrit!

Të nderuar deputetë!

Shumë teori janë thurur vitet e fundit për inflacionin. Ka ekonomistë të njohur që thonë se globalizimi i ekonomisë botërore ja ka ulur "peshën" inflacionit mes treguesve të tjerë makroekonomikë. "Pushtimi" i botës nga dollari dhe i Evropës nga euro, e ka bërë inflacionin më shumë tregues ndërkombëtar sesa kombëtar. Është fakt i njohur se, në dy dekadat e fundit, nuk kemi asnjë rast në botë ku krizat ekonomike të shoqërohen me hiperinflacion, siç ka ndodhur deri në vitet '70-të.

Në Shqipëri ndodh një fenomen i çuditshëm, që i ka shpëtuar vëmendjes së bankierëve dhe vetë Guvernatorit, zotit Cani. Në vendin tonë, veç lekut qarkullon edhe dollari me euro-n. Sipas ligjit, me valutë të huaj mund të bIesh shtëpi, makina, traktorë, bile të pish edhe një kafe a një birrë. Me dollarë ose euro bëhen pagesat në doganë ose në agjensitë e fluturimeve ajrore. Kjo praktikë e përdorimit të disa monedhave nuk ndodh në asnjë vend të botës.

Mendoni të nderuar deputetë, se çfarë do të ndodhte nëqoftëse nuk do të lejohej edhe në Shqipëri, si në çdo vend të botës, të ndalohej përdorimi në treg i dollarit dhe euros. Banka e Shqipërisë do të hidhte në treg miliarda kartmonedha të reja me lekë. Brenda ditës, sipas mendimit tim, do të kishim një rritje të madhe të inflacionit.

Duke e parë problemin si ekonimist, unë mendoj se duke pasur në qarkullim tre monedha, praktikisht edhe inflacioni shpërndahet mes tyre. Logjikisht inflacioni zyrtar i lekut nuk është real. Unë mendoj se Banka e Shqipërisë duhet të llogariti inflacionin real, duke e korigjuar me një koeficent për pjesën e inflacionit që merr dollari me eur-on. Në shikimin e parë duket sikur kemi të bëjmë me një problem monetar. Në fakt inflacioni në radhë të parë është problem social. Nga madhësia e inflacionit varet edhe indeksimi i rrogave dhe pensioneve; interesat e bankave për kursimet e qytetarëve etj..

Socialistët, prapë kundër interesave kombëtare, rrëzojnë rezolutën për Çamërinë

Greku qimen e ndërron por zakonin s'e harron

Çeshtja e popullsisë shqiptare të dëbuar nga Greqia, më në fund po bëhet çeshtje dite e politikës shqiptare. Deri më sot kjo çeshtje ka qenë në agjendat e partive nacionaliste të Shqipërisë, dhe nuk ka shkuar në nivelin e diskutimeve në parlament, pasi siç dihet politika ndërkombëtare nuk e favorizonte edhe aq. Por pas disa rezolutave të diskutuara në Senatin e SHBA dhe në Parlamentin Evropian, çeshtja çame hyri edhe në diskutimet e dy partive të mëdha të vendit PS e PD. Diskutimet nëpër komisione dhe në parlament, si dhe trysnia e bërë nga shoqata patriotike Çamëria, krijoi kushtet që parlamenti i Shqipërisë të vihej në kushtet për të aprovuar një rezolutë për popullsinë e Çamërisë të dëbuar me dhunë nga trojet stergjyshore.

Por ndodhi ajo që s'duhej të ndodhte, socialistët dhe përfaqësuesit e diasporës greke në Shqipëri, rrëzuan me vota këtë rezolutë e cila kërkonte shfuqizimin e ligjit të luftës që mban Greqia në fuqi sot e kësaj dite kundër Shqipërisë.

Pra deputetët kryen me vetëdije të plotë një akt tradhtie në dëm të interesave kombëtare.

Por çfarë është ky ligj lufte dhe si e trajtojnë grekët atë?

Janë bërë shumë shkrime rreth kësaj çeshtjeje, dhe do të vazhdojnë të bëhenm por ne sot në gazetë do të japim vetëm një përgjigje që jep Ministria e Jashtme e Greqisë ndaj Ambasadës sonë në Athinë, ku me një gjuhë diplomatike e rrufjane, i bën me dije se ligji i luftës është sot e kësaj dite në fuqi.

Tekstualisht në Notën e Ministrisë greke thuhet se "Në lidhje me Notën e Ambasadës No.131 Prot. të datës 18.06.1999, ka nderin ta informojë Ambasadën e nderuar se Ligjet Greke: Nr.2636 / 1940 dhe 4506 / 1966, janë sot e kësaj dite në fuqi."

Shkurt llafi grekët tregojnë se nuk kanë ndërmend ta heqin, shfuqizojnë apo abrogojnë atë ligj thellësisht antishqiptar. Megjithë fjalët e mira e deklaratat për miqësi, kur vjen puna te ligji i luftës, grekët nuk ndryshojnë qendrim. Kjo sjellje na ndërmend atë proverbën se "ujku qimen e ndërron, por zakonin s'e harron" e që në këtë rast mund të stilizohej në formën: "Greku qimen e ndërron, por zakonin s'e harron!"

Prandaj ishte një domosdoshmëri miratimi i asaj rezolute. Gjithsesi, leximi i Notës Verbale të ministrisë së Jashtme greke, sqaron shumë tymnaja e iluzione. Ky dokument është botuar para disa ditësh në gazetën "Koha Jonë" që del në Tiranë, prej nga e kemi marrë edhe ne.

N.Kolgjini

Ja si i përgjigjet Athina Tiranë në lidhje me ligjin e luftës së vitit 1040

Greqia: Ligjin e luftës e kemi ende në fuqi

Republika Helenike

Ministria e Punëve të Jashtme

E3 DIDDY

F.237/269

Notë Verbale

Ministria e Punëve të Jashtme të Republikës Helenike i paraqet nderimet e veta Ambasadës së Republikës së Shqipërisë, ndërsa në lidhje me Notën e Ambasadës No.131 Prot. të datës 18.06.1999, ka nderin ta informojë Ambasadën e nderuar se Ligjet Greke: Nr.2636 / 1940 dhe 4506 / 1966, janë sot e kësaj dite në fuqi.

Ministria e Punëve të Jashtme të Republikës Helenike shfrytëzon këtë rast, për t'i përsëritur Ambasadës së Republikës së Shqipërisë, sigurimet dhe konsideratat e saja më të larta.

Athinë, 28 qershor 1999

Ambasadës së Republikës së Shqipërisë Athinë

Hellenic Republic

Ministry of Foreign Affairs

E3 DIDDY

F.237/269

VERBAL NOTE

The Ministry of Foreign affairs of Hellenic Republic presents its compliments to the Embassy of the Republic of Albania and with reference to the Embassy's Note No 131 Prot. dated 18.061999 has the honor to inform the esteemed Embassy that the Greek Laws, No 2636 / 1940 and 4506 / 1966 are still in force.

The Ministry of Foreign Affairs of the Hellenic Republic avails itself of this opportunity to renew to the Embassy of the Republic of Albania the assurances of its highest consideration.

Athens, June 28, 1999

To the Embassy of the Republic of Albania, Athens*

INTERVISTA

Intervistë e NMT Leka I - Mbret i Shqiptareve, dhënë gazetës "Pavarësia" të Prishtinës

Mbreti: Asnjë skenar s'e ndal pavarësinë e Kosovës

Bashkimi i një kombi që është autokton në trojet e veta nuk është një herezi, por është një realitet që duhet pranuar. Një Lëvizje e re mbarëkombëtare është një forcë lëvizëse, që nuk ka synim vetëm Shqipërinë, por mbarë kombin shqiptar. Kjo lëvizje nuk bën lojëra të të tjerëve, por ajo synon Shqipërinë si komb - shtet dhe si shtet - komb. Ne mendojmë se kjo duhet të jetë një lëvizje e madhe mbi shinat e partive politike që e duan kombin dhe duke pasur për lokomotivë Shqipërinë.

Naltmadhëri, ju falenderojmë për mirësinë që patët për të na dhënë këtë intervistë për lexuesit shqiptarë të gazetës "Pavarësia" në Kosovë.

NMT Leka I: Edhe unë dua t'ju falenderoj për këtë bashkëbisedim me motrat dhe vëllezërit e Kosovës, nëpërmjet jush dhe Gazetës "Pavarësia", me këtë emër kaq simbolik, që shpreh dëshirën e të gjithë shqiptarëve.

Atëherë, le të nisim me pyetjet: Sipas mendimit tuaj, përse shqiptarët kanë kaq shumë halle edhe në këtë fillim shekulli, sikundër pjesën më të madhe të shekullit të kaluar?

NMT Leka I: Ne jemi një komb, që kemi ruajtur gjuhën tonë dhe Flamurin Kombëtar, duke kaluar përmes përplasjeve të mëdha të historisë europiane dhe ballkanike, shpesh edhe asaj botërore. E kemi ruajtur duke bërë qëndresë në trojet e të parëve tanë. Asnjëherë nuk kemi sulmuar ndonjë komb tjetër. Megjithatë, nuk jemi dëgjuar në ato veprimtari ndërkombëtare, ku është diskutuar edhe për fatin e trojeve shqiptare. Kështu ndodhi p.sh., me qëndresën dhe Vendimet historike të Lidhjes Shqiptare të Prizrenit, që ishte fillimi i shtetit mbarëkombëtar shqiptar. Ato nuk e kaluan pragun e Kongresit të Berlinit dhe të marrëveshjeve, që lidhen me të. Po kështu edhe fati i Kryengritjeve për Pavarësi, që nga Kaçaniku e Shkupi, deri tek Shkodra e Gjirokastra, të cilat sollën 28 Nëntorin e vitit 1912, kur Ismail Bej Vlora shpalli pavarësinë, me Isa Buletinin në krah. Por, fatkeqësisht, në Konferencën e Londrës, ku u diskutua përsëri fati i trojeve tona kombëtare, nuk u morën parasysh kërkesat mbarëkombëtare të popullit shqiptar. Prandaj kemi ardhur deri këtu.

Këto padrejtësi kërkojnë nevojën e korrigjimit përfundimtar, sepse kanë prishur zhvillimet normale të kombit shqiptar. Shenjat janë se ky korrigjim mund të fillojë me pavarësinë e Kosovës.

Le të flasim për hallet e sotme. Po ta gjykojmë me gjakftohtësi, tronditjet e shtetit dhe të institucioneve të tij, përballë "tërmeteve" që ka kaluar dhe po kalon Shqipëria tregojnë se ekzistojnë vakumet e historisë, që rrezikojnë të vrasin atdhedashurinë e të komprometojnë idealet kombëtare.

E krahasuar me disa periudha të mëparshme, nën efektet e një tranzicioni të tejzgjatur, po vihet re mospërputhja midis shtetit dhe kombit, midis pushtetit politik dhe shqiptarizmit, duke mbjellë krizën e besimit në popullin shqiptar.

Historia jonë ka treguar se këto realitete, kombi dhe shteti, kur janë bashkuar e kanë hyrë në harmoni me njeri tjetrin, kanë prodhuar fuqi, stabilitet dhe kanë shprehur kohezionin e duhur të shqiptarëve.

Historia na mëson se kombet bien dhe vdesin, kur gjithçka që është e domosdoshme, duket e pamundshme.

Ne mendojmë se faktoret motivues të ringritjes janë përsëri gjallë. Populli shqiptar është me vetëdije të lartë kombëtare. Ai mban kundrejt atdhedashurisë të njëjtin qëndrim e të njëjtin instikt, si kundrejt dritës. Për këtë ka mjaft dëshmi kulmore të historisë sonë kombëtare. Morali kombëtar dhe Ideali Kombëtar në politikën e sotme mbarëshqiptare është kërkesa kryesore, që duhet të shprehë zgjidhjen e problemeve të sotme dhe të së ardhmes për të gjithë shqiptarët.

Si i gjykoni ju ngjarjet e fundit në Kosovë? Pse ndodhën ato?

NMT Leka I: Ne e kemi ndjekur situatën më të fundit, duke dërguar edhe mesazhe ngushëllimi për të humburit padrejtësisht. Kemi dënuar dhunën. Por kemi shpjeguar se asnjë skenar nuk mund ta ndalojë pavarësinë e Kosovës, e cila tashmë po del se është e vonuar dhe duhet korrigjuar kjo vonesë e padrejtë. Strukturat paralele, planet për ndarje apo kantonizime, janë një kthim prapa dhe mbartin dhunë dhe luftë. Duhet të kuptohet më qartë edhe nga ndërkombëtarët se tani Kosova ka institucionet e veta, të zgjedhura me votën e lirë, që nga Presidenti, Parlamenti, Qeveria e deri tek komunat e kuvendet komunale. Është një strukturë e plotë e shtetësisë, që kërkon kompetencat për të vepruar. Nëse do të ndiqej kjo rrugë, Kosova do të sillte shembullin e fuqisë së popullit me vetëdije kombëtare, duke arritur standardet e vendeve më të zhvilluara të botës. Nuk ka nevojë për të bërë analiza më të gjata për situatën më të fundit, por edhe ditët që vijnë.

A mund të përparojë Kosova pa pasur atë për të cilën ka luftuar prej mbi 100 e ca vjetësh, pra pa pavarësinë?

NMT Leka I: Tashmë Kosova e ka pavarësinë. Duhet kryer akti zyrtar përkatës nga Komuniteti Ndërkombëtar. Por nga ana tjetër, të gjithë liderët politikë shqiptarë, të gjithë shqiptarët kemi nevojë t'i imponojmë Botës interesat tona kombëtare. Mbrojtja e interesave kombëtare, nuk presupozon neutralizëm, nacionalizëm, apo kundërshti. Kjo bindje përforcohet, kur për nevojat e politikave të jashtme dhe të sigurisë kombëtare, synohet konsensusi politik sa më i gjerë.

Një shtet - komb i qëndrueshëm, që përfaqëson interesa të përbashkëta për të gjitha ngjyrimet politike, duke synuar garantimin e integritetit territorial, rritjen e mirëqenies, të drejtat e njeriut, vlerat e çështjes kombëtare, nuk mund të pajtohet me interesa të pjesshme, vetëm si alternativa ideologjike apo gjoja interesa kombëtare. Ky do të ishte një spekullim i rëndë mbi kombin shqiptar. Jam kundër parrullave antikombëtare të "Shqipërisë së Madhe". Bashkimi i një kombi që është autokton në trojet e veta nuk është një herezi por është një realitet që duhet pranuar. Një Lëvizje e re mbarëkombëtare është një forcë lëvizëse, që nuk ka synim vetëm Shqipërinë, por mbarë kombin shqiptar. Kjo lëvizje nuk bën lojëra të të tjerëve, por ajo synon Shqipërinë si komb - shtet dhe si shtet - komb. Ne mendojmë se kjo duhet të jetë një lëvizje e madhe mbi shinat e partive politike që e duan kombin dhe duke pasur për lokomotivë Shqipërinë.

Kombi nuk është një prapagandë, por është themeli historik e kulturor i shtetit. Sot kjo është më tepër e domosdoshme se kurrë. Çështja kombëtare nuk mund të shmangë elitën drejtuese shqiptare kudo që ndodhet.

Çfarë u mungon sot shqiptarëve, sipas mendimit tuaj?

NMT Leka I: Ne vlerësojmë faktin që në këto vite të demokracisë në Shqipëri ka ndryshime pozitive. Por në këtë realitet, strukturat e shtetit shqiptar janë ende shumë larg kuptimit të thelbit të demokracisë. Por, fatkeqësisht, nuk ka moral kombëtar në politikën shqiptare.

Ne jetojmë në dekadën e depresionit të madh shpirtëror, të kushtëzuar nga fenomenet negative, të cilat provojnë humbjen e besimit dhe tendencat drejt rrënimit të psikologjisë sonë kombëtare. Një psikologji e sofistikuar mbytëse, terrorizuese e deri antikombëtare, po synon heshtjen, mënjanimin e mbylljen në vetvete të patriotëve dhe intelektualëve, duke iu dhënë mundësinë e dominimit të situatës njerëzve populistë, militantë, avokatë mbrojtës të së keqes.

Ne vlerësojmë se aktualisht Shqipëria po përjeton një tranzicion të gjatë dhe shumë të vështirë, i cili është një sajim me tendenca destabilizimi prej forcave jodashamirëse të kombit shqiptar, me prapavija të dyshimta politike. Këtë tranzicion të gjatë, ne e vlerësojmë si një rraskapitje të qëllimshme, për ta kaluar popullin shqiptar dhe inteligjencën e tij në gjendje të rëndë reanimacioni, për ta pasur më të lehtë në të ardhmen copëtimin moral - psikologjik dhe aneksimin e plotë ekonomik të Shqipërisë.

Përsa i përket qëndrimit të ndërkombëtarëve, ata do të fillojnë të mësohen me shqiptarë partnerë dhe do t'i harrojnë qeveritarët vasalë. Siç ka miq të kundërshtarëve tanë, kundër bashkimit gjithëshqiptar, ashtu ka edhe miq që e mbështesin këtë bashkim, i cili nuk është gjë tjetër veçse integrim.

Mendojmë se nuk do të jemi të huaj për diplomacitë perëndimore, por duhet të jemi realistë se ka edhe të tillë që nuk e duan Shqipërinë të bashkuar. Do të përpiqemi t'i bindim duke i shtruar në logjikën e ligjeve dhe akteve normative ndërkombëtare.

Po Shqipëria që e ka pavarësinë, pse ecën ende në rrugë të shtrembër?

NMT Leka I: Vendi sot ka nevojë për lidera atdhetarë, të cilët duhet të kuptojnë historinë e tij të djeshme dhe realitetet e sotme.

Ai nuk ka nevojë për mendje jo historike që sabotojnë arsyen historike, që kuptojnë politikën si hakmarrje dhe e shndërrojnë pushtetin në mjet të thellimit të përçarjes kombëtare. Këto e kanë çuar disa herë Shqipërinë në buzë të greminave dhe tragjedive të mëdha.

Për arsye që dihen, shqiptarët janë të vonuar në rrjedhën e historisë së tyre.

Ka ardhur koha, që ata të dinë të vlerësojnë një fitore të madhe, arritjen dhe formatimin e fitores së arsyes. Aktualisht politika e konfliktit, sipas konceptit të llogores "Ne" dhe "Ata", demagogjia, intriga, prapaskena, kulisat, lufta për pushtet, e kanë çuar elektoratin shqiptar në një klimë mërie dhe dhune, në pasivitet, në reagime negative, në humbje të shpresës, në zbehjen e ndjenjës kombëtare, duke e lënë vendin në një gjendje të varfëruar.

Shikoni se sa keq ka ndikuar politika. Edhe në politikë e në mort njerëzit janë ndarë, ata nuk dinë se si të veprojnë dhe në raste të tilla për faj të politikës. Të dy partitë politike kryesore janë të dala nga sistemi i Hoxhës dhe ato nuk bëjnë gjë tjetër veçse e kanë plaçkitur dhe vazhdojnë ta plaçkisin Shqipërinë.

Shqiptarët janë të pakënaqur dhe mendoj se ka ardhur koha që ata të lëvizin dhe vetë shqiptarët duhet ta ngrejnë Shqipërinë nga kjo gjendje katastrofike. Sot e gjithë Shqipëria është një piramidë. Në cilin vend të botës zë vend "leku shqiptar"?

Nuk mund të bëhet Shqipëria vetëm për një pjesë shqiptarësh që shtiren sikur bëjnë mirë punën e tyre për nxjerrjen e vendit nga anarkia.

Në këto rrethana komplekse, inteligjenca e vërtetë shqiptare të synojë të vrasë frikën, të zgjohet, të organizohet, për të sjellë ndryshime thelbësore. Të krijojë rrugën e njëjtë të mendimit progresiv intelektual, të mendimit dhe veprimit aktiv politik.

Ne duhet të shfrytëzojmë shansin historik të dhënë në mënyrë racionale, për t'u stabilizuar si popull dhe si komb. Kombi shqiptar e ka bërthamën e inteligjencës, që të inicojë një lëvizje sociale për ndryshime thelbësore, e konceptuar si një proçes i domosdoshëm, i organizuar dhe i motivuar, me përfshirje të të gjithë spektrit të politikës dhe të shoqërisë shqiptare, në interes të çështjeve madhore që ka sot vendi dhe kombi: shtetin ligjor të së drejtës, demokracinë si proçes, sigurinë kombëtare, ekonominë e zhvilluar (mirëqenien e popullit) dhe aspiratën shekullore për identitetin dhe bashkimin kombëtar, si një proçes i pakthyeshëm.

Ripërtëritja e moralit dhe kohezionit, sidomos ridimensionimi, ripërtëritja e edukimit dhe e formimit të unitetit kombëtar, është dhe duhet të mbetet detyra më urgjente, ku padyshim, kontributi i inteligjencës dhe i rinisë mbetet i artë dhe i pazëvendësueshëm.

Në këtë kah, sidomos apeli për intelektualët e atdhetarët, na fton për aksion e ndryshim. Ata nuk mund të presin gjatë përpara portës së kyçur të ardhshmërisë, duke ngrënë vetveten e duke pritur një tranzicion të tejzgjatur, që shterron e lodh vlerat vitale që forcojnë kombin.

A mund ta ndihmojnë njëra-tjetrën "dheu amë" dhe "dheu bijë"? Apo duhet të ecin përpara të veçuara dhe më tutje të shohin për projekte të tjera kombëtare?

NMT Leka I: Ne jemi një, natyrisht. Vetëkuptohet, një Shqipëri e fortë është mbështetje më e madhe për Kosovën. Edhe ana tjetër. Ndikimi i Kosovës u tregua në vitin e Luftës për Pavarësi, kur ndërgjegjja kombëtare forcoi ndjenjat e zemrës mes të gjithë shqiptarëve. Kështu mund të vazhdojë, jo vetëm sot, por edhe nesër. Liderat në Tiranë e në Prishtinë, duhet të jenë të ndërgjegjshëm për këtë kërkesë të domosdoshme, që shqiptarët tashmë kanë filluar ta realizojnë mes tyre.

Dhe në fund, çfarë fjalësh do t'u drejtonit tërë shqiptarëve dhe veçanërisht atyre në Kosovë si mbret i tërë shqiptarëve?

NMT Leka I: Nga zemra ju uroj paqe, dashuri dhe bashkim mes motrave dhe vëllezërve për realizimin e aspiratave tona kombëtare dhe për të rritur dinjitetin kombëtar shqiptar.

Ju falenderoj sërish, i nderuar Naltmadhni!

NMT Leka I: Edhe unë ju falenderoj në emër edhe të gjithë Familjes Mbretërore Shqiptare dhe besoj se do të shihemi së shpejti në Kosovë.

Intervistoi: Bujar Skëndaj

Tiranë më 4 prill 2004

DIASPORA

PD & PLL në Philadelphia: Mbështesim Lëvizjen "Nano Ik"

Në një mbledhje të zhvilluar në kishën katolike shqiptare, anëtarësohen 80 anëtarë të rinj në të dyja Degët; PLL dhe PD

Nën/Dega e PLL në shtetin e Filadelfia-s në SHBA, ka organizuar një takim me komunitetin shqiptaro-amerikan që jeton atje, takim në të cilin është konstituuar një bashkëpunim më i ngushtë mes dy Degëve partiake, PLL e PD. Burimet nga kjo mbledhje bëjnë të ditur se, në fund të saj, në dy Degët janë anëtarësuar rreth 80 anëtarë të rinj.

Ky tubim është zhvilluar më datë 20/3/2004 në një nga ambjentet e kishës katolike shqiptare, në qendër të qytetit të Philadelphia-s (SHBA), ku u krijua Dega e Partisë Demokratike shqiptare dhe u anëtarësuan edhe disa dhjetëra anëtarë të rinj në Nëndegën e Partisë "Lëvizja e Legalitetit".

Në këtë mbledhje të parë, të dyja partitë kritikuan ashpër politikën skllavëruese që po ndjek qeveria shqiptare me në krye Fatos Nanon. Të gjithë pjesëmarrësit që morën fjalën, dënuan qeverinë shqiptare që po vjedh popullin shqiptar, që mbështet krimin e organizuar, kontrabandën dhe korrupsionin në kurriz të popullit shqiptar, të cilin po e varfëron nga dita në ditë.

Në një deklaratë në fund të tubimit, thuhej se "Edhe ne, si parti PD edhe PLL, këtu në Philadelphia, mbështesim me të gjitha forcat opozitën (Bashkimi për Demokraci), me moton 'Nano Ik'."

Interesante ishte përbërja dhe niveli intelektual i anëtarëve të rinj të të dyja partive ku kishte biznesmenë të suksesshëm, inxhinierë, mjekë, mësues, ekonomistë e studentë.

Më poshtë po shkruajmë emrat e pjesëmarrësve dhe profesionin:

1.Nikolla Ikonomi PD mësues

2. Meri Ikonomi PD mësuese

3. Vergjil Ikonomi PD mësues

4. Skënder Elbasani PD ing. gjeolog

5. Sotiraq Vesho PD mekanik

6. Shpresa Vesho PD mekanike

7. Mikel Gjogu PD ing. tekstilesh

8. Marjeta Gjogu PD ekonomiste telekom

9. Edmond Polovina PLL jurist

10. Lulëzime Polovina PLL prodhuese nafte

11. Erkida Polovina PLL studente mjekësi

12. Engjell Tartari PD ing. mekanik

13. Pranvera Tartari PD teknike

14. Isak Melonashi PLL teknik gjeolog

15. Engjëllushe Melonashi PLL biznesmene

16. Hamza Barxha PD ing. metalurg

17. Jonilda Barxha PD mësuese

18. Erjon Odriçani PD student muzikant

19. Petraq Vojniku PD metematicien

20. Stela Vojniku PD teknike

21. Seri Dauti PD mekanik

22. Vasilika Dauti PD tekstiliste

23. Klodjan Alia PD student

24. Aida Alia PD studente

25. Fiqiri Skëndo PLL biznesmen

26. Dhurata Skëndo PLL ekonomiste

27. Shkëlqim Skëndo PLL saldator

28. Ylli Jupi PLL ing. elektrik

29. Mira Jupi PLL aktore

30. Valbona Tartari PD merceologe

31. Zana Haxhi PD financiere

32. Selman Kryethi PD oficer

33. Afërdita Kryethi PD mësuese

34. Seldi Kryethi PD student

35. Dritan Faria PD ing. gjeolog

36. Marinaqi Qose PD ekonomiste

37. Aleksandër Daka PD ekonomist

38. Miranda Daka PD ekonomiste

39. Sofie Daka PD ing. elektrike

40. Mihail Daka PD student biznes

41. Sotir Capo PD piktor i merituar

42. Athinulla Capo PD ing. kimiste

43. Thoma Capo PD student

44. Petraq Xoxe PLL mjek

45. Imelda Xoxe PLL farmaciste

46. Spiro Ndrio PD mekanik

47. Adile Ndrio PD mësuese

48. Vangjel Haxhistasa PD ing. kimist

49. Margarita Haxhistasa PD ing. kimiste

50. Sokol Zaloshnja PD teknik ndërtimi

51. Najada Zaloshnja PD arsimtare

52. Anastas Defto PLL mekanik

53. Luljeta Defto PLL agronome

54. Zihni Xhezo PLL arsimtar

55. Ervin Bilbili PLL student

56. Mirko Haxhistasa PD fizikant

57. Teuta Haxhistasa PD mjeke

58. Oneda Haxhistasa PD studente mjekësi

59. Aldi Haxhistasa PD student drejtësi

60. Çuman Çumani PLL mekanik (poet)

61. Miranda Çumani PLL infermiere

62. Rati Ibro PLL mësues

63. Kozma Profka PD arsimtar

64. Jetnor Boriçi PD student

65. Ilir Leskaj PD teknik nafte

66. Lefteri Leskaj PD prodhuese nafte

67. Pirro Vrusho PD teknik elektrik

68. Marçela Vrusho PD studente mjekësi

69. Adelina Vrusho PD tekstiliste

70. Eslida Vrusho PD studente farmaci

71. Evis Berisha PD biznesmen

72. Mimoza Stramako PLL arsimtare

73. Thonil Stramako PLL ekonomist

74. Arben Merko PD teknik gjeolog

75. Silvana Llogoni PLL mjeke dentiste

76. Blendi Çumani PLL student mjekësi

77. Lorenc Dembo PLL mekanik

78. Liljana Dembo PLL rrobaqepëse

79. Janaq Nati PLL montator

AKTIVITETE

Zhvilloi punimet konferenca VI-të e Degës së PLL Kurbin

Spahiu: Përvoja dhe cilësia juaj, garanci pë rezultate

Të dielën e kaluar, më datë 4 prill 2004, në një nga sallat e Pallatit të Kulturës së qytetit të Laçit, zhvilloi punimet Konferenca VI e Degës së PLL Kurbin. Në të merrrnin pjesë legalistë të moshave të ndryshme, nga të katër nëndegët. Për të ndjekur punimet e kësaj konference merrnin pjesë dhe kryetari i PLL z. Ekrem Spahiu, n/kryetari, z.Murat Basha, sekretari i Senatit të Veteranëve z.Seit Preni si dhe sekretari për Marrëdhëniet Ekonomike, z.Artan Tujani.

Pasi u nderua Himni Kombëtar, fjalën e hapjes e mbajti z.Gjergj Dodaj, i cili pasi bëri një përshëndetje të shkurtër dhe propozoi rendin e ditës, ia dha fjalën për të përshëndetur të ftuarve të partive të djathta dhe shoqatave lokale.

Kryetari i Degës lokale të PD, z.Gjergj Oroshi, pasi shprehu nderin, kënaqësinë dhe falenderimet për ftesën që i ishte bërë, dha përshëndetjet më të ngrohta për legalistët kurbinas dhe bëri urimet më të mira për mbarëvajtjen e Konferencës e të Legalitetit. Ai vazhdoi më tej duke numëruar të gjithë faktorët historikë dhe programorë që, sipas tij, duhet të bashkojnë të Djathtën, të cilat, po sipas tij "ishin më të shumtë se faktorët ndarës". Në emër të forcës politike që përfaqëson, ai u shpreh i gatshëm për një bashkëpunim edhe më të frytshëm në të ardhmen, mbi bazat e partneritetit.

Një përshëndetje tepër të ngrohtë bëri kryetari i PDr, z.Avni Martini. Duke ju drejtuar legalistëve ai tha se "duhet të jeni krenarë për të kaluarën tuaj, e cila nuk mund të krahasohet me asnjë parti tjetër, si nga mosha e krijimit ashtu edhe nga progresi dhe emri që i dhatë Shqipërisë". "80 vjet më parë, - vazhdoi ai, - Shqipëria nën drejtimin e të Madhit Ahmet Zogu ishte në Europë, me demokraci dhe kushtetutë, me reforma administrative, me të drejtë hyrjeje e daljeje të lirë dhe Kushtetutën më të përparuar në Ballkan, etj.."

Duke ju drejtuar drejtpërsëdrejti legalistëve, ai u tha atyre se ata (legalistët) "kishin një mision të madh - për të ringjallur të djathtën dhe begatuar Atdheun".

Konferencën e përshëndetën edhe të ftuar të tjerë.

Pastaj, rendi i ditës vazhdoi me raportin e rastit, të cilin, në emër të Komitetit Drejtues e lexoi kryetari i Degës, z.Esat Cakoni. Në raport thuhej se "gjatë periudhës shtator 2001-prill 2004, Dega e PLL Kurbin kishte zhvilluar aktivitete të ndryshme në shërbim dhe dobi të Partisë "Lëvizja e Legalitetit". Objektivat për këtë periudhë kishin qenë dhe mbeteshin organizimi dhe strukturimi i partisë në Degë, me individë, me bazë seksionesh dhe nëndegësh, thithja e intelektualëve me origjinë legaliste, ngritja e departamenteve dhe e forumeve, pranimet e reja në parti në bazë të statutit, duke u bazuar në njerëz me vlerë në përbërjen familjare dhe fisnore, si dhe vjelja e kuotave. Në ushtrim të detyrave funksionale dhe të udhëzimeve të dërguara nga qendra, Komiteti Drejtues i Degës kishte hartuar udhëzime më të hollësishme, kishte ngritur grupet e punës dhe kishte përcaktuar afatet kohore për pasqyrën e anëtarësisë; formularin me të dhëna në bazë lagjeje, pallati, shkalle, etj., skicimin për shtrirje territoriale me seksione, sipas qendrave të votimit. Në zbatim të kësaj skeme në nëndegën e Laçit ishin ngritur edhe gjashtë seksione të reja, dhe lista e anëtarësisë ishte shtuar me 46 anëtarë të rinj.

Në raport përmendej se në Degën PLL Kurbin ishin ngritur dhe funksiononin Departamenti i Organizimit, Senati i Veteranëve, Forumi i Rinise dhe ai i Gruas.

Më poshtë në raport flitej për analizat që ishin bërë në nëndegë për zgjedhjet e 12 tetorit dhe rezultatet rënëse në nëndegën e Milotit dhe atë të Mamurrasit.

Pas leximit të raportit e mori fjalën nënkryetari i PLL z.Murat Basha. Ai përmendi traditën e mirë të Degës së PLL Kurbin dhe theksoi se duhej te ecej në atë rrugë. "Nuk duhet të mjaftohemi vetën me fjalët e mira dhe me ate çfarë kemi bërë deri më tani, -tha ai, por duhet më shumë punë për shtrirjen e strukturave. Ne duhet të hapin dyert për intelektualët dhe duhet të vrapojmë së bashku me kohën". Ai vazhdoi duke thënë se "duhet të analizojmë me përgjegjësi të gjitha të metat dhe mosarritjet, dhe se analiza duhet të fillojë nga vetja". "Duhet kuptuar njëherë e mirë se në Legalitet ka demokraci, por ka edhe disiplinë". Ai foli edhe për rolin gjithnjë e në rritje të Legalitetit në politikën shqiptare, dhe përmendi kredencialet e larta që PLL ka sot.

***

Pas nënkryetarit legalist e mori fjalën Kryetari i PLL z.Spahiu, i cili në fillim të fjalës së tij falenderoi delegatët e konferencës VI të Degës së PLL Kurbin, drejtuesit e partive opozitare dhe